24 қыркүйек күні сағат 22:30-да Қазақстан Республикасы Премьер-Министрінің орынбасары Қанат Бозымбаевтың төрағалығымен Маңғыстау облысында әскери оқу-жаттығу кезінде әскери қызметшілердің қаза болуына байланысты құрылған Үкіметтік комиссияның отырысы өтті.Ішкі істер министрінің орынбасары Санжар Әділовтің баяндауынша, Қазақстан Республикасы Қылмыстық кодексінің 453-бабының 2-бөлігі («Ауыр зардаптарға әкеп соққан қызметке салғырт қарау») және 465-бабы («Кеме жүргізу қағидаларын бұзу») бойынша қылмыстық іс қозғалды.Тергеу аясында ведомствоаралық жедел-тергеу тобы құрылып, бірқатар тергеу және жедел-іздестіру іс-шаралары жүргізілуде. Жұмысқа тиісті мамандар тартылып, қажетті сот сараптамалары тағайындалды.Қанат Бозымбаев болған оқиғаның барлық мән-жайын қысқа мерзімде толық анықтап, қайғылы жағдайға кінәлі тұлғаларға қатысты тиісті шаралар қабылдауды тапсырды.Отырыста қаза болған әскери қызметшілердің отбасыларына ерекше назар аударылды. Премьер-Министрдің орынбасары мемлекет тарапынан оларға қажетті әлеуметтік және материалдық қолдау көрсетілетінін атап өтті.— Заңда көзделген материалдық көмектен бөлек, көмек көрсеткісі келетін азаматтардан көптеген өтініш түсіп жатыр. Қазақстан Халық Кеңесінің мүшелері қаза болған әскери қызметшілердің отбасыларына материалдық көмек көрсететіндерін мәлімдеді. Олардың біреуі қаза болған әр әскери қызметшінің отбасына 25 млн теңгеден бөлді. Сондай-ақ бірқатар ірі бизнес өкілдері де материалдық көмек көрсетуге ниет білдірді, — деді Премьер-Министрдің орынбасары.Қанат Бозымбаев Еңбек және халықты әлеуметтік қорғау министрлігіне Маңғыстау облысының әкімдігімен бірлесіп, қаза болған әскери қызметшілердің отбасыларына бағытталған барлық қаражаттың бөлінуінің ашықтығы мен бақылауын қамтамасыз етуді тапсырды. Ол көмектің нақты адресаттарға толық көлемде көрсетілуге тиіс екенін атап өтті.Денсаулық сақтау вице-министрі Манас Рамазановтың баяндауынша, оқиғадан кейін медициналық мекемеге жеткізілген әскери қызметшінің жағдайы тұрақты. Оның өміріне қауіп төніп тұрған жоқ, қажетті медициналық көмек көрсетіліп жатыр.Отырысқа Ішкі істер, Төтенше жағдайлар, Еңбек және халықты әлеуметтік қорғау, Денсаулық сақтау, Көлік министрліктерінің вице-министрлері, ҚР ҰҚК Шекара қызметі директорының орынбасары, Бас әскери прокурор және Маңғыстау облысының әкімі Нұрдәулет Қилыбай қатысып, баяндама жасады.Үкіметтік комиссияның жұмысы жалғасуда.

Маңғыстау облысында әскери қызметшілердің қаза болу жағдайын Үкіметтік комиссия тексеруде

Маңғыстау облысында оқу-жаттығу кезінде әскери қызметшілердің қаза болу фактісі бойынша тергеу жалғасуда.Оқиға орнына қарап-тексеру жүргізіліп, 30-дан астам әскери қызметшіден жауап алынды, құжаттар мен бейнематериалдар тәркіленді. 12 сараптама тағайындалды.Қызметке салғырт қарады деп күдік келтірілген, сондай-ақ метеорологиялық жағдайларды ескере отырып, жеке құрамның қауіпсіздігін қамтамасыз ету үшін тиісті бақылау мен қажетті шаралардың қабылдануын қамтамасыз етпеген, құтқару жұмыстарын тиісінше ұйымдастырмаған, соның салдарынан адамдардың қаза болуына әкеп соққан лауазымды тұлғалар анықталды.Тергеу барлық күдіктілердің әрекеттеріне толық құқықтық баға беріп, оларға қатысты процестік шаралар қабылдайды.

Әскери қызметшілердің қаза болу фактісі бойынша тергеу жалғасуда

Қармақшының қасиетті топырағы талай дарынды ақын мен жырауларды танытқан киелі мекен. Осы дәстүрлі өнердің өрісін кеңейтіп, ұлттық руханиятқа өзіндік қолтаңбасын қалдырған ақын, жырау, ағартушы, Қазақстан Жазушылар және Журналистер одақтарының мүшесі, ҚР Ақпарат саласының үздігі Ибрагим Бекмаханұлының 75 жылдығына орай «Жыр-аманат» атты еске алу кеші өтті.Қармақшы ауданы әкімінің тапсырмасына сәйкес Көшеней Рүстембеков атындағы Жыраулар үйінде ұйымдастырылған кешке аудан әкімінің орынбасары Диас Молдабаев қатысып, тағылымды шараның ашылуында сөз сөйледі.-Ақынның өмір жолы мен шығармашылығы – кейінгі ұрпаққа үлгі. Бүгінгі кештің де басты мақсаты – біртуар азаматтың есімін елге қайта жаңғыртып, оның шығармаларын жас ұрпаққа таныстыру. Сондықтан Ибрагим ақынның артында қалдырған жырлары – кейінгі буынға жеткізген рухани жалғасы деп білеміз. Еліміз аман, жүз шайырдың мекені болған киелі Қармақшымыз гүлдене берсін,- деді Диас Асылбекұлы.Ибрагим Бекмаханұлы – Сырдың бойында дүниеге келіп, қазақтың ұлан-ғайыр даласының тынысын бейнелеген қаламгер. Сыр, Жезқазған, Ұлытау, Торғай өңірлерінің тарихы мен тағылымын шығармаларына арқау еткен ақынның жырларынан туған жерге деген сүйіспеншілік, елге деген құрмет пен ұлттық болмысты байқаймыз.Іс-шараның тағылымды тұсы ретінде ақындар мен өнерпаздар біртуар тұлғаға арналған жыр-арнаулары мен өлеңдерін оқыды. Ақындарымыз өз жырларын арнаса, бірқатар азамат сырлы өлеңдерін оқып, көрерменге оның шығармашылық әлемінен сыр шертті. Әдеби-сазды кеште Ибрагим Бекмаханұлының сөзіне жазылған әндер де орындалды.Сондай-ақ тағылымды кездесуде белсенді қатысқан өнерпаздарға аудан әкімінің орынбасары Диас Молдабаевтың арнайы «Алғыс хаты» табысталды.Кеш барысында жыраудың замандастары мен қаламдас інілері ағартушы тұлғаның адами болмысы, шығармашылық жолы, елге жасаған еңбегі туралы естеліктерімен бөлісті.Қасиетті Қармақшының жырлы жолын жалғаған ақынның есімі ел жадында, ал жырлары ұрпаққа аманат.

«Жыр – аманат»  атты еске алу кеші өтті

Маңғыстау облысында қызметтік міндеттерін атқару кезінде әскери қызметшілердің қаза табуына байланысты елімізде 25 қыркүйек Жалпыұлттық аза тұту күні болып жарияланды.Сурет: gov.kz&nbsp;

25 қыркүйек - Жалпыұлттық аза тұту күні

<a href="https://kyzylorda-news.kz/">Kyzylorda-news.kz</a> Бүгін Сырдария ауданында мемлекет және қоғам қайраткері Елеу Көшербаевты еске алуға арналған волейболдан ХХVII халықаралық турнирдің салтанатты ашылу рәсімі өтті. Іс-шараға облыс әкімінің орынбасары Қайрат Нұртай, генерал-майор, Ауған соғысының ардагері Әлімжан Ерниязов, ардагерлер, мемлекет және қоғам қайраткерлері, Елеу Көшербаевтың ұрпақтары мен спорт саласының өкілдері қатысты.Турнирдің ашылу салтанатында облыс әкімінің орынбасары сөз сөйлеп, Елеу Көшербаевтың аймақтың әлеуметтік-экономикалық және қоғамдық дамуына қосқан үлесіне тоқталды. Сонымен қатар облыс әкімі Мұрат Нәлқожаұлының құттықтау хатын табыстады.Жиында генерал-майор, Ауған соғысының ардагері Әлімжан Ерниязов сөз сөйлеп, жас ұрпаққа спортта биік белестерді бағындырып, ел абыройын асқақтатуға тілектестігін білдірді. Сондай-ақ Қызылорда облысының Құрметті азаматы Айтбай Көшербаев сөз алып, дәстүрлі турнирдің жыл сайын жоғары деңгейде ұйымдастырылып, мемлекет және қоғам қайраткерінің есімін ұлықтауға, өскелең ұрпақты отансүйгіштікке тәрбиелеуге үлес қосып келе жатқанын атап өтті.<img src="https://knadmin.beoblood.kz/uploads/Vollejbol_turniri_2_140664c15f.jpg" alt="Воллейбол турнирі 2.jpg">Биылғы жарысқа 2012–2013 жылдары туған жасөспірім ұлдардан құралған 22 команда қатысуда. Халықаралық додаға еліміздің барлық өңірлерінен, Астана, Алматы, Шымкент және Байқоңыр қалаларынан, сондай-ақ Өзбекстан Республикасынан командалар келіп қатысуда. Жалпы, турнирге 400-ге жуық жас спортшы өзара бақ сынауда.Е.Көшербаев Тереңөзек, Сырдария аудандық атқару комитеттерінің төрағасы, Қармақшы, Қазалы аудандық партия комитеттерінің бірінші хатшысы, облыстық атқару комитеті төрағасының орынбасары болған. Зейнетке шыққан соң да облыстық ардагерлер кеңесінің төрағасы ретінде игі істер атқарған.&nbsp;Мемлекет және қоғам қайраткерінің есімін ұлықтауға арналған дәстүрлі турнир жас спортшылардың волейболға қызығушылығын арттырып, спорттық шеберлігін шыңдауға бағытталған. Жарыс барысында жас волейболшылар өзара сынға түсіп, үздік командалар мен ойыншылар анықталады.

Елеу Көшербаевты еске алуға арналған ХХVII халықаралық волейбол турнирінің ашылу салтанаты өтті

<a href="https://kyzylorda-news.kz/">Kyzylorda-news.kz</a> Президент Қасым-Жомарт Тоқаевтың басшылығымен соңғы жеті жылда Қазақстанда цифрлық трансформация қарқынды дамып, елдің технологиялық әлеуеті жаңа деңгейге көтерілді.2019–2026 жылдар аралығындағы негізгі нәтижелер:<ul><li style="text-align:justify;">Электрондық үкімет. Қазақстан БҰҰ-ның 193 мемлекет арасындағы электрондық үкіметті дамыту индексінде 39-орыннан 24-орынға көтеріліп, өз көрсеткішін 15 позицияға жақсартты.</li><li style="text-align:justify;">Ғарыштық технологиялар экспорты. Көрсеткіш нөлден 70 млн АҚШ долларына дейін өсті.</li><li style="text-align:justify;">IT-экспорт. IT-қызметтер экспорты 38 есеге артып, 30 млн доллардан 1,142 млрд долларға жетті. Оның ішінде Astana Hub резиденттерінің экспорты 633 млн долларды құрады.</li><li style="text-align:justify;">Интернет инфрақұрылымы. Интернетпен қамту деңгейі халықтың 84%-ынан 98%-ына дейін артты. Орташа интернет жылдамдығы 21-ден 88–94 Мбит/с дейін өсті. Қазіргі уақытта бесінші буын — 5G байланысы енгізілуде.</li><li style="text-align:justify;">Цифрлық мемлекеттік қызметтер. Цифрландырылған мемлекеттік қызметтердің үлесі 80%-дан 91%-ға дейін өсті. Мемлекеттік қызметтердің 96%-ы смартфон арқылы қолжетімді.</li><li style="text-align:justify;">Қолма-қол ақшасыз төлемдер. Қолма-қол ақшасыз төлемдер көлемі 14 есеге өсіп, 13,3 трлн теңгеден 186,3 трлн теңгеге жетті.</li></ul><img src="https://knadmin.beoblood.kz/uploads/Whats_App_Image_2026_09_24_at_16_50_18_a04c48e3bd.jpeg" alt="Президент инфографика.jpeg">Сурет: Ақорда

Қазақстанда цифрлық трансформация қарқынды дамып, елдің технологиялық әлеуеті жаңа деңгейге көтерілді

<a href="https://kyzylorda-news.kz/">Kyzylorda-news.kz</a> Ауылдағы шағын кәсіптің үлкен іске айналуы үшін кейде мүмкіндік пен қолдау жеткілікті. Қызылорда облысы, Жаңақорған ауданында өз кәсібін ауласындағы шағын егістіктен бастаған Наурызбек Айымбетов бүгінде жылыжай шаруашылығын дамытып, жылдық өнім көлемін 20 тоннаға жеткізіп отыр.Бұл – «Әділет» партиясының «Ауыл аманаты» жобасы аясында ауыл тұрғындарының кәсібін дамытуға берілген мүмкіндіктің нақты нәтижесін көрсететін мысалдардың бірі.Наурызбек Айымбетов кәсібін 2019 жылы бастаған. Алғашқы кезде өз ауласындағы шағын жерге егін егіп, жылына 3-4 тонна шамасында қияр өнімін өндірген. Кәсіпті үлкейтуге мүмкіндік болғанымен, қажетті құрал-жабдық пен қаржы мәселесі негізгі кедергілердің бірі болған.2023 жылы кәсіпкер үшін жаңа мүмкіндік ашылды. Ол «Ауыл аманаты» жобасы арқылы 3,9 млн теңге көлемінде жеңілдетілген несие алып, жылыжайға қажетті құрал-жабдықтарды сатып алды. Осыдан кейін өндіріс көлемін арттыруға жол ашылды.Бүгінде бастапқы 3-4 тоннадан басталған кәсіптің жылдық өнім көлемі 20 тоннаға дейін жетіп отыр. Қияр мен қызанақ және Болгар бұрышын өндіріп отырған кәсіпкер өнімін жергілікті тұрғындарға ұсынады.&nbsp;Кәсіптің тағы бір маңызды нәтижесі – екі адамның тұрақты жұмыспен қамтылуы. Яғни шағын ауладағы егістіктен басталған іс бүгінде тек отбасының табыс көзі ғана емес, ауылдағы адамдарға жұмыс беріп отырған отбасылық бизнеске айналды.<img src="https://knadmin.beoblood.kz/uploads/Whats_App_Image_2026_09_24_at_16_20_19_5fcdb0f3b9.jpeg" alt="Әділет.jpeg"><blockquote>«Кәсібімді алғаш 2019 жылы өз ауламдағы егістіктен бастадым. Ол кезде жылына 3-4 тонна шамасында қияр өндіретінбіз. 2023 жылы «Ауыл аманаты» жобасы арқылы 3,9 млн теңге жеңілдетілген несие алып, жылыжайға қажетті құрал-жабдықтарды сатып алдық. Бұл бізге өндіріс көлемін арттыруға мүмкіндік берді. Бүгінде өнім көлемі 20 тоннаға жетті. Ең бастысы – кәсібіміз отбасылық іске айналып, екі адамды тұрақты жұмыспен қамтып отырмыз», – дейді «Аимбетов» ЖК төрағасы Наурызбек Айымбетов.</blockquote>Кәсіпкердің айтуынша, ауылдағы бизнестің дамуы үшін қаржылай қолдаумен қатар, жер, су және инфрақұрылым мәселелерін шешудің де маңызы зор.Ал «Ауыл аманаты» жобасының мәні де осында – ауыл тұрғынына дайын жұмыс ұсынумен ғана шектелмей, өз кәсібін бастауға және бар кәсібін кеңейтуге мүмкіндік беру. Жоба ауыл тұрғындарының табысын арттыруға, кәсіпкерлікті дамытуға және жаңа жұмыс орындарын ашуға бағытталған.&nbsp;Наурызбек Аймбетовтың кәсібіндегі өзгеріс – осы мүмкіндіктің нақты көрсеткіші. 3 тоннадан басталған өнім көлемі 20 тоннаға жетті, шағын кәсіп отбасылық бизнеске айналды, екі адам жұмыспен қамтылды. Ауылдағы кәсіпке берілген қолдаудың нәтижесі – осындай нақты көрсеткіштерден көрінеді.<img src="https://knadmin.beoblood.kz/uploads/Whats_App_Image_2026_09_24_at_16_20_19_1_b57daf064f.jpeg" alt="Әділет.jpeg">

«Ауыл аманаты» : Жаңақорғандық кәсіпкер жылыжай шаруашылығын дамытып, өнім көлемін ұлғайтуда

<a href="https://kyzylorda-news.kz/">Kyzylorda-news.kz</a> Қызылорда облысында кәмелетке толмағандар арасында синтетикалық есірткіні қолдану мен таратудың алдын алуға бағытталған ақпараттық-профилактикалық семинар өтті.Семинарға облыстағы 267 білім беру ұйымының 3744 педагогі қатысты.Іс-шара барысында шстаздарға білім алушылар арасында профилактикалық жұмыстарды ұйымдастыру, жасөспірімдердің мінез-құлқындағы алаңдататын өзгерістерді дер кезінде байқау, сондай-ақ олардың құқық бұзушылыққа тартылуының алдын алу бойынша практикалық ұсынымдар берілді.Семинарда интернет қауіпсіздігі мәселесіне де ерекше назар аударылды. Себебі әлеуметтік желілер мен мессенджерлер арқылы жасөспірімдер есірткінің заңсыз айналымына байланысты түрлі ұсыныстарға тап болуы мүмкін. Осыған байланысты педагогтерге оқушылармен ашық әрі сенімді түрде әңгімелесу, ықтимал қауіптерді түсіндіру және интернет кеңістігінде қауіпсіз мінез-құлық дағдыларын қалыптастыру ұсынылды.Профилактика саласындағы тәжірибелерімен Есірткі құқық бұзушылықтарының профилактикасы жөніндегі кеңес пен «Қызылорда волонтерлері» ҮЕҰ өкілдері бөлісті. Олар жастарды әлеуметтік маңызы бар, профилактикалық және қоғамдық жобаларға белсенді тартудың маңыздылығын атап өтті.Мұндай іс-шараларды өткізу педагогтердің кәсіби құзыреттілігін арттыруға және білім беру ұйымдары, ата-аналар, қоғамдық бірлестіктер мен профилактика субъектілері арасындағы өзара байланысты нығайтуға мүмкіндік береді.<img src="https://knadmin.beoblood.kz/uploads/V_Kyzylordinskoj_oblasti_proshyol_seminar_po_profilaktike_sinteticheskih_narkotikov1_470441ce0f.jpg" alt="В Кызылординской области прошёл семинар по профилактике синтетических наркотиков1.jpg">

Қызылорда облысында синтетикалық есірткінің алдын алу бойынша семинар өтті

<a href="https://kyzylorda-news.kz/">Kyzylorda-news.kz</a> Қызылордада бейнебақылау камераларының көмегімен қоғамдық орынды ластау дерегі анықталды. Полициямен жедел түрде тиісті шаралар қабылданды. Құқық бұзушы анықталып, полиция бөліміне жеткізілді.Темекі тұқылын тастап, қоғамдық орынды ластаған 27 жастағы қала тұрғыны Бексеитов Ильяс болып шықты. Бұл әрекеті үшін азаматқа қатысты әкімшілік шара көрілді. Сот шешімімен оған айыппұл салынды.Құқық бұзушылықтың салдары жойылып, ластанған аумақ тазартылды. Мұндай құқық бұзушылықтар үшін заңмен жауапкершілік көзделген. Сондықтан әрбір тұрғын қоғамдық орындарда тазалық сақтап, қоршаған ортаға ұқыпты қарауы тиіс.«Заң мен тәртіп» қағидаты – қоғамдық тәртіпті сақтау, құқық бұзушылықтардың алдын алу және азаматтардың заң талаптарын орындауын қамтамасыз етудің маңызды негізі. Осы бағытта қоғамдық орындарда тазалық пен тәртіпті сақтау талаптарының орындалуына полициямен тұрақты бақылау жүргізілуде.

Қызылордада қоғамдық орынды ластаған азамат жауапқа тартылды

<a href="https://kyzylorda-news.kz/">Kyzylorda-news.kz</a> Қазақстанда жыл сайын қыркүйектің соңғы жексенбісінде Еңбек күні аталып өтеді. Бұл адал еңбектің, кәсіби шеберліктің маңызын атап, түрлі салада еңбек етіп жүрген азаматтардың ел дамуына қосқан үлесін бағалауға арналған ерекше күн. Осыған орай Мемлекеттік еңбек инспекциясы комитетінің Қызылорда облысы бойынша департаментінің басшысы Бектемір Жұмағұловпен сұхбаттасқан едік.– Бектемір Ұлыбекұлы, Мереке құтты болсын! Еңбек күнінің мән-маңызын қалай бағамдайсыз?<blockquote>– Өзіңізге мәлім, қыркүйектің соңғы жексенбісінде елімізде Еңбек күні атап өтіледі. Қай қоғамда болмасын еңбек адамының рөлі қашанда зор. Азаматтардың еңбегі елдің даму деңгейін айқындап, әрбір отбасының амандығын, тұлғаның дамуын қамтамасыз ететін шешуші фактор болып саналады. Бұл күнді мерекелеудің негізгі мақсаты еңбек адамын лайықты бағалау, жастар арасында жұмысшы мамандықтарды насихаттау болып табылады, – деді.</blockquote>– Атаулы күнге байланысты арнайы іс-шаралар ұйымдастырылып жатқан болар?<blockquote>– Әрине, Еңбек күніне орай жоспарға сәйкес, қыркүйек айының 1-20 аралығында «Ашық есік күні» ұйымдастырылды. Аталған іс-шарада мемлекеттік еңбек инспекторлары 100-ге жуық азаматтарға еңбек заңнамасына қатысты кеңес берді. Сондай-ақ, ірі кәсіпорындардың еңбек ұжымдарымен кездесулер өткізіліп, еңбек қауіпсіздігі бойынша жан-жақты түсіндірмелер берілді. Жалпы, департаментпен «Заң мен тәртіп» және «Адал азамат» қағидаттары шеңберінде жыл соңына дейін еңбекті қорғау және еңбек қауіпсіздігі тақырыптарындағы шараларды жалғастыратын боламыз, – деді.</blockquote>– Өңірдегі еңбек қауіпсіздігі саласының қазіргі жай-күйі қандай?<blockquote>– Жалпы, жарақат алу деңгейін төмендету және жазатайым оқиғалардың алдын алуға бағытталған бірнеше маңызды шараларға тоқталсам. Кәсіпорындардағы кәсіби тәуекелдерге бағалау жүргізу. Бұл жұмыс орнындағы қауіпті және зиянды өндірістік факторларды анықтау болып табылады. Бүгінде өңірде 22 кәсіпорында аталған бағалау жұмысы жүргізілген. Сонымен қатар &nbsp;«Нөлдік жарақаттану – Vision Zero» тұжырымдамасы – өндірістегі жазатайым оқиғалар мен кәсіби аурулардың алдын алуға және еңбек қауіпсіздігін арттыруға бағытталған халықаралық тәсіл. Аталмыш тұжырымдағы биыл облыста 51 кәсіпорын қосылып отыр. &nbsp;Бұл шаралар жазатайым оқиғалардың және жарақаттанудың алдын алу, азайтудың басты құралы болып табылады. Сондай-ақ, құрылыс алаңдарында жазатайым оқиғалардың алдын алуға бағытында 27 кәсіпорында тік бақылау енгізілген. Бұл тәсіл құрылыс алаңдарындағы бас мердігерлермен қосалқы мердігерлер тарапынан еңбек қауіпсіздігі талаптарының сақталуын бақылауға негізделген. Тағы бір маңызды қадам бұл жұмыскерлерді еңбек міндеттерін атқарған кезде жазатайым оқиғалардан міндетті сақтандыру шартын жасасу болып табылады. Еңбек заңнамасына сәйкес жұмыс берушілер өз жұмыскерлерін сақтандыруға міндетті. Ал, талап орындалмаған жағдайда әкімшілік шара қолдану қарастырылғанын атап өтемін. &nbsp;Еңбек қауіпсіздігін қамтамасыз ету бағытындағы маңызды шараларды насихаттау жұмыстары да назардан тыс қалған емес. Осы жұмыстарды күшейту мақсатында 2025 өткен жылдың ақпан және маусым айларында барлық аудандарда еңбек ұжымдарымен кездесулер өткізіліп, түсіндірме жұмыстары жүргізілді. Жазатайым оқиғалардан міндетті сақтандыру шартын жасасуға қатысты мәселе үстіміздегі жылы Арал ауданында әлеуметтік әріптестік жөніндегі облыстық үш жақты комиссияның көшпелі отырысында қаралды. Департамент мамандарының қатысуымен Жаңақорған және Шиеліде аталған мәселе аудандық комиссия отырыстарында тыңдалды. Бұл жұмыстар жалғастырылуда, – деді.</blockquote>– Әлеуметтік - еңбек саласындағы цифрландыру шаралары еңбек қатынастарының ашықтығын қаншалықты арттырды?<blockquote>– Жалпы, жүргізіліп жатқан жұмыс еңбек қатынастарының ашықтығын арттыруға, жұмыскерлерді әлеуметтік-еңбек кепілдіктерімен қамтуды кеңейтуге және еңбек заңнамасын бұзудың алдын алуды күшейтуге ықпал етеді. 2026 жылғы 12 наурыздан бастап Қазақстан Республикасының Әкімшілік құқық бұзушылық туралы кодексіне еңбек шарттарын есепке алу саласындағы ашықтық пен тәртіпті арттыруға бағытталған өзгерістер күшіне енді. Атап айтқанда, Еңбек шарттарын есепке алудың бірыңғай жүйесіне ақпаратты белгіленген мерзімдерде, толық енгізбеу және дұрыс емес ақпарат енгізу түрінде жасалған бұзушылықтар үшін әкімшілік шара қолдану көзделген, – деді.</blockquote>– Жыл басынан бері мемлекеттік бақылау нәтижесімен қанша жұмыскерлердің еңбек құқықтары қорғалды?<blockquote>– Үстіміздегі жылдың 8 айында мемлекеттік еңбек инспекторларымен жеке және заңды тұлғалардан түскен жолданымдары негізінде 264 жоспардан тыс тексеру жүргізіліп, орындауға мінедтті 210 нұсқама берілді. Тексеру нәтижесімен еңбек заңнамасы талаптарын бұзған тұлғаларға қатысты 38 әкімшілік іс қозғалып, жалпы сомасы 8,4 млн.теңге айыппұл салынған. Жалпы, мемлекеттік еңбек инспекторларымен 528 жұмыскерлердің бұзылған еңбек құқықтары қалпына келтірілді, – деді.</blockquote>– Сұхбатымыздың соңында Еңбек күніне орай облыс тұрғындарына қандай тілегіңіз бар?<blockquote>– Барша қызметкерлер мен еңбек ұжымдарын «Еңбек күні» мерекесімен құттықтаймын. Бүгінде өңіріміз әлеуметтік-экономикалық дамуы қарыштап, үлкен құрылыс алаңына айналды десек болады. Елді - мекендер абаттандырылып, жолдар жөнделуде, тұрғындар үшін маңызды әлеуметтік нысандардың құрылыстары жүргізілуде. Осындай игі істерге зор үлес қосып отырған баршаңызға адал еңбектеріңіз үшін шынайы алғысымды білдіремін. Кез келген мемлекеттің қарыштап дамуы оның әрбір азаматының адал еңбегімен келетіні бүгінгі күннің шындығы. Баршаңызға егемен еліміздің өсіп-өркендеп, гүлденуі жолында жаңа табыстар, жемісті еңбек, дендеріңізге саулық, отбасыларыңызға амандық тілеймін, – деді.</blockquote>– Мазмұнды сұхбатыңызға рақмет. Жұмыстарыңызға табыс тілеймін!

Бектемір Жұмағұлов: «Еңбек адамын лайықты бағалаудың жастар үшін маңызы зор»

<a href="https://kyzylorda-news.kz/">Kyzylorda-news.kz</a> Қасым-Жомарт Тоқаев Қазақстан Халық Кеңесінің алғашқы сессия отырысында Құрылтайға қатысты бірқатар мәселелер туралы сөз қозғады.<blockquote>«Конституция халқымыздың мәңгілік темірқазығы және Әділетті, Озық, Таза Қазақстанның мызғымас арқауы ретінде елімізді жарқын келешекке апаратыны сөзсіз. Конституциялық реформа нәтижесінде біз еліміздің заң шығарушы органы – Құрылтайдың алғашқы сайлауын өткіздік. Шетелдік сарапшылардың пайымдауы бойынша сайлау жоғары деңгейде, мінсіз өтті. Халық қолдаған Құрылтайға бес партия кірді. 28 тамыз күні депутаттар өз жұмысына кірісті. Үкіметтің жаңартылған құрамы жасақталды. Вице-Президент тағайындалды. Жаңа мемлекеттік мекеме – Қазақстан Республикасы Қауіпсіздік Кеңесінің Аппараты құрылды. Міне, бүгін Қазақстан Халық Кеңесі де өз қызметін бастап отыр. Осы тарихи оқиғаның мән-мағынасын ешқашан жадымыздан шығармайық, құрметті отандастар! Түптеп келгенде, бір жылдың ішінде ұлт тағдырына тікелей ықпал ететін аса маңызды оқиғалар болды. Біз аз ғана уақытта тұтас мемлекет пен бүкіл қоғамның сипатын өзгерткен аса ауқымды реформаларды сапалы жүзеге асырдық. Ал қазіргі таңда бұл – өркениетті, жасампаз және ең бастысы біртұтас ұлттың ғана қолынан келетін іс деп ашық түрде айтуға болады».</blockquote>Сурет: Ақорда

Президент: Конституциялық реформа нәтижесінде біз еліміздің заң шығарушы органы – Құрылтайдың алғашқы сайлауын өткіздік

<a href="https://kyzylorda-news.kz/">Kyzylorda-news.kz</a> Президент былтырғы халыққа Жолдауында бір палаталы Парламент құру туралы бастама көтергенін жеткізді.<blockquote>– Мемлекет өміріндегі бұл маңызды үдеріс осыдан тура бір жыл бұрын басталды, мұны сіздер жақсы білесіздер. Мен былтырғы халыққа Жолдауымда бір палаталы Парламент құру туралы бастама көтердім. Аталған ұсыныс қоғамымызда қызу әрі кең ауқымда талқыланды. Ел ішінде ашық, шынайы пікірталас болды. Азаматтарымыздың тарапынан мыңдаған ұсыныстар, ой-пікірлер айтылды. Осылайша, талқылаудың соңы кейінгі 30 жылда болмаған мазмұны терең конституциялық реформаға ұласты. Биыл 15 наурызда жалпыұлттық референдум арқылы тұтас елімізді өрлеу дәуіріне бастайтын қастерлі құжатты – Конституциямызды қабылдадық. Бұл маңызды тарихи оқиға халықаралық қауымдастық тарапынан зор ықылас пен қызығушылық туғызды. Өйткені қазіргідей бұлыңғыр, тұрақсыз әлемде жаңа Конституцияның қабылдануы бүкіл дүние жүзі тарихында өте сирек кездесетін жағдай деп айтуға болады. Беделді саясаткерлер мен сарапшылар Қазақстанның бұл қадамын шын мәнінде бірегей саяси оқиға деп бағалап, мұны батылдық пен жасампаздықтың жарқын көрінісі ретінде мойындау қажет екенін бірауыздан айтуда.</blockquote>Сурет: Ақорда

Қазақстан және Қызылорда облысының жаңалықтары