<a href="https://kyzylorda-news.kz/">Kyzylorda-news.kz.</a> Достық үйінде «Қоғам мен мемлекеттің тұрақты дамуы мүддесіндегі әріптестіктің 30 жылдығы» Х жергілікті Азаматтық форумы өтті. Тәуелсіздіктің 30 жылдығына орай ұйымдастырылған шараға облыс әкімінің орынбасары Серік Ахмет қатысты.
Алғашқы рет бұл форум 2003 жылы өткізілді. Содан бері 2 жыл сайын тұрақты ұйымдастырылып келеді.
<blockquote>
 «Халық пен билік арасындағы алтын көпірге, азаматтық қоғам өкілдерінің диалог алаңына айналған мұндай басқосулардың маңызы зор. Облыстағы үкіметтік емес ұйымдар саны жылдан жылға көбейіп келеді. Тәуелсіздік алған жылдары облыстағы қоғамдық ұйымдар саны 15 болса, бүгінде олардың қатары 1000-ға жуықтады. Бұл да азаматтық сектор негіздерінің күшейіп, қоғамдағы азаматтық жауапкершілік пен белсенділіктің артқанын көрсетеді»,- облыс әкімінің орынбасары Серік Ахмет.
</blockquote>
«Рухани жаңғыру» қазақстандық қоғамдық даму институты «Қазақстан Республикасы Тәуелсіздігінің 30 жылдығына орай ұйымдастырылған қажырлы еңбектің арқасында жетістікке жеткен тұлғалардың «Қажырлы еңбек – табыс кілті» атты электронды флаерлерін әзірлеу жобасы іске асырылып, өңірімізден екі адам тізімге енді. Олар «Абай-Дәулет» ЖШС директоры Мұрат Сәрсенбаев және «Қазақстанның еңбек сіңірген ұстазы», бірінші деңгейлі педагог Жәмилә Әбжан.
Өңірдегі үкіметтік емес секторды дамытуда Азаматтық Альянс Қауымдастығы үлкен жұмыс атқаруда. «Бір терезе» қағидаты бойынша қолдау көрсету орталығын жүзеге асырды. Азаматтық қоғам өкілдері мен белсенділер, меценаттар ел өміріндегі кез келген шаруаға, әсіресе пандемияны еңсеруге белсенді атсалысуда.
Азаматтық қоғам өкілдері бас қосқан келелі кеңесте қоғам дамуына үлес қосқан бірқатар азаматтар марапатқа ие болды. «Қазақстан Республикасының Тәуелсіздігіне 30 жыл» мерекелік медалімен «Қызылорда облысының Үкіметтік емес ұйымдарының Альянсы Қауымдастығы» ЗТБ-нің төрайымы, Қызылорда қалалық мәслихат депутаты Анар Ізден марапатталды. Сондай-ақ, «Халық алғысы» медалі, ҚР Президентінің жанындағы Әйелдер істері және отбасылық-демографиялық саясат жөніндегі ұлттық комиссияның және ҚР Тәуелсіздігінің 30 жылдығына орай облыс әкімінің алғыс хаты бірнеше азаматқа табысталды. Сонымен бірге, «Рухани жаңғыру» бағдарламасы аясында ұйымдастырған республикалық «Жомарт жүрек» байқауының өңірлік жеңімпаздары марапатталды. Атап айтқанда, «Жыл меценаты» номинациясының иегері кәсіпкер Ляйля Ризванова, «Жыл тұлғасы» номинациясының иегері дәрігер Әлия Қартабаева, «Жылдың үздік ұйымы» номинациясының иегері «Қызылорда қалалық мүгедектер қоғамы» қоғамдық бірлестінің жетекшісі Сәкен Алдашбаев, «Туған өлке» номинациясының иегері «Ер-Әлі» шаруа қожалығының төрағасы Әліби Бекжанов, «Жылдың үздік қамқоршысы» номинациясының иегері Самұрық инновациялық идеяларды дамыту орталығы» қоғамдық қорының директоры Жандос Тұсмағанбетов.
Форумда қоғам белсенділері, жастар, өңірдегі азаматтық қоғам өкілдері баяндама жасап, пікірлері мен ұсыныстарын ортаға салды.
<img src="https://kyzylorda-news.kz/wp-content/uploads/2021/12/269818227_1437613259967515_4763980743063611819_n.jpg" alt="" />

Қызылордада «Жомарт жүрек» байқауының жеңімпаздарына марапат табысталды

<a href="https://kyzylorda-news.kz/">Kyzylorda-news.kz.</a> Қызылорда қаласы әкімінің орынбасары Бектас Нуридинов қала жастарының форумына қатысып, «Самғау» жастар сыйлығының иегерлерін марапаттады.
Шара барысында қала әкімінің орынбасары Бектас Балғабайұлы «Самғау» жастар сыйлығының иегерлерін құттықтап, алдағы уақытта да еліміздің жарқын болашағына бағытталған іргелі істерімен толағай жетістіктерге жете берулеріне тілектестік білдірді. Жастардың ұсыныстарын назарға алып, қаламызды өркендетуге бағытталған жобаларды қала әкімдігі бірлесе жүзеге асыратындығын жеткізді.
«Самғау» жастар сыйлығы белсенді жастардың одан әрі шығармашылығын шыңдап, саяси-мәдени, рухани байлығын арттыруға қолдау көрсету, көтермелеу мақсатында жыл сайын дәстүрлі түрде жалғасын тауып келеді. 
Сыйлыққа үміткер ретінде 14 пен 28 жас аралығындағы Қызылорда қаласының белсенді жастары қатысып, үміткерлер 10 номинация бойынша таңдалды. Сондай-ақ, Ел Тәуелсіздігінің 30 жылдық мерейтойына орай арнайы номинация тағайындалды.
Конкурсқа білім және ғылым, журналистика, спорт, медицина, мәдениет, IT, өндіріс, әлеуметтік салаларында табысты еңбек етіп, өз саласы бойынша жоғары көрсеткіштерге жетіп жүрген жастар қатысты.
Әр номинация бойынша үздік шыққан 11 жасқа Қызылорда қаласы әкімінің «Самғау» жастар сыйлығы мен 100 мың теңге көлеміндегі сыйақысы табысталды.
Сонымен қатар, салтанатты жиында өңірдегі жастар саясатының дамуына үлес қосып, Қызылорда қаласы жастарының дамуына ерекше қолдау көреткен әріптестер мен қоғамдық жұмыстарға белсене араласып, білімге, өнерге, ғылымға, спортқа жаны құмар, азаматтық қоғамды қалыптастыруда өзіндік үлес қосып жүрген бірқатар жастар қосымша арнаулы номинацияларға ие болды.
Айта кету керек, салтанатты шара «Қоғам дамуындағы жастардың рөлі» қала жастарының форумынан бастау алды. Тәжірибе алмасу алаңында «Қазақстанның 100 есімі» жобасының жеңімпазы, халықаралық деңгейдегі психолог, тренер С. Абдрахманова, Жамбыл облыстық жастар ресурстық орталығы басшысының орынбасары А. Абдуалиева спикер ретінде сөз сөйледі.
<img src="https://kyzylorda-news.kz/wp-content/uploads/2021/12/samgaw3.jpg" alt="" />
<img src="https://kyzylorda-news.kz/wp-content/uploads/2021/12/samgaw6.jpg" alt="" />

Қызылордада «Самғау» жастар сыйлығының иегерлері марапатталды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 686 адам коронавирустан жазылды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 106,
Алматы қаласы – 46,
Ақмола облысы – 60,
Ақтөбе облысы – 14,
Алматы облысы – 47,
Атырау облысы – 5,
Шығыс Қазақстан облысы – 34,
Жамбыл облысы – 19,
Батыс Қазақстан облысы – 13,
Қарағанды облысы – 114,
Қостанай облысы – 114,
Маңғыстау облысы – 3,
Павлодар облысы – 18,
Солтүстік Қазақстан облысы – 90,
Түркістан облысы – 3.
Қазақстан бойынша жазылғандар саны – 956046.

Қызылорда: Бүгін коронавирустан жазылғандар жоқ

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 460 адамның коронавирус жұқтырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 98,
Алматы қаласы – 39,
Шымкент қаласы – 8,
Ақмола облысы – 46,
Ақтөбе облысы – 4,
Алматы облысы – 20,
Атырау облысы – 6,
Шығыс Қазақстан облысы – 22,
Жамбыл облысы – 4,
Батыс Қазақстан облысы – 10,
Қарағанды облысы – 58,
Қостанай облысы – 45,
Қызылорда облысы – 4,
Маңғыстау облысы – 4,
Павлодар облысы – 48,
Солтүстік Қазақстан облысы – 41,
Түркістан облысы – 3.
Жалпы ел бойынша ауырғандар саны 985016.

Қызылордада 4 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> 24 желтоқсанда солтүстік-батыс циклоны және онымен байланысты атмосфералық фронттар республика аумағының барлық бөлігіне ықпалын тигізеді, соған байланысты қар жауады, деп хабарлайды Қазгидромет.
Оңтүстік өңірлерде жауын-шашын жаңбыр және қар түрінде болады. Елдің тек батысында жауын-шашынсыз ауа райы болжанады. Сондай-ақ республика бойынша тұман, көктайғақ, екпінді жел күтіледі. Солтүстік-батыста, солтүстікте, шығыста және орталықта жаяу бұрқасын жүреді.
Солтүстік Қазақстан облысының оңтүстігінде, солтүстігінде және шығысында бұрқасын, көктайғақ, 15-20 м/с екпіндегі жел күтіледі. Өңірдің оңтүстігі мен шығысында желдің күші 23-28 м/с артады.
Павлодар облысының батысында – бұрқасын мен көктайғақ, өңірдің солтүстігі мен батысында 15-20 м/с екпіндегі жел болжанады.
Қарағанды облысының оңтүстігінде – тұман, түнде солтүстігі мен орталығында – жаяу бұрқасын, көктайғақ, солтүстігі мен шығысында 15-20 м/с екпінде жел күтіледі.
Шығыс Қазақстан облысының солтүстік-батысында, батысында – жаяу бұрқасын, көктайғақ, өңірдің батысы мен оңтүстігінде – тұман, түнде батысы мен орталығында 15-20 м/с екпінде жел болады.
Жамбыл облысының солтүстігі мен таулы аудандарында көктайғақ, тұман күтіледі. Күндіз өңірдің батысында, солтүстік-шығысында 15-20 м/с екпінде жел тұрады.
Ақмола облысының солтүстігі мен оңтүстік-шығысында – жаяу бұрқасын, тұман, солтүстігі мен шығысында 15-20 м/с жылдамдықта жел күтіледі.
Түнде Атырау облысының оңтүстігін тұман басады.
Маңғыстау облысының оңтүстігінде көктайғақ болжанады.
Қостанай облысының оңтүстігінде – тұман, түнде облыстың солтүстігі мен шығысында – жаяу бұрқасын, солтүстігінде 15-20 м/с екпінде күтіледі.
Алматы облысының Алакөл маңында 17-22 м/с жылдамдықта жел тұрады.
Түркістан облысының батысында және таулы аудандарында тұман болады, таулы асуларында 15-20 м/с күшпен жел соғады.

Жұма күнгі ауа райы болжамы

<a href="https://kyzylorda-news.kz/">Kyzylorda-news.kz.</a> Мемлекеттік хатшы Қырымбек Көшербаев саяси қуғын-сүргін құрбандарын толық ақтау жөніндегі мемлекеттік комиссияның кезекті отырысын өткізді,&nbsp;<a href="https://www.akorda.kz/kz/kyrymbek-kosherbaev-sayasi-kugyn-surgin-kurbandaryn-tolyk-aktau-zhonindegi-memlekettik-komissiyanyn-kezekti-otyrysyn-otkizdi-23115152">деп хабарлайды</a>&nbsp;Ақорда.
Отырыста саяси қуғын-сүргін құрбандарын толық ақтау жөніндегі мемлекеттік комиссияның Жобалық кеңсесі, кіші комиссиялары, жұмыс топтары және өңірлік филиалдарының биылғы атқарған қызметінің негізгі қорытындылары қарастырылып, 2022 жылға арналған жұмыстың басым бағыттары айқындалды.
Жиын барысында Премьер-Министрдің орынбасары Ералы Тоғжанов, Білім және ғылым министрі Асхат Аймағамбетов, Мәдениет және спорт министрі Ақтоты Райымқұлова, Ақпарат және қоғамдық даму министрі Аида Балаева, Алматы қаласының әкімі Бақытжан Сағынтаев, Маңғыстау облысының әкімі Нұрлан Ноғаев және басқалар баяндама жасады.
Сондай-ақ, Бас прокурор Ғизат Нұрдәулетов, Ішкі істер министрі Ерлан Тұрғымбаев және Ұлттық қауіпсіздік комитеті төрағасының орынбасары Нұрғали Білісбеков жабық қорларда жүргізілген жұмыстар туралы баяндады.
Мемлекеттік комиссия төрағасы Қырымбек Көшербаев бүгінгі таңда орталықта және өңірлерде Мемлекеттік комиссияның тұтас ұйымдық құрылымы қалыптасқанын, әдістемелік база әзірленіп, зерттеу жұмыстарына қатысты бірыңғай әдістің айқындалғанын, мақсатты ақпараттық стратегия құрылып, мемлекеттік, ведомстволық және шетелдік архивтерде жүйелі іздестіру жұмыстары жолға қойылғанын атап өтті.
Жиында саяси қуғын-сүргін құрбандарының жалпы базасын және Мемлекеттік комиссия құрылымдарының қызметі туралы ақпараттарды қамтитын Мемлекеттік комиссияның электрондық порталы таныстырылды.
Сонымен бірге, комиссия мүшелері Мемлекеттік архивтерде құрылған қуғын-сүргін мәселелері жөніндегі арнайы қорлар жайында, ТМД және Еуропалық Одақ елдерімен халықаралық ынтымақтастықты дамыту туралы баяндады.
Отырыс қорытындысы бойынша Үкіметке, орталық және жергілікті атқару, құқық қорғау органдарының басшыларына 2022 жылға арналған жұмыстың басым бағыттары бойынша, атап айтқанда, жинақталған архив материалын талдамалық және сараптамалық бағалауды ұйымдастыру, аймақтарда зерттеу жұмысын қамтамасыз ету және Мемлекеттік комиссияның баспа қызметін кеңейту жөнінде нақты тапсырмалар берілді.

Саяси қуғын-сүргін құрбандарын толық ақтау жөніндегі мемкомиссия жұмысы қорытындыланды

<a href="https://kyzylorda-news.kz/">Kyzylorda-news.kz.</a> Атом электр санциясы салынатын жерді таңдауға Төтенше жағдай министрлігі қатысты, деп хабарлайды «<a href="https://24.kz/kz/zha-aly-tar/o-am/item/517792-yu-ilin-aes-rylysyna-eki-ajma-ta-daldy">Хабар 24</a>».
Бұл жөнінде ведмоство басшысы Юрий Ильин мәлімдеді.
Оның айтуынша, қазір 2 орын таңдалған. Оның бірі – Алматы облысына қарасты Үлкен ауылында. Екіншісі – Шығыс Қазақстандағы Курчатов қаласы. Енді осы жерлерге қатысты жобалық-сметалық құжаттар дайындалады. Оның ішінде барлық талаптар, әсіресе, төтенше жағдайлар министрлігі құзіретіндегі мәселелер де ескеріледі деді министр.
<blockquote>
 «Аталған аумақтарда елді мекендер жоқ. Бұған қоса, жер сілкінісі, тас көшкіні не судың тасуы болмайды. Біз бұл тетіктерге ерекше мән бердік. Министрліктің ұсыныс-кеңестері ескеріліп, осы жерлерде құрылыс жүргізуге болады деген тоқтам жасадық», – дейді ҚР төтенше жағдайлар министрі Юрий Ильин.
</blockquote>

Ю.Ильин: АЭС құрылысына екі аймақ таңдалды

<a href="https://kyzylorda-news.kz/">Kyzylorda-news.kz.</a>&nbsp;Бүгін Қызылорда облысы әкімінің орынбасары Серік Ахметтің төрағалығымен аймақтағы жастар саясаты мәселелері бойынша мәжіліс өтті. Күн тәртібінде екі мәселе қаралды. Облыс бойынша NEET санатындағы жастар және Ресей Федерациясының жоғары оқу орындарын бітірген қызылордалық түлектерді жұмыспен қамту бағытында атқарылған жұмыстар талқыланды.
Кеңесте «Облыстық жастар ресурстық орталығы» КММ-нің директоры Асқар Құрмаш, облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова және облыстық индустриялық-инновациялық даму басқармасы басшысының орынбасары Жанар Берденова атқарылып жатқан жұмыстар бойынша баяндама жасады.
<blockquote>
 «Облыс әкімі Гүлшара Әбдіқалықованың берген тапсырмасына сәйкес, үстіміздегі жылдың қараша айы NEET санатындағы жастармен жұмыс жасау айы ретінде белгіленген болатын. Облыстық ішкі саясат басқармасы, барлық деңгейдегі «Жастар ресурстық орталықтары» жергілікті әкімдіктермен, салалық құрылымдармен бірлесіп үстіміздегі жылдың 1-12 қараша аралығында қала, аудандар бойынша адрестік жұмыстар жүргіздік. Жас мамандардан бірнеше мобильді топ құрып, қала, кент және ауылдық округтерді аралап, сауалнамалар алынды. Облыс жастарының 38,3 пайызы қамтылды», – деді «Облыстық жастар ресурстық орталығы» КММ-нің директоры Асқар Құрмаш.
</blockquote>
Сондай-ақ, Ресей Федерациясының жоғары оқу орындарын бітірген қызылордалық 26 түлекті жұмыспен қамту мәселесі қозғалды.
<blockquote>
 «Қазіргі таңда 26 түлектің 20-ның нақты жұмыспен қамтылып 6-на алдағы уақытта жұмыспен қамту шаралары жүргізіледі», – деді облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова.
</blockquote>
Осы мәселе бойынша облыстық индустриялық-инновациялық даму басқармасы басшысының орынбасары Жанар Берденова қосымша хабарлама жасап, түлектерді жұмыспен қамту мақсатында қазіргі өңірдегі кәсіпорындармен келіссөздер жүргізіліп жатқанын жеткізді.
Сонымен қатар, Қазалы, Шиелі және Қармақшы аудандарында аталған бағытта атқарылған жұмыстар бойынша аудан әкімдерінің әлеуметтік салаға жетекшілік ететін орынбасарлары баяндады.
Жиын соңында облыс әкімінің орынбасары Серік Ахмет 2022 жылдың 1 ақпанына дейін сала мамандарымен бірлесіп қала, аудан бойынша NEET санатындағы жастарды толықтай анықтауды, Ресей Федерациясының жоғары оқу орындарын 2021-2022 жылғы оқу жылында бітіретін түлектерді жұмыспен қамту бойынша жұмыс жоспарын әзірлеуді тапсырды.

Қызылордада жастар мәселесі талқыланды

<a href="https://kyzylorda-news.kz/">Kyzylorda-news.kz.</a>&nbsp;Алматыда Pfizer вакцинасын салдырған 11 әйел босанды. Дүниеге келген нәрестелерден ешқандай туабіткен ауру анықталған жоқ. Бұл туралы Алматы қаласы қоғамдық денсаулық басқармасының басшысы Нариман Табынбаев айтты, деп хабарлайды <a href="https://www.inform.kz/kz">ҚазАқпарат.</a>
Оның айтуынша, жүкті әйелдердің коронавирусқа қарсы вакцина алуы – үлкен жауапкершілік.
<blockquote>
 «Pfizer вакцинасының қауіпсіздігі дәлелденгеннен кейін Қазақстанда да жүкті әйелдерге аталмыш екпе салына бастады. Pfizer вакцинасын салдырған әйелден туған баладан ешқандай туабіткен ауру анықталмады. Әйелден қан арқылы баласына қандай да бір мөлшерде антидене берілетіні белгілі болды. Вакцина ананы ғана емес, жаңа туған сәбиді де қорғайтыны дәлелденді», – дейді Нариман Табынбаев.
</blockquote>
Сонымен қатар, ол балада анасы арқылы қалыптасқан антидененің қанша уақытқа дейін күшінде болатыны белгісіз екенін.
<blockquote>
 «Алматыда Pfizer вакцинасын салдырған 11 әйел босанды. Баладағы антидене мөлшерін білу үшін ата-анасының рұқсаты керек», – деді ол.
</blockquote>

Нариман Табынбаев: Вакцина салдырған әйелдердің сәбиінен ешқандай туабіткен ауру табылған жоқ

<a href="https://kyzylorda-news.kz/">Kyzylorda-news.kz.</a>&nbsp;Қызылорда қалалық «Казанской иконы Божией матери» шіркеуінің бас қызметшісі Виталий Ивашинин ЗК-169/5 мекемесіндегі сотталушылармен кездесті.
Кездесуде дін өкілі «Тәубеге келу» тақырыбында насихат жүргізіп, мұсылман немесе христиан болсын шынайы тәубеге келудің маңызы зор екендігін түсіндірді.
Мекемеде жазасын өтеушілер арасында 8 сотталушы православтық бағытын ұстанады. Олар осы жүздесу барысында өздерінің жасаған күнәларына өкінетіндіктерін, тәубеге келу арқылы өз күнәларынан арылғысы келетіндерін айтты.
Кездесу соңында шіркеу қызметшісі алдағы уақытта христиан дінінің православ бағытын ұстанушы сотталғандарды күнәларынан арылту үшін діни рәсімдер жасайтынын жеткізді.
<img src="https://kyzylorda-news.kz/wp-content/uploads/2021/12/b6854474-af39-48fa-8d16-c5b7240afbc8.jpg" alt="" />

Қызылордада шіркеу қызметкерлері сотталғандармен кездесті

<a href="https://kyzylorda-news.kz/">Kyzylorda-news.kz.</a>&nbsp;Қорқыт Ата атындағы Қызылорда университетінде «Шетел тілдері және аударма» және «Компьютерлік ғылымдар» кафедрасының түлектері жұмыс берушілермен кездесті. Кафедра оқытушылары «Дипломмен ауылға!», «Түйіндеме әзірлеу тәсілдері», «Бос жұмыс орындарын анықтауға арналған электрондық порталдар» тақырыбында презентациялар дайындап, түлектердің жұмысқа орналасу көрсеткішіне тоқталды.
2020-2021 оқу жылында «Шетел тілі: екі шетел тілі» мамандығы бойынша 85 түлек бітірсе, оның 84,7 пайызы жұмысқа орналасты. Ал «аударма ісі» бойынша жұмысқа орналасу пайызы 66,6 пайызды көрсетті.
«Компьютерлік ғылымдар» кафедрасы бойынша 84 білім алушы бітіріп, оның 80 пайызы жұмыспен қамтылған.
<blockquote>
 «Шет тілін білу – заман талабы. Ағылшын тілін жетік білетін мамандарға сұраныс жыл өткен сайын артып келеді. Жақында Қызылордада шыны зауыты іске қосылды. Сәйкесінше, енді аудармашылар қажеттілігі туындайды. Бұл сіздерге берілген үлкен мүмкіндік», – деді «Pechoin Central Asia» ЖШС директоры Нұршын Наурызбайұлы.
</blockquote>
Жас мамандардың қатысуымен өткен шараға «Pechoin Central Asia» ЖШС директоры Нұршын Наурызбайұлы, «CNEC («СиЭнИСи»)» ЖШС директорының орынбасары Күлсара ханым, М.Дүйсенов атындағы №15 мектеп-лицейі директорының орынбасары Майра Бекетова, П.Д.Осипенко атындағы №8 орта мектебі директорының орынбасары Динарида Шадибекова, «Speak English» оқу орталығы директорының орынбасары Айжан Бейсенова, Қорқыт Ата атындағы Қызылорда университетінің Оқу үдерісін ұйымдастыру бөлімінің әдіскері Айжан Жұмағұлова, Гуманитралық-педагогикалық институттың директоры Сағат Тайман қатысты.
Ал «Компьютерлік ғылымдар» кафедрасы ұйымдастырған жиында мекеменің тәжірибелі мамандарын оқу процесіне қатыстыру, яғни мекеменің базасында практикалық сабақтар жүргізу ұсынысы қарастырылды.
Аталмыш шараға Құқықтық статистика және арнайы есепке алу жөніндегі комитеті Қызылорда облысы бойынша басқармасының аға прокуроры Асылбек Көпболсын, Қызылорда облыстық полиция департаменті Кибер қылмысқа қатысты бөлім қызметкері Тимур Хамитов және Бауыржан Алиев, Қызылорда облыстық ақпараттық технологиялар орталығының қызметкері Идаятулла Смагұлов, «Транстелеком» АҚ Қызылорда қаласындағы «Қызылордатранстелеком» филиалының директоры Бағлан Құдияров, университеттің оқу үдерісін ұйымдастыру бөлімінің практика меңгерушісі Қалдыбек Қиясов пен бөлімінің әдіскері Айжан Жұмагұлова қатысты.
Мұндай жиындар арқылы білім алушылар болашақ жұмыс берушілердің ұсыныстары туралы ақпарат алып, жұмысқа орналасуда кездесетін мәселелердің шешімін таба алады.

Қорқыт ата атындағы Қызылорда университетінің студенттері жұмыс берушілермен кездесті

<a href="https://kyzylorda-news.kz/">Kyzylorda-news.kz.</a> Сенат жануарларға жауапкершілікпен қарау туралы заң жобасын қабылдады. Оған сәйкес, қатыгездік жасағандарға ірі көлемде айыппұл салынады, деп хабарлайды Sputnik Қазақстан.
Айыппұлдың көлемі екі есеге өсті
Экология, геология және табиғи ресурстар министрі Серікқали Брекешевтің айтуынша, жануарларға қатыгездікпен қарау әрекеттерін бұқаралық ақпарат құралдары мен басқа да жолдар арқылы насихаттауға тыйым салынады. Ол үшін 1000 АЕК-ке (2 917 000 теңге) дейін айыппұл салу, бір жылға дейін бас бостандығынан айыру, белгілі бір лауазымдарды атқару немесе белгілі бір қызметпен айналысу құқығынан 2 жылға дейін айыру жазасы қарастырылып отыр.
Сондай-ақ Қылмыстық кодекстің 316-бабы бойынша жануардың мертігуіне әкеп соққан қатыгездік үшін 120 АЕК-ке дейін (биыл 350 040 теңге ) айыппұл және 30 тәулікке дейін қамауға алу, ал жануардың өліміне әкеп соққан қатыгездік әрекет үшін 200 АЕК-ке дейін (583 400 теңге) айыппұл және 50 тәулікке дейін қамауға алу жазасы енгізілген.
Әкімшілік құқық бұзушылық туралы кодекске жануарларға қатыгездікпен қарау тармағы да енгізілді. Атап айтқанда, 407-1 бабында нақты айыппұлдың көлемі көрсетілді. Олар.
<ul>
<li>жеке тұлғаларға – 5 АЕК (29 170 теңге);</li>
<li>лауазымды тұлғаларға – 10 АЕК (58 340 теңге).</li>
</ul>
Ал осы тәртіп бұзушылық қайталанса, жеке тұлғаларға 20 АЕК және лауазымды тұлғаларға 40 АЕК көлемінде айыппұл салынады.
407-2-баптың редакциясында үй және қаңғыбас иттер мен мысықтарды аулау, ұстау, есепке алу, серуендету, тасымалдау, өлтіру ережелерін бұзғаны үшін де айыппұл қарастырылған:
<ul>
<li>жеке тұлғаларға 10-нан 20 АЕК-ке дейін (29 170 теңгеден 58 340 теңгеге дейін);</li>
<li>лауазымды тұлғаларға 20-дан 30 АЕК-ке дейін (58 340 теңгеден 87 510 теңгеге дейін);</li>
<li>заңды тұлғаларға 30-дан 40 АЕК-ке дейін (87 510 теңгеден 116 680 теңгеге дейін.</li>
</ul>
Жануарларды есепке қою қажет
2023 жылдың 1 қыркүйегінен бастап үй жануарларын тіркеуге қою міндеті енгізіледі. Ал әлеуметтік жағдайы төмен азаматтар болса, есепке алу шаралары бюджет есебінен атқарылады.
<blockquote>
 «Заңға сәйкес, жануарлардың азап шегуін тоқтату және халықтың өміріне қауіп төнген жағдайда ғана өлтіруге рұқсат беріледі. Жануарларды қорғаушылардың жылжымалы хайуанаттар бағы, контактілі зоопарк, жылжымалы океанариумдар, дельфинарийлер мен жануарлардың жылжымалы көрмелерінің қызметіне тыйым салу туралы ұсыныстары да ескерілді. Бұл норма осы ұйымдардың меншік иелеріне бизнесті тарату немесе қайта ұйымдастыру іс-шараларын өткізу үшін уақыт беру мақсатында кейінге шегеріледі», – деп атап өтті министр.&nbsp;&nbsp;
</blockquote>
Сенат депутаттары заңды қабылдап, президенттің қол қоюына жіберді.

Қазақстан және Қызылорда облысының жаңалықтары

Қызылордада «Жомарт жүрек» байқауының жеңімпаздарына марапат табысталды

Қызылордада «Самғау» жастар сыйлығының иегерлері марапатталды

Қызылорда: Бүгін коронавирустан жазылғандар жоқ

Қызылордада 4 адамнан коронавирус анықталды

Жұма күнгі ауа райы болжамы

Саяси қуғын-сүргін құрбандарын толық ақтау жөніндегі мемкомиссия жұмысы қорытындыланды

Ю.Ильин: АЭС құрылысына екі аймақ таңдалды

Қызылордада жастар мәселесі талқыланды

Нариман Табынбаев: Вакцина салдырған әйелдердің сәбиінен ешқандай туабіткен ауру табылған жоқ

Қызылордада шіркеу қызметкерлері сотталғандармен кездесті

Қорқыт ата атындағы Қызылорда университетінің студенттері жұмыс берушілермен кездесті

Жануарларға жауыздық жасайтындар үшін жаза күшейтіледі

Қазақстан және Қызылорда облысының жаңалықтары

Қызылордада «Жомарт жүрек» байқауының жеңімпаздарына марапат табысталды

Қызылордада «Самғау» жастар сыйлығының иегерлері марапатталды

Қызылорда: Бүгін коронавирустан жазылғандар жоқ

Қызылордада 4 адамнан коронавирус анықталды

Жұма күнгі ауа райы болжамы

Саяси қуғын-сүргін құрбандарын толық ақтау жөніндегі мемкомиссия жұмысы қорытындыланды

Ю.Ильин: АЭС құрылысына екі аймақ таңдалды

Қызылордада жастар мәселесі талқыланды

Нариман Табынбаев: Вакцина салдырған әйелдердің сәбиінен ешқандай туабіткен ауру табылған жоқ

Қызылордада шіркеу қызметкерлері сотталғандармен кездесті

Қорқыт ата атындағы Қызылорда университетінің студенттері жұмыс берушілермен кездесті

Жануарларға жауыздық жасайтындар үшін жаза күшейтіледі &nbsp;

Жануарларға жауыздық жасайтындар үшін жаза күшейтіледі