Kyzylorda-news.kz. Ел Тәуелсіздігінің 30 жылдығына орай Қызылорда облысы әкімінің қолдауымен 2021 жылдың 15-16 желтоқсан күндері «Inno.Fest» Qyzylorda инновациялық идеялар фестивалі өтті.
Байқауды Қызылорда облысының цифрлық технологиялар басқармасы мен «Ақпараттық технологиялар орталығы» КММ ұйымдастырды. Жоба серіктестері – «Нұрсұлтан Назарбаев Қоры», «Astana Hub» халықаралық технопаркі, «Қорқыт Ата атындағы Қызылорда Университеті», «Болашақ» университеті, IT Park, «Абзал және К» ТС, «Транстелеком» АҚ, «Қазақтелеком» АҚ, «JSoft» ЖШС, «Grand master» бағдарламалау мектебі» ЖШС, «Сыр Үміті» Жастар қауымдастығы, «Қазақстан ІТ-мамандары ассоциациясы», «Qosyl» жастар орталығы, «Maнсап» мектебі, «IT Space» ЖШС, «Digital innovation and transformation» ЖШС, «Елорданы тұрақты дамыту орталығы» ЖШС, «Kyzylorda Business Hub».
Іс-шараны қорытындылау рәсімінде облыстық мәслихат хатшысы Наурызбай Байқадамов жобаға қатысушыларды құттықтап, сертификаттарын табыстады.
Фестивальдің негізгі мақсаты – «Цифрлық Қазақстан» мемлекеттік бағдарламасын жүзеге асыру және облыс тұрғындарының IT-саласына қызығушылығын арттыру және инновациялық IT жобаларды қолдау.
2016 жылдан бастап Нұрсұлтан, Алматы, Шымкент қалаларында Hackday форматында фестивальдер өткізіліп келеді және заманауи технологияларға қызығушылық танытатын IT-мамандар мен жастар арасында танымал бола бастады. Бұл фестивальде көптеген жобалар одан әрі дамиды.
Қазақстандағы HackDay шетелде өткізілетін аналогтардан ерекшеленеді, фестиваль бірегей және ауқымды. Мысалы, қазақстандық HackDay басқа еш жерде жоқ «Кино және видео», «Контент және медиа» секцияларын қамтиды. Бұл фестивальге қатысуға барлық ниет білдірушілердің қатысуына мүмкіндік беретін шығармашылық секциялар. Сондықтан HackDay арқылы жыл сайын 2 000-нан астам адам қатысып және жыл сайын бұл сан өсіп келеді.
«Inno.Fest» Qyzylorda фестиваль форматы – «Ақпараттық технологиялар», «Контент және Медиа», «Кино және видео», «Smart Qyzylorda» бағыттары бойынша 24 сағат ішінде идеядан бастап прототипке дейін жобаны әзірлеуді қарастырады.
Фестиваль спикерлері: Айболат Құлатай – «Thousand IT» негізін қалаушы, Айна Досмаханбетқызы – «TechWoman 2019» жүлдегері, Алмат Қуанышбаев – «Grand Master» бағдарламалау мектебінің директоры, Айбек Рахым – «NS Labs» ЖШС Бас директоры, Айбек Қуатбай – «Daryn Online» негізін қалаушы, Нұрлан Құлмырзаев – «Қазақстанның ІТ мамандары қауымдастығының» директоры, Сабира Жарасқызы – блогер, Жансерік Қадырбаев – блогер, тележүргізуші, Ақгүл Абдрасул – продюсер, кешенді маркетолог, Данияр Өскенбай – «DFG» компаниясының негізін қалаушы және директоры, Бағдат Арғынов – Қоюшы оператор, Жасұлан Алдабергенов – «Aslan Films» студиясының директоры.
Бұл іс-шара жаңа перспективалы инновациялық IT жобаларды анықтауға, өз идеясын жүзеге асыруға, ресурстарды, инвесторларды табуға, жобаны көпшілікке ұсынуға мүмкіндік береді.
<img src="https://kyzylorda-news.kz/wp-content/uploads/2021/12/fb_img_1639804581045.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639804584990.jpg" alt="" />
<img src="https://kyzylorda-news.kz/wp-content/uploads/2021/12/fb_img_1639804576771.jpg" alt="" />

«Inno.Fest» Qyzylorda инновациялық идеялар фестивалі өтті

Kyzylorda-news.kz. Қазір ата-аналардан баласының ойнай білмейтінін жиі естуге болады. Оның бірнеше себебі болуы мүмкін. Невропотолог мамандар балаларда міндетті түрде болуы керек 10 ойыншықты ұсынады. Олардың арасында қымбат немесе «эксклюзив» ойыншық жоқ.
Баланың ойыншықпен ойнамауының мынадай себептері болуы мүмкін:
– Шамадан тыс қамқорлық жасау немесе бақылау. Кейде ересектер балаға кішкентай кезінен бастап қателік жіберуіне ешқандай мүмкіндік бермейді. Ата-ана балаға шектен тыс қамқорлық жасау арқылы оның еркін әрі дербес болуына кедергі келтіреді. Ал ойын — ол еркіндік. Баланың пікірін, ойыншықтарды немесе ойынды көруін, оның қиялын қолдай білу маңызды.
– Ойыншықтың көп болуы. Ата-ана баласында ең жақсының барлығы болғанын қалайды. Бірақ нәтижесінде, егер ойыншық өте көп болса, балаға ауыр болады. Мұндай таңдау шашыраңқылық пен үрей тудырады. Негізінде ойын үшін жиырма бес емес, бес машинаның өзі жеткілікті. Егер машиналар көп жиналып қалса, бірнешеуін ғана қалдырып, қалғанын тығып қойыңыз. Кейін бала жалыққан соң, оларды басқаларымен ауыстырасыз.
– Үнемі гаджетпен ойнату. Егер сіз балаға басынан бастап, кез келген түсініксіз жағдайда гаджеттен мультфильм қосып беріп үйретсеңіз, оған басқа нәрсені таңдау қиын болады. Гаджетттер баланы пассивті рөлге үйретеді, ал кез келген ойында шығармашылық белсенділік қажет. Гаджеттерді сөндіріңіз немесе мөлшермен ғана беріңіз.
– Ересектердің балаға қалай ойнау керегін көрсетпеуі. Ойнау — балада туа салысымен пайда болатын икем емес. Балаға ойнап көрсету, бірге ойнау, қызықтыру және уақытында балаға бастама беру — ата-ана шеберлігі.
Балада болуы керек 10 ойыншықты ұсынамыз:
Доптар 
Доптардың бірнешеуі болған жөн. Олардың түрлі өлшемде және фактурада болғаны жақсы. Бір жағынан, доп бала үшін қауіпсіз, ал екінші жағынан — ол ойынға арналған шексіз мүмкіндік. Бала миы үшін доп өте тиімді, себебі ол жалпы және ұсақ моториканы, кеңістік координациясын, көру және жанасу түйсігін дамытады.
Маталар 
Қарапайым матаның өзі қуыршаққа арналған көрпе, костюм элементі немесе құрылыс материалы бола алады. Ол — түйсік дамуына арналған керемет материал.
Конструкторлар 
Құрастырудың барлық түрлері — текшелерден бастап «легоға» дейін баланың терең дамуына ықпал етеді. Ол оның ұсақ моторикасын, қиялын және жалпы ой-өрісін дамытады.
Шатыр 
Тығылуға, өзін дербес және жайлы сезінуге болатын жабық жерлер бала психикасына жағымды әсер етіп, тыныштандырады және босаңсытады.
Шығармашылыққа арналған керек-жарақтар 
Қарындаштар, бояулар, пластилин, борлар, моншақтардың пайдасын әр ата-ана біледі. Сондықтан олар кез келген балада міндетті түрде болуы керек.
Су ойыншықтары 
Бала суға түсіп отқанда қолына шелек, құты немесе қарапайым йогурттың ыдысын беріп қойыңыз. Бала суды бір ыдыстан екіншісіне құю арқылы, сапыру арқылы түйсіктік қабілетін дамытады.
Сабын көбігі 
Сабын көбігін үру жай көңілді уақыт өткізу ғана емес, ол — баланың сөйлеу қабілетінің дамуына өте пайдалы ойыншық.
Пазлдар 
Кеңістік ойлауын, шыдамдылықты, еріктілікті дамытуға көмектесетін керемет құрал.
Бейнелі ойыншықтар 
Қуыршақтар, аюлар және басқа да «достар» — бала «тірілтетін» ойыншықтар. Бала мұндай ойыншықтармен сюжетті-рөлдік ойындар ойнай алады. Бірақ олардың өте көп болмауын қадағалаңыз.
Үстел ойындары 
Үстел ойындары баланы ереже бойынша ойнауды және бірлесіп әрекет етуді үйретеді, жеңу мен жеңілу тәжірибесін алады.
Дереккөз:&nbsp;<a href="https://massaget.kz/kyizdarga/shayra/66917/">Massaget.kz</a>.

Балада болуы керек 10 ойыншық

Kyzylorda-news.kz. Диетолог, нутрициолог, ұлттық диетологтар қауымдастығының мүшесі Анна Белоусова мезгілге сай күндізгі уақыттың қысқаруына байланысты адамдар көбінесе жаман көңіл-күйде жүретіндігін жеткізді. Қыс мезгілінде күйзелмеу үшін қандай өнімдерді көбірек тұтыну керек екенін айтты, деп хабарлайды&nbsp;<a href="https://stan.kz/">Stan.kz</a>&nbsp;ақпарат агенттігі.
Диетолог Белоусова&nbsp;депрессиямен күресу үшін қыста құрма, сәбіз және асқабақ жеуге кеңес берді. Күз бен қыс құрма жемісін тұтынатын кезең болып табылады. Ол адам көңіл-күйінің құбылмауына тиімді әсер етеді. Маман соған ұқсас апельсин түстес жемістерді&nbsp;тұтынған жөн екенін айтты.
<blockquote>
 “Сары түс дабыл белгісін білдіретіндіктен, бұл түстегі алманы тұтыну қажет емес. Оның орынына қызғылт сары түстегі сәбіз, асқабақ, апельсин секілді дәруменге толы жеміс көкеністер көңіл-күйді көтеруде жақсы көмектеседі, қуаныш сезімін сыйлайды.&nbsp;Сонымен қатар, құрманың сарғыш түсінде бета-каротиннің,&nbsp; яғни провитаминнің көп мөлшері кездеседі. Қыстың басында ағзаға қажет, бұл затты “депрессиямен күресуші” деп атаймыз. Сондықтан осындай өнімдерді үнемі тұтыну керек”,-деп кеңес берді диетолог.
</blockquote>
Маман аллергиясы барлар мен диабетпен ауыратындарға бұл өнімді&nbsp;тұтынуға шектеу қойды. Әйтпесе&nbsp; өнімнің зияны жоқ екенін еске салды.

Депрессиямен күресетін өнімдер

Kyzylorda-news.kz. Қазақстанда тағы 628 адам коронавирус инфекциясынан жазылып шықты.
Өңірлер бойынша: Нұр-Сұлтан қаласында – 98, Алматы қаласында – 35, Шымкент қаласында – 0, Ақмола облысында – 61, Ақтөбе облысында – 7, Алматы облысында – 44, Атырау облысында – 11, Шығыс Қазақстан облысында – 35, Жамбыл облысында – 6, Батыс Қазақстан облысында – 32, Қарағанды облысында – 132, Қостанай облысында – 77, Қызылорда облысында – 4, Маңғыстау облысында – 0, Павлодар облысында – 27, Солтүстік Қазақстан облысында – 52, Түркістан облысында – 7.
Жалпы, пандемия басталғалы елімізде коронавирус инфекциясын жұқтырудың 982 475 дерегі тіркелді. Оның ішінде 952 314 адам сауығып шықты.

Қызылордада қанша адам коронавирустан жазылып шықты?

Kyzylorda-news.kz. Ұлттық тасымалдаушы жолаушылар үшін SMS-хабарлама сервисін іске қосты.
«Жолаушылар тасымалы» АҚ ағымдағы жылдың желтоқсан айынан бастап пойыздардың екі сағаттан астам кешігуі туралы SMS-хабарландыру жүйесін іске қосылғанын хабарлайды.
Хабарламалар BILET.RAILWAYS.KZ сайтына тіркелген пайдаланушыларға және кассаларда билет сатып алу кезінде өздерінің байланыс деректерін қалдырған жолаушыларға түседі.
<blockquote>
 «Жолаушылардан жол жүру құжаттарын ресімдеу кезінде өздерінің дұрыс байланыс мәліметтерін көрсетуді және оларды үнемі жаңартып отыруды сұраймыз» делінген «Қазақстан темір жолы» АҚ таратқан мәліметте.
</blockquote>

Пойыз кешігетін болса, жолаушыларға SMS хабарлама келеді

Kyzylorda-news.kz. Өткен тәулікте коронавирус инфекциясын жұқтырудың жаңадан 494 жағдай тіркелді.
Өңірлер бойынша: Нұр-Сұлтан қаласында – 88, Алматы қаласында – 29, Шымкент қаласында – 8, Ақмола облысында – 63, Ақтөбе облысында – 0, Алматы облысында – 8, Атырау облысында – 3, Шығыс Қазақстан облысында – 19, Жамбыл облысында – 4, Батыс Қазақстан облысында – 6, Қарағанды облысында – 93, Қостанай облысында – 35, Қызылорда облысында – 4, Маңғыстау облысында – 2, Павлодар облысында – 59, Солтүстік Қазақстан облысында – 72, Түркістан облысында – 1.
Жалпы, пандемия басталғалы елімізде коронавирус инфекциясын жұқтырудың 982 475 дерегі тіркелді.

Өткен тәулікте 4 қызылордалық коронавирусқа шалдықты

Kyzylorda-news.kz. Қазгидромет 18-20 желтоқсанға арналған ауа райы болжамын ұсынды.
Қазақстанның көп өңірінде ауа райы бірқалыпты болмайды. Бұған Солтүстік-батыс циклонына байланысты өтетін атмосфералық ауа ағындары ықпал етеді. Қар жауып, көктайғақ болады, тұман түседі, екпінді жел соғып, елдің солтүстік бөлігінде боран болады.
Батыста ауа температурасы түнде -5+2, күндіз -3+5 градус болады. Солтүстік-батыста ауа температурасы түнде 0-5 градус аяз, күндіз -3+2 болуы ықтимал. Республиканың солтүстігінде және орталығында түнде 1-13 градус аяз, күндіз 0-8 аяз, шығыста 5-15 градустан 0-10 градусқа дейін аяқ, күндіз 0-10 градус аяз, оңтүстікте және оңтүстік-шығыста түнле -5+2, күндіз 2-13 градус жылы болады.

Ауа райы: Қар жауып, көктайғақ болады

<a href="https://kyzylorda-news.kz/">Kyzylorda-news.kz.</a> Күзде балық аулауды жақсы көретіндер облыстың өзендері мен көлдеріне, сондай-ақ кіші Арал теңізіне балық аулауға барады. Осыған байланысты балық аулаушылар су айдындарында балық аулау кезіндегі қауіпсіздік ережелерін сақтауға шақырады.
Сіз балыққа шықпас бұрын, қайықтың және құлаққаптардың жағдайын тексеріңіз. Егер үрлемелі қайық болса, клапандардың ауасы шығып кетпейтінін тексеру қажет.
Мұны тексеру үшін суды клапанмен ылғалдандырыңыз. Балықшылар отыратын орнына қайықтың төменгі жағын бөгде заттармен араластыруға болмайды, балық аулаудың барлық түрлерін жақтаулар жағына қою керек. Үрлемелі қайықта аяқ астына ешқандай зат болмау қажет.
Су айдындарына шықпас бұрын құтқару жилетін кию керек. Қайық үстінде балық аулау кезінде, жылдам қозғалыстар жасауға, сондай-ақ балық аулау кезінде бортты бүгуге болмайды.
Қайықта тұрып аулау кезінде, екі аяқты кеңінен ашып, қайықтың ортасында тұру қажет. Үрлемелі қайықта тұруға қатаң тиым салынады. Сондай-ақ, үрлемелі қайықтың үстіне қойылған тақтайшаға отырып қармақ салуға болмайды. Суда тұрған қайықта орындарды ауыстырмаңыз.
16 жасқа дейінгі балаларға және ересектердің қарауынсыз балалар моторлы қайықты пайдалануға жол берілмейді.
Шынжырхан СҮЛЕЙМЕНОВ, 
«Қызылорда Fish» Қызылорда облысы бойынша 
спорттық және әуесқой балық аулаушылар қоғамы» 
қоғамдық бірлестігінің атқарушы директоры

Күзгі балық аулау кезіндегі қауіпсіздік ережелері

Kyzylorda-news.kz. Қызылорда облысында аса ауыр қылмыс жасаған күдіктілер ұсталды.
2021 жылдың 15 желтоқсан күні кешкі сағат 18:00 шамасында Қармақшы ауданы, Төретам кентінде аялдаманың жанында белгісіз азаматтар қару қолданған. Салдарынан үш жасөспірім қыз атылған оқтың бөлшектерінен (дробовые) жарақат алып, медициналық мекемеге жеткізілді.
Полицейлер ізін суытпай күдіктілерді ұстады. Қазіргі таңда бұл дерек бойынша Қазақстан Республикасы Қылмыстық кодексінің 24-бабының 3-бөлігі, 99-бабының 3-бөлігімен (Адам өлтіруге оқталу) сотқа дейінгі тергеп-тексеру әрекеттері жүргізілуде.
Тиісті сараптамалар тағайындалды. Оқиғаның мән-жайы анықталуда.

Қармақшыда жасөспірім қыздарға оқ атқандар ұсталды

Kyzylorda-news.kz. Банктің басқарма төрағасының орынбасары Нұрлан Ақшанов зейнетақы жинағының артық сомасы есебінен Отбасы банктегі депозитті қалай толтыру керектігі, бұл ақшаны қайда жаратуға болатыны туралы толығырақ айтып берді.
Біраз бұрын хабарлағандай, қазақстандықтар 2021 жылдың 16 желтоқсанынан бастап зейнетақы жинағы есебінен тұрғын үй депозиттерін толтыра алады.
<blockquote>
 “Жақын уақытта сіздер біржолғы зейнетақы төлемдеріңізді enpf-otbasy.kz онлайн-платформасы арқылы Отбасы банктегі өз депозиттеріңізге аудара аласыздар. “Отбасы банктегі салымды толтыру” батырмасы қашан және қалай пайда болатыны туралы қосымша хабарлаймыз. Әзірше біржолғы зейнетақы төлемі есебінен толтырылған депозитті қайда жұмсауға болатыны және болмайтыны туралы айтамыз”, – деді Ақшанов “Facebook” парақшасында.
</blockquote>
Зейнетақы жинағын Отбасы депозитіне аудару: талаптары мен ережелері
Біржолғы зейнетақы төлемі бар депозиттер үшін тұрғын үй-жинақ шоты жүйесінің стандартты талаптары қолданылады. Яғни,&nbsp;депозиттерге жылдық 2% көлемінде банк сыйақысы мен 20% көлемінде мемлекет сыйақысы&nbsp;қоса есептеледі (200 АЕК-тен аспайтын бір жылдағы жинақ сомасына).
Біржолғы зейнетақы төлемін пайдалану арқылы Отбасы банктегі депозит көмегімен 3 жыл ішінде баспана сатып алуға болады.&nbsp;Егер осы мерзім ішінде банк клиенттері артық жинақты кәдеге жаратпаса, онда қаражат БЖЗҚ-ға қайтарылады.
Депозитті жауып,&nbsp;аударылған зейнетақы жинағын шешіп алуға болмайды.&nbsp;Шот жабылса, қаражат БЖЗҚ-ға қайтарылады.
Мұндай&nbsp;салымды өз туыстарына тапсырған жағдайда, банк шотындағы біржолғы&nbsp;зейнетақы төлемі БЖЗҚ-ға қайтарылады.
Депозитті бөлу кезінде тек өз жинағын, банк сыйақысын, егер депозит мерзімі 3 жылдан асса, онда мемлекет сыйақысын шешіп алуға болады.&nbsp;Ал біржолғы зейнетақы төлемі БЖЗҚ-ға қайтарылады.
Біржолғы зейнетақы төлемі есебінен толтырылған салымдарды біріктіруге рұқсат берілді.&nbsp;Бұл салымдар бір салымшыға тиесілі болса немесе салымдардың бірі біржолғы зейнетақы төлемімен толтырылған және салымдар біріктіріліп жатқан салымшыға тиесілі болса ғана орындалады.
Біржолғы зейнетақы төлемдерімен толтырылған салымдарды сатуға тыйым салынады.&nbsp;Оларды үшінші тұлғаның депозит гранты ретінде қолдануға да болмайды.
Біржолғы зейнетақы төлемдерімен толтырылған Отбасы банкіндегі салымдар үшінші тұлғалардың талаптарынан қорғалады.
Отбасы банкіндегі депозитті қандай мақсатта қолдануға болады?
Зейнетақы жүйесіндегі артылған сомасы бар Отбасы банкіндегі депозитті мына мақсаттарға пайдалануға болады:
тұрғын үй сатып алуға, соның ішінде банктің бір қарыз келісімшарты аясында жөндеу жұмыстарын жүргізуге “Отбасы банкінен” қарыз алу;
“Отбасы банкіндегі” ипотекалық тұрғын үй кредитін қайта қаржыландыру;
жеке тұрғын үй құрылысы (соның ішінде нысаналы мақсатта жер телімін сатып алу – жеке тұрғын үй құрылысы немесе жеке қосалқы шаруашылық).
Тұрғын үй жағдайын жақсарту үшін біржолғы зейнетақы төлемдерін қолдану ережесі Отбасы банкіндегі салымдарды толтыру бойынша жаңа опциядан бөлек, біржолғы зейнетақы төлемдерінің көмегімен жеке жер телімін сатып алу мүмкіндігін де қарастырады.
Зейнетақы жинағын қолдану мерзімі
14 желтоқсаннан бастап біржолғы зейнетақы төлемдерін пайдалану мерзіміне өзгерістер енгізілді. Енді бұл мерзім 45 жұмыс күнінен 20 жұмыс күніне қысқарды.
Егер қазіргі уақытқа дейін www.enpf-otbasy.kz платформасын пайдаланушылар басқа мақсатты таңдаса, онда дәл осы платформада мақсатты оңай өзгертуге болады.
Отбасы банкіндегі депозитті қалай толтыру керек
16 желтоқсанда www.enpf-otbasy.kz сайтында “Отбасы банкіндегі саымды толтыру” батырмасы пайда болады. Жаңа опцияны қолдану үшін бірнеше әрекеетті орындау керек.
Электронды цифрлық қолтаңба арқылы&nbsp;www.enpf-otbasy.kz&nbsp;платформасына кіру керек.Жеке кабинетте ең алдымен қолданыстағы депозит пен арнайы шоттың бар екенін тексеру қажет.
Егер қолданыстағы депозит бар, ал арнайы шот жоқ болса, онда сол платформада өтінішке қол қою керек болады. Сонда жүйе автоматты түрде шот ашады.
Егер қолданыстағы депозит болмаса, онда оны алдын ала Отбасы банкте ашу керек.Осы әрекеттер орындалса, www.enpf-otbasy.kz порталында өтінім құрастырылып, БЖЗҚ-ға жіберіледі.
БЖЗҚ 5 жұмыс күні ішінде өтінішті қарастырады және біржолғы зейнетақы төлемдері Отбасы банкіндегі арнайы шотқа түседі. Ол жақтан қаражат депозитке аударылады.

Зейнетақы жинағын Отбасы банк депозитіне аудару: нені білу қажет?

Kyzylorda-news.kz. Қызылорда қаласындағы Әли Мүсілімов атындағы №101 мектеп-лицейінде Тәуелсіздіктің төл құрдасы, ақын, халықаралық және республикалық жыр мүшәйраларының жүлдегері, Қазақстан Жазушылар Одағының мүшесі, мектеп мұғалімі Мөлдір Айтбайдың шығармашылық кеші өтті.
Ақынның бұл кеші Тәуелсіздіктің 30 жылдығына арналды.
Кешке Мөлдір ақынды ақындық өнердің биігіне жетелеуші, өмірдегі, өнердегі ұстазы-анасы Қазына Өзденбаева, үлкен өнер жолына, өмір жолына ақ батасын берген ұстазы Қадыргүл Бердібекқызы, “Сыр Медиа” ЖШС бас директор орынбасары Дәурен Сейітжанұлы және өнердегі досы Мақсат Дауылбай арнайы қонақ болды.
Кеш иесі Мөлдір ақын жүрекжарды өлеңдерін оқып, оқырман қауымды, өнерін құрметтеуші ұжымын тәнті етті. Ақын қызға деген әріптестерінің, оқушылардың қошеметі ерекше.
Кеш барысында ақынның өлеңіне жазылған әндерді облыстық филармонияның әншісі Бекзат Молдаберген мен мектептің өнерлі оқушылары шырқады.
<img src="https://kyzylorda-news.kz/wp-content/uploads/2021/12/fb_img_1639713184943.jpg" alt="" />

Ақын Мөлдір Айтбайдың шығармашылық кеші өтті

Kyzylorda-news.kz. Бүгін Қазақстан Республикасының Демократиялық жаңару күні, деп хабарлайды <a href="https://www.inform.kz/kz">ҚазАқпарат.</a>
1991 жылы 12 желтоқсанда Қазақстан Республикасы Президенті Нұрсұлтан Назарбаевтың «Қазақстандағы 1986 жылғы 17-18 желтоқсандағы оқиғаларға қатысқаны үшін жауаптылыққа тартылған азаматтарды ақтау туралы» Жарлығымен Қазақстандағы 1986 жылғы желтоқсанның 17-18-індегі оқиғаларға қатысқаны үшін қылмыстық, әкімшілік және тәртіптік жауапқа тартылған адамдар ақталды. Сонымен қатар, аталған Жарлықтың 4-тармағы бойынша желтоқсанның 17-сі Қазақстан Республикасының Демократиялық жаңару күні деп жарияланды.
Сондай-ақ осы күн Желтоқсан құрбандарын еске алу күні де.
1986 жылы 17-19 желтоқсан аралығында Алматыда қазақ жастарының КСРО билігінің отаршылдық, әміршіл-әкімшіл жүйесіне қарсы наразылық қимылдары орын алды. Көтерілістің басталуына Мәскеудегі орталықтың республика халқының пікірімен санаспастан Ресейдің Ульянов облыстық партия комитетінің 1-ші хатшысы Г.В.Колбинді Казақстан Компартиясы ОК-нің 1-ші хатшысы етіп тағайындауы түрткі болды. Желтоқсанның 17-і күні таңертеңгі сағат 8-де қаладағы Л.И.Брежнев атындағы алаңға (қазіргі Республика алаңы) саяси тәуелсіздікті талап еткен ұрандармен алғашында 300-дей адам жиналып, кешкісін ереуілшілер саны 20 мыңға жетті. Бірақ олардың қойған талап-тілектері аяқ асты етіліп, оларды тарату мақсатында алаңға құқық қорғау органдарының қызметкерлері мен арнайы әскери күштер тобы жеткізілді.
КСРО ІІМ-нің № 0385 бұйрығы негізінде дайындалған «Құйын-86» операциясы бойынша көтеріліс қатыгездікпен басып жаншылды. Желтоқсанның 18-і күні алаңға қайта жиналмақ болған жастарға қарсы әскер күші қолданылды. Олардың қалған топтарын ығыстыру үшін жедел отряд, милиция мен жасақшылардан арнайы топтар құрылып, қала көшелеріне аттандырылды. Осы әскери күштер желтоқсанның 19-ы күні қаланың әр тұсында қайтадан шеруге шықпақ болған 6 топты басып, таратты, ұстап қамады. Алаңдағы көтерілісшілер таратылған соң ішкі істер бөлімдеріне 2401 адам жеткізілген (Алматы түрмесіне сыймағандықтан, қала сыртына апарып тасталғандарды қосып есептегенде, барлығы 8,5 мың адам ұсталған).
Желтоқсан көтерілісі құрбандарының қатарында Е.Сыпатаев, С.Мұхамеджанова, К.Молданазарова, Қ.Рысқұлбеков, М.Әбдіқұлов, Л.Асанова сынды қазақ жастары бар.

Қазақстан және Қызылорда облысының жаңалықтары