<a href="https://kyzylorda-news.kz/">Kyzylorda-news.kz</a>. Өңірдегі эпидахуалдың күн санап қиындауы қоғамдағы әрбір азаматты алаңдатып отырғандығы белгілі. Өз кезегінде аймақ ардагерлері қалыптасқан қиын кезеңде тұрғындарға көпшілік орындарға бармауға кеңес беріп, той-жиын, отбасылық мерекелерді мейлінші азайтуды ұсынып отыр. Аймақ ардагерлері бұл туралы бүгін Өңірлік коммуникациялар қызметінің ақпарат алаңында өткен брифингте айтты.
<blockquote>
 «Тұрғындардың маска тағуға құлықсыздық танытуы сақтық шараларын ескермеудің әуелгісі. Маска тағудың да өзіндік қарапайым мәдениеті, ережесі бар. Ол ережені бәріміз білеміз, бірақ ескермейміз. Сол әрекетімізбен қоғамға залал келтіріп жатқанымызды түсінуіміз қажет», – деді облыстық аумақтық инспекциясының ардагері Бақыт Әбдіғаппарұлы.
</blockquote>
Брифингте коммуналдық сала ардагері Келдібай Бектұрғанов та қазіргі жағдайға өз көзқарасын білдіріп, халықты екпе алуда белсенділік танытуға шақырды.
<blockquote>
 «Мамандар адам тағдыры, амандығы үшін індетпен арпалысып, жер жүзіне келген нәубетті жеңудің жалғыз жолы екпе алу екендігін айқындап отыр. Сондықтан біз вакцинадан секем алып, күмәнмен қарамауымыз керек. Вакцинаға қатысты теріс бағыттағы ақпараттардың таралуы тым жоғары қарқынмен жүруде. Бірақ ол ақпараттың растығын тексеріп жатқан адам аз. Алып-қашпа сөзге емес, мамандардың пікіріне сенген дұрыс» – деді ардагер.
</blockquote>

Келдібай Бектұрғанов: Алып-қашпа сөзге емес, мамандардың пікіріне сенген дұрыс

<a href="https://kyzylorda-news.kz/">Kyzylorda-news.kz</a>. Қызылорда облысының халқы вакцина салуда белсенділік танытып келеді. Қазіргі таңда 157 014 адам вакцинаның 2 компонентін алды. Бұл туралы бүгін Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов хабарлады.
<blockquote>
 «Өңірімізге отандық «QazVac» вакцинасының 4 мың дозасы жеткізіліп, қала, аудан емханаларына бөлінді. Тұрғындар егу жұмыстарын бастап та кетті», – дейді Жангелді Шаймбетов.
</blockquote>
Жалпы, республика бойынша екпе алудан Қызылорда облысы алдыңғы қатарда келеді. Бүгінге дейін облыста коронавирус инфекциясына қарсы вакцинацияның 1 компонентімен егілгендер саны – 223 487-ге жетіп, халықтың қамтылуы 55,8 пайызды құрады. Ал 2 компонентін алғандар 157 014 адам. Бұл халықтың 39,2 пайызына тең.
Сонымен қатар, осы уақытқа дейін екпе алғандар арасында 130 науқас қана короновирус ауруымен ауырған. Толық 2 компонентін алғандардың ішінде 22 жағдай ғана тіркелді. Дегенмен, адам денесінде толық иммунитет қалыптасуы үшін 14-45 күн өтуі қажет.
Айта кету керек, коронавирус инфекциясына қарсы иммундау науқанына 106 екпе кабинеті мен 37 жылжымалы пункттің жұмысы ұйымдастырылған.

Қызылорда облысы вакцина қабылдауда алдыңғы қатарда

<a href="https://kyzylorda-news.kz/">Kyzylorda-news.kz</a>. Бүгін аудан әкімі Нариман Мақұлбеков ҚР Президентінің Жарлығымен наградталған батыр аналарды қабылдап, ауданның бірқатар көп балалы аналарына «Алтын алқа» және «Күміс алқа» марапаттарын табыстады.
Шара барысында аудан әкімі 8 алтын және 37 күміс алқаны өз иелеріне табыстады.
<blockquote>
 «Кез келген адамның әдептілігі мен жан-дүниесінің сұлулығы ең алдымен балаға ақ сүтін беріп, әлпештеп өсірген ана жүрегінің жылуынан басталады. Бала бойындағы ең жақсы қасиеттер де ең алдымен анадан тарайды. Әлемдегі ең кешірімді, ең мейірімді жан – ана. Ана баласы қандай қателік жасаса да кешіреді. Оның мейірімділігінде шек жоқ. Ана болу – бүкіл өміріне кететін рухани күш пен ерен еңбек. Өнегелі отбасы – елдің тұтқасы! Жарасымды жанұя мен ізгілікті қасиеттерге толы әулет қашан да көпке үлгі болуы тиіс», – деді аудан әкімі.
</blockquote>
Шара барысында алты баланың анасы Ә.Рыспанбетова сөз алып, өз алғысын жеткізді.
<blockquote>
 «Мемлекеттің аналарға көрсеткен құрметі мен аудан басшылығы тарапынан айтылған ізгі тілектер бізді қанаттандыра түсті. Әрбір ананың жүрегінде қуаныш сезімі орнап, жанарлары нұрланды. Елдің ертеңін ойлайтын, ұлтжанды, білімді ұрпақты дүниеге әкеліп, халық санын көбейтуге күш саламыз», – деді 6 баланың анасы, «Күміс алқа» иегері Ә.Рыспанбетова.
</blockquote>
Айта кетейік, қазіргі таңда аудан бойынша 2571 батыр ана бар. Олардың 709-ы «Алтын алқа», 1478-і «Күміс алқа» иелері.
<img src="https://kyzylorda-news.kz/wp-content/uploads/2021/08/231672915_1129055470958244_3292035119710178178_n.jpg" alt="" />

Шиеліде көпбалалы аналар марапатталды

<a href="https://kyzylorda-news.kz/">Kyzylorda-news.kz</a>. Аймақта күн өткен сайын эпидемиологиялық ахуал күрделеніп барады. Облыс бойынша инфекциялық стационарда 1230 науқас ем қабылдауда. Оның 89-ы жансақтау бөлімінде жатыр. Бұл туралы бүгін Өңірлік коммуникациялар қызметінде өткен брифингте облыстық денсаулық сақтау басқармасы басшысының орынбасары Жангелді Шаймбетов хабарлады.
Өткен тәулікте 210 жағдай тіркелсе, оның басым бөлігі жаңа ошақтан анықталған. Індет басталғалы бері өңірімізде коронавирус инфекциясын 10 951 адам жұқтырған. Қазіргі таңда үй жағдайында ем алып жатқан 1587 науқас бар.
<blockquote>
 «Сақтыққа салғырт қарағанның нәтижесінде көптеген азаматтар кеселді дерттің тырнағына ілігіп, аурумен алысып жатыр. Тіркелім көбейген тұста инфекциялық төсек-орындар санын көбейтіп, дер кезінде тиісті ем шараларын жүргізіп келеміз. Амбулаторлы түрдегі емдеу жұмыстары да жүруде. Алайда, коронавирус инфекциясы белгілі болып, ол туралы емханасына немесе дәрігерге хабарламай, үйден өздігінен ем қабылдап жатқандар қатарынан «Covid-19» көптеп анықталуда. Сол себепті барша тұрғындардан ауру белгісі байқалған сәттен, дәрігерге қаралып, дер кезінде ем бастауы қажет», – деді Ж.Шаймбетов.
</blockquote>
<img src="https://kyzylorda-news.kz/wp-content/uploads/2021/08/229647566_1342999146095594_3272003906976119968_n.jpg" alt="" />

Covid-19: Қызылордада 89 науқастың жағдайы өте ауыр

<a href="https://kyzylorda-news.kz/">Kyzylorda-news.kz</a>.&nbsp;Жаңа оқу жылында мектеп формасын алу қажет пе, жоқ па? Биыл оқушылар мектеп формасын киюге міндетті ме? Осы сауалдарға ҚР Білім және ғылым министрі Асхат Аймағамбетов «Facebook» парақшасында жауап берді.
<blockquote>
 «Мектеп формасы алдағы оқу жылында міндетті бола ма? Мен өзім ата-ана ретінде де, Білім және ғылым министрі ретінде де мектеп формасын киюді қолдаймын. Cонымен қатар, педагогтер мектеп формасы балаларды бір тәртіппен тәрбиелеуге үлес қосатынын, сол мектепке баратын балалармен бірлікті сезінуге мүмкіндік беретінін және ең бастысы, оқушылар арасындағы әлеуметтік айырмашылықты азайтуға көмектесетінін айтады. Ата-аналардың, мұғалімдердің, мектеп әкімшіліктерінің, білім басқармасы басшыларының пікірлерін тыңдап, көбісі мектеп формасын жақтайды деген қорытындыға келдім. Бірақ мектеп формасын қолдағандар мен қарсылық білдіргендердің пікірлерін саралап, барлық жағдайларды ескере отырып, біз оқушыларға мектепке тек мектеп формасында ғана емес, сонымен қатар классикалық стильдегі киімде де келуге мүмкіндік беретін шешімді қабылдадық» деп жазды министр.
</blockquote>
Бұл шешім тек қана келесі оқу жылы үшін қабылданды.
<blockquote>
 «Мектеп формасын өндірушілердің бұл туралы басқа пікірде екенін білемін. Осыған байланысты кейбір ата-аналар мен мектеп формасын өндірушілердің пікірлері әртүрлі болатынын білемін. Бұл шешімді қабылдаған кезде нені басшылыққа алғанымызды түсіндірейін. Біріншіден, эпидемиологиялық жағдайды ескердік. Қазір еліміздің көптеген аймақтарында карантиндік шектеу шаралары күшейген. Дүкендер белгілі бір уақытта, кейбір қалаларда жұмыс күндері ғана істейді. Егер ата-аналар балаларға мектеп формасын сатып алу үшін сауда орталықтары мен дүкендерге жаппай баратын болса, онда ұзын-сонар кезек болып, Covid-19 жұқтыру қаупін тудыруы мүмкін екенін білеміз. Екіншіден, кейбір отбасылардағы уақытша экономикалық қиындықтарға байланысты мектеп формасын сатып алу отбасылық бюджетке қосымша жүктеме болуы мүмкін. Сондықтан, егер ата-аналар түрлі жағдайларға байланысты балаға мектеп формасын ала алмаса, онда уақытша, келесі оқу жылына дейін мектепке классикалық стильдегі киіммен баруға болады. Қорытындылай келе, мектеп формасына қатысты қандай шешім қабылданса да, осы мәселе төңірегінде пікірлер әртүрлі болатынын түсінемін. Мектеп формасын жақтаушылар да, қарсы болғандар да өз пікірлерін айтатыны белгілі. Бірақ бұл мәселеде біз үшін қалыптасқан жағдайды объективті бағалау және ықтимал тәуекелдерді қарастыру маңызды болды» деп түйіндеді сөзін Білім және ғылым министрі.
</blockquote>

Биыл оқушыларға мектеп формасын кию міндетті ме? &#8211; Министр жауап берді

<a href="https://kyzylorda-news.kz/">Kyzylorda-news.kz</a>.&nbsp; Қызылорда облысы аумағында бір аптада жол қозғалысы ережесін бұзудың барлығы – 1749 дерегі анықталды.
Оның ішінде көлік құралдарын пайдалануға тыйым салынатын ақаулары бар көлiк құралдарын басқарудың – 69 дерегі, жалған және қолдан жасалған мемлекеттік белгі тағып көлік құралын басқарудың –6, ұялы телефонмен сөйлесудің -91, белгіленген жылдамдық мөлшерін арттырудың -218, қауіпсіздік белдігін пайдалану ережесін бұзудың -336, бағдаршамның тыйым салынған түсінен өтудің -24, жаяу жүргіншіге жол бермеудің -57, көлік құралының қараңғы мезгілінде сыртқы жарықтандыру құрылғыларын пайдалану қағидасын бұзудың -75, соқтығысу сәтін туғызудың -19, алкогольді масаң күйде көлік құралын басқарудың -17, құжатсыз көлік құралын басқарудың-64, жаяу жүргiншiлердiң және жол жүрісіне өзге де қатысушылардың жол жүрісі қағидаларының талаптарын орындамаудың -89, жолаушылар тасымалдау қағидаларының талаптарын бұзудың -12 деректері анықталды.
151 автокөлік айып тұрағына қойылып, 76 автокөліктің қозғалысын шектеу мақсатында мемлекеттік тіркеу нөмір белгілері алынған.&nbsp;
Бұл бағыттағы жұмыстар өз жалғасын табуды және басшылықтың қатаң бақылауында.

Қызылордада жол ережесін бұзған 151 автокөлік айып тұрағына қойылды

<h4 id="kyzylordanewskzhttpskyzylordanewskznbsp"><a href="https://kyzylorda-news.kz/">Kyzylorda-news.kz</a>. Браконьерліктің жолын кесу бойынша рейдтік іс-шаралар жүргізу барысында «Охотзоопром» РМК Қызылорда облысы бойынша филиалының инспекторлары Жалағаш ауданының Төгіскен жерінде Шардара ауданының Шәкілі ауылының тұрғынын ұстады.&nbsp;</h4>
Тексеру кезінде ұсталған адамның көлігінен қызыл кітапқа енгізілген қарақұйрықтың ұшасы табылды.
<blockquote>
 «Күдікті ұсталған жерге жедел-тергеу тобы шақырылды. Инспекторлар полиция қызметкерлерін күтіп тұрғанда Қызылорда қаласының екі тұрғыны оқиға орнына келіп, инспекторлардың қызметтік автокөліктерінің бірінің дөңгелегіне мылтықтан оқ атқан.&nbsp;Содан кейін инспекторларға қауіп төндіріп, қарақұйрық ұшасын алып кеткен. Ұзамай инспекторлар мен құқық қорғау органдарының қызметкерлері оқ атқан браконьерлерді де ұстады», – делінген хабарламада.
</blockquote>
Аталған факті бойынша ҚР Қылмыстық кодексінің 337-бабының 4-тармағы («Заңсыз аң аулау») және 380-бабының 2-тармағы («Билік өкіліне қатысты зорлық-зомбылық қолдану») бойынша Жалағаш аудандық полиция бөлімшесінде қамауға алынды.
<a href="https://baq.kz/news/othernews/kyzylorda-oblysynda-brakon-erler-inspektorlarga-ok-atkan/">BAQ.KZ</a>

Қызылорда облысында браконьерлер инспекторларға оқ атқан

<a href="https://kyzylorda-news.kz/">Kyzylorda-news.kz</a>. ҚР Денсаулық сақтау министрі Алексей Цой тамыз-қыркүйек айларындағы коронавирус жағдайына болжам жасады.
<blockquote>
 «Дүниежүзілік денсаулық сақтау ұйымының мәліметі бойынша, соңғы төрт аптада ДДСҰ-ның алты аймағының бесеуінде инфекция 80%-ға немесе екі есе артқан. Бұл өсудің басым бөлігі қазіргі уақытта 132 елде табылған аса жұқпалы дельта нұсқасынан туындайды. Дельта штамының алғаш рет елордада анықталғанын және сырқаттанудың күрт өсуіне әкелгенін ескере отырып, Нұр-Сұлтан қаласындағы сырқаттану динамикасын зерттедік және соңғы екі аптада ауру көрсеткіші бір деңгейден аспағанын байқадық», – деді министр Үкіметтің бүгінгі отырысында.
</blockquote>
Оның сөзіне сенсек, соңғы аптада жедел жәрдем шақыру көлемі 11% азайған.
<blockquote>
 «Тамыз-қыркүйек айларындағы эпидемиологиялық жағдайға болжам негізінде біз оптимистік сценарий бойынша жүреміз, онда 2021 жылдың тамыз-қыркүйек айларында тіркелетін жағдайлардың болжамды саны – шамамен 250 мың адам (орта есеппен тәулігіне 7 мыңға жуық жағдай). Оптимистік сценарийді одан әрі ұзарту карантин шараларын сақтап, тиісті тұрғындарды вакцинамен қамтуды арттыру кезінде ғана мүмкін болады», – деп толықтырды министр.
</blockquote>
Айта кетейік, эпидемиологиялық ахуалды бағалау матрицасына сәйкес, Қазақстан Республикасы 26 маусымнан бері «қызыл» аймақта тұр. Түркістан облысынан басқа өңірлер түгел «қызыл» аймақта.

Министр тамыз-қыркүйек айларындағы коронавирус жағдайына болжам жасады

<a href="https://kyzylorda-news.kz/">Kyzylorda-news.kz</a>.&nbsp;Қызылорда облыстық жастар ресурстық орталығының мамандары жастардың әлеуметтік санатын анықтау бойынша адрестік жұмыстарды жүргізуге Жаңақорған ауданына табан тіреді.
Зерттеудің негізгі мақсаты – талдама жұмыстарын жүргізу, өзара іс-қимыл деңгейін анықтау және NEET санатына жататын жастардың мемлекеттік жастар бағдарламаларына қатысуы, сондай-ақ жас халық құрылымында осы санаттың санын азайту бойынша ұсынымдар әзірлеу болып табылады.
Зерттеу барысында орталық мамандары 5 топқа бөлініп, Жаңақорған кенттегі Алтынсарин, Қорғантоғай аумақтарындағы жастармен жүзбе-жүз диалогтар жүргізіп, арнайы дайындалған сауланаманы әрбір отбасындағы жасқа толтырды.
Алдағы уақытта, жүргізілген сауалнама бойынша жастар зерттеліп, назарға алынатын болады.
Сонымен қатар, жастардың өңірлік нақты дерекқорын әзірлеуде жастардың жұмыссыздық деңгейін төмендету және NEET санатындағы жастарды анықтау жұмыстары кент және аудан әкімдігімен бірлесіп, 134 көше бойынша жалғасады.
Зерттеу жұмыстары барлық карантиндік талаптарды сақтай отыра жүргізілді.

Адрестік жұмыстар Жаңақорған ауданында жалғасын тапты

<a href="https://kyzylorda-news.kz/">Kyzylorda-news.kz</a>. Қызылордада автогаз құю станциясында сұйытылған мұнай газы бағасының негізсіз өсу белгілері анықталды.
Қазақстан Республикасы Бәсекелестікті қорғау және дамыту агенттігінің&nbsp;Қызылорда облысы бойынша департаменті агенттіктің тапсырмасын орындау мақсатында биылғы жылдың қаңтар-маусым кезеңіне Қызылорда облысы бойынша автокөлікке құю үшін сұйытылған мұнай газын бөлшек саудада өткізу тауар нарығына талдау жұмысын жүргізді.
Талдау барысында биылғы жартыжылдықта «Автогаз Трэйд» ЖШС, «ЖШС «Қызылорда-Газ» ЖШС, «Auto Gas Station» ЖШС, «Galaxy Oil» ЖШС, «Тұрангаз» ЖШС, «Арал Газ» ЖШС, «Invadam» ЖШС АФ» ЖШС, «Қызылорда Мұнай Өнімдері» ЖШС, «Байқоңыргаз» ЖШС және «Азия Оңтүстік пром» ЖШС Қызылорда облысы бойынша (қала мен аудандар бөлінісінде) сұйытылған мұнай газының бағасын бір мезгілде ұстап тұру арқылы бөлшек саудада өткізуді жүзеге асырған.
Осылайша, бұл нарық субъектілердің әрекеттерінде аталған кезеңде автокөлікке құю үшін сұйытылған мұнай газын бөлшек саудада өткізу нарығында бәсекелестікке қарсы келісілген әрекеттердің белгілері анықталды.
Баяндалғанның негізінде, департаментпен ҚР бәсекелестікті қорғау саласындағы заңнамасын бұзушылықтарды жою бойынша шаралар қабылдау туралы, атап айтқанда, сұйытылған мұнай газының бағаларын төмендету арқылы оларды белгілеу және ұстап тұру бойынша келісілген әрекеттерді тоқтату туралы 8 хабарлама шығарылды, сондай-ақ, агенттіктің Нұр-Сұлтан және Шымкент қалалары бойынша департаменттеріне осы аумақта тіркелген 2 нарық субъектісіне хабарлама шығару туралы хат жолданды. Бұл хабарламалар 30 күнтізбелік күн мерзімде орындалмаған жағдайда, осы нарық субъектілеріне қатысты тергеп-тексерулерді жүргізуге негіз болады.
Қазіргі уақытта жоғарыда аталған нысандар хабарламаларды орындау мақсатында сұйытылған мұнай газының бағасы орта есеппен литріне 83-89 теңгеден 73-80 теңгеге дейін төмендетілді. Бұдан әрі департамент автогаз құю станциясы арқылы өткізілетін сұйытылған мұнай газына бағаның негізсіз көтерілуін бақылайтын болады.

Қызылордада сұйытылған газ бағасы арзандады

<a href="https://kyzylorda-news.kz/">Kyzylorda-news.kz</a>. Шиелі аудандық пробация қызметімен жергілікті атқарушы органдардың бірлескен жұмыстары нәтижесінде, аудандық пробация қызметінің есебіндегі азаматтардың басым көпшілігі жеке кәсіпкерлікке бет бұрып отыр.
«Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы шеңберінде,&nbsp;Қызылорда облысы бойынша ҚАЖ департаментінің Шиелі аудандық пробация есебіндегі азамат мемлекеттен қайтарымсыз грант ұтып алды. Ол қайтарымсыз грантқа қол жеткізу үшін «Кәсіпкерлік негіздері» курсын&nbsp;тәмамдап, бизнес жоспар құрып, нәтижесінде шілде айында 583&nbsp;400 теңге көлеміндегі қаражатқа қол жеткізді.
Шиелі аудандық пробация қызметінің инспекторы бастығы әділет майоры Қ.Байгенжеевтің айтуынша жыл басынан пробация есебіндегі төрт сотталған азаматқа &nbsp;мемлекет тарапынан қайтарымсыз грант берілген. Оның бірі кондитер өнімдерін шығаратын шағын цех ашса, қалған үшеуі мал шаруашылығымен айналысып, &nbsp; ел игілігіне жұмыстарын жасауда.
Мемлекет тарапынан жасалып жатқан бұндай көмектер пробация қызметі есебіндегі азаматтарды қайта әлеуметтендіру процесіне зор көмегін тигізуде.

Қызылордада пробация есебіндегі 4 азамат кәсіп ашты

<a href="https://kyzylorda-news.kz/">Kyzylorda-news.kz</a>. Қызылорда гарнизонындағы әскери бөлімде 2021 жылғы жауынгерлік жоспарға сай 2 аптаға созылған арнайы роталық тактикалық оқу-жаттығу аяқталды. Оқу-жаттығуға бөлімнің барлық роталары қатысты.
Бұл оқу-жаттығуды өткізудегі басты мақсат – роталар жеке құрамының жауынгерлік дайындық дәрежесін тексеру, дабыл бойынша көтеру және рота жауынгерлерінің функционалдық міндеттерін, үйлесімділігін бағалау. Алғашқы күннен бастап-ақ бөлімдегі барлық роталардың әскери қызметшілері белсенділік таныта білді.
Тактикалық оқу-жаттығу жоспарына сәйкес үш кезеңнен тұрды. Алғашқы кезеңде роталар дабыл бойынша көтеріліп, марш жасады. Одан кейін, әскери топография, инженерлік дайындығы, радиациялық-химиялық және биологиялық қорғау, байланыс, әскери медициналық және әуе-десанттық дайындығы бойынша тиісті нормативтері тексерілді. Ал, екінші кезеңде негізгі жаттығулар дерлік далада өткізілді. Далада өткен кезеңдегі тапсырманың бірі белгісіз аймақтағы жасырылған объектілерді тауып, координаттар бойынша жұмыс жасау болды. Жаттығудың үшінші кезеңінде роталар өздерін атыс дайындықтары бойынша сынады.
<blockquote>
 «Тактикалық оқу-жаттығу барысында үздік топтар анықталды. Роталар кенеттен белгіленген жауынгерлік дайындықтар бойынша тапсырмаларды шеберлікпен орындады. Арнайы мақсаттағы таулық барлау ротасы барлық кезеңдерде жақсы нәтижелер көрсетіп, жаттығуларды жоғары дәрежеде орындады», – дейді әскери бөлім командирінің жауынгерлік дайындық жөніндегі орынбасары подполковник Нұрлан Шегебаев.
</blockquote>
Оқу-жаттығу кезінде роталар қауіпсіздік шаралары мен санитарлық-эпидемиологиялық талаптарды қатаң сақтай отырып, тактикалық іс-қимылдардың дұрыстығына, ұрыста қаруды тиімді пайдалануға ерекше көңіл бөлді.
Тактикалық оқу-жаттығулар бөлім жеке құрамының теориялық білімдерінің нығайуына, жаңа қосылған жауынгерлердің тәжірибе алмасуына және жалпы роталардың қызметтік міндеттерін сапалы орындауына оң ықпал ететіні сөзсіз.&nbsp;&nbsp;&nbsp;&nbsp;
<img src="https://kyzylorda-news.kz/wp-content/uploads/2021/08/img-20210728-wa0046.jpg" alt="" />
<img src="https://kyzylorda-news.kz/wp-content/uploads/2021/08/img-20210728-wa0041.jpg" alt="" />
<img src="https://kyzylorda-news.kz/wp-content/uploads/2021/08/img-20210728-wa0027.jpg" alt="" />

Қазақстан және Қызылорда облысының жаңалықтары

Келдібай Бектұрғанов: Алып-қашпа сөзге емес, мамандардың пікіріне сенген дұрыс

Қызылорда облысы вакцина қабылдауда алдыңғы қатарда

Шиеліде көпбалалы аналар марапатталды

Covid-19: Қызылордада 89 науқастың жағдайы өте ауыр

Биыл оқушыларға мектеп формасын кию міндетті ме? – Министр жауап берді

Қызылордада жол ережесін бұзған 151 автокөлік айып тұрағына қойылды

Қызылорда облысында браконьерлер инспекторларға оқ атқан

Министр тамыз-қыркүйек айларындағы коронавирус жағдайына болжам жасады

Адрестік жұмыстар Жаңақорған ауданында жалғасын тапты

Қызылордада сұйытылған газ бағасы арзандады

Қызылордада пробация есебіндегі 4 азамат кәсіп ашты

Нұрлан Шегебаев: Тактикалық оқу-жаттығу барысында үздік топтар анықталды

Қазақстан және Қызылорда облысының жаңалықтары

Келдібай Бектұрғанов: Алып-қашпа сөзге емес, мамандардың пікіріне сенген дұрыс

Қызылорда облысы вакцина қабылдауда алдыңғы қатарда

Шиеліде көпбалалы аналар марапатталды

Covid-19: Қызылордада 89 науқастың жағдайы өте ауыр

Биыл оқушыларға мектеп формасын кию міндетті ме? &#8211; Министр жауап берді

Қызылордада жол ережесін бұзған 151 автокөлік айып тұрағына қойылды

Қызылорда облысында браконьерлер инспекторларға оқ атқан

Министр тамыз-қыркүйек айларындағы коронавирус жағдайына болжам жасады

Адрестік жұмыстар Жаңақорған ауданында жалғасын тапты

Қызылордада сұйытылған газ бағасы арзандады

Қызылордада пробация есебіндегі 4 азамат кәсіп ашты

Нұрлан Шегебаев: Тактикалық оқу-жаттығу барысында үздік топтар анықталды

Биыл оқушыларға мектеп формасын кию міндетті ме? – Министр жауап берді