<a href="https://kyzylorda-news.kz/">Kyzylorda-news.kz.</a> Жаңа сандық салықты резидент емес компаниялар төлеуі тиіс болады, деп хабарлайды <a href="https://24.kz/kz/zha-aly-tar/ekonomika-zhnalyktary/item/416513-aza-standa-saly-ty-zha-a-t-ri-engizilui-m-mkin">“Хабар 24”</a>.
Яғни қазақстандықтарға қызметін электронды форматта көрсететіндер міндеттеледі. Олар салық төлеуші ретінде өздері тіркелуі тиіс. Бүгінде нарықта оннан астам отандық сауда алаңы жұмыс істейді. Салық алынатын қызметтер сапында бағдарламалық қамтамасыз ету құқығын сатып алу, компьютерлік ойындар, интернеттегі деректер базасы бар. Сондай-ақ электронды кітаптарды сатып алу, музыкалық және аудио шығармаларды тыңдау, көру де кіреді. Маркетинг және жарнама саласы да салықтан жалтара алмайды.
Мамандардың айтуынша, бастама қазақстандық және шетелдік компаниялардың бәсекелестігін арттырады. Ең бастысы, бюджетке жыл сайын 2 млрд теңге түсіп отырады деген болжам бар.

Қазақстанда салықтың жаңа түрі енгізілуі мүмкін

<a href="https://kyzylorda-news.kz/">Kyzylorda-news.kz.</a> Биыл қазақстандық түлектер арасында инженерлік мамандықтар танымал болды. Білім және ғылым министрлігі биыл медициналық жоғары оқу орындарына түсетін талапкерлердің саны өспегенін мәлімдеді.
Министрлік мәліметінше, маусым айында ҰБТ тапсыруға 131 754 өтініш түскен. Оның ішінде 83 мыңнан астам талапкер шекті балды жинап, жоғары оқу орындарына түсуге мүмкіндік алды. Былтырғымен салыстырғанда ҰБТ тапсыруға ниет білдірушілер саны 11% артқан.
Үміткерлердің үштен бірі математика-физика пәндерін таңдады – 33%, химия-биология – 20% және математика-география – 12%.
<a href="https://24.kz/kz/zha-aly-tar/bilim-zh-ne-ylym/item/416547-biyl-aza-standy-t-lekter-andaj-mamandy-tardy-k-p-ta-dady">“24 kz”</a>

Биыл қазақстандық түлектер қандай мамандықтарды көп таңдады?

<a href="https://kyzylorda-news.kz/">Kyzylorda-news.kz.</a> Синоптиктер 18-20 тамыз аралығындағы ауа райы болжамын ұсынды.
Қазгидромет мамандарының айтуынша, алдағы үш күннің синоптикалық жағдайы суық циклонмен анықталады.
Қазақстанның солтүстік жартысында күзгі температурамен бірге жаңбыр жауады. Кей жерлерде найзағай ойнап, дауылды жел тұрады, қатты жаңбыр, бұршақ күтіледі. Түнде және таңертең жекелеген аумақтарда тұман болжанады. Күндіз ауа температурасы 15-20 градусқа дейін төмендейді. Республиканың оңтүстік өңірлерінде де өткінші жаңбыр жауып, найзағай ойнайды. Күндіз температура 22-30-дан 30-35 жылыға дейін көтеріледі.

Алдағы үш күнде ауа райы қандай болады?

<a href="https://kyzylorda-news.kz/">Kyzylorda-news.kz.</a> Бүгін Қызылорда облысының әкімі Гүлшара Әбдіқалықова ҚР Парламенті Сенатының депутаты Ақмарал Әлназарованы қабылдады.
Аймақ басшысы сенаторды жауапты саяси қызметімен құттықтап, Ақмарал Шәріпбайқызының өңірдің әлеуметтік-экономикалық, қоғамдық-саяси қызметіндегі орнын ерекше атап өтті.
<blockquote>
 “Мемлекет үшін, Тәуелсіз Қазақстан үшін аянбай жемісті еңбек етіп, облыстың әлеуметтік-экономикалық дамуына қосқан үлесіңізді Сыр өңірі жұрты жақсы біледі және мақтан тұтады. Сізді Сыр халқының атынан Қазақстан Республикасының Парламенті Сенатының депутаты атануыңызбен тағы да құттықтай отырып, мемлекет мүддесі жолындағы еңбегіңізге толағай табыс, деніңізге саулық, отбасыңызға амандық тілеймін”, – деді облыс әкімі Гүлшара Әбдіқалықова.
</blockquote>
Ақмарал Шәріпбайқызы – облыстың әлеуметтік-экономикалық дамуына ерекше атсалысып, медицина саласына, халық денсаулығының нығаюына зор үлесін қосты.
Басқарма басшысы, облыс әкімінің орынбасары, облыстық мәслихатының хатшысы, «Нұр отан» партиясының Қызылорда облыстық филиалы төрағасы қызметтерін абыроймен атқара білді.Айта кетейік, ҚР Президенті Қасым-Жомарт Кемелұлы Тоқаевтың Жарлығына сәйкес, ағымдағы жылғы 12 тамызда республикада Қазақстан Республикасы Парламенті Сенатының депутаттарының сайлауы өткізілді. Өңірден сайлауға 5 кандидат ұсыным берді. Дауыс беру нәтижесімен Ақмарал Әлназарова 77.86% дауыс жинап, ҚР Парламенті Сенатының депутаты болып сайланды.
Кездесу соңында облыс әкімі Сенат депутатына құрмет білдіріп, тілектестігін жеткізді.
<img src="https://kyzylorda-news.kz/wp-content/uploads/2020/08/fb_img_1597642313475.jpg" alt="" />

Қызылорда облысының әкімі Сенат депутаты Ақмарал Әлназарованы қабылдады

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалы ішкіпартиялық іріктеу – праймеризге бүгіннен бастап құжаттар қабылдау басталғандығын хабарлады.
Праймериздің мақсаты – Парламент Мәжілісіндегі және мәслихаттағы тиімді депутаттық корпусты одан әрі қалыптастыру, партиялық желі бойынша ілгерілету, оларды мемлекеттік органдардағы лауазымдарға ұсыну үшін бәсекелестік күрес негізінде нақты және мықты көшбасшыларды анықтау.
Праймериз кезінде партиялықтармен партия бағдарламаларында өз шешімін табатын өзекті, нақты жергілікті мәселелер анықталатын болады.
Егер Сіз өңіріміздің тағдырына немқұрайлы болмасаңыз және Сіз оны жақсартқыңыз келсе – праймеризге қатысуға шақырамыз!
Іріктеуге жасы 20-дан асқан, сотталмаған Қазақстан Республикасының азаматтары қатыса алады.
Праймеризге қатысуға тек партия мүшелері ғана емес, сонымен қатар, партиялық емес, бірақ «Nur Otan» партиясына мүше болғысы келетіндер де қатыса алады.
Праймеризге қалай қатысуға болады?
1 қадам. Егер партия мүшесі болмасаңыз, «Nur Otan» партиясына кіру;
2 қадам. «Праймериз» ақпараттық жүйесіне тіркелу. Тіркеуді primaries.kz сілтемесі арқылы немесе Google Playжәне App Store-дан жүктеп алуға қолжетімді «Primaries» мобильді қосымшасы арқылы өтуге де&nbsp; болады;
3 қадам. Өтініш беру және қажетті құжаттарды сайтқа немесе қосымша арқылы жүктеу;
4 қадам. Өзінің онлайн өтінімін растау үшін үміткер аумақтық ұйымдастыру комитетіне жеке өзі келуі тиіс.
Сондай-ақ, өтінімді қалалық, аудандық партия филиалдары ұйымдастыру комитеттерінің мекен-жайы бойынша жеке ұсынуға болады:
Өтінімдер 2020 жылғы 17 тамыздың 9.00-ден 28 тамыздың 18:00-ге дейін қабылданады.

«Nur Otan»: Қызылордада праймеризге құжаттар қабылдау басталды

<a href="https://kyzylorda-news.kz/">Kyzylorda-news.kz.</a> Қызылорда облысы бойынша Экология департаменті облыстық табиғи ресурстар және табиғатты пайдалануды реттеу басқармасы, қалалық жергілікті полиция қызметкерлері және еріктілермен бірлесіп, су жағажайларында «Таза қала» жедел профилактикалық іс-шарасын өткізді.
Акция барысында Сырдария өзені жағалауында орналасқан ПМК-29 саяжай манындағы суға шомылу орындарында демалушыларға жаднамалар таратылып, қоршаған ортаны қорғау мақсатында демалушыларға қоқыс қалдырмауға азық-түлік, пластикалық қалдықтарды бей-берекет тастамауды және тиісінше сұрыптап жинау қажеттілігі түсіндіріліп, экологиялық мәдениетті насихаттау шаралары жүргізілді.
Сонымен қатар министрлікпен иесіз бей-берекет қалдықтар тастауға қатысты арыз-шағымдар қабылдау мақсатында жедел желі құрылды. Аталған желіге ағымдағы жылдың 17 шілдесінен бастап бүгінгі күнге дейін облыс бойынша 6 арыз-шағым тіркеліп, департаментпен тиісті жергілікті атқарушы органдарға аталған арыз-шағымдар бойынша мән-жайларды анықтап, бей-берекет орналасқан қалдықтар орындарын тазарту жұмыстарын жүргізу қажеттілігі жөніндегі хаттар жолданды.
Бүгінгі күні департаменттің жергілікті атқарушы органдармен бірлесе атқарған іс-шаралары нәтижесімен, тіркелген 6 арыз-шағым бойынша 5 орында бей-берекет тасталған қалдықтар орындары жойылып, тазарту жұмыстары жүргізілді.Алдағы уақытта бұл бағытта атқарылатын шаралар өз жалғасын табатын болады.
Еске сала кетсек, министрліктің жедел желі нөмірі: +7 (775) 952-49-00. «Whats app» әлеуметтік желісіндегі осы нөмір арқылы Қазақстанның кез-келген тұрғыны өз аймағындағы бей-берекет қалдықтар орындары туралы ақпараттарды, оны растайтын фотосурет пен бейнетүсірілімді жібере алады.
<img src="https://kyzylorda-news.kz/wp-content/uploads/2020/08/fb_img_1597636578493-1.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597636584403.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597636587051.jpg" alt="" />

Қызылордада &#8220;Таза қала&#8221; іс-шарасы өтті

<a href="https://kyzylorda-news.kz/">Kyzylorda-news.kz</a>. Қазақстанда теле, радиохабар тарату уақытша тоқтатылады. Бұл туралы “Қазтелерадио” АҚ-ның баспасөз қызметі хабарлады.
<blockquote>
 “2020 жылдың 19 тамызында сағат 03:00 мен 17:00 аралығында жерсеріктік, цифрлық және аналогты эфирлік желілердің техникалық құралдарындағы сервистер жабылып, жоспарлы-профилактикалық жұмыстар жүргізіледі. Осыған байланысты, Қазақстанның барлық аумағында телерадиоарналарды ретрансляциялау уақытша тоқтатылады”, – делінген хабарламада.
</blockquote>
«Қазтелерадио» АҚ тоқсан сайын жерсеріктік және эфирлік желілердің техникалық құралдарында сервистерді жаба отырып, жоспарлы-профилактикалық жұмыстар жүргізеді.
<blockquote>
 “Жоспарлы-профилактикалық жұмыстар телерадио хабарларын сапалы таратуды қамтамасыз ету үшін қажет, ал тоқсан сайынғы жоспарлы-профилактикалық жұмыстар сервисті ұзақ уақыт өшіруге мүмкіндік береді, сондықтан осы уақыт ішінде техникалық құралдарды жаңғырту бойынша қосымша жұмыстар да жүзеге асырылады”,- делінген хабарламада.
</blockquote>

Қазақстанда теле-радио хабар тарату уақытша тоқтатылады

<a href="https://kyzylorda-news.kz/">Kyzylorda-news.kz.</a> ҚР Спорт күні мерекесіне орай облыстық дене шынықтыру жəне спорт басқармасының ұйымдастыруымен кермеге тартылудан облыс біріншілігі өтті.
Онлайн жүйеде бірінші мəрте өткізілген жарыста қала мен аудандардан 18-23, 24-29 жəне 30-35 жас аралығында 40-тан аса спортшы бақ сынасты.
18-23 жас аралығында сайысқа түскендердің арасында І орынды Данияр Кеңесов жеңіп алса, Мағжан Абатбай екінші, Қанжарбек Əбділбаев үшінші орындарды иеленді.
24-29 жас аралығында өнер көрсеткен Ақберен Қуандықов облыс чемпионы атанса, Бауыржан Нұрманов ІІ орынды, Ғазиз Бектұрсын ІІІ орындарды еншіледі.
Ал 30-35 жас аралығында сынға түскен спортшылар арасында Жасұлан Сержановқа тең келер ешкім болмады. Мұрат Бөдеев күміс, Бауыржан Райсов қола жүлдеге ие болды.
Жеңімпаздарға медаль, дипломдар табысталды.

Сыр спортшылары бақ сынасты

<a href="https://kyzylorda-news.kz/">Kyzylorda-news.kz.</a> Бүгін елімізде карантин режимі жеңілдетіліп, біршама шектеулер алынып тасталды. Алайда қауіпті дерттен әлі де сақтануға тура келеді. Осыған орай Қызылорда облысының әкімі Гүлшара Әбдіхалықова Сыр жұртшылығын босаңсымауға шақырды.
Қымбатты жерлестер! ​Халқымыз “Ауру айтып келмейді” дейді.​ Дүниені дүрліктірген пандемия салдарынан қаншама адам індеттің ілмегіне ілікті, қаншасы өмірден өтті. Әлем халқының ешқайсысына да бұл оңай тиген жоқ.​ Коронавирус індеті бәсеңсіді деп мамыр айында арқамызды кеңге салғанымызбен, маусым айында ауру тіпті өршіп, пневмония құрбандарының саны көбейді. Олардың арасында талай даңқты тұлғалар, ет жақындарымыз бен достарымыз, әріптестеріміз бен таныстарымыз болды. Сондықтан, маусым айында карантин қайта жалғасып, ол 1 жарым айға созылды. ​Қазіргі таңда ауру саны азайып, қалыпты жағдайға келдік дегенімізбен де, коронавирус дерті әлемде жойылмай тұрған уақытта босаңсуымызға болмайды.​
Бүгіннен бастап карантиндік шектеу шаралары кезең-кезеңімен алынып тасталады, дегенмен, эпидемиологиялық жағдайды тұрақтандыру мақсатында демалыс күндері шектеу шаралары сақталады.
​Халқымыздың денсаулығын қорғау мақсатында індет толық жойылып, дерттен құлантаза айығып, қуанышты күндер туғанша отбасылық мерекелер, ас, той, мерейтой өткізу, ойын-сауық, спорттық, салтанатты және басқа да көпшілік шаралар ұйымдастыруға тыйым салынады. Маска режимі мен әлеуметтік арақашықтықты сақтау міндетті талабымыз болып қала береді.​
Бәріміздің азаматтық жауапкершілігіміз осындай кезеңде сыналады. Өзіміздің, отбасымыздың денсаулығының қауіпсіздігі үшін барлық шараларға түсіністікпен қарап, сабыр сақтауға, шыдамдылық танытуға шақырамын.​
Бірлігіміз бекем, тірлігіміз тату болса, бұл қиындықты да бірге жеңіп, бірге еңсереміз. Жақындарыңызға жанашыр болыңыздар!​ Біз біргеміз!

Гүлшара Әбдіхалықова: Коронавирус жойылмай тұрған уақытта босаңсуға болмайды

<a href="https://kyzylorda-news.kz/">Kyzylorda-news.kz.</a> Бүгіннен бастап карантин режимі жеңілдетілді.
17 тамыздан бастап барлық өңірлерде жұмысын қайта бастайтын кәсіпкерлік субъектілерінің қызмет түрлерінің тізбесі бекітілді. Атап айтар болсақ,
<ul>
<li>СОСО, сауда үйлері, сауда желілері, жабық базарлар (толымдылығы 30%-дан аспауы тиіс, 1 келушіге 4 шаршы метр);</li>
<li>сұлулық салондары, шаштараз, СПА орталықтары, косметологиялық қызмет көрсететін нысандар (алдын ала жазылу бойынша 1 келушіге 4 ш.м.);</li>
<li>бассейні жоқ фитнес орталықтары (толымдылығы 50%-дан аспауы тиіс, 1 келушіге 5 ш.м.), бассейні жоқ моншалар мен сауналар (толымдылығы 50%-дан аспауы тиіс, 1 келушіге 4 ш.м.);</li>
<li>балаларға арналған түзету кабинеттері, балалар және ересектерге білім беру орталықтары (топтарда — 5 адамнан артық емес, жазылу бойынша); мектепке дейінгі балалар мекемелерінің кезекші топтары (15 адамнан артық емес);</li>
<li>ашық ауадағы аттракциондар (қашықтықты сақтау, маска тағы, адамдар ағынын реттеу).</li>
</ul>
Айта кетейік, жұмыс берушілерге әлі де қызметкерлердің кемінде 80% үшін қашықтан жұмыс істеу форматын сақтау ұсынылады.

Қазақстанда карантин жеңілдетілді

Kyzylorda-news.kz. Қазақстан аумағының басым бөлігінде циклонның өтуімен байланысты ауа райы құбылмалы болады, деп хабарлайды Қазгидромет.
Кей жерлерде жаңбыр жауады, найзағай күтіледі, дауыл, бұршақ жаууы ықтимал. Тек оңтүстік және батыста ауа райы көбінесе жауын-шашынсыз болады. Республиканың батысында шаңды дауыл, солтүстігінде және орталық аймақтарында тұман күтіледі.
Ақмола, Түркістан, күндіз Алматы облыстарының кей жерлерінде найзағай күтіледі, жел 15-20 м/с күшейеді.
Жамбыл, Қарағанды, Қостанай облыстарының кей жерлерінде найзағай, дауыл күтіледі, жел 15-20 м/с күшейеді, бұршақ жаууы ықтимал. Қарағанды, Қостанай облыстарында тұман болады.
Қызылорда, Маңғыстау, Атырау, Шығыс Қазақстан облыстарының күндіз кей жерлерінде жел 15-20 м/с күшейеді, Атырау облысында шаңды дауыл, Маңғыстау облысының кей жерлерінде найзағай күтіледі.
Павлодар облысының кей жерлерінде, Батыс Қазақстан облысының солтүстігінде найзағай күтіледі, бұршақ жаууы ықтимал. Сонымен қатар бұл аймақтарда күндіз жел 15-20 м/с күшейеді.
Ақтөбе облысының кей жерлерінде найзағай күтіледі, дауыл, бұршақ жаууы ықтимал, күндіз кей жерлерінде жел 15-20 м/с күшейеді.
Алматы облысында күндіз қатты ыстық болжанады.
Атырау, Қызылорда, Түркістан, Жамбыл, Алматы облыстарының басым бөлігінде, Ақтөбе облысының шығысында, Қарағанды, Шығыс Қазақстан облыстарының оңтүстігінде төтенше өрт қаупі сақталады.

17 тамызға арналған ауа райы болжамы

<a href="https://kyzylorda-news.kz/">Kyzylorda-news.kz</a> ақпараттық агенттігінің 17 тамызға арналған жұлдыз-жорамалы.
Тоқты
Бүгін күніңіз жақсы өтеді. Өзіңізді жеңіл сезініп, барлық істі тез атқаратын боласыз. Сонымен қатар жаныңыздағы жандармен де тез тіл табысасыз.
Торпақ
Егер жұмысыңыз қаржымен тығыз байланысты болса, онда бүгін қызықты ұсыныстар түседі. Жаңа жұмыстан қорықпаңыз. Қайта білек сыбана кірісіңіз.
Егіздер
Сүйіктіңізге деген махаббатыңыз арта түседі. Дәл қазіргі сәтте сүйікті адамыңыз моральды және материалды тұрғыдан қолдауды қажет етеді.
Шаян
Күш-қуатыңыз азайып, иммунитетіңіз төмендейді. Соның салдарынан аздап сырқаттанып қалуыңыз да мүмкін. Дерттің алдын алу үшін спортпен шұғылданыңыз.
Арыстан
Қызықты күн болмақ. Отбасы – сіздің бар байлығыңыз. Шулы әрі, қызықты отбасылық мереке ұйымдастырасыз. Бірақ біреумен әзілдескенде абай болыңыз.
Бикеш
Көңіл-күйіңіз құбылмалы болады. Көңілшектігіңіз ұстап, көңіліңіз босайды. Ұстамды болыңыз. Сонымен қатар қарыздарыңыздан тез арада құтылуға тырысыңыз.
Таразы
Стратегиялық жоспар құруға қолайлы күн. Алдағы күндеріңізді жоспарлап, мақсатыңызға қарай бет аласыз. Тұралап қалған жұмыстарды аяқтайсыз.
Сарышаян
Таңертеңнен ерлі-зайыптылар арасында өзгелерге еліктеушілік пайда болады. Бірақ көп ұзамай өзіңіздің танытып жүрген қылығыңыздан шаршап, қалпыңызға түсесіз.
Мерген
Керемет күн. Мақсаттыңызға бір табан жақындайсыз. Достарыңыз көмек көрсететін болады. Жақын туыстарыңыз сізбен мақтанады.
Тауешкі
Нақты бір іске қаржы салсаңыз, пайдаға кенелесіз. Бірақ ең алдымен серіктестеріңіз сенімді болғанын қадағалаңыз. Күмәнді іске ақша салмаңыз.
Суқұйғыш
Отбасылық мәселелер туындап, сіз оларға мән бермеуге тырысасыз. Алайда шыдамыңыз таусылып, оларды шешуді қолға алуды жөн санайсыз.
Балықтар
Ішпыстырарлық күн. Бастығыңыз көп тапсырма беріп, оның орындалуын мұқият қадағалайтын болады. Тапсырманы жауапкершілікпен атқара біліңіз.

Қазақстан және Қызылорда облысының жаңалықтары

Қазақстанда салықтың жаңа түрі енгізілуі мүмкін

Биыл қазақстандық түлектер қандай мамандықтарды көп таңдады?

Алдағы үш күнде ауа райы қандай болады?

Қызылорда облысының әкімі Сенат депутаты Ақмарал Әлназарованы қабылдады

«Nur Otan»: Қызылордада праймеризге құжаттар қабылдау басталды

Қызылордада “Таза қала” іс-шарасы өтті

Қазақстанда теле-радио хабар тарату уақытша тоқтатылады

Сыр спортшылары бақ сынасты

Гүлшара Әбдіхалықова: Коронавирус жойылмай тұрған уақытта босаңсуға болмайды

Қазақстанда карантин жеңілдетілді

17 тамызға арналған ауа райы болжамы

Жұлдыздар не дейді?

Қазақстан және Қызылорда облысының жаңалықтары

Қазақстанда салықтың жаңа түрі енгізілуі мүмкін

Биыл қазақстандық түлектер қандай мамандықтарды көп таңдады?

Алдағы үш күнде ауа райы қандай болады?

Қызылорда облысының әкімі Сенат депутаты Ақмарал Әлназарованы қабылдады

«Nur Otan»: Қызылордада праймеризге құжаттар қабылдау басталды

Қызылордада &#8220;Таза қала&#8221; іс-шарасы өтті

Қазақстанда теле-радио хабар тарату уақытша тоқтатылады

Сыр спортшылары бақ сынасты

Гүлшара Әбдіхалықова: Коронавирус жойылмай тұрған уақытта босаңсуға болмайды

Қазақстанда карантин жеңілдетілді

17 тамызға арналған ауа райы болжамы

Жұлдыздар не дейді?

Қызылордада “Таза қала” іс-шарасы өтті