<a href="https://kyzylorda-news.kz/">Kyzylorda-news.kz</a>. Қызылордада тұрғындармен кері байланыс жасау мен азаматтардың құқықтарын қорғаудың негізгі құралдарының бірі болып табылатын партияның қоғамдық қабылдау бөлмелеріне келіп өтініш білдірушілердің саны толастаған емес. Әсіресе, «Nur Otan» партиясының қабылдауына келген тұрғындардың мәселесі оң шешімін табуда. Атап айтар болсақ, жуырда партияның облыстық филиалының қабылдауына келген қала тұрғыны Самал Байкенованың мәселесі өз шешімін тапты.
Самал Байкенова 2020 жылдың 22 желтоқсан күні облыстық партия филиалының сайлауалды штабының қоғамдық қабылдау бөлмесінде партия атынан депутаттыққа үміткер Нұридин Әмитовтың қабыладына келіп, өзінің жалғызбасты, жұмыссыз, пәтер жалдап тұратынын сонымен қатар, 2 баласының мүмкіндігі шектелуі екенін айтып, бронхиалды астма диагнозымен ауыратын 7 жасар ұлының тыныс алуына қажетті неволайзер аппаратын алып беруге көмек сұрайды.
Қызылорда облыстық көпбейінді медициналық орталығының директоры, облыстық мәслихаттағы «Nur Otan» партиясы депутаттық фракциясының мүшесі Нұридин Әмитов жалғызбасты ананың өтінішіне орай 7 жасар Құдіретке тыныс алу аппаратын алып беріп, оның тез сауығып кетуіне тілектестік білдірді.
Айта кетейік, облыс бойынша жыл басынан бері партияның қоғамдық қабылдау бөлмелеріне азаматтардан 64 өтініш түсіп, олардың 34,3 пайызы оң шешімін тапты.
<img src="https://kyzylorda-news.kz/wp-content/uploads/2021/01/whatsapp-image-2021-01-25-at-19.47.54-1.jpeg" alt="" />

«Nur Otan»: Қызылордада ана өтініші оң шешімін тапты

<a href="https://kyzylorda-news.kz/">Kyzylorda-news.kz</a>.&nbsp; Коронавирусқа қарсы вакцинация азаматтардың келісімімен ерікті түрде жасалады және 18 жасқа толмаған балаларға екпе салынбайды.
Бүгін ҚР Денсаулық сақтау министрлігіне ҚР ДСМ санитарлық-эпидемиологиялық бақылау комитетінің өкілдері мектеп жасындағы балаларды вакцинациялау мәселелері бойынша азаматтардың өтінішіне байланысты COVID-19 вакцинациясының тәртібі мен ережесін түсіндірді.
«Халық денсаулығы туралы» Кодекстің 77-бабы негізінде кез келген екпе, оның ішінде коронавирус инфекциясына қарсы вакцинация ерікті түрде жүзеге асырылады. Азаматтар вакцинациядан жазбаша түрде бас тартуға құқылы.
18 жасқа толмаған балалар мен 65 жастан асқан адамдарға вакцинаның тиімділігі мен қауіпсіздігі туралы мәлімет жоқ, сондықтан бұл жастағыларға екпе салынбайды.
КВИ-ге қарсы вакцинация эпидемиологиялық маңыздылығын ескере отырып, кезең-кезеңімен тегін медициналық көмектің кепілдік берілген көлемі шеңберінде жүргізіледі.
1 ақпанда басталатын бірінші кезеңде инфекциялық аурухана, жедел медициналық жәрдем, реанимация және қабылдау бөлмелері, санэпидқызметтің медицина қызметкерлері вакцинациялана алады.
1 наурызда басталатын екінші кезеңде жалпы білім беретін мектептердің, ЖОО-дың, педагогтер, медициналық қызмет қызметкерлері.
1 сәуірден бастап үшінші кезеңде: мектеп-интернаттардың, мектепке дейінгі балалар мекемелерінің педагогтары, студенттер және созылмалы аурулары бар адамдар егу салдырады.Еске салсақ, бұған дейін Қазақстанда коронавирусқа қарсы вакцина 1 ақпаннан бастап&nbsp;егілетіндігі хабарланды.
<a href="https://lenta.inform.kz/kz/18-zhaska-tolmagan-balalarga-koronaviruska-karsy-ekpe-salynbaydy-ministrlik_a3745095">ҚазАқпарат</a>

18 жасқа толмаған балаларға коронавирусқа қарсы екпе салынбайды &#8211; министрлік

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 1445 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 265,
Алматы қаласы – 175,
Шымкент қаласы – 11,
Ақмола облысы – 70,
Ақтөбе облысы – 18,
Алматы облысы – 104,
Атырау облысы – 51,
Шығыс Қазақстан облысы – 18,
Жамбыл облысы – 37,
Батыс Қазақстан облысы – 68,
Қарағанды облысы – 56,
Қостанай облысы – 187,
Қызылорда облысы – 12,
Маңғыстау облысы – 6,
Павлодар облысы – 163,
Солтүстік Қазақстан облысы – 183,
Түркістан облысы – 21.
Қазақстан бойынша жазылғандар саны – 161 758.

12 қызылордалық коронавирустан жазылып шықты

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 1266 адамда коронавирус індеті ПТР арқылы расталып ауырғаны белгілі болды.
Аймақтар бойынша:
Нұр-Сұлтан қаласы – 91,
Алматы қаласы – 132,
Шымкент қаласы – 7,
Ақмола облысы – 215,
Ақтөбе облысы – 0,
Алматы облысы – 71,
Атырау облысы – 84,
Шығыс Қазақстан облысы – 45,
Жамбыл облысы – 21,
Батыс Қазақстан облысы – 97,
Қарағанды облысы – 79,
Қостанай облысы – 104,
Қызылорда облысы – 3,
Маңғыстау облысы – 2,
Павлодар облысы – 197,
Солтүстік Қазақстан облысы – 110,
Түркістан облысы – 8.
Жалпы ел бойынша ауырғандар саны – 179 720.

Қызылордада 3 адам коронавирус жұқтырды

<a href="https://kyzylorda-news.kz/">Kyzylorda-news.kz</a>.&nbsp; Республиканың солтүстік, орталық және шығыс аймақтарына атмосфералық форнтальды бөліктер әсер етеді, осыған байланысты тұрақсыз ауа райы сақталады, қар жауады.
Кей жерлерінде тұман, жаяу бұрқасын, желдің күшеюі, оңтүстік батыста шаңды дауылмен, солтүстікте – көктайғақ күтіледі.
Қызылорда облысының кей жерлерінде тұман, күндіз жел 15-20 м/с күшейеді.

Сейсенбіге арналған ауа райы болжамы

*<a href="https://kyzylorda-news.kz/">Kyzylorda-news.kz</a>. Өңір экономикасын дамыту бағытында өткен жылы 265 жоба мақұлданды. Жобаның 89-ы іске асырылып, 1047 жұмыс орны ашылды. Мәселен қой, сиыр және жылқы етінен жасалған консерві, күріш, қарақұмық жармасы және арпа, балық, жүн-тері өңдеу және көрпе өндірісі, шұжық цехі өнімдерін шығаруда.*
<blockquote>
 “Экономиканы дамыту мақсатында іске асырылатын жобаларға талдау жасалып, 500-ге дейін арттыру көзделуде. Сондай-ақ, биыл 89,8 млн теңгені құрайтын 105 жоба іске асыру жоспарлануда. Нәтижесінде 2533 жұмыс орны құрылатын болады. Биыл ауыл тұрғындарының өмір сүру сапасын жақсарту мақсатында 13 инвестициялық жобаны іске асыруға республикалық бюджеттен 1,9 млрд теңге қаралды. Жоба аясында 3 307 тұрғын үйге газ желісі жүргізіледі. 26,6 шақырым көше жөндеуден өтеді. 117 жұмыс орыны құрылатын болады”, – деді облыстық экономика және бюджеттік жоспарлау басқармасының басшысы Нұрғали Қордабай.
</blockquote>

Қызылордада биыл 13 инвестициялық жоба жүзеге асырылады

Kyzylorda-news.kz. Қызылорда қаласындағы Т.Рысқұлов атындағы №222 орта мектебінің 9 сынып оқушылары “Мамандықты дұрыс таңдау – табысты өмірдің кілті” тақырыбында өз мамандығының білікті иесі атанған мектеп түлектерінің қызмет орнында болып, бір күндік жұмыс барысымен танысты.
Мектеп оқушылары бүгінде өз қызметінің, еңбегі мен ізденісінің нәтижесін көріп, көздеген мақсатына жеткен мектеп түлегі “Сыр Медиа ЖШС” бас директорының орынбасары Дәурен Омаровтың жұмыс орнында болып, БАҚ жұмысына қанықты. 
Кездесу барысында мектеп түлегі жеткен жетістіктері жайлы, оларды оқытқан ұстаздары туралы пікірлесіп, өздерінің іні-қарындастарына болашақта дұрыс мамандық таңдауға жол сілтеді.
Сондай-ақ, талапты шәкірттер журналистиканың қазанында қайнап, ыстық-суығына төзіп жүрген қаламгерлермен пікірлесті. “Kyzylorda-news.kz” ақпарат агенттігінің бас редакторы Нұрсұлтан Мықтыбаев пен облыстық “Сыр бойы” газетінің тілшісі Ержан Қожас мамандық таңдауда кеңес беріп, журналистика саласының қыр-сырын баяндады. Оқушылар толғандырған сұрақтарын қойып, тұщымды жауап алды.

Мектеп оқушылары &#8220;Сыр медиа&#8221; ЖШС жұмысымен танысты

<a href="https://kyzylorda-news.kz/">Kyzylorda-news.kz</a>. Президенттің «Халық үніне құлақ асатын мемлекет» тұжырымына сәйкес Қызылорда облыстық білім басқармасы ашықтық қағидатын берік ұстанады.
Ашықтықты қалыптастыруда әрбір білім беру ұйымдарының жеке деректер қоры мен бюджеттік көздері бірыңғай сайт арқылы қолжетімді. Бүгін бұл туралы облыстық білім басқармасының басшысы Ақзира Қасымова «Антикор» орталығында тікелей эфир арқылы брифингте мәлімдеді.
2019 жылдан бастап мемлекеттік қызмет істері және сыбайлас жемқорлыққа қарсы іс-қимыл агенттігі тарапынан сыбайлас жемқорлықтың алдын алу және халыққа ашықтық, қолжетімділікті ұйымдастыру мақсатында «Ашық бюджет интерактивті картасы» жобасы іске асырылды.
<blockquote>
 “Жоба аясында 2020 жылға бөлінген қаржы бойынша толық мәлімет https:publicbudget.kz сайтында жарияланған. Сайта басқарманың және басқармаға қарасты барлығы 35 мекеме, яғни 18 қазыналық кәсіпорын мен 17 мемлекеттік мекеме жеке кабинеттерін активациядан өткізіп қарай алады. Жобаның басты ерекшелігі – әр мекеменің функционалдық қызметтері, штат саны, ғимараттың жағдайы, жөндеу жұмыстары және тағы басқа мәліметтерін халыққа қолжетімді нысанда көруге мүмкіндік береді. Сонымен қатар, жыл көлемінде берілген қосымша қаржыға атқарылған іс-шаралар, мысалы «Жұмыспен қамтудың жол картасы» шеңберіндегі жүргізілген жөндеу жұмыстары, «Жас маман» жобасымен сатып алынған құрал-жабдықтарға бөлінген қосымша қаржылар туралы мәліметтермен толықтырылып отырылады”, – деді Ақзира Қасымова.
</blockquote>
<img src="https://kyzylorda-news.kz/wp-content/uploads/2021/01/142146788_1050142882155583_570176227821053231_o.jpg" alt="" />

Ақзира Қасымова: Білім беру ұйымдарының деректер қоры бірыңғай сайт арқылы қолжетімді

<a href="https://kyzylorda-news.kz/">Kyzylorda-news.kz</a>.&nbsp; «Отбасы» банкі enpf-otbasy.kz онлайн-платформасының жұмысын <a href="https://www.instagram.com/p/CKdQ3hdjs3v/">түсіндірді</a>.
«Enpf-otbasy.kz онлайн-платформасындағы сіздердің өтінімдеріңіз жойылса немесе жүйе соманы дөңгелектуіңізді сұраса, онда бұл бірнеше себептерге байланысты болуы мүмкін:
1. Егер қажет сома «0» деп көрсетілсе, онда сіздің өтініміңіз жойылады; 
2. Егер қаражат сомасы қосымша белгілермен көрсетілсе. 
Мысалы, «1.000.000» немесе «1000000,00» түріндегі сомаларды жүйе қабылдамай, дөңгелектуді сұрайды. 
Яғни соманы қосымша белгілерсіз «1000000» немесе «1234567» түрінде көрсету керек», – деді банк. 
Егер сіз бәрін дұрыс енгізген болсаңыз, жүйені жаңарту немесе қайта кіру керек. 
⠀ 
Онлайн платформада жұмыс жасау үшін сізге қолданыстағы ЭЦҚ және nclayer сертификаты қажет. Сертификаттарды Pki.gov.kz сайтынан жүктеп алсаңыз болады. 
Зейнетақы жинақтарын алу бойынша барлық іс – шаралар тек компьютерден немесе ноутбуктен тәулік бойы қолжетімді.

Зейнетақы жинағын пайдалану кезінде порталдағы өтініміңіз жойылса не істеу керек?

<a href="https://kyzylorda-news.kz/">Kyzylorda-news.kz</a>. Қызылордада 24-ші қаңтар күні қайтыс болған оқушыдан коронавирус инфекциясы анықталмаған. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық денсаулық сақтау басқармасының басшысы Сәбит Пазилов мәлімдеді.
<blockquote>
 “Қайтыс болған оқушы 2010 жылғы. Денесінде бөртпе пайда болып, ауырған. Бастапқыда үй жағдайында ем алған. Дәрігерге көрінгеннен кейін инфекциялық ауруханаға жатқызылды. Коронавирусқа қатысты сынама алынып, нәтижесі теріс болды. Сондықтан 19-шы қаңтарда көпбейінді балалар ауруханасына ауыстырылды. Республиканың білікті мамандарынан кеңес алынды. Өкінішке қарай 24-ші қаңтар күні оқушы қайтыс болды. Жүрек, өкпе жұмысының жеткіліксіздігі негізгі себеп болып отыр. Қосымша комиссия құрып, жұмыс істейтін боламыз, – деді Сәбит Пазилов.
 “Қызылорда қаласындағы №8 П.Осипенко атындағы мектептің 4-сынып оқушысы. Бала І оқу тоқсанынан бастап онлайн форматта қашықтан оқып келген. Оқушының оқу үлгеріміне қатысты айтарлықтай проблема туындаған емес. Қашықтан оқытуға байланысты бала электронды жабдықтармен қамтылған. Ұстаздары тарапынан баламен кері байланыс жұмыстары жүргізілген, – деді облыстық білім басқармасының басшысы Ақзира Қасымова.
</blockquote>
Қазіргі таңда облыс бойынша 89 258 оқушы (53%) қашықтан, 80 636 оқушы (47%) дәстүрлі білім алуда.

Қызылорда: 10 жастағы оқушы неден көз жұмды?

<a href="https://kyzylorda-news.kz/">Kyzylorda-news.kz</a>. 23 қаңтар күні Қызылорда қалалық Полиция басқармасына 24 жастағы Қызылорда&nbsp;қаласының тұрғыны арызданды.
Арызданушы 22 қаңтар күні кешкілік уақытта белгісіз ер азамат компьютерлік ойын клубының ішінде ұялы телефонын&nbsp;қоңырау шалу үшін сұрап алып, интернет-банкинг арқылы шоттағы 20 мың теңге ақшасын аударып алған. &nbsp;&nbsp;&nbsp;&nbsp;
Іздестіру жұмыстарының нәтижесінде 1998 жылы туған жұмыссыз қала тұрғыны ұсталды. &nbsp;&nbsp;&nbsp;
Қазіргі уақытта Қазақстан Республикасы Қылмыстық кодексінің 188-бабының 1-бөлігі (Ұрлық) бойынша сотқа дейінгі тергеу басталды. Күдіктіге қатысты ешқайда кетпеу және тиісті мінез-құлық туралы қолхат түріндегі бұлтартпау шарасы қолданылды.&nbsp;
Осы орайда, Қызылорда қаласының Полиция басқармасы алаяқтардың құрбаны болмас үшін азаматтардан қырағылық пен мұқияттылықты сақтауды сұрайды.

Қызылордада интернет-банкинг арқылы ақша аударған ұры ұсталды

<a href="https://kyzylorda-news.kz/">Kyzylorda-news.kz</a>. Қазақстан Республикасы Ұлттық Банкінің Ақша-кредит саясаты комитеті базалық мөлшерлемені жылдық 9,00% деңгейінде&nbsp;сақтау туралы шешім қабылдады, деп хабарлайды&nbsp;<a href="https://stan.kz/">Stan.kz</a>.
Тиісінше, өтімділікті қамтамасыз ету үшін тұрақты кіру операциялары бойынша ставка 10.00% және өтімділікті алу бойынша қолжетімді операциялар бойынша 8.00% құрайды.
<blockquote>
 “Шешім инфляцияны орта мерзімді кезеңде 4-6%-дық нысаналы дәлізге қайтару мақсатында қабылданып, тәуекелдер теңгерімінің проинфляциялық факторлар жағына қарай ығысуымен негізделді. Сыртқы және ішкі инфляциялық қысым ұлғайды, азық-түлік бағасының одан әрі көтерілу тәуекелі артты, инфляциялық күтулердің жоғарылауы байқалады. Сонымен қатар елде және әлемде коронавирустық инфекцияға байланысты белгісіздік сақталуда.”, – деп түсіндірді қаржылық реттеуші.
</blockquote>
Жылдық инфляция 2020 жылдың қорытындысы бойынша Ұлттық Банктің болжамына сәйкес қалыптасып, 7,5% болды.
Азық-түлік инфляциясы әлемдік баға мен ішкі өндірушілер бағасының серпініне байланысты майдың, жұмыртқаның, қанттың және көкөністердің айтарлықтай қымбаттауы нәтижесінде 11,3%-ға (ж/ж) дейін жылдамдады.
Азық-түлік емес инфляция 5,5% (ж/ж) болды. Киім, аяқ киім, ЖЖМ бағасының өсуі бәсеңдеген кезде эпидемиологиялық жағдайға, сондай-ақ қашықтан жұмыс істеу және оқу жағдайында сұраныстың сақталуына байланысты дәрі-дәрмектер, үй тұрмысындағы заттар мен тұрмыстық техниканың бағасы көтерілді.
Сервистік инфляцияның 4,2%-ға (ж/ж) дейін жылдамдауы реттелмейтін ақылы қызметтердің қымбаттауына байланысты болды. Негізгі үлес сұраныстың біртіндеп қалпына келуі аясында қоғамдық тамақтану, қонақ үй қызметтері, тұрмыстық қызметтердің жекелеген түрлері мен жеке күтім қызметтері құнының жылдық өсуімен қамтамасыз етілді.
Базалық инфляция көрсеткіштері инфляциялық процестердің жылдамдауын көрсетеді. Мәселен, жемістер мен көкөністерді, реттелетін коммуналдық қызметтер, теміржол көлігі, байланыс, бензин, дизель отыны мен көмірді қоспағанда жылдық көрсеткіштегі маусымдық таза базалық инфляция 2020 жылғы желтоқсанда 7,9%-ға дейін жылдамдады.
Қазақстан Республикасы Ұлттық Банкінің Ақша-несие саясаты жөніндегі комитетінің базалық мөлшерлеме бойынша келесі жоспарланған шешімі 2021 жылы 9 наурызда жарияланады.

Қазақстан және Қызылорда облысының жаңалықтары

«Nur Otan»: Қызылордада ана өтініші оң шешімін тапты

18 жасқа толмаған балаларға коронавирусқа қарсы екпе салынбайды – министрлік

12 қызылордалық коронавирустан жазылып шықты

Қызылордада 3 адам коронавирус жұқтырды

Сейсенбіге арналған ауа райы болжамы

Қызылордада биыл 13 инвестициялық жоба жүзеге асырылады

Мектеп оқушылары “Сыр медиа” ЖШС жұмысымен танысты

Ақзира Қасымова: Білім беру ұйымдарының деректер қоры бірыңғай сайт арқылы қолжетімді

Зейнетақы жинағын пайдалану кезінде порталдағы өтініміңіз жойылса не істеу керек?

Қызылорда: 10 жастағы оқушы неден көз жұмды?

Қызылордада интернет-банкинг арқылы ақша аударған ұры ұсталды

Азық-түлік бағасы тағы қымбаттамақ: Ұлттық банк жаңа базалық мөлшерлеме бекітті

Қазақстан және Қызылорда облысының жаңалықтары

«Nur Otan»: Қызылордада ана өтініші оң шешімін тапты

18 жасқа толмаған балаларға коронавирусқа қарсы екпе салынбайды &#8211; министрлік

12 қызылордалық коронавирустан жазылып шықты

Қызылордада 3 адам коронавирус жұқтырды

Сейсенбіге арналған ауа райы болжамы

Қызылордада биыл 13 инвестициялық жоба жүзеге асырылады

Мектеп оқушылары &#8220;Сыр медиа&#8221; ЖШС жұмысымен танысты

Ақзира Қасымова: Білім беру ұйымдарының деректер қоры бірыңғай сайт арқылы қолжетімді

Зейнетақы жинағын пайдалану кезінде порталдағы өтініміңіз жойылса не істеу керек?

Қызылорда: 10 жастағы оқушы неден көз жұмды?

Қызылордада интернет-банкинг арқылы ақша аударған ұры ұсталды

Азық-түлік бағасы тағы қымбаттамақ: Ұлттық банк жаңа базалық мөлшерлеме бекітті

18 жасқа толмаған балаларға коронавирусқа қарсы екпе салынбайды – министрлік

Мектеп оқушылары “Сыр медиа” ЖШС жұмысымен танысты