<a href="https://kyzylorda-news.kz/">Kyzylorda-news.kz.</a> Коронавирус белгілері бар пневмониямен ауырған қазақстандықтарға қатысты жаңа статистика шықты деп хабарлайды Сoronavirus2020.kz Telegram арнасы.
Ресми деректерге сүйенсек, 22 қыркүйектегі аймақтар бойынша ауырғандардың саны:
Нұр-Сұлтан қаласы – 3845
Алматы қаласы – 3072
Шымкент қаласы – 732
Ақмола облысы – 934
Ақтөбе облысы – 1281
Алматы облысы – 1530
Атырау облысы – 1392
Шығыс Қазақстан облысы – 4382
Жамбыл облысы – 1747
&nbsp;Батыс Қазақстан облысы – 1045
Қарағанды облысы – 2101
Қостанай облысы – 2815
Қызылорда облысы – 901
Маңғыстау облысы – 877
Павлодар облысы – 1877
Солтүстік Қазақстан облысы – 1164
Түркістан облысы – 1472.

Қызылорда облысында 901 адам коронавирус белгілері бар пневмониямен ауырған

<a href="https://kyzylorda-news.kz/">Kyzylorda-news.kz.</a> Нұр-Сұлтанда жаңа күнтізбе таныстырылды. Оның авторы – академик Сайлыбай Бекболатов.
Жаңа күнтізбенің бұрынғыдан басты айырмашылығы – онда 13 ай бар. Академик жылдар бойы көне түркі кезеңін зерттеп, соның негізінде күнтізбе құрастырған.
Жаңа күнтізбенің жобасын «Жаһандық жаңалық» конференциясының қатысушылары талқылады. Кей ғалым қазір қолданып жүрген Григориан күнтізбесінің ғылыми негіздемесі жоқ деп есептейді.
<blockquote>
 «1923 жылы Женевада өткен Лига отырысында күнтізбе реформасына байланысты арнайы халықаралық комитет құру туралы шешім шығарылды. Содан бері күнтізбенің 400 жобасы ұсынылды. Бірақ біреуі де қабылданбады. Біз бүгін төрт жүз бірінші жобаны ұсынып отырмыз. Бұл – бүкіләлемдік, үнемі қолданылатын, өзгермейтін күнтізбе», – деді профессор Әділ Ахметов.
</blockquote>
<a href="https://24.kz/ru/news/obrazovanie-i-nauka/item/424556-novyj-kalendar-razrabotal-kazakhstanskij-uchjonyj">«Хабар 24»</a>

Қазақстанда жаңа 13 айлық күнтізбе әзірленді

<a href="https://kyzylorda-news.kz/">Kyzylorda-news.kz.</a> Үндеуде олар бір мақсат, бір мүдде жолындағы жұмыстарды жалғастыратынын жеткізді. Бәсекелес емес, өңір дамуы жолында тың бастамалар мен жаңа жобаларды жүзеге асыруға ынталы алып күш екендіктерін алға тартты.
Тұңғыш Президент – Елбасы, «Nur Otan» партиясының Төрағасы Н.Ә. Назарбаевтың бастамасымен елімізде «Primaries» партияішілік іріктеу өтуде. Алдағы уақытта ҚР Парламенті Мәжілісінде және барлық деңгейдегі мәслихаттарда жастардың үлесі 20 пайызды құрайтын болады.
Сыр жастары бұл бастамаға ерекше қолдау танытуда. Статитистикаға сүйенсек, қазір облыс бойынша 35-ке толмаған праймеризге қатысушылардың үлес салмағы 144, ал, облыс орталығында – 29 адам. Айта кету керек, қазіргі таңда жас кандидаттар бағдарламаларын әзірлеп, түрлі форматта кездесулер өткізіп, ел ұсыныстарын жинақтауда. Мұнымен қоса, «Primaries»-дің үгіт-насихат жұмыстары барысында әрбір кандидат «Jastar Otanga–2025» бағдарламасы аясында атқарылатын нақты міндеттерді ұсынуда
<img src="https://kyzylorda-news.kz/wp-content/uploads/2020/09/syr-zhastary-uendew-zharijalady-2.jpg" alt="" />

Праймеризге қатысушы Сыр жастары Үндеу жариялады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 79 адамда коронавирус індеті ПТР арқылы расталды, деп хабарлайды&nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы –&nbsp;16 
Алматы қаласы –&nbsp;3 
Шымкент қаласы –&nbsp;1 
Ақмола облысы –&nbsp;4 
Алматы облысы –&nbsp;3 
Атырау облысы –&nbsp;8 
Шығыс Қазақстан облысы –&nbsp;21 
Батыс Қазақстан облысы –&nbsp;2 
Қарағанды облысы –&nbsp;5 
Қостанай облысы –&nbsp;2 
Қызылорда облысы –&nbsp;1 
Павлодар облысы –&nbsp;3 
Солтүстік Қазақстан облысы –&nbsp;6 
Түркістан облысы –&nbsp;4
Жалпы ел бойынша ауырғандар саны –&nbsp;107 529.

Қызылорда облысында коронавирус індеті тіркелді

<a href="https://kyzylorda-news.kz/">Kyzylorda-news.kz.</a> Президент Қасым-Жомарт Тоқаев Самарқан қаласында Қазақстан Республикасының Бас консулдығын ашу туралы жарлыққа қол қойды, деп хабарлады Ақорда.
<blockquote>
 “Самарқан қаласында (Өзбекстан Республикасы) Қазақстан Республикасының Бас консулдығы ашылсын”, – делінген жарлық мәтінінде.
</blockquote>
Мемлекет басшысы үкіметке осы жарлықтан туындайтын қажетті шараларды қабылдауды тапсырды.
Жарлық қол қойылған күнінен бастап қолданысқа енгізіледі.
Самарқан&nbsp;– Өзбекстандағы&nbsp;ежелгі&nbsp;қала, Самарқан облысының орталығы. Зеравшан өзен аңғарында орналасқан. Онда жарты миллионнан астам адам тұрады.
4 ғасырдан 6 ғасырға дейін&nbsp;Түрік қағанатының&nbsp;құрамына енген Соғды мемлекетінің, 14 ғасырдың аяғы мен 15 ғасырдың басында&nbsp;Әмір Темір&nbsp;мемлекетінің, ал 1924-30 жылдары&nbsp;Өзбекстанның&nbsp;астанасы болды.
1938 жылдан облыс орталығы. 1970 жылы қазанда Самарқанның 2500 жылдығы аталып өтті.

Президент Қасым-Жомарт Тоқаев жарлыққа қол қойды

<a href="https://kyzylorda-news.kz/">Kyzylorda-news.kz.</a> Аудан әкімінің орынбасары Ерлан Бәкіровтың төрағалығымен актив отырысы өткізілді. Ерлан Әмірханұлы күн тәртібіндегі негізгі мәселе – құқық қорғау органдарындағы кадрлық өзгерістерді таныстыру мақсатында бас қосып отырғандығын мәлімдеді.
Жиында сөз алған Қызылорда облысы прокурорының бірінші орынбасары Талғат Айтбайұлы Жалағаш ауданына тағайындалған жаңа прокурор Шыңғыс Есжановты таныстырды.
Аудан әкімінің орынбасары Ерлан Бәкіров Мадияр Ертарғынұлының алдағы қызметіне сәттілік тілеп, ауданның Құрмет грамотасын табыстады.
Есжанов Шыңғыс Мәдиұлы 1989 жылы Қызылорда қаласында дүниеге келген. Білімі – жоғары. Қызылорда гуманитарлық заң колледжін, Әл Фараби атындағы Қазақ ұлттық университетінің Құқықтану мамандығын бітірген. Магистр.
2013 -2019 жылдары Байқоңыр қаласының прокурорының көмекшісі, Қызылорда облысының прокуратурасында бөлім прокуроры, аға прокуроры;
2019 жылдың сәуір айынан бастап Жалағаш ауданы прокурорының орынбасары;
2020 жылдан осы уақытқа дейін облыс прокурорының аға көмекшісі қызметін атқарып келген.
<img src="https://kyzylorda-news.kz/wp-content/uploads/2020/09/zhalaghash-awdanyna-zhanga-prokwror-2.jpg" alt="" />

Жалағаш ауданына жаңа прокурор тағайындалды

<a href="https://kyzylorda-news.kz/">Kyzylorda-news.kz.</a> Қызылордада «МӘМС жүйесінде сақтандырылған бол! акциясы өтті. Мақсаты – міндетті әлеуметтік медициналық сақтандыру және тегін медициналық көмектің кепілдік берілген көлемінің қағидаттары мен артықшылықтарын, пациенттердің құқықтары мен мүмкіндіктерін түсіндіру.
Медициналық сақтандыру қоры филиалының, облыстық жастар денсаулығы орталығының мамандары “Arai citi mall” сауда-ойын-сауық орталығының келушілеріне МӘМС жүйесі туралы ақпараттық-материалдар, брошюралар, постерлер таратып, сұрақтарға жауап берді.
Атап айтқанда, тұрғындар МӘМС мәртебесін анықтау, қымбат медициналық қызмет алу, пациент ретінде өз құқықтарын қорғау сияқты мәселелерге қызығушылық танытты.
Сондай-ақ, емханаларға еркін тіркелу науқанының осы кезеңінде МӘМС жүйесінде халықты өзектендіру мәселелері аса өзекті. Аймақтын 8 мыңнан астам тұрғыны алғашқы медициналық-санитарлық көмек ұйымдарына тіркелмеген.
Медициналық көмекке қол жеткізбей қалмау үшін тұрғылықты жері бойынша емханада МӘМС жүйесінде тіркелу және сақтандырылу мәртебесін тексеру қажет.
Өзінің cақтандыру мәртебесін Электрондық үкімет порталында, Қор сайтында, Telegram-дағы SaqtandyryBot арқылы және «Qoldau 24/7» мобильді қосымшасы арқылы білуге болады.
Облыста халықтың 80% – ға жуығы міндетті әлеуметтік медициналық сақтандыру жүйесінің қатысушылары болып табылады, 147 мыңнан астам адам сақтандырылмаған.
<img src="https://kyzylorda-news.kz/wp-content/uploads/2020/09/osms-1-1-scaled.jpg" alt="" />
<img src="https://kyzylorda-news.kz/wp-content/uploads/2020/09/osms-2-1-scaled.jpg" alt="" />

МӘМС жүйесінде сақтандырылдыңыз ба?

<a href="https://kyzylorda-news.kz/">Kyzylorda-news.kz</a>.&nbsp;<a href="https://www.kazhydromet.kz/weather/prognoz-vazhneyshih-meteorologicheskih-yavleniy">«Қазгидромет»</a>&nbsp;РМК-сы қыркүйектің 24-і күнгі ауа райы болжамын жария етті.
Бүгін Қазақстанның солтүстік және шығыс жартысында жауын-шашын болады. Кей жерлерде нөсерлетіп, жаңбырдың соңы қарға ұласуы ықтимал. Сондай-ақ республиканың кей жерлерінде жел күшейіп, еліміздің батысында және оңтүстігінде күн жауын-шашынсыз болады. Республика бойынша кей жерлерде тұман түсуі ықтимал.
Қызылорда облысының кей жерлерінде төтенше өрт қаупі сақталады.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Сыбайлас жемқорлыққа қарсы күрес мәселелері жөніндегі кеңес барысында Мемлекет басшысы Қасым-Жомарт Тоқаев мемлекеттік аппарат пен азаматтар арасындағы диалог сыбайлас жемқорлық тәуекелдерін тудыратын проблеманы және қоғамның наразылық көңіл-күйін анықтауға мүмкіндік беретінін атап өтті.
Күнделікті мәселелерді шешу және сындарлы диалог құру үшін халықтың өз құқықтарын аз білуі және экономикалық немесе техникалық салада білімді болуы қажет.
Осыған байланысты, агенттік адам құқықтары жөніндегі сарапшы, Президент жанындағы Ұлттық қоғамдық сенім кеңесінің мүшесі Айман Умаровамен бірлесіп, «Еріктілер жылы» шеңберінде жыл басынан бері «Adal kómek» волонтерлік жобасын іске қосты.
Жобаның негізгі мақсаты азаматтардың құқықтық сауаттылығын арттыру, сондай-ақ халықтың әлеуметтік осал топтарына өмірлік маңызды мәселелерді шешуде заң көмегін көрсету болып табылады.
Тәжірибе көрсеткендей, сапалы қызмет көрсету үшін қажетті қызметтердің болмауына байланысты мүмкіндігі шектеулі адамдар заңды тұрғыдан аз қорғалған.
Халықтың жекелеген өкілдеріне осы маңызды қызметтің маңыздылығын ескере отырып, «Adal kómek» жобасы шеңберінде сурдоаударма бойынша маманды шақыру арқылы&nbsp; ымдау тілінде құқықтық кеңес беру іске қосылды. Сондай-ақ, сурдоаудармашының қатысуымен түсіндіру сипатындағы бейнероликтер әзірленді.
Аталған шара мүмкіндігі шектеулі жандардың өзін заңсыз әрекеттерден қорғауына мүмкіндік берді.

«Adal kómek» азаматтарға заңдық тұрғыда көмектеседі

<a href="https://kyzylorda-news.kz/">Kyzylorda-news.kz.</a> «Қала күні» мерекесіне орай тұрғындар арасында белтемірге тартылу және доппен өнер көрсету сайыстары ұйымдастырылды. &nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;
Екі күнге жоспарланған бұл жарыстарға барлығы 70-ке жуық адам қатысты. Оның ішінде білек күші сынға түскен жарыста 30-дан астам азамат бақ сынап, спорттық дайындықтарын сарапқа салды. Онлайн форматта өткен белтемірге тартылу бәсекесінде бабы келіскен &nbsp;Данияр Сәулембек үздік шықса, жүлделі екінші орын Рамазан Әбсадыққа бұйырды. Тұғырдың үшінші сатысына Данияр Тұрсынбекұлы көтеріліп, жеңіске деген жігері үшін Нұрлыбек Бейішбек, белсене қатысқаны үшін Дамир Әбутәліп марапатталды.
Қала жастарының басын қосқан доппен өнер көрсету яғни жонглирование&nbsp; додасында теңбіл допты &nbsp;ұршықша иіріп жүрген жастар шеберлік сынасты. Доп тебу мәнерінің үздік үлгісін көрсетіп, кәсіби машығымен ерекшеленген Мейіржан Әбішбеков бірінші орынды жеңіп алса, сайыстағы екінші орынды Әділбек Асылбекұлы иемденді. Исатай Сайлау үздіктер қатарынан көрініп, Алдаберген Рақымжан мен Арман Жұмаш жеңіске деген жігері және белсене қатысқаны үшін номинацияларына ие болды.
Сайыс қорытындысында үздік шыққандарды жеңісімен және Сұлу Сырдың жағасында бой түзеген Қызылорда қаласының туған күнімен қала әкімінің орынбасары Асқарбек Есжанов құттықтап, жүлдегерлерге арнайы &nbsp;алғыс хаттар мен бағалы сыйлықтар табыстады.
Айта кетейік, қала күніне орай жоспарланған мерекелік шаралар 26 қырқүйекке дейін өз жалғасын табатын болады.
<img src="https://kyzylorda-news.kz/wp-content/uploads/2020/09/sport-marapattaw-1.jpg" alt="" />
<img src="https://kyzylorda-news.kz/wp-content/uploads/2020/09/sport-marapattaw-2.jpg" alt="" />

Қызылордада сайыс үздіктері марапатталды

<a href="https://kyzylorda-news.kz/">Kyzylorda-news.kz.</a> Қазір емханаға тіркелу науқаны жүріп жатыр. Екі айға жоспарланған шара 15-ші қарашада аяқталады. Өткен жылы облыста 4 мың 211 тұрғын емхана таңдау құқығын пайдаланған. Олардың 54,3 пайызы жеке емхананы таңдады.
Емханаға тіркелудің бірнеше жолы бар.&nbsp;<a href="https://l.facebook.com/l.php?u=http%3A%2F%2Fwww.e.gov.kz%2F%3Ffbclid%3DIwAR2ne7eNAGLsyyTl-UmS63QAc8pLb39Rq4WQI1tktd0oz3LsgQYfielkFKs&h=AT2vzUNG1p6wzzPGabspX2VR5SACXSRXxug4XTiLilL0J2gUgrWudhyQhNPcg-dIKL_S01_bbsqIG3OSQPnSNq8wShQckB_XB4EPPnTEyrkN4WYVyAfIWRdPn9mey88V87axN3OmSfrU2ZU36w8f2dEeHpOm_T6R">www.e.gov.kz</a>&nbsp;веб-порталы арқылы және тікелей емханаға барып тіркелуге болады. Тек жеке басын куәландыратын құжатты болуы қажет.
<blockquote>
 «Дәрігер тіркелген пациенттердің денсаулығын бақылауы үшін емхананы тұрғылықты жеріне жақын жерде таңдау ұсынылады. Бұл жағдайда, қажет болғанда, емхана дәрігерлері пациенттердің үйіне бара алады, бұл әсіресе пандемия кезінде өте маңызды. Тіркеу кезінде ата-анасы да, балалары да бір емханаға баратындай отбасылық қызмет көрсету принципіне басымдық беріледі. 18 жасқа толмаған балаларды олардың заңды өкілдері тіркеуге құқылы. Егер БМСК ұйымында тіркелген адамдар шамадан тыс көп болса, Денсаулық сақтау басқармасының бұйрығымен қызмет көрсету аймақтан тыс жерде тұратын азаматқа бұл емханаға тіркелуге бас тартылуы мүмкін. Қолданыстағы нормативтер бойынша жалпы практик дәрігердің учаскесінде 1700 пациенттен артық болмауы тиіс», – деді «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Жылдың аяғына дейін емхананы тұрғындар бірнеше жағдайда ауыстыра алады. Біріншіден, адамның тұрғылықты жері бір айдан астам уақытқа өзгерсе, екіншіден, емханада қайта ұйымдастыру болса және ол Қордың қызмет жеткізушілері қатарынан шығып кетсе, тіркеуді ауыстыруға мүмкіндік бар. Бұдан басқа, еліміздің кез келген азаматтың жылына бір рет тұрғылықты жері аймағы бойынша емхананы ауыстыруға құқығы бар.
<img src="https://kyzylorda-news.kz/wp-content/uploads/2020/09/qyzylordada-emhanagha-tirkelw-2.jpg" alt="" />

Қызылордада емханаға тіркелу науқаны жүріп жатыр

<a href="https://kyzylorda-news.kz/">Kyzylorda-news.kz.</a> “Ауыл” халықтық-демократиялық патриоттық партиясы “Ел аманаты” жалпыұлттық сауалнамасын жүргізеді. Сауалнама 23 қыркүйектен 25 қазанға дейін созылады, деп хабарлайды&nbsp;<a href="https://sputniknews.kz/">Sputnik Қазақстан</a>.
“Ел аманаты” жалпыұлттық сауалнамасын өткізу туралы шешім “Ауыл” партиясы саяси кеңесінің 23 қыркүйекте өткізген отырысында қабылданды. Бұл туралы партия төрағасының бірінші орынбасары Төлеутай Рахымбеков мәлімдеді.
<blockquote>
 “Ауыл” партиясы ел ішіндегі ең маңызды деген әлеуметтік және экономикалық проблемаларды айқындау үшін осы іс-шараларды бастайды. Бұл сауалнаманы өткізудегі негізгі мақсат – қоғамды толғандыратын түйткілді мәселелерді ел азаматтарынан аманат етіп алып, саяси бағдарламаларға енгізіп, мемлекеттік билікке ықпалын жүргізу арқылы халыққа тиімді қызмет ету”, – деді Рахымбеков онлайн брифингте.
</blockquote>
Айтуынша, жалпыұлттық сауалнама денсаулық сақтау, білім беру, несие қайтару, жемқорлықпен күрес, баспана, жер қатынастары, ауылдардың дамуы және тағы басқа өзекті мәселелер енген.
<blockquote>
 “Сауалнама барысында негізгі проблемалардың тізімі берілді. Қатысушылар солардың ішінен ең маңызды дегенін белгілеп жіберсе, біз сол мәселелерді партияның саяси бағдарламасына енгізіп, оларды шешу жолында еңбектенетін боламыз”, – деді ол.
</blockquote>
“Ауыл” партиясы орталық аппаратының жетекшісі Қуаныш Сейітжанов жалпыұлттық сауалнамаға Қазақстанның 18 жастан асқан кез келген азаматы қатыса алатынын атап өтті.
Жалпыұлттық сауалнаманың мақсаттары:
қоғамдағы өзекті мәселелерді анықтап, тиісті үкіметтік органдарға жеткізу;&nbsp;
сауалнама ұйымдастыру арқылы Қазақстанның әрбір азаматының қоғамды дамытуға өз үлесін қосуға мүмкіндік беру;
қордаланған мәселелерді қоғамның елегінен өткізіп, оларды “Ауыл” партиясының бағдарламасына енгізу;&nbsp;
өңірлердегі бастауыш партия ұйымдарының белсенділігін арттырып, тұрғындармен қарым-қатынасты жандандыру;
белсенді де бастамашыл азаматтарды патриоттық идеяларды жүзеге асыру жолында жұмылдыру.
<blockquote>
 “Сауалнама 2020 жылдың 23 қыркүйегінен 25 қазанына дейін Қазақстанның барлық өңірінде өтеді. Біз “есіктен есікке” принципінен бас тартқан жоқпыз. Есіктен есікке жазбаша түрде жүргізіледі. Екіншісі, әлеуметтік желілер –&nbsp; Facebook, Instagram арқылы,&nbsp; WhatsApp, Telegram қосымшалары арқылы да жүргіземіз”, – деді ол.
</blockquote>
Түркістан қаласында “Ел аманаты” республикалық штабы құрылады. Штаб жоба аясында халықпен тікелей жұмыс істейді, жазбаша сауалнаманың жүргізілу барысына күнделікті мониторинг жасайды.
<blockquote>
 “Сауалнама жалпы 15 аманаттан тұрады. Он төрт аманат, ал 15-ші аманат – респонденттің өз ұсынысы. Әр адам сауалнама соңында өзін мазалап жүрген кез келген қоғамдық мәселені ұсыныс ретінде біздің партияға жолдай алады”, – деді Сейітжанов.
</blockquote>

Қазақстан және Қызылорда облысының жаңалықтары