Kyzylorda-news.kz. Қазақстанда өткен тәулікте 577 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша: Нұр-Сұлтан қаласы – 120, Алматы қаласы – 24, Шымкент қаласы – 9, Ақмола облысы – 55, Алматы облысы – 25, Атырау облысы – 7, Шығыс Қазақстан облысы – 50, Жамбыл облысы – 10, Батыс Қазақстан облысы – 7, Қарағанды облысы – 157, Қызылорда облысы – 2, Павлодар облысы – 68, Солтүстік Қазақстан облысы – 41, Түркістан облысы – 2.
Қазақстан бойынша жазылғандар саны – 951686.

Қызылордада коронавирустан жазылғандар бар

Kyzylorda-news.kz. Қазақстанда өткен тәулікте 546 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша: Нұр-Сұлтан қаласы – 97, Алматы қаласы – 32, Шымкент қаласы – 1, Ақмола облысы – 58, Алматы облысы – 8, Атырау облысы – 4, Шығыс Қазақстан облысы – 20, Жамбыл облысы – 5, Батыс Қазақстан облысы – 12, Қарағанды облысы – 112, Қостанай облысы – 54, Қызылорда облысы – 5, Маңғыстау облысы – 1, Павлодар облысы – 64, Солтүстік Қазақстан облысы – 69, Түркістан облысы – 4.
Жалпы ел бойынша ауырғандар саны 981981.

Қызылордада 5 адам коронавирус жұқтырды

Kyzylorda-news.kz. Қазақстанның батысында, солтүстік-батысында, солтүстігінде және шығысында Солтүстік-батыс циклонының әсерінен жаңбыр мен жауып, жаяу бұрқасын соғады, деп хабарлайды Қазгидромет.
Республиканың басқа аумақтарында антициклон өз ықпалын сақтайды, сондықтан жауын-шашын жаумайды. Еліміздің кей жерлерінде жел күшейіп, тұман түседі.
Ақмола облысының солтүстігінде, оңтүстік-шығысында жаяу бұрқасын, көктайғақ, жел қарқыны – 15-20 м/с.
Солтүстік Қазақстан облысының батысында, оңтүстігінде жаяу бұрқасын, тұман, көктайғақ күтіліп, желдің екпіні 15-20 м/с дейін күшейеді.
Павлодар облысының солтүстігі мен батысында желдің жылдамдығы – 15-20 м/с, жаяу бұрқасын соғады.
Қостанай облысының солтүстігінде желдің күші 15-20 м/с жетеді, жаяу бұрқасын көтеріліп, оңтүстігінде тұман, көктайғақ болжанады.
Шығыс Қазақстан облысының солтүстік-шығысында жаяу бұрқасын көтеріледі, батысында желдің қарқыны 15-20 м/с жетеді.
Атырау облысының басым бөлігінде, батысында, Батыс Қазақстан облысының солтүстігінде, Ақтөбе облысының батысында, Маңғыстау облысының батысында және оңтүстік-шығысында, Қызылорда облысының оңтүстігінде, Қарағанды облысында, Жамбыл облысының солтүстігінде, таулы және тау бөктеріндегі аудандарында, Түрістан облысының таулы аудандарында, Алматы облысының тау бөктеріндегі аудандарында және шығысында тұман түседі.
Қарағанды облысының солтүстігінде, шығысында, Алматы облысының Алакөл ауданында, Жамбыл облысының таулы аудандарында түнде жел екпіні 15-20 м/с жетеді.

17 желтоқсанға арналған ауа райы болжамы

Kyzylorda-news.kz. Қызылордада Қазақстан Республикасының Тәуелсіздігінің 30 жылдығына орай, «ВОЛОНТЕРЛІК – ӨМІР БЕЛЕСІ» атты облыстық волонтерлер слеті өтті.
Шараға облыс әкімінің орынбасары Серік Ахмет қатысып, жыл басынан бергі қиын сәтте қайырымдылығын аямаған, бірліктің нағыз үлгісін көрсете білген барша азаматқа, азаматтық қоғам белсенділеріне, соның ішінде волонтерлердің жыл басынан бері атқарған игі жұмыстарына тоқталып, алғысын білдірді.
<blockquote>
 «Тәу етер Тәуелсіздігіміз – біздің ең басты құндылығымыз! Тұңғыш Президент – Елбасы Нұрсұлтан Әбішұлы Назарбаев өзінің «Тәуелсіздік тағылымы» атты мақаласында «Ол – ата-бабаларымыздың азаттық жолындағы жан алысып, жан беріскен сан ғасырлық күресінің заңды жалғасы, халықаралық құжаттармен бекітіліп, мәңгілікке берген сыйы», – дегенін жақсы білесіздер. Тәуелсіз ел болудың арқасында біз ұлттық құндылықтарымызды сақтай отырып, аз ғана мерзім ішінде көптеген жетістіктерге қол жеткізіп келеміз. Осы ретте, жабырқағанның жанына жалау болып, қамыққанға қол ұшын беру, қайырымдылық жасау – халқымыздың қанына біткен асыл қасиеттердің бірі екенін айта кеткеніміз абзал, – деді облыс әкімінің орынбасары Серік Ахмет.
</blockquote>
Шара одан әрі марапаттау кезеңімен жалғасып, облыс әкімінің орынбасары бірқатар азаматтарға Қазақстан Республикасы Президентінің 2021 жылғы 2 желтоқсандағы Жарлығына сәйкес «Халық алғысы» медалін, Қазақстан Республикасы Ақпарат және қоғамдық даму министрінің алғыс хатын, Республикалық волонтерлер фронт-офисі директорының алғысын, Қызылорда облысы әкімі орынбасарының алғыс хатын және «Жыл волонтері» облыстық сыйлығын табыстады.

Қызылордада облыстық волонтерлер слеті өтті

Kyzylorda-news.kz. 16 желтоқсан-Тәуелсіздік күні мерекесіне орай «Азаматтарға арналған үкімет» мемлекеттік корпорациясы» КЕ АҚ Қызылорда облысы бойынша филиалында мерекелік шара өтті.
Жиында филиал директоры Айнұр Тобаева әріптестерін мерекемен құттықтап, Егемендіктің қазақ халқы үшін қастерлі екенін айрықша атап өтті. Сондай-ақ мемлекетіміздің Тәуелсіздік жылдарындағы жетістіктеріне де тоқталып, корпорация қызметкерлерінің де ел дамуы ісіне атсалысқанын айта кетті.
<blockquote>
 “Биыл Ел Тәуелсіздігіне 30 жыл толуда. Осы аралықта мемлекетіміз үлкен жетістіктерге жетіп, әлемге жақсы атымен таныла білді. Біздің корпорациямыз да күні кеше Біріккен Араб Әмірлігі елінде Біріккен ұлттар ұйымының жоғары бағасына қол жеткізді. Бұл – «Азаматтарға арналған үкімет» Мемлекеттік корпорациясы» қызметінің барша тұрғындарға қол жетімді болғанының дәлелі. Аталған жетістік сіз бен біздің мызғымас бірлігімізге, орасан еңбегімізге берілген баға деп білемін. Алдағы уақытта да толағай табыстардың бастамашысы болатындарыңызға сенемін”, – деді Айнұр Тобаева.
</blockquote>
Филиал директоры Айнұр Тобаева осы жиында халыққа қызмет көрсету орталығының бірнеше қызметкеріне түрлі марапаттарды табыс етті. Атап айтар болсақ, ҚР Президентінің 2021 жылдың 2 желтоқсандағы Жарлығы бойынша филиалдың 5 қызметкері «Қазақстан Республикасының Тәуелсіздігіне 30 жыл» мерекелік медалімен наградталды. Сонымен қатар «Мемлекеттік қызмет көрсету саласындағы қызметкерлердің жергілікті кәсіптік Одағы» қоғамдық бірлестігінің «Еңбек даңқы» медалімен 3 қызметкер және осы бірлестіктің «Кәсіподақ қызметінің дамуына қосқан үлесі үшін» төсбелгісімен 4 қызметкер марапатталды.
Шара барысында «Азаматтарға арналған үкімет» мемлекеттік корпорациясы» КЕ АҚ басқарма төрағасы Әділ Қожықовтың «Алғыс хаты» филиалдың 47 қызметкеріне табысталды. Сондай-ақ, Қызылорда облысы әкімі Гүлшара Әбдіқалықованың «Алғыс хатын» Халыққа қызмет көрсету орталығының Шиелі аудандық бөлімі басшысының орынбасары Қуаныш Мәуленов, облыстық ішкі саясат басқармасы «Қызылорда облысының тілдерді оқыту орталығының» директоры Ләззат Ортаеваның «Алғыс хатын» филиал менеджері Мейірбек Әбутәліпұлы иеленді.
<img src="https://kyzylorda-news.kz/wp-content/uploads/2021/12/img-20211215-wa0112.jpg" alt="" />
<img src="https://kyzylorda-news.kz/wp-content/uploads/2021/12/img-20211215-wa0111.jpg" alt="" />
<img src="https://kyzylorda-news.kz/wp-content/uploads/2021/12/img-20211215-wa0113.jpg" alt="" />

Мерекеде қызметі бағаланып, еңбегі еленді

Kyzylorda-news.kz. Қызылорда облысының әкімі Гүлшара Әбдіқалықова сырбойылықтарды ел Тәуелсіздігінің 30 жылдығымен құттықтады.
ҚЫМБАТТЫ ЖЕРЛЕСТЕР! Сіздерді еліміздің ең басты ұлық мерекесі – қастерлі де қасиетті ТӘУЕЛСІЗДІГІМІЗДІҢ 30 ЖЫЛДЫҚ МЕРЕЙТОЙЫМЕН шын жүректен құттықтаймын!
Бұл – әлем картасында ойып өз орнын алған Қазақстанның орда бұзар жасы!
Бабалар ұланғайыр жерімізді ақ найзаның ұшымен, ақ білектің күшімен қорғап, сан ғасыр егемен ел болуды арман етсе, сол арманына 1991 жылы ұрпағының қолы жетті.
Тәуелсіздік – бұл ең асыл, киелі құндылық қана емес, келер ұрпақ алдындағы үлкен жауапкершілік! Әлемдегі қандай халық үшін де азат ел болудан асқан ұлы мақсат жоқ. Егемен ел бола алмай жүрген мемлекеттер қаншама. Соларды еске алсақ, Тәуелсіз ел екенімізге шүкіршілік дейміз!
Тәуелсіз Қазақстанның бүгінге дейін жеткен жетістігі мен алған биігінде әрбір сырбойылық азаматтың лайықты үлесі бар. Қандай да бір ісіміз жемісті, нәтижелі болса, ол сіз бен біздің үйлесімді тірлігіміз бен берекелі бірлігіміздің арқасында деп білемін.
Сіздерді ең маңызды ұлттық мерекемізбен құттықтай отырып, әр отбасына амандық, ырыс-құт тілеймін!
Сүйікті Отанымыз – Тәуелсіз Қазақстанымызды одан әрі нығайту жолында аянбай еңбек ете берейік! Еліміз еңселі, Тәуелсіздігіміз тұғырлы, ғұмыры мәңгілік болсын! ТӘУЕЛСІЗДІК КҮНІ ҚҰТТЫ БОЛСЫН!

Гүлшара Әбдіқалықова: Тәуелсіз Қазақстанның бүгінге дейін жеткен жетістігінде әрбір сырбойылық азаматтың лайықты үлесі бар

Kyzylorda-news.kz. Бүгін Қазақстанның қасиетті әрі қастерлі мерекесі – Тәуелсіздік күні. Осыдан 30 жыл бұрын 16 желтоқсанда Жоғарғы Кеңес «Қазақстан Республикасының Мемлекеттік тәуелсіздігі туралы» Конституциялық Заңды қабылдаған еді, деп хабарлайды <a href="https://www.inform.kz/kz">ҚазАқпарат.</a>
Тәуелсіздіктің 30 жылдығында Қазақстан елеулі жетістіктерге жетті және күрделі сын-қатерлерден өтті. Төл валютасын қолданысқа енгізді. Айбынды әскерін құрды. Шекараларын бекітіп, жаңа астанасын салды. Мемлекеттік рәміздерін бекітті.
Орнықты мемлекеттік институттары бар және экономикасы бәсекеге қабілетті демократиялық мемлекет ретінде қалыптасты.
Әлемдік сауда-экономикалық жүйеге толық еніп, өзін сенімді серіктес ретінде көрсете білді.
Бүгінде әлем бойынша 120-дан астам ел Қазақстанмен дипломатиялық қарым-қатынас орнатқан.
Биылғы мерейтойлық жылда да елімізде ауқымды реформалар басталды, экономика мен әлеуметтік сала жаңғырып келеді.
Пандемияға қарамастан, мемлекет отандық бизнеске қолдау көрсетіп жатыр. Халқымыздың саны 19 миллионнан асты.
Қазақстан ССРО тарағаннан кейін араға 8 күн салып, тәуелсіздігін жариялады. Қазақстанның дербес ел болғанын әлемге алғашқылардың бірі болып «ҚазАқпарат» халықаралық ақпарат агенттігі (ҚазТАГ) хабарлаған еді.
<blockquote>
 «Тәуелсіздіктің біздің бәрімізге артар міндеті мол. Енді еңселі ел болудың жолына шындап түсуіміз керек. Әулетіміздің асуы да, дәулетіміздің тасуы да өз қолымызда. Кең-байтақ жеріміздің байлығы осы даланың түпкілікті халқына да, тағдыр қосып бірге өмір сүріп жатқан өзге ұлт өкілдеріне де молынан жетеді. Не істесек те ақылмен істейік, арзан ұранға ермейік, ұшпа сезімге ерік бермейік дегім келеді», – деді Елбасы Нұрсұлтан Назарбаев 17 желтоқсанда Алматыдағы Орталық алаңда Қазақстан Республикасының мемлекеттік тәуелсіздігі жариялануына орай өткізілген жиында.
</blockquote>
Қазақстанның Тәуелсіздігін ресми түрде ең алғаш Америка Құрама Штаттары мойындады.
Одан кейін Қытай, Ұлыбритания, Моңғолия, Франция, Жапония, Оңтүстік Корея және Иран Ислам мемлекеті Қазақстанды тәуелсіз мемлекет ретінде таныды.
Ал Түркия бірінші болып Қазақстанда өз елшілігін ашты.
ҚР Тұңғыш Президенті – Елбасы Нұрсұлтан Назарбаев өзінің «Тәуелсіздік тағылымдары» атты мақаласында ғасырлар тоғысында ел басқару ісі үлкен сеніммен қатар зор жауапкершілік жүктегенін айтады.
<blockquote>
 «Осыдан отыз жыл бұрын біз саналы түрде, өз дүниетанымымыз бен болмысымыздың негізі ретінде бостандық пен азаттыққа таңдау жасадық. Бүгінге дейінгі бұл мерзім адамзат тарихы үшін қас-қағым ғана сәт болғанымен, орда бұзар жасқа енді толған тәуелсіз Қазақстан үшін ол – үлкен белес, асқаралы асу. Мұндайға тек рухы күшті, бірлігі бекем жұрт қана қол жеткізе алады», – деп жазды Н. Назарбаев.
</blockquote>
Мемлекет басшысы Қасым-Жомарт Тоқаев ел Тәуелсіздігінің 30 жылдық мерейтойына арналған салтанатты жиынында Тәуелсіздіктің отыз жылын халқымыздың тарихында бетбұрыс болған жасампаздық дәуірі деп атады.
<blockquote>
 «Тарихи уақыт өлшемімен қарағанда отыз жыл деген – қас-қағым сәт. Ал, өткен оқиғалар тұрғысынан бағаласақ, ғасырларға татитын мерзім. Қазақстан халқы үшін бұл – азаттық жылнамасының тұтас дәуірі. Жарқын болашағымызға жол салған ұлы жетістіктер кезеңі. Енді Тәуелсіздіктің төртінші онжылдығына қадам басқалы тұрмыз. Бұл кезең бізге жаңа міндеттер жүктейді. Мемлекеттігімізді одан әрі нығайтып, халқымыздың әл-ауқатын арттыра түсуіміз керек. Сондықтан, барлық саладағы реформаны міндетті түрде жалғастыра береміз. Ең бастысы, бейбіт өмірді, тыныштық пен тұрақтылықты сақтай білуіміз қажет. Сонда азаматтарымыз Тәуелсіздіктің игілігін әрдайым сезінетін болады. Біздің мақсатымыз – осы», – деді Президент.
</blockquote>
Қазақстандағы Тәуелсіздік күнінде тұтас ел бойынша салтанатты іс-шаралар өтеді, әлеуметтік нысандар іске қосылады. 2021 жылдың басынан бергі көптеген іс-шаралар Тәуелсіздік күніне арналды.
Сонымен бірге, Президент Ақордада еліміздің әлеуметтік-экономикалық және мәдени дамуына, халықтар арасындағы достық пен ынтымақтастықты нығайтуға қосқан елеулі үлесі, белсенді қоғамдық қызметі үшін бір топ азаматты мемлекеттік наградалармен марапаттады және Қазақстанды көркейтуге үлес қосқан барлық азаматқа ризашылық білдірді.
Ал 15 желтоқсанда Нұр-Сұлтанның үш нүктесінде демеушілік қаражат есебінен мерекелік отшашу ұйымдастырылды.
<blockquote>
 «Даму жолымызды нақты нұсқап тұрған стратегиялық мақсаттарымыз бар. Еліміз өзінің сара жолынан айнымай, алға қадам баса береді. Біз үшін Тәуелсіздік бәрінен қымбат. Осы баға жетпес құндылығымызды қастерлеп, қуатты Қазақстанды дамыту үшін бәріміз жұмылып, бір ел болып аянбай еңбек етейік. Жалпыұлттық мерейтойымыз құтты болсын! Еліміздің абыройы асқақтап, беделі биіктей берсін! Елбасымыз аман болсын! Қазақстанымыз мәңгі болсын!», – деп құттықтады Қасым-Жомарт Тоқаев.
</blockquote>

Тәуелсіздікке 30 жыл: Бүгін Қазақстанда ұлық мереке

Kyzylorda-news.kz. Ел өңірлерінде өткен бір тәулікте 791 адам коронавирус инфекциясынан жазылып шықты, деп хабарлайды coronavirus2020.kz.
Нұр-Сұлтан қаласында – 100, Алматы қаласында – 32, Шымкент қаласында – 0, Ақмола облысында – 63, Ақтөбе облысында – 16, Алматы облысында – 28, Атырау облысында – 6, Шығыс Қазақстан облысында – 49, Жамбыл облысында – 18, Батыс Қазақстан облысында – 13, Қарағанды облысында – 108, Қостанай облысында – 175, Қызылорда облысында – 5, Маңғыстау облысында – 0, Павлодар облысында – 69, Солтүстік Қазақстан облысында – 108, Түркістан облысында – 1.
Жалпы, пандемия басталғалы коронавирус инфекциясын жұқтырудың 981 435 дерегі тіркелді. Соның ішінде 951 109 науқас жазылды.

Covid-19: Қызылордада 5 адам жазылды

Kyzylorda-news.kz. Қазақстанда өткен тәулікте коронавирус инфекциясын жұқтырудың жаңадан 575 жағдайы тіркелді, деп хабарлайды coronavirus2020.kz.
Оның ішінде: Нұр-Сұлтан қаласында – 75, Алматы қаласында – 39, Шымкент қаласында – 4, Ақмола облысында – 61, Ақтөбе облысында – 4, Алматы облысында – 19, Атырау облысында – 11, Шығыс Қазақстан облысында – 23, Жамбыл облысында – 3, Батыс Қазақстан облысында – 10, Қарағанды облысында – 105, Қостанай облысында – 57, Қызылорда облысында – 7, Маңғыстау облысында – 5, Павлодар облысында – 67, Солтүстік Қазақстан облысында – 80, Түркістан облысында – 5.
Жалпы, пандемия басталғалы коронавирус инфекциясын жұқтырудың 981 435 дерегі тіркелді.

Қызылордада 7 адам коронавирус жұқтырды

Kyzylorda-news.kz. 16 желтоқанда Қазақстан территориясының басым бөлігіне антициклон ықпал етеді, сондықтан жауын-шашын жаумайды, деп хабарлайды Қазгидромет.
Тек еліміздің солтүстігі мен шығысында Солтүстік-батыс циклонның әсерінен қар жауады, жаяу бұрқасын көтеріледі. Еліміздің кей жерлерде жел күшейіп, тұман түседі.
Ақмола облысының солтүстігінде, шығысында жел екпіні 15-20 м/с дейін күшейеді.
Күндіз Солтүстік Қазақстан облысының солтүстігінде, шығысында жаяу бұрқасын, батысында желдің күші 15-20 м/с жетеді.
Павлодар облысының оңтүстігінде, батысында жаяу бұрқасын соғады, жел жылдамдығы – 15-20 м/с шамасында.
Қостанай облысының солтүстігінде жаяу бұрқасын соғып, секундына 15-20 метр жылдамдықпен жел тұрады. Оңтүстігінде тұман түседі.
Шығыс Қазақстан облысының солтүстігінде жаяу бұрқасын мен тұман болады, батысында жел жылдамдығы – 15-20 м/с.
Батыс Қазақстан облысының солтүстігінде, Атырау облысының батысында, Қызылорда облысының оңтүстігінде, Жамбыл облысының солтүстігінде, таулы аймақтарда, түнде және таңертең Түркістан, Алматы облыстарының оңтүстігінде, тау бөктерінде тұман түседі.
Түнде Атырау облысының шығысында жел екпіні 15-20 м/с жетеді.
Маңғыстау облысының батысында, орталығында жел 15-20 м/с дейін күшейеді, орталығында шаңды дауыл болады.

16 желтоқсанға арналған ауа райы болжамы

<a href="https://kyzylorda-news.kz/">Kyzylorda-news.kz.</a> Қазақта «Отызда орда бұзбаған, қырықта қамал алмайды» дейді. Яғни, күші шалқып, дариядай кемерінен тасып&nbsp; тұрған отыз жастағы шағындағы сарбаз &nbsp;атойлап жау ордасын ала алмаса, онда қырық жасында тас түйін бекінген қамалды ала алмайды дейді. Ал, біздің жас мемлекетіміз осы отыз жылдың алғашқы бес жылында-ақ ордаңды былай қойып, қамал салып бекініп те алды.
&nbsp;Ең бірінші 1995 жылғы Конституцияның арқасында жаңа тұрпаттағы мемлекеттік құрылым қалыптасып, қираған одақтан «мұраға» қалған қалың проблемалардан тазару жұмыстары қарқын алды. Қиын-қыстау уақытты бір серпіп тастап, ұлы жолға бет түзеді. Халықтың әлеуетімен ғана, мәдениетімен де, рухани құндылығымен да жұмыс жасады. Өркениеттік дамуға сай қос палаталы кәсіби Парламент өз жұмысын бастап, биліктің басқа тармақтарымен ынтымақтасқан заң шығарушы билік қоғам үшін сапалы құжаттарды қабылдауға кірісті. Осы кездері қабылданған өміршең заңдардың өзі мемлекеттің саяси-экономикалық жаңаруына үлкен сеп болды. Бір сөзбен айтқанда, елдің тәуелсіз дамуындағы 1996 жылдың еншісіндегі жетістіктің өзі бір төбе еді.
Елді әділдік, демокртаия жолына бастаған тұңғыш Президент Н. Назарбаев бұрынғының билерін, қазіргінің соттарының жүйесін қатаң бақылауға алды. Өйткені әділдік орнаған елде ғана даму, өркендеу мен өсу бар емес пе? Қасым ханның қасқа жолын, Есім ханның ескі жолын ұстанып, Әз Тәукенің жеті жарғысындай жасампаз жолды жалғастыруды мақсат етті. Солай да болды. Елдің сот саласына көзқарасы өзгеріп, сенім арта бастады. &nbsp;&nbsp;&nbsp;
Сот жүйесінің алғашқы даму кезеңін ескі кеңестік сот жүйесінен &nbsp;тәуелсіз Қазақстанның жаңа сот жүйесіне көшу уақыты деп сипаттауға болады. Сот жүйесіндегі өзгерістер Қазақстандағы мемлекеттік биліктің заң шығарушы, атқарушы және сот биліктеріне тармақталып құрылатынын және жүзеге асырылатынын әйгілеген 1991 жылғы 16 желтоқсандағы «Мемлекеттік тәуелсіздік туралы» конституциялық заңынан басталса, биліктің тармақталу қағидатын бекітіп берген 1993 жылғы алғашқы Конституция сот билігінің ұйымдасып, қызмет етуінің негізгі принциптерін айқындады.
1994 жылы ҚР Президентінің «Қазақстан Республикасында құқықтық реформаның мемлекеттік бағдарламасы туралы» қаулысы шықты. Қаулы жаңа сападағы сот жүйесін құрудың басты бағдарлары енген және оны дамытудың негізгі басымдықтары айқындалған басты тарихи құжат болды. Сонымен бірге Тәуелсіз Қазақ елінің Азаматтық және Қылмыстық кодекстері қабылданды, сот ісі жаңадан қабылданған Азаматтық-процессуалды, Қылмыстық-процессуалды кодекстерге сәйкес жүргізілетін болды.
Қазақстан Республикасы сот жүйесінің қалыптасу кезеңі 1995-2000 &nbsp;жылдар аралығында жүрді. 1995 жылы ҚР Конституциясының және ҚР Президентінің Конституциялық заң күші бар «Сот жүйесі және судьялар мәртебесі туралы» жарлығының қабылдануы сот жүйесі дамуының жаңа кезеңін бастап берді емес пе.
Осылайша сот құрылымының негізгі элементтері мен республика соттарының жұмыс тәртібін айқындап берген жаңа нормалар енгізілді. Бұл алғашқы он жылдықтағы қадамдар еді.
Ал, жиырма жылдыққа қарай басқан қадам да қасиетті ордалардан тәбәрік шаралардан басталды. Иә, елдегі тарихи оқиғаларға тоқталсақ, 2002 жылы Тараз қаласының 2000 жылдық мерейтойы ЮНЕСКО көлемінде аталып өтті. Сонымен қатар осы жылы киелі Түркістанда Дүниежүзі қазақтарының екінші құрылтайы өтті. Бұдан асқан қандай жетістік, қандай биіктік керек. Осы шарадан соң араға екі жыл салып Астанада Әлемдік және дәстүрлі діндер жетекшілерінің бірінші құрылтайы өтті. Тарих жүзінде бұған дейін дәстүрлі үш бағыттағы дін басшыларының бір жерде бас қоспағанын ескерсек, бұл Қазақстанның басты жетістіктерінің бірі саналмай ма? Осы жылдары ҚР Президентінің жарлығымен кәсіпкерлік қызметті жүзеге асыруға қатысты сот таластарын қарастыратын мамандандырылған ауданаралық экономикалық соттар құрылды. 2004 жылы ауданаралық мамандандырылған соттар құрылып, олардың қарауына мемлекеттік билік органдарының құзыретінен шығатын істер берілді. Осылайша, көпшілік-құқықтық қатынас саласында азаматтардың құқықтары мен бостандықтарын қорғау механизмдері күшейтілді.
2010 жылы Қазақстан Еуропаның қауіпсіздік және ынтымақтастық ұйымына төрағалық ете бастады. Осы жылдың желтоқсан айында Қазақстанда саммит өткізілді. 2011 жылы Қазақстанда алғаш рет қысқы Азия ойындары өтті. Өздеріңіз білесіздер бұл ойындар тек тыныштығы сенімді, дамыған, өркениетті елдерде ғана өтеді. 2015 жылдың 27 шілдесінде Қазақстан Республикасы Дүниежүзілік сауда ұйымының мүшесі атанды. Бұл экономиканың одан әрі қарқындауы емес пе. Қазақстанда EXPO-2017 көрмесі ше?
&nbsp;Енді өз саламызға келсек, отыз жылдыққа қарай беталыс кезеңінде ҚР сот жүйесін одан әрі жетілдіру мақсатын іс жүзінде жүзеге асыру 2014 жылы бірқатар іргелі нормативтік-құқықтық актілердің қабылдануынан кейін басталды. Әсіресе, Қазақстан Республикасының жаңа Қылмыстық, Қылмыстық-процессуалды және Әкімшілік құқық бұзушылық туралы кодекстері сот уәкілдігінің аясын кеңейтті, адамдардың сотқа қол жетімділігін ұлғайтты, азаматтардың заңды құқықтары мен мүдделерінің толыққанды орындалуын қамтамасыз етуге жағдай жасады. Сот жүйесін одан әрі дамыту Ұлт жоспары – «100 нақты қадам» бағдарламасынан көрініс тапты. «Заң үстемдігін қамтамасыз ету» атты 2-бөлім тұтастай сот саласын өзгертуге арналды. Жалпы, 2015 жыл, мамандардың пікіріне қарағанда, Қазақстанның сот жүйесін реформалау жылы болды. Жыл аяғына қарай Ұлт жоспарын жүзеге асыру аясында 59 заң күшіне енді.
Айта берсек отыз жылдағы жетістіктер мен жеңістер жетіп артыларлықтай. Ордалы отыз жылдың ішінде еліміз осындай небір биіктерге жетті және мәңгілік елдің, мәңгілік биіктің тұғырын тұрғызды. Біз жақсылықты көре білгенде ғана сол тұғырымыз мығым, берік те биік бола бермек. Олай болса осы ордалы отыз жыл дүйім елге құт береке бола берсін.
Әсел Карбозова,
Қызылорда қалалық сотының судьясы

Тұғырлы да, ордалы отыз жыл

<a href="https://kyzylorda-news.kz/">Kyzylorda-news.kz.</a> Ел Тәуелсіздігінің 30 жылдық мерейтойына орай бүгін өңірдегі әлеуметтік сала қызметкерлері құрмет төрінен көрінді. Салтанатты шараға облыс әкімінің орынбасары Балжан Шәменова қатысты.
Аймақ басшысының орынбасары сала мамандарын айтулы мереке қарсаңында үлкен жауапкершілікті талап ететін қызметтерін жоғары бағалап, Сыр халқының әлеуметтік жағдайын жақсартуда жасалған ілкімді істерді тілге тиек етті.
<blockquote>
 «Тәуелсіздігіміздің 30 жылдығы ішінде азаматтарды әлеуметтік қорғаудың алғышарттары жасалып, көпсалалық, бірнеше деңгейлік ұлттық моделі құрылды. Өздеріңіздің тікелей қатысуларыңызбен осы салада мемлекеттік жәрдемақы, жинақтаушы зейнетақымен қамсыздандыру, міндетті әлеуметтік сақтандыру, әлеуметтік қолдау сияқты негізгі бағыттар жүзеге асып, ынтымақтастықтың және мемлекеттік институттардың қатысуының әртүрлі деңгейі қалыптасты. 
 Сонымен қатар, халықты жұмыспен қамту мақсатында қабылданған мемлекеттік бағдарламалар, жол карталары жаңа жұмыс орындарының ашылуына мүмкіндік берді. Жұмыссыздық деңгейі 11,2 проценттік пунктке төмендеп, қазіргі уақытта 4,9% құрады. Облыс бойынша 243 810 жаңа жұмыс орындары құрылды. Бұл жұмыстар одан әрі жалғасатын болады», – деді Балжан Шәменова.
</blockquote>
Мұнан соң, сала ардагерлері мен түрлі деңгейдегі 19 қызметкер «Қазақстан Республикасының Тәуелсіздігіне 30 жыл» мерекелік медалімен, 13 адам Қызылорда облысы әкімінің Алғыс хатымен марапатталды.
Мерекелік іс-шараның арнайы рәсімінен соң Қазалы аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Совет Бабанов пен Кіші кәсіпкер әйелдер қоғамының төрайымы Салтанат Сыздықова ықылас-лебіздерін білдірді.

Қазақстан және Қызылорда облысының жаңалықтары