<a href="https://kyzylorda-news.kz/kogam/qyzylorda-wyldyryq-shashw-kezenginde-balyq-awlaghandar-zhazalanady-109975/">Kyzylorda-news.kz</a>. Жыл сайын өңірдегі су айдындары мен көлдерді қоқыстан тазалау мақсатында «Таза су айдындары» табиғат қорғау акциясы өткізіліп келеді.
Биыл аталған тазалық шарасы наурыз айының 1-нен басталып, мамыр айының 30-на дейін жалғасады. Бүгінге дейін акция аясында су астында қалған 50 тоннадан аса қоқыс шығарылды. Бұл туралы Өңірлік коммуникациялар қызметінің алаңында өткен онлайн брифингте Арал-Сырдария облысаралық бассейндік балық шаруашылығы инспекциясы басшысы орынбасарының міндетін атқарушы Жанқожа Сапаров мәлімдеді.
<blockquote>
 “Дәстүрлі түрде өткізілетін «Таза су айдындары» акциясын осы жылы да карантиндік талаптарды сақтай отырып жалғастырдық. Қызылорда қаласы маңындағы Сырдария өзені мен «Көксу» су айдынында және Түркістан облысы аумағындағы Шардара су қоймасында жергілікті табиғат жанашырларының қатысуымен тазалық жұмыстары жүргізілді. Аймақтың барлық ірілі-ұсақты су айдындарын қамтыған акцияға 861 адам қатысып, 142 арнайы техника мен 70 шағын көлемді жүзу құралдары жұмылдырылды. Нәтижесінде 52,05 тоннаға жуық әр түрлі қоқыс пен 582 дана балық аулау құралдары шығарылды”, – деді Жанқожа Рамбердіұлы.
</blockquote>
Айта кетейік, акция табиғат қорғау мекемелерінің, табиғат пайдаланушылардың, еріктілердің және қоғамдық, ғылыми ұйым өкілдерінің, су айдындарына жақын орналасқан ауыл тұрғындарының, оқу орындары студенттерінің қатысуымен өткізілді.

Қызылордада су айдындарынан 50 тонна қоқыс шығарылды

Kyzylorda-news.kz. Бүгін Қызылорда облысының әкімі Гүлшара Әбдіқалықованың төрағалығымен төтенше жағдайлардың алдын алу және оларды жою жөніндегі облыстық комиссияның кезекті отырысы өтті.
Отырыста 2021 жылғы өрт қауіпті кезеңге дайындық шаралары және жазғы кезеңде облыстың су айдындарында қауіпсіздік туралы екі мәселе қаралды. Алғашқы мәселе бойынша сөз алған облыстық төтенше жағдайлар департаментінің бастығы Руслан Қайрақбаев аймақтағы өрт сөндіру мекемелерінің жай-күйі туралы баяндады.
<blockquote>
 “Облыстық табиғатты пайдалану және табиғат ресурстарын реттеу басқармасына қарасты 8 мемлекеттік мекеме бар. Қалалық және аудандық орман және жануарлар дүниесін қорғау жөніндегі мемлекеттік мекемелер 54 өрт сөндіруші, 9 өрт сөндіру автокөлігі, 26 дана өрт сөндіру тіркемесі, 14 дана мотопомпасы және 77 дана радиостанциямен қамтылған. Сонымен қатар 370 дана ұрғыш, 72 дана балта, 222 дана күрек, 16 дана бензопила, 45 дана арқаға салып жүретін өрт сөндіргіші алынған. Мекеменің өрт-техникалық жабдықталуы 30%-ды құрайды. Аймақтағы орман шаруашылығы мекемелеріне өрттерді дер кезінде жою және анықтау үшін өрт мұнарасы және басқа да құралдар жеткіліксіз. Бірқатар ауданда өрт сөндіру техникаларын жаңарту қажет”, – деді облыстық төтенше жағдайлар департаментінің бастығы Руслан Қайрақбаев.
</blockquote>
<img src="https://kyzylorda-news.kz/wp-content/uploads/2021/05/fb_img_1620214827371.jpg" alt="" />

Руслан Қайрақбаев: Бірқатар ауданда өрт сөндіру техникаларын жаңарту қажет

<a href="https://kyzylorda-news.kz/">Kyzylorda-news.kz</a>. Парламент мәжілісі ауыл әкімдерінің тікелей сайлауын өткізуге мүмкіндік беретін заң жобасын мақұлдады, деп хабарлайды&nbsp;<a href="https://sputnik.kz/">Sputnik Қазақстан</a>. Мәжілісте “Сайлау туралы” конституциялық заңға өзгерістер енгізу туралы заң жобасы қаралды.
Құжат президенттің бастамасымен әзірленді. Оған сәйкес, аудандық маңызы бар қалалардың, ауылдардың, кенттердің, ауылдық округтердің әкімдері тікелей сайланады.
<blockquote>
 “Қазіргі таңда елімізде 2 345 әкімшілік-аумақтық бірлік бар. Оның ішінде биыл екінші жартыжылдықта 836 әкім тікелей дауыс беру арқылы сайланады”, – деді ұлттық экономика министрі Әсет Ерғалиев.
</blockquote>
Айтуынша, мемлекеттік қызмет туралы заңға сәйкес біліктілік талаптарына сай және Қазақстанның 25 жасқа толған кез келген азаматы сайлана алады.
Сондай-ақ саяси партиялар мүшелері және сайлаушылардың жалпы санының кемінде 1% қолын жинаған кандидаттар сайлауға түсуге құқылы.
“Бұл ретте, аудан әкімінің, егер кандидаттар болмаған не біреуі ғана ұсынылған жағдайда, екі не бір кандидат ұсынуға құқығы бар”, – деді министр.
Заң жобасында барлық кандидат үшін ең төменгі жалақы мөлшерінде сайлау жарнасын енгізу көзделген. Сайлау 40 күн бұрын жарияланады, ал сайлаудың өзі қазіргі әкімнің өкілеттік мерзімі аяқталуына 10 күн қалғанда өтеді. Сайлау өткеннен кейін үш күн ішінде қорытынды шығарылады.
Сайланған әкім жүргізіп жатқан жұмысы туралы халыққа есеп береді.
Сонымен қатар заң жобасына сәйкес, мәжіліс сайлауы кезінде саяси партиялардың өту шегі 7%-тен 5%-ке дейін төмендетіледі және барлық деңгейдегі сайлау бюллетеньдеріне “барлығына қарсымын деген” графа қосылады.
&nbsp;Мәжіліс депутаттары заң жобасын бірауыздан мақұлдады.

Ауыл тұрғындары әкімді енді өздері сайлайды

Қызылорда облысында «Уылдырық-2021» акциясының іс-шара жоспары бекітілді. Қазір су маржандарының уылдырық шашатын мезгілі. Сондықтан балық аулауға тыйым салынған.
Мәселен облыс көлемінде Сырдария өзенінде 1 сәуiр мен 30 мамыр, Кiшi Арал теңiзiнде 1 мамырдан 10 маусым, басқа су айдындарында 20 сәуірден 10 маусым аралығында балық аулауға болмайды.
<blockquote>
 “Акция басталғаннан бері 75 балық қорғау заңнамасының бұзушылығы анықталды. 61 әкімшілік айыппұл салынып, 14 әкімшілік іс бойынша тиісті шара көру үшін сот органдарына жолданды және 14 қылмыстық іс-қозғалды, Күшейтілген рейдтік жұмыстар жалғасуда”, – деді Арал-Сырдария облысаралық бассейндік балық шаруашылығы инспекциясы басшысы орынбасарының міндетін атқарушы Жанқожа Сапаров.
</blockquote>
Айта кетсек, табиғат заңдылығын бұзудың алдын алу және анықтау мақсатында инспекция 89 рейд, оның ішінде құзырлы органдарымен бірлескен іс-шараларға сәйкес 25 рейд ұйымдастырылды. Нәтижесінде 228 табиғат заңдылығын бұзушылық дерегі анықталған. Жыл басынан 212 хаттама толтырылып, оның ішінде 33 іс сот органдарына жолданды.

Қызылорда: Уылдырық шашу кезеңінде балық аулағандар жазаланады

<a href="https://kyzylorda-news.kz/">Kyzylorda-news.kz</a>. «Nur Otan» партияның араласуымен өткен жылы 5 ай жалақысыз қалған облыстық балалар мен жасөспірімдерге арналған туберкулезге қарсы санаторий қызметкерлерінің айлық жалақылары өтелген. Бұл туралы бүгін «Nur Otan» партиясы облыстық филиалының кезекті XXVIIІ есеп беру – сайлау конференциясында айтылды.
Облыстық партия филиалының төрағасы, облыс әкімі Гүлшара Әбдіқалықованың төрағалығымен өткен жиында облыстық партия филиалы Саяси кеңесі мен бақылау-тексеру комиссиясының 2019-2020 жылдары атқарған жұмыстарының есебі мен алдағы міндеттері тыңдалып, партия филиалы Саяси кеңесінің жаңа құрамы сайланды.
Бүгінде «Nur Otan» партиясының Қызылорда облысында 1 аймақтық, 11 аумақтық филиалына қарасты 239 бастауыш партия ұйымына біріктірілген 44 мыңнан астам партия мүшесі бар. Партияның ядросы болып табылатын бастауыш ұйымдардың рөлін көтеру мен оларды оңтайландыру мақсатында облыста бұрын 272 бастауыш партия ұйымы болса, қазір олардың 33-і қысқарып, 239 бастауыш ұйымына біріктірілген. Олардың 47%-ның жетекшілері қайта сайланған. Бастауыш ұйымдар төрағаларының 66%-ы аумақтық филиалдардың Саяси Кеңестер мүшелігіне, 40% Саяси кеңес Бюролары құрамдарына енгізілсе, оларға жетекшілік жасайтын мәслихат депутаттарының үлесі 1,98%-дан 16%-ға өскен.
Партия тарапынан қоғамда резонанс тудырған мәселелерге шұғыл әрекет ету жұмыстары да жаңа жолға қойылған.Мәселен, облыстық партия филиалының араласуымен&nbsp; Жаңақорған кентінде орналасқан №28 «Алпамыс» санаторлық бөбекжай-бақшасындағы тұрмыстық, санитарлық жағдайы қайта қалыпқа келген, еңбек құқығы бұзылған «АГМ – Табыс» ЖШС-нің 328 қызметкері жұмыстарына қайта оралған, мекеме таратылып, 5 ай жалақысыз қалған облыстық балалар мен жасөспірімдерге арналған туберкулезге қарсы санаторий қызметкерлерінің айлық жалақыларыөтеліп,Жаңақорған ауданының Байкенже ауылына таза ауыз су жеткізілген.
«Nur Otan» партиясының қоғамдық қабылдауларын тұрғындармен кері байланыстың және олардың&nbsp; сеніммен бас тіреп келетін орны десек болады. Есепті мерзімде партия филиалдарының қоғамдық қабылдау бөлмелеріне азаматардан 17418 өтініш түсіп, олардың 11192 оң шешімін тапқан. Бұл жалпы түскен өтініштердің 64,2% құрайды.
Жалпы қоғамдық қабылдауға өтінішпен келушілердің10%-ы 18-29 жас аралығындағы жастар, 55%-ы 30-44 жас,24%-ы 45-60 жас, 6,7%-ы 61 және онан жоғары жастағылар. Көпбалалы және толық емес отбасылардан түскен өтініш-арыздар 34%-ды құраса, зейнеткерлер мен мүгедектер және мүгедекке теңестірілгендер – 16%-ын құрайды,- деді облыстық партия филиалы төрағасының бірінші орынбасары Ләйлә Төрешова.
Партия филиалының ақпараттық-идеологиялық жұмыстары да қарқынды жүргізілуде. Әрбір әлеуметтік топтардың мәселесін шешуге бағытталған партиялық жобалар да өзінің нәтижесін беруде. Атап айтасақ, «Ардагерлерді ардақтайық» жобасы аясында есепті мерзімде соғыс ардагерлері мен 3 мыңнан астам тыл ардагерлеріне қолдау көрсету жұмыстары жүргізілген. «Кедергісіз келешек» партиялық жобасы аясында мүмкіндігі шектеулі азаматтардың өмір сүру сапасын арттыру мен оларға қолайлы орта қалыптастыру мақсатында 800-ге жуық мекемеге мониторинг жасалып,олардың 50-не айыппұл салынған.«Бақытты отбасы» жобасы аясында республикада алғаш болып аудандық деңгейде Қызылорда облысының, Жаңақорған ауданында әлеуметтік тұрғыдан аз қамтылған, қиын жағдайға тап болған отбасыларға жан-жақты қолдау көрсетуге бағытталған «Бақытты отбасы» орталығы ашылған.
Жалпы жиында Қазақстан Республикасы Парламенті Мәжілісінің депутаты, жерлесіміз Ғалым Әмреев, Қорқыт Ата атындағы Қызылорда университетінің ректоры, қалалық мәслихат депутаты Бейбіткүл&nbsp; Каримова, Сырдария аудандық «Тіршілік тынысы» газетінің бас редакторы, аудандық мәслихат депутаты Ақтөре Ибрагимұлы жарыс сөздерге шығып, Саяси кеңестің атқарған жұмысына қанағаттанарлық бағасын беріп, алдағы жұмыстарға қолдау білдірді.
Жиынның күн тәртібіне сәйкес облыстық партия филиалының Саяси кеңесі мен бақылау–тексеру комиссиясының жаңа құрамы сайланып, тиісті қаулылар қабылданды.

Қызылордада партияның араласуымен 5 ай жалақысыз қалған қызметкерлер  мәселесі оң шешілген

Kyzylorda-news.kz. Қазақстанда онкологиялық аурулар басым әлеуметтік маңызды аурулар тізіміне енгізілген. Онкологиялық ауруларды диагностикалау, осы санаттағы науқастарды емдеу тегін медициналық көмектің кепілдік берілген шеңберінде ғана тегін жүзеге асырылады.
Бұл қызметті қаржыландыру еліміздің барлық тұрғындары үшін медициналық қызметтер пакетін сатып алатын медициналық сақтандыру қоры есебінен жүзеге асырылады.
Әлеуметтік медициналық сақтандыру қорының Қызылорда облысы бойынша филиалының директоры Бақыт Исмаханбетовтың айтуынша, ТМККК аясында онкологияның алдын алу және сауықтырушыларды емдеу үшін бірқатар шаралар жүргізілді:
– Ауруды немесе оған бейімділікті ерте кезеңде анықтауға және уақтылы көмек алуға мүмкіндік беретін тегін скринингтер (профилактикалық тексерулер).
– Тегін жоспарлы емдеуге жатқызу, бейінді мамандардың кенесі, сондай-ақ әлеуметтік мәні бар аурулар шеңберінде дәрі-дәрмекпен қамтамасыз ету.
2020 жылы Қызылорда облысында ТМККК шеңберінде 3481 онкологиялық науқас емделді, оның ішінде шұғыл – 560, жоспарлы түрде – 2921 адам, күндізгі стационарда – 479 адам. Бұл мақсатқа Әлеуметтік медициналық сақтандыру қорынан 1 561,7 млн теңге бөлінді.
2021 жылдың басынан 1193 науқас емделді, оның ішінде шұғыл – 186, жоспарлы түрде – 1007, күндізгі стационарда – 230 адам. Бұл мақсатқа қор 535,4 млн теңге бөлді.
<img src="https://kyzylorda-news.kz/wp-content/uploads/2021/05/photo_2021-04-29_10-58-12.jpg" alt="" />

МӘМС: Қызылордада мыңнан астам онкологиялық науқас медициналық көмек алды

<a href="https://kyzylorda-news.kz/">Kyzylorda-news.kz</a>. Сырдария ауданында індетпен ауырғандардың көрсеткіші қаңтар айында 1,6 есе, ақпанда 6,7 есе, наурызда 11,8 есе болса, сәуір айындағы сырқаттанушылық деңгейі 66,2 есеге артты. Бұл туралы Өңірлік коммуникациялар қызметінің ақпарат алаңында өткен онлайн брифингте Сырдария ауданының бас мемлекеттік санитариялық дәрігерінің міндетін атқарушы Құралай Омарова мәлімдеді.
Мамандар коронавирустық инфекциясының тіркелуінің негізгі себептері тұрғындардың карантиндік шараларды сақтамауы, адамдар көп жиналатын орындарға бару, бетперде кимеуінен деп отыр.
<blockquote>
 “Ауырғандардың ең жоғары деңгейі ересектер арасында тіркелді. Олар жалпы сырқаттанушылықтың 72 пайызын құрайды, балалар үлесі 23,7 пайызды және жасөспірімдер 4,5 пайызды құрады. Дене қызуыңыз көтеріліп, жөтел және тыныс алу қиындаған жағдайда медициналық көмекке жүгіну қажет. Ойын-сауық, отбасылық, салтанатты, естелік жиындарын өткізуді кейінге қалдыруларыңызды сұраймыз. Бұл індетті тек барлығымыз бірлесіп қана жеңетінімізді естен шығармайық”, – деді Құралай Сайранқызы.
</blockquote>
«Спутник-V» вакцинасын салуға аудандық аурухана ғимаратынан 2 егу кабинеті жасақталды. Тасымалдануға қолайлы вакцинамен қамтамасыз етілген жағдайда барлық елді мекендерде егу кабинеттері мен жылжымалы егу бригадалары жұмыс жасауға дайын. Ауданға наурыз айынан бастап 4500 доза вакцина жеткізіліп, 4045 тұрғын екпе салдырды.

Сырдария ауданында ахуал әлі күрделі

<a href="https://kyzylorda-news.kz/">Kyzylorda-news.kz</a>. Ұлы Жеңіс күні қарсаңында облыстық Полиция департаменті Әкімшілік полиция басқармасының қызметкерлері тыл ардагері Ақжібек Найзағараеваны құрметтеп, құттықтады.
Жасы 90-ға таяп қалған Ақжібек әже Қызылорда қаласында тұрады. Ұлы Отан соғысы басталған кезде ол мектеп жасына дейінгі бала болатын. Соған қарамастан, сұрапыл майданға аттанған отандық солдаттар үшін азық егіп, жинап, өңдеп, өзінің үлесін қосқан жан.
Ақжібектің әкесі Әбіш Ленинградтағы шайқасқа қатысқан майдангер. Бірнеше күн окопта жатып, жауды тосқан ол, өзінің полктастарымен бірге ондаған фашистің көзін жойған екен. Әжейдің айтуынша, Әбіш батырдың қолынан көптеген қарсылас солдат қаза тапқан. Бірақ, отаны үшін қан төккен ол өз дегеніне жете алмай, бір аяғынан айырылып, мүгедек болып туған елге оралған.
Туған өлкеде көз жасын төккен күйде екі қызын құшағына қысып қалған отанасы Әбіштің тірі оралғанына қуанып, күнінің соңына дейін жағдайын жасап, отбасын жалғыз өзі асыраған.
<blockquote>
 «Әкем бір аяғын тізеден төмен майданда қалдырып келді… Соған да тәубә дедік. Ал, інісі Адыран із-түссіз жоғалып хабарсыз кетті. Соғыстың құлақ жарардай дыбысы ұзақ жылдарға дейін құлағымыздан кетпеді. Оған қоса титтей болса да Адыран көкемізден хабар күтіп үмітімізді үзбедік…»,-деп қынжылады ақ жаулықты ана.
</blockquote>
Бүгінде Ақжібек Әбішқызы сегіз баланы дүниеге әкелген алтын құрсақты «Алтын алқа» таққан Батыр ана. Ол шет тілі пәнінің мұғалімі Қожағұлов Айтжанмен бас қосып 40 жылға жуық Қызылорда қаласындағы тігін цехында тігінші болып жұмыс жасады. Әжей 19 немереден 40 шөбере сүйіп отырған бақытты қария.
9-мамыр Ұлы Жеңіс күні қарсаңында полиция қызметкерлері Ақжібек Әбішқызының үйі алдына гүлдер егіп, шаруашылығына көмек көрсетті.
Ардагердің қою шайынан дәм татқан тәртіп сақшылары соғыс туралы өз аузынан біраз деректерден тыңдап тәнті болды.
Полицейлерден сый-сияпат қабылдаған қария олардың жұмыстарына абырой мен табыс &nbsp;тілеп, ризашылығын білдіріп ақ батасын жаудырды.

Полиция қызметкерлері тыл ардагеріне құрмет көрсетті

<a href="https://kyzylorda-news.kz/">Kyzylorda-news.kz.</a> Театр тарланы, Қазақстан Республикасының еңбек сіңірген әртісі, «Құрмет» орденінің иегері Бақытбек Алпысбай өмірлік жары, Қазақстанның еңбек сіңірген қайраткері Кәмила Әбжанова екеуі вакцина салдырды.
Өнер майталмандары жақындарының саулығы үшін осындай шешім қабылдағанын айтады.
<blockquote>
 “Сексен төрт жасқа келген Асанәлі Әшімов ағамыз екпе салдырды. Жеңгемізбен хабарласып, жағдайын білген кезде қорықпай вакцина алу қажеттігін айтты. Ол кісі медицина саласында көп жылдар еңбек еткен. Мамандардан да кеңес алдық. Ескпе салдыруға шешім қабылдадық. Қазір жағдайымыз жақсы. Ешқандай кері әсерін байқамадық. Негізі екпе салдыру өз еркіңіз. Бірақ жақындарыңыздың саулығы үшін салдырғаныңыз дұрыс. Бірліктің, ауызбіршіліктің арқасында түрлі қиындықты еңсердік. Бұл дертті жеңетінімізге сенемін”, – деді ҚР Еңбек сіңірген әртісі, «Құрмет» орденінің иегері Бақытбек Алпысбай.
</blockquote>

Бақытбек Алпысбай: Жақындарыңыздың саулығын тілесеңіз вакцина салдырған дұрыс

<a href="https://kyzylorda-news.kz/">Kyzylorda-news.kz</a>. Қазақстан Тәуелсіздігінің 30 жылдығы және Қажымұқан Мұңайтпасұлының 150 жылдығына арналған Қызылорда қаласы «Евразия» спорт кешенінде қазақ күресінен XII облыстық «Алтын белбеу» сайысының ақтық кезеңі мәресіне жетті.
Дүбірлі бәсекеге Байқоңыр, Қызылорда қалалары мен аудандардан 9 команда 200-ге жуық балуан қатысты. 
Түйе палуан сайысына 13 спортшы қатысты. Олардың арасында аралдық Нұрым Сәлімгереев «Сыр Барысы» атанып, «Алтын белбеу» белдігі мен 500 мың теңгенің сертификаты табысталды.
«Сыр Арланы» – Қызылорда қаласының спортшылары Мақсат Исағабыловқа 300 мың теңгенің, «Сыр Сұңқары» – Ержан Аблуллаевқа 200 мың теңгенің сертификаты берілді.
Үстіміздегі жылдың 4 шілде күні Нұр-Сұлтан қаласында ҚР Президенті жүлдесі үшін өтетін «Қазақстан Барысы» республикалық турниріне Қызылорда облысынан Н.Сəлімгереев пен М. Исағабылов облыс намысын қорғайтын болады.
Сондай-ақ, үш жас ерекшелігі бойынша 2004-2005 ж.т. жасөспірімдер, 2002-2003 ж.т. жастар және ересектер арасында спортшылар 26 салмақ дәрежесінде шеберлік байқасты.
<img src="https://kyzylorda-news.kz/wp-content/uploads/2021/05/181569191_6169346619758173_2510927108343750433_n.jpg" alt="" />

Нұрым Сәлімгереев «Сыр Барысы» атанды

<a href="https://kyzylorda-news.kz/">Kyzylorda-news.kz</a>. Әлеуметтік желілерде қолданушылардың банк қызметкерлерінің атын жамылып қазақстандықтарды алдауға тырысып жатқан алаяқтардың құрбаны болайын дегені немесе болғаны туралы әңгімелері жиі пайда болуда. &nbsp;HalykBank қаскүнемдерден қалай қорғану керектігін айтты.
Алаяқтар қалай алдайды?
Алдау тәсілі әртүрлі, көбінесе алаяқтар өз құрбанының банк шоттарына қол жеткізу үшін құпиялы деректерді алдап алып алу арқылы адамдарға психологиялық қысым көрсетуді пайдаланады.
Мысалы, клиентке банктің қауіпсіздік қызметі немесе банктің колл-орталығы қызметкерінің атынан қоңырау соғып, оның атынан белгісіз біреулер кредит ресімдеп жатқанын хабарлайды. Қарыздың күшін жою үшін телефонға «қорғайтын» «TeamViewer Quick Support» немесе «AnyDesk» қосымшасын жүктеп алуды айтады, шындығында оның көмегімен қаскүнем клиенттің телефонына және интернет-банкингке қашықтықтан кіреді де қаражат ұрлайды.
Ешқандай «сақтандырылған» шоттар жоқ
Тағы бір тәсіл – қаскүнем өз шоттарын «қауіпсіз» немесе «сақтандырылған» деп атап, сол шоттарға барлық ақшаны аудару керек деп сендіреді. Тағы басқа жағдайда қаскүнемдер керісінше, алаяқтықтың алдын алу үшін клиенттен өз атына кредит ресімдеуді сұрайды. Кредит ақшасын алаяқтың картасына немесе электрондық әмиянына, яғни сол баяғы «қауіпсіз» немесе «сақтандырылған» шотына аударуын өтінеді.
Алаяқтар өздерін банк қызметкерлеріміз деп таныстырып, банк клиентінің картасынан рұқсатсыз қаражат аударылып жатқанын хабарлайтын жағдайлар да кездеседі.
Операцияның күшін жою үшін адамға картаның нөмірін, оның жарамдылық мерзімі мен картаның кері бетіндегі үш таңбалы CVV/CVC-кодты, сондай-ақ SMS-хабарламалардан алынған кодтарды немесе кілтсөздерді айтуын ұсынады. Кейде қоңырау шалған адам өзінің «банк қызметкері» екеніне сендіру үшін оны тондық режимде орындауын ұсынады. Алаяқтық құрбанының «қызметкерлерге» сенуі үшін,сәл күдік пайда болғандаоларды қорқытып, сес көрсетіп, тіл тигізе бастайды да барлық жинақ ақшаның ұрлануы мүмкін екенін айтады.
Мұндай деректерді ешбір жағдайда айтуға болмайды, айтылған жағдайда қаскүнемдер сіздің шоттарыңызға қол жеткізе алады.
«Брокерлер» мен «биржалар»
Алдаудың басқа да тәсілдері бар – мысалы, үлкен пайда табу туралы еліктіретін ұсыныспен жарнамасы интернетте жиі кездесетін брокерлік компаниялардың жалған сайттары. Клиент сайтта тіркеуден өтеді де өз деректерін қалдырады, содан кейін оған алаяқ қоңырау шалып, жеке кабинетте шотын толықтыруды ұсынады. Ештеңеден хабары жоқ адам оны орындағаннан кейін ақша «белгісіз» бағытқа – жалған брокердің шотына кетеді. Онымен қоса биржа мәмілесін дұрыс аяқтамаған клиенттің өзі кінәлі екенін сендіреді. Алаяқ құрбаны алданғанын түсінбегенше, оған операцияны қайталаңыз деген ұсыныс келе береді.
Сондай-ақ қазақстандықтарға банк атынан ұтыс ойындарына қатысу секілді ұсыныстар келіп түседі, төлемге қатысты сауалнамада «жеке деректерінің жоғалғаны үшін өтемақы» немесе «1500 доллар алу» ұсынылады. Ол үшін тек картаның деректерін, оның ішінде CVV2/CVC2-код пен SMS-хабарлама арқылы алынған біржолғы кодты енгізу керек дейді. Нәтижесінде ақша түспейді, керісінше картадан шешіп алынады.
Сізге банктің нағыз қызметкері емес, алаяқ қоңырау шалып тұрғанын қалай білуге болады?
Біздің қызметкерлер ешқашан картаның деректемелерін немесе SMS-пен келген кодты хабарлауын немесе телефонға не компьютерге белгісіз қосымшаларды, оның ішінде «TeamViewer Quick Support», «AnyDesk» қосымшаларын орнатуды сұрамайды.Егер сізден осы айтылғандардың біреуін жасау сұралса, сізге алаяқхабарласып тұрғанын біліңіз!
Алты «тыйымның» ережесі
Алаяқпен сөйлеспеңіз! Әңгімені бірден тоқтатып, телефон тұтқасын қойыңыз да банктің колл-орталығына қоңырау шалыңыз – оның нөмірі картаның кері бетінде немесе банк сайтында көрсетілген.
Интернетте сауда жасаған кезде сайт мекенжайының дұрыстығына көз жеткізіңіз.
Картаның деректемелерін – картаның бетінде көрсетілген нөмірін, оның жарамдылық мерзімін және картаның кері бетінде орналастырылған 3-таңбалы кодты күмәнді сайттарда ешқашан енгізбеңіз.
Үшінші тұлғаларға деректемелерді бермеңіз. Сізге ұтысты немесе қандай да бір «өтемақыны» ұсынса, ақпаратты тексеріңіз.&nbsp;
Өз картаңыздан немесе шотыңыздан кез келген басқа «қауіпсіз» немесе «сақтандырылған» шоттарға ақша аудармаңыз.
Ақша үшін сауалнамадан өту немесе сыйлықтардың ұтыс ойынына қатысу ұсынылатын сайттарда карта нөмірі мен оның басқа да деректемелерін, сонымен қатар SMS-кодты енгізбеңіз.
Банкоматта бөтен мобильді телефон нөмірін қоспаңыз.
Клиенттерді қорғау үшін банк қандай әрекет жасайды?
HalykBank алаяқтықтың жаңа түрлері мен олардан қорғану тәсілдері туралы әлеуметтік желілердегі банктің ресми аккаунттарында өз клиенттерін үнемі ақпараттандырып отырады. Ал аляқтық операция анықталған жағдайда Банк клиенттің ақшасын сақтап қалу мақсатында оның шоттары мен карталарын дереу бұғаттайды. Алаяқтық сайтқа келетін болсақ, Банк маманы анықтаған әрбір сайт бұғаттау үшін бірден құқық қорғау органдарына беріледі.
Өте қырағы болуды және ақпаратты өз ата-аналарыңызға, ата-апаларыңызға таратуды сұраймыз!
Сіздің Halyk Bank
/ҚР Ұлттық Банктен 03.02.2020 ж. берілген №1.2.47/230/38/1 лицензиясы/

HalykBank шоттарыңызды алаяқтардан қорғау жолын ұсынды

<a href="https://kyzylorda-news.kz/">Kyzylorda-news.kz.</a> Қазалы аудандық пробация қызметі&nbsp;тұрмыс жағдайы төмен, қарт анасымен бірге тұратын есептегі азаматқа көмек көрсетті.
<blockquote>
 «Жуырда аудандық пробация қызметінің есебіне «Денсаулыққа қасақан ауыр&nbsp; зиян келтіру» бабымен істі болып, 4 жыл бас бостандығынан шектеуге сотталған азамат есепке алынды. Оның тұрмыс жағдайын зерделеу барысында жағдайы төмен екендігі, қарт анасымен бірге апатты үйде&nbsp; тұратындығы&nbsp; анықталды. Есептегі азамат өз күшімен үй салып бастаған, алайда қаржының жетіспеушілігіне байланысты, құрылыс жұмыстары тоқтап қалған. Қазіргі таңда аудандық мәслихат депутаттары қаржылай көмек көрсетіп, ерікті жастар қол ұшын созып, үйді аяқтауға ұйытқы болуда”, – деді аудандық пробация қызметінің бастығы әділет подполковнигі Е.Сражатов.
</blockquote>
Бұл дегеніміз аудандық пробация қызметі қызметкерлерінің есептегі әрбір азаматтың әлеуметтік&nbsp; жағдайына бей-жай қарамағандығының белгісі.
Айта кетейік, бұған дейін есептегі кәмелет жасқа толмаған жасөспірімге азық-түліктей көмек көрсетілген болатын.
Аудандық пробация қызметі құқық бұзған,қылмыс жасаған азаматтардың қоғамға қайта бейімделуі үшін қыруар жұмыстар атқаруда. Соның нәтижесінде, бүгінде 3 азамат жеке кәсібін ашты. Олар мал шаруашылығымен айналысып, құс өсіріп кәсібін дөңгелетіп отыр.
<img src="https://kyzylorda-news.kz/wp-content/uploads/2021/05/img-20210505-wa0357.jpg" alt="" />

Қазақстан және Қызылорда облысының жаңалықтары