<a href="https://kyzylorda-news.kz/date/2020/10/22/">Kyzylorda-news.kz.</a> Қазақстанда өткен тәулікте 141 адамның коронавирус жұқтырғаны ПТР арқылы расталып, ауырғаны белгілі болды, деп хабарлайды ведомствоаралық комиссия.
<blockquote>
 “Коронаврус індетін жұқтырғандардың ең көбі Шығыс Қазақстан (21) облысында анықталды. Одан кейін Қарағанды облысы (16) мен Нұр-Сұлтан (15) қаласында тіркелді”, – делінген хабарламада.
</blockquote>
Қалалар мен өңірлер бойынша:
<ul>
<li>Нұр-Сұлтан қаласы –&nbsp;15</li>
<li>Алматы қаласы –&nbsp;11</li>
<li>Шымкент қаласы –&nbsp;3</li>
<li>Ақмола облысы –&nbsp;9</li>
<li>Ақтөбе облысы –&nbsp;5</li>
<li>Алматы облысы –&nbsp;11</li>
<li>Атырау облысы –&nbsp;12</li>
<li>Шығыс Қазақстан облысы –&nbsp;21</li>
<li>Жамбыл облысы –&nbsp;2</li>
<li>Батыс Қазақстан облысы –&nbsp;6</li>
<li>Қарағанды облысы –&nbsp;16</li>
<li>Қостанай облысы –&nbsp;5</li>
<li>Қызылорда облысы –&nbsp;1</li>
<li>Маңғыстау облысы –&nbsp;2</li>
<li>Павлодар облысы –&nbsp;12</li>
<li>Солтүстік Қазақстан облысы –&nbsp;9</li>
<li>Түркістан облысы –&nbsp;1.</li>
</ul>
Айта кетейік, бүгінге дейін республика бойынша коронавирус жұқтырған адамдардың саны 109&nbsp;907 науқасқа жетті.

Қызылордада өткен тәулікте 1 адамнан коронавирус анықталды

<a href="https://kyzylorda-news.kz/date/2020/10/22/">Kyzylorda-news.kz.</a> Мемлекет басшысы Қасым-Жомарт Тоқаевтың коронавирустың ықтимал екінші кезеңіне дайындық мәселесі бойынша кеңес өткізгені белгілі. Бұл бізді де ойлантпай қоймады. Расында көзге көрінбейтін, қолға ұсталмайтын вирус менменсіп кеткен адамды тәубесіне түсірді. Енді арқаны кеңге салып, алаңсыз жүретін кез емес. Сақтанбасаң сан соғасың. Өзің ғана емес жақындарыңа вирус жұқтырып, арты өкінішке ұрындыруы әбден мүмкін.
«Сақтықта қорлық жоқ» демекші күнделікті қарапайым сақтық шараларын ұстану – төнген қатерге қалқан болады. Қынжылтатын жағдай тұрғындардың осыны ескере бермеуінде. Коронавирусқа қарсы тұрудың бір жолы – жеке бас гигиенасын сақтап, көпшілік орындарда карантин режимін қатаң ұстануымыз. Алайда тұрғындар өршіп келе жатқан вирустың қауіпті екенін қаперіне алар емес. Қайта індет іргені тіреп тұрған тұста тұрғындардың үй ауласында жиын өткізіп жатқаны алаңдатады. Яғни, келін түсіріп, қыз ұзатып, құда күтушілер тыйылмай отыр. Қауіпті дерт арамыздан орны бөлек ел ағаларын алып кеткені де ел есінде. Көптеген отбасы орны толмас қазаға әкеліп соғып, бірінен-соң бірі қара жамылып жатты. Арасында небір жақсыларымыз бен жайсаңдарымыз да бар еді.
Енді етек жеңімізді жинап жауапкершілікті сезініп, дәстүрге түсіністікпен қарап, одан да маңызды адам өмірі екеніне көңіл бөліп, ұлт болашағына үлес қосуымыз қажет. Сондықтан сақтық шараларын ұстанып, тіпті мұндай дәстүрден уақытша бас тартқанымыз абзал. Сонымен бірге қазір көпшілік жиналған жерде немесе қоғамдық орындарда бетперде тақпақ түгілі, антисептик қолданып жүргендерді сирек байқаймыз. Құдды бір қауіпті індет енді қайтып келмейтін сыңайлы. Әрине, келмегені жақсы. Ал егер орын алған жағдайда әу бастағыдай опық жеп қалмайық. Қанша түсіндірме жұмыстары жүргізілгенімен, ертеңіне алаңдайтын тұрғындардың аздығы көңілге кірбің ұялатады.
Даңқты батыр Б.Момышұлы айтқандай «Тәртіпсіз ел болмайды, тәртіпке бас иген құл болмайды» демекші сақтық шараларын назарымыздан бір сәтке де шығармайық.
Нұргүл ҰЗАҚБАЕВА,
Арал ауданының тұрғыны

Нұргүл Ұзақбаева: Жиын-тойдан адам өмірі маңызды екенін түсінуіміз керек

<a href="https://kyzylorda-news.kz/date/2020/10/22/">Kyzylorda-news.kz.</a> Қызылорда қаласының әкімі Нұрлыбек Нәлібаевтың төрағалығымен сыбайлас жемқорлыққа қарсы іс-қимыл мәселелері және құқық бұзушылық профилактикасы жөніндегі қалалық комиссияның кезекті отырысы өтті.
Комиссия отырысында мемлекеттік сатып алу рәсімдеріне қатысты сыбайлас жемқорлықтың алдын-алу бағытында атқарылған жұмыстары қалалық мемлекеттік сатып алу бөлімінің басшысы Мөлдір Тәуіпбаева баяндады. Сатып алу рәсімдерінің жүргізілу нәтижелерін толығымен тарқатқан бөлім басшысы салада жыл басынан бері сыбайлас жемқорлық сипатындағы құқық бұзушылық деректері орын алмағандығын мәлімдеді.
Өз кезегінде шаһар басшысы мемлекеттік сатып алу туралы заңнама талаптарының сақталауын қатаң ескертіп, ашықтығы мен жариялылығын қамтамасыз етуді тапсырды.
Қалалық құрылыс бөліміндегі сыбайлас жемқорлық сипатындағы заң бұзушылықтарды болдырмау бағытында қабылданған шаралар бойынша Пакуатдин Шамұратов хабарлады. Пакуатдин Сражадинұлы саладағы жемқорлық тәуекелдеріне жасалған ішкі талдауларды баяндап, бөлім тарапынан жемқорлықты болдырмауға қатаң бақылау орнатылғандығын жеткізді.
Бөлім басшысының баяндамасын тыңдаған қала әкімі саладағы бақылауды одан әрі күшейтіп, заң бұзушылықтарға жол бермеуді жүктеді. Сонымен бірге басқа да сала басшыларына&nbsp; қарамағындағы қызметкерлерге қатысты сыбайлас жемқорлық фактілері орын алған жағдайда аталған мекеменің бірінші басшысының тікелей жауапкершілігі қаралатындығын баса айтып, жауапкершілікпен жұмыс атқаруды тапсырды.
&nbsp;Комиссия отырысында құқық бұзушылық профилактикасы жөніндегі ведомствоаралық комиссиясының күн тәртібіндегі мәселелер де қаралды. Басқосуда қала көлемінде құқық бұзушылықты болдырмау бағытында атқарылған жұмыстарының барысынан қалалық полиция басқармасы бастығының орынбасары Ермек Құдайбергенов есеп беріп, есепті мерзімде жалпы қылмыстық құқық бұзушылықтың тіркелуі 40 пайызға төмендегенін&nbsp; айтты.
Алайда баяндамашының ұсынған мәліметтеріне жеке-жеке тоқталған шаһар басшысы пайыздық көрсеткіш төмендегенімен, олардың ішінде отбасылық-тұрмыстық жағдайдағы, кісі өлтіру, аса ауыр, ауыр қылмыстар мен есірткі қылмысының өсім алғандығын, жасөспірімдер арасындағы топтық төбелестердің әлі де тыйылмай тұрғандығын алға тартып, полиция жұмысының нәтижесін сынға алды. Ювеналды полиция қызметіне қатаң бақылау орнату керектігін ескертіп, учаскелік полиция инспекторларының жұмысын ширатуды тапсырды. Учаскелік полиция қызметкерлері тұрғындар алдында есептік кездесулер ұйымдастыруын талап етіп, қызметін тиісті деңгейде орындамаған инспекторлардың тәртіптік жауапкершілігі қаралуы қажеттігін тапсырды.
Комиссия отырысын қорытындылаған қала әкімі Нұрлыбек Нәлібаев сала басшыларына қала аумағында қылмыстық деңгейі бойынша жоғары көрсеткіш көрсетіп отырған қылмыстарды төмендетуге бағытталған тиісті жұмыстарды ұйымдастыруды нықтап тапсырып, атқарылған жұмыстар тікелей өз бақылауында болатындығын жеткізді.
<img src="https://kyzylorda-news.kz/wp-content/uploads/2020/10/05.jpg" alt="" />

Қызылордада сыбайлас жемқорлыққа қарсы іс-қимыл барысы талқыланды

<a href="https://kyzylorda-news.kz/?doing_wp_cron=1603340573.6860840320587158203125">Kyzylorda-news.kz.</a> Қызылорда облысы бойынша ҚАЖ департаменті Пробация қызметінде есепте тұрған азаматтарға жергілікті атқарушы органдармен бірлескен жоспарға сәйкес жүйелі түрде әлеуметтік-құқықтық көмек көрсетіліп отырады. Әлеуметтік-құқықтық көмектің&nbsp; бірі – есепте тұрған сотталғандарды жұмысқа орналастыр. 2020 жылдың 9 айында пробация есебіндегі 406 азамат жұмысқа орналастырылса, 21 азамат жеке кәсібін ашқан.
Бүгінде мемлекет тарапынан қаржылай қолдау тауып,&nbsp; шаруасын дөңгелетіп отырған жас кәсіпкерлер қатары артып келеді. Осындай жас кәсіпкерлердің қатарында &nbsp;пробация есебінде тұратын азаматтар да&nbsp; бар. Ол азаматтардың &nbsp;жеке кәсібін ашуға мемлекеттік грант септігін тигізген.
<blockquote>
 «Пробация есебіндегі 21 азамат «Атамекен» Ұлттық Кәсіпкерлер палатасының «Бастау Бизнес» жобасы бойынша бір айлық «кәсіпкерлік негіздері» курсын аяқтап, сертификат алып, &nbsp;кәсіп ашуды қолға алған. Жаңадан бастаған кәсіпті қолдау&nbsp; мақсатында «Нәтижелі жұмыспен қамту және жаппай кәсіпкерлікті дамытудың» 2017-2021 жылдарға арналған мемлекеттік бағдарламасы аясында&nbsp; осы азаматтар қайтарымсыз грант ұтып алды. Осылайша олар қайтарымсыз қаражатқа қол жеткізіп, қазіргі уақытта бірі компьютер жөндейтін орталық ашса, енді бірі мал шаруашылығымен,тауық өсіру шаруашылығы, &nbsp;бетон өңдеу цехы, ағаш цехы, шаштараз сынды жеке кәсіптерін дөңгелетіп отыр. &nbsp;&nbsp;Кәсібін&nbsp; енді бастаған азаматтарға&nbsp; қайтарымсыз гранттың көмегі көп», – дейді ҚАЖ департаментінің мамандары.
</blockquote>

Пробация есебіндегі 21 қызылордалық жеке кәсібін ашқан

<a href="https://kyzylorda-news.kz/">Kyzylorda-news.kz.</a> Қызылорда гарнизонында «Алтын жебе-2020» арнайы операциялар күштерінің компоненттерінің кешенді тексерісі өтті.
Шара барысында әскери бөлімдегі арнайы мақсаттағы барлау бөлімшелерінің жауынгерлік тапсырмаларды дер кезінде орындауын, жауынгерлердің далалық дайындығының деңгейін, кәсіби және жауынгерлік дайындықтары тексерілді.
Тексерістің алғашқы күні бөлімнің барлау бөлімшелері дабыл бойынша көтерілді. Келесі кезеңдерде кешенді тексерістің жоспарына сәйкес барлаушылар қоян-қолтық ұрыс дағдыларын, медициналық дайындықтарын көрсетті. Радиациялық, химиялық және биологиялық қорғаныс даярлығы бойынша сынақтар тапсырып, күндізгі, түнгі уақыттарда марш жасап, оқу-тактикалық атысты орындады.
Кешенді тексеру барысында әскери бөлімнің рота командирлері жақсы нәтиже көрсетті. Бұл сынақ бөлімнің жеке құрамына ынта-жігер берері сөзсіз.
<img src="https://kyzylorda-news.kz/wp-content/uploads/2020/10/img_20201021_132131_683.jpg" alt="" />
<img src="https://kyzylorda-news.kz/wp-content/uploads/2020/10/img_20201021_132133_509.jpg" alt="" />

Қызылорда гарнизонында «Алтын жебе-2020» кешенді тексерісі өтті

<a href="https://kyzylorda-news.kz/">Kyzylorda-news.kz.</a> “Қазгидромет» РМК Қызылорда облысы бойынша филиалы 22 қазанға арналған ауа райы болжамын жариялады.
Кәсіпорынның хабарлауы бойынша 22 қазанда Қызылорда облысында батыстан жел соғады, күші кей жерлерде 15-20 м/с сақталады. Дауылды ескертудің ықтималдылығы 90-100%.

Қызылордада күшті жел соғады

<a href="https://kyzylorda-news.kz/">Kyzylorda-news.kz.</a> Қызылордада 26-шы қазаннан бастап кинотеатрлар ашылады деген бейресми ақпарат тарады.
Өңірлік коммуникациялар алаңында өткен брифингте облыстың Бас мемлекеттік санитариялық дәрігері Әлия Әбдіқайымова бұны жоққа шығарды.
<blockquote>
 “Өңірдегі кинотеатрларды 26 қазаннан бастап ашу әлі жоспарда жоқ. Керісінше, коронавирус инфекциясын таратпас үшін шектеу шараларын жалғастырамыз. Барлығы эпид ахуалдың тұрақты болуына байланысты. Жағдайға байланысты Қаулы қабылдап отырамыз”, – деді облыстың Бас мемлекеттік санитариялық дәрігері.
</blockquote>

Қызылорда: Кинотеатр қашан ашылатыны белгісіз

<a href="https://kyzylorda-news.kz/date/2020/10/21/?doing_wp_cron=1603264016.4575080871582031250000">Kyzylorda-news.kz.</a> Пандемия жағдайына қарамастан кәсіпкерлер бизнесті қолдау тетіктерін тиімді қолдануда.
Бұрын шет елден сарапшы мамандар тартуға мүмкіндік беретін «Бизнестің жол картасы – 2025» мемлекеттік бағдарламасы аясындағы «Аға сеньорлар» бағдарламасы енді отандық сарапшылардың да әлеуетін қолдануға жағдай жасап отыр.
Сол мүмкіндікті қолданған кәсіпкерлердің бірі – Ғалым Пірекешов. Ол Қызылордада 2013 жылы қорғаныш каскаларын шығаратын шағын зауыт ашты. Зауыт шағын болғанымен өніміне сұраныс жоғары. Дайындалған өнімдер шаруашылыққа, өндіріске аса қажет. Қауіпсіздік бас киіміне бүгінде мұнай, атом компаниялары, құрылыс, темір жол мекемелері тапсырыс беруде. Зауыт иесі енді осы тауарларды брендке айналдырып, басқарудың жаңа әдістерін игеру үшін «Аға сеньорлар» компоненті аясында Нұр-Сұлтан қаласынан арнайы маман шақыртты.
<blockquote>
 «Өндіріс саласында жұмыс жасап жатқанымызға 6 жыл болды. Тауарымызды өзге өңірлерге, алыс-жақын шет елдерге таныту үшін бренд ретінде қалыптастырғымыз келіп отыр. Одан басқа да маркетингтік жолдарды қарастырып жатырмыз. Сол үшін «Аға сеньорлар» компонентін пайдаланып, Кәсіпкерлер палатасымен бірге жұмыс жасап, маман шақырттық. Алға қойған тағы да мақсаттарымыз бар. Ол пластик саласымен байланысты. Пластикті өндіру, өңдеу саласында жұмыс жасағымыз келіп отыр. Біздің өңірімізде бұл өндірістің түрі дамымаған», – дейді «NP-Consulting» ЖШС директоры Ғалым Пірекешов.
</blockquote>
Отандық өнімге болашақта тапсырыс артып, сұраныс көбейсе жұмыс күші де еселенеді. Сондықтан келген маман кәсіпкерге тауар брендін қалыптастыру мен маркетинг қадамдарын жүйелі жолға қоюға көмектесуде.
<blockquote>
 «Мені Қызылорда облысының кәсіпкерлер палатасы шақырды. Кәсіпкер менің алдыма тауар брендін қалыптастыру міндетін қойып отыр. Қазіргі қиын жағдайда кәсіпкерлер әрбір тұтынушы үшін күреседі. Ал брендинг арқасында ол өзінің бәсекелестерінен ерекшеленіп тұрады. Менің міндетім – сауда маркасын жасау. Ең алдымен біз брендбук дайындап, кейін сауда маркасын тіркейміз. Әрі қарай кәсіпкердің өнімі мен оның бизнесін алға жылжытуға жұмыс жасаймыз», – дейді Нұр-Сұлтан қаласынан келген сарапшы маман Айнұр Әшімова.&nbsp;
</blockquote>
Күніне 800-1000 каскаға дейін шығара алатын шағын зауытта қорғаныш бас киімінен өзге 20 литрлік судың ыдысына арналған қақпақшалар шығарылуда. Кәсіпкер Ғалым Пірекешов тауардың брендбугын қалыптастырып болғаннан кейін су шығаратын кәсіпорындарға өнімін ұсынбақшы.
Айта кетейік, «Аға сеньорлар» компоненті отандық сарапшылардың тәжірибесі мен білімін пайдалана отырып, салалық ерекшеліктерін ескере отырып кәсіпкерлердің құзыретін арттыруға, жаңа басқару әдістерін, өндіріс технологиялары мен персоналды оқытуға қатысты сұрақтар бойынша тікелей кәсіпорында қатысушыларға кеңес беру мен тәжірибе алмасуға бағытталған.&nbsp;
<blockquote>
 &nbsp;«Аға сеньорлар» компонентіне жылдық айналымы 5000 айлық есептік көрсеткішке жететін, экономиканың басым секторында жұмыс жасайтын кәсіпкерлік субъектілері қатыса алады. Қатысуға ниетті азаматтар өтініштерін онлайн да, офлайн да бере алады», – дейді Кәсіпкерлер палатасының сарапшысы Гүлнұр Құрмантаева.
</blockquote>

«Аға сеньор»: Сарапшы қызылордалық кәсіпкерге көмектесуде

<a href="https://kyzylorda-news.kz/date/2020/10/21/?doing_wp_cron=1603264016.4575080871582031250000">Kyzylorda-news.kz.</a> Бүгін Қазалы ауданының әкімі Мұрат Ергешбаевтың қатысуымен Тәжік-Ауған шекарасындағы әскери қақтығыстарға қатысқан ардагерлерді құрметтеу мақсатында салтанатты жиын өтті.
Жиынға облыстық Тәжік-Ауған шекарасының жауынгерлік қимылдарына және әскери қақтығыстарға қатысушылар Одағының төрағасы М.Орынбайұлы, аудандық Қорғаныс бөлімінің бастығы Қ.Ысқақов, аудан әкімінің орынбасары Ә.Әбиев, аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы С.Бабанаев, аудандық Әйелдер кеңесінің төрайымы Р.Асанова, ержүрек жауынгерлердің аналары мен жұбайлары қатысты.
<blockquote>
 «Арада 25 жыл өтсе де, тәжік-ауған шекарасында орын алған соғыстың халық жүрегіне салған жарасы, қайғы-қасіреті елдің санасынан өшпек емес. Сол қантөгісте ерлікпен антқа адалдықтарын дәлелдеген алдаспан намысты Қазалының жаужүрек жігіттерінің батырға лайық орны бар. Олар біздің мәңгілік жадымызда. Сіздер Ұлы Отан соғысы ардагерлерінің лайықты ізбасарлары ретінде жастарға патриоттық тәрбие беруге үлкен үлес қосып келесіздер. Сондықтан да, барша халқымыз жат жерде намысты ту етіп ұстап, ерліктің үлгісін көрсеткен ардагерлерге әрқашанда тағзым етеді. Елдікті құрметтеу, батырлықты дәріптеу, боздақтар рухын еске алу әрдайым азаматтық міндетіміз болып қала береді», – деді аудан әкімі.
</blockquote>
Жиын барысында аудан әкімі М.Ергешбаев қазалылық ардагерлерді «Алаш батыры», «Қазақ батыры» төсбелгілерімен марапаттады. Сонымен бірге, осындай ерліктің нышаны бола білген батырларды тәрбиелеп, өсірген аналарға және олардың жұбайларына да құрмет көрсетіліп, «Ана жүрегі» төсбелгісі табысталды.
Айта кетейік, 2020 жылғы 6 мамырда қабылданған «Ардагерлер туралы» Заңға және Тәжікстан-Ауғанстан шекарасында Тәуелсіз Мемлекеттер Достастығының шекарасын қорғауды күшейту жөніндегі мемлекетаралық шарттар мен келісімдерге сәйкес, міндеттерін мүлтіксіз орындаған Қазақстан Республикасының әскери қызметшілері барлық жеңілдіктері сақтала отырып, ардагерлер санатына енгізілген болатын.
<img src="https://kyzylorda-news.kz/wp-content/uploads/2020/10/122449576_2889418104612451_1428026665900174352_o.jpg" alt="" />
<img src="https://kyzylorda-news.kz/wp-content/uploads/2020/10/122257886_2889418224612439_858083928344647800_o.jpg" alt="" />
<img src="https://kyzylorda-news.kz/wp-content/uploads/2020/10/122096314_2889418357945759_8420098549024267019_o.jpg" alt="" />
<img src="https://kyzylorda-news.kz/wp-content/uploads/2020/10/122288605_2889418231279105_2299990001961370829_o.jpg" alt="" />

Қазалыда Тәжік-Ауған шекарасында соғысқа қатысқан ардагерлерге құрмет көрсетілді

<a href="https://kyzylorda-news.kz/date/2020/10/21/?doing_wp_cron=1603264016.4575080871582031250000">Kyzylorda-news.kz</a>. Қазақстан Республикасының Мемлекеттік қызмет істері агенттігінің бұйрығымен Рафхат Бисенов Агенттіктің Қызылорда облысы бойынша департаментінің басшысы, Әдеп жөніндегі кеңесінің төрағасы лауазымына тағайындалды.
Бисенов Рафхат Төлеуғалиұлы бұған дейін Агенттіктің Ақтөбе облысы бойынша департаменті басшысының орынбасары қызметін атқарған. 
Р. Бисенов 1983 жылы Батыс Қазақстан облысы, Ақжайық ауданы, Қурайлысай ауылында дүниеге келген.
2003 жылы Қ.Жұбанов атындағы Ақтөбе мемлекеттік университетінің «Қазақстан тарихы» мамандығын, 2014 жылы Қазақ-Орыс халықаралық университетін «Құқықтану» мамандығы бойынша тәмамдаған.
Мемлекеттік қызметтегі жалпы еңбек өтілі – 15 жылдан астам, оның ішінде мемлекеттік қызмет істері агенттігі саласында – 9 жылға жуық. 
Еңбек жолын 2003 жылы Ақтөбе қаласындағы №51 гимназияда тарих пәнінің мұғалімі ретінде бастаған. 2005 жылы мемлекеттік қызмет саласындағы алғашқы лауазымы – Ақтөбе қалалық мәдениет және тілдерді дамыту бөлімінің жетекші маманы қызметіне келген. 2006-2007 жылдары аталған бөлімде бас маман, 2007-2012 жылдары Ақтөбе қаласы әкімі аппаратында ұйымдастыру және кадрлармен жұмыс бөлімінің бас маманы қызметтерін атқарған.
2012-2014 жылдары ҚР Мемлекеттік қызмет істері агенттігінің Ақтөбе облысы бойынша департаментінің бас маманы, консультант-инспекторы, одан кейінгі жылдары департаментте бөлім басшысы, басқарма басшысы болған. Меритократия қағидатына сәйкес департаменттегі барлық қызмет сатысынан өткен Рафхат Бисенов 2016 жылдан бастап осы кезге дейін аталған департамент басшысының орынбасары лауазымында қызмет атқарып келген. 
Отбасылы, 3 бала тәрбиелеуде.
<img src="https://kyzylorda-news.kz/wp-content/uploads/2020/10/122244019_3234372506688493_2341309296534181331_o.jpg" alt="" />

Қызмет істері агенттігі: Қызылордада департаменттің жаңа басшысы тағайындалды

<a href="https://kyzylorda-news.kz/date/2020/10/21/?doing_wp_cron=1603264016.4575080871582031250000">Kyzylorda-news.kz.</a> Қазақстан Республикасы Орталық сайлау комиссиясының отырысында Қазақстан халқы Ассамблеясы сайлайтын Мәжіліс депутаттарының кезекті сайлауын әзірлеу мен өткізу жөніндегі негізгі іс-шараларды Ортсайлауком мүшесі Ерлан Дауылбаев баяндады.
Ерлан Дауылбаев Қазақстан халқы Ассамблеясы сайлайтын Мәжіліс депутаттарының сайлауын әзірлеу мен өткізуді қамтамасыз ету Орталық сайлау комиссиясына және Республикалық маңызы бар қалалық комиссияға жүктелетінін айтты.
Қазақстан халқы Ассамблеясы сайлайтын Мәжіліс депутаттығына оның аумағында соңғы 10 жыл тұрақты тұрып жатқан, жиырма бес жасқа толған, бәсең сайлау құқығына ие, өтелмеген немесе алынбаған соттылығы жоқ, сондай-ақ сыбайлас жемқорлық қылмыс және сыбайлас жемқорлық құқық бұзушылық жасағаны үшін соттылығы жоқ Қазақстан Республикасының азаматы кандидат бола алады.
Қазақстан халқы Ассамблеясы сайлайтын Парламент Мәжілісінің депутаттығына кандидаттар ұсыну құқығы Ассамблея Кеңесіне тиесілі.
Кандидаттарды ұсыну бір ай бұрын – ағымдағы жылғы 11 желтоқсанда басталады және сайлауға жиырма күн қалғанда – ағымдағы жылғы 22 желтоқсанда жергілікті уақытпен сағат он сегізде аяқталады.
Кандидаттарды тіркеу, егер сайлауды тағайындау кезінде өзгеше белгіленбесе, жиырма күн – ағымдағы жылғы 22 желтоқсанда басталады және сайлауға он бес күн қалғанда – ағымдағы жылғы 27 желтоқсанда жергілікті уақытпен сағат он сегізде аяқталады.
Сайлау алдындағы үгіт кандидаттарды тіркеу мерзімі аяқталған сәттен басталады, яғни 27 желтоқсанда сағат 18.00–ден басталады және сайлау болатын күннің алдындағы күні – 2021 жылғы 10 қаңтарда жергілікті уақыт бойынша нөл сағатта аяқталады.
Қазақстан халқы Ассамблеясы сайлайтын Парламент Мәжілісі депутаттарының сайлауы Қазақстан халқы Ассамблеясының сессиясында өткізіледі.

Қазақстан халқы Ассамблеясы сайлайтын Мәжіліс депутаттығына кім кандидат бола алады?

*<a href="https://kyzylorda-news.kz/date/2020/10/21/?doing_wp_cron=1603264016.4575080871582031250000">Kyzylorda-news.kz.</a> «Қазақстан Республикасы мәслихаттары депутаттарының кезекті сайлауын тағайындау туралы» үшінші мәселе бойынша Ортсайлауком Төрағасының орынбасары Константин Петров баяндама жасады.*
Ол “Қазақстан Республикасындағы сайлау туралы” Қазақстан Республикасының Конституциялық заңында Орталық сайлау комиссиясының мәслихаттардың кезекті сайлауын тағайындау өкілеттігі көзделгенін хабарлады.
<blockquote>
 «Барлық деңгейдегі мәслихаттар депутаттарының кезекті сайлауы бір мезгілде өткізіледі және мерзімі жағынан Президентті, Парламент Сенаты депутаттарын сайлаумен тұспа-тұс келмеуге тиіс. Мәслихаттар депутаттарын сайлауды Қазақстан Республикасы Парламенті Мәжілісі депутаттарын сайлаумен бір мезгілде өткізу бойынша шектеулер жоқ. Осыған байланысты мәслихаттар депутаттарының кезекті сайлауын 2021 жылғы 10 қаңтарға тағайындау ұсынылды», – деді Константин Петров.
</blockquote>
Төраға орынбасары Мәжіліс депутаттары мен мәслихат депутаттарын сайлауды бірге өткізу қолданыстағы заңнамаға қайшы келмейтінін және қазіргі жағдайда объективті негізделген шешім болып табылатынын атап өтті. Біріктірілген науқан – бұл бюджетті үнемдеу және пандемия жағдайында негізделген әлеуметтік байланыстарды азайту.
Сонымен қатар Константин Петров жекелеген сайлау рәсімдерінің: Парламент Мәжілісі мен мәслихаттар депутаттарын сайлау кезінде ұсыну, тіркеу және сайлау алдындағы үгіт мерзімдеріне тоқталып, партиялық тізімдерді ұсыну мен тіркеу мерзімдерін тиісінше 6 күнге қысқарту туралы ұсыныс енгізді. Мәселен, партиялық тізімдер бойынша сайланатын Парламент Мәжілісінің және мәслихаттардың депутаттарын сайлау бойынша партиялық тізімдерді тіркеу мерзімінің аяқталуы бойынша бірыңғай тәсілдер үгітті бір мезгілде бастауға және мәслихаттар депутаттарын сайлау кезінде үгіт кезеңін ұлғайтуға мүмкіндік береді.
Сондай-ақ, К.Петров Орталық сайлау комиссиясы өз құзыретіне сәйкес, әкімшілік-аумақтық бірлік халқының санына сәйкес 2020 жылғы 11 қыркүйектегі №21/323 қаулысымен олардан сайланатын мәслихаттар депутаттарының саны анықталғанын хабарлады.
Барлығы алдағы науқанда 216 мәслихаттың 3276 депутаты сайлануға тиіс. Облыстардың, Нұрсұлтан, Алматы және Шымкент қалалары мәслихаттарының 589 депутаты, облыстық маңызы бар қалалардың 36 мәслихатында 596 депутат, аудандардың 163 мәслихатында 2091 депутат.
<a href="https://kyzylorda-news.kz/kogam/qazaqstan-respwblikasy-ortalyq-sajlaw-komissijasynyng-otyrysy-oetti-84310/">Айта кетейік</a>, бұған дейін Қазақстан Республикасы Орталық сайлау комиссиясының отырысы өткенін хабарлаған болатынбыз.

Қазақстан және Қызылорда облысының жаңалықтары