Kyzylorda-news.kz. Қазақстанда өткен тәулікте 714 адамда коронавирус індеті ПТР арқылы расталды, деп хабарлайды coronavirus2020.kz/kz.
Аймақтар бойынша:
Нұр-Сұлтан қаласы – 63
Алматы қаласы – 103
Ақмола облысы – 59
Ақтөбе облысы – 4
Алматы облысы – 49
Атырау облысы – 81
Шығыс Қазақстан облысы – 41
Жамбыл облысы – 8
Батыс Қазақстан облысы – 31
Қарағанды облысы – 40
Қостанай облысы – 59
Қызылорда облысы – 7
Маңғыстау облысы – 11
Павлодар облысы – 92
Солтүстік Қазақстан облысы – 57
Түркістан облысы – 9
Жалпы ел бойынша ауырғандар саны 156934.

Қызылордада 7 адамнан коронавирус анықталды

Kyzylorda-news.kz. 2021 жылы ең төменгі жалақы сол 42 500 теңге мөлшерінде қалады, деп хабарлайды&nbsp;<a href="https://sputnik.kz/">Sputnik Қазақстан.</a>
Елдегі ең төменгі жалақы өзгерген жоқ. 2021 жылы ол 42 500 теңгені құрайды.
Ал жәрдемақы және өзге де әлеуметтік төлемдерді, айыппұл, салық және басқа да төлемдерді есептеу үшін қолданылатын айлық есептік көрсеткіш (АЕК) өсті. Енді 1 АЕК 2 917 теңгеге тең.
Былтыр 1 қаңтардан ол 2 651 теңге болса, 1 сәуірден 2 778 теңгеге дейін ұлғайды.
Базалық әлеуметтік төлемдерді есептеу үшін ең төменгі күнкөріс деңгейі 34 302 теңге болып бекітілді. 2020 жылы 32 668 теңгені құраған болатын.
2020 жылы жазда еңбек министрлігі 2025 жылға дейін ең төменгі жалақы мөлшерін кезең-кезеңмен арттыруды көздеп отырғанын мәлімдеген еді.
Министр Біржан Нұрымбетовтің пікірінше, ең төменгі айлықты елдегі орташа жалақының 30-40%-не жеткізу қажет.
<blockquote>
 “Қазір 200 мың теңгенің 42 500-і – шамамен 21%. Егер елде орташа жалақы өссе, ең төменгі айлық та ұлғаюы керек. Мәселен, егер бізде орташа еңбекақы 400 мың теңге болса, ең төменгі жалақы оның 30 пайызы, яғни 120 мың теңге болуы тиіс. Біз осылай болғанын қалар едік. Біз мұндай стандарттарға ұмтылуымыз қажет”, – деген болатын ведомство басшысы.
</blockquote>
Бұған дейін сенаторлар да ең төменгі жалақыны қазіргі өмір сүру талаптарына сәйкестендіруді ұсынды.
Депутаттардың айтуынша, Қазақстандағы ең төменгі жалақы ЕАЭО-ға мүше Ресейден 34 мың, Беларусьтен 22 мың, Армениядан 13 мың, ал ТМД елдеріндегі Украинадан 35 мың, Молдовадан 25 мың, Әзербайжаннан 16 мың теңгеге төмен.

Қазақстанда 2021 жылы ең төменгі жалақы қанша болады

Kyzylorda-news.kz. Мемлекет басшысы «Қазақстан Республикасының кейбір заңнамалық актілеріне экономикалық өсуді қалпына келтіру мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.
Аталған Заңға сәйкес, Қазақстан азаматтары Бірыңғай зейнетақы жинақтаушы қорындағы жинақтарының бір бөлігін пайдалана алатын болады.
Заңға сәйкес 2021 жылдан бастап қазақстандықтарға зейнетақы жинақтарының бір бөлігін аталған мақсаттарда пайдалану құқығы берілетін болады. Зейнетақы жинақтарының бір бөлігін нақты қажеттіліктерге пайдалану құқығын келесі азаматтар пайдалана алады:
– жұмыс істейтін, тиісті жаста зейнетақы жинақтары «жеткіліктілік шегінен» асатын азаматтар;
– сақтандыру компанияларымен БЖЗҚ-да қалған зейнетақы жинақтарының сомасы шегінде өмір бойы аннуитеттік төлемдерді қамтамасыз ететін зейнетақы аннуитеті шарттарын жасасқан адамдар;
– зейнеткерлікке шыққан азаматтар – БЖЗҚ-да қалған зейнетақы қаражатының 50%-ынан аспайтын шекте.
Егер олардың зейнетақысының жиынтық мөлшері (жасына байланысты немесе еңбек сіңірген жылдары үшін зейнетақыны, базалық зейнетақыны қоса алғанда) жоғалған табысты халықаралық стандарттарға сәйкес келетін деңгейде (кемінде 40%-ға) алмастыруды қамтамасыз еткен жағдайда.
Белгілі бір жастағы салымшы үшін оның табысынан БЖЗҚ-ға алдағы 10% тұрақты зейнетақы жарналарын (ең төменгі жалақыдан аз емес) ескере отырып, ең төменгі зейнетақы мөлшерінен аз болмайтын зейнетақы төлемдерімен қамтамасыз етуге мүмкіндік беретін зейнетақы жинақтарының ең төменгі қажетті сомасы «жеткіліктілік шегі» ретінде қарастырылады.
«Жеткіліктілік шегі» әйелдер мен ерлер үшін бірдей белгіленеді және әрбір жас үшін есептеледі. Бұл ретте ол қалыптасқан параметрлерге (кірістілік, инфляция, ең төменгі төлем мөлшері және т. б.) сүйене отырып, жаңа алушылар үшін қайта есептелетін болады. Алдын ала есептеу бойынша, мысалы, 30 жастағы азамат үшін «жеткіліктілік шегі» 2 млн 518 мың теңгені құрайды. Осы сомадан қалғанын олар жоғарыда көрсетілген қажеттіліктерге қалауы бойынша жұмсай алады.
Мұнымен қоса, 35 жас үшін – 2 млн 961 мың теңге;
40 жас үшін – 3 млн 437 мың теңге;
45 жас үшін – 3 млн 947 мың теңге;
50 жас үшін – 4 млн 495 мың теңге;
55 жас үшін – 5 млн 084 мың теңге;
59 және одан үлкен жас үшін 5 млн 586 мың теңге қажет.
Яғни, бұдан асқан соманы өз еркімен алуға құқылы.

ҚР Президенті зейнетақы жинағын алуға қатысты заңға қол қойды

Kyzylorda-news.kz. «Қазгидромет» РМК 3 қаңтар күні ауа райының бұзылуына байланысты бірнеше өңірде ескерту жариялады.
Атап айтқанда, Ақмола облысының кей жерлерінде тұман күтіледі. -32-37, кей жерлерде -42 градусқа дейін қатты аяз болады.
Батыс Қазақстан облысының кей жерлерінде тұман, жаяу бұрқасын болжанады.
Таңертең және күндіз Қызылорда облысында солтүстік-шығыс, шығыстан жел соғады, күші кей жерлерде 15-20 м/с артады.
3-4 қаңтарда Түркістан облысының кей жерлерінде тұман, жаяу бұрқасын болады.
Шығыстан соғатын желдің екпіні 15-20 м/с жетеді. Шымкент қаласында 3-4 қаңтар күндері тұман сақталады.

3 қаңтарға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Швед биофизиктері қылқан жапырақты ағаштардың неге қыста да, жазда жасыл реңкте болатынын анықтады. Олардың айтуынша, мұндай ағаштарда фотосинтез құбылысы жыл он екі ай тоқтамайды. Сондықтан қылқаны қурамай, жасыл пигменті солып кетпейді. Ғылыми зерттеу Nature Communications журналында жарияланған.
Шведцияның Умео университеті мен Амстердам еркін университеті және Канаданың Шығыс Онтарио Университетінің ғалымдары қарағай ағашының қылқан жапырағында жүретін фотосинтез құбылысын зерттеп, басқа ағаштардан айырмашылығы не екенін анықтап көрді.
Ғалымдардың айтуынша, ағаш атаулының бәрі қысқа таяу күн энергиясының азайып, фотосинтез құбылысының тоқтауына байланысты жапырағы қурап, биохимиялық реакцияларды басым бөлігі қысқарады. Аяз мен күн суықта түскен күн энергиясы фотосинтез механизмін бұзып, ақуызды ыдыратып жібереді. Алайда қылқан жапырақты ағашта фотосинтез процесі қыста да, аяз бен күн суықта да тоқтамайды.
Зерттеушілер Умео қаласы маңында өскен бірнеше қарағайдың қылқандарын алып зерттеген. Ғалымдар қылқан жапырақты зертхана апармай, дәл далада тұрып сынамасын алған. Өйткені электронды микроскоп пен зертхананың жылуына “жылынып” өзгеріп кетуі мүмкін еді.
<blockquote>
 “Зерттеу барысында қарағайдың қылқаны қыста күн энергиясын жұту мен оны фотосинтез құбылысына айналдырудың ерекше тетігін іске қосады. Соның арқасында ағаштың фотосинтетикалық аппараты шағылысқан күн энергиясын қор түрінде жинап, бөлек фотожүйе құрады. Содан қарағайдың табиғат құбылысына шебер бейімделетінін байқаймыз”, – дейді зерттеу тобының мүшесі Умео университетінің аспиранты Пушана Бага (Pushan Bag).
</blockquote>
Тағы бір ғалымның айтуынша, қарағайдың бұл қасиеті адамзатқа үлкен пайда әкелді. Мәселен, қыста қарағай болмаса, адамдар суық аймақтарға қарай қоныстана алмас еді.
<blockquote>
 “Солтүстік жарты шардағы адамдарға қарағай отын мен баспана болды. Ал қазір поляр маңы елдерінің экономикалық табысына айналуда”, – дейді профессор Стефан Янссон (Stefan Jansson).
</blockquote>
<a href="https://massaget.kz/layfstayl/alemtanu/syrly-alem/64139/">Massaget.kz</a>

Неге шырша мен қарағай мәңгі жасыл?

<a href="https://kyzylorda-news.kz/">Kyzylorda-news.kz.</a> Астрологтардың айтуынша, Сиыр жылы ұлы істер мен оқиғаларға толы жыл болмақ. Яғни, әрқайсымыз көптен армандаған нәрсені жасауға мүмкіндік аламыз.
Кейбір деректерге сүйенсек, жоспардың жүзеге асуы үшін жыл символынан қолдау күтудің өзіндік мәні бар. Сондықтан да сиыр жылындағы жорамалды негізге ала отырып, алдағы 12 айдан сәттілік пен жақсылықтан үміттенуге болады деп есептеледі.
Егер сіз жұлдыз-жорамалға сенсеңіз, онда сиыр (бұқа) бейнесімен арнайы бойтұмар алу керек. Ең дұрысы, ол жыл сипаттамасына толығымен сәйкес келеді және ол ақ металдан жасалады. Ал мұндай бойтұмарды жыл бойы тағып жүрген жөн. Олар зергерлік алқалар мен түрлі әшекей бұйымдар болуы мүмкін.
Сол сияқты үйде немесе пәтерде сиыр немесе бұқа бейнесіндегі мүсіндер қойылса, бұл үйге ер адамның ерік-жігері мен күші, тұрақтылығы мен байлығы тартылады деген сенім бар.
Жалпы астрологтардың айтуынша, алдағы жыл атауына ие болған жануардың сапалық қасиеттері өте жоғары бағаланады.
Егер суреттер топтамасына мұқият назар аударсаңыз, әр кезеңде әр салада аша тұяқтылар бейнесі жиі байқалады. Яғни, көше билбордтары мен стадиондардан бұқаның суретін тамашалап, ескерткіші мен мүсінін кездестіру қиын емес. Тіпті, әлемге әйгілі брендтердің логотиптерінде, киім мен спорттық командалардың аттарында бұқа бейнесі кең таралған.
<img src="https://kyzylorda-news.kz/wp-content/uploads/2020/12/15874764.jpg" alt="" />
<img src="https://kyzylorda-news.kz/wp-content/uploads/2020/12/15874815.jpg" alt="" />
<img src="https://kyzylorda-news.kz/wp-content/uploads/2020/12/15875227.jpg" alt="" />
<img src="https://kyzylorda-news.kz/wp-content/uploads/2020/12/15875013.jpg" alt="" />
<img src="https://kyzylorda-news.kz/wp-content/uploads/2020/12/15875351.jpg" alt="" />
<img src="https://kyzylorda-news.kz/wp-content/uploads/2020/12/15874872.jpg" alt="" />
<a href="https://sputnik.kz/photo/20201230/15897800/Zhyl-nyshany-foto.html">Sputnik Қазақстан</a>

2021 жыл нышаны қандай әлемдік брендтерде бейнеленген (ФОТО)

Kyzylorda-news.kz. 2021 жылдың 1 қаңтарынан жалпыға бірдей декларацияға көшудің алғашқы кезеңі басталды, деп хабарлайды <a href="https://m.sputnik.kz/economy/20210101/15892242/tabys-deklaratsiyasy.html">Sputnik Қазақстан</a>.
2020 жылдың 10 желтоқсанында президент Қасым-Жомарт Тоқаев “Салық кодексіне өзгерістер мен толықтырулар енгізу туралы” заңға қол қойды. Құжатқа сәйкес, 2021 жылдың 1 қаңтарынан республикада жалпыға бірдей декларациялау жүйесі енгізілді.
Кодексте жалпыға бірдей декларациялауды төрт кезеңмен жүзеге асыру қарастырылған.
Бірінші кезеңде активтер мен міндеттер жөніндегі декларацияны мына азаматтар тапсырады:
<ul>
<li>жауапты мемлекеттік лауазымдағы тұлғалар және олардың жұбайлары;</li>
<li>мемлекеттік функцияларды орындауға уәкілеттік берілген және оларға теңестірілген тұлғалар мен жұбайлары;</li>
<li>“Қазақстандағы сайлау туралы” Конституциялық заңға, “Сыбайлас жемқорлыққа қарсы іс-қимыл туралы”, “Қазақстандағы банктер және банк қызметі туралы, “Сақтандыру қызметі туралы”, “Бағалы қағаздар нарығы туралы” заңдарға сәйкес декларация ұсыну жөнінде міндет жүктелген тұлғалар.</li>
</ul>
Олар активтер мен міндеттер туралы деректерді 2020 жылдың 31 желтоқсанындағы жағдай бойынша көрсетуі тиіс.
Жалпыға бірдей декларациялаудың бірінші кезеңіне кіретін адамдар тұрғылықты жері бойынша декларацияны қағаз нұсқада 2021 жылдың 15 шілдесінен кешіктірмей, ал электронды нұсқада 2021 жылдың 15 қыркүйегіне дейін тапсыруы қажет.
Активтер мен міндеттемелер туралы декларацияны (250.00 СЕН) тапсырғаннан кейін, осы санаттағы азаматтар 2022 жылдың 1 қаңтарынан бастап жыл сайын кірістері мен мүліктері туралы декларация (270.00 СЕН) тапсырып отырады.

Жаңа жылдан бастап кімдер табыс декларациясын тапсырады

<a href="https://kyzylorda-news.kz/">Kyzylorda-news.kz.</a>&nbsp;Сұлулық пен мінсіз теріге ұмтылу&nbsp;өлімге әкелетін ауруларға шалдықтырады. Онколог, химиотерапевт Андрей Базылев қандай сұлулық процедуралары қорқынышты нәтиже беретіні туралы айтты.
Ол танымал сусабындарда, ваннаға қолданылатын құрлдарда және көптеген косметикалық препараттарда&nbsp;болатын канцерогенді&nbsp;диоксан қатерлі ісігінің қоздырғыштарының бірі ретінде атады.
Келесі ықтимал қауіпті процедура – шашты бояу.&nbsp;Бұл бояудың құрамындағы заттарға байланысты.&nbsp;Онда бес мыңнан астам түрлі химиялық заттар болуы мүмкін.&nbsp;
Шашты тегістеу де қатерлі ісікпен аяқталады. Бұл ретте ол клиенттерге қарағанда шеберлер үшін өте қауіпті. Аталған&nbsp;процедураға арналған препараттар құрамында формальдегид бар, сондықтан шашты айына сегіз реттен артық түзетуге болмайды.
Ультракүлгін тырнақ шамын жиі қолдану терінің қатерлі ісігін жоғарылатады.
Танымал ботулинотерапия (немесе ботокс инъекциясы), онкологтың айтуынша, бұл тұрғыда қауіпсіз.
<a href="https://stan.kz/onkolog-katerli-isik-auruin-tudirui-mumkin-sylulik-proc-341357/">Stan.kz</a>

Онколог қатерлі ісік ауруын тудыруы мүмкін сұлулық процедураларын атады

<a href="https://kyzylorda-news.kz/">Kyzylorda-news.kz.</a> Таңертеңгі әдеттер күндіз жұмыстың өнімді болуына әсер етеді. Табысты адамдар күнді өнімді өткізу үшін белгілі бір әдеттерді, қатаң күн тәртібін ұстанады. Назарыңызға белгілі жеті кәсіпкердің күнді қалай бастауға болатындығы және тиімді болу үшін қандай әдеттерден бас тарту туралы кеңестерін ұсынамыз.
“Тағы бес минут” деген смартфон оятқышын қоймау
Таңертең “жеткілікті ұйықтауға” тырысу және “тағы бес минут ұйықтаймын” деген сылтаумен телефон оятқышын қою – бұл табысты бизнес басшылары ешқашан жасамайтын әдет.
<blockquote>
 “Табысты адамдар арасында телефон оятқышын қайта қоятындарды таба алмайсыз. Бұл өзіңізге берген уәдеңізді – белгілі бір сағатта ояну туралы келісімді бұзуды білдіреді. Табысты адамдар уәдеде тұру, әсіресе оларға берген уәде тиімділіктің басты факторы екенін біледі”, – дейді Birdsong-тің негізін қалаушы және бас атқарушы директоры Моника Снайдер.
</blockquote>
Ұйқыдан оянғаннан кейін телефон ақтаруды доғарыңыз
Күннің жақсы басталуы мен қажетсіз нәрселерге алаңдаудың айырмашылығы – ойдың айқындығы мен шоғырлануында және жоспардың жақсы құрылуында. Таңертең ояна салып барлығымыз істейтін зиянды әдеттердің бірі – телефон ақтару, электрон поштаны, әлеуметтік желілерді, жаңалықтарды тексеру”, – дейді Common Giant-тың негізін қалаушы Филип Окли.
Оның айтуынша, мұндай жұмыстың барлығы өз уақытында жасалуы керек екен.
Күнді жоспарсыз бастамау
<blockquote>
 “Күнделікті жұмыс жоспарын құру – кәсіпкерлер үшін маңызды әдет”, – дейді GTIF Capital серіктесі Дэвид Чен.
</blockquote>
Оның айтуынша, жұмысты жоспарлау оң энергияны сақтауға және стресстен аулақ болуға көмектеседі, уақытты реттейді.
<blockquote>
 “Жаңа жұмыс күнінде қандай тапсырмалар бар екенін нақты білу маңызды. Жоспарланған күн жоспарланбаған күннен әлдеқайда тиімді”, – дейді Чен.
</blockquote>
Спортпен айналысу
MonsterInsights компаниясының негізін қалаушы Крис Кристофф таңертеңгі жаттығулар денсаулық кепілі ғана емес, жұмыста да нәтижелі болуға мүмкіндік беретінін айтады.
<blockquote>
 “Дене шынықтыру мен физикалық денсаулық қатаң тәртіп пен жоспарлауды қажет етеді. Жаттығу арқылы денсаулығыңызды жақсартуға ұмтылу мансапта тәртіпті болуға көмектеседі”, – дейді Кристофф.
</blockquote>
Телефон қоңыраулары
Be Inspired PR-нің негізін қалаушы және бас атқарушы директоры Лейла Льюис таңертең телефонмен сөйлесуден бас тартатынын айтады.
<blockquote>
 “Күнді қоңыраулармен бастаудың орнына, өнімді адамдар уақытты жоспарлаумен айналысады”, – дейді ол.
</blockquote>
Басқалардың ісіне назар аудару
<blockquote>
 “Егер сіз өзіңіздің басымдықтарыңыздың орнына басқаларға назар аударсаңыз, сіз ешқашан мақсатқа жете алмайсыз”, – дейді Designli директоры Кейт Шилдс.
</blockquote>
Көшбасшы адамдар өзін қайда бағыттайтынын және неге назар аудару керегін біледі. Олар қымбат уақытын біреудің әлеуметтік парақшасын қарау сияқты істерге жұмсамайды.
Өткенді жиі еске алу
Virtus Flow негізін қалаушы Риккардо Конте бұрынғы қателіктер мен шешімдерге байланбаудың маңызды екенін айтады.
<blockquote>
 “Әр таң – бұрын-соңды болып көрмеген нәрселерді жасаудың және жаңа жетістіктерге жетудің жаңа күні. Егер сіз оянғаннан кейін кеңседе қалған аз жұмыс туралы ойлана бастасаңыз, онда сіз жаңа міндеттерге назар аудара алмайсыз. Мазасыздық ұйқыға әсер етеді. Қажет емес ойлардан арылыңыз, оянған кезде тек артқа емес, алға ұмтылыңыз”, – деп кеңес береді Риккардо.
</blockquote>
<a href="https://massaget.kz/arnayyi_jobalar/psihologiya/64156/">Massaget.kz</a>

Көшбасшылар күнді қалай бастайды?

Kyzylorda-news.kz. Мемлекет басшысы әнші, КСРО-ның халық әртісі Роза Бағланованың есімін мәңгі сақтау үшін шаралар қабылдауды тапсырды. Бұл туралы Касым-Жомарт Тоқаев Twitter-дегі парақшасында жазды.
<blockquote>
 «2022 жылдың 1 қаңтарында қазақтың бұлбұл әншісі Роза Бағланованың туғанына 100 жыл толады. Ол – Қазақстанның және КСРО-ның халық әртісі, Қазақстанның Халық қаһарманы. Майдан даласында ән салған Р.Бағланова қазіргі күнге дейін еліміздегі және шетелдегі ән сүйер қауым арасында кеңінен танымал. Оның есімін мәңгі сақтау үшін шаралар қабылдауды тапсырдым»,- делінген хабарламада.
</blockquote>
Роза Бағланова 1922 жылдың 1 қаңтарында Қызылорда облысының Қазалы қаласында дүниеге келген. 1941 жылы Қызылорда педагогикалық институтын бітірген. Ол 1955 жылы Қазақстанның және 1967 жылы бұрынғы КСРО халық артисі, 1996 жылы Халық қаһарманы атағын алған.

Тоқаев: Роза Бағланованың есімін мәңгі сақтау үшін шаралар қабылдауды тапсырдым

Kyzylorda-news.kz. 2 қаңтар күні республиканың кей жерлерінде тұман, отүстігінде жаяу бұрқасын күтіледі.
Қазақстан аумағының басым бөлігінде әліде Солтүстік антициклонның жотасы ықпалын тигізеді. Елдің басым бөлігінде ауа райы жауын-шашынсыз болады. Еліміздің солтүстік-батысы, оңтүстік-шығысы және шығысында атмосфералық фронтальды бөліктің өтуіне байланысты кей жерлерінде қар жауады.
Ақмола, Алматы, Жамбыл, Батыс Қазақстан, Қызылорда, Атырау, Ақтөбе, Қостанай, Солтүстік Қазақстан, Павлодар, Шығыс Қазақстан, Түркістан облыстарының кей жерлерінде тұман, Түркістан облысында кей жерлерде жаяу бұрқасын күтіледі.

Сенбіге арналған ауа райы болжамы

Kyzylorda-news.kz. Қызылорда облысында желтоқсанның 31-і сағат 08:00-ден 1 қаңтар сағат 08:00-ге дейін барлығы 68 нәресте дүние есігін ашты. 68 сәбидің 35-і ұл, 33-і қыз бала.
Оның ішінде желтоқсанның 31-нен қаңтардың 1-не қараған түні 13 сәби дүниеге келді. Жаңа жылмен тұспа-тұс дүниеге келгендердің 8-і ұл, 5-уі қыз бала.
Бүгінде барлық аналар мен нәрестелердің жағдайы дәрігерлер бақылауында.

Қазақстан және Қызылорда облысының жаңалықтары