<a href="https://kyzylorda-news.kz/">Kyzylorda-news.kz.</a> Қытайда автобустардың бірінде жүргізілген жаңа ғылыми зерттеу COVID-19 желдетілмейтін ортада ешқандай ауру белгілері жоқ науқас адамнан ауа арқылы таралуы мүмкін деген эпидемиологтардың пікірін растады. Бұл туралы <a href="https://www.lemonde.fr/sante/article/2020/09/01/une-nouvelle-etude-sur-un-car-chinois-conforte-la-these-de-la-transmission-aerienne-du-coronavirus_6050614_1651302.html">Le Monde</a>&nbsp;француз басылымы хабарлайды.
Ауру белгілері және қорғаныш маскасы жоқ COVID-19 жұқтырған адам бір сағатқа жуық уақытқа созылған сапар кезінде нашар желдетілетін автобустағы жолаушылардың үштен біріне вирус жұқтырды. Ғалымдар коронавирус жұқтыру радиусы бұрын ойлағаннан әлдеқайда үлкен екенін дәлелдеді. COVID-19 автобус салонының алдыңғы және артқы жағындағы жолаушылардан табылды.
Эпидемиологтар бұған дейін коронавирус жұқтырған адамдар түшкіргенде немесе жөтелгенде тамшылар арқылы жұқтырады деп мәлімдеген еді. Сондықтан дағдарыс басталған кезде ауа арқылы таралуы мүмкін деген болжамды бүкіл әлемнің денсаулық сақтау органдары назардан тыс қалдырды. Алайда көптеген мамандардың респираторлық вирустар мәселесі жөніндегі пікірлері мен қарапайым әңгіме кезінде вирустың ауада болуы-болмауына қатысты зерттеу нәтижелерінен алынған жаңа білімнің арқасында жазда жағдай өзгерді.

Ғалымдар коронавирустың 100% ауа арқылы таралатынын дәлелдеді

<a href="https://kyzylorda-news.kz/">Kyzylorda-news.kz.</a> Білім және ғылым министрі Асхат Аймағамбетов үкімет отырысында 2021 жылдың 1 қаңтарынан бастап мұғалімдердің жалақысын қаншалықты көтеру жоспарланып отырғанын айтты, деп хабарлайды&nbsp;<a href="https://stan.kz/mygalimderge-tolenetin-ustemaki-turali-ministr-aymagamb-336524/">Stan.kz</a>.
<blockquote>
 “Министрлік 2021 жылдың 1 қаңтарынан бастап мұғалімдердің жалақысын 25% -ға өсіруді жоспарлап отыр. Бұл есептеулерді 2023 жылға дейін қаржыландыру аясында қаржы министрлігіне ұсындық”, – деді Асхат Аймағамбетов.
</blockquote>
Сонымен қатар, министрдің айтуынша, мемлекет басшысының тапсырмасы аясында 1 қыркүйектен бастап дәптерлерді тексергені үшін және сынып жетекшілері үшін мұғалімдерге берілетін қосымша төлемдер екі есеге артты.
<blockquote>
 “Магистратура үшін мұғалімдер 27 мың теңге көлемінде жаңа қосымша ақы алады. 1 қыркүйектен бастап дәптер тексергені үшін төленетін төлем екі есеге, сынып жетекшілігі үшін төленетін төлем екі есеге артады”, – деп қосты Асхат Аймағамбетов.
</blockquote>

Аймағамбетов мұғалімдерге төленетін үстемақы туралы түсіндірді

<a href="https://kyzylorda-news.kz/">Kyzylorda-news.kz.</a> Қазақстанда шенеуніктердің заңсыз байығаны үшін азаматтық-құқықтық жауапкершілік енгізу мәселесі қарастырылып жатыр. Бұл туралы ҚР Сыбайлас жемқорлыққа қарсы іс-қимыл агенттігінің төрағасы Алик Шпекбаев Facebook&nbsp;<a href="https://www.facebook.com/Alik.Shpekbaev/posts/1281748758834138?__xts__%5B0%5D=68.ARA-k1SztBg6ZvDfyr4LO2yd3YuwwiJK5cCGKeOE_DXAMtHOpMpuP5pQ7zRMyQ5aSKAFfblTgQdDe5BVYGVnbP7Yx5Tc9n5YNE9O_FOq3oUiZSc2kTLi_KEXbAJObDLPXrIqNId6uG8OFt0o9Yfnn5Sy_ohacS6ssVoujeoAju4EmrNHac1S0pjXe0YaIJlrnQ3CTPCWkX65IRDfWjPvp3XKC0Pq-zNcW4y495B50RlLhGoqFxU2ex4OAcOiAQDhk-tBWGE9R82WUEUN8bUxu_eFqlFH_Wgp5YOgLBpGLyw4YAfcPu48Ccvv9ItTSSdV4aV5cisfbgmGPsYS9YnDig&__tn__=-R">парақшасында</a>&nbsp;жазды.
<blockquote>
 «Президенттің 2021 жылдың соңына дейін мемлекеттік қызметшілер мен квазимемлекеттік сектор қызметкерлерінің санын 25 пайызға қысқартуды жеделдету шешімінің стратегиялық маңыздылығын ерекше атап өткен жөн. Осылайша, лауазымдық жалақыларын екі есе ұлғайта отырып, еңбекақы төлеудің факторлық-баллдық жүйесіне толыққанды көшу мемлекеттік қызметтегі сыбайлас жемқорлықтың алдын-алу бағытындағы тағы бір даусыз артықшылық болады. Қазіргі таңда Үкіметпен бірлесіп, ЭЫДҰ, ГРЕКО, БҰҰ ұсынымдарынан туындайтын сыбайлас жемқорлыққа қарсы бастамалар пысықталды. Олардың негізгісі – шенеуніктердің заңсыз байығаны үшін азаматтық-құқықтық жауапкершілікті енгізу. 2021 жылдан бастап жалпыға бірдей декларациялаудың бірінші кезеңін іске қосуды ескере отырып, біз келесі тетікті ұсынамыз. Бастапқы кіріс декларациясында мемлекеттік қызметші өзінің барлық активтерін тіркейді. Егер кезекті декларацияны тапсыру кезінде оның негіздей алмайтын табысының едәуір өсуі анықталса, оған мемлекеттік қызметтен босату және негізсіз асып кеткен соманы тәркілеу шарасы қолданылады», – деді Алик Шпекбаев.
</blockquote>
Сонымен қатар оның атап өтуінше, дамыған елдерде қолданылатын кәсіби сатылмаушылыққа тексеру институтын енгізу біршама алдын алу әсерін беретін болады.
<blockquote>
 «Сондай-ақ, күн тәртібінде мемлекеттік қызметші емес, бірақ жариялық міндеттерді орындайтын тұлғаларға сыбайлас жемқорлыққа қарсы заңнаманы қолдану мәселесі де бар. Яғни, біз пара алғаны үшін коммерциялық банктердің топ-менеджерлерін, табиғи монополиялар субъектілерінің басшыларын, жеке сот орындаушыларын және жария қызметшілердің басқа санаттарын мемлекеттік қызметшілер сынды қылмыстық жауапкершілікке тартуды ұсынамыз. Бұл тәжірибе бүкіл әлемде кең таралған. Бүгінгі таңда қоғамның сыбайлас жемқорлықты барынша азайтуға деген талпынысы бұрынғыдан да зор. Сондықтан жемқорлыққа қарсы кешенді реформалардың өзектілігін асыра бағалау мүмкін емес. Елбасы мен Мемлекет басшысының толық қолдауына ие бола отырып, біз алдымызға Қазақстанда сыбайлас жемқорлыққа қарсы ең пәрменді құралдарды енгізу мақсатын қоямыз. Бұл – экономикалық өсу мен азаматтардың әл-ауқатын арттырудың негізгі шарты», – деді Алик Шпекбаев.
</blockquote>

Қазақстанда заңсыз байыған шенеуніктер үшін арнайы жауапкершілік енгізілмек

<a href="https://kyzylorda-news.kz/date/2020/09/02/">Kyzylorda-news.kz.</a> Қазақстанда медицина қызметкерлерінің жалақысы 2023 жылға дейін кезең-кезеңмен көтеріледі. Бұл туралы денсаулық сақтау министрі Алексей Цой мәлімдеді, деп хабарлайды&nbsp;<a href="https://sputniknews.kz/">Sputnik Қазақстан</a>.
Президент өз жолдауында дәрігерлер мен санитарлық-эпидемиологиялық қызмет жұмысшыларының еңбекақысын 2023 жылға дейін кезең-кезеңмен өсіруді тапсырған болатын. Нәтижесінде медицина қызметкерлерінің айлығы экономикадағы орташа жалақыдан екі есе артық болады.&nbsp;
<blockquote>
 “2021-2023 жылдарға арналған республикалық бюджет туралы заң жобасында бұл шығындар қарастырылған. 247 мың медицина қызметкерінің айлығын көтеруге жұмсалатын жалпы шығын 2021 жылы 222,3 миллиард теңгені, 2022 жылы 361,7 миллиард теңгені, ал 2023 жылы 557,5 миллиард теңгені құрайды”, – деді Цой үкімет отырысында.&nbsp;
</blockquote>
Сонымен қатар, министр коронавирусқа қарсы күреске тартылған медицина қызметкерлерін материалдық тұрғыдан ынталандыру үшін үстемеақы төлеу осы жылдың соңына дейін жалғасатынын атап өтті.&nbsp;
Бұл мақсатқа қосымша 150 миллиард теңге бөлінеді. Тиісті есептеулер қаржы министрлігінің қарауына енгізілген.&nbsp;
Бұдан бөлек, ведомство денсаулық сақтау саласындағы кадрлық саясатқа қатысты 10 жылға ұзақмерзімді болжам әзірлейді. Сондай-ақ, тапшы медициналық мамандардың санын арттырады. Олар эпидемиологтар, инфекционистер, реаниматологтар, пульмонологтар мен кардиологтар.

Министр дәрігерлердің жалақысы қалай көтерілетінін айтты

<a href="https://kyzylorda-news.kz/">Kyzylorda-news.kz.</a> «Jas Otan» Орталық кеңесінің мүшесі, «Абзал және К» ТС директоры Мағжан Ералиев бастаған толық серіктестік ұжымы аудандық ауруханаға өкпені жасанды желдету аппаратын (ИВЛ) алып берді.
Аудандық ауруханаға медициналық құрылғы алып берген жанашыр азаматқа аудан әкімі, «Nur Otan» партиясы аудандық филиалы төрағасы Руслан Рүстемов алғыс білдірді. Облыс төңірегіндегі компанияның ауданға жасап жатқан қызметін атап өтіп, жұмыстарына табыс тіледі.
Өз кезегінде «Jas Otan» Орталық кеңесінің мүшесі, «Абзал және К» ТС-нің директоры Мағжан Ералиев ауданға әркез қолдау көрсетуге дайын екенін жеткізді.
<blockquote>
 “Облысқа 20 млн теңгеге өкпені жасанды желдету аппаратының 5-ін алдырдық. Оның 4-ін облыс орталығына берсек, біреуін Сырдария ауданына жеткізіп отырмыз. Медициналық аппарат қозғалмалы, қолдануға ыңғайлы. Оған қоса, аудандық ауруханаға заманауи теледидарды сыйға беріп, жергілікті алма өнімін де әкелдік. Жалпы біз әлеуметтік көмек көрсету шараларына әркез қолдау білдіреміз”, — деді Мағжан Абзалұлы.
</blockquote>
Жанашыр жандарға ауданның медицина қызметкерлері де ризашылықтарын білдірді.
<img src="https://kyzylorda-news.kz/wp-content/uploads/2020/09/118545870_2735377986729551_6631437751658617075_n.jpg" alt="" />

Сырдариядағы серіктестік ұжымы аудандық ауруханаға ИВЛ аппаратын  алып берді

<a href="https://kyzylorda-news.kz/date/2020/09/02/">Kyzylorda-news.kz.</a> Қазақстанда жыл соңына дейін бірқатар маңызды құжатты цифрлық форматқа көшіру жоспарланып отыр. Бұл туралы цифрлық даму, инновациялар және аэроғарыш өнеркәсібі министрі Бағдат Мусин мәлімдеді.
Министрдің айтуынша, мемлекеттік қызметтерді алуды жеңілдету үшін биометрия бойынша Egov-та бір қадам арқылы тіркелу жүзеге асырылады.&nbsp;
Бұл азаматтарға биометриялық сәйкестендіруден өтіп, кез келген қызметке қол қоюға мүмкіндік береді. Нәтижесінде электронды үкіметтің қызметін пайдаланатындар саны артады.&nbsp;
“Қызмет алушылар Egov-та тіркелгеннен кейін, қағаз құжаттарымен қатар, цифрлық құжаттар сервисін қолдануға мүмкіндік алады. Бұл сервиске жыл соңына дейін жүргізуші куәлігі, автокөлік техпаспорты, төлқұжат, жоғары білім туралы диплом, студенттік билет және тағы басқаларын шығару жоспарланып отыр”, – деді Мусин үкімет отырысында.&nbsp;
Сондай-ақ, жыл соңына дейін жоғары сұранысқа ие 30-ға жуық анықтаманы алып тастау жоспарланып отыр.
Министр ақпараттың шынайылығын растау QR-кодты оқу арқылы қамтамасыз етілетінін атап өтті.
<a href="https://sputniknews.kz/">Sputnik Қазақстан</a>.

Төлқұжат пен жүргізуші куәлігі жыл соңына дейін цифрлық форматқа ауыстырылады

<a href="https://kyzylorda-news.kz/date/2020/09/02/">Kyzylorda-news.kz.</a> Қызылорда облысында түн ішінде жоғалып кеткен 10 жасар қыз бала аман-есен табылды, деп хабарлайды <a href="https://www.inform.kz/kz">ҚазАқпарат</a>.
Оқыс оқиға бүгін, 2 қыркүйекте 04.30-да болған. Сырдария аудандық бөлімінің кезекші қызметіне жергілікті тұрғын 2010 жылы дүниеге келген қызының белгісіз бағытқа шығып кетіп, қайта оралмағаны жөнінде хабарлаған.
<blockquote>
 «Оқиға орнына жедел-тергеу тобы барып, іздестіру шараларын жүргізді. Аудандық полиция бөлімінің қызметкерлері қызды анасымен бірге таңертеңге дейін іздеді. Барлық туысы және таныстарының үйлерін шолып шықты. Көшелер мен көп қабатты үйлердің жертөлесі назарға алынды. Сыныптастарына сұрау салынды. Іздестіру барысында сағат 08.30-де ол Қызылорда қаласынан табылды», – деп мәлім етті Қызылорда облыстық полиция департаментінің баспасөз қызметі.
</blockquote>
Бала анасына аман-есен тапсырылды. Қазір оның ата-анасымен және өзімен профилактикалық алдын алу жұмыстары жүргізіліп жатыр.

Қызылордада жоғалып кеткен 10 жасар қыз табылды

<a href="https://kyzylorda-news.kz/date/2020/09/02/">Kyzylorda-news.kz.</a> Мемлекет басшысы Қасым-Жомарт Тоқаев халыққа жариялаған ел дамуының басты бағыттарын айқындап берді. Іс-қимыл жоспарының алтыншы тармағында денсаулық сақтау жүйесін дамыту бойынша жеке тапсырмалар берілгені қуантады.
Ия, шынымен де, пандемия кезіндегі дағдарыс бізді дәрігерлердің еңбегін бағалауға үйретті. Мемлекет басшысы медицина қызметкерлеріне екінші жартыжылдыққа ынталандыру үстемеақыларын төлеуге 150 млрд теңге бөлуді тапсырды.
Естеріңізге сала кетейін, Үкімет қазақстандық дәрігерлерге төленетін төлем мөлшерін бекітті. Қаулыға сәйкес, жалақыға үстемеақы сомасы 212-ден 850 мың теңгеге дейін құрайды.
Осы жылдың наурыздан шілде айына дейін Қызылорда облысы бойынша Әлеуметтік медициналық сақтандыру қорының филиалы 10 069 медицина қызметкерлерінің еңбекақысына қосымша 2&nbsp;065 649 894 теңге қаржы төледі.
Ең үлкен соманы (855 389&nbsp;786 теңге) 1-тәуекел тобының 2 009 қызметкері алды: провизорлық стационарлардың дәрігерлері, орта медицина қызметкерлері және т. б.
Тамыз айына болжанып отырған үстемеақы сомасы 2 299 медицина қызметкеріне 515 237 258 теңгені құрайды.
1 тәуекел тобы – 204 147 559 теңге 533 медицина қызметкерлеріне,
2 тәуекел тобы – 208 151 428 мың теңге 931 медицина қызметкерлеріне,
3 тәуекел тобы – 102 938 271 мың теңге 835 медицина қызметкерлеріне
2023 жылға қарай дәрігерлердің жалақысы орташа жалақыдан екі есе жоғары болатыны қуантады.
Сондай-ақ, Мемлекет басшысы отандық фармацевтика саласын дамыту, жаңа жұқпалы аурулар ауруханаларын, көпсалалы денсаулық сақтау нысандарын салу, көлік медицинасын жаңғырту, қажетті медициналық жабдықтармен жабдықтау, кадрлармен қамтамасыз ету және т. б. мәселелерге ерекше назар аударды.
Мұның бәрі, әрине, отандық денсаулық сақтау жүйесін дамытуға және қолдауға, сондай – ақ әлеуметтік медициналық сақтандыру қорының басты міндетіне – медициналық қызметтердің сапасын арттыру, мемлекеттің, жұмыс берушілердің және әр адамның ортақ жауапкершілігіне қол жеткізуге қызмет етуі тиіс.
Бақыт ИСМАХАНБЕТОВ,
«Әлеуметтік медициналық сақтандыру қоры» КЕАҚ
Қызылорда облысы бойынша филиалының директоры

Бақыт Исмаханбетов: Президент фармацевтикалық өндірісті дамытуды дер кезінде тапсырды

<a href="https://kyzylorda-news.kz/date/2020/09/02/">Kyzylorda-news.kz.</a> Қазір дүниежүзін дүрліктірген «аты жаман аурудың» беті бері қарады. Бүгінгі күні аудандағы ауруханаларда жұқпалы індетпен немесе пневмониямен науқастанып жатқандар жоқ. Сондықтан да сақтық шараларын бір сәт естен шығармай, алдын алу жұмыстарын осы кезден бастап қолға алған дұрыс.
Осыған орай Қазалы ауданының әкімі Мұрат Ергешбаев жұқпалы аурулар бөліміне&nbsp;арнайы барып, дайындық жұмыстарымен танысты. Қазалы ауданаралық ауруханасының бас дәрігері Бақытгүл Әлішева дайындық барысымен таныстырып, алдағы уақытта тағы да қосымша медициналық аппараттар мен қорғаныс құралдары қажет екенін жеткізді.
Бас дәрігердің айтуынша, жұқпалы аурулар бөлімінен 35 провизорлық, 20 инфекциялық төсек орын жасақталған. Эпидемиологиялық ахуал кезінде аурухананың екінші ғимаратынан 150 инфекциялық төсек орнына бейімделсе, аудандық ауруханадан қосымша 50 төсектік провизорлық емдеу орнын ашу жоспарлануда.
Сондай-ақ, жұқпалы аурулар ғимаратының 2 блогынан оттегі дайындайтын станция ашу үшін жұмыстар жүргізілуде. Ол үшін «ПетроҚазақстанҚұмкөл» АҚ демеушілік жасап, қаржылай көмек көрсетті.
Аудан басшысы Мұрат Ергешбаев медицина қызметкерлеріне аудан әкімдігі тарапынан қолдау әрдайым болатынын жеткізді. Осыған дейін аудандық бюджеттен қаржы бөлініп, індеттің алдын алуға қажетті заттар сатып алынды, залалсыздандыру жұмыстары жүргізілді. Бюджет қаржысы және демеушілердің есебінен 32 дана оттегі концентраторы алынды. Алдағы уақытта қажетті заттарды алу үшін облыстық бюджеттен қаржы бөлуге ұсыныс берілді.
<img src="https://kyzylorda-news.kz/wp-content/uploads/2020/09/118764221_2843368422550753_4215925532093461755_o.jpg" alt="" />

Қазалыдағы жұқпалы аурулар ауруханасынан оттегі дайындайтын станция ашылады

<a href="https://kyzylorda-news.kz/date/2020/09/02/">Kyzylorda-news.kz.</a> Бүгін облыс әкімі Гүлшара Әбдіқалықованың төрағалығымен халықты жұмыспен қамту және міндетті әлеуметтік медициналық сақтандыру мәселелері бойынша мәжіліс өткізілді. Жиында екі мәселе қаралды. Облыс әкімінің орынбасары Наурызбай Байқадамов халықты жұмыспен қамту бағытында 8 айда атқарылған жұмыстардың қорытындысын баяндап, негізгі көрсеткіштерді атап өтті.
Жыл басынан 8 ай ішінде «Жұмыспен қамту» бағдарламасына қатысушы ретінде 23246 адам белсенді шаралармен қамтылған. Техникалық және кәсіптік даярлау жұмыстарына 1515 адам жолданған. Қысқа мерзімді оқытуға 1000 адам жоспарланған, оның 830-ы қамтылып, жоспар 83 пайызға орындалған.
Облыс әкімі Гүлшара Әбдіқалықова мемлекеттік бағдарламаларды орындау арқылы межелі индикаторға жету қажеттігін атап өтіп, қысқа мерзімді курсты оқыған азаматтардың 75 пайызы тұрақты жұмыспен қамтылуы тиіс деді.
Өңірде жаппай кәсіпкерлік дамыту бағытында «Бастау Бизнес» жобасы бойынша 2150 адам оқыту көзделсе, бүгінгі күні 2113 адам қамтылған. Ал, кәсіпкерлердің бастамаларын қолдау мақсатында 824 адамға шағын несие беру жоспарланған. Аймақ басшысы аталған екі бағытты орындауда бірқатар аудандардың жұмысын жандандыру тиіс екенін айтты.
<blockquote>
 “Азаматтарға шағын несие беру арқылы кәсіпкерлерді қолдауымыз керек. 9 айдың қорытындысымен қала және аудандардың көрсеткіші 80 пайыздан төмен болмауы керек. Ал, жұмыспен қамтудың белсенді шараларын аяқтаған азаматтардың тұрақты жұмысқа орналастыру деңгейі 60 пайыздан төмен болмауы тиіс. Қала, аудан әкімдері, тиісті сала басшылары жұмыс берушілермен тығыз жұмыс жасаңыздар”,-деді облыс әкімі.
</blockquote>
Жиында бос жұмыс орындарына мамандарды тарту мәселесі де айтылды. Облыс әкімі бос жұмыс орындары заңға сәйкес электронды еңбек порталында көрсетілуі тиіс, алайда көп жағдайда адамдар сырттай жұмысқа қабылданып жатқанын, мәселені тез арада реттеуді тапсырды. Сондай-ақ, жаңа жұмыс орындарын ашып, интергациялық картаға енген жұмыс орындары бойынша жүйелі жұмыс жүргізуді қолға алу қажет деді.
Отырыста қаралған екінші мәселе – міндетті әлеуметтік медициналық сақтандыру ісінің орындалуы. Медициналық ұйымдарға тіркелген тұрғындардың мәртебесін айқындау жұмыстарына қатысты «Әлеуметтік медициналық сақтандыру қоры» коммерциялық емес акционерлік қоғамы Қызылорда облысы бойынша филиалының директоры Бахыт Исмаханбетов баяндама жасады.
Жиында облыс әкімі халықты белсенді түрде міндетті әлеуметтік медициналық сақтандыру ісіне тартып, шарттарды түсіндіріп, әлі де сақтандырылмаған азаматтарды қамту қажеттігін қаперге салды. Сонымен бірге шағын және орта бизнес субъектілерін сақтандыру ісіне өзектендіру қарқынды жүруі керек деді.
Биыл өңірде «Құпия пациент» бағдарламасы енгізіліп, облыстағы 21 емхана мен 7 стационардың call-орталықтары мен тіркеу бөлімдеріне қоңыраулар жасалған. Мұнан бөлек, «Qoldau-24/7» мобилді қосымшасы әзірленді. Қоымша арқылы тұрғындар МӘМС жүйесіне байланысты толық ақпарат алып, медицианылық мекеменің қызметі үшін шағым қалдыра алады.
Күн тәртібіндегі мәселелерді қарай келе, облыс әкімі облыстық кәсіпкерлік және туризм басқармасы, өңірлік кәсіпкерлік палатасы, облыстық мемлекеттік кірістер департаментімен бірлесіп, салықтық төлемнен босатылған жалдамалы жұмысшылардың мәліметтерін ақпараттық жүйеге енгізуді тапсырды. Сонымен бірге облыстық денсаулық сақтау басқармасы мен «Әлеуметтік медициналық сақтандыру қорымен» бірлесіп, міндетті әлеуметтік медициналық сақтандыру жүйесінде сақтандырылмаған тұрғындардың мәртебесін толық өзектендіруді міндеттеді.
Облыс әкімі отырыс барысында айтылған тапсырмалардың орындалуын үйлестіруді облыс әкімі Наурызбай Байқадамовқа таспырып, аталған мәселе желтоқсан айында қайта қаралатынын назарға салды.
<img src="https://kyzylorda-news.kz/wp-content/uploads/2020/09/118766415_2694166177353101_2349884285626891331_n.jpg" alt="" />

Қызылорда: Халықты жұмыспен қамту және МӘМС мәселелері қаралды

<a href="https://kyzylorda-news.kz/date/2020/09/02/">Kyzylorda-news.kz.</a> Мемлекет басшысы Қасым-Жомарт Кемелұлы Тоқаев кешегі Жолдауында ең бірінші, елімізге үлкен қауіп төндірген пандемияға қарсы күрес әлі де жалғасатынын айтты. Осындай сын уақытта ынтымағы жарасып, бірлесе індетпен күрескен халыққа және дәрігерлермен құқық қорғау органдарының қызметкерлеріне өз ризашылығын білдірді.
Мемлекет басшысы қазіргі күрделі жағдайда тұрған басты міндеттерге тоқталды. Атап айтқанда, әлеуметтік-экономикалық тұрақтылықты, жұмыс орындарын және халықтың табысын сақтап қалу. Ахуалдың жақсаруы босаңсуға себеп болмау керек екендігін айтты. Барлық шешімдер мұқият тексерілген болжамдарға негізделу керек екендігін еске салды.
Әлеуметтік төлемдерді индексациялау жұмысы 2023 жылға дейін жалғасын табатыны айтылды. Әлемнің жаңа болмыс-бітімі қалыптасып жатқан шақта біз реформаларға тың серпін беруіміз керек деп баса айтты. Осы бағытта Бес институционалдық реформаны негізгі бағдар етіп ұстануымыз қажет екендігін алға тартты. 
Азаматтардың лайықты өмір сүруіне жағдай жасауға, олардың құқықтарын қорғауға, заң үстемдігін қамтамасыз етуге және жемқорлыққа қарсы күресті күшейтуге міндеттіміз деп атап өтті. 
Мемлекет басшысы өз жолдауында көптеген маңызды мәселелерге тоқталды. Атап айтқанда, мемлекет басшысы «Әділетті мемлекет Азаматтардың мүддесін қорғау жолында» заң үстемдігі орнықпаса және азаматтардың қауіпсіздігіне кепілдік берілмесе, әлеуметтік-экономикалық дамудың бірден-бір міндеті табысты жүзеге асырылмайтындығын айтты.
«Халық үніне құлақ асатын мемлекет» – бұл, шын мәнінде әділетті мемлекет құру тұжырымдамасы екенін алға тартты. Азаматтардың мәселесін тыңдап қана қоюдан маңызды дұрыс шешім қабылдау екенін еске салды.
Сондай ақ, азаматтардың мүддесіне қызмет ететін мемлекеттің жаңа стандарттарын әзірлеу үшін құқық қорғау және сот жүйелеріне негізгі рөл жүктелеті айтылды. Бұл салаға реформа қажет деді. 
Сыбайлас жемқорлықпен күрестің жүйелілігін алға тартып, жемқорлыққа апаратын факторларды анықтау үшін мемлекеттік органдар мен квазимемлекеттік сектордың нормативтік актілері мен жұмыс үдерістеріне жемқорлыққа қарсы күрес тұрғысынан арнайы талдау жүргізген жөн деп атап өтті.
Сонымен қатар, жауапқа тартылудан қорыққан шенеуліктерді дербестік, бастамшылдық және жедел әрекет ету қасиеттерінен айырмауға тиіс екендігін айтты.
Сыбайлас жемқорлығы үшін жазаны қатайту тұрғысынан Қылмыстық кодекске өзгертулер енгізу тапсырылды. 
Сыбайлас жемқорлыққа қарсы күрестің жаңа тәсілдерін енгізуді ұсынды.
Қоғамдық бақылау институтын қолдай отырып, тиісті құқықтық негіз қалыптастыруымыз керек деді. Мемлекеттік органдардың, квазимемлекеттік сектордың қоғам алдындағы ашықтығын және есептілігін қамтамасыз етуге жол ашатын Қоғамдық бақылау туралы заңды әзірлеп, қабылдау тапсырылды.
Қоғамдық кеңестердің рөлін арттырып, қоғамдық кеңестердің құрамына түрлі әлеуметтік топ өкілдерін кеңінен тарту қажеттігін алға тартты. 
Мемлекет басшысы өз жолдауында ауқымды әрі күрделі міндеттерді табысты жүзеге асыру үшін тың тәсіл, жаңаша ойлау, жалпыұлттық ынтымақ және өзара қолдау қажет екендігін айтты.
Ақзада МАДАЛИЕВА,
ҚР Президент жанындағы мемлекеттік басқару академиясының
Қызылорда облысы бойынша филиалының профессоры

Ақзада Мадалиева: Әділетті мемлекет Азаматтардың мүддесін қорғау жолында

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері қызылша диагнозына күдікті 191 жағдай тіркеліп, оның 110-ы зертханалық жолмен нақтыланды. Ауруға шалдыққандардың басым көпшілігін 14 жасқа дейінгі балалар құрайды. Ал сәуір айынан бастап бүгінгі күнге дейін қызылша ауруының облыс бойынша бірде-бір дерегі тіркелген жоқ. Бұл өткен жылдың осы мерзімімен салыстырғанда&nbsp;&nbsp; 3,7 есеге немесе 302 жағдайға төмен.
Қызылорда облысының тауарлар мен көрсетілетін қызметтердің сапасы мен қауіпсіздігін бақылау департаментінің дерегінше 2019 жылы қызылша ауруы бойынша облыста эпидемиологиялық ахуал күрделі болды – 535 ауру тіркелді. Аурушаңдықтың ең көп таралуы ақпан, наурыз және сәуір айларына сәйкес келді.
Өткен жылы тіркелген 535 жағдайдың ішінде қызылшаға қарсы екпе алмағандар саны 336 болса, биылғы жылы 110 науқастың 69-ы белгілі себептерге байланысты егілмеген. Оның ішінде жоспарлы профилактикалық екпелерден бас тартқандар-17, медициналық шегіністерге байланысты-24 және егу жасына жетпеуіне байланысты 28 адам егілмеген, ал 14 адамның егу статусы белгісіз.
Бүгінгі күні коронавирус инфекциясы таралуының алдын алу мақсатында қабылданып жатқан шаралар, атап айтқанда, оқшаулану, шектеу шараларын, оның ішінде карантин енгізу, вирусқа қарсы ем-шара қолдану, бетперде киюді міндеттеу, балабақшалар мен мектептерге қатысты шектеу шаралары қызылша ауруы бойынша эпид ахуалдың тұрақтануына оң әсерін тигізді. Себебі қызылша да COVID-19 вирусы секілді ауа тамшылары арқылы таралады.
Қызылша ауруы адамдар арасында өкпенің жедел қабынуы, құлақтың естімей қалуы, көздің&nbsp; көрмей қалуы, мидың жедел қабынуы секілді асқынуларымен қауіпті.
Бұл аурудан&nbsp; сақтанудың&nbsp; ең тиімді жолы&nbsp; –&nbsp; қызылшаға қарсы профилактикалық екпе жасату болып табылады. Бүгінгі таңда Қазақстан Республикасының Ұлттық егу күнтізбесіне сәйкес қызылша ауруына қарсы екпе құрама вакцина арқылы, яғни қызылша, қызамық, эпидпаротитке қарсы бір екпе қабылдау арқылы жүзеге асырылады.
Аталған департамент өкілдері азаматтарды&nbsp; қызылша ауруына қарсы вакцина қабылдап, аурудан қорғануға шақырады.

Қазақстан және Қызылорда облысының жаңалықтары