<a href="https://kyzylorda-news.kz/">Kyzylorda-news.kz</a>. “Атамекен” ұлттық кәсіпкерлер палатасының басқарма төрағасы Абылай Мырзахметов қоғамдық тамақтану саласының қызметкерлеріне 42 500 теңге төлеуге негіз жоқ деп санайтынын айтты.&nbsp;
Абылай Мырзахметов тамақтануға қатысты қазіргі шектеулерді қатал деп атауға болмайды деп жауап берді. Оған қоса, ол 42 500 төлеу негізсіз деп санайтынын айтты.&nbsp;
<blockquote>
 “Нұр-Сұлтанда кинотеатрлар мен фитнес орталықтары жабылды. Алайда&nbsp;2 тамыздан бастап “Ашық” бойынша жұмыс істейтін бильярд пен компьютерлік клубтардың қызметіне рұқсат берілмек. Бұл толығымен локдаун емес. Шектеулер бары рас. Бірақ олар тек демалыс күндеріне ғана қатысты.&nbsp;Барлығына Ashyq бойынша жұмыс істеу құқығы берілген, толық тоқтқызметтері тоқтатылған жоқ. Демалыс күндері жұмыс жасамаса,&nbsp;бизнестің шығынға ұшырайтынын білеміз. Алайда бұл локдаунның алдын алуға көмектеседі. Ал 42 500 төлеуге әлі заңды негіз жоқ”, – деді ол брифингте.
</blockquote>
Ол алдағы уақытта қоғамдық тамақтану мекмелерінің жұмыс істеу уақытын өзгерту туралы тағы да талдаулар жүргізілетінін айтты.&nbsp;
<blockquote>
 “Бұл бір аптаға арналған шектеу. Алдағы уақытта&nbsp;Ashyq бойынша жағдай&nbsp;қалпына келтіріледі. Егер сіз кәсіпкер болсаңыз, сіз Ashyq-пен түннің ортасына дейін жұмыс жасай аласыз. Бір апта жағдайды бақылағаннан кейін арық қарайға жұмыс істеу мәселесін қарастыратын боламыз”, –&nbsp;дейді ол.&nbsp;
</blockquote>
<a href="https://stan.kz/">Stan.kz</a>

Қазақстанда карантинге жабылған нысандардың қызметкерлеріне 42 500 теңге төлене ме?

<a href="https://kyzylorda-news.kz/">Kyzylorda-news.kz</a>. Аймақ басшысы Гүлшара Әбдіқалықованың төрағалығымен облыс әкімдігінің кеңейтілген мәжілісі өтті. Жиынға облыс әкімінің орынбасарлары, салалық мекеме басшылары және селекторлық байланыс арқылы Қызылорда қаласы мен аудан әкімдері қатысты. Күн тәртібінде 3 мәселе қаралды: 2021 жылдың бірінші жартыжылдығының қорытындысы бойынша облыстық бюджеттің игерілуі және әлеуметтік-экономикалық дамуының қорытындылары, салық салу базасын кеңейту мәселесі мен 2021-2022 жылдардағы жылу маусымына дайындық барысы.
Бірінші мәселе бойынша облыстық қаржы басқармасының басшысы Елена Шаврова мен облыстық экономика және бюджеттік жоспарлау басқармасының басшысы Нұрғали Қордабай баяндама жасады.
2021 жылдың 1 шілдесіне облыс бюджет түсімдері 105,2 % орындалды. Шығындар жоспары 99,8 % игерілген. Өткен жылдың осы кезеңімен салыстырғанда жергілікті бюджеттердің меншікті кірістері 7,7 млрд.теңгеге өсіп, 127,6% құрады. Қызылорда қаласы мен аудандар 1 жартыжылдықта барлық бюджеттегі қаражатты 99,9-100% игерді. Алайда, бұл тізімге Арал ауданы кірмейді. Себебі, бюджет игеру көрсеткіші 99,7% құрады.
Ағымдағы жылдың бірінші жартыжылдығында облыстың әлеуметтік-экономикалық дамуын сипаттайтын барлық макрокөрсеткіштер бойынша өсім қамтамасыз етілген. Өнеркәсіп өндірісінде 344,7 млрд. теңгенің өнімі өндіріліп, өсім 0,5% құрады. Ауыл, орман және балық шаруашылығында 28,5 млрд. теңгенің жалпы өнімі өндіріліп, өсім 2,8% құрады. Ал, инвестициялар көлемі 13,6%, атқарылған құрылыс жұмыстарының көлемі 34% артты. Сондай-ақ, 297,6 мың шаршы метр тұрғын үйлер пайдалануға беріліп, өсім 5,3% көрсетті. Жұмыс жасап тұрған шағын және орта бизнес субъектілерінің саны да 6,1% артып, 49 808 бірлікті құрады. Мұнымен қоса, бөлшек саудада көлемі 145,2 млрд. теңгенің тауары сатылып, 1% өсім қалыптасты.
Жалпы, 2021 жылдың қорытындысымен Жалпы өңірлік өнім көлемінің өсімін 101,5% деңгейге жеткізу жоспары тұр.
Облыс әкімі қаржының игерілуі мен әлеуметтік-экономикалық ахуалды жақсарту бойынша нақты тапсырмалар берді.
<blockquote>
 «2021 қаржы жылы ай сайын қаржыландырудың жиынтық жоспарына сәйкес жоспарланған қаржыларды толық игеру, оның ішінде республикалық бюджет қаражатын 100 пайызға игеру қажет. 2021 жылға жоспарланған барлық конкурстық процедураларды мерзімінде аяқтап, келісім шарттарды тіркеуді қамтамасыз етіңіздер. Үстіміздегі жылдың 7 айының қорытындысымен бюджет қаражатын игеруде төмен көрсеткіштер орын алған жағдайда жауапты лауазымды тұлғаларға тәртіптік шара көрілетіндігін ескертемін. Мұнымен қоса, Арал ауданының Жақсықылыш кентінді дене шынықтыру кешенінің құрылысын және Жаңақорған кентіндегі тұрғын үйлерге су құбырын жеткізудің сервистік желісін іске қосуды тапсырамын. Стратегиялық құжаттардың да сапалы орындалуы тұрақты бақылауда болу қажет. Қызылорда облысының 2023 жылға дейінгі экономикалық даму жоспары, Қызылорда облысының әкімінің 2021 жылға арналған Іс-қимыл жоспары және 2019-2022 жылдарға арналған Қызылорда облысының әлеуметтік-экономикалық дамуының Кешенді жоспарын 2021 жылға межелеген барлық іс-шаралардың және нысаналы индикаторлардың орындалуын қамтамасыз ету міндеттеледі», – деді Гүлшара Әбдіқалықова.
</blockquote>
Салық салу базасын кеңейту мәселесіне қатысты атқарылып жатқан жұмыстарды мемлекеттік кірістер департаментінің басшысы Ғалымжан Орынов тізбектеді.
Ағымдағы 2021 қаржы жылын нәтижелі аяқтау үшін мемлекеттік кірістер департаментпен 31 033 салық төлеуші қамтылған 30 бағытта «мақсатты топ» құрылып, салықтық және кедендік әкімшілендіру жұмыстары атқарылуда. 2021 жылдың 1 жартыжылдығына жергілікті бюджеттің болжамы 135 % орындалып, жергілікті бюджетке 35,9 млрд. теңге қаржы түсті.
Мұнай бағасының құлдырауы, жұмыскерлер санының қысқаруы салық базасының тұрақтылығына теріс әсерін тигізуде. Осы орайда, қолда бар резервтерді пайдалану арқылы тұрақты салық салу базасын ұлғайту міндеті тұр.
Аймақ басшысы салық салу базасын кеңейту мақсатында бірқатар міндеттемелерді атап өтті. Атап айтақ, тозығы жеткен, жарамсыз көліктерді есептен шағаруды қамтамасыз етуді, мемлекеттік қабылдаудан өткен жол құрылысы, газ құбырлары, су құбырлары және электр желілері және олардың меншік иелерін нақтылап, облыстық экономика және бюджеттік жоспарлау басқармасына және мемлекеттік кірістер департаментіне ұсынуды жүктеді. Мемлекеттік бағдарлама аясында бөлінген қаржыға және оның қайтарымына бақылау жасауды және 1 ай мерзімде кәсіпкерлік субъектілеріндегі жұмысшылардың саны, олардың мүлкі және өндіріс көлемін анықтау бойынша тиісті мемлекеттік уәкілетті органдардың қатысуымен жұмысшы тобы құруды тапсырды. Сондай-ақ, мүлік салығы базасын ұлғайту мақсатында жаңадан тұрғызылған үйлерді анықтап, ескі бағалау құнымен қалған үйлер бойынша қайта бағалау жұмыстарын жүргізу қажет екенін атап өтті.
<blockquote>
 «Бір ай мерзімде көлеңкелі егіс көлемін анықтап, оларды салықтандыру мақсатында іс-шара жоспарын әзірлеп, бекітуге ұсыныс енгізіңіздер», – деді Г.Әбдіқалықова.
</blockquote>
Айта кету керек, жоғарда аталған тапсырмалардың орындалуын бақылау облыс әкімінің орынбасары Нұрлан Тілешевке жүктелді.
Күн тәртібіндегі үшінші мәселе бойынша облыстық энергетика және тұрғын үй-коммуналдық шаруашылық басқармасы басшысының міндетін атқарушы Ерлан Жаңабаев баяндады.
«Қызылордажылуэлектрорталығы» кәсіпорнында 2 қазандық, 5 күштік трансформатор, 17 АБМҚ және 4,1 км жылу жүйелеріне, «Қызылорда Оңтүстік жылу орталығы» филиалының 7 қазандығына, «Қазалы-Теміржолжылу» филиалының 4 бу қазандығына ағымдағы жөндеу жұмыстары 78% орындалған. «Қызылорда электр тарату тораптары» АҚ осы жылы 602 км электр желілері мен 79 дана әр түрлі кернеулі қосалқы стансаларға күрделі жөндеу, 487 км электр желісі мен 61 дана әр түрлі кернеулі қосалқы стансаларға ағымдағы жөндеу жұмыстары қаралып, 55% орындалды. «КазТрансГазАймақ» АҚ-ның Қызылорда өндірістік филиалы – алдағы жылу беру маусымына дайындық жүргізу үшін 50 дана ГРП мен 208 дана ШРП-ға ағымдағы жөндеу жұмыстарын 80% орындады. Ал, «Қызылорда Су жүйесі» МКК 1,5 шақырым ауыз су және кәріз жүйелеріне, ауыз су қысымын көтеру станциясының 4 дана насос жабдықтарына ағымдағы жөндеу жұмыстары 69% орындаған.
Әлеуметтік сала нысандарына алдағы жылу беру маусымында 33 мың тонна қатты және 25 мың тонна сұйық отын, ал тұрғындарға 140 мың тонна қатты отын қажет. Облыс бойынша орталықтандырылған жылу жүйесіне қосылған 811 көпқабатты тұрғын үй бар, бүгінгі күні олардың 12% жылу беру маусымына дайын. Қалғандарында бекітілген кестеге сәйкес жұмыстар жүруде.
Облыс әкімі Гүлшара Әбдіқалықова жоспарланған жөндеу жұмыстарын бекітілген кестеге сай аяқтауды және ағымдағы жылдың 1 қазанына дайындық паспорттарын алуды, әлеуметтік нысандар мен тұрғындарға қажетті қажетті отын қорын жасақтауды жүктеді. Тұрғындарға қажетті көмір отынына бағаның өсуін, ортадағы делдалдықты болдырмау мақсатында, көмір жеткізуші кәсіпкерлермен тікелей келісім шартқа отыру бойынша жұмыстарды үйлестіріп, газ желісі жүргізілген кенттер мен елді мекендердегі білім беру және денсаулық ұйымдарының қазандықтарын газға алмастыру бойынша шаралар қабылдауды жүктеді. Көпқабатты тұрғын үйлердің күрделі жөндеу жұмыстарын уақытылы жүргізу және барлық көп қабатты тұрғын үйлердің жылу беру маусымына дайындығын ағымдағы жылдың 1 қазанына дейін аяқтау қажет екенін айтып, жұмыс барысына күнделікті мониторинг жүргізуді және облыстық штабтың күн тәртібіне енгізуді тапсырды. Тапсырмалардың орындалуын бақылауды орынбасары Серік Сүлейменовке жүктеді.

Г.Әбдіқалықова: Тиісті қаржы бөлінген соң нысан сапалы салынып, уақытылы іске қосылуы қажет

<a href="https://kyzylorda-news.kz/">Kyzylorda-news.kz</a>. Дүниежүзілік денсаулық сақтау ұйымы COVID-19-дан орын алған өлім-жітім санының күрт өскенін хабарлады.
Бұл туралы ҚР Үкіметі жанындағы Қазақстанда коронавирустың таралуына жол бермеу жөніндегі ведомствоаралық комиссияның&nbsp;<a href="https://t.me/CSEC_RK">Telegram</a>&nbsp;каналы хабарлайды.
<blockquote>
 «Өткен аптада әлемде COVID-19 жұқтыру фактілерінің жалпы саны 3,8 миллионнан асты, мұның салдарынан қаза тапқандар саны күрт өсті. 69 мыңнан астам адам қайтыс болды, бұл бір апта бұрынғыға қарағанда 21% – ға көп. Бұл туралы ДДҰ-ның апта сайынғы есебінде айтылған. Коронавирус инфекциясының жылдам таралуы Солтүстік және Оңтүстік Америкада және Батыс-Тынық мұхиты аймағында байқалады»,-делінген ақпаратта.
</blockquote>

ДДСҰ: COVID-19-дан қайтыс болғандар саны күрт артты

<a href="https://kyzylorda-news.kz/">Kyzylorda-news.kz</a>. Аймақта сәбіз және картоп бағасының негізсіз өсуіне жол бермеу үшін облыстың тұрақтандыру қорынан тауарлық интервенциялар жүргізу, заем беру арқылы шаралар қабылдануда. Мәселен, облыс нарығында картоп 140-150 теңгеден сатылуда. Ал сәбіздің құны 215-220 теңгені құрайды. Бұл туралы Өңірлік коммуникациялар қызметінің ақпараттық алаңында өткен баспасөз конференциясында облыстық ауыл шаруашылығы басқармасы басшысының орынбасары Айнұр Тлеулеева мәлімдеді.
<blockquote>
 «2020 жылы бағаның тұрақтылығын қамтамасыз ету мақсатында облыстық бюджеттен 1 234,5 млн. теңге бөлініп, оның 834,5 млн. теңгесі тұрақтандыру қорына өнім сатып алуға, 399,4 млн. теңгесі кәсіпкерлік субъектілеріне қарыз беруге бағытталды»,-деді Айнұр Маратқызы.
</blockquote>
Сонымен қатар, аймақтың тұрақтандыру қорында 1069,4 тонна өнім бар.
Облыста 19 әлеуметтік маңызы бар азық-түлік тауарлары белгіленген бағада сатылуда. Қазіргі таңда, тұрақтандыру қорына 102 тонна өсімдік майы және 68 тонна қарақұмық жармасын сатып алу мақсатында ашық конкурс тәсілімен мемлекеттік сатып алу рәсімі жүргізілуде. Сондай-ақ, биыл бес әлеуметтік дүкен пайдалануға берілсе, жыл аяғына дейін қосымша 5 дүкен ашылады.
<blockquote>
 «Халық көп баратын негізгі базарлар мен ірі сауда орталықтарында тауарлардың бағасын негізсіз өсірмеу туралы күнделікті түсіндірме жұмыстары жүргізілуде. Айта кететін жайт, Қызылорда қаласының бас мемлекеттік санитариялық дәрігерінің қаулысына сәйкес облыстағы базарлар демалыс күндері жұмыс істемейді. Сол себепті кәсіпкерлер жұмыс күндері ғана сауда жасай алатынын ескертеміз»,-деді облыстық кәсіпкерлік және туризм басқармасы басшысының орынбасары Мұрат Тасқараев.
</blockquote>

Қызылордада бағаны тұрақтандыру үшін қандай жұмыстар атқарылып жатыр?

<a href="https://kyzylorda-news.kz/">Kyzylorda-news.kz</a>. Биыл сары аурумен 497 адам ем қабылдады. Стационарлы түрде ем алғандар саны 2020 жылы 3476 құраса, ал биыл 6 айда 3194 науқас аталған диагнозбен тіркелген. Ол үшін 2014 жылдан бері арнайы жұмыс жасап тұрған гепатоорталық бар. Бүгінде пациенттерге аталған мекемеден ем-дом жүргізіп, кеңес беріледі. Бұл туралы бүгін Өңірлік коммуникациялар қызметінде өткен баспасөз конференциясында Қызылорда облысының денсаулық сақтау басқармасының бөлім басшысы Раушан Бақтыберлина хабарлады.
Бауыр орталығында бүгінде 4 дәрігер және 3 медбике жұмыс жасайды. Орталықтың басты мақсаты – гастроэнтерологиялық және гепатологиялық көмек көрсету жұмысын ұйымдастыру.
Жалпы, вирустық гепатит – әртүрлі вирустардан туындайтын жұқпалы аурулардың үлкен тобы. Гепатитте бауыр зақымданады. Барлық гепатиттердің ішінде А вирустық гепатиті жиі кездеседі. Онымен тек адамдар ғана ауырады және вирус тек адамнан адамға ғана жұғуы мүмкін.
<blockquote>
 «Вирус бөлшектері қолды жумай, тамақ жеп, су ішкенде адамның асқазан-ішек жолдарына ену арқылы жұғады. Науқастану үшін вирустың шағын бір бөлшегі де жеткілікті болып есептеледі. Сондықтан, жеке гигиена мен қоғамдық гигиенаны сақтау қажет. Әсіресе, қайнатылмаған теңіз өнімдері мен мұздатылған көкөністер мен жеміс-жидектер жеу кезінде абай болу керек. Вирустық гепатиттің негізгі симптомы терінің сарғаюы болғанымен, аурудың симптомсыз өтетін кезі де болады. Аурудың жақсысы жоқ. Сол себепті уақытында гепатитке қарсы екпе салдырған жөн», – деді Р.Бақтыберлина.
</blockquote>

Қызылордада биыл 3194 науқас сары аурумен тіркелген

<a href="https://kyzylorda-news.kz/">Kyzylorda-news.kz</a>.&nbsp; Қазақстанда өткен тәулікте 5814 адам коронавирустан жазылды, деп хабарлайды &nbsp;<a href="https://www.coronavirus2020.kz/kz/kazakstanda-otken-taulikte-5814-adam-koronavirus-indetinen-emdelip-shykty_a3817574">coronavirus2020.kz</a>.
Аймақтар бойынша:
Нұр-Сұлтан қаласы – 2158,
Алматы қаласы – 853,
Шымкент қаласы – 307,
Ақмола облысы – 160,
Ақтөбе облысы – 81,
Алматы облысы – 91,
Атырау облысы – 245,
Шығыс Қазақстан облысы – 154,
Жамбыл облысы – 52,
Батыс Қазақстан облысы – 145,
Қарағанды облысы – 875,
Қостанай облысы – 202,
Қызылорда облысы – 75,
Маңғыстау облысы – 167,
Павлодар облысы – 97,
Солтүстік Қазақстан облысы – 87,
Түркістан облысы – 65.
Қазақстан бойынша жазылғандар саны – 462912.

COVID-19: 75 қызылордалық жазылып шықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 7479 адамнан ПТР арқылы коронавирус анықталды, деп хабарлайды &nbsp;<a href="https://www.coronavirus2020.kz/kz/kazakstandagy-koronavirus-boyynsha-28-shilde-23-59-dagy-epidemiologiyalyk-zhagday_a3817572">coronavirus2020.kz.</a>
Аймақтар бойынша:
Нұр-Сұлтан қаласы – 1571,
Алматы қаласы – 1450,
Шымкент қаласы – 445,
Ақмола облысы – 238,
Ақтөбе облысы – 230,
Алматы облысы – 270,
Атырау облысы – 424,
Шығыс Қазақстан облысы – 298,
Жамбыл облысы – 197,
Батыс Қазақстан облысы – 198,
Қарағанды облысы – 1011,
Қостанай облысы – 224,
Қызылорда облысы – 175,
Маңғыстау облысы – 220,
Павлодар облысы – 251,
Солтүстік Қазақстан облысы – 145,
Түркістан облысы – 132.
Жалпы ел бойынша ауырғандар саны 557107.

Қызылордада 175 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Токио төрінде өтіп жатқан Олимпиада ойындарының кезекті жарыс күнінде қазақстандық спортшылар спорттың төрт түрі бойынша сайысқа түседі.
Нұр-Сұлтан мен Токио арасындағы уақыт айырмашылығы +3 сағатқа тең.
Ертең қазақстандықтар өнер көрсететін спорт түрлері мынадай:
08:30 Су добы.&nbsp;Ерлер
Алдын ала іріктеу раунды. Қазақстан — Испания
12:00 Теннис.&nbsp;Әйелдер. Жеке разряд, Жартылай финал.
Елена Рыбакина — Белинда Бенчич (Швейцария)
14:15 Бокс.&nbsp;Ерлер
75 кг. 1/8 финал. Әбілхан Аманқұл — Фанат Кахрамонов (Өзбекстан)
14:18 Садақ ату.&nbsp;Ерлер
1/32 финал. Ильфат Абдуллин — Джеймс Вудгейт (Ұлыбритания)
15:51 Бокс.&nbsp;Ерлер.
+91 кг. 1/8 финал. Қамшыбек Қоңқабаев — Юсри Резк Мұстафа Хафез (Египет).
<a href="https://lenta.inform.kz/kz/tokio-2020-kazakstan-sportshylarynan-kimder-sayyska-tusedi_a3817496">ҚазАқпарат</a>

Токио-2020: Бүгін жарыс алаңына Қамшыбек Қоңқабаев шығады

<a href="https://kyzylorda-news.kz/">Kyzylorda-news.kz.</a> &nbsp;Қазгидромет 29 шілдеге арналған ауа райы болжамын жариялады.
Антициклон жотасының әсерінен Қазақстан аумағының басым бөлігінде күн ашық болады. Тек еліміздің солтүстігінде, орталығында және оңтүстік-шығысында атмосфералық ауа ағындары бөліктердің өтуі әсерінен найзағай жарқылдап, өткінші жаңбыр жауады, бұршақ жаууы мүмкін. Республика бойынша кей жерлерде желдің күшеюі, оңтүстік және оңтүстік-шығыста шаңды дауыл тұруы күтіледі.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Аймағымыздағы санитарлық эпидемиологиялық ахуал көпшілігімізді алаңдатып отыр. Күн өткен сайын коронавирус инфекциясына шалдығып жатқан науқастардың қатары артуда. Бұл туралы Өңірлік коммуникациялар қызметінде өткен брифингте №6 қалалық емхана бас дәрігерінің ана мен бала денсаулығығын қорғау жөніндегі орынбасары Мая Мирзанова сөз етті.
<blockquote>
 «Індет жеткелі бері салмақты жүк медицина саласының мамандарына артылып келеді. Күн демей, түн демей азаматтарды ажалдан арашалап жүрген ақ халатты әріптестерімнің еңбегі орасан. Дәрігерлер, орта және кіші буын қызметкерлері өздерінің міндетін мінсіз атқаруда. Өздеріңізге белгілі, өткен жылы талай жантүршігерлік жағдайдың куәсі болдық. Пандемия кезінде қаншама жақындарымыздан айырылдық. Салғырттықтың кесірінен сан соғып қалдық. Биыл мұндай жағдайға жол бермеуіміз керек.
 Вирустың бұл түрімен былтыр ересектер ғана ауырса, қазіргі уақытта балалар арасында да коронавирус індеті көптеп кездесуде. Балаларға инфекция вакцина алмаған ата-аналарынан жұғуда. Сондықтан да кеселді дертті жеңудің жалғыз ғана жолы – вакцина салдыру екендігін естеріңізге салғым келеді» – деді ол.
</blockquote>
Екпе ектіруге күмәнмен қараудың, қажеті жоқ. Вакцина салдыру арқылы Сіз өзіңіздің және өзгелердің өмірін сақтайсыз.
<img src="https://kyzylorda-news.kz/wp-content/uploads/2021/07/221689569_1339157409813101_6020174092608493379_n.jpg" alt="" />
Мая Мирзанова

Мая Мирзанова: Коронавирус жұқтырған балалар саны артуда

<a href="https://kyzylorda-news.kz/">Kyzylorda-news.kz</a>. Бауыр циррозынсыз созылмалы “В”, “С” және “D” вирустық гепатиті диагнозы қойылса, не білуіңіз керек?
Егер сіз Д-есепте тұрсаңыз, осы аурулар кезінде медициналық көмек тегін және толық көлемде – тегін медициналық көмектің кепілдік берілген көлемі шеңберінде және МӘМС жүйесіндегі мәртебесіне қарамастан көрсетіледі.
Динамикалық бақылау туралы не білуіңіз керек? 
Орта медицина қызметкері тексеруді 3 айда 1 рет жүргізеді 
БМСК дәрігерінің қарауы – 6 айда 1 рет болады
Қандай бақылау зерттеулерінен өту керек? 
Тромбоциттермен қанның жалпы талдауы – 6 айда 1 рет 
Қанның биохимиялық талдаулары: аланинаминотрансфераза(АЛТ), аспартатаминотрансфераза(АСТ), фракциялар бойынша жалпы билирубин, креатинин, Альфа-фетопротеин (АФП) – 6 айда 1 рет 
Коагулограмма: халықаралық нормаланған қатынас (ХНҚ) – 6 айда 1 рет 
“В” вирустық гепатитіне (HBV-ДНҚ) полимеразды-тізбекті реакция сапалы, оң нәтиже кезінде “В” вирустық гепатитіне (HBV-ДНҚ) ПТР жүргізу сандық – 6 айда 1 рет 
бауыр УДЗ – жылына 1 рет 
бауырдың жанама импульсті эластометриясы (Фиброскан) – 2 жылда 1 рет 
“B”, “С” (F2 фиброз сатысында) және “D” созылмалы вирустық гепатиті кезінде пациенттер өмір бойы диспансерлік есепте тұрады.
Созылмалы “С” вирустық гепатитінде (фиброз сатысында F1-ден кем) пациенттер элиминация, яғни ауру толық жойылған жағдайда ғана есептен шығарылуы мүмкін.

28 шілде – Бүкіләлемдік гепатитке қарсы күрес күні

<a href="https://kyzylorda-news.kz/">Kyzylorda-news.kz</a>. Биыл Сырдария өзеніндегі су тапшылығымен қатар, көктемде жауын-шашынның мөлшерден аз түсуіне байланысты біздің өңірде қуаңшылық жағдайы орын алып отыр. Бұл негізгі кәсібі егін және мал шаруашылығы болып табылатын аудан шаруалары үшін үлкен проблемалық мәселе болып отыр.
Аталған мәселеге орай, бүгін Қазалы ауданының әкімі Мұхтар Оразбаевтың төрағалығымен өткен аппарат мәжілісінде бұл маңызды мәселе туралы тағы да сөз қозғалды.
Аудандық ауыл шаруашылығы бөлімі басшысының міндетін атқарушы Сапарбек Қуатов «Егінді суармалы сумен қамтамасыз ету және мал азығын дайындау туралы» баяндама жасап, атқарылып жатқан жұмыстарды тілге тиек етті.Баяндамашыны тыңдап болған соң аудан басшысы Сапарбек Қуатовқа мал қыстату науқанына дайындық жұмыстары туралы сұрақ қойып, ауданға қажетті жем-шөпті тезірек жинақтауды тапсырды. Мұнан соң Әйтеке би кенті мен Қазалы қаласы және ауылдық округ әкімдеріне не себептен шөп оруға бригадалар жібермей жатқанын сұрады.
<blockquote>
 «Шабындық жерлері жоқ ауылдық округтеріне біз тегін шөп оратын жерлерді белгілеп бердік. Өздеріңіз білесіздер, бұл жөнінде біз аудандағы 6 шаруа қожалығымен меморандумға отырдық. Ал, Сіздерден осы күнге дейін 1 бригада келмеді. Қыс қыр астында. Осылай жүре берсеңіздер ертең кеш болады. Сондықтан осы кезден бастап ауылдың азаматтарын ұйымдастыру қажет. Бізге ешкім келіп жем-шөп әкеліп бермейді. Қазір жемнің бағасы қолжетімді болып тұр. Осы кезден қысқа қажетті жем мөлшерін нақтылап, сатып алулары керек. Ертең бағасы шарықтап кетеді», – деген Мұхтар Әуесұлы әкімдерге жем-шөп дайындау жұмыстарын жүйелі ұйымдастыру қажеттігін қатаң тапсырды.
</blockquote>
Сондай-ақ, шабындық жерлері жоқ Әйтеке би кенті, Қазалы қаласы және Шәкен, Құмжиек, Майлыбас, Басықара, Сарбұлақ округтеріне жем-шөп дайындау мәселесіне жауапты тұлғаларды бекітті.
Күн тәртібіндегі мәселенің маңыздылығына байланысты аудан әкімінің орынбасары Күнтілес Назымбеков қосымша баяндама жасап, жем-шөп дайындауға немқұрайлылықпен қарамауға шақырды. Сол үшін Жалағаш, Сырдария аудандарындағы шаруашылықтармен меморандум жасалғанын жеткізді. Сонымен қатар, Қызылқұм, Бозкөл, Тасарық ауылдық округтеріндегі көлдерге зерделеу жұмыстары жүргізілгенін айтып, шабындық жерлер бар екенін тілге тиек етті.
Аппарат мәжілісінің алдында жоспарлы әкімдік мәжілісі өтті.Басқосуда алдымен 3 жылдан аса аудан әкімінің орынбасары қызметін абыроймен атқарған Ғалымжан Еркебайға аудан әкімінің «Алғыс хаты» табысталды. Өз кезегінде Сырдария аудан әкімінің орынбасары болып тағайындалған Ғалымжан Бақтығалиұлы әріптестеріне алғысын айтты. Мұнан соң аудан басшысы 25 шілдеде өткен сайлауда жеңіске жеткен Өркендеу, Қарашеңгел және Ғ.Мұратбаев ауылдық округтерінің әкімдерін таныстырып, жұмыстарына сәттілік тіледі.
Әкімдік мәжілісінде 2 мәселе қаралды. Күн тәртібіндегі «2021-2022 жылдар аралығындағы жылу беру маусымы кезеңіндегі әлеуметтік-мәдени нысандардың дайындығы туралы» аудандық тұрғын үй коммуналдық шаруашылығы, жолаушылар көлігі және автомобиль жолдары бөлімінің басшысы Мұрат Әбсұлтанов, «Қазалы ауданының 2021 жылдың бірінші жарты жылдығындағы әлеуметтік-экономикалық даму қорытындылары туралы» аудандық экономика және бюджеттік жоспарлау бөлімінің басшысы Ахметулла Аманов хабарлама жасады.
Аудан әкімі Мұхтар Оразбаев қысқы жылу беру маусымына дайындық пен жыл қорытындысымен барлық макроэкономикалық көрсеткіштердің жоспарлы межеде орындалуын тапсырды.

Қазақстан және Қызылорда облысының жаңалықтары