<a href="https://kyzylorda-news.kz/">Kyzylorda-news.kz.</a>&nbsp; Былтыр Тасбөгет кентінің коммуналдық саласын жетілдіру, инфрақұрылымын дамыту мақсатында бірқатар ауқымды жобалар жүзеге асқан. 8 көшеге орташа жөндеу, 1 көшеге ағымдағы жөндеу жұмыстары жүргізіліп, 5 көшеге қиыршық тас төсеу жұмыстарының жобалау құжаттары әзірленген.
«Наурыз» шағын ауданындағы аулаларға 25 дана түнгі жарықшамдары орнатылып, «Белгісіз солдат» ескерткішіне ағымдағы жөндеу жұмыстары жүргізілді. Сонымен қатар, салауатты өмір салтын қалыптастыру бағытында байдарка және каноэ есу базасы, 4 спорт клубы және Бозғұлов көшесіндегі көпқабатты үйлер ауласына 1 ойын алаңы салынып, Наурыз, Тасарық шағын аудандарында орналасқан 5 спорттық-балалар ойын алаңы ағымдағы жөндеуден өткізілген.
<blockquote>
 «Ауыл тұрғындарының бірлігі негізінде атқарылып жатқан жұмыстар легіне де тоқталып өтсек. Өткен жылы демеушілік есебінен «Карамель» оптомаркетінің алдына балалар ойын алаңы, Бозғұлов көшесіне 1 дана аяқ су насосы орнатылды. «Агроспецмонтаж» өндірістік кооперативінің демеушілігімен кенттегі Құнанбаев, Мұратбаев, Маханбетов, Молдағұлова көшелерінің кейіннен қалыптасқан бөліктеріне ауыз су желілерін тарту жұмыстары жүргізілді. Соңғы жылдары Тасбөгет кенті тұрғындарының кәсіпкерлікті қолдау бағдарламаларына қатысу қарқыны артты. 2021 жылы барлық бағдарламалар бойынша 103 жоба мақұлданып, 1 млрд 188 млн теңгеге қаржыландырылды. Жыл көлемінде 90 кәсіпкер тіркеліп, 150-ден аса тұрақты жұмыс орны ашылды. Кент аумағынан түрлі әлеуметтік және кәсіпкерлік нысандар салуға сыртқы көздерден 2 млрд 130 млн теңге көлемінде қаржы тартылып, нәтижесінде 140-тан аса жаңа жұмыс орындары ашылды», – деді Тасбөгет кентінің әкімі Семсер Сыздықов.
</blockquote>
<img src="https://kyzylorda-news.kz/wp-content/uploads/2022/02/273690244_3022627764670628_2944567904633449056_n.jpg" alt="" />
Бұдан бөлек, 2021 жылы Тасбөгет кентіне қарасты Сабалақ өңірін ауыз сумен қамту жобасы аяқталды. Қазіргі таңда «Агроспецмонтаж» өндірістік кооперативінің қолдауымен 5 шақырым көшеге ауыз су желісі жүргізілуде. «ҚазГерМұнай» ЖШС-і 50 млн теңгеге өңірге қосымша ұңғыма қазып, сыйымдылығы 50 текше метр болатын ауыз су мұнарасының құрылысын аяқтады.
Сондай-ақ, Ш.Есенов атындағы 150 орындық білім беру орталығының құрылысы аяқталса, жеке кәсіпкер өңірдің кіре берісінен «Bilim Orda» жеке мектеп құрылысын жүргізді. Бұл мектеп алдағы уақытта 500-ден аса баланы қамтиды деп жоспарланып отыр.

Тасбөгет кентінде бірқатар ауқымды жобалар жүзеге асты

<a href="https://kyzylorda-news.kz/">Kyzylorda-news.kz.</a> Қаржы вице-министрі Марат Сұлтанғазиев жеке азаматтардың банкроттығы туралы заң жобасының негізгі нормаларын түсіндірді, деп хабарлайды <a href="https://sputnik.kz/20220209/qanday-zhagdayda-kredit-keshiriledi-22645866.html">Sputnik Қазақстан.</a>
<blockquote>
 «Егер тұрақты табыс және қарызды жабуға мүмкіндік болмаса, банкрот жариялау шарасын қолдану ұсынылып отыр. Оның екі түрі болады. Біріншісі – сотсыз банкроттық, екінші – сот арқылы банкроттық жариялау», – деді Сұлтанғазиев орталық коммуникациялар қызметінде өткен онлайн брифингте.
</blockquote>
Сотсыз банкроттыққа жүгіне алатын адамдардың нақты санаттары анықталды. Олар: 
қарызды төлеу мерзімі бес жылдан асып кеткендер; 
100 АЕК-тен (306 300 теңгеден) аспайтын берешекті бір жыл төлемей жүргендер; 
1 600 АЕК-тен (4 900 800 теңгеден) аспайтын қарызды алты ай төлемегендер. 
Сотсыз банкроттықты жариялау туралы өтініш электронды үкімет порталы арқылы жіберіледі. Бұдан бөлек, “Е-салық азамат” мобильді қосымшасы арқылы жіберуге мүмкіндік болады.
<blockquote>
 “Құжат қабылданғаннан кейін мүліктің бар-жоғы, қарызды төлеу мерзімінің үш санаттың біреуіне сәйкес келуі және тағы басқа мәліметтер тексеріледі”, – деп атап өтті вице-министр.
</blockquote>
Оның айтуынша, қарыз көлемі 5 миллионнан асатын борышкерлер банкроттықты сот арқылы жариялайды. Мүлік болса, сауда-саттық арқылы сатылып, кредитті жабуға жіберіледі. Қалған қарызы кешіріледі. Ал жалғыз баспанасын кепілдікке қоймаған болса, кредитор оны алып қоя алмайды.
<blockquote>
 “Осылайша “банкрот” деп жарияланған адамның жалғыз баспанасынан басқа мүлкі мен ақшасы болмаса, қарызы кешіріледі. Бірақ нақты шектеулер болады. Атап айтқанда, заң жобасында бес жыл бойы кредит пен займ алуға тыйым салынып отыр. Бұдан бөлек, үш жылға елден тыс жерге шығуға рұқсат болмайды. Шетелге тек емделуге, жақын туысын алып баруға және жақын туысын жерлеуге шығуға мүмкіндік беріледі. Жұмыс істеу үшін де рұқсат берілуі мүмкін. Оны әлі де талқылау қажет”, – дейді Сұлтанғазиев.
</blockquote>
Ал банкроттықтан кейінгі шектеулермен жүргісі келмейтін адамдар қарыздан бірте-бірте құтылу тетігін таңдай алады. Ол “төлем қабілеттілігін қалпына келтіру” деп аталады. Ондайда борышкер сотқа жүгініп, қарызды бес жылға бөліп төлеуді сұрайды. Бірақ тұрақты табысы болуы шарт. Ал берешегі 5 миллион теңгеден асуға тиіс. 
“Сосын қарыз берген және қарыз алған адамның келісімі болуы шарт. Осыдан кейін төлем қабілеттілігін қалпына келтіру жоспары жасалып, сотта бекітіледі”, – деді Сұлтанғазиев.
Айта кетері, Қазақстанда жеке тұлғалардың банкроттығы туралы арнайы заң жобасы әзірленген болатын. Осы айдың басында осы құжат қоғамдық талқылауға шығарылды. Ал 4 ақпанда заң жобасы ведомствоаралық комиссияның отырысында қаралды.
Ал Sputnik Қазақстан жаңа заңның негізгі нормаларына шолу жасаған болатын. Жаңа заң келесі жылдан бастап күшіне енеді деп жоспарланып бар.

Қандай жағдайда кредит кешіріледі – қаржы министрлігі түсіндірді

<a href="https://kyzylorda-news.kz/">Kyzylorda-news.kz.</a>&nbsp; Бұған дейін «Тіл туралы» Заң бойынша көрнекі ақпараттарды жазуда мемлекеттік және орыс тілдерін қатар қолданылып келген еді. Енді өзгеріске енген жаңа Заңмен тек мемлекеттік тілді қолдану міндеттеледі. Бұл жайында облыстық ішкі саясат басқармасының басшысы Мира Қазбекова толық ақпарат берді.
<blockquote>
 «Жалпы, мемлекеттік тілдің мәртебесін арттыру, қолданыс аясын кеңейтуде көрнекі ақпарат тілінің алатын орны ерекше. Өзгеріске енген «Тіл туралы» Заңның 19-бабына әкімшілік-аумақтық бірліктердің, елді мекендердің құрамдас бөліктерінің, сондай-ақ басқа да физикалық-географиялық объектілердің дәстүрлі, тарихи қалыптасқан қазақша атауларын мемлекеттік тілде жазу туралы айтылған. Бұған дейін бұл атаулар мемлекеттік тілде және басқа тiлдерде транслитерация ережелерiне сәйкес берiлген болса, қазіргі Заң нормасы атаулардың тек мемлекеттік тілде жазылуына мүмкіндік береді. Сондай-ақ, Заңның 21-бабында көрнекі ақпараттар қазақ тілінде қатесіз жазуға міндеттейді. Яғни, көрнекі ақпарат мәтіндерінің түпнұсқа мағынасын сақтап аудару талабы қатаң ескерілуі тиіс», – деді Мира Жомартқызы.
</blockquote>
Сонымен қатар 21-бапта мемлекеттік емес ұйымдардың маңдайшалары мен бланкілерін мемлекеттік тілде, ал қажет болған жағдайда орыс немесе басқа да тілдерде жазу туралы өзгерістер енгізілді. Ал, мемлекеттік емес ұйымдардың маңдайшаларында пайдаланылатын тауар белгілері өзгеріссіз жазылады. Заңға енгізілген бұл нормалар мемлекеттік және мемлекеттік емес ұйымдардың деректемелер мен көрнекі ақпараттарының жазу тілін нақтылайды.
Айта кету керек, заңға енгізілген өзгерістерді шағын, орта, ірі кәсіпкерлік субъектілер арасында түсіндіру, насихаттау жұмыстарын кеңінен жүргізу үшін ақпараттық-насихаттық топ құрылды.

Жаңа заңға сәйкес көрнекі ақпарат тек қазақша жазылады

<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласында «Бос жұмыс орындары» жәрмеңкесі өтті. Шараға 53 мекеме қатысып, жұмыс іздеп келген 300-ден астам қызылордалықтың 250-не мамандығына сәйкес жолдама берілді.
Қызылорда қаласы әкімдігінің хабарлауынша жәрмеңкеде мемлекетік бағдарламалардың тиімділігін түсіндіру мақсатында тиісті мекемелерден де жауапты мамандар қатысқан.
Айта кетейік, бұған дейін де қала әкімдігінің ұйымдастыруымен шаһардағы орта арнаулы оқу орындарында, кент және ауылдық округтерде мемлекеттік бағдарламаларды кеңінен насихаттау мақсатында құрылған жұмысшы топ түсіндірме жұмыстарын жүргізіп келген болатын.
<img src="https://kyzylorda-news.kz/wp-content/uploads/2022/02/273666275_3022608638005874_1780689983203310690_n.jpg" alt="" />
<img src="https://kyzylorda-news.kz/wp-content/uploads/2022/02/273663557_3022608624672542_5898740773702958508_n.jpg" alt="" />
<img src="https://kyzylorda-news.kz/wp-content/uploads/2022/02/273682219_3022607371339334_2658868810477310939_n.jpg" alt="" />
<img src="https://kyzylorda-news.kz/wp-content/uploads/2022/02/273692286_3022607571339314_8249069220939343805_n.jpg" alt="" />

Жәрмеңке: 250 қызылордалық мамандығына сәйкес жолдама алды

<a href="https://kyzylorda-news.kz/">Kyzylorda-news.kz.</a> Бүгін Ташкент қаласында ҚР Экология, геология және табиғи ресурстар министрі С.Брекешев Өзбекстан Республикасының Су шаруашылығы министрі Ш.Хамраевпен кездесу өткізді.
Кездесу барысында Сырдария өзенінің орта және төменгі ағысындағы су жағдайын жақсарту бойынша бірлескен шаралар талқыланды.
Талқылау нәтижесінде Шардара су қоймасына құйылатын ағынды арттыру және мемлекетаралық «Достық» каналы арқылы суды тұрақты беру бойынша бірлескен шаралар қабылдау туралы келісімдерге қол жеткізілді.
Сонымен қатар, кездесу барысында Қазақстан Республикасының Үкіметі мен Өзбекстан Республикасының Үкіметі арасындағы трансшекаралық су объектілерін бірлесіп басқару және пайдалану туралы келісімге қол қою мәселелері талқыланды. Тараптар Келісім жобасын келісу бойынша рәсімдерді жеделдетуге ниет білдірді. 
Сондай-ақ, екі елдің Премьер-министрлері деңгейінде су қатынастары саласындағы ынтымақтастық жөніндегі екі жақты комиссия құру мәселелері қаралды.
Бұдан бөлек, тараптар Орталық Азия су-энергетикалық консорциумын құру және ГЭС құрылысына қатысу мәселелері бойынша консультациялар жүргізді.

Қазақстан-Өзбекстан арасындағы су мәселесі талқыланды

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасының кезекші бөліміне алаяқтардың құрбаны болған қала тұрғыны арызданды.
Арызданушының айтуынша, белгісіз бір әйелдер&nbsp;оның ұялы телефонынан мобильді қосымша арқылы 1 млн. теңге несие рәсімдеп алған.&nbsp;&nbsp;
Алаяқты ұстау мақсатында полиция қызметкерлері барлық қажетті жедел-іздестіру іс-шараларын жүргізіп, нәтижесінде облыс тұрғындары ұсталды.
Қазіргі уақытта аталған дерек бойынша, Қазақстан Республикасы Қылмыстық Кодексінің 190-бабының 2-бөлігі 1-тармағы&nbsp;(Алаяқтық,&nbsp;адамдар тобының алдын-ала сөз байласуымен)&nbsp;бойынша сотқа дейінгі тергеп-тексеру амалдары жүргізілуде. Күдіктілерге қатысты ешқайда кетпеу туралы қолхат түрінде бұлтартпау шарасы қолданылды.
Қазір қоғамда алаяқтық жолымен жеңіл пайда тапқысы келетіндер өте көп. Оларға алданып қалмау үшін, оларға сенбеу керек. Қызылорда қалалық Полиция басқармасы алаяқтарға алданбай, өз-өздеріңізге сақ болуды ескертеді.

Қызылордада алаяқ әйел ұсталды

<a href="https://kyzylorda-news.kz/">Kyzylorda-news.kz.</a>&nbsp; Олимпиада ойындарында шорт-тректен 1500 метр қашықтықта Әділ Ғалиахметов пен Денис Никиша сынға түсті.
Жарыс нәтижесі бойынша Әділ Ғалиахметов жартылай финалға жолдама алды.
Ал Денис Никиша ереже бұзғаны үшін сайыстан шеттетілді.
Бірінші ширек финалдық топта өнер көрсеткен венгр спортшысы Лю Шаолинь жаңа Олимпиада рекордын орнатты.
Жартылай финал бүгін астана уақытымен 18:30-да <a href="https://www.facebook.com/qazsporttv/?__cft__[0]=AZUuLqWgNgxVwQgviGqzGt_dHVoqGbEQPbgLPHjMl1v41ZO2UgaZ87NWukIw1rmE8BSmatseqtp5_EvCFuvph92E7DTAQmJ_tHSRckOdmN1tVyeRlRgV_NtSkfUUKcWhOwifO4exGtbmpUWn9x-_9bPax7R64ab4zJwbT8vDAGu1Z52tqkhzBC2WdXsWW7f0XTc&__tn__=kK-R">Qazsport телеарнасы</a>нда трансляцияланады.

Бейжің-2022: Әділ Ғалихметов жартылай финалға жолдама алды

**<a href="https://kyzylorda-news.kz/">Kyzylorda-news.kz.</a> Біріккен Араб Әмірлігінің Фуджейра қаласында *5-8 ақпан аралығында*** *WT Таеквондодан Халықаралық турнир болып өтті.*
Аталған турнирге Сыр өңірінен 9 спортшы қатысып, жүлделі оралды.
Жасөспірімдер арасында өткен жарыста 52 келі салмақта Нұрай Қазнабек ІІ орын алды.
Кадеттер арасында 41 келі салмақта өнер көрсеткен Теміржан Тасқын І орын, 33 келіде Нұрперзент Саматұлы І орын, 51 келідегі Алина Исаева ІІІ орын иеленді.
Спортшылардың жаттықтырушылары Нұрлыбек Сухан мен Николай Курноскин.

Сыр спортшылары жүлделі оралды

<a href="https://kyzylorda-news.kz/">Kyzylorda-news.kz.</a> Биыл колледждерде білім алуға бөлінетін мемлекеттік тапсырыс саны 10 мың орынға артады, деп хабарлады ҚР Білім және ғылым министрлігінің баспасөз қызметі.
107 мың қазақстандық студент колледжде мамандықты тегін меңгере алады.
Естеріңізге салайық, 9-сынып бітірушілердің барлығы «Білімді ұлт» сапалы білім беру» ұлттық жобасы аясында кезең-кезеңімен тегін оқи алады.
Биылғы оқу жылында алғаш рет әлеуметтік осал топ санатындағы балалардың колледждерге түсуі үшін тағы үш квота енгізілді. Квота көпбалалы, толық емес отбасынан, ерекше қажеттіліктері бар балаларды тәрбиелеп отырған отбасынан шыққан балаларға арналған.
<blockquote>
 «Бұрын мұндай мүмкіндік жетім, ата-анасының қамқорлығынсыз қалған, ерекше қажеттіліктері бар балаларға, сондай- ақ жеңілдіктер бойынша Ұлы Отан соғысы қатысушыларына теңестірілген тұлғаларға қарастырылған еді. Ауыл жастары да квота бойынша мемлекеттік тапсырысты алады», – деді техникалық және кәсіптік білім департаментінің директоры Насымжан Оспанова.
</blockquote>
Сонымен қатар білім берудің ашықтығы мен қолжетімділігін қамтамасыз ету үшін министрлік мемлекеттік тапсырыстарды «Ақша студенттің соңынан жүреді» қағидаты бойынша орналастырудың жаңа механизмін әзірледі.
Яғни бұған дейін гранттарды колледждер арасында білім бөлімдері орналастырған болса, енді колледждер арасындағы мемлекеттік тапсырыс талапкерлердің таңдауы бойынша бөлінетін болды.

Қазақстанда колледжерге арналған квота саны артты

<a href="https://kyzylorda-news.kz/">Kyzylorda-news.kz.</a> Қызылорда облысында қазіргі таңда барлығы 38 746 адам «Pfizer» вакцинасының бірінші компонентін салдырды. Бұл – тиісті контингенттің 38,9 пайызы.
Олардың 16,2 пайызы екі компонентін алды. Оның ішінде 34 102 жасөспірім, 1908 жүкті әйел, 3530 емізулі ана қамтылды.
<blockquote>
 «Бүгінге дейін аталған вакцинаны салдырғандар арасында 12-17 жас аралығындағы жасөспірімдер саны басым. Олардың 20,4 пайызы екі компонетін де алып үлгерді. Ал жүкті әйелдер арасында бірінші компонентпен – 8,4, лактация кезеңіндегі әйелдер арасында 8,3 пайызды шамалайды», – деп мәлім етті Қызылорда облыстық Санитариялық-эпидемиологиялық бақылау департаментінен.
</blockquote>

Қызылордада 34,1 мың жасөспірім коронавирусқа қарсы екпе алды

<a href="https://kyzylorda-news.kz/">Kyzylorda-news.kz.</a>&nbsp;Қызылорда қалалық Полиция басқармасының қызметкерлері&nbsp;ҚР-да мемлекетаралық іздеу жарияланған қала тұрғынын ұстады.
Ұсталған азамат 2021 жылдың қараша айынан бері Қызылорда қаласында ұрлық жасағаны үшін іздеуде болған. Оған қатысты, сот үкімі бойынша бұлтартпау шарасы таңдалған.&nbsp;&nbsp;&nbsp;&nbsp;&nbsp;&nbsp;
Қылмыс жасаған адамдарды іздестіру ісі үздіксіз жүргізілуде. Өткен жылдан бері түрлі қылмыстар жасағаны үшін 34 қылмыскер,&nbsp; биылғы жылы іздеуде жүргендер&nbsp; санатынан бес күдікті ұсталды.
Іздестіру бағыты бойынша жұмыс үнемі жүргізіледі. Ұзақ ақпарат жинау және нұсқаларды қайта тексеру нәтижесінде қылмыстар ашылады. Бұл жұмысты күшейту мақсатында әр тоқсан сайын республикалық «Іздеу» жедел-алдын алу іс-шарасы өткізіледі. Осы кезеңде полиция басқармасына азаматтар жеткізіліп, олардың барлығы есепке алынады, қылмыстарды ашуға қажетті жедел ақпараттар жиналады.

Қызылордада мемлекетаралық іздеуде жүрген ұры ұсталды

<a href="https://kyzylorda-news.kz/">Kyzylorda-news.kz.</a> Қызылорда облысында жыл басынан бері 9916&nbsp;құқық бұзушылық анықталған.
Әкімшілік құқық бұзушылық деректерін автоматты түрде анықтайтын&nbsp;құрылғыларымен 2361 құқық бұзушылық анықталған.&nbsp;
<blockquote>
 «Автоматты жүйеде жұмыс атқаратын бейне камераларымен құқық бұзушылық анықталған жағдайда, ҚР ӘҚБтК-нің 822-1 бабының&nbsp; 3-бөлігінің талаптарына сәйкес (Белгіленген үлгідегі түбіртегі бар, айыппұл төлеу қажеттігі туралы нұсқама әкімшілік құқық бұзушылық тіркелген күннен бастап&nbsp;он тәулік ішінде&nbsp;көлік құралының меншік иесіне)&nbsp;ұйғарым шығарылып, электронды түрде&nbsp;ГЭП &nbsp;қызметі арқылы автокөлік тіркелген иесінің мекен-жайына жіберіледі», – делінген полиция департаментінің хабарламасында.
</blockquote>
Полиция департаменті қала тұрғындарын жол жүру ережелерін бұзбауды, жылдамдық режимін сақтауды және ескерту белгілеріне назар аударуды сұрайды.

Қазақстан және Қызылорда облысының жаңалықтары