Kyzylorda-news.kz. Балаға ақша туралы 3-4 жастан бастап айта бастаған жөн. Алайда оны баланың өз тілінде түсіндіру керек. Мысалы, шығындарыңызды түрлі түстерге бөліңіз. Көк – коммуналды төлемдерге, сары – азық-түлікке, жасыл – ойыншыққа деген сияқты.
1. Отбасылық бюджетіңізді балаңыздан жасырмау
Бала дүкенге барғанда жаңа ойыншық алып беруін сұраса, ақша тек сары қорапта қалғанын, ал жасыл қорапта келесі айда ғана ақша болатынын оңай түсіндіре аласыз. Сонымен бірге балаға жасыл қораптағы ақшаға тиіспей, үстіне тағы да ақша қосып жинайтын болса, үлкен және көп ойыншық сатып ала алатынын түсіндіріңіз.
2. Балаға қалағанын бірден алып бермеу
Бұл балаға ештеңе алып бермеңіз деген сөз емес. Балаңыз өзіне қатты ұнаған затын алып беруін өтінсе, қалағанын алып беруден бас тартпаңыз. Тек алдымен балаңыздан алғысы келген дүниелерін тізімге енгізуін сұраңыз. Қалаған затының суретін салып немесе жазып, тоңазытқыштың сыртына іліп қойыңыздар. Ай соңында тізімге қарап бір ойыншықты таңдатсаңыз болады. Яғни балаңыз сауданы ойланып жасауға үйренеді және жарнаманың арбауына түспеуге бейімделеді.
3. Балаңыздың қалтасында ақша салып қою
Балаңыздың қалтасында 300 теңге бар делік. Ал бұл ақшаға кішкентай бір ойыншық сатып ала алатынын айтыңыз. Егер тағы сәл күтсе үстіне ақша қосып, одан үлкенірек ойыншық сатып алуына көмектесетініңізді түсіндіріңіз. Сонда балаңыз қалтасындағы ақшасын текке құртпай, сатып алғысы келетін нәрсесін алдын ала жоспарлауды үйренеді.
4. Қажет заттарды маңыздылығына қарай бөлу
Балалар бүгін бір нәрсені қаласа, ертесі күні басқа бір затты алғысы келуі мүмкін. Сол себепті өзі қалаған заттарын маңыздылығына қарай бірнеше бөлікке бөліңіз. Балаңыздан қай затты қазір алғысы келеді және маңызы қандай екенін, қайсысын кейінірек алуға болатынын сұраңыз. Егер де алатын заты тым қымбат болса, онда ұсақ ақша жинайтын үй кассасына (копилкаға) бірігіп ақша жинауды ұсыныңыз. Нәтижесінде балаңыз жоспарлау мен болашақ саудасын ойластыратын болады.
5. Жақсы оқығаны үшін ақша төлеу
Балаңызға “жақсы баға алсаң 100 теңге беремін”, —&nbsp;деп ешқашан айтпаңыз. Мұндай тәсіл оқуды ақша табу көзіне айналдырып жіберуі мүмкін. Яғни ол өзі үшін емес тек баға мен ақша үшін ғана оқитын болады. Оның орнына оқу жылының соңында немесе жарыстан жүлде алғанда “сыйақы” (премия) берсеңіз болады.
Massaget

Балаға ерте жастан ақша жинауды қалай үйретуге болады?

Kyzylorda-news.kz. Коронавирус пандемиясы 2021 жылы аяқталмайды, бірақ жазда вирус жұқтыру айтарлықтай төмендеуі мүмкін. Бұл туралы&nbsp;<a href="https://ria.ru/">“РИА Новости”</a>&nbsp;тілшісіне Роспотребнадзордың орталық эпидемиология ғылыми-зерттеу институты директорының ғылыми жұмыстар жөніндегі кеңесшісі, Ресей Ғылым академиясының академигі Виктор Малеев айтты.
<blockquote>
 “Пандемия, әрине, ерте ме, кеш пе аяқталады, бірақ менің ойымша, биыл емес, дегенмен аяқталса ДДҰ мәлімдейді. Алайда коронавирус маусымдық сипатқа ие, бұған көптеген дәлел бар. Бұл өткен жазда Ресейде және басқа да елдерде жұқтыру жағдайлары азайғанда дәлелденді. Биыл да солай болуы мүмкін”, – деді Малеев.
</blockquote>
Ол қазір әлемде короновирус жұқтыратын уақыт екенін атап өтті. Еуропа елдерінде сырқаттанушылық төмендеп жатқан жоқ, бұдан басқа, тестілеумен қамтылу деңгейі төмен Африка мен Азияның бірқатар еліндегі жағдай түсініксіз.
<blockquote>
 “Біз бүкіл әлемдегі жағдайды қадағалап отыруымыз керек, өйткені ол біздің елге де әсер етуі мүмкін. Коронавирустың алғашқы жағдайлары бізге Еуропадан әкелінді”, – деп түсіндірді Малеев.
</blockquote>
Оның айтуынша, коронавирус пандемиясы әлемде халықтың 70 пайызында иммунитет пайда болғанда басыла бастайды, бірақ СOVID-19 мутацияларын және қолданыстағы вакциналардың оларға қарсы күшін бақылау маңызды.
Жалпы әлемде 129 миллион адам коронавирус жұқтырды, олардың 73 миллионы жазылды, 2,81 миллион адам қайтыс болды.
<a href="https://kaz.tengrinews.kz/">Tengrinews.kz</a>

Пандемия 2021 жылы аяқталмайды &#8211; эпидемиолог

<a href="https://kyzylorda-news.kz/">Kyzylorda-news.kz.</a> Зейнетақы жинақтарын алу бағдарламасы басталғаннан бері елдегі&nbsp; тұрғын үй бағасы 6 пайызға жуық өсті, кейбір өңірлерде шаршы метр бірден 28 пайызға қымбаттады.
Сайттың мәліметінше, Ақтауда пәтер&nbsp;бағасы&nbsp;бұрын соңғы болмаған көрсеткішке өскен.&nbsp;Қаңтар айында құн индексі 27,7 пайызға өсіп, бір шаршы метр 245 120 теңгені құрады.
Сондай-ақ, Ақтаудан басқа екі қалада:
Оралда (+10,6 пайыз – 252 980 теңге бір шаршы метрге)
Атырауда (+10 пайыз, 311 360 теңге бір шаршы метрге) пәтер бағасы шарықтап тұр.&nbsp;
Зейнетақы жинақтарын тұрғын үйге пайдалану бойынша үш қала көш бастап тұр.
Көкшетауда&nbsp;шаршы метрге ең аз баға көтерілді. Мұнда өсу индексі небәрі 2,3 пайыз (бір шаршы метрге 269 580 теңге).
Республикалық маңызы бар қалалар арасында&nbsp;Алматы&nbsp;көш бастап тұр. Қаңтар айында мұндағы шаршы метр 4,4 пайызға қымбаттады. Оның наурыз айындағы орташа құны – 488 800 теңге.
Шымкентте&nbsp;зейнетақы науқанының екі айында бір шаршы метрдің бағасы 3 пайызға өсіп, 323 460 теңгені құрады.
Нұр-Сұлтанда тұрғын үй бағасы да 3 пайызға көтерілді. Бір шаршы метрге орташа баға 367 700 теңгені құрады.
Ақтөбеде тұрғын үй қорындағы жылжымайтын мүлік 8,3 пайызға қымбаттады, шаршы метрі 193 620 теңгені құрайды.
Осы жылдың қаңтар айынан бастап Қарағандыда пәтерлер бағасы 7,3 пайызға, Өскеменде-7 пайызға, Қызылордада – 6,5 пайызға өсті.
Баға өсу индексі Павлодарда 5,8 пайызды (270 360 теңге шаршы метр), Семейде – 5,8 пайызды (250 840 теңге шаршы метр), Қостанайда – 5,4 пайызды (267 560 теңге шаршы метр), Талдықорғанда – 5,2 пайызды (273 260 теңге шаршы метр), Петропавлда – 4,4 пайызды (322 000 теңге шаршы метр) және Таразда – 3,4 пайызды (222 240 теңге шаршы метр) құрады.
Наурыз айында Қазақстанда баға өсімі 2,9 пайызды құрады. Ең жоғары динамика Ақтауда (+13 пайыз), Қарағандыда (+6,1 пайыз), Атырауда (+4,9 пайыз), Ақтөбеде (+3,9 пайыз) және Қостанайда (+2,8 пайыз).
Алматыда баға өсімі 2 пайызды құрады.
Ең тұрақты бағалар Петропавл (+1,4 пайыз), Тараз (+1,4 пайыз), Нұр-сұлтан (+1,3 пайыз), Шымкент (+1,3 пайыз) және Көкшетау (+0,3 пайыз).
<a href="https://stan.kz/">Stan.kz</a>

Қызылордада пәтер бағасы қаншаға қымбаттады?

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2054 адамда коронавирус індеті табылды.
Аймақтар бойынша:
Нұр-Сұлтан қаласы – 476, 
Алматы қаласы – 572, 
Шымкент қаласы – 63, 
Ақмола облысы – 46, 
Ақтөбе облысы – 82, 
Алматы облысы – 278, 
Атырау облысы – 100, 
Шығыс Қазақстан облысы – 37, 
Жамбыл облысы – 25, 
Батыс Қазақстан облысы – 109, 
Қарағанды облысы – 84, 
Қостанай облысы – 35, 
Қызылорда облысы – 38, 
Маңғыстау облысы – 24, 
Павлодар облысы – 41, 
Солтүстік Қазақстан облысы – 18, 
Түркістан облысы – 26.
Жалпы ел бойынша ауырғандар саны – 253 107.

Қызылордада бір тәулікте 38 адам коронавирус жұқтырды

Kyzylorda-news.kz. Харуки Мураками – жапон жазушысы, аудармашы. Оның бірнеше бестселлер кітабы бар. Солардың мазмұнынан ұтымды ойларын оқи отырыңыз.
► Қателік – өмірдегі леп белгісі, өмір онсыз болмайды, алайда мәтіндегі секілді оның да аса маңызы жоқ.
► Дауыл бір күні аяқталады. Алайда сен одан қалай құтылып шыққаныңды да есіңе түсіре алмайсың. Маңыздысы оған кірердегі адам мен шыққан адамның айырмасы жер мен көктей.
► Менің өміріме адамдар қалауы бойынша келіп-кете береді. Олардың барлығына ортақ қағида: кірерде – аяғын сүрту, шығарда – есікті жауып кету.
► Көп күтпесең, көңілің де орнында.
► Ешкімге ұқсамайтын ерекше жан болуға әркімнің хақы бар.
► Маған жалғыздық ұнамайды. Алайда кез келген адаммен танысып, араласа кетпеймін. Кейін олар көңілі суып қалмауы үшін…
► Уақыттың сырғып жатқаны өкінішті. Өткен шақ ұзара береді, болашақ қысқара береді. Бәрінен де ең өкініштісі сол – түк істеп үлгермегенің.
► Барлығы өткінші екеніне сен. Тіпті ең жаман деген нәрсенің өзі әйтеуір аяқталатын уақыты болады. Ештеңе мәңгілік емес.
► Көктем – әлденені бастауға ең жақсы мезгіл.
► Біреуді алдағыңыз келсе, сол өтірікке алдымен өзіңіз сеніңіз.
► Көбіне әлемдегі ең маңызды нәрселер ұсақ-түйектен басталып жатады.
► Мойындасаңыз да, мойындамасаңыз да қателіктің аты қателік, одан ешқайда қашып құтыла алмайсыз.
► Бұл жалғанда қате пікір жоқ. Жай ғана ол біздікіне сәйкес келмейді.
► Жаныңда қолдаушың болса, ұшу да оңай.
► Би – өмірдің шағын көрінісі. Тоқтамай биле. Еш мәні болмаса да билей бер, бәрібір ештеңенің мәні жоқ, болмаған да. Айналаңда барлығы ақымақ көрінсе де мән берме. Ырғаққа ілесіп билей бер. Сенің басыт жауың – шаршау. Бұл барлығының басында болады. Барлығы өзіңе қарайтындай биле. Әуен қосылып тұрғанда билеп ал…
► Қиялдауға ақшаның керегі жоқ.
► Ойыңды айтатын ешкімің жоқ болса, ойлар өзара сені бөлісе бастайды.
► Қанша тырыссаң да, ауырып тұрған жерің ауыра береді.
► Өмірде кей нәрселер тек жалғыздықта туады, ал кей нәрселер тек жұп болғанда… Екеуін жарастыра білсең ғана жақсы, ал шатастыруға мүлде болмайды.
<a href="https://massaget.kz/layfstayl/debiet/tmsil/60096/">Massaget</a>

Харуки Мураками: &#8220;Әуен ойнап тұрғанда билеп ал&#8221;

Kyzylorda-news.kz. Бокстан әлем чемпионатының екі дүркін күміс жүлдегері Қамшыбек Қоңқабаев бокстан AIBA жастар арасындағы әлем чемпионатының елшісі болып тағайындалды, деп хабарлайды Olympic.kz.
Бокстан жастар арасындағы әлем чемпионаты 10-24 сәуір аралығында Польшаның Кельце қаласында өтеді.
<blockquote>
 «Мен осы әлем чемпионатының елшісі болғаныма қуаныштымын. Болашақ чемпиондар жас кезден қалыптасады. Сондықтан оларды қолдау аса маңызды. Жастардың финалына қатысып, тартысты жекпе-жектердің куәсі боламын деп ойлаймын. Барлық қатысушыларға сәттілік тілеймін!», – деді Қамшыбек.
</blockquote>
Әлем чемпионаты елшісінің функцияларына әлем чемпионатын насихаттау және жарысқа қатысты барлық іс-шараларға қатысу кіреді. Сонымен қатар, спортшы әлем чемпионатына, жас былғары қолғап шеберлерімен кездеседі.
Сонымен қатар жарыстың баспасөз конференцияларына қатысады.

Қамшыбек Қонқабаев бокстан әлем чемпионатының елшісі  атанды

Kyzylorda-news.kz. Елімізде қолайсыз ауа райына байланысты 7 өңірде ескерту жарияланды.
4 сәуірде Ақтөбе облысының кей жерлерінде тұман түседі, түнде кей жерлерде көктайғақ болуы ықтимал. Желдің бағыты оңтүстік-шығыстан батысқа ауысады, күндіз облыстың оңтүтігінде екпіні 16 м/с жетеді.
Қызылорда облысының кей жерлерінде найзағай ойнайды. Оңтүстік-шығыстан батысқа ауысып жел соғады, күші кей жерлерде 15-20 м/с жетеді.
Бүгін таңертең және күндіз Қызылорда қаласында найзағай ойнайды. Оңтүстік-шығыстан батысқа ауысып жел соғады, екпіні күндіз 15-20 м/с жетеді.
Күндіз Маңғыстау облысының кей жерлерінде шаңды дауыл соғуы мүмкін. Батыстан, солтүстік-батыстан жел соғады, күндіз кей жерлерде 15-20 м/с жетеді.
4 сәуірде Ақмола облысының кей жерлерінде тұман түсіп, оңтүстік-шығыстан жел соғады, күші 15-20 м/с жетеді.
Батыс Қазақстан облысының кей жерлерінде тұман түсуі мүмкін. Оңтүстік-шығыстан солтүстік-батысқа ауысып соғатын желдің күші күндіз кей жерлерде 15-20 м/с жетеді.
Бүгін түнде және таңертең Оралда тұман түсуі мүмкін.
4 сәуірде Қостанай облысының кей жерлерінде тұман түсіп, көктайғақ болады. Оңтүстік-шығыстан жел соғады, күші кей жерлерде 15-20 м/с жетеді.
4-5 сәуірде Қарағанды облысының кей жерлерінде тұман түседі. Оңтүстік-шығыстан, шығыстан жел соғады, күші кей жерлерде 15-20 м/с жетеді.

Қызылордада күшті жел соғып, найзағай ойнайды

Kyzylorda-news.kz. Бүгін Нұрлыбек Нәлібаев «Қызылорда тазалығы» серіктестік қызметкерлерімен арнайы кездесіп, жылдар бойы тазалықты сақтауға ерекше күш салып, Сырдың бас шаһары Қызылорданың абыройын асыруда еселі еңбек еткен мекеме жұмысшыларына алғаусыз алғысын айтып, шексіз ризашылығын жеткізді.
<blockquote>
 «Ортақ үйіміз, сүйікті қаламыз Қызылорданың еліміздегі ең таза шаһардың біріне айналуы жолында сіздердің еңбектеріңіз ерекше, үлестеріңіз зор» – деді Нұрлыбек Нәлібаев.
</blockquote>
Сонымен қатар бұрынғы қала әкімі күн-түн демей тыным таппай, уақытпен санаспай, еңбекақысын адалынан алған тазалықшылардың жұмысы көпке үлгі болу керектігін атап өтті. Сондай-ақ сырттан келген қонақтар алдымен қаланың тазалығын айтуы ол қала тазалықшыларының еңбектеріне берілген үлкен баға екенін де айтты.
<blockquote>
 «Бүгінгідей беделді белесті бағындырып, абырой биігінен көрінуіме де сіздер үлес қостыңыздар. Барлығы үшін алғыс айту мақсатында арнайы ат басын бұрып, алдарыңызға келдім» – деді Нұрлыбек Нәлібаев.
</blockquote>
Өз кезегінде тазалықшылар Нұрлыбек Машбекұлының алғаш қала билігіне келген сәтінде мекеменің жұмысын ширатып, тірлігін түлетуге, қордаланған мәселелерін шешуге көп күш салғандығын, қызметкерлердің әлеуметтік жағдайын реттеуде ауқымды жұмыстар атқарғандығын атап өтіп, жаңа қызметіне табыс тіледі.
Кездесу соңында Нұрлыбек Машбекұлы тазалықшылардың алдағы уақытта да сапалы жұмыс істейтіндіктеріне сенім артатындығын жетікізіп, мекеме қызметкерлеріне сый-құрмет көрсетті.
<img src="https://kyzylorda-news.kz/wp-content/uploads/2021/04/img-20210403-wa0032.jpg" alt="" />

Нұрлыбек Нәлібаев қала тазалықшыларымен кездесті

Kyzylorda-news.kz. AstraZeneca вакцинасын қабылдаған екі адам қайтыс болды.
Бұл қайғылы оқиға Францияда орын алған.
Анықталғандай, олар екпеден кейін пайда болған қан ұюдан көз жұмған. Бұл туралы Дәрі-дәрмек қауіпсіздігі жөніндегі ұлттық агенттіктің сайтында хабарланды.
Аталған ведомствоның мәліметіне сәйкес, өткен аптада AstraZeneca өнімін салдырған 3 адамнан қан ұю дерегі анықталған. Олардың екеуі өлім-жітіммен аяқталған. Жалпы Францияда халықты жаппай вакциналау науқаны басталғалы бері трамбоздың 12 дерегі тіркелген.
<a href="https://24.kz/kz/zha-aly-tar/lemde/item/465200-frantsiyada-astrazeneca-vaktsinasyn-al-an-eki-adam-trambozdan-ajtys-boldy">Хабар 24</a>

Вакцина қабылдаған екі адам трамбоздан қайтыс болды

Kyzylorda-news.kz. Қазақстан Республикасы Премьер-Министрінің 2021 жылғы 1 сәуірдегі Өкімімен Нәлібаев Нұрлыбек Мәшбекұлы Премьер-Министр Кеңсесі Өңірлік даму бөлімінің меңгерушісі болып тағайындалды. Осыған байланысты ол Қызылорда облысы әкімінің өкімімен Қызылорда қаласы әкімі лауазымынан босатылды.
Бүгін аймақ басшысы Гүлшара Әбдіқалықова Нұрлыбек Нәлібаевтың жаңа қызметіне сәттілік тілеп, оған Қызылорда облысының «Құрмет грамотасын» табыстады.
<blockquote>
 “Нұрлыбек Мәшбекұлы 2013 жылдың ақпан айынан бастап осы кезге дейін Елбасының, Мемлекет басшысының, Үкімет және аймақ басшыларының қолдауымен Қызылорда қаласы әкімі қызметінде абыройлы еңбек етіп, қаланың әлеуметтік-экономикалық және инфрақұрылымдық дамуына үлесін қосты. Соңғы 8 жылда 194 көпқабатты тұрғын үй пайдалануға берілді. Жол құрылысын дамытуға 30 млрд. теңгеге жуық қаржы тартылып, 840 шақырымды құрайтын 1 177 көше жөнделді. 8 мектеп, 21 балабақша, 3 мәдениет үйі, 131 спорттық ойын алаңдары салынды. 1,5 млрд. теңгеге жуық қаржыға 31 әлеуметтік нысанға күрделі, ағымдағы жөндеу жұмыстары жүргізіліп, қайта жаңғыртудан өткізілді”, – деді Гүлшара Әбдіқалықова.
</blockquote>

Аймақ басшысы Нұрлыбек Нәлібаевтың жаңа қызметіне сәттілік тіледі

Kyzylorda-news.kz. Биыл Рамазан айы 13 сәуірде басталады. Эпидемиологиялық ахуалдың асқынуына байланысты ораза ұстаудың ерекшелігі жөнінде ҚМДБ Шариғат және пәтуа бөлімі меңгерушісінің орынбасары Хасан Аманқұл айтып берді.
Діни басқарма өкілі биыл оразаға дайындық жайын сөз ете келе, ауыз бекітуге ниет еткен жандарды денсаулыққа мән беруге шақырды.
Хасан Аманқұл Ислам дініндегі бес парыздың бірі оразаға қандай дайындық жасау керектігін айтты.
<blockquote>
 “Ислам дінінде бес парыз бар, соның бірі – Рамазан айында ораза ұстау. Алла Тағала Құран Кәрімде шамасы келген адамдарға ораза ұстауға бұйырды. Ораза – өте маңызды ғибадаттардың бірі. Оған әрбір мұсылман өзінше дайындық жасайды. Сол дайындықтың біріншісі, ораза ұстауға шамасы келетін мұсылманның “Рамазан айы келе жатыр, осы айда ораза ұстаймын” деген батыл шешімі, ниеті болу керек. Екіншіден, Рамазан айына әркім өзіне арнайы жоспар құру керек. Өйткені әрбір жоспарлы істің ұтымды болары ақиқат. Рамазан айының жоспарын жасағанда оразаның шариғатқа сай әрі пайдалы өтуін ескеру қажет. Сондай-ақ ораза ұстаған адам әрдайым Алла Тағаланың бақылап тұрғанын сезіну керек. Әрдайым Алланы сезініп тұру адамдың жүрегін тазартады, тыныштандырады. Бұл айда адам өз бойындағы жаман қасиеттерден арылуы, күнәлі істерден тыйылуы, барынша үлгілі азамат болуға ұмтылуы керек. Ораза ұстаған адамның оразасы себебінен күнәлары кешіріледі. Пайғамбарымыз (оған Алланың салауаты мен сәлемі болсын): “Рамазан айында шынайы ықыласпен ораза ұстаған адамның алдынғы күнәлары кешіріледі”, – деген. Сонымен қатар ораза ұстаған адам да кешірімді болу керек. Бұрынғы өткен аразды, өшпендікті ұмыту керек. Рамазан айы – мейірім, шапағат, қайырымдылық айы. Аштықты қиыншылықты көрген адам мұқтаж адамдардың жағдайын ойлай бастайды. Адамның жүрегі тазаратын, тыныш табатын нәпсімізді тізгіндеп, басқаратын жағдайға өтетін ай. Міне осы айға жоспар құру дегеніміз – оны барынша өзімізге сауапты іске жұмсауға мақсат қоя білу”, – дейді Хасан Аманқұл.
</blockquote>
Дін маманы пандемия жағдайында ораза ұстаудың ерекшелігі – денсаулыққа аса мән беру екенін атап өтті. Айтуынша, биыл мейлінше сәресі уақытын жіберіп алмай, уақытылы ауыз бекітіп, ауыз ашу, демалу маңызды.
<blockquote>
 “Көптеген азаматтар оразаны жұмысымен қатар алып жүреді. Олар да көбірек құлшылық етіп қалғысы келеді. Дегенмен денсаулыққа да көңіл бөлу керек. Күні-түні құлшылық етемін деп, әлсіреп қалмау керек. Өйткені қазіргі пандемия жағдайында ауру жұғудың қауіпі жоғары болады. Ал әлсіз адамдарға ол тез жұғады ғой. Сонымен қатар сәресіге тұрып, жақсы тамақтану, сәресін ішу де аса маңызды. Ал ауыз ашарда тоя тамақ жеу зиян. Қайтсе де, әркім өз шамасына қарап құлшылық ету керек”, – дейді маман.
</blockquote>
<a href="https://kaz.nur.kz/society/1906007-10-kun-qaldy-muftiyat-okili-epidaxualga-bailanysty-biyl-oraza-ustauda-eskeretin-zaittardy-atady/">Nur.kz</a>

&#8220;10 күн қалды&#8221;: Мүфтият өкілі эпидахуалға байланысты биыл ораза ұстауда ескеретін жайттарды атады

Kyzylorda-news.kz. Қызылорда қаласының әкімдігінде аймақ басшысы Гүлшара Әбдіқалықованың қатысуымен актив отырысы өтті.
Жиынға облыс әкімімен қатар мемлекет және қоғам қайраткерлері, облыстық, қалалық мәслихат депуттартары мен дербес бөлім басшылары, ауылдық округ әкімдері, мекеме басшылары қатысты.
Активте 8 жылдан астам уақыт Қызылорда қаласының әкімі қызметін атқарып, 1 сәуірден бастап Премьер-Министрдің өкімімен жаңа лауазымға тағайындалған Нұрлыбек Нәлібаевқа құрмет көрсетіліп, Қызылорда қаласының “Құрметті азаматы” атағы табысталды.
Басқосуда Гүлшара Наушақызы шаһар басшысының сегіз жылда атқарған ауқымды жұмыстарына тоқталып, Қызылорда қаласының әлеуметтік-экономикалық, инфрақұрылымдық дамуы жолындағы жемісті жұмысын ерекше атап өтті.
Сонымен бірге өңір басшысы Нұрлыбек Машбекұлының алдағы уақытта жаңа қызметінде қолға алар ел мүддесі жолындағы әрбір бастамасына Сыр халқы қашан да тілекші екендігін жеткізіп, беделді биіктерді бағындыруын тіледі.
Қаланың соңғы жылдардағы даму қарқыны Нұрлыбек Машбекұлының ерекше ұйымдастырушылық және көшбасшылық қабілетінің жемісі деген медицина саласының білгірі, сала ардагері Тұрғанбай Маханов тазарған, жаңарған, жанданған шаһарымыздың қол жеткізген көп жетістігін де қала әкімінің еңбегімен байланыстырды.
Сонымен қатар актив отырысында мемлекет және қоғам қайраткері Айтбай Көшербаев, облыстық мәслихат депутаты Шакизада Әбдікәрімов пен қалалық мәслихат хатшысы Ибадулла Құттықожаев Нұрлыбек Мәшбекұлының еңбек жолына, ел қызметіндегі еселі еңбегіне ерекше тоқталды. Өз кезегінде Нұрлыбек Нәлібаев сөз алып, алғысын білдірді.
<blockquote>
 «Қала әкімі қызметін атқаруға мүмкіндік жасаған Елбасы мен Мемлекет басшысына, аймақ басшыларына, жақсылығымызды асырып, кемшілігімізді кешірген Сыр халқына алғаусыз алғыс айтып, мені қолдаған барша әріптестеріме шексіз ризашылығымды білдіргім келеді. Қызылордаға әкім болып, қала тізгінін қолға ұстағалы бері атқарған жұмысымызды жұртшылық жақсы біледі деп ойлаймын. Қаланы дамыту жолында ауқымды тірлікті жалғыз өзім істедім деуден аулақпын. Бірге қызмет атқарған әріптестерім, тіпті тұрғындарға дейін жұдырықтай жұмыла білді. Қызылорданың келешегіне бей-жай қарамайтын әрбір азаматтың пікірімен санастық. «Сын түзелмей, мін түзелмейді» деп жатады. Біз айтылған әрбір сыннан, пікірден, кеңестен нәтиже шығару үшін жұмыс жасадық. Бірлесе артқарған жұмыс көп. Әрине, бәрін керемет қылып тастадық деуден аулақпыз. Сыр елінің, жыр елінің жүрегі, орталығы болып отырған Қызылорданың мен үшін орны қашан да ерек болып қала береді. Қайда жүрсек те, қандай қызметте болсақ та туған жер үшін еңбек етуді жалғастырамыз. Мен Сыр жұртын, оның ішінде Қызылорданы ерекше қатты жақсы көремін» – деді Нұрлыбек Нәлібаев.
</blockquote>
<img src="https://kyzylorda-news.kz/wp-content/uploads/2021/04/fb_img_1617441470679.jpg" alt="" />
<img src="https://kyzylorda-news.kz/wp-content/uploads/2021/04/fb_img_1617441474608.jpg" alt="" />

Қазақстан және Қызылорда облысының жаңалықтары

Балаға ерте жастан ақша жинауды қалай үйретуге болады?

Пандемия 2021 жылы аяқталмайды – эпидемиолог

Қызылордада пәтер бағасы қаншаға қымбаттады?

Қызылордада бір тәулікте 38 адам коронавирус жұқтырды

Харуки Мураками: “Әуен ойнап тұрғанда билеп ал”

Қамшыбек Қонқабаев бокстан әлем чемпионатының елшісі атанды

Қызылордада күшті жел соғып, найзағай ойнайды

Нұрлыбек Нәлібаев қала тазалықшыларымен кездесті

Вакцина қабылдаған екі адам трамбоздан қайтыс болды

Аймақ басшысы Нұрлыбек Нәлібаевтың жаңа қызметіне сәттілік тіледі

“10 күн қалды”: Мүфтият өкілі эпидахуалға байланысты биыл ораза ұстауда ескеретін жайттарды атады

Нұрлыбек Нәлібаев: Барлығын керемет еттік деуден аулақпыз

Қазақстан және Қызылорда облысының жаңалықтары

Балаға ерте жастан ақша жинауды қалай үйретуге болады?

Пандемия 2021 жылы аяқталмайды &#8211; эпидемиолог

Қызылордада пәтер бағасы қаншаға қымбаттады?

Қызылордада бір тәулікте 38 адам коронавирус жұқтырды

Харуки Мураками: &#8220;Әуен ойнап тұрғанда билеп ал&#8221;

Қамшыбек Қонқабаев бокстан әлем чемпионатының елшісі атанды

Қызылордада күшті жел соғып, найзағай ойнайды

Нұрлыбек Нәлібаев қала тазалықшыларымен кездесті

Вакцина қабылдаған екі адам трамбоздан қайтыс болды

Аймақ басшысы Нұрлыбек Нәлібаевтың жаңа қызметіне сәттілік тіледі

&#8220;10 күн қалды&#8221;: Мүфтият өкілі эпидахуалға байланысты биыл ораза ұстауда ескеретін жайттарды атады

Нұрлыбек Нәлібаев: Барлығын керемет еттік деуден аулақпыз

Пандемия 2021 жылы аяқталмайды – эпидемиолог

Харуки Мураками: “Әуен ойнап тұрғанда билеп ал”

“10 күн қалды”: Мүфтият өкілі эпидахуалға байланысты биыл ораза ұстауда ескеретін жайттарды атады