<a href="https://kyzylorda-news.kz/">Kyzylorda-news.kz</a>. Сарапшылар жастықты ұзартуға немесе қартаюдың әсерін азайтуға көмектесетін&nbsp;он өнімді атады.
Жастықты ұзартатын негізгі өнімдердің бірі – грек жаңғағы. Құрамында полиқанықпаған майлар мен омега-3 қышқылдары&nbsp;көп болғандықтан, холестеринді реттейді және жүрек ауруының пайда болу қаупін азайтады.
Лосось та пайдалы өнімдер қатарында – ол омега-3 қышқылдары мен ақуыздарға бай. Бұл балық артерияларда холестериннің жиналуына жол бермейді, жүрек соғу жылдамдығын сақтайды және теріні қартаюдың әртүрлі белгілерінен, мысалы, қара дақтар, әжімдер, қоңыр дақтардан қорғайды.
Үздік үштікте көкжидек бар. Аталған жеміс жасқа байланысты жад пен қозғалыс функциясының бұзылуынан қорғайтын күшті антиоксидант.
Шпинат ақыл-ойдың бұзылуын, көру қабілетінің төмендеуін және сүйектің деградациясын төмендетеді.
Сонымен қатар, қартаюдан сақтайтын өнімдерге&nbsp;көк шай, брокколи, зәйтүн майы, ащы шоколад, қызанақ және қызыл қоңыр бұрышы жатады.
<a href="https://stan.kz/">Stan.kz</a>

Қартаюға қарсы 10 өнім

<a href="https://kyzylorda-news.kz/">Kyzylorda-news.kz</a>. Белгілі қазақстандық астролог Ирина Әбдірайымова мамыр айына болжам жасады, деп хабарлайды&nbsp;<a href="https://sputnik.kz/?_ga=2.173710886.425154089.1580271483-1869376011.1580271483">Sputnik Қазақстан</a>.
<h3 id="">Посткеңестік елдердегі тұрақсыздық</h3>
Жұлдызнамашының айтуынша, мамыр айында әлем елдерінде саяси жағдай ушығып, билікте өзгерістер болады. Геосаясат пен экономикадағы ықпалға күрес жалғасады.
<blockquote>
 “Ресей мен посткеңестік елдерде тұрақсыздық байқалады. Аймақтық қақтығыстар болжанып отыр. Жанжалға, әсіресе мұнай, газ құбырымен байланысты мемлекеттер тартылуы мүмкін”, – деп ескертті Әбдірайымова.
</blockquote>
Сонымен қатар вакцинация талабы күшейеді. Әуе қатынасына шектеу енгізілуі ықтимал.
Маманның болжамынша, айдың екінші жартысында “қара алтын” бағасы құбылады. Мұнай, бензин, мұнай құбырларымен байланысты апатты жағдайлар орын алуы мүмкін.
<h3 id="-1">Айдың тұтылуы</h3>
Бұдан бөлек, ғаламшар халқы 26 мамырда Айдың толық тұтылуына куә болады. Астрономиялық құбылыс Австралия, АҚШ пен Оңтүстік Американың батысында, &nbsp;Оңтүстік-Шығыс Азияда көрінеді.
“Айдың тұтылуы адамдарға күшті эмоция, көңіл-күй сыйлайды. Сондай-ақ ол алған бетінен қайтпау, дауласу, пікірталасты білдіреді. Бұл кезеңде қомақты ақшаға тауар сатып алмаған жөн. Ұрыс-керістен аулақ жүруге тырысу керек. Өйткені артық сөз айтып, ренжітіп алуыңыз мүмкін, тіпті өтірікпен шындықты бұрмалап жіберуіңіз ғажап емес”, – дейді астролог.
Әбдірайымова Айдың тұтылуына үш күн қалғанда, бір апталық диетаға отыруға немесе ұзақмерзімді арықтау процесін бастауға кеңес берді. Бұл уақытта денсаулыққа зиянды тағамдарды жемей, жаман әдеттерден арылған абзал.
Оның болжамынша, осы айда энергия, негізінен, үй мен &nbsp;отбасылық проблемаларды шешуге бағытталады. Адамдар бір ай бойы ішкі түйсігіне сеніп, бейсаналы түрде әрекет етеді. Жаңа дүниелерге сенімсіздікпен, күмәнмен қарайды, алды-артын бағамдайды. Отбасына, жақындарына, сүйіктілеріне, Отанына қауіп төніп тұрғанын сезсе, еш нәрседен тайынбайды. Бұл кезде оларды тоқтату мүмкін емес.
Сонымен қатар, астролог мамырда ұлттық негізде халықаралық қақтығыстар болуы мүмкін екенін болжады. Кейбірі көршілерімен жерге таласып қалуы мүмкін.
Бұдан бөлек, тұрмыстық зорлық-зомбылық, ұрыс-керіс жиілейді деп күтілуде.
Адамдардың көбі тарихи Отанын аңсап, атажұртына қоныс аударуға бел буады.
<h3 id="-2">Мамырдың әр күніне болжам</h3>
1-3 мамыр&nbsp;– идея көп, бірақ оны жүзеге асыруға энергия жетпейді, есесіне ақыл-ой жұмысы үшін жақсы кезең.
5-7 мамыр&nbsp;&nbsp;– серіктестік қарым-қатынас, романтикалық кездесу, таныстық, махаббат уақыты. Ортақ қаржы, алимент, мұра, неке келісімшартына қол қою секілді мәселелер оңай шешіледі.
7-8 мамыр&nbsp;– шығындар артуы мүмкін, инвестиция құярда асығыс шешім қабылдамай, ысыраптан аулақ болыңыз.
9 мамырда&nbsp;адамдар өз теңін табуы мүмкін.
10-13 мамыр&nbsp;– белсенділік, бастамашылық артады, су және жермен байланысты жұлдыз белгілерін тосын сый күтіп тұр. Логикалық, сыни ойлау жүйесі жақсы жұмыс істейді.
13-14 мамыр&nbsp;– романтизм, рухани даму, түсіністік.
16-18 мамыр&nbsp;– адамның күш-қуаты тасып, еңбекке деген ынтасы артады, өз-өзіне сенімділік пайда болады, көп мәселе, әсіресе, құқыққорғау және күш құрылымдарымен байланысты проблемалар оң шешімін табады.
19-20 мамыр&nbsp;– ұзақ әрі бақытты қарым-қатынас құруға таптырмас кезең. Жан тыныштығы, үйлесімділік, әділдік.
Бірақ айдың соңғы он күндігінде мазасыз күндер басталады. Бір жағынан адамдар бір-бірімен араласуға, шер тарқатуға, жаңа ақпарат алуға ұмтылады. Десе де сақтықта қорлық жоқ: жалған ақпараттың құрбаны болуыңыз мүмкін. Сондай-ақ астролог көлік иелеріне рөлде мұқият болуды ескертті.
20 мен 29 мамыр аралығы&nbsp;– медициналық тексерістен өтуге, диагноз қоюға қолайсыз кезең.
Торпақ, Тауешкі, Сарышаян, Шаян, Балықтар белгісінде туғандарға жыл бойы сәттілік серік болады.

Қазақстандық астролог мамыр айына болжам жасады

<a href="https://kyzylorda-news.kz/">Kyzylorda-news.kz</a>. Қызылордадағы “Серіктес директорлар” лигасындағы білім ордаларының басшылары «ПедEXPO-2021: Біліммен болашаққа қадам» шарасында бас қосты. Директорлар білім саласын басқару техникасы, ұжыммен жұмыс жүргізудің жаңа әдісі, мұғаліммен қарым-қатынас жасаудың еркін бағыты тақырыптарында ой қозғап, спикер ретінде идеяларын ортаға салды.
Карантин талаптары қатаң сақталған кездесуге облыстық білім басқармасының басшысы Ақзира Қасымова қатысып, қазіргі білім тенденциялары өзгергенін, мектеп директорына талаптың күшейгенін қаперге салып, білім ордасын басқаруды нарық талабына сай дамыту қажет екенін атап өтті.
Шара ерекше бағыттағы тимбилдингпен басталып, серігіту сәтінде миды қайта бағдарлайтын арнайы тренингпен жалғасты. Ал, негізгі спикерлер тақырыптар аясында презентация жасады.
Қазіргі альфа ұрпақтың қажеттілігіне қарай білім беру мәселесін Шиелі ауданындағы №153 мектеп директоры Қанат Әмзиев қозғаса, білім берудегі SOFT SKILLS әдісін №172 мектеп директоры Майра Садуова ашып берді. Ал, Сырдария ауданындағы №42 мектеп директоры Зейнұр Жаманқұлов мұғалімнің сабақты сиқыр жасау тәсілімен оқыту құпияларымен бөлісті.
ПедEXPO алаңында облыстық білім басқармасының баспасөз хатшысы Абай Тағыберген коммуникациялық басқару мен мектепке PR технологияны енгізу әдістері бойынша кейстермен бөлісті. Ал, №12 лицей директоры Жадыра Түлкібаева педагогикадағы бұрынғы ережені сақтай отырып, жаңа талапқа бейімделу жолын тарқатып берді. Сонымен бірге №257 мектеп директоры Гүлмира Сүлейменова мұғалім сабағын трансформациялау барысында негізгі ұстанымдарды тілге тиек етті.
Ал, №197 мектеп директоры Сәбила Рахымшаева мен Арал ауданындағы №262 мектеп директоры Руслан Сисенов ойын элементтеріне негізделген тренинг ұйымдастырса, №140 мектеп директоры Айгүл Мұсабаева мен Жаңақорған ауданындағы №164 мектеп директоры Жанболат Ахметжанов миды сергітуді құралдарын пайдалана отырып тимбилдинг өткізді.
Айта кетейік, «Серіктес директорлар» 20 бағыт бойынша өз мектептерінде жобаларды дамытатын болады.
<img src="https://kyzylorda-news.kz/wp-content/uploads/2021/05/180668533_1110999419403262_4798130987520762144_n.jpg" alt="" />
<img src="https://kyzylorda-news.kz/wp-content/uploads/2021/05/181605373_1110999159403288_8343832095579449434_n.jpg" alt="" />
<img src="https://kyzylorda-news.kz/wp-content/uploads/2021/05/180928605_1110999532736584_1319814047566783318_n.jpg" alt="" />

Мектепті басқарудың жаңа бағыты: Қызылордадағы мектеп директорлары бас қосты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1607 адам коронавирус індетінен емделіп шықты. Бұл туралы &nbsp;<a href="http://www.coronavirus2020.kz/">www.coronavirus2020.kz</a> хабарлайды.
Аймақтар бойынша:
Нұр-Сұлтан қаласы – 485, 
Алматы қаласы – 182, 
Шымкент қаласы – 1, 
Ақмола облысы – 155, 
Ақтөбе облысы – 67, 
Алматы облысы – 81, 
Атырау облысы – 93, 
Шығыс Қазақстан облысы – 48, 
Батыс Қазақстан облысы – 84, 
Қарағанды облысы – 225, 
Қостанай облысы – 12, 
Қызылорда облысы – 85, 
Маңғыстау облысы – 16, 
Павлодар облысы – 13, 
Солтүстік Қазақстан облысы – 23, 
Түркістан облысы – 37.
Қазақстан бойынша жазылғандар саны – 278584.

COVID-19: Қызылордада 85 науқас жазылып шықты

<a href="https://kyzylorda-news.kz/">Kyzylorda-news.kz</a>. Облыста 4-17 жас аралығындағы 221 мыңнан астам бала бар. Соның 48,5 пайызы мәдени және спорт үйірмелеріне қатысады. Мамандар үйірмелермен секция жұмыстарына талдау жүргізді. Нәтижесінде аймаққа 694 бала үйірмеге, 22 мыңнан астам балаға спорт секциясы қажет екендігі анықталды. Бұл мәселені шешудің жаңа тетігі табылды. «Мемлекеттік шығармашылық және спорттық тапсырыстарды жан басына нормативтік қаржыландыруды енгізу жөніндегі» жол картасы бекітілді.
Яғни, үйірме мен спорт секцияларына қатысатын балалар мен жасөспірімдердің шығармашылығын дамыту, оларға рухани мәдени бағыт беру, бос уақытын мазмұнды және тиімді ұйымдастыруға мүмкіндік ашылады.
<blockquote>
 «Шығармашылық үйірмелер бірнеше бағыт бойынша жүргізіледі. Оның ішінде би, бейнелеу өнері, сәндік қолданбалы шығармашылық үйірмелері, театр және кино жанры, заманауи арт-студия үйірмелері, вокалдық үйірме, аспапта орындау, музей ісі бойынша үйірмелер, әдеби үйірмелер бар. Ал сабақтар өткізуге арналған үй-жай таза және жұмыс жасауға ыңғайлы жабдықталған санитариялық тораппен жабдықталуы тиіс. Жалпы бұл үшін балаларды есептеу, есепке алу және дамыту бойынша өнім беруші мен баланың заңды өкілі арасында баланы шығармашылық үйірмеге қабылдауға шарт жасалады», – деді облыстық мәдениет, архивтер және құжаттама басқармасының басшысы Мира Абуова.
 «Бүгінде балалардың спорттық үйірмелерге қажеттілігі мен санын анықтадық. Алда осы бағытта ауқымды жұмыстар атқаратын боламыз. Ата-аналар балаларын қандай үйірме, қандай секцияларға барғысы келетінін өздері шешеді. Және өтінім арқылы қабылданады. Біз Жол картасы аясында бірінші кезекте 124 спорт секциясына 1730 баланы тартуды жоспарлап болып отыр. Бұл жұмыстар өңірдегі спорттың дамуына ерекше үлес қосады деп ойлаймын», – деді облыстық дене шынықтыру және спорт басқармасының басшысы Жақсылық Оспанов.
</blockquote>

Қызылорда: Үйірме мен спорт секцияларын жан басына қаржыландыру енгізілді

<a href="https://kyzylorda-news.kz/">Kyzylorda-news.kz</a>. Қазақстанның бас санитарлық дәрігері Ерлан Қиясов Sputnik V вакцинасының екі дозасы арасындағы вакцинациялау мерзімі неге 90 күнге дейін ұлғайтылғанын түсіндірді.&nbsp;
Ерлан Қиясовтың айтуынша, вакцинация кестесі ресейлік профессор, академик және Гамалея ұлттық эпидемиология және микробиология ғылыми-зерттеу орталығының директоры Александр Гинцбургтің 22 сәуірдегі ресми мәлімдемесі негізінде өзгертілген.
<blockquote>
 “Осы мәлімдемеге сәйкес, Sputnik V вакцинасының бірінші және екінші компоненттерін инъекциялау аралығын&nbsp;21 күннен 90 күнге дейін ұлғайтуға болады. Аралықтың жоғарылауы иммунитеттің күшіне әсер етпейді. Бұл халықтың иммунизациясын едәуір жеделдетеді. Кейбір адамдар үшін екі доза арасының&nbsp;ұзаруы&nbsp;иммундық жауаптың күші мен ұзақтығын арттыру мүмкін”, – деді Қиясов.
</blockquote>
Оның айтуынша, қазіргі уақытта вирустың жаңа мутацияларының ықтималдығын барынша азайту үшін коронавирустың халық арасында айналымын азайту бойынша шаралар қабылдануда.
<blockquote>
 “Осыған байланысты, вакцина жасаушының жоғарыда айтылған мәлімдемесі негізінде денсаулық сақтау министрлігі Sputnik V вакцинасының екі компоненті арасындағы аралықты ұзартуға және 45-ші күні екінші компонентпен егуге шешім қабылдады. Сондықтан 30 сәуірде Sputnik V вакцинациясының кестесіне өзгерістер енгізілді. Бұл жағдайда осы вакцинаның бірінші және екінші компоненттерін енгізу аралығы 45 күн болуы керек. Егер 45-ші күні екінші компонентпен вакцинациялау мүмкін болмаса, 90 күн ішінде екінші дозаны салуға рұқсат етіледі”, – деп толықтырды елдің бас дәрігері.&nbsp;
</blockquote>
<a href="https://stan.kz/">Stan.kz</a>

Вакцинаның екі дозасының арасындағы уақыт неге ұзартылды?

<a href="https://kyzylorda-news.kz/">Kyzylorda-news.kz</a>. Вакцина салдырғандар Қазақстанға ПТР-анықтамасыз кіре алады
COVID-19-ға қарсы вакцина салғызған Қазақстан азаматтары мен тұруға ықтиярхаты бар адамдар шекараны кесіп өту кезінде ПТР-анықтама көрсетпейді. Бірақ оларда вакциналау паспорты болуы қажет.
Тиісті қаулыға елдің бас санитар дәрігері Ерлан Қиясов қол қойды. Құжат 3 мамырда күшіне енеді.
Ал қалған азаматтардан теріс нәтижесі бар ПТР-тест талап етіледі. Анықтама үш тәулік бойы жарамды. Бес жасқа дейінгі балаларға анықтама қажет емес.
<h3 id="">Вакциналау кезеңдерінің интервалы ұзартылды</h3>
Қазақстанда ресейлік “Спутник V” вакцинасының екінші дозасы бұрынғыдай 21 күннен кейін емес, 45 күн өткен соң егіледі.
Егер азаматтар белгілі бір себептермен II компонентті 45-ші күні салдыра алмаса (демалыс, мереке күндеріне сәйкес келу, басқа елді мекенге шығу және басқа), вакциналауды 90 күн ішінде жүргізуге мүмкіндік беріледі.
Бұл талап “Спутник V” вакцинасын 21 сәуірден бастап алған адамдарға қатысты.
<h3 id="-1">Депозиттегі ақша зейнетақы шотына аударылады</h3>
Бүгіннен бастап лицензиядан айырылған банктерде депозиті бар адамдардың ақшасы зейнетақы шотына автоматты түрде аударылады. Бұл сома салымшының ерікті зейнетақы жарнасы саналады.
Есепшоттар автоматты түрде ашылып отырады. Егер салымшының ерікті зейнетақы жарналары есепке алынатын жеке есепшоты бұрыннан ашылған болса, онда кепілдік берілген өтемнің талап етілмеген сомасы осы шотқа аударылады. &nbsp;
Дегенмен, Қазақстанның депозиттерге кепілдік беру қорына өтініш жазып, талап етілмеген соманы қайтаруға болады. Сонда оны БЖЗҚ-дан кері аударып береді. Сөйтіп ақшаны пайдалануға немесе басқа банкке салуға болады.
Салымшылар өтінішті онлайн бере алады.
Мұндай мүмкіндік “Tengri Bank” АҚ салымшылары мен қазіргі таңда жойылу процесі алдында тұрған банктердің клиенттерінде (“Валют-Транзит Банк” АҚ, “Қазинвестбанк” АҚ, “Delta Bank” АҚ, “Qazaq Banki”АҚ, “Эксимбанк Қазақстан” АҚ” және “Астаны банкі” АҚ) пайда болады.
<h3 id="-2">Ерікті зейнетақы жарналарына арналған шоттар</h3>
1 мамырдан бастап Бірыңғай жинақтаушы зейнетақы қорында ерікті зейнетақы жарналарын есепке алу үшін шоттар автоматты түрде ашылады. Жеке зейнетақы шоттарын ашуға қорға түскен алғашқы ерікті зейнетақы жарнасы негіз болады.
Зейнетақы жарнасын жеке тұлға өзі үшін, жеке немесе заңды тұлғалар басқа біреу үшін аудара алады. Бұл ретте жарна мөлшері мен мерзімділігін салымшы өзі айқындайды.
Ерікті зейнетақы жарналарын екінші деңгейлі банктер немесе Қазпошта арқылы аударуға болады. Кейбір банктерде зейнетақы жарнасын онлайн аудару мүмкіндігі қарастырылған.
Бұдан бөлек, өз пайдасына ерікті зейнетақы жарнасын тұрақты аударып тұру үшін жұмыс берушінің атына өтініш жазуға болады. Соның негізінде жұмыс беруші жарнаны өтініш иесінің не үшінші тұлғаның шотына тұрақты түрде аударып отырады.
<h3 id="-3">Елді мекендердің атауы өзгертілмейді</h3>
Бүгіннен бастап ұлттық халық санағын өткізуге байланысты елді мекендердің атауын өзгертуге мораторий жарияланды. Мораторий ауыл, кент, ауылдық округ, қаладағы аудан, қала, аудан, облысты құруға, таратуға және қайта құруға, сондай-ақ елді мекендердің құрамдас бөліктерінің атауына және оны қайта атауға байланысты болып отыр.
Осылайша 1 мамырдан 31 желтоқсанға дейін әкімшілік-аумақтық бірліктерді қайта атауға тыйым салынады.
Қазақстанда онлайн халық санағы 1 қыркүйекте басталып, 15 қазанға дейін жалғасады. Санақ арнайы sanaq.gov.kz сайтында жүргізіледі. Ал дәстүрлі санақ, яғни үй-үйді аралау 2021 жылдың 1-30 қазаны аралығында өткізіледі.
<h3 id="-4">“Болашаққа” құжат қабылдау басталады</h3>
4 мамырда “Болашақ” халықаралық бағдарламасына құжат қабылдау басталады. Ол 28 қазанға дейін созылады.
Стипендияны тағайындау үш кезеңде – маусым, тамыз және қараша айларында өтеді.
Үміткерлер барлық құжатты электронды үкімет порталы арқылы тапсыра алады.
Қазіргі таңда халықаралық стипендияға іріктеу үш кезеңнен тұрады. Олар: кешенді тестілеу, тәуелсіз комиссиямен жеке сұхбат және республикалық комиссияның отырысы.
2021 жылы 1055 стипендия бөлінген. Соның ішінде 555 стипендия магистратура, резидентура және докторантураға бөлінсе, қалған 500-і шетелде тағылымдамадан өтетін ғалымдар үшін қарастырылған.
Жуырда республикалық комиссия 2021 жылдың басымды мамандықтарының тізімін бекітті. “Болашақ” стипендиясын тағайындау барысында осы тізім негізге алынады. Биыл оған жаңа мамандықтар еніп отыр. Мәселен, вирусология, робототехника, биотехнологтар, биологтар мен вакцинация саласындағы мамандарға ерекше көңіл бөлініп отыр.
<h3 id="sms">Жолақыны SMS арқылы төлеу тоқтатылады</h3>
1 мамырдан бастап Нұр-Сұлтанда қоғамдық көлікте жолақыны SMS жолдау арқылы төлеу қызметі тоқтатылады.
CTS көлік компаниясы түсіндіргендей, бұл шешім ұялы байланыс операторлары қызметінің жиі істен шығуына байланысты қабылданды.
Карантинге байланысты елорданың автобустарында жолақыны қолма-қол ақшамен төлеу тоқтатылған болатын.
Бүгінде жол ақысын көлік картасымен, сондай-ақ QR-код арқылы төлеуге болады. Ол үшін жолаушылар Transcard, Kaspi.kz, SMSBUS, Homebank, My Activ, My Beeline, Senim, Рахмет, Astra Bus, Plus24 (Касса24), Qiwi және OYB сияқты мобильді қосымшаларын қолдана алады.
<h3 id="-5">Қант әкелуге баж салығы алынып тасталады</h3>
ЕАЭО елдеріне 2021 жылдың 15 мамыры мен 30 қыркүйегі аралығында ел аумағына қант алып кіруге баж салығын салмау түрінде тарифтік жеңілдік ұсынылады.
Қазақстанға – 134,4 мың тоннадан, Арменияға – 22,4 мың тоннадан, Қырғызстанға –&nbsp; 40 мың тоннадан, Ресейге – 350 мың тоннадан көп емес көлемде импортталатын қант кедендік баж салығынан босатылады.
Бұл шара шара қант бағасын төмендетуге ықпал етеді деп болжануда. Шілдеде де қосымша шаралар қабылдануы мүмкін.
<h3 id="-6">Грузияға рейстер</h3>
FlyArystan компаниясы 2 мамырдан бастап Кутаисиге тікелей рейстер ашады:
<ul>
<li>Атыраудан – аптасына 2 рет;</li>
<li>Ақтаудан – аптасына 2 рет;</li>
<li>Нұр-Сұлтаннан – аптасына 2 рет.</li>
</ul>
Билет бағасы 24 999 теңгеден басталады. Әуе рейстері Airbus A320 ұшақтарымен орындалады.
Сонымен қатар Air Astana 15 мамырдан бастап Алматыдан Батумиге тұрақты рейстерді іске қосады. Рейс аптасына үш рет – дүйсенбі, сәрсенбі және сенбі күндері орындалады. Жолаушылар Airbus A320 ұшағымен тасымалданады.
Билет құны екі жаққа 131 мың теңгеден басталады.
Грузияға ұшатын адамдардан теріс нәтиже көрсетілген ПТР-анықтама талап етіледі. Анықтама оны алған сәттен бастап 72 сағат бойы жарамды.
Вакцина салғызған жолаушылар COVID-19-ға қарсы препараттың екі дозасын алғанын растайтын құжаты болған жағдайда, ПТР-анықтама көрсетпейді.
Анықтама ағылшын немесе орыс тілдерінде болуы шарт.
<h3 id="-7">Алматыда зират жабылады</h3>
Алматыда 1 мен 10 мамыр аралығында зират жабық болады.
“Зират 1 мамырдан 10 мамыр аралығында жұмыс істемейді. Біз бұл мәселені талқылап қойдық. Осы күндері зиратта адам көп шоғырланбас үшін олардың келуін шектеу туралы шешім қабылдаймыз”, – деді қаланың бас мемлекеттік санитар дәрігері Бекшин брифингте.
Ол қала тұрғындарынан Радоница күнін неғұрлым қолайлы кезеңге ауыстыруды сұрады.
Биыл православ христиандарының марқұмдарды еске алуға арналған Радоница күні 11 мамырға түсіп тұр.
<a href="https://sputnik.kz/society/20210501/16944667/1-mamyr-ozgerister.html">Sputnik Қазақстан</a>

Мамыр айында қазақстандықтарды біраз өзгеріс күтіп тұр

<a href="https://kyzylorda-news.kz/">Kyzylorda-news.kz</a>. «Қазгидромет» РМК 2 мамырға арналған ауа райы болжамын жариялады.
Кәсіпорынның мәліметінше, 2 мамыр күні жекелеген өңірде нөсерлі жаңбырға байланысты Шығыс Қазақстан, Алматы облыстары және Алматы қаласы маңындағы тау бөктерлерінде ағынды судың қалыптасуы және өзендерде су деңгейінің көтерілуі күтіледі.
Бұдан бөлек, жылымықтын әсерінен, қар жамылғысының тұрақсыз болуына және жауын-шашынның күтілуіне байланысты Үлкен және Кіші Алматы су алабтарында (2500 метр биіктігінен жоғары) 2-4 мамыр аралығында қар көшкіні қаупі сақталады. 
Көшкін жүру қаупіне орай қарлы беткейлерге шығу ұсынылмайды.
7 өңірде ауа райына қатысты ескерту жарияланды
Атап айтқанда, 2 мамырда&nbsp;Ақмола облысында&nbsp;оңтүстік-шығыстан соғатын жел оңтүстік-батысқа ауысып, екпіні кей жерлерде 15-20 м/с жетеді.
2 мамырда&nbsp;Түркістан облысының&nbsp;кей жерлерінде шаңды дауыл тұрады. Солтүстік-шығыстан соғатын желдің күші жекелеген аумақта 15-20 м/с артады.
2-3 мамырда&nbsp;Қарағанды облысында&nbsp;шығыстан, оңтүстік-шығыстан жел соғады, жылдамдығы кей жерлерде 15-20 м/с күшейеді. Түнде 3 мамырда кей жерлерде 3 градусқа дейін үсік сақталады.
2 мамырда&nbsp;Павлодар облысында&nbsp;түнде кей жерлерде 1-3 градус үсік күтіледі.
2 мамырда&nbsp;Қызылорда облысында&nbsp;күндіз кей жерлерде шаңды дауыл тұрады. Солтүстік-шығыстан, шығыстан жел соғады, екпіні 23-28 м/с дейін артуы ықтимал.
2 мамырда&nbsp;Батыс Қазақстан облысының&nbsp;кей жерлерінде найзағай күтіледі. Жел оңтүстік-батыстан, оңтүстіктен соғып, күндіз екпіні 15-20 м/с жетеді.
2 мамырда&nbsp;Солтүстік Қазақстан облысының&nbsp;кей жерлерінде түнде және таңертең тұман болады. Оңтүстік-батыстан жел соғып, түнде жекелеген аумақтарда күші 23-28 м/с жетеді.

Қызылордада шаңды дауыл тұрады

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 2804 адамда коронавирус індеті ПТР арқылы расталып ауырғаны белгілі болды. Бұл туралы www.coronavirus2020.kz. хабарлайды.
Аймақтар бойынша: Нұр-Сұлтан қаласы – 429, Алматы қаласы – 685, Шымкент қаласы – 117, Ақмола облысы – 146, Ақтөбе облысы – 140, Алматы облысы – 275, Атырау облысы – 88, Шығыс Қазақстан облысы – 94, Жамбыл облысы – 69, Батыс Қазақстан облысы – 157, Қарағанды облысы – 237, Қостанай облысы – 27, Қызылорда облысы – 44, Маңғыстау облысы – 58, Павлодар облысы – 176, Солтүстік Қазақстан облысы – 33, Түркістан облысы – 29.
Жалпы ел бойынша ауырғандар саны 325499.

Коронавирус: Өткен тәуліктегі көрсеткіш жарияланды

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықова ҚР еңбек сіңірген спорт шебері Элизабет Тұрсынбаеваның жүлдесіне арналған жасөспірімдер арасындағы республикалық турнирінің жеңімпаздарын марапаттады. Республикалық турнир 2021 жылдың 29 сәуір – 1 мамыр аралығында Қызылорда қаласындағы «Мұз айдыны» спорт кешенінде өткізілді.
<blockquote>
 «Баршаңызды 1 мамыр – Қазақстан халқының бірлігі мерекесімен шын жүректен құттықтаймын! Тәуелсізігіміздің 30 жылдық мерейтойы аясында Қазақстан спортының жарық жұлдызы, Сыр елінің мақтанышы Элизабет Тұрсынбаеваның жүлдесіне арналған республикалық турнир бүгін өз мәресіне жетті. Тұңғыш Президентіміз – Елбасы Нұрсұлтан Әбішұлы Назарбаевтың бастамасымен, Мемлекет басшысы Қасым-Жомарт Кемелұлы Тоқаевтың қолдауымен ел спорты қарқынды дамып, спортшыларымыз әлемдік додаларда жоғары жетістіктерге жетіп, Көк туымызды желбіретіп, Әнұранымызды асқақтатып келеді. Соның ішінде Элизабетті әлемдік спорт тарихында төрт айналымдық сальховты сәтті орындаған тұңғыш мәнерлеп сырғанаушы, Қазақстан спортының тарихында осы спорт түрінен қыздар арасында Әлем чемпионатында жүлде алған алғашқы спортшы ретінде бәріміз мақтаныш етеміз. Бүгінгі дәстүрлі шара жас ұрпақтың патриоттық сезімін арттырып, спортқа ынталандыра берері сөзсіз. Жарыстың жеңімпаздары мен жүлдегерлерін жеңістерімен құттықтаймын! Алдағы уақытта бұдан да биік белестерді бағындырып, жеңіс тұғырынан көріне беріңіздер!» – деді облыс әкімі Гүлшара Әбдіқалықова.
</blockquote>
Элизабет Тұрсынбаеваның жүлдесіне арналған республикалық турнир биыл бесінші мәрте өткізіліп отыр. Аталған жарыста еліміздің он облысынан 5-18 жас аралығындағы спортшылардан жасақталған 10 команда, 250-ден аса мәнерлеп сырғанаушы қысқа және еркін бағдарламалар бойынша бақ сынады.
<img src="https://kyzylorda-news.kz/wp-content/uploads/2021/05/180970543_3328806950555684_1022300763217740122_n.jpg" alt="" />
<img src="https://kyzylorda-news.kz/wp-content/uploads/2021/05/180881037_3328807250555654_6444740637646332295_n-1.jpg" alt="" />
<img src="https://kyzylorda-news.kz/wp-content/uploads/2021/05/180333213_3328807543888958_1976313871781524384_n.jpg" alt="" />

Гүлшара Әбдіқалықова республикалық турнирдің жеңімпаздарын марапаттады

Kyzylorda-news.kz. Қазақстандағы жанармай құю бекеттерін бағасы тағы да өсіп кетті.
Соңғы бірнеше күнде жанармай орташа есеппен тағы 5-10 теңгеге қымбаттаған, деп хабарлайды Stan.kz.
Ең танымал жанармай құю бекеттерінің ресми сайттарындағы мәліметтерге сәйкес, Нұр-Сұлтандағы АИ-92 – 168-177 теңге, АИ-95 – литрі 188-ден 197 теңгеге дейін, АИ-98 – 186-дан 220 теңгеге дейін.
Алматыда АИ-92 165-171, АИ-95 187-200, АИ-98 – 191-230 теңгеден сатылуда.
Қазақстанның басқа қалаларында АИ-92 жанармайының бағасы 175 теңгеден аспайды. АИ-95 бағасы 185-тен 200 теңгеге дейін. АИ-98 175-205 теңгеден сатылуда.Қазақстанда бензин бағасының көтерілуіне қатысты жағдай сәуірдің басынан бері байқалады. Қазақстандықтар бағаның өсуіне ғана емес, жанармай жетіспеушілігіне де шағымдануда.

Қазақстанда бензин бағасы тағы өсті

Kyzylorda-news.kz. Бүгін қала әкімі Ғанибек Қазантаев «QOSYL» қалалық жастар ресурстық орталығына барып, орталық жұмысымен танысты.
Жастар мен жастар ұйымдарын қолдау және олардың қызметін дамыту үшін қызмет көрсететін орталықтың жұмысымен мекеме директоры Сабыржан Кеңшілік кеңінен таныстырып, жастардың бастамасымен жүзеге асқан жұмыстарды баяндап, мекеменің бірқатар қажеттіліктерін жеткізіп, алда тұрған жоспарларымен бөлісті.
Жастармен кездесуде еркін форматта пікір алмасып, сұхбаттасқан қала әкімі Ғанибек Қонысбекұлы «Біз елдің, бүгінгі жастардың болашағы үшін жұмыс істеудеміз. Біздің жақсы жұмыстарымызды жалғау бүгінгі жастарға артылар жауапкершілік. Сондықтан жастар талапшыл, еңбекқор, жан-жақты болу керек», – деді.
Сонымен қатар орталыққа келген жастарды кәсіпкерлікке баулуға көңіл бөліп, жұмысшы мамандықтарды көбірек насихаттап, қажетті мамандықтарды игеруге бағыт беріп, жас ұрпақтың өмірден өз орнын тауып кетуге көп күш жұмсау керектігін баса айтқан шаһар басшысы орталық жұмысын жандандыруға қатысты жастардың ұсыныс-пікірлерін тыңдап «Біз сіздерден әрдайым жаңашылдық, креативті ұсыныс, жаңа идеялар күтеміз. Көңілден шығар бастамаларыңызды әрқашан қолдауға дайынбыз», – деді.
<img src="https://kyzylorda-news.kz/wp-content/uploads/2021/05/fb_img_1619854399291.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619854403555.jpg" alt="" />
<img src="https://kyzylorda-news.kz/wp-content/uploads/2021/05/fb_img_1619854409606.jpg" alt="" />

Қазақстан және Қызылорда облысының жаңалықтары