<a href="https://kyzylorda-news.kz/">Kyzylorda-news.kz</a>. Қызылорда облысының әкімі Гүлшара Әбдіқалықованың төрағалығымен өткен КВИ жағдайы бойынша жедел штаб отысырында аймақтағы эпидемиологиялық жағдайды жақсарту мәселелері талқыланды. Жиынға әкім орынбасарлары, бірқатар басқарма және департамент басшылары мен онлайн режимде қала, аудан әкімдері қатысты.
Аймақ басшысы өңірде вирустың тәулігіне 100-ден астам жағдайы анықталып, індеттің өрши түскенін қаперге салып, сақтық шараларын қатаң түрде күшейтуді тапсырды.
<blockquote>
 «Республика бойынша жаңа үнділік «Дельта», оған қоса «Дельта плюс» штаммы тіркеліп, қазіргі таңда біздің облысымызда кең таралуда. Жағдай өте ауыр. Былтыр осы кезеңде, облысымызда коронавирусты инфекциясынан өлім-жітім саны көп болғаны белгілі. Биылғы жылы қайтыс болған адамдардың жылдық «астары» өткізілуде және тойлар кеңінен өткізіліп жатқандығы туралы мәліметтер түсуде. Күні кеше Қызылорда қаласында орналасқан «Арнау палас», «Бақ-Сарай» мейрамханаларында отбасылық шаралар өткізілген. Дегенмен, бұл шаралар мониторингтік топтардың назарынан тыс қалған. Дәл осындай шаралар аудандар көлемінде де өткізілуде. Сондықтан мониторингтік шаралардың жұмысын қатаң түрде күшейту қажет», – деді облыс әкімі.
</blockquote>
Облыс аумағында эпидемиологиялық жағдай туралы баяндама жасаған облыстық санитарлық-эпидемиологиялық қадағалау департаментінің басшысы Динара Жаңабергенова ағымдағы жылдың наурыз айындағы мерекелік күндерден кейін сәуір айында ауру санының күрт жоғарылап, тәуліктік тіркеменің артқанын жеткізді. Мұнан бөлек, департамент басшысы әлі де екпе алмаған жекеленген санатты азаматтардың вирус жұқтыру қаупі жоғары екенін, ал ұжымдық вакцина алған қызметкерлердің аурушаңдық деңгейі төмендеп келе жатқанын тілге тиек етті. Сондай-ақ, бас мемлекеттік санитариялық дәрігер Қызылорда қаласы тұрғындарының аурушаңдық көрсеткішінің жоғары болуы себепті Қызылорда қаласы үшін жаңа қаулы қабылданып, ертеңнен бастап күшейтілген түрде сақтық шаралары енетінін хабарлады. Яғни демалыс күндері қарым-қатынасты мейлінше шектеу үшін локдаун шаралары енгізілмек.
Ал, облыстық полиция департаментінің бастығы Бектөре Сұлтан өңірдегі мониторингтік топтардың жұмысын әлдеде күшейту үшін мониторингтік топ құрамына тәжірибелі, сала басшыларын қосып, жұмыстарын жіті бақылауда қажеттігін атап өтті.
Отырыста облыстық денсаулық сақтау басқармасының басшысы Сабит Пазилов ауруханалардағы төсек орындармен қамту және жаппай вакциналау жұмыстары барысын баяндады. Жүктеменің артуына байланысты коронавирус індетін емдеуге арналған инфекциялық төсек орындар саны 3 есеге ұлғайды. Яғни 1820 төсек-орын ұйымдастырылды.
Қажетілікке қарай инфекциялық және провизорлық стационарларда төсек-орын қорын 3200-ге дейін ұлғайтуға мүмкіндік бар. Сонымен бірге 518 орны орталықтандырылған оттегімен жабдықталған. Ал, үй жағдайында ем алуға мәжбүр азаматтарға 138 дәрігерлік мобильдік топ құрылған. Мобильдік топ дәрігерлерінің науқастарға шұғыл түрде жетуі үшін облыс әкімдігі мен қала әкімдігі тарапынан қосымша көліктер қарастырылды. Облыста вакцина салынуға тиіс 401 мың тұрғын болса, соның бүгінде І компоненті бойынша 211 445 екпе алып үлгерсе, II-ші кезеңді салдыру кестеге сәйкес жүргізілуде. Бүгінгі таңда вакцинациялау 106 егу кабинетінде жүргізілуде, оған 133 мейірбике мен 89 дублер тартылған.
Басқарма басшысы аймақтағы емдеу орындарында төсек орындар қоры жеткілікті екенін айтып, кеселді уақытылы анықтап, қажетті ем-дом шараларын қабылдауға шақырды.
Жиында Гүлшара Әбдіқалықова дәрі-дәрмек мәселесінің барысын саралады. Облыстық медициналық және фармацевтикалық қадағалау департаменті басшысының міндетін атқарушы Ғалима Азирова апта сайын коронавирустық инфекцияны амбулаториялық емдеу кезінде пайдаланылатын сұранысқа ие 10 дәрілік заттың мониторингін жүргізеді. Яғни қызуды түсіретін, қабынуға қарсы, антикоагулянттардың 2 айлық қажеттілік мөлшері жасақталғанын, қажет болған жағдайда қорлар толықтырылатынын хабарлады.
Департамент басшысының есебін саралаған облыс әкімі керекті дәрілердің ауылдар мен қала шетіндегі дәріханаларға уақытылы және қажетті мөлшерде тұрақты түрде жеткізілуін қадағалауды тапсырды.
Штаб отырысында облыстық кәсіпкерлік және туризм басқармасы басшысы Фердоуси Қожабергенов «Ashyq» жобасына кәсіпкерлерді белсенді түрді тарту жұмыстарының барысын баяндады. Бүгінде 252 нысан «Ashyq»-ға енген.
Облыс әкімі қоғамдық тамақтану мен сервистік қызмет орындарында қауіпсіздікті сақтау үшін кәсіпкерлік нысандар «Ashyq» жобасына белсене қатысу қажет екенін еске салып, бұл бағытта тиісті сала басшыларына жұмысты қысқа мерзім ішінде үйлестіруді тапсырды.
Жиынды қорытындылаған аймақ басшысы облыстық санитариялық эпидемиологиялық бақылау департаментіне науқастармен қарым-қатынаста болған тұрғындарды шұғыл түрде анықтап, аурудың таралуына жол бермеуді тапсырды. Сондай-ақ, облыстық санитариялық эпидемиологиялық бақылау және полиция департаменттеріне, Қызылорда қаласы және аудан әкімдіктерімен бірлесіп күнделікті мониторинг топтардың жұмысын күшейту тапсырылды.
Аймақ басшысы облыстық денсаулық сақтау басқармасына барлық медициналық мекемелердегі құрал-жабдықтарға, төсек-орындарға күнделікті ревизия жасап, белгіленген алгоритмге сәйкес кезең-кезеңімен қайта бейімдеу және қажет болған жағдайда қосымша төсек-орындар әзірлеу мен вакцинациялау жұмыстарын қатаң түрде күшейтуді міндеттеді.
<blockquote>
 «Қазіргі таңда вакцинациялау мәселесіне басты назар аударылуы тиіс, өйткені ол ауруды жұқтырмаудың бірден-бір жолы. Мұнан бөлек, төсек орынмен қамту мен реанимациялық бөлімдерінің дайындығы аса маңызды. Сондай-ақ, үйде емделіп жатқан науқастардың толыққанды ем алуын қамтамасыз ету қажет. Жағдайын ұшықтырып алмас үшін күнделікті олардың жағдайын қадағалауды тапсырамын. Барлық жұмыстар ұйымдасқан түрде жүргізіліп, тұрақты бақылауда болсын», – деді облыс әкімі.
</blockquote>
Жедел штаб отырысында берілген тапсырмалардың орындалуын бақылау облыс әкімінің орынбасары Балжан Шаменоваға жүктелді.

Гүлшара Әбдіқалықова індетпен күрес амалдарын қатаң түрде күшейтуді тапсырды

<a href="https://kyzylorda-news.kz/">Kyzylorda-news.kz</a>.&nbsp;Қазақстанда өткен тәулікте 5096 адам коронавирус инфекциясынан жазылып шықты, деп хабарлайды&nbsp;<a href="https://coronavirus2020.kz/">coronavirus2020.kz</a>.
Аймақтар бойынша:
Нұр-Сұлтан қаласы – 1331
Алматы қаласы – 1369
Шымкент қаласы – 377
Ақмола облысы – 148
Ақтөбе облысы – 175
Алматы облысы – 33
Атырау облысы – 276
Жамбыл облысы – 66
Батыс Қазақстан облысы – 242
Қарағанды облысы – 306
Қостанай облысы – 211
Қызылорда облысы – 152
Маңғыстау облысы – 154
Павлодар облысы – 64
Солтүстік Қазақстан облысы – 136
Түркістан облысы – 56
Қазақстан бойынша жазылғандар саны – 457098.

COVID-19: Қызылордада 152 адам жазылды

<a href="https://kyzylorda-news.kz/">Kyzylorda-news.kz</a>. Жалағаш ауданында білім беру ұйымдарының инфрақұрылымын дамыту басты назарда. Апатты жағдайдағы мектеп мәселесі шешілген.
Биыл Таң ауылындағы орта мектеп ғимаратына бөлінген 333 млн. теңгеге, Есет батыр ауылындағы орта мектеп ғимаратына құны 368 млн. теңгеге күрделі жөндеу жұмыстары жүргізілуде.
Сонымен қатар мемлекеттік бағдарлама қолдауымен («Ауыл-Ел бесігі») Жалағаш кентінен құны 420 млн. теңгені құрайтын 200 орындық оқушылар үйі мен 50 орындық өнер мектебін жаңа оқу жылына пайдалануға беру жоспарлануда.

Жалағашта оқушылар үйі мен өнер мектебі жаңа оқу жылында пайдалануға беріледі

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6925 адамнан коронавирус инфекциясы ПТР арқылы анықталды, деп хабарлайды&nbsp;<a href="https://coronavirus2020.kz/">coronavirus2020.kz</a>.
Аймақтар бойынша:
Нұр-Сұлтан қаласы – 1531
Алматы қаласы – 1250
Шымкент қаласы – 421
Ақмола облысы – 210
Ақтөбе облысы – 191
Алматы облысы – 220
Атырау облысы – 430
Шығыс Қазақстан облысы – 312
Жамбыл облысы – 137
Батыс Қазақстан облысы – 197
Қарағанды облысы – 920
Қостанай облысы – 213
Қызылорда облысы – 150
Маңғыстау облысы – 267
Павлодар облысы – 225
Солтүстік Қазақстан облысы – 134
Түркістан облысы – 117
Жалпы ел бойынша ауырғандар саны 549628.

Қызылордада 150 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қармақшы ауданы Жосалы кентінде құтқарушылар Сырдария өзенінде қалқып жүрген мәйітті жағаға шығарды.
<blockquote>
 «Белгісіз адамның мәйіті кенттегі «Батыс Қытай-Батыс Еуропа» тас жолының бойына орналасқан көпір маңында табылды. Рейдтік шаралар өткізіп жүрген төтенше жағдайлар саласының мамандары өзен үстінен белгісіз адамның мәйітін тауып, оны жағаға шығарды», – дейді облыстық төтенше жағдайлар департаменті өрт сөндіру және авариялық құтқару жұмыстары қызметінің маманы Әлия Ережепова.
</blockquote>
Кейіннен белгілі болғанындай, оның Қармақшы ауданының 1984 жылғы тұрғыны екендігі анықталды.

Қармақшы: Дарияда қалқып жүрген мәйіт табылды

<a href="https://kyzylorda-news.kz/">Kyzylorda-news.kz</a>. 28 шілде күні ел аумағының басым бөлігінде күн ашық болады, деп хабарлайды Қазгидромет.
Сәрсенбіде тек еліміздің солтүстік, солтүстік-батыс, батыс және оңтүстік-шығысында атмосфералық ауа ағындарының әсерінен өткінші жаңбыр жауады, бұршақ күтіледі. Республика бойынша кей жерлерде жел күшейіп, оңтүстік және оңтүстік-шығыста шаңды дауыл тұруы ықтимал.
Жамбыл, Түркістан, Қызылорда облыстарының кей жерлерінде шыңды дауыл, желдің күшеюі 15-20 м/с, Түркістан облысында екпіні 23 м/с.
Күндіз Ақмола, Алматы, Қостанай, Солтүстік Қазақстан облыстарының кей жерлерінде бұршақ түсіп, желдің жылдамдығы 15-20 м/с жетеді.
Қарағанды, Маңғыстау, күндіз Атырау, Ақтөбе облыстарының кей жерлерінде жел 15-20 м/с дейін күшейеді.
Күндіз Жамбыл, Алматы облыстарында аптап ыстық сақталады.
Қызылорда, Түркістан, Маңғыстау, Атырау, Жамбыл облыстарының басым бөлігінде, Алматы, Ақтөбе, Қарағанды облыстарының кей жерлерінде, Қостанай облысының оңтүстігінде, Ақмола, Шығыс Қазақстан облыстарының жекелеген аудандарында жоғары өрт қаупі сақталады.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Қуаңшылық орнаған Арал ауданындағы ағайынға көмек беру жұмыстары Шиелі ауданында күннен күнге жанданып келеді. Бірнеше күн бұрын «Халық» шаруашылығы бастаған бұл істі бүгінде «Ақмая» шаруа қожалығы қолдап, тіркеме жегілген 2 камаз көлігін жөнелтті.
<blockquote>
 «Бұл керуен Аралдық ағайынға тегін үлестірілмек. «Көп түкірсе көл» деген. Аралдағы ағайынға аздаған болса да көмегіміз тисе, біз үшін сол нағыз бақыт» дейді«Ақмая» шаруа қожалығының төрағасы Дәулет Жұмбеков.
</blockquote>
Ал аудан әкімінің орынбасары Е. Апетовтың айтуынша, алдағы уақытта да шөп тиелген керуендер қуаңшылықтан зардап шеккен аудан жұртына жөнелтіле бермек. Бастысы елдің басына түскен қиындықты бірге еңсерсек болғаны.

«Ақмая» шаруа қожалығынан Аралдың бірнеше ауылына тегін шөп жөнелтілді

<a href="https://kyzylorda-news.kz/">Kyzylorda-news.kz</a>. Қызылорда облысы әкімінің өкімімен Қызылорда облысының жер қатынастары басқармасының басшысы қызметіне Медет Усаин тағайындалды.
Медет Усаин 1987 жылы туған. Қ. И. Сәтбаев атындағы қазақ ұлттық техникалық университетін «Көлік, көлік техникасы және технологиясы», Қорқыт ата атындағы Қызылорда мемлекеттік университетін «Қаржы» мамандықтары бойынша бітірген.
Еңбек жолын Қызылорда облысының жолаушылар көлігі және автомобиль жолдары басқармасының бас маманы ретінде бастаған.
2012-2013 жылдары – Қызылорда облысының кәсіпкерлік және өнеркәсіп басқармасының бас маманы; 
2013-2016 жылдары – Қызылорда облысының энергетика және тұрғын үй-коммуналдық шаруашылық басқармасының бөлім басшысы, басқарма басшысының орынбасары. 
2016 – 2020 жылдары Қызылорда облысының энергетика және тұрғын үй-коммуналдық шаруашылық басқармасының басшысы, 2020 жылдың мамыр айынан облыстық жұмылдыру дайындығы басқармасының басшысы лауазымын атқарып келді.

Қызылорда облысы жер қатынастары басқармасының басшысы тағайындалды

<a href="https://kyzylorda-news.kz/">Kyzylorda-news.kz</a>. Жалағаш ауданында «Қарасора-2021» жедел профилактикалық іс-шарасы барысында 20 шілде күні өз үйінің ауласында 15 түп сора өсірген аудан тұрғыны ұсталды.
Полиция қызметкерлері оқиға орнынан сора және оны баптап өсіруге арналған құрал-саймандарды айғақ зат ретінде тәркіледі.&nbsp;&nbsp;
<blockquote>
 «Бұл дерек бойынша Қазақстан Республикасының Қылмыстық кодексінің 300-бабының 1-бөлігімен сотқа дейінгі тергеп-тексеру амалдары&nbsp; басталды. Оқиғаның мән-жайы анықталуда», – делінген полиция департаментінің хабарламасында.
</blockquote>

Есірткі өсірген Жалағаш ауданының тұрғыны ұсталды

<a href="https://kyzylorda-news.kz/">Kyzylorda-news.kz</a>. Биыл Жалағаш ауданында өнеркәсіп өнімі 5 млрд. теңгеге өндіріліп, өткен жылмен салыстырғанда 1,9 есеге өсті. Ал, өңдеу өнеркәсібі 3,9 млрд. теңгеге орындалып, 2,2 есеге артты. Бұл туралы бүгін Өңірлік коммуникациялар қызметінде өткен баспасөз конференциясында Жалағаш ауданының әкімі Асылбек Шәменов мәлімдеді.
<blockquote>
 «Қазіргі таңда аудан тұрғындары мемлекеттік бағдарламалар арқылы шағын және орта кәсіпкерлікті бастауға және дамытуға белсенділік танытуда. Ағымдағы жылдың басынан бері аудан бойынша 126 жоба 1 млрд. 557,8 млн. теңгеге қаржыландырылып, 171 адам жұмыспен қамтылды. Атап айтсақ, «Бизнестің жол картасы 2025» бағдарламасы аясында екінші деңгейлі банктердің облыстық филиалдары арқылы 21 жоба 253,4 млн. теңгеге қаржыландырылып, пайыздық мөлшерлемесі бағдарламаның шартына сәйкес субсидияланды. Оның ішінде 11 жоба 99,4 млн. теңгеге ішінара кепілдендірілді. «Еңбек» бағдарламасы аясында жыл басынан 36 жоба 146,7 млн. теңгеге қаржыландырылды. «Ауыл шаруашылығын қаржылай қолдау қоры» АҚ-ның облыстық филиалының жеке қаражаты есебінен 3 жоба 47,6 млн. теңгеге қаржыландырылды. Сондай-ақ, «Агробизнес» бағдарламасы аясында «Ауыл» несие серіктестігі арқылы 25 жоба, «Сырдария-1» несие серіктестігі арқылы 12 жоба қолдау тапты. «Қарапайым заттар экономикасы» бағдарламасы аясында 3 жоба егін егу жұмыстарын жүргізуге бағытталды», – деді Асылбек Өмірбекұлы.
</blockquote>
Жыл басынан бері ауданнан 3568,5 тонна күріш өнімі экспортқа шығарылды. Биылғы су тапшылығына орай, күріш көлемі өткен жылмен салыстырғанда 1800 га қысқартылды. Сыр маржанының орнына суды аз қажет ететін 93 га жаздық бидай, 147 гектар жүгері, 30 гектар арпа, 443 га мақсары, 445 га жаңа жоңышқа мал азықтық дақылдар орналастырылды.
Қазіргі уақытта шаруашылық құрылымдары егілген егінді сумен қамтамасыз ету үшін 53 дана әр түрлі қуаттағы су тартқыш насос қондырғыларын іске қосып, күрішті суға бастыру бағытында жұмыстарын жалғасытруда.

Жалағашта биыл 126 жоба қаржыландырылды

<a href="https://kyzylorda-news.kz/">Kyzylorda-news.kz</a>. Қызылорда қаласында шектеу шаралары күшейтілді.
«Ashyq» жобасына қатысушыларды қоспағанда, қалааралық, қалалық тұрақты және тұрақты емес (туристік) тасымалдары;
жабық жағажайлар, аквапарктер мен аттракциондар қызметтері;
«ASHYQ» ЖОБАСЫНА ҚАТЫСҚАНЫНА ҚАРАМАСТАН СЕНБІ, ЖЕКСЕНБІ КҮНДЕРІ ҚЫЗМЕТІНЕ ТЫЙЫМ САЛЫНАДЫ:
қоғамдық жолаушы тасымалдаушы қызметіне;
СОО, сауда үйлері, сауда желілерінің;
спорттық объектілердің (спорткешендері, спортмектептері, спортклубтары, жаттығу залдары);
қоғамдық тамақтану объектілері, фурдкордтардың (тамақты жеткізу бойынша рұқсат етіледі);
фитнесс-орталықтары, фитнесс-клубтары, йога-орталықтары, спорттық-сауықтыру объектілері, сауна, монша, СПА-орталықтары, бассейндердің;
кинотеатрлар, театрлар, концентр залдары, филармониялар, цирктердің;
алаңы 500 ш.м. дейін азық-түлік емес дүкендер мен жабық базарлардың;
компьютерлік клубтар, боулингтер, бильярд клубтары, караоке, түнгі клубтарының;
балалар мен ересектерге арналған білім беру орталықтары мен үйірмелері, балалардың түзету кабинеттері, балаларға арналған көңіл көтеру орталықтарының;
банктер, ХҚКО, Казпочта бөлімшелерінің;
діни объектілердің;
мәдени және демалыс парктерінің;
ЖҰМЫС КҮНДЕРІ ҚЫЗМЕТТЕРІ ШЕКТЕЛЕДІ:
қоғамдық тамақтану объектілерінің жұмысын мейрамханалар, дәмханалар, кофехана типі бойынша толтырылуы 50%-ға дейін, бірақ 30 орыннан аспайтын «Ashyq» жобасына қатысушыларға жұмыс уақыты 20.00-ге дейін, «Ashyq» жобасына қатыспаушыларына жұмыс уақыты 17:00-ге дейін;
фитнес-орталықтары, фитнес-клубтары, йога-орталықтары, спорттық-сауықтыру объектілері, сауна, монша, СПА-орталықтары, бассейндер бойынша «Ashyq» жобасына қатысушыларға жұмыс уақыты 20.00-ге дейін, «Ashyq» жобасына қатыспаушыларына жұмыс уақыты 17:00-ге дейін;
кинотеатрлар бойынша «Ashyq» жобасына қатысушыларға жұмыс уақыты 20.00-ге дейін, «Ashyq» жобасына қатыспаушыларына жұмыс уақыты 17:00-ге дейін;
балаларға арналған көңіл көтеру орталықтары (ойын алаңдары, жабық үй-жайдағы аттракциондар) бойынша «Ashyq» жобасына қатысушыларға жұмыс уақыты 20:00-ге дейін, «Ashyq» жобасына қатыспаушыларына жұмыс уақыты 17:00-ге дейін;
СОО, сауда үйлері, сауда желілерінің жұмыс уақыты 20:00-ге дейін;
жабық базарлар жұмыс уақыты 20:00-ге дейін;
мәдени және демалыс парктерінің жұмыс уақыты 22:00-ге дейін;
барлық мекеме қызметкерлерінің 80%-ын алыстан жұмыс жасау форматына ауыстыру (вакциналанған, тұрақты медициналық қарсы көрсетілімдері бар және соңғы 3 ай ішінде COVID-19-бен ауырып жазылған адамдарды қоспағанда).

Жаңа қаулы: Қызметкерлердің 80 пайызы онлайн форматқа ауысады

<a href="https://kyzylorda-news.kz/">Kyzylorda-news.kz</a>. Облыстық медициналық жедел жәрдем стансасына шілде айында 46 000 қоңырау келіп түсті. Яғни, орта есеппен мамандар тәулігіне 1500-ге жуық науқасқа алғашқы көмек көрсеткен. Бұл өткен жылдың мамыр-маусым айларымен салыстырғанда 8 мың шақырысқа көбейген. Бұл туралы облыстық медициналық жедел жәрдем стансасы бас дәрігерінің орынбасары Ғалия Нұрсейітова мәлімдеді.
<blockquote>
 «Коронавирус инфекциясының тарауы жиілеген тұста, жедел жәрдем қызметі өз жүктемесінен екі есе шақырыстарды қабылдап, орындап келеді. Жедел жәрдем стансасына түскен шақыртулардың күрт өсуін ауа райы температурасының жоғарылығымен және «Covid-19» инфекциясы мен жоғары тыныс жолы ауруларының артқандығымен байланыстырудамыз. Өткен аймен салыстырғанда жоғары тыныс жолы аурулары – 34%-ға, пневмония – 56,2%-ға, жедел респираторлы вирусты инфекция – 37,5%-ға, «Covid-19» инфекциясы – 52%-ға өсті», -деді Ғалия Нұрсейітова.
</blockquote>
Одан бөлек салқын тағамдар мен сусындардың көп пайдаланылуы әсерінен дене температурасының жоғарылауы, тонзилит, фарингит, трахеит диагноздарымен түскен науқастар саны өсті.
Соңғы уақытта пневмония, коронавирус инфекциясымен түскен шақырыстардың 10%-ын балалар құрап отыр. Мысалы, ағымдағы айда «Covid-19» инфекциясымен – 480 шақырыс орындалса, оның 47-сін балалар, пневмония диагнозымен 1296 шақырыс орындалып, 133-ін балалар құрап отыр.
<img src="https://kyzylorda-news.kz/wp-content/uploads/2021/07/225635694_1338416046553904_6973641181851646630_n.jpg" alt="" />

Қазақстан және Қызылорда облысының жаңалықтары