<a href="https://kyzylorda-news.kz/">Kyzylorda-news.kz</a>. Қызылорда қаласындағы Назарбаев Зияткерлік мектебінің оқушылары халықаралық «World Art Games» онлайн-байқауында қос жүлдеге ие болды.
Атап айтқанда, 8-сынып оқушылары Уәлихан Ибадулла мен Сырсұңқар Базарбайұлы І орынды иеленсе, 9-сыныптың білім алушысы Жансая Жолдасбек ІІ орынмен марапатталды. Сыр бойылық оқушылар вокал номинациясы бойынша сынға түсіп, «Батырлар ұраны», «Girl on fire» атты өлендерді шырқады.
<blockquote>
 “Біз таңдаған патриоттық ән қазақ баласының өр жүректі батырлығын, елжандылығын сипаттайды. Осы әуен арқылы біз ұлттық болмысымызды әлемге танытуды жөн көрдік”, – деп түсіндірді Сырсұнқар.
</blockquote>
20 мемлекеттің өнерпаздарының басын қосқан бұл көпжанрлы байқауда балалар шығармашылығын белгілі әртістер мен музыканттардан құралған Европаға танымал әділ-қазылар алқасы бағалады.
<blockquote>
 “Жеңімпаз оқушылар – бліммен қатар өнерді алып жүрген мектептің белсенділері. Бірі бұрыннан ән салса, енді бірі мектепке келіп музыкаға ерекше назар аударып, вокалдық дағдыларын дамытуда. Бұл жетістіктері алдағы уақытта жаңа белестерді бағындыруға үлкен сеп болады”, – деп санайды жетекшісі, ән-әуез пәнінің мұғалімі Жарасбек Өтебаев.
</blockquote>
Айта кетейік, жүлделі орындарды иеленген оқушылар мамыр айында Испанияда өтетін «SEA SUN FESTIVAL» халықаралық фестиваліне жеңілдікпен қатысу мүмкіндігіне ие болды.
<img src="https://kyzylorda-news.kz/wp-content/uploads/2021/02/img-20210211-wa0242.jpg" alt="" />
<img src="https://kyzylorda-news.kz/wp-content/uploads/2021/02/img-20210211-wa0241.jpg" alt="" />

Қызылорданың НЗМ оқушылары Испания вокалистерін таң қалдырды

<a href="https://kyzylorda-news.kz/">Kyzylorda-news.kz</a>. Тереңөзек кентін газдандыру жұмысы өткен жылдың соңында толығымен аяқталды. Жоба құны 2 миллиард 150 миллион теңгеден асады. Кентке 6 газ тарату шкафы орнатылды. Барлық ғимараттар мен жеке тұрғын үйдің ауласына дейін құбыр тартылды.
<blockquote>
 “Бүгінде кентте 280 жеке тұрғын үйде газ құрылыс монтаждау жұмыстары жүргізілуде. Соның 160-ы газға қосу туралы өтініш берді. Көпшілігі ауданға газ жүргізіліп жатқаннан монтаждау жұмыстарын жүргізгендер. Ақпанның басында газ желісіне жақын орналасқан шкафтарға газ барды. Сол маңдағы үйлер бірінші болып қосылды. Қазір алты газ тарату шкафына да көгілдір отын барып тұр. Кезектілікпен, құжаттары рәсімделген тұрғындарға газ берілуде, – деді Сырдария ауданы әкімінің орынбасары Талғат Нұртазаев.
</blockquote>
Жалпы, тұрғындар көгілдір отынға қосылу үшін екі түрлі өтініш береді. Біріншісі техникалық шарт алу үшін, екіншісі көгілдір отынға қосуға байланысты. Өтінішке үйдің құжаттары, меншік иесі екенін растайтын анықтама, мемлекеттік актісі, техникалық паспорт, тұрғын үй иесінің жеке куәлігі, жер учаскесінде орналасқан тұрғын үйдің сызбасы қоса тігіледі. Өтініш қабылданғаннан кейін бес жұмыс күні ішінде «Қызылорда газ тарату жүйесі» мекемесі тарапынан техникалық шарт беріледі.
Ал монтаждау жұмыстарымен кентте 6 мердігер мекеме айналысуда. Олар шамамен үш жұмыс күні ішінде әзірлейді. Бұл кезеңдегі жұмыстардың құжаттарын мердігер мекеме дайындайды. Оның ақысы мекеме мен тапсырыс беруші арасында келісіледі.
<blockquote>
 “Газ пештерін қоспағанда монтаждау жұмысының ақысы шамамен 90 мың мен 115 мың теңгенің аралығында. Әлеуметтік осал топтағы азаматтарға жеңілдіктер жағын қарастырып жатырмыз. Жақында бір кәсіпкер екі үйге газ монтаждау жұмыстарын жүргізіп берді. Кенттегі көпқабатты үйдің тұрғындарымен кездесу өткізудеміз. Барлық талапты сақтай отыра көгілдір отынға қосу мәселесін қарастырудамыз”, – деді Сырдария аудандық тұрғын үй-коммуналдық шаруашылық, жолаушылар көлігі және автомобиль жолдары бөлімінің басшысы Ержан Бахтияров.
 “Газ қысымы өзі үшке бөлінеді. Кентке орташа қысымдағы көгілдір отын келіп тұр. Біз бірінші кезекте сақтық шарасына аса мән береміз. Газ пешті қабырғасы қамыстан қаланған бөлмеге орнатуға рұқсат бере алмаймыз. Техникалық шарт пен газды қосып беруге өтініштерді қабылдап жатырмыз. Барынша құжаты сәйкес келетін тұрғындарды тездетіп газға қосуға жұмыс жасаудамыз”, – деді «Қызылорда газ тарату жүйесі» КМК директоры Нұрлан Өтепов.
</blockquote>
Жалпы аудан орталығында 2500 жеке тұрғын үй, 11 әлеуметтік нысан, 60 ғимарат бар.

Тереңөзек тұрғындары көгілдір отынның игілігін көруде

<a href="https://kyzylorda-news.kz/">Kyzylorda-news.kz</a>. Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Қызылорда облысы бойынша департаментінің қызметкерлері сыбайлас жемқорлыққа қарсы заңнаманың жаңашылдықтары туралы Zoom платформасы арқылы түсіндірме жұмыстарын жүргізді.
Кездесуге департаменттің Превенция және парасаттылық басқармасының басшысы, ақпараттық-ағартушылық штаб мүшесі Болатбек Айтбенбетов, облыстық жұмыспен қамтуды үйлестіру және әлеуметтік бағдарламалар басқармасы мен бөлімдердің қызметкерлері қатысты.
Шара барысында департамент қызметкері – сыбайлас жемқорлыққа қарсы саясаттың негізгі міндеттерінің бірі – парасаттылық идеологиясын ілгерілету және жең ұшынан жалғасқан сыбайлас жемқорлыққа мүлдем төзбеушілік мәдениетін қалыптастыру болып табылатындығын атап, мемлекеттік қызметшілер тарапынан әрбір азаматтың мәселесіне терең үңілуге және қос тараптың қарым-қатынасы нәтижесінде туындайтын әкімшілік кедергілер мен негізсіз әуре-сарсаңдарға жол берілмеуін қамтамасыз ету қажеттігін назарға ұсынды.
Сонымен қатар 2020 жылғы 19 желтоқсандағы Қазақстан Республикасының кейбір заңнамалық актілеріне қылмыстық процесте азаматтардың құқықтарын қорғауды және сыбайлас жемқорлыққа қарсы іс-қимылды күшейту мәселелері бойынша енгізілген өзгерістер мен толықтырулар туралы түсіндірме жұмыстарын жүргізді.
Өз кезегінде Болатбек Айтбенбетов мемлекеттік органдардың ашықтығын қамтамасыз ету кез келген қызметте тұрмыстық сыбайлас жемқорлықты жоятындығын атап өтіп, қатысушыларды адалдық, адамгершілік, шыншылдық, тазалық принциптерін ұстануға шақырып, парасатты қоғам құруға бағытталған шаралардың тиімділігін арттыру үшін барлығымыз біріге жұмыс жасауымыз қажет екендігін хабарлады.
Шара соңында Қызылорда облысының жұмыспен қамтуды үйлестіру және әлеуметтік бағдарламалар басқармасының басшысы 2020 жылғы сыбайлас жемқорлықтың алдын алуға бағытталған профилактикалық шаралар жөнінде және сыбайлас жемқорлық тәуекелдеріне жүргізілген ішкі талдау жұмыстарының қорытындысы бойынша қабылданып жатқан жұмыстар жайлы хабарлама жасады.

Заң нормалары түсіндірілді

<a href="https://kyzylorda-news.kz/">Kyzylorda-news.kz</a>. Қазақстандықтар халық санағына қатысудың баламалы нұсқасына ие болады, деп хабарлайды <a href="https://www.inform.kz/kz/2021-zhyldyn-1-kyrkuyeginen-kazakstannyn-halyk-sanagy-onlayn-bastalady_a3752038">ҚазАқпарат</a>.
Енді, тек санақ жүргізушіге ақпарат беріп қана қоймай, сонымен қатар онлайн режимінде жұмыс істейтін мамандандырылған портал қызметін қолдана алады.
Биылғы санақтың ерекшелігі қандай, нендей жаңашылдық болады? Үкіметтің бұл ауқымды науқанға дайындығы қандай? Осы және өзгеде және мәселелер Қазақстан Республикасының 2021 жылғы Ұлттық халық санағын жүргізу жөніндегі арнайы комиссиясының бірінші отырысы барысында сөз болды, деп хабарлайды ҚазАқпарат.
Реформалар жөніндегі Жоғарғы кеңесте Мемлекет басшысының тапсырмасы бойынша Премьер-Министрдің бірінші орынбасары Әлихан Смайыловтың төрағалығымен арнайы комиссия құрылды. Ол науқанға дайындық пен оны өткізудің негізгі ұйымдастырушылық және мазмұндық мәселелерімен айналысады. Халықтың саны, оның жасы, гендерлік құрамы, урбанизация дәрежесі, табыс деңгейі туралы жинақталған мәліметтер тексерілген, пысықталған басқарушылық шешімдер қабылдауға негіз болады.
Онлайн санақты 2021 жылдың 1 қыркүйегінен бастау туралы шешім қабылданды. Ол 2021 жылдың 15 қазанына дейін мамандандырылған sanaq.gov.kz веб-сайтында жалғасады. Сайт тәулік бойы ашық болады. Азаматтар, қай жерде жүрсе де, өзі және отбасы үшін сауалнама беттерін толтырып, санаққа өз бетінше қатыса алады.
Ақпараттық қауіпсіздікті қамтамасыз ету мақсатында Ұлттық статистика бюросы «Кибершабуылдарды талдау және тергеу орталығы» ЗТБ-мен бірлесіп жұмыстар жүргізді. Нәтижесінде осалдық жүйесі күшейтілді және байланыс арнасы кеңейді.
Ә.Смайыловтың ұйғарымымен, Қазақстан Республикасының ҰҚК-мен бірлесіп, хакерлік шабуылдардың алдын алу мақсатында халық санағы бойынша ақпараттық ресурстарға тәулік бойы мониторинг жүргізуді қамтамасыз ету тапсырылды. Сондай-ақ, Премьер-Министрдің бірінші орынбасары «sanaq.gov.kz» сайтын «Egov.kz» веб-порталымен біріктіру қажеттілігін атап өтті.
Дәстүрлі үй-үйді аралау, онлайн-санақтан өтпеген азаматтарды қамту мақсатында 2021 жылдың 1 қазанынан 2021 жылдың 30 қазанына дейін қажетті санитарлық нормаларды сақтай отырып өткізіледі.
Санақ жүргізушілер планшеттерді қолданады, бұл деректер сапасына адами фактордың әсерін барынша азайтады, ЖСН қолданып нақтылық деңгейін жоғарылатады және ақпараттың қайталануын болдырмайды.
Планшетке арналған мобильді қосымша әзірленді, оның көмегімен сұхбат беруші барлық кіріктірілген арифметикалық және логикалық басқаруларды ескере отырып сауалнама жүргізе алады, жіктеуіштер мен анықтамалықтарды қолдана алады. Алынған деректер тікелей ортақ дерекқорға жіберіледі.

2021 жылдың 1 қыркүйегінен Қазақстанның халық санағы онлайн басталады

<a href="https://kyzylorda-news.kz/">Kyzylorda-news.kz</a>. «Antikor» сервистік орталығында Қызылорда су жүйесі мемлекеттік коммуналдық кәсіпорнының басшысы Марат Жәмиевпен кездесу өтті.
Департаменттің Превенция және парасаттылық басқармасының басшысы Ғалия Әлімқұлова кездесудің негізгі мақсаты – квазимемлекеттік сектор субъектілерінде ISO 37001 сыбайлас жемқорлыққа қарсы стандартты және комплаенс-қызметтін енгізу екендігін назарға салды салды. Сонымен қатар, «Сыбайлас жемқорлыққа қарсы іс-қимыл туралы» Заңы негізінде сыбайлас жемқорлыққа қарсы комплаенс институтын ұйымдастыруға көмек көрсету мақсатында агенттікпен әзірленген әдістемелік нұсқаулармен таныстырды. Сондай-ақ 2020 жылғы қабылданған сыбайлас жемқорлыққа қарсы заңнаманың жаңашылдықтары бойынша түсіндірме жұмыстарын жүргізді.
Өз кезегінде Қызылорда су жүйесі МКК – ның директоры Марат Жамиев ISO 37001 сыбайлас жемқорлыққа қарсы стандартты және комплаенс-қызметтін енгізу бағытында департамент қызметкерлерін бірлесе жұмыс жасауға шақырып, өткен жылы ұжымда сыбайлас жемқорлыққа қарсы мәдениетті қалыптастыру мақсатында атқарылған жұмыстар мен сыбайлас жемқорлық тәуекелдерін жою бағытында қабылданған шаралар жайлы баяндама жасады.

&#8220;Су жүйесінде&#8221; сыбайлас жемқорлыққа қарсы мәдениетті қалыптастыру жұмыстары жүргізілуде

<a href="https://kyzylorda-news.kz/">Kyzylorda-news.kz</a>. 2020 жылдың наурыз айында Әлеуметтік медициналық сақтандыру қоры тұрғындармен кері байланыс арнасын – «Qoldau-24/7» мобильді қосымшасын іске қосты.
Осы бірегей платформада 24/7 жұмыс істейтін режимде 1406 байланыс орталығы медициналық сақтандыру және пациенттердің құқықтарына қатысты өтініштерін қабылдайды.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов түсіндіргендей, «Qoldau-24/7» мобильді қосымшасын қолдана отырып, сіз медициналық көмек туралы кеңес ала аласыз, дәрігерлерге немесе медициналық ұйымдарға алғыс және шағым білдіре аласыз, МӘМС және ТМККК шеңберінде жұмыс істеуге қатысты ұсыныстармен бөлесе аласыз.
Сонымен қатар, «Qoldau-24/7» арқылы жеке кәсіпкерлерде ШОБ қызметкерлерінің сақтандыру мәртебесін түзету мүмкіндігі бар (ҚР Үкіметінің 2020 жылғы 30 қазандағы №721 қаулысына сәйкес).
Азаматтардың жеңілдікті санаттары (толығырақ – <a href="https://fms.kz/kz/o-medstrakhovanii/infografika/8578/">https://fms.kz/kz/o-medstrakhovanii/infografika/8578/</a>) уақытша (бір айға) сақтандыру мәртебесін ала алады.
<blockquote>
 «Мысалы, жұмыс істемейтін жүкті әйелдің есепке қою кезінде МӘМС жүйесінде сақтандыру мәртебесі жоқ. Ол мобильді қосымшада «Жеңілдік санатына уақытша мәртебе беру» батырмасына өтіп, мәртебесін, аймағын, ЖСН-ді көрсетіп, жеңілдік санатын растайтын құжаттың тіркеу керек. Содан кейін біздің сарапшылар жүктілікті растайтын анықтамалардың негізінде бір айға уақытша мәртебе береді. Осыдан кейін жүкті әйел есепке алынады және одан әрі оның мәртебесі өзгермейді, ол сақтандырылған», – деп атап өтті Бақыт Исмаханбетов.
</blockquote>
Сондай-ақ, «Qoldau-24/7» мобильді қосымшасында сіз өзіңіздің сақтандыру мәртебеңізді тексере аласыз, медициналық сақтандырудағы төлемдерінің мөлшерін біле аласыз, медициналық қызметтердің сапасын бағалай аласыз, коронавирус, COVID-19-ға қарсы вакцинация туралы өзекті сұрақтарға жауап таба аласыз. ТМККК, МӘМС пакеттері және т. б. туралы өзекті сұрақтарға жауап таба аласыз.
Егер пациентке медициналық көмек көрсетуден бас тартылса немесе тиісті түрде көрсетілмесе, онда 1406 нөмірі, «Qoldau – 24\7» мобильді қосымшасы немесе «SaqtandyruBot» Telegram-бот бойынша жүгіну қажет, – деп атап өтті Қор филиалының директоры. Қордың мамандары мен сарапшылары жедел жауап беріп, қажетті көмек көрсетеді.
Айта кетейік, 2020 жылы Әлеуметтік медициналық сақтандыру қорының филиалына азаматтардан 15 450 өтініш келіп түсті, оның ішінде 15 219 өтініш консультациялық сипаттағы, 168 шағым, 63 алғыс.
Еске сала кетейік, аталған қосымшаны PlayMarket және AppStore-дан жүктеуге болады.

«Qoldau-24/7» қосымшасы көмегін тигізіп келеді

<a href="https://kyzylorda-news.kz/">Kyzylorda-news.kz</a>. Сенатор Нұртөре Жүсіп мамандар тапшылығынан зардап шегіп отырған балалар кардиохирургиясы саласына қатысты шешімін таппаған бірқатар өзекті мәселені көтерді, деп хабарлайды <a href="https://www.inform.kz/kz/nurtore-zhusip-balalar-kardiohirurgterinin-zhetispeushiligi-maselesin-koterdi_a3751932">ҚазАқпарат</a>.
Депутаттың айтуынша, жүрек реанимациясы мен қарқынды терапия бөліміндегі науқастарда дәрі-дәрмектер, атап айтқанда қосымша антибиотиктер, иммундық және басқа дәрілер, сондай-ақ қымбат МРТ аппараттары жетіспейді.
<blockquote>
 «Қазіргі уақытта 7 қаладағы кардиохирургиялық 10 орталықта балалардың жүрек ақауына операция жасау мүмкіндігі бар. 2020 жылы 18 жасқа дейінгі балалар арасында ашық жүрекке – 1627, оның ішінде 1 жасқа дейінгі – 1128 балаға, 271 нәрестеге операция жасалған. Операция жасау барысында хирургтер көп жағдайда шұғыл шешім қабылдайды. Ал бұл – үлкен жауапкершілік. Жалақысы төмен, жауапкершілігі жоғары болған соң жас кардиохирургтер бұл мамандық бойынша тұрақтап істемейді», – деді Нұртөре Жүсіп Үкімет басшысының атына жолдаған депутаттық сауалында.
</blockquote>
Сенатор елімізде балалар аритмологтары, балалар кардиохирургі, перфузиолог мамандарының жетіспейтінін атап өтті. Ол осы мамандықтардың мәртебесін, сонымен бірге жалақысын көтеру қажет деп отыр.
Депутаттың сөзіне қарағанда, кепілдендірілген медициналық көмек аясында көрсетілетін қызметтерге тарифтік саясатты қайта қарау маңызды.
Нұртөре Жүсіп жетіспей отырған медициналық кадрларды даярлау мәселелерін жедел шешу, халықаралық мастер-кластар өткізу және озық елдердің тәжірибесінен сабақ алу қажет деп қосты. Материалдық-техникалық базаны нығайту және клиникаларды қамтамасыз ету, логистиканы жақсарту және диагностика мен емдеудің клиникалық практикасына заманауи медициналық технологияларды енгізуді жеделдету маңызды.

Нұртөре Жүсіп балалар кардиохирургтерінің жетіспеушілігі мәселесін көтерді

<a href="https://kyzylorda-news.kz/">Kyzylorda-news.kz</a> Қызылорда гарнизоны әскери бөлімінде санитарлық-эпидемиологиялық талаптар мен нормаларды сақтай отырып, жауынгерлік әзірлік жоспарына сай арнайы взводтық тактикалық оқу–жаттығулары басталды.
Қызылорда гарнизонындағы әскери бөлімде биылғы жылдың қаңтар айында өткен бөлімшелерді үйлестіру бойынша өткізілген оқу-жаттығулар жақсы нәтижелермен аяқталды. Өткізілген барлық шаралар барысында санитарлық-эпидемиологиялық нормалар қатаң сақталды. Пандемия кезінде өткізілгеніне қарамастан бөлімнің әскери жауынгерлік басымдылықтары жоғары деңгейде болды.
Осы қарқынмен әскери қызметшілер ақпан айының басында взводтардың арнайы тактикалық оқу-жаттығуларын орындауға да кірісіп кетті. Оқу-жаттығу, жауынгерлік әзірліктің жоғары дәрежесіне келтіру мен тақырыптарға сай арнайы нұсқаулық – әдістемелік сабақтар өткізу арқылы барлық взводтарың жоғары жауынгерлік даярлық қарқындылығымен басталды.
Бөлім командирі подполковник Ербол Әбдірайым тәжірибелік-әдістемелік сабақтарды рұқсат етілген температура режимін ескеріп, таза ауада өткізуді, сондай-ақ жаттығу барысында әлеуметтік ара қашықтықты сақтау мен бөлімшелер арасындағы байланысты қатаң бақылауда ұстауды тапсырды.
<blockquote>
 «Взводтардың арнайы тактикалық оқу-жаттығулары кезінде қауіпсіздік шаралары мен санитарлық нормалар сақталуда. Взводтардың тәжірибелік біліктіліктеріне, тактикалық қимылдарының дұрыстығына ерекше мән берілуде. Жаттығу кезеңдері барысында взводтар өздерінің жоғары шеберліктерін көрсетеді деген сенімдеміз», – дейді әскери бөлімнің топ командирі, лейтенант Мәди Амантай.
</blockquote>
Айта кетсек, взводтарды үйлестіру сабақтары кезінде командирлер өз жеке құрамының жауынгерлік іс-қимылдарын тұрақты басқаруға, сонымен қатар, жергілікті соғыстар кезіндегі жауынгерлік іс-қимылдар практикасына сүйеніп, жауынгерлік атыстарын жүргізуге ерекше назар аударады. Осы аталған үйрету жұмыстары күндізгі және түнгі жағдайларда пысықталады.
Негізгі мақсат – взводтар жеке құрамының үйлесімділігін, жауынгерлік дайындық дәрежесін көтеру. Взвод командирлерінің жауынгерлік ұрыстағы дұрыс шешім қабылдауын тексеріп, функционалдық міндеттерін бағалау.
Жауынгерлік жоспарға сай өтетін осындай оқу-жаттығулар жеке құрамның тәжірибелік білімдерінің нығайуына, жаңа қосылған жауынгерлердің тәжірибе алмасуына және жалпы взводтардың қызметтік міндеттерін сапалы орындауына оң әсерін береді.
<img src="https://kyzylorda-news.kz/wp-content/uploads/2021/02/img_20210205_124259_979.jpg" alt="" />
<img src="https://kyzylorda-news.kz/wp-content/uploads/2021/02/img_20210205_124233_550.jpg" alt="" />
<img src="https://kyzylorda-news.kz/wp-content/uploads/2021/02/img_20210205_124238_965.jpg" alt="" />
<img src="https://kyzylorda-news.kz/wp-content/uploads/2021/02/img_20210205_124247_376.jpg" alt="" />

Қызылордада взводтарды үйлестіру шаралары басталды

«Апостиль» мөртабанын қою Гаага конвенциясына қосылған, консулдық заңдастыру талаптарының күшін жоятын және жеңілдетілген заңдастыру рәсімін енгізетін елдерге құжаттар жолдау кезінде қолданылады. Яғни, апостиль – бұл заңдастырудың осы түрін мойындайтын елдердің аумағында ұсыну үшін құжаттың заңдылығы туралы ақпаратты толтырудың халықаралық стандартталған нысаны.
Бүгінде «Қазақстан Республикасының әділет органдарынан және өзге мемлекеттік органдарынан, сондай-ақ нотариустардан шығатын ресми құжаттарға апостиль қою» мемлекеттік қызметін толық электрондық нысанда көрсету бойынша пилоттық жоба шеңберінде мемлекеттік қызметті электрондық нысанда алу іске асырылуда.
Апостиль – құжатқа қол қойған тұлғаның қолының және оның өкілеттіктерін растайтын, сондай-ақ осы құжатта бекітілген мөрдің немесе мөртабанның түпнұсқалылығын қағаз түрінде немесе электрондық нысанда куәландыратын арнайы мөртаңба болып табылады.
«Е-Апостиль» ақпараттық жүйесі – құжаттарды тіркеуге және апостиль «мөртаңбасын» электрондық түрде беруге арналған, апостиль қойылған құжаттардың орталықтандырылған есебі мен бірыңғай мұрағатын қамтамасыз ететін ақпараттық жүйе.
Бұл ақпараттық жүйе арқылы электрондық нысанда қызмет алу үшін тұлға электрондық цифрлық қолтаңбаны қолдана отырып, портал арқылы өтініш береді.
Апостиль қою үшін ұсынылған құжат сканерленген құжаттың түпнұсқасын сканерлеу арқылы жүзеге асырылады (ксерокөшірмелерден сканерлеуге жол берілмейді).
Электрондық апостиль қою үшін ұсынылатын сканерленген құжат түпұсқаға дәлме-дәл сәйкес келуі тиіс, түзетулерге немесе мәтінді шимайлауға жол берілмейді.
Қызметті беруші ресми құжаттағы лауазымды адамның қойған қолы мен мемлекеттік органның мөр бедерінің қолда бар үлгілерге сәйкестігін, сондай-ақ ресми құжатқа қол қойған лауазымды адамның ресми құжатқа қол қоюға өкілеттіктерінің болуын тексереді.
Одан әрі ұсынылған құжаттарға жүргізілген тексеру нәтижелері бойынша қызметті беруші мемлекеттік қызмет көрсету немесе одан бас тарту туралы шешім қабылдайды.
Өтінішті және қажетті құжаттарды портал арқылы тапсырған кезде өтініш келіп түскен сәттен бастап 1 (бір) жұмыс күні ішінде оның «жеке кабинетіне» мемлекеттік қызметті көрсетуге сұрау салуды қабылдау туралы мәртебе жіберіледі.
Қызметті алушының өтініші мен ұсынылған құжаттары талаптарға сәйкес келген жағдайда, қызметті беруші апостильдеуге жататын электрондық құжатта Е-Апостиль ақпараттық жүйесі арқылы электрондық апостиль қалыптастырады және уәкілетті тұлғаның ЭЦҚ қойылған мемлекеттік қызмет көрсету нәтижесін ЭҮШ арқылы қызметті алушының «жеке кабинетіне» порталға жібереді.
Электрондық апостильдің астында қызметті берушінің электрондық парағының мекенжайы (веб-параққа сілтеме) көрсетіледі. Электрондық тіркелімде электрондық апостиль қойылатын құжаттар бойынша тіркеу жүргізіледі.
Апостиль мөртаңбасының нысанынан тыс жерде төменде «Осы апостиль қол қоюшының қолының, лауазымының/атағының түпнұсқалығын және құжатқа қойылған мөрдің немесе мөртаңбаның түпнұсқалығын куәландырады және ол қойылған құжаттың мазмұнын куәландырмайды» деген мәтін көрсетіледі.
Электронды қызметтің қазіргі таңда қай салада болса да өзінің оң нәтижелерін бере бастағанын ескерсек, «Е-Апостиль» ақпараттық жүйесі де алдағы уақытта халықтың көңілінен шығатынына сеніміз мол.
А.Жақсылық,
Қызылорда облысы Әділет
департаментінің бас маманы

«Е-Апостиль» ақпараттық жүйесі іске асырылуда

<a href="https://kyzylorda-news.kz/">Kyzylorda-news.kz</a>. Қызылорда облысының кәсіпкерлер палатасы 10 ақпаннан бастап «Қазақстанның үздік тауары» көрме-конкурсына құжат қабылдау басталғандығын хабарлайды.
«Қазақстанның үздік тауары» республикалық көрме-конкурсы – отандық өнімнің сапасын арттыруға және Қазақстан нарығын жоғары сапалы және бәсекеге қабілетті өніммен толықтыруға бағытталған жеке және заңды тұлғалардың қызметін жандандыру мақсатында жыл сайын өткізіледі.
Конкурс мынадай үш номинация бойынша жүргізіледі:
1) «Өндірістік мақсаттағы үздік тауарлар»;
2) «Халыққа арналған үздік тауарлар»;
3) «Үздік азық-түлік тауарлары».
Әр номинацияда үш жеңімпаз айқындалады.
«Қазақстанның үздік тауары» көме-байқауы бір жыл бойы өткізіліп, төрт кезеңде жүзеге асырылады.
1. Өтінімді «Қазақстанның үздік тауары» өңірлік көрме-конкурсының өткізілуіне кемінде 10 күн қалған мерзімдеwww.altynsapa.kz сайтында немесе өңірлік кәсіпкерлер палаталарына ұсыну қажет.
Өңірлік көрмелердің өткізілу кестесі облыстардың, республикалық маңызы бар қалалардың, астананың әкімдіктерімен келісім бойынша жасалады және ағымдағы жылдың 15 сәуірден бастап www.altynsapa.kz сайтында жарияланады.
Конкурсқа қатысуға ниет білдірген заңды тұлға немесе жеке кәсіпкер материалдарын Қазақстан Республикасының Үкіметінің 2009 жылғы 31 шілдедегі №1167 қаулысымен бекітілген «Қазақстанның үздік тауары» өңірлік және республикалық көрме-конкурстарына ұсынылатын материалдар мен өнімді ресімдеу, ұсыну және алдын ала сараптамалық бағалау ережесі» сәйкестолтырып, орналасқан облысындағы өңірлік кәсіпкерлер палаталарына ұсынады(www.altynsapa.kz сайтында жарияланған).
Өңірлік көрмеге қатысу конкурсқа одан әрі қатысудың міндетті шарты болып табылады. Өңірлік конкурстардың 9 жеңімпазы ғана «Қазақстанның үздік тауары» республикалық көрме-конкурсына қатысу мүмкіндігіне ие болады.
2. Нұр-Сұлтан қаласында республикалық көрме-байқаудың өткізілуі (қазан). Көрме нәтижесі бойынша ҰКП сараптамалық тобы үш номинация бойынша 27 финалисті анықтайды.
3. Үшінші кезеңде 27 финалист(15-25 қазан аралығында) онлайн-дауыс беруге қатысады.
4. «Қазақстан Республикасы Президентінің «Алтын сапа» сыйлығының лауреаты атағын және «Қазақстанның үздік тауары» республикалық көрме-конкурсының дипломанты атағын беру жөніндегі Комиссияның конкурстың 9 қатысушысына «Қазақстанның үздік тауары» республикалық көрме-конкурсының дипломаты атағын беру туралы шешім қабылдау отырысы (қараша).
Байқау дипломанттарына диплом мен конкурс эмблемасы тапсырылады. Дипломанттар төрт жыл бойы «Қазақстанның үздік тауары» конкурсының эмблемасын жарнамалық мақсатта пайдалану құқығына ие болады.
Конкурс жеңімпаздарын марапаттау рәсімі жыл сайын Қазақстан Республикасы Президентінің қатысуымен салтанатты рәсімде өткізіледі.
Конкурстардың әлеуетті қатысушыларының консультация ретінде www.altynsapa.kz сайтында конкурстарды өткізу тәртібі және конкурстардың материалдарын ресімдеу ережелері бойынша бейне сабақтар жарияланған.
Кәсіпкерлер палатасының базасында тегін оқыту семинарлары өткізілген жағдайда семинарларды өткізу кестесі конкурстардың сайтында хабарланады.
Құрметті кәсіпкерлер, сапа саласындағы конкурстарға қатысып, бақтарыңызды сынауға шақырамыз. Толық ақпарат алу үшін әлеуметтік желілердегі Алтын сапа ресми парақшаларына және сайт (www.altynsapa.kz) жаңалықтарына жазылыңыз.Байланыс телефоны: 8 (7242) 40-09-81 (ішкі 4311), Қызылорда облысы кәсіпкерлер палатсынан жауапты маман Гүлдана Таңатова.

Қызылордада «Қазақстанның үздік тауары» көрме-конкурсына құжат қабылдау басталды

<a href="https://kyzylorda-news.kz/">Kyzylorda-news.kz</a>. Қызылордада Достық үйінде кәсіби және қоғамдық медиаторлармен кездесу өтті.
ҚР Тұңғыш Президенті – Елбасы Н.Ә. Назарбаев Қазақстан халқы Ассамблеясының XVII сессиясында медиация институтының әлеуетін қоғамдық келісімді нығайту жұмысында толықтай пайдалану қажеттігін, қайсыбір дау болмасын барлығын компромиске келу арқылы алдын-ала шешудің маңыздылығын атаған болатын. Осы орайда Қызылорда облыстық Қазақстан халқы Ассамблеясының медиация кабинеті 2016 жылы 31 наурызда ашылып, өз жұмысын қарқынды түрде жүргізіп келеді.
Атқарылған жұмыстар мен алдағы жоспарлар төңірегінде «Қоғамдық келісім» КММ бөлім басшысы, медиация кабинетінің жетекшісі Қ. Ақылбеков жалпы мағлұмат беріп өтті.
<blockquote>
 “Өткен жылы облыс көлемінде медиация институтын насихаттауға бағытталған барлығы 56 түрлі форматты іс-шаралар ұйымдастырылса, аталмыш шараларға 1500-ға жуық тұрғын қамтылды. Қоғамдық медиаторлармен барлығы 667 дау шешілсе, оның ішінде 100 дау бойынша сотқа дейін, 108 дау бойынша сотта медиациялық келісім орнатылған. Ал 459 дау қоғамдық медиаторлардың кеңес беруі нәтижесінде тоқтатылды,- деді.
</blockquote>
Кездесуде бірқатар медиаторлар Медиация заңына өзгерістер енгізу, оны халық арасында кеңінен насихаттауды өрбіту, республикалық деңгейдегі лекторлардың қатысуымен оқу, семинарлар ұйымдастыруды ұсынды. Ұсыныс, пікірлер тыңдалып, назарға алынды.

Қызылорда: Медиация заңына өзгеріс енгізуді ұсынды

<a href="https://kyzylorda-news.kz/">Kyzylorda-news.kz.</a> 13 ақпанда жаңа заң күшіне енеді. Оған сәйкес, Қазақстанның жүргізушілеріне жүргізуші куәлігі мен тіркеу куәліктерін өздерімен бірге алып жүрмеуге мүмкіндік береді, деп хабарлайды Stan.kz.
Нұр-Сұлтан полициясы әкімшілік жауапкершілікті жеңілдететін немесе алып тастайтын заңның кері күші бар екенін, яғни осы заң күшіне енгенге дейін жасалған және оған қатысты әкімшілік жаза қолдану туралы шешім қабылданбаған құқық бұзушылыққа қатысты екенін түсіндірді.
Сәйкесінше, заң күшіне енгенге дейін құжаттардың болмауына байланысты айыппұлын төлемеген жағдайға қатысты барлық істер тоқтатылады.
<blockquote>
 “Мұндай жағдайлар мәжбүрлеп орындауға жатпайды. Сонымен қатар, мұндай істер тек құқық бұзушылардан тиісті мәлімдемелер түскен жағдайда және олар бойынша жүргізілген тексеру нәтижелері бойынша тоқтатылуы керек”, – деп түсіндірді ДП.
</blockquote>
Түзетулер шетелдік нөмірлі автомобильдерге, сондай-ақ жүргізуші куәлігін Қазақстаннан тыс жерлерде алған адамдарға қолданылмайды. Олар үшін жүргізуші куәлігі мен көлік құралын тіркеу туралы куәлікті ұсыну міндетті болып қала береді.

Қазақстан және Қызылорда облысының жаңалықтары

Қызылорданың НЗМ оқушылары Испания вокалистерін таң қалдырды

Тереңөзек тұрғындары көгілдір отынның игілігін көруде

Заң нормалары түсіндірілді

2021 жылдың 1 қыркүйегінен Қазақстанның халық санағы онлайн басталады

“Су жүйесінде” сыбайлас жемқорлыққа қарсы мәдениетті қалыптастыру жұмыстары жүргізілуде

«Qoldau-24/7» қосымшасы көмегін тигізіп келеді

Нұртөре Жүсіп балалар кардиохирургтерінің жетіспеушілігі мәселесін көтерді

Қызылордада взводтарды үйлестіру шаралары басталды

«Е-Апостиль» ақпараттық жүйесі іске асырылуда

Қызылордада «Қазақстанның үздік тауары» көрме-конкурсына құжат қабылдау басталды

Қызылорда: Медиация заңына өзгеріс енгізуді ұсынды

Қазақстандықтардың жүргізуші куәлігінің жоқтығы үшін салынған ескі айыппұлдары кешірілетін болды

Қазақстан және Қызылорда облысының жаңалықтары

Қызылорданың НЗМ оқушылары Испания вокалистерін таң қалдырды

Тереңөзек тұрғындары көгілдір отынның игілігін көруде

Заң нормалары түсіндірілді

2021 жылдың 1 қыркүйегінен Қазақстанның халық санағы онлайн басталады

&#8220;Су жүйесінде&#8221; сыбайлас жемқорлыққа қарсы мәдениетті қалыптастыру жұмыстары жүргізілуде

«Qoldau-24/7» қосымшасы көмегін тигізіп келеді

Нұртөре Жүсіп балалар кардиохирургтерінің жетіспеушілігі мәселесін көтерді

Қызылордада взводтарды үйлестіру шаралары басталды

«Е-Апостиль» ақпараттық жүйесі іске асырылуда

Қызылордада «Қазақстанның үздік тауары» көрме-конкурсына құжат қабылдау басталды

Қызылорда: Медиация заңына өзгеріс енгізуді ұсынды

Қазақстандықтардың жүргізуші куәлігінің жоқтығы үшін салынған ескі айыппұлдары кешірілетін болды

“Су жүйесінде” сыбайлас жемқорлыққа қарсы мәдениетті қалыптастыру жұмыстары жүргізілуде