<a href="https://kyzylorda-news.kz/">Kyzylorda-news.kz</a>. «Ауыл» партиясының мүшелері «Бала нәсібі» атты жәрдемақы тағайындауды ұсынды, деп хабарлайды <a href="https://www.inform.kz/kz/kazakstanda-bala-nasibi-atty-zhardemaky-engizu-usynyldy_a3719213">ҚазАқпарат</a>.
«Ауыл» ХДПП орталық аппаратының жетекшісі Қуаныш Сейітжановтың айтуынша, Қазақстанда мұқтаж немесе мұқтаж емес деп бөлмей, балалардың бәріне бірдей жәрдемақы тағайындау керек.
<blockquote>
 «Халықтың аманат еткен сауалдарының бірі («Ел аманаты» сауалнамасы) – әлеуметтік салада, әр балаға жәрдемақы тағайындау туралы партия ұсынып отырған бастама. Демек, қоғамда бұл проблема бұрыннан бар. Партияның бұған дейінгі өткізген іс-шараларында бұл мәселе талқыланған. Әрине, қазіргі таңда ана мен баланы қолдау саласында әлеуметтік жәрдемақының неше түрі жоқ емес – бар. Белгілі бір деңгейде бұл жәрдемақының түрлері кейде бір-біріне қайшы келіп те жатады. Мәселен, бір ғана ана мен балаға арналған жәрдемақы 14 түрлі заңмен реттеледі екен. Бұл белгілі бір деңгейде халықты шатастырып жатыр», – деді Қуаныш Сейітжанов Орталық коммуникациялар қызметінде өткен «Ауыл» партиясының баспасөз мәслихатында.
</blockquote>
Оның айтуынша, кейіннен тағайындалған атаулы әлеуметтік көмектің де қайшылықтары жоқ емес.
<blockquote>
 «Мәселен, Қазақстанда 776 мың адам атаулы әлеуметтік көмекті алса, соның 492 мыңы балаларға арналған атаулы әлеуметтік көмек екен. Біз неге баланы жас күнінен бірі әлеуметтік көмекке мұқтаж, екіншісі мұқтаж емес деп бөлуіміз керек? Бұл – идеологиялық мазмұн тұрғысынан да өте қате. Өйткені біз баланың жанын жасынан жаралаймыз. Мұны дана халқымыз «Әр баланың өз нәсібі болады» деп бірақ ауыз сөзбен айтқан. Біздің ұстанып отырған позициямыз – 18 жасқа дейінгі балаларды әлеуметтік көмекке мұқтаж немесе мұқтаж емес деп бөлмей, төлемақы тағайындау. Бұған еліміздің экономикалық мүмкіндіктері жеткілікті. Бұл ұсынысты көктен алған жоқпыз. Сараптаманың нәтижесінде ұсынылды. Әлеуметтік төлемге келер болсақ, Асан мен Үсеннің ертегісі еске түседі. Бала қашан да – бала. Ол – біздің болашағымыз», – деді ол.
</blockquote>
«Ауыл» партиясының мүшелері бұл жәрдемақыны «Бала нәсібі» деп атауды ұсынып отыр.
Айта кетсек бүгінгі баспасөз мәслихатында «Ауыл» ХДПП төрағасының бірінші орынбасары Төлеутай Рақымбеков «Ел аманаты» жалпыұлттық сауалнамасының нәтижесін жариялаған болатын.

Қазақстанда «Бала нәсібі» атты жәрдемақы енгізу ұсынылды

<a href="https://kyzylorda-news.kz/">Kyzylorda-news.kz</a>. Қызылорда облысында жыл санап қатты отынға деген сұраныс азайып келеді.
Газдандыру жұмыстарының қарқынды жүруіне байланысты 5 жыл бұрын 50 мың тонна көмір жағылатын Қазалыда тұтыным көлемі 2 есеге қысқарғаны байқалады. Аудан орталығындағы 8 мыңнан аса абонент пен 31 әлеуметтік нысанның 80 проценті газ желісіне қосылып үлгерген. Ал әлі де пешін көмірмен жағатын тұрғындарға қатты отын әкімдік пен кәсіпкерлер арасындағы бекітілген бағада сатылып жатыр.
<blockquote>
 “Бес көмір сақтау-тарату қоймасында мың жарым тоннадан астам қатты отын бар. Ағаш көмір тоннасы 17 мың теңге, тас көмір тоннасы 13 мың 500 теңге еркін сатылымда. Тұтынушылар тарапынан көмірдің сапасына, бағасына немесе жетіспеушілігіне қатысты наразылықтар жоқ. Жылыту маусымын қалыпты жағдайда өткіземіз деп жоспарлап отырмыз”, – аудандық ТКШ, жолаушылар көлігі және автомобиль жолдары бөлімінің бас маманы Жасәділ Жеткербайұлы.
</blockquote>
<a href="https://24.kz/kz/zha-aly-tar/o-am/item/436560-yzylorda-oblysynda-k-mirge-s-ranys-t-mendegen">Хабар 24</a>

Қызылорда облысында көмірге сұраныс төмендеген

<a href="https://kyzylorda-news.kz/">Kyzylorda-news.kz</a>. Алматыда кәмелетке толмаған қызды бопсалап, жезөкшелікпен айналысуға күштеген әйел ұсталды. Бұл туралы онлайн брифингте ішкі істер министрлігі баспасөз қызметінің қызметкері Кәміл Ғалиев мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.&nbsp;
Өткен аптада ішкі істер министрлігі республика аумағында “Стоп-трафик” жедел алдын алу шарасын өткізді.&nbsp;
Үш күн ішінде адам саудасымен байланысты 65 қылмыс ашылған. Шара барысында жезөкшелікке тартудың 10 фактісі анықталды.&nbsp;
<blockquote>
 “Алматыда екі қызды алдау және бопсалау арқылы жезөкшелікпен айналысуға мәжбүрлеген Қызылорда облысының 26 жастағы тумасы ұсталды. Жәбірленушілердің біреуі – кәмелеттік жасқа толмаған қыз”, – деді Ғалиев онлайн брифингте.&nbsp;
</blockquote>
Полицейлер қылмысты әлеуметтік желілерге мониторинг жасау кезінде анықтады. Күдікті желіге жыныстық қызмет көрсету туралы хабарландыру жариялаған.
Бұл фактіге қатысты Қылмыстық кодекстің 134-бабы (Кәмелетке толмаған адамды жезөкшелікпен айналысуға тарту) және 308-бабы (Жезөкшелiкпен айналысуға тарту) бойынша қылмыстық істер қозғалды.&nbsp;
Жәбірленушілерге қажетті көмек көрсетілуде.&nbsp;
Сондай-ақ, Нұр-Сұлтанда жеңгетайлықпен айналысқан екі қыз ұсталды. Олар 22 жастағы шымкенттік қыздың қиын жағдайын пайдаланып, оған клиенттер тауып беріп отырған.

Қызылордалық әйел кәмелетке толмаған қызды қорқытып, жезөкшелікке тартқан

<a href="https://kyzylorda-news.kz/">Kyzylorda-news.kz</a>. Қызылорда, Алматы және Қарағанды облыстарында өткен аймақтық конференциялар барысында мәжіліске Nur Otan-ның партиялық тізіміне үміткерлер анықталды. Сондай-ақ, облыстық сайлауалды бағдарламалары бекітіліп, партияның XX съезіне қатысу үшін делегаттар сайланды, деп хабарлайды партияның баспасөз қызметі.
Баспасөз қызметі хабарлауынша, пікірсайыс қорытындысы бойынша облыстың өкілдік квотасына сәйкес, Мәжілістегі партиялық тізімге үш өңірден 17 адам енгізілді.
Атап айтқанда, Алматы облысында пікірсайыс қорытындысы бойынша төрт дауыс басымдықпен көпбалалы ана және праймериздің бірінші кезеңінің жеңімпазы Әлия Әбсеметова бірінші орынға шықты. Партия жақтастары лигасының мүшесі Әлия Әбсеметованың партияішілік іріктеу басталар алдында ғана «Nur Otan» мүшелігіне өткенін айта кеткен ләзім.
Одан кейінгі орындарда 127 дауыс жинаған автожол қызметкері Ержан Жасыбаев пен 123 дауыс жинаған мемлекеттік қызметші Данияр Әлімбаев келеді. Сонымен бірге тізімге білім саласының өкілдері Жанна Телпекбаева мен Дамир Дигай, журналист Мақпал Тәжмағамбетова, кәсіпкер Досан Кәрімов және мәдениет саласының қызметкері Константин Нестеров енді.
Қызылорда облысында бірнеше дауыс шешуші рөл атқарды. Мәжілістің қызметтегі депутаты Балайым Кесебаева 114 дауыс жинаса, одан кейінгі «Байқоңыр» ӘКК басшысы Ғалым Әміреевте – 110 дауыс. Үшінші орынды 100 дауыспен жеке сектор өкілі Аида Әбибуллаева иеленді. Ол үздік үштікке және тиісінше Мәжіліске кандидаттар тізіміне де енбей қалған кәсіпкер Асқар Махамбетовтен бар-жоғы 4 дауысқа басым түсті.
Қарағанды облысында Парламент төменгі палатасының депутаты Гүлнар Бижанова ең көп дауыс жинады. Екінші орынды 99 дауыспен Ұлытау аудандық партия филиалының төрағасы Берік Әбдіғалиұлы иеленді. Сонымен қатар тізімге ЖОО оқытушысы Аманжол Алтай, партияның Қарағанды қалалық филиалы төрағасының бірінші орынбасары Юлия Бадина, бизнес өкілдері Сүйіндік Асан және Вадим Басин кірді.
Айта кетейік, бұған дейін Мәжілістің партиялық тізіміне елорда, Алматы және Шымкент қалаларынан кандидаттар сайланған болатын. Ертең тағы 11 өңірден үміткерлердің есімдері белгілі болады. Қорытынды тізім 25 қарашада партияның XX съезінде бекітіледі.
«Nur Otan» партиясы Төрағасының бірінші орынбасары Бауыржан Байбек қазірдің өзінде барлық деңгейдегі 216 мәслихатқа 6 253 адамнан тұратын партиялық тізімдер әзірленгенін атап өткен болатын.
Әйелдердің үлес саны 22-ден 34%-ға дейін, жастар – 3,5 есе, 7-ден 24%-ға дейін артты. Қазіргі қызмет етіп отырған мәслихаттардың құрамымен салыстырғанда орташа жасы 7 жасқа – 51-ден 44-ке дейін жасарды.
Партиялық тізімдердің 24% қызметтегі депутаттар, ал 76%-і – жаңа тұлға. Сонымен қатар партия қатарына 42 мыңнан астам жаңа мүше қосылды. Олардың 1 мыңнан астамы партияішілік сайлауға қатысып, әрбір 3-шісі «Nur Otan»-ның партиялық тізіміне енді.
Электронды дауыс беру нәтижесімен және кандидаттар тізімімен&nbsp;<a href="https://primaries.kz/">Primaries.kz</a>&nbsp;сайтынан танысуға болады.

Қызылордадағы Nur Otan праймериз пікірсайысында кандидаттардың қайсысы жеңіске жетті

<a href="https://kyzylorda-news.kz/">Kyzylorda-news.kz</a>.&nbsp;“Қайсар” футбол орталығында тәлім алатын 2002 жылғы жасөспірімдер бүгін соңғы жаттығуларын жүргізіп, орталықты тәмамдады. Клуб директоры Серік Досманбетов шараға арнайы қатысып, түлектерге сәттілік тіледі.
<blockquote>
 “Футбол орталығында 11 топ болса, соның арасында өзіндік қолтаңба қалдырған жас буынсыздар. Алаңда жақсы ойын көрсетіп, жақсы нәтижелерге қол жеткіздіңіздер. Енді алда үлкен мақсат тұр. Біріңіз аладопта жұлдыз болсаңыз, біріңіз өзге саланың мықты маманы болуларыңыз мүмкін. Біз барлығыңызға бірдей көзқараспен қарап, үлкен футболда кәсіби ойыншы болуға мүмкіндік жасаймыз. Барлықтарыңызды қаңтар айында “Қайсар U-21″ командасына қаралымға шақырамыз”, – деді Серік Құттыбайұлы.
</blockquote>
Шара соңында түлектерге футбол орталығын бітіргенін растайтын диплом мен естілік сыйлық табысталды.

&#8220;Қайсар&#8221; футбол орталығы түлектерін шығарып салды

<a href="https://kyzylorda-news.kz/">Kyzylorda-news.kz</a>. 15 қараша күні Қызылорда қаласының тұрғыны алаяқтың құрбаны болғаны туралы қалалық Полиция басқармасына арызданды.
Осы жылдың қазан айында танысы сеніміне кіріп «медициналық жедел-жәрдем станциясына фельдшер қызметіне күйеу баласын жұмысқа тұрғызып беремін» деп 200 мың теңге ақшасын алған. Бірақ осы күнге дейін уәдесін де орындамаған, ақшасын да қайтармаған.
Жедел іздестіру шараларының барысында полиция қызметкерлері күдікті 26 жастағы қала тұрғынын қолға түсірді.
Қазіргі таңда аталған дерек бойынша Қазақстан Республикасы Қылмыстық кодексінің 190-бабының 1-бөлігімен (Алаяқтық) сотқа дейінгі тергеп-тексеру амалдары жүргізілуде.

Қызылорда: &#8220;Фельдшер қызметіне тұрғызып беремін&#8221; деген алаяқ ұсталды

<a href="https://kyzylorda-news.kz/">Kyzylorda-news.kz</a>. Қызылордада «Nur Otan» партиясы облыстық филиалының кезектен тыс XXVIІ конференциясы өтті. 120-дан астам партияластар бас қосқан алқалы жиында партияның Қызылорда облысы бойынша сайлауалды бағдарламасы мен облыстық мәслихат депутаттығына үміткерлердің партиялық тізімі бектілді. Сондай-ақ, Қазақстан Республикасы Парламенті Мәжілісіне үміткерлер арасында пікірсайыс ұйымдастырылып, қатысушы делегаттар таңдау жасады.
Облыстық филиалдың Саяси кеңес құрамына өзгерістер енгізіліп, өңірден партияның ХХ Съезіне қатысатын 20 делегат сайланды. 
Жиынға төрағалық еткен облыстық партия филиалының төрағасы, облыс әкімі Гүлшара Әбдіқалықова күн тәртібіне сәйкес, бірінші болып бектілген сайлауалды бағдарламаныңмаңыздылығын атап өтті.
<blockquote>
 “7 негізгі бағытты қамтыған сайлауалдыбағдарлама партия қызметінің алдағы мақсат – міндеттерін белгілеп, олардан күтілетін нәтижені айқындайтын құжат.Бағдарлама жобасы праймериз кезінде ресми сайтта жарияланып, 1 жарым ай көлемінде ашық талқыланды.Талқылау барысында тұрғындардан мыңға жуықұсыныстар түсіп, олардың 83 пайызы бағдарламаға енгізілді”, – деді Гүлшара Әбдіқалықова.
</blockquote>
Жиында ең жоғары рейтингісі бар праймеризге қатысушылар қатарынан Қызылорда облыстық мәслихатына 53 кандидаттан тұратын партиялық тізім түзілді. Ондағы әйел азаматтардың саны 3 есе артқан. 35 жасқа дейінгі жастардың үлесі 0-ден 15 пайзыға жетіп отыр. Үміткерлердің орташа жасы 8 жасқа төмендеген. Ал қызметтегі депутаттардың 12-сі ғана жаңа тізімге енгізілген.
Конференция барысында Мәжілістегі партиялық тізімге үміткерлер арасында пікірсайыс өтті.11үміткердің ішінен партиялықтар «Праймериз» ақпараттық жүйесі арқылы өңірдің өкілдік квотасына сәйкес 3 үміткерді таңдады.
Көп дауыс жинағандар қатарында қызметтегі ҚР Парламенті Мәжілісінің депутаты Балайым Кесебаева, СПК “Байқоңыр” АҚ-ның тәуелсіз директоры, Ғалым Әмреев, “ҚазПочта” АҚ, Қызылорда облыстық филиалының директоры Аида Әбибуллаевалар бар. 
Олар конференция шешімімен мәжілістің партиялық тізіміне енгізілуі үшін Съезге ұсынылатын болды.
Жиын соңында басқа жұмысқа ауысуына байланысты «Nur Otan» партиясы Қызылорда облыстық филиалы Саяси кеңес құрамынанАқмарал Әлназарова, Сұлтан Мақашов және Талғат Тілестер шығарылып,«Nur Otan» партиясы Қызылорда облыстық филиалы төрағасының бірінші орынбасары Ләйлә Төрешова, «Nur Otan» партиясы Сырдария аудандық филиалының төрағасы, аудан әкімі Талғат Дүйсебаев және «Jas Otan» Жастар қанаты Қызылорда облыстық филиалының төрағасы Әлшер Қардашов енгізілді.
Конференция жұмысына Арал, Қазалы және Жаңақорған аудандық филиалдарынан сайланған делегаттар бейне-байланыс жүйесі арқылы қатысты.
<img src="https://kyzylorda-news.kz/wp-content/uploads/2020/11/97502b6c-e8bc-4cef-9208-08c244cedd4b.jpg" alt="" />
<img src="https://kyzylorda-news.kz/wp-content/uploads/2020/11/7bfa0453-57a8-44b8-a78c-7c64176cfba8.jpg" alt="" />

Қызылорда: Партияның ХХ Съезіне Сыр өңірінен  қатысатын 20 делегат сайланды

<a href="https://kyzylorda-news.kz/">Kyzylorda-news.kz</a>. Қызылорда облысында діни рәсімдерді өткізуге рұқсат берілді.Енді мешіттерде жұма намазын қоспағанда, бес уақыт намаз оқуға болады. Ұжымдық ғибадат етуге залдағы адамдар саны 100 адамнан аспауы керек.
<blockquote>
 “Қызылорда облысының Бас мемлекеттік санитариялық дәрігерінің № 25 Қаулысына өзгерістер мен толықтырулар енгізілді. Оның ішінде, діни обьектілерде жұма намазын қоспағанда, мешіттерде ұжымдық құлшылық етуге болады. Бүгінде облыс бойынша 178 мешіт бар. Барлығы карантин талаптарын сақтауда. Естеріңізге сала кетейік, мешітке келушілердің бетпердесі болуы шарт. Бұған қоса, мешіт қызметкерлері дене қызуын өлшеп кіргізеді. Жамағаттың парыз, сүннет және жекеленген намаздарын оқу арақашықтығы 2 метрден кем болмауы тиіс. Сондай-ақ, жамағатқа қойылатын талаптар мешіттің кіреберісінде тақтайшада көрсетілген”, – деді облыстың бас имамы Болатбек Абуов.
</blockquote>

Қызылордада мешіттерде құлшылық етуге рұқсат берілді

<a href="https://kyzylorda-news.kz/">Kyzylorda-news.kz</a>. Қызылордада Қазақстанның Қызыл кітабына енген ақбөкендерді аулаған браконьерлер ұсталды.
Қызылорда облысы ПД Жалағаш ауданының Полиция бөлімімен аудан көлемінде 25 қазан-14 қараша күндері аралығында «Арқан» жедел профилактикалық іс-шара өткізілді.
Іс-шара барысында 14 қараша сағат 02:47 шамасында «Қармақшы-Жалағаш» тас жолының Жалтынов ауылының тұсында тас жолда жол талғамайтын джип автокөлігін тоқтатып тексеру барысында 3-бас ақбөкен аңына ұқсас жануардың денелері анықталған.
Тексеру барысында автокөліктен 3-бас ақбөкен аңымен қоса, 2 аңшы мылтығы, 50 дана оқтары заттай дәлелдеме ретінде алынды. Казіргі таңда екі&nbsp; күдікті қамауға алынды. Олар облыс орталығының тұрғындары болып шықты.
Аталған дерек бойынша Қазақстан Республикасы Қылмыстық кодексінің 337 бабының 4 бөлігінің 2 тармағымен (жануарлардың сирек кездесетін және құрып кету қаупі төнген түрлеріне, сондай-ақ пайдалануға тыйым салынған жануарларға қатысты жасалған заңсыз аңшылық) сотқа дейінгі тергеп-тексеру амалдары жүргізілуде.

Қызылордада ақбөкен атқан браконьерлер ұсталды

<a href="https://kyzylorda-news.kz/">Kyzylorda-news.kz</a>. Қызылорда облыстық Ана мен бала орталығында алғаш босанған аналарды құттықтау акциясы өтті.
“Ақ орамал” жобасы аясындағы акцияда жас аналардың иығына ақ жаулық жабылып, сәбилеріне жөргектер таратылды. Шара барысында қатысушы қонақтар жас аналармен пікір алмасып, келелі ойларын ортаға салды.
“Аталмыш жоба өңірдің барлық аудандары мен түрлі мекеме ұжымдарында ұйымдастырылып келеді. Оның мақсаты – отбасы мәртебесін көтеру, құндылықтарды дәріптеу. Сіздер де ақ жаулықты ана атанып, қоғамның дамуына барынша үлес қосып келесіздер. Елімізде ана мен бала денсаулығын қорғауға арналған көптеген іс-шаралар қолға алынып отыр. Мұның бәрі әр шаңырақтың бақыты үшін жасалған қадамдар”,- деді Рахима Ахметова.
“Аналарымыздың денсаулығымен қатар әлеуметтік әлеуетін де көтеру маңызды. Бұл ретте еліміздің іскер, белсенді нәзік жандылары қоғамға тән мәселелерді саралай отырып, тиісті ұсыныстар жинақтауда. Алдағы уақытта еліміздің демографиясына үлес қосқан жандарды жан-жақты қолдау мәселелерін жоғары мінберлерде талқылауды және нәтиже шығаруды көздеп отырмыз”, – деді Аида Абибуллаева.
Ал облыстық Ассамблея жанындағы Аналар кеңесі мүшелерінің атынан Лайла Пашаева тұңғышын дүниеге әкелген аналарды құттықтады. Тағылымы мол жоба аясындағы сый-құрметке бөленген жас аналар ұйымдастырушыларға ризашылығын білдірді.

Қызылордада жас аналарды құттықтау акциясы өтті

<a href="https://kyzylorda-news.kz/">Kyzylorda-news.kz</a>. Синоптиктер 17-19 қарашаға арналған ауа райы болжамын жариялады.
Мамандардың хабарлауынша, орталығы Самараның үстінде орналасқан Солтүстік-батыс антициклонының жотасы Қазақстанның ауа райына өз әсерін тигізуді жалғастырады. Кей жерлерде әлі де қар, оңтүстік пен оңтүстік-шығыстың таулы аймақтарында қатты қар жауады, бірақ антициклонмен түнде ауа температурасының солтүстік аймақтарда 18-26 аязға дейін, оңтүстік аймақтарда 5-15 аязға дейін төмендеуі күтіледі.

Алдағы күндері 26 градусқа дейін аяз болуы мүмкін

<a href="https://kyzylorda-news.kz/">Kyzylorda-news.kz</a>. Қызылорда облыстық Қазақстан халқы Ассамблеясының ұйымдастыруымен қала тұрғындары арасында жүгіру сайысы болып өтті.
Бұқаралық жүгірістің мақсаты – салауатты өмір салтын насихаттап, денсаулықты нығайту болып табылады.
Сайысқа түскен тіркелушілердің жасына шектеу қойылған жоқ. Сол жағалаудан басталған жүгіру сайысында қатысушылар белсенділік танытып, 3 жарым шақырымға дейін жүгірді.
Нәтижесінде бірінші орынды Ерасыл Әбсадықов, екінші орын Юрий Кожушный, үшінші орынды Рауан Шазында қанжығасына байлады. Жүлделі орынға ие болған жеңімпаздарға ақшалай сертификаттар табысталды. Белсенділік танытқан қатысушылардың барлығы ынталандыру сыйлықтарын иеленді.
<img src="https://kyzylorda-news.kz/wp-content/uploads/2020/11/img-20201115-wa0011.jpg" alt="" />
<img src="https://kyzylorda-news.kz/wp-content/uploads/2020/11/img-20201115-wa0019.jpg" alt="" />
<img src="https://kyzylorda-news.kz/wp-content/uploads/2020/11/img-20201115-wa0011-1.jpg" alt="" />

Қазақстан және Қызылорда облысының жаңалықтары

Қазақстанда «Бала нәсібі» атты жәрдемақы енгізу ұсынылды

Қызылорда облысында көмірге сұраныс төмендеген

Қызылордалық әйел кәмелетке толмаған қызды қорқытып, жезөкшелікке тартқан

Қызылордадағы Nur Otan праймериз пікірсайысында кандидаттардың қайсысы жеңіске жетті

“Қайсар” футбол орталығы түлектерін шығарып салды

Қызылорда: “Фельдшер қызметіне тұрғызып беремін” деген алаяқ ұсталды

Қызылорда: Партияның ХХ Съезіне Сыр өңірінен қатысатын 20 делегат сайланды

Қызылордада мешіттерде құлшылық етуге рұқсат берілді

Қызылордада ақбөкен атқан браконьерлер ұсталды

Қызылордада жас аналарды құттықтау акциясы өтті

Алдағы күндері 26 градусқа дейін аяз болуы мүмкін

Қызылорда: Қала тұрғындары жүгіруден сайысқа түсті

Қазақстан және Қызылорда облысының жаңалықтары

Қазақстанда «Бала нәсібі» атты жәрдемақы енгізу ұсынылды

Қызылорда облысында көмірге сұраныс төмендеген

Қызылордалық әйел кәмелетке толмаған қызды қорқытып, жезөкшелікке тартқан

Қызылордадағы Nur Otan праймериз пікірсайысында кандидаттардың қайсысы жеңіске жетті

&#8220;Қайсар&#8221; футбол орталығы түлектерін шығарып салды

Қызылорда: &#8220;Фельдшер қызметіне тұрғызып беремін&#8221; деген алаяқ ұсталды

Қызылорда: Партияның ХХ Съезіне Сыр өңірінен қатысатын 20 делегат сайланды

Қызылордада мешіттерде құлшылық етуге рұқсат берілді

Қызылордада ақбөкен атқан браконьерлер ұсталды

Қызылордада жас аналарды құттықтау акциясы өтті

Алдағы күндері 26 градусқа дейін аяз болуы мүмкін

Қызылорда: Қала тұрғындары жүгіруден сайысқа түсті

“Қайсар” футбол орталығы түлектерін шығарып салды

Қызылорда: “Фельдшер қызметіне тұрғызып беремін” деген алаяқ ұсталды