<a href="https://kyzylorda-news.kz/">Kyzylorda-news.kz.</a> Қызылорда қаласында қоғамдық көлік өртенді. Бұл туралы әлеуметтік желілерде бейне жазбалар көбейді.
1 ақпан күні&nbsp; Қызылорда қаласында сағат 13:37 шамасында сол жағалау көпірінің жанында «Қызылорда автобус паркі» ЖШС-не тиесілі №1 автобус толығымен жанып кетті.
Өрт 13:49-да оқшауланып, 13:53-те жойылды.&nbsp;Автобус ішінде 16 жолаушы болған, барлығы автобустан өз бетінше шыққан, зардап шеккендер жоқ.&nbsp; Өрттің шығу себебі анықталуда.&nbsp; Өрт сөндіру және авариялық-құтқару жұмыстары қызметінің 9 қызметкері және 3 бірлік техника оқиға орында болып, қызыл жалынды өшіруге үлес қосты.
<img src="https://kyzylorda-news.kz/wp-content/uploads/2022/02/fb_img_1643708102384.jpg" alt="" />

Қызылордада автобус өртенді (ВИДЕО)

<a href="https://kyzylorda-news.kz/">Kyzylorda-news.kz.</a> Жалағаш ауданындағы Қаракеткен ауылында газ баллонының жарылуы салдарынан баспана өртеніп кетті.
Ауылдағы оқыс оқиға түнгі уақытта болған. Үйдің ас бөлмесіндегі 50 литрлік газ баллоны жарылып, баспананың қабырғалары құлаған.
Түн ортасындағы жарылыстан отбасындағы 5 адам зардап шекті. Қазір 55 жастағы әйел мен екі баласы, сондай-ақ келіні денелері күйіп, ауруханада жатыр. Ал 4 жастағы бүлдіршін дәрігердің қарауынан кейін үйіне қайтарылған.
<blockquote>
 “Азаматша 55 жастағы ІІІ-А дәрежелі 26-30% терінің күюі, орта ауырлық дәрежелі, баласы ІІ-ІІІ дәрежелі 25% терінің күюі, орта ауырлық дәрежелі, келіні ауырлық жағдайы жеңіл дәрежелі, баласы ауырлық жағдайы орташа дәрежелі диагноздарымен жатқызылды, – дейді Төтенше жағдайлар департаментінің мамандары.
</blockquote>

Қызылорда: Газ баллоны жарылып, отбасы мүшелері зардап шекті

<a href="https://kyzylorda-news.kz/">Kyzylorda-news.kz.</a> 2022 жылғы ақпанға арналған ауа райы болжамы жарияланды.
Ақпан айында еліміздің басым бөлігінде ауаның орташа температурасы климаттық нормадан 1-2° жоғары болады деп күтілуде, бұл Иран мен Орта Азия аудандарынан жылы ауа массаларының шығарылуына байланысты болады. Еліміздің шығысында Таймыр мен Шығыс Сібір аудандарынан суық антициклонның ықпал етуіне байланысты ауа температурасы климаттық норма шамасында болады. Ақпан айында жауын-шашын мөлшері республиканың басым бөлігінде норма шамасында, ал Қазақстанның батысында, оңтүстік, оңтүстік-шығыс және шығыс аумақтардың таулы және тау бөктерлі өңірлерінде нормадан көп болжанады.
Бірінші онкүндіктің басында Сібір антициклоны Қазақстанның басым бөлігінде аязды және көбінесе аз жауын-шашынды ауа райын шарттайды, ал республиканың батысында Батыс және Оңтүстік циклондардың ықпалымен жауын-шашын (жаңбыр, қар), желдің 15-20 м/с дейін күшеюі, тұман және көктайғақ құбылыстары күтіледі. Содан кейін циклонның солтүстік-шығыс бағытта ауысуымен республиканың қалған аумағында да жауын-шашынды және желді ауа райы күтіледі.
Ақпанның бірінші онкүндігінің бірінші жартысында ҚР оңтүстігі мен батысында күндізгі ауа температурасының жоғарылауы күтіледі.
Бірінші онкүндіктің ортасында еліміздің солтүстігінде және орталығында түнде -10-20°С-тан -5-13°С-қа дейін, күндіз -5-15°С-тан 0,-8°С-қа дейін аяздың әлсіреуі болжанады.
Онкүндіктің соңында республиканың шығысында температура фоны түнде -18-23°С-тан -12-17°С-қа дейін, солтүстік-шығыста -28-33°С-тан -20°С-қа дейін, күндіз -10-15°С-тан -5-10°С-қа дейін жоғарылайды.
Екінші және үшінші онкүндіктерде ауыспалы барикалық түзілімдермен ауа райының тұрақсыз сипаты күтіледі: жауын-шашын (жаңбыр, қар), екпінді жел, еліміздің солтүстік-батыс жартысы мен батысында бұрқасынмен, оңтүстігінде жекелеген күндері шаңды дауыл күтіледі.
Жекелеген күндері Шығыс Сібір аудандарынан суық антициклонның әсерінен температуралық фон төмендейді деп күтіледі:
– батыста және солтүстік-батыста түнде -12-22°С-қа дейін, күндіз -3-10°С-қа дейін;
– солтүстік жартысында түнде -20-35°С-қа дейін, күндіз -13-18°С-қа дейін;
– оңтүстік жартысында түнде -8-15°С-қа дейін, күндіз -5+3°С-қа дейін.
Жекелеген күндері Иран мен Орта Азия аудандарынан жылы ауа массаларының шығарылуына байланысты температуралық фон жоғарылайды деп болжанады:
– батыста түнде -5+1°С-қа дейін, күндіз +2+8°С-қа дейін;
– солтүстік-батыста, солтүстікте, орталықта және шығыста түнде -3-15°С-қа дейін, күндіз -6+3°С-қа дейін;
– оңтүстікте, оңтүстік-шығыста және оңтүстік-батыста түнде -5+5°С дейін, күндіз +5+12°С дейін.

Ақпан айында ауа райы қандай болады?

МӘМС туралы не білесіз?

<a href="https://kyzylorda-news.kz/">Kyzylorda-news.kz.</a> «Әлеуметтік медициналық сақтандыру қоры» КЕАҚ Қызылорда облысы бойынша филиалдың халықты ақпараттандыру және өтініштерді қарау жөніндегі бөлімі медициналық – санитариялық алғашқы көмек көрсету ұйымдарына тіркеу бойынша туындаған тұрғындардың сұрақтарына жауап берді.
Емханаға тіркелуге өтініш қанша уақыт ішінде қаралады? 
Электрондық үкімет порталы арқылы тіркеуге өтінім берген жағдайда, тіркеу 1 жұмыс күні ішінде жүзеге асырылады
Неліктен менің бүкіл отбасым бір отбасылық дәрігерге тіркелу керек? 
Алғашқы медициналық-санитарлық көмек көрсету отбасылық бақылау принципіне негізделген. Отбасылық дәрігер бүкіл отбасының өмір салтымен, сондай-ақ оның әр мүшесінің мінез-құлқымен немесе тұқым қуалайтын ерекшеліктерімен таныс болғандықтан, дәрігерге осы отбасы мүшелерінің салауатты өмір салтын ұстануды қалыптастыру, мүмкін болатын аурулардың алдын алу және емдеу оңайырақ болады. Осындай тәсілмен медициналық көмек көрсету кезінде оның сапасы да айтарлықтай артады
Неге жақын жерге тіркелу маңызды? 
Алғашқы медициналық-санитарлық көмек (МСАК) көрсетудің негізгі қағидаты – аумақтық қолжетімділік болғандықтан, пациенттерге бірінші деңгейдегі медициналық көмекті дәл жаяу қолжетімділік шегінде (15-20 минуттық жаяу жүру) алу неғұрлым ыңғайлы болады. Мұның артықшылығы-үйде медициналық көмек алу мүмкіндігін арттыру
Мен бір уақытта бірнеше емханаға тіркеле аламын ба? 
Тіркелу сіздің жеке сәйкестендіру нөміріңіз (ЖСН) бойынша жүзеге асырылатындықтан, сіз тек бір емханаға тіркеле аласыз, бұл ретте бұрынғы емханадан есептен шығару автоматты түрде жүргізіледі
Егер мен тіркеу науқаны кезінде өтініш білдірмеген болсам, мені басқа емханаға тіркей ме, әлде мен өзім тіркелген жерде қаламын ба? 
Егер сіз халықты медициналық-санитариялық алғашқы көмек көрсететін ұйымдарға (15 қыркүйектен 15 қарашаға дейін) тіркеу науқаны кезінде тіркелуге өтінім бермесеңіз, онда сіздің тіркелуіңіз өзгермейді және сіз өз емханаңызда медициналық көмек алатын боласыз
Мен тіркелу науқаны кезінде басқа емханаға тіркеуге өтініш бердім, ол жерден қашан медициналық көмек ала аламын? 
Егер сіз халықты медициналық-санитариялық алғашқы көмек көрсететін ұйымдарға (15 қыркүйектен бастап 15 қарашаға дейін) тіркеу науқаны кезінде тіркелуге өтінім берсеңіз, онда сіз жаңа емханада медициналық көмекті келесі жылдың 1 қаңтарынан бастап ала аласыз.
<img src="https://kyzylorda-news.kz/wp-content/uploads/2022/02/prekreplenie_sovety-kaz.jpeg" alt="" />

МӘМС: Бір уақытта бірнеше емханаға тіркелуге бола ма?

<a href="https://kyzylorda-news.kz/">Kyzylorda-news.kz.</a> Мұрат Нұртілеу Қазақстан Республикасы Президенті әкімшілігінің басшысы лауазымына тағайындалды, деп хабарлайды&nbsp;<a href="https://www.akorda.kz/kz">Ақорда.</a>&nbsp;
Мемлекет басшысының өкімімен Мұрат Нұртілеу&nbsp; Ұлттық қауіпсіздік комитеті төрағасының бірінші орынбасары лауазымынан босатылды.
<img src="https://kyzylorda-news.kz/wp-content/uploads/2022/02/fb_img_1643689393504.jpg" alt="" />

Қазақстан президенті әкімшілігінің жаңа басшысы тағайындалды

<a href="https://kyzylorda-news.kz/">Kyzylorda-news.kz.</a> Табысы 1 күнкөріс деңгейінен төмен 70 мың адамға жалдамалы пәтерақының 50 пайызын мемлекет төлейді.
Индустрия және инфрақұрылымдық даму министрі Қайырбек Өскенбаевтың айтуынша, қазір елімізде 590 мыңдай адам үй кезегінде тұр. Оның ішінде 210 мыңы халықтың әлеуметтік жағынан аз қорғалған тобына жатады.
Олар: 
-Көпбалалы отбасылар 
-I және II топтағы мүгедектер; 
-Жетім балалар; 
-Мүгедек балалары бар отбасылар.
Олардың ішінде табысы 1 күнкөріс деңгейінен төмен 70 мыңдай азамат қысқамерзім ішінде баспанамен қамтамасыз етілуі тиіс.
<blockquote>
 «Осы 70 мың адамға қолдау көрсету үшін 50 млрд теңге қажет»,- деді Қайырбек Өскенбаев.
</blockquote>

Жалдамалы пәтерақының 50 пайызын мемлекет төлейді

<a href="https://kyzylorda-news.kz/">Kyzylorda-news.kz.</a> Қазақстанда қаңтар айының ортасынан бастап вирус жұқтырған оқушылар саны көбейді. Бұл туралы денсаулық сақтау министрі Ажар Ғиният мәлімдеді, деп хабарлайды&nbsp;<a href="https://sputnik.kz/">Sputnik Қазақстан</a>.
Денсаулық сақтау министрлігі балалардың, соның ішінде мектеп оқушыларының коронавируспен ауыру деңгейіне күнделікті мониторинг жасайды.
Министрдің айтуынша, жалпы ел бойынша коронавирус жұқтыру деңгейінің өсуі оқушылар арасындағы эпидемиологиялық жағдайға әсер етті.
<blockquote>
 “Қаңтар айының ортасынан бастап біз сырқаттанушылықтың айтарлықтай өскенін көріп отырмыз. Соңғы аптада оқушылар арасында коронавирустық инфекциямен ауыру 1,3 есе өсті”, – деді Ғиният үкімет отырысында.
</blockquote>
Індетке шалдыққан оқушылардың дені Түркістан, Батыс Қазақстан, Солтүстік Қазақстан, Қостанай облыстарында, Шымкент пен Нұр-Сұлтан қалаларында байқалып отыр.
Осыған байланысты министр өңір әкімдерінен офлайн оқыту мен жастардың “омикрон” штамын тез жұқтыруын ескеріп, мектептерде санитарлық, дезинфекциялық талаптарды, маска режимін және өзге де профилактикалық шаралардың сақталуын қамтамасыз етуді сұрады.
Сондай-ақ Ғиният ата-аналарды 12 жастан асқан балаларына вакцина егуге шақырды.

Оқушылар арасында коронавирус жұқтырғандар көбейіп жатыр

<a href="https://kyzylorda-news.kz/">Kyzylorda-news.kz.</a> «ҚР Парламенті Мәжілісінің жаңа сайланған Төрағасы Ерлан Жақанұлы Қошанов, деп жазды өзінің <a href="https://www.facebook.com/100003403233694/posts/4658231884300207/">Facebook</a> парақшасында ҚР Президентінің баспасөз хатшысы Берік Уәли.
Ерлан Жақанұлы Қошанов1962 жылы Қарағанды облысында туған.
1984 жылы Қарағанды политехникалық институтын бітірді. 1999 жылы – Қазақ мемлекеттік басқару академиясын бітірді.
Институт бітірген соң Жезқазған кен-металлургия комбинаты байыту фабрикасының слесары, шебері болып істеді. 1988-1990 жж. – жұмыскер және ауыл жастары бөлімінің нұсқаушысы, Қазақстан ЛКЖО Жезқазған облыстық жастар проблемаларының әлеуметтік-экономикалық бөлімінің меңгерушісі.
1990-1995 жж. – Жезқазған облыстық комитетінің сыртқы экономикалық байланыс комитетінің жетекші маманы, бөлім бастығы, төрағасының орынбасары, төрағасы.
1995-1999 жж. – Қазақстан Республикасы Парламент Сенатының депутаты. 1999-2001 жж. – Қазақстан Республикасының Парламентіндегі ҚР Үкіметінің өкілі.
2001-2003 жж. – Қазақстан Республикасы Премьер-Министрі Кеңсесі Басшысының орынбасары – Қазақстан Республикасының Парламентіндегі ҚР Үкіметінің өкілі.
2003-2006 жж. – Қазақстан Республикасының Көлік және коммуникация вице-министрі. 2006-2007 жж. – Қазақстан Республикасы Көлік және коммуникация министрлігінің азаматтық авиация комитетінің төрағасы.
2007-2012 жж. – Қазақстан Республикасы Премьер-Министрі Кеңсесі Басшысының орынбасары – Қазақстан Республикасының Парламентіндегі ҚР Үкіметінің өкілі.
2012-2017 жж. – Қазақстан Республикасы Премьер-Министрі Кеңсесінің Басшысы.
2017-2019 жж. – Қарағанды облысының әкімі.
2019 жылдан бері Мемлекет басшысының Жарлығымен Қазақстан Республикасы Президенті Әкімшілігінің Басшысы қызметін атқарып келді. «Парасат» (2013), «Құрмет» (2007) ордендерімен және мерейтойлық медальдарымен марапатталды.
Қазақ, орыс, неміс тілдерін меңгерген.

ҚР Парламенті Мәжілісінің жаңа төрағасы сайланды

<a href="https://kyzylorda-news.kz/">Kyzylorda-news.kz.</a> 31 қаңтарда партияның Саяси кеңесінің қаулысымен “Nur Otan” партиясының саяси кеңесі бюросының жаңа құрамы бекітілді.&nbsp;
Партияның саяси кеңесінің бюросына келесі адамдар бекітілді:&nbsp;
<ul>
<li>Тоқаев Қасым-Жомарт Кемелұлы – Қазақстан Республикасының&nbsp; президенті, партия төрағасы</li>
<li>Әшімбаев Мәулен Сағатханұлы – Қазақстан Республикасы парламенті сенатының төрағасы&nbsp;</li>
<li>Қошанов Ерлан Жақанұлы Қазақстан – Республикасы президенті әкімшілігінің басшысы&nbsp;</li>
<li>Саиров Ерлан Бияхметұлы Қазақстан – Республикасы парламенті мәжілісінің&nbsp;депутаты</li>
<li>Қыдырәлі Дархан&nbsp;Қуандықұлы – “Егемен Қазақстан”&nbsp; песпубликалық газеті”&nbsp;АҚ басқармасының төрағасы</li>
<li>Өрісбаев Аббат Жәңгірханұлы – Маңғыстау облысы&nbsp;мәслихатының депутаты&nbsp;</li>
<li>Қалтаева&nbsp;Ляззат Молдабекқызы – Қазақстан Республикасы парламенті сенатының&nbsp;депутаты</li>
<li>Зенченко Геннадий Геннадьевич – “Зенченко и К” КС директоры</li>
<li>Паули&nbsp;Элина Сергеевна –&nbsp; “Жастар” ғылыми-зерттеу&nbsp;орталығы директорының&nbsp;орынбасары</li>
</ul>

&#8220;Nur Otan&#8221;: Саяси кеңес бюросының құрамына өзгерістер енгізілді

Kyzylorda-news.kz. Әңгімелесу, проблемалы отбасыларға бару және көңіл көтеру орындарына түнгі рейд жүргізу – өткен жылдың 12 айында Жаңақорған ауданында 200 жуық рейдтік іс-шара өткізілді. Түнгі рейдтерге ювеналдық полицейлермен бірге білім, денсаулық сақтау органдарының өкілдері, криминалдық полиция бөліністерінің қызметкерлері қатысады.
2021 жылдың қорытындысы бойынша кәмелетке толмағандардың түнгі уақытта көңіл көтеру орындарында және үйден тыс жүргендері үшін ҚР Әкімшілік құқық бұзушылық туралы кодексінің 442-бабы бойынша кәмелетке толмағандардың 270 заңды өкілі әкімшілік жауапкершілікке тартылды. Кәмелетке толмаған адамды әкімшілік құқық бұзушылық жасауға тартқаны үшін 2 азаматқа шара көрілсе, кәмелетке толмағандарға алкогольдік және темекі өнімдерін сатқаны үшін 2 дүкен иесі жауапқа тартылды. Осылайша, түрлі бұзушылықтардың жолы кесілді.
Жаңақорған ауданының Полиция бөлімінің Жергілікті полиция қызметі бөлімшесінің бастығы полиция подполковнигі Ербол Әлімбековтің сөзінше кәмелетке толмағандардың қауіпсіздігін қамтамасыз ету ювеналдық полиция инспекторларының басты міндеті болып табылады. Аталған жұмыс белгілі бір машықтарды, бей-жай қарамауды және күнделікті жұмыс жүргізуді тек полицейлер мен педагогтар тарапынан ғана емес, сондай-ақ балалардың ата-аналарынан талап етеді.
<blockquote>
 “Бүгінгі күні жеке профилактикалық шаралар қабылданған 5 жасөспірім есепте тұр. Қазіргі уақытта баласының тәрбиесіне бей-жай қараған 4 ата-ана есепте тұр, олармен профилактикалық жұмыстар жүргізілуде. Аталған жұмыстың басты мақсаты – балалар мен жасөспірімдердің қауіпсіздігін қамтамасыз ету, олардың және оларға қатысты қылмыстарды ескерту болып табылады”,- деді Ербол Әлімбеков.
</blockquote>

Жаңақорғанда кәмелетке толмағандар арасында 270 құқық бұзушылық анықталды

<a href="https://kyzylorda-news.kz/">Kyzylorda-news.kz.</a> Облыстық мәслихаттың кезектен тыс 11 сессиясы өтті. Сессияға облыстық мәслихат хатшысы Наурызбай Байқадамов төрағалық етті. Күн тәртібінде «Қызылорда облыстық мәслихатының тұрақты комиссияларының құрамын және төрағаларын сайлау туралы» Қызылорда облыстық мәслихатының 2021 жылғы 15 қаңтардағы № 5 шешіміне өзгеріс енгізу туралы» мәселе қаралды.
Наурызбай Байқадамов 2021 жылғы 30 маусымда ҚР «Қазақстан Республикасындағы жергiлiктi мемлекеттiк басқару және өзін-өзі басқару туралы» заңына өзгерістер енгізілгенін еске салып, Экономика, қаржы және жергілікті басқару мәселелері жөніндегі тұрақты комиссиясының төрағасына Талғат Жақыпбаевтың кандидатурасын ұсынды. Депутаттар ұсынысты бір ауыздан қолдады.
Талғат Жақыпбаев өмір жолын 1997 жылдан қаржы саласында жұмысын бастаған. Қызылорда қалалық қаржы бөлімінің кірісті бағдарлау және талдау бөлімінің экономисті, облыстық қаржы басқармасының халықты әлеуметтік қорғау бөлімінің экономисті, Қызылорда облысының экономика және бюджеттік жоспарлау департаментінің бюджеттік саясат және жоспарлау бөлімінің бастығы, Қызылорда облысы әкімі аппаратының экономикалық талдау және өңірлік даму бағдарламаларының мониторингі бөлімінің меңгерушісі, Қызылорда облысының білім басқармасы, Қызылорда облыстық ішкі саясат басқармасы, Қызылорда облысы әкімі аппараты, «Сыр медиа» ЖШС-нің бас директорының орынбасары, Қызылорда облысының қаржы басқармасының басшысы, «Байқоңыр» ӘКК АҚ басқарма төрағасының орынбасары болып, қаржы саласы бойынша жауапты қызметтер атқарып келген.
Сонымен қатар жиында облыстық мәслихат депутаты, «Құрмет» орденінің иегері, Қазақстанның еңбек сіңірген қайраткері Қылышбай Бисенов «Жаңа Қазақстан» қағидатына сәйкес депуттаттық құзыретке өзгерістер енгізіп, әлеуметтік сұрақтарға басымдық беру қажет екенін айтты. Ал, облыстық мәслихат депутаты, «Ақмешіт ақшамы» газетінің бас редакторы Сәрсенкүл Бихожа депутат халық пен биліктің ортасында алтын көпір екенін атап өтіп, фракция жұмысын жетілдіру бойынша ұсыныстарын жеткізді.
Мұнымен қоса, белгілі ақын, журналист, облыстық мәслихаттың депутаты, «Қызылорда қоғамдық телерадиокомпаниясы» жауапкершілігі шектеулі серіктестігінің құрылтайшысы Шәкизада Әбдікәрімов Талғат Жақыпбаевты қаржы саласының білікті маманы, экономист ретінде, лайықты кандидатура екенін айтып, жұмысына сәттілік тіледі.

Қазақстан және Қызылорда облысының жаңалықтары

Қызылордада автобус өртенді (ВИДЕО)

Қызылорда: Газ баллоны жарылып, отбасы мүшелері зардап шекті

Ақпан айында ауа райы қандай болады?

МӘМС туралы не білесіз?

МӘМС: Бір уақытта бірнеше емханаға тіркелуге бола ма?

Қазақстан президенті әкімшілігінің жаңа басшысы тағайындалды

Жалдамалы пәтерақының 50 пайызын мемлекет төлейді

Оқушылар арасында коронавирус жұқтырғандар көбейіп жатыр

ҚР Парламенті Мәжілісінің жаңа төрағасы сайланды

“Nur Otan”: Саяси кеңес бюросының құрамына өзгерістер енгізілді

Жаңақорғанда кәмелетке толмағандар арасында 270 құқық бұзушылық анықталды

Қызылордада тұрақты комиссияның төрағасы сайланды

Қазақстан және Қызылорда облысының жаңалықтары

Қызылордада автобус өртенді (ВИДЕО)

Қызылорда: Газ баллоны жарылып, отбасы мүшелері зардап шекті

Ақпан айында ауа райы қандай болады?

МӘМС туралы не білесіз?

МӘМС: Бір уақытта бірнеше емханаға тіркелуге бола ма?

Қазақстан президенті әкімшілігінің жаңа басшысы тағайындалды

Жалдамалы пәтерақының 50 пайызын мемлекет төлейді

Оқушылар арасында коронавирус жұқтырғандар көбейіп жатыр

ҚР Парламенті Мәжілісінің жаңа төрағасы сайланды

&#8220;Nur Otan&#8221;: Саяси кеңес бюросының құрамына өзгерістер енгізілді

Жаңақорғанда кәмелетке толмағандар арасында 270 құқық бұзушылық анықталды

Қызылордада тұрақты комиссияның төрағасы сайланды

“Nur Otan”: Саяси кеңес бюросының құрамына өзгерістер енгізілді