<a href="https://kyzylorda-news.kz/">Kyzylorda-news.kz</a> &nbsp;Кеше аудан әкімі Алмасбек Есмаханов саналы ғұмырын ауданның әлеуметтік-экономикалық дамуына арнаған азамат, Бірлік ауылдық округінің әкімі қызметін атқарып келген Өтеп-Әлі Өміртай Жалғасұлына құрмет көрсетіп, зейнет демалысына шығарып салды.<blockquote>– Өміртай Жалғасұлы, саналы ғұмырын туған елінің дамуына, ауылдың өркендеуіне арнаған, өз ісіне адал, еңбекқор азамат. Бұл кісінің атқарған қызметі, ел үшін сіңірген еңбегі әрдайым жоғары бағаланып, көпшілікке үлгі болады. Ұзақ жылдар бойы халықтың сенімін ақтап, жауапты қызметтерді абыроймен атқарып, ауданымыздың әлеуметтік-экономикалық дамуына зор үлес қосты. Бүгінгі зейнеткерлік демалыс – бұл бір белестің аяқталып, жаңа өмір кезеңінің басталуы. Алдағы уақытта да отбасыңызбен бірге аман-есен, ұзақ ғұмыр кешіп, немер-шөберелеріңіздің қызығын көріп, ортамыздың ақылшысы болып жүре беруіңізге тілектеспіз, – деген аудан әкімі Өміртай Жалғасұлына облыстың ең жоғары марапаты – Қызылорда облысының «Құрмет грамотасын» табыстап, иығына шапан жапты.</blockquote>Аудан басшысынан кейін аудандық мәслихат төрағасы Ғазиз Әліш сөз алып, Өміртай Өтеп-Әлінің ауданның әлеуметтік-экономикалық дамуына, оның ішінде ауыл шаруашылығы саласының өркендеуіне қосқан еңбегіне тоқталып, ізгі тілегін жеткізді.Өз кезегінде Өміртай Жалғасұлы аудан басшысы мен әріптестеріне зор алғысын білдіріп, ел игілігі үшін жасап жатқан жұмыстарына сәттілік тіледі.Өтеп-Әлі Өміртай Жалғасұлы – 1995 жылы Алматы зоотехникалық малдәрігерлік институтын зооинженер мамандығы бойынша бітіріп, еңбек жолын 1988 жылы Жалағаш ауданындағы Калинин кеңшарында мал тұқымын асылдандыру зоотехнигі болып бастаған. 1990-2004 жылдары аудандағы шаруашылықтарда жауапты қызметтер атқарған. 2005-2017 жылдар аралығында Ақжона, Майдакөл ауылдық округтерінің әкімі болып қызмет атқарған. 2017-2019 жылдары Қазалы аудандық ауылшаруашылығы бөлімінің басшысы, 2019 жылдан бастап 2026 жылдың наурыз айына дейін Бірлік ауылдық округінің әкімі қызметін абыроймен атқарып келді.Фото: Қазалы ауданы әкімдігі

Құрметті зейнет демалысына шығарып салды

<a href="https://kyzylorda-news.kz/">Kyzylorda-news.kz</a> &nbsp;Кеше аудан әкімі Айтбай Жандарбеков аудандық мәслихат депутаттары және тиісті сала басшыларымен бірге Шиелі кентін аралап, көркейту, көгалдандыру және абаттандыру бағытындағы алдағы жобаларды пысықтады.Кент ішіндегі бірқатар нысандарды аралау барысында аудан басшысы жоспарланған жұмыстардың тиімділігіне мән беріп, ауданның келбетін жақсартуға бағытталған нақты ұсыныстарды қарастырды. Сонымен қатар, абаттандыру жұмыстарының сапасын арттыру, қоғамдық орындарды ретке келтіру және тұрғындарға қолайлы орта қалыптастыру бойынша бірқатар тапсырмалар беріліп, тиісті жоспарлар бекітілді.Сондай-ақ, аудан әкімі Мемлекет басшысының бастамасымен жүзеге асырылып жатқан «Таза Қазақстан» республикалық экологиялық акциясы аясындағы жұмыстардың барысын бағамдады. Аталған акция шеңберінде қоршаған ортаны қорғау, санитарлық тазалықты сақтау және жасыл желектерді көбейту бағытында атқарылып жатқан жұмыстарды жүйелі түрде жалғастыру қажеттігін атап өтті.Аралау барысында кент аумағындағы көркейту және абаттандыру жұмыстары да назардан тыс қалмады. Аудан басшысы жауапты сала жетекшілеріне аумақтардың тазалығын тұрақты бақылауда ұстап, көгалдандыру көлемін арттыру, сондай-ақ инфрақұрылымды жақсарту бойынша нақты міндеттер жүктеді.Жалпы, жүзеге асырылатын жобалар ауданның көркін арттырып қана қоймай, тұрғындардың өмір сүру сапасын жақсартуға және қолайлы экологиялық орта қалыптастыруға бағытталған.Фото: Шиелі ауданы әкімінің баспасөз қызметі

Кент келбетін көркейту бағытында нақты жоспарлар бекітілді

<a href="https://kyzylorda-news.kz/">Kyzylorda-news.kz</a> Қала әкімінің орынбасары Дархан Тұрсынбаевтың төрағалығымен «Қылмыстық жазаларды және өзге де қылмыстық-құқықтық ықпал ету шараларын орындайтын мекемелер мен органдардың қызметіне жәрдемдесу, сондай-ақ қылмыстық жазасын өтеген адамдарға әлеуметтік және өзге де көмекті ұйымдастыру бойынша Қызылорда қаласы әкімдігі жанындағы консультациялық-кеңесші органның» кезекті отырысы өтті.Кеңес отырысында бас бостандығынан айыру орындарынан босатылған және пробация қызметінде есепте тұрған азаматтарға әлеуметтік-құқықтық көмек көрсетілуі және оларға көрсетілген медициналық қызмет туралы мәселелер қаралып, талқыланды.Сонымен қатар, қылмыстық - атқару жүйесі мекемелерінде өндірісті кеңейтуге кәсіпкерлерді белсенді тарта отырып, сотталғандардың еңбекпен қамтылуы туралы мәселелер қаралды.

Қала әкімдігі жанындағы консультациялық-кеңесші орган отырысы өтті

<a href="https://kyzylorda-news.kz/">Kyzylorda-news.kz</a> Экологиялық мәдениетті қалыптастыруға, қалдықтарды бөлек жинау қағидаларын ілгерілетуге және жастар арасында тұрақты экологиялық тәжірибелерді дамытуға бағытталған «ReStart» жобасы аясында Қызылорда қаласында эко-сенбілік өтті.Бұл жобаны «Жасыл экономика» және G-Global-ды дамыту коалициясы ҚР Ғылым және жоғары білім министрлігі мен CCİ Kazakhstan қолдауымен жүзеге асыруда. Аталған көшпелі эко-сенбілік еліміздің 10 өңірін қамтымақ.Сенбілікке қала әкімдігі мен «Жасыл экономика» және G-Global-ды дамыту коалициясының өкілдері, белсенді жастар, Қорқыт Ата атындағы Қызылорда университетінің ерікті студенттері жұмылды. Экологиялық акцияға қатысушылар Самара-Шымкент автожолы бойындағы жасыл белдеу аумағын тазартып, Zero Waste қағидалары және пластикті сұрыптау ережелерімен танысты.

Қызылордада «ReStart» жобасының алғашқы көшпелі эко-сенбілігі өтті

<a href="https://kyzylorda-news.kz/">Kyzylorda-news.kz</a> Қоғамдағы тұрақтылық пен татулық – кез келген мемлекеттің орнықты дамуының басты алғышарты. Әсіресе, көпэтносты Қазақстан үшін бұл мәселе тек әлеуметтік саясаттың бағыты ғана емес, ұлттық қауіпсіздіктің өзегіне айналған стратегиялық басымдық. Осы тұрғыдан алғанда, Қызылорда қаласындағы Достық үйінде өткен облыстық Қазақстан халқы Ассамблеясы жанындағы ақпараттық-түсіндіру тобы мүшелерінің кездесуі – қоғамдық келісімді нығайтуға бағытталған маңызды диалог алаңы болды.Жиынды жүргізген «Қоғамдық келісім» КММ директорының орынбасары Омаров Дәулет Кәрібайұлы ақпараттық-түсіндіру топтарының қоғамдағы рөліне тоқталып, олардың бүгінгі күні тек ақпарат жеткізуші ғана емес, алдын алу, түсіндіру және бағыт-бағдар беретін пәрменді құралға айналғанын атап өтті.Кездесу барысында өңірде атқарылып жатқан жұмыстардың нәтижелері де сараланды. 2025 жылы ақпараттық-түсіндіру тобы тарапынан 147 іс-шара өткізіліп, 5 мыңнан астам адам қамтылған. Ал 2026 жылдың алғашқы тоқсанының өзінде 39 іс-шара ұйымдастырылып, 2063 тұрғынға түсіндіру жұмыстары жүргізілген. Бұл көрсеткіштер қоғаммен жүйелі әрі нәтижелі жұмыс жүргізіліп жатқанын аңғартады.<img src="https://knadmin.beoblood.kz/uploads/o_amdy_kelisim_ltty_auipsizdikti_temir_azy_y1_cd66d8b0bc.jpg" alt="Қоғамдық келісім – ұлттық қауіпсіздіктің темірқазығы1.jpg">Жиында қоғамдық қауіпсіздік мәселелері ерекше назарға алынды. ҚР ҰҚК Қызылорда облысы және Байқоңыр қаласы бойынша департаментінің Терроризмге қарсы орталығы басшысының орынбасары Телеуов Мұрат Сансызбекұлы терроризм мен экстремизмнің алдын алу бағытындағы жұмыстарға тоқталып, қоғамдағы сергектік пен құқықтық сауаттылықтың маңызын атап өтті. Ал облыстық жұмылдыру дайындығы басқармасының терроризмге қарсы қызметті үйлестіру бөлімінің басшысы Ізкенов Бағдат Оразбекұлы өңірдегі қауіпсіздік шараларын үйлестіру және мемлекеттік органдар арасындағы өзара іс-қимылды күшейту мәселелеріне назар аударды.Сонымен қатар, жиында жастар арасындағы өзекті мәселелер де кеңінен талқыланды. Буллинг, вандализм, нашақорлық пен лудомания сияқты әлеуметтік дерттердің алдын алу, сондай-ақ интернет кеңістігінің кері әсерлері жөнінде пікірлер айтылды. Бұл мәселелердің барлығы бүгінгі қоғам үшін аса маңызды екені атап өтілді.Пікір алмасу барысында этномәдени бірлестіктер өкілдері де өз ойларын ортаға салды. Облыстық «Славяне» орталығының төрағасы Галина Щербакова жастар тәрбиесі мен қоғамдық тәртіп мәселелеріне тоқталса, облыстық шешен орталығы төрағасының орынбасары Лайла Пашаева мен Татар орталығының төрағасы Галия Гизатуллина, Ақсақалдар кеңесінің мүшелері Жақсыбай Жакеев пен Асылбек Жұмабаев елдегі бірлік пен тұтастықтың маңыздылығын ерекше атап өтті. Олардың пікірінше, қоғамдағы келісім мен өзара құрмет – ел дамуының басты кепілі.Жалпы, Қазақстан қалыптастырған этносаралық келісім үлгісі – халықаралық деңгейде мойындалған құндылық. Алайда оны сақтау мен дамыту үздіксіз жұмысты талап етеді. Әсіресе, жаһандану дәуірінде түрлі ақпараттық ықпалдар күшейген шақта қоғамның ішкі тұтастығын сақтау – баршаға ортақ міндет.Жиын қорытындысы көрсеткендей, қоғамдық келісім мен тұрақтылықты сақтау – тек мемлекеттік органдардың ғана емес, әрбір азаматтың жауапкершілігі. Ал бірлігі бекем елдің болашағы да баянды болмақ.

Қоғамдық келісім – ұлттық қауіпсіздіктің темірқазығы

<a href="https://kyzylorda-news.kz/">Kyzylorda-news.kz</a>&nbsp; Қармақшы ауданы әкімінің орынбасары Диас Молдабаевтың төрағалығымен аудан әкімдігі жанындағы кәмелетке толмағандардың істері және олардың құқықтарын қорғау жөніндегі комиссия отырысы өтті.Күн тәртібінде үш мәселе қаралды. Алғашқы мәселе бойынша Қармақшы аграрлы-техникалық колледж директорының міндетін атқарушы Әбдікәрім Жұбатқанұлы Қармақшы аграрлы-техникалық колледжінде студенттер арасындағы құқық бұзушылықтың алдын алу бағытында атқарылып жатқан жұмыстар мен алдағы міндеттерді атап өтті.Екінші мәселе бойынша әлеуметтік қорғау саласындағы мүмкіндігі шектеулі балалардың құқықтарының сақталуы туралы Қармақшы аудандық жұмыспен қамту және әлеуметтік бағдарламалар бөлімінің басшысы Ғабит Баймұратұлы баяндама жасаса, үшінші мәселе аясында №106 орта мектеп директоры Индира Жайнарқызы білім беру ұйымдарындағы білім сапасын арттыру, оқушылармен жүргізілетін тәрбие жұмыстары жайында жан-жақты тақылады.Жиын барысында Диас Молдабаев құқық бұзушылықтың алдын алу, жасөспірімдердің қауіпсіздігін қамтамасыз ету бағытындағы жұмыстарды күшейту қажеттігін атап өтті.Отырыс қорытындысы бойынша жауапты мекемелер мен ұйымдарға бірқатар тапсырмалар беріліп, оның орындалуы тұрақты бақылауда болатындығы ескертілді.Фото: Қармақшы ауданы әкімінің баспасөз қызметі

Кәмелетке толмағандардың құқықтарын қорғау мәселелері қаралды

<a href="https://kyzylorda-news.kz/">Kyzylorda-news.kz</a>&nbsp; 2026 жылғы 15 наурызда республикалық референдумда қабылданған жаңа Конституцияның маңызды жаңалықтарының бірі – тұрғын үйге қол сұғылмаушылық кепілдігінің күшейтілуі болды. Осылайша, Негізгі заңда тұрғын үйден шығару тек сот шешімі бойынша ғана жол берілетіні тікелей бекітіледі.Сонымен қатар, бұл норманың Қазақстан заңнамасы үшін жаңалық емес екенін түсіну қажет. Бұл ереже 1997 жылдан бері өзгеріссіз «Тұрғын үй қатынастары туралы» заңда реттелген. Осылайша, тұрғын үйден шығару сот тәртібімен шамамен 20 жыл бойы меншік иелеріне де, жалға алушыларға да қатысты қолданылып келеді.Оған конституциялық мәртебе беру мемлекет тарапынан азаматтарды негізсіз тұрғын үйден шығарып жіберуден қорғауды ең жоғары деңгейде қамтамасыз етуге ұмтылысын ғана растайды.Сонымен бірге, заң бойынша тұрғын үй иесі өз мүлкін басқаруға, соның ішінде оны босатуды талап етуге басым құқыққа ие. Мысалы, егер жалға алушы шарт талаптарын бұзса – жалдау ақысын төлемесе, төлем мерзімдерін бұзса немесе мүлікке зиян келтірсе, онда меншік иесі шартты бұзып, тұрғын үйді босатуды талап етуге толық құқылы. Мәжбүрлеп шығару заңда белгіленген тәртіппен сот арқылы жүзеге асырылады.Бұдан бөлек, тұрғын үй қатынастары азаматтық шарт негізінде құрылады. Заң меншік иесіне артықшылық береді – ол шартта адал емес жалға алушыларды шығару үшін кез келген негіздерді өзі белгілей алады. Заң, өз кезегінде, жалға алушы өз міндеттемелерін сақтамаған жағдайда, мәжбүрлеп шығару үшін сот тақылауының механизміне кепілдік береді. Сондықтан келісімшарт тарапы жалдау шарттарының талаптарына мұқият болу керек.Негізінен, сот арқылы шығару рәсімі – бұл меншік иесінің еркін және жалға алушының тұру шарттарын сақтауын растайтын ресми процесс, ал бұзушылықтар анықталған жағдайда меншік иесіне өз тұрғын үйін заңды түрде босатуға мүмкіндік береді.Осылайша, жаңа конституциялық кепілдік бір жағынан меншік иесінің құқықтарының басымдығын ең жоғары деңгейде түпкілікті бекітеді, тұрғын үйден шығару процесін барлық тараптар үшін ашық әрі болжамды етеді, ал екінші жағынан – азаматтарды негізсіз тұрғын үйден шығарып жіберуден қорғайды.

Жаңа Конституция тұрғын үй иелерінің құқықтарының басымдығын сақтайды

<a href="https://kyzylorda-news.kz/">Kyzylorda-news.kz</a> Ғылым және жоғары білім министрі Саясат Нұрбектің айтуынша, «Болашақ» бағдарламасы бойынша шәкіртақы мөлшерін қайта қарау қажеттілігі бұрыннан туындаған, өйткені төлемдер 15 жылдан астам уақыт бойы индексацияланбаған, – деп хабарлайды <a href="https://baq.kz/bolashaq-shakirtaqysy-zhana-oqu-zhylyna-deyin-ozgerui-mumkin-320020643/">BAQ.KZ.</a><blockquote>Шәкіртақыны арттыру мәселесі пісіп-жетілді. 15 жылдан астам уақыт бұрын мен “Болашақ” бағдарламасын басқардым және индексацияны соңғы рет сол кезде ескерген едім. Ол кезде Лондон, Нью-Йорк сияқты ірі қалаларда өмір сүру құны өте жоғары болғандықтан, шәкіртақы мөлшерін арттырдық. Содан бері шәкіртақы қайта қаралған жоқ. Сондықтан біз арнайы зерттеулер жүргіздік, осы қалалардағы тұтыну қоржынының қаншалықты өскенін, инфляция деңгейін қарадық. Қазір көп жағдайда бұл шәкіртақы жеткіліксіз, стипендиаттар қосымша жұмыс істеуге мәжбүр, бұл білім сапасына әсер етеді. Сонымен қатар шәкіртақыдан айыру жағдайлары және өзге де мәселелер туындап жатыр, – деп түсіндірді Саясат Нұрбек.</blockquote>Оның айтуынша, қазіргі уақытта министрлік шәкіртақыны арттырудың ықтимал тетіктерін қарастырып жатыр, алайда түпкілікті шешім әлі қабылданбаған.<blockquote>Қазір бұл мәселені пысықтап жатырмыз, нақты шешім әлі жоқ. Бұл не республикалық бюджеттен қосымша қаржы бөлуді, не Халықаралық бағдарламалар орталығының ішкі бюджетін оңтайландыруды талап етеді. Мысалы, шәкіртақылар санын қысқарту арқылы үнемделген қаражаттың бір бөлігін ай сайынғы төлемдерді арттыруға бағыттауға болады. Жыл соңына дейін бұл мәселені шешеміз деп жоспарлап отырмыз. Жаңа оқу жылына дейін нақты шешім табуға тырысамыз, – деді министр.</blockquote>Министрдің сөзінше, жалпы шәкіртақылар саны қазірдің өзінде қысқартылып жатыр. Соңғы үш жылда «Болашақ» бағдарламасы атом энергетикасы, жасанды интеллект, киберқауіпсіздік сияқты тар бағыттарға басымдық бере бастаған.<blockquote>“Болашақ” бағдарламасы трансформацияланып жатыр, – деді Саясат Нұрбек.</blockquote>Фото:&nbsp;

Студенттердің шәкіртақысы жаңа оқу жылына дейін өзгеруі мүмкін 

<a href="https://kyzylorda-news.kz/">Kyzylorda-news.kz</a> Оқу-ағарту министрлігі оқушыларды 1-сыныпқа қабылдау науқанының басталу мерзімін 1 сәуірден 27 мамырға ауыстыратын шешім қабылдады. Бұл туралы <a href="https://stan.kz/news-432330/">Stan.kz</a> ақпарат агенттігі хабарлайды.&nbsp;Оқу-ағарту министрі Жұлдыз Сүлейменова әлеуметтік желідегі парақшасында министрліктің өткен жылдардағы тәжірибені зерделей келе, осындай шешім шығарғанын алға тартты.<blockquote>"Бұған дейін құжат 1 сәуірге дейін тапсырылатын. Алайда бұл кезде мектепте әлі сабақ жүріп жатады. Кей кезде мектеп басшылығы да, мұғалімдер де, IT саласының мамандары да өздері оқу процессімен қарбаласып жатқанда 1-сыныпқа құжат қабылдауды тиімді жүргізілмей қалғанын байқадық. Сондықтан осындай келеңсіздіктерге жол бермес үшін биыл біз 1-сыныпқа қабылдауды қайта қарадық", – деді министр.&nbsp;</blockquote>Министрдің айтуынша, енді бұл 27-мамыр, сәрсенбіден басталып, 31-тамызға дейін жүргізіледі.<blockquote>“Яғни мерзімін өзгерттік. Қазіргі таңда база бірнеше мәрте тесттен өтіп жатыр. Ата-аналар үшін барынша қолайлы жағдай жасалды. Оны қосымша таныстыратын боламыз", – деді министр.&nbsp;</blockquote>Фото: Нұрболат Нұржаубай

Қазақстанда 1-сыныпқа құжат қабылдау мерзімі өзгертілді

<a href="https://kyzylorda-news.kz/">Kyzylorda-news.kz</a> Арал ауданы әкімдігінде аудан әкімі Аманжол Оңғарбаевтың төрағалығымен мәжіліс өтіп, Үкімет отырысының күн тәртібінде қаралған инновацияларды дамыту туралы жауаптыларға бірқатар тапсырмалар берілді.Жалпы, ауданда 3 инновациялық мектеп жұмыс жасайды. Бұл мектептердің аудандағы инновациялардың дамуына қосар үлесі зор. Осы бағыттағы жұмыстарды әлі де жандандыру керектігін айтқан аудан әкімі Аманжол Сақыпұлы мектептерде инновациялық білім беру әдістерін күшейтіп, оқу барысында жаңа технологиялар мен заманауи оқыту тәсілдерін қолдану қажеттігін атап өтті.&nbsp;Мұнан бөлек аймақ басшысының тапсырмасына сәйкес ауданда әлеуметтік-экономикалық даму және бюджет қаражаттарының игерілуі жөнінде бірқатар мәселелерге тоқталды.&nbsp;Бұл бағыттағы жұмыстарда оң динамика қалыптасқанын атап өтіп, жоспарлы көрсеткіштерді жыл көлемінде жоғарғы пайызбен орындап шығу керектігін жеткізді. Бұл жөнінде жауапты тұлғаларға бірқатар тапсырмалар жүктеді.Мәжілісте мұнан өзге биылға жоспарланған барлық инвестициялық жобаларды мерзімінде жүзеге асыру, ауыл шаруашылығы саласы бойынша индикаторлық көрсеткіштердің жоспардан аса орындалуын қамтамасыз ету және аудан көлемінде көркейту-көгалдандыру және санитарлық тазалық жұмыстары жайында бірқатар тұлғаларға нақты тапсырмалар жүктелді.&nbsp;Әсіресе тазалық мәселесі ешқашан күн тәртібінен түспейтінін жеткізді. Бұл бағыттағы жұмыстарда әлі де кемшілік байқалады. Арал қаласының санитарлық тазалығы мен түнгі жарықтандырылуына байланысты жүргізілген зерделеу жұмыстарының нәтижесі слайд арқылы көрсетіліп, кемшіліктер бойынша жауапты тұлғаларға ескерту жасалды. Анықталған жайларды тез арада қалпына келтіру бойынша тапсырма берілді.Аудан әкімі жиын барысында көтерілген барлық мәселелер назардан тыс қалмайтынын жеткізіп, тапсырмалардың уақытылы орындалуын бақылауға алуды аудан әкімінің орынбасарларына жүктеді.

Мәжілісте бірқатар мәселелер талқыланды

<a href="https://kyzylorda-news.kz/">Kyzylorda-news.kz</a> Қазақстан Республикасы Үкіметі ЮНЕСКО және ИСЕСКО аясында мәдени мұраны сақтау және ілгерілетудің 2026–2028 жылдарға арналған кешенді жоспарын бекітті. Тиісті қаулыға Премьер-министр Олжас Бектенов қол қойды.Жоспарда тарихи және мәдени ескерткіштерді сақтау, материалдық емес мәдени мұраны қолдау, мамандарды даярлау және Қазақстанның осы саладағы халықаралық бағдарламалар мен бастамаларға қатысуын кеңейту жөніндегі нақты шаралар көзделген.Негізгі міндеттердің қатарында дүниежүзілік мұра нысандарын қорғау сапасын арттыру, Қазақстанның мәдени құндылықтарын халықаралық деңгейде ілгерілету, сараптамалық және білім беру базасын дамыту, сондай-ақ мәдени мұраны сақтау ісіне қоғамды белсенді тарту іс-шаралары бар.Кешенді жоспар үш негізгі бағытты қамтиды: материалдық мәдени мұра нысандарын сақтау және насихаттау, қазақ халқының материалдық емес мәдени мұрасын дамыту және қолдау, сондай-ақ ЮНЕСКО-ның «Әлем жады» бағдарламасын ілгерілету.Ескерткіштерді қорғау бөлігінде халықаралық маңызы бар нысандардың жай-күйіне мониторинг жүргізу, Қазақстандағы ЮНЕСКО-ның бүкіләлемдік мұра нысандарын басқару бойынша әдістемелік құрал дайындау, сондай-ақ халықаралық деңгейде одан әрі ілгерілету үшін Мәдени мұра объектілерінің алдын ала тізімін кеңейту көзделген.Халықаралық ынтымақтастықпен байланысты нығайтуға жеке блок арналған. Атап айтқанда, «Жібек жолы: Каспий – Еділ дәлізі» номинациясын дайындау бойынша ведомствоаралық және сараптамалық консультациялар жоспарланған.Сондай-ақ көпұлтты «Алпамыс батыр» номинациясын ЮНЕСКО-ның Материалдық емес мәдени мұралар тізіміне енгізу мақсатында Әзербайжан, Түркия, Өзбекстан және Түрікменстанмен бірлескен жұмысты жалғастыру жоспарланып отыр.Тағы бір бағыт – Қазақстанның ИККРОМ мәдени құндылықтарды сақтау және қалпына келтіру мәселелерін зерттеу жөніндегі халықаралық орталығына кіруіне дайындық жүргізу. Бұл кәсіби ынтымақтастықты кеңейтуге және мұра нысандарын сақтау мен қалпына келтіруде заманауи тәсілдерді қолдануға мүмкіндік береді.Жоспардың маңызды бөлігі кадрларды дайындауға қатысты. Жыл сайын ЮНЕСКО-ның Материалдық емес мәдени мұраны қорғау конвенциясын жүзеге асыру аясында кемінде 30 сарапшы оқудан өтетін болады. Сондай-ақ халықаралық білім беру корпорациясының бакалавриат және магистратура бағдарламалары шеңберінде ескерткіштерді сақтау бойынша тұжырымдамалық және эскиздік жобаларды әзірлеу көзделуде.Жойылып кету қаупі төнген материалдық емес мәдени мұра элементтеріне ерекше назар аударылады. Олардың қатарында – қазақтың киіз үйін дайындау және безендіру, қазақ кілем тоқу өнері және еліміздің бірқатар өңіріндегі терме эпикалық жанры бар.Жоспарды жүзеге асыру мәдени мұраны сақтау жұмысын нығайтуға, мамандандырылған білім беру бағдарламалары мен кадрлар тапшылығын азайтуға, жергілікті қауымдастықтардың қатысуын кеңейтуге және осы салада заманауи технологияларды қолдануға мүмкіндік береді.primeminister.kz

Үкімет ЮНЕСКО мен ИСЕСКО аясында мәдени мұраны сақтау және ілгерілетудің 2026–2028 жылдарға арналған кешенді жоспарын бекітті

<a href="https://kyzylorda-news.kz/">Kyzylorda-news.kz</a> Премьер-министр Олжас Бектеновтің төрағалығымен өткен Үкімет отырысында жаңа Конституцияда еліміздің даму болашағын айқындайтын аса маңызды стратегиялық бағдар ретінде бектілген инновацияларды дамыту мәселесі қаралды.Онда Премьер-министрдің орынбасары – жасанды интеллект және цифрлық даму министрі Жаслан Мәдиев, ғылым және жоғары білім министрі Саясат Нұрбек, өнеркәсіп және құрылыс министрі Ерсайын Нағаспаев институционалдық базаны қамтамасыз ету, ғылымға инвестиция тарту және отандық әзірлемелерді өндіріске енгізу бойынша атқарылып жатқан жұмыстар туралы баяндады. Сондай-ақ «ҚазМұнайГаз» ҰК» АҚ, «Қазақстан темір жолы» компанияларының басшылары, Шығыс Қазақстан, Қарағанды облыстарының әкімдері баяндама жасады.<blockquote>«Ғылым мен инновацияны дамыту жаңа Конституцияда мемлекет қызметінің стратегиялық бағыты деп танылды. Президент Үкіметтің кеңейтілген отырысында инновациялар еліміздің теңдессіз басымдықтары ретінде айқындалғанын атап өтті. Экономика салаларындағы жетістіктер мен табыстардың дені инновациялық дамудың ауқымы мен қарқынына тікелей байланысты. Инновациялар еңбек өнімділігін арттыруға және жоғары технологиялық жұмыс орындарын құруға негіз болады», — деп атап өтті Олжас Бектенов.&nbsp;</blockquote>Президент тапсырмасымен соңғы алты жылда республикалық бюджеттен ғылымға бөлінетін қаржы алты есе өсті. Мемлекет ғылым мен инновацияны дамыту үшін қолайлы жағдай жасап жатыр.&nbsp;Елімізде осы жылдың 1 қаңтарынан бастап ғылыми әзірлемеерге салынатын жеке инвестицияларды ынталандыру үшін шығыстардың 300%-ына дейін елеулі салық жеңілдіктері қаралған.Бюджет кодексінде жер қойнауын пайдаланушылардың кен өндіруге жұмсалатын шығыстарының 1%-ын ғылым мен инновациялық технологияларды дамыту үшін бюджетке тікелей жіберу міндеті бекітілді.Инновацияларды венчурлік қаржыландыру құралдары кеңейіп, технологиялық брокерлік пен бизнес-акселерацияны қолдау шаралары күшейтілді.&nbsp;Ғылыми зерттеулердің нәтижелерін коммерцияландыру үшін түрлі қаржы құралдары енгізілуде.Коммерцияландыру жобаларын гранттық қаржыландыру аясында бизнестің ең төменгі қосымша қаржыландыру үлесі айқындалды. Ол жалпы грант сомасының кемінде 25%-ын құрауы тиіс. &nbsp;Елімізде өңірлік ғылымды дамыту үшін құқықтық және бюджеттік база құрылды. Ғылыми жетістіктер көрсеткіші аймақтарды дамыту жоспарларына енгізілді. Премьер-министр оны, сондай-ақ облыстармен қатар әкімдердің де рейтингтеріне қосуды тапсырды.Жуырда қабылданған Ғылымды шоғырландыру аумақтарын құру тұжырымдамасы технологиялар мен инновациялардың дамуына тың серпін береді. Олардың қатарында Курчатовтағы ғылыми қалашықты, сондай-ақ Алматыдағы Ядролық физика институты мен Астанадағы «Назарбаев университеті» базасындағы екі технологиялық парк бар.Барлық әкімдіктерте әр облыстың нақты салалық ерекшеліктерін ескере отырып, өңірлік инновациялық жүйелердің қалыптасуы мен орнықты дамуын қамтамасыз ету тапсырылды. Салаға инвестицияны еселеп арттыру, соның ішінде жеке кәсіпорындар мен отандық бизнестің есебінен жүзеге асыруды қолға алып, инновация субъектілері арасындағы ұзақ мерзімді байланыстарды дамытуға баса назар аудару қажет.<blockquote>«Мемлекет басшысы жақында өткен ғылыми қоғамдастықпен кездесуінде ғылымды қаржыландыру мен жаңа технологиялар енгізуден нақты нәтиже күтетінін баса айтты. Ғылым министрлігі Ғылым академиясымен, ғалымдармен және бизнес-қауымдастықпен бірлесіп, бір ай ішінде ғылыми-инновациялық қызметтің тиімділігін арттыру жөніндегі нақты іс-шаралар жоспарын дайындауы қажет. Бұл құжатта нәтижеге негізделген көрсеткіштер, цифрландыру бойынша шаралар және барлық қатысушылардың жауапкершілігі айқындалуы тиіс», — деп атап өтті Премьер-министр.</blockquote>Өңір әкімдіктеріне ғылым мен инновацияларды қаржыландыруды кезең-кезеңмен ұлғайтып, оны 2029 жылға қарай жалпы өңірлік өнімнің кемінде 1%-ына жеткізу тапсырылды. Бұдан бөлек, 2035 жылға қарай инновациялық өнімдердің үлесін жалпы ішкі өнімнің 3%-ына дейін ұлғайтуды қамтамасыз ету қажет. Ол үшін инновация саласында бірқатар жүйелі мәселелерді &nbsp;шешу керек.Атап айтқанда, соңғы жылдары бұл сала институционалдық жүйесіздік жағдайында дамып келді, &nbsp;өңірлер тарапынан өз бетінше жұмыс жүргізілмегені көрініп отыр. Сондай-ақ инновациялық жүйеге қатысушылар арасында басымдықтардың тым көп екендігі де байқалады. Өнеркәсіптік кәсіпорындар, ғылыми ұйымдар мен салалық министрліктер даму бағыттарын әрқайсысы өз алдына айқындайды. Жалпы мемлекеттік деңгейде біртұтас нақты бағыт жоқ. Бұл жұмыстың тиімділігін төмендетеді. Мысалы қолданбалы ғылымға бөлінетін мемлекеттік қаржыландыру көлемін өсіру оның тиімділігін жақсартпайды. &nbsp;«Қолданбалы зерттеулер мен экономикалық үдерістерді жүйелі түрде сабақтастыру, өндірісті оқшаулау мен жаңғыртуды ынталандыру, экспортқа бағдарланған технологияларды дамыту қажет. Бізге жекелеген идеялар мен тәсілдер емес, инновациялардың өнеркәсіптік әлеуетті дамытуға нақты үлес қосқаны қажет», — деп атап өтті Олжас Бектенов.Отырыс қорытындысы бойынша Премьер-министр салалық &nbsp;ведомстволар мен мемлекеттік органдарға бірқатар тапсырма берді.Ғылым министрлігіне мүдделі мемлекеттік органдармен бірлесіп, 3 күндік мерзімде саланы ведомствоаралық үйлестіру және технологиялық басымдықтарды әзірлеу үшін Үкімет жанынан инновациялық штаб құру тапсырылды. Премьер-министрдің орынбасары – мәдениет және ақпарат министрі &nbsp;Аида Балаева төрағалық ететін Штаб бастапқы идеядан өнім шығаруға дейінгі өндірістік кезең бойына инновациялық экожүйенің барлық қатысушыларының күшін жұмылдыруды қамтамасыз етуі тиіс. Кәсіпорындардың инновациялық белсенділігін ынталандыру үшін осы жылдың 1 маусымына дейін барлық өндіріс орындарының инновациялық қызметі мен технологиялық даму жағдайына кешенді түрде түгендеу жүргізу керек.&nbsp;Ғылым министрлігіне мүдделі мемлекеттік органдармен бірлесіп, осы жылдың 1 маусымына дейін нақты басым салалар мен технологияларға назар аудара отырып, Инновацияларды дамыту тұжырымдамасын әзірлеу тапсырылды.&nbsp;Ғылым және Жасанды интеллект министрліктері салалық министрліктермен және әкімдіктермен бірлесіп, 1 шілдеге дейін инновациялық жобаларды тіркеп, қолдау көрсетуге және мониторинг жүргізуге арналған «бірыңғай терезе» жұмысын қамтамасыз ететін цифрлық платформаны іске қосу тапсырылды. Сонымен қатар әзірлеушілер, технологиялар және әлеуетті инвесторлар туралы мәліметтерді қамтитын инновациялық жобаларлың жалпыға қолжетімді ұлттық тізілімін құру қажет. Үйлестіру жұмыстары Премьер-министрдің орынбасары – мәдениет және ақпарат министрі Аида Балаеваға жүктелді.primeminister.kz

Қазақстан және Қызылорда облысының жаңалықтары