<a href="http://kyzylorda-news.kz./">Kyzylorda-news.kz.</a>&nbsp;Қызылорда облысының Бас мемлекеттік санитариялық дәрігерінің жаңа Қаулысы шықты.
Басты жаңалық ауылдық жерлерде жұма намазын оқуға рұқсат берілді. Бірақ адам саны 150-ден аспауы қажет. Ал басқа мешіттерде жұма намазынан басқа ұжымдық құлшылық етуге болады. Мешіттің толымдылығы 30 пайыздан аспауы тиіс. Сондай-ақ, білім беру ұйымдарындағы асхана қызметіне рұқсат берілді.
<blockquote>
 “Білім беру ұйымдарындағы контингенті 300 оқушыға дейін қалалық және ауылдық дәстүрлі форматта оқитын мектептер, 1-ден 5-ші сыныпты қоса алғанда, оқу бітіретін 9, 11 (12) сыныптардағы оқушылар, колледждер мен жоғары оқу орындарының І курс студенттері үшін қоғамдық тамақтану объектілерінің қызметіне рұқсат етілді. Басты талап – тамақтану орнында келушілер саны 30 пайыздан аспауы тиіс. Арақашықтық, бетперде талап етіледі”, – деді облыстың Бас мемлекеттік санитариялық дәрігері Динара Жаңабергенова.
</blockquote>
Қазір облыс «жасыл» аймақта. Карантин талаптары кезең-кезеңімен жеңілдетілуде. Арнайы құрылған мониторингтік топ карантин талаптарын бақылауды жалғастыра береді.

Ауыл мешіттеріне жұма намазын оқуға рұқсат берілді

<a href="http://kyzylorda-news.kz./">Kyzylorda-news.kz.</a> Балалардың лайықты білім алуы маңызды. Әсіресе инклюзивті білім алу мәселелері өзекті. Бұл ретте Қызылорда облыстық білім басқармасы облыстағы инклюзивті білім беруді дамыту мақсатында 2020-2022 жылдарға арналған Жол картасы бекітіліп, 4 млрд теңге жоспарланды.
Жол картасына сәйкес 2020 жылы 48 балабақша мен 43 мектепте арнайы инклюзивтік кабинеттер ашылды. Бұл бағытта 505 млн теңге қаржы бөлінді.
Айта кетейік, Қызылорда облысында 301 мектеп бар, оның 293-і мемлекеттік, 8-і жеке мектеп.

Қызылордада былтыр 961 білім беру ұйымдарында инклюзивті кабинеттер ашылды

<a href="http://kyzylorda-news.kz./">Kyzylorda-news.kz.</a>&nbsp;Бірнеше облыста ауа райына байланысты дауылды ескерту жарияланды, деп хабарлайды «Қазгидромет».
Түркістан облысының тауларында қатты жауын-шашын (жаңбыр, қар) күтіледі. Кей жерлерде тұман, көктайғақ болады. Шымкентте кей уақытта тұман болады.
Атырау облысының кей жерлерінде тұман, көктайғақ, жел күтіледі. Атырау қаласында түнде және таңертең оңтүстік-шығыстан екпіні 15-18 м/с жел болады.
Батыс Қазақстан облысының кей жерлерінде тұман, бұрқасын, көктайғақ күтіледі. Оңтүстік-шығыстан, шығыстан жел соғады, күші күндіз кей жерлерде – 15-20 м/с.
Ақмола облысының кей жерлерінде жаяу бұрқасын болады. Солтүстік-батыстан, батыстан жел соғады, күші кей жерлерде – 15-20 м/с.
Маңғыстау облысының кей жерлерінде көктайғақ, тұман күтіледі. Ақтау қаласында 10 ақпанда түнде көктайғақ болады.
Қарағанды облысының кей жерлерінде жаяу бұрқасын, тұман болады. Жел оңтүстік-батыстан, батыстан соғады, кей жерлерінде күші – 15-20 м/с.
Солтүстік Қазақстан облысының кей жерлерінде жаяу бұрқасын болады.
Батыстан жел соғады, кей жерлерде күші – 15-20 м/с. Петропавл қаласында батыстан жел соғады, екпіні – 15-20 м/с.
Қызылорда облысының кей жерлерінде көктайғақ, 9-11 ақпанда кей жерлерде тұман күтіледі. Қызылорда қаласында 9-11 ақпанда тұман түседі.

Ауа райына байланысты ескерту жарияланды

<a href="http://kyzylorda-news.kz./">Kyzylorda-news.kz.</a> Қазақ эстрада жұлдызы Мейрамбек Беспаевтың дерттен тез айығуын тілеген Ақсуат ауылдық округінің тұрғыны, әжей Сәбира Әбілдаева бір күннің ішінде әлеуметтік желінің жұлдызына айналған болатын.
Желіде желдей ескен бейнежазбада әжей «Мейрамбек, тәуір болып кет, жаным. Қазақтың атын шығара бер. Жақсы болып шық, айналайын» деп ақ тілегін жеткізді.
Бұл бейнежазба әп-сәтте әншінің өзіне де жетіп, Мейрамбек Беспаев қызылордалық әжейге іздеу салған болатын. Бір күннен соң әнші мен әжей тікелей бейнебаланысқа шығып, сөйлесті.
<blockquote>
 «Мейрамбек баламды «Бозторғай» әнін шырқағаннан бастап жақсы көремін. Ауырып қалды деп естіген соң, қазақтың біртуар азаматы еді, неге сырқаттанып қалды екен деп уайымдадым. Сол уақыттан бастап дастархан басында немерелерімнен Мейрамбек сауықты ма? Хабар бар ма? Ауруханадан шығып па? деп сұрай бастадым», – дейді Сәбира Әбілдаева.
</blockquote>
Әнші сырбойылық әжейге арнайы сый да жіберген. Алматыдан жеткен сыйды ауыл әкімі Мәмбетәлі Ақмырзаев арнайы табыстады.
Әжейдің желіде жұлдыз болуына оның немересі себеп болған.
<blockquote>
 «Видеоны әнші ауырып қалды деген кезде түсірген болатынбыз. Бейнежазбаны желіге салу туралы ойланып жүріп, ең алдымен әжемнен сұрадым, ол егер Мейрамбек Беспаев көретін болса сал ғой деді. Әйтпесе, мен де видеоны желіге жүктеуге ұялдым. Өзгелерде қарт әжесімен ойнап отыр ма деген ой бола ма деген ой болды. Сонан соң достарыма репост жасатып едім, бір күннің ішінде әнші өз парақшасына салып қойыпты», – дейді әжейдің немересі Алмас Иманғали.
</blockquote>
Желіде жұлдыз болған қызылордалық әжей қазіргі таңда қыз бен ұлдан тараған 8 немере сүйіп отыр.

Мейрамбек Беспаевтың денсаулығына алаңдаған қызылордалық әжей желі жұлдызына айналды (ВИДЕО)

<a href="http://kyzylorda-news.kz./">Kyzylorda-news.kz.</a> Қызылордада қоғамдық көлік мәселесін реттеу мақсатында 85 автобус алуға өтінім берілді.
Өткен жылы оның 13 данасы келді. Қалғаны биыл әкелінеді. Қалада 32 бағытқа қатынайтын 585 қоғамдық көлік бар. Оның 135-і автобус паркіне тиесілі болса, ал қалған 450-і жеке.
<blockquote>
 “Былтыр алынған 13 автобус Семей қаласында құрастырылған. Оның барлығы қазір №1 бағытта қызмет көрсетуде. Жоспарымыз бойынша қалған қоғамдық көліктерді де отандық өнім болмақ. Осылайша біз қоғамдық көлік мәселесін ретке келтіретін боламыз”, – деді «Қызылорда автобус паркі» ЖШС директорының орынбасары Қанат Рахметов.
</blockquote>
Жалпы облыста 4 автовокзал және 8 автостанса қызмет көрсетеді. Облыс аумағында 212 елді мекенді аудан және облыс орталығымен байланыстыратын 204 автобус бар. Бұған қоса, 13 облысқа автобус қатынайды.
<blockquote>
 “Бүгінде автовокзалдарда, автобустардың салондарында рейс алдындағы дезинфекциялық жұмыстар тұрақты түрде жүргізілуде. Ең бірінші жолаушылардың денсаулығы басты назарда. Тұрақты түрде дене қызуы тексеріліп, сақтық шаралары бақылауда”, – деді облыстық жолаушылар көлігі және автомобиль жолдары басқармасы басшысының орынбасары Дамир Тілеуов.
</blockquote>
Айта кетейік, үстіміздегі жылдың 17 наурызынан бастап Ақтау қаласына «Флай Арыстан» компаниясы арқылы әуе кемесі қатынайтын болады.
<img src="https://kyzylorda-news.kz/wp-content/uploads/2021/02/148153385_1227233877672122_1854887928603175082_o.jpg" alt="" />

Қызылордаға 72 жаңа автобус әкелінеді

<a href="http://kyzylorda-news.kz./">Kyzylorda-news.kz.</a>&nbsp;Қызылордалық емші бала Ерболсын Серікбай бойдақтықпен қоштасып, ақ құсын қолына қондырды.
Ерболсын Серікбай шаңырақ көтерді. Емші бала бұған дейін де үйленетінін бірнеше рет айтқан еді.&nbsp;
<blockquote>
 “Бәріне сәлем. Ең алдымен Аллаға шүкір етем. Маған жарық дүниені көрсеткені үшін тәубе деймін. Маған бар жақсыны берген, тәрбиелеген ата-анама алғыс айтам. Менің үлкен өмірге жасаған алғашқы қадамым. Осы таңдауды жасауға қолдау көрсеткен барша туысыма, жақындарыма рахмет. Мадикош, Алла біздің өмірлік жолымызды ұзағынан қылсын. Әмин”, – деп жазды Ерболсын парақшасында.
</blockquote>
Емші бала қалыңдығымен бірге түскен суретін жарялады.&nbsp;
Көпшілік ақ батасын айтып, құтты болсын десті.&nbsp;
<blockquote>
 “Көтеріп жатқан шаңырақтарың биік, босағаларың берік болсын! Махаббаттарың баянды да, тәтті болсын! Өмірлері күндей, көңілдерің гүлдей, армандарың асқар таудай болсын”, “Шаңырақтарын құтты болсын”, “Бақытты&nbsp;болыңдар, бақтарың ашылсын”, “Өмірлерің ұзақ, бақыт сәттерің көп, бала-шағаларың көп болсын, “Өмірлік қадамың құтты болсын”, – деп жазды көпшілік.&nbsp;
</blockquote>
<img src="https://kyzylorda-news.kz/wp-content/uploads/2021/02/news_full161284089839e4bd9007cf9cda25c6f6cf0af90e15.jpg" alt="" />
<a href="https://stan.kz/kizilordalik-emshi-bala-erbolsin-uylendi-342970/">Stan.kz</a>

Аралдан шыққан емші бала үйленді

<a href="http://kyzylorda-news.kz./">Kyzylorda-news.kz.</a> Қызылорда қаласында кәмелетке толмағандармен жасалатын қылмыстардың алдын алу мақсатында профилактикалық іс-шаралар жалғасуда.
Шара барысында, ағымдағы жылдың 6 ақпанында түнгі мезгілде заңды өкілінсіз жүрген кәмелетке толмаған 16 жасөспірім анықталды. Олардың заңды өкілдеріне Қазақстан Республикасының Әкімшілік құқық бұзушылық туралы кодексінің 442 бабы 1 бөлігімен «Кәмелетке толмағандардың түнгі уақытта заңды өкілдерінің еріп жүруінсіз сағат 22-ден таңғы 6-ға дейін ойын-сауық мекемелерінде болуы» – 1 заңды өкіл; 442 бабы 2 бөлігімен «Кәмелетке толмағандардың заңды өкілдерінің еріп жүруінсіз тұрғынжайдан тыс жерде сағат 23-тен таңғы 6-ға дейін болуы» – 15 заңды өкіл әкімшілік жауапкершілікке тартылды.&nbsp;&nbsp;&nbsp;&nbsp;&nbsp; &nbsp;&nbsp;&nbsp;&nbsp;&nbsp;&nbsp;&nbsp;&nbsp;
Сонымен қатар, кәмелетке толмаған жасөспірімге спирттік өнімін сатқаны үшін Қызылорда қаласы орналасқан дүкендердің біріне, ҚР ӘҚБтК 200 бабы 1 бөлігімен «Қазақстан Республикасы заңнамасының алкоголь өнімін өткізу жөніндегі талаптарын бұзу» әкімшілік хаттама рәсімделсе, Қызылорда қаласында орналасқан компьютер клуб меңгерушісіне ҚР ӘҚБтК 132 бабымен «Кәмелетке толмағандардың түнгi уақытта ойын-сауық мекемелерiнде болуына» жол бергені үшін әкімшілік хаттама рәсімделіп, мамандандырылған әкімшілік сотына жолдануда.
Құрметті ата – аналар! Кәмелетке толмаған жасөспірімдердің түнгі уақытта тұрғынжайдан тыс жерде жүруіне жол бермеулеріңізді сұраймыз.

Қызылордада түнде жүрген жасөспірімдердің ата-аналары жауапкершілікке тартылды

<a href="http://kyzylorda-news.kz./">Kyzylorda-news.kz.</a> Қазіргі уақытта Қызылорда облысы бойынша халықтың шамамен 20 пайызы әлі де болса сақтандыру мәртебесіне ие болмай, МӘМС шеңберінде медициналық қызметтерді ала алмай қалу қаупі төнуде.
Аталған адамдардың басым көпшілігі – өзін-өзі жұмыспен қамтитын азаматтар және жұмыспен қамту орталығында тіркелмеген жұмыссыздар. Бұл санаттағы азаматтар МӘМС шеңберінде медициналық көмек алу құқығына ие болу үшін, Қазақстан Республикасының 16.11.2015 жылғы №405 санды “Міндетті әлеуметтік медициналық сақтандыру туралы” Заңының (әрі қарай- Заң) 5-бабының 3-бөліміне сәйкес соңғы 12 айға жарналар төлеуге міндетті, – Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
Мысалы, егер ағымдағы жылдың ақпан айында азамат МӘМС шеңберінде медициналық көмек алу үшін медициналық ұйымға жүгінсе, онда 2020 жылдың ақпан айынан бастап 2021 жылдың қаңтарына дейін МӘМС-ға жарналарды дербес төлеуші ретінде төлеуге тиіс. (1 ЕТЖ 5% – 2125 тг ай сайын)
Осы санаттағы азаматтардың тағы басқа төленім, яғни бірыңғай жиынтық төлемді (әрі қарай- БЖТ) төлеп, МӘМС жүйесінде сақтандыру мәртебесіне ие болу мүмкіндігі бар.
Атап айтқанда, Заңның 5-бабының 3-1-бөлімінің талабына сәйкес,&nbsp; бірыңғай жиынтық төлемді төлеушілер медициналық көмек алған күннің алдында кемінде үш ай қатарынан жарналар төлеген жағдайда, сақтандыру мәртебесіне ие бола алады. БЖТ-нің көлемі – қалалық өңірлердің тұрғындары үшін- 1 АЕК (2917 теңге), ал аудандық өңірлер үшін – 0,5 АЕК (1458,5 теңге) құрайды.
Мысалы, егер азамат 2020 жылдың 2020 жылдың ешқандай айларына төленім жүргізбесе, бірақ БЖТ-ді үш айға (2021 жылғы қаңтар, ақпан, наурыз) төлесе, ол 2021 жылғы наурыз айының соңына дейін сақтандыру мәртебесіне ие болып, МӘМС шеңберіндегі медициналық қызметтерге қол жеткізе алады. Келесі айларда МӘМС жарналарын дербес төлеуші немесе БЖТ төлеуші ретінде ай сайын төлеу қажет.
<img src="https://kyzylorda-news.kz/wp-content/uploads/2021/02/shema-oplaty-osms_kaz-1-1.png" alt="" />
<img src="https://kyzylorda-news.kz/wp-content/uploads/2021/02/razmer-platezha-kaz.jpg" alt="" />
<img src="https://kyzylorda-news.kz/wp-content/uploads/2021/02/razmer-platezha-kaz-.jpg" alt="" />
<img src="https://kyzylorda-news.kz/wp-content/uploads/2021/02/razmery-platezhej-osms_kaz.png" alt="" />
<img src="https://kyzylorda-news.kz/wp-content/uploads/2021/02/kak-stat-zastrahovannym-esp_kaz_rwss-1.png" alt="" />
<img src="https://kyzylorda-news.kz/wp-content/uploads/2021/02/gobmp-i-osms-kaz-1.png" alt="" />

МӘМС жүйесінде «сақтандырылған» мәртебесін қалай алуға болады?

<a href="http://kyzylorda-news.kz./">Kyzylorda-news.kz.</a>&nbsp;Қызылорда облысының кәсіпкерлер палатасы 10 ақпаннан бастап «Алтын сапа» сыйлығын алуға арналған байқауға өтінімдерді қабылдау басталғандығын хабарлайды.
Қазақстан Республикасы Президентінің «Алтын сапа» сыйлығы ұйымның өнім және/немесе қызметтер сапасы саласында айтарлықтай нәтижелерге қол жеткізгені, олардың қауіпсіздігін қамтамасыз еткені үшін, сондай-ақ ұйымның сапаны басқарудағы тиімділігі, жоғары әдістерін енгізгені үшін конкурстық негізде ұсынылады.
Конкурсқа Қазақстан Республикасының аумағында тауарлар өндірумен, қызметтер көрсетумен (қару-жарақ пен әскери техника өндіруді қоспағанда) айналысатын жеке кәсіпкерлер мен заңды тұлғалар қатыса алады.
Байқауға мемлекеттің қатысу үлесі 50%-дан асатын ұйымдар, сондай-ақ белгіленген тәртіп бойынша оңалту және банкроттық рәсімдерін жүзеге асыру туралы шешімдер қабылданған ұйымдар қатыса алмайды.
Сыйлық үш санатта (шағын, орта және ірі кәсіпкерлік субъектісі) және келесі номинациялар бойынша беріледі:
1) «Өндiрiстiк мақсаттағы үздiк кәсiпорын»;
2) «Халық тұтынатын тауарларды шығаратын үздiк кәсiпорын»;
3) «Қызметтер көрсететiн үздiк кәсiпорын»;
4) «Азық-түлік тауарларын және/немесе ауыл шаруашылығы өнімдерін шығаратын үздік кәсіпорын».
Конкурста «Үздік индустриялық жоба», «Үздік инновациялық жоба» арнайы сыйлықтары тағайындалады.
Байқауға қатысушылар алдыңғы 3 жыл ішінде шығарылған өнімнің немесе көрсетілетін қызметтердің жоғары сапасын көрсетуі тиіс.
Байқау 4 кезеңде өткізіледі және келесі маңызы санаттардан тұрады.
Өтінімдерді 2020 жылдың 1 шілдесіне дейінгі мерзімде электронды түрде <a href="http://www.altynsapa.kz">www.altynsapa.kz</a> сайтында немесе Өңірлік кәсіпкерлер палатасына тапсыру қажет. Ағымдағы жылдың 1 шілдесінен бастап өтінімдерді қабылдау жабылады!
Конкурсқа қатысуға ниет білдірген заңды тұлға немесе жеке кәсіпкер материалдарды Қазақстан Республикасы Үкіметінің 2009 жылғы 31 шілдедегі №1167 қаулысымен бекітілген Қазақстан Республикасы Президентінің «Алтын сапа» сыйлығын алуға арналған конкурсқа қатысушылардың материалдарын ресімдеу, ұсыну және алдын ала бағалау ережесіне» сәйкес орналасқан жері бойынша ӨКП-ге 1 шілдеге дейінгі мерзімде ресімдеп, тапсыруы тиіс.
2. ҰКП сараптамалық тобының алдын ала бағалау жүргізуі және 40 финалисті анықтауы (тамыз-қыркүйек).
3. Сараптамалық топ кәсіпорындарға барып, байқаудың финалистерін бағалайды.
4. Қазақстан Республикасы Президентінің «Алтын сапа» сыйлығының лауреаты атағын және «Қазақстанның үздік тауары» республикалық көрме-конкурсының дипломанты атағын беру жөніндегі Комиссияның отырысы (қараша).
Сыйлық лауреаттарына тиісті диплом, конкурс эмблемасы және 450 айлық есептік көрсеткіш ақшалай сыйақы беріледі. Лауреаттар төрт жыл бойы «Алтын сапа» конкурсының эмблемасын жарнамалық мақсатта пайдалану құқығына ие болады.

«Алтын сапа» сыйлығына құжат қабылдау басталады

<a href="http://kyzylorda-news.kz./">Kyzylorda-news.kz.</a>&nbsp;Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов тұрғындардың МӘМС туралы өзекті сұрақтарына жауап берді.
– Жұмыс істемейтін жүкті әйел МӘМС жүйесінде жарналарды төлеуі тиіс жағдайлар бар ма?
– Жеңілдік мәртебесі – «жұмыс істемейтін жүкті әйел» – егер алдыңғы екі айда төлемдер болмаса, ол жүктілік бойынша есепке алынған және оның деректері «жүкті әйелдер мен фертильдік жастағы әйелдер тіркелімі» ақпараттық жүйесінде болса, автоматты түрде беріледі.
– Науқас Қызылордада тұрады, бірақ Алматы қаласында тіркелген. Covid-19 анықталды. Бұл жағдайда қайда бару керек?
– Жұқпалы (паразиттік немесе вирустық) аурумен ауыратын науқастарға немесе осындай ауруларға күдікті пациенттерге медициналық көмек тіркелген жеріне қарамастан көрсетіледі. Бұл жағдайда диагностиканы қоса, қажетті медициналық көмек көрсету үшін пациенттің тұратын аумағы бойынша емханаға жүгіну қажет.
– Қандай жағдайларда пациенттер тіркелген (тұратын) жері бойынша емес медициналық көмекке құқылы?
– Пациенттердің тұрғылықты және тіркелген жерінен тыс жерде медициналық көмек алуы мынадай жағдайларда мүмкін болады:
1. Төтенше жағдай ( өмірге және денсаулыққа қауіп төндіреді) – жедел медициналық көмек шақыру немесе жақын аурухананың қабылдау бөліміне (травматологиялық пункт) хабарласу керек
2. Шұғыл жағдай (өмірге қауіп төндірмейді, мысалы, созылмалы аурудың өршуі) – жақын маңдағы емханаға жүгіну керек
3. Жоспарлы медициналық көмек – емхананың жолдамасы бойынша емдеуге жатқызу бюросы порталы арқылы көрсетілетін болады. МӘМС-да жоспарлы көмекті тұрғылықты жеріне және тіркелуіне қарамастан алуға болады.
МӘМС бойынша ақпарат қажет пе?
Егер сіз сапасыз медициналық көмекке тап болсаңыз әлеуметтік сақтандыру қорының аймақтық филиалдарына жүгінуіңізге болады.
Филиалдардың мекен-жайлары, байланыс телефондары және электрондық пошталары төмендегі кестеде жарияланған.
<img src="https://kyzylorda-news.kz/wp-content/uploads/2021/02/kontakty-filialov-kaz.jpg" alt="" />

МӘМС-ке сұрағыңыз бар ма?

<a href="http://kyzylorda-news.kz./">Kyzylorda-news.kz.</a> Өңірде өткен жылы 67 мыңнан астам адам стоматолог көмегіне жүгінген. Яғни, МӘМС жүйесі арқылы тегін көмек алған. Статистикаға сүйенсек пломба салдыру 15 пайызға артса, тіс жұлдыру 25-тен 18 пайызға төмендеген.
<blockquote>
 “Негізінде аймақта стоматологиялық орталықтар жекеменшік. Алайда тұрғындарға көмек көрсету мақсатында 2014 жылы облыстық стоматологиялық емхана ашылды. 18 жасқа толмаған балаларға, жүкті әйелдерге, мүгедектерге, зейнеткерлерге, көпбалалы аналарға көмек көрсетеді. МӘМС жүйесі арқылы пломба салу мен тіс жұлдыру тегін. Мәселен өткен жылы амбулаториялық оталар 1,5 пайызға , физиотерапиялық қызмет 65 пайызға өсті”, – деді облыстық денсаулық басқармасының штаттан тыс бас стоматологы Қонақбай Мүсілімов.
</blockquote>
МӘМС жүйесі арқылы 18 жасқа толмаған 32 мыңнан астам балаға стоматологиялық көмек көрсетілген.

Қызылордада 67 мыңнан астам тұрғынға тегін стомотологиялық көмек көрсетілді

<a href="http://kyzylorda-news.kz./">Kyzylorda-news.kz.</a> Қазалы ауданының әкімі Мұрат Ергешбаев аудан орталығын аралап, жасыл белдеулердің қазіргі жағдайымен танысты.
Алдымен аудан басшысы «Батыс Еуропа – Батыс Қытай» халықаралық автожолының Әйтеке би кентінің тұсына егілген жасыл белдеуге ат басын бұрып, қазіргі жағдайын көзбен көрді.
<blockquote>
 “Жасыл белдеудің бұл бетіндегі (Қарақұм беткейінде орналасқан тұсы) ағаштардың шығымы жақсы. Қазіргі таңда мұнда егілген сыр талының 90 пайыздан астамы шығып тұр. Бізге тек қиындық тудырып тұрғаны мына тұстағы (аудан орталығы жағын көрсетіп) ағаштардың жайы болатын. Енді «Ақкиіз» каналының арнасы тазаланғаннан кейін аяқ судан мәселе туындамау керек, – деді Қазалы орман және жануарлар дүниесін қорғау мекемесінің бөлім басшысы Бурабай Оразғалиев.
</blockquote>
Сала маманын мұқият тыңдаған аудан басшысы жасыл белдеудегі жұмыстарды одан әрі жандандырып, жасыл желектің жайқалып кетуіне көп көңіл бөлуді тапсырды.
Мұнан соң Әйтеке би кентіне кіре беріс жолдың қос қапталында орналасқан жасыл белдеу маңында атқарылған жұмыстармен танысты. Мұнда да халықаралық автожолдың бойындағы жағдайға ұқсас. Жолдың бір жағына егілген көшеттердің шығымы жақсы болса, екінші бетіндегі жағдай мүлде бөлек. Оның жайын сала маманы былайша түсіндірді.
<blockquote>
 “Бұл жерге егілген талдардың дұрыс шықпауының себебі біреу ғана. Ол көшеттерді суарған судың ешқайда ағып кетпеуі. Басқалай себеп көріп тұрғаным жоқ”, – деді Бурабай Оразғалиев.
</blockquote>
Бұл мәселені шешу үшін аудан басшысы Мұрат Ергешбаев кент әкімі Қайрақбай Орынбасаровқа кешенді жоспар дайындауды тапсырды.
“Әйтеке би кентіндегі жасыл желектерді суару үшін кешенді жоспар дайындау қажет. Оның ішінде әрбір мәселеге аса қатты мән берілу керек. Жобаны жасағанда осы арадағы жасыл белдеудің суы ағып кететін арық қазуды да енгізуді ұмытпа”, – деді аудан әкімі.
Осы орайда Әйтеке би кентінің әкімі Қайрақбай Орынбасаров өзінің жоспарларымен де бөлісті. Кент әкімі аудан орталығындағы жасыл желектің санын көбейту мақсатында тағы бір жасыл белдеу ашуға жоба дайындаған. Бұл жасыл белдеу Әйтеке би кентінің «Мектепбай» учаскесі жағында орналасады. Аумағы 5,6 гектар. Жоба құны да қомақты. Оның ішінде жерді дайындау жұмыстарынан бастап талдарды күтіп ұстау шығындары да қарастырылған екен.
Аудан басшысы бұл жобаны қолдап, Қызылорда облысының табиғи ресурстар және табиғат пайдалануды реттеу басқармасына ұсыныс беруді тапсырды.
<img src="https://kyzylorda-news.kz/wp-content/uploads/2021/02/dsc_6588-scaled.jpg" alt="" />
<img src="https://kyzylorda-news.kz/wp-content/uploads/2021/02/dsc_6480-scaled.jpg" alt="" />
<img src="https://kyzylorda-news.kz/wp-content/uploads/2021/02/dsc_6527-scaled.jpg" alt="" />

Қазақстан және Қызылорда облысының жаңалықтары