<a href="https://kyzylorda-news.kz/">Kyzylorda-news.kz.</a> Қармақшы аудандық ауруханасы тағы бір жаңа автокөлікпен толықты.
“Samruk Kazyna Trust” әлеуметтік жобаларды қорғау қоры Қармақшы аудандық ауруханасына көмек ретінде медициналық көлік табыстады.
Chevrolet Damas көлігінің базасында жасалған медициналық-санитарлық көлік (ИВЛ аппапраты,пульсоксиметр, экг аппараты, дәрігерге арналған көмек көрсету жиынтығы бар) алдағы уақытта халықтың игілігі үшін қызмет ететін болады.
Ал қайырымдылық қорына аурухана басшылығы алғаусыз алғысын білдіреді. Енді жедел жәрдем бөліміне келіп түскен шұғыл шақыртуларға дер кезінде қызмет көрсету мүмкіндігі көбейді.
Халықтың денсаулығы қашанда ең маңызды мәселе болып қалады. Ал азаматтардың денсаулығын жақсарту, ем-дом шараларын жүргізу ақ халатты абзал жандардың міндеті.
Сол дәрігерлерге көмек пен қолдау көрсетіліп жатса медицина саласы қарқынды дамитыны сөзсіз.Медицина көлігі Жосалы кентіндегі “Шипагер ” бөлімшесіне пайдалануға берілді.

Қармақшы аудандық ауруханасына жаңа көлік табысталды

<a href="https://kyzylorda-news.kz/date/2020/09/15/">Kyzylorda-news.kz.</a> Солтүстік Қазақстан облысында санитария дәрігерлері биыл тұмау мен коронавирус инфекциясының қатар жүретінін ескертіп, жұқпалы аурулардан сақтану жолдарын айтты, деп хабарлайды <a href="https://lenta.inform.kz/kz/biyl-tumau-men-koronavirus-katar-zhuredi-bosansuga-bolmaydy-dariger_a3694821">ҚазАқпарат</a>.
СҚО тауарлар мен көрсетілетін қызметтердің сапасы мен қауіпсіздігін бақылау департаменті баспасөз қызметінің мәліметінше, 15 қыркүйектен бастап өңірде тұмауға қарсы екпе егу жұмыстары басталды. Тек бір күннің ішінде 3 мыңға жуық адам вакцинациядан өтті.
Мамандардың айтуынша, коронавирустық инфекция бастапқы кезеңінде вирустық инфекцияға ұқсас келеді. Уақыт өте келе айырмашылықтары шығады. Әдетте суық тигенде дене қызуы көтеріледі, мұрыннан су ағып, түшкіреді, тамағы ауырады. Ал коронавирусты инфекцияда дене қызуы қатты көтеріліп, құрғақ жөтел пайда болады.
<blockquote>
 «Коронавирусты жұқтырғанда әлсіздік болып, сүйек сырқырауы мүмкін. Тамақ ауырып, демалу қиындайды. Бас ауырады. Тұмаудан тағы бір өзгешелігі – дәм мен иіс сезбейді. Жедел респираторлы вирустық инфекция 3 күннен бір аптаға дейін созылса, қауіпті ауруда ол 14 күннен 3 аптаға дейін жүруі мүмкін.
 Маусымдық тұмау бірден жоғары температурадан басталады. Бас ауырып, буындар мен сүйектер сырқырап ауырады. Жөтел мүлде болмауы да мүмкін. Тұмауда бұл жағдай әдетте 5 күнге ғана созылады», – дейді СҚО тауарлар мен көрсетілетін қызметтердің сапасы мен қауіпсіздігін бақылау департаменті басшысының орынбасары Татьяна Горлова.
</blockquote>
Санитария дәрігерінің айтуынша, тұмауды емдеуге вирусқа қарсы осельтамивир және занамивир препараттары қолданылады екен. Облыстың емдеу мекемелерінде қазір 2037 қаптама осындай дәрі бар.
<blockquote>
 «Биыл жедел респираторлық вирустық инфекциялардың басталуы коронавирусты инфекцияның таралуымен тұспа-тұс келмекші. Сол себепті босаңсымау керек. Коронавирусты жеңгеніміз жоқ, вирус бар. Оны біз ғана емес, әлемнің ешқандай мемлекеті жеңе алмай отыр. ЖРВИ, тұмау және коронавирусты инфекцияның алдын алудың ең оңай жолы – маска тағу. Масканы ауырғандар ғана емес, сау адамдар да тағуы тиіс. Сонай-ақ әлеуметтік қашықтықты сақтап, бөлмелерді жиі желдетіп тұрған жөн. Қолды сабындап жуу, мұрынды әлсіз тұзды сумен шаю және дұрыс тамақтанып, полидәрумендер ішу – жұқпалы аурулармен күресте сеп», – дейді Татьяна Горлова.
</blockquote>

Биыл тұмау мен коронавирус қатар жүреді, босаңсуға болмайды – дәрігер

&nbsp;&nbsp;&nbsp; <a href="https://kyzylorda-news.kz/date/2020/09/15/">Kyzylorda-news.kz.</a>&nbsp; Қазақстанның аумағы кең және табиғи жағдайлар мен жануарлар дүниесінің ауқымы өте үлкен. Бірақ, өкінішке орай, браконьерлік және адамдардың тіршілік ету ортасындағы тым белсенділігінен көптеген жануар түрлері толықтай жойылу қаупіне ұшырады. Солардың бірі қарақұйрық аңы.
&nbsp;«Охотзоопром» ӨҚ-нің және полиция қызметкерлерінің бірлескен іс-шаралары барысында &nbsp;Жаңақорған ауданы Қаратөбе ауылы тұсында тоқтап тұрған Нива маркалы автокөлігінен атылған қарақұйрық және екі қоян алынды. Сонымен қоса автокөліктен еш құжатсыз тіркеуде жоқ 1 аңшы мылтығы, 10 дана оқ заттай дәлелдеме ретінде алынды. Автокөлік айыппұл алаңына қойылды. Күдікті &nbsp;тұлға Жаңақоған аудандық полиция бөлімінің уақытша ұстау абақтысына қамалды.
Қазіргі таңда, бұл дерек бойынша Қазақстан Республикасы Қылмыстық кодексінің 337-бабының 4-бөлігінің 2 тармағымен(жануарлардың сирек кездесетін және құрып кету қаупі төнген түрлеріне, сондай-ақ пайдалануға тыйым салынған жануарларға қатысты жасалған заңсыз аңшылық) сотқа дейінгі тергеп – тексеру амалдары жүргізілуде. Сараптамалар тағайындалды. Оқиғаның мән-жайы анықталуда.
Одан бөлек, аталған дерек бойынша Қазақстан Республикасы Әкімшілік құқық бұзушылықтар туралы кодексінің 482 бабы (Жеке және заңды тұлғалардың қаруды заңсыз иеленіп алуы, беруі, өткізуі, сақтауы, алып жүруi, тасымалдауы) әкімшілік шара қолдану үшін құжаттар жинақталуда.
<img src="https://kyzylorda-news.kz/wp-content/uploads/2020/09/img-20200914-wa0048.jpg" alt="" />
<img src="https://kyzylorda-news.kz/wp-content/uploads/2020/09/img-20200914-wa0052.jpg" alt="" />

Қызылордада қарақұйрық аулаған браконьер құрықталды

<a href="https://kyzylorda-news.kz/date/2020/09/15/">Kyzylorda-news.kz.</a> Ұзақ жылдан бері шешілмей келе жатқан мәселе – «Қызылорда-Жезқазған» бағытындағы тас жолының жағдайы. Қазір бұл бағытта мамандар тарапынан техникалық-экономикалық негіздеме мен жобалық-зерттеу жұмыстары қолға алынды.
Бұл жөнінде өңірлік коммуника­циялар қызметінде өткен брифингте облыс әкі­мінің орынбасары Серік Сү­лейменов мәлім етті. Пре­зидент Жолдауында айтылған міндеттер мен одан туындаған жоспарлар жөнінде кеңінен айтылды.
Жолдауда халықты тұр­ғын үймен қамтамасыз ету мәселесіне баса назар ауда­рыл­ған. Ендігі кезекте тұр­ғын үй бағасының 10 млн теңгеден қымбат болмауы қада­ғалана­ды. Салынған әр көп­қабатты тұрғын үй құнының тең жар­тысы мемлекет есебінен суб­сидияланатын болады.
Қазір облыс көлемінде 3398 шақырымға созылатын ав­токөлік жолы бар. Оның ішінде 1016 шақырымы рес­пуб­ликалық, қалған бөлігі – облыстық және аудандық дең­гейдегі жолдар. Биыл жол жөндеу мақсатында барлық қаржы көзінен 19 млрд теңгеден астам қаржы бөлінді. Нәтижесінде ұзындығы 488 шақырымды құрайтын авто­көлік жолы, көшелер мен жо­лаушылар өткелі жөнде­луде.
Облыстық жолаушылар кө­лігі және автомобиль жол­дары басқармасының бас­шысы Мұрат Тлеумбетов 2020-2025 жылдарға арналған «Нұрлы жол» мемлекеттік бағ­дарламасы шеңберінде жер­гілікті маңызы бар автомобиль жолдарын жөндеуге жалпы құ­ны 46 млрд теңге болатын 79 жоба енгізілгенін айтып өтті. Жыл соңына дейін облыстық және аудандық маңызы бар автомобиль жолдарының 69 процентін жақсы және қана­ғат­танарлық деңгейге жеткізу жос­парлануда.
<a href="https://syrboyi.kz/">Сыр бойы</a>

«Қызылорда-Жезқазған» бағытындағы тас жолын жөндеу жұмыстары басталады

<a href="https://kyzylorda-news.kz/date/2020/09/15/">Kyzylorda-news.kz.</a> “Nur Otan” партиясы зейнетақы жинағының бір бөлігін мерзімінен бұрын алған кезде, 10 процент салық салмауды ұсынды, деп хабарлайды партияның баспасөз қызметі.
<blockquote>
 “Азаматтардың зейнетақы жинағын алу кезінде салық түрінде ұстауға жоспарланған қаражат мемлекеттің барлық экономикалық мәселесін шешпейді, бірақ тұрғын үй мәселесін шешуде, мұқтаж азаматтарды емдеуде айтарлықтай көмек бола алады”, –&nbsp;<a href="https://nurotan.kz/news/news-detail/252377?lang=kz">деді</a>&nbsp;партиялық куратор, мәжілістегі “Nur Otan” партиясы фракциясының мүшесі Артур Платонов.
</blockquote>
“Nur Otan” партиясы президенттің бастамасы, ең алдымен, халықты әлеуметтік қолдауға бағытталған, сондықтан зейнетақы жинағының бір бөлігін пайдалану кезінде ерекше жағдайлар қарастыру қажет деп есептейді.
Айта кетсек, салық кодексіне сәйкес қазақстандықтар зейнетақы жинағының бір бөлігін алатын болса, соманың 10%-ін салық түрінде төлеуге міндетті.

&#8220;Nur Otan&#8221; партиясы зейнетақы жинағының бір бөлігіне салық салмауды ұсынды

<a href="https://kyzylorda-news.kz/date/2020/09/15/">Kyzylorda-news.kz</a>. Пәтерлерді жалға беру қызметін заңсыз жүзеге асырған тұлғаларға ҚР “Әкімшілік құқық бұзушылық туралы” Кодексінің 463 бабымен жауапкершілік қарастырылған.
Қызылорда облысы бойынша мемлекеттік кірістер департаментінің дерегінше пәтерлерін жалға беріп жеке табыс салығын төлемей жүрген жүрген 1 763 кәсіпкер анықталған. Олар бюджетке 10 415,5 мың теңге түсірді.
Баспананы жалға беріп табыс тауып жүрген тұлғалар ҚР Кәсіпкерлік кодексінің 35 бабына сәйкес жылдық кірісі ең төменгі жалақының 12 еселенген мөлшерінен аспауы керек. Сол кезде дара кәсіпкер ретінде кірістер органына тіркеу есебіне тұрмастан, 240.00 нысандағы жеке табыс салығы декларациясын табыс ету арқылы қызметін жүзеге асыра алады.
Ал, кірістер органына дара кәсіпкер ретінде тіркеу есебіне тұрған жағдайда, арнаулы салық режимдерінің (бұдан әрі-АСР) бірін дербес таңдауға құқылы.

Қызылордада пәтерлерін жалға беру қызметін заңсыз жүзеге асырған тұлғалар анықталды

<a href="https://kyzylorda-news.kz/date/2020/09/15/">Kyzylorda-news.kz.</a> Білім және ғылым министрі Асхат Аймағамбетов ұлтық бірыңғай тестілеу кезінде қатаң тәртіп орнатудың нәтижесін жариялады.
Биыл алғаш рет тыйым салынған заттарға қатысты жаңа нормалар басшылыққа алынған болатын. Атап айтқанда, ондай заттармен ұсталғандар ғана емес, оны алып кіруге әрекет еткендер де емтиханға жіберілмеді.
<blockquote>
 “Бұрын металл іздегіш құралдар арқылы тексеру кезінде телефон табылса, оны алып қалатын едік, бірақ талапкер тестілеуге қатыса беретін. Мұндай ереже кезінде тәртіп бұзушылар саны еліміз бойынша 100-150 мыңнан асатын. Талапкер емтиханда телефонмен ұсталған күннің өзінде оны қолданып үлгергенін де дәлелдеу керек болған. Бұл жағдай ҰБТ-ны өткізу рәсіміне деген сенімсіздікке әкеп соқтырды”, – деп жазды Аймағамбетов әлеуметтік желідегі&nbsp;<a href="https://m.facebook.com/story.php?story_fbid=10217078808218614&id=1120704037">парақшасында</a>.
</blockquote>
Оның айтуынша, жаңа ереженің арқасында тыйым салынған заттарды емтиханға алып кіретіндедің саны 70 есеге азайған. 2019 жылы 128 мыңнан астам телефон табылса, 2020 жылы олардың саны 2 500-ге жуық болды. Барлығына қатысты қатаң шара қолданылды.
<blockquote>
 “Иә, ҰБТ-ның орташа ұпайы төмендеді, пайыздық мөлшерде шекті балл жинаған талапкерлердің саны едәуір азайды. Бұл – тестілеудің әділ өтуі үшін жасалған қадам”, – дейді Аймағамбетов.
</blockquote>
Биыл ҰБТ-ны өткізу ережелерін бұзғаны немесе жұмысты нашар ұйымдастырғаны үшін 20-дан астам комиссия мүшелері мен басшылары жазаланды. Күн сайын тест тапсыру пунктерінде комиссиялардың құрамын өзгертіп, міндетіне немқұрайлы қараған мамандарды ауыстыруға немесе жұмыстан шеттетуге тура келді.
<blockquote>
 “Оған қоса, бірнеше пункте жаппай заңбұзушылықтардың ашық және өрескел түрде орын алуына байланысты тестілеуді мүлдем тоқтатуға және басқа күндерге ауыстыруға мәжбүр болдық. Мұндай жағдай Шығыс Қазақстан мен Түркістан облыстарында кездесті. Дегенмен, қажетті тәртіпті қамтамасыз ете алдық”, – деп атап көрсетті Аймағамбетов.
</blockquote>

Аймағамбетов ҰБТ кезінде жаппай тәртіп бұзған аймақтарды атады

<a href="https://kyzylorda-news.kz/date/2020/09/15/">Kyzylorda-news.kz.</a> Облыстық дене шынықтыру жəне спорт басқармасының ұйымдастыруымен “ZOOM” бағдарламасы бойынша онлайн жүйеде футбол фристайлынан Қызылорда облысының жекелей жарысы өтті.
Екінші мəрте ұйымдастырылған тартысты жарысқа Қызылорда қаласы мен аудандардан 15-16 жəне 18 жастан жоғары 25 спортшы қатысты.
Жарыс нəтижесінде 18 жастан жоғары спортшылар арасында Мейіржан Əбішбековке тең келер ешкім болмады.
Ол 20 минут үздіксіз допты жерге түсірмей, қарсыластарынан басым түсті. Мейіржанның бұл спорт түрімен айналысып жүргеніне 4 жылдай уақыт болды. Бұл ойынды ол əлемдік деңгейдегі фристайлшы Сиан Гарньерге қарап үйренген. Жас фристайлшы Қазақ спорт жəне туризм Академиясының 2-курс студенті. Оның мақсаты – келешекте футбол мектебін ашып, жас жеткіншектерді осы спорт түріне баулу.
Сырдария ауданының спортшылары Мұхтар Əбжапбаров екінші, Даулет Шакратов үшінші орындарды иеленді.
15-16 жас аралығында қазалылық Диас Жұмағұлов чемпион атанса, Жалағаш спортшылары Азиз Махмуд – күміс, Диас Сағымбай – қола жүлделерге қол жеткізді.
Жеңімпаздар мен жүлдегерлерге диплом, естелік сыйлықтар берілді.
<img src="https://kyzylorda-news.kz/wp-content/uploads/2020/09/119606165_2665364897057506_2785237450999666595_n.jpg" alt="" />
<img src="https://kyzylorda-news.kz/wp-content/uploads/2020/09/119613378_2665365063724156_8588216276499873803_n.jpg" alt="" />

Қызылордалық футбол фристайлшысы онлайн жарыстың жеңімпазы атанды

<a href="http://kyzylorda-news.kz">Kyzylorda-news.kz.</a> Алматыда жақында тұмау мен жұқтырылған респираторлы вирусты инфекция (ЖРВИ) ауруларына қарсы вакцинация маусымы басталды, деп хабарлайды <a href="https://lenta.inform.kz/kz/kamalzhan-nadyrov-dal-kazirgidey-zhagdayda-tumauga-karsy-vakcinanyn-manyzy-zor_a3694815">ҚазАқпарат.</a>
Қалалық Қоғамдық денсаулық сақтау басқармасының басшысы Камалжан Надыровтың сөзінше, тұмау тарайтын уақыт келіп қалды. Сонымен қатар қазір коронавирус індетінің де тарап жатқанын ескерсек, вакцина қабылдаудың маңызы зор.
«Биыл біз тұмауға қарсы вакцинаға қазір ерекше маңыз беріп отырмыз. Себебі, пандемия кезінде екі вирустық инфекцияның қосарласу қаупі бар. Алматылықтарға осы мәселеге баса назар аударып, қауіптің алдын алуға кеңес беремін. Әкімдік алған вакцина бұрыннан тиімділігін көрсетіп келеді. Ол қауіпсіз», – деді Камалжан Надыров.
Айта кету керек, биыл жергілікті бюджет қаржысына 3 валентті тұмауға қарсы вакцина сатылып алынды.
«Гриппол Плюс» вакцинасының 130 мың дозасы алынды. Қазанда коронавирус қаупіне байланысты 300 мың доза жеткізіледі.
Биыл Алматыда тұмауға қарсы вакцинация жылдағыдан ерте басталып, желтоқсан айының басына дейін жалғасады.

Дәл қазіргідей жағдайда тұмауға қарсы вакцинаның маңызы зор

<a href="https://kyzylorda-news.kz/date/2020/09/15/">Kyzylorda-news.kz.</a> Бүгін облыс әкімі Гүлшара Әбдіқалықова орынбасары Бақыт Жаханов пен облыстық ветеринария басқармасының басшысы Ерсұлтан Апетовтың есебін тыңдады.
Сала жауаптылары қазіргі таңда облыстағы ветеринариялық эпизоотиялық іс-шаралардың атқарылуы туралы баяндады. Сондай-ақ облыс көлемінде ауыл шаруашылығы жануарлары арасында ауру ошақтарын болдырмау, алдын алу, эпизоотиялық тұрақтылықты сақтау мақсатында аса қауіпті 14 түрлі жұқпалы&nbsp;ауруларға республикалық бюджет есебінен қаралған 5544,3 мың доза ветеринариялық препараттардың 5524,6 мың дозасы немесе 99,6% уақытылы жеткізілгендігі туралы айтып өтті.
Өңір басшысы мал ауруларының алдын алуға қажетті қаражат бөлінгенін айтып, екпелерді, емдеу шараларын уақытылы жүргізуді тапсырды. Құс ауруын алдын алу үшін мониторинг жүргізіп, тиісті шараларды қабылдау қажеттігін баса айтты. Сонымен қатар, облыс әкімі Гүлшара Әбдіқалықова ветеринариялық станциялардың сын көтермейтінін ескертіп, заманауи талапқа сай етіп жаңарту жұмыстарын жүргізу үшін бюджеттік ұсыныс әзірлеуді тапсырды. Сондай-ақ, ветеринар мамандарының жалақы мәселесін шешіп, тұрақты мамандармен қамтамасыз ету керек екенін атап өтті. 
Бүгінге дейін 57,2 мың бас мүйізі ірі қара, 245,3 мың бас уақ мал, 16,5 мың бас жылқы, 8,1 мың бас түйе, 962 бас шошқа бірдейлендіріліп, дерекқор жүйесіне енгізілді. Облыс бойынша дерекқор жүйесінде 356,1 мың бас мүйізі ірі қара, 809,3 мың бас уақ мал, 155,2 мың бас жылқы, 54,2 мың бас түйе, 2,0 мың бас шошқа тіркелген.
Басқарма тарапынан типтік жобадағы мал қорымдарын салдыру мақсатында тиісті жұмыстар ұйымдастырылуда. Бүгінге 83 типтік жобадағы мал қорымдары пайдалануда. 2020 жылы 7 типтік жобадағы мал қорымы салынатын болады. Оның ішінде Арал ауданында-5, Жалағаш ауданында – 2.
Қазіргі таңда күзгі мал қораларының механикалық тазалану және ауыл шаруашылығы жануарларын залаласыздандыру жұмыстары жүргізілуде.
Осы атқарылған жұмыстардың нәтижесінде, өңірімізде аса қауіпті жұқпалы аурулар тіркелмей эпизоотиялық тұрақтылық сақталып отыр.

Қызылорда облысында ветеринариялық эпизоотиялық жағдай тұрақты

<a href="https://kyzylorda-news.kz/date/2020/09/15/">Kyzylorda-news.kz</a>. Бүгін облыс әкімі Гүлшара Әбдіқалықова күзгі егін жинау жұмыстарының жүргізілу барысы бойынша орынбасары Бақыт Жахановтың есебін тыңдады. Жиынға жаңадан тағайындалған ауыл шаруашылығы басқармасының басшысы Шахмардан Қойшыбаев қатысты.
Кездесу барысында облыс әкіміне Бақыт Жаханов аймақта нақты егілген егіс көлемі мен жағдайы, әртараптандыру бағытында атқарылған жұмыстар мен ерте егілген ауыл шаруашылығы дақылдарын жинау бағытында атқарылған жұмыстарға тоқталды. Сондай-ақ, күзгі егін жинау жұмыстарына қатысатын ауыл шаруашылығы техникаларының дайындығы мен жанар-жағар маймен қамтамасыз етілуі туралы баяндады.
Биыл барлығы 184,2 мың гектар жерге ауыл шаруашылығы дақылдары егілді. Негізгі дақыл – күрiштің көлемі 89,5 мың гектарды құрады. Ал, &nbsp;ауыл шаруашылығы дақылдары өткен жылмен салыстырғанда 1,1 мың гектарға артық егіліп отыр.
Аймақта егісті әртараптандыру бағытында алғаш рет перспективалы дақылдар, қант құмайы 70 гектарға, соя 240 гектарға, жүгері дақылы 1&nbsp;667 гектарға дейін жеткізіліп, ылғал сақтағыш аквагельдерді пайдалану арқылы 80 гектар богарлы жерлерге күздік бидай дақылы егілді.
Аймақ басшысы Бақыт Жақановқа егін жинау науқаны барысында көкөніс өнімдерінің көлеміне орай облыс халқы үшін ауыл шаруашылығы жәрмеңкесін ұйымдастырып, тұрғындарға қолжетімді бағада ұсынуды тапсырды. Сонымен бірге Нұр-сұлтан қаласында өтетін Қызылорда облысының ауыл шаруашылығы күндерін ұйымдастырып, елорда тұрғындарына Сыр елінің өнімдерін жеткізуді тапсырды.
Сондай-ақ, кездесуде облыс әкімі ауыл шаруашылығы басқармасының басшысы Шахмардан Қойшыбаевқа егіс науқаны кезінде өнімді ысырап етпей, жинап алуды және техникалардың дайындығында айтарлықтай проблема туындамауын бақылауға алу қажет деп тапсырма берді.
Айта кетейік, өңірде егін жинау және күзгі дала жұмыстарын жүргізуге 12,5 мың тонна арзандатылған дизель отыны бөлінді. Бүгінде белгіленген операторлар арқылы шілде және тамыз айларына қаралған 5,2 мың тонна дизель отынының 5,1 мың тоннасы облысқа жеткізіліп, әр литрі 165 теңгеден шаруашылықтарға жеткізіліп берілуде.
Отырыста Бақыт Жақанов &nbsp;&nbsp; шаруашылық құрылымдарының қолында бар техникалардың әлеуеті егін жинау жұмыстарын мерзімінде аяқтауға толық мүмкіндік беретінін атап өтіп, күрішке орақ салу жұмыстарының барысын тарқатты.
Бүгінгі күні 27,5 мың гектар күрішке орақ салынып, оның 19 мың гектары бастырылды. Әр гектарынан орташа 49,4 центнерден өнім алынуда.
Жиын соңында облыс әкімі Гүлшара Әбдіқалықова орынбасары Бақыт Жақановқа және сала басшысына егін жинау жұмыстарын 15 қазаннан кешіктірмей толық аяқтауды тапсырды.

Гүлшара Әбдіқалықова егін жинау жұмыстарын 15 қазанға дейін аяқтауды тапсырды

<a href="https://kyzylorda-news.kz/date/2020/09/15/">Kyzylorda-news.kz</a>. 2017 жылы құрылысы қарқын алған сол жағалауда бүгінде 50 көпқабатты тұрғын үй пайдалануға беріліп, 10 мыңнан аса тұрғын қоныстанған. Жаңа қалада мұражай, мектеп, балабақша, университет, жастар орталығы сынды әлеуметтік нысандар да өз жұмысын бастады. Жыл соңына дейін тағы 14 тұрғын үйдің құрылысы аяқталып, кезекте тұрған азаматтар баспаналы болады деп жоспарлануда. Сонымен қатар сол жағалаудан 900 орындық мектеп, 140 орындық балабақша, театр, салтанат сарайын салуда бас жоспарға енгізілген.
Жұмыстардың жай-жапсарын көрген қала әкімі Нұрлыбек Нәлібаев сала басшыларына келер жылға дейін тұрғын үй аулаларына салынатын демалыс парктерінің эскиздік жобасын даярлап тапсыруды жүктеп, коммерциялық нысандар салу үшін кәсіпкерлерді тарту керектігін баса айтты. Бос жерлерді игеру мәселесін де ұтымды үйлестіру керек екенін атап өтіп, құрылыс жүргізуге ниетті кәсіпкерлердің барлығын қолдау керектігін жеткізді.
Бас жоспарға сай сол жағалаудан бой көтеретін нысанның бірі Шығыс стиліндегі жабық базар. 3 мың шаршы метр аумаққа орналасатын базардың құрылысы 2020-2023 жылдар аралығына жоспарланған. Қазір құрылыс жұмыстары басталып, алдағы жылы бірінші бөлігін пайдалануға беру межеленуде. Құрылысқа қарқын қосуды тапсырған шаһар басшысы, қаладағы базарлардан орын болмай сыртында тұрған кәсіпкерлер кезең-кезеңімен осы аумаққа көшірелетінін айтты.
Одан әрі қала әкімі сол жағалаудағы «Шіркейлі» каналының үстінен өтетін көпір құрылысының жүргізілу барысын көрді. 4 жолақты, ұзындығы 102,8, ені 21 метр көпірдің құрылыс жұмыстары 90 пайызға аяқталған. Мердігер құрылысты жоспарға сай жүргізіп, қыркүйек айының соңына дейін тапсыруды межелеп отыр. Бұл көпір сол жағалауды Батыс Еуропа – Батыс Қытай басты жолымен байланыстырады. Қазір жаңа көпірді күре жолға қосу үшін айналмалы көпір құрылысын жүргізу жоспарлануда.
Айналмалы көпірді салып, басты жолға қосу шамамен 2-3 жылды қажет етеді. Әйтседе бұл уақытта дайын тұрған жолмен көпірді игеру керек екенін айтқан шаһар басшысы «Айналмалы көпірдің біткенін күтіп отырмай, аудандар мен ауылдардан келетін тұрғындарға қолайлы жағдай жасау үшін уақытша жол жасап, күре жолға қосуды қолға алуымыз керек» – деп, бұл жұмыстарды жыл соңына дейін шешуді тапсырды.
<img src="https://kyzylorda-news.kz/wp-content/uploads/2020/09/07-scaled.jpg" alt="" />
<img src="https://kyzylorda-news.kz/wp-content/uploads/2020/09/119516582_2657272767872798_8543464613008986294_o.jpg" alt="" />
<img src="https://kyzylorda-news.kz/wp-content/uploads/2020/09/119516468_2657273531206055_6400277846084229933_o.jpg" alt="" />

Қазақстан және Қызылорда облысының жаңалықтары

Қармақшы аудандық ауруханасына жаңа көлік табысталды

Биыл тұмау мен коронавирус қатар жүреді, босаңсуға болмайды – дәрігер

Қызылордада қарақұйрық аулаған браконьер құрықталды

«Қызылорда-Жезқазған» бағытындағы тас жолын жөндеу жұмыстары басталады

“Nur Otan” партиясы зейнетақы жинағының бір бөлігіне салық салмауды ұсынды

Қызылордада пәтерлерін жалға беру қызметін заңсыз жүзеге асырған тұлғалар анықталды

Аймағамбетов ҰБТ кезінде жаппай тәртіп бұзған аймақтарды атады

Қызылордалық футбол фристайлшысы онлайн жарыстың жеңімпазы атанды

Дәл қазіргідей жағдайда тұмауға қарсы вакцинаның маңызы зор

Қызылорда облысында ветеринариялық эпизоотиялық жағдай тұрақты

Гүлшара Әбдіқалықова егін жинау жұмыстарын 15 қазанға дейін аяқтауды тапсырды

Қызылорда: Сол жағалаудағы құрылыс қарқыны қандай?

Қазақстан және Қызылорда облысының жаңалықтары

Қармақшы аудандық ауруханасына жаңа көлік табысталды

Биыл тұмау мен коронавирус қатар жүреді, босаңсуға болмайды – дәрігер

Қызылордада қарақұйрық аулаған браконьер құрықталды

«Қызылорда-Жезқазған» бағытындағы тас жолын жөндеу жұмыстары басталады

&#8220;Nur Otan&#8221; партиясы зейнетақы жинағының бір бөлігіне салық салмауды ұсынды

Қызылордада пәтерлерін жалға беру қызметін заңсыз жүзеге асырған тұлғалар анықталды

Аймағамбетов ҰБТ кезінде жаппай тәртіп бұзған аймақтарды атады

Қызылордалық футбол фристайлшысы онлайн жарыстың жеңімпазы атанды

Дәл қазіргідей жағдайда тұмауға қарсы вакцинаның маңызы зор

Қызылорда облысында ветеринариялық эпизоотиялық жағдай тұрақты

Гүлшара Әбдіқалықова егін жинау жұмыстарын 15 қазанға дейін аяқтауды тапсырды

Қызылорда: Сол жағалаудағы құрылыс қарқыны қандай?

“Nur Otan” партиясы зейнетақы жинағының бір бөлігіне салық салмауды ұсынды