<a href="https://kyzylorda-news.kz/">Kyzylorda-news.kz.</a> Бүгін Қызылорда қалалық қоғамдық кеңестің кезекті отырысы өтті.
Күн тәртібіндегі басты мәселе – қаладағы жолаушылар тасымалы болды.
Кеңес барысында қала көлемінде шалғай орналасқан елді мекендердегі тұрғындарға қоғамдық көлік тасымалымен тұрақты сапалы қызмет көрсету мақсатында облыстық бюджеттен субсидиялауға ұсыныс білдіру мәселесі талқыланды.
Бұдан бөлек, қоғамдық көліктердің жол сызбасын оңтайландыру үшін бүгінде қала әкімдігімен мемлекеттік сатып алу конкурсы жарияланған. Конкурс негізінде Алматы қаласының Көлік және коммуникациялар ғылыми-зерттеу институты қазіргі таңда зерделеу жұмыстарын жүргізуде. Жаңа жол сызба құруда тұрғындардың сұранысын қанағаттандыру басты назарға алынған.
Сонымен қатар, оқушылардың қауіпсіз қозғалысы үшін аялдамалар бойында жол сызбаларынан бөлек сәйкесінше жол белгілерін орнатуға ұсыныс білдірілді.
Кеңес мүшелерінің ұсыныстары негізінде қала әкімінің орынбасары Е.Рахматуллаев заң аясында тиісті зерделеу жұмыстарын жүргізе отырып, мекемелерге ұсыным беру бойынша жұмыстар жүргізілетіндігіне тоқталды.
Айта кету керек, «Цифрлы Қазақстан» мемлекеттік бағдарламасы аясында қалаішілік қоғамдық көліктерде электронды төлем жүйесін орнату бойынша Алемпай (Alempay) ЖШС-мен «Қызылорда» автобус паркі» ЖШС-нің теңгеріміндегі 103 автобусқа орнатылды. Дегенмен, электронды төлем жүйесі құрылғысын орнатуда жеке тасымалдаушылар тарапынан бүгінде белсенділік болмауда.
Осы ретте, кеңес мүшелерімен жеке тасымалдаушылар арасында электронды төлем жүйесі құрылғысын орнатудың тиімділігін насихаттау бағытындағы жұмыстарды күшейту ұсынылды. Бұл бағыттағы жұмыстарға кеңес мүшелері де қолдау білдіретіндіктерін жеткізді.

Қызылорда: Қоғамдық көлік қызметі көңілден шыға ма?

<a href="https://kyzylorda-news.kz/">Kyzylorda-news.kz.</a>&nbsp; Қызылордада 650 мыңнан астам адам МӘМС жүйесінде сақтандыру мәртебесіне ие болды. Бұл туралы Өңірлік коммуникациялар қызметінің ақпараттық алаңында өткен брифингте «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
<blockquote>
 «Бүгінде МӘМС жүйесінен жеңілдетілген санаттағы азаматтар «Qoldau-24/7» мобильді қосымшасы арқылы уақытша сақтандыру мәртебесін ала алады. Мысалы, жұмыс істемейтін жүкті әйелдің МӘМС жүйесінде сақтандыру мәртебесі жоқ. Ол мобильді қосымшада «Жеңілдік санатына уақытша мәртебе беру» батырмасына өтіп, мәртебесін, аймағын, ЖСН-ді көрсетіп, жеңілдік санатын растайтын құжатын тіркеу қажет. Содан кейін сарапшылар жүктілікті растайтын анықтамалардың негізінде бір айға уақытша мәртебе береді. Осыдан кейін жүкті әйел есепке алынады. Жалпы, жыл басынан бері аймақтың 650-ге жуық тұрғыны уақытша сақтандыру мәртебесін алды», – деді Бақыт Торғайбайұлы.
</blockquote>
Айта кетейік, «Qoldau-24/7» мобильді қосымшасын қолдана отырып, сақтандыру мәртебесін және медициналық сақтандырудағы төлемдердің мөлшерін білуге болады. Коронавирус инфекциясына қарсы вакцинация туралы сауалдарға да жауап аласыз.

650 мыңнан астам азамат сақтандыру мәртебесін алды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысы бойынша ҚАЖ департаментінің аумақтық&nbsp; пробация қызметінің есебінде тұрған азаматтарға &nbsp;әлеуметтік-құқықтық көмектер белсенді көрсетіліп келеді. Қазіргі таңда пробация есебіндегі жазасын өтеушілердің басым көпшілігі жеке кәсіпке бет бұрған.
Есептегі азаматтардың бірі мал шаруашылығымен айналысса, бірі бетон өнімдерін шығарып, шаштараз, компьютер жөндеу орталықтарын ашып, кәсібін дөңгелетіп отыр. Солардың бірі Қызылорда қалалық &nbsp;пробация есебіндегі Айбек есімді жігіт. Шеберді сөзге тартып, сыры көп тігін кәсібін қайдан, қалай игергендігін&nbsp; сұрап білдік.
Айбек жастықтың желігімен бұзақылық және кісі өлтіру бабымен істі болады. Небәрі 20 жасында 8 жылды арқалап абақтыға қамалады. Ол Қызылорда қаласындағы қауіпсіздігі барынша жоғары мекемесінде жазасын өтей жүріп, кәсіптік білім алып, тігінші мамандығын алады.
<blockquote>
 «Мектепті де жақсы оқыдым деп айта алмаймын. Қызба мінезім бар. Осы қызба мінезімнен опық жеп, темір тордан бір –ақ шықтым.&nbsp; Жоғары білім де ала алмадым. Мекемеде жазамды өтей жүріп,білім алуға ұмтылдым. Жаныма жақындау тігіншілік мамандығын таңдап,осы мамандықта &nbsp;оқи жүріп, &nbsp;маталардың түрін ажырату, өрнек салу, бұйымдарды пішінге келтіруді үйрендім. Диплом алған соң, мекеме қызметкерлері мекеменің өндіріс аймағындағы тігін цехына жұмысқа орналастырды. Мен кез-келген тігін машинасын қалай түзетуді, матамен жұмыс жасағанда инелер мен жіптердің санын таңдауды, тігісті қалай түзетуді білдім . Егер осы қылмысты жасамағанда тігінші болмас едім. Тігінші болу үшін шыдамдылық, икемділік, ептілік қасиеттер болса жеткілікті. Өз бойымдағы осындай қасиеттердің &nbsp;арқасында біраз нәрсе үйрендім» – дейді Айбек.
</blockquote>
&nbsp;Ол 2019 жылы Қызылорда қаласының №2 соттың қаулысымен Қылмыстық кодексінің 73- бабына сәйкес жазасының өтелмеген бөлігі бас бостандығын шектеу жазасына ауыстырылып, темір тордан босатылып, пробация есебіне алынды. Абақтыдан шыққан соң, жеке кәсіп ашсам деген арманы болды. Қызылорда қалалық пробация қызметкерлері әлеуметтік-құқықтық көмек көрсетіп, мемлекет тарапынан берілетін қайтарымсыз қаражатты алуына ықпал етті.&nbsp;
<blockquote>
 «Нәтижелі жұмыспен қамтуды және жаппай кәсіпкерлікті дамытудың 2017 – 2021 жылдарға арналған «Еңбек» мемлекеттік бағдарламасы шеңберінде, «Кәсіпкерлік негіздері» курсын тәмамдап, бизнес жоспар құрып, нәтижесінде, 555 600 теңге көлеміндегі қаражатқа қол жеткіздім. Қайтарымсыз қаражатқа тігін машинасын, қажетті құрал- жабдықтарды сатып алып, қазіргі уақытта &nbsp;тапсырыспен киім тігіп жатырмын. Түзеу мекемесінде алған білімім, кәдеге жарап, өз жеке кәсібімді ашуыма түрткі болды. Мен бұл кәсібіме толықтай дайын болып келдім. Тігіншілік мамандығын алуыма ықпал жасаған ЗК-169/5 мекемесінің &nbsp;қызметкерлеріне және мемлекет тарапынан берілетін қайтарымсыз қаражатқа қол жеткізуіме көмек көрсеткен Қызылорда қалалық пробация қызметкерлеріне алғысым шексіз», -деп әңгімесін аяқтады. Айбекпен әңгіме барысында&nbsp; Мұқағали атамыз мына бір өлеңі ойыма оралды.
 Өкінбе, өкпелеме, бүгініңе,
 Өмір, өмір! Болмайды түңілуге,
 Мәңгі сені жазбаған сүрінуге,&nbsp;
 Қайта тұрып,&nbsp;қақың бар жүгіруге.
</blockquote>
&nbsp;Біз де Айбектің кәсібін одан әрі дамытып, өз ісінің шебері болатынына сеніміміз мол.
Мемлекетіміз тарапынан жасалып жатқан бұндай көмектер пробация қызметі есебіндегі азаматтарды қайта әлеуметтендіруге зор көмегін тигізуде.

Түзеу мекемесінен тігінші мамандығын алған қызылордалық жеке кәсібін ашты

<a href="https://kyzylorda-news.kz/">Kyzylorda-news.kz.</a> Кеше Қызылорда қаласындағы жеке үйлердің бірінде облыс орталығының 2 тұрғыны спирттік ішімдікті мөлшерден тыс пайдалануы қайғылы жағдайға әкеп соқтырды. &nbsp;
Ішімдік ішкен 2 азамат жанжалдасып, салдарынан олардың бірі екіншісінің аяғына пышақ жарақатын салған. Соңғы оқиға орнында қайтыс болды.
Тергеу барысында оның бұрын сотталған, қаланың жұмыссыз тұрғыны екені анықталды. Қазір ол уақытша ұстау изоляторында қамауда. Сот сараптамалары тағайындалды.&nbsp;&nbsp;
Қазіргі уақытта, аталған дерек бойынша Қазақстан Республикасы Қылмыстық кодексінің 99-бабы&nbsp;(Адам өлтіру, яғни басқа адамға құқыққа қарсы қасақана өлім келтіру)&nbsp;бойынша сотқа дейінгі тергеп-тексеру амалдары жүргізілуде.
Қылмыстың осы түрін жасағаны үшін сот шешімімен 8 жылдан 15 жылға дейінгі мерзімге бас бостандығынан айыру түріндегі жаза көзделген.

Қызылордада ішімдік ішкен тұрғын танысын өлтіріп алды

<a href="https://kyzylorda-news.kz/">Kyzylorda-news.kz.</a>&nbsp; Жапонияның солтүстік-шығысындағы Фукусима префектурасында олимпиада алауы жағылды. Он мыңға жуық желаяқ кезектесе отырып күншығыс еліндегі 47 префектурада алауды алып өтеді.
Токиодағы Олимпиада ойындары осы жылдың 23 шілдесі мен 8 тамызы аралығында өтеді. Олимпиада алауы Фукусима префектурасындағы J-Village футбол орталығының аумағында тұтатылды.
Осылайша, жазғы Олимпиада ойындарына дейінгі төрт айдың кері санағы басталды.
Елдегі коронавирусқа қарсы шаралардың күшіне енуіне байланысты олимпиада алауының эстафетасын бастау салтанатына көрермендер қатысқан жоқ.
Ал алдын ала жоспар бойынша бұл шараға бас-аяғы үш мыңға жуық адамның қатысуы көзделді.
Жапония билігі инфекцияның таралу қаупі жоғары болғандықтан аталған шараның ауқымын едәуір қысқартты.
Алауды алып жүретін эстафета кезінде де сақтық шаралары қатаң сақталатын болады. Эстафета 121 күнге созылады.
<img src="https://kyzylorda-news.kz/wp-content/uploads/2021/03/16607942.jpg" alt="" />
<img src="https://kyzylorda-news.kz/wp-content/uploads/2021/03/16607990.jpg" alt="" />
<img src="https://kyzylorda-news.kz/wp-content/uploads/2021/03/16608392.jpg" alt="" />
<img src="https://kyzylorda-news.kz/wp-content/uploads/2021/03/16608546.jpg" alt="" />
<a href="https://sputnik.kz/photo/20210330/16655687/Japoniya-zhazgy-Olimpiada-oyindary.html?fbclid=IwAR2pW2naOWqCpyvgI-8JdvwwrjPiCdVop8f3tPEfErYFSU_BA0Gq3qDsD4I">Sputnik</a>

Жапонияда жазғы Олимпиада ойындарының алау эстафетасы басталды (ФОТО)

<a href="https://kyzylorda-news.kz/">Kyzylorda-news.kz.</a> Биыл бірінші сынып оқушыларының құжаттарын қабылдау сәуір айының бірінен басталады.
Тамыз айының біріне дейін жалғасады. Өтінішті электронды түрде береді. Ал шалғай ауылдағылар үшін мектептерде құжатты қолма-қол тапсырады.
<blockquote>
 «Ата-аналар мектепті алдын-ала анықтауға мүмкіндігі болады. Тиісінше білім ұйымдары қажетті оқу құралдарын дайындайды», – деді облыстық білім басқармасының басшысы Ақзира Қасымова.
</blockquote>
Бірінші сыныпқа алты жастағы балалар қабылданады. 2021-2022 оқу жылында облыс бойынша 1-сыныпқа 19 мыңнан аса бала барады деп күтілуде.

Қызылорда: Биыл 1-сыныпқа 19 мыңнан аса бала барады

Сыр анасы – Сәлима

<a href="https://kyzylorda-news.kz/">Kyzylorda-news.kz.</a> Биыл Қызылорда облысы бойынша 188,2 мың гектарға егiс егіледі.
Оның ішінде дәндi дақылдар 96,6 мың, майлы дақылдар 6,7 мың, мал азықтық дақылдар 66,4 мың, картоп, көкөнiс, бақша 18,5 мың гектарды құрайды. Негізгі дақыл күрiштің көлемі 84,4 мың гектар.
Сондай-ақ, әртараптандыру бағытында соя дақылын 98 гектарға, қант құмайын 40 гектарға және 66 гектарға жеміс-жидек, жүзім отырғызылмақ.
<blockquote>
 «Облыс аумағында ауа-райының күрт өзгеруіне байланысты, көктемгі дала және егін егу жұмыстарын сәл кешігіп бастадық. Бүгінде мақсары, жаздық және күздік бидайды егіп жатырмыз. Ал күріш дақылын егу сәуір айының 22-нен басталады. Сондай-ақ, биыл су үнемдеу технологиясын қолдану арқылы ауыл шаруашылығы дақылдарын егуді де жоспарлап отырмыз. Алда тамшылатып суару әдісімен жоспарланған 3 мың гектарға қызанақ, жаңбырлатып суару әдісімен – 87 гектарға жүгері және 10 мың гектарға жоңышқа егуді бастаймыз», – деді облыстық ауыл шаруашылығы басқармасының басшысы Шахмардан Қойшыбаев.
</blockquote>
Айта кетейік, қазіргі таңда егістікке қажетті тұқымдық материалдар толық қамтамасыз етілді. Сондай-ақ, минералды тыңайтқыштар бойынша қажетті 61,8 мың тоннаның 45,2 мың тоннасы және қажетті 78 мың литр гербицидтердің 15 мың тоннасы сатып алынды. Ал ауылшаруашылық құрылымдары бойынша «ҚазАгроҚаржы» АҚ-ы арқылы жыл басынан бері 192,9 млн.теңгеге 8 тракторр, 1 жатка, 2 дәнсепкіш, 6 басқа арнайы техника алынды.
Жалпы, бүгінде барлық аудандар мен Қызылорда қаласының су шаруашылығы нысандары егіс науқанына дайын. Оның ішінде шаруашылықаралық каналдар мен ішкі каналдар 70 пайызы тазаланып, насос қондырғылар мен гидробекеттер жөнделді.

Қызылордада 188,2 мың гектарға егіс егіледі

<a href="https://kyzylorda-news.kz/">Kyzylorda-news.kz.</a> 1 сәуірден бастап IV оқу тоқсаны басталады. Қызылорда облысы “жасыл аймақ” қатарында болғандықтан Қызылорда облысының бас мемлекеттік санитариялық дәрігерінің №5 қаулысына сәйкес, 1-11 сынып оқушылары дәстүрлі форматта оқиды. Оқытудағы ерекшеліктерді облыстық білім басқармасының басшысы Ақзира Қасымова баспасөз брифингте баяндады.
<blockquote>
 “Соңғы оқу тоқсанындағы ерекшелік – 6, 7, 8, 10 сынып оқушылары мектепке барып оқып, мектептер 100 пайыз штаттық режимде жұмыс жасайтын болады. Оушылар негізгі пәндерді дәстүрлі, қалған пәндерді қашықтан оқи береді. Мәселен, музыка, көркем еңбек, информатика, құқық негіздері, графика және жобалау, кәсіпкерлік және бизнес негіздері пәндерін оқушылар қашықтан оқи алады. Ал, дене шынықтыру сабақтарын таза ауада өткізу ұсынылды”, – деді Ақзира Қасымова.
</blockquote>
Айта кетейік, жекелеген пәндерді қашықтан оқыту мәселесін әр мектеп өзі дербес айқындайтын болады. Өңірде 1 сәуірде 301 мектептегі 169 883 оқушы мектепке барып оқуды бастайды.

Қызылордада 170 мыңға жуық оқушы мектепке барады

<a href="https://kyzylorda-news.kz/">Kyzylorda-news.kz.</a> Жыл басынан Қызылорда қаласы бойынша атаулы әлеуметтік көмек алушыларға мемлекеттік сатып алу негізінде «Ажар City» сауда үйі арқылы азық-түлік түрінде әлеуметтік пакеттер таратылуда.
Осы бағытта облыстық жұмыспен қамту және әлеуметтік бағдарламалар басқармасының ақпараты бойынша ағымдағы жылдың 1 наурызына қала бойынша 3821 отбасы (18510 адамға) 342 110,9 мың теңге тағайындалып, 3301 отбасы (18500 адамға) 164 695,0 мың теңге төленген.
Кеше «Nur Otan» партиясы облыстық филиалы жанындағы партиялық бақылау комиссияның мүшелері «Ажар City» сауда орталығында болып, таратылатын азық-түлік сапасына, сақталу мерзіміне зерделеу жұмыстарын жүргізді.
Зерделеу барысында жарма ұнтағын өлшеп салу (расфасовка) кезінде пайдалану мерзімін толық көрсету, азық-түлікті өлшеп салуға (расфасовка) кәсіпорынның рұқсат қағаздарын көрнекі жерге ілуді, азық-түлікті алушыларға сақталу мерзімін көрсетіп тарату бағытында ұсыныстар айтылды.
Жалпы тұрғындарға таратылатын азық-түліктің сақталу мерзімдері бұзылмаған. Азық-түлікті қоймада сақтау, оны әрі қарай таратудың санитарлық нормалары да сақталған.
<img src="https://kyzylorda-news.kz/wp-content/uploads/2021/03/166498989_1129150000830842_2104790568486034929_n.jpg" alt="" />
<img src="https://kyzylorda-news.kz/wp-content/uploads/2021/03/166512906_1129149890830853_4765460311841687128_n.jpg" alt="" />

Қызылордада азық-түлік сапасы мен сақталуына бақылау жасалды

<a href="https://kyzylorda-news.kz/">Kyzylorda-news.kz.</a>&nbsp;Бүгінгі таңда субсидия алуға өтінім Алматы, Жамбыл, Қостанай және Түркістан облыстарында қабылданып жатыр. Бұл туралы Орталық коммуникациялар қызметінде өткен көктемгі егіс жұмыстарына дайындық туралы брифингіде айтылды, деп хабарлайды ҚазАқпарат
<blockquote>
 «Жалпы, бүгінде ауыл шаруашылығы дақылдарын себу жұмыстары Алматы, Жамбыл, Қызылорда және Түркістан облыстарында жүргізілуде. Атап айтқанда, 67,8 мың га жаздық дәнді дақылдар, 6,5 мың га картоп, 10,3 мың га көкөніс дақылдары, 18,8 мың га көпжылдық шөп егілген. Егіс науқаны барлық қажетті ресурстармен қамтамасыз етіледі. Бүгінгі күні 2,4 млн тонна тұқым толтырылды, бұл – жоспардың 100,2%», – дейді ҚР АШМ өсімдік шаруашылығы өнімдерін өндіру және қайта өңдеу департаментінің директоры Азат Сұлтанов.
</blockquote>
Оның айтуынша, 2021 жылы тұқым шаруашылығын қолдауға 11,8 миллиард теңге бөлініп, 82,1 мың тонна элиталық тұқым мен 3,8 миллион көшет сатып алынады.
<blockquote>
 «Минералды тыңайтқыш сатып алуды субсидиялауға облыстардың жергілікті бюджетіне 26,1 миллиард теңге қарастырылған. Облыстық әкімдіктердің жедел ақпаратына сәйкес, республика аграрийлеріне көктемгі дала жұмысын жүргізу үшін 117,6 мың тонна минералды тыңайтқыш жеткізілді. Бүгінгі таңда субсидия алуға өтінім Алматы, Жамбыл, Қостанай және Түркістан облыстарында қабылданып жатыр. Жақын уақытта Батыс Қазақстан және Солтүстік Қазақстан облыстарында өтініш қабылдау басталады. Басқа аймақтарда субсидия тізімі мен нормаларын бекіту соңғы сатыда. Премьер-Министр Үкіметтің бүгінгі отырысында стандарттарды бекітуді бір апта ішінде аяқтау туралы тиісті тапсырма берді», – дейді ол.
</blockquote>

Қай облыстарда субсидия алуға өтінім қабылданып жатыр

<a href="https://kyzylorda-news.kz/">Kyzylorda-news.kz.</a> Сырдария ауданының әкімі Талғат Дүйсебаев «Қызылорда-Жалағаш» автожолы бойындағы «Елтай» каналына салынып жатқан көпірдің құрылыс жұмыстарымен танысты.
Аудан басшысы құрылыс жұмыстарының сапалы жүргізілуіне, көпірдің уақытылы пайдалануға берілуіне мән берді.
Қызылорда қаласына баратын жолдағы 1974 жылы салынған көпірдің тозығы жеткен. Соған орай 2020 жылы жаңа көпірдің салынуына республикалық және облыстық бюджеттен 141 млн теңге қаржы бөлініп, құрылыс жұмыстары басталды. «Елтай» көпіріне салынып жатқан көпір құрылысы 2021 жылға өтпелі. Биылғы жылдың 3 мамырында жаңа көпір толық аяқталуы тиіс. Құрылыс жұмыстарын мердігер компания «Асылжас» ЖШС жүргізуде. Негізінен, канал арқылы А.Тоқмағамбетов ауылына қарасты 3360 гектар суармалы жерлерге су жеткізіледі.
Мердігер компания директоры Қазбек Жұмагелдиев бүгінде көпір салу жұмыстары өз деңгейінде жүргізіліп жатқанын жеткізді. Құрылыс жұмыстары өз уақытында аяқталатынын атады. Аудан әкімі жаңа көпірдің сапалы салынуына және уақытынан ерте аяқтау қажеттілігіне тоқталды.
<blockquote>
 «Осы жол арқылы Сырдария, Жалағаш ауданының тұрғындары облыс орталығына қатынап, көптеген техника жүреді. Сондықтан «Елтай» каналына салынып жатқан көпір құрылысы сапалы жүргізілуі тиіс. Сондай-ақ құрылысты бекітілген уақыттан ерте аяқтау қажет. Өйткені, қазір егін науқаны басталды. Канал арқылы аудан шаруашылықтарының егістігіне су барады. Осыны ескеріп, құрылысты жеделдету керектігін назарға саламын», – деді аудан басшысы.
</blockquote>
<img src="https://kyzylorda-news.kz/wp-content/uploads/2021/03/166613362_877966829432877_2100028795533548435_n.jpg" alt="" />

Қазақстан және Қызылорда облысының жаңалықтары