<a href="https://kyzylorda-news.kz/">Kyzylorda-news.kz.</a> Әдетте, мемлекет көшбасшыларының үндеулері, халыққа жолдаулары, баспасөз беттеріндегі мақалалары қалың бұқараның қызу талқысына түсіп, кеңінен насихатталуы дәстүрге айналған үрдіс. Жаңа жылдың жаңа жұмыс аптасы жақсылығы мол жарияланыммен басталып, &nbsp;Мемлекет Басшысы Қ.К. Тоқаевтың «Тәуелсіздік бәрінен қымбат» тақырыбында «Егемен Қазақстан» газетінде жарық көрген, терең ойлы мақаласымен серпілді. Маңызы зор, мазмұны қымбат мардымды мақалаға қатысты мен де өз ойымды орталарыңызға салғым келді.
Тәуелсіздігі тұғырлы, татулығы тұрақты, экономикасы қуатты Қазақстанның үшінші онжылдығы таразыланатын жылдың жаңаруында ұлттық құндылықтарымыздың бағасын биіктеткен бұл мақаланың дер кезінде жарияланғаны бір бөлек, жұртшылықтың жүрегіне жол тартуы бір төбе болды деп айта аламыз. Абайша айтқанда, «айналасы теп-тегіс, жұмыр келген» бұл жарияланымның әр сөйлемі ұлттың ұйысуын ұқтырып, қазақты рухани қолдап, сөз құдіретінің тереңдігін сездіреді. Президент мағынасы мол мақаласын төрт бөлімге бөліп, сол арқылы қоғамдық сананы оятуға, ұлт намысын жігерлендіруге үн қосқан.
Бағдар мен белес. Мақаланың бастапқы бұл бөлімі өткенімізді бағалап, келешегімізді бағамдауға бағытталған. Тәуелсіздік жылдарының жемісті жылдарын үш кезеңмен бөліп қарастырған Президент азаттықтың алғашқы онжылдығын еліміздің іргетасын қалаумен сауатты сабақтастырған. Әрине, тоқырау кезеңіндегі қиындықтар ел экономикасына әсер етпей қойған жоқ. Десе де, Ата Заңымыздың қабылдануы, Қарулы Күштеріміздің құрылуы, Ұлттық валютамыздың айналымға енуі – Тәуелсіздік қадамын тәй-тәй басқан ел үшін зор жетістіктердің бірегейлері болды.
Мақала авторы осы бір өтпелі кезеңдердегі Елбасының ерлікке пара-пар істерін айрықша атап, ядролық қарудан азат етілуімізді, ел дамуының жасампаз жобасы «Қазақстан-2030» стратегиясының қабылдануын, Ұлттық қорымыздың құрылуын, астанамыздың Алматыдан Ақмолаға ауысуын, қандастарымыздың атажұртқа ағылуын ұлт бағына балаған. Қасым-Жомарт Кемелұлының жүректерді тебірентер әрбір тіркестері егемендіктің құндылығын сезідіреді.
&nbsp;Мемлекет Басшысы мақаласында тәу етер Тәуелсіздігіміздің екінші онжылдығын ел экономикасының әрленуімен әсерлендіріп, шекарамыздың шегенделуін шексіз қуанышқа теңеп өтті. Дамуыдың жаңа дәуірін сөз еткен автор осы жылдары ауқымды шаралардың ұйытқысы болғанымызды ерекше еске алған.
Үдемелі индустриялық-инновациялық даму секілді өміршең бағдарламалардың жүзеге асырылуын Президент дамудың үшінші онжылдығында баяндап, табысты жалдардағы Нұрсұлтан Әбішұлының ерен еңбегін екшелей білген. Сол себепті Елбасының Тәуелсіздіктің мәңгі символы ретінде бағалаған. Бұл тебіреністі әрбір қазақстандық сүйіспеншілікпен қабылдайды деп есептеймін.&nbsp;&nbsp;&nbsp;&nbsp;&nbsp;
Қасым-Жомарт Тоқаев «Алдағы төртінші онжылдықтың бізге жүктейтін міндеті – қуатты елдің иесі және кемел халық болу» деп Қазақстандық дамудың қарқыны мен жаңа саяси-экономикалық реформалар мен сананы жаңғырту жылдарына аяқ басқанымызды тілге тиек еткен.«Бағдар мен белес» деп аталатын бұл алғашқы бөлімді Президентіміз парасаттылықпен қорытындылап, халықтың әл-ауқатын арттыра түсуді, алайда, болуы мүмкін сын-қатерлерге төтеп беруге дайын болуымызды меңзеген.
Таным мен тағылым. Бұл Президент пәрмен берген екінші басымдық. Тарихсыз ұлт болмайтынын ерекше ескерген автор өз мақаласының бұл бөлімінде ұлтымыздың тарихи құндылықтарын кеңінен насихаттау қажеттігін алға тартқан. Мәселен, Мемлекет Басшысы қазақтың басынан өткен небір нәубетті жылдарды түбегейлі зерттеу жұмыстарын жалғастыру, Алаш арыстарының асыл мұраларын игеру істерін ілгерілету, сапалы тарихи фильмдердің қатарын арттыру, Желтоқсан оқиғасының қаһармандарын лайықты бағалау қажеттігіне&nbsp; айрықша мән берген.
&nbsp;Бұл мақсаттарға қол жеткізу арқылы біз жастар мен кейінгі ұрпаққа өлшеусіз мұра қалдыра алатынымыз ақиқат. Осы тұста Президент ғалымдар мен жазушылардың еңбектері ерекше бағалануы қажеттігін атап өтті. Осылайша, бұл бөлімді «Ұлттық мүдде тұрғысынан жазылған шежіре ұрпақтың санасын оятып, ұлттың жадын жаңғыртуға мүмкіндік береді» деп қорытындылады. Бастысы ұлттық идеологияның салтанат құрар кезеңі келгенін байқадық.
«Қазақ үшін тоқымдай жердің өзі қымбат, бір уыс топырақтың өзі алтын». Бұл қанатты сөз Қасым-Жомарт Кемелұлы жариялаған маңызды мақаланың «Қоғам мен құндылық» деп аталатын бөлімінің менмұндалайтын қатары. Бүгінге бұқараның бас ауруына айналған жер мәселесіне Президент ерекше тоқталып, қазақ жерінің ешбір шетелдіктің меншігіне берілмейтінін, сатылмайтынын шегелеп, нүктесін қойды. Ата-бабаларымыздың ба, қазіргі әрбір қазақтың да көксегені де осы еді.
Алайда, Мемлекет басшысы қазақстандықтарды талайға талас тудыратын сол туған топырағымыздың, қара жердің қадірін білуге шақырды. Ұлан-ғайыр даламызды, таңғажайып табиғатымызды таза ұстап, ондағы әрбір жан-жануарға жанашырлық танытуымызды өтінді Президентіміз. Мұның өзі ұлттық намыс пен сананы сілку, жастарға дұрыс тәрбие беру, ұрпақтар сабақтастығына мән беру, өскелең ұрпақты отаншылдыққа баулуды көрсетеді.
Коғам мен құндылық тарауының бір тармағын – мемлекеттік тіл төңірегінде&nbsp; өрбіткен Президент қазақ тілін меңгеруге Үкіметтің де ниетті болуын ерекше сынға алды. Осылайша, «Мемлекеттік тілді білу – Қазақстанның әрбір азаматының парызы. Міндеті деп те айтуға болады» деген ойын ортаға салды. Тіл жанашырларының ғана емес тұтас ұлттың патриоттық сезімін оятқан осы сөздің өзі де жетіп артылады.
Ел бірлігі мен ыдырамас ынтымағымызды басты құдіретімізге балаған Президент әлем мойындаған ұлтаралық келісімнің нығайта түсуіміз керектігін тағы бір мәрде қадап көрсетті. Сонымен қатар, қазақстандық халықты біріктіретін іс-шаралардың маңызына тоқталып, Наурыз мейрамын атап өту тұжырымдамасын жасаудың қажеттігін ұсынды.
Мемлекет Басшысының отаншылдығымызды оятқан «Тәуелсіздік бәрінен қымбат» тақырыбындағы маңызы мол мақаласы «Ұлағат пен ұстаным» тақырыбындағы тараумен өрбіген. Бұл бөлімде саяси жаңғырудың жаңа белесіне қол жеткізітеніміз кеңінен айтылып, ел күткен жаңа жобалардың жүзеге асатыны жазылған.
Мәселен, елді демократияландыруға бағытталған бұл бөлім Қазақстан Республикасы Парламенті Мәжілісі мен жергілікті мәслихаттар депутаттарының сайлауын өткізудің маңыздылығымен ерекшеленіп, келешекте бұқараның талап-тілегінен туындаған ауыл, кент, аудан әкімдерінің сайлау келетінімізді көрсеткен. Мұның өзі Мемлекет Басшысының «Халық үніне құлақ асатын мемлекет» тұжырымдамасынан көрініс берсе керек. Президентіміз жоспарлаған көппартиялы Парламентті қалыптастыру қағидасы да көптің көңілінен шыққанын жасырмаған абзал.
Келер ұрпаққа экономикасы қарқынды, жері ауқымды, қауіп-қатерге қауқарлы, дамыған елді табыстау негіз мақсаттардың бірі екенін екшелеген автор бұл жолы да жастарға жанашырлығын назардан тыс қалдырған жоқ. Президенттік кадрлық резервтің өз жемісін беруін ескерсек, Президент жанындағы Жастар кеңесі қызметін жандандыруды, жастарға барынша жағдай жасау жұмыстарының жалғасатынын тағы бір мәрте атап өтті.
Сөз соңында Қазақстан Республикасының Президенті Қасым-Жомарт Кемелұлының мазмұны терең мақаласының маңызды екенін жеткізіп, ел игілігі жолында атқарар қызметінің жоғары болатынын айта кеткенді жөн көрдім. Біздің міндетіміз – парасатты Президентіміздің пайымын паш ету болып қала бермек.
Бастысы – ел Тәуелсіздігі тұғырлы, тұрғындары ғұмырлы болсын демекпін.
Гүлнар Есқалиева,
Білім және ғылым қызметкерлері
Қызылорда облыстық комитетінің төрайымы.

Гүлнар Есқалиева: Мардымды мақаланың маңызы мол

<a href="https://kyzylorda-news.kz/">Kyzylorda-news.kz.</a> ҚР V Жастар спорт ойындарының алдындағы грек-рим күресінен оқу-жаттығу жиыны “Мұз айдыны” спорт кешенінде өтуде.
Жастар құрамасының аға бапкері Ермек Көкетов жетекшілігімен оқу-жаттығу жиынына Қызылорда қаласы мен аудан спортшылары қатысуда. Төрт жылда бір мәрте ұйымдастырылатын ҚР V Жастар спорт ойындары аясында грек-рим күресінен жарыс 24-26 қаңтар аралығында өтеді. Жарыстың өтетін аймағы әзірге белгісіз.
Еліміздің барлық өңірінен қатысатын спортшылар 10 салмақта жүлделерді сарапқа салады.
Сыр елінен грек-рим күресінен жасөспірімдер арасында Қазақстан чемпионатының жүлдегерлері, спорт шеберіне үміткерлер 55 келіде Қасымхан Мейрамбекұлы, 60 келіде Ернат Кеңес, 67 келіде Нұрбол Бағдаулет, 72 келіде Берекет Ақбалаев бастаған және тағы басқа облыстың жастар құрамасы бақ сынайды.
<img src="https://kyzylorda-news.kz/wp-content/uploads/2021/01/balwan.jpg" alt="" />
<img src="https://kyzylorda-news.kz/wp-content/uploads/2021/01/sport1.jpg" alt="" />
<img src="https://kyzylorda-news.kz/wp-content/uploads/2021/01/kwres.jpg" alt="" />

Сыр балуандары V Жастар ойындарына дайындық жүргізуде

<a href="https://kyzylorda-news.kz/">Kyzylorda-news.kz.</a> «Халық үніне құлақ асатын мемлекет» тұжырымдамасын тиісті деңгейде іске асыру шеңберінде атқарылатын іс-шаралар уақытылы және сапалы орындалуы аса жауапкершілікті қажет етеді.
Осы орайда, Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) бастамасы негізінде, Қызылорда облысы бойынша департаментінің ұйымдастыруымен 2020 жылдан бастап, ай сайын облыс көлеміндегі барлық аудандарда және «Антикор орталығының» ғимаратында «Халық заңгері» тегін құқықтық кеңес беру науқаны ұйымдастырылып келеді.
Бүгінгі күні азаматтардың құқықтары мен заңды мүдделерін қорғау департамент жұмысының басым бағыттарының бірі болып табылады.&nbsp; Халықтың сенімін сақтау өте маңызды.
Сонымен қатар, азаматтардың құқықтық мәдениетін жетілдіру сыбайлас жемқорлықтың алдын алудың негізгі құралдарының бірі.
<blockquote>
 « «Халық заңгері» тегін құқықтық кеңес беру науқанына, 2020 &nbsp;жылдан бері облыс көлемінде 33 рет өткізіліп, жалпы 1000нан аса азамат әр-түрлі сала бойынша, яғни әлеуметтік, денсаулық, жер, тұрғын үй қатынастары, ауылшаруашылық, тағы басқа да өзкеті мәселелері бойынша тиістімемлекеттік органдардыңбілікті мамандарынан, заң саласының танымал заңгерлерінен (адвокат, нотариус, сот орындаушылары,) қоғамдық ұйымдардың өкілдері мен Арнайы мониторингтік топ мүшелерінен тегін құқықтық кеңестер алды.
 Аталған шаралар Қызылорда қаласы мен барлық аудандарда кезең-кезеңімен дәстүрлі түрде ұйымдастырылып келеді. Қоғамда «Халық заңгері» тегін құқықтық кеңес беру науқаны азаматтардың оң пікірі мен алғысын алып, болашақта халық пен мемлекеттік органдардың, сондай-ақ сарапшылар қауымдастығы арасындағы біріктіруші «көпір» болуға мүмкіндік беретін іс-шара ретінде көрінуде», – дейді департмент мамандары.
</blockquote>
Қазіргі уақытта, карантиндік жағдайға байланысты бұл шара онлайн форматына ауыстырылды.
Осыған орай, бұл дәстүрлі науқан онлайн форматында «Антикор оратығы» &nbsp;ғимаратында ай сайын тұрақты түрде жергілікті атқарушы және орталық мемлекеттік органдардың, заң саласының танымал мамандарының қатысуымен ұйымдастырылады және шараның өтетін уақыты, қай сала өкілінің қатысуымен өткізілеті туралы хабарлама Қазақстан Республикасының Сыбайлас жемқорлыққа қарсы іс-қимыл агенттігінің Қызылорда облысы бойынша департаментінің ресми сайтында жариялануда.

Қызылордада «Халық заңгері» науқаны жалғасуда

<a href="https://kyzylorda-news.kz/">Kyzylorda-news.kz.</a> Бүгін ҚР Орталық сайлау комиссиясы 7-ші шақырылған ҚР Парламенті Мәжілісінің депутаттарын тіркеді, деп хабарлайды <a href="https://lenta.inform.kz/kz/mazhilis-deputattaryna-kualikter-men-belgiler-tapsyryldy_a3740929">ҚазАқпарат</a>.
<blockquote>
 «Заңнамаға сәйкес Парламент депутатының өкілеттігі оны Орталық сайлау комиссиясы Парламент дептутаты ретінде тіркеген сәттен басталады. Сайланған депутаттарды тіркеу үшін заңнамамен көзделген барлық негіз бар. Осыған орай күн тәртібіне 7-ші шақырылған ҚР Парламенті Мәжілісінің депутаттарын тіркеу туралы мәселе шығарылды», – деді отырысты ашқан ҚР ОСК төрағасы Берік Имашев.
</blockquote>
Осыдан кейін ҚР ОСК мүшесі Анастасия Щегорцова «Сайлау туралы» Конституциялық заңның 97-1-бабының 5-тармағына сәйкес, депутаттық мандаттарды бөлу кезектілігі саяси партияның басшы органы сайлау қорытындысы жарияланған күннен бастап 10 күннен кешіктірмей айқындайтынын айтты.
<blockquote>
 «Ақ жол», «Nur Otan» және Қазақстанның халық партиясы саяси партияларының тиісті құжаттары осы жылдың 12 және 13 қаңтарында ҚР ОСК-ге ұсынылды. Сонымен қатар сайлау заңнамасы негізінде Нұр-Сұлтан қаласының аумақтық комиссиясы ОСК-ге Қазақстан халқы Ассамблеясы сайлайтын Мәжіліс депутаттарын сайлау бойынша дауыстарды санау хаттамасын ұсынды. Конституциялық заңның 98-бабына сәйкес, ОСК сайланған Мәжіліс депутаттарын тіркейді. Сайлау туралы заңның 45-бабында ОСК сайланған Парламент депутаттарын 7 күн мерзім ішінде олардан Конституцияға және республика заңдарына сәйкес, Парламент депутаттарының мәртебесімен сай келмейтін өз міндеттерін доғару туралы жазбаша өтініштерін алғаннан кейін тіркейді деп белгіленген. Аталған өтініштер алынды. Сайлау заңнамасында ОСК әрбір депутатқа өзі белгілеген үлгідегі куәлік пен омырауға тағатын белгіні тапсыратыны көөзделген», – деді ол.
</blockquote>
Осыдан кейін ҚР Орталық сайлау комиссиясының мүшелері қаулы жобасына бірауыздан дауыс беріп, ҚР ОСК төрағасы Берік Имашев жаңа сайланған Мәжіліс депутаттарына куәлік пен омырауға тағатын белгіні тапсырды.

Мәжіліс депутаттарына куәліктер мен белгілер тапсырылды

<a href="https://kyzylorda-news.kz/">Kyzylorda-news.kz.</a> Депутаттар жылжымайтын мүлікке құқықтарды уақтылы тіркемегені үшін әкімшілік жауапкершілікті алып тастауды ұсынды, деп хабарлайды&nbsp;<a href="https://stan.kz/">Stan.kz</a>.
Бұл мәселе парламент сенатының отырысында көтеріліп, талқыға салынды.&nbsp;
Енді бұдан былай мұндай кешігу орыналғанда адамдар жазаға тартылмайды және айыппұл салынбайтын болды.
Сонымен қатар, жер учаскесіне құжаттарды ресімдеу және жылжымайтын мүлікке құқықтарды мемлекеттік тіркеу рәсімі айтарлықтай жеңілдетіледі. Осылайша, адамдарға осы мемлекеттік қызметтерді алу оңайырақ болады.
Бұл жаңашылдықтар депутаттар қабылдаған “Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы” заңда жазылған.

Қазақстанда үй мен жерді уақытылы тіркемегендерге айыппұл салынбайтын болады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 745 адам коронавирус індетінен емделіп шықты, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Өңірлер бойынша:
Нұр-Сұлтан қаласы – 39,
Алматы қаласы – 156,
Шымкент қаласы – 2,
Ақмола облысы – 22,
Ақтөбе облысы – 6,
Алматы облысы – 18,
Атырау облысы – 63,
Жамбыл облысы – 17,
Батыс Қазақстан облысы – 25,
Қарағанды облысы – 32,
Қостанай облысы – 76,
Қызылорда облысы – 1,
Маңғыстау облысы – 19,
Павлодар облысы – 235,
Солтүстік Қазақстан облысы – 26,
Түркістан облысы – 8.
Бұған дейін хабарлағанымыздай өткен бір тәулікте ел өңірлерінде коронавирустың&nbsp;<a href="https://www.inform.kz/kz/koronavirus-boyynsha-bir-tauliktegi-malimetter_a3740843">жаңадан 834 жағдайы</a>&nbsp;анықталды.
Жалпы пандемия басталғалы елде 165 311 адам коронавирус жұқтырды, оның 151 172-сі жазылды.

Қызылордада коронавирустан қанша адам жазылды?

<a href="https://kyzylorda-news.kz/">Kyzylorda-news.kz.</a> «Nur Otan» партиясы Қызылорда облыстық филиалы облыстық мәслихаттың VII шақырылымы депутаттарының тізімін жариялады.
«ҚР-ғы Сайлау туралы» ҚР-ның Конституциялық заңының 111-1 бабына, «Nur Otan партиясы» ҚБ Жарғысының 9.8. тармағына сәйкес «Nur Otan» партиясы Қызылорда облыстық филиалының Саяси кеңесі Бюросы шешімімен өңірлік сайлау комиссиясына «Nur Otan» партиясынан облыстық мәслихаттың VII шақырылымындағы депутаттарының жаңа құрамы тіркелді.
Сайлаушылардың басым дауысын иеленіп, мәслихатта көпшілік мандатты иеленіп отырған фракция мүшелері ретінде алдағы жауапты жұмыстарына сәттілік тілейміз.
<img src="https://kyzylorda-news.kz/wp-content/uploads/2021/01/138398537_1081413208937855_3133228423630828850_o.jpg" alt="" />

Қызылорда облыстық мәслихатына сайланған депутаттардың тізімі жарияланды

<a href="https://kyzylorda-news.kz/">Kyzylorda-news.kz.</a>&nbsp;Қазақстанда өткен бір тәулікте коронавирус жұқтырудың жаңадан 834 жағдайы анықталды, деп хабарлайды <a href="https://www.coronavirus2020.kz/kz">coronavirus2020.kz</a>.
13 қаңтар, сағат 23:59-дағы эпидемиологиялық жағдай бойынша, 834 адамда коронавирус індеті ПТР-тест арқылы расталған.
Өңірлер бойынша:
Алматы қаласында – 19980 (+122),
Нұр-Сұлтан қаласында -19572 (+123),
Шығыс Қазақстан облысында – 19397 (+39),
Атырау облысында – 14614 (+75),
Қарағанды облысында – 12571 (+40),
Павлодар облысында – 10098 (+70),
Батыс Қазақстан облысында – 9752 (+40),
Солтүстік Қазақстан облысында – 9350 (+59),
Қостанай облысында – 8379 (+74),
Ақмола облысында – 8017 (+59),
Алматы облысында – 7848 (+56),
Шымкент қаласында -5652 (+14),
Жамбыл облысында – 5187 (+13),
Маңғыстау облысында – 3835 (+10),
Түркістан облысында – 3816 (+16),
Ақтөбе облысында -3780 (+13),
Қызылорда облысында -3463 (+11).
Жалпы пандемия басталғалы елде&nbsp;165 311&nbsp;адам коронавирус жұқтырды.

Қызылордада өткен тәулікте 11 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Бүгін Қазақстан территориясы Салехард ауданынан келетін антициклон ықпалында болады, деп хабарлайды Қазгиромет.
Тек еліміздің батыс аумағына Қара теңіз ауданынан келетін циклон өз әсерін тигізеді, соған байланысты батыс өңірлерде жаңбыр мен қар жауады.
Сонымен қатар оңтүстік-батыста фронттардың өтуіне байланысты түнде және таңертең кей жерлерде қар жауады.
Республиканың кей жерлерінде тұман түсіп, жел күшейеді, жаяу бұрқасын көтеріледі.
Оңтүстік-шығыс пен батыста көктайғақ сақталады, оңтүстік-батыста шаңды дауыл соғады.
Батыс Қазақстан&nbsp;облысының кей жерлерінде тұман, көктайғақ, жаяу бұрқасын күтіледі, жел екпіні – 15-20 м/с.
Маңғыстау облысының&nbsp;кей жерлерінде шаңды дауыл соғады. Жел қарқыны 23-28 м/с жетеді.
Атырау облысының&nbsp;кей жерлерінде жаяу бұрқасын тұрады, жел жылдамдығы 25 м/с дейін күшейеді.
Ақтөбе облысының&nbsp;кей жерлерінде боран соғады, желдің күші – 15-20, Мұғалжар ауданында – 23-28 м/с болады.
Қызылорда, Түркістан облыстарының&nbsp;кей жерлерінде тұман түседі, жел екпіні – 15-20 м/с.
Жамбыл облысының&nbsp;кей жерлерінде тұман түседі, жел қарқыны – 15-20 м/с. Түнде және таңертең жаяу бұрқасын көтеріледі.
Алматы облысының&nbsp;кей жерлерінде түнде көктайғақ болады. Түнде және таңертең тұман түседі, күндіз жел жылдамдығы 15-20 м/с дейін күшейеді.
Шығыс Қазақстан облысының&nbsp;кей жерлерінде түнде және таңертең тұман түсіп, боран соғады.
Ақмола, Қостанай, Солтүстік Қазақстан, Павлодар облыстарының&nbsp;кей жерлерінде тұман түседі.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Өткен жылы қызылордалықтарға көрсетілген медициналық қызметтердің сапасы мен көлемі бойынша 59 мыңға жуық ақау анықталды.
Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және МӘМС пакеті бойынша Жеткізушілер көрсеткен қызметтердің сапасы мен көлеміне мониторинг жүргізуді жалғастыруда.
2020 жылы халыққа медициналық көмек көрсету кезінде 58,7 мыңдай түрлі кемшілік анықталды, медициналық ұйымдарға салынған айыппұл сомасы 446 млн теңгеден асты.
<blockquote>
 «ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай-ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 60,9 млн теңге болатын 47,6 мыңнан астам осындай ақаулар тіркелді. Сондай-ақ, амбулаториялық-емханалық көмек көрсету кезінде 4,9 мың ақау, тәулік бойы жұмыс істейтін стационарларда медициналық көмек көрсету кезінде 3,9 мың кемшіліктер және де басқа да 2,3 мыңдай ақаулар анықталды.
Жыл басынан сарапшылар нақты көрсетілмеген қызметтердің 288 – нен астам жағдайын анықтады, олар пациенттер медициналық қызметті алған болып ақпараттық жүйелерге енгізілген. Осындай жағдайлар бойынша анықталған бұзушылықтар үшін медициналық ұйымдарға 3,6 млн теңгеге айыппұл салынды.
Шағым немесе өтініш беру үшін 1406 телефонына немесе Qoldau – 24/7 мобильді қосымшасы арқылы хабарласу қажет.
<img src="https://kyzylorda-news.kz/wp-content/uploads/2021/01/algoritm-vyjavlenija-medwslwg-kaz-1.jpeg" alt="" />

МӘМС: Медициналық қызмет бойынша 59 мыңға жуық ақау анықталды

Kyzylorda-news.kz. Облыста жылу мен электр энергиясының бағасы төмендеді. Қалған коммуналдық қызметтердің бағасы өскен жоқ. Бұл туралы Өңірлік коммуникациялар қызметінің ақпараттық алаңында облыс бойынша табиғи монополияларды реттеу департаментінің басшысы Гүлмира Өтегенова баяндады.
«Қызылорда жылу электр орталығы» МКК кәсіпорны 1 шаршы метрге 96,76 теңгеден 91,37 теңгеге дейін, ал есептегіш құралдары бар тұрғындарға 1 Гкал-ға 1989,42 теңгеден 1878,44 теңгеге дейін төмендетті. Яғни тариф 5,6 арзандады. Ал «Теміржолсу-Қызыл-Орда» ЖШС сумен жабдықтау қызметіне тариф тұрғындар үшін 1 текше метрге 53,37 теңгеден 48,99 теңгеге дейін немесе 8,2 пайызға төмендетілді.
Аймақтағы 3 электр энергиясымен жабдықтаушы ұйым 1 қаңтардан бастап өз еркімен бағаларын төмендетті. Мәселен, «Энергосервис» ЕЖШС 2,2 пайызға, «Шиелі Жарығы» ЖШС 3,1 пайызға, «Дәулетэнерго» ЖШС 1,9 пайызға тарифті арзандатты.
<blockquote>
 Газды бөлшек саудада өткізу бағасы 2021 жылдың 1 қаңтарынан бастап 17 пайызға төмендетуге келісілді. Яғни, тұрғындар үшін мың текше метрге қосымша құн салығымен 20902,93 теңгеден 17351,52 теңгеге дейін төмендетілді. Алайда, «ҚазТрансГаз Аймақ» акционерлік қоғамы қабылданған шешіммен келіспей, сотқа жүгінді. Осыған орай, сот шешімі шыққанға дейін бағаның енгізу мерзімі тоқтатылды. Нақты шешім қаңтар айының аяғында белгілі болады, – деді Гүлмира Өтегенова.
</blockquote>

Қызылорда: Жылу мен электр энергиясының бағасы төмендеді

<a href="https://kyzylorda-news.kz/">Kyzylorda-news.kz</a>.&nbsp; «Қазақстан Республикасындағы сайлау туралы» Қазақстан Республикасының Конституциялық заңының 111-1 бабына, «Nur Otan партиясы» қоғамдық бірлестігі Жарғысының 9.8. тармағына сәйкес және 2021 жылдың 10 қаңтарында өткен Қазақстан Республикасы мәслихаттары депутаттарының сайлауына байланысты, «Nur Otan» партиясы Қызылорда облыстық филиалы» қоғамдық бірлестігі Саяси кеңесі Бюросы шешімімен 27 кандидаттан тұратын тізім бекітіліп, Қызылорда облыстық мәслихатының VII шақырылымының депутаттары ретінде тіркеу үшін облыстық сайлау комиссиясына жолданды.
Жалпы, облыстық мәслихаттағы «Nur Otan» партиясы депутаттық фракциясының құрамы 59,3%-ға жаңарды. Олардың орташа жасы -50, яғни 7 жылға жасарды.
Тізімдегі 19 кандидат – праймериз жеңімпаздары, 8 кандидат Саяси кеңес Бюросының квотасы бойынша бекітілген.
Партия Төрағасының облыстық мәслихаттағы жастар мен әйелдердің үлесін арттыру жөніндегі тапсырмасы нақты іске асырылды. Яғни, облыстық мәслихаттағы «Nur Otan» партиясы депутаттық фракциясының жаңа құрамының 45 %-ы әйелдер мен 35 жасқа дейінгі жастардан тұрады.
Негізінен облыстық мәслихаттағы «Nur Otan» депутаттық корпусына білім беру, денсаулық сақтау, ҮЕҰ, БАҚ, өнеркәсіп, ауыл шаруашылығы және т.б. салалардың өкілдері енді.
Депутаттық мандат иелерінің 3-уі ғана бұрынғы мемлекеттік қызметкерлер.
Естеріңізге сала кетейік, «Nur Otan» партиясы сайлау қорытындысы бойынша 27 депутаттық мандат алды. “Ақ жол” – 3 мандат, 3-і «Ауыл» Халықтық-демократиялық патриоттық партиясынан.

Қазақстан және Қызылорда облысының жаңалықтары