Kyzylorda-news.kz. «Оскар» сыйлығының 3 мәрте иегері, «Атын глобус» сыйлығының 5 мәрте иегері, атақты кинорежисер, продюсер, сценарист Оливер Стоунның продюсерлігімен жарық көрген «Qazaq. Алтын адам тарихы» атты фильмді түсіруге 19 ай кеткен, деп хабарлайды ҚазАқпарат.
Бұл туралы орталық коммуникациялар қызметінде фильмнің режисері, украниналық маман Игорь Лопатенок мәлім етті. Таныстырылым барысында Оливер Стоун мырза бұл фильмнің продюсері екенін, ал режиссері – украиналық маман Игорь Лопатенок екенін түсіндірді.
<blockquote>
 «Мен Президентпен сұхбат жүргіздім және фильмге продюсер ретінде атсалыстым»- деді америкалық режисер. Укариналық режисердің айтуынша, фильмді түсіруге 19 ай кеткен.
 «Фильм жұмыстары 19 айға созылды, біз бірнеше сұхбат сессияларын өткіздік. Осыдан кейін бүкіл ел көлемінде экспедиция жасауды жоспарладық. Өкінішке қарай, экспедиция пандемияға байланысты үзіліп қалды. Бірақ бұл жайт бізді тоқтата алмады. Инфекциялардан қорқу керек, бірақ сіз өз ісімізді де жасауымыз керек. Менің ойымша, біз бұл фильмді мүмкіндігімізден тыс жасадық. Мен өз өмірімдегі ең жақсы жұмыстардың бірін істедім деп санаймын», – деді фильм режисері. Игорь Лопатенок Оливер Стоунды өзінің ұстазы деп есептейтінін айтты.
 «Мен Оливерді ұстазым деп атаймын, бірақ ол бұдан бас тартып жүр. Ол осы фильмнің премьерасын өткізу үшін көп жұмыс істеді. Қажет кезінде дұрыс сұрақ қоя білу керек еді» – деп түйіндеді Игорь Лопатенок.
</blockquote>

Белгілі америкалық режиссер Оливер Стоун Елбасы туралы фильм түсіруге атсалысты

Kyzylorda-news.kz. Жыл сайын дәстүрлі түрде қазақстандықтар астанамыз 6 шілде күні – Нұр-Сұлтан қаласының мерекесін атап өтеді. Бұл қаланың негізгі басымдығы – ол тәуелсіздіктің символы іспеттес. Өйткені, Қазақстан тәуелсіздік алғалы бері өзінің жаңа елордасын сала алды. Осыдан 20 жылдан астам уақыт бұрын Ақмола қаласы Қазақстан Республикасының елордасы болып жарияланды.
Тарих үшін аса қысқа мерзім ішінде елорда заманауи мегаполиске, мемлекет пен қоғамның қарқынды дамып келе жатқан барлық саласына оң әсер етуші қоғамдық-саяси, экономикалық, ғылыми әрі әлеуметтік-мәдени танымал орталыққа айналғанына куә болдық. Алдымен, Нұр-Сұлтан шаһараның Ұлы Даланың Бас қаласына айналу тарихына ден қоялық. Тәуелсіздік алғаннан кейінгі жылдары Елбасы Нұрсұлтан Назарбаев республика астанасын Алматыдан басқа өңірге, оның ішінде орталыққа көшіру туралы идеясын айтты. Соның арқасында 1994 жылғы 6 шілде күні Қазақстан Республикасы Жоғарғы Кеңесінің астананы Алматыдан Ақмолаға ауыстыру туралы шешім-қаулысы қабылданды. Елбасы көшіру қажеттігінің геосаяси, экономикалық және экологиялық себептерін дәлелдеді. Жүргізілген талдау барлық нұсқалардың ішінде Ақмола неғұрлым бұл талаптарға орайласатынын көрсетті. Бүгінде бұл шешiмнiң дұрыс болғандығына ешкiм де күмән келтiрiп, дауласпайды. 1994 жылғы 6 шілдеде ҚР Тұңғыш Президенті Н.Назарбаевтың Қазақстан Республикасы Жоғарғы Қеңесінің пленарлық отырысында сөз сөйлеуі Бұдан кейін, 1997 жылы Н.Назарбаевтың елорданы Алматыдан Ақмолаға көшіру туралы шешімі шықты.
Соған орай Ақмолаға қарай ресми көштің басы 1997 жылдың күзіне қарай басталды. 20 жылдан астам уақыт бұрын Елбасының Ақмолаға аттану алдындағы түсірілген мына суреттің мән-мағынасы тереңде жатқанын аңғаруға болады. Н.Назарбаев Ақмолаға аттану алдында. 1997 ж. 1997 жылғы 8 қарашада Қазақстан Республикасының Мемлекеттік рәміздері мен Президент байрағы Ақмола қаласына жеткізілді.
Осы салтанатты шарада Елбасы:
<blockquote>
 «Барлық саяси шешімдер бүгіннен бастап осы қалада қабылданатын болады», – деп ресми жариялаған еді.
</blockquote>
1997 жылы 10 желтоқсаннан бастап Ақмола Қазақстанның астанасы болып ресми түрде жарияланды. Н.Назарбаевты жаңа астана тұрғындарының қарсы алуы. Ақмола, 1997 ж. 10 желтоқсан Көп кешікпей, 1998 жылы Ақмола қаласының аты ресми түрде Астана болып өзгертілді. Елорда мәртебесіне ие болған қала осы уақыттан бастап туған күнін атап өтуді игі дәстүрге айналдырды. Жеті жыл қатарынан мереке 10 маусым күні тойланып келді. Уақыт озған сайын Астана күнінің маңыздылығы артып, ол тек елордалықтар ғана емес, бүкіл қазақстандықтардың асыға күтетін мерекесіне айналды. Сол себепті, 2006 жылы Астана қаласы әкімдігінің қаулысына сәйкес және қалалық мәслихаттың шешімімен мерекеге – Астана күні атауы беріліп, оны атап өту алғашқы шешім қабылданған күн – 6 шілдеге бекітілді. Ал 2008 жылы «Қазақстан Республикасының мерекелер туралы заңына» енгізілген өзгерістерге сәйкес, 6 шілде – Астана күні мемлекеттік мерекелер тізіміне енді.
Елбасы өзінің «Еуразия жүрегінде» атты кітабында жазуынша, Астананы көшіру Қазақстанды жаңа Тəуелсіз мемлекет ретінде орнықтыруда зор рөл атқаратынына сенімді болды. Бұл біріншіден, Қазақстанды геосаяси жоспар тұрғысынан нығайту үшiн қажет едi. 2019 жылы наурызда Астана қаласының атауы Нұр-Сұлтан болып өзгерді. Мемлекет басшысы Қасым-Жомарт Тоқаев Қазақстан Республикасының астанасы – Астана қаласын Қазақстан Республикасының астанасы – Нұр-Сұлтан қаласы деп қайта атау туралы Жарлыққа қол қойды. Елорда жоспары Нұр-Сұлтан қаласы еліміздің солтүстігінде, Есіл өзенінің жағасында орналасқан. Әкімшілік жағынан қала 4 ауданға бөлінген (Алматы, Байқоңыр, Есіл, Сарыарқа). Миллионер қаласы мәртебесіне 2017 жылдың маусымында жетті. Еске салсақ, Астана жоспарын даярлауда әлемнің әйгілі сәулетшілерінің бірі Кисе Курокаваның тұжырымдамасы үздік деп танылды. Доктор Курокаваға өзі ұсынған қала құрылысы тұжырымдамасы негізінде Астананы дамытудың 2030 жылға дейінгі Бас жоспарының жобасын әзірлеу ұсынылған еді. Бұл тапсырыс Жапонияның Халықаралық ынтымақтастық жөніндегі агенттігі (ЖХЫА) мен ҚР Астананы дамыту корпорациясы арасындағы келісім аясында жапон үкіметінің грантына іске асырылды. Кисе Курокаваның басшылығындағы жобалық топ ұсынған эскиз-идеяны ҚР Үкіметі 2001 жылдың 15 тамызында бекітті. Дегенмен де, сәулетшінің туындысы керемет болғанымен, ол өз жобасында елорданың қарқынды дамитындығын нақты ескере алмады. Осы орайда Бас жоспарға өзгерістер енгізу қажеттілігі туындады. Нақтырақ айтқанда, ЖХЫА мамандарының есебіне сүйенсек, 2010 жылы Астананың халқы 490 мыңға, ал 2030 жылы 800 мыңға жетуі тиіс еді. Бірақта 2003 жылы тұрғындар саны 500 мыңнан асып жығылды. Бас жоспарды нақтылауға болжам есептерінің қателіктері себеп болғандығын ескере келе, демографиялық зерттеулер мен ғылыми негізделген ұзақ мерзімді болжамды қайта құру тапсырылды. Елорданы көріктендіру жұмыстарының барлығы «Нұр-Сұлтан – жайлы қала» мастер-планы тұжырымдамасы аясында жүргізіліп келеді. Яғни, осы сала бойынша нақты даму картасы бар. Қала әкімі Алтай Көлгіновтің айтуынша, биыл астанада демалыс орындары мен жасыл желекті аймақтар айтарлықтай көбейеді. Экологияны жақсартып, тұрғындардың демалыста уақыт өткізуіне қолайлы орындар жасау үшін қаланы көгалдандыру жалғаса береді. Аулалар мен қоғамдық кеңістіктерде (саябақтар, скверлер, бульварлар) тал-терек егу ары қарай да жүргізіледі.
«Жалпы, ағаш егуге қала тұрғындары, еріктілер, кәсіпкерлер де қатысатыны қуантады. Осы жылы 1 миллионнан астам жасыл желек (ағаштар, бұталар, көшеттер және т.б.) отырғызуды жоспарлап отырмыз. Қазір қаланың жасыл түске айналғанын, жаңа экоаймақтар мен «жасыл аралдар» пайда болғанын көруге болады. Егер жылдан-жылға сапалы тал егіп, көшет отырғызу жоспарын осы деңгейде ұстап тұрсақ, елорда санаулы жылдар ішінде жасыл қалаға айналмақ. Бір кездері далалы жерден тұрған қала бақшалы шаһар болады. 2020 жылы 148 аула мен 60 қоғамдық кеңістік тұрғындарға жаңадан пайдалануға берілді. Осы жылы 150 аула мен 28 қоғамдық кеңістікті абаттандырамыз», – деді А. Көлгінов.
Қазақстанның жаңа астанасының құрылысы бүкіл бұрынғы кеңестік кеңістіктегі ХХ ғасырдың соңы мен ХХІ ғасырдың басындағы ең ауқымды жоба ретінде тарихқа енді. Қаланың сәулеттік тұжырымдамасын жасауда Қазақстан Республикасының Тұңғыш Президенті Н.Ә. Назарбаевтың қалаға еуразиялық келбет беру жөніндегі идеясы ескерілді. Астананың сәулеттік келбетінде Елбасының көптеген идеялары іске асырылды. Елордадағы сәулеттік кешендер мен қоғамдық ғимараттар Елбасының назарында болды.
Осы орайда жасалған сызбалардың нобайы өзінің қайталанбас сәулетіне ие болды. Бұл тұрғыда «Бәйтерек» монументінің және Президенттік мәдени орталықтың бастапқы сызылған жобалары бүгінде ҚР Ұлттық музейінде сақтаулы тұр. «Бәйтерек» монументі. Елбасының сызбасы Бұл жайында Елбасы өзінің «Еуразия жүрегінде» атты кітабында: «Мен ойымдағы Бəйтеректің долбар-пішіндерін қағазға түсірдім. Осы ойымды біршама жеткізе алдым-ау деген сызбаларымды Сəулетшілер одағының қатаң қазылығына ұсындым. Сəулетшілерге бұл идея қатты ұнады, олар жұмысқа қызу кірісті.
Ақырында кəсіби іскерлер Бəйтеректің нақты пішінін жасап шықты. Бұл эскиздің шеберлікпен жасалғаны соншалық, бір қарағанда салынып біткен объектінің фотосуреті сияқты болып көрінді», – деп жазады. 1999 жылы ЮНЕСКО-ның шешімі бойынша Астана қаласына «Бейбітшілік қаласы» жоғары атағы беріліп, медальмен марапатталды. Бұл атақ қысқа мерзім ішінде әлеуметтік-экономикалық, саяси және мәдени дамуда неғұрлым әсерлі әрі қуатты өсуге, тұрақты этникааралық қатынасты орнықтыруға қол жеткізе алған ғаламшардың жас қалаларына беріледі.
Бразилияда өткізілген бұл конкурста Астана барлық өлшемдер бойынша әлемнің әр түрлі елдерінің он екі қаласын басып озды. 1998 жылы Астана еркін экономикалық аймақтың WEPSA халықаралық қауымдастығына кірді. Әлем елдерінің ірі қалалары Қазақстан елордасының бауырлас қалалары болып отыр, олардың арасында Мәскеу, Берлин, Варшава, Минск, Киев, Анкара, Бангкок және басқалары бар. Атап айтқанда, 20 жылдан астам жыл уақыт ішінде Қазақстан елордасы төрткүл дүние тамсанатын, әлемнің атақты астаналарымен салтанат жарыстырып, бой таластыра алатын бас қаласы ретінде қалыптасты. Тәуелсіз Қазақстанның елордасы жұртшылықты толғандырған тақырыптар талқыланатын, салиқалы саясат, тұғырлы экономика, дінаралық келісім кеңестері өтетін жаһандық орталық дәрежесіне жетті. Біз шілде айында елорда күнін атап өтеміз.
<a href="https://www.inform.kz/kz/kazakstan-astanasynyn-damu-tarihy-elorda-alemge-tanymal-ortalykka-aynaldy_a3809007">ҚазАқпарат</a>

Қазақстан астанасының даму тарихы

Kyzylorda-news.kz. Қазақстанда өткен тәулікте 2618 адамнан ПТР арқылы коронавирус анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 710,
Алматы қаласы – 277,
Шымкент қаласы – 103,
Ақмола облысы – 124,
Ақтөбе облысы – 42,
Алматы облысы – 88,
Атырау облысы – 154,
Шығыс Қазақстан облысы – 55,
Жамбыл облысы – 60,
Батыс Қазақстан облысы – 181,
Қарағанды облысы – 490,
Қостанай облысы – 54,
Қызылорда облысы – 30,
Маңғыстау облысы – 83,
Павлодар облысы – 105,
Солтүстік Қазақстан облысы – 30,
Түркістан облысы – 32.
Жалпы ел бойынша ауырғандар саны 439580.

Қызылордада 30 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.&nbsp; Қазақстанның Тұңғыш Президенті – Елбасы Нұрсұлтан Назарбаев өзінің ресми Instagram парақшасында жаңа астананың негізі қалай қаланғанын еске алды.
<blockquote>
 «Біз өз қолымызбен тұрғызға қалаға қарап масаттанамыз және сүйсінеміз. Бұл – біздің халқымыздың, қазақстандықтардың жеңісі, осы қаланың негізін салып, кірпішін өз қолымен қалаған жандардың жеңісі. Шынын айту керек, оған біздің де еңбегіміз сіңді. Осы жерден тоқтап қалмаймыз, әрі қарай еңбек ете береміз», – деп жазды Нұрсұлтан Назаирбаев өзінің&nbsp;<a href="https://www.instagram.com/p/CQ3E8Q6HzkQ/">Instagram</a>&nbsp;аккаунтында.
</blockquote>

Нұрсұлтан Назарбаев астана жайлы: Бұл &#8211; осы қаланың кірпішін өз қолымен қалаған жандардың жеңісі

Kyzylorda-news.kz. Бүгін барша қазақстандықтар елордамыз – Нұр-Сұлтан қаласының мерекесін атап өтеді.
1994 жылы Қазақстан Республикасы Жоғарғы Кеңесінде Қазақстан Республикасының Президенті Нұрсұлтан Назарбаев Қазақстанның астанасын Алматыдан Ақмолаға көшіру туралы ұсыныс жасады. 1997 жылы қазанның 20-сында астананы ауыстыру туралы Жарлыққа қол қойды. 1998 жылы 6 мамырда Ақмола қаласының атауы Астана болып өзгерді.
1998 жылы маусымның 10-ында жаңа елорданың халықаралық тұсаукесер рәсімі өтті.
2019 жылы 20 наурызда Қазақстан Республикасының Президенті Қасым-Жомарт Тоқаев Парламент палаталарының бірлескен отырысында сөз сөйлеп, Елбасының атын мәңгі сақтау үшін Астана қаласының атауын Нұр-Сұлтан деп өзгерту жөнінде ұсыныс жасады.
«Біз, қазіргі және келешек ұрпақ өкілдері, Елбасының саяси мұрасын жадымыздан шығармай, қадір тұтып, Нұрсұлтан Әбішұлы Назарбаевтың тарихи еңбегіне лайықты құрмет көрсетуіміз қажет. Елбасының халқымызға және әлем қауымдастығына сіңірген ерен еңбегі мен ұлы есімін мәңгі есте сақтауымыз керек. Бұл халқымызды, әсіресе, жастарды тарихқа құрметпен қарауға тәрбиелеп, Елбасының даңқты қызметін әділ бағалау үшін маңызды. Ұлы замандасымыздың, Қазақстан Республикасының Тұңғыш Президенті Нұрсұлтан Әбішұлы Назарбаевтың атын келесідей түрде есте қалдыру қажет деп санайын. Елордамыз оның атын иемденіп, Нұр-Сұлтан деп аталуы тиіс. Мұндай ұсыныс бұған дейін 2016 жылдың 23 қарашасында Қазақстан Республикасы Тәуелсіздігінің 25 жылдығына орай парламентарийлер қабылданған декларацияда айтылған еді», – деген болатын Мемлекет басшысы Қасым-Жомарт Тоқаев.
Сол күні ҚР Парламенті палаталарының бірлескен отырысында дептуттар Астананың атауын Нұр-Сұлтан қаласы өзгерту туралы Заң қабылдады. Ал 2019 жылғы 23 наурызда ҚР Президенті Қасым-Жомарт Тоқаев Қазақстан Республикасының астанасы – Астана қаласын Қазақстан Республикасының астанасы – Нұр-Сұлтан қаласы деп қайта атау туралы Жарлыққа қол қойды.
Жыл сайын елорда күні кең көлемде тойланып келді. Алайда, өкінішке қарай әлемді жайлаған коронавирус індетіне байланысты бұқаралық іс-шаралар шектеліп отыр.
ҚазАқпарат

Бүгін &#8211; астана күні

Kyzylorda-news.kz. «Қазгидромет» мамандары 6 шілде күні Қазақстан аумағында ауа райы қандай болатынын айтты.
Ведомствоның мәліметінше, республиканың басым бөлігінде атмосфералық фронттардың әсерінен ауа райы тұрақсыз болады.
Найзағай жарқылдап, бұршақ жауады. Жел күшейіп, өткінші жаңбыр жауады.

6 шілдеге арналған ауа райы болжамы

Kyzylorda-news.kz. Облыс әкімі аймақтарды аралау барысында, аудан әкімдеріне шөптен тапшылық көрген шаруаларға көмектесу үшін және егістікке су жеткізуде қосымша шаралар қабылдау туралы тапсырма берген болатын. Осы негізде, бүгіннің өзінде Шиелі ауданының Ақмая ауылдық округінде аяқ сумен қамтамасыз ету үшін Р-3-1 және Р-3-2 каналына су айдайтын дизельді насос қондырғылары орнатылған.
Сонымен қатар, «Ақмая» шаруа қожалығында қыс мезгіліне мал азығын дайындау жұмыстары қарқынды жүргізілуде. Қазірге дейін шаруашылықта 7480 дана шөп жиналған, 2500 дана шөп ауыл тұрғындарына таратылды және бұл жұмыстар жалғасатын болады.
Жалпы аудан бойынша 22 221 тонна шөп орылды. Бұнымен қоса ауыл халқы егіс алқабының атыз жағалауларындағы қалың мия аралас қамыс шөбін оруға кірісіп кетті. 
Ал, Жаңақорған ауданында биылғы маусымдық мал азығы – шөп мәселесі шаруаларға ауыр тиіп жатқанына байланысты нақты шаралар қабылдануда. Аудан әкімдігінің бастамасымен тау беткейіндегі ауылдық округтердің шаруалары «Түгіскен» тұқым шаруа қожалығынан тегін шөп орып алуына мүмкіндік жасалған. Бастаманы алғаш болып, Қыраш, Қосүйеңкі ауылдық округінің жастары қолдап, шөп орымның басына жетті. Келген жастар үшін жататын орын, “дала асханасы” арқылы тамақтандырумен толық қамтамасыз етілген.
Бұл жұмыстар облыстың басқа аудандарында да ұйымдастырылуда. Айта кету керек, шаруаларға қолдау көрсету мақсатында шөп дайындау жұмыстарына “Жасыл ел” жастар еңбек жасақтары да атсалысатын болады.
<img src="https://kyzylorda-news.kz/wp-content/uploads/2021/07/img-20210706-wa0006.jpg" alt="" />

Қызылордада шаруаларды шөппен қамтамасыз етуге ерікті жастар атсалысуда

Kyzyzlorda-news.kz. Жұқпалы аурулар ауруханасында 120 науқас жатыр. Оның 8-і жан сақтау бөлімінде. 120 науқастың 11-і бала, оның 5-і бір жасқа толмаған сәбилер. Отбасымен бірге ауруханаға жатқызылған науқастар да бар. Бұл туралы бүгін Өңірлік коммуникациялар қызметінде өткен баспасөз конференциясында жұқпалы аурулар ауруханасының бас дәрігері Айна Мұхамбетова мәлімдеді.
Дельта штамы анықталған науқастарда өкпе ауруларына тән емес басқа клиникалық белгілері де болады. Жаз айы болған соң, улану, ұшыну деректеріне немқұрайлы қарамау қажет. Жедел ішек ауруы секілді лоқсу, жүрек айну, іш өту, буындардың ауруы, дене қызуының түспеуі, сүйектердің сырқырауы тәрізді клиникалық белгілер анықталса, жедел медициналық көмекке жүгіну қажет. Себебі, “үнді”штамм вирусының жұғу жылдамдығы жоғары. Клиникалық белгісі 3-5 күнде анықталуда.
<blockquote>
 “Ауруханаға түскен науқастарда алғашқы күндері өкпесі таза, қызуы жоқ, демікпе болмағанымен, 2-3 күнде ентігу пайда болып, тыныс ала алмай, жедел түрде жан сақтау бөліміне жатқызылуда. Айта кету керек, былтырғы жылы аурудың жасы 60-65 жастан жоғары болса, биыл ол жасарып келеді. 40-60 жас арасында, тіпті балалар да вирус жұқтырған. Ауру белгісі ең алдымен жүрекке әсер етеді. Қант диабеті, қан қысымы бар жандарда өте ауыр жағдайда өтуде. Өкпені толығымен зақымдап, адам миына да әсерін тигізуі мүмкін”, – дейді Айна Қарабұзауқызы.
</blockquote>

Қызылорда: Жұқпалы аурулар ауруханасында 120 науқас жатыр

Kyzylorda-news.kz. Белгілі айтыскер, «Халық ақыны» Әселхан Қалыбекова дүниеден өтті, деп хабарлайды ҚазАқпарат.
Қаралы хабарды Шымкент қаласы әкімінің орынбасары Шыңғыс Мұқан Facebook парақшасында мәлім етті.
«Таңменен суыт хабар жетті. Әселхан апамыздың сағаты соғыпты. Өткен айтыста төрімізді толтырып, жарқырап жүр еді, жарықтық. Амал нешік. Апамыздың иманы жолдас болсын. Халқымыз қазақтың дәстүрлі өнерін қайта жаңғыртқан, жаңа леп алып келген айтулы айтыскер ақыннан айырылып қалды. Жатқан жеріңіз жайлы, иманыңыз жолдас болсын, апа! Алдыңыздан жарылқағай.
Өзіңізбен бірге бір дәуір көшті. Орныңыз толсын. Талай ақын қыздарға үлгі болып, жол көрсетіп, көш бастап едіңіз. Жаратқан алдыңызды пейіш, артыңызды кеніш еткей», – деп жазды Шыңғыс Мұқан.
Әселхан Қалыбекова 1950 жылы 22 сәуірде Түркістан облысы, Отырар ауданы, Шәуілдір ауылында дүниеге келген. Белгілі халық ақыны Ергөбек Құттыбайұлының ұрпағы.
1970 жылдары аудандық мәдениет бөлімінде, аудандық газет редакциясында қызмет етті.
1971-91 жылдары аралығында аудандық ауа райы мекемесінде бақылаушы қызметін атқарған.
1981 – 1982 жылдары суырып салма айтыс ақындарының додасына қатыса бастады.
Ұлттық өнерге қосқан үлесі мен сіңірген еңбегі үшін бірнеше марапатқа ие болған.
1989 жылы Қазақстан жазушылар одағының Жамбыл атындағы халықаралық сыйлығының тұңғыш лауреаты атанды.
1990 жылы Қазақ КСР Жоғарғы Кеңесінің 6 сәуіріндегі жарлығы бойынша «Қазақ КСРнің Халық ақыны» құрметті атағымен марапатталды.
2001 жылы «Қазақстан тәуелсіздігіне 10 жыл» медалімен, 2005 жылы Елбасының жарлығымен еліміздің жоғарғы мемлекеттік марапаты «Парасат орденімен» марапатталды.
Отырар ауданының Құрметті азаматы құрметті атағымен және де көптеген медалдармен сыйлықтармен марапатталған.

Белгілі айтыскер Әселхан Қалыбекова өмірден озды

<a href="https://kyzylorda-news.kz/">Kyzylorda-news.kz</a>.&nbsp; Жоғары температура әсіресе балалар, қарттар мен жүрек-тамыр аурулары бар адамдар үшін қауіпті. Осыған байланысты Нұр-Сұлтан қаласының дәрігерлері осы кезеңде тұрғындарды өз денсаулығына мұқият болуға және бірнеше ережені сақтауға шақырады, деп хабарлайды қала әкімдігінің&nbsp;<a href="https://astana.gov.kz/kz">ресми сайты</a>.
<blockquote>
 “Мұндай ауа-райында таңертең жұмысқа шығар алдында душ қабылдау керек. Суы салқындау, алайда қолайлы температурада болуы қажет. Осылайша адам ағзасы біршама салқындайды”, — деп кеңес береді №10 қалалық емхананың жалпы практика дәрігері Наргиз Абдурайымова.
</blockquote>
Оның айтуынша, ауа райына сәйкес киіну керек. Тар немесе тырысып тұратын киімдерді таңдамаған абзал, ең дұрысы ақшыл түсті, жеңіл, кең тұратын және ауа өткізетін матадан тігілген киімдер киген жөн.
Сондай-ақ дәрігердің ұсынысы бойынша серуендеу үшін таңертеңгі 10-ға дейінгі және күндізгі 17:00-ден кейінгі қауіпсіз уақытты таңдаған дұрыс. Күннің қатты ыситын кезеңі — сағат 11:00-17:00 аралығы. Егер осы кезеңде көшеге шығу қажет болса, онда жолдың көлеңке жағымен жүрген дұрыс. Ашық жерде екі сағаттан артық жүрер болса адам басынан күн өтіп кетуі мүмкін.
<blockquote>
 “Мұндай кезде адамда жүрек айну, бас айналу және жүрек соғуының жиілеуі мүмкін. Терісінің түсі бозарса, бұл – жылу соққысының, ал қызарса – күн өтіп кеткеннің белгісі. Егер мұндай белгілер пайда болса, көлеңке жерге немесе ғимарат ішіне кіріп демалып, мүмкіндігінше көп су ішу керек”, — деп түсіндірді дәрігер.
</blockquote>
Дәрігердің айтуынша, сусын таңдағанда қарапайым су немесе жеміс сусыны мен компот ішкен дұрыс екен. Ал шай ішетін болсаңыз, оны бөлме температурасына дейін салқындатқан дұрыс.
<blockquote>
 “Аптап ыстықта тамақты көп ішпеген дұрыс. Бірақ аш жүрмеу керек, ең дұрысы әр екі-үш сағат сайын жақсы тамақтану қажет. Тамақ ыстық емес әрі жеңіл болуы керек. Ет пен балықтың майсыз түрі, салқындатылған сорпа, көкөніс пен жеміс жеуге болады. Қуырылған тағамдар мен алкогольден аулақ болып, сондай-ақ қою шай, кофе, әсіресе газдалған тәтті сусындарды қолданбаған абзал”, — дейді Наргиз Русланқызы.
</blockquote>
Қорытындылай келе дәрігерлер бөлмені жиі желдетіп, күн қатты ысыған кезде терезелерді қалың матамен жауып қоюды кеңес етті.

Дәрігер ыстықтан қалай қорғану керек екенін айтты

Баланың шешімін, таңдауын құрметтей білеміз бе?

<a href="https://kyzylorda-news.kz/">Kyzylorda-news.kz</a>.&nbsp; ХХІ ғасырдың адамдары аптасына 2 күн демалады. ХІХ ғасырда мүлдем демалыс болмаған көрінеді. Ал ХХ ғасырдың басында өндірісте жұмыс істейтіндер жарты күн ғана демалатын. Кейін бір күнге жетті. Десе де, қазіргі адам аптасына екі күнді – сенбі мен жексенбіні демалысқа арнауды қайдан шығарған?
Жалпы адамзат аптаның бір күнін демалысқа арнауды ертеден әдетке айналдырған. Отырықшы халықтар егін және диқаншылықпен айналысып, Құдай демалған бір күнді – жексенбіні демалысқа, құлшылық етуге арнаған. Кейін индустриалды революция басталып, Еуропада өндіріс ошақтары ашылып, адамдар жаппай зауыт пен фабрикаға жұмысқа орналаса бастады. Зауыт әкімшілігі Құдайға құлшылық ететін күнді жұмысшыларына демалыс етіп берген екен.
Алайда өндірістен шаршаған жұмысшылар бұл күнді құлшылыққа емес, көңіл-көтеруге арнап, “тойлатып кетеді” екен. Содан бірі “бас ауырып”, бірі ауруханаға түсіп, тағы бірінің жұмыс істеуге зауқы соқпай, жұмысқа келмей қалатыны жиілеген.
Зауыт басшылары басында не істерін білмей, жұмысшылармен түрлі келісімге келуге тырысты. Бірі сенбінің жарты күнін демалыс етіп берсе, енді бірі жұмысқа уақытында келгені үшін сыйақы берген көрінеді. Сонда да мәселе шешілмесе керек.
Содан 1908 жылы Америкадағы фабрика еврейлердің сенбі күнгі мерекесіне құрмет білдіру үшін жұмысшыларға сенбіні де демалыс етіп береді. Мұны көрген Еуропа кәсіпкерлері де жұмысшыларына 2 күн қатарынан демалыс беруге мәжбүр болады.
Бескүндік жұмыс күні мен екікүндік демалыс қазір бүкіл әлемде заңдылыққа айналған демалу режимі. Бірақ демалыс күні кей елде әртүрлі болуы&nbsp; мүмкін.
Қазақстанда бескүндік жұмыс аптасы 1967 жылы келген. Кеңес одағы жұмысшыларының жұмыс уақыты 1 күнде 8 сағат, бір аптада 48 сағаттан аспаған.
<a href="https://massaget.kz/layfstayl/bilim/gumanitarly-ylymdar/tarih/64600/">Massaget</a>

Қазақстан және Қызылорда облысының жаңалықтары

Белгілі америкалық режиссер Оливер Стоун Елбасы туралы фильм түсіруге атсалысты

Қазақстан астанасының даму тарихы

Қызылордада 30 адамнан коронавирус анықталды

Нұрсұлтан Назарбаев астана жайлы: Бұл – осы қаланың кірпішін өз қолымен қалаған жандардың жеңісі

Бүгін – астана күні

6 шілдеге арналған ауа райы болжамы

Қызылордада шаруаларды шөппен қамтамасыз етуге ерікті жастар атсалысуда

Қызылорда: Жұқпалы аурулар ауруханасында 120 науқас жатыр

Белгілі айтыскер Әселхан Қалыбекова өмірден озды

Дәрігер ыстықтан қалай қорғану керек екенін айтты

Баланың шешімін, таңдауын құрметтей білеміз бе?

Адамдар неге аптасына 2 күн демалады?

Қазақстан және Қызылорда облысының жаңалықтары

Белгілі америкалық режиссер Оливер Стоун Елбасы туралы фильм түсіруге атсалысты

Қазақстан астанасының даму тарихы

Қызылордада 30 адамнан коронавирус анықталды

Нұрсұлтан Назарбаев астана жайлы: Бұл &#8211; осы қаланың кірпішін өз қолымен қалаған жандардың жеңісі

Бүгін &#8211; астана күні

6 шілдеге арналған ауа райы болжамы

Қызылордада шаруаларды шөппен қамтамасыз етуге ерікті жастар атсалысуда

Қызылорда: Жұқпалы аурулар ауруханасында 120 науқас жатыр

Белгілі айтыскер Әселхан Қалыбекова өмірден озды

Дәрігер ыстықтан қалай қорғану керек екенін айтты

Баланың шешімін, таңдауын құрметтей білеміз бе?

Адамдар неге аптасына 2 күн демалады?

Нұрсұлтан Назарбаев астана жайлы: Бұл – осы қаланың кірпішін өз қолымен қалаған жандардың жеңісі

Бүгін – астана күні