Мемлекет басшысының жемқорлықпен күрес мәселелері жөніндегі кеңесте сөйлеген сөзі

<a href="https://kyzylorda-news.kz/date/2020/08/19/">Kyzylorda-news.kz.</a> Биылғы жаңа оқу жылының ерекшелігі 1 қыркүйектен бастап қала мектептері жан басына шаққандағы қаржыландыруға көшіріледі. Яғни, Арал ауданынан – 9 мектеп, Қазалы ауданынан – 3 мектеп, Байқоңыр қаласынан – 5 мектеп, Қызылорда қаласынан – 41 мектеп, барлығы 58 мектепті аталған механизмге енгізу үшін барлық жоспарлы дайындық жұмыстары аяқталды.
Бұл туралы Өңірлік коммуникациялар қызметінің ақпараттық алаңында облыстық білім басқармасының басшысы Ақзира Қасымова мәлімдеді
<blockquote>
 “Облыстағы 222 мектептегі 116 888 оқушы қашықтан оқытылады. Қашықтан оқыту BilimLand, Дарын-онлайн интернет платформалары арқылы жүргізіледі. 1-4 сыныптағы 41 547 оқушы 3141 топта дәстүрлі оқиды. Шалғай орналасқан елді-мекендегі 71 мектептен 10712 оқушы дәстүрлі оқытылады. 25 елді мекендегі 2187 оқушы дәстүрлі түрде оқиды. 2020-2021 оқу жылында облыстағы 30 колледжде қашықтан оқыту жүйесінде білім беру жүзеге асырылатын болады ,-деді Ақзира Бақтыбайқызы
</blockquote>
<img src="https://kyzylorda-news.kz/wp-content/uploads/2020/08/118011429_1093033051092206_6616858575247325032_o.jpg" alt="" />
Сонымен қатар, қала, аудан әкімдіктері дәстүрлі түрде өткізілетін «Мектепке жол» акциясы басталды. Биылғы жылғы акцияның мақсаты – әлжуаз отбасынан шыққан балаларды электронды құрылғылармен және интернетпен қамтамасыз ету.

Қызылорда облысындағы мектептер қашықтан білім беруге дайын ба?

<a href="https://kyzylorda-news.kz/">Kyzylorda-news.kz.</a> 14 тамызда жұмысын бастаған <a href="https://infokazakhstan.kz/">https://infokazakhstan.kz/</a> порталына бүгінге дейін 4990 кәсіпкер өтініш берген.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Өтініш берген кәсіпкерлердің 3924-і дайындық актісін алып, жұмысын жүргізуде. 330 кәсіпкер мониторингтік топты күтіп отырса, қалған өтініштер қаралуда.
&nbsp;&nbsp;&nbsp;&nbsp;&nbsp;&nbsp;&nbsp;&nbsp; <a href="https://infokazakhstan.kz/">https://infokazakhstan.kz/</a> порталы арқылы тексерусіз, хабарландыру түріндегі актісін алған кәсіпкерлердің бірі Қармақшы ауданындағы оқу орталығының иесі Манат Көбекова.
<blockquote>
 «Оқу орталығының жұмысын бастау үшін InfoKazakhstan платформасы арқылы дайындық актісін алдым. Оған дейін орталықты барлық санитарлық талаптарға сай дайындап қойған болатынмын. Актіні алу қиындық тудырмайды және көп уақытты алмайды. Тек электронды цифрлы қолтаңбаң болса жеткілікті. Барлық кәсіпкерлерді аталмыш порталда тіркеліп, жұмыс жасауға шақырамын», – дейді кәсіпкер.
</blockquote>
<img src="https://kyzylorda-news.kz/wp-content/uploads/2020/08/manat.jpeg" alt="" />
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Ерекше мән беретін жайт, кәсіпкерлер <a href="https://infokazakhstan.kz/">https://infokazakhstan.kz/</a> өздері өтініш беріп, қызметті жылдам ала алады. Техникалық мүмкіндігі жоқ кәсіпкерлерге Кәсіпкерлер палатасының Қызылорда қаласы мен аудандардағы мамандары қызмет көрсетуде. Порталға тіркеу ақысыз, ТЕГІН.&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp; Айта кету керек, ҚР Бас санитарлық дәрігердің қаулысына сәйкес кәсіпкерлер жұмысын InfoKazakhstan платформасына тіркеліп, жұмыс жасауға дайындық актісін алу арқылы бастай алады.
&nbsp;Бизнес түрлерінің басым бөлігі, тексерусіз, хабарландыру тәртібінде іске қосылып, мониторингтік топтың келуін күтпей-ақ қызметін бастай алады.
Жұмысты тексерусіз, хабарлама тәртібінде қайта бастауда ҚАРАПАЙЫМ ҮШ ҚАДАМ:
1-кадам. InfoKazakhstan сайтына кіріп, нысанды электронды цифрлық қолтаңба арқылы тіркеу.
2-қадам. Бас санитарлық дәрігердің қаулысынжүктеу және кәсібіңізге қойылған санитарлық талаптармен танысып, оны электронды цифрлық қолтаңба&nbsp; арқылы растау.
3-қадам. Жеке кабинетте және электронды поштада дайындық туралы актісін алып, жұмысты бастау.
Тексерудің болмауы, жауапкершіліктен босатпайды. Қоғамдық бақылау, кез келген келуші бұзушылық туралы ақпаратты бақылаушы органға жібере алады.
Мониторингтік топтың тексеруі кәсіпкерлік қызметтің небәрі 5 түріне қолданылады: сауда және ойын-сауық орталықтары, азық-түліктік сауда базарлары, азық-түліктік емес базарлар, балалар сауықтыру лагерлері, бильярд және боулинг залдары.
Егер кәсібіңіз көпшілік жиналатын нысандар, балалармен тактильді қатынас жасалатын бизнес түріне жатса, онда&nbsp; жұмысты бастауға рұқсатты алу үшін санитарлық талаптарға сай келу бойынша тексеруден өту қажет, яғни рұқсат беру тәртібі қолданылады. Бұл қажетті процедура деп санаймыз.
Порталда толтыру процедурасы да қиын емес.
1-қадам.InfoKazakhstan сайтына кіріп, нысанды электронды цифрлық қолтаңба арқылы тіркеп, бас санитарлық дәрігер қаулысын жүктеп, кәсіп түріне қойылған талаптармен танысу қажет. Талаптармен&nbsp; мұқият танысып, электронды цифрлық қолтаңба арқылы растау қажет!
2-қадам. Нысанды санитарлық талаптарға сәйкес дайындау.
3-қадам. Мониторингтік топтың тексеруінен өту.
4-қадам. Егер бәрі дұрыс болса, сайттағы жеке кабинеттен және электронды поштаға санитарлық нормаларға сәйкестік актісін – жұмысты қайта бастауға рұқсатты алып, жұмысты бастау.
Электронды рұқсатты басып шығарып, соның ішінде мониторингтік топтың келуі жағдайына қарай рұқсаттың қағаз көшірмесін іліп қою қажет.
Айырмашылық тексеруде ғана, егер өтінім берген соң нәтиже теріс шықса, онда тексеруден екінші рет өтуге болады.
Кәсіпкерлерге кеңес беру үшін 1432 байланыс орталығы тәулік бойы қызмет көрсетеді (қоңырау шалу тегін), Қызылорда облысы бойынша 8 /7242/ 40-02-02. Сонымен қатар t.me/infokazakhstan телеграм-канал іске қосылды, онда портал жұмысына қатысты соңғы жаңалықтар және бизнес өкілдеріне басқа қызықты ақпарат жарияланады.

Қызылордада 4990 кәсіпкер InfoKazakhstan платформасына өтініш берген

<a href="https://kyzylorda-news.kz/date/2020/08/19/">Kyzylorda-news.kz.</a> Банк ВТБ (Қазақстан) коронавирус пандемиясы салдарынан қаржылық жағдайлары нашарлаған кәсіпкерлер мен шағын және орта бизнес субъектілерінің қарыздарын қайта құрылымдау мерзімдерін ұзарту туралы шешім қабылдады. 2020 жылдың 1 қазанына дейін кейінге қалдыру және қарызды төлеу кестесін қайта қарау мүмкіндігі жекеше тәртіппен клиенттердің өтініші мен бизнесі карантин мерзімінде шектелген немесе тыйым салынған қызмет түрлеріне жататынын растайтын құжаттар негізінде қарастырылады, деп жазады Stan.kz
ШОБ клиенттерінен қайта құрылымдауға өтініштер&nbsp;<a href="https://SMB_VTB@vtb-bank.kz/">SMB_VTB@vtb-bank.kz</a>&nbsp;электрондық пошта арқылы қабылданатын болады. Көрсетілген мерзім ішінде Банк ВТБ (Қазақстан) заңды тұлға болып табылатын клиенттерге қатысты Қазақстанда карантин шаралары қолдануына байланысты шектеулер нәтижесінде пайда болған төлемдерді кешіктіру бойынша айыппұлдар мен өсімпұлдарды есептемейді.
<blockquote>
 “2020 жылдың наурыз-тамыз айлары аралығында 307 кәсіпкер-банк клиенттері қайта қаржыландыру және/немесе төлемдерді кейінге қалдыру түрінде қолдау алды. Одан бөлек, банк «Қазақстандық тұрақтылық қоры» АҚ тарапынан COVID-19 пандемиясынан зардап шеккен кәсіпкерлерді жеңілдікпен кредиттеуге бөлінген 9 млрд. теңгені мерзімнен бұрын игерді. Сондай-ақ, біз клиенттерімізге өзге мемлекеттік бағдарламалар аясында бизнесті жеңілдікпен кредиттеуді белсенді түрде ұсынамыз. Оның барлығы, әрине, қазіргі таңда ШОБ үшін айтарлықтай қолдау болмақ. Өкінішке қарай, осы уақыт ішінде коронавирус пандемиясы тоқтамай, клиенттеріміз карантиндік шектеулердің салдарынан туындайтын қиындықтарға әлде де ұшырап жатады. Сондықтан біз ШОБ кредиттері бойынша төлемдерді кейінге қалдыру мерзімін ағымдағы жылдың 1 қазанына дейін ұзартуды ұйғардық”, – деп атап өтті Банк ВТБ (Қазақстан)-ның басқарма төрағасы Дмитрий Забелло.
</blockquote>

Банк кредиттер бойынша кейінге қалдыру мерзімін  ұзартты

<a href="https://kyzylorda-news.kz//2date020/08/19/">Kyzylorda-news.kz.</a> Қазақстан Республикасының білім және ғылым министрі өзінің бұйрығымен 2020 жылғы 7 тамыздағы бұйрығымен бастауыш, негізгі орта, жалпы орта білімнің жалпы білім беретін оқу бағдарламаларын іске асыратын білім беру ұйымдарының&nbsp;типтік ережелеріне өзгерістер енгізді.
Сонымен, ата-аналардан немесе баланың басқа заңды өкілдерінен құжаттар қабылдау бастауыш білім берудің жалпы білім беретін оқу бағдарламаларын іске асыратын білім беру ұйымдарының бірінші сыныбы осы жылдың&nbsp;1 сәуірінен 1 тамызына дейін өткізіледі.
Сонымен бірге, тиісті мемлекеттік органдар шектеулі шараларды жүзеге асырған кезде, төтенше жағдайдың енгізілуі, белгілі бір аумақта әлеуметтік, табиғи және техногендік сипаттағы төтенше жағдайлар болған жағдайда, білім беру ұйымдарының бірінші сыныбына құжаттар осы жылдың 20 тамызынан кешіктірілмей қабылданады.
Күндізгі және кешкі оқытуға бастауыш, негізгі орта, жалпы орта, күндізгі және кешкі&nbsp;білім беру ұйымдарын тіркеу 20 тамыздан кешіктірілмей жүзеге асырылады. Бұйрық алғашқы ресми жарияланған күнінен бастап күшіне енеді.

Баланы 1-сыныпқа қабылдау үшін құжаттар қай күнге дейін қабылданады?

<a href="https://kyzylorda-news.kz/date/2020/08/19/">Kyzylorda-news.kz.</a> Биыл еліміздің көк байрағын әлемдік аренада желбіретіп, салауатты өмір салтын насихаттап жүрген спортшылар кәсіби мерекесін 16 тамыз күні атап өтті. Осыған орай Қазалы ауданының әкімі Мұрат Ергешбаев бірқатар спорт нысандарын аралап, спортшылармен кездесті.
Аудан басшысы алдымен Әйтеке би кентінің М.Дулатов пен Жетес би көшелерінде биыл салынған спорт алаңдарына барып, жас аяқдопшылармен кездесті.
<blockquote>
 «Биыл осы аумақ тұрғындарының өтініштеріне сәйкес 2 бірдей спорт алаңы салынды. Дәл қазір бұл жерде біздің балаларымыз доп теуіп жатқанына өте қуаныштымын. Талайды таңқалдыратын таланттың барлығы ауылдан шығады. Сондықтан осы жерде жүйелі жұмыстарды үйлестіру керек. Жаңадан салынған дүниеге жанашырлықпен қарап, барлығымыз бақылау жасауымыз қажет», – деді аудан басшысы.
</blockquote>
Кездесуде аудандық дене шынықтыру және спорт бөлімінің басшысы Нұрлыбек Есбосынов екі спорт алаңына да бір-бір маманнан белгілеп, қазіргі таңда жас балалар тұрақты түрде футбол ойнап жатқанын жеткізді. Ал, 5 квартал аймағынан қос бірдей спорт алаңының салынғанына дән риза болған тұрғындарының атынан футболдан Қазақстан ұлттық құрамасында доп тепкен жерлесіміз Дәуренбек Тәжімбетов аудан әкімі Мұрат Ергешбаевқа өзінің аты жазылған футболканы естелікке табыс етті.
Мұнан соң аудан басшысы №17 Қазалы ауданының олимпиадалық резервтің мамандандырылған балалар-жасөспірімдер мектебінде спорт саласының басшылары және жаттықтырушылармен кездесіп, спорт күні мерекесімен құттықтады.
Басқосуда Қазалы қалалық балалар-жасөспірімдер спорт мектебінің директоры Жұмабек Құлбаев, Қазалы спорт кешенінің директоры Нұрболат Әбиев және №17 Қазалы ауданының олимпиадалық резервтің мамандандырылған балалар-жасөспірімдер мектебінің директоры Қуанған Бәкен спортшыларға қолайлы жағдай жасап жатқан аудан әкіміне алғыстарын айтып, бірқатар ұсыныс-пікірлерін жеткізді.
<img src="https://kyzylorda-news.kz/wp-content/uploads/2020/08/24.jpg" alt="" />
<img src="https://kyzylorda-news.kz/wp-content/uploads/2020/08/26.jpg" alt="" />

Мұрат Ергешбаев спорт нысандарын аралап, спортшылармен кездесті

<a href="https://kyzylorda-news.kz/date/2020/08/19/">Kyzylorda-news.kz.</a> «Nur Otan» партиясы облыстық филиал жанындағы партиялық бақылау комиссиясының төрағасы Бағдаулет Мақашов бастаған партиялық бақылау комиссиясының мүшелері «Жұмыспен қамту 2020» бағдарламасы аясында облыстық филармония ғимаратына қосалқы құрылыс жұмыстарына зерделеу жүргізді. Құрылысқа облыстық бюджеттен 262,4 млн тенге қаржы қарастырылған.
Филармония аумағындағы саябақты сақтап қалу мақсатында қосымша құрылыс нысанының орны&nbsp;өзгертілген, соған сәйкес жоба-сметалық құжаттарына тиісті өзгерістер енгізіп, сараптама қорытындысын алу жұмыстары жасалып жатқаны анықталды. Қазіргі таңда құрылыс-монтаж жұмыстары тоқтамай жүргізілуде.
Құрылыс осы жылдың мамыр айынан басталған жыл соңына дейін пайдалануға беру жоспарлануда. Жұмыспен қамту жол картасы бойынша құрлысқа 66 жұмысшы тартылу көзделген, алайда қазіргі таңда 13 жұмысшы жұмысқа қабылданып жұмыс жасап жатқаны белгілі болды.
Партиялық бақылау комиссиясы орын алған кемшіліктерді, құрылысты толық бастап кету үшін құжаттарды рәсімдеуді жеделдетуді және жұмыссыз жүрен азаматтарды жұмысқа тарту туралы ұсыныстар берді.
<img src="https://kyzylorda-news.kz/wp-content/uploads/2020/08/117901896_969549906790853_534085034424523431_o.jpg" alt="" />

«Nur Otan»: Жұмыссыздар жұмыспен қамтылуы тиіс

<a href="https://kyzylorda-news.kz/date/2020/08/19/">Kyzylorda-news.kz.</a> Карантин жеңілдетілгенімен, қызметі әлі де тоқтап тұрған салаларға мемлекет тарапынан қолдау көрсетіледі. Бірақ&nbsp; 42 500 теңге төленбейді. Бұл туралы еңбек және халықты әлеуметтік қорғау вице-министрі Серік Шапкенов мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.
Қазақстанда 17 тамыздан бастап карантин талаптары жеңілдетілді. Десе де кейбір нысандар наурыз айының ортасынан бері жабық. Мәселен, кинотеатрлар, караоке, бассейндер және тағы басқа нысандар әлі ашылмады.
<blockquote>
 “Қазір ұлттық кәсіпкерлер палатасы ұлттық экономика министрлігімен бірлесіп, қызметі тоқтап тұрған салаларды мемлекеттік қолдау шараларын қарастырып жатыр. Сондықтан 42 500 теңгені төлеуді жалғастыру туралы мәселе қозғалып отырған жоқ”, – деді Шапкенов баспасөз мәслихатында.
</blockquote>
Айта кетсек, Қазақстанда төтенше жағдай және қатаңдатылған карантин кезінде кірісінен айырылған азаматтарға 42 500 теңге төленді.

Карантинге байланысты әлі жұмыссыз отырғандарға 42 500 теңге төлене ме?

<a href="https://kyzylorda-news.kz/date/2020/08/19/">Kyzylorda-news.kz.</a> Темiр жол – ел экономикасының өзегi, мемлекетiмiздiң қуатты жүйесi. Бiр ғасырдан астам тарихы бар Қазалы теміржол мекемелерінің бүгiнгi тынысы жыл санап жақсарып келедi.
Қазалы ауданының әкімі Мұрат Ергешбаев Қазалы вагон пайдалану депосының мәжіліс залында теміржолшылармен кездесті.
Кездесуде аудан әкімі алдымен теміржолшыларды тамыз айында аталып өтілетін кәсіби мерекелерімен құттықтады.
<blockquote>
 “Ауданымыздағы эпидемиологиялық ахуалға байланысты өздеріңізбен жүздесудің сәті енді түсіп отыр. Сондықтан да баршаңызды көлік қызметкерлерінің күнімен құттықтаймын. Ғасырдан астам тарихы бар Қазалы теміржол мекемелері еліміздің, туған жеріміздің дамуына өз үлестерін қосуда. Сол үшін де Сіздерге алғыс айтамыз”, – деген Мұрат Нәлхожаұлы мұнан соң ауданда атқарылып жатқан жұмыстарды кеңінен баяндап, алдағы жоспарларымен бөлісті.
 “Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында құны 3 млрд 11 млн 89 мың теңге болатын 42 жоба іске асырылып жатыр. Осының нәтижесінде жүздеген тұрғынға жұмыс табылып, әлеуметтік нысандар жаңғыртылудан өткізілуде. Бағдарлама шеңберінде Ғ.Мұратбаев ауылына табиғи газ апару, Ақсуат ауылынан 150 орындық клуб салу, ауданды абаттандыру, көшелерді орташа жөндеу мен жарықтандыру, әлеуметтік нысандарды ағымдағы жөндеуден өткізу жұмыстары атқарылатын болады”, – деді.
</blockquote>
«Жұмыла көтерген жүк жеңіл» деген. Теміржол саласының қызметкерлерімен бірлесіп жұмыс жасаудың арқасында оң нәтижелерге қол жеткізілді. Мұны біз биылғы жылы ауданда атқарылған жұмыстардан анық көре аламыз.
Басқосуда ауданның әлеуметтік-экономикалық дамуына лайықты үлес қосып, туған жеріміздің гүлденуіне атсалысқан теміржолшылар мен ардагерлер облыс және аудан әкімінің «Алғыс хаттарымен» марапатталды.
<img src="https://kyzylorda-news.kz/wp-content/uploads/2020/08/9.jpg" alt="" />
<img src="https://kyzylorda-news.kz/wp-content/uploads/2020/08/1-3.jpg" alt="" />
<img src="https://kyzylorda-news.kz/wp-content/uploads/2020/08/3.jpg" alt="" />

Қазалыда теміржолшыларға құрмет көрсетілді

<a href="https://kyzylorda-news.kz/">Kyzylorda-news.kz.</a> 17 тамыздан бастап «Nur Otan» партиясында партияішілік іріктеу – праймериз науқанына үміткерлердің құжаттарын қабылдау жұмыстары басталды.
Дүбірлі додада бақ сынамақ болған 108 үміткер 2 күннің ішінде құжаттарын тапсырып та үлгерді. Олардың 15 пайызы жастар.
Олар праймериз ережесіндегі жастарға бағытталған квотаны тиімді пайдалуға күш салғаны байқалады. 
Мәселен, праймеризде өз бағын сынауға ниет етіп Байқоңыр қаласынан алғаш құжат тапсырғандардың ең жасы Индира Қабатова.
Ол Байқоңыр қаласының «Жастар ресурстық орталығы» бөлімінің меңгерушісі болып қызмет атқарады. 2016 жылдан бері партия қатарында жүріп мол тәжірибе жинақтаған Индира жетекші партияның мүшесі болу үлкен мақтаныш, әрі жауапкершілік екенін айтады. Алда ашық бәсекеде бағым жанып, партияластарым қолдап жатса, жастар арасындағы жұмыссыздық пен құқық бұзушылықтың алдын алу бағытындағы мәселелерді азайтуға қатысты жоспарларын жүзеге асырмақшы.
Бұл бір ғана үміткердің ойы. Ал бүгінгі тіркелген азаматтардың әр қайсысы ел дамуына еселеп үлес қосатын азаматтар екеніне күмәніміз жоқ. Осы мүмкіндікті пайдалана отырып әрбір үміткерге бізде филиалы ұжымы атынан сәттілік тілейміз.
Айта кетейік, жалпы құжат тапсырған 108 үміткердің 30 пайызға жуығы әйел азаматтар болса, 15 пайызы 35 жасқа дейінгі жастар.
<img src="https://kyzylorda-news.kz/wp-content/uploads/2020/08/fb_img_1597767350782.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597767343451.jpg" alt="" />

Қызылорда облысында 108 үміткер праймеризге қатысуға құжат тапсырды

&nbsp;<a href="https://kyzylorda-news.kz/date/2020/08/19/">Kyzylorda-news.kz.</a> Қазақстанда өткен тәулікте 1841 адам коронавирус індетінен емделіп шықты. Ал, Қызылорда облысында 18 тамызда 143 науқас ауруынан айықты, деп хабарлайды <a href="https://www.coronavirus2020.kz/kz">coronavirus2020.kz</a>&nbsp;.
Аймақтар бойынша:
Нұр-Сұлтан қаласы – 62
Алматы қаласы – 585
Ақмола облысы – 46
Ақтөбе облысы – 18
Алматы облысы – 353
Атырау облысы – 9
Шығыс Қазақстан облысы – 3
Жамбыл облысы – 19
Батыс Қазақстан облысы – 16
Қарағанды облысы – 374
Қостанай облысы – 8
Қызылорда облысы – 143
Маңғыстау облысы – 29
Павлодар облысы – 30
Солтүстік Қазақстан облысы – 134
Түркістан облысы – 12
Қазақстан бойынша&nbsp;жазылғандар саны – 86 286.&nbsp;Індет&nbsp;барлығы 103 571 адамнан анықталды.

Кеше Қызылордада 143 адам коронавирустан жазылып шықты

<a href="https://kyzylorda-news.kz/">Kyzylorda-news.kz.</a> Қазгидромет 19 тамызға арналған ауа райы болжамын ұсынады.
Қазақстан аумағының басым бөлігінде ауа райының тұрақсыздығы сақталады, атмосфералық фронтальды бөліктердің өтуімен найзағай күтіледі, жаңбыр жауады, тек оңтүстік пен батыста ауа райы көбінесе жауын шашынсыз болады. Республиканың кей жерлерінде жел күшейеді, тұман, дауыл, бұршақ жаууы ықтимал.

Қазақстан және Қызылорда облысының жаңалықтары