Қасым-Жомарт Тоқаевтың Қазақстан халқына Жолдауының толық мәтіні

<a href="https://kyzylorda-news.kz/">Kyzylorda-news.kz</a>. Қызылорда облысы коронавирус инфекциясының эпидемиологиялық жағдайын бағалау матрицасы бойынша «қызыл» аймақта. Дегенмен соңғы күндері салыстырмалы түрде шілде, тамыз айларындағыдай 200-ден аса дерек емес, 100-ден төмен коронавирус жұқтырудың жаңа жағдайлары тіркелуде. Мәселен, алдыңғы күні 65, кеше 76 жағдай тіркелген. Бұл туралы бүгін Өңірлік коммуникациялар қызметінде өткен брифингте облыстық санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.
<blockquote>
 «Облыста 2020 жылдың наурыз айынан бүгінгі күнге дейін коронавирус инфекциясының 15 868 жағдайы тіркелді. Ауруға шалдыққандардың 79 пайызы клиникалық белгілерімен, 21 пайызы ауру тасымалдаушы ретінде клиникалық белгілерінсіз тіркелген. Өткен жылы керісінше аурудың симптомсыз түрі көп тіркелген болса, биылғы мутацияланған жаңа штамдардың әсерінен құрғақ жөтел, дене қызуының көтерілуі, әлсіздік сияқты клиникалық белгілерімен анықталып жатқан деректер көп. Бұл ерекшеліктер «Дельта» штамының вируленттік және жұқпалылық қасиеттерінің жоғары және жылдам екенін тәжірибеде көрсетіп отыр», – деді Әлия Мүтәліпқызы.
</blockquote>
Былтырғы жылы барлығы 3 392 COVID-19 жұқтыру жағдайлары анықталған болса, биыл бұл көрсеткіш бірнеше есеге өсіп, 12 476 деректі құрап отыр. Сәйкесінше ең жоғары көрсеткіш осы жылдың тамыз айында тіркелді – 5 333 жағдай. Сондай-ақ, анықталған жағдайлардың 1,4 пайызы сырттан тасымалданған болса, 35,1 пайызы қарым-қатынас арқылы жұқтырған, ал 63,5 пайызы скринингтік тексеру нәтижесінде анықталды. Дегенмен, коронавирус инфекциясы облыстың барлық аудандарында тіркелуде. Әсіресе Қызылорда қаласы, Жаңақорған және Сырдария аудандарында жағдай күрделі.
Сонымен қатар, қазіргі уақытта облыстың барлық өңірлерінде вакцинаның 1 және 2 турына қор жеткілікті. КВИ-ға қарсы егілгендердің арасында вирус жұқтырғандар бар, дегенмен олардың үлесі 0,3 пайызды ғана құрайды. Бұл жағдай вакцинадан кейін сақтық шараларын орындамаудың, санитариялық талаптарға бей-жай қараудың салдары деп болжанады. ҚР Бас мемлекеттік санитариялық дәрігерінің Қаулысына сәйкес белгіленген контингенттер 1 қыркүйекке дейін коронавирус инфекциясына қарсы егілуі қажет. Бұл бағыттағы тексеру жұмыстарын жүргізу тәртібін және жауапкершілік белгілейтін арнайы Алгоритм қазіргі таңда әзірлену барысында.

Covid-19: Қызылорда облысы әлі де «қызыл» аймақта

<a href="https://kyzylorda-news.kz/">Kyzylorda-news.kz</a>. Жаңа оқу жылында Арал ауданының Сексеуіл кентінде 300 орындық мектеп салтанатты түрде ашылды.
Білім ошағы Президент тапсырмасы негізінде салынып, ел игілігіне берілді. Екі қабаттан тұратын мектеп халықаралық стандарт бойынша тұрғызылған. Нысанда 20 сынып кешені, спорт зал, мәжіліс залы, кітапхана, асхана және автотұраққа дейін қамтылған. Оқу жылында 442 оқушы білім алады. Оның 40-ы мектеп табалдырығын алғаш аттады. Білім ордасындағы ұстаздардың 100 пайызы коронавирустық инфекцияға қарсы екпенің толық салған. Сонымен қатар, білім ошағында санитарлық-дезинфекциялық шаралар қатаң сақталған.
Айта кетейік, Сексеуіл кентінде 15 мыңға жуық тұрғын бар. Кент орталығы үстінен темір жол торабы өтеді. Мұндағы 3 мектептің барлығы темір жолдың бір жақ бетінде орналасқандықтан арғы бетте тұратын оқушылар шойын жолды кесіп өтуге мәжбүр болды. Енді жаңа мектеп бұл қиындықтарды артта қалдырды. Осылайша, Сексеуіл кентіндегі 4 білім ошағы орын тапшылығын толық жойды. Бүгіннен бастап өңірдегі оқушылар оқуды дәстүрлі форматта бастады.
Ұстаздар мен ата-аналар мектепке “Ашық” қосымшасы арқылы кіреді. Ал, оқушылар 5 сатылы дезинфекциялық тексерістен өтіп барып, мектепке кіре алады. Қарым-қатынасты шектеу үшін “1 сынып-1 кабинет” қағидасы енгізілген. Яғни оқушылардың қоңырауда топтасып қалуына жол берілмейді. Еске салайық, биыл Сыр елінде 6 жаңа мектеп пайдалануға беріледі. Оның 3-уі 1-қыркүйекте берілсе, қалған 3-уі жыл аяғында табысталады.
<img src="https://kyzylorda-news.kz/wp-content/uploads/2021/09/241110125_3667790706657305_5002506559211015599_n.jpg" alt="" />

Арал: Сексеуіл кентінде 300 орындық мектеп ашылды

<a href="https://kyzylorda-news.kz/">Kyzylorda-news.kz</a>.&nbsp;Бүгінгі Президентіміз Қасым-Жомарт Тоқаевтың Жолдауында айтылғандай «Бірлігіміз әр алуандықта. Бұл қағидамыз ешқашан өзгермейді. Пікір алуандығын қолдай отырып, біз радикализмнің кез келген түріне жол бермейміз. Қоғамдағы бірлік пен келісімді көзіміздің қарашығындай сақтауымыз қажет», – деді.
Менің ата-әжем де тағдыр тәлкегімен Қазақстан жеріне еріксіз қоныс аударғандар. Қиын қыстау заманда қазақ халқы оларға және басына ауыртпалық түскен көптеген ұлт өкілдеріне пана бола білді. Онсыз да күнін әрең көріп отырған қазақ отбасылары оларды үйіне кіргізіп, қамқорлық танытты, бір үзім нанмен бөлісті.&nbsp;Ата-әжем сын сағатта қамқор болған, кеңпейілдік танытқан, аялы алақанына салған қазақ халқына үнемі алғыстарын айтып өтті.
«Өткенін ұмытқанның болашағы бұлыңғыр», – дейді қазақтар. Сол қиын күндерді ұмытпайық, бүгінгі күнге шүкіршілік айтайық. Құтты мекен Қазақстанымызды көздің қарашығындай сақтайық, баянды етейік!
Ханум Арифова Ханум,
Қызылорда облыстық ҚХА
«Жаңғыру жолы» ЖҚ белсендісі

Ханум Арифова: Елімізді көздің қарашығындай сақтайық

<a href="https://kyzylorda-news.kz/">Kyzylorda-news.kz</a>.&nbsp;2022 жылы Қазақстанда ең төменгі жалақы 42500 теңгеден 60 мың теңгеге өседі. Бұл туралы ҚР Президенті Қасым-Жомарт Тоқаев Қазақстан халқына Жолдауы кезінде айтты.
<blockquote>
 «Елімізде ең аз жалақы көлемі 2018 жылдан көтерілген жоқ. Әлемдік коронадағдарыс қазақстандықтардың табысына салдарын тигізді. Оның үстіне ең төменді жалақы көлемі бойынша Қазақстан ТМД-ның біраз елдерінен артта келеді. Осы орайда 2022 жылғы 1 қаңтардан бастап ең төменгі жалақы көлемін 42 500 теңгеден 60 мың теңгеге өсіру туралы шешім қабылдаймын. Аталған бастама 1 млн-нан астам қазақстандықты қамтиды. Бұл өз кезегінде көлеңкелі жалақы мәселесін жойып, ел экономикасына оңтайлы әсерін тигізеді. Және сарапшылардың пікірінше бұл ЖІӨ-ді 1,5 есе артуына ықпал етеді», – деді Мемлекет басшысы.
</blockquote>

2022 жылдың қаңтарынан бастап ең төменгі жалақы көбейеді

<a href="https://kyzylorda-news.kz/">Kyzylorda-news.kz</a>.&nbsp;Қызылорда облысының әкімі Гүлшара Әбдіқалықова қызылордалықтарды 1 қыркүйек – Білім күнімен құттықтады
Қымбатты жерлестер!
Баршаңызды Білім күнімен шын жүректен құттықтаймын! Бүгін республикамыздың барлық білім беру мекемелерінде алғашқы қоңырау соғылуда.
Биыл – ел Тәуелсіздігінің30 жылдық мерейлі мерекесі.Жаңа оқу жылының бірінші күні мерекелік іс-шаралар тәуелсіздігіміздің 30 жылдығына арналады. Бұл жас өркеннің егемен елінің, туған жерінің ұлттық, рухани құндылықтарын бойына сіңіріп, отаншыл, патриот ұрпақ тәрбиеленуіне үлкен үлес қосары сөзсіз.
Сонымен бірге, осы жылы алғаш рет мектеп партасына отыратын бүлдіршіндерімізге «Әліппе» оқулығы салтанатты түрде табысталады.
Бір жарым жылдай уақыт пандемия індеті салдарынан ұстазы мен шәкірті бір-бірімен қашықта байланысып, мектеп парталары бос қалып, өмірімізге біраз өзгеріс енгені белгілі. Бұл жағдай білім саласының жаңа бағытқа қарай қалыптасуына әсер етті. Соған қарамастан оқушыларымыз халықаралық, республикалық білім жарыстарында жүлделі орындарды иеленді. Дегенмен, мұғалім мен оқушының жүзбе-жүз қарым-қатынасына, сыныптас достардың бір-бірімен байланыста болуына ештеңе жетпейді.
Енді, міне 2021-2022 жаңа оқу жылында оқушылардың бірі мектеп табалдырығын алғаш аттап жатса, бірі өз партасымен, сыныптастарымен, ұстаздарымен сағына қауышуда.
Өңірде бірінші сыныпқа 18 мыңдай бала барып, барлығы 177 196 бала білім алады. Бәріміз бірігіп, балаларымыздың үздіксіз білім алуын қамтамасыз етуіміз қажет.
Білім мекемелерінде сабақ санитарлық қауіпсіздік шараларын қатаң сақтай отырып өткізілуі тиіс. Педагогтардың және техникалық қызметкерлердің 100 пайыз вакциналануы (медициналық қарсы көтерсетілімдері бар адамдардан басқасы), «ASHYQ» қосымшасын қолдану да маңызды. Балаларымыздың денсаулығы үшін осы айтылғандарға мән беріп қарайық!
Барша ұстаздар мен оқушыларды, ата-аналар қауымын дәстүрлі оқу жылымен құттықтай отырып, жаңа табыстарға жете беріңіздер деп тілеймін!
Дана халқымыз «Оқу – білім азығы, білім – ырыс қазығы» демей ме. Білім – баға жетпес рухани байлық, ғылым-ілімнің іргетасы, мемлекет дамуының алтын арқауы. Әлемді байлықпен, басқамен таң қалдыра алмайсың. Бәрінен оздыратын алғыр зейін мен байыпты білім ғана. Сондықтан, білім мен ғылым заманында алар асуларыңыз бен бағындырар биіктеріңіз көп болсын!
Алғаш мектеп табалдырығын аттаған бүлдіршіндеріміздің қадамы құтты болғай!
Тәуелсіз еліміздің тұғыры нық, еліміз аман болсын!

Гүлшара Әбдіқалықова: Бірінші сыныпқа 18 мыңдай бала барды

<a href="https://kyzylorda-news.kz/">Kyzylorda-news.kz</a>.&nbsp;Президент Қасым-Жомарт Тоқаев ветеринария саласын да жетілдіру керек екенін айтты.
<blockquote>
 «Бұл салада орталық пен өңірлер арасындағы міндеттер мен қызметтер нақты бөліну керек. Мал басының амандығы және өнімділігі жергілікті ветеринарлардың тиімді жұмысына байланысты. Бұл түптеп келгенде&nbsp; ауылдағы ағайынның әл-ауқатына тікелей әсер етеді. Ветеринария қызметі қазіргі заман талабына сай болмаса, ауыл шаруашылығы өнімдерінің экспортын арттыру мүмкін емес. Сондықтан осы салада жүйелі жұмыс атқару қажет. Атап айтқанда үдерістерді цифрландыру және мәлімет жинау,оны автоматтандыру маман дайындау және олардың жалақысын арттыру туралы Үкімет жыл соңына дейін ветеринария жұмысын реформалау жөнінде нақты шаралар қабылдауы керек», – дейді Мемлекет басшысы.
</blockquote>

Президент: Ветеринария мамандарының жалақысын арттыру керек

<a href="https://kyzylorda-news.kz/">Kyzylorda-news.kz</a>.&nbsp;Қазақстанда 9 су қоймасы салынады. Соның бірі Қызылорда облысында салынбақ. Бұл туралы Мемлекет басшысы Қазақстан халқына Жолдауында айтты.
<blockquote>
 «Су нысандарының экожүйесін сақтап, оны үнемді пайдалану үшін аса маңызды 120 каналды қайта жаңғыртуға кірісеміз. Ақмола, Алматы, Батыс Қазақстан, Жамбыл, Қызылорда, Түркістан облыстарында 9 су қоймасы салынады. Бұл ауқымды жоба. Бірақ біздің қолымызда қажетті ресурстың барлығы бар», – деді Президент.
</blockquote>

Жолдау: Қызылордада су қоймасы салынады

<a href="https://kyzylorda-news.kz/">Kyzylorda-news.kz</a>. Президент Қасым-Жомарт Тоқаев Қазақстан халқына Жолдауында тағы да бір маңызды мәселені атап өтті.
<blockquote>
 «БҰҰ алдағы 10 жыл ішінде жаһандық деңгейде су ресурсының тапшылығы болады деп болжам жасап отыр. 2030 жылға қарай су тапшылығының көлемі 40 пайызға жетуі мүмкін. Сондықтан біз жаңа технологиялар мен цифрландыру арқылы суды үнемдеуге көшуіміз керек. Су тапшылығын жоюдың басқа жолы жоқ. Бұл аса маңызды міндет. Үкімет су пайдалануды реттеу және үнемдеу технологиясын енгізу жұмысын ынталандыру үшін нақты шешімдер әзірлеуге тиіс. Су нысандарының экожүйесін сақтап, оны үнемді пайдалану үшін аса маңызды 120 каналды қайта жаңғыртуға кірісеміз. Ақмола, Алматы, Батыс Қазақстан, Жамбыл, Қызылорда, Түркістан облыстарында 9 су қоймасы салынады. Бұл ауқымды жоба. Бірақ біздің қолымызда қажетті ресурстың барлығы бар», – деді Президент.
</blockquote>

Президент: 2030 жылға қарай су тапшылығының көлемі 40 пайызға жетуі мүмкін

<a href="https://kyzylorda-news.kz/">Kyzylorda-news.kz</a>. Қазақстан коронавирусқа қарсы вакцина жасап шығарған әлемдегі санаулы мемлекеттің бірі. Бұл туралы Президент Қасым-Жомарт Тоқаев Қазақстан халқына Жолдауында айтты.
<blockquote>
 «Біздің вакцинамыздың тиімді әрі, қауіпсіз екеніне еш күмін жоқ. Қазіргі «QazVac»-қа өзге мемлекеттер де сұраныс білдіруде. Елімізде вакцина қоры жеткілікті. Азаматтарымыздың таңдау мүмкіндігі бар», – деді Президент.
</blockquote>

Қазақстан коронавирусқа қарсы вакцина жасап шығарған әлемдегі санаулы мемлекеттің бірі

<a href="https://kyzylorda-news.kz/">Kyzylorda-news.kz</a>. Президент халыққа Жолдауында «Тәуелсіздік жылнамасының үшінші онжылдығы оңай болмайтындығы қазірдің өзінде айқын» деп атап өтті.
<blockquote>
 «Біз тұғыры мығым ел болу жолында кедергілерді еңсеріп, қиындықтарды жеңіп келеміз. Мұның бәріне берекелі бірлік пен еселі еңбек арқылы жеттік. Еліміз тәуелсіздік жылнамасының үшінші онжылдығына қадам басқалы тұр. Бұл кезеңнің оңай болмайтындығы қазірдің өзінде айқын байқалуда. Кез келген сын-қатерге дайын болуға тиіспіз. Тынымсыз ізденіп, ұдайы алға ұмтылуымыз қажет», – деді Мемлекет басшысы.
</blockquote>

Тоқаев: Тәуелсіздік жылнамасының үшінші онжылдығы оңай болмайтындығы қазірдің өзінде айқын

<a href="https://kyzylorda-news.kz/">Kyzylorda-news.kz</a>.&nbsp;Президент Қасым-Жомарт Тоқаев Қазақстан халқына Жолдауында «ауа райының қолайсыздығы мал шаруашылығында түйіткілді мәселелер бар екенін көрсетті» деп атап өтті.

Қазақстан және Қызылорда облысының жаңалықтары