<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Мәжіліс депутаттары – «Nur Otan» партиясы фракциясының мүшелері Гүлнар Бижанова, Құдайберген Ержан, Балайым Кесебаева, Берік Оспанов және Артур Платонов праймериз шеңберінде аймақтардағы партия конференцияларда пікірталастарға қатысып, ең көп дауыс жинады, деп хабарлайды <a href="https://lenta.inform.kz/kz/mazhilistin-kazirgi-deputattary-nur-otan-praymerizinde-zheniske-zhetti_a3719657">ҚазАқпарат</a>.
Мәжіліс баспасөз қызметінің мәліметінше, аймақтарда партия конференциялары өтіп, Мәжіліске партиялық тізім бойынша үміткерлер арасында пікірталас ұйымдастырылды. Олардың қатарында өзекті бағыттар бойынша жұмысын жалғастыру үшін кандидатурасын ұсынған Мәжілістің қазіргі депутаттары да бар.
Атап айтқанда, Артур Платонов Алматыдағы әлеуметтік мәселелерді шешу және экологияны жақсарту жөніндегі идеясын ұсынса, Берік Оспанов Шымкент қаласында агроөнеркәсіптік кешенді дамыту және отандық кәсіпкерлерді қолдау мәселесін көтерді. Гүлнар Бижанова мен Балайым Кесебаева Мәжілістің Заңнама және сот-құқықтық реформа комитетінің мүшесі ретінде Қарағанды және Қызылорда облыстарында сөз сөйлеп, қазақстандықтардың өзекті мәселелерін шешу үшін заңнаманы жетілдіру тақырыбын қозғады. Сонымен қатар Құдайберген Ержан Түркістан облысында елдің қауіпсіздігін жақсарту үшін тиімді диалог құрып, саналы шешім қабылдау қажеттілігіне назар аударды.
Пікірталас барысында Мәжілістің қазіргі депутаттары өздерінің заңнамалық жұмысының тәжірибесін, халықтың өмір сүру жағдайы мен отандық экономика салаларының өзекті мәселелерін терең білетіндерін көрсетіп, қандай да бір саладағы жағдайды жақсарту және жалпы өңірлерді дамытуға арналған нақты ұсыныс айтты. Сондай-ақ, олар маңызды тақырыптар бойынша сындарлы байланыс құра білетіндігін көрсетті.
Пікірсайыс қорытындысы бойынша Мәжілістің қазіргі депутаттары ең көп дауыс жинап, өз өңірлерінен партиялық тізімге енді.

Мәжілістің қазіргі депутаттары Nur Otan праймеризінде жеңіске жетті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгін облыс әкімі Гүлшара Әбдіқалықова Қазақстан мұсылмандары діни басқармасының төрағасы, бас мүфти Наурызбай қажы Өтпеновпен кездесті. Аймақ басшысы алдымен мейманды Қазақстан Мұсылмандары діни басқармасының 30 жылдық мерейтойымен құттықтап, басқарма жұмысына сәттілік тіледі. Сондай-ақ Сыр өңіріндегі діни ахуал жайлы сөз қозғады.
Өз кезегінде діни басқарманың төрағасы, бас мүфти Наурызбай Тағанұлы аймақта діни тұрақтылықтың сақталуына қолдау көрсетіп жатқан өңір басшысына алғысын білдіріп, басқарманың алдағы жұмыс жоспарларымен бөлісті.
<blockquote>
 “Сыр өңірі – қазақылықтың қаймағы бұзылмаған өлке. Бұл өңірден көптеген жыршы-термешілер, ишандар, ахундар шыққаны белгілі. Сондықтан да бұл жерде ұлттық салт-дәстүр берік сақталған. Осының арқасында облыста діни ахуал тұрақты. Біздің басқарманың міндеті – ел арасындағы бірлікті, ынтымақтасты берік сақтау. Қазақстан Мұсылмандары діни басқармасының облыстағы өкілдігіне сіздер тарапынан жасалып жатқан қолдаулардан хабардармыз. Осы сапарымызда да біз Сыр жұртшылығына дәстүрлі дінімізді, ата-баба мұрасын түсіндіру мақсатында келіп отырмыз. Алдағы уақытта да сіздермен бірлесе отырып, біраз жұмыстарды атқарамыз деп сенеміз – деді Қазақстан мұсылмандары діни басқармасының төрағасы,бас мүфти Наурызбай қажы Өтпенов.
</blockquote>
Қазіргі таңда өңірде 7 конфессияға жататын 11 діни бірлестік және 174 мешіт тіркеліп, татулық пен бірлікте жұмыс жасауда. Аймақтағы мешіт қызметкерлері облыстық, қалалық және аудандық ақпараттық-насихат топтарының қызметіне атсалысып, дәстүрлі емес діни бағыттағы азаматтарды оңалту бағытында жан-жақты шаралар ұйымдастырылып келеді. Осының арқасында Сыр елінде діни ахуал тұрақты деп бағаланады.

Гүлшара Әбдіқалықова Қазақстан мұсылмандары діни басқармасының төрағасымен кездесті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қазалы ауданына қарасты Бекарыстан би ауылында «Ауыл – Ел бесігі» бағдарламасы аясында 17 жоба жүзеге асырылуда.
Оның ішінде ауылға сервистік ауыз су желісін тарту мен Кеңес Одағының батыры Үрмәш Түктбаев атындағы №24 мектеп ғимаратына күрделі жөндеу жұмыстары қарастырылған.
Сондай-ақ, 10 көше асфальттанып, 9 көше жарықтандырылды. 
Бұдан бөлек, «Жол картасы» мемлекеттік бағдарламасы арқылы ауылдағы 3 көшеге тротуар салынды.

«Ауыл – Ел бесігі»: Қазалыда 17 жоба жүзеге асырылуда

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Түркістанда 3×3 форматындағы баскетболдан 2002-2003 жылдары туған жасөспірім ұлдар арасында Қазақстан Республикасының күзгі чемпионаты өтті.
Жарысқа он бес команда қатысып, Қызылорда облысының командасы 42 ұпаймен күміс жүлдені иеленді. 
Команда құрамында Руслан Кенбаев, Юрий Попандопуло, Абай Бақытбек жəне Ален Турехановтар өнер көрсетті.
Жарыстың “Үздік ойыншысы” номинациясымен Юрий Попандопуло марапатталды.
Енді 2003-2004 ж.т. жасөспірім ұлдар 25-30 қараша аралығында Түркістанда баскетболдан жəне 11-13 желтоқсанда Алматыда 3х3 баскетболдан өтетін Қазақстан чемпионаттарына қатысады.
Команданы жарысқа облыстың аға жаттықтырушысы Александр Жавзмагин дайындады.

Қызылордалық баскетболшылар ел чемпионатында күміс жүлдені иеленді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қазақстан Республикасының Жол жүрісі Қағидалары мен Кеден Одағының 018/2011 «Дөңгелекті көлік құралдарының қауіпсіздігі» Техникалық регламентінде қыс мезгілінде желтоқсан, қаңтар, ақпан айларында қысқы дөңгелектермен немесе тиекті шиналармен жабдықталмаған көлік құралдарын&nbsp; пайдалануға тыйым салынады делінген.&nbsp;
Көлік құралдарына орнатылатын қыстық шиналар, ішінде қырау суреті бар үш шыңды тау түріндегі белгісі бар, сонымен қатар «М+S», «M&S», &nbsp;&nbsp;&nbsp;«M S» белгілерімен таңбалануы тиіс.
<blockquote>
 &nbsp;“1-ші желтоқсаннан бастап, көрсетілген талаптарды бұзған көлік&nbsp; жүргізушілеріне қатысты, Қазақстан Республикасының Әкімшілік құқық бұзушылық туралы Кодексінің 590-«Көлік құралдарын пайдалану қағидаларын бұзу» бабының, 5-«Жол жүрісі қауіпсіздігін қамтамасыз етудің белгіленген қағидаларына сай келмейтін көлік құралдарын басқару» бөлігіне сәйкес, 5 айлық есептік көрсеткіш мөлшерінде әкімшілік айыппұл салынатынын ескертеміз”, – делінген полиция департаментінің хабарламасында.
</blockquote>

Қысқы дөңгелек ауыстырмаған жүргізушілерге 1 желтоқсаннан бастап айыппұл салынады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Енді азаматтарға eGov.kz порталына биометрия арқылы тіркелуге мүмкіндік беріледі. Бұл туралы цифрлық даму, инновациялар және аэроғарыш өнеркәсібі министрі Бағдат Мусин мәлімдеді, деп хабарлайды <a href="https://sputnik.kz/society/20201117/15494850/Qazaqstandyqtar-eGovkz-tirkelu.html">Sputnik Қазақстан.</a>
Министрдің айтуынша, қарапайым халық үшін eGov.kz порталына көшудің басты қиындығы – электронды цифрлық қолтаңбаны орнату және мобильдік базада тіркелу. Осы мәселелерді шешу үшін порталда биометрия арқылы тіркеу мүмкіндігі іске асуда.
<blockquote>
 “Енді eGov.kz пайдаланушысы болу үшін смартфоныңызды алдыңызға қойып, өз келбетіңізді көрсету жеткілікті. Қазір бұл тетік тестілеуден өтіп жатыр. Осы айдың соңына дейін іске қосамыз”, ­– деді Мусин үкімет отырысында.
</blockquote>
Сондай-ақ, көп сұралатын құжаттар еgov mobile қосымшасына цифрлық түрде шығарылғанын атап өтті. Цифрлық құжаттар сервисіне жеке куәліктен басқа жүргізуші куәлігі, дипломдар және басқа да құжаттар шығарылады. Мұндай құжаттар түрі әлі де көбейеді, деп сендірді министр.
Бұдан бөлек, жыл соңына дейін 30-ға жуық анықтама түрін алып тастау жоспарланып отыр.
<blockquote>
 “Азамат қажет ететін мәліметтермен тікелей телефоны арқылы анықтама сұратпай-ақ бөлісе алады. QR-кодты көрсетіп, әлде мессенджер арқылы ұсынатын болады”, – деді ол.
</blockquote>
Министрдің айтуынша, қазіргі таңда eGov.kz-те қызмет көрсетуді қамтамасыз ететін 500-ден астам ақпараттық жүйе мен 1 500-ден аса интеграция жұмыс істейді.

ЭЦҚ қажет емес: қазақстандықтар eGov.kz-қа түрін көрсетіп қана тіркеле алады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысында коронавирус инфекциясымен тіркелген науқастар саны – 3 269-ға жетті. Соңғы тәулікте 1 жағдай тіркелді.
Ал індеттен айыққандар саны 3218-ге жетті. Бүгінде инфекциялық стационарда – 10 науқас, ал инфекциялық стационардың реанимация бөлімінде 1 науқас ем қабылдауда. Сондай-ақ, коронавирус инфекциясы анықталған азаматтармен байланыста болғаны – 14 402, тікелей қарым-қатынас – 11 653, ықтимал қарым-қатынас –2 739.
Өткен тәулікте зертханаларға тапсырылған сынамалар саны – 749 сынама, тексерілгені – 475 сынама, жұмыс жасалуда – 274 сынама. Қалдық тест саны – 18 441. Эпидмаусым басталғалы бері 127 343 сынама алынды.

Қызылордада коронавирус тіркелді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;«Мақал айтып, өлеңмен өрнектеген…» дәл осы тақырыпта Қызылорда қаласындағы Назарбаев Зияткерлік мектебінде «Ұлы дала ақындары» және «Менің өмірімде қолданылатын мақал-мәтелдер» жобаларының кіріктірілуімен мұғалім-оқушы-ата-ана үштігінің арасында сайыс өткізілді.
<blockquote>
 «Мақсатымыз жас ұрпақты есті сөзбен тәрбиелеу, ұлттық құндылықтарымызды сақтап, рухани байыту болды. Сонымен қатар, мектеп қауымдастығының ынтымақтастығын арттырып, қос жобаны кіріктіріп өткізуді ұйғарған болатынбыз», – деді шараны ұйымдастырушылардың бірі, педагог-куратор Дина Аширбаева.
</blockquote>
Отбасылық шарада 7-сынып оқушылары өздерінің ата-аналары және мұғалімімен топ құрып, сайыстың 4 кезеңі бойынша бақ сынасты. «Сәлем – сөздің анасы» атты бөлімде қатысушылар мақал-мәтелдерді қосып өздерін таныстырса, «Кіл жүйрікте кім жүйрік?»&nbsp; кезеңінде мақалды жалғастыру тәсілімен тест орындап, білімдерін көрсетті.
«Есті өлең және екі ауыз сөз» деп аталатын жарыс бөлігі Ж.Молдағалиевтің өлеңдеріне арналып, мұнда да топтар ақын шығармаларын талдай білді. Соңында «Мақал сөздің жүйесі мен киесі» тақырыбында оқушылар сөз саптап, өмірлерінде қолданатын сөз өнерінің ерекшелігі жайында пікір білдірді.
Қызылорда қаласы Педагогикалық шеберлік орталығының әдіскері Жанат Райымкулова, мектеп баспасөз хатшысы Елена Рыбина және педагог-ұйымдастырушы-куратор Гүлзат Шынтасова топтардың өнерлерін жіті бақылап, сөз додасында әділ қазылық жасады. Нәтижесінде, І орынды 7Е сыныбы оқушысы&nbsp; Жайна Жұмабек, анасы Гүлжанар Сыздықова және кураторы Бағдат Әбілов жеңіп алса, ІІ орынды 7В сынып оқушысы Сәфиа Әбибулла, ата-анасы Жеңіс Маткаримов және ағылшын тілі пән мұғалімі Зауре Ермаханова иеленді. ІІІ орын тең түскен екі топ 7D сыныбынан белсене қатысқан Аруай Ибайдулла, анасы Айгүл Абажанова, мұғалімі Мира Дөненхожаеваға және 7А сыныбынан Бақыт Айбын, анасы Маржан Тулегенова, мұғалімі Перизат Дәрібайға берілді. Қалған қатысушылар «Мақалшы топ» пен «Зияткер топ» номинацияларын өзара бөлісті.
Teams платформасының тікелей эфирінде өткізілген доданы 500-ге жуық көрермен тамашалады.

NIS Kyzylorda: «Үштік одақ» кіріктірілген тәрбие жобаларында бас қосты

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысында соңғы 2 күнде 43 жол-көлік оқиғасы тіркелген. Бұл туралы Қызылорда облысы Полиция департаменті бастығының бірінші орынбасары Шамшидин Амитов мәлімдеді.
Аталған жол-көлік оқиғасы салдарынан 3 адам қаза тауып, 10 адам түрлі дене жарақатын алған. Сонымен қатар 39 жол-көлік оқиғасында азаматтарға&nbsp; материалдық шығын келтірілген. Бұл жағдайға байланысты қызылордалық полицейлер облыс тұрғындарын жолда сақ болуға шақырады.
<blockquote>
 “Автомобиль жолдарының тайғақ учаскелері “ҚазАвтоЖол” мекемесінің қызметкерлерімен бірге тез арада тексеріліп, көлік құралдары қозғалысының қауіпсіздігін қамтамасыз ету бойынша шаралар қабылдануда. Республикалық маңызы бар жолдардың қауіпті аймақтарына патрульдік полиция бекеттері қойылды. Жолдарға арнайы заттар себетін 9 мамандандырылған автокөлік жұмылдырылып, олар жұмыстарын жалғастыруда. Сондай-ақ жол-көлік оқиғаларының алдын алу мақсатында жүргізушілерге көлік дөңгелектерін қысқы шиналарға шұғыл ауыстыру қажеттілігі, ауыстырылмаған жағдайда мұндай құқық бұзушылық үшін Қазақстан Республикасы Әкімшілік құқық бұзушылық туралы кодексінің 590-бабының 5-бөлігімен әкімшілік жауапкершілік қарастырылғаны туралы ескертілді”, – дейді Шамшидин Амитов.
</blockquote>

Қызылордада 2 күнде 43 жол-көлік оқиғасы тіркелді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> 17 қарашада Қазақстанның шығыс бөлігінің ауа-райына циклон жырасы және онымен байланысты атмосфералық ауа ағындары әсер еткендіктен бұрқасын болып, қар жауады, деп хабарлайды Қазгидромет.
Ал батыс өңірлеріне солтүстік-батыс антициклоны әсерін тигізеді, сондықтан жауын-шашынсыз ауа райы сақталады, ауа температурасы төмендеуі мүмкін. Республиканың кей жерлерінде тұман түсуі мүмкін, жел күшейеді, оңтүстік және оңтүстік-шығыста көктайғақ.
Жамбыл облысының кей жерлерінде тұман, көктайғақ, жел 15-20 м/с күшейеді, күндіз екпіні 25 м/с жетеді.
Павлодар, Шығыс Қазақстан облыстарының кей жерлерінде бұрқасын болуы ықтимал, желдің жылдамдығы 15-20 м/с, Павлодар облысында тұман болады.
Алматы облысының кей жерлерінде тұман, көктайғақ болады, түнде жел 15-20 м/с күшейеді.
Ақмола облысында түнде және таңертең кей жерлерде жаяу бұрқасын, тұман.
Батыс Қазақстан, Қостанай, түнде және таңертең Солтүстік Қазақстан облыстарының кей жерлерінде тұман түседі.
Маңғыстау, күндіз Түркістан облыстарының кей жерлерінде жел тұрып, жылдамдығы 15-20 м/с жетеді, Түркістан облысында – тұман.

17 қарашаға арналған ауа райы болжамы

Kyzylorda-news.kz. Қызылордада “Nur Otan”партиясы облыстық филиалының кезектен тыс XXVII конференциясы өтті. Онда күн тәртібіндегі негізгі мәселелер талқыланды. Жиында Қызылорда облыстық мәслихатына рейтингі ең жоғары праймеризге қатысушылар қатарынан 53 кандидаттан тұратын партиялық тізім қалыптастырылды.Яғни әйелдер саны 3 есеге артты. Ал 35 жасқа дейінгі жастардың үлесі 15 пайызға өсті. Сондай-ақ, депутаттардың 12-сі ғана жаңа тізімге енгізілді.
Партиялық тізімдегі кандидаттар Мәжіліске іріктеуден өтті. Онда аймақтың өкілетті квотасына сәйкес “Праймериз” ақпараттық жүйесі арқылы 3 үміткер іріктелді. Дауыс саны бойынша жоғарғы ұпайға ие болған ҚР Парламенті Мәжілісінің депутаты Балайым Кесебаева, “Байқоңыр” ӘКК АҚ тәуелсіз директоры Ғалым Әміреев, “Қазпошта” АҚ Қызылорда облыстық филиалының директоры Аида Әбибуллаева. Олар Мәжілістің партиялық тізіміне енгізу үшін ұсынылды.

&#8220;Nur Otan&#8221;: Мәжілістің партиялық тізіміне 3 кандидат іріктелді

Kyzylorda-news.kz. Бүгінде аймақта меритократия қағидаты жүзеге асырылуда. Мәселен, ішкі конкурс арқылы жұмысқа қабылданған 206 үміткердің 149-ы жоғары лауазымға тағайындалды. Сондай-ақ, персоналды басқарудың «Е-қызмет» ақпараттық жүйесіне қосылған мемлекеттік органдарда құжаттардың 99,2 пайызы автоматты режимде жүйеге енгізілді.
<blockquote>
 “Биыл жергілікті атқарушы органдар бойынша қайта даярлаудан 84 адам, ал біліктілігін арттыру курсынан 405 мемлекеттік қызметші өтті. Бұған қоса, мемлекеттік қызметке білікті кадрларды дайындау мақсатында Қорқыт ата атындағы Қызылорда университетімен әріптестік меморандум бекітілді. Меморандум аясында университетте «Мемлекеттік қызмет мектебінің» жұмысы алға қойылды. Алдағы уақытта жаңа форматтағы кадр қызметкерлерін дайындау үшін HR-мамандары оқытылатын болады. Сонымен қатар, халықтың қызмет алуына қолайлы жағдай жасау мақсатында 574 «өзін-өзі қызмет көрсету бұрыштары» жұмыс жасауда”,-деді ҚР Мемлекеттік қызмет істер агенттігінің Қызылорда облысы бойынша департамент басшысы Рафхат Бисенов.
</blockquote>

Қазақстан және Қызылорда облысының жаңалықтары

Мәжілістің қазіргі депутаттары Nur Otan праймеризінде жеңіске жетті

Гүлшара Әбдіқалықова Қазақстан мұсылмандары діни басқармасының төрағасымен кездесті

«Ауыл – Ел бесігі»: Қазалыда 17 жоба жүзеге асырылуда

Қызылордалық баскетболшылар ел чемпионатында күміс жүлдені иеленді

Қысқы дөңгелек ауыстырмаған жүргізушілерге 1 желтоқсаннан бастап айыппұл салынады

ЭЦҚ қажет емес: қазақстандықтар eGov.kz-қа түрін көрсетіп қана тіркеле алады

Қызылордада коронавирус тіркелді

NIS Kyzylorda: «Үштік одақ» кіріктірілген тәрбие жобаларында бас қосты

Қызылордада 2 күнде 43 жол-көлік оқиғасы тіркелді

17 қарашаға арналған ауа райы болжамы

“Nur Otan”: Мәжілістің партиялық тізіміне 3 кандидат іріктелді

Қызылордада 405 мемлекеттік қызметші біліктілігін арттырды

Қазақстан және Қызылорда облысының жаңалықтары

Мәжілістің қазіргі депутаттары Nur Otan праймеризінде жеңіске жетті

Гүлшара Әбдіқалықова Қазақстан мұсылмандары діни басқармасының төрағасымен кездесті

«Ауыл – Ел бесігі»: Қазалыда 17 жоба жүзеге асырылуда

Қызылордалық баскетболшылар ел чемпионатында күміс жүлдені иеленді

Қысқы дөңгелек ауыстырмаған жүргізушілерге 1 желтоқсаннан бастап айыппұл салынады

ЭЦҚ қажет емес: қазақстандықтар eGov.kz-қа түрін көрсетіп қана тіркеле алады

Қызылордада коронавирус тіркелді

NIS Kyzylorda: «Үштік одақ» кіріктірілген тәрбие жобаларында бас қосты

Қызылордада 2 күнде 43 жол-көлік оқиғасы тіркелді

17 қарашаға арналған ауа райы болжамы

&#8220;Nur Otan&#8221;: Мәжілістің партиялық тізіміне 3 кандидат іріктелді

Қызылордада 405 мемлекеттік қызметші біліктілігін арттырды

“Nur Otan”: Мәжілістің партиялық тізіміне 3 кандидат іріктелді