<a href="https://kyzylorda-news.kz/">Kyzylorda-news.kz.</a> Бас прокуратура азаматтардың конституциялық құқықтарын қорғау және қаңтардағы оқиғаларда жасалған қылмыстардың мән-жайларын анықтау жұмыстарын жалғастыруда. Бұл туралы Орталық коммуникациялар қызметі алаңында ҚР Бас прокуратурасы 1-қызмет бастығының орынбасары Елдос Қилымжанов хабарлады.
<blockquote>
 «Ел Президентінің ауырлататын мән-жайлар болмаған кезде, жазаны жеңілдету жөніндегі тапсырмасын орындау аясында келесідей жұмыстар атқарылды. Бүгінгі күні соттар қаңтар оқиғаларына байланысты 9 257 әкімшілік істі қарады. Олардың жартысына жуығы ешқандай жаза қолданбай қаралды – 4 584 адамға сот ескерту жасады», – деді спикер.
</blockquote>

Қаңтар оқиғаларына байланысты соттар әкімшілік істердің жартысына ешқандай жаза қолданған жоқ

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 9360 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 4254,
Алматы қаласы – 1967,
Шымкент қаласы – 112,
Ақмола облысы – 48,
Алматы облысы – 307,
Атырау облысы – 42,
Шығыс Қазақстан облысы – 225,
Жамбыл облысы – 73,
Батыс Қазақстан облысы – 121,
Қарағанды облысы – 884,
Қостанай облысы – 98,
Қызылорда облысы – 196,
Маңғыстау облысы – 54,
Павлодар облысы – 690,
Солтүстік Қазақстан облысы – 248,
Түркістан облысы – 41.
Қазақстан бойынша жазылғандар саны – 1009910.

Қызылордада 196 адам коронавирустан жазылды

Kyzylorda-news.kz. Қазақстанда өткен тәулікте 11862 адамда коронавирус індеті ПТР арқылы расталып ауырғаны белгілі болды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 2352,
Алматы қаласы – 2126,
Шымкент қаласы – 157,
Ақмола облысы – 976,
Ақтөбе облысы – 467,
Алматы облысы – 265,
Атырау облысы – 477,
Шығыс Қазақстан облысы – 354,
Жамбыл облысы – 194,
Батыс Қазақстан облысы – 420,
Қарағанды облысы – 2058,
Қостанай облысы – 348,
Қызылорда облысы – 134,
Маңғыстау облысы – 173,
Павлодар облысы – 910,
Солтүстік Қазақстан облысы – 318,
Түркістан облысы – 133.
Жалпы ел бойынша ауырғандар саны 1178559.

Өткен тәулікте 134 қызылордалықтан коронавирус анықталды

<a href="https://kyzylorda-news.kz/">Kyzylorda-news.kz.</a> 26 қаңтарда елдің батысында, солтүстігінде және шығысында фронтальдық бөлімдер, көбінесе қар түрінде жауын-шашын, жаяу бұрқасын, желдің күшеюі және көктайғақ құбылыстарын алып келеді. Қазақстанның қалған бөлігіне антициклон жотасы әсер етеді онымен жауын-шашынсыз ауа райы күтіледі. Республика бойынша кей жерлерде тұман түседі, деп хабарлайды Қазгидромет.
Түнде Ақтөбе облысының оңтүстік-батысында, күндіз солтүстік-батысында, солтүстігінде жаяу бұрқасын, облыстың солтүстігінде тұман, күндіз солтүстік – батысында, облыстың орталығында жел 15-20 м/с күшейеді.
Батыс Қазақстан облысының батысында, солтүстігінде жаяу бұрқасын, солтүстігінде тұман түседі.
Маңғыстау облысының оңтүстік-батысында көктайғақ, оңтүстік-шығысында, орталығында тұман күтіледі.
Солтүстік Қазақстан облысының солтүстігінде, шығысында жаяу бұрқасын, облыстың солтүстігінде тұман, түнде облыстың шығысында 15-20 м/с жел күшейеді.
Павлодар облысының батысында, оңтүстік-батысында жаяу бұрқасын күтіледі, жел 15-20 м/с күшейеді. Күндіз Шығыс Қазақстан облысының солтүстігінде, шығысында жаяу бұрқасын, батысында тұман болжанады.
Ақмола облысының оңтүстігінде, Алматы облысының оңтүстігінде және шығысында, Түркістан облысының оңтүстігінде, батысында, таулы, тау бөктеріндегі аудандарында, Атырау облысының орталығында, солтүстікте, шығысында Қостанай облысының шығысында, солтүстігінде, Қызылорда облысының орталығында, солтүстігінде, Жамбыл облысының солтүстігінде, таулы, тау бөктеріндегі аудандарында тұман болады.

Ауа райы: Қызылордада тұман болады

Kyzylorda-news.kz. Бүгін облыс әкімі Гүлшара Әбдіқалықованың төрағалығымен аймақтағы коронавирус індетінің таралуы мен эпидемиологиялық жағдай бойынша отырыс өтті. Жиынға облыс әкімінің орынбасары Балжан Шаменова, облыстық денсаулық сақтау басқармасының басшысы Сәбит Пазылов, облыстық санитариялық эпидемиологиялық бақылау департаментінің басшысы Динара Жаңабергенова және онлайн форматта Қызылорда қаласы мен аудан әкімдері қатысты.
Аймақ басшысы облыс тұрғындарын жаппай вакцинациялау және ревакцинациялау шараларын күшейту туралы мәселеге тоқталды.
<blockquote>
 Індетті жеңетін бірден бір жол – жаппай вакцинациялау жұмыстарын жүргізу. Дегенмен, бірқатар аудандар бойынша вакцина алмаған азаматтар саны әлі де жетерлік. Ревакцинация жұмыстары да баяу жүруде. Ұжымдық иммунитетті қалыптастыру мақсатында екпе алуға қабілетті тұрғындарға түсіндіру жұмыстарын күшейтіп, вакцинация жұмыстарын тиісті деңгейде жүргізу қажет. Саулықты сақтап, азаматтарымыздың денсаулығын сақтауға тиіспіз, – деді Гүлшара Әбдіқалықова.
</blockquote>
Бүгінгі таңда облыс бойынша екпе алуға қабілетті азаматтардың 92,6% I компонент, 
87,9% тұрғын II компонентті салдырған. Сонымен қатар, 2021 жылдың 22 қарашадан басталған ревакцинациядан 43 253 адам өтті.
Жиында аудан әкімдері вакцинациялау қарқыны бойынша межеленген жұмыстардың орындалу барысын тізбектеді. Айту керек, аудандар бойынша ұжымдық иммунитетті қалыптастыру мақсатында екпе алуға қабілетті 18 жастан жоғары 250 мың тұрғынның I компонентімен 94,2%, IІ компонентімен 88,2% вакциналанды.
Айта кету керек, Pfizer вакцинасымен аудандар толық қамтамасыз етілді. 
Сондай-ақ, облыс бойынша «Спутник лайт» вакцинасының 8 мың дозасы, «Синовак» вакцинасының 40 мың дозасы жеткізіліп, барлық медициналық мекемелерге бөлініске сай таратылды.
Жиын соңында аймақ басшысы департамент басшысына тұрғындар арасында жеткілікті деңгейде ақпараттық түсіндіру жұмыстарын күшейту қажеттігін еске салды. Жиында көзделген мәселелерді бақылауға алуды орынбасары Балжан Шаменоваға жүктеді.
<hr />

Г. Әбдіқалықова: Індетті жеңетін бірден бір жол — жаппай вакцинациялау

Kyzylorda-news.kz. Терроризмге қарсы операцияны жүргізу барысында ұрланған қарудың 515 бірлігі табылып, тәркіленді. Оның ішінде 75-автоматтар, 133-пистолеттер, 2-пулемет; 47-ойық, 103-тегіс ұңғылы қарулар, 100–ден астам гранаталар, 9 мың данадан астам оқ-дәрі. Орталық коммуникациялар қызметі алаңында ҚР ІІМ Тергеу департаментінің бастығы Санжар Әділов осындай мәліметтерді келтіріп өтті.
<blockquote>
 «Қаруды ұрлағаны үшін 98 адам ұсталып, уақытша ұстау абақтысына қамалды және олардың заңсыз сақтағаны үшін 61 адам ұсталды. Осы мүмкіндікті пайдалана отырып, азаматтардың назарын ұрланған қару халықтың өмірі мен қауіпсіздігіне қауіп төндіретініне аударғым келеді, өйткені ол енді кез-келген заңсыз әрекеттерге қолданыла алады. Барлық адамдардың қаруды ұрлауға қатысы болмауы мүмкін екендігін екенін ескере отырып, тауып алған азаматтарды ерікті түрде тапсыруға тағы да шақырамыз. Бүгінгі таңда 31 қару ерікті түрде тапсырылғанын атап өткім келеді», – деді ІІМ өкілі.
</blockquote>

Терроризмге қарсы операция: Ұрланған 515 қару табылып, тәркіленді

Kyzylorda-news.kz. Ішкі істер органдары тергеушілерінің қылмыстық істер бойынша барлық шешімдері заңнама талаптарымен қатаң сәйкестікте, атап айтқанда қылмыстық процестің үш буынды моделі шеңберінде қабылданады. Бұл туралы Орталық коммуникациялар қызметі алаңында ҚР ІІМ Тергеу департаментінің бастығы Санжар Әділов хабарлады.
<blockquote>
 «Күдіктіні ұстау, олардың іс-әрекеттерін саралау, сондай – ақ бұлтартпау шараларын таңдау сияқты барлық негізгі іс жүргізу шешімдері тек прокурормен келісіледі. Одан өзге, тінту, алу, сараптама үшін үлгілерді алу, бас шарасын санкциялау сияқты іс жүргізу әрекеттері тергеу соттарының қаулысы негізінде жүргізіледі. Қылмыс жасады деген күдік бойынша ұсталған барлық адамдар дене жарақаттарының болуына медициналық куәландыру жүргізілгеннен кейін ғана, оларды алу мән-жайлары анықтала отырып, уақытша ұстау абақтысына қамалады, себебі кейбіреулері тәртіпсіздік орнынан тікелей медициналық мекемелерге жеткізілді. Бұдан басқа, ұсталған күдіктілердің адвокаттарға қолжетімділігі қамтамасыз етіледі, қажет болған жағдайда мемлекет қаражаты есебінен тегін қорғаушылар қызметі ұсынылады», – деді спикер.
</blockquote>

ІІМ:  Адам құқығы мен бостандығының заңдылығы сақталады

Kyzylorda-news.kz. Қазіргі уақытта өндірістегі қылмыстық істер бойынша арызданған залалдың алдын ала жалпы сомасы 87 млрд теңгеден асты.
ҚР ІІМ Тергеу департаментінің бастығы Санжар Әділов Орталық коммуникациялар қызметі алаңында осындай мәліметті келтіріп өтті.
Оның айтуынша, зардап шеккендердің арыздануы барысында бұл сома өсіп отырады.

Қылмыстық істен 87 млрд теңге залал келген

Kyzylorda-news.kz. Мемлекет басшысы лаңкестік актілер себептерін және ұйымдастырушыларын анықтау бойынша тергеуді Бас прокуратураға тапсырды. Осыған байланысты, аталған санаттағы және онымен байланысты барлық қылмыстық істер арнайы прокурорлар басшылық ететін ведомствоаралық жедел-тергеу топтарының өндірісіне берілді. Бұл туралы Орталық коммуникациялар қызметі алаңында ҚР ІІМ Тергеу департаментінің бастығы Санжар Әділов мәлімдеді.
Қалған қылмыстық істер бойынша тергеуді ішкі істер, ұлттық қауіпсіздік, экономикалық тергеу және сыбайлас жемқорлыққа қарсы қызмет органдары жүргізуде.
<blockquote>
 «Осы қылмыстардың негізгі үлесін – 70% немесе 1 356 негізінен тәртіпсіздіктерден туындаған хаос процесінде Алматы қаласының сауда объектілерінен жасалған ұрлық туралы істер құрайды. 127 қылмыстық іс атыс қаруы мен оқ – дәрілерді заңсыз сақтау фактілері бойынша, тағы 30 Іс оларды ұрлау фактілері бойынша тергелуде. Сонымен қатар, 63 қылмыстық іс мүлікті қасақана бүлдіру және жою, 12 – автокөлікті айдап кету, 24 – қарақшылық және тонау, 23 – құқық қорғау органдары қызметкерлеріне күш қолдану және олардың өміріне қол сұғу фактілері бойынша тіркелді. Ұрлық пен тонау жасағаны үшін 274 адам уақытша ұстау абақтысына қамалды», – деп атап өтті спикер.
</blockquote>
Айта кетейік, ұсталғандардың кінәсі ұрланған тауарлар мен қару түріндегі алынған заттай дәлелдемелермен, сондай-ақ бейнебақылау камераларының жазбаларымен, әлеуметтік желілердегі роликтермен, күдіктілердің өздерінің ұялы телефондарынан табылған деректермен дәлелденеді.
<blockquote>
 «Мысалы, 19 қаңтарда Алматы қаласында 18 жастағы тұрғын ұсталды, оның ұялы телефонынан азық-түлік дүкендерінің бірінде ұрлық жасаған бейнежазба, ұрланған заттар аясында «селфи» және ең сорақысы көшеде бір полиция қызметкерін топ болып қатыгез ұрып-соғуға қатысуы анықталды. Бұл бейнежазбалардың барлығын күдіктінің өзі жасаған. Ол уақытша ұстау абақтысына қамауға алынды. Мұндай фактілер көп», – деп түйіндеді өз сөзін ІІМ өкілі.
</blockquote>

Қылмыстың 70 пайызын сауда объектілеріне жасалған ұрлық ісі құрайды

Kyzylorda-news.kz. Алматы, Талдықорған, Тараз, Шымкент, Қызылорда, Өскемен Ақтөбе, Атырау және Семей қалаларында 1 466 әртүрлі үй-жайларға шабуыл жасалды. Бұл туралы Орталық коммуникациялар қызметі алаңында ҚР ІІМ Тергеу департаментінің бастығы Санжар Әділов мәлімдеді.
Оның айтуынша, 71 мемлекеттік мекемеге зиян келтірілді, оның 12-і әкімшілік ғимараттар мен 27 полиция объектілері.
<blockquote>
 «Ең көп зардап шеккен бизнес объектілері, олар зақым келтіруден өзге толықтай тоналды олардың саны – 1 395. Одан өзге 700-ден астам автокөліктер зақымдалып, жойылды, оның 500-ден астамы полицияның, Қорғаныс және Төтенше жағдай министрліктерінің жедел жәрдем және өзге органдардың қызметтік көліктері. Сондай-ақ 116 жеке адамдар көліктері. 
 Шабуылдар барысында 7 аңшылық дүкендеріне шабуыл жасалып, тоналды олардан 1 564 дана азаматтық қару ұрланды», – деді спикер.
</blockquote>

Қаңтар оқиғасы кезінде 1,5 мыңға жуық ғимарат пен үй-жайлар зардап шекті

<a href="https://kyzylorda-news.kz/">Kyzylorda-news.kz.</a> “Омикрон” штамының таралуына байланысты коронавирустың шарықтау шегі ақпан айының ортасына келеді. Бұл туралы ДСМ санитарлық-эпидемиологиялық бақылау комитетінің төрағасы Айжан Есмағамбетова мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Орталық коммуникациялар қызметінде өткен баспасөз мәслихатында журналистер денсаулық сақтау министрлігінің өкілінен “омикрон” бойынша вирустың шарықтау шегі қашан болжанып отырғанын сұрады.
<blockquote>
 “Біз эпидемиологиялық жағдайға үнемі болжам жасап тұрамыз. Өздеріңізге мәлім, бізде болжам реалистік, оптимистік және пессимистік сценарий бойынша жүргізіледі. Бүгінгі болжам бойынша коронавирус жұқтырудың шарықтау шегі ақпан айының ортасына тұспа-тұс келіп тұр”, – деп жауап берді Айжан Есмағамбетова.
</blockquote>
Бұған дейін 12 қаңтарда денсаулық сақтау министрлігі “омикрон” штамының табылуына байланысты эпидемиологиялық жағдайға болжам жасады.
Оптимистік сценарий кезінде ревакцинациямен 100% қамтылғанда және профилактика шараларын жаппай сақтағанда, тәулігіне 17 мыңнан астам жағдай тіркелуі мүмкін.
Реалистік сценарийге сәйкес, ревакцинациямен 70%-ке дейін қамтылғанда, профилактика шараларын ішінара сақтағанда, тәулігіне 25,5 мың адам індетке шалдығады.
Ал пессимистік сценарий кезінде – ревакцинациямен 40% қамтылғанда, профилактика шараларын сақтамаса, тәулігіне 40 мың адам вирус жұқтырады деген болжам бар.

Коронавирустың шарықтау шегі ақпанның ортасына келеді

<a href="https://kyzylorda-news.kz/">Kyzylorda-news.kz.</a> Тұрғын үй алуға бағытталған мемлекеттік бағдарламалар өз тиімділігін көрсетті. Себебі, облыстағы салымшылардың саны 60 мыңнан асқан. Сондай-ақ, «Нұрлы жер» бағдарламасы баспана алудың жаңа бағытын әзірлеуде. Жаңа пилоттық жоба «5-10-20» шарты бойынша тұрғын үй сатып алу үшін азаматтарды несиелендіруді қарастырады.
Бұл туралы Өңірлік коммуникациялар қызметінде өткен брифингте «Отбасы банкі» Қызылорда филиалының директоры Әділжан Сәулебаев хабарлады.
<blockquote>
 -«5-10-20» пилоттық жобасына тұрғын үйге мұқтаж ретінде жергілікті атқарушы органдарда есепте тұрған азаматтар қатыса алады. Несие мөлшерлемесі 5 пайыз, ал бастапқы жарна 10 пайыздан басталады. Несиелендіру мерзімі – 20 жылға дейін. 2020-2025 жылға бағытталған «Нұрлы жер» бағдарламасына сәйкес 316 азаматқа 2,7 млрд.теңге қарастырылды. Ал «Әйелдер» ипотекасының мөлшері 12 пайызбен беріледі. Егер салымшының табысы 200 мың теңгеден төмен болса, үй құнын 15 пайызбен, ал айлық табыс одан жоғары болса 20 пайызбен баспанаға қол жеткізеді. Жалпы баспана алуға бағытталған бағдарламалар өз тиімділігін көрсетіп келеді, – деді Әділжан Сәулебаев.
</blockquote>
<hr />

Қазақстан және Қызылорда облысының жаңалықтары