<a href="https://kyzylorda-news.kz/">Kyzylorda-news.kz</a>. Ішкі істер министрлігі Тәуелсіздіктің 30 жылдығына арналған рақымшылыққа кімдердің ілінетінін түсіндірді, деп хабарлайды&nbsp;<a href="https://sputnik.kz/">Sputnik Қазақстан.</a>
Қылмыстық атқару жүйесі комитетінің мәліметіне сүйенсек, мәжілістің қарауына түскен заң жобасында алғаш рет “әлеуметтік жағынан осал адамдар” ұғымы енгізіліп отыр.
Осы құжатта қылмыстық теріс қылық жасаған және залал келтіруге әкеп соқпаған, не оны толық өтеген азаматтар мен мемлекеттің қауіпсіздігіне қатер төндірмейтін аса ауыр емес, сондай-ақ ауырлығы орташа қылмыс жасаған азаматтарды жазадан босату ұсынылып отыр.
Сондай-ақ негізгі жазаның мерзімі мен мөлшерін қысқарту қарастырылған.
<blockquote>
 “Аталған топтағы адамдардың залалды толық өтеуі, сондай-ақ осы заң қолданысқа енгізілген күні жазасын өтеуге бір жылдан аспайтын уақыт аралығында теріс мінез-құлық көрсептеуі ескеріледі”, – дейді комитет мамандары.
</blockquote>
Ал жергілікті атқарушы органдар еңбекке қабілетті адамдарды жұмысқа орналастыруға қол ұшын береді. Түрмеден шыққандарға әлеуметтік және өзге де көмек көрсетіледі.
Айта кетері, педофилдерге, жемқорларға, адам өлтіргендер мен экстремистерге, қылмыстық топтардың қатысушыларына рақымшылық жасалмайды.
Өткен аптада мәжіліс депутаттары “ҚР Тәуелсіздігінің отыз жылдығына байланысты рақымшылық жасау туралы” заң жобасын қарауға&nbsp;<a href="https://sputnik.kz/app/article/%D0%9F%D0%B0%D1%80%D0%BB%D0%B0%D0%BC%D0%B5%D0%BD%D1%82%D0%BA%D0%B5%20%D1%80%D0%B0%D2%9B%D1%8B%D0%BC%D1%88%D1%8B%D0%BB%D1%8B%D2%9B%20%D1%82%D1%83%D1%80%D0%B0%D0%BB%D1%8B%20%D0%B7%D0%B0%D2%A3%20%D0%B6%D0%BE%D0%B1%D0%B0%D1%81%D1%8B%20%D1%82%D2%AF%D1%81%D1%82%D1%96%20%20%D3%98%D1%80%D1%96%20%D2%9B%D0%B0%D1%80%D0%B0%D0%B9%20%D0%BE%D2%9B%D1%83:%20https:/sputnik.kz/society/20210901/18013329/Parlament-rakymshylyk-zan.html">кірісті.</a>
<blockquote>
 “Заң жобасы Тәуелсіздіктің 30 жылдығына орай ізгілік қағидаты негізінде қылмыстық-атқару жүйесі мекемелерінде отырған және пробация қызметінің есебінде тұрған адамдарды жазадан және қылмыстық жауаптылықтан босатуға, сондай-ақ жазаның өтелмеген бөлігін қысқартуға бағытталған”, – дейді депутат Қожахметов
</blockquote>

Тәуелсіздіктің 30 жылдығында кімдерге рақымшылық жасалады?

<a href="https://kyzylorda-news.kz/">Kyzylorda-news.kz</a>. Әлеуметтік медициналық сақтандыру қоры коронавирустық инфекцияның таралуын болдырмау мақсатындағы&nbsp; іс-шараларды қаржыландырудың қорытындылары туралы есеп берді және медицина қызметкерлеріне қаржылық қолдау көрсетудің&nbsp; жаңа моделіне көшу туралы&nbsp; айтып өтті.
2021 жылдың 1 – жарты жылдығының қорытындылары туралы айтумен қатар, Қордың COVID-19-дың&nbsp; таралуын болдырмаудағы, коронавирустық инфекциямен ауыратын науқастарды диагностикалау мен емдеудегі іс-шараларды қаржыландыру бойынша&nbsp; рөлін атап өту маңызды.&nbsp;
1-ші жартыжылдықта КВИ-мен күрес аясындағы іс-шараларды қаржыландыруға барлығы 219 млрд теңге бағытталды, оның ішінде 197,6 млрд теңге ТМККК қаражаты есебінен, 21,4 млрд теңге МӘМС есебінен жасалынды. Оның ішінде медициналық қызметтер үшін жұмсалған&nbsp; қаржы 112,8 млрд теңге, ал COVID-ке қарсы күрес шараларына тартылған медицина қызметкерлеріне үстеме ақы 106,2 млрд теңгені құрады.
Қор басшысы айтып өткендей, дәрігерлерге қаржылық қолдау көрсету&nbsp; 2020 жылдың наурыз айынан бастап үш тәуекел тобы бойынша коронавирустық инфекцияны жұқтыру қаупі үшін төленетін үстемеақылар түрінде көрсетіледі: I топ – 850 мың теңге; II топ – 425 мың теңге; III топ-212,5 мың теңге. Ағымдағы жылдың маусым айына дейін осы мақсаттарға шамамен 229 млрд теңге бағытталды.
Сонымен қатар, үстіміздегі&nbsp; жылдың ақпан айынан бастап дәрігерлерді басым&nbsp; түрде вакцинациялаудың арқасында (қамту 100% – ға жуық) олардың арасындағы аурудың қаупін айтарлықтай төмендетуге қол жеткізілгені туралы айтылды. Осыған байланысты тамыз-қыркүйек айларында ауруды жұқтыру қаупі үшін үстемеақылар төлеу әрбір тәуекел тобы үшін белгіленген мәндердің 50% мөлшерінде жүргізілетін болады. (I топ-425 мың теңге; II топ – 212,5 мың теңге; III топ-106,25 мың теңге).
<blockquote>
 “Мемлекет басшысының кеңейтілген отырыста берген тапсырмасына сәйкес, дәрігерлерді ендігі ынталандыру бойынша&nbsp; үстемеақылар жүйесі&nbsp; үстіміздегі&nbsp; жылдың қазан айынан бастап&nbsp; Эпидемиологиялық&nbsp; ахуалға қарамастан жұмыс істейтін медицина қызметкерлерін қолдау және ынталандыру қағидаларына сәйкес жүзеге асырылатын болады”, – деп атап өтті Болат Төкежанов.
</blockquote>
COVID-19 коронавирустық инфекциясымен күрес аясында эпидемияға қарсы іс-шараларда жұмыс істегені үшін төмендегі қызметкерлер&nbsp; қосымша ақы алатын болады:
– инфекциялық стационарлардың, провизорлық және карантиндік стационарлардың дәрігерлік, орта және кіші медициналық персоналы;
– дәрігер-реаниматологтар;
– дәрігерлік персонал, орта медициналық персонал және ЖМК, МСАК мобильді бригадаларының, медициналық авиацияның жүргізушілері;
– шұғыл стационарлардың, МСАК ұйымдарының қабылдау бөлімшелерінің қызметкерлері; сондай-ақ блок-бекеттерде карантиндік режимді қамтамасыз ететін денсаулық сақтау қызметкерлері;
– СЭС вирусолог-дәрігерлері мен зертханашылары; СЭС дәрігер-бактериологтары мен зертханашы-бактериологтары, СЭС сынамаларын қабылдау және іріктеу жөніндегі ЖМК және дәрігерлері, СЭС жүргізушілері, санитарлары және дезинфекторлары.
Кәсіптік тәуекелдер үшін берілетін&nbsp; қосымша ақы 14 қызмет үшін белгіленген лауазымдық жалақы мөлшеріне түзету коэффициентін қолдана отырып жүргізілетін болады.
Жоғарыда аталған қызметтерден басқа, оларға босандыру қызметінің, стационардың педиатриялық қызметтің, пульмонологиялық қызметтің, ядролық медицинаның, сәулелік диагностика қызметінің, патологоанатомиялық қызметтің, МСАК қызметінің медицина қызметкерлері де қосылады.
&nbsp;Аталған&nbsp; өзгерістерге байланысты жалақы дәрігерлер мен орта медициналық қызметкерлердің басым мамандықтары бойынша ұлғайтылатын болады (қосымша ақының мөлшері ең төменгі жалақының 1,5-тен 6-ға дейінгі мөлшерін&nbsp; немесе 63 750 теңгеден бастап 255 000 теңгеге дейінгі мөлшерді&nbsp; құрайды).

Дәрігерлерге 229 млрд теңгеден астам үстемеақы төленді

<a href="https://kyzylorda-news.kz/">Kyzylorda-news.kz</a>. Биылғы жылы су айдындарында 40 оқиға тіркеліп, 45 адам қайғылы жағдайға ұшыраған. Оның ішінде кәмелет жасына толмаған 23 бала бар. Өңірлік коммуникациялар қызметінде өткен брифингте Қызылорда облысы төтенше жағдайлар департаменті бастығының орынбасары Саид Молдақараев суға шомылу маусымы кезіндегі қайғылы оқиғалардың негізгі себебін баяндады.
<blockquote>
 «Суда адамдардың қаза болуының негізгі себебі қауіпсіздік ережелерін өрескел бұзуынан болып отыр. Атап айтқанда, су айдындарының зерттелмеген жеріне суға шомылу және балық аулау кезінде қауіпсіздік ережелерін сақтамаудан болған. Сонымен қатар, спирттік ішімдік ішіп суға түсу мен балаларды бақылаусыз қалдырудың аяғы қайғылы оқиғаларға әкеп соғуда. Биылғы жылдың өзінде 45 адам суға шомылу кезінде қайтыс болды. Атап айтқанда, 3 адам балық аулау кезінде, 15 адам белгісіз жағдайда суда денесі табылды. Сондай-ақ, 10 адам оқыс жағдайдың кесірінен қаза тапса, 17 адам суға түсуге болмайтын жерде батып кеткен. Дегенмен, 16 адам құтқарылды. Бұл ретте төтенше жағдайлар департаментінің жедел құтқару жасағы мен қалалық полиция басқармасы және БАҚ өкілдерімен бірлесіп күнделікті бекітілген кестеге сәйкес күндізгі 14:00 ден түнгі 22:00 ге дейін рейдтік іс-шаралар жүргізуде. Алдағы уақытта атқарылған жұмыстар өз жалғасын табатынын айта келе төтенше жағдайлар департаментінің құрылымдық бөлімшелері әрқашан оқыс оқиғалардың алдын алуға дайын екендігін айтқым келеді»,- деді Облыстық төтенше жағдайлар департаменті бастығының орынбасары Саид Шазындаұлы.
</blockquote>

Қызылордада жыл басынан бері кәмелет жасына толмаған  23 бала суға кетті

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Қазақстан халқына Жолдауында денсаулық сақтау жүйесінің тиімділігін арттыру мәселелеріне ерекше назар аударды. Жаһандық пандемияның осы қиын жылдарында біз осы қауіпті вирусты жеңу үшін бірге күресуміз керек. Өзінің тиімділігін дәлелдеген қуатты қару – бұл вакцинация. Қазақстанда вакциналардың жеткілікті қоры және ұлттық вакцина түрі – QazVak бар. Айта кетейін, Қор филиалының барлық қызметкерлері толығымен коронавирусқа қарсы екпе алды.
Қасым-Жомарт Тоқаевтың коронавирусқа қатысы жоқ ауруларға байланысты ахуалдың нашарлауына жол бермеу керек деген сөздерін толық қолдаймын. Жүйелі түрде жоспарлы скринингтерді, екпелер жүргізу, халыққа уақытылы сапалы медициналық көмек көрсету қажет. Халықты дәрі-дәрмекпен қамтамасыз ету, инфрақұрылымды дамыту, зертханаларды жоғары технологиялық жабдықпен жарақтандыру мәселелері және денсаулық сақтау саласының басқа да түйінді бағыттары ерекше бақылауда болуы тиіс.
Әрине, медицина саласы қомақты қаржыландыруды қажет етеді. Міндетті әлеуметтік медициналық сақтандыру жүйесін енгізумен денсаулық сақтау жүйесін қаржыландыру айтарлықтай өскенімен қаражат көздері әлі де болса арттыруды көздейді.
2020 жылы Мемлекет басшысы коронавируспен күресетін медицина қызметкерлерін қолдау көрсету міндетін қойды.
Сонымен, 2020 жылдың наурыз айынан бастап 2021 жылдың тамыз айына дейінгі кезеңде Әлеуметтік медициналық сақтандыру қорының филиалы Қызылорда облысының 29&nbsp;636 медицина қызметкерлеріне жалақымен қоса, үстемақы төледі. Ағымдағы жылы республикалық бюджеттен үстемақыға 2,8 млрд теңге бөлінді. Қаражат 100 пайызға игерілді. Қосымша қаржыландыру күтілуде.
Біз Мемлекет басшысының Жолдауын толық қолдаймыз және қойылған міндеттерді іске асыру үшін барлық күш-жігерімізді, тәжірибеміз бен біліктілігімізді саламыз.
Бақыт Исмаханбетов,
«Әлеуметтік медициналық сақтандыру қоры» КЕАҚ Қызылорда облысы бойынша филиалының директоры
<img src="https://kyzylorda-news.kz/wp-content/uploads/2021/09/beautyplus_20191219204448213_save.jpg" alt="" />

Бақыт Исмаханбетов: Президент Жолдауы денсаулық сақтау саласына тың серпін бермек

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 6362 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 622,
Алматы қаласы – 582,
Шымкент қаласы – 530,
Ақмола облысы – 274,
Ақтөбе облысы – 912,
Алматы облысы – 389,
Атырау облысы – 548,
Шығыс Қазақстан облысы – 111,
Жамбыл облысы – 194,
Батыс Қазақстан облысы – 151,
Қарағанды облысы – 993,
Қостанай облысы – 73,
Қызылорда облысы – 116,
Маңғыстау облысы – 225,
Павлодар облысы – 423,
Солтүстік Қазақстан облысы – 175,
Түркістан облысы – 44.
Қазақстан бойынша жазылғандар саны – 727989.

Қызылордада тағы 116 адам коронавирустан жазылды

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 3583 адамнан коронавирус инфекциясы ПТР арқылы расталып ауырғаны белгілі болды, деп хабарлайды coronavirus2020.kz сайты.
Аймақтар бойынша:
Нұр-Сұлтан қаласы – 327,
Алматы қаласы – 957,
Шымкент қаласы – 106,
Ақмола облысы – 221,
Ақтөбе облысы – 189,
Алматы облысы – 246,
Атырау облысы – 67,
Шығыс Қазақстан облысы – 169,
Жамбыл облысы – 82,
Батыс Қазақстан облысы – 45,
Қарағанды облысы – 398,
Қостанай облысы – 203,
Қызылорда облысы – 50,
Маңғыстау облысы – 192,
Павлодар облысы – 221,
Солтүстік Қазақстан облысы – 76,
Түркістан облысы – 34.
Жалпы ел бойынша ауырғандар саны 820479.

Қызылордада 50 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қыркүйектің бірінші жексенбісі – мұнай және газ саласы қызметкерлерінің кәсіби меркесі аясында облыс әкімі Гүлшара Әбдіқалықова сала мамандарымен кездесіп, төл мереке иелеріне құрмет көрсетті. Жиынға мұнай компанияларының өкілдері мен сала ардагерлері шақырылды.
Аймақ басшысы бүгінгі кезде игерілген кен орындарының көпшілігі өндірістің соңғы сатысына шығып, қалдық қорларын өндіру ісі қиындық тудырғанымен мұнай-газ саласы аймақ экономикасын дамытуда үлкен рөл атқаратынын ерекше атап өтіп, сала мамандарын кәсіби мерекесімен құттықтады.
<blockquote>
 «Қарапайым халықтың несібесі болған қара алтынды игерген мұнайшылар күнімен Сіздерді құттықтаймын! Ел Президенті Қасым-Жомарт Кемелұлы Тоқаев жаңа Жолдауында геология саласын дамытуға аса көңіл бөлу қажеттігін атап өтті. Сондықтан жаңа перспективалы учаскелерді барлау мәселесі өзекті болып отыр. Қазіргі таңда Республикалық бюджет есебінен үш шөгінді бассейндерін геологиялық зерделеу жұмыстары жүргізілуде. Осы ретте, өңіріміздің мұнай өндіруші және барлаушы компаниялары да атсалысуы қажет», – деді Гүлшара Әбдіқалықова.
</blockquote>
Қазіргі таңда «Кеңқияқ-Атырау» мұнай құбырының реверсін кеңейту жобасы аяқталу үстінде. Жоба толығымен іске асырылғанда Қызылорда облысының мұнай өндіруші компаниялары үшін ішкі нарыққа мұнай жеткізу жүктемесін төмендетуге мүмкіндік береді.
Жиын барысында аймақ басшысы қара алтынды игерген мұнайшылар қауымын марапаттап, ел игілігі жолындағы еңбектеріне толағай табыс тіледі.
Өз саласының үздігі атанған 6 сала маманы: «Құмкөл Транс Сервис» ЖШС Басқарушы директоры Байқадам Абласановқа, «ПетроҚазақстан Құмкөл Ресорсиз» АҚ жобалау бөлімінің басшысы Құрманғазы Асановқа, «Kazpetrolgroup» ЖШС мұнай және газ өндіру мастері Дәулет Ешмұратовқа, «СНПС-Айдан Мұнай» АҚ бұрғылау жұмыстары бойынша супервайзері Самет Қалыбаевқа, «ҚОР» Мұнай компаниясы» АҚ сату бөлімінің маманы Серік Төлегенов пен «КМНПЗ» ЖШС машинисті Мұрат Көшкінбаевқа облыс әкімінің «Құрмет грамотасы» табысталды.
<img src="https://kyzylorda-news.kz/wp-content/uploads/2021/09/240481614_3683541081748934_3249895128996301385_n.jpg" alt="" />
<img src="https://kyzylorda-news.kz/wp-content/uploads/2021/09/241543947_3683541191748923_547984292660561076_n.jpg" alt="" />
<img src="https://kyzylorda-news.kz/wp-content/uploads/2021/09/240491467_3683541278415581_3618115070248208842_n.jpg" alt="" />
<img src="https://kyzylorda-news.kz/wp-content/uploads/2021/09/240488232_3683541225082253_2693711609555553487_n.jpg" alt="" />
<img src="https://kyzylorda-news.kz/wp-content/uploads/2021/09/240463386_3683541161748926_5563746525279449728_n.jpg" alt="" />
<img src="https://kyzylorda-news.kz/wp-content/uploads/2021/09/241366784_3683541268415582_7390260043537523862_n.jpg" alt="" />

Гүлшара Әбдіқалықова мұнай-газ саласы қызметкерлеріне құрмет көрсетті

<a href="https://kyzylorda-news.kz/">Kyzylorda-news.kz</a>. Қазгидромет 7 қыркүйекте ауа райы қандай болатынын болжады.
Синоптиктердің мәліметінше, ертең Қазақстанның батысы, оңтүстік-батысы, солтүстік-батысы және солтүстігінде жаңбыр жауады, найзағай ойнайды. Республиканың басқа аймақтарында жауын-шашын жаумайды.
Республиканың солтүстігі мен оңтүстік-батысында жел күшейеді, солтүстік-батысында тұман болады.
Күндіз Қызылорда облысының солтүстік-батысында найзағай ойнайды, Ақмола облысында жел 15-20 м/с дейін күшейеді.
Қызылорда облысының басым бөлігінде төтенше өрт қаупі сақталады.

7 қыркүйекте ауа райы қандай болады?

<a href="https://kyzylorda-news.kz/">Kyzylorda-news.kz</a>. Қазақстанда магистратура мен докторантураға қабылдау талаптары өзгерді.
Бұл жайында еліміздің Білім және ғылым министрі Асхат Аймағамбетов&nbsp;<a href="https://www.facebook.com/1120704037/posts/10218986983041792/?d=n">Facebook</a>&nbsp;парақшасында мәлім етті.
«Жоғары оқу орындарының қауымдастығы мен Ректорлар кеңесі Тамыз кеңесінің отырысында магистратура мен докторантураға қабылдауға қатысты ұсыныстар енгізген болатын. Егжей-тегжейлі талқылаудан кейін біз қабылдау ережелеріне өзгерістер енгізу туралы шешім қабылдадық. Енді магистратура мен докторантураға қабылдау жылына екі рет өткізіледі.
Яғни, магистратура мен докторантураға түсу емтихандары дәстүрлі түрде тамыз айында және қосымша желтоқсан айында ұйымдастырылады. Осы норма 2021 жылы күшіне енеді деп жоспарлап отырмыз» деп жазады министр.
Оның айтуынша, осы мақсатта Ұлттық тестілеу орталығының қызметкерлері кешенді тестілеу мен түсу емтихандарын қосымша ұйымдастырады.
Құжаттарды қабылдау қараша айында басталады.
«Әлбетте, құжаттары мен емтихандарын тапсыруға, қажетті сертификаттарды алуға үлгермеген азаматтар үшін бұл жағымды жаңалық екені сөзсіз.
Жазғы қабылдау науқаны мен өткізілген емтихандардың қорытындысы бойынша магистратура мен докторантураға арналған білім беру гранттарының артық қалуына байланысты азаматтар осы жылдың желтоқсан айында мемлекеттік гранттарды иелене алады.
Дайындық бағыттары бөлінісінде гранттардың саны мен құжаттарды қабылдаудың нақты мерзімдері туралы ақпарат қосымша жарияланады» деп түйіндеді сөзін Асхат Аймағамбетов.

Магистратура мен докторантураға қабылдау талаптары өзгерді

Бақыт Исмаханбетов:  ӘМС қоры &#8211; пациенттердің құқығы жөніндегі омбудсмен

<a href="https://kyzylorda-news.kz/">Kyzylorda-news.kz</a>. Елімізде 5 қыркүйек Қазақстан халқы тілдері күні болып бекітілген. Ұлт ұстазы саналатын, қазақ әліпбиінің негізін салған Ахмет Байтұрсынұлының туған күніне орайластырылған бұл мерекенің маңызы зор. &nbsp;
Аталған мерекеге орай, Қорқыт Ата атындағы Қызылорда университетінің «Мұстафа Шоқай» ғылыми орталығында «Жеті жұрттың тілін біл» атты дөңгелек үстел ұйымдастырылды. Оған білім ордасының тіл мамандары мен студенттер қатысып, белсенділік танытты.
<blockquote>
 «Бүгінгі шара жастарға, өскелең ұрпаққа мемлекеттік тілді қадірлеу, қазақ тілінің мемлекеттік тіл ретінде қолданыс аясын кеңейту мақсатында өткізілді. Тәуелсіз елдің ұрпағы ретінде ана тілімізді этносаралық тіл деңгейіне жеткізу біздің азаматтық парызымыз. Қай тілді мықты тіл деп санауға болады десек, оның жауабы сөйлеушісі көп тіл – мықты тіл. Сондықтан қазақ тілін дамыту үшін оның сөйлеушілерінің санын арттыруымыз керек. Ол үшін осындай іс-шаралар, үгіт-насихат жұмыстары тоқтамауы керек», – деді филология ғылымдарының профессоры Аман Абасилов.
</blockquote>
Еске сала кетейік, бұған дейін мемлекеттік тілді дамыту мақсатында бірқатар шаралар өткізіліп келеді. Сонымен қатар, университетте Алаш арысы, ұлы ұстаз Ахмет Байтұрсыновтың 150 жылдық мерейтойы қарсаңында ауқымды шаралар ұйымдастыру жоспарланған.
<img src="https://kyzylorda-news.kz/wp-content/uploads/2021/09/1-10.jpg" alt="" />

Тіл мәртебесі &#8211; ел мәртебесі

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым – Жомарт Кемелұлы Тоқаев үстіміздегі жылдың 1 қыркүйегінде «Халық бірлігі және жүйелі реформалар – ел өркендеуінің берік негізі» атты Қазақстан халқына жолдауын ұсынды.
Биылғы Жолдау Тәуелсіздігіміздің 30 жылдығымен тұспа – тұс келіп отыр. Жолдау жеті бөлімнен және бес бастамадан тұрады. Жолдаудың қай бөлігінде де, Президентіміз еліміздің әл – ауқатының артуы мен экономикамыздың алға басуына және өзіміздің білім саласының дамуына айрықша назар аударған.
Өзім жиырма жылдан аса еңбек жолымның он бес жылында техникалық және кәсіптік білім беру саласында атқарып келемін. Осы жылдардың барлығында да кезекті Жолдауларда техникалық және кәсіптік білім беру саласы назардан тыс қалған емес. Жолдауды жүзеге асыруға арналған іс – шаралар жоспарына сәйкес түрлі мемлекеттік бағдарламалар қабылданып, техникалық және кәсіптік білім саласында оң нәтижеге бағытталған көп өзгерістер орын алды.
Ал, биылғы Жолдауда да білім саласының алға басатындығы ерекше айтылған. Жыл сайын педагогтардың жалақысының өсуі, педагог мамандығын таңдаған түлектердің көбеюі, дарынды балалардың көбеюі, сұранысқа сай мамандықтарға сай мемлекеттік тапсырыстың көбеюі осының дәлелі.
Пандемия кезіндегі қашықтықтан оқыту да өз кезегінде ұстаздар қауымына оң өзгерістер әкелді. Яғни, барлық ұстаздарымыз ақпараттық – комминациялық технологиялар мен ақпараттық құралдарды басқаруды, түрлі бағдарламалармен жұмыс жасауды меңгерді.
Алда «Цифрлы ұстаз» білім беру жобасы іске асырылатын болады. Педагогтардың кәсіби біліктіліктіліктерін арттыруды 5 жылда емес, 3 жылда бір рет қайта даярлау өте дұрыс қолға алынған. Өйткені білім жүйесінде түрлі оқыту технологиялары мен оқу бағдарламалары енгізілуде. Әрбір педагог жаңартылған білім беру бағдарламалары бойынша, ақпараттық – комминикациялық құзіреттіліктерін қалыптастыру, оқу- тәрбие процесін ұйымдастыру мен ғылыми – әдістемелік құзіреттіліктерін дамыту бағытындағы біліктілікті арттыру курстарынан өткені дұрыс.
Жолдаудағы тағы бір білім саласына қатысты айтылған балаларды ерте жастан мамандыққа бейімдеуді толық қуаттаймын. Өскелең ұрпақ болашақ мамандығын жастайыннан таңдап, бейімделуі қажет. Бұл «Атамекен» Ұлттық кәсіпкерлер палатасымен бірлесе жүзеге асырылмақ. Бұған дейін қабылданған «Тегін техникалық және кәсіптік білім беру» жобасының алдағы уақытта та жүзеге асырыла беретіні осы саланың оқытушылары мен инженер – педагогтары үшін қуанышты жағдай. Жұмыссыз жастарды мамандыққа оқытуға, тұрмысы төмен отбасы балаларының жағдайын түзетуге нақты тапсырмалар қабылданбақ. Алда сұранысқа ие барлық мамандық бойынша техникалық және кәсіптік білім жүз пайыз тегін берілмек. Сонымен қатар әскердегі сарбаздардың экономикадағы нақты сектор үшін қажетті жұмысшы мамандығын игеру мәселесі көтерілгені өте орынды.
Президентіміздің жыл сайын 1 – қыркүйек – Білім күні Қазақстан халқына Жолдауын ұсынатыны ұстаздар қауымы үшін үлкен жігер мен зор жауапкершілікті жүктей отырып, көңілге қуаныш ұялатады.
Арман МУСАЕВ,
Қазалы аграрлы-техникалық колледжінің директоры

Қазақстан және Қызылорда облысының жаңалықтары

Тәуелсіздіктің 30 жылдығында кімдерге рақымшылық жасалады?

Дәрігерлерге 229 млрд теңгеден астам үстемеақы төленді

Қызылордада жыл басынан бері кәмелет жасына толмаған 23 бала суға кетті

Бақыт Исмаханбетов: Президент Жолдауы денсаулық сақтау саласына тың серпін бермек

Қызылордада тағы 116 адам коронавирустан жазылды

Қызылордада 50 адамнан коронавирус анықталды

Гүлшара Әбдіқалықова мұнай-газ саласы қызметкерлеріне құрмет көрсетті

7 қыркүйекте ауа райы қандай болады?

Магистратура мен докторантураға қабылдау талаптары өзгерді

Бақыт Исмаханбетов: ӘМС қоры – пациенттердің құқығы жөніндегі омбудсмен

Тіл мәртебесі – ел мәртебесі

Арман Мусаев: Сұранысқа ие мамандықтар 100 пайыз тегін оқытылады

Қазақстан және Қызылорда облысының жаңалықтары

Тәуелсіздіктің 30 жылдығында кімдерге рақымшылық жасалады?

Дәрігерлерге 229 млрд теңгеден астам үстемеақы төленді

Қызылордада жыл басынан бері кәмелет жасына толмаған 23 бала суға кетті

Бақыт Исмаханбетов: Президент Жолдауы денсаулық сақтау саласына тың серпін бермек

Қызылордада тағы 116 адам коронавирустан жазылды

Қызылордада 50 адамнан коронавирус анықталды

Гүлшара Әбдіқалықова мұнай-газ саласы қызметкерлеріне құрмет көрсетті

7 қыркүйекте ауа райы қандай болады?

Магистратура мен докторантураға қабылдау талаптары өзгерді

Бақыт Исмаханбетов: ӘМС қоры &#8211; пациенттердің құқығы жөніндегі омбудсмен

Тіл мәртебесі &#8211; ел мәртебесі

Арман Мусаев: Сұранысқа ие мамандықтар 100 пайыз тегін оқытылады

Бақыт Исмаханбетов: ӘМС қоры – пациенттердің құқығы жөніндегі омбудсмен

Тіл мәртебесі – ел мәртебесі