Kyzylorda-news.kz. Бүгін Достық үйінің мәжіліс залында Қызылорда облыстық Қазақстан халқы ассамблеясының ұйымдастыруымен этножурналистика саласындағы облыстық «Жасампаз 25 жыл» шығармашылық байқауының жеңімпаздары анықталды.
Жүлдегерлерді облыстық ҚХА хатшылығының меңгерушісі Жағыпар Тажмаханов марапаттап, бұқаралық ақпарат құралдары өкілдеріне этносаралық татулық пен бірліктің нығаюына қосқан елеулі еңбектері үшін ризашылығын білдірді.
Жыл сайын Қазақстан халқы Ассамблеясының қолдауымен барлық өңірлерде ел бірлігін сақтау жолында, ауызбіршілікті одан әрі дамыту ниетінде кеңінен қалам тербеп жүрген ақпарат құралдарының өкілдері арасында дәстүрлі түрде шығармашылық байқаулар өткізіліп келеді.
Бұл жолғы байқаудың мақсаты – Қазақстан халқы Ассамблеясының 25 жылдығына орай елдегі татулық пен бірліктің беріктігін насихаттау, этносаралық қатынастар тақырыбын жазып, көрсететін журналистерді ынталандыру арқылы елдегі қоғамдық келісімді нығайту болып табылады. Үстіміздегі жылдың 1наурызынан бастап байқауға бірнеше өтінімдер келіп түсті. Республикалық, облыстық, қалалық телеарна мен баспасөзден 15 өтінім қабылданып, қаралды. Қазылар алқасының құрамын белді де беделді, өз саласының білгірлері «Егемен Қазақстан» газетінің Қызылорда облысы бойынша меншікті тілшісі Мұрат Жетпісбаев, «Хабар 24» телеарнасының Қызылорда облысындағы меншікті тілшісі Әлібек Байшүленов, «Қоғамдық келісім» коммуналдық мемлекеттік мекемесі директорының кеңесшісі Ержан Уәйіс және мекеменің сектор меңгерушісі Рахима Ахметова құрап, барлық шығармашылық жұмыстарды қарап, саралап тиісті бағаларын қойды.
Нәтижесінде, әділ қазылар алқасының шешімі бойынша баспасөз салысынан бірінші орынды қалалық «Ақмешіт апталығы» газеті бас редакторының орынбасары Гүлмира Ділдәбекова, екінші орынды облыстық «Сыр бойы» газетінің тілшісі Мейрамгүл Дауылбайқызы иеленді. Ал, телесюжет бағыты бойынша тіл шұрайлылығы мен тапқырлық шеберлігіне сәйкес бірінші орынды облыстық «Қазақстан Қызылорда» телеарнасының тілшісі Асқар Тәжиев, екінші орынды республикалық «Хабар24» арнасының облыстағы меншікті тілшісі Қамбар Бекенов қанжығасына байлады. Сонымен бірге байқауға белсене қатысып, ұлтаралық келісім мен татулықты насихаттау жолындағы еңбегі үшін республикалық «Казахстанская правда» газетінің облыстағы меншікті тілшісі Ли Юрий Владимирович, қалалық «Қоғам тв» телеарнасының тілшісі Индира Раисова, облыстық «Кызылординские вести» газетінің тілшісі Айжан Жарманова марапатталып, бағалы сыйлықтарға ие болды.
<img src="https://kyzylorda-news.kz/wp-content/uploads/2020/08/fb_img_1597918736805.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597918739460.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597918743344.jpg" alt="" />

«ЖАСАМПАЗ 25 ЖЫЛ»: Қызылордалық журналистер марапатталды

Kyzylorda-news.kz. Қызылорда қаласының көшелерінде шектен шыққан тәртіпсіз әрекеттері бейнеленген белгісіз тұлғаның бейнетүсірілімі желіде кең таралып, тәртіп сақшыларының назарынан тыс қалмады.
Сол күні бейнежазба бойынша жедел-іздестіру жұмыстарын жүргізген Қызылорда қаласының Полиция басқармасы жол-патрульдік полиция батальонының қызметкерлері “ВАЗ-21099” маркалы автокөлігінің 18 жастағы жүргізушіні анықтап, жауапкершілікке тартты.
Заңсыз іс-әрекеттері үшін құқық бұзушыға бірнеше бап бойынша айып тағылды. Атап айтар болсақ, ҚР Әкімшілік құқық бұзушылық туралы кодексінің 596-бабының 5-бөлігімен (Көлiк құралын жолдың жүру бөлiгiнде орналастыру, қарсы жүрiп өту немесе басып озу қағидаларын бұзу, егер бұл жол жүрiсi қағидаларында тыйым салынған жағдайларда, жолдың жүру бөлiгiнiң қарсы бағытта жүруге арналған жағына, оның ішінде кері бұрылып немесе бұрылыс жасап шығу, көлік құралын басқару құқығынан айырылған не ондай құқығы жоқ адам жасаған әрекет); 602-бабының 1-бөлігімен (Көлiк құралдары жүргiзушiлерінiң тәулiктiң жарық мезгiлiнде сыртқы жарық түсiру аспаптарын және (немесе) дыбыс сигналдарын пайдалану қағидаларын бұзуы); 612-бабының 2-бөлігімен (Құжаттары жоқ және басқару құқығы жоқ адамның көлiк құралын басқаруы) әкімшілік хаттамалар толтырылды. Сондай-ақ автокөлік айыппұл алаңына қойылды.
<blockquote>
 «Қызылорда облысы Полиция департаментімен әлеуметтік желілерге тұрақты түрде мониторинг жүргіземіз, анықталған заң бұзушылықтар бойынша бірден шаралар қабылдануда. Сондықтан жүргізушілерді жол қозғалысы ережелерін, жол белгілерінің нұсқамаларын қатаң сақтап, көлік құралдарының тұраққа қойылуы мен тоқтауы, пайдалану ережелерін жауапкершілікпен мүлтіксіз орындауы қажеттігін ескертеміз», – деді департамент бастығы полиция полковнигі Сұлтан Бектөре.
</blockquote>

Қызылордада жол ережесін бұзған жүргізуші жазаланды (ВИДЕО)

Kyzylorda-news.kz. Мектеп – бұл физикалық және психологиялық тұрғыдан бала үшін ауыр жүктеме.
Мектептегі балалар үнемі өзара байланыста болады, осылайша бір-біріне түрлі ауруларды жұқтыруы әбден мүмкін. Иммунитет оларды жеңуге көмектеседі, бірақ барлық балаларда ол ауруларға қарсы тұру үшін жеткілікті дамымаған болуы мүмкін.
ДҰРЫС ҰЙҚЫ
Көптеген балалар ерте ұйықтауды ұнатпайды, ұзақ серуендеуді немесе компьютерде ойнауды жөн көреді. Бірақ осыған қарамастан, таңертең мектепке баруды ысырып қоюға болмайды. Осыдан барып көп балалардың ұйқысы бұзылады, ұйқысы қанбайды. Ал бұл өз кезегінде иммунитетттің дамуына да, оқу қабілетіне де теріс әсер етеді. Мектеп жасындағы бала шамамен 8 сағат ұйықтауы керек.
ДҰРЫС ТАМАҚТАНУ
Дұрыс тамақтану кез келген жаста пайдалы, бірақ бала үшін бұл өте маңызды. Балалардың диетасы теңдестірілген болуы керек, зиянды, бірақ дәмді тағамдардың саны аз болғаны дұрыс. Жаңа піскен көкөністер мен жемістерді көбірек тұтыну, ал ет өнімдерін қуыруға емес, бумен пісіруге кеңес береміз.
ВИТАМИНДІК КЕШЕН
Витаминдік кешендерді қабылдау да маңызды. Себебі күз-бұл жылдың ең қауіпті уақыты. Иммунитеттің төмендеуінің негізгі себептерінің бірі-денеде дәрумендердің жетіспеуі. Оларды тамақтан алуға болады. Қыста тұтынылатын көкөністердің саны күрт төмендейді, бұл ағзаға дәрумендердің түсуін азайтады. Мұны жеңуге әртүрлі витаминдік кешендер көмектеседі.
ПСИХИКАЛЫҚ ЖҮКТЕМЕНІ АЗАЙТУ
Психикадағы кез-келген жүктеме денсаулыққа әсер етеді. Балалар үшін бұл әсіресе өзекті. Көбінесе денсаулыққа қатысты проблемалар маңызды іс-шаралар алдында пайда болуы мүмкін. Сондықтан балаңызды не мазалайтынын сұраңыз және оның проблемаларын мұқият шешуге тырысыңыз.
ТАЗА АУАДАҒЫ СЕРУЕН
Таза ауада жиі серуендеуге кеңес береміз, өйткені бала денсаулығы үшін табиғатта серуендеудің пайдасы зор. Үйде, мектепте және басқа да сыныптан тыс жұмыстарды орындау үшін жабық үй-жайда үнемі болу балаға жеткілікті таза ауа бермейді. Адамдар лық толған бөлмелерде ауада көптеген патогендік бактериялар жиналады. Сондай-ақ, ұйықтар алдында бөлмені желдетуді ұмытпаңыз.
ТАЗА СУ
Мектеп жасындағы балаға күніне жеткілікті мөлшерде 1,5-2 литр таза су қажет. Пайдалы деп саналатын әртүрлі сусындар дененің суға деген қажеттілігін жаба алмайды. Сондықтан су таза, газдалмаған, қантсыз болуы керек. Таңғы ас алдында және кешке, ұйықтар алдында бір стақан сутра ішу өте маңызды..
ДЕНЕ ШЫНЫҚТЫРУ
Денені шынықтыру, контрастілі душ баланың ағзасын сауықтырады. Су процедураларын да мерзімімен орындаған бала ағзасына оң әсер етітін ұмытпаңыз. Балаңыздың дені сау болсын!
<a href="https://24.kz/kz/zha-aly-tar/bylu-manyzdy/item/417355-1-yrk-jek-aldynda-bala-immunitetin-alaj-k-teruge-bolady">“Хабар 24”</a>

1 қыркүйек алдында бала иммунитетін қалай көтеруге болады?

Kyzylorda-news.kz. Қазақстанда отбасындағы тұрмыстық зорлық-зомбылық азаймай отыр. Бұл туралы «Тұрмыстық зорлық-зомбылық құрбандарына арналған дағдарыс орталығы» директорының орынбасары Татьяна Мидо айтып берді, деп хабарлайды <a href="https://www.inform.kz/kz/turmystyk-zorlyk-zombylyk-karantin-kezinde-dagdarys-ortalygynda-oryn-kalmagan_a3685458">ҚазАқпарат</a>.
<blockquote>
 «Біздің орталыққа тұрмыстық зорлық-зомбылық көрген жүздеген әйел жүгінеді. Біз оларды тұрғылықты мекенжайына қарамастан қабылдаймыз. Тіпті, тағдыры тәлкекке түскен шетелдік қыз-келіншектерге де қолдау көрсеттік. Мысалы, Алматыда уақытша тұрып жатқан Ресей, Молдова, Өзбекстан, Тәжікстан, Қырғызстан әйелдеріне де қол ұшын создық», – дейді Татьяна Мидо.
</blockquote>
Оның айтуынша, бұрын күйеуінен зорлық-зомбылық көрген әйелдер көбіне жұрттан ұялып, ол жайтты жасырып қалатын. Қазір жағдай өзгерді. Нәзік жандылар өздерін қорғайтын заңның, түрлі орталықтардың бар екенін түсінді.
<blockquote>
 «Орталыққа жүгінетіндердің саны жыл санап артып келеді. Егер 2019 жылы орталық 310 әйел мен балаға көмек көрсетсе, 2020 жылдың 1 тамызындағы жағдай бойынша бізге 217 әйел түсті. Біз карантин кезінде де штаттық режимде жұмыс істедік. Ол уақытта бізге 56 адам жүгінді. Бұл өте көп. Дағдарыс орталығында орын қалмады. Десекте, күйеуінен таяқ жеген 5-6 баласы бар әйелдерге барынша жағдай жасадық», – дейді директордың орынбасары.
</blockquote>
Сонымен қатар, Т.Мидо карантин кезінде орталыққа түскен екі балалы ананың тағдыры туралы айтып берді.
<blockquote>
 «Елде төтенше жағдай жарияланған кезде, біздің орталыққа екі баласы бар әйел түсті. Ол балаларын Алматы қаласындағы перзентханада босанған. Алайда, оларға туу туралы куәлік берілмеген. Себебі, анасының жеке куәлігі болмаған. Кейін анықталғандай, осыдан 15 жыл бұрын кәмелеттік жасқа толмай тұрған кезінде Алматыға анасымен Өзбекстаннан қонаққа келген екен. Анасы оны жазғы демалыста туысқандарына қалдырып өзі еліне қайтып кеткен. Көп ұзамай анасы қайтыс болып кетеді. Сөйтіп ол біздің елде қалып қойған. 2005 жылдан бері бұл әйел Қазақстан аумағында ешқандай құжатсыз өмір сүріп келген. Ол Қазақстанның да, Өзбекстанның да азаматы емес. Біздің орталыққа түскеннен кейін балаларының және өзінің құжатын дайындауға көмектестік. Өздеріңіз білесіздер, бұл оңай шаруа емес. Алдағы уақытта да біз оған көмектесетін боламыз», – дейді ол.
</blockquote>
Орталық мәліметтеріне сәйкес, мұнда 8 түрлі әлеуметтік қызмет көрсетіледі. Әйелдерге заңгерлер мен психолог мамандарының кеңесі ұйымдастырылып, әлеуметтік қолдау көрсетіледі.

Тұрмыстық зорлық-зомбылық: Карантин кезінде Дағдарыс орталығында орын қалмаған

Kyzylorda-news.kz. Қызылорда қаласындағы Назарбаев Зияткерлік мектебі түлектерінің жоғары оқу орындарына түсу көрсеткіші 100 пайызды құрады.
Әлемнің және еліміздің үздік университеттерінің абитуриенттері атанған зияткерлердің 99,1 пайызы тегін оқу негізінде білімдерін жалғастыру мүмкіндігіне ие болды.
Өткен жылдармен салыстырғанда биыл Назарбаев Университетінің білім гранттарын иеленгендердің саны артты. Еліміздің беделді оқу орнынан шақырту алған 42 түлектің 22-сі тікелей бірінші курсқа қабылданса, 20 дарынды жас Foundation бағдарламасына түскен. Оқуларын шетелде жалғастыруды жоспарлаған 3 зияткердің бүгінде армандары орындалып, Америка мен Венгрия елдерінің білім гранттарын жеңіп алды.
Айта кету керек, түлектердің басым бөлігі медицина, ақпараттық технологиялар, тау-кен ісі және экономика мен қаржы салаларындағы мамандықтарға қызығушылық танытқан.

Қызылордадағы Назарбаев Зияткерлік мектебінің 100 түлегі білім грантын жеңіп алды

Kyzylorda-news.kz. Жыл көлемінде Қызылорда облысындағы кәсіпорындар мен мекемелерге 58 тексеру жүргізілді. Оның ішінде 54-і жоспардан тыс тексеру, 4-і субъектіге бару арқылы профилактикалық бақылау мен қадағалау тәртібіндегі. Бұл туралы Өңірлік коммуникациялар қызметінің ақпарат алаңында өткен брифингте облыстық еңбек саласындағы бақылау басқармасының басшысы Төреахмет Жолымбетов мәлімдеді.
<blockquote>
 “Жалпы облыста тексерулер нәтижесімен 97 заңбұзушылық анықталды. Оның ішінде еңбек заңнамасы бойынша 80, еңбек қауіпсіздігі және еңбекті қорғау заңнамасы бойынша 17. Оларды жою және болдырмау жөнінде 44 нұсқама беріліп,оның 34-і орындалды. Жалпы 6 айда 12 әкімшілік шара көріліп, оның ішінде 3 ескерту, 901 340 теңге мөлшерінде 9 айыппұл салынды. Бүгінгі күнге 662 660 теңге мөлшерінде 7 айыппұл өндірілді. Қабылданған шаралардың нәтижесінде 9 ірі және орта кәсіпкерлік субъектілерінің 3751 жұмыскерлеріне 383,4 млн теңге жалақы қарызы төленді. 2020 жылғы 1 қаңтарға облыс бойынша 2 мекемедегі 34 жұмыскерге 13,3 млн теңге жалақы қарызы қалыптасып, толық төленді”, – деді Төреахмет Сайлаубайұлы.
</blockquote>
Сондай-ақ, ағымдағы жылдың 1 шілдесіне жалақыдан қарызы бар жағдай тіркелмеген. Қазіргі кезде облыс бойынша үш айдан астам жалақыдан қарызы бар мекемелер жоқ.
<img src="https://kyzylorda-news.kz/wp-content/uploads/2020/08/fb_img_1597907126344.jpg" alt="" />

Қызылорда: Еңбек заңнамасына байланысты 500-ге жуық өтініш түскен

Kyzylorda-news.kz. Бүгін Қызылорда облысының әкімі Гүлшара Әбдіқалықова жаңа оқу жылына дайындық барысын пысықтау үшін облыстық білім басқармасының басшысы Ақзира Қасымованы қабылдады.
Облыс әкіміне сала басшысы жаңа оқу жылын қашықтан ұйымдастыру, білім беру ұйымдарының дайындығы мен мектептерде жүріп жатқан жөндеу жұмыстары туралы баяндады.Жаңа оқу жылында өңірде 293 мектепте 169 143 оқушы білім алса, 18 423 бала 1-сыныпқа қабылданады деп жоспарлануда. Биыл мектептер жан басына қаржыландыруға көшеді. Арал ауданынан 9 мектеп, Қазалы ауданынан 3 мектеп, Байқоңыр қаласынан 5 мектеп, Қызылорда қаласындағы 41 мектеп жаңа механизм бойынша қаржыландыру жүйесіне өтеді.
Қабылдауда Ақзира Қасымова жаңа оқу жылын қашықтан ұйымдастыруға қажетті шаралардың, оның ішінде балаларға мектеп балансындағы компьютерлерді беру, демеушілер есебінен ұсынылатын ноутбук пен планшеттерді табыстау жұмыстары басталып кеткенін атап өтті.
Жаңа оқу жылының І тоқсанында 222 мектептегі 116 888 оқушы қашықтан оқитын болып шешілді. Бұл оқушылар BilimLand, Дарын-онлайн интернет платформалары сабақты бастайды. Ал, 1-4 сыныптағы 41 547 оқушы дәстүрлі білім алмақ. Мұнан бөлек, шалғай орналасқан елдімекендегі 71 мектептен 10712 оқушы дәстүрлі оқытылады. Бұл ретте білім беру ұйымдарында қатаң санитарлық талаптар сақталады.
Облыс әкімі Гүлшара Әбдіқалықова балаларға мектеп тарапынан берілетін электронды құрылғыларды табыстауда республикалық бюджет қаражатына алынатын компьютерлердің сатып алу жұмыстарының арнайы талаптарын жеткізуде ата-аналарға дұрыс түсіндірме жүргізу қажеттігін атап өтті.
Қабылдау барысында сала басшысы электронды құрылғысы жоқ 9687 оқушыға электронды құрылғылар беру жұмыстары жүргізіліп, 25 тамызға дейін бұл балаларға техникалар беріледі. Ал, демеушілер есебінен оқушыларға 239 планшет, 15 ноутбук берілген. Сонымен бірге, республикалық бюджеттен бөлінетін 22870 компьютер, планшеттерді сатып алу жұмыстары басталатынын баяндады. Мұнан бөлек саладағы үнемделген бюджет есебінен 176,7 млн теңгеге 2635 планшет алуға жұмыстары жүргізілуде.
Облыс әкімі оқушылардың оқулықпен қамтылу жағдайын сұрады. Өз кезегінде Ақзира Қасымова 2020 жылы оқулықтар сатып алуға барлығы жергілікті бюджеттен 1,2 млрд теңге қаралғанын атап өтіп, баспалардан оқулықтардың 89 пайызы алынғанын және 25 тамызға дейін мектептерге толық жеткізілетінін хабарлады.
Қабылдау соңында аймақ басшысы Гүлшара Әбдіқалықова басқарма басшысына жаңа оқу жылына дейін мектептердегі жөндеу жұмыстарын сапалы аяқтауды және қашықтан оқыту барысын жүйелі ұйымдастыруды тапсырды.
<img src="https://kyzylorda-news.kz/wp-content/uploads/2020/08/fb_img_1597906687536.jpg" alt="" />

Аймақ басшысы жаңа оқу жылына дайындық барысын саралады

<a href="https://kyzylorda-news.kz/">Kyzylorda-news.kz.</a> Бүгін Сыр елінің ата басылымы – “Сыр бойы” газетінің ұжымы үшін ерекше күн.
Аймақтың әлеуметтік-экономикалық дамуын үздіксіз жариялап, халықтың тұрмыс-тіршілігін ұдайы билік назарына ұсынып келетін басылымның бүгін 20 000-шы нөмірі өз оқырмандарына жол тартты. Өткен жылы 90 жылдық мерейтойын атап өткен ата басылымның әлі талай нөмірі оқырман қолына тиері анық. Алайда бүгін, яғни 2020 жылы 20 тамызда газеттің 20 000-шы нөмірінің шығуы ел есінде де, басылым ұжымында да айтулы күн болып қалары белгілі.
Осы орайда, <a href="https://kyzylorda-news.kz/">“Kyzylorda-news.kz”</a> ақпараттық агенттігі өз әріптестерін құттықтай отырып, “Сыр бойы” басылымының ұжымына шағырмашылық табыс, отбасыларына бақ-береке тілейді.

20 000: &#8220;Сыр бойы&#8221; газетінің айтулы белесі

<a href="https://kyzylorda-news.kz/">Kyzylorda-news.kz.</a> Қазалы ауданының әкімі Мұрат Ергешбаев Әйтеке би кентіндегі Т.Айбергенов көшесі №4 және №10 көпқабатты үйлердің тұрғындарымен кездесті.
Негізгі мәселе тұрғындардың өтініш-тілектерін тыңдап, оны шешу жолдарын қарастыру.
<img src="https://kyzylorda-news.kz/wp-content/uploads/2020/08/fb_img_1597901921113.jpg" alt="" />
Аудан орталығындағы осы көпқабатты үйлердің тұрғындары көптен бері үйдің шатырын ауыстырып, жылу жүйесін тартып беру жөнінде мәселе көтеріп жүрген болатын. Алайда бұл үйлерді жөндеуге бюджеттен қаржы қарастырылмайды. Себебі бұл баспаналар жеке тұрғындарға тиесілі. Сондықтан да көпқабатты тұрғын үйлерді жөндеуді кәсіпкерлердің демеушілігімен атқарылу жағы қарастырылуда.
<blockquote>
 “Өздеріңіз білесіздер, жеке тұрғын үйлерді жөндеуге бюджеттен қаржы қарастырылмайды. Сол үшін біз ауданда жұмыс істеп жатқан кәсіпкерлермен келіссөздер жүргізіп, демеушіліктің есебінен жөндеп беруге өтініш айтып жатырмыз. Қазіргі таңда бір азамат 1 үйдің шатырын жөндеуге келісім беріп отыр. Ал, екінші үйдің шатырын жөндеу үшін кәсіпкерлер іздестірілуде”, – деді Мұрат Нәлхожаұлы.
</blockquote>
<img src="https://kyzylorda-news.kz/wp-content/uploads/2020/08/fb_img_1597901925831.jpg" alt="" />
Ал, қос көпқабатты үйге жылу жүйесін тартуға қажетті қаржыны есептеуді «Қазалы Теміржолжылу» ЖШС директоры Нұрылда Әбілдаевқа тапсырылды.
<blockquote>
 “Тез арада бұл үйлерге тартылатын құбырлардың қаржысын есптеп шығару қажет. Қаржы көлемі анықталған соң тығырықтан шығар жолды қарастырамыз. Себебі қыс болса таяп қалды. Сондықтан тағы да ауданның кәсіпкерлеріне қолқа саламыз. Алдымен қанша қаражат керегін есептеп алайық”, – деген аудан басшысы туған жерге жанашыр азаматтар көмектесетініне сенім білдірді.
</blockquote>
<img src="https://kyzylorda-news.kz/wp-content/uploads/2020/08/fb_img_1597901933277.jpg" alt="" />
Аудан әкімімен кездесуде тұрғындар көпқабатты үйлердің алдындағы ескі сарайлар бұзылып, оның орнына балалар ойнайтын алаңдар салынып, абаттандырылса деген ұсыныс-пікірлерін айтты. Тұрғындардың ұсынысын қолдаған аудан басшысы Мұрат Ергешбаев кент әкіміне тұрғын үйлердің алдын абаттандыруға байланысты жоба-сметалық құжаттарды дайындауды тапсырды.
<img src="https://kyzylorda-news.kz/wp-content/uploads/2020/08/fb_img_1597901928503.jpg" alt="" />

Тозығы жеткен тұрғын үй &#8211; Ергешбаев тұрғындармен кездесті

<a href="https://kyzylorda-news.kz/">Kyzylorda-news.kz.</a> Сырдария ауданына қарасты Бесарық ауылы үлгілі ауылдар қатарына қосылған.
Ауылдағы әлеуметтік нысандар жаңаланып, жолдар жөнделу үстінде. Қазіргі таңда «Жұмыспен қамтудың жол картасы» бағдарламасы аясында Бесарық елді мекеніндегі №147 орта мектеп ғимараты күрделі жөндеуден өткізілуде.
Осы құрылыс жұмыстарының барысымен Сырдария ауданының әкімі Руслан Рүстемов танысты.
Күрделі жөндеуге тапсырыс беруші – аудандық білім бөлімі. Құрылыс жұмыстарын мердігер мекеме «ДаренСтройСервис» ЖШС жүргізуде. Жобаға 92280,0 мың теңге бөлінген. Күрделі жөндеу жұмыстары 30 қыркүйекте аяқталып, білім ордасы пайдалануға беріледі. Мұнда аудандық жұмыспен қамту орталығы арқылы 10 жергілікті тұрғын жұмыспен қамтылуда.
Қазіргі таңда мектептің ішкі әрлеу жұмыстары жүргізілуде. Сондай-ақ сыныптардың есік-терезелері жаңаланып, еден сырлану үстінде. Аудан басшысына күрделі жөндеуге қатысты атқарылып жатқан жұмыстарды «ДаренСтройСервис» ЖШС өкілі Руслан Сейітмұратов атап көрсетті.
<blockquote>
 “Жоба бойынша мектептің шатырын, есіктері мен терезелерін жаңартып, электр құрылғыларын қайта орнатудамыз және әрлеу жұмыстарын жүргізіп жатырмыз. Күрделі жөндеу жұмыстарын мерзімінен ерте тапсыруды жоспарлап отырмыз. Жалпы, біз жобадан бөлек өз қаражатымыз есебінен мектепке кіргендегі ұзын дәлізді, мектеп сыртын әрлеп береміз. Оған қоса, білім ошағының ішіндегі екінші қабатқа көтерілетін 4 баспалдақты кафельдеп, жаңарту жоспарымызда бар. Одан бөлек, қазіргі жағдайға байланысты мектеп оқушыларының білім алуы үшін 10 планшет алып бергелі отырмыз”, – деді Бесарықтың тумасы Р.Сейітмұратов.
</blockquote>
Жергілікті мектепке жанашырлық танытып, туған жерге қызмет көрсетіп жатқан мердігер мекеме өкіліне аудан басшысы ризашылық білдіріп, атқарып жатқан жұмыстарына сәттілік тіледі.
Айта кету керек, қашықтан білім алатын мектеп оқушыларын қажетті құрылғымен қамту мақсатында «Абай-Дәулет» ЖШС 20 планшет алып бермек.
Белгілі меценат Мұрат Сәрсенбаев басқаратын ұжым аудандық білім бөлімі арқылы сырдариялық оқушыларға 10 планшет және Бесарық ауылының білім алушыларына 10 планшет үлестіру көзделген. Нәтижесінде, қамқор азаматтардың жанашырлығымен жаңа оқу жылында 30 оқушы электронды құрылғымен қамтамасыз етіледі.
Үлгілі ауылдың жол мәселесі реттілігімен шешімін тауып, бүгінде біраз жұмыстар атқарылды. Оның ішінде, ауылға кіреберіс жол қайта жаңғыртылды. Оған қоса, «Қызылорда-Аэропорт-Қоғалыкөл-Шіркейлі» аудандық маңызы бар автомобиль жолының 0-8, 13,5-18 шақырымы күрделі жөндеуден өткізіліп, қазір Қоғалыкөл мен Бесарық тұрғындарының сыртқа қатынайтын жолы теп-тегіс болды. Жолдың құрылысын мердігер компания «Қыран» ЖШС атқарды.
<img src="https://kyzylorda-news.kz/wp-content/uploads/2020/08/fb_img_1597901528037.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597901556262.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597901553584.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597901533297-1.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597901536005.jpg" alt="" />
<img src="https://kyzylorda-news.kz/wp-content/uploads/2020/08/fb_img_1597901548667-1.jpg" alt="" />

Бесарық ауылының мектебі күрделі жөндеуден өтті

<a href="https://kyzylorda-news.kz/">Kyzylorda-news.kz.</a> Сауда және интеграция министрі Бақыт Сұлтанов алкоголь және темекі өнімдерін сатуды реттейтін бұйрыққа қол қойды.
Бұған дейін халық денсаулығы туралы жаңа кодекс темекі саушыларды сатып алушылардан құжат талап етуге міндеттейтіні туралы хабарланған болатын.
Министрдің бұйрығында бұл тәртіп өзгерді. Енді алкоголь және темекі өнімдерін сатушы сатып алушының 21 жасқа толғанына күмән келтірсе ғана оның жеке басын куәландыратын құжатты талап етеді.
Осылайша, Қазақстанның Халық денсаулығы және денсаулық сақтау жүйесі туралы кодексінің 110-бабына сәйкес алкоголь және темекі өнімдерін сататын адамдар:
<ul>
<li>жеке басын куәландыратын құжатты көрсетуді талап етуге;</li>
<li>егер жеке басын куәландыратын құжат ұсынылмаған жағдайда, темекі бұйымдарын, оның ішінде қыздырылатын темекі бұйымдарын, қорқорға арналған темекіні, қорқор қоспасын, темекіні қыздыруға арналған жүйелерді, электронды тұтыну жүйелері мен оларға арналған сұйықтықтарды сатудан бас тартуға құқылы.</li>
</ul>
Айта кетейік, жаңа кодекс қабылданғаннан кейін көптеген азамат алкоголь және темекі өнімдерін сатып алу кезінде жеке басты куәландыратын құжатты ұсыну талабына шағымданған болатын. Яғни, кодекске сәйкес барлық сатып алушы сатушыға жеке басын куәландыратын құжатты ұсынуға міндетті болды. Сатып алушының жасы 21 жастан асқан болса ғана сатушы тауарды сатады.

Темекіні сатып алғанда құжат көрсетуді міндеттейтін норма өзгерді

<a href="https://kyzylorda-news.kz/">Kyzylorda-news.kz.</a> Елімізде «5-10-20» ипотекалық бағдарламасына өтінім қабылдау басталды.
Бағдарлама бойынша ең қымбат пәтерлер Алматыда. Мегаполистегі баспананың бір шаршы 240 мың теңгеге дейін жетеді.
Елордада 220 мың тұрады. Шымкентте және Алматы маңында тұрғын үйдің бір шаршы метрі 200 мың теңге. Бірнеше қалада баға бұдан төмен. Мәселен, Ақтөбе, Атырау, Ақтау, Түркістан, Қарағанды және Қарағанды облысында ипотекалық баспананың бір шаршы метрі 180 мың теңге.
Ал қалған өңірлердегі «5-10-20» бағдарламасымен қарыз алушылар пәтердің бір шаршы метрі үшін 160 мың теңге төлейді.
<a href="https://24.kz/kz/zha-aly-tar/ekonomika-zhnalyktary/item/417266-5-10-20-bojynsha-j-alu-a-tinish-abyldau-bastaldy">“24 kz”</a>

Қазақстан және Қызылорда облысының жаңалықтары

«ЖАСАМПАЗ 25 ЖЫЛ»: Қызылордалық журналистер марапатталды

Қызылордада жол ережесін бұзған жүргізуші жазаланды (ВИДЕО)

1 қыркүйек алдында бала иммунитетін қалай көтеруге болады?

Тұрмыстық зорлық-зомбылық: Карантин кезінде Дағдарыс орталығында орын қалмаған

Қызылордадағы Назарбаев Зияткерлік мектебінің 100 түлегі білім грантын жеңіп алды

Қызылорда: Еңбек заңнамасына байланысты 500-ге жуық өтініш түскен

Аймақ басшысы жаңа оқу жылына дайындық барысын саралады

20 000: “Сыр бойы” газетінің айтулы белесі

Тозығы жеткен тұрғын үй – Ергешбаев тұрғындармен кездесті

Бесарық ауылының мектебі күрделі жөндеуден өтті

Темекіні сатып алғанда құжат көрсетуді міндеттейтін норма өзгерді

«5-10-20» бойынша үй алуға өтініш қабылдау басталды

Қазақстан және Қызылорда облысының жаңалықтары

«ЖАСАМПАЗ 25 ЖЫЛ»: Қызылордалық журналистер марапатталды

Қызылордада жол ережесін бұзған жүргізуші жазаланды (ВИДЕО)

1 қыркүйек алдында бала иммунитетін қалай көтеруге болады?

Тұрмыстық зорлық-зомбылық: Карантин кезінде Дағдарыс орталығында орын қалмаған

Қызылордадағы Назарбаев Зияткерлік мектебінің 100 түлегі білім грантын жеңіп алды

Қызылорда: Еңбек заңнамасына байланысты 500-ге жуық өтініш түскен

Аймақ басшысы жаңа оқу жылына дайындық барысын саралады

20 000: &#8220;Сыр бойы&#8221; газетінің айтулы белесі

Тозығы жеткен тұрғын үй &#8211; Ергешбаев тұрғындармен кездесті

Бесарық ауылының мектебі күрделі жөндеуден өтті

Темекіні сатып алғанда құжат көрсетуді міндеттейтін норма өзгерді

«5-10-20» бойынша үй алуға өтініш қабылдау басталды

20 000: “Сыр бойы” газетінің айтулы белесі

Тозығы жеткен тұрғын үй – Ергешбаев тұрғындармен кездесті