<a href="https://kyzylorda-news.kz/">Kyzylorda-news.kz.</a> 21 қыркүйекте Қазақстанның басым бөлігінің ауа райын Солтүстік-Батыс циклоны анықтайды, онымен бірге жаңбыр жауады, кей жерлерде найзағай ойнап, жаңбыр жауады, тек еліміздің шығысында ауа райы жауын-шашынсыз болады, деп хабарлайды Қазгидромет.
Қазақстан Республикасының кей жерлерінде желдің күшеюі күтіледі, оңтүстік те шаңды дауылмен, орталық бөлігінде дауыл, оңтүстік-шығыста тұман күтіледі.
Қызылорда облысының күндіз басым бөлігінде жел 15-20 м/с күшейеді, кей жерлерінде шаңды дауылмен.

Қызылордада шаңды дауыл тұрады

<a href="https://kyzylorda-news.kz/">Kyzylorda-news.kz.</a> Атақты қазақстандық ауыр атлет және қазіргі Қызылордадағы Мұз сарайының директоры Илья Ильин екінші некеге тұруға дайын. Спортшы бұл туралы журналистермен кездесу кезінде айтты.
32 жастағы ауыр атлет өзінің әлі жас екенін, сондықтан тағы да отбасы құрғысы келетінін айтты, деп жазады Sputnik Қазақстан.
<blockquote>
 «Мен әлі жаспын, мен әйелім мен балаларым болғанын қалаймын. Бірақ менің жүрегім әлі де бос, мен жар іздеп жүрмін», – деп түсіндірді Илья.
</blockquote>
Спортшы гандболшы Наталья Кулаковамен үйленген. Ерлі-зайыптылардың Милана атты ортақ қызы бар. Олар үш жыл бұрын ажырасқан. Ильиннің айтуынша, қазір ол Қызылордада жұмыс істейді, ал ата-анасы мен қызы Нұр-Сұлтанда тұрады. Ол бала анасының жанында болуы керек деп санайды. Әрине, ауыр атлет атап өткендей, ол өз отбасымен жиі кездесуге тырысады.
Жас көшбасшы жасырмай мойындағандай, оның таңдаушысы нағыз әйел болуы керек.&nbsp;
<blockquote>
 «Ең бастысы, мен оған қарағанда жүрегім тулап кетуі керек. Егер үйленсем, тек махаббатпен үйленем. Оның қолынан тамақ пісіру, үйде тәртіпті сақтау, жайлы атмосфера құра алатындай болу керек. Көп нәрсе әйелге байланысты», – деп түсіндірді спортшы.
</blockquote>
Басылым қызылордалықтардың спортшының жүрегін жаулап алуға барлық мүмкіндіктері бар екенін атап өтті, өйткені ол мұнда көптеген идеяларды жүзеге асырғысы келеді. Мысалы, қазір оның спорт мектебі салынуда. Жуырда Илья Ильин Қазақстан спортшылар одағының Қызылорда облысы филиалын басқарғанын мәлімдеді.

Илья Ильин екінші рет үйленетінін мәлімдеді

&nbsp;Kyzylorda-news.kz. Қазақстанда балалар мен жасөспірімдерді суицидке жетелейтін қазақ тіліндегі ойындардың баламасы пайда болды. Бұл туралы өңірлік “<a href="http://aktobetimes.kz/centralnaya-verhnyaya-novost/7762-novye-smertelnye-igry-ugrozhayut-podrostkam.html">Ақтөбе Таймс</a>” басылымы жазады.
Ақтөбе денсаулық сақтау басқармасының штаттан тыс психологы және штаттан тыс бас суицидологы Светлана Пошолченко интернеттегі ойындар туралы дабыл қағып отыр. Оның айтуынша, жаңадан пайда болған ойындар бірдей атауға ие емес және ол үнемі өзгеріп тұрады.
<blockquote>
 “Интернетте атауы ұдайы өзгеріп жататын қазақ тіліндегі қосымшалар мен топтар құрыла бастады. Яғни, бұлар Қазақстанға арнайы бейімделген ойындар. Олардың барлығы да “Синий кит” ойынының негізінде жасалған. Сатылап берілетін нұсқаулар бойынша балалар күн сайын тапсырмалар орындайды. Ал соңғы тапсырма – суицид. Сондықтан да ата-аналар балалардың интернетті пайдалануын мұқият бақылағаны жөн”, – дейді сарапшы.
</blockquote>
Сондай-ақ, Светлана Пошолченко қашықтан оқыту кезінде балалар компьютер мен гаджеттердің алдында көп уақыт өткізетіндіктен, олар көретін ресурстарды мұқият қадағалау маңызды екенін атап өтті.
Айта кетейік, балалар үшін қауіпті “Синий кит” ойыны 2017 жылдан бастап әлеуметтік желілерде тарала бастады. Белгісіз адамдар Қазақстан, Ресей және Қырғызстан жасөспірімдерін интернет арқылы осы ойынға қызығушылығын оятты. Жасөспірімдер мұндай қосымшаларды жүктеп алып немесе әлеуметтік желілердегі топтарға қосылды. Ойын кезеңдері “куратор” деп аталатын ынталандыру тапсырмалары арқылы жүргізіліп тұрады.
Ал соңғы тапсырма суицид жеткізеді. Ондаған жасөспірім осындай ойындардың құрбаны болды. Кейбір балалар тапсырмаларды орындағаннан кейін мүгедек болып қалды.

Суицидке жетелейтін &#8220;Синий кит&#8221; ойынының баламасы қазақ тілінде пайда болды

Kyzylorda-news.kz. Тура бір жыл бұрын дәл осы уақытта Тоқаев тапсырған кредиттік рақымшылық науқаны аяқталып жатқан еді. Ол кезде қиын жағдайға тап болған көптеген адамның 300 мың теңгеге дейінгі қарызы кешірілді. Кредиттің айыппұлдары мен өсімпұлдарын да алып тастады. Осы жолы коммунист депутаттар тағы кредиттік рақымшылықты өткізу керек деп санайды. Себебі, коронавирустың салдарынан халық қайтадан қиын жағдайға тап болды.&nbsp;
Ал ең бастысы, “Үкімет тағы халықтың кредитін кешіре ме, жоқ па?” деген сұраққа жауап беріп көрді.&nbsp;&nbsp;
<h3 id="">Үкімет кешіруі мүмкін, бірақ…</h3>
GSB UIB бизнесті талдау орталығының директоры, экономист Мақсат Халық мемлекетте халықтың кредиттерін толығымен кешіруге мүмкіндік жоқ деп санайды. Себебі, бүгінде тұтынушылық несиелердің көлемі аз емес.
<blockquote>
 “Өткенде тұтынушылық кредиттердің жалпы көлемі 4,5 триллион теңге болған. Жалпы биылғы бюджет шығындары 14 триллионға жетті. Демек, халықтың қазіргі кредиттері соның үштен бір бөлігі болып тұр ғой. Ал шығындардың ішінде жол жөндеу, аурухана мен мектеп салу, әлеуметтік төлемдер және тағы басқа қаражат түрлері бар. Осының бәрін тоқтатып қойып, кредит кешірген қисынсыз. Мемлекетте тұтастай халықтың кредитін кешіріп тастауға мүмкіндік жоқ. Сондықтан үкімет ондай қадамға бара алмайды”, – дейді Халық.
</blockquote>
Маманның ойынша, кредит алғандардың көбісі ақшаны тойға, смартфон немесе тұрмыстық техника алуға жұмсаған. Енді осы кредиттердің бәрін бюджет есебінен жауып тастаған дұрыс емес. Дегенмен, үкімет бұған дейінгі рақымшылық сияқты қарыздың бір бөлігін кешіруі мүмкін.&nbsp;
<blockquote>
 “Меніңше, үкімет осы жолы да кредиттік рақымшылыққа баратын сияқты. Бірақ өткен жылдың көлемі болатын шығар. Одан сәл көбірек болуы да мүмкін. Мысалы, былтыр 300 мың теңгеден жалпы 105 миллиардтың кредиті кешірілсе, осы жолы 200 миллиардтан аса қоймайтын тәрізді”, – деп атап көрсетті Халық.
</blockquote>
<h3 id="-1">Кредитті кешіруді әдетке айналдырған дұрыс емес</h3>
Экономист мамандар осы бастаманың саяси астары да бар деп санайды. Себебі алда – мәжіліс сайлауы. Саяси доданың алдында партиялар ұпай жинауға тырысады. Үкімет те өз беделін түсірмеуге күш салады.
<blockquote>
 “Иә, үкімет ұпай жинау үшін осы бастамаға баруы мүмкін. Бірақ экономист ретінде айтарым, ондай шараны өткізген дұрыс емес. Себебі, мемлекет халықтың кредитін кешіре берсе, халық оған үйреніп қалады. “Бәріне бірдей кешірсін! “деген талап қояды. Сөйтіп, адамдар кредитін төлемей жүре береді”, – дейді Халық.
</blockquote>
Маманның ойынша, жас ұрпақ та “кредит алуға болады екен, артынан оны мемлекет жауап береді” деген көзқараспен өседі. Болашақта ондай психологияның салдары көп болады.
<blockquote>
 “Мысалы, Грузия халықтың кредитін 500 миллиард теңгеге кешірді. Сонда былтыр біз кешірген сомадан бес есе көп болып тұр ғой. Бірақ Грузияның кешірген кредиттері ұзақ уақыт бойы төленбей қалған проблемалық қарыздар екен. Соның бәрін банктың есепшотында ұстаған тиімсіз. Сол себепті бәрін кешіре салған”, – деп атап көрсетті Халық.&nbsp;&nbsp;&nbsp;
</blockquote>
<h3 id="-2">Қосымша қаржы көздері бар</h3>
Ulagat Consulting Group компаниясының директоры, экономист Марат Қайырленов та кредиттік рақымшылықты өткізуге болады дейді. Бірақ коммунистер ұсынған қаржы көздерін іске асырған қиын. Мысалы, олар артық табыс пен мұраға қалған мүліктің салығын арттырып, соның есебінен кредиттерді кешіруге болады деп санайды.
<blockquote>
 “Қазіргі салықты уақытында жинай алмай отырғанда оның көлемін тағы арттырған қиын болатын сияқты. Сосын депутаттар шетелдік IT-компаниялардан 3 проценттік цифрлық салық жинайық дейді. Оны да іске асыру оңай емес. Негізі, ондай бастаманың пайдасынан гөрі зияны көп”, – дейді Қайырленов.
</blockquote>
Бұдан бөлек, коммунистер жеке тұлғалар мен компанияларға шетелге ақша аударғаны үшін 10 проценттік дифференциалды салық салып, одан түскен ақшаны да кредиттік рақымшылыққа жіберуді ұсынып отыр. Экономист Марат Қайырленовтың ойынша, ондай бастама шетелдік инвесторлар үшін тиімсіз болады. Негізі, қосымша қаржы көздерін басқа жерден де табуға болады.
<blockquote>
 “Мысалы, екі жылдай бұрын қаржы министрлігі Қытаймен арадағы саудаға қатысты екі жақты статистиканы салыстырып көрген. Сол кезде 1 триллион теңгенің айырмашылығы бар деп айтқан. Демек, осы ақшаға 20 процентік салық салған күннің өзінде бюджетке жылына 200 миллиард теңге түсетін еді. Басқа елдермен сауда-саттықта да өзара есептің айырмашылығы көп. Соның бәрін анықтап, салық салса, кредиттік рақымшылыққа жететін біраз ақша шығады”, – деп атап көрсетті Қайырленов.
</blockquote>
Осы орайда ол экономист Айман Тұрсынханның Алматыдағы базарларға жүргізген зерттеуін де еске алды. Мамандар бір базардың өзінде миллиардтаған доллардың айналымда жүргенін анықтаған. Ал бюджетке төленген салықтың көлемі мардымсыз.
<blockquote>
 “Сонда экономиканың дәл осы секторынан салық мүлдем түспейді деуге болады. Міне, осы жерден қосымша қаржы көздерін табуға болады. Соның есебінен кредиттік рақымшылықты өткізуге мүмкіндік бар”, – деп атап көрсетті Қайырленов.
 <a href="https://sputniknews.kz/">Sputnik Қазақстан</a>
</blockquote>

Халықтың кредиті кешіріле ме – экономистер жауап берді

Kyzylorda-news.kz. Қызылорда қаласында экономикалық тұрғыда бірқатар көрсеткіштер бойынша өсу тенденциясы байқалады, – деп хабарлайды <a href="https://www.inform.kz/kz/kyzylordada-shagyn-kasipkerlik-nysandarynyn-sany-artty_a3696690">ҚазАқпарат</a>.
Биылғы жылдың 8 айында облыс орталығындағы әлеуметтік-экономикалық даму қорытындысы бойынша оң өзгерістер қалыптасты. Нәтижесінде экономикалық тұрғыдан қалада тұрақты жағдай көрініс берді.
<blockquote>
 «Биыл қаңтар-тамыз айларында өнеркәсіп өнімдерінің өндіріс көлемі 326 971 млн. теңгені құрады. Бұл өткен жылдың сәйкес кезеңімен салыстырғанда 85,4 пайызға жетті. Өңдеуші өнеркәсіп саласынының көрсеткіші толықтай орындалса, ауыл шаруашылығы өнімдерінің жалпы өнімінің индексі 2,9 пайызға артық болды. Ал бөлшек сауда көлемінде оң өзгеріс байқалса, шағын кәсіпкерлік субъектілерінің санында өсім бар. Пайдалануға берілген тұрғын үйлердің жалпы ауданы 244 429 шаршы метрді құрады», – деді Қызылорда қалалық экономика және бюджеттік жоспарлау бөлімінің басшысы Гүлнар Баймаханова.
</blockquote>

Қызылордада шағын кәсіпкерлік нысандарының саны артты

<a href="https://kyzylorda-news.kz/">Kyzylorda-news.kz.</a> Қала әкімі Нұрлыбек Нәлібаев қала күні мерекесі қарсаңында шаһарымыздың ең жоғары марапаттарының бірі «Қызылорда қаласының Құрметті азаматы» атағын табыстады.
Құрметті атаққа елге сыйлы, қызметте абыройлы бола білген, қаланың өсіп-өркендеуіне елеулі үлес қосқан ел ағалары Еламанов Бекмырза Қайыпұлы, ҚР Парламент Сенатының депутаты Мұхамедов Мұрат Бақтиярұлы мен қалалық мәслихатының хатшысы Боханова Роза Аяғанқызы ие болды.
Қала әкімі республика, облыс, қала, аудан көлемінде бірнеше қызметтерде абырой биігінен көріне білген, жастардың бағыт-бағдарына кеңес беріп, түрлі салада қажырлы еңбек етіп, туған жерін түлеткен Сырдың жанашыры, кеудесі қазына, көргені көп, түйгені мол азаматтарды марапаттарымен құттықтап, алдағы байыпты бастамаларына табыс тіледі. Сонымен бірге ерен еңбектері үшін қала тұрғындары атынан алғыс білдіріп, ерекше ықыласын жеткізе отырып, Бекмырза Қайыпұлының 70 жас мерейтойымен құттықтап, шапан жауып, марапат иелеріне сый-құрмет көрсетті.
Қалалық мәслихат депутаттары атынан Сәрсенкүл Бәйдешқызы сөз алып, «Қызылорда қаласының Құрметті азаматы» атанған жандарды құттықтап, жоғары марапатқа еңбек адамдарының ие болуы, көңіл қуантатын, құптарлық іс екенін жеткізді.
Айта кетейік, құрмет төрінен көрінген Бекмырза Қайыпұлы Қармақшы, Жаңақорған аудандарының әкімі, Қызылорда облысы әкімінің орынбасары, Қызылорда облысы мәслихатының хатшысы, ҚР Парламент Сенатының депутаты қызметтерін абыроймен атқарған, Мемлекет және қоғам қайраткері, «Құрмет», «Парасат» ордендерінің иегері.
Құрметті атаққа ие болғандардың бірі ҚР Парламент Сенатының депутаты, Әлеуметтік-мәдени даму және ғылым комитетінің төрағасы, «Халыққа білім беру саласының үздігі», «Парасат», «Құрмет» ордендерімен, «Ерен еңбегі үшін» медалінің иегері Мұрат Бақтиярұлы. Сырдың жанашыр азаматы Парламент Сенатының депутаты бола отырып, өңіріміздің, оның ішінде аймағымыздың орталығы Қызылорда қаласының өркендеуіне елеулі үлес қосып, әлеуметтік-экономикалық әлеуетінің артуына, инфрақұрылымының дамуына ықпал жасады.
Түрлі салада абыройлы қызмет атқарған Боханова Роза Аяғанқызы білікті маман, Қызылорда қалалық мәслихатының хатшысы, «Ерен еңбегі үшін» мемлекеттік наградасының иегері, қаланың өсіп-өркендеуіне елеулі үлес қосқан.
<img src="https://kyzylorda-news.kz/wp-content/uploads/2020/09/119855807_2661316470801761_1145313617217347283_o.jpg" alt="" />
<img src="https://kyzylorda-news.kz/wp-content/uploads/2020/09/119881849_2661316320801776_4270885844701099973_o.jpg" alt="" />
<img src="https://kyzylorda-news.kz/wp-content/uploads/2020/09/119843203_2661314427468632_7286124107211272491_o.jpg" alt="" />
<img src="https://kyzylorda-news.kz/wp-content/uploads/2020/09/119942530_2661316624135079_3719163448407714103_o.jpg" alt="" />

Қызылордада &#8220;Қаланың құрметті азаматтары&#8221; белгілі болды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 63 адамнан ПТР арқылы коронавирус анықталды, деп хабарлайды &nbsp;<a href="https://www.coronavirus2020.kz/kz/kazakstandagy-koronavirus-boyynsha-19-kyrkuyek-23-59-dagy-epidemiologiyalyk-zhagday_a3696678">coronavirus2020.kz</a>&nbsp;сайты.
Аймақтар бойынша:
Нұр-Сұлтан қаласы –&nbsp;7 
Алматы қаласы –&nbsp;2 
Шымкент қаласы –&nbsp;2 
Ақмола облысы –&nbsp;2 
Ақтөбе облысы –&nbsp;1 
Атырау облысы –&nbsp;7 
Шығыс Қазақстан облысы –&nbsp;24 
Жамбыл облысы –&nbsp;1 
Батыс Қазақстан облысы –&nbsp;2 
Қарағанды облысы –&nbsp;5 
Қостанай облысы –&nbsp;2 
Қызылорда облысы –&nbsp;1 
Павлодар облысы –&nbsp;2 
Солтүстік Қазақстан облысы –&nbsp;4 
Түркістан облысы –&nbsp;1
Жалпы ел бойынша ауырғандар саны&nbsp;107262.

Қызылордада 1 адамнан коронавирус анықталды

<a href="http://kyzylorda-news.kz">Kyzylorda-news.kz.</a> «Қазгидромет» РМК-сы Қазақcтанның үш облысында ауа райына байланысты ескерту жариялады, деп хабарлайды ҚазАқпарат.
Кәсіпорынның болжамына қарағанда, 20 қыркүйек күні күндіз Қарағанды облысының кей жерлерінде найзағай ойнайды. Кей жерлерде оңтүстік, онтүстік-шығыстан жел соғып, күші 15-20 м/с-ке жетеді.
Жезқазғанда 20 қыркүйек күні күндізнайзағай ойнап,&nbsp;оңтүстік, онтүстік-шығыстан жел соғады, екпіні 18 м/с болады. Ауа райы болжамының дәлдігі 70-75%.
Солтүстік Қазақстан облысында оңтүстіктен жел соғады, түнде кей жерлерде күші секундына 15-20 метрге, күндіз 15-20 метрге, екпіні 23-28 метрге жетеді.
Петропавлда 20 қыркүйек күні күндіз оңтүстіктен жел соғып, жылдамдығы секундына 15-20 метрге, екпіні 25 метрге жетеді. Ауа райы болжамының дәлдігі 90-95%.
Ақмола облысындаоңтүстік, оңтүстік-батыстан жел соғады, таңертең және күндіз облыстың басым бөлігінде желдің жылдамдығы секундына 15-20 метрге жетеді, екпіні 23 м/с болады.
Көкшетауда күндізоңтүстік, оңтүстік-батыстан жел соғады, екпіні 15-20 м/с-ке жетеді. Ауа райы болжамының ықтмалдылығы 85-90%.

Қазақстанның үш облысында ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a> Денсаулық сақтау министрлігінің ресми өкілі Бағдат Қожахметов қандай жағдайда қатаң карантин енгізілуі мүмкін екенін түсіндірді, деп хабарлайды&nbsp;<a href="https://sputniknews.kz/">Sputnik Қазақстан</a>.
Онлайн брифингте БАҚ өкілі министрлік өкілінен коронавирустың екінші толқыны кезінде ең жаман сценарий қандай болатынын сұрады.
<blockquote>
 “Қазір, өздеріңіз көріп отырсыздар, елде орташа есеппен 500-600 адам коронавирус пен ковидтік пневмонияға шалдығып жатыр. Егер бұл цифр 30 мыңға жетсе, елде қатаң карантин шараларын енгізуге басты сигнал дәл осы болады”, – деді Қожахметов.
</blockquote>
Ол бүгінде денсаулық сақтау жүйесі стационарларда бір мезетте 70 мыңнан астам төсек-орын ұйымдастыруға дайын екенін атап өтті.
Қазақстанда 13 наурыздан бері барлығы 107 134 адам коронавирус жұқтырды, 1689 науқас қайтыс болды.
1 тамыздан бері ковидтік пневмонияға шалдыққандар саны 30 579 пациентке жетті. 337 адам көз жұмды.

Министрлік қатаң карантин қандай жағдайда енгізілетінін айтты

<a href="https://kyzylorda-news.kz/date/2020/09/19/">Kyzylorda-news.kz.</a> Қазақстан Президентінің «Қазақстан Республикасында тексерулерге және профилактикалық бақылау мен қадағалауды барып жүргізуге мораторий енгізу туралы»&nbsp;<a href="http://www.akorda.kz/kz/legal_acts/decrees/kazakstan-respublikasynda-tekserulerge-zhane-profilaktikalyk-bakylau-men-kadagalaudy-baryp-zhurgizuge-moratorii-engizu-turaly-kazakstan-resp">Жарлығына</a>&nbsp;өзгерістер енгізілді, деп хабарлайды <a href="https://lenta.inform.kz/kz/kr-prezidentinin-tekserulerge-moratoriy-engizu-turaly-zharlygyna-ozgerister-engizildi_a3696564">ҚазАқпарат.</a>
Енгізілген өзгерістер жөніндегі Жарлықтың мәтіні бүгін Ақорданың ресми сайтында жарияланды.
«Қазақстан Республикасында тексерулерге және профилактикалық бақылау мен қадағалауды барып жүргізуге мораторий енгізу туралы» Қазақстан Республикасы Президентінің 2019 жылғы 26 желтоқсандағы № 229 Жарлығына толықтыру енгізу туралы
ҚАУЛЫ ЕТЕМІН:
1. «Қазақстан Республикасында тексерулерге және профилактикалық бақылау мен қадағалауды барып жүргізуге мораторий енгізу туралы» Қазақстан Республикасы Президентінің 2019 жылғы 26 желтоқсандағы № 229 Жарлығына (Қазақстан Республикасының ПҮАЖ-ы, 2019 ж., № 65-66, 474-құжат) мынадай толықтыру енгізілсін:
1-тармақ мынадай мазмұндағы 12) тармақшамен толықтырылсын:
«12) мемлекеттік аудит және қаржылық бақылау объектілері.».
2. Осы Жарлық алғаш ресми жарияланған күнінен бастап қолданысқа енгізіледі.
Қазақстан Республикасының
Президенті Қ.Тоқаев
Нұр-Сұлтан, Ақорда, 2020 жылғы 17 қыркүйек
№ 417

ҚР Президентінің тексерулерге мораторий енгізу туралы Жарлығына өзгерістер енгізілді

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласындағы Қызылорда облысының ауыл шаруашылық өнімдерінің жәрмеңкесіне сырбойылықтар 30 автокөлікпен 360 тоннаға жуық жоғары сапалы өнімдерін ұсынуда. Оның ішінде Сыр елінің басты бренді ақталған күріштің 146 тоннасы жеткізілген.
Айта кету керек, биыл қызылордалықтар еккен негізгі дақыл күрiштің көлемі 89,5 мың гектарды құрап отыр.
Егілген күріштен жоғары өнім алу мақсатында күріш егісіне 100 пайыз жоғары репродукциялы тұқымдар себілген. 67,5 мың гектар егіс тыңайтқыштармен үстеп қоректендірілсе, 65,6 мың гектары арам шөптерге қарсы өңделді. Облыста күрішке орақ салу жұмыстары 22 тамыздан басталды.
Бүгінгі күні 24 865 гектар күрішке орақ салынып, оның 16 898 гектары бастырылды. Әр гектарынан орташа 49,3 центнерден өнім алынуда. Биылғы жылғы әлемді жайлаған короновирус пандемиясына қатысты карантиндік шаралар мен орын алған суармалы су тапшылығына қарамастан Сыр елінің диқандары былтырғы көлімде өнім жинауын жоспарлануда. Егін жинау жұмыстарын 15 қазаннан кешіктірмей толық аяқтау көзделіп отыр.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.34-2.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.33-1.jpeg" alt="" /></li>
</ul>
<img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.37-1-1.jpeg" alt="" />
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.31-1.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.33-2.jpeg" alt="" /></li>
</ul>

Жәрмеңкенің басты бренді: Сырбойылықтар бас қалада 146 тонна ақталған күрішті саудаға шығарды

<a href="https://kyzylorda-news.kz/">Kyzylorda-news.kz.</a> Нұр-Сұлтан қаласындағы Қызылорда облысының ауыл шаруашылық өнімдерінің жәрмеңкесі екі күн бойы жалғасады. Жәрмеңкеге Қызылорда қаласы мен 7 ауданының 70-тен аса шаруашылық пен кәсіпорындары 30 автокөлікпен 360 тоннаға жуық жоғары сапалы өнімдерін ұсынуда.
Сырбойылықтар жәрмеңкеге 146 тонна ақталған күріш, 27 тонна балық және балық өнімдері, 28 тонна асқабақ, 126,5 тонна бақша, 18 тонна көкөніс пен жеміс және 14,5 тонна басқа өнім түрлерін әкелген.
Тез бұзылатын сүт өнімдері секілді тауарлар рефрижератор көлігімен жеткізіліпті. Сатушыларға арнайы униформа беріліп, карантин талаптары толық сақталған. Барлығы дезинфекциялық құралдармен қамтылған.
Атап өту керек, ағымдағы жылы Қызылорда облысы аграрлық салада айтарлықтай жетістіктерге қол жеткізді.
Мәселен, егіс көлемі – 1,1 мың гектарға артып, 184,2 мың гектарды құрады. Барлық дәндi дақылдар 99,9 мың гектар, майлы дақылдар 5,7 мың гектар, мал азықтық дақылдар 61,0 мың гектар, картоп, көкөнiс, бақша 17,6 мың гектарды құраса, негізгі дақыл күрiштің көлемі 89,5 мың гектарды құрады.
Жалпы егіс көлемі 2014 жылмен салыстырғанда 25 мың гектарға артса, әртараптандыру бағытында соңғы алты жылда мал азықтық дақылдар 8,0 мың гектарға, майлы дақылдар 6,9 мың гектарға, ал күріштен басқа дәнді дақылдар көлемі 3,7 мың гектарға ұлғайып отыр.
Сонымен қатар, бүгінгі күнге облыста 227 мың тонна картоп, көкөніс, бақша және 19,7 мың тонна ет, 48,5 мың тонна сүт өндіріліп отыр.
Сыр елінің ауыл шаруашылығы өнімдері қазіргі таңда әлемнің 17 мемлекетіне экспортталуда. Экспортталған өнімнің 92,4 пайызы облыстың негізгі дақылы – күріш өнімі болып, Ресей, Қырғызстан, Беларусия, Әзірбайжан, Моңғол мемлекеті, Тәжікстан, Украина, Түркмения және Ирак мемлекеттеріне шығарылуда.
Нұрсұлтан МЫҚТЫБАЙ
Суреттерді түсірген Ермұрат НАЗАРҰЛЫ
<ul>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.38.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.37.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.35.jpeg" alt="" /></li>
<li><img src="https://kyzylorda-news.kz/wp-content/uploads/2020/09/whatsapp-image-2020-09-18-at-18.44.31-2.jpeg" alt="" /></li>
</ul>

Қазақстан және Қызылорда облысының жаңалықтары

Қызылордада шаңды дауыл тұрады

Илья Ильин екінші рет үйленетінін мәлімдеді

Суицидке жетелейтін “Синий кит” ойынының баламасы қазақ тілінде пайда болды

Халықтың кредиті кешіріле ме – экономистер жауап берді

Қызылордада шағын кәсіпкерлік нысандарының саны артты

Қызылордада “Қаланың құрметті азаматтары” белгілі болды

Қызылордада 1 адамнан коронавирус анықталды

Қазақстанның үш облысында ауа райына байланысты ескерту жарияланды

Министрлік қатаң карантин қандай жағдайда енгізілетінін айтты

ҚР Президентінің тексерулерге мораторий енгізу туралы Жарлығына өзгерістер енгізілді

Жәрмеңкенің басты бренді: Сырбойылықтар бас қалада 146 тонна ақталған күрішті саудаға шығарды

Жәрмеңке: Қызылордалықтар елорда тұрғындарына 360 тоннаға жуық өнім ұсынуда

Қазақстан және Қызылорда облысының жаңалықтары

Қызылордада шаңды дауыл тұрады

Илья Ильин екінші рет үйленетінін мәлімдеді

Суицидке жетелейтін &#8220;Синий кит&#8221; ойынының баламасы қазақ тілінде пайда болды

Халықтың кредиті кешіріле ме – экономистер жауап берді

Қызылордада шағын кәсіпкерлік нысандарының саны артты

Қызылордада &#8220;Қаланың құрметті азаматтары&#8221; белгілі болды

Қызылордада 1 адамнан коронавирус анықталды

Қазақстанның үш облысында ауа райына байланысты ескерту жарияланды

Министрлік қатаң карантин қандай жағдайда енгізілетінін айтты

ҚР Президентінің тексерулерге мораторий енгізу туралы Жарлығына өзгерістер енгізілді

Жәрмеңкенің басты бренді: Сырбойылықтар бас қалада 146 тонна ақталған күрішті саудаға шығарды

Жәрмеңке: Қызылордалықтар елорда тұрғындарына 360 тоннаға жуық өнім ұсынуда

Суицидке жетелейтін “Синий кит” ойынының баламасы қазақ тілінде пайда болды

Қызылордада “Қаланың құрметті азаматтары” белгілі болды