<a href="https://kyzylorda-news.kz/">Kyzylorda-news.kz.</a> Қазгидромет алдағы үш күнге арналған ауа райы болжамын жариялады.
Аязды ауа райын жауын-шашынсыз сақтаған кең антициклон тек шығыс аймақтарға әсерін сақтай отырып, біздің елден тыс жерлерге ауыса бастайды. Ал солтүстік-батыстан үлкен ылғал қоры бар циклон асығуда. Ол өзімен бірге жаңбыр мен қар түрінде, 12 ақпанда оңтүстік облыстарда қатты жауын-шашын, сондай-ақ жел мен көктайғақ құбылыстарын әкеледі.
Ұзақ аяздан кейін тіпті Қазақстанның солтүстігінде термометр бағандары күндізгі уақытта тек 2-10 градус аязды көрсетеді.

Алдағы үш күнде ауа температурасы қандай болады?

<a href="https://kyzylorda-news.kz/">Kyzylorda-news.kz.</a> Әр дәуірде өзінің талантымен, соңында қалдырған мол мұрасымен халықтың құрмет-қошеметіне ие болатын тұлғалар болады. Осындай таутұлғаның бірі қазақ халқының маңдайына біткен талантты ақын – Мұқағали Мақатаев десек артық айтқандық емес.
Көзі тірісінде-ақ лирикалық жырларымен халықтың ыстық ықыласына ие болған және өлеңдерін көпшілік әлі күнге жатқа айтатын Мұқағали Мақатаевтың бүгін туған күні.
Ол 1931 жылы 9 ақпанда&nbsp;Алматы облысы, қазіргі Райымбек (бұрынғы Нарынқол) ауданының&nbsp;Қарасаз&nbsp;ауылында дүниеге келген. Азан шақырып қойылған аты – Мұхаммедқали. Әкесі қарапайым шаруашы:колхозда сушы, шалғышы болып істеген. Мұқағали үйдің тұңғышы болған, оның артынан бір қыз және үш ұл туған. Ақынның қарындасы мен алғашқы інісі ерте көз жұмған. Соңғыларының есімдері – Тоқтарбай мен Көрпеш. Қазақ дәстүрі бойынша үйдің алғашқы баласы ата-әжесінен тәрбие алуы тиіс, сондықтан Мұқағали әжесі Тиынның қолында өсіп, анасын жеңгесіндей қабылдайды. Балалық шағы соғыспен қатар өткендіктен, ақын тағдырдың ащы дәмін ерте татады(“Неңді сенің аңсаймын,бала шағым?”). Мұқағалидің әкесі 1941ж Калиниград майданында қаза табады.
<ul>
<li>1948 – 49&nbsp;ҚазМУ-дың филология факултетінің студенті;</li>
<li>1948 – оқуын тастап, Шибұт ауылында ауылдық кеңестің хатшысы;</li>
<li>1949 – көктемде жары Лашынмен отау құрады;</li>
<li>1949 – “Советтік шекара” газеті ақынның “Қырман басында”, “Қойшы бала – Әкітай” деген өлеңдірін жариялады;</li>
<li>1950 – Алматыдағы Шет тілдер институтының неміс тілі факультетіне оқуға түсіп, көп ұзамай тұрмыстық жағдайына байланысты оқуын тастайды;</li>
<li>1954 – Қарасаздың бастауыш мектебінде орыс тілі мұғалімі болып тағайындалады, осы жылы ақынның үш өлеңі “Әдебиет және искусство” журналында жарияланды;</li>
<li>1957 – Республикалық радионың диктор қызметін атқарады;</li>
<li>1960-62 – “Советтік шекара” газетінің бөлім меңгерушісі;</li>
<li>1963-1965 – “Мәдениет және тұрмыс” журналында жұмыс істейді;</li>
</ul>
Ол 1962 жылы&nbsp;Алматыға&nbsp;қоныс аударып, әдеби ортаға етене араласа бастайды. Алматы Шет тілдері институтының неміс тілі, Қазақ мемлекеттік университетінің филология факультеттерінде оқып және Мәскеудегі М. Горький атындағы әлем әдебиеті институтында білім алады.
Мұнан соң «Социалистік Қазақстан» (қазіргі «Егемен Қазақстан») газетінің (1962-1963 жж.), «Мәдениет және тұрмыс» (қазіргі «Парасат») (1963-1965 жж.), «Жұлдыз»&nbsp;(1965-1972 жж.) журналдарының редакциясында,&nbsp;Қазақстан Жазушылар одағында&nbsp;(1972-1973 жж.) қызмет атқарады. Мұқағали Алматыдағы қазақ әдебиеті мен өнерінің қаймақтары шоғырланған ортада өткерген аз ғана жылдар ішінде өзіндік дара үнін, суреткерлік қайталанбас дарынын танытып, өнімді еңбектене білді. «Ильич» (1964), «Армысыңдар достар» (1966), «Қарлығашым келдің бе?», «Мавр» (1970), «Аққулар ұйықтағанда» (1973), «Шуағым менің» (1975) атты жыр жинақтарын көзінің тірісінде жариялап үлгерді.
Мұқағали поэзиясының қайнар көзі, шабыт тұғыры туған елі, өскен жері, Отан тағдыры, замана тынысы, замандастарының арман аңсары. Осының бәрін Мұқағали жас дарынға тән қайталанбас шеберлікпен, тәңірдің таңдайынан төгілгендей поэтикалық мінсіз үйлесіммен, әр жүрекпен тіл табысар сыршыл да шыншыл сезіммен, нағыз&nbsp;поэзияға&nbsp;ғана тән бейнелі образдармен бедерлеп, өлмес өнер деңгейінде туындатып отырған.
<h2 id="">Поэзиядағы алғашқы қадамдары</h2>
Ақынның тұңғыш өлеңдері “Қырман басында”, “Қойшы бала — Әкітай” ауданындағы “Советтік шекара” газетінде жарияланды (1949). “Інімнің ойы”, “Шебер”&nbsp;өлеңдері&nbsp;“Жастық жыры” атты жинаққа енді (1951). Алғаш Мұқағали талантын бағалаған Ә.Тәжібаев: “Өзіңнен де жігерлілеу, оттылау жас жеткіншек жеткенде, мақтанбасқа бола ма?!” деген еді (“Қазақ әдебиеті”, 18.3.1960).
<h2 id="-1">Шығармалары мен аудармалары</h2>
Мұқағалидің “Қарлығашым, келдің бе?”, “Дариға жүрек” (1972 ж.), “Аққулар ұйықтағанда”, “Шуағым менің” (1975 ж.), “Соғады жүрек”, “Шолпан”, “Жырлайды жүрек”, “Өмір-өзен”, ”Өмір-дастан” және т.б. жыр жинақтары, сондай-ақ, “Қош, махаббат!” (1988 ж.) атты&nbsp;прозалық&nbsp;кітабы да бар. Біршама өлеңдеріне&nbsp;ән&nbsp;жазылды. Өзін аудармашылық қырынан да сынап көрген Мұқағали&nbsp;Дантенің&nbsp;“Құдіретті комедиясының” “Тамұқ” деген бөлімін (1971 ж.),&nbsp;Шекспирдің&nbsp;“Сонеттерін” (1970 ж.),&nbsp;Уолт Уитменнің&nbsp;өлеңдерін (1969 ж.) қазақ тіліне аударды.
Ақынның көзі тірісінде 3 аударма кітабы [У.Уитмен, “Шөп жапырақтары” (1969); У.Шекспир, “Сонеттер” (1970); Д.Алигерьи, “Құдіретті комедиясының” “Тамұқ” бөлімі (1971)], 8 жыр жинағы [“Ильич” (1964), “Армысыңдар, достар” (1966), “Қарлығашым, келдің бе?” (1968), “Мавр” (1970), “Дариға-жүрек” (1972), “Аққулар ұйықтағанда” (1974), “Шуағым менің” (1975), “Өмірдастан” (1976)] жарық көрді. У.Уитмен, У.Шекспир, Н.Тихонов, Р.Бернс, Ф.Ансари, А.Акопян, А.Исаакян, Е.Евтушенко, Ф.Моргуннің бірнеше өлеңдерін аударды. Ю.А. Александров, М.М. Курганцев тәржімалаған ақын өлеңдері “Зов души” деген атпен&nbsp;орыс&nbsp;тілінде басылып шықты

Бүгін &#8211; ақиық ақын Мұқағали Мақатаевтың туған күні

<a href="https://kyzylorda-news.kz/">Kyzylorda-news.kz.</a> 9 ақпанда дүние жүзіндегі тіс дәрігерлері кәсіби мерекені – Халықаралық тіс дәрігерлерінің күнін атап өтеді. Міндетті әлеуметтік медициналық сақтандыруды енгізумен МӘМС шеңберінде қызмет көрсететін стоматологиялық клиникалардың саны артты.
<blockquote>
 «Әлеуметтік медициналық сақтандыру қорының Денсаулық сақтау субъектілерінің дерекқорында Қызылорда облысының стоматологиялық қызметтер көрсететін 40 медициналық ұйымы тіркелген, оның 10 – ы (25%) мемлекеттік және 30-ы (75%) жеке клиникалар. 2021 жылы олар МӘМС пакеті шеңберінде жалпы сомасы 1,5 млрд. теңгеге 500-ге жуық медициналық қызмет көрсетті. Аталған медициналық ұйымдар алғашқы медициналық-санитарлық көмектің медициналық ұйымдарымен бірлесіп орындау шарты негізінде медициналық қызмет көрсетіп отыр», – деді Қордың облыстық филиалының директоры Бақыт Исмаханбетов.
</blockquote>
ӘМСҚ филиалының директоры түсіндіргендей, МӘМС жүйесінде жоспарлы стоматологиялық көмек 18 жасқа дейінгі балалар мен жүкті әйелдерге көрсетіледі. Олар мұндай қызметтерді жоспарлы түрде ала алады: анестезия, пломба салу, терапиялық қабылдау, пульпитті, периодонтитті емдеу, гипоплазия, флюороз кезінде тістің анатомиялық формасын толық функционалды қалпына келтіру. Сондай-ақ, тісті жұлудың хирургиялық әдістері, еріннің, тілдің френальды болігіне платикалық хирургия, жақ рентгені және анестезия.
МӘМС жүйесінде шұғыл стоматологиялық көмекті 18 жасқа дейінгі балалар, жүкті әйелдер, Ұлы Отан соғысының ардагерлері, I, II, III топтағы мүгедектер, «Күміс алқа» және «Алтын алқа» иегерлері, атаулы әлеуметтік көмек алушылар, жасы бойынша зейнеткерлер, мүгедек балаға немесе бала кезінен I топтағы мүгедекке күтім жасайтын жұмыс істемейтін адамдарға
Осы санаттағы азаматтар шұғыл жағдайларда хирургиялық қабылдау, тұрақты тісті жұлу, абсцесті ашу, одонтогенді кистаны кетіру, альвеолитті емдеу, луночка жүйкесінің невритін емдеу, ауыз қуысының жұмсақ тіндерін кесу, жақ-бет аймағының жарасын бастапқы хирургиялық өңдеу сияқты қызметтер көрсетіледі. Сондай-ақ, жақ-бет аймағының туа біткен патологиясы бар балалар мемлекеттік тапсырыс есебінен ортодонтиялық көмек ала алады.
Егер сізде сақтандырылған тұлға мәртебесін алуға немесе медициналық көмек алуға қатысты сұрақтар туындаған болса, сіз әрбір медициналық ұйымда бар Пациентті қолдау қызметіне жүгіне аласыз. Егер жағдайды сол жерде шешу мүмкін болмаса, Әлеуметтік медициналық сақтандыру қорына өтінішті өзіңізге ыңғайлы байланыс арнасы бойынша қалдыруға болады: fms.kz&nbsp; ресми&nbsp; сайты, 1406 байланыс орталығы, Qoldau 24/7 мобильді қосымшасы және&nbsp; Telegramдағы&nbsp; SaqtandyryBot.
<img src="https://kyzylorda-news.kz/wp-content/uploads/2022/02/stom_planovaja-kaz.jpeg" alt="" />
<img src="https://kyzylorda-news.kz/wp-content/uploads/2022/02/stom_jekstren-kaz.jpeg" alt="" />

9 ақпан &#8211; Халықаралық тіс дәрігерлерінің күні

<a href="https://kyzylorda-news.kz/">Kyzylorda-news.kz.</a> ҚР Президенті Қасым-Жомарт Тоқаев Үкіметтің кеңейтілген отырысында ел экономикасын тұрақты түрде дамытып, халықтың әл-ауқатын көтеру бағытында нақты тапсырмалар берді.
Кеңейтілген отырыста бірқатар облыстың әкімдері өңірлерді дамыту мәселелерін қозғады.
Қызылорда облысының әкімі Гүлшара Әбдіқалықова қысқаша жыл қорытындысын баяндай келе, 2 өзекті мәселеге тоқталды. Атап айтқанда, Сырдариядағы су көлемінің төмендеуі мен мұнай кенішінің сарқылуына байланысты мәселелерді Президент назарына ұсынды.
Облыс әкімі вегетациялық кезең күрделі су тапшылығы жағдайында өтіп жатқанын тілге тиек етіп, Шардараға қосымша 2 млрд. текше метр су түспеген жағдайда қысқарған күріштің өзін сумен қамтамасыз етуге мүмкіндік болмайтынын алға тартты. Сондай-ақ, Үкімет тарапымен су тапшылығының алдын алу шараларын бірлесіп қарау керектігін жеткізді.
Қазіргі таңда Шардара су қоймасына жиналған судың көлемі өткен жылдан 1 млрд. текше метрге кем. Ал, Көксарай су реттегішіне судың мүлдем жиналмайтын қауіп бар. Сондықтан шаруалар вегетациялық кезеңде суды үнемдеу жолдарына көшеді. Суды аз қажет ететін мал азықтық майлы дақылдар және картоп, көкөністер мен бақша дақылдарын егуге мән беріледі.
Айту керек, Сырдария өзенінің төменгі ағысына су жіберу көлемін ұлғайту мәселесі бойынша Қырғызстан, Өзбекстан, Тәжікстан мемлекеттерімен бірге келіссөздерде талқыланатын болады.
Президент Қасым-Жомарт Тоқаев өңір үшін аса маңызды негізгі мәселелер арнайы қаралатынын жеткізді.

Гүлшара Әбдіқалықова Сырдариядағы су көлемінің төмендеуі мәселесін Президент назарына ұсынды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 16371 адам коронавирус індетінен емделіп шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 6185
Алматы қаласы – 2368
Шымкент қаласы – 106
Ақмола облысы – 620
Ақтөбе облысы – 1029
Алматы облысы – 143
Атырау облысы – 520
Шығыс Қазақстан облысы – 305
Жамбыл облысы – 90
Батыс Қазақстан облысы – 212
Қарағанды облысы – 2291
Қостанай облысы – 692
Қызылорда облысы – 188
Маңғыстау облысы – 243
Павлодар облысы – 694
Солтүстік Қазақстан облысы – 547
Түркістан облысы – 138
Қазақстан бойынша жазылғандар саны – 1114833.

Қызылордада 188 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 3231 адамда коронавирус індеті ПТР арқылы расталып ауырғаны белгілі болды, деп хабарлайды <a href="https://www.coronavirus2020.kz/kz">coronavirus2020.kz</a>.
Аймақтар бойынша:
Нұр-Сұлтан қаласы – 359
Алматы қаласы – 964
Шымкент қаласы – 30
Ақмола облысы – 177
Ақтөбе облысы – 47
Алматы облысы – 202
Атырау облысы – 46
Шығыс Қазақстан облысы – 139
Жамбыл облысы – 42
Батыс Қазақстан облысы – 143
Қарағанды облысы – 371
Қостанай облысы – 212
Қызылорда облысы – 16
Маңғыстау облысы – 12
Павлодар облысы – 237
Солтүстік Қазақстан облысы – 217
Түркістан облысы – 17
Жалпы ел бойынша ауырғандар саны 1279842.

Қызылордада өткен тәулікте 16 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Кәсіпорынның болжамына қарағанда, атмосфералық франталды бөліктердің өтуіне байланысты, Қазақстан аумағының басым бөлігіне қар жауады, деп хабарлайды Қазгидромет.
Тек республиканың оңтүстік-батысында күн жауын-шашынсыз. Кей жерлерде көктайғақ болып, тұман түседі. Еліміздің батысында, солтүстік-батысында және оңтүстік-шығысында жел күшейеді.
Ал Қызылорда облысының солтүстігінде және орталығында тұман түсуі ықтимал.

Сәрсенбіде ауа райы қандай болады?

<a href="https://kyzylorda-news.kz/">Kyzylorda-news.kz.</a> Өткен жылы Қызылорда қаласының шет аймақтарындағы 20 көше жөндеуден өтті. Бұл туралы «Қызылорда қаласының тұрғын үй-коммуналдық шаруашылығы, жолаушылар көлігі және автомобиль жолдары бөлім басшысының орынбасары Дархан Бақтияров айтты.
Құрылысы 2019 жылы басталған Сұлтан Бейбарыс көшесінен «Қызылжарма» каналы – Назарбаев даңғылына дейінгі магистральды көше құрылысына өткен жылы республикалық бюджеттен 294,1 млн. теңге бөлініп, құрылыс жұмыстары жүргізілуде. Оның ұзындығы 4,6 шақырымды құрайды. Құрылыс жұмыстарын толығымен аяқтау үшін қажетті 99 млн. теңге осы жылы облыстық бюджеттен бөлінбек. Жол жөндеу жұмыстары биыл толығымен аяқталады.
Жобаға сәйкес, ұзындығы 4,6 шақырымды құрайтын веложолақ, автобус аялдамалары, жаяу жүргіншілер жолы, суағарлар және жарық бағаналарын орнату қарастырылған.
Сонымен қатар, қала тұрғындарының сұранысына орай, қаламыздың шет аймағындағы, яғни Қорқыт ата, КБИ, Титов, Гагарин, Шанхай, Әл-Фараби тұрғын аудандарындағы ұзындығы 12,6 шақырымды құрайтын 20 көшеге асфальт төсеу жұмыстарына қаржы бөлініп, былтыр толығымен аяқталды.
<blockquote>
 «Осы бағыттағы жұмыстар биыл да жалғасын тауып, қалалық бюджеттен 301,6 млн. теңге бөлінген. Ал, орталық және шет аймақтардағы ұзындығы 7,7 шақырымды құрайтын 16 көшеге орташа жол жөндеу жұмыстарын жүргізуге мемлекеттік сатып алу конкурсы жарияланып, нәтижесі күтілуде. Мердігер мекемелермен келісім шарт жасалғаннан кейін, тиісті жұмыстар атқарылатын болады», – деді Дархан Бақтияров.
</blockquote>

Қызылорда қаласының шет аймақтарындағы 20 көше жөнделді

<a href="https://kyzylorda-news.kz/">Kyzylorda-news.kz.</a>&nbsp;9 ақпанда еліміздің бірқатар өңірінде ауа райына байланысты ескерту жарияланды.
Түркістан және Қызылорда облыстары мен Ақтөбе қаласында тұман күтіледі.
Батыс Қазақстан облысының оңтүстік-батысында, батысында жаяу бұрқасын, көктайғақ болады. Облыстың солтүстігін, шығыс және орталық бөліктерін тұман басады. Жел оңтүстік-шығыстан соғады, күндіз облыстың батысында, солтүстік-батысында, оңтүстігінде, екпіні – 15-20 м/с.

Ауа райына байланысты бірнеше өңірде ескерту жарияланды

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысының кәсіпкерлер палатасы ауыл шаруашылығы саласындағы кәсіпкерлерді ересек төрт түлік малды дерекқорға енгізуге шақырады. Ол үшін Ауыл шаруашылығы министрлігі 31 мамырға дейін мүмкіндік беріп отыр.
<blockquote>
 &nbsp;&nbsp;«Дерекқорға енгізу дегеніміз қарапайым тілмен айтқанда сырғалау. Оның қажеттігін кәсіпкерлер былтыр елде қуаңшылық болғанда жақсы түсінді. Себебі осындай қиындықтарда мемлекет тарапынан көмек көрсетілерде базада бар-жоқтығы тексеріледі. Талап бойынша сырғалау төлдің алты айлығына дейін жүргізіледі. Кейде түрлі себептермен мал ұстаған жандар уақытылы сырға салдыра алмай қалуы мүмкін. Ал қазір шаруаларға 31 мамырға дейін төрт түліктерін түгелдеп, дерекқорға енгізуге тамаша мүмкіндік беріліп отыр», – дейді Кәсіпкерлер палатасының бөлім бастығы Жасұлан Серіков.
</blockquote>
Бұрын тіркелмеген, есепке алынбаған&nbsp; ересек төрт түлік малды әр адам өз атына тіркеп ала алады. Ол үшін аудан, қала көлеміндегі мал шаруашылығымен айналысатын жеке және заңды тұлғалар, шаруа қожалықтары, жеке шаруашылықтардағы әрбір мал иесі тұрғылықты жері бойынша ветеринариялық дәрігерлерге өтініш білдіріп, дерекқорға тіркеуі тиіс.
Салаға жауапты мемлекеттік орган базаға тіркелмеген ауыл шаруашылық малдарына жұқпалы ауруларға қарсы ветеринариялық іс-шаралар (профилактикалық, диагностикалық) жүргізілмейтінін және төрт түліктің иелеріне тасымалдауға, сатуға және т.б. ветеринариялық рұқсат құжаттары берілмейтінін атап өтті.
Қызылорда облыстық ветеринарлық бақылау және қадағалау инспекциясы палатаға жазған хатында базаға енгізу үшін қажетті құлақ сырғалары облыс көлемінде жеткілікті екенін, 2021 жылдың желтоқсан айында мүйізді ірі қара малға арналған – 111 439 дана, уақ малға – 254 908 дана, түйе малына – 9139 дана, шошқаға – 1067 дана құлақ сырғалары жергілікті жердегі ветеринариялық станцияларға таратылғанын жеткізді.
<blockquote>
 «Төрт түлікті дерекқорға енгізу шаруаларға несие және субсидия алу үшін де керек. Жауапты орган сырғалардың жеткілікті екенін айтып отыр. Егер ауылдардағы ветеринарлық дәрігерлер тарапынан түрлі себептер айтып, тіркеуден бас тарту жағдайлары болса Кәсіпкерлер палатасына хабарласуларыңызды сұраймыз», – дейді Жасұлан Серіков.
</blockquote>
&nbsp;&nbsp;&nbsp;&nbsp;&nbsp;&nbsp;&nbsp;&nbsp;&nbsp; Қызылорда облысы кәсіпкерлер палатасының байланыс нөмірі 8 /7242/ 40-09-81.

Кәсіпкерлерге 31 мамырға дейін төрт түлік малды дерекқорға енгізу мүмкіндігі берілді

<a href="https://kyzylorda-news.kz/">Kyzylorda-news.kz.</a>&nbsp; Биыл мұғалімдерді жұмысқа алу конкурсы электронды форматқа ауыстырылады. Бұл туралы білім және ғылым министрі Асхат Аймағамбетов мәлімдеді.
<blockquote>
 «Былтыр педагогтерді жұмысқа қабылдаудың жаңа қағидалары әзірленіп, қабылданды. Қысқаша айтқанда, бұдан былай директорлардың өз қалауы бойынша мұғалімдерді өзі жұмысқа қабылдауға мүмкіндігі болмайды. Енді нақты критерийлер белгіленіп, мұғалімдер жұмысқа қызметінің нәтижесі мен жетістіктері негізінде конкурс арқылы орналасады. Биыл бұл рәсім цифрлық форматқа көшіріледі», – деп жазды Аймағамбетов&nbsp;әлеуметтік желідегі <a href="https://www.facebook.com/askhat.aimagambetov">парақшасында</a>.
</blockquote>
Осы орайда министр есеп беруді азайту және мұғалімдерді артық жұмысқа тарту мәселесі қатаң қадағаланатынын ескертті.
<blockquote>
 «2021 жылы жаңа заңның нормаларын бұзғаны үшін (артық есептерді талап ету, қызметтік міндетіне жатпайтын жұмысқа тарту және т.б.) білім беру ұйымдарының жүздеген басшысын және өзге де лауазымды тұлғаларды жазалауға тура келді. Бұл жұмыс жалғасатын болады», – деді Асхат Аймағамбетов.
</blockquote>

Қазақстан және Қызылорда облысының жаңалықтары

Алдағы үш күнде ауа температурасы қандай болады?

Бүгін – ақиық ақын Мұқағали Мақатаевтың туған күні

9 ақпан – Халықаралық тіс дәрігерлерінің күні

Гүлшара Әбдіқалықова Сырдариядағы су көлемінің төмендеуі мәселесін Президент назарына ұсынды

Қызылордада 188 адам коронавирустан жазылды

Қызылордада өткен тәулікте 16 адамнан коронавирус анықталды

Сәрсенбіде ауа райы қандай болады?

Қызылорда қаласының шет аймақтарындағы 20 көше жөнделді

Ауа райына байланысты бірнеше өңірде ескерту жарияланды

Кәсіпкерлерге 31 мамырға дейін төрт түлік малды дерекқорға енгізу мүмкіндігі берілді

Енді директорлар мұғалімдерді жұмысқа қабылдай алмайды

Мемлекет басшысы Үкіметтің кеңейтілген отырысын өткізді

Қазақстан және Қызылорда облысының жаңалықтары

Алдағы үш күнде ауа температурасы қандай болады?

Бүгін &#8211; ақиық ақын Мұқағали Мақатаевтың туған күні

9 ақпан &#8211; Халықаралық тіс дәрігерлерінің күні

Гүлшара Әбдіқалықова Сырдариядағы су көлемінің төмендеуі мәселесін Президент назарына ұсынды

Қызылордада 188 адам коронавирустан жазылды

Қызылордада өткен тәулікте 16 адамнан коронавирус анықталды

Сәрсенбіде ауа райы қандай болады?

Қызылорда қаласының шет аймақтарындағы 20 көше жөнделді

Ауа райына байланысты бірнеше өңірде ескерту жарияланды

Кәсіпкерлерге 31 мамырға дейін төрт түлік малды дерекқорға енгізу мүмкіндігі берілді

Енді директорлар мұғалімдерді жұмысқа қабылдай алмайды

Мемлекет басшысы Үкіметтің кеңейтілген отырысын өткізді

Бүгін – ақиық ақын Мұқағали Мақатаевтың туған күні

9 ақпан – Халықаралық тіс дәрігерлерінің күні