<a href="https://kyzylorda-news.kz/">Kyzylorda-news.kz.</a> Биыл алғаш рет Сырдария ауданындағы ортағасырлық Асанас қалашығына археологиялық қазба жұмыстары жүргізілуде. Археологтар қалашықтың қақпасын, қорғаныс қабырғалары мен мұнараларын, тұрғын үй орындарын аршуда.
Бұл туралы Өңірлік коммуникациялар қызметінің ақпарат алаңында өткен брифингте облыстық мәдениет, архивтер және құжаттама басқармасының басшысы Мира Абуова мәлімдеді.
<blockquote>
 “Аймақтағы 6 ескерткішке археологиялық зерттеу жұмыстары жүргізілуде. Бүгінде Жанкент, Сығанақ, Сортөбе, Қышқала қалашықтарындағы қазба жұмыстары аяқталса, ал, Бәбіш мола және Асанаста әлі жалғасуда. Қазба маусымында 
 археологиялық жұмыстардың зерттеу ауқымы кеңейіп, маңызды нысандарды сақтаумен, консервациялаумен ерекшеленді. Сондай-ақ, Жанкент қалашығында консервацияланған бөлменің композициясы жасақталып, Оғыз дәуірінің тұрмыс-салт дәстүрінен хабар беретін, тарихи мүсіндер қойылып, зерттеушілер қалашық ішіндегі тұрғын үйдің ежелгі қалпын қайта жандандырды. Археологиялық қазба жұмыстары нәтижесінде табылған олжалар облыс музейлер қорына жинақталса, ғылыми-зерттеу есептері архив қорларында сақталады”,-деді Мира Рахымжанқызы.
</blockquote>

Қызылордада 6 ескерткішке археологиялық зерттеу жүргізілуде

<a href="https://kyzylorda-news.kz/">Kyzylorda-news.kz.</a> Бүгін облыс әкімінің өкімімен және Қазақстан Республикасы Президенті Әкімшілігі мен Сырдария аудандық мәслихатының келісімдері бойынша Сырдария ауданының әкімі лауазымына Дүйсебаев Талғат Тұрсынұлы тағайындалды.
Талғат Дүйсебаев 1973 жылы туған. Қызылорда политехникалық институтын «бухгалтер-экономист», Қазтұтынуодағы Қарағанды экономикалық университетін «заңгер» мамандықтары бойынша бітірген.
Еңбек жолын Жалағаш аудандық жасөспірімдер&nbsp;спорт мектебінде дене шынықтырушы ретінде бастаған.
1994-2004 жылдары Жалағаш аудандық білім бөлімінің есепшісі, Жалағаш ауданы әкімі аппаратының экономика және кәсіпкерлікті қолдау секторының бас маманы. 
2004-2011 жылдар аралығында Қызылорда облысының экономика және бюджеттік жоспарлау басқармасының бөлім бастығы, Қызылорда облысының ауыл шаруашылығы басқармасы бастығының орынбасары болды. 
2011-2017 жылдары – Қызылорда облысының ауыл шаруашылығы басқармасының басшысы, Жалағаш ауданының әкімі ретінде қызмет атқарды.
2017 жылдан бастап, осы кезге дейін Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы қызметін атқарып келді. 
Облыс әкімі Гүлшара Әбдіқалықова жаңа аудан әкімінің қызметіне сәттілік тіледі.
<img src="https://kyzylorda-news.kz/wp-content/uploads/2020/09/118588438_2696863263750059_2418297156968504184_o.jpg" alt="" />

Сырдария ауданының әкімі тағайындалды

<a href="https://kyzylorda-news.kz/date/2020/09/03/">Kyzylorda-news.kz.</a> Қазақстанда өткен тәулікте 88 адамда коронавирус расталды.&nbsp;Оның ішінде 33 адамда клиникалық белгілері жоқ, деп хабарлайды ведомствоаралық комиссия.
Жаңа жағдайлар Нұр-Сұлтан қаласы (18) мен Шығыс Қазақстан облысында (14) көп тіркелді. Маңғыстау, Түркістан және Қызылорда облыстарында бірде-бір адам вирус жұқтырған жоқ.
Індетке шалдыққандар жалпы саны бойынша Алматы (14 238), Нұр-Сұлтан (13 851) қалалары мен&nbsp; Атырау облысы (10 931) алда тұр.
Елде ауырғандардың жалпы саны 106 032 адамға жетті. 97 967 науқас жазылып, 1 588 адам қайтыс болды.

Өткен тәулікте Қызылордада бірде-бір адам коронавирус жұқтырмады

<a href="https://kyzylorda-news.kz/date/2020/09/03/">Kyzylorda-news.kz.</a> Карантин талаптарын сақтамағаны үшін Жаңақорған ауданы Қандөз ауылдық округінің әкімі тәртіптік жазаға тартылды.
ҚР Мемлекеттік қызмет істері агенттігінің Қызылорда облысындағы Әдеп жөніндегі кеңесінің кезекті отырысында Жаңақорған ауданы, Қандөз ауылдық округі әкімінің тәртіптік ісі қаралды.
ҚР Мемлекеттік қызмет істері агенттігінің Қызылорда облысы бойынша департаментінің қызметкерлері бұқаралық ақпарат құралдарына, әлеуметтік желілерге мониторинг жүргізу барысында «Фейсбук» әлеуметтік желісінде «Мемлекеттік қызметкерлерге жаза жоқпа?» атты сыни жазба жарияланғандығын анықтаған.
Нақтырақ айтқанда, ауылдық округ әкімі карантин режиміне қарамастан табиғат аясына демалыс орнына көпшілікпен барып, санитарлық талаптарды сақтамай қоғам тарапынан сынға іліккен.
Әдеп жөніндегі кеңес мүшелері тәртіптік істі қарап, карантиндік шектеулерді сақтамай Әдеп кодексі талаптарын бұзғаны үшін ауыл әкіміне «ескерту» тәртіптік жазасын беруді ұсынды.
<img src="https://kyzylorda-news.kz/wp-content/uploads/2020/09/foto-5-scaled.jpg" alt="" />

Қызылордада табиғат аясында демалып жүрген ауыл әкіміне тәртіптік шара көрілді

<a href="https://kyzylorda-news.kz/date/2020/09/03/">Kyzylorda-news.kz</a>. Қызылорда облысында міндетті әлеуметтік медициналық сақтандыру жүйесінде (бұдан әрі – МӘМС) 167 мыңнан астам адам сақтандырылмаған. Көбіне Қызылорда, Байқоңыр қалаларында және Қазалы ауданында. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов облыс әкімі Гүлшара Әбдіқалықованың төрағалығымен өткен МӘМС мәселелері жөніндегі өңірлік штаб отырысында хабарлады.
Филиал директорының айтуынша, 12 245 адам емханаларға тіркелмеген және 4 534 өзін-өзі жұмыспен қамтығандар өзектендірілмеген.
Сонымен бірге, аймақта ШОБ жұмыскерлерін міндетті медициналық сақтандыру жүйесіне тарту деңгейі төмен. ҚР Үкіметінің 2020 жылдың 20 сәуіріндегі №224 Қаулысында көрсетілген қызмет түрлерінің тізбесіне сәйкес кейбір шағын және орта бизнес субъектілері міндетті медициналық сақтандыру бойынша жарналар мен аударымдар төлеуден босатылады.
<blockquote>
 «Бүгінгі таңда өңірдегі барлық 7 ірі кәсіпорынның жұмыс берушілері 1 216 қызметкердің тізімін өзектендірді. Жұмыс берушілерге «Saqtandyry» ақпараттық жүйесіне 4 464 ШОБ субъектісі қызметкерлерінің мәліметтерін енгізуі қажет. Жалпы, аймақта шағын және орта бизнес субъектілерінің 12 268 қызметкері МӘМС төлемдерінен босатылды», – деп атап өтті Бақыт Исмаханбетов.
</blockquote>
Өздеріңіз білетіндей, Мемлекет басшысы Қазақстан халқына Жолдауында ШОБ қызметкерлерінің медициналық көмек алу құқығын ағымдағы жылдың соңына дейін ұзартуды тапсырды. Осыған байланысты, жұмыс берушілер «Saqtandyry» ақпараттық жүйесінде қызметкерлердің ЖСН-ін тіркеуі қажет. Ол үшін Мемлекеттік кірістер департаментінің сайтына <a href="https://msb.fms.kz/login">https://msb.fms.kz/login</a> сілтемесі бойынша өтіңіз. Сондай-ақ, тіркеуді «Qoldau-24/7» мобильді қосымшасы арқылы өтуге болады.
<blockquote>
 «Сондай-ақ, «Qoldau-24/7» қосымшасында сіз кеңес ала аласыз, шағым жолдай аласыз, алғыс білдіре аласыз, өз ұсыныстарыңызды білдіре аласыз, сақтандыру мәртебесін тексере аласыз, МӘМС жүйесінде сақтанушының уақытша мәртебесін ала аласыз. Алайда, мобильді қосымшаны жүктеу мониторингі көрсеткендей, өңірдің 79 047 тұрғынының (20-59 жас аралығында) «Qoldau-24/7» – ге тек 655 адам тіркелген», – деп хабарлады филиал директоры.
</blockquote>
Сонымен қатар, Бақыт Торғайбайұлы басқа да өзекті мәселелерге назар аударды. Сонымен, Байқоңыр қаласында РФ-да мүгедектік алған ҚР мүгедектеріне сақтандыру мәртебесін беру туралы мәселе шешілген жоқ.
Аймақтың жоғары оқу орындары мен колледждері медициналық сақтандыру қорына өз студенттерінің, сондай-ақ ҚР Білім және ғылым министрлігінің, шетелде оқитын студенттер туралы мәліметтерді ұсынбайды. 3 жасқа дейінгі балаларды тәрбиелеп отырған адамдар туралы ақпаратты беру бойынша интеграция жоқ. «Тұлғаларды есепке алу жүйесіне» ішкі істер, қылмыстық-атқару жүйесі және қорғаныс департаменттерінің қызметкерлері туралы мәліметтер толық көлемде енгізілмейді. Бухгалтерлер еңбек демалысы, еңбекке жарамсыздық демалысы кезінде қызметкерлерге медициналық сақтандыру бойынша жарналарды есептеу кезінде қателіктер жібереді, сондай-ақ қызметкерлер жалақысы сақталмайтын демалыс кезінде дербес төлеуші ретінде жарна төлемейді және тағы басқа мәселелер.
Жоғарыда аталған барлық мәселелер бойынша облыс әкімі тиісті басқармаларға нақты тапсырмалар берді.
<img src="https://kyzylorda-news.kz/wp-content/uploads/2020/09/img-20200902-wa0059.jpg" alt="" />

Қызылорда облысында МӘМС жүйесінде 167 мыңнан астам адам сақтандырылмаған

<a href="https://kyzylorda-news.kz/date/2020/09/03/">Kyzylorda-news.kz.</a>&nbsp;«Ақ жол» Демократиялық партиясы дағдарыстан кейінгі ел дамуының&nbsp; мәселелеріне арналған Президент Жолдауының негізгі қағидаларын талқылады. Жолдауды талқылауға партия төрғасы Азат Перуашев, Орталық кеңес президумының мүшелері, Мәжіліс депутаттары, «Ақ жол» партиясының белсенділері&nbsp; қатысты. Іс-шара өңірлердегі партия филиалдарымен бейнеконференция режимінде өтті.
Партия төрағасы партия мүшелеріне Жолдаудың негізгі бағыттары мен Мемлекет басшысының үкімет пен мемлекеттік органдардың алдына қойған тапсырмалары туралы хабарлады.
<blockquote>
 «Мемлекет басшысының Жолдауы маңызды бөлімдерден тұрады және белгіленген &nbsp;бағыттардың әрқайсысы нақты тапсырма түрінде берілді. Жолдау реформалық сипатта &nbsp;&nbsp;құрылған» – &nbsp;деді Азат Перуашев.
</blockquote>
«Акжолдықтар» бизнесті қолдау жөніндегі көптеген тапсырмаларды, зардап шеккен шағын және орта бизнес секторларының барлық несиелері бойынша пайыздық мөлшерлемелерді субсидиялау, агроөнеркәсіптік кешенді қолдау, бизнес ахуалды жақсарту және тағы басқа мәселелерді атап өтті. Сонымен бірге, талқылау барысында мемлекеттік басқару саласындағы Президент тапсырмаларына, Стратегиялық жоспарлау жөніндегі Агенттігін, Реформалар жөніндегі Жоғары Президенттік кеңесті, Бәсекелістікті қорғау және дамыту жөніндегі Агенттігін құруға, мемлекеттік қызметкерлердің штатын қысқарту, жауапты хатшылар институтын таратуға қолдау білдірді.
<blockquote>
 &nbsp;«Бизнес партиясының өкілдері ретінде елдің жаңа экономикалық бағытының басты қағидаларының бірі болып жеке кәсіпкерліктің жетекші рөлінің аталғанын естіп қуанып қалдық», &nbsp;– деп атап өтті партияның Қарағанды облыстық филиалының өкілдері.
</blockquote>
Депутат Берік Дүйсембинов Жолдауда қойылған мәселелер көп жағдайда «Ақ жол» партиясы көтеріп келе жатқан мәселелермен үндес екенін айтып және партия сайлауалды &nbsp;жұмысын жалғастыруға шақырды. Сондай-ақ, Мәжіліс депутаты 2018 жылы «Ақ жол» партиясының фракциясы билік өкілдерінің қос азаматтығы үшін қылмыстық жауапкершілікті енгізуді туралы ұсынысы бүгін Президент тапсырмаларының ішінде&nbsp; айтылғанын да &nbsp;еске салды.
Фракция депутаттары олар бұрын көтерген өзге де мәселелер Президент &nbsp;Жолдауында орын алғанын, мысалы, 2017 жылдан бері шенеуніктердің штатын қысқарту, әкімдер сайлауы туралы тапсырмалар партияның бағдарламалық міндеттерінің бірі екенін еске салды.
Талқылауға қатысушылар Президент Жолдауын қолдап, «Ақ жол» ҚДП парламенттік фракциясына Жолдауды іске асыру үшін тапсырмаларды белгіледі.

«Ақ жол» партиясы Президент Жолдауының негізгі қағидаларын талқылады

<a href="https://kyzylorda-news.kz/date/2020/09/03/">Kyzylorda-news.kz.</a> Қызылорда қаласындағы &nbsp;ЗК-169/5 мекемесінде &nbsp;онлайн режимінде шара өтті. Мекемедегі сотталғандар арасында кәсіптік маман иесі атанғысы келген 75 азамат 2020-2021 оқу жылына үш мамандық бойынша (ағаш ұстасы, тігінші, газэлектрдәнекерлеуші)&nbsp; өтініш білдірген болатын.
Осы азаматтарға &nbsp;М.Ықсанов атындағы «Қызылорда құрылыс және бизнес» және «Қызмет көрсету және сервис» колледжінің&nbsp; оқытушылары алғашқы дәрісті&nbsp; онлайн түрде өткізді. Сотталған азаматтарды жаңа оқу жылымен құттықтаған&nbsp;&nbsp; колледж оқытушылары білім алушыларға сәттілік тіледі.
Алдағы уақытта осы азаматтар&nbsp; бекітілген сабақ кестесіне сәйкес, интернет желісі қосылған&nbsp;&nbsp; арнайы кабинетте онлайн режимінде білім алады.

Қызылордада жазасын өтеушілер оқуға қабылданып жатыр

<a href="https://kyzylorda-news.kz/date/2020/09/03/">Kyzylorda-news.kz.</a> Қазалы ауданында «Жұмыспен қамтудың 2020-2021 жылдарға арналған жол картасы» мемлекеттік бағдарламасының аясында ауқымды жұмыстар атқарылып жатыр.
Соның бірі Әйтеке би кентіндегі «Аймақаш» мөлтек ауданынан жаңа тұрғын кварталдарды инфрақұрылыммен (газ, ауыз су, электрмен жабдықтау) қамтамасыз ету жұмыстары болатын. Бүгінгі күні аталған аймақта электрмен жабдықтау жұмыстары аяқталып, түнгі жарықшамдар самаладай жарқырап тұр.
Қазіргі таңда ауыз су және газбен қамтамасыз ету жұмыстары қарқынды жүргізіліп жатыр. Аталған жұмыстарды мердігер мекеме «Жылу – ХХІ» ЖШС қыркүйек айының соңына дейін аяқтауды жоспарлап отыр.
Құрылыс-монтаж жұмыстары аяқталған соң, 115 жер учаскесі ашылып, халықтың игілігіне пайдалануға беріледі.
Айта кетейік, «Жол картасы» бағдарламасының негізгі мақсаты жұмыссыздықтың алдын алып, халықты еңбекпен қамту болатын. Осыған сәйкес «Аймақаш» мөлтек ауданынан жаңа тұрғын кварталдарды инфрақұрылыммен қамтамасыз ету жұмыстарына аудандық жұмыспен қамту орталығынан 25 адам жұмыспен қамтылды.

Қазалы ауданында электрмен жабдықтау жұмыстары аяқталды

<a href="https://kyzylorda-news.kz/">Kyzylorda-news.kz.</a> Елімізде коронавирус инфекциясының таралуын болдырмау мақсатында карантиндік шектеулер енгізіліп, ұжымдық, жанұялық барлық жиындарға тыйым салынған болатын.
Дейтұрғанмен, аталған шектеулерді бұзатындардың қатарынан карантин талаптарының сақталуына бақылау жасайтын құзырлы мемлекеттік орган қызметкерлері де кездесуде.
Әдеп жөніндегі кеңестің кезекті отырысында шектеулерді сақтамаған Шиелі ауданы әкімдігінің 4 қызметкерінің тәртіптік істері қаралды.
Тәртіптік істерді қарауға «Youtube» сайтында жарияланған бейнежазба негіз болды. Бейнежазбада Шиелі ауданы әкімі аппаратының басшысы мен бірнеше әкімдік қызметкерлерінің карантин кезеңіндегі шектеулерге қарамастан, туған күн кешіне қатысып, тойлап жатқаны жарияланған. Әкімдік қызметкерлері карантин талаптарын сақтамай, өздерінің іс-әрекеттерімен азаматтар тарапынан сыни пікірлердің туындауына себепкер болған.
Тәртіптік істердің материалдарымен танысқан Әдеп жөніндегі кеңес мүшелері, карантиндік шектеулерді сақтамай Әдеп кодексі талаптарын бұзғаны үшін Шиелі ауданы әкімі аппаратының басшысына «сөгіс» берілгені дұрыс деп тапты.
Ал, туған күн кешіне қатысқан аудан әкімі аппаратының бас маманына, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімі басшысының орынбасарына және аудандық ішкі саясат бөлімінің жетекші маманына «ескерту» түріндегі тәртіптік жазаны қолдану жөнінде шешім етті.
<img src="https://kyzylorda-news.kz/wp-content/uploads/2020/09/foto-1-scaled.jpg" alt="" />

Қызылордада туған күн тойлаған әкімдік қызметкерлері жазаланды

<a href="https://kyzylorda-news.kz/">Kyzylorda-news.kz.</a> Қызылорда облысында Қазақстан халқы тілдері күні мерекесін атап өтудің іс-шаралар жоспары бекітілді. Жоспар аясында мекемелер мен ұйымдарда тілдер күніне арналған түрлі шаралар және тіл жанашырларын марапаттау рәсімдері ұйымдастырылады.
Бұл туралы Өңірлік коммуникациялар қызметінің ақпарат алаңында өткен брифингте облыстық ішкі саясат басқармасының басшысы Мира Қазбекова мәлімдеді.
<blockquote>
 “Ахмет Байтұрсынұлы өмір есігін ашқан қыркүйек айының бесі -Қазақстан халқы тілдері күні болып бекітілді. Бұл мереке – Қазақстанда тұратын барлық ұлт өкілдерінің ана тіліне құрмет көрсететін ортақ мейрам. Осыған орай Қызылорда қаласы мен аудандарда оқиғалар тізбесі қалыптастырылып, мерекелік шаралар карантин талаптарын сақтай отырып өткізілетін болады. Атап айтқанда, оқушылар арасында «Тіл мерейі, ел мерейі» облыстық онлайн мәнерлеп оқу байқауы, «Шешеннің тілі – шебердің бізі» атты қашықтықтан облыстық полиглоттар байқауы, өзге ұлт өкілдерінің қатысуымен «1001 мақал, 101 жұмбақ» интеллектуалдық онлайн сайысы мен «Тілдер әлеміне саяхат» зияткерлік ойыны, ересек тіл үйренушілер арасында «Туған тілге төрден орын берейік!» атты онлайн марафоны, «Өзге тілдің бәрін біл, өз тіліңді құрметте!» атты үш тілде өлең оқу челленджі және «Тіл – татулық тірегі» атты мерекелік онлайн концерті өткізіледі” – дейді басқарма басшысы.
</blockquote>
Сонымен қатар, өткізілген шаралар әлеуметтік желілерде&nbsp;<a href="https://www.facebook.com/hashtag/5qyrk%C3%BAiek?source=feed_text&epa=HASHTAG">#5QYRKÚIEK</a>&nbsp;<a href="https://www.facebook.com/hashtag/tilmerekesi?source=feed_text&epa=HASHTAG">#TİLMEREKESİ</a>&nbsp;хэштегтерімен кеңінен ақпараттандырылады.
<img src="https://kyzylorda-news.kz/wp-content/uploads/2020/09/118766588_1105018306560347_4836632058408921863_o.jpg" alt="" />

Қазақстан халқы тілдері күні Қызылордада қалай аталып өтпек?

<a href="https://kyzylorda-news.kz/">Kyzylorda-news.kz.</a> Қызылорда облысының әкімі Гүлшара Әбдіқалықованың төрағалығымен Қазақстан Республикасының Президенті Қасым-Жомарт Кемелұлы Тоқаевтың “Жаңа жағдайдағы Қазақстан: іс-қимыл кезеңі” атты Жолдауының негізгі міндеттерін жүзеге асыру бойынша дөңгелек үстел отырысы өтті.
Дөңгелек үстел отырысына облыс әкімінің орынбасарлары, аппарат басшысы, облыстық мәслихат хатшысы, басқарма басшылары, «Атамекен» облыстық кәсіпкерлер палатасының директоры, бизнес қауымдастығы мен қоғамдық бірлестіктердің өкілдері, онлайн форматта қала және аудан әкімдері қатысты.
<blockquote>
 «Президент өз Жолдауында дағдарыстан кейін экономика мен азаматтардың әл-ауқатын қалпына келтіру керектігін атап өтті. Жаңа құжат 11 басым-бағыттан тұрады. Біздің басты міндет құжаттың жүзеге асырылуын қамтамасыз ету», – деді облыс әкімі Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/09/118766055_2695224790580573_2615823288012730496_n.jpg" alt="" />
Жолдаудың бірінші бағытында мемлекеттік басқарудың жаңа үлгісін жүйелі түрде жүзеге асыру қажеттігі аталып, мемлекеттік қызметкерлерді 2020 жылы 10 пайызға, 2021 жылы 15 пайызға қысқарту тапсырылды. Осыған орай, аймақ басшысы облыс әкімінің аппарат басшысына биылғы жылғы 1 қазанға дейін 10 пайыздық қысқартулар бойынша ұсыныс беруді жүктеді.
Жолдаудың екінші бағытында атап өтілгендей, ұзаққа созылған мұнай саласының даму кезеңі аяқталды. Сондай-ақ, Мемлекет басшысы «Ауыл шаруашылығын дамытпай, бәсекеге қабілетті экономика құру мүмкін еместігін» нақты айтты. Бұл ретте аймақ басшысы облыстық индустриялық-инновациялық даму басқармасына, қала және аудан әкімдіктеріне индустрияландыру картасына талдау жасап, 2020 жылы іске қосылуға дайын тұрған жобаларды қысқа мерзімде индустрияландыру картасына енгізуді және индустриялық аймақтарды жаңа жобалармен толықтыруға жұмыс жүргізуді тапсырды.
<img src="https://kyzylorda-news.kz/wp-content/uploads/2020/09/118829072_2695225110580541_531773798429715742_n.jpg" alt="" />
Үшінші бойынша облыс әкімі сала басшыларына аграрлық секторға дәстүрлі қолдау көрсетумен қатар, ауыл шаруашылығы өнімдерін тереңдетіп қайта өңдеуді, тамақ және тоқыма өндірісін дамытуды, құрылыс материалдарын шығаруға және өнеркәсіптің өзге де салаларына баса назар аударып, тиісті шаралар қабылдауды жүктеді. 
Төртінші бағытта азаматтардың әлеуметтік әл-ауқаты, ең алдымен, баспана мәселесіне тікелей байланысты деп атап көрсетті. Осыған орай, аймақ басшысы «Нұрлы жол» бағдарламасы аясында жер үйлер салу үшін инженерлік инфрақұрылымды дамыту шараларын қабылдау қажет екені атап өтілді.
Бесінші бағытта көрсетілген білім сапасын дамытуға қатысты нақты атқаратын шаралар бойынша да бірқатар тапсырмалар берілді. Аймақ басшысы облыстық білім басқармасына қашықтан оқыту барысында балаларға сапалы білім беруге қажетті жағдайларды ұйымдастыруды, санитарлық талаптарды сақтай отырып, дәстүрлі оқытуға көшетін мектептердің мүмкіндігін қарастыруды және балалардың шығармашылық қабілетін шындауға және спортпен айналысуға қажет шараларды іске асырудың арнайы өңірлік жол картасын әзірлеуді жүктеді.
Алтыншы бағытта денсаулық саласын дамыту басты назарда болуы керектігі аталды. Осыған сәйкес облыс әкімі мемлекеттік жекешелік әріптестік аясында амбулатория құрылысын салу және сатып алу механиздерін пысықтаумен қатар дәрігерлерге берілетін ынталандыру көздерін әзірлеу қажеттігін атап өтті.
Жетінші бағытта экология және биологиялық қорғау мәселесі сөз болды. Бұл ретте, аймақ басшысы облыс аумағында «Қараөзек» және «Күміскеткен» су қоймаларының құрылыстарын жеделдету және балық өңдеу зауыттарын шикізатпен қамтамасыз ету үшін тауарлы балық өсірудің көлемін 2030 жылға қарай 20 есеге дейін ұлғайту міндетін қойды.
Сегізінші бағытта азаматтардың мүддесін қорғау жолында әділетті мемлекет қағидасын ұстануды тапсырылды. «Халық үніне құлақ асатын мемлекет» – бұл, шын мәнісінде, «Әділетті мемлекет» құру тұжырымдамасы екенін айрықша атап көрсетті. Бұл ретте аймақ басшысы барлық мемлекеттік орган басшыларына Қызылорда қаласы және аудан әкімдеріне осы бағытта жұмыстарды жандандыруды тапсырып, аймақтарда қоғамдық кеңестердің ролін арттыруға басымдық беру қажет екенін айтты.
Цифрландыру – барлық реформаның негізгі элементі және сәнге айналған үрдіске ілесу емес, ұлттың бәсекеге қабілеттілігін арттырудың негізгі құралы болуы керек екені тоғызыншы бағытта көрсетілген. Осыған орай, өңір басшысы облыстық цифрлық технологиялар басқармасына 15 қыркүйекке дейін елді-мекендерді толық интернетпен қамтамасыз ету жоспарын ұсынуды тапсырды.
Ал оныншы бағытта азаматтардың мемлекетті басқару ісіне қатысуына аса мән беріліп отыр. Мемлекет басшысы өз сөзінде “Бұл саяси реформалардың бастамасы ғана” – деп атап өтті. Облыс әкімі бұл мәселеге қатысты заңға өзгерістер енгізілгеннен кейін, ауыл әкімдерін аудандық, қалалық мәслихат депутаттары емес, жалпы сол ауылдың тұрғындары сайлайтын болатындығын айтты.
Жолдаудың он бірінші бағытында Ұлттың жаңа болмысын қалыптастыру мақсатында 6 басым бағытты айқындалды. Олар: терең білімді ұрпақ тәрбиелеу, жас буынды ерінбей еңбек етуге бейімдеу, кез-келген істі кәсіби дағды арқылы жүзеге асыру, темірдей тәртіп пен жоғары жауапкершілік, әділдіктен айнымаған жөн және адалдық, ұқыптылық, тиянақтылық. Осыған сәйкес, аймақ басшысы салалық орынбасарына ұлттың жаңа болмысын қалыптастыру бағытында идеологиялық іс-шара жоспарын әзірлеу жөнінде тапсырма берді.
Содан кейін сөз алған облыстық мәслихаттың хатшысы Қылышбай Бисенов әлеуметтік сала қызметкерлері жалақысын көтеру мәселесін қолдап, «Стратегиялық маңызды шешім» деген баға берді. Сондай-ақ ол отандық ғылым саласын қолдауға бағытталған тапсырмаларды ерекше атап өтті. Ал кәсіпкерлікті қолдау шараларына байланысты “Атамекен” ұлттық кәсіпкерлік палатасының облыстық филиал директоры Ғалымбек Жақсылықов пікірін білдірді. Оның айтуынша, облыс бойынша экономиканың аса зардап шеккен салаларында 11 мыңнан аса кәсіпкерлік субъектісі қызмет атқарады. Қазіргі күрделі ахуал кезеңінде шағын және орта бизнеске қолдау көрсету аса маңызды екенін атады. «Абай Даулет» мекемесінің директоры Мұрат Сәрсенбай жер шетелдіктерге сатылмайтындығы туралы мәлімдеме көптің күмәнін сейілткенін айтты. Сондай-ақ ауыл халқын жұмыспен қамту, тұрмыс деңгейін көтеру сияқты шешімдерін тұрғындар зор ықыласпен қабылдағанын жеткізді.
Жиын соңында аймақ басшысы Жолдаудан туындайтын міндеттерді сапалы жүзеге асыру қажеттігін атап өтті.

Қызылорда облысының әкімдігінде Президент Жолдауы талқыланды

Kyzylorda-news.kz. «Қазгидромет» РМК бейсенбіге арналған ауа райы болжамын жариялады.
3 қыркүйекте күндіз Қызылорда облысында солтүстік-батыстан жел соғып, күші 15-20 м/с артады. Күндіз төтенше өрт қаупі сақталады.

Қазақстан және Қызылорда облысының жаңалықтары