<a href="https://kyzylorda-news.kz/">Kyzylorda-news.kz.</a> Биыл Жаңақорғанда бірқатар инвестициялық жобалар жүзеге асады.
Мәселен мамыр айында кен байыту фабрикасының құрылыс жұмыстары басталады. Кеніштің жылдық қуаты 4,0 млн. тоннаны құрайды. Ал сәуір айында күн электр станциясы пайдалануға беріледі.
<blockquote>
 «Жасыратыны жоқ, өндірісі дамыған деген біздің ауданда кейінгі жылдары «КазАтомнеркәсіп» мекемелерінің өнім өндіру көлемі айтарлықтай төмендеді. Себебі, әлемдік деңгейдегі баға саясаты күрт құлдырады. Бірақ біз оларға қарамастан басқа күнделікті тұрмысқа қажетті өндіріс түрлерін жетілдіруді қолға алудамыз. Мәселен, тас, әк өндіру көлемін ұлғайтудың нәтижесінде біршама өсу факторы байқалды. Аудан экономикасында оң нәтиже қалыптасты. Көршілес Түркістан облысындағы қарқынды құрылыс жұмыстарына қажетті инертті құрылыс материалдарымен қоса, басқа да зәру заттардың артуынан өткен жылы әктас өндіру 10 есеге дейін артты», – деді Жаңақорған ауданының әкімі Руслан Рүстемов.
</blockquote>
Биыл ауданға 61 млрд. теңге көлемінде инвестиция тартылатын болады. Бүгінде керамзиттен кірпіш жасау және блок шығару жобасының құрылыс жұмыстары аяқталды. Өндіріс орны ашылғанда 20 адам жұмыспен қамтылатын болады.
Мұнан өзге, биыл құс фабрикасын іске қосу жоспарлануда. Зауыт жылына 3,5 мың тонна құс етін өндіретін болады.

Жаңақорғанда жаңа жобалар жүзеге асады

*<a href="https://kyzylorda-news.kz/">Kyzylorda-news.kz.</a> Қазақстан президенті “Халықаралық қарыз архитектурасы және өтімділік” атты жоғары деңгейдегі жиынға қатысты, деп хабарлайды Ақорда.*
Мемлекет және үкімет басшылары деңгейіндегі онлайн форумды өткізуге БҰҰ Бас хатшысы Антониу Гутерриш, Канада және Ямайканың премьер-министрлері Джастин Трюдо мен Эндрю Холнесс мұрындық болды. Іс-шара COVID-19 пандемиясы кезеңінде халықаралық күш-жігерді даму бағытын қаржыландыру саласына қарай жұмылдыруға арналды.
Теңізге шығатын жолы жоқ дамушы мемлекеттер тобының төрағасы ретінде сөз сөйлеген Қасым-Жомарт Тоқаев коронавирус пандемиясы басталғалы бері топқа мүше елдер қандай қауіпті құбылыстармен бетпе-бет келгеніне тоқталды. Мемлекет басшысы, шетелдік инвестициялардың азаюы, сауда-саттық пен ақша аударымдарының төмендеуі, қаржылық қарыздардың өсуі, орташа алғанда экономиканың 2,4 процентке құлдырауын мысалға келтірді.
Тоқаев теңізге шығатын жолы жоқ дамушы мемлекеттер тобына мүше елдердің пандемия салдарынан туындаған қаржылық қиындықтарын жеңілдетуге байланысты бірқатар нақты ұсынысын ортаға салды.
Қасым-Жомарт Тоқаев дүниежүзілік банктің дағдарысқа қарсы 160 миллиард доллар көлеміндегі көмегі мен халықаралық валюта қоры беретін 1 триллион доллар кредит жүйесін пандемия салдарынан айтарлықтай зардап шеккен елдерге бөлу аса маңызды деп санайды. Президент жаһандық қаржы құрылымдарын, БҰҰ институттарын, сондай-ақ, өзге де халықаралық және өңірлік ұйымдарды теңізге шығатын жолы жоқ дамушы мемлекеттер тобына мүше елдердің экономикалық өсімді қайта қалпына келтіруге бағытталған іс-қимылы кезінде олардың ерекше қажеттіліктеріне баса мән беруге шақырды.
Сонымен қатар Қасым-Жомарт Тоқаев БҰҰ-ның теңізге шығатын жолы жоқ дамушы мемлекеттер тобына мүше елдерге арналған Вена бағдарламасын жүзеге асыру жөніндегі жол картасының өзектілігі арта түскеніне тоқталды. Осыған орай серіктес мемлекеттерді Аддис-Абеба бағдарламасында белгіленген барлық жеті бағыт бойынша жүргізілетін жұмыстарды жұмыла атқаруға, сондай-ақ, дамыту мақсатындағы ресми көмектің қазіргі деңгейін сақтап қалуға үндеді.
Мемлекет басшысы халықаралық қоғамдастықты теңізге шығатын жолы жоқ дамушы мемлекеттер тобына мүше елдердің денсаулық сақтау жүйесін дамытуды қолдауға, сондай-ақ, қажетті вакцинаны уақытылы және тиімді бағада сатып алуына көмек көрсетуге шақырды. Президент топқа мүше елдердің орнықты инфрақұрылымын ынталандандыру және сауда-саттық рәсімдерін жеңілдету, цифрлық трансформацияға қол жеткізуіне қолдау көрсету қажеттігі туралы атап өтіп, жеке сектордың қайта қалпына келтіру жұмыстарына белсенді қатысу керектігін айтты.
Қасым-Жомарт Тоқаев мемлекеттік деңгейде қабылданып жатқан шараларға тоқталып, Қазақстан “БҰҰ-ның гуманитарлық көмек көрсету жөніндегі жаһандық жоспарын” жүзеге асыруға елеулі үлес қосқанын және коронавирусқа қарсы күрес кезінде бірқатар шет мемлекеттерге жәрдем бергенін еске салды.
Мемлекет басшысы қазақстандық “KazAID” халықаралық даму агенттігінің іске қосылғаны жайында мәлімдеп, Орталық Азия елдері мен Ауғанстанға қолдау көрсету мүмкіндігі бар БҰҰ-ның Орнықты даму орталығын Алматыда ашу жұмыстары жайында айтты. Президент Қазақстанның өзге мемлекеттер мен көпжақты ұйымдарға көрсеткен қолдауы ретінде осындай қадам жасап отырғанын жеткізді.
Қасым-Жомарт Тоқаев сөз соңында вакцина салуға және экономиканы қайта қалпына келтіруге біршама уақыт кетіп, соған сәйкес ұзақмерзімді перспективада оның салдары ондаған жылдар бойына сақталуы ықтимал екені жайындағы болжамын ортаға салды. Оның пікірінше, азаматтардың осал топтарын, елдер мен экономиканы қорғау үшін қазіргі қабылданып жатқан шаралардың барлығы ортақ мүддені көздейді. Мемлекет басшысы мұның дағдарыстан шығатын бірден-бір жол екеніне сенімді және оны халықаралық қоғамдастықтың ортақ міндеті деп санайды.
Форумға Аргентина, Венесуэла, Египет, Италия, Канада, Пәкістан, Түркия, Қатар, Франция, Эквадор, Жапония, Ямайка және басқа да мемлекеттердің басшылары, сондай-ақ, БҰҰ Бас хатшысы Антониу Гутерриш, Халықаралық валюта қорының, Экономикалық ынтымақтастық және даму ұйымының, Дүниежүзілік банктің, Дүниежүзілік сауда ұйымының, Еуропалық одақ пен Африкалық одақтың жетекшілері қатысты.

Мемлекет басшысы пандемия салдарын жеңілдетуге қатысты ұсыныс жасады

<a href="https://kyzylorda-news.kz/">Kyzylorda-news.kz.</a>&nbsp;&nbsp;Қазақстанда бір тәулікте 1 445 адам коронавирус жұқтырды, деп хабарлайды coronavirus2020.kz.
Қазақстанда коронавирусқа қатысты 29 наурыз 23:59-дағы эпидемиологиялық жағдай бойынша ПТР арқылы 1 445 адамда коронавирус індеті расталды.
Аймақтар бойынша:
Нұр-Сұлтан қаласы – 204,
Алматы қаласы – 545,
Шымкент қаласы – 13,
Ақмола облысы – 45,
Ақтөбе облысы – 73,
Алматы облысы – 177,
Атырау облысы – 63,
Шығыс Қазақстан облысы – 22,
Жамбыл облысы – 25,
Батыс Қазақстан облысы – 76,
Қарағанды облысы – 92,
Қостанай облысы – 38,
Қызылорда облысы – 9,
Павлодар облысы – 30,
Солтүстік Қазақстан облысы – 25,
Түркістан облысы – 8.
Жалпы ел бойынша ауырғандар саны 243 318.

Қызылордада 9 адамнан коронавирус инфекциясы анықталды

<a href="https://kyzylorda-news.kz/">Kyzylorda-news.kz.</a> «Қазгидромет» РМК-сы наурыздың 30-на арналған ауа райы болжамын жариялады.
Кәсіпорын таратқан мәліметтерге қарағанда, Қазақстан арқылы әлі де атмосфералық фронталды бөліктердің өтуіне байланысты еліміздің басым бөлігінде күн құбылмалы болады. Кей жерлерде жауын және жаңбыр аралас қар жауады.
Тек еліміздің батысы ғана жоғарғы атмосфералық қысым аумағында болғандықтан бұл өңірде жауын-шашын болмайды. Республиканың кей жерлеріне тұман түсіп, көктайғақ болып, жел күшейеді, солтүстікте желмен қатар жаяу бұрқасын болады.
Қызылорда облысының кей жерлерінде, тұман түсіп, түнде көктайғақ болуы ықтимал.

30 наурызға арналған ауа райы болжамы

<a href="https://kyzylorda-news.kz/">Kyzylorda-news.kz.</a>&nbsp; Төртінші тоқсаннан бастап өңірдегі жалпы білім беретін мектептердегі барлық сынып оқушылары аралас форматта оқиды. Алайда сыныптағы бала саны 25 адамнан аспауы тиіс. Жаңа қаулыны таныстырған облыстың Бас мемлекеттік санитариялық дәрігері Динара Жаңабергенова осылай деді.
Контингенті 300 оқушыға дейін қалалық және ауылдық мектептерде сыныптардағы балалар санын 25 адамнан асырмай дәстүрлі форматта оқытылады. Білім беру ұйымы әкімшілігінің шешімі бойынша сабақтан тыс уақытта 15 адамнан аспайтын топтарда оқушыларды жеке оқытуға рұқсат беріледі.
<blockquote>
 «Облыста коронавирус инфекциясының эпидемиологиялық ахуалы әлі де тұрақсыз. Сондықтан білім ұйымдарында да сақтық шаралары жоғары деңгейде болуы керек. Себебі соңғы тәуліктің өзінде 13 дерек тіркелді. Қазір өңірде бұл дертті жұқтырғандардың саны 4007-ге жетті. Кейін опық жемес үшін бұл қауіпті вирустың таралуын тоқтатуға барымызды салуымыз қажет. Ал ол үшін қарапайым ғана сақтық шараларын орындау жеткілікті», – деді облыстың Бас мемлекеттік санитариялық дәрігері Динара Жаңабергенова.
</blockquote>
Айта кетейік, оқу санитариялық-дезинфекциялық және маска режимін сақтай отырып жүреді. Жаңа өзгеріс бүгіннен бастап күшіне енді.

Қызылорда: Барлық сынып оқушылары мектепте аралас форматта білім алады

<a href="https://kyzylorda-news.kz/">Kyzylorda-news.kz.</a> Жаңақорғанда өткен жылы 18 пәтерлі 3 қабатты тұрғын үй сатып алынып, баспана кезегінде тұрғандарға берілді. Ал биыл әлеуметтік жағынан аз қамтылған және мұқтаж азаматтарды тұрғын үймен қамту мақсатында 3 бөлмелі 20 тұрғын үй сатып алу жоспарлануда. Бұл туралы Өңірлік коммуникациялар қызметінің ақпарат алаңында өткен брифингте Жаңақорған ауданының әкімі Руслан Рүстемов мәлімдеді.
<blockquote>
 «Ауданда маусым айында 18 пәтерлі екі қабатты тұрғын үйдің құрылысы басталады. Қазіргі таңда баспана салуға үшін жер кезегінде 7 мыңның үстінде тұрғын тұр. Сондықтан, осы мәселелерді шешу мақсатында ауданда 1 қоныстану аймағына егжей-тегжейлі жоспарлау жұмысына аудандық бюджеттен 29,2 млн. теңге бөлінді. Мемлекеттік сатып алу жұмыстары жүріп жатыр. Жыл соңына дейін жоба-сметалық құжаттарын дайындауға қаржы бөлетін боламыз. Одан кейін жер учаскелері берілетін болады. Мәселен соңғы 3 жылдың ішінде аудан бойынша тұрғындарға 1179 жер учаскесі табысталды», – деді Руслан Рүстемұлы.
</blockquote>
Жалпы, ауданда құрылыс қарқынды. Былтыр басталған Жаңақорған кентіндегі 600 және 300 орындық мектептердің, Шалқия кентіндегі 150 орынға арналған клуб үйінің құрылыс жұмыстары жүріп жатыр. Биыл барлығының құрылысы аяқталады.

Жаңақорғанда маусым айында 18 пәтерлі екі қабатты тұрғын үйдің құрылысы басталады

<a href="https://kyzylorda-news.kz/">Kyzylorda-news.kz.</a> 26 наурыз күні Шиелі ауданының кезекші бөліміне сол ауданда тұратын кәмелетке толмаған 15 жастағы қыз үйінен белгісіз бағытқа шығып,&nbsp;оралмағаны туралы хабар түскен.
Жоғалған қызды іздеу үшін бүкіл &nbsp;полиция бөлімінің жеке құрамы жұмылдырылған. Полиция қызметкерлері барлық полиция учаскелеріне бағыт-бағдар беріп, адамдар көп жиналатын орындарды, шатырлар мен &nbsp;қараусыз қалған ғимараттарды тексерді.
Полицейлермен жүргізілген іздестіру жұмыстары барысында жоғалған қыз Қызылорда қаласында табылып, аман-есен үйіне оралды. Бүгінгі таңда &nbsp;жасөспіріммен және оның ата-анасымен профилактикалық жұмыстар жүргізілуде.
Бұл ретте, тәртіп сақшылары ата-аналарға кәмелетке толмағандар арасындағы &nbsp;құқық бұзушылықтың &nbsp;алдын-алу, ескерту, жол бермеу және олардың құқығын қорғау мақсатында бақылауды күшейту қажет екенін ескертеді.

Жоғалып кеткен 15 жасар қыз Қызылорда қаласынан табылды

<a href="https://kyzylorda-news.kz/">Kyzylorda-news.kz.</a>&nbsp; Ақтөбеде белбеу күресінен ерлер мен əйелдер арасында өткен Қазақстан чемпионатында облыс құрамасы 10 медаль иеленіп, жалпы командалық есепте күміс жүлдегер атанды.
Жекелей есепте еркін түрінен Назерке Əбілтаева (52 келі), Мереке Құдайбергенова (76 келі), Меруерт Әбубәкір (+76 келі) жеңіс тұғырына көтерілді.
Мұхамедхан Сағындық (75 келі), Арайлым Оразбай (+76 келі), классикалық түрінен Рахманберді Әбдірашит (82 келі) күміс жүлделерді еншілесе, Жұлдыз Жұмахан (66 келі), Алиса Нұртас (76 келі), Нұрлан Пайзеллаев (75 келі), Рақымжан Мансұр (82 келі) қола жүлделерге ие болды.
Белбеу күресінен облыстың аға жаттықтырушысы Абдусаттар Садықовтың айтуынша, жоғарыда аталған Қазақстан жеңімпаздары Н.Әбілтаева, М.Құдайбергенова, М.Әбубәкір үстіміздегі жылдың қазан айында Қазан қаласында (Ресей) өтетін Әлем чемпионатына жолдама алды. Сондай-ақ, Мұхаммедхан Сағындық пен Арайлым Оразбай осы жүлделері арқылы “Қазақстан Республикасының спорт шебері” нормативін орындады.
Спортшыларды жарысқа Абдусаттар Садықов, Аслан Нұрқожаев, Гаухар Бекетаева дайындады.

Қазақстан чемпионатында облыс құрамасы 10 медаль иеленді

<a href="https://kyzylorda-news.kz/">Kyzylorda-news.kz.</a>&nbsp; Бүгін Нұр-Сұлтан уақыты бойынша шамамен 21:30-да президент Қасым-Жомарт Тоқаев “Халықаралық қарыз архитектурасы және өтімділік” атты жоғары деңгейдегі жиында бейнеүндеу жасайды.
Бұл туралы президенттің баспасөз хатшысы Берік Уәли&nbsp;<a href="https://www.facebook.com/permalink.php?story_fbid=3693217100801695&id=100003403233694">facebook</a>-тегі парақшасында жазды.
<blockquote>
 “Мемлекет және үкімет басшылары деңгейіндегі онлайн форумды өткізуге БҰҰ Бас хатшысы Антониу Гутерриш пен Канада премьер-министрі Джастин Трюдо және Ямайканың премьер-министрі Эндрю Холнесс мұрындық болды”, – делінген хабарламада.
</blockquote>
Ал жиынды БҰҰ-ның&nbsp;<a href="http://webtv.un.org/?fbclid=IwAR17RwqktR2wHFcDkjL_KrvmIpct1DeLri1Xd9yKRP5oUnQhEOD8gMyZ0xs">веб-сайты</a>&nbsp;арқылы тікелей эфирде тамашалауға болады.

Бүгін мемлекет басшысы бейнеүндеу жасайды

<a href="https://kyzylorda-news.kz/">Kyzylorda-news.kz.</a> Жаңақорғанда өткен жылы 2165 жаңа жұмыс орны ашылды. Оның 1836-ы тұрақты. Биыл тағы 2087 жаңа жұмыс орны ашу көзделуде.
«Еңбек» мемлекеттік бағдарламасы аясында кәсіп ашуға ниетті азаматтарға Жаңақорған аграрлы-техникалық коледжіне 3 айлық қысқа мерзімдік курсқа жолдама берілген. Оның тұрақты жұмысқа орналасқандары -47, жеке кәсіпкерлігін ашқандар саны – 15. Ал 300 адам «Бастау-Бизнес» жобасының жолдамасына ие болған.
<blockquote>
 «Жаңа бизнес идеяларды жүзеге асыру үшін берілетін мемлекеттік грантқа 358,0 млн. теңге қаржы қаралып, 649 адамға грант берілді. Бұған қоса, «Ауыл шаруашылығын қаржылай қолдау қоры» акционерлік қоғамы арқылы 416,3 млн. теңге қаржы бөлініп, 111 адамға және «Өңірлік инвестициялық орталығы» арқылы 7 адамға 18 млн теңге, барлығы 118 кәсіпкерге несие берілді», – деді Жаңақорған ауданының әкімі Руслан Рүстемов.
</blockquote>
Әлеуметтік жұмыс орындарын құруға 61,4 млн. теңге қаржы қаралып, 56 мекемеге 171 адам жұмысқа жолданды. Оның 150-і тұрақты жұмысқа орналасты.

Жаңақорғанда 2 мыңнан астам жаңа жұмыс орны ашылды

<a href="https://kyzylorda-news.kz/">Kyzylorda-news.kz.</a> 2020 жылдың қорытындысы бойынша COVID-19 және вирустық пневмониямен күреспен айналысатын аймақтың 15 536 медицина қызметкеріне қаржылық қолдау көрсетілді. Өткен жылда бұл мақсаттарға 3 млрд. теңгеден астам сомма бағытталды. Бұл туралы Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов мәлімдеді.
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2020 жылдың наурыз айынан 2021 жылдың қаңтарға дейін ынталандыру төлемдері бөлінді:
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; наурызда – 476 медицина қызметкеріне 63 291,2 мың теңге сомасында;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; сәуірде – 1 921 медицина қызметкері, 319&nbsp;305,9 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; мамырда – 1 784 медицина қызметкері, 317&nbsp;273,2 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; маусымда – 1 906 медицина қызметкері, 419&nbsp;430,9 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; шілдеде – 3 452 медицина қызметкері, 947&nbsp;557,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; тамызда – 2 453 медицина қызметкері, 407&nbsp;345,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қыркуйекте – 839 медицина қызметкері, 96&nbsp;410,1 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қазанда – 896 медицина қызметкері, 124 207,2 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; қарашада – 825 медицина қызметкері, 138 734,5 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; желтоқсанда – 984 медицина қызметкері, 169 430,7 мың теңге;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; 2021 жылғы қаңтар айында – 1 062 медицина қызметкеріне 152 767,9 мың теңге;&nbsp;
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; ақпан айында – 1 287 медицина қызметкеріне 169&nbsp;840,6 мың теңге сомасында
Естеріңізге сала кетейік, көтермелеу сомасы еңбек жағдайларының қауіптілік дәрежесіне байланысты және сәйкесінше 20, 10 және 5 ЕТЖ құрайды.

Ақпан айында қызылордалық 1 мыңнан астам медицина қызметкеріне үстемеақы төленді

<a href="https://kyzylorda-news.kz/">Kyzylorda-news.kz.</a> 2020 жылдың 10 қарашасында Президент Қасым-Жомарт Тоқаев Қазақстан мұсылмандары діни басқармасының төрағасы, Бас мүфти Наурызбай қажы Тағанұлын қабылдаған болатын. Бас мүфти Мемлекет басшысына Діни басқарма алдағы уақытта «Ихсан» ілімін, Абайдың кемел адам концепциясын кеңінен дәріптеп, насихаттау жұмыстарымен айналысатынын жеткізді.
Бүгінде Бас мүфти бастамасымен бұқаралық ақпарат құралдарында, күнделікті уағыз-насихат жұмыстарында, игі басқосуларда «Ихсан» ілімі мен Хәкім Абай атамыздың кемел адам концепциясы кеңінен насихатталуда. Біз толық адам болуға үндеген Абай мұрасын рухани көзқарас тұрғысынан талдап, тарқатып жазуға тырысқан едік. Соны назарларыңызға ұсынуды жөн көрдік.
Расында, Абай мұрасы мен оның өскелең ұрпаққа, жалпы халыққа қалдырған өсиеті өз өміршеңдігін осы күнге дейін жоймай келеді. Абайды таныған сайын рухымыз байып, жан-дүниеміз Ислам құндылықтарынан сусындап келеді. Хәкім атаған талап пен еңбек қайратты танытуға жетелейді. Ал терең ой ақылға ақыл қосуға үндейді. Қанағат пен рахым – &nbsp;жүректі иманға толтыратын адами асыл қасиеттер.
Осы үш қасиет адам бойынан табылса игілікке кенеледі. Абай «Малға достың мұңы жоқ малдан басқа» атты өлеңінде: «Үш-ақ нәрсе – адамның қасиеті: ыстық қайрат, нұрлы ақыл, жылы жүрек» дейді. Осы үш қасиетке аз-кем талдау жасап көрсек.
Ыстық қайрат – пендеге «маза» бермейтін қасиет. Қайратты адам үнемі ізденіс үстінде жүреді. Бұл сипаттағы пенде қарсы келген сынаққа мойымай, алға ұмтылып, мақсат-мұратына жеткенше тыным таппайды.&nbsp;
Нұрлы ақыл – айналаға шуақ шашып, пайдалы тұлға болуға итермелейтін қасиет. Пайғамбарымыз Мұхаммед (оған Алланың салауаты мен сәлемі болсын) бір хадисінде:&nbsp;«Жақсы адам – қоғамға пайдасы тиген пенде»&nbsp;деген. Ілгеріде ізгілік жолын ұстанып, өмірден өткен аталарымыз: «Әрқашан елге сәулеңді түсіріп, шуағыңды шашып жүр. Алланың берген ақылын жақсылыққа жұмса. Ізгі іс өмірлік серігің болсын» деп өсиет айтып отыратын. Өзіңе қалағанды өзгеге қаламайынша, толық иманға қол жеткізе алмайсың. Бұл – асыл дініміздің негізгі принциптерінің бірі.
<img src="https://imgs.muftyat.kz/orig/7291e7e7-8f41-4a2a-a449-1d1f3aeb0049.jpeg" alt="" />
Жылы жүрек – иманды мұсылманның сипаты. Жүректен жылу кетсе – қоғамнан мейірім кетеді. Жүрек жылуы қайырымдылыққа, қарапайымдылыққа, бауырмалдыққа бастайтын қасиет. Қоғамда болып жатқан келеңсіз жағдайлар осы сипаттан алыстағанның көрінісі деп ұғуға болатын шығар. Жүрек адам денесінің патшасы деуге болады. Ол түзелсе – бүкіл дене түзеледі, бұзылса – бүкіл дене бұзылады. Бұған қатысты мынадай хадис бар:&nbsp;«Адамның денесінде бір кесек ет бар. Егер ол сау (жақсы) болса, бүкіл дене сау (жақсы) болады. Егер ол ауырса (бұзылса), бүкіл дене ауырады (бұзылады). Ол – жүрек!»
Сайып келгенде, осы үш қасиетті (ыстық қайрат, нұрлы ақыл, жылы жүрек) тұлабойына қалыптастырған тұлғада толық адам сипатының көріністері байқала бастайды. Абайдың да айтары осы:
«Ақыл, қайрат, жүректі бірдей ұста,
Сонда толық боласың елден бөлек».
Расында, толық адам сипатында болу үшін ең әуелі толық иман керек. Абай атамыз: «Әрбір ақылды адамға иман парыз, әрбір иманды адамға ғибадат парыз» деген. Демек, мұсылман баласы ғибадат жасау арқылы рухын, жан-дүниесін байытады. Сөйтіп, иманын толықтырады.
Иман деген ұғымның сөздік мағынасы бір нәрсеге сену дегенді білдіреді. Ал діни терминдік мағынасы: Пайғамбарымыз Мұхаммедтің (оған Алланың салауаты мен сәлемі болсын) Алладан жеткізгендеріне күдіктенбей, шын жүректен сену және бұл сенімін тілмен жеткізу. Ал иман шарттары жетеу: Алла Тағаланың бар әрі бір екендігіне сену, періштелерге сену, кітаптарына сену, пайғамбарларына сену, ақырет күніне сену, тағдырға (жақсылық пен жамандық тек Алладан екеніне) сену, қайтыс болған соң қайта тірілу бар екендігіне сену.Абай «Тасдиқ» деп аталатын ғылыми трактатында, яғни 38-інші қара сөзінде былай жазады:
<blockquote>
 «Иман дегеніміз бір ғана инанмақ емес, сен Алла Тағаланың бірлігіне, уа Құранның аның сөзі екендігіне, уа пайғамбарымыз Мұхаммед Мұстафа (с.ғ.у.) оның тарапынан елші екендігіне инандық. Жә, не бітті? Сен Алла Тағалаға Алла Тағала үшін иман келтіремісің? Сен иман келтірмесең де Алла Тағалаға келер еш кемшілік жоқ еді. …Ол инанмақтығың құр ғана инанмақтықбірлән қалса саған пайда бермейді. …Пайдаланамын десең, пайда береді, кәміл иман болады. Пайданы қалайша алуды білмек керек».
</blockquote>
Абай осылайша иманнан пайда алуға шақырады. Ал кәміл иманның шарты – шынайы сену, оны сөзбен айту, жан-тәніңмен беріле құлшылық ету. Сонда ғана игілікке кенелеміз.
Қазақстан мұсылмандары діни басқармасы ІІІ республикалық имамдар форумында «Жеті рухани қазық» тұғырнамасын қабылдаған болатын. Мұсылманның ең бірінші тұла бойынан табылуы тиіс имандылық бағытын Жеті рухани қазықтың біріне енгізді.
Ендігі мақсат, Абай айтқандай, пендешілік мінезден арылып, иманнан пайда алуға асығу, сөйтіп, «кәміл мұсылман» сипатына ие болу. Алла Тағала баршамызға осындай мәртебені нәсіп еткей. Әмин!
Бақдәулет НҰРМАТҰЛЫ,
Шымкент қаласының бас имамы

Қазақстан және Қызылорда облысының жаңалықтары