<a href="https://kyzylorda-news.kz/">Kyzylorda-news.kz.</a> Үкімет Нұр-Сұлтан қаласының кейбір білім беру ұйымдарына танымал тұлғалардың атын беру туралы қаулы әзірледі, деп хабарлайды Sputnik Қазақстан.
“Ашық НҚА” сайтында жарияланған құжатқа сәйкес, 8 мектепке қоғам және саяси қайраткерлердің есімін беру жоспарланып отыр. Олар:
№ 11 мектеп-лицейге – Өзбекәлі Жәнібеков; 
№ 49 орта мектепке – Қошке Кемеңгерұлы; 
№ 69 мектеп-гимназиясына – Кемел Ақышев; 
№ 2 балалар музыка мектебіне – Роза Бағланова; 
№ 3 балалар музыка мектебіне – Ермек Серкебаев; 
№ 66 мектеп-лицейге – Дінмұхамед Қонаев; 
№ 77 мектеп-гимназиясына – Фариза Оңғарсынова; 
№ 83 мектеп-гимназиясына – Ыбырай Алтынсарин. 
Қаулының жобасы 23 желтоқсанға дейін қоғамдық талқылауға шығарылып отыр. Ал қол қойылғаннан кейін заңды күшіне енеді.

Музыка мектебіне Роза Бағланованың аты берілмек

<a href="https://kyzylorda-news.kz/">Kyzylorda-news.kz.</a>&nbsp;Еліміздегі 8 облыстың аумағында қолайсыз ауа райына байланысты ескерту жарияланды, деп хабарлайды Қазгидромет.
22 желтоқсанда күндіз, 23 желтоқсанда түнде Солтүстік Қазақстан облысының басым бөлігінде қар жауады. Облыстың солтүстігінде, батысында бұрқасын соғып, көктайғақ болуы ықтимал. Облыстың оңтүстік-батысында тұман түседі. Оңтүстіктен, оңтүстік-шығыстан жел соғады, 22 желтоқсанда түнде облыстың солтүстігінде, батысында, күндіз басым бөлігінде күші 15-20 м/с жетеді. 23 желтоқсанда түнде басым бөлігінде, күндіз облыстың шығысында желдің күші 15-20 м/с, екпіні 23 м/с жетуі ықтимал.
Петропавлда ертең күндіз, 23 желтоқсанда түнде жаяу бұрқасын соғады, көктайғақ болуы ықтимал. Ертең күні бойы оңтүстіктен, оңтүстік-шығыстан жел соғады, 23 желтоқсанда түнде күші 15-20 м/с жетеді.
22 желтоқсанда таңертең және күндіз Түркістан облысының таулы, тау бөктерлі аудандарында қатты жаңбыр жауады. Түнде облыстың оңтүстігінде, солтүстігінде шаңды дауыл соңуы мүмкін. Оңтүстіктен, оңтүстік-батыстан жел соғады, түнде облыстың оңтүстігінде, солтүстігінде, батысында, таулы аудандарында жылдамдығы 15-20 м/с, күндіз 15-20 м/с, облыстың солтүстігінде, батысында, таулы аудандарында екпіні 23-28 м/с, асуларда 30 м/с және одан асып кетуі ықтимал.
Шымкентте ертең таңертең және күндіз қатты жаңбыр жауады. Оңтүстіктен, оңтүстік-батыстан жел соғады, таңертең және күндіз күші 15-20, екпіні 23 м/с жетеді.
Түркістан қласында ертең оңтүстіктен, оңтүстік-батыстан жел соғады, күші 15-20 м/с, күндіз екпіні 23 м/с жетеді.
22 желтоқсанда Қарағанды облысының батысында, солтүстігінде, орталығында тұман түсіп, көктайғақ болады, жаяу бұрқасын соғуы ықтимал. Оңтүстік-шығыстан, оңтүстіктен жел соғады, облыстың батысында, солтүстігінде, орталығында күші 15-20 м/с, екпіні 23 м/с жетеді.
Қарағанды қаласында ертең түнде және таңертен тұман түседі, күндіз көктайғақ болады, жаяу бұрқасын соғады. Оңтүстік-шығыстан, оңтүстіктен жел соғады, күндіз екпіні 15-20 м/с жетеді.
Жезқазғанда ертең тұман түсіп, көктайғақ болады, жаяу бұрқасын соғуы ықтимал. Оңтүстік-шығыстан, оңтүстіктен жел соғады, екпіні 15-20 м/с жетуі мүмкін.
22 желтоқсанда Қызылорда облысының солтүстігінде және орталығында көктайғақ болып, тұман түсуі ықтимал. Жел оңтүстіктен, оңтүстік-батыстан соғады, облыстың орталығында 15-20 м/с, күндіз екпіні 23 м/с жетеді.
Қызылорда қаласында ертең жел оңтүстік-батыстан соғады, таңертең және күндіз екпіні 15-20 м/с жетеді.
22 желтоқсанда Ақмола облысының батысында, шығысында тұман түсіп, көктайғақ болуы мүмкін. Оңтүстік, оңтүстік-шығыстан жел соғады, облыстың солтүстік-батысында, шығысында 15-20 м/с жетеді.
Көкшетауда ертең көктайғақ болады.
22 желтоқсанда Батыс Қазақстан облысының солтүстігінде тұман түседі, күндіз облыстың солтүстігінде, солтүстік-батысында жаяу бұрқасын соғуы мүмкін. Жел солтүстік-батыстан оңтүстік-батысқа ауысады, күндіз облыстың солтүстік-батысында екпіні 15-20 м/с жетеді.
Оралда ертең түнде және таңертең тұман түседі. Жел солтүстік-батыстан оңтүстік-батысқа ауысады, түстен кейін желдің екпіні 18 м/с жетеді.
22 желтоқсанда түнде Ақтөбе облысының басым бөлігінде, күндіз оңтүстік-шығысында, шығысында тұман түседі, көктайғақ болуы мүмкін.
Ақтөбе қаласында ертең түнде тұман түседі.
22 желтоқсанда Қостанай облысының басым бөлігінде жауын-шашын түседі, орталықта және облыстың солтүстік-шығысында қар аралас жаңбыр жауады. Орталық және облыстың оңтүстігінде тұман түседі, көктайғақ болуы мүмкін. Облыстың солтүстігінде, шығысында жаяу бұрқасын соғады. Оңтүстіктен соққан жел солтүстік-батысқа ауысады, облыстың оңтүстігінде, шығысында күші 15-20 м/с жетеді.
Ертең Қостанай қаласында қалың қар, жаңбыр жауады, көктайғақ болуы ықтимал.

Ауа райына байланысты ескерту жарияланды

<a href="https://kyzylorda-news.kz/">Kyzylorda-news.kz.</a>&nbsp;Бүгін шаһардың сол жағалауында орналасқан «Болашақ» университетінде облыстық көшбасшы әйелдер мектебінің алғашқы дәрісі болды. Дәріске 100-ге жуық нәзік жанды, ал аудандардан 70-тен аса әйел онлайн форматта қатысты.
Алғашқы отырысты облыстық әйелдер кеңесінің төрайымы Райкүл Байназарова ашып, мектеп жұмысына сәттілік тіледі. Сондай-ақ, мектептің жетекшісі Әлима Әбдіқалықова жалпы жұмыс жоспары мен мақсаттарына тоқталды. Бұған қоса, бас қосуда филология ғылымдарының кандидаты Айман Айтбаеваның, саяси ғылымдарының кандидаты Сәулет Сахиевтың, психология ғылымдарының кандидаты А.Аяғанованың дәрістері тыңдалды. 
Дәріс соңында қатысушылар өз пікірлерін білдіріп, алдағы уақыттағы жұмыстарын талқылады. Мектеп жоспарына сәйкес, дәрістер айына бір рет әр түрлі тақырыптарда өткізілетін болады.
Айта кетейік, мектеп облыс әкімі жанындағы әйелдер істері және отбасылық-демографиялық саясат жөніндегі комиссияның қолдауымен облыстық әйелдер кеңесінің жанынан құрылған.

Қызылордада облыстық көшбасшы әйелдер мектебінің алғашқы дәрісі өтті

<a href="https://kyzylorda-news.kz/">Kyzylorda-news.kz.</a> Тосыннан болған апат кезінде ерлік көрсетіп, бір отбасын қызыл жалыннан аман алып қалған полиция қызметкерлері «Жауынгерлік ерлігі» және «Ерлігі үшін» төсбелгілерімен марапатталып, Сыр полицейлері құрмет төрінен көрінді.
<blockquote>
 «Биыл 26 мамырда «Ақмешіт» мөлтек ауданында орын алған өрт кезінде полиция қызметкерлері дереу әрекет етіп, бір отбасыны қызыл жалыннан құтқарып қалдық. Жалпы полиция қызметкері қандай жағдай болмасын шұғыл әрекет етуге дайын тұруы керек. Тұрғындардың қауіпсіздігі біз үшін әрдайым бірінші орында», – деді қалалық полиция басқармасы ЖП қызметі бөлімінің патрульдік полиция командирі Бектұр Сатенов.
 «Түтін басқан пәтердегі өрт көрші үйлерге тарап кетпеуі үшін тез сөндіруге кірістім. Құқық қорғау қызметкерлері мұндай қауіпті жағдайлармен күнде кездеседі. Тіпті қайғылы оқиғаларда өздерін қауіпке тігіп, ажал құшқан әріптестеріміздің ерлігі біз үшін үлгі. Еліміздің тыныштығын күзету біздің парызымыз», – деді қалалық полиция басқармасының ЖП қызметінің инспекторы Талғат Шалқарбаев.
 «Тұрғындардан қоңырау түскен бойда оқиға болған орынға дереу жетіп, жедел әрекетке кірістік. Ең бастысы, адамдар аман қалып, өрт дер кезінде сөнді. Қызметтік жолымда түрлі қылмыстық жағдайлар мен оқиғаларға куә болдым. Осындай мезетте адамдардың қауіпсіздігі бірінші орында тұруы тиіс», – деді қалалық полиция басқармасының ЖП қызметінің инспекторы Ғалымжан Темірбай.
 «Тәуелсізідігіміздің 30 жылдығында Жауынгерлік ерлігі және Ерлігі үшін төсбелгілерімен марапатталғанымызға қуаныштымыз. Әрине бұл ерлік емес біздің міндетіміз. Еліміз аман, халқымыз бейбіт күнде ғұмыр кешсін», – деді қалалық полиция басқармасының ЖП қызметінің инспекторы Ержан Анапьяев.
</blockquote>

Ерлік көрсеткен Сыр полицейлері марапат төрінен көрінді

<a href="https://kyzylorda-news.kz/">Kyzylorda-news.kz.</a>&nbsp;ҚР Парламенті Мәжілісінің депутаты, Қазақстан халқы Ассамблеясы депутаттық тобының мүшесі Мейрамбек Төлепберген Қызылорда облысына жұмыс сапарымен келді. Негізгі мақсаты этносаралық қатынастардың өзекті мәселелері бойынша халық арасында ақпараттық-түсіндіру жұмыстарын жүргізу.
<blockquote>
 «Кеше Қармақшы ауданы, ІІІ Интернационал ауылына барып, Цай Ден Хак атындағы мұражайды араладық, ауылдық мәдениет үйінде тұрғындармен кездестік. Сонымен қатар, «Достық жер МК» ЖШС-нің қырман жұмысымен танысып, ауыл шаруашылығы саласының өкілдерімен кездестік. Ел тұрақты, тату-тәтті өмір сүріп жатыр. Сыр өңірі қашанда ұлттар достығының жаршысы. Тағдыр қосқан ұлттар Қазақстан деген тәуелсіз мемлекеттің азаматтары. Олар біздің ағайынымыз, бауырымыз, достарымыз. Елбасымыздың саяси тұрақтылықты сақтау саясатын насихаттау біздің басты мақсатымыз», – деді Мейрамбек Төлепберген.
</blockquote>
Ал, облыстық ҚХА төрағасының орынбасары, облыстық неміс этномәдени бірлестігінің жетекшісі Ирина Шек бірлікті, достықты дәріптеу мақсатында атқарып жатқан жұмыстарына тоқталды.
<blockquote>
 «Бүгінде 160 азамат осы елдің төл перзенттері болып кеткен. Барлығымыздың да мүддеміз елдің бірлігі мен тұрақтылығын сақтап, ұлттар достығын дәріптеу. Біздің бірлестік барлық шараларда белсенді ат салысып келеді», – деді Ирина Шек.
</blockquote>

Мейрамбек Төлепберген: Сыр өңірі қашанда ұлттар достығының жаршысы

<a href="https://kyzylorda-news.kz/">Kyzylorda-news.kz.</a> ҚР Парламенті Мәжілісінің депутаты, Қазақстан халқы Ассамблеясы депутаттық тобының мүшесі М.М.Төлепберген Этносаралық қатынастардың өзекті мәселелері бойынша халық арасында ақпараттық-түсіндіру жұмыстарын жүргізу мақсатында Қызылорда облысына іссапармен келді.
Жұмыс барысы Қармақшы ауданы ІІІ Интернационал ауылынан басталды. М.М. Төлепберген Цай Ден Хак атындағы мұражаймен танысып, ауылдық Мәдениет үйінде тұрғындармен кездесті. Сонымен қатар, «Достық жер МК» ЖШС-нің қырман жұмысымен танысып, ауылшаруашылығы саласының өкілдерімен кездесті.
ІІІ Интернационал ауылынан кейін депутат сапары Жалағаш ауданы, Бұқарбай батыр ауылында жалғасты. Ауылдық Мәдениет үйінде ауыл тұрғындарымен кездесіп, сұрақтарына жауап берді.
Халық қалаулысы Қызылорда қаласындағы Ж. Нұрманов атындағы №198 мектеп-лицейімен танысып, Достық үйінде облыстық ішкі саясат басқармасы, «Қоғамдық келісім» КММ қызметкерлері, өңірлік Қазақстан халқы ассамблеясының құрылым басшылары мен этномәдени бірлестік жетекшілері, дін және БАҚ өкілдерімен кездесті.
Кездесуді облыстық ішкі саясат басқармасының басшысы М.Ж.Казбекова ашып, облыстық Қазақстан халқы Ассамблеясының жұмыстарына тоқталып, халықтың бірлігі мен қоғамдық келісімді нығайтудағы маңызды рөлін атап өтті.
ҚР Парламенті Мәжілісінің депутаты, Қазақстан халқы Ассамблеясы депутаттық тобының мүшесі М.М.Төлепберген жиын барысында мемлекеттік этносаясат мәселелері туралы айтып, кездесу соңында бірқатар азаматтарды Қазақстан халқы Ассамблеясының арнайы Алғыс хаттарымен марапаттады.
<img src="https://kyzylorda-news.kz/wp-content/uploads/2021/12/269827146_3102119853440507_362885939907305195_n.jpg" alt="" />
<img src="https://kyzylorda-news.kz/wp-content/uploads/2021/12/269836910_3102119696773856_8289070381623095226_n.jpg" alt="" />
<img src="https://kyzylorda-news.kz/wp-content/uploads/2021/12/269712248_3102119686773857_1473752618097519227_n.jpg" alt="" />
<img src="https://kyzylorda-news.kz/wp-content/uploads/2021/12/269799580_3102119760107183_8876553125349822850_n.jpg" alt="" />
<img src="https://kyzylorda-news.kz/wp-content/uploads/2021/12/269804760_3102119906773835_1111038234635480656_n.jpg" alt="" />

ҚХА депутаттық тобының мүшесі М.Төлепберген Қызылорда облысына келді

<a href="https://kyzylorda-news.kz/">Kyzylorda-news.kz.</a> Қызылорда облысының ішкі саясат басқармасы басшысының бұйрығымен 2021 жылғы 21 желтоқсаннан бастап Дауылбай Мақсат Дауылбайұлы «Рухани жаңғыру» орталығы» КММ директоры лауазымына тағайындалды.
Мақсат Дауылбай 1996 жылдың 12 мамырында Қызылорда қаласында дүниеге келген. Жоғары білімді. 
2017 жылы Қорқыт Ата атындағы Қызылорда Мемлекеттік университетін «журналист» мамандығы бойынша бітіріп, 2020 жылы «гуманитарлық ғылымдар магистрі» академиялық дәрежесін иемденген.
Әр жылдарда Қызылорда облыстық филармониясында «сценарист», Нұр-Сұлтан қаласындағы ҚР Білім және ғылым министрлігінің «Ұлттық ғылыми-практикалық орталығында» жетекші сарапшы, ҚР Ақпарат және қоғамдық даму министрлігінің «Рухани жаңғыру» Қазақстандық қоғамдық даму институтында» жетекші сарапшы, Қызылорда облыстық «Рухани жаңғыру» орталығында бөлім басшысы, Қызылорда облыстық кәсіподақтар орталығының «Келешек жастар кеңесінің» төрағасы лауазымдары бойынша еңбек еткен.
2021 жылдың ақпанынан бүгінгі күнге дейін Қызылорда облыстық «Жастар ресурстық орталығы» КММ-сі директорының орынбасары қызметін атқарып келді.

«Рухани жаңғыру» орталығының директоры тағайындалды

<a href="https://kyzylorda-news.kz/">Kyzylorda-news.kz.</a> Биыл ауданда Сексеуіл кентіне қарасты Жалғызағым және Мергенсай ауылдық округіне қарасты Тастүбек елді мекендерінде медициналық бекет құрылысы жүргізілуде.
Аудан әкімі Серік Сермағамбетов аталған елді мекендерге барып, жаңадан салынып жатқан нысандардың құрылысын көрді. Медициналық бекеттің құрылысын жүргізіп жатқан мердігер мекеме өкілі аудан әкіміне ғимараттардың ішкі бөлмелерін және сыртқы ауласындағы жасалып жатқан жұмыстарды көрсетіп шықты. 
Екі елді мекендегі нысанның құрылысын көрген аудан басшысы ауыл халқының саулығы үшін қызмет көрсететін медициналық бекеттің маңыздылығына тоқталып, мердігер мекеме өкіліне барлық жұмыстардың мұқият әрі сапалы түрде жүргізілуін тапсырды.
Атап өтейік, бұл нысандардың құрылысын «Ахат-Гс» ЖШС жүргізуде. Жалғызағымдағы медициналық бекеттің ішкі есіктерін орналастыру және ғимарат ауласын қоршалып жатса, Тастүбек елді мекеніндегі ғимараттың төбе жабындысы жабылуда.
<img src="https://kyzylorda-news.kz/wp-content/uploads/2021/12/269559379_3148199042175127_3469517299739647881_n.jpg" alt="" />

Арал ауданында екі медициналық бекеттің құрылысы жүргізілуде

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысы әкімінің өкімімен Қызылорда облысының дене шынықтыру және спорт басқармасының басшысы лауазымына Жаманқұл Асылжан Зұлфқарұлы тағайындалды.
Жаманқұл Асылжан Зұлфқарұлы 1970 жылы Қызылорда қаласында туған.
1994 жылы Қарағанды педагогикалық институтын «Дене тәрбиесінің мұғалімі», 2018 жылы Нархоз университетін «Құқық бакалавры» мамандықтары бойынша бітірген.
Еңбек жолын 1987 жылы Сырдария ауданы Айдарлы ауылында спорт нұсқаушысы болып бастап, 1988-1990 жылдары Кеңес армиясы қатарында, 1990-1994 жылдары студент, 1994-2003 жылдары жеке секторда жұмыс жасаған. 2003-2004 жылдары Қызылорда қаласындағы №5, №2 мектептерінде дене шынықтыру пәнінің мұғалімі, 2006-2010 жылдары Қызылорда облысының туризм, дене шынықтыру және спорт басқармасында бас маман, бөлім басшысы қызметтерін атқарды.
2010-2019 жылдары аралығында Қызылорда қалалық дене шынықтыру және спорт бөлімінің бас маманы, бөлім басшысы қызметінде болды.
2020 жылдың қараша айынан «Атилла» Қызылорда облысының дене шынықтыру мен спортшылары клубы қоғамдық бірлестігінің төрағасы қызметін атқарды.
<img src="https://kyzylorda-news.kz/wp-content/uploads/2021/12/zhamankwl.jpg" alt="" />

Қызылорда облыстық дене шынықтыру және спорт басқармасының басшысы тағайындалды

<a href="https://kyzylorda-news.kz/">Kyzylorda-news.kz.</a> Тәуелсіздіктің торқалы тойы қарсаңында қазалылық спортшылар түрлі байрақты бәсекелерде жеңіске жетіп, туған жерге тарту жасады.
Атап айтар болсақ, ҚР еңбегі сіңген жаттықтырушы Бақытбек Құлбаевтың шәкірті Гүлсая Ержан бокстан әйелдер арасында Қазақстан Республикасының чемпионатында 81 келі салмақ дәрежесі бойынша күміс медаль жеңіп алды.
Ал, Ақберен Бақытберген мен Ұлдана Маханбетамин қазақтың ұлттық ойыны – тоғызқұмалақтан V Азия чемпионатында күміс және қола медальға қол жеткізді.
Одан бөлек, Айжан Ерқосай Ресей Федерациясының астанасы Мәскеу қаласында грэпплинг және грэпплинг-ги күрес түрлерінен қос күмісті еншіледі.
Аудан әкімі Мұхтар Оразбаев байрақты бәсекелерде жеңіске жеткен спортшылар мен олардың жаттықтырушыларын қабылдады.
Басқосуда аудан басшысы спортшылар мен бапкерлерді алдымен ел Тәуелсіздігінің 30 жылдығымен құттықтады.
Мұнан соң аудан мерейін асқақтатқан спортшылар мен жаттықтырушыларға жылы лебізін жеткізіп, Гүлсая Ержан, Ұлдана Махамбетамин, Ақберен Бақытберген, Айжан Ерқосай және Сәбит Шүленбаев пен Жансая Мұратқа «Алғыс хаттарды» табыс етті.
Өз кезегінде былғары қолғап шебері Гүлсая Ержан мен тоғызқұмалақшы Ұлдана Махамбетамин қолдау көрсеткен аудан басшыларына алғысын айтып, ризашылықтарын жеткізді.
<img src="https://kyzylorda-news.kz/wp-content/uploads/2021/12/269595574_3233523546868570_2890624162024441611_n.jpg" alt="" />
<img src="https://kyzylorda-news.kz/wp-content/uploads/2021/12/269609483_3233523920201866_3058733316424105737_n.jpg" alt="" />
<img src="https://kyzylorda-news.kz/wp-content/uploads/2021/12/269683649_3233523856868539_2073324375629155040_n.jpg" alt="" />

Қазалы ауданының әкімі жас спортшыларды қабылдады

<a href="https://kyzylorda-news.kz/">Kyzylorda-news.kz.</a>&nbsp;Доллар келесі жылы 500&nbsp;теңгеге дейін өсуі мүмкін. Бұл туралы экономист Бекнұр Қисықов&nbsp;болжады. Қазақстан қор биржасы сессиясының қорытындысы бойынша доллардың бүгінгі бағамы – 436 теңге 25 тиын. Елордалық тұрғындар теңгенің құнсыздануы, азық-түлік бағасына әсер ете ме деп қорқады. Бұл туралы&nbsp;<a href="https://astanatv.kz/kz/news/65281/">«Астана»</a>&nbsp;арнасы хабарлады.
Доллар бағамы соңғы кезде жиі өзгеретін болды. Тұрғындар бұл азық-түліктің бағасына әсер ете ме деп алаңдайды. Себебі, жалақыдан жалақыға жан бағу, онсызда оңай болмай кеткеніне шағымданады. Долларды сатып алудың қалғаны қашан, дейді олар.
Сарапшылардың саралауынша әлем экономикасы да қазір шатқаяқтап тұр. Оған омикрон штамы себеп болған. Осының кесіренен мұнай бағамы арзандады. Ал&nbsp;бұл теңгенің&nbsp; әлсізденуіне апарып соқтырған.
<blockquote>
 «Бүкіл қаражатыңызды бір валютада сақтамаңыз. Бәрін долларға да салып қоюға болмайды. Бөліп-бөліп, 3 валютада ұстаңыз. Біраз бөлігін долларда, біразын еврода, біразын теңгеде деген сияқты. Болмаса оның орнына алтын да алуға болады. Шетел валютасын сатып алып қою керек. Көбірек басымдықты сол жаққа беру керек», – дейді экономист Мақсат Халық.
</blockquote>
Экономика ғылымдарының докторы Вячеслав Додонов болса, қаржы саласында алдағы жылы да айтарлықтай қиындықтар болуы мүмкін екенін жасырмайды. Оның болжамына сай, келер жылы 1 доллардың құны 455-470 теңге аралығында сатылмақ.
Ал экономист Бекнұр Қисықов доллар бағамының өсуіне бірінші кезекте мұнай бағасының әсер ететінін айтады.
<blockquote>
 «Менің ойымша, доллар 470 болады, тіпті 500-ге жақындайды. Бірінші кезекте, әрине мұнайдың бағасы. Бұл тікелей себепші. Біз әрқашан Ресейде болып жатқан жағдайға қараймыз. Барлығымыз білетіндей, санкциялық шаралар Ресей экономикасына үлкен әсер етті. Әрине, соның салдарынан доллар қымбаттады. Біз Ресеймен тікелей серіктес ретінде және олармен Еуразиялық экономикалық одақпен бір одақта болғандықтан бізге әсерін тигізеді», – дейді Қисықов.
</blockquote>
Доллардың нығаюы аясында қазақстандықтардың америкалық валютаға деген сенімі уақыт өткен сайын артып келеді. Халық өз жиған-тергендерін «америкалық» валютада сақтауды жөн санайды.

Доллар 500 теңгеге дейін өсуі мүмкін

<a href="https://kyzylorda-news.kz/">Kyzylorda-news.kz.</a> Энергетика – қашан да әлеуметтік сала мен индустрияны алға жылжытушы күш, әрі экономиканың негізгі діңгегі болып саналады. Өңіріміздің өсіп-өркендеуіне энергетика саласы қызметкерлері де зор үлес қосып келеді.
Аудан әкімі Серік Сермағамбетов энергетика саласы мамандарымен кездесіп, кәсіби мерекелерімен құттықтады.
<blockquote>
 «Сіздер күнделікті тұрмыста, тұрғын үйлердің және кәсіпорындар, мекемелер мен ұйымдардың қалыпты жұмыс істеуі үшін қажетті электр энергиясымен үздіксіз қамтамасыз ету жолында тынымсыз еңбек етіп келесіздер. Жауапкершілігі зор қызметте абыройларыңыз арта берсін. Сіздерге зор денсаулық, отбасыларыңызға амандық, толағай табыстар тілеймін!»- деп ізгі лебізін білдірді аудан әкімі.
</blockquote>
Кездесуде ел игілігі үшін қызмет етіп келе жатқан сала үздіктеріне аудан әкімінің Алғыс хаты табысталды.
<img src="https://kyzylorda-news.kz/wp-content/uploads/2021/12/269603323_3150589801936051_9035628724096445791_n.jpg" alt="" />

Қазақстан және Қызылорда облысының жаңалықтары