<a href="https://kyzylorda-news.kz/">Kyzylorda-news.kz.</a> Қызылорда облысында тіркелген 107 мыңдай автокөліктің үштен бір бөлігі ауаға шамадан тыс зиянды заттар бөледі.
Бұл Экология департаменті мамандары мен полицейлердің ай сайын жүргізген рейдтерінің нәтижесі. Атмосфераға таралатын қорғасынның 86%-і осы темір тұлпарлардың шығындысы екен. Ал бейорганикалық заттардың қалыптан тыс түзілуі адам ағзасына тигізер жағымсыз әсері мол. Осыған орай өңірде 2021-2025 жылдарды қамтитын «Таза ауа» жол картасы қабылданды. Бірлескен жоба аясында көліктерді экологиялық нормаға сәйкестендіру шаралары қарқынды жүргізілмек.
Қоршаған ортаға, әсіресе, дизельмен жүретін ескі жүк көліктерінен зиянды газ көп бөлінеді. Мәселен 20 жылдан астам құрылыс материалдарын тасымалдаумен айналысқан мына КамАЗ-дан шыққан қою қошқыл түтін жарты шақырымнан көрінді. Газ талдаушы автотест құрылғысы да қолқаны қапқан газдың құрамында қорғасын көп екенін анықтап берді. Полицейлер көлік иесіне қозғалтқышты жөндеп, сапалы жанармай құю жөнінде біржолғы ескерту жасады. Ал егер экологтардың нұсқаулығына құлақ аспаса, келесі жолы тәртіп сақшылары айыппұл арқалатып жібереді.
<blockquote>
 “Іс-шараның бір күнінде 15 автокөлік тексеріліп, оның ішінде 4 автокөлік нормативке сәйкес еместігі анықталып, ҚР ӘҚБК 334 бабына сәйкес қайталанған жағдайда айыппұл салынатындығы ескертілді”, – ЖПҚБ бөлім басшысы Жандос Қапанов.
</blockquote>
Мамандардың айтуынша, 1 литр бензинде 1 грамм тетраэтилқорғасын болады екен. Одан бөлек, тітіркендіргіш альдегидтер бар. Олар көлік қозғалтқышында түгел жанып кетпесе, шайыр мен қара күйе көбірек тарайды. Қара түтіні будақтаған мына Нивадан алған сынамалар оның моторында осындай ақау бар екенін анық көрсетіп берді. Автотест нәтижесімен лас газ бөліну қалыпты нормадан бірнеше есе асып кеткен.
<blockquote>
 “Дизельдік көлемнің нормасы 2,5%, ал бензиннің көлемдік нормасы 3,0%. Қаладағы 4-5 нүктеден атмосфералық ауаға өлшеу жұмыстарын жүргізіп тұрамыз ай сайын тұрақты түрде. Жалпы Қызылорда қаласы басқа өңірлерге қарағанда таза болып көрсетеді”, – экология департаментінің бөлім басшысы Венера Мұстаяпова.
</blockquote>
Қызылордалықтар ескі әрі арзан транспорт түрін таңдайды, тұтынады және ақауын жөндеуге еш асықпайды. Әрине, қалтасының шамасына қарайды. Бірақ денсаулық пен қоршаған орта тазалығын алдыңғы орынға қойған дұрыс. Өйткені ауада қорғасын мөлшері көбейген сайын ол адам қанының құрамында да ұлғая береді. Нәтижесінде қанның оттегімен қанығуы нашарлап, ағза белсенділігі төмендейді. Бұл көптеген ауру-індет өршуінің басты себепшісі. Сондықтан көлікке салғырт қарамаған жөн.
<a href="https://24.kz/kz/zha-aly-tar/o-am/item/451028-aua-a-shamadan-tys-ziyandy-zattar-b-ledi">Хабар 24</a>

Қызылорда облысындағы көліктердің үштен бір бөлігі ауаға шамадан тыс зиянды заттар бөледі

<a href="https://kyzylorda-news.kz/">Kyzylorda-news.kz.</a>&nbsp;&nbsp;Мемлекет басшысы өткен жылғы қыркүйектегі Қазақстан халқына Жолдауында «Агроөнеркәсіптік кешенді дамыту бағдарламасы келесі жылы аяқталады. Мен Үкіметке бизнеспен бірлесіп, келесі бесжылдыққа арналған агроөнеркәсіптік кешенді дамыту жөніндегі жаңа ұлттық жобаны әзірлеуді бастауды тапсырамын», деген болатын.
Осы орайда кәсіпкерлік палатасының басшысы мәжілісте аймақта кәсіпкерлік саласын дамытуда агроөнеркәсіптік кешеннің маңыздылығына тоқтала отырып, бірнеше мәселені көтерді.
<blockquote>
 «Қызылорда облысы аридті (қуаңшылық) аймаққа жататындықтан, ауылшаруашылығын сусыз елестету мүмкін емес. Сырдария өзені мен Кіші Арал теңізі егістіктер мен жайылымдарды суландырудың негізгі көзі болып табылады. Сонымен қатар балық өсіретін су айдындарын сумен тұрақты қамтамасыз етудің &nbsp;жалғыз жолы. Яғни, су мәселесінің түпкілікті шешілуі аймақта ауылшаруашылық өндірісін кешенді дамыту мүмкіндік береді. Сол себепті «Сырдария өзенінің арнасын реттеу және Арал теңізінің солтүстік бөлігін сақтау» жобасының 2-кезеңін жүзеге асыру мәселесін аталмыш бағдарламаға қосу қажет деп есептейміз», – деді Ғалымбек Жақсылықов.
</blockquote>
<img src="https://kyzylorda-news.kz/wp-content/uploads/2021/01/galymbek-zhaksylykov.jpg" alt="" />
Палата директорының мұнан кейінгі көтерген мәселесі – аймақта «Агропарк» құру.
<blockquote>
 «Ы.Жақаев атындағы «Қазақ күріш шаруашылығы ғылыми-зерттеу институты» тарапынан аймақтың егіс алқаптарын тиімді әртараптандыру мүмкіндіктері жайлы көптеген ғылыми жұмыстар жасалған. Мысалы, Институттың есебі бойынша 1 гектар күріштен түсетін таза табыс 103 мың тг болса, соя, сүрлем жүгері және соргоның таза табысы күріштен кемінде екі есе артық шығады. Яғни, осындай суды аз талап ететін әрі табысы көп болатын дақылдарды егуде Институт тәжірибесін облыста тарату қажет деп есептейміз. &nbsp;Бұл дақылдар облысымызда кең тарамағандықтан, сәйкестендірілген техникалар және сол дақылдарды егіп көрген тәжірибелі Институт пен ғалымдардың көмегіне жүгініп, Институт базасында «Агропарк» құруды ұсынамыз. &nbsp;Ол үшін &nbsp;институттың өңір кәсіпкерлеріне тәжірибесін таратуға толық қауқары бар», – деді Палата басшысы.
</blockquote>
Мәжіліс қорытындысымен облыс әкімі аталмыш ұсыныстарды тиісті сала басшыларына тапсырып, жүзеге асыру тетіктерін қарастыруды тапсырды.

Кәсіпкерлер палатасы өңірдің агроөнеркәсіптік кешенін дамыту бағдарламасына арналған ұсыныстарын жеткізді

&nbsp;<a href="https://kyzylorda-news.kz/">Kyzylorda-news.kz.</a>&nbsp;&nbsp; “Отбасы банк” қанша қазақстандықтың зейнетақы жинағын мерзімінен бұрын алуға өтініш бергенін хабарлады.
“24 қаңтар сағат 12:00-дегі жағдай бойынша 228 миллиард теңгеге (541 миллион доллар – Sputnik) 15 262 өтініш келіп түсті”, – деп хабарлады банктің басқарма төрағасы Ләззат Ибрагимова.
23 қаңтардан бастап “Отбасы банк” (бұрынғы Тұрғын үй құрылыс жинақ банкі) зейнетақы жинағын пайдалануға өтініш қабылдау үшін Enpf-otbasy.kz&nbsp;онлайн-платформасын іске қосты.
700 мыңнан астам қазақстандық БЖЗҚ-да жинақталған қаражатының бір бөлігін тұрғын үй сатып алуға немесе кеңейтуге, емделуге және инвестициялауға жұмсай алады. Әзірге тұрғын үй жағдайын жақсарту үшін ғана өтініш беруге болады.
Банк сонымен бірге қазақстандықтар өзінің зейнетақы жинағын жұмсауды жоспарлап отырған ең танымал бағыттарды атады. Олардың ішінде:
<ul>
<li>ипотекалық қарызды өтеу;</li>
<li>тұрғын үйді толығымен сатып алу;</li>
<li>жақын туыстарына зейнетақы жинағын беру;</li>
<li>“Отбасы банктен” тиімді шарттармен ипотекалық қарыз алу.</li>
</ul>
Зейнетақы жинағын алуға компьютерден ғана өтініш беруге болады. Сайттың мобильді нұсқасы жоқ. &nbsp;
Айта кету керек, біржолғы зейнетақы төлемін алуға арналған арнайы шотты Halyk Bank арқылы да ашуға болады. &nbsp;
БЖЗҚ қаражатын алуға өтініш беру үшін не істеу керектігін&nbsp;<a href="https://sputnik.kz/society/20210123/16107771/zeynetaqy-jinagyn-paydalanu.html">мына жерден</a>&nbsp;оқи аласыз.
<a href="https://sputnik.kz/economy/20210124/16112617/15-myn-adam-zeynetaqy-zhinagy.html">Sputnik Қазақстан</a>

Бір жарым тәулік ішінде 15 мыңнан астам адам зейнетақы жинағын алуға өтініш берді

&nbsp;<a href="https://kyzylorda-news.kz/">Kyzylorda-news.kz.</a>&nbsp; Қазақстанда кеше 827 адам коронавирус індетінен емделіп шықты, деп хабарлайды &nbsp;<a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 203,
Алматы қаласы – 151,
Ақмола облысы – 56,
Алматы облысы – 91,
Атырау облысы – 58,
Шығыс Қазақстан облысы – 21,
Батыс Қазақстан облысы – 6,
Қарағанды облысы – 51,
Қостанай облысы – 3,
Қызылорда облысы – 5,
Маңғыстау облысы – 8,
Павлодар облысы – 88,
Солтүстік Қазақстан облысы – 72,
Түркістан облысы – 14.
Қазақстан бойынша жазылғандар саны – 160 313.

Коронавирустан 5 қызылордалық емделді

<a href="https://kyzylorda-news.kz/">Kyzylorda-news.kz.</a> Қазақстанда 1 480 адам коронавирус жұқтырды, деп хабарлайды coronavirus2020.kz.
Қазақстандағы коронавирус бойынша 24 қаңтар 23:59-дағы эпидемиология бойынша 1 480 адам коронавирус індетімен ауырғаны ПТР арқылы расталды.
Аймақтар бойынша:
Нұр-Сұлтан қаласы – 211,
Алматы қаласы – 135,
Шымкент қаласы – 9,
Ақмола облысы – 219,
Ақтөбе облысы – 9,
Алматы облысы – 79,
Атырау облысы – 101,
Шығыс Қазақстан облысы – 31,
Жамбыл облысы – 18,
Батыс Қазақстан облысы – 89,
Қарағанды облысы – 82,
Қостанай облысы – 137,
Қызылорда облысы – 9,
Маңғыстау облысы – 11,
Павлодар облысы – 217,
Солтүстік Қазақстан облысы – 107,
Түркістан облысы – 16.
Жалпы ел бойынша ауырғандар саны 178 454.

Коронавирус: Қызылордада 9 адам жұқтырды

<a href="https://kyzylorda-news.kz/">Kyzylorda-news.kz</a>. Қаңтардың 25-і күні, Қазақстанның басым бөлігінде күн суытып, көктайғақ болып, тұман түсіп, аяз күшіне мінеді, деп хабарлайды&nbsp;<a href="https://www.kazhydromet.kz/storm">Қазгидромет.</a>
25 қаңтарда Атырау облысының кей жерлерінде тұман, көктайғақ күтіледі. Атырау қаласында түнде және таңертең тұман, көктайғақ болады.
25 қаңтарда Ақтөбе облысының кей жерлерінде тұман, көктайғақ күтіледі. Актобе қаласында тұман болады.
Батыс Қазақстан облысының кей жерлерінде тұман, көктайғақ күтіледі. Орал қаласында көктайғақ күтіледі. Түнде және таңертең тұман болады.
25-28 қаңтарда Жамбыл облысында кей жерлерде тұман күтіледі. 27-28 қаңтарда кей жерлерде солтүстік-шығыстан жел соғады, күші 15-20 м/с-ға жетеді. Тараз қаласында 25-28 қаңтарда кей уақытта тұман болады.
25 қаңтарда Ақмола облысында кей жерлерде бұрқасын, тұман күтіледі. Оңтүстік-батыстан, батыстан жел соғады, кей жерлерде 15-20 м/с болады.
25 қаңтарда Қарағанды облысының кей жерлерінде жаяу бұрқасын, тұман күтіледі. Түнде 25 қантарда кей жерлерінде 35 градус қатты аяз болады.
25 қаңтарда Түркістан облысында кей жерлерінде тұман болады.
25 қаңтарда Қызылорда облысының кей жерлерінде тұман болады.
25 қаңтарда Қостанай облысының кей жерлерінде бұрқасын, тұман, көктайғақ болады. Оңтүстік-батыстан жел соғады, күші кей жерлерде 15-20 м/с-ға жетеді жетеді.
Түнде 25 қаңтарда Шығыс Қазақстан облысында 28-33, кей жерлерде 40 градус аяз күтіледі. Кей жерлерде жаяу бұрқасын, тұман болады.

Қазақстанның басым бөлігінде күн суытады

Kyzylorda-news.kz. Өткен аптада парламент мәжілісіне мүмкіндігі шектеулі жандарды әлеуметтік жағынан қорғауды көздейтін заң жобасы түсті. Құжатта мүгедектік тобын балаларға жеті жастан белгілеу ұсынылған, деп хабарлайды&nbsp;<a href="https://sputnik.kz/">Sputnik Қазақстан</a>.
Заң жобасын еңбек және халықты әлеуметтік қорғау министрлігі әзірледі. Онда баланың денсаулығына, мүмкіндігінің шектелуіне және организм функцияларының бұзылуына байланысты мүгедектік тобын 7 жастан бастап белгілеу туралы норма көзделген.
Министрлік&nbsp;дерегінше мүгедектік тобы жеті жастан берілген кезде, жәрдемақы қанша теңге болуы мүмкін екенін айтты.
<blockquote>
 “Балаларға мүгедектік тобы 7 жастан бастап берілген жағдайда, I топ ең төменгі күнкөріс деңгейінің 1,92 коэффициенті (65 860 теңге), II топ – 1,59 КД (54 540 теңге), III топ – 1,4 КД (48 023 теңге) шамасында жәрдемақы алады”, – делінген ресми жауапта.
</blockquote>
Айта кетсек, 2021 жылы базалық әлеуметтік төлемдерді есептеу үшін ең төменгі күнкөріс деңгейі 34 302 теңге болып бекітілді.
Қазіргі уақытта Қазақстанда мүгедектігі бар балалардың 4 санаты бар: 16 жасқа дейінгі мүгедек бала, 16 жастан 18 жасқа дейінгі бірінші, екінші және үшінші топтағы мүгедек бала.
Мүгедектік тобы балаларға 16 жастан бастап беріледі.
Сонымен қатар, заң жобасында мүгедек бала 18 жасқа толғаннан кейін тәрбиелеп отырған отбасы үшін мемлекеттік тұрғын үй қорынан баспана алуға кезектілікті сақтау көзделіп отыр.
Бұдан бөлек, мүгедектерді әлеуметтік қорғау және жұмысқа орналастыру шараларын қабылдау, сондай-ақ зейнетақымен қамсыздандыру мәселелерін жетілдіру қарастырылған.
Еске салсақ, биыл 1 қаңтардан бастап мүмкіндігі шектеулі жандарға төленетін мемлекеттік әлеуметтік жәрдемақы мөлшері ең төменгі күнкөріс деңгейінің өзгеруіне байланысты 5%-ке өсті.
Жалпы және кәсіби аурулардан, еңбекте мертігуден мүгедек болғандарға:
<ul>
<li>I топ – 65 860 теңге;</li>
<li>II топ – 52 483 теңге;</li>
<li>III топ – 35 675 теңге.</li>
</ul>
Мүгедек балаларға:
<ul>
<li>16 жасқа дейін – 48 023 теңге.</li>
</ul>
16 жастан 18 жасқа дейін:
<ul>
<li>I топ&nbsp; – 65 860 теңге;</li>
<li>II топ – 54 541 теңге;</li>
<li>III топ – 41 163 теңге.</li>
</ul>

Балаларға мүгедектік тобы 7 жастан берілген жағдайда жәрдемақы қанша болады

Kyzylorda-news.kz. Кейінгі кезде смартфон экранының күйіп кетуі жиілеген. Оның себебін Hi-Tech Mail.ru басшысы Дмитрий Рябинин.
Оның мәліметінше, кейінгі бірнеше жылда экранның күйіп кетуі смартфон қолданушылары арасында үлкен мәселеге айналған. Оның себебі адамдар смартфонды жиі қолдана бастаған. Соның салдарынан екі жылдан кейін матрица жанып кетеді және экранда қандай да бір іздер пайда болады.
<blockquote>
 “Ең алдымен экранда ақ және көк болып тұратын аймақтар жанып кетеді, яғни пернетақта іздері қалып қояды. Сондай-ақ, экранның жоғары жағында сағат көрсетіліп тұратын аймақ күйіп кетеді”, – деп түсіндірді Дмитрий Рябинин.
</blockquote>
Сарапшы қазір дисплейді қалпына келтірудің ешқандай әдісі жоқ екенін атап өтті. Алайда телефон ұзағырақ қызмет етуі үшін бірнеше қарапайым тәсілі бар.
<blockquote>
 “Телефон экранына түс таңдаған кезде мүмкіндігінше қара-қоңыр фон қойған дұрыс. Ол смартфон жұмысының уақытын ұзартады. Сонымен қатар телефон қолданылмайтын уақытта экранның автоматты түрде өшуі үшін таймер қосу керек, яғни телефон бес минут қолданылмаса, өзі құлыпталып қалатындай ету қажет. Бұл да экранның жұмысын ұзартады”, – деді маман.
</blockquote>
Сондай-ақ, аса қажет болмаса экран жарығын тым жоғары етіп қоймау қажет. Телефонды сағат көріп отыратын құралға айналдырмай, үнемі фонда тұрған фотоны ауыстыру керек, ішінде бағдарламалардың орналасуын ауыстырып отырған жөн.
Сарапшының айтуынша, жаңа телефон сатып алар кезде сөреде тұрған құрылғыны таңдамаған дұрыс. Оның бағасы салыстырмалы түрде арзан болғанымен, ол біраз уақыт қосулы тұрған. Қандай да бір ақау бірден көрінбегенімен бірнеше айдан кейін пайда болуы мүмкін.
<a href="https://radiosputnik.ria.ru/20210122/smartfon-1594023254.html">Sputnik радиосына</a>

Телефон экраны күйіп кетпеу үшін не істеу керек – сарапшы кеңесі

Kyzylorda-news.kz. Қызылорда облысы Жаңақорған ауданында ауа райы күрт нашарлап, қар құрсауында қалып қойған автокөліктерді құтқару жұмыстары жүргізілді, деп хабарлайды ҚазАқпарат.
Аудан аумағында 23 желтоқсан күні сағат 14.27-те ауа райы күрт құбылып, боран мен қатты жел соқты. Осының салдарынан «Самара-Шымкент» автомобиль жолының 1912-2057 шақырымы жабылды. Бұл Түркістан облысына дейінгі шекараға дейін көліктердің қар құрсауында қалып, кептеліске тап болуына алып келді.
Жолда қалып қойған жүргізушілерге көмек көрсету мақсатында тиісті шаралар атқарылды. Осы мақсатта облыстық төтенше жағдайлар департаменті «Өрт сөндіру және авариялық-құтқару жұмыстары қызметі» мекемесінен 10 қызметкер және 2 техника, №14 өрт сөндіру бөлімшесінен 8 қызметкер және 2 бірлік техника жұмылдырылды.
<blockquote>
 «Жанақорған ауданындағы 2010-2035 шақырым аралығында қар құрсауынан жолдың таза учаскесіне 4 жүк, 3 жеңіл автокөлігі шығарылып, 12 адам құтқарылды. Бұл Манап ауылы мен Қыраш елді мекендері аралығын қамтиды. Ал сағат 19.10-те Түркістан облысының шекарасы тұсындағы жолдың 2056 шақырымында қар құрсауынан жолдың таза учаскесіне 7 жүк, 6 жеңіл автокөлігі шығарылып, 14 адам құтқарылды. Қайтыс болған және зардап шеккен адамдар жоқ. Қазіргі таңда автокөліктер толықтай қар құрсауынан шығарылған», – деп мәлім етті облыстық төтенше жағдайлар департаменті «Өрт сөндіру және авариялық-құтқару жұмыстары қызметінің баспасөз хатшысы Әлия Ережепова.
</blockquote>
Жолды тазарту жұмыстарына «ҚазАвтоЖол» ЖШС-нен 7 техника және 15 қызметкер жұмылдырылды. Естеріңізге сала кетелік

Қызылорда облысында жолда тұрып қалған көліктерге көмек көрсетіліп жатыр

Kyzylorda-news.kz. Қорқыт ата атындағы Қызылорда университеті «Физика-химиялық талдау әдістері» инженерлік бейіндегі зертхана жетекшісі Нұрғали Ақылбеков «ЖОО-ның үздік оқытушысы-2020» байқауының қорытындысы бойынша жеңімпаз атанды.
Жас ғалым химия ғылымдарының кандидаты, химия мамандығы бойынша философия докторы (PhD), Экология және химиялық технологиялар кафедрасының аға оқытушысы.
«ЖОО-ның үздік оқытушысы-2020» байқауына еліміздің 73 жоғары оқу орнынан 623 үміткер қатысқан. 48 жоғары оқу орнынан 150 адам жеңіске жетіп, ЖОО-ның профессор-оқытушылар құрамының педагогикалық және ғылыми шеберлігін саралайтын байқау.
Н.Ақылбеков ұстаздық қызметіндегі және ғылыми-зерттеу жұмыстарындағы табысы үшін 2017 жылы Республикалық «ҒАНИ МҰРАТБАЕВ» атындағы жастар сыйлығының иегері атанды. 2017 ж. Италияның Милано Мариттима қаласында өткен Жас Химиктер Симпозиумының қатысушысы, 2017 жылы ҚР Үкіметінің мемлекеттік «ДАРЫН» жастар сыйлығының иегері, 2019 жылы талантты жас ғалымдарға арналған мемлекеттік ғылыми стипендияның және т.б марапаттардың иегері.
Халықаралық ғылыми-ақпараттық базалық компаниялар Web of Science және Scopusтың басылымдарына енген жоғары импакт-факторлы журналдарда ғылыми мақалалар, шетелдік, халықаралық және республикалық конференциялар мен симпозиумдардағы материалдар мен баяндама тезистері, Қазақстан Республикасы және Ресей Федерациясының өнертабыстық, инновациялық және пайдалы модельге патенттері түріндегі 104 ғылыми еңбектері жарық көрді.
2020 жылдың «Жоғары оқу орнының үздік оқытушысы» атағына ие болған Нұрғали Акылбеков өзінің ғылыми-зерттеу жұмыстарын жүргізу және біліктілігін арттыру мақсатында әлемнің жетекші университеттерінде ғылыми тағылымдамадан өтуге мүмкіндік беретін грантқа ие болды.
Аталған конкурс жоғары оқу орнының оқытушыларына шығармашылық әлеуеттерін жүзеге асыруға және халықаралық ынтымақтастықты кеңейтуге зор мүмкіндік береді.

«ЖОО үздік оқытушысы – 2020»: Қызылордалық жас ғалым жеңімпаз атанды

Kyzylorda-news.kz. Қазақстанда өткен тәулікте 1 584 адамнан коронавирус инфекциясы табылды.
23 қаңтарда республика бойынша 1 584 адамда коронавирусқа тапсырған ПТР тест оң нәтиже көрсетті.
Оның ішінде:
<ul>
<li>Нұр-Сұлтан қаласында – 21274 (+229),</li>
<li>Алматы қаласында – 21141 (+131),</li>
<li>Шығыс Қазақстан облысында – 19804 (+42),</li>
<li>Атырау облысында – 15497 (+96),</li>
<li>Қарағанды облысында – 13226 (+82),</li>
<li>Павлодар облысында – 11695 (+220),</li>
<li>Батыс Қазақстан облысында – 10304 (+84),</li>
<li>Солтүстік Қазақстан облысында – 10107 (+113),</li>
<li>Қостанай облысында – 9350 (+177),</li>
<li>Ақмола облысында – 9299 (+237),</li>
<li>Алматы облысында – 8712 (+92),</li>
<li>Шымкент қаласында – 5787 (+8),</li>
<li>Жамбыл облысында – 5408 (+20),</li>
<li>Түркістан облысында – 3986 (+16),</li>
<li>Маңғыстау облысында – 3960 (+11),</li>
<li>Ақтөбе облысында – 3889 (+10),</li>
<li>Қызылорда облысында – 3535 (+16).</li>
</ul>
Пандемия басталғалы коронавирус инфекциясын жұқтырғандар саны 176 974 адамға жетті.

Қызылордада коронавирус жұқтырғандар көбейіп барады

Kyzylorda-news.kz. ҚР Білім және ғылым министрі орта білім саласының өкілдерімен кездесті, деп хабарлайды <a href="https://www.inform.kz/kz/bilim-ministri-mektep-basshylaryn-tagayyndau-men-olardyn-zhalakysyn-arttyru-zhayynda-aytty_a3744478">ҚазАқпарат</a>.
<blockquote>
 «Үзілісті қажет етпей, төрт жарым сағат бойы әңгімелестік. Әріптестерім көкейлерінде жүрген сауалдарын қойып, мәселелерін ортаға салды және идеяларымен бөлісті. Кездесуге қатысушылар орта білім беруді дамыту бойынша өз ұсыныстарын айтты. Әдіскерлердің рөлін арттыру, ротация институтын енгізу, білім беру ұйымдарының басшыларына қойылатын талаптарды күшейту, оларды тағайындау және аттестаттау тәртібін өзгерту қажеттілігі туралы сөз қозғалды. Ұстаздар «білікті педагогтар басшылық лауазымдарға ұмтылуға құлықты емес» дейді. Өйткені директорлардың айлығы ұстаздардың еңбекақысынан әлдеқайда төмен. Дегенмен, жүктелетін міндет көп, артылатын жауапкершілік жоғары», – деп жазды министр әлеуметтік желідегі парақшасында.
</blockquote>
Осыған байланысты А. Аймағамбетов мектеп басшыларын тағайындау және олардың жалақысын арттыру бойынша енгізілетін өзгерістер туралы айтып берді.
<blockquote>
 «Алдағы уақытта осы жаңашылдықтар жайында толығырақ жазатын боламын. Кездесу барысында педагогтарды аттестаттау, саладағы цифрландыру, педагогикалық этика нормаларын сақтау, білім беру бағдарламалары мен оқулықтардың мазмұнын жақсарту, қашықтан оқытуды ұйымдастыру мәселелері, «Алтын белгіге» үміткерлерге қойылатын талаптарды күшейту және тағы басқа өзекті мәселелер көтерілді», – деді министр.
</blockquote>
Оның айтуынша, жиынға қатысушылар педагог мәртебесі артып, жалақының айтарлықтай көтерілгенін алға тартты.
<blockquote>
 «Басқа да өзекті мәселелерді бірге талқыладық. Олардың көпшілігі бойынша тіпті заңнамалық деңгейде нақты шешімдер қабылданған. Бұл мәселелер туралы да келесі жазбаларымда толығырақ айтып беремін. Кездесуге қатысқан әріптестеріме айтылған ұсыныстары мен қойылған сұрақтарына алғыс айтамын», – деді А. Аймағамбетов.
</blockquote>

Қазақстан және Қызылорда облысының жаңалықтары