<a href="https://kyzylorda-news.kz/">Kyzylorda-news.kz</a>.&nbsp;Бүгін аймақ басшысы Гүлшара Әбдіқалықова Қызылорда облысының жолаушылар көлігі және автомобиль жолдары басқармасының ардагерлер кеңесінің төрағасы Жәнібек Нұрқышұлымен кездесті. Облыс әкімі 30 жыл автокөлік саласында табанды еңбек еткен ардагердің ғибратты ғұмыр жолы кейінгі буын жастарға үлгі екенін айтып, ардагерді мерейлі 80 жасқа толуымен құттықтап, жылы лебізін білдірді.
«Сыр бойы өзінің адалдығымен, парасаттылығымен танылған, елі үшін аянбай тер төккен азаматтарға кенде емес. Біз сол азаматтарға лайықты құрмет көрсетіп, ғибратты ғұмырын өзгелергеүлгі, жастарға өнеге етуді дәстүрге айналдырып келеміз. Осы тұрғыдан келгенде, ардагеріміз Жәнібек Нұрқышұлы ағамыздың өмірі өнегелі, игі істерге толы. 80 жасты еңсеру екінің біріне бұйыра бермейтін биік шың. Сіздің басты байлығыңыз – отбасыңыз, ұрпағыңыз және өнегелі еңбек жолыңыз. Сіздің ғибратты ғұмырыңызды жас ұрпаққа берсін дейміз. Ұрпағыңызбен мың жасап, алдымызда жөн сілтер ақылшымыз болып жүре беріңіз», – деді Гүлшара Әбдіқалықова.
Кездесуде өңір басшысы өңірдің дамуына елеулі еңбек еткен Жәнібек Нұрқышұлына облыс әкімдігінің Құрмет грамотасы мен ҚР Индустрия және инфрақұрылымдық даму министрінің Құрмет грамотасын табыстап, қазақы дәстүрмен иығына шапан жауып, құрмет көрсетті.
Жиында Қызылорда облысының жол саласы ассоциациясының президенті Өмірбек Мөраліұлы, облыстық ардагерлер кеңесінің төрағасы Серік Дүйсенбаев ардагердің өмірлік қолтаңбасын айрықша атап өтіп, мерейтой иесіне игі тілегін арнады.
Өз кезегінде Жәнібек Нұрқышұлы ілтипат танытқан облыс әкіміне алғысын жеткізіп, өмір белесіндегі ерекше сәттерімен бөлісті.Жәнібек Нұрқышұлы – 1941 жылдың 10 наурызында Сырдария ауданы, Бірқазан бекетінде дүниеге келген. Еңбек жолын 1958 жылы теміржол дистанциясында жұмысшы ретінде бастап, 1969 жылы Өскемен жол құрылыс институтын инженер-механик мамандығы бойынша бітірді. 1969-1996 жылдар аралығында Қызылорда қаласындағы №2585 автоколоннасында механик, №3 автотранспорт кәсіпорнында директордың орынбасары, «Трансагентство» кәсіпорнының бастығы сынды лауазымды қызметтер атқарған. ҚР «Еңбек ардагері», ҚР «Құрметті автокөлікші» төсбелгісінің иегері.
<img src="https://kyzylorda-news.kz/wp-content/uploads/2021/03/159369651_3185762848193429_2722169117961917880_o-1.jpg" alt="" />
<img src="https://kyzylorda-news.kz/wp-content/uploads/2021/03/159521607_3185763974859983_1406052793973703563_o.jpg" alt="" />
<img src="https://kyzylorda-news.kz/wp-content/uploads/2021/03/159253288_3185765178193196_3132808503429863986_o.jpg" alt="" />

Қызылорда облысының әкімі ардагер Жәнібек Нұрқышұлын 80 жас мерейтойымен құттықтады

<a href="https://kyzylorda-news.kz/">Kyzylorda-news.kz</a>. Биыл Арал қаласындағы №71 мектеп-интернатының ірге тасы қаланады. Бүгінде жоба-сметалық құжаттамасы әзірленді. Жобаның жалпы құны 1,3 млрд теңге құрайды.
<blockquote>
 «Өткен жылы 22 799 шаршы метр болатын тұрғын үй пайдалануға берілді. Арал қаласынан 1 қабатты 4 пәтерлі 10 тұрғын үй құрылысы, Арал қаласынан қатты тұрмыстық қалдықтарға арналған полигон құрылысы, 250 орындық оқушылар үйінің құрылысы, Жаңақұрылыс, Қызылжар, Қаратерең, Бөген, Райым ауылында биотермиялық шұңқырлардың құрылысы жүргізілді», – деді аудан әкімі Мұхтар Оразбаев.
</blockquote>
Сонымен қатар, Жақсықылыш кентіндегі дәрігерлік амбулаториясына жөндеу, мұрағат ғимаратына, Арал қаласындағы көпсалалы колледжіне және индустриалды-техникалық колледжіне күрделі жөндеуден өтті.

Аралда жаңа мектеп салынады

<a href="https://kyzylorda-news.kz/">Kyzylorda-news.kz</a>. Егер жұмыс беруші МӘМС үшін тұрақты аударымдар жасамаса, студент шетелде медициналық көмекті ала ала ма? Жұмыссыз азаматтар мен жеке кәсіпкерлерге жарналарды қалай төлеуге болады? Осы және басқа да сұрақтарға &nbsp;Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов жауап берді.
– Коронавирустық инфекция анықталды. Алматы қаласындағы емханаға тіркелген, бірақ қазір Қызылордада тұрамын. Бұл жағдайда қалай болу керек, қайда бару қажет?
– Айналасындағыларға қауіп төндіретін инфекциялық, паразиттік немесе вирустық аурулар болған кезде пациент бекітілген жеріне қарамастан, тұрғылықты жері бойынша медициналық көмек ала алады. Бұл жағдайда сіз Қордың жеткізушісі болып табылатын үйге жақын клиникаға жүгіне аласыз.
– Ресми түрде жұмысқа орналасқанмын, жақында жалақысы сақталмайтын ұзақ демалысқа шықтым, осы кезеңде жұмыс беруші мен үшін жарна төлемейді. Менің мәртебем қанша уақыттан кейін «сақтандырылмаған» болады және «сақтандырылған» мәртебесін жоғалтпау үшін не істеуім керек?
– МӘМС жүйесіндегі мәртебе соңғы жарнадан кейін 3 ай бойы сақталатын болады. Ол одан әрі өзекті болып қалуы үшін өткізіп алған кезең үшін дербес төлеуші ретінде ай сайын 2125 төлеу қажет болады, теңге тағайындау коды – 122.
– Жұмыс беруші мен үшін МӘМС үшін аударымдар мен жарналарды уақытында төлемеген, МӘМС мәртебесін жоғалтпау үшін төлемді өз бетінше жүргізе аламын ба? Ал жұмыс беруші төлемді жүргізгеннен кейін, қайтаруды талап ету немесе келесі айға ақшаны қайта бөлу керек пе?
– МӘМС үшін уақтылы төлем жасау-бұл жұмыс берушінің жауапкершілігі. Егер ол белгіленген мерзімдерді бұзса, оған өсімпұл салынады.&nbsp;
Міндетті медициналық сақтандыру жүйесіндегі мәртебені жоғалтпау үшін Сіз тәуелсіз төлеуші ретінде төлем жасай аласыз.&nbsp; Сіздің жұмыс берушіңіз аударымдар мен жарналарды жүргізгеннен кейін, сіз өз қаражатыңызды «Азаматтарға арналған үкімет» мемлекеттік корпорациясы арқылы қайтара аласыз. Ол үшін қайтару туралы өтініш жазу, төлем туралы түбіртектерді немесе чектерді ұсыну қажет. Өтінімді қарау мерзімі 2 апта.
-Шетел азаматы тұру ықтиярхатынсыз жүктілік бойынша есепке тұра ала ма?
– «Халықтың көші-қоны туралы» ҚР Заңының 35-бабына сәйкес Қазақстан аумағында уақытша болатын шетелдік азаматтардың ерікті медициналық сақтандыру полисі болуы міндетті. Шетелдік азамат жүктілік бойынша есепке ол болған жағдайда немесе ақылы негізде тұра алады.
– Жұмыссыз, мәртебесі «сақтандырылмаған». Сақтандыру алу үшін жарналарды қай кезеңнен төлеу керек?
– Егер Сіз Жұмыспен қамту орталығында жұмыссыз ретінде ресми тіркелген болсаңыз, онда сіз үшін медициналық сақтандыруға жарналарды мемлекет төлейді. Егер жұмыссыздың ресми мәртебесі болмаса, онда МӘМС бойынша қызмет алу үшін Сіз жұмыстан айырылған сәттен бастап дербес төлеуші ретінде жарналарды тұрақты түрде жүргізіп отыруыңыз қажет.
– Қызым Ресейде студент. Университетте оқу және Ресей Федерациясында тұру үшін медициналық сақтандыру қажет. Оқу орнында қызым Қазақстанда сақтандыру полисін ала алатынын айтты, мәселе МӘМС туралы болып отыр ма?
– Бұл жағдайда жеке сақтандыру компаниялары ұсынатын қосымша сақтандыру полисін сатып алу қажет. МӘМС жүйесіндегі қызметтер ерікті медициналық сақтандыру шеңберінде Қазақстан аумағында ғана қолжетімді
– Мен бір уақытта бірнеше емханаға тіркеле аламын ба?
– Жоқ. Сіз жаңа ұйымға қосылғаннан кейін, бұрынғы клиникадан бас тарту автоматты түрде жүреді. Мұның себебі қарапайым – ӘМСҚ медициналық ұйымдарды жан басына шаққандағы қаржыландыруды жүргізеді және бір адам үшін бірнеше емханаға төлей алмайды.
– Мұғалім болып жұмыс істеймін, шаруа қожалығым бар. МӘМС үшін қалай төлеуге болады?
– Жарналарды төлеу табыстың барлық көздерінен жүзеге асырылуы тиіс.&nbsp; Бірінші жағдайда жұмыс беруші сіз үшін жарналар мен аударымдарды төлейді, екінші жағдайда сіз оны өзіңіз жасауыңыз керек. Салық заңнамасына сәйкес, шаруа қожалықтары 2021 жылы ай сайын 2975 теңге – 1,4 ең төменгі жалақы мөлшерінің 5% төлеуге міндетті.
– Студентпін, бір уақытта екі жұмыста жұмыс істеймін. Мен МӘМС жарналарын ұстаудан бас тарта аламын ба? Немесе оларды тек бір жұмыста төлеу керек пе?
– Егер сіз күндізгі бөлімнің студенті болсаңыз, онда азаматтардың жеңілдікті санатына жатасыз, онда жұмыс беруші сіз үшін МӘМС сіздің жалақыңыздан аударымдар енгізбеуі және ұстап қалмауы тиіс. Егер сіз сырттай оқитын болсаңыз, онда төлем барлық табыс көздерінен алынуы тиіс, бұл ретте аударымдар мен жарналар ұсталатын ең жоғары табыс 10 ЕТЖ аспауы тиіс.
Жарналарды жалақының 10 еселенген ең төменгі мөлшеріне тең кіріс сомасынан төлеген кезде, осындай жарналардың төленгенін растайтын құжат болған кезде жеке тұлғаның басқа кірістерінен жарналарды төлеу талап етілмейді.
Мұндай құжат жұмыс беруші және (немесе) салық агенті берген, алынған кірістердің, есептелген және төленген жарналардың сомалары туралы анықтама болып табылады.
– Қазақстандағы шетелдік тұлғалар қандай медициналық көмекке жүгіне алады?
– Қазақстан Республикасының “Міндетті әлеуметтік медициналық сақтандыру туралы” Заңының 2-бабының 2-тармағына сәйкес, егер осы Заңда өзгеше көзделмесе, міндетті әлеуметтік медициналық сақтандыру жүйесіндегі құқықтарды Қазақстан Республикасының азаматтарымен тең дәрежеде пайдаланады және міндеттерді атқарады:
<ul>
<li>Қазақстан аумағында тұрақты тұратын шетелдіктер мен азаматтығы жоқ адамдар;</li>
<li>қандастар.</li>
</ul>
Еуразиялық экономикалық одақ туралы шарттың 98-бабының 3-тармағына сәйкес ЕАЭО елдерінің еңбекшілерін, сондай-ақ олардың отбасы мүшелерін әлеуметтік сақтандыру Қазақстан азаматтары сияқты шарттарда және тәртіппен жүзеге асырылады. Олардың жұмыс берушілері ай сайын олар үшін жарналар мен аударымдар жүргізуі тиіс.
Сонымен қатар, МӘМС жүйесінде консультациялық-диагностикалық көмек көрсету МСАК маманының жолдамасы бойынша жүзеге асырылады, ал бұл қызмет ТМККК пакетіне кіреді. Осылайша, «Халықтың көші-қоны туралы» ҚР Заңына сәйкес (35, 41 және 43-1-баптар) Қазақстанға еңбек қызметін жүзеге асыру үшін келетін көшіп келушілердің медициналық-санитариялық және стационарлық алғашқы көмекті жабатын ерікті медициналық сақтандырылуы &nbsp;міндетті.
ҚР аумағында уақытша болатын және МӘМС туралы Заңның күшіне енбейтін алыс шетелден келген шетелдіктер айналадағыларға қауіп төндіретін аурулар болған кезде медициналық көмектің кепілдік берілген көлеміне үміткер болуға құқылы. Барлық басқа жағдайларда оларға медициналық қызметтер ерікті медициналық сақтандыру полисі болған кезде ғана қол жетімді болады.
Естеріңізге сала кетейік, Қор МӘМС және ТМККК қызметтерін алушылармен кері байланысты бірнеше байланыс арналары арқылы жүргізеді – бұл Qoldau 24/7 мобильді қосымшасы, @SaqtandyryBot телеграм-бот және 1406 байланыс орталығы.

МӘМС: Бірнеше емханаға тіркелуге бола ма?

<a href="https://kyzylorda-news.kz/">Kyzylorda-news.kz</a>. Аралда индустрияландыру бағдарламасы аясында бірқатар жобалар жүзеге асуда. Мәселен биыл жүн және теріні алғашқы өңдеу цехы және жылдық қуаттылығы 130 мың тонна дайын өнімді өндіретін түйе сүтінен құрғақ ұнтақ дайындау зауыты ашылады. Бұдан бөлек, құны 2,9 млрд. теңгені құрайтын үшінші испан цехі пайдалануға беріледі.
<blockquote>
 «Өткен жылы ауданға 15,2 млрд. теңге көлемінде инвестиция тартылды. Өнеркәсіп орындары 15,7 млрд. теңгеден артық өнім өндіріп, салыстырмалы көлем индексі 109,8 пайызды көрсетуде. Аудан бойынша 2020 жылы 837,9 мың тонна тұз қазылып, 236,3 мың тонна йодталған тұз, 5,5 мың тонна балық, 278 тонна ет, 874 тонна нан және нан өнімдері, 103,1 мың текше метр кварц топырағы өндірілді», – деді Арал ауданының әкімі Мұхтар Оразбаев.
</blockquote>
Аудан орталығында өткен жылы тауарлы балықты өсіру және өңдеу цехы, Бөген ауылдық округіндегі мұздату цехы және жатақхана, балықты тереңінен қайта өңдеу зауыты мен пластикалық қайық жасау цехі іске қосылды.

Аралда 2,9 млрд. теңгені құрайтын испан цехі іске қосылады

<a href="https://kyzylorda-news.kz/">Kyzylorda-news.kz</a>.&nbsp; Бірыңғай жинақтаушы зейнетақы қоры бос шоттардың жабылатыны туралы хабарлады.
БЖЗҚ 2021 жылдың 01 наурызынан бастап зейнетақы жинағын есепке алуды жүргізу қағидаларының күшіне енгені туралы хабарлады. Осы ережеге сәйкес дербес зейнетақы шотында зейнетақы жинағы болмаған жағдайда бұл шот 1 ай өткен соң жабылады.
Сонымен қатар БЖЗҚ-да бұрын ашылған, яғни азамат жұмысқа тұрып, шот ашуға өтініш берген немесе зейнетақымен қамсыздандыру туралы шарт жасасқан, бірақ белгілі бір себептермен аударым жасамаған жағдайда ашылған шоттар да жабылады. Сол сияқты зейнетақы жинағы болған және зейнетақы жинағының барлық сомасы төленіп, аударым орындалған соң жинақтаушы зейнетақы шотына төлем жасағаннан кейін бір ай ішінде зейнетақы жарналары түспеген жағдайда да шоттар жабылады.
1 ақпандағы мәлімет бойынша БЖЗҚ-дағы зейнетақы жинағы жоқ шоттардың саны шамамен 121 мың бірлікті құрап отыр.
<h3 id="">БЖЗҚ-да зейнетақы шотын ашу</h3>
БЖЗҚ-да міндетті зейнетақы жарналарын (МЗЖ) есепке алатын дербес зейнетақы шотын ашу үшін жеке тұлғаға зейнетақы қорына жүгінудің қажеті жоқ. Алғашқы жарна түскен кезде БЖЗҚ ақпараттық жүйесінде автоматты түрде шот ашылады. Ал бұл шот иесінің жеке тұлғасын сәйкестендіру зейнетақы жарнасын аудару кезінде төлем тапсырмасының электрондық форматында көрсетілген дербес мәліметтер бойынша орындалады.
Реквизиттер туралы барлық қажетті мәліметті БЖЗҚ мемлекеттік органдардың ақпараттық жүйелерінен алады.
БЖЗҚ “Азаматтарға арналған үкімет” мемлекеттік корпорациясынан электронды хабарлама алған күннен бастап салымшы міндетті зейнетақы жарналары есебінен зейнетақымен қамсыздандыру туралы шартпен келіскен болып есептеледі.
Тиісті жарналарды жұмыс беруші бірінші жалақыдан аударады. Сонда зейнетақы жарналарының есебіне арналған жинақсыз “нөлді” шоттар пайда болуы мүмкін емес.
<a href="https://sputnik.kz/society/20210310/16499829/Zeynetaqy-shotyn-zhabu.html">Sputnik Қазақстан</a>

БЖЗҚ 120 мыңнан астам азаматтың зейнетақы шотын жабады

<a href="https://kyzylorda-news.kz/">Kyzylorda-news.kz</a>. Бүгін Қазалы ауданында коронавирустық инфекцияға қарсы ерікті түрде вакцина салу науқанының алғашқы кезеңі басталды.
Ресейде шығарылған «Спутник V» вакцинасын бірінші кезекте жұқпалы індетке қарсы күресте қауіпті аймақта жұмыс жасайтын медицина қызметкерлері алып жатыр.
<blockquote>
 «Вакцинациялаудың бірінші кезеңінде Қазалы ауданында 350 медицина қызметкерлеріне екпе егуді жоспарлап отырмыз. Бірінші кезекте реанимация, жұқпалы аурулар, қабылдау бөлімінің және жедел жәрдем қызметкерлеріне екпе егіледі. Бүгін 50 медицина қызметкеріне вакцина салынады», – деді Қазалы ауданаралық ауруханасының бас дәрігері Бақыткүл Әлішева.
</blockquote>
Айта кетейік, медицина қызметкерлерін вакциянациялау жұмыстары Қазалы қаласындағы емханада жүргізіліп жатыр. Мұнда вакцинация жұмыстарын жүргізуге барлық жағдай жасалған. Оның ішінде қызметкерлердің күту, тексеру, бақылау және екпе салу кабинеттері бар.

Қазалыда вакцина егу басталды

<a href="https://kyzylorda-news.kz/">Kyzylorda-news.kz</a>.&nbsp; Арал ауданында шағын және орта бизнес өкілдері мемлекеттік бағдарламалар арқылы өз кәсіптерін дөңгелетіп отыр. Мысалы, «Бизнестің жол картасы 2025» мемлекеттік бағдарламасы аясында 7 жоба субсидияланды.
<blockquote>
 «Ауданда шағын және орта бизнес өкілдерінің саны – 4089. Өткен жылы аудандағы бөлшек сауданың көлемі 7,3 млрд. теңгеге, көтерме сауда 12,2 млрд. теңгеге жетті. Бұған қоса, «Агробизнес» бағдарламасы арқылы мал санын арттыруға бағытталған 32, қаржы институттары арқылы 128 жоба қаржыландырылды. Сондай-ақ, өткен жылы жеке кәсіпкердің бастамасымен «С» және «Д» санатындағы жол бойы сервистік қызмет көрсету кешені пайдалануға берілді», – деді Арал ауданының әкімі Мұхтар Оразбаев.
</blockquote>
Сонымен қатар, «Еңбек» мемлекеттік бағдарламасы аясында кәсіпкерлікті дамыту бойынша 246 адамға сертификат табысталды. Оның ішінде, 98 адам өз кәсіптерін ашу үшін 391,1 млн. теңге несие алды. Жаңа бизнес идеяларды іске асыру шеңберінде 374 адамға мемлекеттік қайтарымсыз грант берілді.

Аралда қаржы институттары арқылы 128 жоба қаржыландырылды

<a href="https://kyzylorda-news.kz/">Kyzylorda-news.kz</a>. Өткен тәулікте Қызылорда қаласының іргесіндегі Сабалақ саяжайындағы уақытша тұрғын үйлердің бірінен өрт шығып, бір отбасы баспанасыз қалды. Адам шығыны тіркелген жоқ.
Шаһар басшының тапсырмасына сәйкес, қала әкімінің орынбасары Бектас Нұридинов өрттен зардап шеккен отбасыға барды.
Құтқару қызметіне Сабалақ саяжайы, Победа көшесі нөмірсіз мекен-жайда өрт орын алғаны туралы хабарлама 9 наурыз күні сағат 22:20 шамасында келіп түскен. Аталған оқиға орнына шұғыл жеткен өрт сөндіру бөлімінен 3 техника, 8 қызметкер жұмылдырылып, 23:35 шамасында өрт толық оқшауланған. Бұл үйде жалғызбасты ана Сағыныш Давлетова 2 қызымен және мүмкіндігі шектеулі өгей әкесімен бірге паналап келіпті. Жергілікті билік мән-жайды көзбен көріп, қажетті шаралар тізбегін жасақтады.
Отбасы мүшелері жалдамалы пәтерге орналастырылады. Пәтердің жалдау құны Тасбөгет кенті әкімдігі арқылы өтелетін болады. Алдағы уақытта өрттен зардап шеккен отбасыны уақытша баспанаға орналастырып, үй кезегіне тіркеу бойынша да жұмыстар атқарылады. Отбасыны азық-түлік, қажетті киім-кешекпен қамтамасыз ету де демеушілік есебінен шешімін тапқан.
<blockquote>
 «Ендігі ретте Сағыныш Давлетованың анасының атына тіркелген үйіне қатысты құқық меншігін анықтау жұмыстарын жүргізіп, құжаттарын қайта рәсімдеуге жібереміз» – дейді қалалық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Индира Ақжігітова.
</blockquote>
Бөлім басшысының айтуынша, бұл отбасыға бір реттік мемлекеттік жәрдемақы да тағайындалады.
<img src="https://kyzylorda-news.kz/wp-content/uploads/2021/03/159713222_2789731491293591_4853990700161041646_o.jpg" alt="" />

Қызылорда қаласы әкімінің орынбасары өрттен зардап шеккен отбасыға барды

<a href="https://kyzylorda-news.kz/">Kyzylorda-news.kz</a>. Қазақстанда ҰБТ электрондық форматта өтіп жатыр. Бұл туралы ҚР Білім және ғылым министрлігінің баспасөз қызметі мәлімдеді.&nbsp;&nbsp;
<blockquote>
 «Тестілеуді өткізу кестесіне сәйкес бүгін еліміздің 12 аймағында ҰБТ өтіп жатыр. Ал Нұр-Сұлтан қаласы мен Батыс Қазақстан облысында тестілеу 12 наурызда, &nbsp;Атырау, Қарағанды және Павлодар облыстарында 15 наурызда басталады», – деп хабарлайды министрлік.&nbsp;
</blockquote>
Айта кетейік, наурыз айындағы ҰБТ-ның сертификаты жоғары оқу орындарының ақылы бөліміне түсуге жарамды.

Қазақстанда ҰБТ электронды форматта өтуде

<a href="https://kyzylorda-news.kz/">Kyzylorda-news.kz</a>. Қаңтар айынан бастап іске қосылған «Тұтынушылардың құқықтарын қорғаудың бірыңғай ақпараттық жүйесі» арқылы 30 қызылордалық өтініш білдірді. Бұл туралы Өңірлік коммуникациялар қызметінің ақпарат алаңында өткен брифингте облыс бойынша тұтынушылардың құқықтарын қорғау департаментінің басшысы Ерқасым Сүлейменов мәлімдеді.
Бұрын тұтынушылар өтініш немесе шағымын мекемеге барып жазатын. Енді ұялы телефонмен ақпараттық жүйеге кіріп өтініш жазу мүмкіндігі бар. Жауабында смартфон арқылы ала алады.
<blockquote>
 «Шыны керек, бұл жүйе біздің тұтынушымен байланысымызды арттыра түсті. Біз департаментке түскен әрбір өтінішті жіті қарап, заңға сәйкес жауап берудеміз. Тұтынушы шағым түсірген мекеме тексеруді қажет етпеген жағдайда 15 күн ішінде, ал мекемені барып тексеретін болсақ, 30 күн ішінде жауап береміз», – деді облыс бойынша тұтынушылардың құқықтарын қорғау департаментінің басшысы Ерқасым Сүлейменов.
</blockquote>
Өткен жылы жазбаша және телеграм бот арқылы департаментке тұтынушылар құқықтарының бұзылуы туралы 209 өтініш түскен. Оның 117-сі бөлшек саудаға, 40-ы жолаушылар тасымалдау, 19-ы тұрғын үй коммуналдық шаруашылық қызметтері саласына байланысты болса, басқа салалар бойынша – 33 өтініш түскен.

Қызылордада тұтынушылар өтінішті жаңа жүйе арқылы беруде

<a href="https://kyzylorda-news.kz/">Kyzylorda-news.kz</a>. Биыл Қызылорда облысында ұзындығы 339 шақырымды құрайтын автомобиль жолдары мен көпір өткелдері және көшелер жөнделетін болады.
Оған республикалық және облыстық бюджеттен 19 млрд теңгеден астам қаражат бөлінген. Сондай-ақ, мемлекеттік бағдарламалар арқылы да 10 362,0 млн. теңге көлемінде инвестиция тартылған. Бұл туралы Өңірлік коммуникациялар қызметінің ақпарат алаңында өткен брифингте облыстық жолаушылар көлігі және автомобиль жолдары басқармасының басшысы Мұрат Тлеумбетов мәлімдеді.
<blockquote>
 «Нұрлы жол» бағдарламасы аясында 33 жоба іске асырылады. Яғни биыл облыстық және аудандық маңызы бар жолдар жөнделіп, пайдалануға беріледі. Сондай-ақ, жол қозғалысы қауіпсіздігін қамтамасыз ету мақсатында «Қызылорда –Жалағаш» жолы жөндеуден өтеді. Елді мекендердің кіреберіс жолдарын дамыту және аудан орталықтарымен байланыстыру мақсатында Арал ауданының Жаңақұрылыс, Бекбауыл ауылдарына баратын жолдарды салу үшін жаңа жобалар жүзеге асырылады,- деді Мұрат Жолкелдіұлы.
</blockquote>
Сонымен қатар, облыстық маңызы бар жолдардың бойындағы бес апаттық жағдайдағы көпір жөнделеді. Бұған қоса, Қазалы ауданы, Қарлан учаскесіне Сырдария өзені арқылы көпір салынатын болады. Бүгінде жоба-сметалық құжаттары әзірленіп, мемлекеттік сараптамадан өткізілуде. Тиісті құжаттары дайын болғанда құрылыс жұмыстары басталады.

Биыл «Қызылорда – Жалағаш» жолы жөнделеді

<a href="https://kyzylorda-news.kz/">Kyzylorda-news.kz</a>.&nbsp;Қызылорда қаласы Тасбөгет кентіне қарасты “Сабалақ” саяжайында үй өртенді.
Үй иесі жалғызбасты ана 3 баласымен далада қалды. Оқыс оқиғадан зардап шеккендер жоқ. Өрт кезінде үйде ешкім болмаған.
Қазаргі таңда қала әкімдігі тарапынан азық-түлік, киім-кешек мәселесі шешілуде. Оқыс оқиғадан зардап шеккендерге уақытша баспана беріледі.
<img src="https://kyzylorda-news.kz/wp-content/uploads/2021/03/158890602_2137856203016186_7021883513419365695_n.jpg" alt="" />
<img src="https://kyzylorda-news.kz/wp-content/uploads/2021/03/159412602_2137856249682848_3460639863802748564_n.jpg" alt="" />
<img src="https://kyzylorda-news.kz/wp-content/uploads/2021/03/159966109_2137856293016177_7860602706603176572_n.jpg" alt="" />

Қазақстан және Қызылорда облысының жаңалықтары