<a href="https://kyzylorda-news.kz/">Kyzylorda-news.kz.</a>&nbsp; ҚР «Жылжымайтын мүлікке құқықтарды мемлекеттік тіркеу жүргізу тәртібі туралы» Заңның 3-бабына сәйкес, жылжымайтын мүлікке құқықтардың (құқықтар ауыртпалықтарының) туындауы, өзгеруі немесе тоқтатылу, сондай-ақ заңдық талаптар құқықтық кадастрда мемлекеттік тіркеуге жатады.
&nbsp;Тіркеуші орган аталған Заңның 21-бабында көрсетілген жылжымайтын мүлікке қатысты құжаттар тізбесін түгендейді. Бұдан әрі жасалатын мәміленің және жылжымайтын мүлікке құқықтардың (құқықтар ауыртпалықтары) туындауына, өзгеруіне, тоқтатылуына негіз болып табылатын өзге де заңдық фактілердің&nbsp; заңдылығын немесе мемлекеттік тіркеудің өзге де объектілерін тексеруді қоса алғанда, мемлекеттік тіркеуге ұсынылатын құжаттардың қолданыстағы заңнамаға сәйкестігін тексеріледі.
Құқық белгілейтін құжатта жүргізілген мемлекеттік тіркеу туралы жазба жасалып, жүргізілген тіркеу туралы белгісі бар құқық белгілейтін құжатты, не аталған&nbsp; заңда көзделген негіздер бойынша мемлекеттік тіркеуден бас тарту немесе оны тоқтата тұру туралы құжатты шешім қабылдайды.
Тіркеуге тапсырылатын құжаттарға қойылатын талаптарға тоқтала келсек, онда жылжымайтын мүлікке құқықтардың туындауын, тоқтатылуын, ауысуын, шектеуін растайтын құжаттар тиісінше ресімделген түрде қабылданады. Тазартулары бар не қосымша жазулар жазылған, сызып тасталған сөздер мен өзге де ескертілмеген түзетулері бар құжаттар, сондай-ақ қарындашпен орындалған құжаттар қабылданбайды. Құжаттың түпнұсқасы тіркелгеннен кейін құқық иесіне қайтарылады. Өтініш берушінің тілегі бойынша тіркеуші орган тіркеуге табыс етілген құжатта жазба жасау арқылы өтініш берілген күннен бастап үш жұмыс күні ішінде тіркеу жүргізілгенін куәландыруға тиіс.
Ал, құқықтар (құқықтар ауыртпалығы) нотариат тәртібімен куәландырылған мәміле, мұраға құқық туралы куәлік, меншік құқығы туралы куәлік негізінде туындаған, өзгертілген немесе тоқтатылған жағдайларда, электрондық тіркеу жүзеге асырылады.
Электрондық тiркеу нотариус мәмілені куәландырғаннан, мұраға құқық туралы куәлікті немесе меншік құқығы туралы куәлікті бергеннен кейін жүзеге асады. Құқық белгiлейтiн құжаттың электрондық цифрлық қолтаңбамен куәландырылған электрондық көшiрмесiн бiрыңғай нотариаттық ақпараттық жүйе арқылы құқықтық кадастрдың ақпараттық жүйесiне жiбередi.
Осы Заңның 22- бабына сәйкес, ортақ бірлескен меншік құқығының туындау, өзгеруін немесе тоқтатылуын мемлекеттік тіркеген кезде тіркеу туралы өтінішті барлық қатысушылар не олардың біреуі қалған қатысушылардың нотариат тәртібімен куәландырылған келісімін ұсына отырып беруі мүмкін.
Ортақ үлестік меншік құқығының (өзге ортақ құқықтың) туындауын, өзгеруіне, тоқтатылуына мемлекеттік тіркеу кезінде мемлекеттік тіркеу туралы өтінішті барлық қатысушылар (уәкілетті өкілдер) беруі тиіс. Яғни, жылжымайтын мүлік жұбайларға ортақ меншік ретінде құқықтық кадастрге жазба енгізіледі.
Құқық белгілеуші құжаттарды тіркеудің&nbsp; алты ай мерзім уақыты өтіп кеткен жағдайда Қазақстан Республикасының Әкімшілік құқық бұзушылық туралы Кодекстің 460-шы бабына қатысты әкімшілік жауапкершілікке тартылатын.
Алайда, 2021 жылғы 26 қаңтардағы «Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы» Қазақстан Республикасының Заңына сәйкес алынып тасталды.
Сонымен қатар, құқықтық кадастрді тіркеуші орган жүргізеді және онда жылжымайтын мүлікке қолданылатын және тоқтатылатын құқықтар және тіркеудің өзге де объектілері туралы ақпарат, жылжымайтын мүліктің сәйкестендіру сипаттамалары, құқық иелері туралы мәліметтер, құқықтық кадастрдың мәліметтеріне бар сұрау салулар туралы ақпарат қамтылады.
Яғни, «Жылжымайтын мүлік тіркелімі» дерекқорына енгізілген мәліметтер жойылуға, алынып тасталуға жатпайды және де ақпараттық жүйеде сақталады.
А.Алибекова
Қызылорда облысы әділет
департаментінің бас маманы

Жылжымайтын мүлік құқығын тіркеу жеңілдетіледі

<a href="https://kyzylorda-news.kz/">Kyzylorda-news.kz.</a> Қытай астанасы Бейжің қаласында өтіп жатқан Ақ Олимпиада ойындарында бүгін, яғни 16 ақпанда қазақстандық атлеттер үш спорт түрінен сынға түседі, деп хабарлайды <a href="https://lenta.inform.kz/kz/beyzhin-2022-kazakstan-sportshylarynyn-16-akpandagy-zharys-kestesi_a3899880">ҚазАқпарат</a> .
Атап айтсақ, Тау шаңғысы, Шаңғы жарысы және шорт-тректен спортшыларымыз ел намысын қорғайды.
16 ақпандағы жарыс кестесі
Тау шаңғысы
8:15 Слалом. Ерлер. Бірінші мүмкіндік
11:45 Слалом. Ерлер. Екінші мүмкіндік
Шаңғы жарысы
13:15 Командалық спринт. Жартылай финал. Әйелдер/Ерлер. Классикалық стиль
15:15 Командалық спринт. Финал. Әйелдер/Ерлер. Классикалық стиль
Шорт-трек
Әйелдер:
17:30 1500 м. Ширек финал
18:15 1500 м. Жартылай финал
18:44 1500 м. Финал.
Айта кетейік, аталған Ақ Олимпиадада ойындарында еліміздің намысын 8 спорт түрінен 34 спортшы қорғап жатыр.
Олар – қысқы спорт ойындарының ішінде спорттың шаңғы жарысы, фристайл-могул, шаңғы акробатикасы, тау шаңғысы, шаңғымен секіру, биатлон және шорт-трек түрлерінен сынға түсуде.
Бейжің Олимпиадасы 20 ақпанда мәресіне жетеді.

Бейжің-2022: Қазақстан спортшыларының 16 ақпандағы жарыс кестесі

<a href="https://kyzylorda-news.kz/">Kyzylorda-news.kz.</a> Шиелі ауданы, Бидайкөл ауылдық округі тұрғындары аудан орталығымен қатынасымыз қиындады, деп шағымданған болатын. Олар кент орталығына қатынауымызға екі ортадағы көпірдің апатты деп танылып, бұзылуы кедергі болып отыр дейді. Ауыл тұрғындарының тең жартысы кент орталығына жұмысқа қатынайды, сондай-ақ, азық-түлікті де сол жақтан тасымалдайтын болғандықтан жаяу жүргіншілер мен көлік қатынасы үшін уақытша өткел салынса деген шағым айтқан болатын. Бұл мәселені аудандық партия филиалы дереу назарға алып, жұмыс жүргізді.
«Nur Otan» партиясы Шиелі аудандық филиалы жанындағы партиялық бақылау комиссиясының мүшелері елді мекеніндегі көпір құрылысын жүргізіп жатқан қосалқы мердігер мекеме өкілдерімен кездесіп, жұмыс барысына талдау жасады. Расында бұзылған бұл көпір Бидайкөл, Ақтам, Қарғалы елді мекендерінің 5 мыңға жуық тұрғындарын аудан орталығымен байланыстыратын.
Құрылысы 1960 жылдары жүргізілгендіктен уақыт келе жарықтар пайда болып, жүк көтергіш қабілетті болмай, жарамсыз күйге түсті. Тәуелсіз сарапшылар «апаттық» деген қорытынды беріп, бүгінгі таңда жаңа көпір құрылысының жұмыстары қолға алынуда, тамыз айында аяқталады деп жоспарланған.
Партия өкілдері ауыл тұрғындарының талап-тілектеріне сәйкес, уақытша өткел салу мәселесін тапсырыс беруші Облыстық жолаушылар көлігі және автомобиль жолдары басқармасы және бас мердігер «Стандарт Ойл» КЗО» ЖШС-нің өкілдерімен кездесіп, шешу жолдарын қарастырды. 
Ауыл тұрғындарының мәселесі оң шешімін тауып уақытша өткел халық игілігіне берілді. Өз кезегінде жаңа көпір құрылысының да сапалы және уақытылы халық игілігіне берілуі де партия назарында болады.
<img src="https://kyzylorda-news.kz/wp-content/uploads/2022/02/273695122_318788166953493_7458186927703426472_n.jpg" alt="" />
<img src="https://kyzylorda-news.kz/wp-content/uploads/2022/02/61daeaad-1724-4292-92bb-f6a874a67c6b.jpg" alt="" />

Шиелілік тұрғындардың мәселесі оң шешімін тапты

<a href="https://kyzylorda-news.kz/">Kyzylorda-news.kz.</a> 2022 жылдың наурыз айында қазақстандықтар мереке және демалыс күндерін қосқанда барлығы 12 күн <a href="https://sputnik.kz/20220216/nauryzda-qazaqstandyqtar-qansha-kun-demalady-22825027.html">демалады.</a>
Алдағы айда екі ресми мереке – Халықаралық әйелдер күні және Наурыз мерекесі тойланады.Халықаралық әйелдер күні мерекесіне орай қазақстандықтар үш күн демалады – 6, 7 және 8 наурыз.Биыл 8 наурыз сейсенбіге түсетіндіктен, 5 наурыз жұмыс күні, ал дүйсенбі, 7 наурыз демалыс күні болады.
Биыл Наурыз мейрамы 21-23 наурыз аралығында аталып өтеді, 19 және 20 наурыз сенбі және жексенбі күндеріне сәйкес келіп тұр. Осылайша Наурызда қазақстандықтар бірден бес күн – 19, 20, 21, 22 және 23 наурызда демалады.
Еске сала кетейік, үкімет демалыс күндерін 2022 жылдың 5 наурызындағы сенбіден 2022 жылдың 7 наурызындағы дүйсенбіге; 2022 жылдың 27 тамызындағы сенбіден 2022 жылдың 29 тамызындағы дүйсенбіге ауыстыру туралы қаулы қабылдады.
Ұлттық және мемлекеттік мереке күндері елімізде ресми түрде демалыс күні жарияланады. Егер мереке және демалыс бір күнге сәйкес келсе, демалыс күні мерекеден кейінгі жұмыс күні болып есептеледі.

Наурызда қазақстандықтар неше күн демалады?

<a href="https://kyzylorda-news.kz/">Kyzylorda-news.kz.</a>&nbsp;Кеңес әскерлерінің Ауғанстан жерінен шығарылғанына 33 жыл толуына орай «Ерлікке, елдікке тағзым» атты салтанатты шара ұйымдастырылды.
Шараға ардагерлер, зиялы қауым өкілдері, үкіметтік емес ұйым мүшелері мен жастар ұйымының белсенділері қатысты.
Шарада батырлық пен қайсарлықтың үлгісін көрсетіп, қаһармандық танытқан, өздерінің Отан алдындағы парызына адал болған Ауған соғысы ардагерлеріне құрмет көрсетілді.
<blockquote>
 «Осыдан 33 жыл бұрын Кеңес әскері 15 ақпан күні майдан даласын тастап, туған жерге ат басын бұрды. Сондықтан жыл сайын Ауған жерінде интернационалдық борыштарын өтеу барысында қаза тапқан жауынгерлерді еске алу күні ретінде аталып өтіледі. Он жылға созылған Ауғанстан соғысына елімізден 22 мың сарбаз қатысып, оның 942-не туған жердің топырағы бұйырмады. Мұнан бөлек, 19 азамат майдан даласында хабар ошарсыз кетті. Қызылорда облысынан 827 азамат қатысып, оның 18-і Ауған жерінде уылжыған жас шағында ажал құшты. Бұл қасіретті еш біріміздің басымызға қайта бермесін. Бүгін сол сұрапыл жылдардың куәсі, батыр да батыл ағаларымыз ортамызда. Сіздерге құрмет көрсету біз үшін азаматтық борышымыз, перзенттік парызымыз деп білеміз», – деді облыстық ішкі саясат басқармасының басшысы Мира Қазбекова.
</blockquote>
Мұнан соң, ерлігі үлгі болған «Ауғанстан соғысының ардагерлері ұйымы» қоғамдық бірлестігінің бірнеше азаматына облыс әкімінің марапаты табысталды.

Мира Қазбекова: Құрмет көрсету азаматтық борышымыз

<a href="https://kyzylorda-news.kz/">Kyzylorda-news.kz.</a> Қазақстанда 5 394 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Нұр-Сұлтан қаласында – 963,
Алматы қаласында – 1 273,
Шымкент қаласында – 329,
Ақмола облысында – 691,
Ақтөбе облысында – 0,
Алматы облысында – 173,
Атырау облысында – 230,
Шығыс Қазақстан облысында – 12,
Жамбыл облысында – 75,
Батыс Қазақстан облысында – 30,
Қарағанды облысында – 415,
Қостанай облысында – 190,
Қызылорда облысында – 27,
Маңғыстау облысында – 26,
Павлодар облысында – 604,
Солтүстік Қазақстан облысында – 325,
Түркістан облысында – 31.
Елімізде барлығы 1 236 236 адам COVID-19-дан емделіп, сауығып шықты.

Қызылордада 27 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 1508 адамның коронавируспен ауырғаны ПТР арқылы расталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 112
Алматы қаласы – 580
Шымкент қаласы – 15
Ақмола облысы – 54
Ақтөбе облысы – 17
Алматы облысы – 84
Атырау облысы – 24
Шығыс Қазақстан облысы – 75
Жамбыл облысы – 15
Батыс Қазақстан облысы – 71
Қарағанды облысы – 124
Қостанай облысы – 87
Қызылорда облысы – 5
Маңғыстау облысы – 5
Павлодар облысы – 129
Солтүстік Қазақстан облысы – 109
Түркістан облысы – 2
Жалпы ел бойынша ауырғандар саны 1293901.

Қызылордада 5 адамнан коронавирус анықталды

<a href="https://kyzylorda-news.kz/">Kyzylorda-news.kz.</a>&nbsp;Қазақстанның басым бөлігі антициклонның ықпалында болады, сондықтан жауын-шашын тоқтап, температуралық фон төмендейді, деп хабарлайды Қазгидромет.
Республиканың солтүстік және шығыс жартысы арқылы атмосфералық фронттар қар мен жаяу бұрқасынды сақтай отырып қозғалады.
Елдің кей жерлерінде тұман түсіп, жел күшейеді, елдің оңтүстік-шығысында көктайғақ болады.
Ал Қызылорда облысының солтүстігінде тұман түседі. Желдің екпіні – 15-20 м/с.

16 ақпанға арналған ауа райы

<a href="https://kyzylorda-news.kz/">Kyzylorda-news.kz.</a>&nbsp; Қызылорда облысында «Ел намысы» арнайы мониторингтік тобы өз жұмысын бастады. Бұл топтың басты мақсаты – еліміздегі баға тұрақтылығын қамтамасыз ету болып табылады. Бүгін Өңірлік коммуникациялар қызметінде өткен брифингте «Ел намысы» арнайы мониторингтік тобының жетекшісі Наталья Мишукова мен «Ел намысы» арнайы мониторингтік тобының мүшесі Ләззат Бақтыбаева ұйымның негізгі жұмысына тоқталды.
<blockquote>
 «Мемлекет басшысы Қ.Тоқаев еліміздегі маңызды тауарлардың бағасын қамтамасыз ету бағытында бірқатар тапсырма берді. Осыған орай, біз белсенді азаматтармен бірлесе отырып «Ел намысы» атты арнайы мониторингтік топ құрдық. «Жаңа Қазақстан» құруда бұл ұйымның үлесі зор болады деп сенеміз. Топқа барлық азаматтар қатыса алады және қатысушылар санына шектеу болмайды. Сондықтан, жерлестерІмізді белсенді болуға шақырамыз», – деді Наталья Мишукова.
</blockquote>
Мониторингтік топтың мүшесі Ләззат Бақтыбаеваның айтуынша, «Ел намысы» мониторингтік тобы республика көлемінде ашылған ұйым.
<blockquote>
 «Негізгі бағытымыз – арнайы мониторинг жасау арқылы баға тұрақтылығын сақтау. Яғни, коммуналдық қызметтер, дәрі-дәрмектер және маңызды деп танылған азық-түлік бағаларын ұдайы назарымызда ұстайтын боламыз. Қазіргі таңда дәріханаларда дәрілердің бағасына мониторинг жасалды. Дәрі бағасын асыра өсіру бойынша фактілер анықталмады. Дегенмен, былтырғы жылмен салыстырғанда дәрі-дәрмектердің бағасында біршама өзгерістер бар. Сондай-ақ, азық-түлік бағасы 40 пайызға дейін өскені байқалады. Алдағы уақытта мониторингтік топтың арнайы есебі Мемлекет басшысына жолданатын болады», – деді Л.Шайзадақызы.
</blockquote>

Қызылордада «Ел намысы» арнайы мониторингтік тобы құрылды

<a href="https://kyzylorda-news.kz/">Kyzylorda-news.kz.</a> Аймақта «Қаңтар оқиғасы» кезінде орын алған оқиғалар бойынша 72 қылмыстық іс тіркеліп, тергеу амалдары жүргізілуде. Бұл туралы бүгін Өңірлік коммуникациялар қызметінде өткен баспасөз конференциясында облыс прокурорының бірінші орынбасары Мақсат Қазиев мәлімдеді.
<blockquote>
 «Облыс бойынша 72 қылмыстық іс тіркелді. Оның ішінде терроризм актісі бойынша 5 іс, адам өлтіру фактісі бойынша 2 іс, жаппай тәртіпсіздік фактісі бойынша 1 іс, қаруларды жымқыру дерегімен 4 іс, билік өкіліне қатысты күш қолдану бойынша бойынша 4 іс, лауазымдық өкiлеттiктерді асыра пайдалану бойынша 2 іс және басқа фактілер бойынша 54 іс.
 Бүгінгі күні оқиға орнын қарап-тексеру барысында 100-ден астам бейнежазба, 83 дана қол-саусақ ізі, 73 дана гильза және басқа да заттай дәлелдемелер алынды. Ұсталғандардан 6 дана атыс қаруы мен 63 патрон тәркіленді. Тергеп-тексеру барысында 960 адам оның ішінде қылмыстық іс шеңберінде 351 адам полиция органдарына жеткізілді. Қылмыстық құқық бұзушылықтарға қатысы бар екендігі бұлтартпас айғақтармен бекітілген 103 адам күдікті ретінде танылды», – деді М.Қазиев.
</blockquote>
Айта кету керек, 103 күдіктінің 63-і соттың санкциясымен қамауға алынды. Қалғандарының денсаулық жағдайы мен отбасы жағдайы ескеріле отырып, 40 адамға қатысты бұлтартпау шаралары қолданылды. Прокуратураның бастамасымен 18 күдіктіге қатысты оның ішінде 1 ауыр науқас, 2 көп балалы ана бұлтартпау шарасы негізінде үй қамаққа ауыстырылды. 1 адам негізсіз ұсталуына байланысты уақытша ұстау изоляторынан босатылды. 
Сонымен қатар, осы жылдың 10-14 қаңтарында заңсыз акцияларға қатысқаны үшін 131 адам әкімшілік жауапкершілікке тартылды. Төтенше жағдай режимін бұзғаны үшін 252 адам ұсталды.

Жаппай тәртіпсіздік: Қызылордада 72 қылмыстық іс тіркелді

<a href="https://kyzylorda-news.kz/">Kyzylorda-news.kz.</a>&nbsp; Кеңес әскерлерінің Ауғанстаннан шығарылғанына 33 жыл толуына орай Қызылорда қаласы әскери-техникалық мектебінің курсанттары Ауған соғысы ардагерлеріне арнап мерекелік іс-шара ұйымдастырды.
«Ауғанстан – біздің есімізде» деп аталатын шараға әскери-техникалық мектебінің басшылығы мен ұжымы, «Ерлік» үйлестіру кеңесі» қоғамдық бірлестігінің төрағасы, Ауған соғысының ардагері Қайраддин Баймаханов пен әскери-техникалық мектептің бас механигі Ауған соғысының ардагері Станислав Ким қатысты.
Кездесу ауған соғысында қаза тапқан жауынгер қандастарымызды бір минуттық еске алумен басталды. Ардагерлерді мерекелерімен құттықтаған Әскери-техникалық мектеп директоры Рахметулла Мұхамбетоволарды арнайы дипломдармен марапаттап, сыйлықтар табыс етті.
Курсанттар жекпе-жек ұрысы бойынша шеберліктерін көрсетті. Ардагерлерге арнайы дайындаған сыйлықтарын тапсырды.
<blockquote>
 &nbsp;«Соғыстың аяқталғанына биыл 33 жыл. Біз осы соғыста қаза болған жауынгерлеріміз бен достарымызды жиі еске алып тұрамыз. Олардың жасаған ерліктері ешқашан ұмыт болмайды», – дейді ауған соғысының ардагері Қайраддин Баймаханов.
</blockquote>
<img src="https://kyzylorda-news.kz/wp-content/uploads/2022/02/10d6294a-183a-4294-8af2-b8721e0a7c47.jpg" alt="" />

Қайраддин Баймаханов: Достарымыз мәңгі жадымызда

<a href="https://kyzylorda-news.kz/">Kyzylorda-news.kz.</a> Былтыр 560 тұтынушының құқығы бұзылды. Бұл 2020 жылмен салыстырғанда 2,6 есеге артық. Аталған өтініштердің 72,1 пайызы бөлшек сауда саласына қатысты.
Бұл жөнінде Өңірлік коммуникациялар қызметінде өткен баспасөз конференциясында ҚР сауда және интеграция министрлігі тұтынушылардың құқықтарын қорғау комитетінің Қызылорда облысы бойынша департаментінің басшысы Ерқасым Сүлейменов мәлімдеді.
<blockquote>
 Тұтынушылардан келген 452 өтініш заңға сәйкес қаралып, 25 арыз мемлекеттік органдарға жолданды. Нәтижесінде 2,3 млн теңге көлеміндегі қаржы тұтынушыларға кері қайтарылды. Жалпы азаматтардан келетін өтініштердің басым көпшілігі бөлшек сауда мен тұрғын үй-коммуналдық шаруашылық қызметтері және электронды саудаға қатысты. 
 Сондай-ақ, 2021 жылы халықаралық тұтынушылардың құқықтарын қорғау күніне орай «Пластикалық ластанумен күресу» атты іс-шара өткізілді. Шара барысында сауда үйлерінде ақпараттық акциялар өткізіліп, тұрғындарды мазалаған сұрақтарына жауап берілді. Алдағы уақытта департамент тарапынан тиісті шаралар қаралатын болады, – деді Ерқасым Сүлейменов.
</blockquote>
Айта кетейік, биыл «ҚР кейбір заңнамалық актілеріне тұтынушылардың құқықтарын қорғау» мәселелері бойынша өзгерістер мен толықтырулар енгізіледі. Бұл ретте уәкілетті органмен заң жобасы әзірленіп, тиісті мекемелермен бірге талқылануда.

Қазақстан және Қызылорда облысының жаңалықтары