<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> 18 қараша – Дүниежүзілік өкпенің созылмалы обструктивті ауруына қарсы күрес күні.
Өкпенің созылмалы обструктивті ауруы – бұл өкпедегі ауа ағынының тұрақты бұзылуымен сипатталатын ауру. Бұл жеткіліксіз диагноз қойылған, өмірге қауіп төндіретін ауру толық емделмейді. «Созылмалы бронхит» және «өкпе эмфиземасы» деген ең танымал терминдер ӨСОА диагнозына енгізілген.
Аурудың дамуының негізгі себептері-темекі шегу, темекі түтіні, ауаның ластануы, химиялық заттардың булануымен байланыс.
ӨСОА-ның ең көп кездесетін белгілері-ентігу, патологиялық қақырық және созылмалы жөтел. Аурудың біртіндеп дамуы кезінде күнделікті физикалық белсенділік айтарлықтай қиын болуы мүмкін, мысалы, баспалдақтың бірнеше сатысына көтерілу.
Бұл сырқаттың алдын-алу – темекі шегуден бас тарту, физикалық белсенділік, таза ауада үнемі серуендеу. Сондай-ақ, емдеудің әртүрлі түрлері аурудың белгілерін жоюға және өмір сүру сапасын жақсартуға көмектеседі. Мысалы, өкпедегі негізгі тыныс алу жолдарының кеңейтетін дәрі-дәрмектер ентігуді басады.
<blockquote>
 «Төменгі тыныс алу жолдарының созылмалы аурулары динамикалық бақылауға жататын созылмалы аурулардың тізіміне енгізілген. ҚР Денсаулық сақтау министрлігінің № 666 бұйрығына сәйкес тегін медициналық көмектің кепілдік берілген көлемі шеңберінде бірқатар дәрі-дәрмектер өршу және ремиссия кезінде ӨСОА науқастарына тегін беріледі. Индакатерол (ингаляцияға арналған ұнтақ), Фенотерол гидробромиді + Ипратропия гидробромиді (ингаляцияға арналған ерітінді, ингаляцияға арналған аэрозоль), Рофлумиласт таблеткалары және басқа да дәрілік препараттар», – деп хабарлады Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетов.
</blockquote>
Жыл басынан бері Әлеуметтік медициналық сақтандыру қорының филиалы «созылмалы бронхит», «өкпе эмфиземасы» және «созылмалы обструктивті өкпе аурулары» диагнозымен 2273 науқастың емделуіне 129,7 млн теңге бөлді.
<img src="https://kyzylorda-news.kz/wp-content/uploads/2020/11/kaz-pacienty-s-hronicheskimi-zabolevanijami-gobmp.png" alt="" />

Бүгін &#8211; Дүниежүзілік өкпенің созылмалы обструктивті ауруына қарсы күрес күні

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Биыл аймақта “Жұмыспен қамтудың жол картасы” бағдарламасы шеңберінде 9463 адам жұмыспен қамтылды. Оның ішінде халықты жұмыспен қамту орталықтары арқылы 5513 адам жұмысқа орналастырылып, жоспар 90,7 пайызға орындалды. Бұл туралы Өңірлік коммуникациялар қызметінің ақпараттық алаңында облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова мәлімдеді.
<blockquote>
 “2021 жылы Жұмыспен қамту Жол&nbsp;картасы бағдарламасы өз жалғасын табатын болады. Қаржыландыру лимиті 14,6 миллиард теңге көлемінде. Оның 25 пайызы шағын несиелендіруге бағытталмақ. Келесі жылы тұрақты жұмыс орындарын құрумен қатар шағын және орта бизнесті қолдауға басымдық беріледі. Биыл 17602 жаңа жұмыс орынын ашу көзделсе, жоспар артығымен орындалып, 19805 тұрғын еңбекпен қамтылды. Оның 14761 тұрақты”,- деді Гаухар Амангелдіқызы.
</blockquote>
Айта кетсек, облыс бойынша 2020 жылдың 3 тоқсанында жұмыспен қамтылған халық саны – 329700 адам. Ал жұмыссыздық деңгейі 4,9 пайызды, жастар арасындағы жұмыссыздық 4,2 пайызды құрайды.

Қызылордада 20 мыңға жуық тұрғын жұмыспен қамтылды

<a href="https://kyzylorda-news.kz/?doing_wp_cron=1605670467.0085461139678955078125">Kyzylorda-news.kz.</a> 18 қарашада, Қазақстан аумағының басым бөлігінде циклон жырасы және онымен байланысты атмосфералық ауа ағыны әсерінен қар жауады.
Тек елдің батысы мен оңтүстік-батысына орталығы Самарада орналасқан антициклон әсер етіп, жауын-шашынсыз ауа райы сақталады, деп хабарлайды Қазгидромет.

Сәрсенбіге арналған ауа райы болжамы

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Білім және ғылым министрі Асхат Аймағамбетов кітапханашылардың мәртебесін арттыру, еңбекақысын көтеру мәселесі қарастырылып жатқанын мәлімдеді.
Министрдің айтуынша, кітапханашылар педагогикалық кадрлар санатына енуі мүмкін.
<blockquote>
 “Кітапханашылардың мәртебесін арттыру, олардың еңбекақысын көтеру және жұмысының жаңа талаптарға сай болуын қайта қарастырып жатырмыз. Оларды педагогикалық кадрлар санатына енгізу бойынша бастама көтердік”, – деп жазды министр&nbsp;<a href="https://www.facebook.com/askhat.aimagambetov/posts/10217428996013090">Facebook</a>&nbsp;парақшасында.
</blockquote>
Сонымен қатар Аймағамбетов кітапхана ісіне қатысты да пікір білдірді. Айтуынша, кітапхана заманға сай жабдықталып, бала үшін ыңғайлы әрі қызықты болуы керек. Оқушы онда кітап оқумен қатар нетворкинг немесе шығармашылық даму дағдыларын игеруі қажет.
<blockquote>
 “Бүгінгі таңда көптеген мектеп кітапханаларының жұмыс форматы ешқандай сын көтермейді”, – деді министр.
</blockquote>
Сондай-ақ, жастардың ақпаратты цифрлық технологиялар арқылы пайдаланатынын ескеріп, алдағы уақытта кітапханаларды цифрландыру жоспары бар екенін жеткізді.
<blockquote>
 “Көркем әдебиеттің электронды нұсқаларын интернет және мобильді қосымшалар арқылы қолжетімді ету қажет. Мұндай жобалар қазірдің өзінде бар. Олардың авторларымен бірігіп жұмыс істемекпіз. Сондай-ақ, біз геймификация элементтерін қолдануды жоспарлап отырмыз”, – деді Аймағамбетов.
</blockquote>
Айтуынша, бұл міндеттерді шешу тек мектептердің ғана емес, сонымен қатар ата-аналардың да уақытын және күш-жігерін талап етеді. Сондықтан бұл жұмысты олар қолдайды деп үміттенемін, деп толықтырды ол.
Бүгінде білім және ғылым саласына қарасты 7 096 кітапхана жұмыс істейді. Мектептерде – 6 461, колледждерде – 579, жоғары оқу орындарында – 56, сондай-ақ республикалық ғылыми-педагогикалық кітапхана бар. Білім беру ұйымдарындағы жалпы кітап қоры – 267 325 289.
Сондай-ақ, көркем әдебиеттің балалар үшін қолжетімді болуы үшін министрлік арнайы жоба әзірлеген. Жоба аясында білім беру ұйымдарына қарасты кітапханалардың материалдық-техникалық және ақпараттық базасын жақсарту, балаларға арналған көркем әдебиетті жыл сайын сатып алу бойынша шаралар қабылданады.

Кітапханашылар педагогикалық кадрлар санатына енуі мүмкін

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> «Facebook» әлеуметтік желісіндегі «Кызылординская правда» тобында Алинур Бекшин есімді аккаунт иесі Қызылорда қаласындағы «Су жүйесі» мемлекеттік мекемесіне қатысты бірнеше мәселені көтере отырып жазба қалдырған. Мекеме жұмысшыларының қыркүйек айынан бастап жалақыларын ала алмай келе жатқанын алға тартқан жазба иесінің нақты кім екені әзірге белгісіз.
<blockquote>
 «Қызылорда Су жүйесі мекемесі басшылары жұмысшылардың жүйкесін тоздырды! Жалақыны қыркүйек айынан бастап қарапайым жұмысшылар алмаған, тек контордың ішінде отыратын жемқорлар алып отыр. Мына басшысы Жәмиев Марат алаңсыз бассыздық жасап отырғаны, жұмысшы өз айлығын жалынып сұрап жүр», – делінген жазбада.
</blockquote>
<img src="https://kyzylorda-news.kz/wp-content/uploads/2020/11/img-20201117-wa0000.jpg" alt="" />
Халық арасында «водоканал» атауымен кең танымал бұл мекеменің басынан үнемі дау арылмаған. Оған себеп – ескі ғимарат, ауыз судың сапасы, жұмысшылардың айлық жалақыларын 5-6 ай кешіктіріп алатыны және ең маңыздысы тұтынушылардың ауыз суға уақытылы қарыздарын төлемеуі болып отыр.
Қазіргі таңда «Су жүйесі» коммуналдық мекемесіне жеке және заңды тұлғалардың қарызы 629 млн теңгені құрайды. Бұл туралы мекеменің басшысы Марат Жәмиев айтып берді, деп хабарлайды «Kyzylorda-news.kz» тілшісі.
<img src="https://kyzylorda-news.kz/wp-content/uploads/2020/11/nurn0992-scaled.jpg" alt="" />
<blockquote>
 «Су жүйесі» мекемесіне халықтың 599 млн 451 мың теңге, ал заңды тұлғалардың 29 млн 500 мың теңге қарызы бар. Бұл бірнеше жылдан бері жиналған қарыз. Мен бұл мекемеге басшылыққа келген уақыттан бері қарыз төлемдерді жинауға қатысты біршама жұмыстар атқарылды. Атап айтар болсақ, қазіргі таңда қала тұрғындарына ескертпе парақшаларын тарату, смс-хабарлама жіберу және автодозвон жұмыстары жүргізіліп келеді. Халық «ұйқысынан оянып» қарыздарын төлей бастады. Сондай-ақ қарыз сомаларына қатысты келіспеушіліктер де орын алуда. Ол тұтынушылар мекеменің абоненттік бөліміне келіп есептесуде. Дегенмен түсіп жатқан қаражат мекемені қамтамасыз етуге толыққанды жетпейді», – дейді «Су жүйесі» мекемесінің басшысы Марат Жәмиев.
</blockquote>
Оның айтуынша, қазіргі таңда жұмысшылардың айлық жалақылары қыркүйек айына дейін төленген. Ал қазан айының жалақысы әзірге кешіктіріліп жатқанын жасырмады.
<img src="https://kyzylorda-news.kz/wp-content/uploads/2020/11/nurn1083-edited-1.jpg" alt="" />
Бұрынғы цех
<img src="https://kyzylorda-news.kz/wp-content/uploads/2020/11/nurn1081-edited-1.jpg" alt="" />
Бұрынғы абоненттік бөлім
<img src="https://kyzylorda-news.kz/wp-content/uploads/2020/11/4-2.jpg" alt="" />
Қазіргі абоненттік бөлім
<blockquote>
 «Су жүйесі» мекемесінің ғимараты 1964 жылы салынған. Сол уақыттан бері мүлдем жөндеу жұмыстары жүргізілмеген. Мекеменің ауласы астан-кестең, ғимарат іші қыста суық, отырып жұмыс істеуге жағдай жасалмаған болатын. Бұл, әрине, облыс орталығындағы мекеменің атына сын. Сондықтан жұмысшылар мен қызметкерлердің сапалы жұмыс жасауына жағдай жасап, ғимаратты күрделі жөндеуден өткізудеміз», – дейді мекеме басшысы.
</blockquote>
«Елу жылда – ел жаңа» демекші, жарты ғасырдан астам уақыт жөндеу жұмыстарын көрмеген ғимарат биыл жаңа кейіпке енген. Мекеме ауласы асфальтталып, цех, гараж және бас ғимарат күрделу жөндеуден өткен. Тұтынушалырға да жағдай жасалған. Ең бастысы мекеме ауласына 10 кабиналы душ салу жұмыстары қолға алынған. Қазіргі таңда жұмысшыларға арналған душтың іргетасы қаланған.
<img src="https://kyzylorda-news.kz/wp-content/uploads/2020/11/nurn1086.jpg" alt="" />
Бұрынғы гараж
<img src="https://kyzylorda-news.kz/wp-content/uploads/2020/11/101.jpg" alt="" />
Қазіргі гараж
<img src="https://kyzylorda-news.kz/wp-content/uploads/2020/11/61.jpg" alt="" />
<blockquote>
 «Мекеме жұмысшылары су құбырларын жөндеп, лас жұмыстарды атқарғандықтан олардың жұмыс аяғында жуынуына, үйіне таза баруы үшін жағдай жасау мақсатында мекеме ауласынан душ салу жұмыстарын қолға алдық. Алайда біздің жұмысшыларға жасап жатқан игі ісімізді өзгелер теріс қабылдап, халық арасында теріс пікір қалыптастыруда. Бұл ғимараттың ұзындығы 24, ені 6 метрді құрайды. Ішінде 10 душ кабинасы болады. Душты мекеме жұмысшыларының көмегімен тұрғызу, яғни «асар» әдісімен салу жоспарланған. Оған ешқандай қаражат қарастырылмаған», – дейді Марат Жәмиев.
</blockquote>
Жұмысшыларға деген жанашырлығын, өзінің осы мекемеге жастайынан жұмысшы болып орналасуымен байланыстырған мекеме басшысы Марат Жәмиев «водоканал» жұмысшылары ел арасында, өз отбасының алдында басын тік көтеріп жүрсе деген ниетін білдірді.
<blockquote>
 «Осы мекемеге 1991 жылы механик болып жұмысқа орналастым. 18 жыл бойы бір мекемеде жұмыс жасап, қызметтік сатылардан өтіп, 2009 жылы басқа салаға ауысқан болатынмын. Басқа мекемелерде жұмыс жасап, кәсіпкерлікпен де айналысып, өткен жылдың наурыз айында «Су жүйесіне» басшы болып тағайындалдым. Бір жылдан астам уақыт ішінде біршама жұмыстар атқарылып, жұмысшылар мен қызметкерлерге біршама жағдай жасалды», – дейді Марат Жәмиев.
</blockquote>
Мекеме басшысы жұмысқа шын жанашырлық танытып, мекеме ауласын таныстырып, бұрынғы мен қазіргі кейіпін салыстыра айтып келе жатқан уақытта душқа қатысты жұмысшылардың да ойын сұрауды жөн санадық. Алдымыздан бірінші шыққан жұмысшыны тоқтатып, оның пікірін білдік. Өзінің мекемеде слесарь екенін айтқан Мақсат Алмағанбетов жұмысына риза екенін жеткізді. Бұрынғыдай емес, жалақыны да көп кешіктірмей алып келе жатқанын, душтың жұмысшыларға аса қажет екенін де айтты.
<img src="https://kyzylorda-news.kz/wp-content/uploads/2020/11/5-1.jpg" alt="" />
<blockquote>
 «Қазіргі таңда мекеменің жұмысына көңілім толады. Жалақымыз бұрынғыдай көп кешікпейді. Қазір қыркүйек айының жалақысын алып қойдық. Ал душ мәселесінде, оның жұмысшыларға аса қажет екені белгілі. Жұмысшыға жағдай жасалса, біздің де жұмысымыз өнімді болады», – дейді Мақсат Алмағанбетов.
</blockquote>
Әлеуметтік желідегі жазбада жұмысшыларға бөлінген сүт өнімдері мекеме басшылары мен оған жақын адамдардың арасында өзара бөліске түскені де жазылған. Бұл мәселені де мекеме басшысы теріске шығарды.
<blockquote>
 «Жұмысшылардың ісі денсаулыққа қаншалықты зиян екені белгілі. Сондықтан жұмыс аяғында сүт беріледі. Ал жазбада айтылған деректер дәйексіз. Бізге сүт өнімдерін елордалық «СвязьСтройСнабСервис-2008» ЖШС жеткізіп береді. Себебі мемлекеттік сатып алу арқылы аталған мекеме жеңімпаз болып танылған. Ал бұл өнімдерді өз қалтама басу өзіме сын», – дейді Марат Жәмиев.
</blockquote>
Сонымен қатар жазба иесі «қаладағы КНС-тің жөндеу жұмыстарын мекеме басшысының жеке компаниясы жүргізуде» деген жалған ақпарат таратқан. Мекеме басшысы бұның да шындыққа жанаспайтынын айтты. Себебі бұл жұмыстарды да мемлекеттік сатып алу арқылы Павлодар қаласының «В и К» ЛТД» ЖШС ұтып алған.
Бұған дейін мекеменің өз цехы бола тұра, оның құрылғылары мен техникалары жеке кәсіпкерлердің цехтарында жөндеуден өткізілген. Жалпы айтқанда, жұмыс жүйесі дұрыс қалыптаспаған.
Мекеме басшысының айтуынша, өзінің басшылыққа келген уақытынан бастап цех жұмысы да қайта жандана бастаған. Оған қоса, мекеме ғимаратына газ кіргізіліп, жылу жүйесі қалыпқа келген. «Су жүйесі» аумағындағы ғимараттар толық жөндеуден өтіп, алдағы уақытта ауланы абаттандыру, көркейту-көгалдандыру жұмыстары жалғасын табатын болады.
Айта кетейік, әлеуметтік желідегі жазба иесінің пікірі мекеме басшысының жұмысын жоққа шығыруды көздейді. «Водоканалдың» басшысы мекеменің жылдар бойы қордаланған мәселесін 1 жарым жыл ішінде түгел шешпегенімен, осы уақыт аралығында ауыз толтырып айтарлықтай іс тындырғаны көрініп-ақ тұр.
Динара МАХАНОВА
Суреттерді түсірген Нұрболат НҰРЖАУБАЙ

Қызылорда: «Водоканалдағы» мәселелердің анығы мен қанығы

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Парламент Сенатының депутаты Ақмарал Әлназарова ДДҰ-ның Қазақстандағы елдік кеңсесінің басшысы доктор Каролин Кларинвальмен кездесті.
Тараптар COVID-19-ға қарсы күрес мәселелерін, оның ішінде Қазақстандағы ағымдағы жағдайды, сонымен қатар Арал өңіріндегі халықтың денсаулығын қорғау мәселелерін талқылады.
Сенатор Ақмарал Әлназарова Дүниежүзілік денсаулық сақтау ұйымының Қазақстанға Covid-19 пандемиясымен күресте көрсеткен жан-жақты қолдауы мен ынтымақтастығы үшін ДДҰ-ның ресми өкіліне алғыс айтты.
<blockquote>
 «ДДҰ билік органдарының маңызды серіктесі болып келеді, өйткені ұйым COVID-19-ға жауап ретінде техникалық ұсыныстар әзірлейді, өзге де техникалық білікті ресурстарын ұсынады. Бізді халық денсаулығын сақтау мен заң шығару мәселелеріндегі өзара ынтымақтастығымыз қуантады», – деп атап өтті Сенат депутаты.
</blockquote>
Доктор Кларинваль, өз кезегінде, ДДҰ Қазақстанның COVID-19-ға қарсы күрестегі күш-жігерін, сондай-ақ пандемиямен күрестің алдыңғы шебінде жүрген қазақстандық медицина қызметкерлерінің кәсібилігі мен жанкештілігін жоғары бағалайтынын жеткізді. Сондай-ақ, ол ДДҰ Қазақстанға эпидемиология, қауіп-қатер коммуникациясы, логистика және өзге де денсаулық сақтау бағыттарында қолдау көрсетуді жалғастыратынын айтты.
<blockquote>
 «Ынтымақтастық, өзара іс-қимыл, білім және ресурстар алмасу неғұрлым тез әрекет ету үшін аса маңызды, сондықтан халықтың денсаулығын қорғау жолында барлық тараптар арасында сындарлы диалог құра отырып, бір бағытта жүруді жалғастыру маңызды», – деп түйіндеді ДДҰ-ның Қазақстандағы елдік кеңсесінің басшысы.
</blockquote>

Сенатор Ақмарал Әлназарова Арал  халқының денсаулығын қорғау мәселелесімен ДДҰ өкілімен кездесті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысының Полиция департаментіне жыл басынан бері 34&nbsp;мыңға жуық қоңырау келіп түсті.
Ағымдағы жылдың&nbsp; 10 &nbsp;айында Қызылорда облысы Полиция департаментінің Жедел басқару орталығының «102» арнасына 34 мыңға жуық қоңырау&nbsp;түсіп, полиция&nbsp;құзырына жататын &nbsp;32 мыңнан астам хабарламаға&nbsp;қызмет көрсетілді. &nbsp;&nbsp;&nbsp;
Бейнебақылау камерасының көмегімен 92&nbsp; қылмыстың беті ашылды. Бейнебақылаушылар азаматтардан келіп түскен хабарламаларды қабылдау және өңдеу барысында барлық күдікті әрекеттерді, адамдардың мінез-құлқын және бейнебақылау камерасына түскен күмәнді тұлғаларды жедел тексереді.
Жыл басынан бері бейнебақылау камераларының көмегімен барлығы 14 мың әкімшілік&nbsp;құқық бұзушылық анықталып, 12 мың жол қозғалысы ережелерін бұзу анықталды.

Қызылорда: Бейнебақылаудың көмегімен 92 қылмыс ашылды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылордалық өнерпаз өрен Дінмұхамед Төлеубай Украинаның Харьков қаласында өткен «Спивограй» онлайн фестивалінде бас жүлдеге ие болды, деп хабарлайды <a href="https://lenta.inform.kz/kz/kyzylordalyk-oren-ukrainada-otken-halykaralyk-an-festivalinde-bas-zhulde-aldy_a3719602">ҚазАқпарат</a>.
Биыл 25-ші мәрте өткізілген фестивальде Дінмұхамед вокалдық ән номинациясы бойынша жеңімпаз атанды. Ол облыстық халық шағармашылығын дамыту орталығында тәлім алады. Оған бұған дейін Қазақстанның еңбек сіңірген әртісі Қаракөз Ақдәулетова тәлім берді. Қазір Дінмұхамед ұстаз Жадыра Белгібаевадан ән айтудың қыр-сырын үйреніп жүр. Конкурс барысында Ж.Белгібаева алғыс хатпен марапатталды.
Д.Төлеубай биылғы жылдың қаңтар айында Беларусьте өткен «Арт-парад» конкурсында&nbsp;<a href="https://lenta.inform.kz/kz/kyzylordalyk-zhas-anshi-belarus-te-otken-konkurstyn-gran-priin-zhenip-aldy_a3607782">Гран-при иегері атанған болатын.</a>
<blockquote>
 «Дінмұхаммедтің үлкен атасы – Төлеубай кезінде ақындығымен көзге түскен екен. Көптеген шығармалары мерзімдік басылымдарда жарияланған. Айтыста да өз қолтаңбасын қалдырған. Атадан жұғысты болған сол өнердің киесі біздің Дінмұхаммедке қонған шығар дейміз. Әкесі – Ағабек пен анасы – мен екеуіміз де өнерден қашықпыз», – деді анасы Лида Бисенова.
</blockquote>

Қызылордалық өрен Украинада өткен халықаралық ән фестивалінде бас жүлде алды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылордада ҚМДБ-ның «Зекет» қорының ұйымдастыруымен 5 баспананың кілті табысталды.
Игі шараға ҚМДБ Төрағасы, Бас мүфти Наурызбай қажы Тағанұлы арнайы қатысты. Бұл жолы 325, 326, 327, 328 және 329-баспана иелеріне табысталды.
<blockquote>
 «Біз қайырым жолын, мейірім бағытын ұстанамыз. Мұқтаждың мұңын бөлісу барысында ел имамдарының еңбегі зор. Аллаға шүкір, бүгін осындай шарапаты мол шарада тұрмыз. Баспана қиындығын көрген жандарды қуантқан баршаңызға алғысым шексіз. Үйлеріңіз құтты болсын!» дедә Бас мүфти.
</blockquote>

Қызылордада «Зекет» қоры тұрғындарға баспана кілтін табыстады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> 2020 жыл адамзат тарихында ерекше жыл ретінде есте қалары сөзсіз. Жыл басынан бері адамзат тарихында бұрын-соңды болмаған өзгерістер мен жаңалықтарға тап келіп жатыр. Ауа райы да өз кезегінде тосын сыйларға толы болды.&nbsp;Бұл туралы ауа райын есептеуші, тарихшы-этнограф&nbsp;Болат Бопай айтты, деп хабарлайды <a href="https://stan.kz/">Stan.kz</a>.
Ұшқан құс, жүгірген аң мен табиғат тылсымдарына қарап ауа райына болжам жасайтын Болат Бопай алдағы қыстың қалай болатынын айтты. Есепші өзінің болжамына сай алдағы қыста қалың қар түсетінін ескертеді.&nbsp;
<blockquote>
 “Қазақтың байырғы ұстанған есебі бойынша тышқан жылдың қысы басталды. Қарашаның ортасынан асып, Хаус дейтін амал шықты. Енді қар жауып, боран болады. 19-25 қарашада Боқырау&nbsp;амалы кіреді. Осы кезде солтүстік аймақтарда&nbsp;қарлы боран болады, ал оңтүстік аймақтарда керісінше күн жылы болуы мүмкін.
 Желтоқсан айының 9-15 күндері Ахраб амалы кіреді. Онда да күн суытып, қарлы боран күтіледі. 20-25 күндері Сірне дейтін амал кіріп, күн суытпаса да қалың қар түседі, көк тайғақ болады.&nbsp;Солтүстік аймақтардың бәрінде қар жауады.
 Қаңтардың 9-15 күндері Қырықаяқ амалы&nbsp;кіреді. Қылаулап&nbsp;түскен қардың&nbsp;арты қалың бұрқасынға айналады. 19-20 қаңтарда Тоқырау деген амалы кіріп, боранды ауа райы күтіледі.&nbsp;&nbsp;
 Ақпанның 19-25 күндері Ақпан деген амал кіреді. Осы кезде күн қатты суық болады.&nbsp;Жалпы алғанда биыл қар қалың түседі. Өйткені ақпан ақырып кіреді, қарлы боранды шақырып кіреді деген сөз бар. Биылғы қыс солтүстік аймақтарда қатты, оңтүстікте қалыпты болады”, – дейді есепші.
</blockquote>
Болат Бопайдың айтуынша, 2021-де көктем кеш шығады. Өйткені жұлдыздардың орналасу реті соны көрсетіп тұр.
<blockquote>
 “Ендігі жылы көктем кешігіп шығады. Өйткені босағалық жұлдыздың арасы алыс тұр. Биыл қыс кешігіп кірді, көктем де ұзаққа созылып келетіні содан. 21 наурызда күн мен түн теңелгенімен, ары қарай да салқын болады”, – дейді ол.
</blockquote>
Тарихшы-этнограф, жұлдызшы Болат Бопайдың айтуынша,&nbsp;қыстың қылынан өту үшін ертерек қамданған дұрыс. Мал-жанға қора-қопсық&nbsp;дайындап, жем-шөпті жеткілікті етіп алып қоюды ескертеді.
Жуырда отандық танымал жұлдызшы-көріпкел Нұрғабыл Қозыбай “енді 50 жылдан кейін Шымкентте мүлде қар жаумайды” деп болжам айтқан еді. Осы пікірге байланысты Болат Бопайдың айтары бар.&nbsp;
<blockquote>
 “Ауа райын болжайтындар, қазақ есепшілері алдағы бір ғасырда немесе 50 жылдан кейін не болатынын айтпайды. Күндегісін күнге, аптадағысын аптасына, жылдағысын жылда кірген амалға, ұшқан құсқа, жүгірген аңға, аққан суға, батқан күнге, атқан таңға, аймаңдай ару түндердің, мақпал күндерге қарап ауа райын болжаған.&nbsp;Ол&nbsp;кісі жұлдызшылығына қарағанда көріпкелдігі басым шығар. Бірақ ешқандай астролог алдын ала не болатынын айта&nbsp;алмайды. Ауа райын&nbsp;есептеп айтатындарды қазақта есепші деген. Бұрында 24 амалы, 13 тоғысы, 7 күн, 4 тоқсанға қарап отырып, табиғаттағы жан-жануарлардың қимыл-қозғалысынан күн райын бақылап, болжай алған. Бәленбай жылдан кейін жер құрғайды екен, су тартылады екен, қар жаумайды екен, боран соқпайды деген шындыққа саймайтын нәрсе. Бәрін бір Алла біледі”, – деп қысқа қайырды Болат Бопай.
</blockquote>

Белгілі жұлдыз-жорамалшы қазақстандықтарды қандай қыс күтіп тұрғанын айтты

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қорқыт Ата атындағы Қызылорда университетінің ректоры Бейбіткүл Кәрімова мереке иелерін халықаралық студенттер күнімен құттықтап, бірқатар белсенді жасты университет төсбелгісімен және алғыс хатпен марапаттады.
Сонымен қатар, шара барысында университете ректоры студенттік жылдарында өткен жылы естеліктерімен бөлісіп, қызықты оқиғаларын айтып берді. Жылы жүздесу университет жастарының қатысуымен еріктілер жылы аясында түсірілген «Жақсылыққа бастар жол» атты қысқаметражды кинофильмнің тұсаукесірімен өз жалғасын тапты.
Айта кетейік, университетте қазіргі таңда 20 түрлі бағыттағы жастар ұйымы жұмыс жасайды. Яғни, жастар үшін мұнда сапалы біліммен қатар бәсекеге қабілетті тұлға болып қалыптасуға барлық мүмкіндіктер қарастырылған.
Жыл басынан бері университтет ректоры Бейбіткүл Кәрімова әлемде орын алған жағдайға қарамастан жастармен түрлі (онлайн) форматта жиындар өткізіп, студенттердің ой пікірлерін тыңдап, ұсыныстарын назарға алынды. Жастар тарапынан айтылған ұсыныстар нәтижесізде емес. Студент жастарға барлық жағдайлар жасалынып келеді. Ал білім алушылар тарапынан түрлі өнер мен білім бәйгелерінде топ жарып, киелі қара шаңырақ артқан абыройды биік ұстап жүр.
<img src="https://kyzylorda-news.kz/wp-content/uploads/2020/11/126003608_2106033259534089_618400488238596131_o.jpg" alt="" />

Университетте студенттер күні аталып өтті

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Halyk Bank-тің «Ай сайын пәтердің ұтыс ойыны» ауқымды акциясының қазан айындағы жеңімпазы Алматы облысы Қарасай ауданы Ұлан ауылының мұғалімі Ғалияш Барлыбаева болып, Алматы қаласы «Хан Тәңірі» тұрғын үй кешеніндегі 3 пәтердің біріншісін ұтыс алды. Жыл соңына дейін осы кешеннен тағы 2 пәтер ойнатылатын болады.
Алматыда экологиялық таза ауданында бірден үш пәтер ойнатылып жатқан мұндай ауқымды акция елімізде алғаш рет өтіп жатыр. Қатысу шарттары өте оңай екенін айта кеткіміз келеді: Halyk Bank-те 2020 жылғы 20 желтоқсанға дейін 50% жеңілдікпен кредит немесе 24 айға дейін артық төлемсіз бөліп төлеу арқылы сатып алуды ресімдеу және ай сайын Homebank қосымшасында қызметтердің төлемақысын жүргізу жеткілікті.
Акцияның барлық шартын орындап, жарығы мол пәтерге ие болған адам Банктің әлеуметтік желілердегі ресми парақшаларында кездейсоқ сандар генерациясы әдісімен тікелей эфирде, Halyk Bank қызметкерлерінен іріктелген тиражды комиссиясының және лицензиясы бар нотариустың қатысуы арқылы анықталды.
Ұтыс ойынының жеңімпазы Алматы облысы Қарасай ауданы Ұлан ауылының мұғалімі, төрт баланың анасы болып табылады.
<blockquote>
 Мен, шынын айтқанда, ұтыс ойындарға сенбегендіктен, ешқашан оларға қатысып көрген емеспін, тек бұл жолы басқа банктен алған кредитімді қайта қаржыландырмақ болып Halyk Bank-ке өтініш білдірген едім. Кредитті ресімген кезде қызметкерлер пәтердің ұтыс ойынына қатыса алатынымды және Homebank-те кез келген төлемді жүргізуім қажет екенін айтты. Оған аса мән бере қойған жоқпын. Біз қала шетінде тұрамыз, Алматыдан пәтер алу тек арманымыз еді. Ал бұл қуанышты жаңалықты естігенде есеңгіреп қалдық. Halyk Bank өткізген ұтыс ойынының арқасында енді Алматыда жаңа пәтеріміз бар! Қыздарым оқу орнына бұрын ауылдан қатынайтын, енді жолдары жеңілдейтін болды. Алғашқы жеңімпаз ретінде мен клиенттерге және барлық қазақстандыққа бұл акцияға қатысуларын ұсынамын. Әрекет жасаған адам, ұтып ала алады екен. – де Алматыдағы жаңа пәтердің бақытты иесі Ғалияш Барлыбаева.
 Сіз де өз бағыңызды сынап көріңіз, Алматы қаласындағы «Хан Тәңірі» тұрғын үй кешеніндегі жаңа пәтердің иесі сіз болуыңыз әбден мүмкін. Бір рет кредит алып, ай сайын Homebank-те қызметтердің төлемақысын жүргізіп, тағы 2 пәтердің ұтыс ойынына қатыса аласыз. Ұтыс ойыны жыл соңына дейін ай сайын өткізіледі. – делінген банк хабарламасында.
</blockquote>
«Ай сайын пәтердің ұтыс ойыны» акциясына қатысу үшін*:
<ol>
<li>2020 жылғы 20 желтоқсанға дейін келесі кредиттердің бірін алу қажет:</li>
<li>500&nbsp;000 теңгеден жоғары сомаға бөлімшеде кепілсіз кредит алу;</li>
<li>200&nbsp;000 теңгеден жоғары сомаға Homebank қосымшасында онлайн-кредит алу;</li>
<li>200&nbsp;000 теңгеден жоғары сомаға Homebank қосымшасында онлайн-бөліп төлеуді ресімдеу;</li>
<li>1&nbsp;000&nbsp;000 теңгеден жоғары сомаға күтпейтін қажеттіліктерге кредит алу;</li>
<li>1&nbsp;000&nbsp;000 теңгеден жоғары сомаға, сондай-ақ мемлекеттік бағдарламалар («7-20-25 ипотекасы», «Баспана-ХИТ ипотекасы») бойынша ипотекалық заем алу.</li>
<li>Homebank-те кез келген төлем жүргізу:</li>
<li>Төлемнің ең аз сомасы – 1&nbsp;000 теңге</li>
<li>Төлемдердің ең аз саны – әр айдың (қараша, желтоқсан) 20-ына дейін 1 төлем.</li>
</ol>
Пәтер ұтып алудың бірегей мүмкіндігін пайдаланыңыз – «Halyk Bank–тан ай сайын пәтердің ұтыс ойыны» акциясы бойынша кредит алыңыз, Homebank-те қызметтердің төлемақысын жүргізіңіз және Алматының беделді ауданында орналасқан «Хан Тәңірі» тұрғын үй кешенінен жаңа пәтер ұтып алыңыз!
Акция талаптарына сай кредитті ертерек алып, Homebank-те қызметтердің төлемақысын жүргізген сайын Сіздің Алматыдан пәтер ұтып алу мүмкіндігіңіз көбірек болады.
Акция жөнінде барлық соңғы жаңалық Halyk Bank-тің Instagram-дағы (@halykbank.kz), Facebook-тағы аккаунттарында. Акция туралы соңғы жаңалықтардан құлағдар болып, ұтыс ойыны өткізілетін күнді және ойын нәтижелерін біліп отыру үшін ресми аккаунттарға жазылыңыз.
* Ұтыс ойынына қатыспайтындар:
<ul>
<li>Halyk Bank қызметкерлері</li>
<li>Банкпен ерекше қатынастар арқылы байланысты тұлғалар</li>
<li>Осы ұтыс ойынының аясында пәтер ұтып алған клиенттер</li>
<li>Ұтыс ойынын өткізу үшін тізімдер жасалатын күні:
<ul>
<li>Ұтыс ойынына қатысатын кредиттер бойынша мерзімінен бұрын толық немесе ішінара өтеу жүргізген клиенттер</li>
<li>Ұтыс ойынына қатысатын кредиттер бойынша мерзімін кешіктірген клиенттер</li>
<li>Банктегі кез келген кредиті бойынша мерзімін кешіктіріп отырған клиенттер</li></ul></li>
</ul>

Қазақстан және Қызылорда облысының жаңалықтары

Бүгін – Дүниежүзілік өкпенің созылмалы обструктивті ауруына қарсы күрес күні

Қызылордада 20 мыңға жуық тұрғын жұмыспен қамтылды

Сәрсенбіге арналған ауа райы болжамы

Кітапханашылар педагогикалық кадрлар санатына енуі мүмкін

Қызылорда: «Водоканалдағы» мәселелердің анығы мен қанығы

Сенатор Ақмарал Әлназарова Арал халқының денсаулығын қорғау мәселелесімен ДДҰ өкілімен кездесті

Қызылорда: Бейнебақылаудың көмегімен 92 қылмыс ашылды

Қызылордалық өрен Украинада өткен халықаралық ән фестивалінде бас жүлде алды

Қызылордада «Зекет» қоры тұрғындарға баспана кілтін табыстады

Белгілі жұлдыз-жорамалшы қазақстандықтарды қандай қыс күтіп тұрғанын айтты

Университетте студенттер күні аталып өтті

Ұлан ауылының оқытушысы Алматы Halyk Bank ойнатқан пәтер иесі болды

Қазақстан және Қызылорда облысының жаңалықтары

Бүгін &#8211; Дүниежүзілік өкпенің созылмалы обструктивті ауруына қарсы күрес күні

Қызылордада 20 мыңға жуық тұрғын жұмыспен қамтылды

Сәрсенбіге арналған ауа райы болжамы

Кітапханашылар педагогикалық кадрлар санатына енуі мүмкін

Қызылорда: «Водоканалдағы» мәселелердің анығы мен қанығы

Сенатор Ақмарал Әлназарова Арал халқының денсаулығын қорғау мәселелесімен ДДҰ өкілімен кездесті

Қызылорда: Бейнебақылаудың көмегімен 92 қылмыс ашылды

Қызылордалық өрен Украинада өткен халықаралық ән фестивалінде бас жүлде алды

Қызылордада «Зекет» қоры тұрғындарға баспана кілтін табыстады

Белгілі жұлдыз-жорамалшы қазақстандықтарды қандай қыс күтіп тұрғанын айтты

Университетте студенттер күні аталып өтті

Ұлан ауылының оқытушысы Алматы Halyk Bank ойнатқан пәтер иесі болды

Бүгін – Дүниежүзілік өкпенің созылмалы обструктивті ауруына қарсы күрес күні