<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Бүгін Қызылорда қала әкімінің орынбасары Асқарбек Есжанов Ауған соғысының ардагерлерімен кездесіп, мерейтоймен құттықтады.
Бүгінде Отан алдындағы борышын өтеу жолында асқан ерлік көрсеткен ардагерлердің бірі Рашид Сәбитұлы жетпіс жасқа және Нұржан Ғаниұлы алпысқа толған мейрейтойларын атап өтуде.
Елдің ертеңі үшін қалтықсыз қызмет жасаған, өз Отанына деген шынайы жанашыр аға буын өкілдерін ұлықтау, құрмет көрсету назардан тыс қалған емес. Осы орайда, Асқарбек Темірбекұлы от пен оқтың ортасынан елге аман-есен оралып, өскелең ұрпаққа патриоттық тәрбие беруде өз үлестерін қосып жүрген Ауған соғысының ардагерлеріне шынайы алғысын жеткізе отырып, құрметпен шапан жапты.
Ауған соғысының ардагері Әлібек Жаров ардагерлерге көрсетілген құрмет үшін алғысын жеткізіп, еліміздің өркендеу жолындағы еңбекке табыс, өскелең ұрпаққа бейбіт өмір тіледі.
<img src="https://kyzylorda-news.kz/wp-content/uploads/2021/04/169856075_2808903779376362_4956405072276275635_n.jpg" alt="" />
<img src="https://kyzylorda-news.kz/wp-content/uploads/2021/04/170535404_2808903566043050_2377397296463544237_n.jpg" alt="" />

Қызылордада Ауған соғысының ардагерлеріне құрмет көрсетілді

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Алексей Цой әзірге екпе салдырмайды. Отандық вакцинаны күтеді. Елордадағы емхана жұмысын тексеруге келген министр осылай деді.
Айтуынша, «QazVac» қазір соңғы сатысынан өтіп жатыр. Осы айдың соңына қарай қолданысқа еніп қалуы мүмкін.
Осы ретте ведомство басшысы «Қарағандыдағы фармацевтикалық зауытта өндіріліп жатқан ресейлік «Спутник V» вакцинасын отандық өнім» деп, айды аспанға бірақ шығарды. Сөзіне сенсек, басқа ел ойлап тапқан өНімді өзімізде өндіру де өте күрделі технология. Сондықтан әлгі вакцинаны Қазақстанда шығарылған деп толық сеніммен айтсақ болады деді.
<blockquote>
 «Спутник Ви» де қазақстандық вакцина. Ол біздің елде өндірілген. Субстанциясы Ресейге тиесілі шығар. Бірақ вакцина Қазақстанда өндірілді. Сондықтан оны отандық өнім деп айтуға болады. Сыртқы қаптамасында да Қазақстанда шығарылған деп жазылады», – дейді ҚР Денсаулық сақтау министрі Алексей Цой.
</blockquote>
<a href="https://24.kz/kz/zha-aly-tar/o-am/item/465994-aleksej-tsoj-zirge-vaktsina-saldyrmajdy">Хабар 24</a>

Алексей Цой әзірге вакцина салдырмайды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Cаясаттағы әйелдердің үлесі бойынша елдер рейтингінде Қазақстан 193 елдің ішінде 104-орынды иеленді.
Қазақстандағы саяси тепе-теңдікті бағалау 22 балды құрады. Мемлекетке берілуі мүмкін ең төменгі баға — 0, ең жоғарғысы — 100 (бұл елдегі саяси маңызды лауазымдардың 50%-ы әйелдерде дегенді білдіреді).
Саяси тепе-теңдікті бағалау әйелдердің билікте болу фактісін, яғни әйелдердің ықпалы мен саяси қалауын емес, сандық қатысуын ғана ескереді.
Барлық қатысушы елдер арасында ағымдағы жылдың басында 21 ғана 50 және одан да көп балл жинады. Сондай-ақ жыл басында қарастырылып отырған 22 елдің ішінде мемлекет немесе парламент басшысы әйел болған. Анықтама үшін: 1946 жылдан бергі кезеңде әйелдер рейтингке қатысушы барлық елдердің тек 68-інде ғана мемлекет немесе үкімет басында болды.
Рейтингті Коста-Рика, Руанда, Исландия, Швеция және Финляндия бастап тұр. ЕАЭО елдері арасында Қазақстан Беларуське ғана жол берді (әлемде 49-орын, бағалау – 38), сонымен қатар елдің позициясы Армения, Қырғызстан және Ресейге қарағанда жоғары болды.
Елімізде өңірлердің 17 әкімі арасында тек Қызылорда облысын ғана әйел басқарады. 17 министрліктің ішінде әйелдер тек мәдениет және спорт министрлігі мен Ақпарат және қоғамдық даму министрлігінің басында тұр.
Соңғы деректер бойынша (2019 жылы) ел бойынша басшылық лауазымдардағы әйелдердің үлесі орта есеппен 43%-ды құрады, бұл бір жыл бұрынғы 41,2%-ға қарағанда көбірек. Еліміздің 17 өңірінің ішінде басшы әйелдердің үлесі елордада ғана 50%-дан асты. ТОП-3 өңірге Алматы мен Павлодар облысы да кірді. Басшылық лауазымдардағы әйелдердің ең азы Ақтөбе облысында жұмыспен қамтылды (барлығы 27,3%).
<a href="https://lenta.inform.kz/kz/cayasattagy-ayelderdin-ulesi-boyynsha-alemdik-reytingte-kazakstan-104-orynda_a3773216">ҚазАқпарат</a>

Cаясаттағы әйелдердің үлесі бойынша әлемдік рейтингте Қазақстан нешінші орында?

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Қызылорда қалалық Полиция басқармасының кезекші бөліміне қала тұрғыны арызданды.
Жәбірленушінің айтуынша түскі уақыт 15:40 шамасында ұры үй иелерінің жоқтығын пайдаланып, үйінің кіре-беріс темір есігін бұзып кіріп, шкаф ішінен 7-дана алтын алқа, 2-дана алтын білезік, 9 дана алтын сырға, 3-дана алтын сақина, күміс бұйымдарын және де әмиянынан ақша ұрлаған. Осылайша жәбірленушіге келтірілген материалдық шығын 2&nbsp;700&nbsp;000 теңгені құрады.
Қызылорда қаласы Полиция басқармасы қызметкерлері бұл мақсатта жедел-іздестіру шараларын жүргізді. Нәтижесінде «ізін суытпай» 30 жастағы бұрын сотты болған, қала тұрғыны күдікті азамат ретінде тәртіп сақшыларының қолына түсті. Жәбірленушіге ұрланған заттары толықтай қайтарылды.
Күдікті Қызылорда қалалық ПБ-ның УҰИ-на қамауға алынды.
Қазіргі уақытта, Қазақстан Республикасының &nbsp;Қылмыстық кодексінің 188-бабының 3-бөлігінің 3 тармағы (Ұрлық, тұрғын, қызметтiк немесе өндiрiстiк үй-жайға, қоймаға не көлік құралына заңсыз кiрумен жасалған ұрлық) бойынша сотқа дейінгі тергеп-тексеру амалдары жүргізілуде. Күдіктінің өзге де қылмыстарға қатыстылығы анықталуда.
<img src="https://kyzylorda-news.kz/wp-content/uploads/2021/04/01.jpg" alt="" />

Қызылордада 2 млн 700 мың теңгенің затын ұрлаған ұры ұсталды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда оқыс жағдай орын алды. Өз ауласындағы кәріз құдығына, үй иесі абайсызда түсіп кеткен. Бірақ оны құтқару мүмкін болмапты. Тұрғын оқиға орнында қайтыс болды.
Бұл жағдай қала іргесіндегі «Ягодка» саяжайында тіркеліп отыр. 1966 жылы туылған азамат тереңдігі шамамен 1 метр болатын кәріз құдығына құлап кеткен. Бірнеше күн жатып қалыпты. Өйткені үй ішінде ешкім болмаған дейді төтенше жағдай мамандары.
<blockquote>
 «Қазіргі таңда ол мәйіт ІІМ-не өткізілді. Себебі анықталуда қазіргі таңда. Түсіп кеткен уақыты 4-5 күннің шамасын құрайды. Оны экспертизалар анықтайды», – деді Өрт сөндіру және авариялық құтқару жұмыстары қызметі мекемесінің бастығы Нұрсұлтан Ибрагимов.
</blockquote>
<a href="https://astanatv.kz/kz/news/60444/">Astanatv.kz</a>

Қызылорда тұрғыны құдыққа құлап көз жұмды

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Сауд Арабиясы Рамазан айында кіші қажылыққа барғысы келетіндер үшін үш шарттың бірін орындауды міндеттеді. Мұндай шешім COVID-19 инфекциясының одан әрі таралуына жол бермеу мақсатында қабылданып отыр.
Коронавирус инфекциясына қатысты әлемдегі жағдай Сауд Арабиясына Рамазан айында кіші қажылық жасағысы келетіндер үшін бірқатар шектеуді алып тастауға мүмкіндік бермейді.
Биыл Сауд Арабиясындағы діни жерлерге тек үш міндетті шарттың бірін орындағандар ғана бара алады: коронавирусқа қарсы екі рет вакцина салдыру, умраға барардан 14 күн бұрын вакцинаның алғашқы дозасын салдыру немесе сапарға дейін ауырып жазылғандар.
<blockquote>
 “Рамазан айында Мекке мен Мәдинадағы екі қасиетті мешітке умра жасауға және баруға коронавирусқа қарсы вакцинаның екі дозасын алған адамдар, қажылықтан екі апта бұрын вакцина салынған адамдар немесе аурудан жазылған адамдар бара алады”, – деді Сауд Арабиясының SPA жаңалықтар агенттігіне қажылық және умра министрлігінің өкілі.
</blockquote>
Араб елдерінде Ораза айы 13 сәуірде басталады. Бұл уақытты діни сенімдегі адамдар ораза ұстап, дұға жасайды. Сондықтан көп адам Рамазан айында кіші қажылыққа – умраға барады. Оның негізгі қажылықтан айырмашылығы жылдың кез келген уақытында баруға болады.
Биыл үлкен қажылық шілденің екінші жартысында өтеді. Өткен жылы коронавирус пандемиясына байланысты қажылыққа тек патшалықта тұратындар қатысты, он мың адам ғана қажылыққа шақырылды.
<a href="https://sputnik.kz/society/20210406/16718592/Ramazan-ayy-Mekke.html">Sputnik</a>

Рамазан айында кіші қажылыққа барғысы келетіндер үш шарттың бірін орындауы міндетті

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда өткен тәулікте 1711 адам коронавирус індетінен емделіп шықты. Бұл туралы <a href="http://www.coronavirus2020.kz/">www.coronavirus2020.kz</a>&nbsp;хабарлайды.
Аймақтар бойынша:
Нұр-Сұлтан қаласы – 392, 
Алматы қаласы – 565, 
Шымкент қаласы – 28, 
Ақмола облысы – 78, 
Ақтөбе облысы – 46, 
Алматы облысы – 89, 
Атырау облысы – 159, 
Шығыс Қазақстан облысы – 27, 
Жамбыл облысы – 14, 
Батыс Қазақстан облысы – 124, 
Қарағанды облысы – 89, 
Қостанай облысы – 30, 
Қызылорда облысы – 9, 
Маңғыстау облысы – 1, 
Павлодар облысы – 40, 
Солтүстік Қазақстан облысы – 16, 
Түркістан облысы – 4.
Қазақстан бойынша жазылғандар саны – 228089.

Коронавирустан 9 адам емделіп шықты

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қызылорда облысының әкімі Гүлшара Әбдіқалықова сырбойылықтарға өз денсаулығының қожасы өзі екенін ұмытпай, қауіпті індет кезеңінде сақтанып жүруін өтінді. Бұл туралы аймақ басшысы “Facebook” парақшасында жариялады.
Қадірлі жерлестер!
Бүгін – Дүниежүзілік денсаулық күні. Дүниежүзілік денсаулық сақтау ұйымы 1948 жылы құрылған, ал, 1950 жылдан бері құрылған күні атаулы күн ретінде белгіленген. Осы уақыттан бері әлемнің екі жүзге жуық мемлекеті Дүниежүзілік денсаулық сақтау ұйымына мүше болып отыр.
Атаулы күні адамдар өз өмірінде денсаулықтың мәні қаншалықты зор екенін түсініп, бүкіл әлем болып денсаулықты жақсартуға шешім қабылдауы үшін өткізіледі.
Дүниежүзілік денсаулық сақтау ұйымы әр жылды медицинадағы аса көкейкесті мәселелердің біріне арнап отырады.Өткен жылдан бері әлемді жайлаған пандемия індеті адамзат баласының денсаулығына зор зиян келтіргені рас.
Көрінбейтін жауымызға айналған коронавирус індеті тағы қандай түрге еніп, қалай шыға келетіні белгісіз. Сондықтан, біз кез келген уақытта вирусқа қарсы тұра алатындай әзірлікті үзбеуіміз қажет. Сол үшінде қазіргі уақытта халықты ерікті түрде вакцинациялау жүріп жатыр. Оның тиімді екені әлемде дәлелденуде.
Қарап отырсаңыз, адамдардың тығыз жиналған жерінде вирус тез тарайды. Сондықтан да, әрбір адам өзіне ғана емес, отбасына, туған-туысына, айналасындағы адамдарға зиянын тигізбеуі керек. Ол үшін қарапайым қағидатты ескерсе болды: маска, антисептик және арақашықтықты сақтау. Адамзат баласы жаралғалы бері талай қатерлі індетті бастан кешірді емес пе? Олардың әрбірі адам өміріне қайғы-қасірет әкелді.
Денсаулық – баға жетпес асыл дүние. Оны қайтадан орнына әкелу оңайға соқпайды. Сол себепті, жерлестерімнің өз денсаулығының қожасы өзі екенін ұмытпай, қауіпті індет кезеңінде сақтанып жүргенін қалар едім. Саулық – сақтықта!

Гүлшара Әбдіқалықова: Жерлестерімнің қауіпті індет кезеңінде сақтанып жүргенін қалар едім

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a> Қазақстанда өткен тәулікте 2080 адамда коронавирус індеті ПТР арқылы расталып ауырғаны белгілі болды. Бұл туралы &nbsp;<a href="http://www.coronavirus2020.kz/">www.coronavirus2020.kz</a>&nbsp;сайтына сілтеме жасап хабарлайды.
Аймақтар бойынша:
Нұр-Сұлтан қаласы – 372, 
Алматы қаласы – 620, 
Шымкент қаласы – 72, 
Ақмола облысы – 73, 
Ақтөбе облысы – 121, 
Алматы облысы – 280, 
Атырау облысы – 102, 
Шығыс Қазақстан облысы – 39, 
Жамбыл облысы – 31, 
Батыс Қазақстан облысы – 98, 
Қарағанды облысы – 144, 
Қостанай облысы – 34, 
Қызылорда облысы – 25, 
Маңғыстау облысы – 11, 
Павлодар облысы – 25, 
Солтүстік Қазақстан облысы – 20, 
Түркістан облысы – 13.
Жалпы ел бойынша ауырғандар саны 258917.

Қызылорда: Өткен тәулікте 25 адам коронавирус жұқтырды

<a href="https://kyzylorda-news.kz/">Kyzylorda-news.kz.</a>&nbsp; Сәрсенбі күні елімізде жел күшейіп, жаңбыр жауады, кей өңірлерде тұман түседі, көктайғақ болуы мүмкін, деп хабарлайды Қазгидромет.
Синоптиктердің болжауынша, 7 сәуірде Қазақстанның басым бөлігінде атмосфералық ағындардың өтуіне байланысты ауа-райы құбылмалы болады, еліміздің кей жерлерінде жауын-шашын (жаңбыр, қар) түседі, тек оңтүстікте және оңтүстік-батыста және орталықта күн райы ашық. Кей жерлерде тұман түсіп, жел күшейеді, солтүстікте көктайғақ болады.

Сәрсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a><a href="https://kyzylorda-news.kz/">.</a>&nbsp; Ақмола облысының Щучинск қаласында жекпе-жек сайысынан ересектер арасында Қазақстан Республикасының чемпионаты өтті.
Айтулы жарыста жерлесіміз, ҚР спорт шебері Бақытбек Үмбетқұлов 90 келі салмақ дәрежесінде Қазақстан жеңімпазы атанды.
Қарсыластарынан басым түскен жас спортшы осы жеңісі арқылы 4-8 маусым аралығында Ташкентте өтетін Әлем чемпионатына жолдама алды.
Б.Үмбетқұловтың жеңіске жетуіне жаттықтырушысы Дәуірбек Дәулетов ықпал жасады.

Бақытбек Үмбетқұлов жекпе-жек сайысынан Әлем чемпионатына жолдама алды

&nbsp; 
<a href="https://kyzylorda-news.kz/">Kyzylorda-news.kz.</a> Ғылыми әдебиеттердің басым бөлігінде тәуелсіздік қуаттылық пен өз бетінше өмір сүруге қабілеттілік деп түсіндіріледі. Бұл өзгелердің бақылауынан, ықпалынан, қолдауынан еркіндікті білдіреді. Ұлттық тәуелсіздік болса, бұл халықтың өзінің басқару түрін сыртқы ықпалсыз анықтау құқығы мен ұлттық бірегейлігінтанытады. Сондықтан тәуелсіздікке қол жеткізу ұлттық тұтастық пен ел дамуы үшін аса маңызды.
Тәуелсіздік – бір ұлттың, мемлекеттің, діннің екінші бір ұлтқа мемлекетке, империяға, дінге бағынышты емес, дербес территориялық, экономикалық, саяси, діни дербестігін алған жаңа құрылған мемлекетке қолданылатын саяси түсінік. Ол дербес әлеуметтік-саяси, экономикалық қимыл жүргізетін,&nbsp; егеменділіктің белгісі болып табылады. Саяси тұрғыдан қарағанда тәуелсіздік конституциялық құқыққа негізделген мынадай түрлі принциптер мен институттардың сипаттамалық көрсеткіші саналады: егемендік, билік бөлінісі, тұлғаның құқықтық мәртебесі, соттар мәртебесі және т.б.
Отыз жылдық тарихы бар еліміз үшін тәуелсіздік маңызды құндылық болып табылады. Тәуелсіздік ел тұтастығын сақтаудың маңызды тәсілі деп ойлаймыз. Тәуелсіздікті бағалау арқылы адам ең алдымен өзін-өзі анықтап, қоғамдағы рөліне мән береді. Таңдау құқығы, икемділік қабілеті мен күш-жігері арқылы жеке тұлғасын қалыптастырады. Жеке тәуелсіздік дербес және толыққанды тұлға болу қабілетін дамытып, қоршаған орта үшін қажетті мүмкіндіктер жасауға ықпал жасайды.
Халық үшін тәуелсіздік берген еркіндіктің маңыздылығы теңдік және әділеттілікпен тығыз байланысты.Қазіргі таңда халыққа әділ және тең мүмкіндіктер беру арқылы жетістікке жете аламыз. Теңдік пен әділеттіліктітек саяси тұрғыдан ғана емес, әлеуметтік және экономикалық тұрғыдан қамтамасыз ету арқылы елдің дамуы жалғасады.Тәуелсіздік алғаннан кейін қабылданғанеліміздің Конституциясы барлық азаматтар үшін тең құқықты қамтамасыз етудің негізін қалады.
Қазақ ақыны Асан қайғы өз шығармалары арқылы адамгершілік ілімдерді негізге ала отырып, әлеуметтік әділеттілік түсініктерін, «әділетті хан» идеясын, адам туралы көзқарастарын, этикалық және эстетикалық құндылықтардың ара-қатынасын айқындайды. Оның пікірінше, әділдіктің белгісі – бірқалыптылықта; ақылдының белгісі – өткен істі қумауында; надандықтың белгісі – білгеннің тілін алмауда екен. Ол әділеттілікті хан саясатынан іздеп, бірақ оны таба алмай, ханға көптеген өлеңдерін арнап, «әділетті хан» идеясын ұсынады. Асан қайғының саяси-әлеуметтік идеясы оның қоғамдық өмірге терең үңілуінен тарайды.
Тәуелсіздіктің құндылық өлшемдері мәдениетаралық құбылмалылықты көрсететіндіктен, осы өлшемдерге берілген құндылық әлеумет тарапынанықпал жасайды және ұрпақтан-ұрпаққа өзгеріп отырады. Демек, бұл құндылықты келер ұрпаққа жеткізе білу маңызды.Бұл құндылықтарды ұрпақтан-ұрпаққа жеткізу әлеуметтену мен мәдени сабақтастықтыңнегізгі тетіктері болып табылады.Жасыратыны жоқ, социализмнен либералды капитализмге көшу өз жағдайын жақсарту, құзыреттілікбағытында жеке өзін-өзі дамытуға бағыттауға көшірді. Әлеуметтік және мәдени өзгерістер жастармен аға буын өкілдері менталитетінің арасындағы алшақтықтың артуына әкелді. Сондықтан осы алшақтық әлеуметтік өзгерістер туындатпауы үшін үнемі тәуелсіздіктің құндылықтарын есте сақтауымыз қажет.
Мұрат НАСИМОВ,
«Болашақ» Ғылыми-зерттеу институтының директоры

Қазақстан және Қызылорда облысының жаңалықтары

Қызылордада Ауған соғысының ардагерлеріне құрмет көрсетілді

Алексей Цой әзірге вакцина салдырмайды

Cаясаттағы әйелдердің үлесі бойынша әлемдік рейтингте Қазақстан нешінші орында?

Қызылордада 2 млн 700 мың теңгенің затын ұрлаған ұры ұсталды

Қызылорда тұрғыны құдыққа құлап көз жұмды

Рамазан айында кіші қажылыққа барғысы келетіндер үш шарттың бірін орындауы міндетті

Коронавирустан 9 адам емделіп шықты

Гүлшара Әбдіқалықова: Жерлестерімнің қауіпті індет кезеңінде сақтанып жүргенін қалар едім

Қызылорда: Өткен тәулікте 25 адам коронавирус жұқтырды

Сәрсенбіге арналған ауа райы болжамы

Бақытбек Үмбетқұлов жекпе-жек сайысынан Әлем чемпионатына жолдама алды

Тәуелсіздік – маңызды құндылық

Қазақстан және Қызылорда облысының жаңалықтары

Қызылордада Ауған соғысының ардагерлеріне құрмет көрсетілді

Алексей Цой әзірге вакцина салдырмайды

Cаясаттағы әйелдердің үлесі бойынша әлемдік рейтингте Қазақстан нешінші орында?

Қызылордада 2 млн 700 мың теңгенің затын ұрлаған ұры ұсталды

Қызылорда тұрғыны құдыққа құлап көз жұмды

Рамазан айында кіші қажылыққа барғысы келетіндер үш шарттың бірін орындауы міндетті

Коронавирустан 9 адам емделіп шықты

Гүлшара Әбдіқалықова: Жерлестерімнің қауіпті індет кезеңінде сақтанып жүргенін қалар едім

Қызылорда: Өткен тәулікте 25 адам коронавирус жұқтырды

Сәрсенбіге арналған ауа райы болжамы

Бақытбек Үмбетқұлов жекпе-жек сайысынан Әлем чемпионатына жолдама алды

Тәуелсіздік &#8211; маңызды құндылық

Тәуелсіздік – маңызды құндылық