<a href="https://kyzylorda-news.kz/">Kyzylorda-news.kz</a>. «Қазақстан» РТРК» АҚ Токиодағы жазғы Олимпиада ойындарының трансляциясына қатысты түсініктеме берді, деп хабарлайды телерадиокорпорацияның&nbsp;<a href="https://www.instagram.com/p/CRgxWMTIP5c/?utm_source=ig_web_copy_link">баспасөз</a>&nbsp;қызметіне.
«XXXII Жазғы Олимпиада ойындарының трансляциясына қатысты көрермендер мен әріптестерімізден келіп түсіп жатқан сауалдарға байланысты келесіні хабарлаймыз.
Токио Олимпиадасының тікелей трансляциялау құқығы «Dentsu Inc.» компаниясына тиесілі. «Қазақстан» телерадиокорпорациясы мен «Хабар» агенттігі» АҚ Qazaqstan, Qazsport, «Хабар» телеарналары арқылы Жазғы Олимпиаданы ел аумағында көрсету бойынша келіссөздерді 2019 жылы бастаған болатын. Тараптар әзірге ортақ келісімге келе алған жоқ. Екіжақты келісімнің ұзаққа созылу себебі, құқық иесінің лицензия бағасын 2016 және 2018 жылдардағы Олимпиада ойындарымен салыстырғанда 123 пайызға қымбатқа ұсынуы», делінген хабарламада. 
Телерадиокорпорацияның мәлімдеуінше, қазіргі кезде Qazaqstan, Qazsport, «Хабар» телеарналары қазақстандық спортшыларды қолдау және отандық көрермендерге Олимпиададан жедел ақпарат ұсыну бойынша жан-жақты әзірлік жұмысын жүргізіп жатыр.
«Телеарналардың Ұлттық Олимпиада комитеті мен шетелдік ірі ақпарат агенттіктерінен фото,-видеоматериалдар алу мүмкіндігі қарастырылған», делінген хабарламада.

Қазақстанда Токио Олимпиадасын тікелей трансляциялау жүргізілмейтін болды

<a href="https://kyzylorda-news.kz/">Kyzylorda-news.kz</a>. Облыс әкімі Гүлшара Әбдіқалықова Құрбан айт мерекесімен құттықтады.
Қадірлі облыс тұрғындары! Құрметті мұсылман қауым!
Сіздерді қасиетті ҚҰРБАН АЙТ мерекесімен шын жүректен құттықтаймын!
Осы күнді барша мұсылман қауымы асыға күтіп, ізгілікті амалдар жасауға тырысады. Өйткені, бұл мерекеде тек құрбандық шалумен шектелмей, ағайын-туысқа, мұқтаж жандарға, жалғызілікті қариялар мен ата-ана қамқорлығынсыз қалған балаларға қол ұшын беріп, қайырымдылық пен қамқорлық жасау әрбір азаматтың парызы болмақ.
Құрбан айт мерекесі – діні мен ұлтына бөлмей, барша отандастарымызды ынтымақ пен бірлікке, мейірімділікке, қайырымды болуға шақыратын ұлық мереке.
Қадірлі әлеумет, соңғы екі жылда еліміз әлемдік пандемия індетімен күресіп, зардабын тартып келеді. Короновирус инфекциясы түрленіп, жаңа штаммдар пайда болуда.
Бұдан сақтану үшін санитарлық тәртіпке бағынып, сақтықты күшейтіп, сабыр сақтап, індеттің таралуына жол бермеу аса маңызды. Осы ретте, биылғы қасиетті айт күндеріндегі барлық шараларды мүмкіндігінше отбасы шеңберінде өткізулеріңізді сұраймын.
Қасиетті күндердегі ізгі амалдарыңыз бен игі ниеттеріңіз қабыл болсын!
Құрбан айт әрбір отбасына амандық, елімізге бірлік пен ынтымақ әкелсін!
Құрбан айт құтты болсын!

Гүлшара Әбдіқалықова: Құрбан айт  &#8211;  мейірімділікке, қайырымдылыққа шақыратын ұлық мереке

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4889 адамнан коронавирус инфекциясы ПТР арқылы анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 1282,
Алматы қаласы – 629,
Шымкент қаласы – 388,
Ақмола облысы – 180,
Ақтөбе облысы – 88,
Алматы облысы – 147,
Атырау облысы – 291,
Шығыс Қазақстан облысы – 95,
Жамбыл облысы – 116,
Батыс Қазақстан облысы – 108,
Қарағанды облысы – 690,
Қостанай облысы – 133,
Қызылорда облысы – 120,
Маңғыстау облысы – 189,
Павлодар облысы – 179,
Солтүстік Қазақстан облысы – 94,
Түркістан облысы – 160.
Жалпы ел бойынша ауырғандар саны 499111.

Қызылордада 120 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Қызылорда қаласындағы «Шіркейлі» каналының тұсында екі көлік соқтығысып, біреуі суға құлап кеткен. Көлік құтқарушылар күшімен жағаға шығарылды. Көлік салонынан екі әйелдің денесі табылды, деп хабарлайды ҚазАқпарат.
Облыстық төтенше жағдайлар департаментіне 19 шілдеде сағат 9.04 шамасында хабарлама келіп түсті. Онда облыс орталығынан Қорқыт ата әуежайына баратын тасжол бойындағы «Шіркейлі» каналы тұсында Toyota Camry мен Daewoo Nexia соқтығысып, алғашқысы каналға&nbsp;құлап кеткен. Көлік ішінде екі әйелдің болғаны анықталды.
«Оқиға орнына жедел-құтқару жасағынан 17 құтқарушы 4 техникамен барды. Іздестіру жұмыстары 10.25-те басталды. Анықталғаны, каналға құлаған Тoyota Camry көлігін 29 жастағы келіншек басқарған. Қасында 24 жастағы қыз болған. Ал Daeweoo Nexia көлігінің жүргізушісі 47 жастағы ер адам ауруханаға жеткізілді. Оның жағдайы орташа.
Сағат 20.35-те оқиға орнынан 60 метрдей қашықта каналға құлаған көлік табылып, ол сағат 22.16-те жағаға шығарылды. Көлік салонынан екі адамның денесі табылды», – деп мәлім етті облыстық төтенше жағдайлар департаменті өрт сөндіру және авариялық құтқару жұмыстары қызметінің маманы Әлия Ережепова.
Қызылорда облыстық полиция департаментінің баспасөз қызметінің мәліметінше, аталған дерек бойынша ҚР Қылмыстық кодексінің 345-бабы 4-бөлігімен сотқа дейінгі тергеп-тексеру амалдары жүргізіліп жатыр. Онда көлiк құралдарын басқаратын адамдардың жол жүрісі немесе көлiк құралдарын пайдалану қағидаларын бұзуы, абайсызда екi немесе одан да көп адамның өлiмiне әкеп соққан іс-әрекет жағдайы көрсетілген. Жол-көлік оқиғасының себеп-салдары анықталып жатыр.

Қызылордада каналға құлап кеткен көлік ішінен екі адам табылды

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев Құрбан айт мерекесімен құттықтады, деп хабарлайды Ақорданың&nbsp;<a href="https://www.akorda.kz/kz/memleket-basshysy-kasym-zhomart-tokaevtyn-kurban-ayt-merekesimen-kuttyktauy-196453">баспасөз қызметі</a>.
****
Ардақты ағайын!
Сіздерді күллі мұсылман қауымы үшін қастерлі Құрбан айт мерекесімен шын жүректен құттықтаймын!
Бұл – қайырымдылық пен жанашырлық, ізгілік пен имандылық сияқты асыл қасиеттерді дәріптейтін ұлық мейрам.
Салт-дәстүрімізбен берік ұштасқан ата дініміз – елдің рухани тұтастығын сақтауға ықпал ететін басты құндылықтың бірі.
Құрбан айт қашанда барша жұртты береке-бірлікке үндейді. Ел азаматтарын бауырмал болуға шақырып, бүкіл халқымыздың ырыс-ынтымағын арттырады.
Мұсылман баласы бұл күндері отбасы амандығы мен ел тыныштығы үшін құрбандық шалып, жоқ-жітікке көмектеседі, мұқтаж жандарға қамқорлық танытады. Осындай ізгі ниет пен сауапты іс ел-жұрттың бір-бірімен етене араласуына, өзара сыйластық пен жақсылыққа жол ашады.
Құрбан айттың ұлағаты мен өнегесі біздің рухани құндылықтарымызбен үндеседі. Бүгінгі мерекенің мән-маңызы осында деп білемін.
Шалған құрбандықтарыңыз, дұға-тілектеріңіз қабыл болсын!
Айттан айтқа аман-есен жете берейік!

Қасым-Жомарт Тоқаев Құрбан айт мерекесімен құттықтады

<a href="https://kyzylorda-news.kz/">Kyzylorda-news.kz</a>. Құрбан айт күндері мұсылманның атқаратын ең жақсы ісі –құрбан шалу. Пенденің шалған құрбандығы Қиямет күні оның пайдасына куәлік береді.
Бауыздалатын малдың тамағына пышақ тартқанда шыққан қан жерге түспей тұрып, оның сауабы Алла Тағаланың құзырына барады. Бұл туралы Пайғамбарымыз (оған Алланың салауаты мен сәлемі болсын): «Адам баласы Құрбан айт күні қан шығарудан артық Алла Тағалаға жағымды іс істемеген. Әлбетте құрбан малдары Қиямет күні мүйізі, жүні және тұяғымен келеді. Әлбетте қан жерге ағудан бұрын Алланың құзырындағы орынға жетеді. Ендеше оны шын жүректен шалыңыз», – деген (Тирмизи).
Құрбан шалу Алла Тағалаға жақын болу, күнәлардың кешірілуі, Жаратушы Иеміздің көптеген нығметтеріне шүкір ету, бай мен кедейге кеңшілік жасау үшін міндеттелді. Өйткені осы күні барлық адам Алла Тағаланың қонағы болады, құрбан етінен жейді, оны тарту етеді, одан садақа береді.
Құрбандыққа қатысты үкімдер
<ol>
<li>Ханафи мәзһабында құрбан шалу – уәжіп. Уәжіп деген – парыз бен сүннеттің арасындағы амал. Уәжіпті тәрк еткен адам сұралады. Оны орындамаған адам қазасын өтейді. Ал сүннетті тәрк еткен адам сұралмайды, қазасының өтелуі талап етілмейді.</li>
</ol>
Құрбан шалу уақыты өтумен міндет түспейді. Сатып алған құрбандығын айт күндері шала алмаса, оны тірідей садақа етеді немесе сойып, барлық етін садақа етеді, одан ештеңе жемейді. Өйткені уақыты өтумен құрбандық міндеті садақа міндетіне ауысады. Құрбандықты әлі сатып алмаған болса, құрбандық құны мөлшерінде садақа етеді.
<ol start="2">
<li>Құрбандық шалу ақыл-есі дұрыс, балиғат жасына толған, ауқатты, муқим (тұрақты), әрбір ер және әйел мұсылманға бұйырылды. Ал жолаушыға, уақытша (15 күннен аз) қоныстанған, қажыға барған (меккеліктен басқа) және кедей адамға құрбандық шалу міндет емес. Бай деген – өзінің және отбасының негізгі қажеттілігінен артық мал-дүниесі зекет нисабына жеткен (85 грамм алтыны, 40 қойы, 30 қарамалы немесе 5 түйесі бар) адам. Ақылды, балиғат жасына толған адам құрбандықты өз атынан шалады. Кішкентай балалары атынан құрбандық шалу міндет емес.</li>
<li>Сатып алған құрбандығы жоғалса, өлсе немесе ұрланса, басқасын сатып алу міндет болады. Екінші малды сатып алғаннан кейін құрбандығы табылса, оның ең жақсысын шалады. Екеуін де құрбандыққа шалу жақсырақ.</li>
<li>Кедей адам құрбан шалу ниетімен бір қой сатып алса, оған сол құрбандықты шалу уәжіп болады. Егер сатып алған малы ұрланса немесе жоғалса, оған ештеңе міндет болмайды. Егер құрбандықты тәрк етіп, уақыт өтіп кетсе, бай секілді оның да садақа беру міндет болады.</li>
<li>Құрбандық дұрыс болу үшін үш шарт орындалуы қажет: құрбандық малының сау болуы, айт күндері құрбандық шалу және ниет ету. Жүрекпен ниет етіледі. Ниетті тілмен айту шарт емес.</li>
</ol>
Күнде қой сойып жүрген қасапшы құрбан шалып жатқанын ұмытып малды бауыздаса, бұл жағдайда малды сатып алып жатқандағы немесе малды құрбандыққа белгілеп жатқандағы ниеті есепке алынады.
<ol start="6">
<li>Құрбандықта бауыздау ғана міндет. Ал етін садақа ету – сүннет. Құрбандық иесі еттің бәрін жей алады немесе сақтап қояды. Бай адам етке мұқтаж болмаса, тәбәрік ретінде еттен дәм татып, қалғанын садақа еткені – мұстахаб. Пайғамбарымыз (оған Алланың салауаты мен сәлемі болсын):&nbsp;«Құрбандық шалсаңдар, оның етінен жеңдер және одан басқаларға да беріңдер», – деген.</li>
</ol>
Жағдайы орташа адам еттің үштен бірін өзі жейді, үштен бірін қонақтарға асып береді немесе қалдырады, тағы үштен бірін садақа етеді. Бала-шағасы көп әрі жағдайы төмен болса, еттің бәрін өздеріне алып қалғаны – мұстахаб. Өйткені өзінің және отбасының қажеті басқаның қажетінен жоғары тұрады. Бұл туралы Пайғамбарымыз (оған Алланың салауаты мен сәлемі болсын) былай дейді:&nbsp;«(Садақа беруді) өзіңнен баста, сосын басқаға бер»&nbsp;(Бәдаиғус-санаиғ, 5/81).
<ol start="7">
<li>Құрбан шалатын адамды өз атынан уәкіл ете алады. Сондай-ақ оған құрбандық ақшасын беріп, малды сатып алуға және оны бауыздауға уәкіл етуі мүмкін.</li>
<li>Сатып алған құрбандығын басқа адам рұқсатсыз бауыздаса, құрбандығы дұрыс саналады. Өйткені иесінің малды әуелде құрбандық ниетімен сатып алғаны есепке алынады.</li>
<li>Екі адамның құрбандығы араласып, олар бір-бірінің малын бауыздаса, екеуінің де құрбандығы дұрыс саналады. Терісі сыдырылған болса да, әркім өз құрбандығын қайтарып алады. Етінен ауыз тиген болса, бір-бірінен кешірім сұрайды.</li>
<li>Бауыздалған малдың ішінен шыққан төлі тірі болса, оны да бауыздайды. Бауыздалған малдың төлі өлі шықса, ол да бауыздалған болып есептеледі. Өйткені енесін бауыздау төлін бауыздаумен бірдей болады.</li>
<li>Құрбандықтың етін, терісін, ішкі мүшелерін немесе мүйізін сату дұрыс емес. Кімде-кім қиын жағдайға түсіп, құрбандықты сатса, соның мөлшерінде садақа етеді. Кейбір ағзаларын ұзақ мерзімге пайдаланатын затқа айырбастауға болады. Мысалы, теріні қынапқа немесе елекке, мүйізді киім ілгішке. Бірақ барына айырбастамаған абзал.</li>
<li>Құрбандықтан еңбекақы ретінде қасапшыға бір нәрсе беру дұрыс емес. Өйткені ол саудаға ұқсап қалады. Қасапшыға малды бауыздағаны үшін жеке ақы төлейді. Егер қаласа, ақысынан бөлек садақа ретінде құрбандық етінен қасапшыға беруге болады.</li>
<li>Екі қой сойса, екеуі де құрбандық болып есептеледі. Одан жейді және садақа береді.</li>
</ol>
Құрбандықтың мұстахаб амалдары
<ol>
<li>Құрбандыққа ең жақсы, семіз малды таңдау қажет. Еті дәмді болғандықтан, еркек малды (қошқарды) бауыздаған абзал.</li>
<li>Бауыздауды білсе, малды өзі бауыздағаны дұрыс немесе оған қасапыны уәкіл етуге болады.</li>
<li>Малды бауыздап жатқанда дұға оқу қажет. Пайғамбарымыздан (оған Алланың салауаты мен сәлемі болсын) келген&nbsp;«Уажжәһту уажһии лил-ләзии фәтарас-сәмаауаати уәл-арда ханиифән муслимән. Аллаһуммә минкә, уә иләйкә. Бисмилләһи, уәллаһу акбар!»&nbsp;(Ғибадатымды жер мен аспанды жаратқан Аллаға шын ықылас етіп, толық мойынсұнып, ниет еттім. Уа, Алла! Сенен жәрдем тілеймін, Саған ғана құлшылық етемін. Алланың атымен бастаймын. Алла – ұлық!) деген дұғаны оқып, бауыздаған жақсырақ.</li>
<li>Бауыздайтын пышағы өткір болуы, құрбандық малын қинамау, жаны толық шықпай тұрып терісін сыдырмау қажет.</li>
</ol>
Алла Тағала барша мұсылман қауымның шалған құрбандығын қабыл етіп, күнәләрін кешіргей, түрлі пәле-жаладан, ауру-сырқаттан сақтап, екі дүниенің игілігін нәсіп еткей!
Хасан АМАНҚҰЛ,
ҚМДБ Шариғат және пәтуа бөлімі&nbsp;меңгерушісінің орынбасары

Ханафи мәзһабында құрбан шалу – уәжіп

<a href="https://kyzylorda-news.kz/">Kyzylorda-news.kz</a>. Сейсенбіде Қазақстан аумағының басым бөлігінде ауа райы құбылмалы болады, деп хабарлайды Қазгидромет.
20 шілдеде циклонның ықпалында болуы байланысты Қазақстан аумағының басым бөлігінде ауа райы құбылмалы болады, найзағай ойнап, жаңбыр жауады, кей жерлерде бұршақ жаууы ықтимал, тек еліміздің оңтүстігі мен батысында күн райы ашық болады. Еліміздің кей жерлерінде жел күшейіп, оңтүстікте шаңды дауыл соғады, солтүстікте және солтүстік-батыста түнде және таңға жақын тұман түсуі мүмкін.
Қызылорда облысың кей жерлерінде желдің жылдамдығы 15-20 м/с жетіп, шаңды дауыл соғады.

Сейсенбіге арналған ауа райы

<a href="https://kyzylorda-news.kz/">Kyzylorda-news.kz</a>. Бүгін облыс әкімі Гүлшара Әбдіқалықованың төрағалығымен тұрғын үй құрылысы мәселелері жөнінде жиын өтті. Жиында 2021 жылы кредиттік тұрғын үйді салу және пайдалануға беру, ағымдағы жылы жалға берілетін тұрғын үйлерді салу және сатып алу, тұрғын үйі апаттық деп танылған азаматтарды тұрғын үймен қамтамасыз ету және құрылыс материалдарының қымбаттауы мәселелері бойынша 4 сұрақ қаралды.
Облыстық құрылыс, сәулет және қала құрылысы басқармасының басшысы Бердияр Пірімбетов пен «Отбасы банкі» Қызылорда филиалының директоры Әділжан Сәулебаев 2021 жылы кредиттік тұрғын үйді салу және пайдалануға беру бағытында атқарылған жұмыстарды баяндады.
2021 жылы 644,7 мың ш.м тұрғын үй пайдалануға беру жоспарлануда. Биылғы жылы облыс бойынша «Нұрлы жер» мемлекеттік бағдарламасы аясында 2158 пәтерді құрайтын 105 тұрғын үйдің құрылысын жүргізу, жыл аяғына дейін 1 608 пәтерді құрайтын 94 тұрғын үйді пайдалануға беру жоспарлануда.
Қызылорда қаласы бойынша СПМК-70 тұрғын ауданында 940 пәтерлі 19 үйдің құрылысын жүргізу жоспарланған. Оның ішінде, 2020 жылы 640 пәтерлі 13 кредиттік тұрғын үйдің құрылысы басталған болатын. Биылғы жылы аталған үйлер пайдалануға берілу үшін газ желілерін жүргізу жұмыстары аяқталу қажет. Арал ауданында 40 пәтерлі 10 үйдің, Қазалы ауданында 40 пәтерлі 10 үйдің, Жалағаш ауданында 10 пәтерлі 10 үйдің, Шиелі ауданыда 25 пәтерлі 25 үйдің құрылысы аяқталған. Аудан әкімдіктері мен «Отбасы банкі» арасында меморандум жасалған. Алдағы уақытта кредиттік үйлер пайдалануға беріледі деп жоспарлануда.
Аймақ басшысы қалалық бюджет есебінен СПМК-70 тұрғын ауданындағы 13 кредиттік көпқабатты тұрғын үйді газбен жабдықтау желілерімен қамтамасыз етіп, 2021 жылғы 1 қарашаға дейін үйдің құрылысын аяқтауды және «Отбасы банкі» Қызылорда филиалымен бірлесіп, салынған кредиттік үйлердегі пәтерлерді өткізу бағытында жұмыстарды жеделдетуді, өткізілмеген пәтерлердің санын анықтап, апатты үйлердің тұрғындарына қайта бағыттауды тапсырды. Сонымен қатар, Арал, Қазалы, Жалағаш, Шиелі ауданы әкімдіктеріне 2021 жылғы 1 қазанға дейін салынған несиелік үйлерді өткізуді жүктеді.
Күн тәртібіндегі екінші және үшінші мәселе бойынша атқарылған жұмыстарды Бердияр Пірімбетов тізбектеді. 
Биылғы жылы барлығы 945 пәтерді құрайтын 54 жалға берілетін үйдің құрылысына бюджет есебінен қаржы бөлінген. Қызылода қаласында Сырдария өзенінің сол жағалауындағы 590 пәтерлі 12 көпқабатты тұрғын үй, Шиелі ауданында 72 пәтерлі 4 үй, Сырдария ауданында 33 бірқабатты тұрғын үй биылғы жылы пайдалануға беріледі деп жоспарлануда. 2021 жылдың қорытындысымен өңірде жалға берілетін 695 пәтерді құрайтын 49 тұрғын үй пайдалануға беріледі. Оның ішінде, 232 пәтер халықтың әлеуметтік жағынан осал топтарына, 463 пәтер аз қамтылған көп балалы отбасыларына бөлінетін болады.
Сонымен қатар, 2021 жылы аз қамтылған көп балалы отбасылар үшін 342 жалға берілетін пәтер сатып алу мақсатында Ұлттың Қордан қаржы бөлінді. Қызылорда қаласында – 192 пәтер, Арал ауданы – 35 пәтер Қазалы ауданы – 35 пәтер, Қармақшы ауданы – 10 пәтер, Жалағаш ауданы – 20 пәтер, Сырдария ауданы – 10 пәтер, Шиелі ауданы – 20 пәтер, Жаңақорған ауданы – 20 пәтер сатып алынатын болады. Сатып алынатын үйлердің құрылыстары жүргізілуде. Айта кету керек, Байқоңыр қаласында жалға берілетін 250 пәтерлі 5 үйдің құрылысы басталады деп жоспарлануда.
Облыс әкімі Гүлшара Әбдіқалықова Қызылорда қаласы әкімі Ғанибек Қазантаевқа жылумен жабдықтаудың сыртқы желілерінің құрылысын ағымдағы жылғы 15 қыркүйегіне дейін толық аяқтап, пайдалануға беруді, қысқа мерзімде барлық тұрғын үйлерді абаттандыру мәселесін шешіп, қазан айынан бастап кезекте тұрған азаматтарды қоныстандыруды қамтамасыз етуді жүктеді. Ал, Сырдария ауданына қарасты елді мекендердегі 33 жалға берілетін тұрғын үйдің құрылысын аяқтап, аз қамтылған көп балалы отбасыларды кезектілікке сәйкес қоныстандыруды ағымдағы жылғы 1 қыркүйекке дейін қамтамасыз етуді, Шиелі кентіндегі 72 пәтерлі 4 жалға берілетін тұрғын үйдің құрылысын аяқтап, желтоқсан айына дейін қоныстандыруды аяқтауды тапсырды.
Сонымен қатар, Байқоңыр қаласындағы 250 пәтерлі 5 үйдің құрылысын бақылауға алып, аз қамтылған көп балалы отбасылар үшін пәтерлерді сатып алудың ағымдағы жылғы жоспарын орындау қажет екенін айтты. Тағы бір тапсырма, бір ай мерзімде жоспардың орындалмау тәуекелі бар жағдайлар пысықталып, қаражатты аудандарға қайта бағыттау жөнінде нақты ұсыныстар енгізу туралы болды.
Жиында облыс әкімі тарапынан Сырдария өзенінің сол жағалауындағы 50 пәтерлік үйдің құрылысын аяқтау және апатты үйлердің тұрғындарына пәтерлерді кезектілікке сәйкес ағымдағы жылдың 1 қыркүйегіне дейін бөлуді қамтамасыз ету және несиелік тұрғын үйлердегі сатылмаған пәтерлердің санын анықтап, апатты үйлердің тұрғындарына қайта бағыттау тапсырылды. Сондай-ақ, Арал ауданындағы апатты үйлерде тұратын 14 отбасын үймен қамту бойынша ұсыныс енгізу қажет екенін айтылды. Еске салайық, жаңа тұрғын үй саясатына сәйкес 2022 жылдан бастап жалға берілетін тұрғын үй құрылысына қаражат бөлінбейді.
Төртінші мәселе құрылыс материалдарының қымбаттауына қатысты облыстық құрылыс, сәулет және қала құрылысы басқармасының басшысы мәлімдеме жасады. Соңғы алты айда құрылыс материалдары мен жанар-жағармай бағасының күн сайын қарқынды өсуі байқалады. Жүргізілген талдаулардың нәтижесінде құрылыс материалдарының бағасы сметалық бағадан едәуір асып түсетіні анықталды. Яғни, материалдардың бағасы қолданыстағы сметалық бағалармен салыстырғанда орта есеппен 96% өскен.
Облыс әкімі 10 пайыздан астам қымбаттаған барлық салынып жатқан құрылыс нысандарына талдау жүргізу, сметалық құнды ұлғайтуды талап ететін нысандар бойынша қаржылық аудит жүргізу үшін барлық қажетті құжаттарды әзірлеуді ұйымдастыру бойынша тапсырма беріп, барлық тапсырмалардың орындалуын бақылауды орынбасары Серік Сүлейменовке жүктеді.

Биыл Қызылордада 644,7 мың шаршы метр тұрғын үй пайдалануға беру жоспарлануда

<a href="https://kyzylorda-news.kz/">Kyzylorda-news.kz</a>. Аймақта соңғы тәулікте 127 дерек анықталды. Бұл туралы Өңірлік коммуникациялар қызметінің ақпараттық алаңында өткен брифингте облыстық санитариялық-эпидемиологиялық бақылау департаменті басшысының орынбасары Әлия Әбдіқайымова мәлімдеді.
<blockquote>
 «Ауруға шалдыққандардың ішінде жаңа туылған нәрестеден бастап еңкейген қарияға дейін бар. Мәселен жыл басынан бері 18 жасқа дейінгі балалар арасында 765 дерек тіркелсе, оның 211-і шілде айының 18 күнінде анықталды. Әсіресе бір жасқа толмаған нәрестелердің ауруханаға түсуі алаңдатып отыр. Бұған дейінгі штамм адамдарда симптомсыз түрде өтіп келген болса, үнді мутациясының клиникалық белгілері бірден байқалуда. Сол себепті карантиндік шараларды сақтаңыздар. Әрбір адамның денсаулығы өзінің қолында»,-деді Әлия Мүтәліпқызы.
</blockquote>

Қызылордада эпидемиологиялық ахуал күрделенуде

<a href="https://kyzylorda-news.kz/">Kyzylorda-news.kz</a>.&nbsp; Қызылорда қаласы жоғары спорт шеберлігі мектебінде Қазақстан Тәуелсіздігінің 30 жылдығы аясында қоян-қолтық ұрыстан жасөспірім ұлдар мен қыздар арасында Қазақстан чемпионаты өтті.
Ел чемпионатына Нұр-Сұлтан, Алматы, Шымкент қалаларынан және еліміздің 8 облысынан 11 команда 316 жасөспірім спортшы қатысты.
Жарыстың салтанатты ашылуында облыстық дене шынықтыру және спорт басқармасының басшысы Жақсылық Оспанов, облыстық жекпе-жек сайысы федерациясының президенті Әмірбек Шаймағамбетов және жарыстың бас төрешісі, халықаралық дәрежедегі төреші Марат Жұмаділов сөз сөйлеп, қатысушыларға сәттілік тіледі.
Жарыстың қорытындысы бойынша облыс құрама командасы медальдар саны жағынан көш бастап, бірінші орынды жеңіп алды. Жалпы қызылордалық жасөспірім спортшылар 25 медальді облыс қоржынына салды, оның 7-уі алтын, 5-уі күміс, 13-і қола медаль.
Екінші орынды Ақтөбе облысының спортшылары иеленсе, үшінші орынға Түркістан оьлысының командасы 
табан тіреді. 
Жекелей есеп бойынша: 
ҚАЗАҚСТАН ЖЕҢІМПАЗДАРЫ 
30 келі: Данияр Қалдыбай 
30 келі: Жанель Жарқынбек 
42 келі: Сағындық Тұрғанбай 
50 келі: Тахир Тұрсынов 
55 келі: Бақытжан Серікбай 
60 келі: Нұрасыл Қайырбек 
65 келі: Әлислам Әбдірахметов 
КҮМІС ЖҮЛДЕГЕРЛЕР 
24 келі: Темірлан Сұлтанбек 
30 келі Назерке Серікбаева 
30 келі: Елдос Ыдырысұлы 
33 келі: Мағжан Кеңес 
+60 келі: Құралхан Айтмағамбет 
ҚОЛА ЖҮЛДЕГЕРЛЕР 
24 келі: Нұрислам Садықбай 
27 келі: Азамат Садықбай 
27 келі: Әбілмансұр Қайратұлы 
30 келі: Бекзат Әлсейіт 
33 келі: Диас Ержанұлы 
33 келі: Берекет Жаңабекұлы 
36 келі: Дәулет Құрбанов 
39 келі: Сұлтанбек Исабаев 
42 келі: Дидар Дайрабай 
46 келі: Қаһарман Рүстем 
46 келі: Жансая Тұрар 
50 келі: Назарбай Құдайберген 
60 келі: Бағдаулет Қасқырбай
Сондай-ақ, ел чемпионаты аясында қоян-қолтық ұрыстан жасөспірімдер арасында республикалық турнир ұйымдастырылып, Сыр спортшылары 22 медальмен бірінші орынды иеленді. 
Спортшыларды жарысқа жаттықтырушылар Самат Қарымсақов, Әлжан Амангелді, Фараби Сауытбаев, Елдос Рысбаев, Бағлан Мығымбаев және жекпе-жектен облыстың аға жаттықтырушысы Дәуірбек Дәулетов дайындады.
<img src="https://kyzylorda-news.kz/wp-content/uploads/2021/07/218811276_6543412895684875_6834676605992950443_n.jpg" alt="" />
<img src="https://kyzylorda-news.kz/wp-content/uploads/2021/07/219625566_6543415019017996_3700684079544684646_n.jpg" alt="" />

Қызылордада қоян-қолтық ұрыстан Қазақстан чемпионаты өтті

<a href="https://kyzylorda-news.kz/">Kyzylorda-news.kz</a>.&nbsp; Арал ауданы бойынша биылғы төлді қоса есептегенде және алдағы қыста даладағы барлық малды қолға ұстау қауіпін ескере отырып, ауданға қажетті шөптің көлемі 184640 тонна болып нақтыланды.
Бүгінгі күні осы қажеттілікке сәйкес 3327 тонна шөп және 51,2 тонна жем жеткізілсе, ауданның шабындық жерлерінен 36453 тоннасын қамтамасыз ету жоспарланып отыр. Қалған 146000 тонна шөпті сырттан тасымалдау жұмыстары кезең-кезеңімен жүзеге асырылатын болады.
Қазіргі таңда «Қызыл аймақ» бойынша 1410 тонна шөп және 16,2 тонна жем, «Сары аймақ» бойынша 1274 тонна шөп және 30 тонна жем, «Жасыл аймақ» бойынша 400 тонна шөп, Арал қаласы бойынша 243 тонна шөп және 5 тонна жем жеткізілген.
<blockquote>
 «Бұдан бөлек, Аманөткел ауылында 10 отбасыға 300 прес, Жетес би ауылында 50 отбасыға 700 прес, Аралқұм ауылында 26 отбасыға 650 прес, Жаңақұрылыс ауылында 16 отбасыға 500 прес, Қамыстыбас ауылында 28 отбасыға 760 прес, Бекбауыл ауылында 4 отбасыға 150 прес және Аққұм ауылдық округінде 20 отбасыға 200 прес шөп қайырымдылық көмек ретінде тұрмысы төмен отбасыларға тегін таратылып берілді», – делінген аудан әкімдігінің хабарламасында.
</blockquote>

Арал ауданына 3327 тонна шөп жеткізілді

<a href="https://kyzylorda-news.kz/">Kyzylorda-news.kz</a>. Мемлекет басшысы Қасым-Жомарт Тоқаев «Ashyq» жүйесі анықтаған карантин бұзушыларға талаптарды қатаңдатуды тапсырды, деп хабарлайды Ақорданың&nbsp;<a href="https://twitter.com/AkordaPress">баспасөз қызметі</a>.
<blockquote>
 «Бұған дейін айтқанымдай, біз пандемия жағдайында өмір сүріп, жұмыс істеуді үйренуіміз керек. Бизнес пен тұтынушылар үшін бұл «Ashyq» цифрлық шешімінің арқасында ғана мүмкін. Бағдарлама өз мақсатын ақтап келеді. Оған қоса, соңғы уақытта вирус жұқтырғандар мен байланыста болғандар, яғни қоғамдық орындарға баратын «қызыл» және «сары» мәртебесі бар адамдар саны артып келеді», – деді Қасым-Жомарт Тоқаев еліміздегі эпидемиологиялық ахуал жөнінде кеңесте.
</blockquote>
Оның айтуынша, бағдарлама «қызыл» және «сары» мәртебелерді тіркегеннен кейін кей азаматтар басқа демалыс орнын іздеп кетеді.
<blockquote>
 «Шамасы, мұндай жауапсыз адамдар айыппұлдан қорықпайды, өйткені ешкім айыппұл салып отырған жоқ. Ал ЖСН мен иммундық мәртебе жүйеде тіркеліп жатыр ғой. Мұндай жауапсыздық жазалануы керек. Карантиндік шектеулерді сақтамағаны үшін талаптарды қатаңдатуды тапсырамын», – деді Қ. Тоқаев.
</blockquote>

Қазақстан және Қызылорда облысының жаңалықтары

Қазақстанда Токио Олимпиадасын тікелей трансляциялау жүргізілмейтін болды

Гүлшара Әбдіқалықова: Құрбан айт – мейірімділікке, қайырымдылыққа шақыратын ұлық мереке

Қызылордада 120 адамнан коронавирус анықталды

Қызылордада каналға құлап кеткен көлік ішінен екі адам табылды

Қасым-Жомарт Тоқаев Құрбан айт мерекесімен құттықтады

Ханафи мәзһабында құрбан шалу – уәжіп

Сейсенбіге арналған ауа райы

Биыл Қызылордада 644,7 мың шаршы метр тұрғын үй пайдалануға беру жоспарлануда

Қызылордада эпидемиологиялық ахуал күрделенуде

Қызылордада қоян-қолтық ұрыстан Қазақстан чемпионаты өтті

Арал ауданына 3327 тонна шөп жеткізілді

Президент «Ashyq» жүйесіндегі карантин бұзушыларға талаптарды күшейтуді тапсырды

Қазақстан және Қызылорда облысының жаңалықтары

Қазақстанда Токио Олимпиадасын тікелей трансляциялау жүргізілмейтін болды

Гүлшара Әбдіқалықова: Құрбан айт &#8211; мейірімділікке, қайырымдылыққа шақыратын ұлық мереке

Қызылордада 120 адамнан коронавирус анықталды

Қызылордада каналға құлап кеткен көлік ішінен екі адам табылды

Қасым-Жомарт Тоқаев Құрбан айт мерекесімен құттықтады

Ханафи мәзһабында құрбан шалу – уәжіп

Сейсенбіге арналған ауа райы

Биыл Қызылордада 644,7 мың шаршы метр тұрғын үй пайдалануға беру жоспарлануда

Қызылордада эпидемиологиялық ахуал күрделенуде

Қызылордада қоян-қолтық ұрыстан Қазақстан чемпионаты өтті

Арал ауданына 3327 тонна шөп жеткізілді

Президент «Ashyq» жүйесіндегі карантин бұзушыларға талаптарды күшейтуді тапсырды

Гүлшара Әбдіқалықова: Құрбан айт – мейірімділікке, қайырымдылыққа шақыратын ұлық мереке