<a href="https://kyzylorda-news.kz/">Kyzylorda-news.kz</a>. ІТ-мектептерінде оқу үшін жастарға оқу ваучерлері бөлінеді. Бұл туралы Мемлекет басшысының Жолдауында берілген тапсырмаларды орындауға арналған Үкімет отырысында Білім және ғылым министрі Асхат Аймағамбетов мәлім етті, деп хабарлайды ҚазАқпарат.
<blockquote>
 «Бағдарламалау дағдыларын дамыту бойынша, «Цифрлық білім» жобасының аясында ІТ-мектептерінде оқу үшін жастарға оқу ваучерлері бөлінеді. Ол үшін заңнамалық негіз дайындалды. «Цифрлық мұғалім» жобасы аясында әлеуметтік осал отбасылардан шыққан балаларға қосымша онлайн-сабақтар алу мүмкіндігі ұсынылады. Тиісті заңнамалық түзетулер әзірленді. Бұл бастама осы балалардың білім сапасының біршама көтерілуіне үлкен септігін тигізетіні сөзсіз», – деді А. Аймағамбетов.
</blockquote>
Оның айтуынша, барлық білім беру ұйымдарында бірыңғай білім беру ақпараттық жүйесі қолжетімді болады. Білім беру процесінің барлық қатысушылары үшін авторизацияның бірыңғай терезесі, сабақты жоспарлау мен құрудан бастап, үй тапсырмасын орындауға дейінгі барлық кезеңдерді қамтиды.

Асхат Аймағамбетов: Білім беру ұйымдарында бірыңғай білім беру ақпараттық жүйесі болады

<a href="https://kyzylorda-news.kz/">Kyzylorda-news.kz</a>. Аралда қоғамдық жұмысты орындамаған сотталған бас бостандығынан айырылды.
Жуырда Арал аудандық пробация қызметі есебіне алынған азаматқа Арал аудандық сотының үкімімен ҚР ҚК-нің 202 – бабы 2-бөлігі 1-тармағымен (Бөтеннің мүлкін қасақана жою немесе бүлдiру) кінәлі деп танылып, 3 жыл 6 ай мерзімге бас бостандығын шектеу жазасына&nbsp; сотталып, жазасының барлық мерзімінде 100 сағат қоғамдық жұмысқа тарту белгіленген. Алайда бұл азамат пробация қызметінің талаптарына бағынбай, сот үкімінде көрсетілген 100 сағат қоғамдық жұмысқа шықпай, пробация инспекторлары тарапынан жасалған ескертулерге де құлақ аспаған. Арал аудандық пробация қызметі аталған азаматқа қатысты бас бостандығын шектеу жазасын бас бостандығынан айыру жазасына ұсыныс жолдаған. 12.08.2021 жылы Арал аудандық сотының қаулысымен оның жазасының өтелмеген бөлігі (3 жыл 3 ай 7 күн)&nbsp; бас бостандығынан айыру жазасына ауыстырылды. Қаулы заңды күшіне енген жоқ.
Аудандық пробация қызметі бөлімінің бастығы Серік Сейталиевтің айтуынша қазіргі таңда пробация есебінде 71 сотталған есепте тұр. Оның ішінде 22 сотталған бас бостандығын шектеу жазасына сотталып, қоғамдық жұмысқа тартылғандар.Жыл басынан қоғамдық жұмысты орындамаған 3 азамат бас бостандығынан айыру жазасына ауыстырылып, жазасын одан әрі өтеу үшін түзеу мекемесіне жіберілген.

Аралда қоғамдық жұмысты орындамаған сотталған бас бостандығынан айырылды

<a href="https://kyzylorda-news.kz/">Kyzylorda-news.kz</a>. ҚР ҰЭМ Статистика комитетінің деректері бойынша цифрлық таңбалау енгізілгеннен кейін сүт өнімдерінің қымбаттауы 1,76% – дан аспайды. Сонымен қатар, өнімнің осы түріне цифрлық таңбалауды енгізген Ресей мен Беларусьтің тәжірибесі айтарлықтай бағаның өзгермегенін көрсетеді.
Қазақстандағы сүт өнімдері (жаппай сұраныс өнімі) нарығындағы көлеңкелі айналым 13%-ды құрайды. Қазақстан сүт одағының мәліметтері бойынша, сүттің 33%-ы стихиялық сауда жағдайында, сәйкестік сертификатынсыз, антибиотиктер мен бактерияларға тексерусіз сатылады. Цифрлық таңбалауды енгізу тұтынушыны мерзімі өткен тауардан қорғауға мүмкіндік береді, жарамдылық мерзімін қолдан жасау мүмкін болмайды: тауар туралы барлық мәліметтер Data Matrix кодымен қорғалатын болады.
Қазіргі уақытта Қазақстанда сүт өнімдерін цифрлық таңбалау бойынша пилоттық жоба іске асырылуда. Жобаға қатысушы компанияларға олардың өндірісінде өнімге Data Matrix кодын енгізу тетіктерін сынақтан өткізу үшін арнайы жабдық тегін беріледі.
<blockquote>
 «Қазір сүт өнімдерін өндірушілер тарапынан таңбалауға байланысты кейбір қауіптер байқалады. Бұл түсінікті, себебі әрбір жаңашылдық аясында болуы мүмкін. Сондықтан біз нарыққа алдын ала талдау жүргіземіз, пилоттық жоба басталар алдында біз өнімді таңбалауға кететін бизнестің мүмкін болатын шығындарына есебіне жүргіздік. Мәселен, таңбалауға байланысты сүт өнімдерінің қымбаттауы 1,76% – дан аспайды, өйткені 1 желіге арналған жабдыққа жұмсалатын шығындар 0,5-тен 9,2 млн теңгеге дейін болады. Өнімнің түпкілікті бағасындағы жабдық шығындарының үлесі әдетте 0,06-дан 0,15% – ға дейін. Соңғы 5 жылда таңбалаусыз сүт өнімдері құнының орташа жылдық өсу қарқыны 6-дан 13% – ға дейін болды. Бұл тұрақты өсу үрдісін айқындайды, ал тауарларды таңбалау мен қадағалауды енгізу сүт өнімдерінің түпкілікті құнына айтарлықтай әсер етпейді», – деп атап өтті Цифрлық экономиканы дамыту орталығының басқарушы директоры Нұржан Баекеев.
</blockquote>
Сондай-ақ, мемлекет тарапынан сүт өнімдерін өндірушілер үшін таңбалау жабдығына жұмсалатын шығындардың 50-ден 80% – ға дейінгі өтемақысын қамтамасыз етуге мүмкіндік беретін мемлекеттік қолдау шаралары көзделетін болады.
Өндірушілердің шығындарын 2,5-4 есе азайту баспа арқылы тұтынушылық қаптамаларға таңбалау кодтарын енгізуге мүмкіндік береді, бұл жағдайда таңбалау жабдықтарын орнатудың қажеті жоқ. Бұл өндірушілердің күрделі шығындарын азайту және өндіріс желілерінің баяулау қаупін азайту мүмкіндігі.
<blockquote>
 «Цифрлық таңбалаудың арқасында талдау және жоспарлау мүмкіндігі пайда болады, дистрибьюторлар сөрелердің толып кету қаупін тудырмай, оларды уақытында толтыра алады. Сондай-ақ, болашақта өндірістік ақаулардың төмендеуі және тез бұзылатын тауарлардың қайтарылуы күтілуде. Бұл бастамалардың барлығы өндірістік шығындардың және өндірушілердің шығындарының қысқаруына әкелуі тиіс», – дейді Нұржан Баекеев.
</blockquote>
Еске сала кетейік, Қазақстанда темекі өнімдері мен тері бұйымдарын міндетті цифрлық таңбалау енгізілді. 2021 жылғы 1 қарашада аяқ киімнің міндетті цифрлық таңбалануы енгізілетін болады. Сондай-ақ, ҚР-да дәрілік препараттарды таңбалау бойынша пилоттық жоба аяқталды, қазіргі уақытта алкоголь өнімдері, жеңіл өнеркәсіп тауарлары, қапталған су және алкогольсіз сусындар бойынша пилоттық жобалар іске асырылуда.

Цифрлық таңбалауды енгізгеннен кейін сүт өнімдерінің барынша қымбаттауы 1,76 пайыздан аспайды

<a href="https://kyzylorda-news.kz/">Kyzylorda-news.kz</a>. Қызылорда облысының тұрғындары Әлеуметтік медициналық сақтандыру қорына 22,1 млрд теңге аударды.
Жүйе іске қосылған 2017 жылдың 1 шілдесінен 2021 жылдың 1 қыркүйегіне дейінгі аралықта Қызылорда облысының тұрғындары әлеуметтік медициналық сақтандыру қорына 22,1 млрд. теңге аударды, оның 15,5 млрд. теңгесі (70,1%) жұмыс берушілердің аударымдары болса, қалған 6,6 млрд. теңге (29,9%) – жеке кәсіпкерлер мен азаматтық-құқықтық келісімшарт негізінде еңбек ететін тұлғаларға тиесілі, – деп хабарлады «Әлеуметтік медициналық сақтандыру қоры» КЕАҚ Қызылорда облысы бойынша филиалының директоры Бақыт Исмаханбетов.
Жарна төлеу жағынан Қызылорда қаласы, Шиелі мен Жанақорған аудандар көш бастап тұр.
Жинақталған қаржы сенімгерлік басқару туралы келісім бекітілген Ұлттық банкте сақталады және МӘМС пакеті шеңберіндегі қызметтер ақысын төлеуге жұмсалуда.

МӘМС: Қызылордалықтар 22,1 млрд теңге аударды

<a href="https://kyzylorda-news.kz/">Kyzylorda-news.kz</a>. Қазақстан Республикасының&nbsp; Президенті Қасым-Жомарт Кемелұлы Тоқаевтың Қазақстан халқына «Халық бірлігі және жүйелі реформалар – ел өркендеуінің берік негізі» атты Жолдауы елдің алдағы әлеуметтік-экономикалық дамуының басым бағыттарына арналды.
Мемлекет Басшысы Жолдауда өткен отыз жыл ішінде «Ең басты жетістігіміз-біртұтас ел болдық. Еліміз тұрақты қоғам құрып, орнықты даму жолына түсті» дей отыра, Елбасы Н.Ә. Назарбаевтың&nbsp; тәуелсіз елімізді құрып, дамытудағы ерен еңбегін атап айтты.
Орталық Азиада көшбасшы болу, әлемдік экономикадағы орнымызды одан әрі нығайту ел дамуының&nbsp; басым бағыттары болып қала береді. Әлемді жайлаған пандемия кезінде қолға алынған байыпты шаралардың арқасында 150 мың жұмыс орны сақталып, бір миллионнан астам адам тұрғын үй жағдайын жақсартты. Іске қосылған қарапайым заттар экономикасы да аз уақытта өз өміршеңдігін көрсетіп отыр.
Жолдауда айтылған экономиканы барынша әртараптандыру, өңдеу өнеркәсібі өнімінің экспортын арттыру,&nbsp; жер асты байлықтарының&nbsp; ресурстық әлеуетін толық ашу, т.б. нақты қадамдар ел дамуына жаңа мүмкіндіктер әкелетіні сөзсіз.
Агроөнеркәсіп кешенінде қордаланған проблемалар өз алдына бір төбе. Бұл орайда, Ел Президенті әкімдердің&nbsp; мал шаруашылығын жайылыммен қамтамасыз ету, ветеринария саласын дамыту, қолайсыз ауа-райының болуы мүмкін&nbsp; зардаптарының алдын алу, ауыл шаруашылығы нарығында баға белгілеу, аграрлық саясаттағы сабақтастықты жолға қою мәселелеріне тоқталып, нақты тапсырмалар берді.
IT саласында 4.0 элементтерін батыл ендіру, заманауи технологиялар трансферті, жас мамандарды көптеп даярлау,&nbsp; Орталық Азиядағы цифрлық хабқа айналу&nbsp; еліміздің цифрлық архитектурасын жедел өзгертетін болады.
Еліміздің басты байлығы-адам. Сондықтан, Жолдауда ауырып ем іздегенше, ауырмайтын жол іздеу қажеттігі баса айтылды. Осы ретте, денсаулық сақтау жүйесінің тиімділігін арттыру, биологиялық қауіпсіздік жүйесін құруға да ерекше көңіл бөлінді.
Білім және ғылым саласының адами капиталды дамытудағы орны қоғамға жақсы белгілі.&nbsp; Соңғы жылдары Мемлекет Басшысының тікелей&nbsp;қолдауымен бұл салаларда өршіл бастамалар қолға алынып, осының арқасында баршамыз бұрын-соңды болмаған&nbsp; сапалық өзгерістерге куә болудамыз. Осынау үрдісті жалғастыру аясында алдағы 3 жылда ұстаздардың еңбек ақысын өсіруге 1,2 трлн теңге бөлінетіні барша зиялы қауымның көңіліне қуаныш ұялатты десек, артық айтпаймыз.&nbsp; Жолдау осындай көптің көңілінен шыққан білім бағдарламаларын тез өзгермелі заман талабымен үндестіру, оқытушы-педагогтердің кәсіби біліктілігін&nbsp; 5 жыл сайын емес, енді 3 жыл сайын көтеру, оқушылар арасындағы ғылыми жобалар конкурстары мен олимпиада жеңімпаздарын тәрбиелеген педагогтерді марапаттау сияқты бастамаларға толы.
Жолдауда айтылған жетекші ғалымдардың жалақысын базалық қаржыландыру арқылы төлеу, ғылыми ұйымдарды тікелей қаржыландыру, гранттық қаржыландыру бойынша ұтып алынған жобаларды орындау мерзімін 5 жылға ұзарту. Ұлттық ғылыми кеңестер шешіміне апелляция институтын енгізу сынды құндылығы теңдессіз бастамалардың отандық ғылымның&nbsp; серпінді дамуын қамтамасыз ететіні күмәнсіз.
Ел&nbsp; Президенті Қасым-Жомарт Кемелұлы Тоқаевтың Қазақстан халқына арнаған бүгінгі Жолдауында еліміздің сындарлы кезеңдегі әлеуметтік-экономикалық дамуының басым бағыттары егжей-тегжейлі сараланып, оларға қол жеткізудің жаңа мазмұнды жолдары көрсетілген. Сын-тегеуріндерден әрдайым бір адым алға жүру қағидатына негізделген Жолдау елімізді өркениет өрісінің&nbsp;жаңа белестеріне бастамақ.

Бейбіткүл Кәрімова: Жолдау елімізді өркениет өрісінің жаңа белестеріне бастамақ

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 10644 адам коронавирус індетінен емделіп шықты.
Аймақтар бойынша:
Нұр-Сұлтан қаласы – 1295,
Алматы қаласы – 3859,
Шымкент қаласы – 720,
Ақмола облысы – 58,
Ақтөбе облысы – 778,
Алматы облысы – 114,
Атырау облысы – 636,
Шығыс Қазақстан облысы – 231,
Жамбыл облысы – 171,
Батыс Қазақстан облысы – 135,
Қарағанды облысы – 1380,
Қостанай облысы – 283,
Қызылорда облысы – 90,
Маңғыстау облысы – 350,
Павлодар облысы – 337,
Солтүстік Қазақстан облысы – 108,
Түркістан облысы – 99.
Қазақстан бойынша жазылғандар саны – 691480.

Қызылордада 90 адам коронавирустан айықты

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 4880 адамда коронавирус індеті ПТР арқылы расталып ауырғаны белгілі болды.
Аймақтар бойынша:
Нұр-Сұлтан қаласы – 315,
Алматы қаласы – 1264,
Шымкент қаласы – 180,
Ақмола облысы – 246,
Ақтөбе облысы – 302,
Алматы облысы – 282,
Атырау облысы – 198,
Шығыс Қазақстан облысы – 201,
Жамбыл облысы – 99,
Батыс Қазақстан облысы – 140,
Қарағанды облысы – 648,
Қостанай облысы – 237,
Қызылорда облысы – 133,
Маңғыстау облысы – 239,
Павлодар облысы – 265,
Солтүстік Қазақстан облысы – 75,
Түркістан облысы – 56.
Жалпы ел бойынша ауырғандар саны 798671.

Қызылордада өткен тәулікте 133 адамнан коронавирус анықталды

<a href="https://kyzylorda-news.kz/">Kyzylorda-news.kz</a>. Сәрсенбі еліміздің басым бөлігінде ауа райы ашық болады, тек кей өңірлерде елімізде жел күшейіп, бұршақ жаууы мүмкін, деп хабарлайды Қазгидромет.
Еліміздің басым бөлігінде антициклонның әсерінен ауа райы жауын-шашынсыз болады. Атмосфералық фронтальды бөліктердің әсерінен оңтүстік-шығыста таулы аудандарда, батыста, шығыста және орталықта найзағайлы жаңбыр жауып, күндіз батыста нөсер жауады. Елімізде жел күшейіп, оңтүстік-батыста шаңды дауыл, батыста дауыл соғады, оңтүстік-шығыста, батыста бұршақ, солтүстік пен орталықта тұман түсуі мүмкін.
Күндіз Атырау облысының батысында найзағай, бұршақ, дауыл соғуы мүмкін, жел найзағай кезінде 15-20 м/с күшейеді.
Батыс Қазақстан облысының батысында найзағай, бұршақ, найзағай кезінде жел 15-20 м/с күшейеді.
Солтүстік Қазақстан облысында түнде және таңертең тұман түседі, күндіз батыста, солтүстік-батыста жел 15-20 м/с күшейеді.
Қарағанды облысының оңтүстік-шығысында найзағай күтіледі, жел 15-20 м/с күшейеді, түнде және таңертең солтүстікте, орталығында тұман күтіледі.
Шығыс Қазақстан облысында түнде шығыста найзағай жарқылдайды, жел 15-20 м/с күшейеді.
Алматы, Жамбыл облыстарында таулы аудандарда найзағай ойнап, бұршақ жаууы мүмкін, жел 15-20 м/с күшейеді.
Түркістан облысының таулы аудандарында, күндіз Ақтөбе облысының батысында, Қостанай облысының оңтүстік-шығысында жел 15-20 м/с күшейеді. Күндіз Маңғыстау облысының солтүстік-шығысында жел 15-20 м/с күшейіп, шаңды дауыл соғады.
Ақмола, Шығыс Қазақстан облыстарының солтүстігінде, Солтүстік Қазақстан облысының солтүстік-шығысында, Павлодар облысының батысында, солтүстігінде және шығысында, Қарағанды облысының солтүстігінде және шығысында топырақ бетінде 2 градус үсік жүреді.
Маңғыстау, Атырау, Батыс Қазақстан, Ақтөбе, Түркістан, Қызылорда облыстарында, Жамбыл, Қостанай, Алматы облыстарының басым бөлігінде, Қарағанды облысының батысында, оңтүстік-батысында, Шығыс Қазақстан облысының оңтүстігінде, Ақмола облысының батысында, солтүстік-батысында төтенше өрт қаупі сақталады.

Бейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz</a>. Биыл Қорқыт Ата атындағы Қызылорда университеті өзінің 85 – оқу жылына қадам басып отыр. Сапалы білімнің мемлекет пен қоғам үшін басты құндылық, ең қымбат қазына екендігі сөзсіз. Білікті мамандарды даярлауда ұстаздардың еңбегі зор. Осы орайда, жаңа оқу жылында университеттің бірқатар оқытушы-профессорлары марапат төрінен орын алды.
<blockquote>
 «Бүгін білім беру жүйесін дамытуға қосқан үлесі үшін&nbsp; университеттің&nbsp;&nbsp;&nbsp; 6 оқытушы-профессоры Қазақстан Республикасы Білім және Ғылым министрлігінің Құрмет грамотасы және Алғыс хатымен марапатталды. Соныменмен қатар, 1 қыркүйек – Білім күні аясында университеттің стратегиялық дамуына қосқан үлесі үшін 8 оқытушы-профессордың еңбегі еленді. Осы орайда, марапат иелерін құттықтай отырып, жаңа оқу жылында шығармашылық табыс тілеймін!»,-деді Қорқыт Ата атындағы Қызылорда университетінің басқарма төрағасы – ректор Бейбіткүл Кәрімова.
</blockquote>
Мереке қарсаңында табысталған бұл марапаттар оқытушылардың қажырлы еңбегінің жемісі.
<blockquote>
 «Бүгінгі марапат – білім саласындағы бағындырылған үлкен белестің бірі деп білемін. Ұрпақ тәрбиесі, ұлт сапасы ұстазға байланысты. Сондықтан, әрбір оқытушының қызметі осылай ескеріліп жатса, мерейінің артқаны. Білім жолындағы еңбегімізді елеп, құрмет көрсетіп жатқан ұжымға алғысым шексіз», – дейді Тарих және Қазақстан халқы Ассамблеясы кафедрасының аға оқытушысы Қыдыр Өткелбаев.
</blockquote>

Қорқыт ата атындағы Қызылорда университетінің оқытушылары марапатталды

<a href="https://kyzylorda-news.kz/">Kyzylorda-news.kz</a>. Жыл сайынғы Жолдаудың ел дамуы жолындағы маңыздылығы орасан екені айтпаса да белгілі. Мемлекет басшысы Қасым-Жомарт Тоқаев биылғы Жолдауында елдің ертеңіне тигізер пайдасы зор тақырыптарға тоқталып өтті. Қордаланған мәселелердің қиын күрмеуін шешудің тез əрі нақты жолдарын ұсына білген Жолдауда қазір қоғамға ауыр тиіп отырған инфляция тақырыбы да назардан тыс қалмады.
Қазіргі қиын кезеңде Ұлттық қор мен Үкіметті инфляцияны 6-4 пайыз дəлізіне қайтаруға міндеттеп, мәселенің нақты шешімін ортаға салды. Сондай ақ, ол Ұлттық қордың активтерін қалпына келтіру үшін бюджеттік ережеге көшуді жеделдетуді тапсырды.
<blockquote>
 «Соңғы кезде мемлекеттік шығыс міндеттемелерін жабу үшін бюджет тапшылығы мен Ұлттық қордан алынатын трансферттің арту тенденциясы байқалуда. Үнемі мұндай жеңіл жолмен жүру мүмкін емес. Қаржылық тұрақтылық қоры шексіз емес. Бюджеттің кірісін арттыру бойынша шаралар қажет екені анық. Бірақ бірінші кезекте мемлекеттік шығындардың көлемі мен тиімділігіне бақылау керек. Ұлттық қор активтерін қалпына келтіру үшін бюджеттік ережені енгізуді жеделдету керек. Тиісті заңнамалық түзетулер жылдың соңына дейін қабылдануы қажет», – деді Президент.
</blockquote>
Бұл Жолдауда айтылған бастамалардың бір парасы ғана. Алдағы уақытта халық пен билік бірлесе отырып, Президент айқындап берген бағыт-бағдар бойынша сапалы жұмыс атқаратын болсақ, дамудың даңғыл жолына түскен жасампаз мемлекеттің əрбір тұрғынын бақытты, бақуатты ете алатынымызға сенімім мол.
Шынар ЖЕҢСІКБАЕВА,
«Шапағат» балаларды сауықтыру орталығының директоры

Шынар Жеңсікбаева: Жолдауда инфляция тақырыбы назардан тыс қалмады

<a href="https://kyzylorda-news.kz/">Kyzylorda-news.kz</a>.&nbsp;Бүгін ҚР Президент Қасым-Жомарт Тоқаевтың Қазақстан халқына Жолдауын Қызылорда облыстық жастар ресурстық орталығы, «Рухани жаңғыру» орталығы және «Ақпаратты талдау» орталығының ұжымы мен азаматтық бастама өкілдері тыңдады.
<blockquote>
 «Біз тұғыры мығым ел болу жолында кедергілерді еңсеріп, қиындықтарды жеңіп келеміз. Мұның бәріне берекелі бірлік пен еселі еңбек арқылы жеттік. Еліміз тәуелсіздік жылнамасының үшінші онжылдығына қадам басқалы тұр. Бұл кезеңнің оңай болмайтындығы қазірдің өзінде айқын байқалуда. Кез келген сын-қатерге дайын болуға тиіспіз. Тынымсыз ізденіп, ұдайы алға ұмтылуымыз қажет», – деді Мемлекет басшысы Жолдауда.
</blockquote>
Сонымен қатар, Президент жастарға әрдайым сенім артатынында сөз басында айта өтті. Сол себептен де, жас буынға түрлі саланы еркін меңгеріп, өзінің қалаған ісімен айналысуына мемлекет тарапынан түрлі қолдаулар жасалуда.
Жолдауда Мемлекет басшысы Қасым-Жомарт Кемелұлы ел ахуалына тоқталып, бірқатар мәселелердің басын ашып, шешілу жолдарын қарастырды.

Қызылордалық жастар Жолдауды тыңдады

<a href="https://kyzylorda-news.kz/">Kyzylorda-news.kz</a>. Балалардың қатысуымен орын алатын жол-көлік оқиғаларының алдын алу мақсатында 23 тамыз бен 9 қыркүйек аралығында «Абайлаңыз – балалар!» профилактикалық іс-шарасы өткізілуде. Қазіргі таңда жергілікті атқарушы органдармен бірлесіп, балалардың қауіпсіздігі үшін тиісті шаралар қабылдануда. Бұл туралы бүгін Өңірлік коммуникациялар қызметінде өткен брифингте облыстық Полиция департаментінің жергілікті полиция қызметі басқармасының бастығы полиция полковнигі Бауыржан Ибраев хабарлады.
<blockquote>
 «Балалар – қоғамның ең осал бөлігі. Олардың қауіпсіздігі әрқашан назарда. 2021-2022 жаңа оқу жылында облысымызда орналасқан 294 мектепте 173 735 оқушы білім алады деп күтілуде. Осыған орай, барлық жалпы білім беретін оқу орындарында, сондай-ақ, оған іргелес аймақтарда оқушылар арасында келеңсіз жағдайларды, жол көлік оқиғалардың алдын алу және іс-шара барысында қоғамдық қауіпсіздікті сақтау мақсатында облыс бойынша қоғамдық тәртіп пен жол қауіпсіздігін қамтамасыз етуге барлығы 574 қызметкер және 59 қызметтік автокөлік жұмылдырылуда. Іс-шараға бөлінген қызметкерлерден бөлек жалпы қала орталығындағы қоғамдық орындар мен көшелерде, парктер мен скверлерде, орталық алаңдарда тәртіпті сақтауға тәулік бойына қосымша қызметкерлер қызмет атқаратын болады», – деді Бауыржан Ибраев.
</blockquote>
Жедел профилактикалық шарасы 2 кезеңмен өткізіледі. Бірінші дайындық кезеңінде полиция қызметкерлерімен мектептер аумағындағы көше-жол тораптары, жол белгілері мен өткелдеріне тексеру жұмыстарын жүргізеді. Екінші кезеңде жүргізушілерге үгіт насихат акциялары ұйымдастырылады. Оқушыларға жолда жүру ережесі бойынша түсіндіріледі.
Сондай-ақ, жергілікті полиция қызметінің инспекторларының қатысуымен «Қауіпсіз мектеп автобус» акциясы өткізілуде дейді облыстық білім басқармасының бөлім басшысы Тұрар Әбдіқадыр. Осыған орай, облыс аумағында балалардың қатысуымен болатын жол-көлік жарақатының алдын алу, сондай-ақ жасөспірімдер мен балалардың көшелер мен жолдарда қауіпсіз жүріс тұрысына байланысты дағдыларын нығайту, тұрақты және оқу орындарына тексеру жұмыстары жүргізілді. Автокөліктердің техникалық талаптарын сақталуы және көлік жүргізушілердің біліктілігі талапқа сай тексеріле отырып, жол аппаттарына себеп болуы мен автокөлікті құжатсыз басқару, басшылықтың рұқсатынсыз тыс жерге шығу фактілерінің алдын алу мақсатында профилактикалық- түсіндірме жұмыстары жүргізілуде.
Жалпы, бүгінде облыстағы 294 мектептің 158-де орнатылған 1030 бейнебақылау камералары ішкі істер органдарына тіркелген. Мәселен, Қызылорда қаласында 14 мектептің 420 камерасы жедел басқару орталығына қосылса, ал аудандарда орналасқан 144 мектептің 610 камерасы кезекші бөлімдерде арнайы компьютермен жабдықталған жүйеге қосылған. Қалған 136 орта мектептерді полиция органдарына қосу мәселесі қаралуда.

Қазақстан және Қызылорда облысының жаңалықтары

Асхат Аймағамбетов: Білім беру ұйымдарында бірыңғай білім беру ақпараттық жүйесі болады

Аралда қоғамдық жұмысты орындамаған сотталған бас бостандығынан айырылды

Цифрлық таңбалауды енгізгеннен кейін сүт өнімдерінің барынша қымбаттауы 1,76 пайыздан аспайды

МӘМС: Қызылордалықтар 22,1 млрд теңге аударды

Бейбіткүл Кәрімова: Жолдау елімізді өркениет өрісінің жаңа белестеріне бастамақ

Қызылордада 90 адам коронавирустан айықты

Қызылордада өткен тәулікте 133 адамнан коронавирус анықталды

Бейсенбіге арналған ауа райы болжамы

Қорқыт ата атындағы Қызылорда университетінің оқытушылары марапатталды

Шынар Жеңсікбаева: Жолдауда инфляция тақырыбы назардан тыс қалмады

Қызылордалық жастар Жолдауды тыңдады

«Абайлаңыз – балалар»: Қызылордада шараға 574 қызметкер жұмылдырылды

Қазақстан және Қызылорда облысының жаңалықтары

Асхат Аймағамбетов: Білім беру ұйымдарында бірыңғай білім беру ақпараттық жүйесі болады

Аралда қоғамдық жұмысты орындамаған сотталған бас бостандығынан айырылды

Цифрлық таңбалауды енгізгеннен кейін сүт өнімдерінің барынша қымбаттауы 1,76 пайыздан аспайды

МӘМС: Қызылордалықтар 22,1 млрд теңге аударды

Бейбіткүл Кәрімова: Жолдау елімізді өркениет өрісінің жаңа белестеріне бастамақ

Қызылордада 90 адам коронавирустан айықты

Қызылордада өткен тәулікте 133 адамнан коронавирус анықталды

Бейсенбіге арналған ауа райы болжамы

Қорқыт ата атындағы Қызылорда университетінің оқытушылары марапатталды

Шынар Жеңсікбаева: Жолдауда инфляция тақырыбы назардан тыс қалмады

Қызылордалық жастар Жолдауды тыңдады

«Абайлаңыз &#8211; балалар»: Қызылордада шараға 574 қызметкер жұмылдырылды

«Абайлаңыз – балалар»: Қызылордада шараға 574 қызметкер жұмылдырылды