<a href="https://kyzylorda-news.kz/">Kyzylorda-news.kz</a> Қызылорда облысына арнайы келген әлемге танымал блогерлер Дастан Мұхамедрахым мен Джо Хаттаб (HATAB JEHAD JAMAL TAWFIQ) Қармақшы ауданындағы Қорқыт ата мемориалдық кешеніне барып, тарихи-мәдени нысанмен танысты.<img src="https://knadmin.beoblood.kz/uploads/lemge_tanymal_blogerler_or_yt_ata_keshenine_ta_zym_etti_adb27e700c.jpg" alt="Әлемге танымал блогерлер Қорқыт ата кешеніне тағзым етті.jpg">Әлемнің түкпір-түкпіріндегі тарихи және мәдени орындар туралы деректі фильмдер түсіріп жүрген блогерлер Қорқыт ата кешенінің сәулеттік келбеті мен рухани маңызына ерекше қызығушылық танытты.<img src="https://knadmin.beoblood.kz/uploads/lemge_tanymal_blogerler_or_yt_ata_keshenine_ta_zym_etti1_a0ddad58c4.jpg" alt="Әлемге танымал блогерлер Қорқыт ата кешеніне тағзым етті1.jpg">Кездесу барысында Қорқыт ата ескерткішіне тағзым етіліп, бабаның рухына құран бағышталды. Сондай-ақ халқымыздың рухани мұрасы мен тарихи жәдігерлерін жинақтаған музеймен танысты.<img src="https://knadmin.beoblood.kz/uploads/lemge_tanymal_blogerler_or_yt_ata_keshenine_ta_zym_etti3_8cf2d9bc21.jpg" alt="Әлемге танымал блогерлер Қорқыт ата кешеніне тағзым етті3.jpg">Айта кетейік алдағы уақытта танымал контент авторлары Байқоңыр ғарыш айлағында болып, аймақтың туристік әлеуетін халықаралық аудиторияға таныту мақсатында деректі фильм түсіруді жоспарлап отыр.Бұған дейін, облыс әкімінің орынбасары, Қазақстан Республикасы Президентінің «Байқоңыр» кешеніндегі арнаулы өкілі Қайрат Нұртай, қала әкімі Нұржан Ахатов Қызылорда қаласына арнайы келген әлемге танымал блогерлер Дастан Мұхамедрахым мен Джо Хаттабқа (HATAB JEHAD JAMAL TAWFIQ) қайта жаңғыртылған Президент саябағын таныстырған болатын.&nbsp;Фото: Қармақшы ауданы әкімінің баспасөз қызметі

Әлемге танымал блогерлер Қорқыт ата кешеніне тағзым етті

<a href="https://kyzylorda-news.kz/">Kyzylorda-news.kz</a>&nbsp; &nbsp;Облыс әкімі Мұрат Ергешбаев Байқоңыр қаласы әкімшілігінің басшысы Константин Бусыгинмен кездесті. Кездесуде Байқоңыр қаласының әлеуметтік және инженерлік инфрақұрылымын жетілдіру мәселелері қаралды.Аймақ басшысы Қазақстан Республикасы және Ресей Федерациясы мемлекеттік органдарының бірлескен жұмысы нәтижесінде «Байқоңыр» кешенінде маңызды жобалар кезең-кезеңімен жүзеге асырылып жатқанын атап өтті.Жыл басында Байқоңыр қаласында әрқайсысы 50 пәтерлік бес тұрғын үй пайдалануға берілді. Қазіргі уақытта сумен жабдықтау және су бұру жүйелері жаңғыртылуда. Жоба коммуналдық инфрақұрылымның сенімділігін арттырып, халыққа көрсетілетін қызмет сапасын жақсартуға мүмкіндік береді.Бұдан бөлек, дене шынықтыру-сауықтыру кешенінің құрылысы да аяқталуға жақын, нысанды шілде айында пайдалануға беру жоспарланған.Келесі оқу жылынан бастап Қазақстан Республикасының білім беру стандартымен аралас мектеп ашу мақсатында №7 мектеп ғимаратын облыстық білім басқармасының қарамағына беру жұмыстары жүргізілуде.Кездесуде тараптар алдағы уақытта да өзара тиімді ынтымақтастықты жалғастырып, қала тұрғындарының өмір сүру сапасын арттыруға бағытталған бірлескен жобаларды жүзеге асыруға мүдделі екенін жеткізді.Фото: Қызылорда облысы әкімінің баспасөз қызметі&nbsp;

Байқоңыр қаласындағы әлеуметтік және инженерлік инфрақұрылымды жетілдіру мәселесі қаралды

<a href="https://kyzylorda-news.kz/">Kyzylorda-news.kz</a>&nbsp; Өңірде өрт қауіпті маусым басталғалы мемлекеттік орман қоры аумақтарында 26 өрт оқиғасы тіркелді. Өрттердің жалпы аумағы 1295 гектардан асып, өткен жылдың сәйкес кезеңімен салыстырғанда бірнеше есе жоғары көрсеткішке жеткен. Осыған байланысты өңірде табиғи өрттердің алдын алу және қауіпсіздік шараларын күшейту жұмыстары жалғасуда. Бұл туралы Өңірлік коммуникациялар қызметінің ақпарат алаңында өткен баспасөз конференциясында облыстық ТЖД Мемлекеттік өрт бақылау басқармасының бастығы Бейбітхан Спанов мәлімдеді.Спикердің айтуынша, биылғы өрттердің басым бөлігі Жалағаш, Шиелі, Арал және Сырдария аудандарында тіркелген. Өрт ошақтарының бірқатары геопортал жүйесі мен рейдтік іс-шаралар барысында анықталса, кейбір жағдайлар бақылаулы өртеу жұмыстары кезінде белгіленген талаптардың сақталмауынан орын алған.<blockquote>- Өрттердің шығу себептерін анықтау және олардың алдын алу бағытында кешенді жұмыстар жүргізілуде. Анықталған деректер бойынша бірнеше өрттің ашық отты абайсыз пайдалану салдарынан шыққаны белгілі болды. Кінәлі тұлғалар жауапкершілікке тартылып, тиісті шаралар қабылданды. Сонымен қатар өрт қауіпсіздігі талаптарының сақталуына бақылау күшейтілді. Өрт қаупін азайту мақсатында облыс көлемінде ауқымды профилактикалық жұмыстар атқарылуда. Жыл басынан бері орман шаруашылығы, полиция және жергілікті атқарушы органдардың қатысуымен 50-ден астам рейд ұйымдастырылып, 125 профилактикалық іс-шара өткізілген. Оған 1400-ден астам тұрғын қамтылды. Сондай-ақ, халық арасында түсіндіру жұмыстары күшейтілген. Өрт қауіпсіздігі талаптарын насихаттау мақсатында ондаған бейнеролик, радио хабарлама мен мақалалар жарияланып, әлеуметтік желілер арқылы ақпараттық жұмыстар жүргізілген. Өңірдің төтенше жағдайларға дайындығын арттыру мақсатында мамыр айында «Өрт-2026» республикалық командалық-штабтық оқу-жаттығуы өткізілді. Іс-шараға 70 техника, тікұшақ, 200 қызметкер және арнайы кинологиялық топ жұмылдырылған. Бұдан бөлек, жыл басынан бері 10 өрт-тактикалық оқу-жаттығу ұйымдастырылып, төтенше жағдай кезінде күштер мен құралдардың іс-қимылы пысықталды,-деді Бейбітхан Оразайұлы.&nbsp;</blockquote><img src="https://knadmin.beoblood.kz/uploads/irde_rt_auipsizdigin_amtamasyz_etu_bojynsha_zh_mystar_k_shejtilgen_rezhimde_zh_rgizilude_5ce707ee76.jpg" alt="Өңірде өрт қауіпсіздігін қамтамасыз ету бойынша жұмыстар күшейтілген режимде жүргізілуде.jpg">Фото: Нұрболат Нұржаубай

Өңірде өрт қауіпсіздігін қамтамасыз ету бойынша жұмыстар күшейтілген режимде жүргізілуде

<a href="https://kyzylorda-news.kz/">Kyzylorda-news.kz</a> Бүгін Жалағаш ауданының әкімі Ардақ Ибраимовтың төрағалығымен мәжіліс өтті. Мәжілістің күн тәртібінде туризм саласын дамыту және бірқатар өзекті мәселелер қаралды.Жиында аудан әкімі туризмнің өңір экономикасын дамытудағы маңыздылығын атап өтіп, демалыс аймақтарын абаттандыру, жол бойындағы сервистік кешендердің талапқа сай әрі сапалы қызмет көрсетуін қамтамасыз ету, келушілер үшін қолайлы жағдай жасау, санитарлық тазалық пен қауіпсіздік талаптарын сақтау бағытында жауапты сала басшыларына нақты міндеттер жүктеді.Сонымен қатар, аудан аумағындағы мәдени-тарихи ескерткіштерді күтіп-ұстау, олардың инфрақұрылымын жақсарту, туристерге қолжетімділігін арттыру және өңірдің туристік әлеуетін көтеру бағытында сала басшылары мен кент және ауылдық округ әкімдеріне тапсырмалар берілді.Сондай-ақ, мәжілісте облыс әкімінің тапсырмасына сәйкес ауданға инвесторлар тарту, жаңа өндірістік жобаларды іске асыру және кәсіпкерлік бастамаларды қолдау мәселелері де талқыланды. Осы бағыттағы жұмыстарды жандандырып, нақты жобаларды сүйемелдеу және олардың іске асырылуын тұрақты бақылауда ұстау қажеттігі ескертілді.Айта кетейік, аудан бойынша мемлекеттік тізімге енгізілген 62 тарихи-мәдени ескерткіш бар. Оның ішінде 1 ескерткіш республикалық маңызы бар нысан болса, 55-і жергілікті маңызы бар ескерткіштер қатарына жатады. Ал 6 нысан алдын ала тарихи маңызы бар объектілер тізіміне енгізілген.

Туризм саласын дамыту және әлеуметтік нысандарды күтіп-ұстау мәселелері талқыланды

<a href="https://kyzylorda-news.kz/">Kyzylorda-news.kz</a> Туризм және спорт министрі Ербол Мырзабосынов “Хватайка” ойыншық автоматына қатысты жағдайға пікір білдірді. Бұл туралы <a href="https://stan.kz/qazaqstanda-oiynsyq-usynatyn-avtomattarga-qatysty-zan-azirlenbek-435601/">Stan.kz </a>ақпарат агенттігі хабарлайды.&nbsp;Журналистер министрден елде неліктен ойыншық автоматтарына әлі күнге дейін тыйым салынбағанын сұрады. &nbsp;Ал министр қазіргі заңнамада олардың қызметі нақты реттелмегенін айтты.<blockquote>“Қолданыстағы заңнамада мұндай автоматтарды реттейтін нақты нормалар жоқ. Жақын уақытта заңнамаға тиісті түзетулер әзірлеу жоспарланып отыр. Қазір бұл автоматтардың қызметі ешбір мемлекеттік органның құзыретіне жатпайды. Сондықтан олардың қызметін бақылайтын уәкілетті орган айқындалады”, – деді министр.</blockquote>Фото: stan.kz

Қазақстанда ойыншық ұсынатын автоматтарға қатысты заң әзірленбек

<a href="https://kyzylorda-news.kz/">Kyzylorda-news.kz</a> Туризм және спорт министрі Ербол Мырзабосынов елдегі бірқатар курорттық аймақтарда әлі күнге дейін шешімін таппаған мәселелер бар екенін мәлімдеді. Бұл туралы Stan.kz ақпарат агенттігі хабарлайды.Министрдің мәліметінше, кейбір жағажайларда дәретханалар, киім ауыстыратын кабиналар, құтқару мұнаралары мен суда жүзу аймағын белгілейтін қалқымалы қоршаулар жетіспейді.<blockquote>“Бұл кемшіліктер шомылу маусымы басталғанға дейін, яғни 15 маусымға дейін толық жойылуға тиіс. Осыған байланысты әкімдіктер жазғы маусым басталғанға дейін аталған кемшіліктерді толық жоюды қамтамасыз етуі қажет”, – деді министр Ербол Мырзабосынов.</blockquote>Бұл жағажайларды абаттандыру, санитарлық жағдайды жақсарту және демалушылардың қауіпсіздігін қамтамасыз етуге қатысты.Оған қоса тұжырымдаманың басым бағыттарының бірі – жағажай туризмін дамыту.<blockquote>“Жазғы маусымға дайындық аясында өңірлерде инфрақұрылымды жетілдіру, қызмет сапасын арттыру, демалушылардың қауіпсіздігін қамтамасыз ету және курорттық аумақтарды дамыту бойынша шаралар қабылданып жатыр. Бұл бағыттағы жұмыстың жақсы үлгісі ретінде Алматы облысын атап өткім келеді. Қапшағай су қоймасының жағалауында коммуналдық жағажайларды жаңғырту жұмыстары жүріп жатыр. Нәтижесінде заманауи әрі жайлы инфрақұрылым қалыптасуда”, – деді министр.</blockquote>Оған қоса министр кей өңірлерде жағажай туризміне қатысты мәселе жылдар бойы шешілмей келе жатқанын айтты. Мырзабосыновтың сөзінше, бұл өңірлер республикалық деңгейде қосымша қаржыландыру мен қолдауды қажет етеді.Министр бірқатар мәселе шешімін таппаған өңірлерді атады. Олардың бірі Жетісу облысындағы Алакөл көлінің жағалауы.<blockquote>“Өткен жылдан бері жағалауды бекіту жұмыстары жүріп жатыр. Алайда қазіргі қаржыландыру көлемі жұмысты қажет қарқынмен жүргізуге жеткіліксіз”, – деді министр.</blockquote>Министрдің айтуынша, Абай облысы жағындағы Алакөл жағалауында да түйткілді мәселелер аз емес.<blockquote>“Абай облысында электрмен жабдықтау, жағалауды нығайту, айналма автожол салу, блокты-модульді тазарту құрылыстарын және қатты тұрмыстық қалдықтар полигонын салу сияқты маңызды инфрақұрылымдық жобалар бойынша құрылыс-монтаж жұмыстары әлі басталған жоқ”, – деді министр.</blockquote>Қарағанды облысындағы Балқаш көлі жағасындағы Торанғалық ауылында да мәселелер бар. Мұнда демалушылар көп келетіндіктен, су құбырын тартуға қосымша қаржы қажет.Бурабай курорттық аймағында да кемшіліктер жоқ емес.Министрдің айтуынша, жергілікті көлдердің жағалауын туристерді қабылдауға сапалы дайындау қажет. Сонымен қатар бірқатар инфрақұрылымдық жобалар аяқталмаған.<blockquote>“Щучинск-Бурабай курорттық аймағында Громотуха өзені арқылы өтетін көпір салу және курорттық аумақтағы көлік жүктемесін азайтуға бағытталған жол инфрақұрылымын жаңғырту жобаларын қаржыландыруды қамтамасыз ету қажет”, – деді Ербол Мырзабосынов.</blockquote>Министрдің сөзінше, Қазақстандағы жағажай туризміне қатысты мәселелерді шешу үшін республикалық деңгейде қосымша қаржыландыру мен қолдау қажет. Десе де бұл &nbsp;жағажайларды жайлы ету үшін нақты қанша қаражат қажет екенін айтпады.Фото: freepik.com

Қазақстандағы жағажайларда дәретхана мен құтқарушылар жетіспейді – Туризм министрлігі

<a href="https://kyzylorda-news.kz/">Kyzylorda-news.kz</a> Бүгін Үкімет отырысынан кейін облыс әкімі Мұрат Ергешбаевтың төрағалығымен мәжіліс өтіп, онда туризмді дамыту мәселесі талқыланды. Бұл жиындағы бағыттар бойынша қала әкімдігінде шаһар басшысы Нұржан Ахатов тиісті сала жетекшілеріне бірқатар тапсырмалар жүктеді.&nbsp;Соңғы жылдары туризм - тек ішкі сұранысты қамтып қана қоймай, шетелдіктер үшін де тартымды салаға айналып келеді. Бұл мүмкіндікті тиімді пайдалану мақсатында инфрақұрылымды жақсарту, қызмет сапасын арттыру мен жаңа бағыттарды дамыту қажет.<blockquote>- Туризмді дамытудағы өзекті мәселенің бірі - сервистік қызмет сапасы. Сондықтан барлық қонақ үйлер, тамақтану және қоғамдық орындар, Батыс Еуропа – Батыс Қытай халықаралық автомобиль дәлізінің бойындағы кешендер талаптарға сай болуы тиіс. Ол үшін күнделікті бақылау жүргізіп, кәсіпкерлерге түсіндірме жасауды тапсырамын,-деді Нұржан Сәбитұлы. &nbsp;</blockquote>Бүгінде шаһарымызда туристік бағытта өзге өңірлердің қызығушылығын арттыру мақсатында халыққа көрсетілетін қызметтердің сапасын жақсарту, туристерге жергілікті өнімдердің ассортиментін ұсыну, тарихи орындарға турлар жасау бойынша міндеттер қабылдануда. Сондай-ақ, интернет кеңістігінде қаланың көрікті жерлерінің жаңартылған фотосуреттері енгізілуде.&nbsp;

Тиісті сала басшыларына бірқатар тапсырма жүктеді

<a href="https://kyzylorda-news.kz/">Kyzylorda-news.kz</a> Бүгін Шиелі ауданы әкімдігінің мәжіліс залында аудан әкімі Айтбай Жандарбековтың төрағалығымен мәжіліс отырысы өтті.Мәжіліске аудандық мәслихат төрағасы, аудан әкімінің орынбасарлары, «AMANAT» партиясы аудандық филиалының атқарушы хатшысы, дербес бөлім басшылары, сондай-ақ кент және ауылдық округ әкімдері қатысты.Күн тәртібіндегі негізгі мәселе ретінде ауданда туризм саласын дамыту бағытындағы жұмыстар қаралды. Ауданымызда туристерді қызықтыратын тарихи-мәдени нысандар мен демалыс орындары бар. Атап айтқанда, Еңбекші ауылдық округіне қарасты Қаратау жотасындағы «Бала Сауысқандық» шатқалында орналасқан тасқа қашалған көне суреттер (петроглифтер) мен еліміздің рухани-тарихи мұраларының бірі саналатын «Оқшы ата» кесенесі өңірдің туристік әлеуетін арттыруға мүмкіндік береді. Сонымен қатар, Бәйгеқұм ауылдық округіндегі «Ханқожа» көлінің жағалауында жазғы маусымда жеке кәсіпкерлер ұйымдастырған демалыс орындары тұрғындар мен қонақтарға ақылы қызмет көрсетуде.Туризмді дамыту мәселелері жөнінде аудандық дене тәрбиесі, спорт және туризм бөлімінің басшысы Беркінбай Ермағанбетов баяндама жасап, саладағы атқарылып жатқан жұмыстар мен алдағы кезеңге жоспарланған міндеттерге тоқталды. Сондай-ақ, ауданның туристік әлеуетін тиімді пайдалану, инфрақұрылымды жетілдіру және туристік нысандарды кеңінен насихаттау бағытында бірқатар ұсыныстарын жеткізді.Сонымен қатар, мәжіліс барысында үш қосымша мәселе қаралды. 2026 жылдың ІІ жартыжылдығына мерзімді басылымдарға жазылу барысы және әлеуметтік желілердегі ақпараттық жұмыстардың белсенділігі туралы аудандық қоғамдық даму бөлімінің басшысы Кенжехан Есенбаев хабарлама жасап, аудан аумағындағы жазылым науқанының орындалу деңгейі мен мемлекеттік мекемелердің әлеуметтік желілердегі ақпараттық белсенділігіне тоқталды.Жұмыс берушілер мен жұмыскерлер арасындағы еңбек қатынастары мәселесі бойынша аудандық жұмыспен қамту және әлеуметтік бағдарламалар бөлімінің басшысы Ағыбай Төлегенов баяндама жасап, еңбек заңнамасының сақталуы, еңбек дауларының алдын алу және әлеуметтік әріптестікті нығайту бағытында атқарылып жатқан жұмыстар жөнінде мәлімет берді.Ал көлік салығының орындалуы және мейрамханалар мен кәсіпкерлік нысандарын қайта бағалау жұмыстары туралы аудандық мемлекеттік кірістер басқармасының басшысы Еркеғали Абдрахманов баяндап, салық түсімдерінің орындалу барысы мен салық базасын кеңейту бойынша жүргізіліп жатқан жұмыстарға тоқталды.Мәжіліс қорытындысында аудан әкімі Айтбай Жандарбеков көтерілген мәселелер бойынша тиісті сала басшылары мен кент және ауылдық округ әкімдеріне нақты тапсырмалар беріп, олардың орындалуын тұрақты бақылауда ұстауды тапсырды.

Мәжіліс отырысында бірқатар мәселелер қаралды

<a href="https://kyzylorda-news.kz/">Kyzylorda-news.kz</a> Арал ауданы әкімдігінің мәжіліс залында аудан әкімі Аманжол Оңғарбаевтың төрағалығымен әкімдік мәжілісі өтіп, онда туризм саласын дамыту мәселесі жан-жақты қаралды.Аудан басшысы туризм аудан экономикасын нығайтып, халықтың әл-ауқатын арттыруға ықпал ететін маңызды сала екенін айтып, осы бағыттағы жұмыстарды жан-жақты жандандыру керектігін жеткізді. Бұл жұмыстар мемлекеттік саясат аясында да жан-жақты қолдауға ие болып келеді.Мемлекет басшысының шетелдік инвесторлармен ел экономикасына қосымша қаржы тарту, отандық туризмді дамыту туралы тапсырмасын жүзеге асыру мақсатында облыста туризм басқармасы құрылды. Аталған басқарма өңірдің туристік әлеуетін арттыруға бағытталған кешенді жұмыстарды үйлестіреді.2025 жылдың қорытындысымен ауданға 21 мыңнан астам отандық және 1200 шетелдік турист келген. Бұл көрсеткіш өткен жылмен салыстырғанда 38 пайызға артқан. Осыған байланысты жауапты сала басшыларына туристер санын көбейту, инвестициялық жобаларды іске асыру және барлық индикаторлардың орындалуын қамтамасыз ету жөнінде нақты тапсырмалар берілді.Мәжілісте «Батыс Еуропа – Батыс Қытай» халықаралық автожолы бойындағы сервистік кешендердің жай-күйі, «Аққұмшық» жағажайын дамыту, демалушылардың қауіпсіздігін қамтамасыз ету және туристік нысандардың санитарлық тазалығын сақтау мәселелері де көтерілді.Сонымен қатар, «Арал» геопаркін ЮНЕСКО-ның Жаһандық геопарктер желісіне енгізу жұмыстары талқыланды. Ағымдағы жылдың шілде айында халықаралық сарапшылардың ауданға келуі жоспарлануда.&nbsp;Жиын барысында әлеуметтік желілердегі ақпараттық жұмыстар мен тұрғындармен кері байланысты жандандыру мәселесіне байланысты аудандық қоғамдық даму бөлімінің басшысы М.Марат хабарлама жасады.Арал ауданының әкімі Аманжол Сақыпұлы мәселеге ерекше назар аударып, кемшіліктерді қалпына келтіру бойынша жауапты тұлғаларға тиісті тапсырмалар берді.<img src="https://knadmin.beoblood.kz/uploads/Aral_turizm_salasyn_damytu_2_3064ef8b40.jpg" alt="Арал туризм саласын дамыту 2.jpg">

Инвестициялық жобалардың орындалуын қамтамасыз ету жөнінде нақты тапсырма берді

<a href="https://kyzylorda-news.kz/">Kyzylorda-news.kz</a> Бүгін Қазалы ауданында облыстық бұқаралық ақпарат өкілдерінің қатысуымен баспасөз туры ұйымдастырылуда.Баспасөз туры аясында БАҚ өкілдері ауданымызда Президентіміздің, Үкіметтің және облыс әкімінің қолдауымен аудан халқының игілігіне бағытталған жобалардың жүзеге асырылу барысын халыққа жеткізіп, жан-жақты ақпарат бермек. БАҚ өкілдері ең алдымен аудандағы ең ауқымды жобалардың бірі - Қарлан көпірінің құрылыс алаңында болды.Бүгінде аудандық маңызы бар «Қазалы–Қожабақы–Бозкөл–Кәукей» автомобиль жолының 16 шақырымындағы Қарлан учаскесінде салынып жатқан темір-бетон көпірдің құрылысы бүгінде қарқынды жүргізілуде.Жалпы құны 6 млрд 746 млн теңгені құрайтын жоба аясында қазіргі таңда көпірдің негізгі тірек бөліктерін орнату және бетонтіреулерін құю жұмыстары атқарылуда. Бүгінде 84 дана свай қағу жұмыстары толық аяқталып, жоспарланған 8 тіреудің 4-еуі орнатылған. Қалған тіреулер бойынша құрылыс жұмыстары кезең-кезеңімен жалғасуда.Сырдария өзені арқылы салынатын көпір өткелінің жалпы ұзындығы 2,5 шақырымды құрайды. Оның ішінде көпірдің ұзындығы – 248,29 метр болса, кірме жолдың ұзындығы – 2,3 шақырым. Жобаға сәйкес нысан толықтай жарықтандырылып, жол инфрақұрылымы заманауи талаптарға сай жабдықталатын болады.Қазіргі уақытта құрылыс алаңында 14 арнайы техника мен 25 жұмысшы жұмылдырылған. Мамандардың айтуынша, жұмыстар бекітілген кестеге сәйкес жүргізілуде.Айта кетейік, Қарлан көпірі пайдалануға берілгеннен кейін Өркендеу, Бірлік, Қожабақы, Аранды, Бозкөл, Тасөткел, Лақалы, Ажар, Тасарық және Кәукей елді мекендеріндегі 10 мыңнан астам халықтың жол қатынасы жақсарып, қатынас қатынасы едәуір жеңілдей түспек.<img src="https://knadmin.beoblood.kz/uploads/FB_IMG_1780999555904_4cba873175.jpg" alt="FB_IMG_1780999555904.jpg">

Қарлан көпірінің құрылысы қарқынды 

<a href="https://kyzylorda-news.kz/">Kyzylorda-news.kz</a>&nbsp; Қызылорда облысы Полиция департаменті Алғашқы кәсіби даярлық басқармасында тәжірибе алмасып жатқан қызметкерлерге отбасылық-тұрмыстық зорлық-зомбылықтың алдын алу бағытында түсіндірме жұмыстары жүргізілді.Іс-шара барысында отбасылық-тұрмыстық қатынастар саласындағы құқық бұзушылықтардың алдын алу, тұрмыстық зорлық-зомбылыққа жол бермеу, жәбірленушілердің құқықтарын қорғау және қолданыстағы заңнама талаптары түсіндірілді.Сонымен қатар, қатысушыларға құқықтық сауаттылықты арттыру, қоғамдағы қауіпсіздік пен тұрақтылықты қамтамасыз етудегі полиция қызметкерлерінің рөлі туралы ақпарат беріліп, аталған бағыттағы профилактикалық жұмыстардың маңыздылығы айтылды.&nbsp;Заң талаптарын сақтау – қоғамдағы тыныштық пен отбасы құндылықтарын қорғаудың басты кепілі.

Зорлық-зомбылықтың алдын алу – басты мақсат

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен өткен мәжілісте «Қазсушар» республикалық мемлекеттік кәсіпорны бас директорының бұйрығымен «Сыр суы» филиалының директоры лауазымына тағайындалған Әмиша Ержан Шынтемірұлы таныстырылды.Облыс әкімі жаңа басшының қызметіне сәттілік тілеп, халықты сапалы ауызсумен үздіксіз қамтамасыз етудің қажетті шараларын қабылдауды жүктеді. Өңірдің су шаруашылығы инфрақұрылымын дамыту және жаңғырту, ауызсу жүйелерінің жұмысын қамтамасыз етіп, су жеткізу қызметінің сапасын арттыруды тапсырды.Ержан Шынтемірұлы 1980 жылы Қызылорда облысында дүниеге келген. Қорқыт ата атындағы Қызылорда университетінде «Құрылыс», «Құқықтану» мамандықтары бойынша білім алған.Еңбек жолын «СМП-Қызылорда» серіктестігінде инженер ретінде бастаған.Әр жылдары жеке секторда, мемлекеттік мекемелерде жауапты қызмет істеген.Кейінгі жылдары «Қазсушар» мекемесінің «Сыр суы» филиалы директорының орынбасары қызметін атқарып келді.Фото: Қызылорда облысы әкімінің баспасөз қызметі&nbsp;

Қазақстан және Қызылорда облысының жаңалықтары