<a href="https://kyzylorda-news.kz/">Kyzylorda-news.kz</a>.&nbsp; Мемлекет және қоғам қайраткері, экономика ғылымдарының докторы Атамұрат Мөрәліұлы Шәменовтің 70 жасқа толуына орай Қорқыт ата атындағы Қызылорда университеті «Қазақстандық Арал өңірінің экологиялық-экономикалық проблемалары және оларды шешу жолдары» атты халықаралық ғылыми-тәжірибелік онлайн-конференция өтті.
Конференцияға университет профессор – оқытушыларымен қатар, Қызылорда облысы әкімінің орынбасары Б.Жаханов, экономика ғылымдарының докторы А.Шәменов, Саратов мемлекеттік аграрлық университетінің профессоры А.Кравчук, Л.Н.Гумилев атындағы Еуразия ұлттық университетінің биология ғылымдарының докторы Р.Бейсенова, Жалағаш ауданының әкімі А.Шәменов қатысты.
Аталған конференцияның А.Шәменов мерейтойына орай ұйымдастырылып отырғаны кездейсоқ емес. Оның ғалым ретінде ел тәуелсіздігінің алғашқы жылдарынан бері Арал өңірінің экологиялық-экономикалық ахуалын жақсарту бағытында іске асырылған көптеген игілікті шаруада өзіндік қолтаңбасы бар екені қоғамға белгілі.
<blockquote>
 “Арал апатының трагедиялық салдары ел көлеміндегі және шетелдік ғалымдар мен экологтардың назарын өзіне аударып жүргенін айтып, конференцияның қазақстандық Арал өңірінің әлеуметтік-экономикалық, экологиялық проблемаларын шешу ісіне өз үлесін қосатынына және әр елдің ғалымдарының ынтымақтастығының тиімділігін арттыруға ықпал ететіне сенімдімін”, – деп түйіндеді Атамұрат Шәменов.
</blockquote>
Конференцияға қатысқан спикерлер Арал аумағындағы жердің бұзылуы және шөлейітке айналуымен күресудің тиімді әдістерін табу, су ресурстарын мемлекетаралық басқарудың жаңа қағидаларын енгізу аймақтағы экологиялық сынқатерлерге басты жауаптар болып табылатынын атап өтті.
Арал проблемасы әлі көптеген ғылыми конференциялардың мазмұнын айқындай беретіні анық. Конференцияны қорытындылай келе, қатысушылар ғылыми тұжырымдарын, құнды ой-пікірлерін ортаға салып, Арал өңіріндегі эколоиялық және экономикалық ахуалды одан әрі жақсартуға бағытталған зерттеулерді дамытуға өз үлестерін қоса беретінін айтты.
<img src="https://kyzylorda-news.kz/wp-content/uploads/2021/01/136654813_2149916918479056_1234076538949452532_n.jpg" alt="" />
<img src="https://kyzylorda-news.kz/wp-content/uploads/2021/01/136045925_2149807148490033_7876541676281967369_n.png" alt="" />
<img src="https://kyzylorda-news.kz/wp-content/uploads/2021/01/135754670_2149806678490080_5419218154804836322_n.png" alt="" />

Арал өңірінің экологиялық проблемасы: Халықаралық ғылыми-тәжірибелік конференция өтті

&nbsp;<a href="https://kyzylorda-news.kz/">Kyzylorda-news.kz</a>.&nbsp; Қызылорда облысында жыл басынан бері карантин талабын бұзған 4 жағдай анықталды.
Олардың 2-еуі Қызылорда қаласында, қалғаны Шиелі және Қазалы аудандарында тіркелген. Барлығында кафе иелерінің шекті уақытты сақтамай, карантин режимін бұзғаны анықталды.
<blockquote>
 «Бұл жағдайлар 4 қаңтарға дейін тіркелген. Одан бергі үш күнде мұндай келеңсіздіктер болған жоқ. Оларға 444 мың теңгеден астам айыппұл салынды», – деді Қызылорда облысы Санитарлық-эпидемиологиялық бақылау департаментінің баспасөз хатшысы Айман Жанахаева.
</blockquote>
Қызылорда облысында 2020 жылы карантин талабын бұзған 900-ден астам дерек тіркелген. Олардың 543-і той жасауға қатысты болған. Өңірде бұл мақсатта арнайы құрылған 24 мобильді топ жұмыс жасауда.
Естеріңізге сала кетелік, қазірге дейін Қызылорда облысында 3425 адам коронавирус&nbsp;<a href="https://www.inform.kz/kz/kyzylordada-bes-zhastagy-kyz-bala-koronavirus-zhuktyrdy_a3738133">жұқтырған</a>&nbsp;. Олардың 3343-і ауруынан жазылып шықты.
<a href="https://lenta.inform.kz/kz/kyzylordada-karantin-talabyn-buzgandar-anyktaldy_a3738207">ҚазАқпарат</a>

Қызылордада карантин талабын бұзғандар анықталды

<a href="https://kyzylorda-news.kz/">Kyzylorda-news.kz</a>. Өткен жылы облыс көлемінде есірткінің заңсыз айналымына байланысты сотқа дейінгі тергеп тексерудің бірынғай тізіліміне 386 қылмыстық құқық бұзушылық тіркелген, оның 20 есірткі затын сату, 14 есірткі затын аса ірі мөлшерде заңсыз сақтау және 75 құрамында заңмен тыйым салынған есірткі құралы бар сора өсімдігін егу дерегі. Сонымен қатар, ҚР ҚК-нің 296-бабында көзделген қылмыстық теріс қылықтың 276 дерегі анықталған.
Заңсыз айналымнан барлығы 350 кг. жуық есірткі заты алынды, оның 2 кг.289 гр. гашиш.
Нашақорлық&nbsp; пен&nbsp; есірткі&nbsp; қылмыстарының&nbsp; алдын&nbsp; алу&nbsp; мақсатында&nbsp; Есірткі қылмысына қарсы іс-қимыл басқармасы&nbsp; тарапынан&nbsp; алдын&nbsp; алу&nbsp; жұмыстары&nbsp; іске&nbsp; асырылуда.
Облыс&nbsp; көлемінде&nbsp; жалпы&nbsp; 328 іс-шара&nbsp; өткізіліп,&nbsp; олардың&nbsp; 9&nbsp; – акция,&nbsp; 96 – лекция,&nbsp; 8 – дөңгелек&nbsp; үстел,&nbsp;&nbsp; 24 – кездесулер,9 &nbsp;– спорттық&nbsp; іс-шаралар, 166 – онлайн-сайыстар. Атқарылған&nbsp; іс-шаралардың&nbsp; 147- үкіметтік&nbsp; емес&nbsp; ұйымдармен,&nbsp; 185 –&nbsp; мектеп&nbsp; инспекторларымен,&nbsp; ал&nbsp; 15 – жоғарғы&nbsp; және&nbsp; арнаулы&nbsp; орта&nbsp; оқу&nbsp; орындарында &nbsp;ұйымдастырылды.&nbsp; Жалпы&nbsp; ұйымдастырылған&nbsp; барлық&nbsp; іс-шараларға&nbsp; &nbsp;44 мыңға жуық&nbsp; &nbsp;адам&nbsp; қатысты.
&nbsp;Есірткі&nbsp; сату&nbsp; және&nbsp; тағыда&nbsp; басқа&nbsp; есірткі&nbsp; заттарына&nbsp; байланысты&nbsp; жасалып&nbsp; жатқан&nbsp; қылмыстар&nbsp; мен&nbsp; құқық&nbsp; бұзушылықатар&nbsp; жайлы&nbsp; хабарламаларды&nbsp; қабылдау&nbsp; үшін Қызылорда облысының Полиция департаменті&nbsp; Есірткі қылмысына қарсы іс-қимыл басқармасында &nbsp;&nbsp;27-55-42&nbsp; «Сенім&nbsp; телефоны»&nbsp; номері жұмыс атқарады.

Қызылордада заңсыз айналымнан 350 келіге жуық  есірткі заты алынды

<a href="https://kyzylorda-news.kz/">Kyzylorda-news.kz.</a> Партияның саяси кеңесінің мүшесі, кандидат Олжас Ордабаев партия жүргізген ақпараттық-түсіндіру жұмыстарының кейбір нәтижелері туралы хабарлады.
<blockquote>
 “Бүгінгі күні еліміздің барлық аймақтарында партия мүшелері халықпен 4216 кездесу өткізді, оларға 95 мың адам қатысты. Партияға мүше болуға 200 мыңнан астам өтініш келіп түсті. Бұл азаматтардың сенім білдіргенін, “ADAL” сайлауалды бағдарламасын қолдағанын білдіреді”, – деді Олжас Ордабаев.
</blockquote>
Тұрғындар көтерген проблемалық мәселелер туралы айта отырып, ол тұрғын үй-коммуналдық шаруашылық саласындағы мәселелердің өзектілігін атап өтті.
<blockquote>
 «Көптеген адамдар үшін үйде газдың, тұрақты ауыз судың болуы – орындалмас арман», – деді кандидат.
</blockquote>
Оның айтуынша, тұрғындардың елді мекендерінің негізгі проблемаларына жұмыссыздық, баспана жетіспеушілігі, азық-түлік бағасының өсуі және жолдың нашарлығы жатады.
<blockquote>
 «Әрбір проблемалық мәселе бекітіліп, ол бойынша жұмыс істеледі», – деп сендірді Олжас Ордабаев.
</blockquote>

&#8220;ADAL&#8221;: Тұрғындар көтерген мәселелер басты назарда

<a href="https://kyzylorda-news.kz/">Kyzylorda-news.kz.</a> Қазақстанда кеше 723 адам коронавирус індетінен емделіп шықты.
Аймақтар бойынша
Нұр-Сұлтан қаласы – 64 
Алматы қаласы – 103 
Ақмола облысы – 44 
Алматы облысы – 31 
Атырау облысы – 168 
Батыс Қазақстан облысы – 35 
Қарағанды облысы – 24 
Қостанай облысы – 8 
Қызылорда облысы – 7 
Маңғыстау облысы – 17 
Павлодар облысы – 154 
Солтүстік Қазақстан облысы – 61 
Түркістан облысы – 7
Қазақстан бойынша жазылғандар саны – 147 512.

Қызылордада 7 адам коронавирустан жазылды

<a href="https://kyzylorda-news.kz/">Kyzylorda-news.kz.</a> ҚР Үкіметінің Қаулысымен Экология, геология және табиғи ресурстар министрлігінің құрамында Балық шаруашылығы комитеті құрылды.
Саланың жеке ведомствоға біріктірілуі жақында қабылданған балық шаруашылығын дамытудың 2030 жылға дейінгі мемлекеттік бағдарламасын тиімді жүзеге асыруға, балық өсіру, тұтыну және экспорт көлемін жоспарға сай арттыруға мүмкіндік береді. Мемлекет басшысы 2020 жылдың қыркүйек айындағы Жолдауында Қазақстанның балық шаруашылығындағы әлеуеті зор екенін ескере отырып, оны дамытуға аса мән бере қажеттігін айтқан.
Еске салайық, елімізде Ауыл шаруашылығы министрлігіі құрамында болған Балық шаруашылығы комитеті 2014 жылы таратылған. Одан бері балық ресурстарын қорғау, тиімді пайдалану және көбейту саласындағы мемлекеттік саясатты Экология министрлігінің Орман шаруашылығы және жануарлар әлемі комитеті жүргізіп келеді. Салаға қатысты міндеттердің комитет пен жергілікті атқарушы органдардың және балық шаруашылығындағы өзін өзі басқару субъектілерінің арасында бөлінуі орталықтандырылған түрде тиімді жұмыс істеуге кедергі келтіреді.
Ал жұмысты жүйелі түрде жүргізу арқылы мемлекеттік бағдарламада көрсетілгендей су ресурстарындағы балық өсіру көлемін 600 мың тоннаға жеткізуге болады. Балық экспортын 300 мың тоннаға дейін арттыру жоспары да бар. Ол үшін 545 жаңа балық шаруашылығы құрылып, 323 шаруашылық толық жобалық қуатына шығады. Қазіргі уақытта жаңа комитеттің алдында мемлекеттік бағдарламаның жүзеге асуына жол ашатын саланы мемлекеттік қолдау аясын кеңейту, заңнаманы жетілдіру, балық жемі өндірісін жолға қою, кадрлық қамтамасыз ету жұмыстарын атқару міндеттері тұр.

Қазақстанда Балық шаруашылығы комитеті құрылды

<a href="https://kyzylorda-news.kz/">Kyzylorda-news.kz.</a> Үш күннен кейін Қазақстанда мәжіліс пен мәслихаттар сайлауы өтеді. Осыған байланысты&nbsp;<a href="https://sputnik.kz/">Sputnik Қазақстан</a>&nbsp;дауыс беру тәртібі, оны ұйымдастыру мен өткізуге қатысты барлық ақпаратты ұсынды.
<h3 id="">Сайлау учаскелері нешеде ашылады?</h3>
Учаскелiк комиссиялар дауыс беру басталғанға дейiн 1 сағат бұрын дауыс беруге арналған учаскелердi аша бастайды.
Учаскелiк (аумақтық) сайлау комиссиясының төрағасы:
<ul>
<li>дауыс беру басталардан 30 минут бұрын комиссия мүшелерiнiң қатысуымен сайлау жәшiктерiнде бюллетеньдердiң бар екенiн немесе жоқ екенiн, жәшiктердiң бүтiндiгiн тексередi, дауыс беруге арналған жәшiктерге пломба салады немесе мөр басады;</li>
<li>комиссияның сайлау бюллетеньдерiн беруге жауапты мүшелерді белгiлейдi.</li>
</ul>
Сайлаушылар үшін дауыс беру таңғы сағат 7.00-де басталады.
Бес өңірде – Батыс Қазақстан, Ақтөбе, Атырау, Маңғыстау және Қызылорда облыстарында учаскелер жергілікті уақыт бойынша таңғы 7-де жұмысын бастайды. Дегенмен уақыт белдеулері арасындағы айырмашылыққа байланысты Қазақстанның қалған облыстарына қарағанда бір сағатқа кеш ашылады.
Сол күні кешкі сағат 20.00-де учаскелер жабылып, дауыстарды санау басталады.
Аумақтық сайлау комиссиялары тиiстi әкiмнiң, учаскелiк сайлау комиссиясының ұсынысымен дауыс берудi бастайтын және аяқтайтын басқа уақыт белгiлеуге құқылы.
Бұл орайда дауыс берудi сағат 06.00-ден ерте бастап, сағат 22.00-ден кеш аяқтауға болмайды.
Учаскелiк сайлау комиссиясы дауыс беретiн уақыт пен орын туралы азаматтарды сайлау өткiзiлетiн күнге дейiн он күннен кешiктiрмей БАҚ арқылы, сондай-ақ өзге де әдiстермен хабардар етуі тиiс.
Қазақстанның иелiгiндегi және сайлау күнi жүзуде жүрген кемелерде, әскер бөлiмдерiнде, шалғайдағы және қатынау қиын аудандарда, алыстағы мал шаруашылығы учаскелерiнде, демалыс үйлерiнде, санаторийлерде, тұрақты емдеу-профилактикалық мекемелерiнде, тергеу изоляторлары мен уақытша ұстау изоляторларында, сондай-ақ шет мемлекеттерде Қазақстанның өкiлдiктерi жанынан құрылған сайлау учаскелерiнде, егер тiзiмге енгiзiлген сайлаушылардың бәрi дауыс берсе, учаскелiк сайлау комиссиясы дауыс берудi кез келген уақытта аяқталды деп жариялай алады.
<h3 id="-1">Сайлаушы нені білуі тиіс?</h3>
Қазақстанның 18 жасқа толған кез келген азаматы, тегiне, әлеуметтiк, лауазымдық және мүлiктiк жағдайына, жынысына, нәсiлiне, ұлтына, тiлiне, дiнге көзқарасына, нанымына, тұрғылықты жерiне немесе кез келген өзге жағдаяттарға қарамастан, сайлауда дауыс беруге құқылы.
Сайлауға сот iс-әрекетке қабілетсiз деп таныған, сондай-ақ сот үкiмiмен бас бостандығынан айыру орындарында отырған азаматтар қатыспайды.
Әрбiр сайлаушы өзi дауыс бередi.
Сайлауда дауыс құқығын басқа бiреуге беруге және сол сияқты басқа адам үшiн дауыс беруге жол берiлмейдi.
Дауыс беруге арналған бюллетеньді алу үшін сайлаушы жеке куәлігін көрсетеді. Содан кейін тізімге бюллетеньді алғаны туралы қол қояды. Комиссияның бюллетеньдi берген мүшесi оларға өзiнiң қолын қояды, сондай-ақ бюллетеньдi алған сайлаушының тiзiмдегi тегiнiң тұсына қол қояды.
Сайлау комиссиясының төрағасы мен хатшысының бюллетень бepуге құқығы жоқ.
Дауыс берушiлер сайлау бюллетенiн жасырын дауыс беруге арналған кабиналарда толтырады. Оны толтыру кезiнде кабинаға басқа адамның кіруіне тыйым салынады. Бюллетеньдi өз бетiнше толтыруға мүмкiндiгi жоқ сайлаушы өзi сенетiн адамның көмегiн пайдалануға құқылы.
Сайлаушы саяси партиялардың атауы бар бюллетеньде өзі жақтап дауыс беретін партия атауының оң жағындағы бос шаршыға кез келген белгi қояды.
Бюллетеньге қарындашпен белгi қоюға, сондай-ақ оған қандай да болсын түзету енгiзуге жол берiлмейдi.
Толтырылған бюллетеньдердi сайлаушы дауыс беруге арналған жәшiкке салады.
Егер кейбір сайлаушылар денсаулығына, отбасындағы сырқат жанға күтім жасауына, сондай-ақ, сайлау учаскесі құрылмаған шалғайдағы және қатынау қиын ауданда тұруына байланысты дауыс беруге келе алмаса, учаскелiк сайлау комиссиясы олардың дауыс беру күнi жергiлiктi уақыт бойынша сағат он екiден кешiктiрмей берген жазбаша өтініші бойынша осы сайлаушылардың тұрған жерiнде дауыс берудi ұйымдастыруға міндетті.
Сайлау учаскесінен тыс жерде дауыс берудi ұйымдастырған кезде, &nbsp;тасымалданатын жәшiктердi сайлау комиссиясының екі мүшесi алып жүредi. Бақылаушылар мен сенім білдірілген адамдар сайлау комиссиясының мүшелерiмен iлесiп жүруге құқылы.
Сайлау күні басқа қалада жүргендер қалай дауыс береді
Егер азамат басқа өңірде жүріп, дауыс беретін күні сайлаушы ретінде тіркелген қаласына бара алмайтынын білсе, онда өзі жүрген қаланың әкімдігіне жүгінуге құқылы. Жазбаша өтiнiшті сайлаудан кемінде отыз күн бұрын беру керек.
Азамат өтiнiш жасаған соң, әкімдік оны тiркелген жері бойынша сайлаушылар тiзiмiнен шығарып, сол қаладағы дауыс беретiн учаскенiң сайлаушылар тiзiмiне енгiзеді.
<h3 id="-2">Дауыстарды санау</h3>
Егер сайлау учаскесінде Конституциялық заңда белгiленген тәртiппен дауыс беру уақыты өзгертiлмеген болса, онда дауыстарды санау жергiлiктi уақытпен сағат 20.00-де басталады.
Дауыс беру уақыты өзгерген жағдайда дауыстарды санау дауыс беру аяқталғаннан кейiн басталады.
Дауыстарды санау уақыты санау басталған кезден бастап он екi сағаттан аспауы тиiс.
Бюллетеньдерді санау кезiнде комиссия төрағасы немесе комиссияның белгiлi бiр мүшесi қатысушыларға сайлау бюллетенiн көрсетедi және сайлаушының ерiк бiлдiруiн жариялайды.
Бұл ретте бюллетеньдер әрбiр кандидат, партиялық тiзiмiн ұсынған саяси партия бойынша және жарамсыз бюллетеньдер бойынша жеке-жеке қатталып жиналады.
Жәшiктердi ашардың алдында сайлау комиссиясы пайдаланылмаған барлық бюллетеньдi санайды және жояды.
Белгi қарындашпен қойылған, түзету немесе өзге де бұрмалау iздерi бар, сондай-ақ сайлаушылардың ерiк бiлдiруiн анықтау мүмкiн емес бюллетеньдер жарамсыз деп танылады.
Дауыстарды санау нәтижелерiн учаскелiк сайлау комиссиясы қарап, хаттамаларға түсiредi, оларға сайлау комиссиясының төрағасы мен мүшелерi қол қояды. Сайлау комиссиясының төрағасы болмаған жағдайда оның орнына хаттамаларға учаскелiк сайлау комиссиясы төрағасының орынбасары немесе хатшысы қол қояды.
Дауыс беру нәтижелерi туралы хаттамаларды қарындашпен және әр түстi сиялармен толтыруға, сондай-ақ оларға қандай да бiр түзету енгiзуге жол берiлмейдi. Бұл ретте дауыс беру нәтижелерiнiң сандық мәнi сөзбен жазылып қайталануы тиiс.
Хаттаманың көшiрмесi жалпы жұрттың танысуы үшiн сайлау учаскесiнiң үй-жайындағы арнайы белгiленген орынға дереу iлiнедi және сол жерде екi күн бойы тұрады.
Парламент депутаттарын сайлау қорытындыларын Орталық сайлау комиссиясы анықтайды.
Мәслихат депутаттарын сайлау қорытындыларын аумақтық сайлау комиссиялары анықтайды.
Сайлау қорытындылары хаттамаға түсiрiлiп, оған сайлау комиссиясының төрағасы мен мүшелерi қол қояды. Комиссияның төрағасы болмаған жағдайда оның орнына хаттамаға комиссия төрағасының орынбасары немесе хатшысы қол қояды.
Парламент депутаттарын сайлау қорытындысы туралы хабар сайлау өткізілген күннен бастап 10 күннен кешіктірілмей, ал мәслихаттар депутаттарын сайлау қорытындылары туралы хабар 7 күннен кешiктiрілмей БАҚ-та жарияланады.
<h3 id="-3">Сайлаушылар фото-видео түсіре ала ма?</h3>
Бақылаушы немесе БАҚ өкілі саналмайтын сайлаушылар сайлау учаскесінде фото, видео түсіріп, аудио жаза алмайды.
“Сайлау учаскесінің өз тәртібі бар. Оны сайлау комиссиялары бақылайды. Ал фото мен видео түсіру, сондай-ақ, аудиожазба жасау құзіреті конституциялық заң бойынша тең бақылаушыларға ғана берілген. Сондықтан басқа адамдар фото мен видео түсіре алмайды”, – деп түсіндірген болатын бұған дейін Орталық сайлау комиссиясының мүшесі Серік Сыдықов.
<h3 id="-4">Коронавирус жұқтырғандар қалай дауыс береді?</h3>
Сайлауға қатысатын барлық адам бетперде киіп, 1,5-2 метр арақашықтықты сақтауы тиіс. Антисептикалық құралдарды да пайдалануы қажет.
Сондай-ақ, елдің бас санитарлық дәрігері қол алыспауға және тікелей байланыс жасамауға кеңес берді.
Сайлау учаскесінің мамандары мен еріктілер адамдардың дене қызуын тексеріп тұрады. Дауыс беруге келген адамда жоғары температура анықталса, оны медицина қызметкері қарап шығады. Жедел жәрдем шақырылған жағдайда мамандар келгенше бөлек оқшаулап қояды.
Ал коронавирус жұқтырғандарға комиссия мүшелері өздері барады.
Үйде емделіп, карантинде жатқандар үшін дауыс беру үйге кірмей ұйымдастырылады. Мысалы, баспалдақ алаңында сайлаушыға бюллетеньді және үй-жайдан тыс жерде дауыс беру туралы өтінішті беру, содан кейін одан өтінішті алу және бюллетеньді тасымалданатын жәшікке салу арқылы өткізуге болады.
Дауыс беруге арналған бюллетеньді алғанға дейін сайлаушы бетперде тағып, қолын антисептикпен өңдеуі тиіс. Одан кейін учаскелік комиссия мүшелері қолдарын және тасымалданатын жәшіктің беттерін міндетті түрде дезинфекциялайды.
Жеке қорғаныш құралдарын қайта пайдалануға болмайды. Оны тығыз жабылатын контейнерге салып тастау қажет.
<h3 id="-5">Қазақстандағы парламент сайлауы</h3>
Қазақстанда мәжіліс (парламенттің төменгі палатасы) және мәслихаттар сайлауы 2021 жылы 10 қаңтарда өтеді. 9 қаңтар – тыныштық күні.
Алдағы сайлауда мәжілістегі орындарға бес партия таласады.
<ul>
<li>Nur Otan;</li>
<li>“Ақ жол” демократиялық партиясы;</li>
<li>Қазақстанның халық партиясы (бұрынғы коммунистер);</li>
<li>“Ауыл” халықтық-демократиялық партиясы;</li>
<li>“Адал” партиясы.</li>
</ul>
Мәжілістің қазіргі алтыншы шақырылымының өкілеттілік мерзімі 2021 жылдың 24 наурызында аяқталады.
Орталық сайлау комиссиясының мәліметіне сәйкес, алдағы сайлауда 216 мәслихатқа 3 276 депутат сайланады. Соның ішінде республикалық маңызы бар қалалар мен астананың мәслихаттары (589 мандат), 36 облыстық мәслихат (596) және 163 аудандық мәслихат (2 091 мандат) бар.
Мәжілістің 98 депутаты да партиялық тізім бойынша сайланады. Бұдан бөлек, тағы 9 депутат Қазақстан халқы ассамблеясының атынан мәжіліске келеді.

Мәжіліс сайлауы: Қазақстандықтар нені білуі тиіс?

<a href="https://kyzylorda-news.kz/">Kyzylorda-news.kz.</a> Қазіргі таңда ұлтымыздың салт -дәстүрі, бай мәдениеті ауылда ғана қаймағы бұзылмай сақталған. Ауылдағы қонақжайлылық пен үлкенге құрмет көрсетудің шынайы мысалы былайғы жұртқа үлгі, өнеге.
“Ауыл” партиясының бірінші орынбасары Төлеутай Сатайұлы ауылдарды дамытудың жарқын жолын айтты.
<blockquote>
 “Ауылға турист тартудың бір жолы- ұлттық салт- дәстүрлерімізді жаңғырту. Шетелдік туристер бетоннан құйылып, шынымен қапталған ғимараттарға қызықпайды, олар одан шаршаған.Оларға біздің бай мәдениетіміз тартымды. Сондықтан да ауылдарымыз көркейсін десек, агротуризмді дамыту арқылы агротуризмді насихаттайық. Бүл партияның бағдарламасында қарастырылған маңызды тақырыптың бірі”,- деді ол.
</blockquote>

Төлеутай Рахымбеков: Ауылды көтерудің бір жолы &#8211; агротуризмді дамыту

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 831 адамда коронавирус індеті ПТР арқылы расталды.
Тіркелген жаңа жағдайлар бойынша Алматы қаласы (128), Атырау (107) және Павлодар облыстары антирейтингіні бастап тұр.
Аймақтар бойынша:
<ul>
<li>Нұр-Сұлтан қаласы – 76</li>
<li>Алматы қаласы – 128</li>
<li>Шымкент қаласы – 18</li>
<li>Ақмола облысы – 59</li>
<li>Ақтөбе облысы – 12</li>
<li>Алматы облысы – 56</li>
<li>Атырау облысы – 107</li>
<li>Шығыс Қазақстан облысы – 50</li>
<li>Жамбыл облысы – 17</li>
<li>Батыс Қазақстан облысы – 43</li>
<li>Қарағанды облысы – 35</li>
<li>Қостанай облысы – 65</li>
<li>Қызылорда облысы – 4</li>
<li>Маңғыстау облысы – 8</li>
<li>Павлодар облысы – 87</li>
<li>Солтүстік Қазақстан облысы – 57</li>
<li>Түркістан облысы – 9</li>
</ul>
Жалпы ел бойынша ауырғандар саны 160 650.

COVID-19: Қызылордада 4 адам тіркелді

<a href="https://kyzylorda-news.kz/">Kyzylorda-news.kz.</a> «Қазгидромет» РМК 8 қаңтар күніне ауа райы болжамын жариялады.
Қазақстан территориясының басым бөлігі әлі де Солтүстік антициклон жотасының ықпалында болады және аязды, қар, жауын-шашынсыз ауа райы сақталады. Тек республиканың солтүстік-батысында, батысында, оңтүстік-шығысында және оңтүстігінде түнде атмосфералық фронталды бөліктердің өтуіне байланысты қар жауады.
Республиканың кей жерлерінде тұман, желдің күшеюі, батысында – көктайғақ, жаяу бұрқасын күтіледі.

Жұмаға арналған ауа райы болжамы

Kyzylorda-news.kz. «Nur Otan» партиясы атынан Қызылорда облыстық және қалалық мәслихат депутаттығына үміткерлер Наурызбай Байқадамов пен Ибраким Басықараев Теміржол саласы жанынан құрылған партияның Теміржол филиалындағы бастауыш партия ұйымы төрағаларымен кездесті.
Келелі кездесуде үміткерлер ұжымның сала туралы салмақты сауалдарына жауап беріп, партияның сайлауалды бағдарламасын насихаттады. Ашық әңгіме алаңында сайлаушылардың басты сауалы айлық жалақысын көтеру, тұрғын үймен қамтамасыз етуге байланысты болды.
<blockquote>
 “Жалпы қала тұрғындары үшін тұрғын үй мәселесі әрдайым өзекті. Осы жайтты ескере отырып, партия 2025 жылға дейін 4140 пәтерлі 92 көпқабатты тұрғын үй, оның ішінде әлеуметтік осал топтарға, жас отбасыларға, бюджет саласының қызметкерлеріне 1840 пәтердің құрылысы жүргізбек. Сонымен қатар, 5870-ден аса жеке тұрғын үйлердің құрылысы мен 27 көпқабатты тұрғын үйге күрделі жөндеу жүргізілетін болады. Мінекей, осы жүргізілген шаралар 5 мыңға жуық отбасын баспанамен қамтуға және 10 мыңнан аса отбасына өмір сүруге қолайлы жағдай жасайды. Ал әлеуметтік көмек, жұмысшылардың міндеттемелерін жеңілдету, медицинаға қолжетімділікті арттыру секілді мәселелерге байланысты алдағы уақытта ауқымды жұмыстар жасалады”, – деді үміткер Ибраким Басықараев.
</blockquote>
Айта кетейік, қала тұрғындарының жайлы өмір сүруі үшін «Nur Otan» партиясы алдағы бес жыл шеңберінде халықты сумен жабдықтау, жылумен қамтамасыз ету және көшелер мен аулаларды абаттандыру мәселелерін шешуге ниетті. Осы мақсатта Сырдария өзенінің сол жағалауындағы жаңа аудандарда, Саяхат, Сәулет, Рисмаш, КБИ, Әл-Фараби, Сабалақ аудандарында ұзындығы 213,2 км инженерлік және коммуникациялық инфрақұрылым құрылысын салып, Жылу-электр орталығын қайта жаңғыртпақ. Сондай-ақ, 2025 жылға дейін Қызылорда қаласына қарасты барлық саяжайларға су құбырын жүргізіп, Махамбетов және Наурыз ауылында 110,4 км газбен жабдықтау желілерін салатын болады. Әрі жаңадан 25 балалар ойын алаңдарының құрылысы және көпқабатты үйлер алаңындағы тозығы жеткен 100 балалар ойын алаңын жөндеу жұмыстарын жүргізу ықпал етпек. Нәтижесінде елді-мекендердегі орталықтандырылған газбен қамтылу үлесі 30%-ға артады. 
Үгіт тобы әрбір сайлаушының талап-тілегі қараусыз қалмайтынын жеткізіп, үгіт парақтарын таратып берді. Ал шараға қатысушылар бағдарламадағы басымдықтар риза болып, алдағы саяси дода да партияға дауыс беретіндерін айтып тарқасты. 
«Nur Otan» партиясы Қызылорда облысының Сайлау қорының қаражатынан төленді
<img src="https://kyzylorda-news.kz/wp-content/uploads/2021/01/img-20210107-wa0008.jpg" alt="" />

Қызылордада 92 көпқабатты тұрғын үй құрылысы жүргізіледі

Kyzylorda-news.kz. Зейнетақы қорынан алынған қаражат 45 күннің ішінде мақсатты түрде жұмсалмаса ол толық көлемде азаматтың БЖЗҚ-дағы қорына кері қайтарылады. Бұл туралы «Отбасы банкі» басқарма төрағасы Ләззат Ибрагимова Facebook-де өткен тікелей эфир барысында айтты, деп хабарлайды ҚазАқпарат.
<blockquote>
 «Егер зейнетақы қорынан аударылған ақша 45 күннің ішінде үй алуға пайдаланылмаса, онда қаражат БЖЗҚ-ға қайтарылады. Яғни бұл тұрғыда нақты шектеу қойылған. Егер ақша алынғаннан кейін 45 күннің ішінде қолданылмаса, ақшаның нақты мақсатты бағытқа пайдаланылғанын растайтын құжатты көрмесек, онда ол қаражат БЖЗҚ-дағы өз жинағыңызға толық көлемде қайтарылады», – деді Ләззат Ибрагимова.
</blockquote>

Қазақстан және Қызылорда облысының жаңалықтары

Арал өңірінің экологиялық проблемасы: Халықаралық ғылыми-тәжірибелік конференция өтті

Қызылордада карантин талабын бұзғандар анықталды

Қызылордада заңсыз айналымнан 350 келіге жуық есірткі заты алынды

“ADAL”: Тұрғындар көтерген мәселелер басты назарда

Қызылордада 7 адам коронавирустан жазылды

Қазақстанда Балық шаруашылығы комитеті құрылды

Мәжіліс сайлауы: Қазақстандықтар нені білуі тиіс?

Төлеутай Рахымбеков: Ауылды көтерудің бір жолы – агротуризмді дамыту

COVID-19: Қызылордада 4 адам тіркелді

Жұмаға арналған ауа райы болжамы

Қызылордада 92 көпқабатты тұрғын үй құрылысы жүргізіледі

Зейнетақы қорынан алынған қаражат пайдаланылмаса кері қайтарылады

Қазақстан және Қызылорда облысының жаңалықтары

Арал өңірінің экологиялық проблемасы: Халықаралық ғылыми-тәжірибелік конференция өтті

Қызылордада карантин талабын бұзғандар анықталды

Қызылордада заңсыз айналымнан 350 келіге жуық есірткі заты алынды

&#8220;ADAL&#8221;: Тұрғындар көтерген мәселелер басты назарда

Қызылордада 7 адам коронавирустан жазылды

Қазақстанда Балық шаруашылығы комитеті құрылды

Мәжіліс сайлауы: Қазақстандықтар нені білуі тиіс?

Төлеутай Рахымбеков: Ауылды көтерудің бір жолы &#8211; агротуризмді дамыту

COVID-19: Қызылордада 4 адам тіркелді

Жұмаға арналған ауа райы болжамы

Қызылордада 92 көпқабатты тұрғын үй құрылысы жүргізіледі

Зейнетақы қорынан алынған қаражат пайдаланылмаса кері қайтарылады

“ADAL”: Тұрғындар көтерген мәселелер басты назарда

Төлеутай Рахымбеков: Ауылды көтерудің бір жолы – агротуризмді дамыту