<a href="https://kyzylorda-news.kz/ru/obshestvo/">Kyzylorda-news.kz</a>. 17 қазан күні Қызылорда қаласының орталық алаңында жасөспірімдердің жаппай төбелесі орын алған. Жастардың төбелесі видеоға түсіп қалды.
Бейнежазбадан жасөспірімдердің бір-бірін ұрып, жерге құлағандарды аяусыз теуіп жатқанын көруге болады.
Бұл іске қатысты Қызылорда қалалық Полиция басқармасы түсініктеме берді.
<blockquote>
 «Қызылорда қаласының орталығында түнгі уақытта жас жігіттер өзара келіспей, шу шығарған. Сол жерде патрульдік полиция қызметкерлерімен бірнеше кәмелетке толмағандар ұсталып, қалалық Полиция басқармасына жеткізілді. Дене жарақатын алып, зардап шеккендер жоқ. Бұл дерек бойынша Қазақстан Республикасы Қылмыстық кодексінің 293-бабы (Бұзақылық) бойынша сотқа дейінгі тергеп тексеру амалдары басталды. Оқиғаның барлық мән жайлары анықталуда», – делінген Қалалық полиция басқармасының хабарламасында.
</blockquote>

Қызылордада жасөспірімдер төбелесті (ВИДЕО)

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысы бойынша ҚАЖ департаменті мекемелерінде жазасын өтеуші сотталғандардың қолөнер бұйымдары мен сурет туындыларының «Үміт-2021» байқауын өткізді. Байқауға ЗК-169/1, ЗК-169/4, ЗК-169/5 мекемелерінде жазасын өтеп жүрген сотталғандардың жасаған өнер туындылары қойылды.
Қолөнер бұйымдары мен сурет туындыларды сараптаған қызметкерлер жүлделі І орынға «Кеме» туындысын , ІІ орынға «Қобдиша» , ІІІ орынды «Табиғат» туындысын лайық деп таныды.
<blockquote>
 «Бұл байқаудың мақсаты – жазасын өтеуші сотталғандардың бос уақытын тиімді пайдалануға жұмсатып, өздері ұнатқан іспен айналыстыру. Байқауға сотталғандар бар өнерлерін салып бірі сурет салса, басқа сотталғандар ағаштан түйін түйіп, қолөнер бұйымдарын ұсынды. Өнер адасқан адамның түзу жолға түсуіне көмектеседі. Олардың өмірге деген құлшыныстары артады. Бүгінгі байқауда жеңіске жеткен сотталғандар мадақтау қағазымен марапатталатын болады. Ал сотталғандар қолынан шыққан туындыларын «Атамекен» отбасы үлгісіндегі балалар ауылына апарып бердік», – деді ҚАЖ департаменті САПТЖЖ тобының бас маманы Серік Сейдахметов.
</blockquote>
Бүгінде балалар ауылында жетім балалар мен ата-анасының қамқорлығынан айырылған 47 бала тәрбиелеуде. Мереке сайын балаларды қуантуға асығатын ҚАЖ департаментінің қызметкерлеріне Балалар ауылының ұжымы алғысын айтып, қызметтеріне табыс тіледі.
<img src="https://kyzylorda-news.kz/wp-content/uploads/2021/10/whatsapp-image-2021-10-18-at-15.02.09.jpeg" alt="" />

Қызылордада сотталғандар қолөнер бұйымдарын балалар үйіне табыстады

<a href="https://kyzylorda-news.kz/ru/obshestvo/">Kyzylorda-news.kz</a>. «Қазгидромет» РМК-сы 2021 жылдың 19-21 қазан аралығындағы күн райы болжамын жариялады.
Болжамға сәйкес, үнді жазын Қазақстан аумағына әкелген Антициклонның ықпалынан еліміздің шығысында ғана күн жауын-шашынсыз жылы болады.
Республиканың қалған бөлігіне Мурманск аудандарынан келген циклон әсер ете бастайды. Ол ел аумағы арқылы жылжып, жаңбыр мен қар аралас жаңбыржаууына ықпал етеді. Сондай-ақ, көктайғақ болып, жел күшейеді, солтүстікте жаяу бұрқасын соғып, ауа температурасының төмендейді.

Алдағы күндері күн суытады

<a href="https://kyzylorda-news.kz/ru/obshestvo/">Kyzylorda-news.kz</a>. Ауруды ерте кезеңде анықтау – оның дамуына жол бермейді. Соның ішінде онкологиялық ісіктерді ерте анықтау арқылы адам өмірін сақтап қалуға да болады. Скринингтік зерттеулер скрининг түріне байланысты ТМККК және МӘМС бойынша жүргізіледі. Әлеуметтік медициналық сақтандыру қоры скринингтердің қалай жүргізілетінін және олардан кім өтуі керектігін айтты.
&nbsp;Скринингтік зерттеулер дегеніміз не?
Скринингтік зерттеулер – бұл ауруларды ерте кезеңінде &nbsp;анықтау үшін денсаулығына шағымдары жоқ адамдардың медициналық тексерілуі.
Скринингтер қоғамдық денсаулықты сақтауға бағытталған. &nbsp;Оларды өту әр азаматтың &nbsp;міндеті. «Халық денсаулығы және денсаулық сақтау жүйесі туралы» ҚР Кодексіне сәйкес, жұмыс берушілер өз қызметкерлерінің скринингтен өтуі үшін барлық жағдайды жасауға, оның ішінде адам асықпай тексерілуден &nbsp;өтуі үшін жұмыстан босатуға міндетті.
Скринингтен өту үшін пациенттің МӘМС жүйесінде сақтандырылған мәртебесі болуы қажет.
Скринингтік зерттеулерден кімдер өтуі керек?
Скринингтерді тексерулерде қарастырылған белгілі бір жас тобына кіретіндер өтеді. Мысалы, жатыр мойны обырын скринингтен 30-70 жас аралығындағы әйелдер 4 жылда 1 рет өтеді.
Егер осы жылы науқас скринингтен өту үшін тізімге енгізілсе, учаскелік медбике оны скринингке шақырады және тексеруге қалай дайындалу керектігін айтады.
Скринингке жататын ауруы бойынша «Д» есепте тұрған адамдарға тексеру жүргізілмейді.
Скринингтер&nbsp;&nbsp; түрлері, оларды қашан және кімдер тапсыру керек?
<ul>
<li>МІНЕЗ-ҚҰЛЫҚ ҚАУІП ФАКТОРЛАРЫН ЕРТЕ АНЫҚТАУҒА БАҒЫТТАЛҒАН</li>
</ul>
Мақсатты топ: 30-70 жас аралығындағы ерлер мен әйелдер. Тексеру артериялық гипертонияны, жүректің ишемиялық ауруын, қант диабетін, глаукоманы, онкопатологияны ерте анықтауға жүргізіледі.
Өту мерзімі: 4 жылда 1 рет.
<ul>
<li>АРТЕРИЯЛЫҚ ГИПЕРТОНИЯНЫ, ЖҮРЕКТІҢ ИШЕМИЯЛЫҚ АУРУЫ МЕН ҚАНТ ДИАБЕТІН ЕРТЕ АНЫҚТАУҒА АРНАЛҒАН</li>
</ul>
Нысаналы топ: артериялық гипертониямен, жүректің ишемиялық ауруымен &nbsp;және қант диабетімен динамикалық &nbsp;бақылауда тұрмайтын 40-70 жастағы ерлер мен әйелдер.
Өту мерзімі: 2 жылда 1 рет
<ul>
<li>ГЛАУКОМАНЫ ЕРТЕ АНЫҚТАУҒА АРНАЛҒАН</li>
</ul>
Мақсатты топ: глаукомамен динамикалық бақылауда тұрмайтын 40-70 жастағы ерлер мен әйелдер.
Өту мерзімі: 2 жылда 1 рет
<ul>
<li>ЖАТЫР МОЙНЫ ОБЫРЫН ЕРТЕ АНЫҚТАУҒА АРНАЛҒАН</li>
</ul>
Мақсатты топ: жатыр мойнының қатерлі ісіктерімен динамикалық бақылауда тұрмайтын 30-70 жастағы әйелдер.
Өту мерзімі: 4 жылда 1 рет
<ul>
<li>СҮТ БЕЗІ ОБЫРЫН ЕРТЕ АНЫҚТАУҒА АРНАЛҒАН</li>
</ul>
Мақсатты топ: сүт безінің қатерлі ісіктерімен динамикалық бақылауда тұрмайтын 40-70 жастағы әйелдер.
Өту мерзімі: 2 жылда 1 рет
<ul>
<li>КОЛОРЕКТАЛЬДЫ ОБЫРДЫ ЕРТЕ АНЫҚТАУҒА АРНАЛҒАН&nbsp;</li>
</ul>
Нысаналы топ: тоқ ішектің қатерсіз және қатерлі ісіктерімен динамикалық бақылауда &nbsp;тұрмайтын 50-70 жастағы ерлер мен әйелдер.
Өту мерзімі: 2 жылда 1 рет
<ul>
<li>В ЖӘНЕ С ВИРУСТЫҚ ГЕПАТИТТЕРІН ЕРТЕ АНЫҚТАУҒА АРНАЛҒАН</li>
</ul>
Зерттеудің бұл түрі келесі тәуекел топтары арасында жүргізіледі.
1. Медицина қызметкерлері:
– Қанды қайта өңдеуге қатысатын инвазивтік емшаралар жүргізетін; гемодиализбен айналысатын қан қызметі ұйымдары; &nbsp;
– хирургиялық, стоматологиялық, гинекологиялық, акушерлік, гематологиялық бейіндер, сондай-ақ диагностика мен емдеудің инвазиялық әдістерін жүргізетін; – клиникалық, иммунологиялық, вирусологиялық, бактериологиялық, паразитологиялық зертханалар;
2. Жоспарлы және шұғыл операцияларға түсетін тұлғалар;
3. Гемодиализ, гематология, онкология, транспланттау, жүрек-тамыр және өкпе хирургиясы орталықтары мен бөлімшелерінің пациенттері;
4. Гемотрансфузия, ағзаларды (ағзалардың бөліктерін), тіндерді, жыныстық, феталдық, дің жасушаларын және биологиялық материалдарды транспланттау мен ауыстырып салуды алатын пациенттер
5. Жүкті әйелдер
6. Өмір салтының ерекшеліктеріне байланысты АИТВ-инфекциясын жұқтыру қаупі жоғары халықтың негізгі топтарындағы адамдар
В және С вирустық гепатиттерін ерте анықтауға скринингтік зерттеулерден қауіп топтарының өкілдері 6 айда 1 реттен жиі өтпеуі тиіс.
Скринингтік зерттеулерді кім жүргізеді?
Скринингтерді тіркелген жері бойынша емханалар жүргізеді.
Ауылдық жерлерде тұратын пациенттер үшін олардың медициналық ұйымдарынан басқа (медициналық пункттер, фельдшерлік-акушерлік пункттер, амбулаториялар, емханалар және аудандық ауруханалар) жылжымалы медициналық кешендер мен медициналық поездар скринингтер жүргізеді.
Скринингтік зерттеулерді жүргізу кезеңдері
Скринингтік зерттеулер жүргізу мыналарды қамтиды: дайындық кезеңі, қарап-тексеру және (немесе) зерттеу кезеңі, қорытынды кезең.
Дайындық кезеңін емханада медбике жүзеге асырады және мыналарды қамтиды:
– скринингтік зерттеулерден өту қажет азаматтардың тізімін жасау;
– бұл азаматтарды скринингтік зерттеулерден өту қажеттілігі мен шарттары туралы хабардар ету;
– халықты скринингтік тексеруге шақыру;
– халықтың скринингтен уақтылы өтуін бақылау.
Содан кейін тексеру кезеңі жүргізіледі – бұл учаскелік дәрігердің, бейінді мамандардың, медбикелердің қабылдауы, сондай-ақ скринингтік зерттеу түріне байланысты зертханалық және диагностикалық зерттеулер.
Қорытынды кезең толық тексеруді және анықталған патологиясы бар адамдарды динамикалық бақылауға қоюды қамтиды. Скринингтердің нәтижелері медициналық ақпараттық жүйеге енгізіледі, ал пациент толық тексеру және бақылау бойынша ұсынымдар алады.
Қарап-тексеру барысында анықталған созылмалы аурулары бар адамдар есепке қойылады және динамикалық бақылауда болады. Жіті аурулар анықталған кезде тексеру жүргізіледі, толық сауыққанға дейін пациенттің денсаулық жағдайын кейіннен бағалау арқылы емдеу тағайындалады.
Скринингтік зерттеулер денсаулықты сақтау үшін өте маңызды, өйткені олар аурудың дамуын уақтылы анықтауға және алдын алуға мүмкіндік береді. Әлеуметтік медициналық сақтандыру қоры азаматтарды осы мүмкіндікті өткізіп алмай, емхананың шақыруы бойынша скринингтен өтуге шақырады.
<img src="https://kyzylorda-news.kz/wp-content/uploads/2021/10/skrining_kaz.jpg" alt="" />

Скринингті не үшін өтеді және ол қалай жүргізіледі?

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Қызылорда облысында жемқорлыққа қатысты қылмысты хабарлағаны үшін 10 азаматқа жалпы сомасы 15 миллион теңге мөлшерінде сыйақы берілген, деп хабарлайды <a href="https://sputnik.kz/?_ga=2.59478957.1837331929.1634202820-138522855.1629862799">Sputnik Қазақстан</a>.
Оның ішінде үш азаматқа параның 10 проценті, яғни, 3-8 млн теңге көлемінде біржолғы ақшалай сыйақы тағайындалған. Бұл сыйақы қылмыскерге қатысты сот үкімі шығып, айыпты деп танылғанда ғана беріледі.
Қызылорда облысында соңғы 9 айда 33 сыбайлас жемқорлық қылмысы анықталған.&nbsp;
<blockquote>
 «Әртүрлі салалар бойынша барлығы 38 адам қылмыстық жауапкершілікке тартылды. Мұнда бір республикалық деңгейдегі басшы болса, 8 облыстық деңгейдегі, екі қалалық және төрт аудандық деңгейдегі басшы бар. Олардың қатарында экология, мәдениет, білім, спорт, ішкі істер, жергілікті атқарушы органдары және квазимемлекеттік сектор басшылары бар екенін атап өткен жөн. Аталған тұлғалар бойынша 60 іс сотқа жолданды», – деді брифингте сыбайлас жемқорлыққа қарсы іс-қимыл агенттігінің Қызылорда облысы департаменті басшысының орынбасары Руслан Ягмусов.
</blockquote>
Брифингте келтірілген мәліметтерге сүйенсек, 9 айда 33 сыбайлас жемқорлыққа қатысты қылмыс анықталды. Жемқорлық бойынша 96 іс тіркеліп, оның 60-ы сотқа жолданған. Аяқталған&nbsp; қылмыстық істер бойынша үкіметке 742 млн 84 мың теңге залал келтірілсе, соның 513 млн 371 мың теңгесі өндіріп алынған.
Бұдан бөлек, 9 ай ішінде жүйелі жемқорлық сипатындағы 5 қылмыстық іс тіркелді. Парақорлық фактілері бойынша – 21, шағын және орта бизнес қызметіне заңсыз араласу бойынша – 5, мемлекеттік бағдарламаларды игеру бойынша 13 қылмыс анықталды.
Айта кетері, биыл сыбайлас жемқорлықпен күресу тиімділігін арттыру мақсатында Қазалы, Арал аудандарында департаменттің дербес басқармасы ашылады. Бұған аймақтың алыстығы мен халықтың тығыз орналасуы себеп болып отыр. Департамент басшысы орынбасарының айтуынша, бұл жемқорлықпен күресте маңызды.

Қызылордада жемқорлық қылмысын хабарлаған 10 азамат сыйақы алды

<a href="https://kyzylorda-news.kz/ru/obshestvo/">Kyzylorda-news.kz</a>.&nbsp;Елімізде&nbsp; медициналық қызметкердің жауапкершілігін сақтандыру алгоритмі әзірленуде,&nbsp;деп хабарлайды «Хабар 24».
Бұл туралы Денсаулық сақтау министрі Алексей Цой Ерлан Бекхожинге берген сұхбатында айтты. Министр&nbsp; науқастың мүддесін қорғап, ақ халаттылардың құқығын сақтауға мүмкіндік беретін жаңа реформаны тілге тиек етті. Бұл дауды сотқа дейін жеткізбей, медиация тəртібімен реттеуге жол ашады.
<blockquote>
 «Өкінішке қарай дәрігерлер де қателеседі. Мәселен, АҚШ-та дәрігердің қалт кетуі 25 процентке дейін тіркеледі. Егер біз әрбір маманды жазалап, соттайтын болсақ, онда елде медициналық қызметкер қалмайды. Егер жұмысына немқұрайлы қарап немесе науқасқа әдейі зиян келтірсе, онда қатаң жауапқа тарту керек. Абайсызда болса, сақтандыру арқылы өтеуге мүмкіндік беріледі. Алайда дәрігер міндетті түрде қайта дайындықтан өтіп, біліктілігін арттыруы тиіс, содан кейін ғана ол жұмысқа кірісе алады. Мұндай әдіс дамыған елдерде қолданылады. Сонымен қатар бірде-бір дәрігер операция бөлмесіне сақтандырусыз кірмейді», – дейді Алексей Цой.
</blockquote>
Қазір елде 220 мыңға жуық дәрігер мен орта медициналық қызметкерлер жұмыс істейді. Бағдарлама барысында ведомство басшысы олардың біліктілігі мен еңбекақы мәселесін қозғады. Бұдан бөлек, ревакцинация мен вакцинаның сақталуына бақылау жүргізу жай да сөз болды.

Дәрігердің қателігі дәлелденсе, науқас өтемақы ала алады

<a href="https://kyzylorda-news.kz/ru/obshestvo/">Kyzylorda-news.kz</a>. Атырау облысында жыл басынан бері 200-ден астам мемлекеттік қызметші мемлекеттік еңбек инспекциясына шағымданған, деп хабарлайды ҚазАқпарат.
Мемлекеттік қызмет істері агенттігі Атырау облысы бойынша департаментінің басшысы Ерлан Ермаханбетовтің мәліметінше, «Е-қызмет» жүйесімен мемлекеттік органдардың қолжетімділігін бақылауды интеграциялау жоспары бекітілген.
<blockquote>
 «Қазіргі уақытта Атырау облысында мемлекеттік органдардың қолжетімділігін бақылау және басқару жүйесін «Е-қызмет» ақпараттық жүйесіне қосу бойынша жұмыстар жүргізілуде. Мұндай іс-шара мемлекеттік қызметшілердің құқықтарын қорғауға, икемді жұмыс кестесін құруға, оның ішінде жұмыс күні аяқталғаннан кейін мемлекеттік қызметшілердің жұмыс орнындағы кідірісін, қызметшілердің демалыс күндері жұмысқа шығу практикасын тоқтатуға бағытталатын болады», – дейді Ерлан Ермаханбетов.
</blockquote>
Оның дерегіне сүйенсек, жыл басынан бері облыстық мемлекеттік еңбек инспекциясы басқармасына 200-ден аса арыз-шағым келіп түскен. Соған байланысты 167 мекеме тексеріліп, тиісті шаралар қабылданған.
Департаментке түскен арыз негізінде Атырау ауылдық округі әкімінің міндетін атқарушы бас маманды демалыс күні негізсіз жұмысқа шақырғаны анықталды. Нәтижесінде бас маманға демалыс беру туралы бұйрық шығарылып, құқығы қалпына келтірілген. Ал заң бұзушылыққа жол берген лауазымды тұлғаға тәртіптік шара қолданылды.
<blockquote>
 «Мемлекеттік қызмет туралы және еңбек заңнамасының талаптары негізінде жұмыстан тыс шұғыл істелетін, демалыс және мереке күндері жұмыстарға шақырылатын мемлекеттік қызметшілердің жазбаша келісімдері болуы қажет. Енді осындай келеңсіздікті болдырмау үшін департамент пен облыстық мемлекеттік еңбек инспекциясы басқармасы арасында өзара ынтымақтастық туралы меморандумға қол қойылды», – деп мәлім етті Ерлан Ермаханбетов.
</blockquote>

Демалыссыз жұмыс істейтін мемлекеттік қызметшілерден шағым түсіп жатыр

<a href="https://kyzylorda-news.kz/ru/obshestvo/">Kyzylorda-news.kz</a>. Ауыл мектептеріндегі оқушылардың арасында ағылшын тілін білу деңгейін арттыру мақсатында «Jas Otan» Жастар Қанаты «Болашақ» қауымдастығымен бірлесіп «English for Jastar» жобасын іске асыруда.
Жобаның негізгі мақсаты – ауыл оқушыларының сапалы білім алуына тең қолжетімділікті қамтамасыз ету, ағылшын тілін оқытуға қызығушылық пен қатысуды арттыруға септігін тигізу. Мақсатты аудитория қалаға қарасты кент және ауыл мектептерінің 6,7,8,9 сынып оқушылары болып табылады.
<blockquote>
 «Балаларға ағылшын тілін үйретуге бағытталған жоба ағылшын тілін меңгерген еріктілер арқылы жүзеге асты. 
 Еріктілерді іріктеу де оңай болмағаны анық. Мәселен ағылшын тілін білу Intermediate деңгейінен төмен болмауы, орыс және қазақ тілдерін еркін меңгеруі, еріктілер қатарында, балалармен жұмыс істеуі, сол сияқты ұстаздық тәжірибелерінің болуы талап етілді. Ең маңыздысы – ауылдық мектеп оқушыларының ағылшын тілін игеруіне көмектесуге деген зор ынтаның болуы», – дейді облыстық «Jas Otan» ЖҚ кеңесшісі А.Какарманова.
</blockquote>
Алғашында облыста 19 ерікті жобаға қатысуға ниет білдірген. Жобаға қатысушы еріктілер тестілеуден және сұхбаттасудан өтіп, нәтижесінде 10 ерікті іріктеліп таңдалды.
Еріктілер барлық 7 ауданға бөлініп, ағылшын тілі сабақтарын өтуге арнайы сынып пен оқу кестесі бекітілді.
Оқыту нәтижесіне сәйкес 2018-2019 жылдары облысымыздың 350 оқушысы ағылшын тілінен «Pre-intermediate» және «Elementary» деңгейлерін тегін үйренді. Биыл 100-ден астам оқушы білім алды.
Еріктілер жобаны жүзеге асыру барысында жаңашыл методикаларды пайдалану арқылы ағылшын тілі сабақтарын оқушыларға әр күн сайын қызықты өткізуге барынша жұмыстар жүргізіп отырды.
Мұнымен қоса, ерікті оқытушылар мен оқушылар ZOOM платформасында Лондон қаласында білім алып жатқан «Болашақ» бағдарламасының стипендиаты С.Абжановамен кездесті. Онлайн кездесу барысында С.Абжанова шет мемлекетте білім алудың тәжірибесімен бөлісіп, қатысушылардың сұрақтарына жауап берді. «English for Jastar» жобасының табысты жүзеге асуына ықпал жасаған ерікті оқытушылар арнайы алғыс хаттармен марапатталатын болады.
<img src="https://kyzylorda-news.kz/wp-content/uploads/2021/10/245335551_1260080227737818_4391845838341346721_n.jpg" alt="" />
<img src="https://kyzylorda-news.kz/wp-content/uploads/2021/10/245870144_1260080214404486_485957478406415483_n.jpg" alt="" />

Қызылордада ауыл балалары «English for jastar» жобасы аясында білім алды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда өткен тәулікте 1642 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 238,
Алматы қаласы – 318,
Шымкент қаласы – 16,
Ақмола облысы – 122,
Ақтөбе облысы – 25,
Алматы облысы – 107,
Атырау облысы – 42,
Шығыс Қазақстан облысы – 103,
Жамбыл облысы – 21,
Батыс Қазақстан облысы – 37,
Қарағанды облысы – 149,
Қостанай облысы – 114,
Қызылорда облысы – 22,
Маңғыстау облысы – 4,
Павлодар облысы – 168,
Солтүстік Қазақстан облысы – 132,
Түркістан облысы – 24.
Жалпы ел бойынша ауырғандар саны 918146.

Қызылордада 22 адамнан коронавирус анықталды

<a href="https://kyzylorda-news.kz/ru/obshestvo/">Kyzylorda-news.kz</a>. Облыстық мәслихат хатшысы Наурызбай Байқадамов жұмыс сапарымен Қазалы ауданында болып, бірқатар әлеуметтік нысандардың жұмысымен танысып шықты.
Наурызбай Сейітқалиұлы бірге алдымен Әйтеке би кентінде абаттандырылып жатқан аумаққа арнайы барып, сала басшыларымен бірге кездесті. Аудан әкімі Мұхтар Оразбаев алдағы уақытта бұл жерде Жалаңтөс батырдың еңселі ескерткіші бой көтеретінін жеткізді.
Облыстық мәслихат хатшысы аялдаған келесі нысан аудан орталығынан салынып жатқан 600 орындық мәдениет үйі болды. Аудан ажарын айшықтай түсетін еңселі ғимараттың құрылысы облыстық құрылыс басқармасы арқылы салынуда. Мәдени нысан жылдың аяғына дейін пайдалануға беріледі деп жоспарлануда.
Мұнан соң Б.Мергенбаев атындағы №226 мектеп-гимназия мен Достық көшесінде салынып жатқан 250 мектеп құрылысымен танысты.
Б.Мергенбаев атындағы №226 мектеп-гимназияға өткен жылы «Жұмыспен қамтудың жол картасы» мемлекеттік бағдарламасы арқылы күрделі жөндеу жүргізілді. Ал, биыл «Ауыл – ел бесігі» арнайы жобасы негізінде жаңа спорт зал салынды.
Ал, Достық көшесінің бойынан бұрынғы №170 мектептің орнынан жаңа білім ошағы бой көтеруді. Құрылыс жұмыстарын биыл бастап кету үшінарнайы қаржы бөлінді. Мектеп құрылысы келесі жылы аяқталады деп жоспарлануда.
Облыстық мәслихат хатшысы Наурызбай Байқадамов Қазалы көлік-техникалық жоғары колледжінде жастармен кездесті. Кездесудің алдында білім ордасының материалдық-техникалық базасымен танысып, «Жас маман» жобасы аясында алынған заманауи техникаларға өзінің оң бағасын берді.
Кездесуде Наурызбай Сейітқалиұлы «Сапалы білім, саналы тәрбие беру әрбір оқытушының алға қойған міндеті болса, өз ісінің білімді, өнегелі азаматы болу – әр студенттің міндеті» деп, білім жастар – еліміздің болашағы екендігін жеткізді.
Өз кезегінде колледж студенттері жас ұрпаққа сапалы білім алу үшін қолайлы жағдай жасаған барша азаматтарға алғысын айтып, ризашылықтарын білдірді.
Наурызбай Сейітқалиұлы мұнан соң ауданымыздың Қарақұм беткейіндегі «Майлыбай жалы» учаскесіне арнайы барып, мал шаруашылығымен айналысып отырған азаматтармен кездесті. Кездесуде биылғы қуаңшылықтың зардабы мен қысқы мал азығын дайындау шаралары сөз болды.
Наурызбай Сейітқалиұлының Қазалы ауданына сапары кезінде облыстық мәслихат депутаттары Ібайдулла Тілеп, Мнажадин Өтеев және аудандық мәслихат хатшысы Бақытжан Жарылқап, аудандық мәслихат депутаттары Ғазиз Әліш, Нұрғиса Жалғасбаев бірге жүріп, аудандағы кейбір мәселелерге қатысты өздерінің ой-пікірлері мен ұсыныстарын жеткізді.
<img src="https://kyzylorda-news.kz/wp-content/uploads/2021/10/20.jpg" alt="" />
<img src="https://kyzylorda-news.kz/wp-content/uploads/2021/10/16.jpg" alt="" />

Облыстық мәслихат хатшысы Қазалы ауданында болды

<a href="https://kyzylorda-news.kz/ru/obshestvo/">Kyzylorda-news.kz</a>. Қазақстанда бір тәулікте 1459 адам коронавирустан жазылды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 290,
Алматы қаласы – 185,
Шымкент қаласы – 18,
Ақмола облысы – 53,
Ақтөбе облысы – 11,
Алматы облысы – 144,
Атырау облысы – 63,
Шығыс Қазақстан облысы – 169,
Жамбыл облысы – 51,
Батыс Қазақстан облысы – 93,
Қарағанды облысы – 135,
Қызылорда облысы – 17,
Маңғыстау облысы – 19,
Павлодар облысы – 131,
Солтүстік Қазақстан облысы – 34,
Түркістан облысы – 46.
Қазақстан бойынша жазылғандар саны – 860120.

Covid-19: 17 қызылордалық індеттен айықты

<a href="https://kyzylorda-news.kz/ru/obshestvo/">Kyzylorda-news.kz</a>. 18 қазан күні ауқымды антициклонның ықпалымен ҚР аумағының басым бөлігінде жауын-шашынсыз ауа райы сақталады, деп хабарлайды Қазгидромет.
Республиканың тек батысында циклон жырасының әсерінен жаңбыр күтіледі. Еліміздің солтүстігінде, шығысында – тұман, оңтүстік өңірлерде жел болжанады.
Жамбыл облысының оңтүстік-батысында, солтүстік-шығысында және таулы аудандарында 15-20 м/с жылдамдықпен жел соғады, екпіні 23 м/с күшейеді.
Күндіз Түркістан облысының таулы аудандарында жел 15-20 м/с күшейеді.
Күндіз Қызылорда облысының орталығында жел 15-20 м/с артады. Солтүстік Қазақстан облысының солтүстігінде және оңтүстігінде, Шығыс Қазақстан облысының солтүстігінде, түнде Павлодар облысының оңтүстігінде тұман болады.

Қазақстан және Қызылорда облысының жаңалықтары