*<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7481 адамда коронавирус індеті ПТР арқылы расталды, деп хабарлайды coronavirus2020.kz.*
Аймақтар бойынша:
Нұр-Сұлтан қаласы – 1270,
Алматы қаласы – 1531,
Шымкент қаласы – 575,
Ақмола облысы – 259,
Ақтөбе облысы – 356,
Алматы облысы – 311,
Атырау облысы – 406,
Шығыс Қазақстан облысы – 308,
Жамбыл облысы – 196,
Батыс Қазақстан облысы – 115,
Қарағанды облысы – 941,
Қостанай облысы – 261,
Қызылорда облысы – 210,
Маңғыстау облысы – 181,
Павлодар облысы – 292,
Солтүстік Қазақстан облысы – 147,
Түркістан облысы – 122.
Жалпы ел бойынша ауырғандар саны – 595 433.

Өткен тәулікте 210 қызылордалықтан коронавирус анықталды

*<a href="https://kyzylorda-news.kz/">Kyzylorda-news.kz</a>. Қазақстанның батыс және оңтүстік батыс бөліктерінде антициклон жотасының ықпалынан жауын-шашынсыз ауа райы күтіледі, деп хабарлайды Қазгидромет.*
Тек еліміздің солтүстігінде, шығысында және оңтүстік бөлігінің таулы аудандарында кей жерлерде жаңбырмен бірге найзағай болады, оңтүстікте бұршақпен бірге күтіледі. Республика бойынша кей жерлерде желдің күшеюі, оңтүстікте шаңды дауылмен бірге күтіледі.
Күндіз Жамбыл, Түркістан облыстарының таулы аудандарында найзағай күтіледі, Жамбыл облысында бұршақ жауады, кей жерлерде жел 15-20 м/с шаңды дауылмен бірге күшейеді. Қызылорда облысында күндіз кей жерлерде жел 15-20 м/с, шаңды дауылмен бірге күшейеді. Алматы облысында таңертең және күндіз Жалаңашкөл ауданында жел 17-22 м/с күшейеді. Күндіз Солтүстік Қазақстан, Павлодар, Шығыс Қазақстан облыстарының кей жерлерінде найзағай күтіледі, жел 15-20 м/с күшейеді. Күндіз Ақмола облысының кей жерлерінде найзағай күтіледі.
Күндіз Алматы, Түркістан облыстарында, Шығыс Қазақстан облысының оңтүстігінде қатты ыстық күтіледі. Жамбыл, Қызылорда облыстарының басым бөлігінде, Қостанай, Қарағанды облыстарының кей жерлерінде қатты ыстық сақталады. Атырау облысы, Маңғыстау облысының кей жерлерінде, Батыс Қазақстан, Ақтөбе облыстарының оңтүстігінде өте қатты ыстық сақталады.
Қызылорда, Түркістан, Маңғыстау, Атырау, Жамбыл, Ақтөбе облыстарының басым бөлігінде, Қарағанды, Алматы, Батыс Қазақстан облыстарының кей жерлерінде, Қостанай, Шығыс Қазақстан облыстарының оңтүстігінде, Ақмола облысының жекелеген ауданында өте жоғары өрт қаупі күтіледі.

Сейсенбіге арналған ауа райы болжамы

*<a href="https://kyzylorda-news.kz/">Kyzylorda-news.kz</a>. Күн сайын таралу аймағы кеңейіп жатқан коронавируспен күресте қызылордалық теміржолшылар да белсенділік танытуда.*
Бүгінде темір жол вокзалы шаруашылығы жұмысшыларының 83% екпе алып үлгерген. Бұл туралы Өңірлік коммуникациялар қызметінің ақпарат алаңында «ҚТЖ”ҰК» АҚ Қызылорда магистральдық бөлімшесі филиалы директорының вокзал шаруашылығы бойынша орынбасары Жандарбек Өтегенов мәлімдеді.
Бүгінде аймақтың бас темір жол вокзалында жұмыс істейтін 198 қызметкердің 165-і екпе салдырған. Вокзал ғимаратында коронавирустық инфекциясының алдын алу мақсатында дезинфекциялау жұмыстары тұрақты жүргізіліп, 2 дана тепловизор қойылған. Вокзал аумағы темір қоршаулармен қоршалып, поезден түскен жолаушылар тек бір ғимарат арқылы, дене қызуы өлшеніп барып өткізіледі.
Айта кетейік, ағымдағы жылы аймағымызда темір жол көлігі арқылы 600 мыңға жуық жолаушы тасымалданған.

Қызылорда: Темір жол вокзалы шаруашылығы жұмысшыларының 83 пайызы екпе алды

<a href="https://kyzylorda-news.kz/">Kyzylorda-news.kz</a>. Қызылорда қаласының әкімі Ғанибек Қазантаев пен облыстық мәслихат хатшысы Наурызбай Байқадамов аймақ орталығындағы бірнеше медициналық мекемелерге барып, дәрігерлермен кездесті. Медицина қызметкерлерімен тілдескен шаһар басшысы емдеу мекемелеріндегі бірнеше мәселені назарға алды.
Алдымен шаһар басшысы көпбейінді облыстық ауруханаға барды. Мұнда қала тұрғындарына қажеттілік туындаған аурухана жанындағы 7650 шаршы метрді құрайтын автотұраққа күрделі жөндеу жұмыстары жүруде. Бүгінде тегістеу жұмыстары басталып, тас төселіп, асфальт жабындысын жаюға жұмыстар жүргізілуде.
ШаҺар басшысы одан кейін көпбейінді қалалық ауруханаға барып, медицина саласындағы мәселелерге назар салды. Мәселен қалалық аурухананының бас дәрігері Бауыржан Төлегенұлы қазіргі таңда 220 науқас емделуде, кислородты баллондар жеткілікті, яғни аурухана толық 100 пайыз жұмыс жасап тұрғанын айтты. Алайда ауруханаға сырттан мамандар шақыру үшін баспана мәселесі туындап отырғанын жеткізді. Өз кезегінде бұл мәселені қала әкімі назарға алатын болды.
Айта кетейік, вируспен күресте аймағымыздың ерікті тұрғындары екпе салудан белсенділік танытып, қауіпті кеселден арылуға үлкен септігін тигізіп келеді.
Одан әрі облыстық мәслихат хатшысы мен қала әкімі облыс орталығындағы 200 орындық модульді жұқпалы аурулар ауруханасына барды.
<blockquote>
 «Жаңадан салынған жұқпалы аурулар ауруханасының бүгінде құжаттарын рәсімдеу жұмыстары аяқталған. Енді лицензиясын алып, бір апта көлемінде модульді жұқпалы аурулар ауруханасы өз жұмысын бастайтын болады», – деді облыстық денсаулық сақтау басқармасының басшысы Сәбит Пазылов.
 «Заманауи үлгіде салынған ғимаратта науқастарды емдеу үшін барлық жағдай жасалған. Қазіргі кезде эпидемиологиялық ахуалдың ушығып тұрған шағында ендігі кезекте ғимаратты газге қосып, коммуналдық мәселелерін қолға алып, апта көлемінде жаңа модульді жұқпалы аурулар ауруханасының ашылуына жұмыс жасаймыз», – деді қала әкімі Ғанибек Қазантаев.
</blockquote>
<img src="https://kyzylorda-news.kz/wp-content/uploads/2021/08/228118996_2887061344893938_2917015946020485179_n.jpg" alt="" />
<img src="https://kyzylorda-news.kz/wp-content/uploads/2021/08/228757482_2887061518227254_2191506912262294579_n.jpg" alt="" />
<img src="https://kyzylorda-news.kz/wp-content/uploads/2021/08/228858717_2887061198227286_5217172587017322167_n-1.jpg" alt="" />

Қызылорда: Жаңа модульді жұқпалы аурулар ауруханасы қашан ашылады?

<a href="https://kyzylorda-news.kz/">Kyzylorda-news.kz</a>. Жыл басынан бері облыс аумағына түрлі мақсатта 2138 шетел азаматы келіп, уақытша тіркеуге алынды. Оның 1540-ы ТМД елінен, 107-і алыс шетелден келгендер. Ал, 9786 азаматқа рұқсат рәсімделді. Олардан жергілікті бюджетке салық төлемі ретінде 162 млн 429 мың теңге түсті. Бұл туралы бүгін Өңірлік коммуникациялар қызметінде өткен баспасөз конференциясында облыстық полиция департаменті көші-қон басқармасы бастығының орынбасары Сағындық Хамитбеков мәлімдеді.
Шетелдік азаматтар бір жылға дейін жұмыс жасауларына рұқсат. Тіркелгендердің 80 пайызы Өзбекстан Республикасынан.
Айта кету керек, шетелдік немесе азаматтығы жоқ 552 адам заңды бұзғаны үшін әкімшілік жауапкершілікке тартылды. Ал азаматтығы жоқ адамдарды қабылдаған жергілікті жердің 299 азаматы да айыппұл төледі. Сондай-ақ, әкімшілік жолмен республика аумағынан 53 шетелдік шығарылған.

Қызылордада шетелдік немесе азаматтығы жоқ 552 адам жауапқа тартылды

<a href="https://kyzylorda-news.kz/">Kyzylorda-news.kz</a>. Биыл аймағымызда бюджеттік тәртіпті сақтау мен қаржылық процестерді оңтайлы басқаруда бірқатар маңызды қадамдар жасалды. Нәтижесінде сыбайлас жемқорлық құқық бұзушылықтары едәуір төмендеген. Бұл туралы бүгін Өңірлік коммуникациялар қызметінде өткен баспасөз конференциясында ҚР Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің басшысының міндетін уақытша атқарушы Руслан Яғмусов мәлімдеді.
Мемлекет басшысы Қасым-Жомарт Тоқаевтың Қазақстан халқына жолдауынан туындайтын міндеттерді іске асыру мақсатында Агенттік бастамасымен жемқорлықты болдырмау мақсатында аймақта ауқымды жұмыстар жасалды. Мәселен департаменттің ұйымдастырумен сыбайлас жемқорлыққа қарсы мәдениет пен нөлдік төзбеушілікті қалыптастыру мақсатында 937 іс шара өткізіліп, 487 мыңнан аса азамат қамтылған. Сонымен қатар, сыбайлас жемқорлыққа қарсы қоғам белсенділері, Арнайы мониторинг топ және «Ақмешіт – адалдық алаңы» жобалық кеңсе мүшелерінің қатысуымен 5 мониторинг өткізілген. Мемлекеттік органдармен және қоғамдық ұйымдармен бірлескен алдын алу жұмыстарының нәтижесінде облыста жемқорлық деректері біршама азайған.
<blockquote>
 «Департамент тарапынан кәсіпкерлер мен инвесторлардың жобаларын сыбайлас жемқорлық әрекеттерден қорғауға барлық шаралар қабылдануда. Агенттіктің кәсіпкерлер тап болатын барлық процестерді сыбайлас жемқорлыққа қарсы сүйемелдеу арқылы бизнес пен инвесторлардың мемлекеттік органдарға сенімін арттыруға бағыттауда. Осы орайда «Protecting bussines and investments» жобасы аясында инвесторлардың жалпы құны 556,4 млрд. теңгені құрайтын 24 инвестициялық жобасы сыбайлас жемқорлыққа қарсы сүйемелдеуге алынған», – деді Руслан Файзуллаұлы.
</blockquote>

Қызылордада сыбайлас жемқорлық азайған

<a href="https://kyzylorda-news.kz/">Kyzylorda-news.kz</a>.&nbsp;Ыбырай Жақаев атындағы Қазақ күріш шаруашылығы ғылыми-зерттеу институты ЖШС-нің басқарма төрағасы лауазымына Мүбараков Қамбарбек Амангелдіұлы тағайындалды.
Мүбараков Қамбарбек Амангелдіұлы 1973 жылы Қызылорда облысы, Жаңақорған ауданы, Түгіскен ауылында дүниеге келген.
1992-1996 жылдары Қызылорда политехникалық институтының “Экономист-менеджер”мамандығын бітірген. 2005 жылы Қазақ гуманитарлық заң университетінде “Заңгер” мамандығы бойынша білім алған.
1997-2001 жылдары Қызылорда қаласы бойынша салық комитетінде басшылық қызметтерді атқарды.
2001-2009 жылдары – Шиелі ауданы бойынша салық комитеті төрағасының орынбасары, Жаңақорған ауданы бойынша салық комитетінің төрағасы, Қызылорда облысы бойынша салық комитеті төрағасының орынбасары сынды жауапты қызметтерді атқарған.
2009-2011 жылдары Шиелі ауданы әкімінің орынбасары болып жұмыс істеді.
2011-2018 жылдары – Қызылорда облысы бойынша тексеру комиссиясының төрағасы.09.09.2019-28.02.2020 уақыт аралығында Қызылорда облысының ауылшаруашылығы басқармасының басшысы қызметін атқарған.
28.02.2020-16.07.2021 уақыт аралығында Қызылорда облысы, Шиелі ауданы әкімі қызметін атқарған.
Қамбарбек Амангелдіұлы ұзақ жылдар жауапты қызметтерде болған, қазіргі таңдағы су тапшылығы жағдайында Қызылорда облысында ауылшаруашылығының маңыздылығын түсінетінін және өзінің ынта жігерін, тәжірибесін институттың дамуына үлес қосатынын өз баяндамасында мәлімдеді.<a href="https://www.facebook.com/photo/?fbid=544016753409094&set=pcb.544017053409064&__cft__[0]=AZWh4SRAaXci-K3PVIj7-Y1XpCLROpXWjS3BL6iEBL8CHv2FakcLc0Sxv1mI06yhlJrw34gNWHlIbQl9SfOU5ecscJAgWGOqZaS6ax3WNl9gD4z7xMlu670rrd9QA2QabW7IL9afMH3q-yI4hciQHJyBreq5KuMOhI2sftkAzGnwEQ&__tn__=*bH-R"></a><a href="https://www.facebook.com/photo/?fbid=544016736742429&set=pcb.544017053409064&__cft__[0]=AZWh4SRAaXci-K3PVIj7-Y1XpCLROpXWjS3BL6iEBL8CHv2FakcLc0Sxv1mI06yhlJrw34gNWHlIbQl9SfOU5ecscJAgWGOqZaS6ax3WNl9gD4z7xMlu670rrd9QA2QabW7IL9afMH3q-yI4hciQHJyBreq5KuMOhI2sftkAzGnwEQ&__tn__=*bH-R"></a>
<img src="https://kyzylorda-news.kz/wp-content/uploads/2021/08/231255553_544016740075762_6732590765729906121_n.jpg" alt="" />

Ыбырай Жақаев атындағы Қазақ күріш шаруашылығы ғылыми-зерттеу институтына жаңа басшы тағайындалды

<a href="https://kyzylorda-news.kz/">Kyzylorda-news.kz</a>. Соңғы тәулікте аймағымызда короновирустың 206 жағдайы тіркелсе, оның 142 дерегі облыс орталығынан анықталған. Жұқтырғандардың 42-сі 14 жасқа толмаған балалар, олардың ішінде 3-еуі 1 жасқа толмаған нәресте. Бұл туралы бүгін Өңірлік коммуникациялар қызметінде өткен баспасөз конференциясында облыстық санитариялық-эпидемиологиялық бақылау департаменті басшысының орынбасары Әлия Әбдіқайымова айтты.
<blockquote>
 «Бүгінгі күні өткен жылдың шілде айынан кейін аурушаңдықтың 3-ші толқындық бас көтеруі орын алып отыр. Ағымды жылдың сәуір айында ауру саны күрт өсіп, 1540 жағдай тіркелсе, шілде айының 15-ші жұлдызынанда індет жұқтырғандар саны 3341-ге жетті. Ал 29 шілдеден бастап тәулігіне 200-ден аса жағдай анықтала бастады. Қазіргі уақыттағы ең жоғарғы дерек саны – 220. Бұндай жағдай былтырғы пандемияның кезінде болған емес, былтырғы шілде айында ең жоғарғы ауру тіркелген саны 118 болатын. Эпидемиологиялық ахуал өте күрделі», -деді Ә.Әбдіқайымова.
</blockquote>
Бүгінге дейін аймақ бойынша коронавирус инфекциясының барлығы 10 741 жағдайы тіркелді. Оның ішінде 59% клиникалық белгілерімен анықталса, симптомсыз түрінің үлесі 41%. Барлық тіркелген коронавирус инфекциясының 2% сырттан тасымалданған, 58% скринингтік тексеру нәтижесінде және 40% қарым-қатынас арқылы жұқтырғандар болды. Тіркелген жағдайлардың басым бөлігі, яғни 62,4% Қызылорда қаласының үлесінде. Сонымен қатар аудандар арасында жоғары көрсеткіш Жаңақорған, Шиелі және Сырдарияда тіркеліп отыр.
Облыста тіркелген 8095 ошақтың 2014-нің инкубациялық мерзімдері аяқталмай, әлі де бақылануда. Оның ішінде үй ошағының саны – 1800, ұйымдасқан ошақтар саны-214. Барлық ошақтарда қорытынды залалсыздандыру жұмыстары жүргізіліп, індетке қарсы, профилактикалық шаралар ұйымдастырылды. Ошақтардағы қарым-қатынастағыларға 14 күнге медициналық бақылау орнатылды.

Қызылордада бір жасқа толмаған балалар арасында коронавирус анықталуда

<a href="https://kyzylorda-news.kz/">Kyzylorda-news.kz</a>. Қызылорда гарнизонындағы әскери бөлімде барлық санитарлық-эпидемиологиялық талаптар мен нормаларды сақтай отырып, «Біз салауатты өмірді таңдаймыз» атты онкүндік аяқталды.
Онкүндіктің негізгі мақсаты – бөлімде ас мәзірін қадағалау, медициналық және киім-кешекпен қамтамасыз етуді реттеу, санитарлық-эпидемиологиялық нормаларды дұрыс сақтау және әскери ұжымда салауатты өмір салтын қалыптастыру.
Онкүндік кезінде жоспарға сай аталған тақырыптарға байланысты бөлім жеке құрамымен теориялық және тәжірибелік түсіндірме сабақтары жүргізілді.
Шара барысында әскери қызметшілерге қызметтен тыс отбасылық жағдайында да санитарлық талаптарды дұрыс сақтау, отбасының әрбір мүшесі үшін салауатты өмір салтын қалыптастыру сияқты әскери бөлімнің лауазымды тұлғаларының нұсқаулары өткізілді.&nbsp;&nbsp;
<blockquote>
 «Жоспарға сай бөлім жеке құрамымен тиісті түсіндірме сабақтары ойдағыдай ұйымдастырылды. Өтіп жатқан онкүндік әсерінен әскери қызметшілердің эпидемиологиялық нормаларды дұрыс сақтауына жәнеұжымда салауатты өмір салтын қалыптастыруына сенімім мол», – дейді әскери бөлімнің идеология және арнайы насихаттау жөніндегі аға офицері, майор Батырбек Әбдірәсілов.
</blockquote>
Бұл үрдіс алдағы уақытта да жалғасын тауып, бөлімнің жеке құрамымен онкүндіктен тыс сабақтар да өткізілу жоспарлануда.

Қызылорда: Әскери бөлімде салауатты өмірді қалыптастыру онкүндігі өтті

<a href="https://kyzylorda-news.kz/">Kyzylorda-news.kz</a>. Арал аудандық пробация қызметінің есебінде 70-тен астам сотталған есепте тұр. Оның ішінде бас бостандығын шектеу жазасымен сотты болған 30-дан&nbsp;астам&nbsp;азаматқа&nbsp;сот үкімімен мәжбүрлі еңбек тағайындалған.
Арал ауданының тұрғыны ҚР ҚК-нің 188-бабы 2-бөлігімен кінәлі деп танылып, сот үкімімен оған 2 жыл 6 ай бас бостандығынан шектеу жазасына&nbsp; жаза өтеуінің бүкіл мерзімі ішінде жыл сайын 100 сағаттан аспайтын мәжбүрлі еңбек тағайындалып, пробациялық бақылауға алынады.&nbsp;
Қазіргі уақытта&nbsp;бұл азамат жергілікті әкімдік белгілеген жерде, яғни аудан орталығындағы орталық алаңда&nbsp; күніне&nbsp;4 сағат құрылыс жұмыстарын&nbsp;атқару арқылы жазасын өтеуде.
<blockquote>
 «Пробациялық бақылау белгіленген әрбір азаматқа жаза өтеудің тәртібі мен міндеттері пробация қызметкерлерімен түсіндіріледі. Есепте тұрған барлық сотталғандарға әлеуметтік, медициналық, психологиялық, заңгерлік көмектер толығымен көрсетіледі.Пробация қызметкерлерімен мекенжайынан, жұмыс орнынан тексеру жұмыстары жүргізіледі.Жуырда есептегі 3 азамат мемлекет тарапынан берілетін қайтарымсыз грантты ұтып алып, жеке мал шаруашылығы&nbsp; кәсібін ашып, ісін дөңгелетіп отыр»,-деді аудандық пробация қызметінің аға инспекторы әділет аға лейтенанты Ерболат Жарасов.
</blockquote>

Арал ауданының тұрғыны 100 сағат мәжбүрлі еңбекке тартылды

<a href="https://kyzylorda-news.kz/">Kyzylorda-news.kz</a>. Салауатты өмір салтын қалыптастыру, халықтың спортпен шұғылдануына кеңінен жол ашу — бүгінгі күннің өзекті мәселелерінің бірі. Бұл бағытта аудан көлемінде көптеген шаралар қолға алынуда.
Жақында аудан орталығындағы «Шанхай» мөлтек ауданындағы Қазыбек би көшесінің бойынан және «Автобаз» мөлтек ауданындағы Бақтыбай батыр мен Ә.Сатаев көшелерінің қиылысында бой көтерген жаңа спорт алаңы пайдалануға берілді. Жаңа алаңда енді балалармен қатар ересектер де спортпен шұғылданып, түрлі жаттығулар жасай алады.
Тұрғындардың бос уақытын қауіпсіз әрі тиімді өткізуін қамтамасыз ету, физикалық тұрғыда салауатты өмір салтын қалыптастыру және жақсы жағдайда өмір сүруіне септігін тигізу мақсатында ашылған спорт алаңы бүгінде өз жұмысын бастап кетті. Шағын аумақтағы әр алаңда салауатты өмір салтын сақтап, бұқаралық спорт түрлерімен айналысатын арнайы 9 тренажерлық жаттығу құралы орнатылған.
<img src="https://kyzylorda-news.kz/wp-content/uploads/2021/08/228980483_3038650706463295_7879883467054290065_n.jpg" alt="" />

Аралда 2 спорт алаңы пайдалануға берілді

<a href="https://kyzylorda-news.kz/">Kyzylorda-news.kz</a>. Медицина саласында 53 жылдық тәжірибесі бар, сала ардагері Сағындық Шәмшиев халықтың індеттен сақтануы өз деңгейінде емес деген пікірде. Бұл туралы ардагер Өңірлік коммуникациялар қызметінің ақпарат алаңында мәлімдеді.
Індет өршіген кезеңде тығылып той жасап, мерекелік жиындарды азайтпай отырған тұрғындардың сақтық шараларына да салғырт қарап, аурудың алдын алуға келгенде нұмқұрайдылығы басым деген ардагер қоғамдық орындарда санитарлық талаптардың орындалмауы індеттің көбірек таралуына мүмкіндік беріп отырғандығын атап өтті.
<blockquote>
 «Вакцинаның тиімділігін жоққа шығарып жүргендер өз-өзіне, жақындарына, айналасына, қала берді қоғамға жаны ашымайтын адамдар. Маман ретінде айтарым екпе алудан қорқудың еш қажеті жоқ. Осы жасқа келіп мен де вакцина алдым. Денсаулығым жақсы. Індетті жеңеміз десек вакцина алайық. Әрине вакцина індеттің 100 пайыз емі болмайды. Бірақ аурудың жеңіл өтуіне 90 пайызға ықпал етеді», – деді Сағындық Шамшиев.
</blockquote>
Брифингте білім саласының ардагері Мылтықбай Байымбетов те тұрғындарды барынша санитарлық талаптарды сақтап, індеттен қорғануға шақырды. Ардагер ұстаз індеттің өршуіне бей-жай қарап, вакцина туралы түрлі алып-қашпа сөзге еретін азаматтардың әрекетін сынға алды.
<blockquote>
 «Соңғы күндері індеттің балалар арасында таралу көрсеткішін ескеріп, біз қазір балғындарымыздың денсаулығына көбірек алаңдауымыз керек. Жаңа оқу жылы таяп қалды. Сондықтан сала ардагерлері білім беру ұйымдарындағы санитарлық талаптардың сақталуын басты назарға алудамыз. Бұл ретте педагогтармен қатар ата-аналар да жауапкершілікті сезінсе. Жақындарымызға жанашыр болып, айналдамыздың амандығын ойлап, екпе алудың маңыздылығын ұғынайық», – деді Мылтықбай Мұстафаұлы.
</blockquote>

Қазақстан және Қызылорда облысының жаңалықтары

Өткен тәулікте 210 қызылордалықтан коронавирус анықталды

Сейсенбіге арналған ауа райы болжамы

Қызылорда: Темір жол вокзалы шаруашылығы жұмысшыларының 83 пайызы екпе алды

Қызылорда: Жаңа модульді жұқпалы аурулар ауруханасы қашан ашылады?

Қызылордада шетелдік немесе азаматтығы жоқ 552 адам жауапқа тартылды

Қызылордада сыбайлас жемқорлық азайған

Ыбырай Жақаев атындағы Қазақ күріш шаруашылығы ғылыми-зерттеу институтына жаңа басшы тағайындалды

Қызылордада бір жасқа толмаған балалар арасында коронавирус анықталуда

Қызылорда: Әскери бөлімде салауатты өмірді қалыптастыру онкүндігі өтті

Арал ауданының тұрғыны 100 сағат мәжбүрлі еңбекке тартылды

Аралда 2 спорт алаңы пайдалануға берілді

Сағындық Шәмшиев: Вакцина – аурудың 90 пайыз жеңіл өтуіне ықпал етеді

Қазақстан және Қызылорда облысының жаңалықтары

Өткен тәулікте 210 қызылордалықтан коронавирус анықталды

Сейсенбіге арналған ауа райы болжамы

Қызылорда: Темір жол вокзалы шаруашылығы жұмысшыларының 83 пайызы екпе алды

Қызылорда: Жаңа модульді жұқпалы аурулар ауруханасы қашан ашылады?

Қызылордада шетелдік немесе азаматтығы жоқ 552 адам жауапқа тартылды

Қызылордада сыбайлас жемқорлық азайған

Ыбырай Жақаев атындағы Қазақ күріш шаруашылығы ғылыми-зерттеу институтына жаңа басшы тағайындалды

Қызылордада бір жасқа толмаған балалар арасында коронавирус анықталуда

Қызылорда: Әскери бөлімде салауатты өмірді қалыптастыру онкүндігі өтті

Арал ауданының тұрғыны 100 сағат мәжбүрлі еңбекке тартылды

Аралда 2 спорт алаңы пайдалануға берілді

Сағындық Шәмшиев: Вакцина &#8211; аурудың 90 пайыз жеңіл өтуіне ықпал етеді

Сағындық Шәмшиев: Вакцина – аурудың 90 пайыз жеңіл өтуіне ықпал етеді