<a href="https://kyzylorda-news.kz/ru/obshestvo/">Kyzylorda-news.kz</a>. Қорғаныс министрлігінің сайтында Қазақстан Республикасының азаматтарын әскери қызметке шақыруды ұйымдастыру және жүргізу қағидаларына өзгерістер мен толықтырулар енгізілетін Үкімет қаулысының&nbsp;<a href="https://www.gov.kz/memleket/entities/mod/documents/details/218875?lang=kk">жобасы</a> жарияланды, деп хабарлайды <a href="https://lenta.inform.kz/kz/kazakstanda-askerden-zhaltargandardy-izdeu-tartibi-ozgermek_a3844524">ҚазАқпарат</a>.
Құжат жобасында бұдан былай азаматтарды әскери қызметке шақыруды кейінге қалдыру және одан босату дұрыстығы тексерілетіні айтылған.
<blockquote>
 «Оның ішінде бейбіт уақытта әскери қызметке жарамсыз, соғыс уақытында жарамдылығы шектеулі және әскери есептен шығара отырып, әскери қызметке жарамсыз деп танылған әскерге шақырылушылардың барлық жеке істеріне тексеру жүргізеді», – делінген заң жобасында.
</blockquote>
Мерзімді әскери қызметке шақыруды кейінге қалдыруды немесе одан босатуды ұсыну тәртібі «Әскерге шақыруды кейінге қалдыруды ұсыну» мемлекеттік қызмет көрсету ережесіне және «Азаматтарды әскери қызметке шақырудан босату» Мемлекеттік қызмет көрсету ережесіне боынша жүзеге асырылатыны айтылған.
<blockquote>
 «Әскерге шақырылушылар аудандық (қалалық, облыстық маңызы бар қаланың) әскерге шақыру комиссиясына дәлелсіз себептермен келмеген, сондай-ақ шақыру қағазын азаматтың жеке өзіне тапсыру мүмкін болмаған барлық жағдайлар туралы қорғаныс істері жөніндегі басқармалардың (бөлімдердің) бастықтары оларды іздестіру және әскерге шақыру пунктіне келуін қамтамасыз ету үшін Қазақстан Республикасының ішкі істер органдарына хабарлайды», – делінген құжатта.
</blockquote>
Сондай-ақ, заң жобасында мерзімді әскери қызметке шақырудан жалтарған және әскерге шақыру кезеңінде медициналық комиссияларына келмеген шақырылушыларды іздестіру үшін Қазақстан Республикасының ішкі істер органдары бірлескен қызмет жоспарларын әзірлеп, бірлескен тұрақты жұмыс істейтін топтар құратыны айтылған.
Ол үшін мынадай құжаттама әзірленеді:
1) әкімдіктің «Әскери есепке қоюдан және әскери қызметке шақырудан жалтарған азаматтарды іздестіруге байланысты іс-шаралар өткізу туралы» қаулысы (шешімі);
2) қорғаныс істері жөніндегі басқармалар (бөлімдер) мен Қазақстан Республикасының ішкі істер органдары «Азаматтарды әскери қызметке шақыруды қамтамасыз ету бойынша шаралар туралы» бірлескен бұйрығы, онымен бірлескен іздестіру топтары құрылады;
3) алғашқы әскери есепке қоюдан және әскери қызметке шақырудан жалтарған азаматтарды туған жылы бойынша есепке алу кітабы жүргізіледі.
Әскери міндетті орындаудан жалтарған азамат ретінде мына санаттағы адамдарға іздестіру жүргізіледі:
– қорғаныс істері жөніндегі басқармаларға (бөлімдерге) алғашқы әскери есепке қоюға байланысты іс-шараларға келуден жалтарғандар;
– әскери қызметке шақыруға байланысты іс-шараларға келуден жалтарғандар;
– шақыру комиссиясына келуден жалтарғандар;
– әскерге жөнелтуге келуден жалтарғандар;
– медициналық тексеруден өтуден жалтарғандар;
– әскери есептен шығарусыз кеткен және жаңа тұрғылықты жері бойынша әскери есепке уақтылы тұрмаған азаматтар (ұзақ іздестірудегі азаматтар).

Қазақстанда әскерден жалтарғандарды іздеу тәртібі өзгереді

<a href="https://kyzylorda-news.kz/ru/obshestvo/">Kyzylorda-news.kz</a>. Қызылорда облыстық аумақтық кәсіподақтар бірлестігі 12 салалық кәсіподақ пен 1018 кәсіподақ ұйымдарын біріктіреді. Бұл облыс бойынша жұмыспен қамтылған халық санының 31,1 пайызын құрайды.
Биылғы жылы жаңадан 18 бастауыш кәсіподақ ұйымы құрылған. Кәсіподақ мүшелері саны сегіз жүзге жуық жұмыскермен толықты. Сондай-ақ 2021-2023 жылдарға арналған еңбек қауіпсіздігі мен еңбекті қорғауды қамтамасыз ету жөніндегі «Қауіпсіз еңбек» бағдарламасы бекітілген. Бұл жөнінде Қызылорда облысы аумақтық кәсіподақтар бірлестігінің төрағасы Мақсұт Нәлібаев мәлімдеді.
<blockquote>
 «Облыс көлемінде биыл үш жақты комиссиясының 6 отырысы өткізілді. Онда еңбек қатынастары мәселелері мен жазатайым оқиғалардың алдын-алу бойынша мәселелер қаралды. Аудандарда да облыстық үш жақты комиссияның көшпелі бірлескен отырыстары өткізілді. Сондай-ақ, 2021 жылдың 1 қаңтарында 5 828 мекеме мен кәсіпорындардың ұжымдық шарттары тіркелген. Бұл аймақта жұмыс істейтін барлық кәсіпорындар мен ұйымдардың санына шаққанда 70 пайызды құрайды. Биылғы жылдың 8 айында облыс бойынша еңбек қызметімен байланысты 28 жазатайым оқиға орын алды. Онда 43 жұмыскер зардап шексе 10 адам жұмыс барысында қаза тапқан. Жазатайым оқиғалардың негізгі себебі − еңбек қауіпсіздігін дұрыс жүргізбеу жағдайлары жиі кездеседі. Еңбек дауа бойынша облыстық кәсіподақтар орталығы күнделікті мониторинг бойынша ақпараттар жинақтап отыр. Қазірде аталған мониторингі бойынша кәсіподақ ұйымы бар 5 кәсіпорында әлеуметтік шиеленіс тәуекелдері қалыптасқан. Бұл мәселелер облыстық үш жақты комиссия отырыстарында қаралып, тиісті хаттамалық тапсырмалар берілген. Аумақтық кәсіподақтар бірлестігімен тиісті алаңдарда, әлеуметтік әріптестік шеңберінде, қолданыстағы заңнамаларға сәйкес жұмыстар жүргізіліп жатыр», -деді Мақсұт Ыбрайханұлы.
</blockquote>
Баспасөз конференциясында Аумақтық кәсіподақтар бірлестігінің бас маманы Майра Боранбаева құқықтық негіздегі тиісті заңнамалар бойынша түсіндіріп өтті.
<blockquote>
 “Заң клиникасы онлайн және оффлайн форматтарда жұмыс жасайды, Жұмыскерлерге арнайы құқықтық көмек көрсетіледі. Аумақтық кәсіподақтар бірлестігінде Татуластыру бөлмесі белгіленген. Яғни даулы мәселелерді кәсіподақтардың заң мамандары мен медиаторлар жіті тексереді. Олар тараптардың бітімге келуі мен заңнамалардың сақталуына жұмыс жасайды. Құқықтық көмек көрсетуде жергілікті сот органдарымен Сыбайлас жемқорлыққа қарсы іс-қимыл агенттігінің Қызылорда облысы бойынша департаментімен қызметтік байланыс орнатылған. Жыл басынан бері 764 азаматқа тиісті заңнамалық кеңестер берілді. Соның ішінде аумақтық кәсіподақтар бірлестігімен 87 сұраққа жауап берілді”, – деді Майра Қадырбекқызы.
</blockquote>

Қызылордада биыл 18 бастауыш кәсіподақ ұйымы құрылды

<a href="https://kyzylorda-news.kz/ru/obshestvo/">Kyzylorda-news.kz</a>. Облыста “Қайырымды істер” марафоны жалпыұлттық жобасы басталғалы бері 581 іс-шара ұйымдастырылды. Соның ішінде демеушілер есебінен республикалық «Мектепке жол» акциясы аясында 3 322 оқушыға арнайы көмек көрсетілген.
Өңірлік коммуникациялар қызметінде өткен баспасөз конференциясында аймақтық “Қоғамдық Келісім” КММ орталығының директоры, облыстық волонтерлер фронт офисінің жетекшісі Болатбек Айтбенбетов аталған жоба шеңберіндегі өткізілген шараларды баяндады.
<blockquote>
 “Қайырымды істер” марафоны басталғалы көптеген іс-шаралар ұйымдастырылды. Шара аясында жалпы саны 31 215 адам қамтылды. Облыстық ішкі саясат басқармасының «Қоғамдық келісім» КММ және «Бітім» медиация орталығы» ұйымдастыруымен «Мерейлі отбасы» спартакиадасы өткізілді. Тәуелсіздіктің 30 жылдығына арналған спартакиаданың мақсаты − дене тәрбиесін насихаттау және ерекше жандар арасында салауатты өмір салтын ұстануға шақыру болып табылады. Сонымен қатар ҚМДБ-ның Қызылорда облысы бойынша өкілі Жалағаш аудандық Иманқұл мешітінің ұйымдастыруымен көп балалы және әлеуметтік аз қамтылған 34 отбасыға қажетті азық-түлік таратылды. Аудандарда да қайырымдылық марафондары белсенді түрде жүргізілді. Атап айтсақ, Шиелі аудандық жастар ресурстық орталығы “Жасыл Ел” жасағы сарбаздарының ұйымдастыруымен Ыбырай Жақаев саябағында тазалық жұмыстары өтті. Сондай-ақ, Байқоңыр қаласы, Қармақшы, Сырдария, Жалағаш аудандарының ерікті жастары бірігіп тыл ардагеріне көмек көрсетіп, олардың ақ батасын алып қайтты. Бұл шаралар әлі де өз жалғасын табады”,- деді Болатбек Серікбайұлы.
</blockquote>

«Қайырымды істер»: Қызылордада 581 іс-шара ұйымдастырылған

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Токио олимпиадасынының қола жүлдегері Софья Берульцева және Мөлдір Жаңбырбай Мәскеуде өткен Karate 1 Premier League жарысында алтын медаль алды.
Софья бірнеше жылдың ішінде +68 келінің лидеріне айналып үлгерді. Ол финалда ресейлік Вера Ковалеваны жеңді. Берульцева осымен төртінші рет Karate 1 Premier League жарыстарында алтын медаль иеленіп отыр. Ол осыған дейін Шанхай мен Мадрид (2019 жыл) және Стамбул (2021) премьер-лигасында жеңіске жеткен. Софья қарашада Дубайда өтетін әлем чемпионатына фаворит ретінде барады.
Мөлдір Жаңбырбай 50 келіде финалда австриялық Веттина Планкты жеңіп, Мәскеудегі жарыстың чемпионы атанды. Мөлдір биыл Лиссабон (Португалия) премьер-лигасында күміс медаль иеленген.
Ерлер арасында 60 келіде финалда қазақстандық Қайсар Алпысбай ресейлік Евгений Плахутиннен басым түсіп, Мәскеудегі премьер-лиганың алтынын алды. Алпысбай 2020 жылы Сантьяго (Чили) премьер-лигасында жеңімпаз атанған.
Ал Сабина Захарова (әйелдер арасында 55 келі) финалда ресейлік Анна Чернышевадан жеңіліп, екінші орын алды.
Karate 1 Premier League – WKF (Әлемдік каратэ федерациясы) ұйымдастыратын деңгейі жағынан әлем чемпионатынан кейінгі екінші жарыс.

Мөлдір Жаңбырбай Мәскеуде өткен жарыста алтын медаль алды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Бүгін облыс әкімі Гүлшара Әбдіқалықова республикалық «Жас Алаш» газетінің меншікті тілшісі, «Қазақстанның құрметті журналисі» төсбелгісінің иегері Миуагүл Байназаровамен кездесті.
Жиынға облыс әкімінің орынбасары Серік Ахмет, ардагер журналист, облыстық қоғамдық кеңес мүшесі Айткүл Шалғынбаева және республикалық «Егемен Қазақстан» газетінің меншікті тілшісі Мұрат Жетпісбаев қатысты. 
Басқосуда аймақ басшысы «Жас Алаш» басылымының ақпараттық кеңістіктегі орны ерекше екенін және басылым арқылы көптеген қарымды қаламгерлердің қолтаңбасы қалғанын тілге тиек етіп, газеттің 100 жылдық мерейтойымен құттықтап, қаламгерге Алғыс хат табыстады.
<blockquote>
 «Биыл – қазақ баспасөзінде өзіндік орны бар «Жас Алаш» газеті ғасырлық мерейтойын атап өтуде. Мемлекет басшысы Қасым-Жомарт Кемелұлы Тоқаев 100 жылдық мерейтой аясында «Жас Алаштың» жүз жылдық жолы – төл тарихымыздың жылнамасы, ұлт руханиятының шежіресі» деп атап өткен болатын. 
 Бұл орайда «Жас Алаш» газетінің Қызылорда облысындағы меншікті тілшісі ретінде Сіз Сыр өңірінің әлеуметтік-экономикалық, мәдени-рухани дамуын басылым арқылы кеңінен насихаттап келесіз. Өзіңізді қаламы қарымды журналист ретінде аймақ халқы жақсы біледі, құрметтейді. Басылымның мерейтойы құтты болсын, шығармашылығыңызға табыс тілеймін»,-деді Гүлшара Әбдіқалықова.
</blockquote>
Жиында ардагер журналист Айткүл Шалғынбаева және «Егемен Қазақстан» газетінің меншікті тілшісі Мұрат Жетпісбаев қарымды қаламгер иесінің еңбек жолынан естеліктер айтып, жылы лебіздерін білдірді.
Өз кезегінде «Қазақстанның құрметті журналисі» төсбелгісінің иегері Миуагүл Байназарова “Жас Алаш” газетінің негізгі ұстанымы туралы ой бөлісіп, ақпарат саласын ілгерілету бағытындағы бірқатар ұсыныстарын жеткізді. 
Еске салайық, Миуагүл Байназарова 2000-2020 жылдар аралығында «Айқын» газетінің Қызылорда облысы бойынша меншікті тілшісі. 2020 жылдан бастап «Жас Алаш» газетінің Қызылорда облысы бойынша меншікті тілшісі қызметінде.
2016 жылдан бастап республикалық «Тіл мерейі» газетінде директор-бас редактор қызметін қоса атқаруда. «Ең үздік тілші» атағының иегері, Қазақстан Журналистер Одағының мүшесі. «Қазақстанның құрметті журналисі» төсбелгісінің иегері.
<img src="https://kyzylorda-news.kz/wp-content/uploads/2021/10/photo1633339205.jpeg" alt="" />

Аймақ басшысы қаламгерлермен кездесті

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp; Бүгін облыс әкімі Гүлшара Әбдіқалықова мұғалімдер мерекесі аясында Қызылорда қаласының сол жағалау бөлігінде орналасқан «Orda school» жеке мектебінің жұмысымен танысып, педагогтарды Ұстаздар күнімен құттықтады.
Аймақ басшысы көпқабатты тұрғын үйлердің көптеп салынуы мектепке баратын оқушылар санын артуы байланысты жеке мектептер желісін көбейтудің маңыздылығын айтып, білім ордасының перспективасы зор екенін атап өтті. Сонымен бірге ұстаздардың еңбегін ерекше бағалайтындығын жеткізіп, кәсіби мерекесімен құттықтап, 5 ұстазға Алғыс хатты табыс етті.
Ұстаз – ұлт болашағының іргесін қалайтын кемеңгер тұлға. Еліміздің болашағы Сіздердің қолдарыңызда. Демек, Өздеріңізге артылатын сенім де зор. Мемлекет тарапынан педагог мәртебесін көтеруде нақты қадамдар жасалуда. Ел Президентімен «Педагог мәртебесі» туралы заң қабылданып, жыл сайын жалақыны көтеру, әлеуметтік қолдау бойынша игі істер жүзеге асырылуда. Осы мектепте білім алатын оқушылар алдағы уақытта биіктен көрініп, ата-аналары мен ұстаздарының, мектеп ұжымының мақтанышы боларына сенімдемін, – деді облыс әкімі.
Аймақ басшысы білім ошағындағы мектеп сыныптары мен би залы, робототехника кабинеті және үйірмелері жұмысымен танысты. Білім алып жатқан оқушылармен тілдесіп, пікір алмасты. Бастауыш сыныптың оқушылары үш тілде тақпақ айтып, мектеп оркестрі “Балбырауын” күйін орындап берді.
Айта кетейік, қазіргі уақытта облыста жеке мектептер желісі қарқынды дамып келеді. Бүгінде олардың саныы 10-нан асты. Жеке инвестиция есебінен салынған «ORDA SCHOOL» мектебі облыста алғаш болып ашылған жеке білім ордаларының бірі. Нысан 2019 жылы пайдалануға берілді. Заманауи талаптарға сай жабдықталған мектепте 500-ге жуық оқушы білім алуда.
<img src="https://kyzylorda-news.kz/wp-content/uploads/2021/10/244472925_1385007611894747_1789755665910985153_n.jpg" alt="" />
<img src="https://kyzylorda-news.kz/wp-content/uploads/2021/10/244404344_1385007411894767_1539100672899996921_n.jpg" alt="" />
<img src="https://kyzylorda-news.kz/wp-content/uploads/2021/10/244554091_1385007605228081_7985123552308956168_n.jpg" alt="" />

Гүлшара Әбдіқалықова «Orda school» жеке мектебінің жұмысымен танысты

<a href="https://kyzylorda-news.kz/ru/obshestvo/">Kyzylorda-news.kz</a>. “Қазгидромет” синоптиктері 5-7 қазанға арналған ауа райы болжамын ұсынды.
Ақпарат бойынша, осы уақытта ел аумағының басым бөлігі жауын-шашынның алдын алуға және ауа температурасының одан әрі төмендеуіне әкелетін солтүстік-батыс антициклонның ықпалында болады.
Ал Қазақстанның солтүстік, шығыс және оңтүстік-шығыс өңірлерінде ауа райы циклонға байланысты жаңбыр мен қар түріндегі жауын-шашын, 6 қазанда таулы аудандарда қатты жауын-шашын күтіледі.
<blockquote>
 “Жауын-шашынмен тұман, көктайғақ, бұрқасын болжанады. Түнде ҚР батысында ауа температурасы 0-5 аязға дейін, солтүстік-батыста, солтүстікте және орталықта 5-10 аязға дейін, шығыста 3-11 аязға дейін төмендейді. Оңтүстікте түнгі уақытта аумақтың көп бөлігінде 1-6 градус аяз болады”, – делінген хабарламада.
</blockquote>

Алдағы 3 күнде ауа райы қандай болады?

<a href="https://kyzylorda-news.kz/ru/obshestvo/">Kyzylorda-news.kz</a>. Сенбі күні қазалылық бір топ ардагерлер тағы да Түркістан қаласына жол тартты. Аудан әкімі Мұхтар Оразбаевтың қолдауымен үшінші рет ұйымдастырылған сапарда ардагерлер жаңарып, түрленген түркі әлемінің рухани астанасын аралады.
Аудан ардагерлері алғашқы саяхатты Түркістан қаласының «Сапар орталығынан» бастап, Қожа Ахмет Яссауи кесенесіне зиярат етті.
Содан кейін санғасырлық тарихы бар Түркістан өлкесінің өткені мен бүгіні туралы шежіре шертетін «Ұлы дала елі» орталығы, «Әл-Фараби» кітапханасы мен «Алтын Самұрық» ғимараты ішіндегі ұшатын театрды тамашалады.
Сондай-ақ «Керуен сарай» кешеніне саяхат жасады. Түркістанның жаңарған келбетін алғаш рет көруге келген қазалылық ардагерлер және ардақты аналар аз уақыт ішінде рухани астананың жаңарып, түрлі зәулім ғимараттардың бой көтеріп, адам танымастай өзгергенін айтып, ерекше әсерге бөленгендерін жеткізді. Түрленген Түркістан сапарын ұйымдастырған аудан әкімдігіне алғыстарын білдірді.

Қазалылық ардагерлерге Түркістанға жолдама берілді

<a href="https://kyzylorda-news.kz/ru/obshestvo/">Kyzylorda-news.kz</a>. Депутаттар тағы да Денсаулық сақтау министрлігін сынға алды. “Ақ жол” партиясының өкілдері вакцинациялау науқанының бұзылуына кінәлілердің жазалануын талап етті, деп хабарлайды&nbsp;<a href="https://www.ktk.kz/ru/news/video/2021/10/02/192116/">“КТК”</a>.
Қыркүйек айының соңына дейін жоспарланған 10 миллион адам әлі күнге дейін екпе алмаған. Бұдан бөлек шенеуніктерге Денсаулық сақтау министрлігі вакцинацияланған халықтың пайызын Қазақстанда тұратын азаматтардың жалпы санынан емес деп санайтыны ұнамайды.
<blockquote>
 “Денсаулық сақтау министрлігі хабарлаған “вакцинацияға тиістілердің” 60-70%-ының қазіргі вакцинация көрсеткіштері оптимисті емес. Халықтың жалпы үлесінің 34,2% құрайды. Яғни 19 миллион халықтың 6,5 миллионы толық екпе салдырған. Бұл дегеніміз Қазақстан ұжымдық иммунитет деңгейінен әлі де төмен деген сөз”, – дейді ҚР Парламент мәжілісінің депутаты Ғани Хамзин.
</blockquote>
Үкімет отырысында Алексей Цойдың баяндамасынан алынған слайд халық қалаулыларына ұнамады. Бұл жерде вакцинацияланған халықтың пайызы өте оптимистік көрінеді – шамамен 65.&nbsp;
Бірақ қалай болғанда да Қазақстанда әлі де вакцинацияланған адамдар тым аз. Осы себепті карантинді де билік өкілдері тоқтатпайды. Барлық тыйымдарды қандай жағдайларда алып тастауға болады және неге ол өзімізге байланысты? Бұл сұрақтарға Қазақстанның бас санитарлық дәрігері Ерлан Қиясов жауап берді.
<blockquote>
 “Біз бұның үлкен жауапкершілік екенін түсінеміз. Шешімдер аяқ астынан шықпайды. Біз алдын ала талдау жасаймыз, мамандардың өте үлкен тобы қазіргі жағдайды зерттеу үшін жұмыс жасайды. Барлық тәуекелдерді таразылаймыз”, – деді Ерлан Қиясов.
</blockquote>
Бас дәрігер елімізде барлық шектеулер қандай жағдайда алынатынын айтты.
<blockquote>
 “Кем дегенде, ауру статистикасы айтарлықтай төмендеуі керек. Мүмкіндігінше халықтың вакцинациямен қамтылуын қамтамасыз етуіміз қажет. Жалпы халықтың 60% дейін вакцинациялау. 11 миллионнан астамы біздің жоспарымызда тұр. Біз қазір күтудеміз, негізінен топтарды кеңейтетін вакциналарды жеткізу туралы алдын ала келісімдер жүргізілген. Біз бірнеше рет балаларды вакцинамен қамту жөніндегі жоспарларымызды жариялаған болатынбыз. Олар ата-анасы мен қамқоршылары өздерінің тілектері мен келісімдерін білдіретін балалар”, – деп қосты ол.
</blockquote>
Бұл жерде бас дәрігер төртінші тоқсанда жеткізілетін Pfizer вакцинасы туралы айтып отыр. Бұған дейін препаратты қазан айында жеткізуге болатыны туралы хабарланған, бірақ әлі нақты мерзімі айтылған жоқ.
Бірақ азаматтардың жекелеген санаттарына міндетті вакцинациялау мерзімі әлдеқашан аяқталған. Ерлан Қиясов неге екпе жұмыстарын тексеру басталмағанын және салынатын айыппұл жөнінде айтты.
<blockquote>
 “Біздің басты міндет – жаза емес. Біз үшін ең бастысы – бизнес үшін, белгілі бір кәсіпорындар қызметкерлерінің қауіпсіздігі үшін қолайлы жағдай жасау. Біз қазір көптеген адамдар бұл тексерулерді күтіп отырғанын түсінеміз. Бірақ мен тағы да қайталаймын, бұл біздің мақсат емес. Санитарлық ережелерге сәйкес өзгерістер енгізілуде”, – деп түсіндірген бас дәрігер тексеру жұмыстары жөнінде қосып өтті. – Тексерулер жүргізілетін болады. Біз бизнес өкілдеріне өз қызметкерлеріне вакцинациямен мүмкіндігінше көбірек айналысуға мүмкіндік беру үшін қысқаша үзіліс жасап, мүмкіндік береміз, – деді ол.
</blockquote>
Сонымен бірге Ерлан Қиясов вакцинация паспортын сатып алғандар жөнінде тоқталып өтті.
<blockquote>
 “Адамның өзі былайша айтқанда Ішкі істер департаментіне өзі келіп мойындайтын кездер болады. Бұл сирек болатын жағдай шығар, бірақ, негізінен, бұл жолды таңдауға болады. Бірақ бұл тиісті заңнамалық негіздеуді қажет етеді”, – деді бас дәрігер.
</blockquote>
Сөзінің соңында ол қайта вакцинациялау туралы айтып берді.
<blockquote>
 “Бұл мәселе енді иммундау жөніндегі комиссияның қарауына жіберілді. Олар бүкіләлемдік тәжірибені зерттейді. ДДҰ ұстанымы, мысалы, ревакцинация жолына түскен елдерді қолдамауы мүмкін. Нақтырақ шешімдер жақын арада қабылданатын болады”, – деді еліміздің бас дәрігері.
</blockquote>
Осы аптада QazVac вакцинасы коронавирустың дельта штаммына қарсы шығаратыны туралы белгілі болды. Препараттың 750 мың доза көлеміндегі жаңартылған нұсқасы қазан айында вакцинациялау орталықтарына жіберіледі.

Ерлан Қиясов COVID-19 шектеуінің қашан алынатынын айтты

<a href="https://kyzylorda-news.kz/ru/obshestvo/">Kyzylorda-news.kz</a>. 2023 жылдан бастап жұмыс берушілер өз есебінен 5% зейнетақы жарнасын аударуға тиіс, деп хабарлайды ҚазАқпарат .
Еңбек және халықты әлеуметтік қорғау министрлігі зейнетақы жүйесін одан әрі жаңғыртудың 2030 жылға дейінгі тұжырымдамасына түзетулер әзірледі.
Осы жаңғыртудың тағы бір маңызды бағыты – 2023 жылдан бастап жұмыс берушілердің 5% міндетті зейнетақы жарнасын енгізу.
Жұмыс берушілер өз қаражаты есебінен өз жұмыскерлерінің пайдасына жұмыскердің табысынан міндетті 5% зейнетақы жарнасын аударады.
Мемлекет басшысы ЖБМЗЖ мақсатын шартты-жинақтаушы құрамдауышты қалыптастырудан азаматтардың жеке зейнетақы жинақтарын толықтыруға өзгерту, сондай-ақ кейіннен оларды әлеуметтік мұқтаждыққа пайдалану құқығын бере отырып, міндетті зейнетақы жарналары, міндетті кәсіптік зейнетақы жарналары және ЖБМЗЖ есебінен қалыптастырылған зейнетақы жинақтарының бір бөлігімен толықтыру (салымшының таңдауы бойынша) арқылы Бірыңғай жинақтаушы зейнетақы қорында жеке нысаналы шоттарды енгізу жөніндегі тәсілдерді мақұлдады.
ҚР Салық кодексінің шеңберінде жұмыс берушілерге жүктемені төмендету үшін енгізілетін ЖБМЗЖ шегерімдеріне жатқызу бөлігінде жеңілдіктер берілгенін атап өту қажет.
Бүгінгі таңда Бірыңғай жинақтаушы зейнетақы қорынан төленетін зейнетақы төлемдері зейнетақы төлемдерінің мөлшерін есептеуді жүзеге асыру әдістемесіне сәйкес есептеледі.
Зиянды өндірістерде жұмыс істейтін қызметкерлер үшін және егер мүгедектігі мерзімсіз болып белгіленсе, бірінші және екінші топтардағы мүгедектігі бар зейнетақы төлемдерін алушылар үшін зейнетақы жинақтарының ағымдағы құнының жекелеген коэффициенттері енгізілді.
<blockquote>
 «Тұжырымдамаға түзетулер аясында еңбек жағдайлары зиянды жұмыстармен айналысатын қызметкерлерге қатысты өлім-жітімнің жекелеген коэффициенттерін пайдалану мәселесі қарастырылуда, оларды өмір бойғы зейнетақы аннуитетінің құнын есептеу кезінде қолдану жоспарланып отыр. Бұл жаңашылдық зиянды еңбек жағдайларында жұмыс істейтін азаматтар үшін зейнетақы аннуитетін ресімдеу мүмкіндігін неғұрлым қолжетімді етеді», – дейді Еңбекминнің әлеуметтік сақтандыру, базалық әлеуметтік және зейнетақымен қамсыздандыру саясаты департаментінің директоры Виктория Шегай.
</blockquote>
Табысты зейнетақы төлемдерімен алмастыру деңгейін сақтау үшін зейнетақы жинақтарын мерзімінен бұрын алудың параметрлері мен шарттарын жетілдіру жөніндегі жұмыс жалғасады.
Тұжырымдамада ұсынылған шаралар болашақ алушылардың зейнетақысының мөлшерін олардың еңбек өтіліне барабар қамтамасыз етуге, зейнетақы төлемдерінің «сатып алу» қабілетін және жоғалған табысты алмастырудың халықаралық зейнетақымен қамсыздандыру стандарттарына сәйкес келетін деңгейін сақтауға мүмкіндік береді.
Қазіргі уақытта «Қазақстан Республикасының зейнетақы жүйесін одан әрі жаңғыртудың 2030 жылға дейінгі тұжырымдамасы туралы» Қазақстан Республикасы Президентінің 2014 жылғы 18 маусымдағы № 841 Жарлығына өзгерістер мен толықтырулар енгізу туралы» Қазақстан Республикасының Президенті Жарлығының жобасы туралы» ҚР Үкіметі қаулысының жобасы мүдделі мемлекеттік органдармен келісіледі.

Жұмыс берушілер әр қызметкерге өз есебінен 5% зейнетақы жарнасын аударуға тиіс

<a href="https://kyzylorda-news.kz/ru/obshestvo/">Kyzylorda-news.kz</a>. Сыбайлас жемқорлыққа мүлдем төзбеушілік және азаматтардың өздерінің белсенді қатысуы сыбайлас жемқорлық құқық бұзушылықтарды жоюдың маңызды құрамдас бөліктерінің бірі болып табылады.
Қазіргі таңда сыбайлас жемқорлық құқық бұзушылық фактілері жайында хабарлаған тұлғаларға біржолғы ынталандыру төлемдері қарастырылған.
Пара немесе келтірілген залал сомасы не ұсынылған жеңілдіктердің немесе көрсетілген қызметтердің құны 1 000 АЕК – тен аспайтын сыбайлас жемқорлық қылмыстар бойынша сыйақы сомасы қылмыстың ауырлығына байланысты 30-дан 100 АЕК-ке дейін құрайды. Яғни бүгінгі өлшем бойынша 87 510 теңгеден 291 700 теңге аралығында.
Ал егер пара немесе келтірілген залал сомасы не ұсынылған жеңілдіктердің немесе көрсетілген қызметтердің құны 1 000 АЕК – тен асса-сыйақы сомасы көрсетілген соманың 10% – ын құрайды, бірақ 4 000 АЕК-тен аспайды ( шамамен 11 668 000 теңге).
-сыбайлас жемқорлық құқық бұзушылықтар туралы әкімшілік істер бойынша – 30 АЕК;
-онша ауыр емес сыбайлас жемқорлық қылмыстар туралы қылмыстық істер бойынша – 40 АЕК;
-ауырлығы орташа сыбайлас жемқорлық қылмыстар туралы қылмыстық істер бойынша – 50 АЕК;
-ауыр сыбайлас жемқорлық қылмыстар туралы қылмыстық істер бойынша – 70 АЕК;&nbsp;
-аса ауыр сыбайлас жемқорлық қылмыстар туралы қылмыстық істер бойынша – 100 АЕК.
Параның мөлшері неғұрлым көп&nbsp; болса, сыйақының көлемі де соғұрлым жоғары болады.
Қазақстан Республикасы Сыбайлас жемқорлыққа қарсы іс-қимыл (Сыбайлас жемқорлыққа қарсы қызмет) агенттігінің Қызылорда облысы бойынша департаменті азаматтарды сыбайлас жемқорлықтың кез келген көріністері бойынша 1424 республикалық кол-орталығына хабарласуға шақырады, Қоңырау шалу Қазақстан бойынша тегін.

Жемқорлық туралы хабар бергендерге сыйақы беріледі

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қазақстанда өткен тәулікте 1913 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 275
Алматы қаласы – 439
Шымкент қаласы – 21
Ақмола облысы – 131
Ақтөбе облысы – 68
Алматы облысы – 317
Атырау облысы – 124
Шығыс Қазақстан облысы – 168
Жамбыл облысы – 3
Батыс Қазақстан облысы – 1
Қарағанды облысы – 154
Қостанай облысы – 8
Қызылорда облысы – 86
Маңғыстау облысы – 7
Павлодар облысы – 47
Солтүстік Қазақстан облысы – 30
Түркістан облысы – 34
Қазақстан бойынша жазылғандар саны – 830241.

Қазақстан және Қызылорда облысының жаңалықтары