<a href="https://kyzylorda-news.kz/">Kyzylorda-news.kz</a> Премьер-министр Олжас Бектенов Үкімет отырысында жазғы туристік маусымдағы қауіпсіздік мәселелеріне ерекше назар аударды.<blockquote>«Биылғы жазғы туристік маусымға жеке тоқталғым келеді. Бірінші кезекте, барлық әкімдіктер мен министрліктер демалушылардың қауіпсіздігін қамтамасыз ету бойынша қосымша алдын алу шараларын қабылдауы тиіс. Демалушылар үшін курорттық аймақтарды дайындау жұмыстарын ақпараттық тұрғыдан барынша белсенді түрде жариялау қажет. Су айдындарындағы қауіпсіздік ережелері мен өрт қауіпсіздігі талаптарын сақтау бойынша түсіндіру жұмыстарын жүйелі негізде жүргізу керек. Барлық жедел әрекет ету қызметтері жоғары дайындық және мониторинг режиміне көшірілуі тиіс.Бұл жұмысқа волонтерлерді де тартқан жөн», – деп атап өтті Олжас Бектенов.&nbsp;</blockquote>Премьер-министр туристер үшін бағыт-бағдар көрсеткіштері, демалыс аймақтарында санитариялық талаптардың сақталуы және жауапты қызметтердің жұмысын үйлестіру мәселелеріне ерекше назар аударды.<blockquote>«Барлық демалыс орындарында, саябақтарда және жағажай аймақтарында әртүрлі тілдерде арнайы ақпараттық белгілер, схемалар мен бағыт-бағдар көрсеткіштері орнатылуға тиіс. Әкімдіктер демалыс орындарының меншік иелерімен бірлесіп, тазалық әрі санитариялық талаптардың қатаң сақталуын қамтамасыз етуі қажет. Туристердің қауіпсіз әрі жайлы демалысы осы саланың негізгі стандартына айналуға тиіс. Жедел үйлестіру штабына мұны ерекше бақылауға алуды тапсырамын», – деп атап өтті Үкімет басшысы.&nbsp;</blockquote>@KZgovernment

Олжас Бектенов: барлық жедел әрекет ету қызметтері жоғары дайындық режиміне көшірілуі тиіс

<a href="https://kyzylorda-news.kz/">Kyzylorda-news.kz</a> Бүгін Премьер-министр Олжас Бектеновтің төрағалығымен өткен Үкімет отырысында туризмді дамыту мәселелері қаралды. Оған облыс әкімі Мұрат Ергешбаев селекторлық режим арқылы қатысты.Үкімет отырысынан кейін осы және өзге де мәселелерге орай жауапты сала басшыларына нақты тапсырмалар жүктелді.Аймақ басшысы туристік аймақтарда төтенше жағдайдың алдын алу үшін құтқару топтары мен алғашқы медициналық көмек көрсету пункттерінің жұмысын ұйымдастыруды тапсырды. Демалыс орындарын қауіпсіздік нұсқаулықтарымен қамтамасыз ету, санитарлық талаптардың сақталуын қатаң бақылау, туристік аймақтарды байланыс арналарымен қамту жөнінде ұсыныстар әзірлеу керек.Қауіпсіздік шараларын кеңінен насихаттау үшін телеарналарда, әлеуметтік желілерде және интернет ресурстарда ақпараттық-түсіндіру жұмыстарын күшейту, демалыс орындары мен рұқсат етілмеген су айдындарында рейдтік іс-шараларды тұрақты өткізу маңызды.Жиында су тасқынының алдын алу бағытында атқарылған жұмыстар да сараланды. Өткен қыс-көктем кезеңінде облыстағы ахуал тұрақты болды. 2024 жылы өңірде 27 нысанда қорғаныс бөгеті қалпына келтірілсе, өткен жылы 13 нысан жөнделді. Қазіргі уақытта жөндеу және қалпына келтіруді қажет ететін 12 нысан анықталған.Осыған байланысты «Құмсай», «Көлтоған», «Қыраш», «Манап» су қоймаларын жөндеу, «Жиделі» су қоймасын қайта жаңғырту, Сырдария ауданындағы «Тереңөзек-Шаған» көпірі тұсындағы қорғаныс нысандарын қалпына келтіру қажет.Жауапты мамандарға «Ақшақыз» каналының су тоспасы мен қорғаныс бөгетін, «Қалғандария» учаскесіндегі су тоспасының қақпақтары мен бөгеттерін жөндеу, Сырдария өзенінің «Қорқыт Ата» учаскесіндегі қорғаныс бөгетін қалпына келтіру жүктелді.Бұдан бөлек, «Келінтөбе» магистральді каналына су жеткізетін каналға су тоспасын салу, «Рисмаш» учаскесіндегі, «Болашақ» университеті маңындағы қорғаныс бөгеттерін қалпына келтіру бойынша нақты тапсырмалар берілді.Бүгінде облыста 6 индустриялық аймақ жұмыс істейді. Өткен жылы Үкімет қаулысымен Қызылорда қаласында «Қорқыт Ата» арнайы экономикалық аймағы құрылды. Осы мүмкіндіктерді тиімді пайдалану үшін қала және аудан әкімдеріне отандық және шетелдік инвесторларды тарту, жаңа өндірістік жобаларды орналастыру тапсырылды.Фото: Қызылорда облысы әкімінің баспасөз қызметі&nbsp;

Туризмді дамыту мәселелері қаралды

<a href="https://kyzylorda-news.kz/">Kyzylorda-news.kz</a> Үкімет отырысында Премьер-министр Олжас Бектенов өңірлерде туристік инфрақұрылымды дамытуды жеделдету қажеттігін атап өтті.<blockquote>«Мемлекет басшысы еліміздегі туризм мен инфрақұрылымның дамуына баса мән беріп, оның инвесторлар үшін айтарлықтай тартымды сала екенін атап өтті. Осы бағытта алға қойылған міндеттерді жүзеге асыру мақсатында Аида Ғалымқызы Балаеваның төрағалығымен Жедел үйлестіру кеңесі жұмыс істейді. Туристік нысандардағы инфрақұрылым мен қызмет көрсету саласына тұрақты негізде тексерулер жүргізіліп келеді.Жалпы, өңірлерде оң серпін бар. Бірақ бұл, әрине жеткіліксіз» ,– деп атап өтті Олжас Бектенов.&nbsp;</blockquote>Сонымен қатар Премьер-министр өңірлердегі туристік инфрақұрылымды дамытуға қатысты бірқатар мәселеге назар аударды. Мемлекет басшысы жуырда Алматы облысына барған жұмыс сапарында туристік саланың дамуын сынға алды. Президент өңірдің туристік әлеуеті мен инфрақұрылымын жедел қарқынмен дамыту қажеттігін атап өтті. Мұндай жағдай басқа облыстарда да байқалады.<blockquote>«Барлық әкімдікке туристердің жайлы әрі қауіпсіз демалысын қамтамасыз етіп, көрсетілетін қызметтердің сапасын жақсартуға бағытталған тиісті инфрақұрылымды жедел қарқынмен дамытуды тапсырамын. Саланың жай-күйі әкімдердің тұрақты бақылауында болуға тиіс», – деп атап өтті Премьер-министр.&nbsp;</blockquote>@KZgovernment

Олжас Бектенов әкімдерге туристік инфрақұрылымды жедел қарқынмен дамытуды тапсырды

<a href="https://kyzylorda-news.kz/">Kyzylorda-news.kz</a> Қазіргі таңда республика көлемінде есірткі қылмыстарының алдын алуға және жолын кесуге бағытталған «Қарасора-2026» арнайы жедел-профилактикалық іс-шарасы өткізілуде. 1 маусымда басталған шара 31 қазанға дейін жалғасады.«Қарасора-2026» іс-шарасының негізгі мақсаты – есірткіге байланысты құқық бұзушылықтардың алдын алу, құрамында есірткі заты бар өсімдіктерді заңсыз өсіру және дайындау деректерінің жолын кесу.Іс-шара басталғалы облыс көлемінде барлығы 9 есірткі құқық бұзушылығының жолы кесілді. Оның ішінде 8 дерегі есірткі өсіру және 1 дерегі есірткіге байланысты қылмыстық теріс қылық.Есірткі өсіру деректерінің 3-і далалық аумақтарда, 5-і тұрғын үйлердің ауласында анықталып, заңсыз өсірілген құрамында есірткі заты бар өсімдіктер тәркіленді.Заңсыз есірткі өсірумен айналысқан 5 азамат құрықталып, оларға қатысты заң талаптарына сәйкес процессуалдық шешімдер қабылданды.Сонымен қатар әскери тікұшақтың көмегімен 3 рет әуеден бақылау жұмыстары жүргізіліп, нәтижесінде Абай және Бірқазан ауылдары маңында есірткі өсірудің 2 дерегінің жолы кесілді.Қазіргі уақытта полиция қызметкерлері есірткінің заңсыз айналымына қарсы күрес бағытындағы жедел-профилактикалық жұмыстарды күшейтіп, есірткіні жеткізу арналарының жолын кесу, ірі партияларын анықтау және ұйымдасқан қылмыстық топтардың заңсыз әрекеттерін әшкерелеу бағытында жұмыстар жүргізуде.

Қызылорда облысында «Қарасора-2026» шарасы барысында 9 есірткі құқық бұзушылығының жолы кесілді

<a href="https://kyzylorda-news.kz/">Kyzylorda-news.kz</a>&nbsp; Бүгін Үкімет отырысы өтеді. Онда Министрлер кабинетінің мүшелері туризмді өркендету шараларын<a href="https://kaz.inform.kz/news/kazakstan-ukmet-turizmd-damitu-maselelern-karastiradi-06239e80"> талқылайды.</a>Отырыс қорытындысы бойынша баспасөз конференциясы ұйымдастырылады. Онда ҚР Туризм және спорт министрі Ербол Мырзабосынов, ҚР Экология және табиғи ресурстар вице-министрі Нұркен Шәрбиев, Kazakh Tourism Development бас атқарушы директоры Ержан Еркінбаев, KazakhTourism басқарма төрағасы Талғат Ғазизов қатысады.Айта кетейік, 2025 жылдың қорытындысы бойынша Қазақстанның туризм саласы негізгі көрсеткіштер бойынша тұрақты өсім көрсетті. Ел&nbsp;ішінде саяхаттаушылар саны да, шетелден келетін туристер ағыны да&nbsp;артты.Атап айтқанда, орналастыру орындарында тоқтаған ішкі туристер саны 10,1&nbsp;млн адамға жетіп, 2024 жылмен салыстырғанда шамамен 1 млн-ға артты. Шетелдік қонақтардың да&nbsp;қызығушылығы өсіп келеді: қонақүй қызметін пайдаланған туристер саны 1,4&nbsp;млн адамды құрап, өткен жылмен салыстырғанда 132,3 мыңға көбейді.Жалпы, 2025 жылы Қазақстанға түрлі туристік мақсатпен (жұмыс істеу немесе тұрақты тұру үшін келгендерді есептемегенде) 15,7&nbsp;млн шетел азаматы келді. Оның ішінде 11,1&nbsp;млн адам турист ретінде тіркелді. Бұл көрсеткіш те&nbsp;өткен жылмен салыстырғанда жоғары.Саланың экономикалық тиімділігі де&nbsp;артып келеді. Орналастыру орындары, демалыс базалары мен қонақ үйлердің жалпы кірісі 350,6&nbsp;млрд теңгені құрап, бір жылда 50,8&nbsp;млрд теңгеге ұлғайды. Туристік инфрақұрылым кеңейіп, орналастыру нысандарының саны 4 482-ге жетті. Бір мезетте қабылдау мүмкіндігі 233 мыңнан астам төсек-орынды құрады.Инвестициялық белсенділік те&nbsp;күшейді. 2025 жылы туризм саласына тартылған инвестиция көлемі 32,6%-ға өсіп, 1 256,9&nbsp;млрд теңгеге жетті (2024 жылы&nbsp;— 947,6&nbsp;млрд теңге).Еске салайық, наурыз айында Мемлекет басшысы «Қазақстан Республикасының кейбір заңнамалық актілеріне туристік саланы және балалар спортын қолдау мәселелері бойынша өзгерістер мен толықтырулар енгізу туралы» Қазақстан Республикасының Заңына қол қойды.Құжат туристік саланы дамытуға қолайлы жағдай жасауға және мемлекеттік қолдау шараларының тиімділігін арттыруға <a href="https://kaz.inform.kz/news/turizmd-damituga-arnalgan-zan-kanday-ozgerster-boladi-ad701f">бағытталған</a>.&nbsp;Фото: freepik.com

Қазақстан Үкіметі туризмді дамыту мәселелерін қарастырады 

<a href="https://kyzylorda-news.kz/">Kyzylorda-news.kz</a> Қызылорда қаласы Полиция басқармасының криминалдық полиция бөлімінің қызметкерлері қалалық прокуратура өкілдерімен бірлесіп, Қорқыт ата атындағы университет студенттерімен ақпараттық-түсіндіру мақсатында кездесу өткізді.Кездесу барысында жастарға дропперлік қылмыстың қоғамға тигізетін зияны, оның құқықтық салдары және мұндай заңсыз әрекеттерге қатысудың жауапкершілігі жан-жақты түсіндірілді.Сонымен қатар, студенттерге интернет-алаяқтардың қазіргі уақытта жиі қолданатын жаңа тәсілдері туралы мәлімет беріліп, алаяқтық әрекеттерден қорғану жолдары түсіндірілді. Қатысушыларға жеке деректерді қорғау, күмәнді қаржылық операцияларға қатыспау және бейтаныс адамдардың ұсыныстарына сақтықпен қарау жөнінде кеңестер айтылды.Шараның негізгі мақсаты – жастардың құқықтық сауаттылығын арттыру, қаржылық қауіпсіздік мәдениетін қалыптастыру және интернет кеңістігінде жасалатын қылмыстардың алдын алу.Полиция қызметкерлері азаматтарды сақтық танытып, күмәнді қаржылық ұсыныстарға сенбеуге және заңсыз әрекеттерге жол бермеуге шақырды. Бұндай игілікті шара алдағы уақытта да жалғасын табатын болады.&nbsp;

Қызылордалық полицейлер студенттермен кездесу өткізді

<a href="https://kyzylorda-news.kz/">Kyzylorda-news.kz</a>&nbsp; «Қазгидромет» РМК еліміздегі ауа сапасына қатысты болжамын <a href="https://kaz.inform.kz/news/bugn-shigistagi-kalalarda-aua-sapasi-nasharlaydi-13f544a3">жариялады.</a><blockquote>–&nbsp;9 маусымда Өскемен, Семей, Риддер, Талдықорған, Алматы қалаларында қолайсыз метеорологиялық жағдайлар күтіледі,&nbsp;— делінген хабарламада.</blockquote>Қолайсыз метеорологиялық жағдайлар&nbsp;— атмосфералық ауаның беткі қабатында зиянды (ластаушы) заттардың шоғырлануына ықпал ететін қысқамерзімді метеофакторлардың (тымық ауа райы, жеңіл жел, тұман, инверсия) жиынтығы.Қолайсыз метеорологиялық жағдай кезінде елдімекендердегі атмосфералық ауаның сапасы нашарлауы ықтимал.Айта кетейік, Алматыда моншаларға қатысты <a href="https://kaz.inform.kz/news/almatida-monshalarga-katisti-ekologiyalik-talaptar-kusheytlmek-387c4dae">экологиялық талаптар күшейтілмек</a>.Ал&nbsp;Павлодар облысы Баянауыл ауданындағы Шөптікөл ауылының тұрғындары ұзақ жылдан бері кеніштен саулаған көк түтіннің арасында өмір сүруге мәжбүр. Тозығы жеткен елді мекеннің әлеуметтік жағдайы да&nbsp;кері кеткен.&nbsp;Фото: Pixabay

Бүгін еліміздің 4 қаласында ауа сапасы нашарлайды 

<a href="https://kyzylorda-news.kz/">Kyzylorda-news.kz</a>&nbsp; Заңсыз көші-қонның алдын алу және жолын кесу, сондай-ақ шетел азаматтарының көші-қон заңнамасын сақтауын бақылау мақсатында ағымдағы жылдың 8-12 маусым аралығында Қызылорда облысының аумағында «Заңсыз келуші-2026» жедел-профилактикалық іс-шарасы өткізілуде.Іс-шараның алғашқы күні облыс көлемінде барлығы 88 әкімшілік құқық бұзушылық анықталды.Тексеру нәтижесінде шетел азаматтары тарапынан жасалған 48 әкімшілік құқық бұзушылық тіркелді. Оның ішінде көші-қон заңнамасының талаптарын бұзған 11 шетел азаматы Қазақстан Республикасы аумағынан аластатылды.Сонымен қатар, шетелдіктердің Қазақстан Республикасында болу қағидаларының сақталуын қамтамасыз етпеген 40 Қазақстан Республикасының азаматына қатысты әкімшілік шаралар қабылданды.Іс-шара барысында полиция қызметкерлері көші-қон заңнамасының талаптарын түсіндіру жұмыстарын жүргізіп, шетел азаматтарын жұмысқа тартатын тұлғаларға заң талаптарын сақтау қажеттігін ескертуде.Қызылорда облысының полициясы тұрғындарды көші-қон заңнамасын қатаң сақтауға шақырады. Шетел азаматтарын жұмысқа тарту кезінде олардың құжаттарының заң талаптарына сәйкес рәсімделуін қамтамасыз ету қажет.Заң талаптарын бұзу фактілері анықталған жағдайда, кінәлі тұлғаларға Қазақстан Республикасының қолданыстағы заңнамасына сәйкес тиісті шаралар қолданылады.

Қызылорда облысында «Заңсыз келуші-2026» жедел-профилактикалық іс-шарасы өткізілуде

<a href="https://kyzylorda-news.kz/">Kyzylorda-news.kz</a> Қазақстан қор биржасындағы (KASE) сауда-саттық қорытындысы бойынша доллар бағамы арзандады, – деп хабарлайды <a href="https://kaz.inform.kz/news/dollar-bagami-birzhada-arzandadi-6b5295d4">Қазақпарат.</a>Күндізгі сауда-саттық қорытындысы бойынша доллардың орташа бағамы 2,46 теңгеге түсіп, 484,78 теңге болды. Ұлттық банктің ресми бағамы - 487,44 теңге.Kurs.kz мәліметіне сәйкес, елорданың ақша айырбастау орындарында:<ul><li style="text-align:justify;">доллар 483,01 теңгеден сатып алынады, 490,01 теңгеден сатылады;</li><li style="text-align:justify;">еуро: сатып алу - 558,04 теңге, сату - 568,04 теңге;</li><li style="text-align:justify;">рубль: сатып алу - 6,30 теңге, сату - 6,60 теңге.</li><li style="text-align:justify;">юань: сатып алу - 68,63 теңге, сату - 73,75 теңге.</li></ul>Алматының ақша айырбастау пункттерінде доллар орта есеппен 485,36 теңгеден сатып алынады, 487,51 теңгеден сатылады. Еуро 558,96 – 564,20 теңге, ал рубль 6,40 – 6,52 теңге аралығында саудаланады. Ал юань 70,30 теңгеден сатып алынады, 72,95 теңгеден сатылады.Фото: &nbsp;freepik.com

Доллар бағамы биржада арзандады

<a href="https://kyzylorda-news.kz/">Kyzylorda-news.kz</a> ҚР Премьер-министрінің орынбасары&nbsp;— мәдениет және ақпарат министрі Аида Балаеваның төрағалығымен Қазақстан Республикасы Президентінің «Кітап оқу мәдениетін дамыту және зерделі ұлт қалыптастыру жөніндегі шаралар туралы» Жарлығын кешенді жүзеге асыру мәселесіне арналған кеңес өтті. Бұл туралы Үкімет мәлім етті.&nbsp;Жиынға оқу-ағарту министрі Жұлдыз Сүлейменова, Мәдениет және ақпарат, Ұлттық экономика, Жасанды интеллект және цифрлық даму, Ғылым және жоғары білім, Қорғаныс, Ішкі істер министрліктерінің өкілдері қатысты.Кеңес барысында Премьер-министрдің орынбасары қатысушылардың баяндамаларын тыңдады. Мәдениет және ақпарат вице-министрі Рустам Әли кешенді жоспардың негізгі бағыттарын таныстырды. Оның ішінде кітапхана және кітап ісін дамыту, оқуды насихаттау, сондай-ақ заманауи цифрлық инфрақұрылым қалыптастыру жөніндегі шаралар қамтылған.<blockquote>—&nbsp;Құжат 9 негізгі бағыт бойынша 50-ге тарта іс-шараны көздейді. Солардың қатарында кітап саласын құқықтық тұрғыдан жүйелеу мәселесі де&nbsp;бар. Сонымен қатар Мәдениет және ақпарат министрлігі кітапхана саласын жаңғыртуға ерекше көңіл бөліп отыр. Бүгінде республикада 3 887 көпшілік кітапхана жұмыс істейді. Олардың жиынтық қоры 72,5 млн-нан астам сақтау бірлігін құрайды. 2025 жылы кітапханаларға келушілер саны рекордтық көрсеткішке жетіп, 57 млн-нан асты. Биыл 4 кітапхана жаңғыртылып, 6 жаңа кітапхана ашылды. Жыл соңына дейін еліміздің бес өңірінде тағы 24 кітапхананы жаңғырту жоспарланып отыр,&nbsp;— делінген хабарламада.</blockquote>Аида Балаева кітапханалардың қызметіне жан-жақты талдау жүргізуді тапсырды. Бұл жұмыс кітапхана инфрақұрылымы мен ғимараттарының жай-күйін, кітап қорымен қамтамасыз етілу деңгейін, сондай-ақ ондағы әдебиеттерге сұранысты қамтуы тиіс.<blockquote>—&nbsp;Талдау қорытындысы бойынша, әсіресе балалар мен жастарға арналған әдебиет бағытындағы тапшылықтарды айқындап, кітапхана қорын одан әрі дамыту және жаңарту жөнінде нақты ұсыныстар әзірлеу қажет. Балалар мен жастар арасында оқу мәдениетін дамытуға бағытталған шаралар туралы оқу-ағарту министрі Жұлдыз Сүлейменова баяндады. Министрлік оқушылардың әдебиетке және заманауи оқырман сервистеріне қолжетімділігін кеңейтетін «Балалар кітапханасы» және «Оқырман» платформаларын іске қосты. Бұл бағыттағы маңызды жұмыстың бірі&nbsp;— білім беру ұйымдарында оқырман клубтарының қызметін дамыту. Соның негізінде тұрақты оқу мәдениетін қалыптастыруға бағытталған «Кітап оқитын мектеп» бірыңғай моделі енгізіледі. Аталған модель аясында балалардың кітап оқуға қызығушылығын ата-аналар мен педагогтердің жеке өнегесі арқылы арттыруды көздейтін «Бірге оқиық» жобасы жүзеге асырылады,&nbsp;— деп хабарлады Министрлер кабинетінен.</blockquote>Өз кезегінде ғылым және жоғары білім вице-министрі Гүлзат Көбенова студент жастар арасында кітап оқу мәдениетін ілгерілету тәсілдері туралы айтты. Бұл бағытта жоғары оқу орындары кітапханаларын дамыту және студенттік оқырман клубтарының жұмысын жандандыру мәселелері қамтылған. Кеңес қорытындысы бойынша Ғылым және жоғары білім министрлігіне салалық әдебиеттермен қамтамасыз ету деңгейіне талдау жүргізу, сондай-ақ педагог кадрларды даярлауда қолданылатын оқу әдебиеттерінің мазмұнын зерделеу тапсырылды.Қорғаныс және Ішкі істер министрліктеріне қарасты ұйымдардың кітапхана қорларын зерттеу және талдау мәселесіне де&nbsp;ерекше назар аудару қажет. Әскери бөлімдер мен ведомстволық мекемелерді заманауи, мазмұнды әрі кәсіби әдебиеттермен қамтамасыз ету маңызды. Талдау нәтижесінде нақты қажеттіліктер айқындалып, кітапхана қорларын толықтыру және жаңарту жөнінде ұсыныстар әзірленуі тиіс.Фото: ҚР Үкіметі

Балалар мен жастар арасында кітап оқу мәдениетін дамытуға басымдық беріледі

<a href="https://kyzylorda-news.kz/">Kyzylorda-news.kz</a> Бүгін облыс әкімі Мұрат Ергешбаевтың төрағалығымен кадрлық өзгерістерге байланысты мәжіліс өтті. Онда әріптестері осы уақытқа дейін облыс әкімінің орынбасары қызметін атқарған Ардақ Темірханұлы Зебешевті Қазақстан Республикасы Сыртқы істер министрлігі Инвестиция комитетінің төрағасы лауазымына тағайындалуына байланысты құрметпен шығарып салды.Аймақ басшысы Ардақ Темірханұлының өңірдің әлеуметтік-экономикалық дамуына, инвестициялық әлеуетін арттыруға және кәсіпкерлікті қолдауға қосқан елеулі үлесін атап өтіп, жаңа қызметіне сәттілік тіледі.<blockquote>«Ардақ Темірханұлы 2024 жылдың ақпан айынан бері облыс әкімінің орынбасары ретінде инвестиция тарту және кәсіпкерлік салаларына жетекшілік етті. Оның үйлестіруімен өңірдің инвестициялық ахуалын жақсартуға бағытталған жүйелі жұмыс жүргізіліп, Мемлекет басшысының инвестициялық экожүйені қалыптастыру жөніндегі тапсырмаларын іске асыруда нақты нәтижелерге қол жетті. Осы кезеңде өңірге 1,4 трлн теңгеден астам инвестиция тартылып, соңғы екі жылда жалпы құны 339 млрд теңгеден асатын 48 инвестициялық жоба жүзеге асты. Нәтижесінде жаңа өндіріс орындары ашылып, халықаралық әріптестік байланыстар аясы кеңейді», – деді Мұрат Нәлқожаұлы.</blockquote>Ардақ Зебешевтің жетекшілігімен «Қорқыт Ата» арнайы экономикалық аймағын құру жұмыстары жоғары деңгейде ұйымдастырылды. Шетелдік инвесторлармен нәтижелі келіссөздер жүргізіліп, испаниялық «Roca Group» компаниясының санитарлық-техникалық өнімдер шығаратын зауыты мен швейцариялық «Harvest Group» компаниясының агроиндустриялық кластер құру жобалары бастау алды.Қытай Халық Республикасымен ауыл шаруашылығы, құрылыс салаларына озық технологиялар енгізуге бағытталған 9 келісімшартқа қол қойылды. Энергия үнемдейтін шыны өндірісі, заманауи кірпіш зауыты, кондитерлік және макарон өнімдерін шығаратын өндірістік кешендер іске қосылды.Бұдан бөлек, Сыр өңірінің мәдениетін халықаралық деңгейде насихаттау және ынтымақтастықты дамыту бағытында Финляндия, Эстония, Испания, Швейцария және Франция мемлекеттерінде өткен өнер күндерінің жоғары деңгейде ұйымдастырылуына үлес қосты.Ардақ Темірханұлына Премьер-министрдің бірінші орынбасары Нұрлыбек Машбекұлының Алғыс хаты, Сыр елінің әлеуметтік-экономикалық дамуына қосқан ерекше үлесі үшін Қызылорда облысының Құрмет грамотасы және «Қызылорда облысының дамуына қосқан үлесі үшін» медалі табысталды.Сонымен қатар, мәжілісте Қызылорда облысы прокурорының бірінші орынбасары Исламбек Төлегеновтің құрметті зейнет демалысына шығуына орай, Қазақстан Республикасы Бас прокурорының бұйрығымен облыс прокурорының бірінші орынбасары болып тағайындалған Дүйсенбаев Нұрболат Серікұлы таныстырылды.<img src="https://knadmin.beoblood.kz/uploads/Zebeshev_zha_a_yzmetke_shy_aryp_salu_2_7a49d682ab.jpg" alt="Зебешев жаңа қызметке шығарып салу 2.jpg">

Әріптестері Ардақ Зебешевті жаңа қызметке шығарып салды

<a href="https://kyzylorda-news.kz/">Kyzylorda-news.kz</a> Оқу-ағарту министрі 2026 жылғы 29 мамырдағы бұйрықпен педагогтердің біліктілігін арттыру курстарын ұйымдастыру және өткізу, сондай-ақ педагог қызметін курстан кейінгі сүйемелдеу қағидаларына өзгерістер енгізді, – деп хабарлайды <a href="https://kaz.inform.kz/news/pedagogterdn-blktlgn-arttiru-kurstarin-otkzu-kagidalari-zhanartildi-bb9779d3">Қазақпарат.</a>Жаңа талаптарға сәйкес, біліктілікті арттыру курстарын білім беру қызметін жүзеге асыратын ұйымдар өткізеді. Мұндай ұйымдарда курстың білім беру бағдарламасы бағыты бойынша кемінде үш жыл еңбек өтілі бар тренер-оқытушылар жұмыс істеуі тиіс.Сонымен қатар тренер-оқытушылардың кемінде 40 пайызы ғылым кандидаты, ғылым докторы, философия докторы (PhD), бейіні бойынша доктор немесе магистр дәрежесіне ие&nbsp;болуы қажет. Бұл талапқа «педагог-зерттеуші» немесе «педагог-шебер» біліктілік санаты бар педагогтер мен тиісті саладағы кәсіпорындар және ұйымдарда еңбек ететін мамандар да&nbsp;сәйкес келеді.Қашықтан немесе аралас форматта оқыту жүргізетін ұйымдардың оқу процесін басқару жүйесі (LMS) туралы мәліметтер орналастырылған интернет-ресурсы болуы керек. Сонымен бірге олардың санитариялық талаптар мен өрт қауіпсіздігі нормаларына сай келетін материалдық-техникалық базасы болуы тиіс.Курстар барысында ұйымның шешімімен өңірлік кәсіпкерлер палаталары мен жұмыс берушілер қауымдастықтарының өкілдері жекелеген дәрістер оқуға және практикалық сабақтар өткізуге тартылуы мүмкін.Қағидаға сәйкес, курстар үш форматта өткізіледі:<ul><li style="text-align:justify;">жұмыстан қол үздіріп, жалақысы сақталатын күндізгі форматта;</li><li style="text-align:justify;">жұмыстан қол үзбей қашықтан;</li><li style="text-align:justify;">күндізгі және қашықтан оқытуды ұштастыратын аралас форматта.</li></ul>Қашықтан және аралас форматтағы оқу LMS жүйесі арқылы жүзеге асырылады. Бұл жүйеде тыңдаушының жеке кабинеті, оқу және бағалау материалдары, сабақ кестесі, сондай-ақ курстан кейінгі сүйемелдеу материалдары орналастырылады.Құжатта LMS оқу процесін басқаруды автоматтандыруға арналған ақпараттық жүйе ретінде айқындалған.Курстардың ұзақтығы кемінде 36 академиялық сағатты құрайды. Бір академиялық сағаттың ұзақтығы&nbsp;— 45 минут.Оқу аяқталғаннан кейін ұйым білім беру бағдарламасына сәйкес қорытынды бағалау өткізеді. Бағалаудан сәтті өткен тыңдаушыларға қағаз немесе электрондық форматта сертификат беріледі.Электрондық сертификат міндетті түрде QR-кодпен рәсімделіп, педагогтердің бірыңғай деректер базасы арқылы верификациядан өткізілуі тиіс. Мұндай жағдайда қағаз сертификат беру талап етілмейді.Біліктілікті арттыру курстарын өткізетін ұйымдар педагогтердің біліктілігін арттыру ұйымдарының тізіліміне енгізілуі қажет.Білім беру ұйымдары жыл сайын келесі күнтізбелік жылға арналған педагогтердің біліктілігін арттыру жоспарын әзірлеп, өтінім дайындайды. Өтінімдер 1 маусымға дейін аудандар мен облыстық маңызы бар қалалардың білім бөлімдеріне, ал&nbsp;республикалық білім беру ұйымдары үшін уәкілетті органға жолданады.Білім бөлімдері ұсынылған өтінімдерді қарап, педагогтердің біліктілігін арттыру жоспарын қалыптастырады және оны жыл сайын 1 шілдеге дейін білім басқармаларына ұсынады.Өз кезегінде білім басқармалары алдағы қаржы жылына арналған өңірлік жоспарды әзірлеп, педагогтерді курстарға бөлу жөніндегі ұсыныстармен бірге оны 1 қыркүйекке дейін уәкілетті органға жолдайды.Педагогтер кәсіби құзыреттерін жетілдіру мақсатында біліктілікті арттыру курстарынан мемлекеттік бюджет есебінен де, өзге қаржыландыру көздері арқылы да&nbsp;өте алады.Бұйрық 15 маусымнан бастап қолданысқа енгізіледі. Оның жекелеген нормалары 12 шілдеден бастап күшіне енеді.Фото: Оқу-ағарту министрлігі

Қазақстан және Қызылорда облысының жаңалықтары