<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Қызылорда облысында 896 медицина қызметкеріне қазан айында үстемақы бөлінді.
Әлеуметтік медициналық сақтандыру қорының Қызылорда облысы бойынша филиалында хабарлағандай, қазан айының қорытындысы бойынша эпидемияға қарсы іс-шараларға қатысқаны үшін еңбекақыға аймақтың 896 медицина қызметкеріне болжамды жалпы сомасы 124&nbsp;207,2 мың теңге үстемеақы бөлінді.
1 тәуекел тобы 30&nbsp;117,9 мың теңге – 90 медицина қызметкеріне
2 тәуекел тобы 41&nbsp;057,5 мың теңге -279 медицина қызметкерлеріне
3 тәуекел тобы 53&nbsp;031,8 мың теңге – 527 медицина қызметкерлеріне
Наурыз-қыркүйек айларында COVID-19 коронавирусының және (немесе) коронавирусымен науқастарды емдеудің алдын-алу шараларын жүзеге асырудағы ерекше еңбек жағдайлары үшін қосымша төлемдер сомасы 13 361 қызметкерге 2 574 885 370 теңге көлемінде төленді.
Инфекциямен қауіпті жағдайда жұмыс істеуге тартылған медицина қызметкерлерінің саны эпидемиологиялық жағдайға байланысты ай сайын өзгеріп отырады.
Наурыз айында 520 медицина қызметкеріне қосымша 66&nbsp;779,4 мың теңгеге төленді.
Жалпы, өңірдің медициналық қызметкерлерге үстемеақыларға Әлеуметтік медициналық сақтандыру қорынан 3 млрд.теңгеден астам қаражат бөлінді.
Еске сала кетейік, Мемлекет басшысының 2020 жылғы 1 қыркүйектегі Қазақстан халқына Жолдауында COVID-19-ға қарсы күрес шеңберінде эпидемияға қарсы іс-шараларды жүргізуге тартылған Денсаулық сақтау ұйымдарының қызметкерлеріне осы жылдың екінші жарты жылдығы үшін ынталандыру үстемеақыларын төлеуге 150 млрд.теңге бөлуді көздеу тапсырмасы берілді.
Тәуекел тобына қарай медицина қызметкерлері 212 мың теңгеден, яғни 5 айлық есептік көрсеткіш көлемінде 850 мың теңгеге дейін қосымша ақы алады.
<blockquote>
 «Қор пандемияның күрделі жағдайында алдыңғы қатарда тұрған әріптестерімізге үстемеақыны уақтылы және жедел төлеу бойынша өз жұмысын жалғастырады», – деп атап өтті Қор филиалында.
</blockquote>

Қызылордада 896 медицина қызметкері үстемақы алды

*<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгін ҚМДБ төрағасы, Бас мүфти Наурызбай қажы Тағанұлы Сырдария ауданына қарасты Шаған елді мекенінде жаңа мешітті ашты. Салтанатты шараға аудан әкімі Талғат Дүйсебаев, облыстың бас имамы Болатбек Ұласқанұлы және ауыл ақсақалдары қатысты.*
350 адамға арналған құлшылық үйі жергілікті демеуші азаматтар мен ауыл тұрғындарының көмегімен аяқталған. Мешіт ішінде дәріс сыныбы да бар.
<blockquote>
 «Сыр өңірі берекелі өңір. Халқының бірлігі бекем екен. Бірігіп іс қылып, осындай зәулім мешіт салыныпты. Алла Тағала бұл елді мекенге ырыс несібесін молынан берсін. Осы мешіт имандылықтың, тәрбиенің ордасы болсын» – деді Наурызбай қажы Тағанұлы.
</blockquote>
Айта кетейік Шаған елді мекенінде бұған дейін бұл жерде ескі мешіт болған. Тозығы жеткен құлшылық үйі ауыл азаматтарының атсалысуымен толық ел игілігіне берілді.
<img src="https://kyzylorda-news.kz/wp-content/uploads/2020/11/126157164_2085277204935918_7448665914788608544_n.jpg" alt="" />
<img src="https://kyzylorda-news.kz/wp-content/uploads/2020/11/126025654_2085277168269255_4272134348330451263_n.jpg" alt="" />

Сырдария ауданында жаңа мешіт ашылды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Қызылорда облысында ағымдағы жылдың 1 маусымынан Мамандандырылған халыққа қызмет көрсету орталығында Армения Республикасынан 2020 жылдың 1 ақпанына дейін Қазақстан азаматтарына тіркеп әкелінген автокөліктерді есепке қою жұмыстары жүргізілуде.
Мұндай автокөліктерді тіркеу уақыты 2021 жылдың 1 наурызына дейін ұзартылып, мамандандырылған халыққа қызмет көрсету орталықтарында жүзеге асырылуда.
Облысымыздың 320 тұрғыны Армения Республикасынан әкелінген автокөліктерін Мамандандырылған халыққа қызмет көрсету орталығына қажетті құжаттарын ұсына отырып, Қазақстан Республикасының Салық Кодексінде көзделген баптарға сәйкес 11946 теңге төлемдерін төлеу арқылы өз автокөліктерін тіркеген. Бүгінгі күнге тіркелген автокөліктердің 20-сы басқару органы оң жақтан сол жақа ауыстырылған көлік құралдары болып табылады.
Осы ретте, Армения Республикасынан автокөлік әкелген Қызылорда облысы тұрғындарын, авокөліктерін Заң аясында белгіленген мерзім ішінде тіркеуге қоюға шақырамыз.
Қызылорда облысы Полиция департаментінің Әкімшілік полиция басқармасының қызметкерлерімен тұрғындарға кеңес беру мақсатында Call-орталығы (тел: 8-7242-29-77-44, 29-73-52) арқылы түсіндірме жұмыстары жүргізілуде.

Қызылордада  320 жүргізуші Армениядан әкелінген автокөліктерін тіркеді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> 2021 жылдың 10 қаңтарында Қазақстан Республикасы Парламенті Мәжілісі және Мәслихат депутаттарының сайлауы өтеді. 
⠀ 
Қызылорда облысының әкімдігі сайлаушылар тізімінің дұрыстығын қамтамасыз ету мақсатында&nbsp;<a href="https://saylau.orda.gov.kz/kk">Saylau.orda.gov.kz</a>&nbsp;сайтын іске қосты. 
⠀ 
<a href="https://saylau.orda.gov.kz/kk">​Saylau.orda.gov.kz</a>&nbsp;сайтында өзіңіздің жеке сәйкестендіру нөміріңізді (ЖСН) енгізе отырып, «Өзіңді табу» батырмасымен қай сайлау учаскесінен дауыс беретініңізді, сондай-ақ сол сайлау учаскесінің қай мекен-жайда орналасқанын (Google картадан) көре аласыз. 
⠀ 
​Сонымен қатар, «Smart Qyzylorda» мобильдік қосымшасындағы «Сайлау учаскесі» категориясынан өзіңізді сайлаушылар тізімінен тексере аласыз. 
​Егер Сіз өзіңізді сайлаушылар тізімінен таппасаңыз немесе тіркелген мекен жайыңыз көрсетілген сайлау учаскесінің шекарасында болмаса, сайтта өтінім қалдыра аласыз немесе тұрғылықты мекен-жай бойынша сайтта көрсетілген нөмірлерге, сондай-ақ 400-200, 109 (қоңырау шалу тегін) Call-орталықтарына хабарласа аласыз.

ЖСН арқылы өз сайлау учаскеңізді анықтаңыз

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалының мамандандырылған бөлімінде дайын құжаттарды үйге жеткізу қызметі іске қосылды. Бұл туралы филиал басшысы Айдын Қайруллаев хабарлады.
<blockquote>
 “Енді қызылордалықтар дайын құжаттарды немесе автокөлік нөмірін алу үшін мамандандырылған бөлімге бармай-ақ, курьер қызметін пайдалана отырып оны кез келген мекенжайға алдыруға мүмкіндіктері бар. Ол үшін Мамандандырылған бөлімге барып, автокөлік құжаттарын рәсімдеу кезінде қызмет көрсетуші маманға өтініш қалдыру қажет немесе электронды үкімет порталы арқылы өтінішті рәсімдеуге болады.
</blockquote>
Бүгінде мамандар 20-дан астам қызмет алушыға құжаттары мен автокөлік нөмірлерін үйлеріне жеткізіп берген.
Айта кетейік, бұл құжаттарды үйге жеткізіп беру сервисінің құны – 2240 теңге. Қызмет алушы қызмет ақысын дайын құжаттарды алғаннан кейін төлейді.
<img src="https://kyzylorda-news.kz/wp-content/uploads/2020/11/126113209_3733227693396450_5628801048872578407_o-1.jpg" alt="" />
<img src="https://kyzylorda-news.kz/wp-content/uploads/2020/11/126097472_3733227776729775_6464435133893815281_o.jpg" alt="" />

Қызылорда: Құжатты үйге жеткізіп беру 2240 теңге тұрады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Бүгін облыс әкімі Гүлшара Әбдіқалықова «Antikor Live» жобасы аясында «Әкімдіктердің ашықтығы, есептілігі және қол жетімділігі» тақырыбында тікелей эфирде сұхбат берді. Тікелей эфирге сыбайлас жемқорлыққа қарсы қызметінің облыстық департаментінің басшысы Ардақ Ерсейтов қатысты.
Аймақ басшысына әлеуметтік желідегі облыс тұрғындарының пікірлері негізінде сыбайлас жемқорлықпен күрес бағытында атқарылып жатқан жұмыстарға қатысты бірқатар сұрақ қойылды.
<blockquote>
 «Құқықтық статистикалық мәліметтерге жүгінсек осы жылдың 10 айының қорытындысымен сыбайлас жемқорлық сипатында 81 қылмыс тіркелді, өткен жылмен салыстырғанда 26,4% төмендеген. Республикадағы 17 өңірмен салыстыратын болсақ тергеу өндірісінде болған сыбайлас жемқорлық сипатындағы қылмыстық істер бойынша біздің облыс 16-ы позицияға орналасқан. Осы көрсеткіштің өзі біздің бұл саладағы жұмыстардың оң нәтижесі деп білемін», – деді Гүлшара Әбдіқалықова.
</blockquote>
<img src="https://kyzylorda-news.kz/wp-content/uploads/2020/11/photo-nnn1-1258.jpg" alt="" />
Сондай-ақ, облыс әкімі азаматтардың ақпаратқа қол жетімдігін қамтамасыз ету мақсатында мемлекеттік органдардың тарапынан қабылданып жатқан іс-шараларға тоқталып, ашықтық принципін ұстанатынын атап өтті.
Қазіргі таңда, облыстық әкімдіктің ресми интернет-ресурсы арқылы кез-келген азамат мемлекеттік органдардың атқарып жатқан жұмыстары туралы ақпаратты ашық түрде алады. Салалық басқармалардың жұмысы, конкурс хабарландырулары, нормативтік құқықтық актілер, өңірдегі барлық жаңалықтар күн сайын жаңартылып тұрады. Ал, ашықтықтың бір бөлігі – қаржыларға байланысты. Әкімдіктердің ашық бюджеттеріне арналған интерактивті карта әзірленген. Онда барлық салалардың шығыстары туралы толық ақпарат алуға мүмкіндік бар.
«Электронды үкімет», «Ашық диалог» egov.kz порталында тұрақты түрде облыс әкімінің қатысуыммен онлайн режимде түрлі тақырыптарда интернет-конференциялар өткізілуде. Атап айтсақ, 2020 жылы 12 интернет-конференция жоспарланды. Бүгінгі күнге дейін 8 ұйымдастырылып, түскен сұрақтардың барлығына онлайн режимде жауап берілді.
Сонымен қатар, мемлекет тапсырысы бойынша салынып жатқан құрылыс нысандары туралы толық ақпаратты арнайы сайтта орналастырып, халыққа қолжетімді ету мақсатында құрылыс саласында «Халық мониторинг» (Halyq Monitoring) электронды жүйесі іске қосылған.
Облыс әкіміне кәсіпкерлік субъектілердің заңды мүдделерінің қорғалуын қамтамасыз ету бойынша да сауал қойылды.
<blockquote>
 «Өңірлік бизнес-ортада әкімшілік кедергілерді және сыбайлас жемқорлық көріністерін жою, кәсіпкерлердің заңды мүдделерінің қорғау үшін «Бизнесті және инвесторларды қорғау» (Protecting business and investments) жобасы іске асырылуда. Бұл жоба аясында жыл басынан бері облыстағы инвесторлар мен кәсіпкерлерді демеу үшін 6 шетелдік және 15 отандық жобамен келісім-шарт жасалды. Одан бөлек, пандемия кезінде бизнесті жоғалтпау үшін 51 мыңнан астам кәсіпкерге салықтық жеңілдіктер беріліп, 4 мыңнан астам кәсіпкер міндетті әлеуметтік-медициналық сақтандыру төлемінен босатылды», – деді Гүлшара Әбдіқалықова.
</blockquote>
Мұнымен қоса, 9 мың сауда алаңы жалпы сомасы шамамен 700 млн.теңгеге жалдамалық төлемдерді өтеуден босатылған. Ауыл кәсіпкерлерін жеңілдікпен несиелендіруге бағытталған «Қызылорда» өңірлік инвестициялық орталығының қызметі 2025 жылға дейін ұзартылды.
Цифрландыру мәселесіне қатысты ағымдағы жылы 7 бағыт бойынша 13 жоба іске асуда. Оның негізгі бағыттарының бірі -білім беру саласында «Қауіпсіз мектеп» пен денсаулық сақтау саласында «DICOM бейнелерін жіберу және мұрағаттау үшін PACS жүйесін енгізу» және «Медициналық куәландырудың электрондық жүйесі» жобалары және т.б.
Аймақ басшысы мемлекеттік қызмет көрсету, қалыптасқан эпидемиологиялық ахуалға байланысты бөлінген бюджет қаражатының мақсатына сай игерілуін бақылау бағытында атқарылып жатқан жұмыстарға да тоқталды.
Еске салайық, өткен жылы Қазақстан Республикасының Президенті Сыбайлас жемқорлыққа қарсы іс-қимыл мәселелері бойынша кейбір заңнамаларға өзгерістер енгізу туралы Заңға қол қойды. Осы Заңның қабылдануымен елімізде сыбайлас жемқорлыққа қарсы күрестің жаңа кезеңі басталды.

Гүлшара Әбдіқалықова «Antikor Live» жобасы аясында сұхбат берді

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> “Буран” зымыран кешенінің иесі табылды. “Байқоңыр” зымыран-ғарыш компаниясының бас директоры Дәурен Мұса зымыранның жеке тұлғаға емес, “Байқоңыр” ЗҒК-на тиесілі екенін мәлім етті,&nbsp;деп хабарлайды&nbsp;<a href="https://stan.kz/">Stan.kz</a>.
Бұған дейін&nbsp;“Роскосмос” басшысы Дмитрий Рогозин Байқоңырда сақталған “Буран” кемесінің иесіне іздеу салған. Осыдан кейін&nbsp;“Байқоңыр” зымыран-ғарыш компаниясының бас директоры Дәурен Мұса тың ақпаратпен бөлісті.
<blockquote>
 ​”Құрметті Дмитрий Олегович (Рогозин), “Буран 1.02” және ПМ “ОК-МТ 0.07” ғарыш кемелері жеке тұлғаға тиесілі емес, “Байқоңыр”РКК” АҚ балансында.&nbsp;Біз ғарыштық компаниямызды және осы зымырандарды сақтау үшін көп ресурстар жұмсадық.&nbsp;Бұл біздің ортақ тарихымыз”, – деп жазды Дәурен Мұса.
</blockquote>
Айта кетейік,&nbsp;“Буран” зымыраны –&nbsp;&nbsp;95-97% ұшуға дайын болған және монтаждау-жанармай құю кешенінде орналасқан кеменің екінші&nbsp;көшірмесі.&nbsp;Ашық мәліметтер бойынша, ол 1991 жылы “Мир” станциясынан ұшуы керек еді.
Ал “Буран” орбиталық кемесі өзінің алғашқы және жалғыз ғарыштық ұшуын 1988 жылдың 15 қарашасында жасады. Ұшу ұзақтығы 205 минутты құрады, кеме жерді екі рет айналып өтті. Ұшу борттық компьютер мен борттық бағдарламалық қамтамасыз етуді пайдалана отырып, автоматты режимде экипажсыз өтті. Бұл факт Гиннестің рекордтар кітабына енді.

Байқоңырдағы &#8220;Буран&#8221; зымыранының иесі табылды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Синоптиктер 19-21 қарашаға арналған ауа райы болжамын жариялады, деп хабарлайды Қазгидромет.
Алдағы күндері елдің солтүстігінде күн аздап жылына бастайды. Қазақстанның басым бөлігіне Солтүстік-Батыс антициклон әсер етуде. Алайда, атмосфералық фронталды бөліктерге байланысты еліміздің кей жерлерінде қар жауады. Циклон шұңқыры республиканың солтүстік-батыс және солтүстік аймақтарына ауыса бастайды. Бұл ауа температурасының аздап көтерілуіне ықпал етеді.

Алдағы күндері ауа райы жылынады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp; «Браконьер» жедел-профилактикалық іс-шарасы кезінде Жаңақорған ауданының тұрғыны және Түркістан облысы Отырар ауданының тұрғыны заңсыз аңшылықпен айналысқандары анықталды. Олардан тіркеуде жоқ бір аңшы мылтығы алынып, тәркіленді.
Жаңақорған ауданына қарасты Көктөбе ауылынан 70 шақырым болатын далалық жерде мемлекеттік белгісі жоқ мотокөлік тоқтатылды.
Тексеру барысында 2 аңшы мылтығы, оның біреуі тіркеуде жоқ, 18 дана патрон мен Қызыл кітапқа енген екі дана қарақұйрық аңдары және қоян&nbsp; анықталған. &nbsp;
<blockquote>
 &nbsp;«Оқиға орнында күдіктілер 41 жастағы Түркістан облысы Отырар ауданының тұрғыны және 29 жастағы Жаңақорған ауданының тұрғындары ұсталды. Олар Жаңақорған АПБ-ң уақытша ұстау изоляторына қамауға алынды. Осы дерек бойынша Қазақстан Республикасы Қылмыстық кодексінің 337 бабының 4 бөлігімен&nbsp; ( Жануарлардың сирек кездесетін және құрып кету қаупі төнген түрлеріне, сондай-ақ пайдалануға тыйым салынған жануарларға қатысты жасалған заңсыз аңшылық)&nbsp; сотқа дейінгі тергеп – тексеру амалдары жүргізілуде», – делінген полиция департаментінің хабарламасында.
</blockquote>

Қызылорда облысында қарақұйрықтарды атқан браконьерлер ұсталды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Биыл Қызылорда облысында 2181 азамат «Бастау» жобасы бойынша онлайн біліктіліктерін жетілдірді. Оқыған азаматтардың 42 пайызының жобасы, нақтырақ айтқанда жалпы құны 515,9 млн теңгені құрайтын 914 жоба қаржыландырылды. Басым бөлігі «Еңбек» бағдарламасы аясында қайтарымсыз қаржы – грант иегері.
Онлайн оқудың игілігін көрген жандардың бірі – қызылордалық Салтанат Қылышбекқызы. Ол 10 жылдан бері гүл өсіру, гүлмен әрлеу, көркемдеу саласында еңбек етеді. Бұл бизнесте сұраныстың жоғары екенін байқаған кәсіпкер гүл дүкенін ашу мақсатында Кәсіпкерлер палатасынан кеңес алады, «Бастау» жобасын онлайн оқып, бизнес біліктілігін арттырады. Осылайша «Еңбек» бағдарламасы аясындағы гранттық конкурсқа қатысып, қайтарымсыз қаржыға қол жеткізеді.
<blockquote>
 &nbsp;«Бастау» жобасын онлайн бітіріп алғаннан кейін жобамды гранттық комиссия алдында қорғадым. Осылайша 555 600 грант ұтып алдым. Бұл кезге дейін Қызылорда қаласының орталығында жұмыс жасап келдім. Арманым гүлдер магазинін ашу керек еді. Оқудың арқасында өз бизнесімді аштым. Қазір «Шұғыла» мөлек ауданында аштым. Тұтынушылар риза, қуанышты. Табысым да, шүкір, жақсы», – дейді жас кәсіпкер Салтанат Қылышбекқызы.
</blockquote>
Кәсіпкер бүгінде «Бастау» жобасында алған біліктілігін бизнесте қолданып, қызмет көрсету сапасын жетілдіре түсуде. Гүлден түрлі сыйлық түрлерін жоғары талғаммен жасайды. Бұл жерде оның бейнелеу өнері мамандығы бойынша алған кәсіби білімі де көмектесуде.
«Шұғыла» мөлтек ауданынан ашылған гүл дүкеніне келушілер қарасы да басым. Әр тұтынушының көңілінен шығу Салтанат үшін де жоғары мәртебе. Қызылордалықтарға кәсіпкер түрлі раушан гүлдерімен қоса, лала, экзотикалық гүлдерді де ұсынуда. Алдағы уақытта үй жағдайында өсірілетін гүл түрлерінің көлемін арттыруды жоспарлауда.

Қызылордалық қайтарымсыз қаржы арқылы гүл бизнесін бастады

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a> Әлеуметтік медициналық сақтандыру қорының сарапшылары мемлекет тегін медициналық көмектің кепілді берілген көлемі (ТМККК) шеңберінде және МӘМС пакеті бойынша Жеткізушілер көрсеткен қызметтердің сапасы мен көлеміне мониторинг жүргізуді жалғастыруда.
Жыл басынан бері, ағымдағы жылдың 10 айында халыққа медициналық көмек көрсету кезінде 46, 6 мыңдай түрлі кемшілік анықталды, медициналық ұйымдарға салынған айыппұл сомасы 402 млн теңгеден асты.
<blockquote>
 «ТМККК және МӘМС пакеттері бойынша Қор жеткізушілері халыққа көрсеткен медициналық қызметтер үшін ақы төлеу осы қызметтердің сапасы мен көлеміне мониторинг жүргізілгеннен кейін ғана жүргізілетінін атап өткен жөн. Іс жүзінде көрсетілген және медициналық көмек көрсету стандарттары мен ережелерін, сондай – ақ клиникалық хаттамалардың ұсынымдарын сақтай отырып, құжатпен расталған қызметтерге ақы төленеді», – деп атап өтті «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
</blockquote>
Қор филиалының директоры түсіндіргендей, анықталған кемшіліктің ең көп саны жан басына шаққандағы нормативке кірмейтін, әрбір қызмет жеке төленетін консультациялық-диагностикалық қызметтерді көрсетумен байланысты. Жалпы құны 50,1 млн теңге болатын 36,8 мыңнан астам осындай ақаулар тіркелді. Сондай-ақ, амбулаториялық-емханалық көмек көрсету кезінде 4,1 мың ақау, тәулік бойы жұмыс істейтін стационарларда медициналық көмек көрсету кезінде 5,5 мың кемшілік анықталды.
Жыл басынан сарапшылар нақты көрсетілмеген қызметтердің 288 – нен астам жағдайын анықтады, олар пациенттер медициналық қызметті алған болып ақпараттық жүйелерге енгізілген. Осындай жағдайлар бойынша анықталған бұзушылықтар үшін медициналық ұйымдарға 3,6 млн теңгеге айыппұл салынды.
&nbsp;Шағым немесе өтініш беру үшін 1406 телефонына немесе Qoldau – 24/7 мобильді қосымшасы арқылы хабарласу қажет.

Қызылордада медициналық қызметтің сапасы бойынша 47 мыңға жуық кемшілік анықталды

<a href="https://kyzylorda-news.kz/?doing_wp_cron=1605585327.3996119499206542968750">Kyzylorda-news.kz.</a>&nbsp;Перудің Лима қаласында ауыр атлетикадан өтіп жатқан онлайн Əлем кубогінде қызылордалық Рахат Бекболат чемпион атанып, Қазақ елінің абыройын асқақтатты.
Сыр елінің зілтеміршісі Рахат жасөспірімдер арасында 102 келі салмақ дəрежесінде өнер көрсетіп, қоссайыс нəтижесінде 319 келіні (140+179) бағындырды.
Айта кетейік, былтырғы жылы Солтүстік Кореяның Пхеньян қаласында жəне Ташкентте өткен өткен Азия, Лас-Вегастағы Əлем чемпионаттарында алтын медальдарды иеленген болатын.
Ол 16 жасында Əлем рекордын орнатып, ️Азияның “Үздік спортшысы” номинациясының иегері атанған.
Бапкері: Нұржан Смаханов, Арман Абдраев.
Жарыстың соңғы күні, бүгін 81 келіден жоғары салмақта қызылордалық Айсамал Сансызбаева өнер көрсетеді.
11-18 қараша аралығында өтіп жатқан дүбірлі бəсекеге 61 елден 399 спортшы қатысуда.

Қазақстан және Қызылорда облысының жаңалықтары

Қызылордада 896 медицина қызметкері үстемақы алды

Сырдария ауданында жаңа мешіт ашылды

Қызылордада 320 жүргізуші Армениядан әкелінген автокөліктерін тіркеді

ЖСН арқылы өз сайлау учаскеңізді анықтаңыз

Қызылорда: Құжатты үйге жеткізіп беру 2240 теңге тұрады

Гүлшара Әбдіқалықова «Antikor Live» жобасы аясында сұхбат берді

Байқоңырдағы “Буран” зымыранының иесі табылды

Алдағы күндері ауа райы жылынады

Қызылорда облысында қарақұйрықтарды атқан браконьерлер ұсталды

Қызылордалық қайтарымсыз қаржы арқылы гүл бизнесін бастады

Қызылордада медициналық қызметтің сапасы бойынша 47 мыңға жуық кемшілік анықталды

Қызылордалық спортшы Əлем кубогінің чемпионы атанды

Қазақстан және Қызылорда облысының жаңалықтары

Қызылордада 896 медицина қызметкері үстемақы алды

Сырдария ауданында жаңа мешіт ашылды

Қызылордада 320 жүргізуші Армениядан әкелінген автокөліктерін тіркеді

ЖСН арқылы өз сайлау учаскеңізді анықтаңыз

Қызылорда: Құжатты үйге жеткізіп беру 2240 теңге тұрады

Гүлшара Әбдіқалықова «Antikor Live» жобасы аясында сұхбат берді

Байқоңырдағы &#8220;Буран&#8221; зымыранының иесі табылды

Алдағы күндері ауа райы жылынады

Қызылорда облысында қарақұйрықтарды атқан браконьерлер ұсталды

Қызылордалық қайтарымсыз қаржы арқылы гүл бизнесін бастады

Қызылордада медициналық қызметтің сапасы бойынша 47 мыңға жуық кемшілік анықталды

Қызылордалық спортшы Əлем кубогінің чемпионы атанды

Байқоңырдағы “Буран” зымыранының иесі табылды