<a href="https://kyzylorda-news.kz/">Kyzylorda-news.kz</a>. Жыл басынан бері Төтенше жағдай департаментінің қызметкерлері су айдындарында және жағажайларда қайғылы оқиғаларды болдырмау мақсатында 955 рейдтік іс-шаралар жүргізді. Рейд барысында қауіпсіздік ережелерін бұзып, қоғамдық орында алкогольдік ішімдік ішкен 176 азаматқа әкімшілік шара қолданылған. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық ТЖД бастығының орынбасары Саид Молдақараев мәлімдеді.
Дегенмен бұл рейдтік жұмыстар тұрғындарға тиым болмай тұр. Қауіпсіздік ережелерін ескермей, сақтыққа селқос қарап белгіленбеген әрі зерттелмеген жерлерден суға түсу, масаң күйде шомылу деректері көп. Ағымдағы жылы аймақтағы су айдындарында тіркелген 35 қайғылы оқиғаның негізгі себептерін аталған жайттар құрап отыр. Ал балаларды қараусыз қалдыру салдарынан 21 жасөспірім суға кеткен.
<blockquote>
 «Өкінішке орай суға кету дерегі бойынша республикада Қызылорда облысы алдыңғы қатарда тұр. Су айдындарында және жағажайларда күндізгі 14:00 ден түнгі 22:00-ге дейін арнайы қызметкерлер бақылау жасауда. Қосымша үн парақтар таратып, түсіндірме жұмыстары жүргізілуде. Суға шомылу маусымында төтенше жағдайлардың алдын алу жұмыстары алдағы уақытта өз жалғасын табады», – деді облыстық ТЖД бастығының орынбасары Саид Молдақараев.
</blockquote>

Қызылордада жыл басынан бері 21 жасөспірім суға кеткен

<a href="https://kyzylorda-news.kz/">Kyzylorda-news.kz</a>. Жаңақорған ауданында 35 елді мекеннің барлығы ауыз сумен қамтылған. Бұл туралы аудан әкімі Руслан Рүстемов мәлімдеді.
«Ақбұлақ» бағдарламасымен бастау алып «Нұрлы жол» бағдарламасымен жалғасын тауып, құрылысы жүргізіліп жатқан «Сырдария топтық су құбыры мен Талап топтық су құбырының&nbsp; құрылысы» жобасында Сырдария өзенінің шығыс беткейіндегі 12 елді мекеннің 19381 халқын және Сырдария өзенінің батыс беткейіндегі 15 елді мекеннің 23564 халқын таза ауыз сумен қамту қарастырылған. Бұл жұмыстар жоспар бойынша биылғы жылдың соңына дейін толық аяқталуы тиіс.
<blockquote>
 «Ауыл- Ел бесігі» арнайы жобасы аясында Жаңақорған кентінің тұрғын үйлеріне су құбырын жеткізу сервистік желісін салу&nbsp;жұмыстарын аяқтауға ҚР Ұлттық қорынан&nbsp;214 млн. 885 мың теңге бөлініп, тиісті жұмыстар жүргізілуде. Биылғы жылы аяқталады. Сонымен бірге осы жылы республикалық бюджеттен Төменарық, Сунақата, Екпінді елді мекендеріндегі сумен жабдықтау желісін қайта құру және кеңейту&nbsp; жұмыстарына 808 млн. 334 мың теңге қаржы бөлініп, мемлекеттік сатып алу шаралары жүргізілуде. Құрылыс биылғы жылы аяқтау жоспарланған», – дейді аудан әкімі.
</blockquote>
Сонымен қатар, Қожамберді, Сүттіқұдық, Жайылма елді мекендерін сумен жабдықтау желісін қайта құру және кеңейту&nbsp;жұмыстарына жоба-сметалық құжаттарын әзірлеп, мемлекеттік сараптамадан өткізуге 16 млн. 906 мың теңге қаржы бөлініп, жоба сметалық құжаттар әзірленуде. Осы жобалар іске асқан уақытта Жаңақорған ауданында орталықтандырылған ауыз су жүйесімен қамтылған тұрғындар үлесі 91,4 пайыздан 100 пайызға жеткізіледі.

Жаңақорғанның 35 елді мекені ауыз сумен қамтылды

<a href="https://kyzylorda-news.kz/">Kyzylorda-news.kz</a>. Токио олимпиадасында еркін күрестен 57 келіге дейінгі салмақ дәрежесінде қазақстандық Нұрислам Санаев қола медаль иеленді.
Кеше финал жолдамасы үшін таласта үндістандық Рави Кумарға жол берген Санаев жұбаныш белдесуіне шыққан.&nbsp;Ол кіші финалда болгариялық Георгий Вангеловті 5:1 есебімен ұтты. Қазақстандық балуан жартылай финалда Үндістан балуаны Рави Кумарға есе жіберген еді. Қола медаль үшін күресте Санаев намысты қолдан бермеді.
Айта кетейік, бұл қазақстандық балуандардың Токиодағы алғашқы медалі.

Токио-2020: Нұрислам Санаев еркін күрестен «қола» жеңіп алды

<a href="https://kyzylorda-news.kz/">Kyzylorda-news.kz</a>. Қызылорда облысы биылғы жылдың 6 айында өңдеу өнеркәсібі саласында 79,8 млрд. теңгенің өнімі өндірілген. Өткен жылдың есептік мерзімінде бұл көрсеткіш 69 млрд. теңгеге тең болды. Яғни биыл салада 14,6 пайызға өсім бар. Бұл туралы бүгін Өңірлік коммуникациялар қызметінде өткен баспасөз конференциясында облыстық индустриялық-инновациялық даму басқармасының басшысы Ринат Сұлтангереев мәлімдеді.
Жарты жылдықты қорытындылаған Ринат Қалдыбекұлы алдымен облыстағы индустрияландыру бағдарламасының ІІІ-ші бесжылдығы аясында жоспарға енген жобаларға тоқталды. Айтуынша аймақта жалпы құны 543 млрд. теңгені құрайтын 41 жобаны жүзеге асыру бағытында жұмыстар атқарылуда. Бұл жобалар іске қосылғанда 7 мыңнан аса жаңа жұмыс орны қалыптаспақ. Аталған жобалардың алғашқы легі өткен жылы өз жұмысын бастаған. 1,9 млрд.теңгені құрайтын 5 жобаның іске қосылуы нәтижесінде 188 қызылордалық жұмыспен қамтылған.
Ал индустрияландыру бағдарламасының бірінші және екінші бесжылдықтары аясында өңірде құны 150 млрд. теңгені құрайтын 26 жоба жүзеге асқан. Сол арқылы 1 мың 700 жұмыс орны ашылған болатын. Іске қосылған жобалар осы жылдың 6 айында 22,5 млрд. теңгенің өнімін өндіріп, цемент, тұз, балық, пропан-бутан, аммоний метаванадаты сынды 5 түрлі өнімді 12 елге экспорттаған.
Брифингте шыны зауытының құрылысы да сөз болды. Бүгінде зауыт құрылысы 85%-ға, монтаждау жұмыстары – 37%-ға орындалған. Зауытты іске қосу мерзімі 2021 жылдың II жартыжылдығына жоспарлануда.
<blockquote>
 «Біз өз тарапымыздан – зауыт үшін инженерлік инфрақұрылым тарту бойынша барлық жұмыстарды орындадық. Енді қалғаны – балқыту ваннасы мен күйдіру пешінің жабдығын монтаждау. Бұл жұмыстарды орындау елімізде жоқ, жоғары білікті мамандарды қажет етеді. Карантиндік шараларға байланысты жабдықтау монтаждау бойынша мамандар елге келе алмады. Дегенмен, Үкіметтің арнайы комиссиясының рұқсатымен осы жылдың сәуір айынан бастап шетел мамандары зауытқа келіп, пештің өру жұмыстарын бастады. Шыны зауытының іске қосылуымен біз кем дегенде 8 ілеспе өндіріс құруды көздеп отырмыз. Инвесторлармен бірлесіп шыны зауытының айналасында 2 жобаны іске асыру бойынша жұмыстар басталды. Барлық ілеспе өндірістердің айналасында жаңа кәсіптерді игере отырып, шамамен 400 жұмыс орны ашылмақ. Одан басқа жобалар да жоспарға сәйкес іске қосылатын болады», – деді Ринат Сұлтангереев.
</blockquote>
<img src="https://kyzylorda-news.kz/wp-content/uploads/2021/08/230371703_1344403259288516_8350536567217847179_n.jpg" alt="" />

Қызылордада өңдеу өнеркәсібі саласында өсім бар

<a href="https://kyzylorda-news.kz/">Kyzylorda-news.kz</a>. Қызылорда облысы Кәсіпкерлер палатасының кеңесшілері жыл басынан бері 5573 кеңес берген. Бұл туралы Қызылорда облысы кәсіпкерлер палатасының директоры Ғалымбек Жақсылықов айтты.
Осы жылдың 7 айында Кәсіпкерлер палатасының кеңесшілері 2875 облыс тұрғынына кәсіпкерлік саласына қатысты 5573 кеңес беріп, 465 кәсіпкерге 486 қызмет көрсеткен.
<blockquote>
 «Кәсіпкерлер палатасы 2015 жылдан бастап кәсіпкерлікпен айналысқысы келетін азаматтар үшін тегін кеңес беріп, сервистік қызметтерді көрсетіп келеді. Егер кәсіптеріңіз болса немесе өз істеріңізді ашуды жоспарлап отырсаңыздар, Палата мамандары мемлекеттік қолдау шаралары туралы айтып, қажет болған жағдайда мемлекеттік органдарға өтініштеріңізді жолдайды. Ақпараттық-сараптамалық қолдауға ие болу үшін g4b.kz. сайтына кіріңіздер. Порталдан сіздер қажет деректердің бәрін табасыздар, әрі маман кеңесіне де жүгіне аласыздар», – дейді Палата директоры.
</blockquote>
Мұнан өзге, бизнесі бар азаматтар төмендегідей сервистік қызметтерді де тегін ала алады:
– бухгалтерлік және салық есебін жүргізу, статистикалық есеп жасау;
– маркетинг;
– интернет-маркетинг;
– заң қызметтері;
– кедендік рәсімдер;
– мемлекеттік сатып алу, ұлттық компаниялар мен жер қойнауын пайдаланушылардың сатып алулары;
– отандық өндірушілердің өнімдерін өткізу;
– ақпараттық технологиялар.
Жалпы жоғарыдағы қызметтер мен кеңестерге қатысты сауалдар туындаған жағдайда Қызылорда қаласы, Қорқыт ата 123 мекен-жайындағы «Бизнеске арналған Үкімет» ғимаратында орналасқан Қызылорда облысы кәсіпкерлер палатасына келіп офлайн немесе 1432 жедел желі арқылы да байланысуға болады. Ал аудан, ауылдық елді мекен тұрғындары Кәсіпкерлер палатасының аудандық филиалдарына жүгіне алады.

Қызылорда: Кәсіпкерлер палатасы кеңесшілері 7 айда 5573 кеңес берген

<a href="https://kyzylorda-news.kz/">Kyzylorda-news.kz</a>. Токио Олимпиадасында қызылордалық Мөлдір Жаңбырбай каратэ-додан жартылай финалға шыға алмады
Алғашқы кездесуде мысырлық қарсыласын жеңген спортшы, екінші кездесуде аустралиялық Беттина Планкадан жеңілді. Ал үшінші кездесуде ол қарсыласымен 4-4 есебімен тең түскен болатын.
Төртінші кездесуінде Мөлдір Жаңбырбай жапониялық Михо Мияхарамен шеберлік байқасып, жекпе-жекте қарсыласынан 2:11 есебімен жеңілді.

Мөлдір Жаңбырбай жартылай финалға шыға алмады

<a href="https://kyzylorda-news.kz/">Kyzylorda-news.kz</a>. Биыл Қызылорда облысында мал шаруашылығы өнімдерінің өнімділігін, сапасын арттырып, асыл тұқымды мал шаруашылығын дамыту көзделуде. Несие алып не болмаса өз қаржысына асыл тұқымды мал сатып алған кәсіпкерлерге мемлекет тарапынан субсидия беріледі. Бұл мақсатта республикалық бюджеттен 2,5 млрд. теңге бөлінді. Қазіргі таңда 1 мың 179 шаруашылықтың өтінішіне сәйкес 1,6 млрд. төленді. Бұл туралы Өңірілік коммуникациялар қызметінде өткен баспасөз конференциясында облыстық ауыл шаруашылығы басқармасының басшысы Талғат Дүйсебаев мәлімдеді.
Мәселен, шетелден сатып алынған 1 бас ірі қараға 225 мың, отандық ірі қараның әр басына 150 мың теңгеден төленеді. Ал қой өсіруді қолға алған кәсіпкерлерге 1 қой үшін 15 теңгеден субсидия төлеу қарастырылған.
<blockquote>
 «Бұдан бірнеше жыл бұрын 200-300 ғана мал шаруашылықтары субсидия алуға ниет білдірсе, өткен жылы 1223 шаруашылыққа субсидия төленген. Бұл мемлекет тарапынан қолдау және шаруалар үшін қолжетімді мүмкіндік. 2019 жылдан бастап субсидиялаудың ақпараттық жүйесі арқылы электронды форматта тапсырыстар қабылданады. Негізгі мақсат сыбайлас жемқорлықтың жолын кесу. Бұндай жағдайда қызмет көрсетуші мен қызмет алушының арасында қарым қатынас болмайды», – деді Т. Дүйсебаев.
</blockquote>
Сонымен қатар, былтыр біраз шаруашылық басшылықтары жем-шөпке байланысты наразылығын білдірген болатын. Осыған орай, ауыл шаруашылығы Министрлігі шілде айында қаулы шығарды. Өткен жылдан қалып қойған 318 шаруашылыққа 376 млн. төленетін болды. Бүгінде құжаттары реттелуде.
Айта кету керек, облыста табиғи шөпті ору науқаны толықтай басталып кетті. Ол үшін барлық аудандарда штабтар құрылып, шабындықтардың көлемі айқындалды. Облыс бойынша қысқа түсетін малдарға қажетті 770 мың тонна шөптің 393 тоннасы дайындалып, барлық қажеттіліктің 51 % қамтып отыр.
Сондай-ақ, өңірде мал азығы бағасының қымбаттауына және оған деген қолжетімділігін арттырып, мал азығын алуға жұмсаған шығындарын ішінара арзандату үшін субсидиялауға республикалық бюджет резервінен 1,7 млрд. теңге бөлінді. Бүгінгі күні облыс әкімдігінің қаулы жобасы дайындалуда. Малдарға қажетті құрама жемдердің жетіспейтін көлемін солтүстік облыстардан сатып алу мақсатында ҚР АШМ-нің келісімі бойынша «Азық-түлік келісім шарт»ҰК» АҚ-мы арқылы жеңілдетілген бағада 7,4 мың тонна жем сатып алуға тапсырыс берілді.

Қызылордада мал шаруашылығын субсидиялауға 2,5 млрд. теңге бөлінді

<a href="https://kyzylorda-news.kz/">Kyzylorda-news.kz</a>. Арал аудандық мәслихат және қоғамдық кеңес өкілдері бірқатар елді мекендерді аралады.
Биыл ауданда орын алған қуаңшылық жағдайы жергілікті мал бағып отырған шаруаларға оңайға соқпағаны белгілі. Осы орайда аудандық мәслихаттың хатшысы Базарбай Төрахметов пен «Nur Otan» партиясы Арал аудандық филиалы төрағасының бірінші орынбасары, аудандық қоғамдық кеңесінің мүшесі Талғат Қанатов және аудандық мәслихат депутаты Батырхан Прекеев ауданға қарасты Қосжар, Бөген, Қаратерең және Жаңақұрылыс ауылдық округтерін аралап, жергілікті тұрғындармен кездесу өткізді.
Жергілікті халықпен жүздесу барысында биылғы қуаңшылық салдарын еңсеру бағытында қолға алынған жұмыстар мен қабылданған шаралар жайын тұрғындармен пысықтап, қазіргі таңда нақты атқарылып жатқан жұмыстардың барысы мен жүзеге асырылуы қажет деген шаралардың жай-жапсарын баяндап өтті.
Соның ішінде қиындыққа тап болған шаруаларға төтенше жағдай аясында тиісті көмектер жасалатындығын жеткізді. Бұдан бөлек, ауданға Болат Өтемұратов қорынан бөлінген қаржы бойынша тұрмысы төмен, аз қамтылған отбасыларды мал азығымен қамту бағытында да жұмыстардың басталып кеткендігін айтып, бұл жұмыстар әлде де жалғасын табатыны жайлы айтты.
Тиісінше жергілікті тұрғындар да төтенше жағдай қабылданғалы бері ауылға көршілес аудандардан және «Қиындықта ел бірге» акциясы аясында тегін шөп және Б.Өтемұратов қорынан бидай жемі (кебек) жеткізіліп, алғашқы кезекте мұқтаж отбасыларға тиісті көмектер жасалып жатқандығын ризашылықпен жеткізді.
Төрт түлікті түлетіп отырған тұрғындардың ендігі тілегі ауылға мал азығын төмендетілген бағамен жеткізіп беруге қолдаулар жасалса дейді. Бұл бағытта да тиісті жұмыстарды іске асыру шаралары аудан әкімдігінің күн тәртібінде тұрғандығын айтқан мәслихат және қоғамдық кеңес өкілдері бастысы ахуалға сабырмен қарап, халық арасындағы ауызбіршілікті сақтап, ел болып бұл қиындықты еңсеруге жұмылу қажет екендігін атап өтті. Сонымен қатар ауданымыздағы төтенше жағдайды еңсеру барысында атқарылған жұмыстар қоғамның назарынан тыс қалмай, әр қаржы мен көмек жергілікті қоғамдық кеңестің басты назарында болатындығын атап өтті.
<img src="https://kyzylorda-news.kz/wp-content/uploads/2021/08/231519928_3041643492830683_2126535318718320554_n.jpg" alt="" />

Мақсат &#8211; қуаңшылық жағдайын еңсерудегі шаралар жайын пысықтау

<a href="https://kyzylorda-news.kz/">Kyzylorda-news.kz</a>. Бүгін Жалағаш аудандық ардагерлер кеңесінің төрағасы Садық Әлиев бастаған бірқатар ардагерлер ерікті түрде екпе алды.
Денсаулықтың қадірін білген ардагерлер аудан тұрғындарын вакцина қабылдауға шақырды.
<blockquote>
 «Қиын-қыстау кезеңде бірліктің үлгісін көрсетіп, тәртіпке бағынып, індетке жұмыла қарсы тұру біздің бірлігіміздің қаншалықты екенін көрсетеді. Тұрғындар мамандардың, медицина қыз­мет­керлерінің еңбегін жоққа шығар­май, карантиндік ережелерде көрсетілген талаптарды қатаң сақтап, демеу білдіріп, қолдау көрсетуге тиіс. Сын сағатта тас түйін, біртұтас елдің үлгісін көрсету керек. Өйткені бірге көтерген жүк жеңіл болады. Бірлік бар жерде тірлік те бар. Ал ауызбіршілікпен жасалған кез келген істің нәтижесі тек жақсылық болмақ», – деді Садық Әлиев.
</blockquote>
Көп жылдар бойы әр түрлі салада еңбек етіп, қазіргі таңда бейнетінің зейнетін көріп отырған ардагерлер осылайша өзгелерге үлгі көрсетті. Қазір өте қиын кезең. Барлығымыз бірдей дәрігерлердің кеңесіне құлақ түруіміз керек. Біз де вакцина салдырамыз деп шештік. Екпе өзімізді және жақындарымызды қауіпті аурудан сақтайтынына сенеміз. Аға буын өкілдері жастарға үлгі болуы керек дейді ақсақалдар.
<img src="https://kyzylorda-news.kz/wp-content/uploads/2021/08/230969450_1267336637051745_6546530319366182084_n.jpg" alt="" />
<img src="https://kyzylorda-news.kz/wp-content/uploads/2021/08/231391461_1267336513718424_7479623522240518671_n.jpg" alt="" />

Жалағаштық ардагерлер екпе салдырды

<a href="https://kyzylorda-news.kz/">Kyzylorda-news.kz</a>. Жаңақорған ауданында жем-шөп дайындау үшін 23 260 гектар мал азықтық дақылдары орналастырылды. Бұл туралы аудан әкімі Руслан Рүстемов биыл жыл басынан бері ауданының әлеуметтік-экономикалық даму қорытындылары туралы баяндамасында айтты.
Атап айтар болсақ, 4 300 гектар жерге жаңа жоңышқа, 14&nbsp;170 гектарға ескі жоңышқа, сондай-ақ 4 590 гектарға күздік бидай, 150 гектар жерге жаздық бидай және 50 гектарға жаздық арпа егілді.
<blockquote>
 «Биылғы ауа-райының қолайсыздығынан мал жайылымдары мен мал азығын дайындауда біршама қиындықтардың орын алуына орай, көршілес Алматы, Жамбыл, Түркістан облыстарынан мал азығы жоңышқа шөбіне сұраныстың артуы, жоңышқа шөбінің қымбаттауына себепші болып отыр. Қазіргі таңда, 14 170 гектар ескі жоңышқаның бірінші орымы толық аяқталып, 45&nbsp;000 тонна шөп жиналды. Екінші орымға орақ түсуде», – дейді аудан әкімі.
</blockquote>
Сонымен қатар ауданда тау беткейіндегі ауылдарды сыр беткейіндегі күріш егумен және мал азығын дайындаумен айналысатын ауылдық округтерге орналасу ерекшелігіне қарай шөппен қамтамасыз ету бағытында бөлініс жасап, мал азығы дайындалуда.
<blockquote>
 «Тау беткейдегі Қыраш, Қосүйеңкі ауылдық округінің тұрғындары Аққорған ауылдық округіне қарасты «Түгіскен ТШ» ЖШС иелігіндегі&nbsp;500 гектар егістік жағалауларындағы қалың мия аралас қамыс шөбін орып, қысқа мал азығын дайындау жұмыстары жүргізілуде. Сонымен қатар, күріш, жоңышқа өсірумен айналысатын ауылдық округтерде бұл жұмыстар қарқынды жүргізіліп, тау беткейдегі мұқтаж азаматтар қажетті жем-шөппен қамтамасыз етілуде. Ауылдық округтерде өткізілген жиналыс барысында бірқатар азаматтар демеушілік жасады», – дейді Руслан Рүстемов.
</blockquote>

Жаңақорғанда 23 260 гектарға мал азықтық дақылдары орналастырылды

<a href="https://kyzylorda-news.kz/">Kyzylorda-news.kz</a>. Міндетті медициналық сақтандыру жүйесіндегі мәртебеңізді бірнеше жолмен тексеруге болады.
Qoldau 24/7 мобильді қосымшасы. Ол үшін мәзірде «Сақтандырылу мәртебесін тексеру» бөлімін таңдап, ЖСН енгізу қажет. Сол кезде мәртебе және алдыңғы 12 айдағы төлемдердің болуы туралы ақпарат пайда болады. 
Қосымшаны PlayMarket және AppStore-дан жүктеуге болады
Телеграмм-бот @SaqtandyryBot. Шағын бағдарламаны іске қосу үшін сілтемені ашу керек: https://t.me/SaqtandyryBot немесе іздеу жолына атау енгізіңіз, Бұдан әрі – «Сақтандырылу мәртебесін анықтау» бөлімін таңдаңыз, ЖСН енгізіңіз.
Egov.kz электрондық үкімет порталы. ол үшін «Денсаулық сақтау» бөлімінде «Медициналық қызметтерді тұтынушы ретінде қатысу туралы және міндетті әлеуметтік медициналық сақтандыру жүйесінде аударылған аударымдар және (немесе) жарналар сомасы туралы ақпарат беру» қызметін табу, «Қызметке тапсырыс беру» батырмасын басу, ЖСН көрсету қажет. Нәтиже 10 минут ішінде пайда болады.
Әлеуметтік медициналық сақтандыру қорының ресми сайты. «Мәртебені анықтау» нүктесі оң жақта орналасқан. Соны басып, ЖСН көрсету жеткілікті.
<img src="https://kyzylorda-news.kz/wp-content/uploads/2021/08/statws-kaz-scaled.jpg" alt="" />

МӘМС жүйесінде сақтандырылу мәртебесін қалай тексеруге болады?

<a href="https://kyzylorda-news.kz/">Kyzylorda-news.kz</a>. Токио Олимпиадасында қазақстандық боксшы Сәкен Бибосынов (52 келі) қола жүлдегер атанды, деп хабарлайды <a href="https://www.inform.kz/kz/tokio-2020-saken-bibosynov-kola-zhuldeger-atandy_a3820332">ҚазАқпарат</a>.
Ол жартылай финалда ұлыбританиялық Галал Яфаймен қолғап түйістірді.
Үшінші раундта Сәкеннің басымдығы байқалды. Қорытынды нәтижеде төрешілер ұлыбританиялық боксшының қолын көтерді.
Алғашқы екі раундта қарсыластар тепе-тең деңгейде ойын көрсетті. Сәкен Бибосынов 1997 жылы дүниеге келген. 2019 жылы әлем чемпионатында қола жүлдегер атанды.
Айта кетейік, ефрейтор Сәкен Бибосынов – ҚР Қорғаныс министрлігі орталық спорт клубының спортшысы.
Сәкен бұған дейін Пуэрто-Рикодан келген Янкиель Ривераны, франциялық Биллал Беннамды, испаниялық Габриэль Эскобарды жеңіп кетті.
Ал Галал Яфай 1992 жылы 11 желтоқсанда дүниеге келген. Бұдан бұрын дүниежүзілік деңгейде жетістікке жете қойған жоқ.
Галал Яфай бүгін ширек финалда әлем чемпионатының үш мәрте жүлдегері атанған кубалық боксшы Йосвани Вейтияны 4:1 есебімен қапы қалдырып кетті.
Одан бұрын армениялық Корюн Соломонянды, одан кейін замбиялық Патрик Чинембаны жеңді.
Еске салсақ, биылғы Олимпиадаға бокстан ерлер құрамасынан 8 спортшы барды. Оның арасынан Қамшыбек Қоңқабаев (91 келіден жоғары) қола жүлдегер атанды.
Қазақстандық боксшылар бұған дейінгі Олимпиадаларда барлығы 22 медаль алған. Оның 7-і алтын, 7-і күміс, 8-і қола.

Қазақстан және Қызылорда облысының жаңалықтары

Қызылордада жыл басынан бері 21 жасөспірім суға кеткен

Жаңақорғанның 35 елді мекені ауыз сумен қамтылды

Токио-2020: Нұрислам Санаев еркін күрестен «қола» жеңіп алды

Қызылордада өңдеу өнеркәсібі саласында өсім бар

Қызылорда: Кәсіпкерлер палатасы кеңесшілері 7 айда 5573 кеңес берген

Мөлдір Жаңбырбай жартылай финалға шыға алмады

Қызылордада мал шаруашылығын субсидиялауға 2,5 млрд. теңге бөлінді

Мақсат – қуаңшылық жағдайын еңсерудегі шаралар жайын пысықтау

Жалағаштық ардагерлер екпе салдырды

Жаңақорғанда 23 260 гектарға мал азықтық дақылдары орналастырылды

МӘМС жүйесінде сақтандырылу мәртебесін қалай тексеруге болады?

Токио-2020: Қоржында тағы бір қола медаль

Қазақстан және Қызылорда облысының жаңалықтары

Қызылордада жыл басынан бері 21 жасөспірім суға кеткен

Жаңақорғанның 35 елді мекені ауыз сумен қамтылды

Токио-2020: Нұрислам Санаев еркін күрестен «қола» жеңіп алды

Қызылордада өңдеу өнеркәсібі саласында өсім бар

Қызылорда: Кәсіпкерлер палатасы кеңесшілері 7 айда 5573 кеңес берген

Мөлдір Жаңбырбай жартылай финалға шыға алмады

Қызылордада мал шаруашылығын субсидиялауға 2,5 млрд. теңге бөлінді

Мақсат &#8211; қуаңшылық жағдайын еңсерудегі шаралар жайын пысықтау

Жалағаштық ардагерлер екпе салдырды

Жаңақорғанда 23 260 гектарға мал азықтық дақылдары орналастырылды

МӘМС жүйесінде сақтандырылу мәртебесін қалай тексеруге болады?

Токио-2020: Қоржында тағы бір қола медаль

Мақсат – қуаңшылық жағдайын еңсерудегі шаралар жайын пысықтау