<a href="http://kyzylorda-news.kz./">Kyzylorda-news.kz.</a> Қызылорда облысы бойынша «Қару» жедел профилактикалық іс-шарасы өтті.
Шара барысында, 4826 қару иелері мекен-жайларынан тексеріліп, 84 әкімшілік құқық бұзушылықтар&nbsp; анықталды.&nbsp;
Әкімшілік кодексінің 482 (қаруды заңсыз иеленіп алуы, беруі, өткізуі, сақтауы, алып жүруi, тасымалдауы) бабымен, заңсыз айналымнан 24 қару тәркіленді.&nbsp;&nbsp;&nbsp;
Айдарлы ауылының 26 жастағы тұрғынының сарайында ІІО-да тіркеуде жоқ, 2-ұнғылы, 16-калибрлі аңшы мылтығын заңсыз сақтағаны үшін алынды. Сонымен қатар Қызылорда қаласындағы &nbsp;жалдамалы пәтерді тексеруде 28 жастағы азаматтың ІІО-да тіркеуде жоқ 8 мм газды тапаншасын 8-дана оғымен заңсыз алып жүргені анықталған.&nbsp;
Сонымен қатар, кодекстің 484 бабымен (қаруды сақтау&nbsp; ережесін бұзу) 26 азаматқа, 486 бабына сәйкес (қару тасымалдау, тіркеу ережелерін бұзу) 34 азаматқа әкімшілік шара көрілді.

Қызылордада заңсыз айналымнан 24 қару алынды

<a href="http://Kyzylorda-news.kz.">Kyzylorda-news.kz.</a> Қызылорда облыс орталығындағы «Мұз айдыны» спорт кешенінің мәжіліс залында коньки спорты федерациясының кезектен тыс отырысы өтті.
Жиынға федерация мүшелері, жаттықтырушылар мен ата-аналар қатысты. Онда мәнерлеп сырғанаудан жаңа жаттықтырушы Андрей Симакович таныстырылды.
Симакович Андрей Васильевич – 1979 жылы 25 желтоқсанда Ресейдің Красноярск қаласында туылған. Мәнерлеп сырғанаудан спорт шеберіне үміткер, жастар арасында Ресей чемпионатының жүлдегері, халықаралық турнирлердің қатысушысы және жүлдегері.
Жоғары білімді. Хабаровск институтының ​ «Дене шынықтыру және спорт» мамандығы бойынша бітірген.​ Сонымен қатар, Повольженің Мемлекеттік дене шынықтыру спорт және туризм академиясының таңдалған спорт түрі бойынша жаттығулардың заманауи технологиясы бағытында кәсіби қайта даярлау дипломын алған.
Жеке, екілік және үштік секіруді қалыптастыру, айналудың ең қиын түрлерін меңгеруді үйрету, жалпы және арнайы дене дайындығын жүргізу, оқу-жаттығу жиындарын өткізу дағдылары бар. Он жылдан аса бапкерлік қызмет атқарған. Ижевск, Набережные Челны, Мензелинск қалаларында жұмыс жасаған. Шәкірттері ​ облыстық және жалпы Ресейлік жарыстарда​ жүлдегер атанған.​​
Сөз кезегінде федерация президенті Мағжан Ералиев жаңа бапкерге сәттілік тілеп, алдағы уақыттың жоспарларымен бөлісті.
Айта кетейік, сәуір айында Қызылорда қаласында мәнерлеп сырғанаудан Элизабет Тұрсынбаеваның жүлдесіне арналған республикалық жарыстың өтуі жоспарлануда.

Қызылордада республикалық жарыс өтеді

<a href="http://kyzylorda-news.kz./">Kyzylorda-news.kz.</a>&nbsp;Мемлекет басшысы Қасым-Жомарт Тоқаев өзінің «Тәуелсіздік бәрінен қымбат» атты көлемді мақаласын жариялағаны баршамызға белгілі. Мақалада бүгіннен бастап мән беруімізге тиіс ең бір көкейтесті дүниелер бар.
Мақала ауқымды төрт бөлімнен тұрады. «Бағдар мен белес» деп аталатын алғашқы бөлімінде тәуелсіздігіміздің мерейлі мерзімін үш онжылдық белеске бөліп қарастырады. Алғашқы онжылдықты Қазақстанның іргетасын қалау, екінші онжылдықты қазақ елінің керегесін кеңейту кезеңі деп атаса, үшінші онжылдықта еліміздің өсіп-өркендеп, мерейлі мемлекетке айналғаны баяндалады.
Мемлекет басшысы алдағы төртінші онжылдықтың бізге жүктейтін міндеті – қуатты елдің иесі және кемел халық болу екендігін айта келіп, осы жолда заман талабына бейімделген ұлттың жаңа болмысын қалыптастыру қажеттігіне баса назар аударады. Сонымен қатар қазіргі пандемия жағдайында түрлі қатерлермен бірге әлемде жағымсыз идеологиялық вирустар да жайылып келе жатқандығына алаңдайды. Сондықтан жаһандану кезінде әсіресе, жас ұрпақты кез-келген ақпаратқа ілесіп кетпеуге шақырады.
«Таным мен тағылым» деп аталатын екінші бөлімінде халқымыздың тарихи санасын жаңғыртуға бағытталған ой-тұжырымдарымен бөліседі. Ұлттық мүддемізге сай келетін тарихымыз жазылатын уақыт келгендігін, ол ұрпақтың санасын оятып, ұлт жадын жаңғыртуға мүмкіндік беретінін бағамдайды.
Мақаланың «Қоғам мен құндылық» деп аталатын үшінші бөлімінда Қасым-Жомарт Кемелұлы өзінің егемендігіміздің мәңгілік үштағанына балаған байтақ жерімізді, қастерлі тілімізді, береке-бірлігімізді көздің қарашығындай сақтауға үндейді.
Мақаланың «Ұлағат пен ұстаным» атты соңғы бөлімінде саяси жаңғыру мәселесіне кеңінен тоқтала келіп, елімізде адамның құқығын сақтауға негізделген заң мен тәртіп болу керектігін баса айтады. «Біздің мақсатымыз – келер ұрпаққа Қазақстанды тұғыры мығым, экономикасы қуатты, рухы асқақ мемлекет ретінде табыстау және елдік істерді шашау шығармай лайықты жалғастыратын жасампаз ұрпақ тәрбиелеу», – дейді.
Ол үшін ХХІ ғасыр – білім мен біліктің дәуірі екендігін, әр адам өзін үздіксіз жетілдіріп, жаңа кәсіптерді игеріп, үнемі заман ағымына бейімделу арқылы ғана бәсекелік қабілетін арттыра алатынына ерекше мән береді. «Жастар – қашанда тың идеялардың қайнар көзі, оң өзгерістердің қозғаушы күші», – деп өскелең ұрпаққа сенім артады.
Сондықтан да егемендік жылдарында дүниеге келіп, әлі танылып үлгермеген талантты жастарды қолдау мақсатында «Тәуелсіздік ұрпақтары» атты грант тағайындауды, «Тәуелсіздік бәрінен қымбат!» деген қасиетті сөзді мәңгі ұранға айналдыруды ұсынады.
Біз де өз кезегімізде Мемлекет басшысының маңызды мақаласын жас ұрпаққа білім мен тәрбие берудегі алдағы жұмыстарымызға жаңаша тың серпін береді деп ойлаймыз.
Әрбір жас өреннің өзі мекен еткен жеріне жанашырлық танытуына тек ақыл айтып қоймай, өзі үлгі болатындай әрекет жасау – аға буынның, яғни біздің Отан алдындағы міндетіміз. Мақалада бүгінгі жастардың шетелде білім алуына барынша қолдау көрсетіп, алған білімі мен жинаған тәжірибесін өз еліне қызмет істеуге пайдалана білетіндей ұлтжанды ұрпақ дайындау үшін сананың ашықтығы керек деген ойын өз өмірінен мысал келтіре отырып, қисынды жеткізе білген. Ұрпақ тәрбиесінің мемлекеттің назарынан тыс қалмауы, олардың бойындағы табиғи таланты мен ерекше дарындылығын дамыту үшін қойылатын талаптың жоғары екендігін сезінген сайын өз мамандығымның ұлт болашағы үшін маңызды екенін, осындай ұлы мамандықтың тізгінін ұстап тұру үшін ел үшін тынымсыз еңбек етудің өзі зор бақыт әрі үлкен сын деп қабылдаймын. Соңғы жылдардағы педагогтардың еңбекақысының сатылап өсуі де жүктелген міндеттің салмағының ауырлығында деп түсінуіміз керек.
Қорыта айтқанда, лайықты еңбек етіп, ұрпақ тәрбиесіне өз үлесімізді қосуымыз қажет. Бұл – біздің ұрпақ алдындағы борышымыз.
Сәрсен ТІЛЕУБАЙ,
Қорқыт ата атындағы Қызылорда университетінің
Информатика және ақпараттық-коммуникациялық технологиялар кафедрасының меңгерушісі

Жаһандану заманындағы ақпарат және жастар тәрбиесі

<a href="https://kyzylorda-news.kz/">Kyzylorda-news.kz</a>. Ауа райының күрт бұзылуына орай еліміздің 8 өңірінде жолдар жабылды. Бұл туралы ҚР Төтенше жағдайлар министрлінің ресми өкілі Талғат Уәли хабарлады.
Нұр-Сұлтан қаласындағы, Солтүстік Қазақстан, Ақмола, Қостанай, Павлодар, Қарағанды, Қызылорда, Шығыс Қазақстан облыстарындағы республикалық және облыстық маңызы бар автожолдарда автокөліктің барлық түрлері үшін қозғалыс жабылды.

Қызылорда: Ауа райының қолайсыздығына байланысты жолдар жабылды

<a href="https://kyzylorda-news.kz/">Kyzylorda-news.kz</a>. Қазақстан азаматтарының жеке мәліметтерін сатқан полицейлер ұсталды. Бұл туралы ҚР ІІМ Өзіндік қауіпсіздік департаментінің бастығы Арман Саданов айтты, деп хабарлайды <a href="https://lenta.inform.kz/kz/kazakstan-azamattarynyn-zheke-malimetterin-satkan-policeyler-ustaldy_a3750567">ҚазАқпарат</a>.
Оның атап өтуінше, Алматы қалалық полиция департаментінің қазіргі және бұрынғы қызметкерінің қатысы бар қылмыстық топ ұсталды. Полиция қызметкерлері азаматтық тұлғалармен ымыраласып, ведомстволық ақпараттық базаны сатуды бизнеске айналдырып алған.
«Жеке мәліметтер үшінші тұлғалардың қолына түсіп отырған», – деді департамент бастығы.
Арман Садановтың нақтылай түсуінше, аталған қылмыстық әрекетке Алматы қалалық полиция департаментінің қызмет істеп жүрген 2 қызметкерінің және бұрынғы 3 қызметкерінің, бір азаматтық тұлғаның қатысы бар екендігі анықталып отыр.
«Олардың тікелей бастықтары қатаң тәртіптік жазаға тартылды. Тіпті лауазымынан босатылғандары да бар», – деді ол.

Қазақстан азаматтарының жеке мәліметтерін сатқан полицейлер ұсталды

<a href="https://kyzylorda-news.kz/">Kyzylorda-news.kz</a>. Қызылордада мектептер мен колледждердің материалдық-техникалық базалары жаңартылуда, деп хабарлайды облыстық білім басқармасы.
Өткен жылы «Жас маман» жобасы аясында 4 колледжге соңғы үлгідегі техникалар алынған. Бұл үшін қазынадан 1,2 млрд.теңге қаржы қаралған. Ал, биыл 5 колледждің материалдық-техникалық базасы жаңарады. Жұмысшы мамандарды даярлауға қажетті техникаларды алуға 1,3 млрд.теңге қаржы бөлінген.
Аймақта мектептердегі компьютерлер паркін жаңғырту жұмыстарына да ерекше мән берілді. Қашықтан оқыту кезінде облысқа республикалық бюджеттен 22870 компьютерлік техника алынған. Нәтижесінде мектептерде бұрын 12 балаға бір компьютерден келсе, қазірде 7 балаға бір компьютердер бөлініс жасалған.
Мұнан бөлек, өткен жылы білім беру ошақтары физика, биология, химия пәндері бойынша 236 жаңа модификациялық пәндік кабинеттермен толыққан. Сондай-ақ, жаңадан 42 мектепке «3Д модельдеу» жабдықтарымен алынған.
Айта кетейік, облыста 301 мектеп, 30 колледж бар.

Қызылордада 5 колледждің материалдық базасы жаңарады

<a href="https://kyzylorda-news.kz/">Kyzylorda-news.kz</a>. 9-11 ақпанға ауа райы болжамын жарияланды, деп хабарлайды Қазгидромет.
Кезең ішінде Қазақстан аумағының басым бөлігі Скандинавия аудандарынан келетін суық антициклонның ықпалында болады, онымен ауа температурасы 23-30 градус аязға дейін, елдің шығысында 28-33 градусқа дейін төмендейді деп күтілуде.
Ал батыс өңірлерге Атлантика аудандарынан кезекті циклон әсер етеді, жауын-шашын (жаңбыр, қар) түседі, көктайғақ, тұман, сондай-ақ ауа температурасы көтеріледі.

Қазақстанның басым бөлігінде қайта аяз күшейеді

<a href="https://kyzylorda-news.kz/">Kyzylorda-news.kz</a>. Қызылорда қаласы Полиция басқармасына қаланың екі азаматшасынан бірдей арыз түскен.
Арызда бір ер азаматтың 2020 жылдың қыркүйек айында «кәсіпкерлікті қолдау» орталығында конкурсқа қатысу үшін әр қайсысынан 600 000 теңгелерін алдап алғанын көрсеткен.
Полиция қызметкерлерінің жедел-іздестіру жұмыстарының нәтижесінде бұрын сотты болған 34 жастағы азамат анықталып, ұсталды. Ол облыс орталығының тұрғыны екені белгілі болды. Қазіргі таңда күдікті тергеу изоляторында қамауға алынды.
Аталған дерек бойынша Қазақстан Республикасы Қылмыстық кодексінің 190-бабының 1, 3-бөліктерімен (ірі мөлшерде жасалған алаяқтық) сотқа дейінгі тергеп-тексеру амалдары жүргізілуде.

«Конкурсқа қатыстырамын»: Қызылордада жұртты алдаған алаяқ ұсталды

<a href="https://kyzylorda-news.kz/">Kyzylorda-news.kz</a>. Қызылорда облысының «Қоғамдық келісім» КММ-нің ұйымдастыруымен Достық үйінде «Табыс. Жетістік. Құпия» тақырыбында кәсіпкерлермен кездесу өтті.
Іс-шара барысында жергілікті өнімдердің көрмесі ұйымдастырылды. «Қоғамдық келісім» КММ директоры Бауыржан Мастеков шараның шымылдығын ашып, кездесудің маңыздылығын атап өтті.
Одан әрі, жиналғандар алдында «Раим» ЖШС құрылтайшысы, облыстық Кәсіпкерлер палатасының мүшесі Ерлан Раимов кәсіпкерлікті қалай бастағанын, Сыр өңіріндегі алғашқы мейрамхана “Қыз Жібектің” ашылу тарихы жайлы сөз қозғады.
Ал көпбалалы ана, журналист, ақын, блогер Асылзат Арыстанбек өмірде кездескен қиыншылықтарға мойымай, тек алға ұмытылып, еңбекпен бәрін жеңе білу керек екендігін дәлелмен келтірді.&nbsp;Облыстық мәслихат депутаты, “Абзал и К” ТС директоры, облыстық кәсіпкерлер палатасы Өңірлік кеңесінің мүшесі Мағжан Ералиев, дизайнер, «Aida couture» дизайн-студиясының директоры Аида Темір сөз сөйлеп, өздерінің табысты кейстерімен, кәсіпкерлік саласындағы мемлекеттік қолдауымен және жастарға арналған мүмкіндіктер, бизнесті ашу және дамыту тәжірибесімен бөлісті. Үздік кәсіпкер болудың қыр-сырын үйретті, жастарды ынталандырды.
Жиналған жастар кәсіпкерлік жайлы біршама мәліметтер алып, ойларын түйіндеді.
<img src="https://kyzylorda-news.kz/wp-content/uploads/2021/02/1.jpg" alt="" />
<img src="https://kyzylorda-news.kz/wp-content/uploads/2021/02/2.jpg" alt="" />

Қызылордалық жастар кәсіпкерлермен кездесті

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 843 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша
Нұр-Сұлтан қаласы – 97 
Алматы қаласы – 108 
Шымкент қаласы – 23 
Ақмола облысы – 209 
Алматы облысы – 146 
Атырау облысы – 44 
Шығыс Қазақстан облысы – 19 
Батыс Қазақстан облысы – 27 
Қарағанды облысы – 60 
Қостанай облысы – 7 
Қызылорда облысы – 14 
Павлодар облысы – 56 
Солтүстік Қазақстан облысы – 30 
Түркістан облысы – 3 
Қазақстан бойынша жазылғандар саны – 176744.

COVID-19: Қызылордада 14 адам емделіп шықты

<a href="https://kyzylorda-news.kz/">Kyzylorda-news.kz</a>. Байқоңыр ғарыш айлағында «Союз МС-18» көліктік басқарылатын кемесін ұшыру алдындағы дайындықтары жалғасуда, деп хабарлайды <a href="https://lenta.inform.kz/kz/baykonyrda-soyuz-ms-18-kemesin-ushyruga-dayyndyk-zhurip-zhatyr_a3750355">ҚазАқпарат</a>.
Жұмыстар кестесіне сәйкес, сынақ-монтаждау корпусының жаңғырық шықпайтын камерасында кеменің автономды сынақтарының циклі өткізілді. Сондай-ақ «Союз МС-18» кемесінің Халықаралық ғарыш станциясына жақындауы мен түйісуін қамтамасыз ететін радиотехникалық аппаратураның қызметін тексеру бойынша операциялар жүргізілді.
«Союз МС-18» басқарылатын кемесі бар «Союз-2.1а» зымыран-тасығышы Байқоңыр ғарыш айлағынан 2021 жылдың 9 сәуірінде ұшырылатыны жоспарланған. Кеме Халықаралық ғарыш станциясының бортына келесі – 65-інші негізгі экспедицияның экипажын жеткізетін болады.
Еске салайық, Байқоңырдан жақын уақытта болатын старттар: 2021 жылдың 15 ақпанында – «Прогресс МС-16» ғарыштық жүк кемесі, 28 ақпанында «Арктика-М» ғарыш аппараты ұшырылады.

«Байқоңырда» «Союз МС-18» кемесін ұшыруға дайындық жүріп жатыр

<a href="https://kyzylorda-news.kz/">Kyzylorda-news.kz</a>.&nbsp; Қазақстан президенті Қасым-Жомарт Тоқаев мерзімді әскери қызметтегі әскери қызметшілерді запасқа шығару және 2021 жылдың наурыз – шілдесінде және қыркүйек – желтоқсанында мерзімді әскери қызметке шақыру туралы жарлыққа қол қойды.
Құжат&nbsp;<a href="https://www.akorda.kz/kz/legal_acts/decrees/askeri-kyzmettin-belgilengen-merzimin-otkergen-merzimdi-askeri-kyzmettegi-askeri-kyzmetshilerdi-zapaska-shygaru-zhane-kazakstan-respublikasy-5">Ақорда</a>&nbsp;сайтында жарияланды.
“Қазақстан Республикасының қорғанысы және Қарулы Күштері туралы” 2005 жылғы 7 қаңтардағы Қазақстан Республикасы Заңының 5-бабы&nbsp;2-тармағының 11) тармақшасына және “Әскери қызмет және әскери қызметшілердің мәртебесі туралы” 2012 жылғы 16 ақпандағы Қазақстан Республикасы Заңының 31-бабына сәйкес&nbsp;ҚАУЛЫ ЕТЕМІН:
1.&nbsp;Әскери қызметтің белгіленген мерзімін өткерген мерзімді әскери қызметтегі әскери қызметшілер 2021 жылдың наурыз – шілдесінде&nbsp;және қыркүйек – желтоқсанында Қазақстан Республикасының Қарулы Күштері, Қазақстан Республикасының Ішкі істер министрлігі, Қазақстан&nbsp;Республикасының Төтенше жағдайлар министрлігі, Қазақстан&nbsp;Республикасының Ұлттық қауіпсіздік комитеті, Қазақстан Республикасының Мемлекеттік күзет қызметі қатарынан запасқа шығарылсын.
2.&nbsp;Әскерге шақыруды кейінге қалдыруға немесе одан босатылуға құқығы жоқ&nbsp;он сегіз жастан жиырма жеті жасқа дейінгі ер азаматтар&nbsp;2021 жылдың&nbsp;наурыз – шілдесінде және қыркүйек – желтоқсанында Қазақстан Республикасының Қарулы Күштеріне, Қазақстан Республикасының Ішкі істер министрлігіне, Қазақстан Республикасының Төтенше жағдайлар министрлігіне, Қазақстан Республикасының Ұлттық қауіпсіздік комитетіне, Қазақстан Республикасының Мемлекеттік күзет қызметіне мерзімді әскери қызметке шақырылсын.
3.&nbsp;Жергілікті атқарушы органдар тиісті жергілікті әскери басқару органдары арқылы 2021 жылдың наурыз – шілдесінде және қыркүйек – желтоқсанында азаматтарды мерзімді әскери қызметке шақыруды жүргізуді ұйымдастырсын&nbsp;және қамтамасыз етсін.
4.&nbsp;Қазақстан Республикасының Үкіметі, Қазақстан Республикасының Ұлттық қауіпсіздік комитеті, Қазақстан Республикасының Мемлекеттік күзет қызметі мерзімді әскери қызметті өткеру үшін Қазақстан Республикасының Қарулы Күштеріне, Қазақстан Республикасының Ішкі істер министрлігіне, Қазақстан Республикасының Төтенше жағдайлар министрлігіне, Қазақстан Республикасының Ұлттық қауіпсіздік комитетіне, Қазақстан Республикасының Мемлекеттік күзет қызметіне әскерге шақырылған Қазақстан Республикасының азаматтарын жөнелтуді және мерзімді әскери қызметтің белгіленген мерзімдерін өткерген әскери қызметшілерді шығаруды қаржылай және материалдық қамтамасыз етуді ұйымдастырсын”.
Жарлық алғашқы ресми жарияланған күнінен бастап қолданысқа енгізіледі.

Қазақстан және Қызылорда облысының жаңалықтары