<a href="https://kyzylorda-news.kz/">Kyzylorda-news.kz.</a> Бас прокурор Ғизат Нұрдәулетов қазақстандық блогерлердің қаржылық пирамидалардың қызметі мен жарнамалануына қатысты сауалға жауап берді, деп хабарлайды <a href="https://stan.kz/tanimal-blogerler-karzhi-piramidalarin-zharnamalagani-u-348968/">Stan.kz.</a>
2021 жылдың сəуір-мамыр айларында Алматы қаласының полиция департаментіне қаржы пирамидасын құру жəне басқару (“Astex.kz” ЖШС, “ACD technology” ЖШС жəне “Мудараба” ЖШС) фактісі бойынша ондаған тұрғыннан арыздар келіп түскен.
Осы орайда Нұрдәулетов аталмыш қаржы ұйымдарының жарнамасына қатысушыларды əкімшілік тəртіппен жазалауға қатысты қандай шаралар қабылданғанын айтып берді.
<blockquote>
 “Шынында да, қаржы пирамидаларын ұйымдастырушылар өз қызметін жарнамалау үшін атақты адамдарды тартқан. Формальды түрде олардың əрекеттерінен әкімшілік құқықбұзушылық туралы кодекстің 150-бабы (қаржылық (инвестициялық) пирамида қызметін жарнамалау) бойынша əкімшілік құқық бұзушылықтың құрамы байқалады.Алайда қылмыстық іс бойынша үкім шығарылғанға дейін Қылмыстық кодекстің 217-бабы бойынша ұйымның қаржы пирамидасы болып табылатынын немесе табылмайтынын анықтау мүмкін емес. Осыған байланысты, жарнамалау кезінде жоғарыда аталған ұйымдар қаржы пирамидалары болып танылмаған, сондықтан медиа тұлғаларды əкімшілік жауапкершілікке тарту үшін құқықтық негіздер жоқ”, – дейді Нұрдәулетов.
</blockquote>
Бас прокурордың айтуынша, блогерлер мен вайнерлердің қаржы пирамидасын құруға қатысы бар екені анықталған жағдайда оларға қандай жауапкершілік қарастырылғанын да айтты.
<blockquote>
 “Тергеу барысында блогерлердің, вайнерлердің жəне басқа да атақты адамдардың қаржы пирамидасын құруға қатысы бар екендігі анықталған жағдайда қылмыстық қудалау органдары олардың əрекеттеріне тиісті құқықтық баға беруге жəне пирамиданы құруға болысқаны үшін қылмыстық жауапқа тарту арқылы мəселені шешуге бағдарланған”, – дейді ол.
</blockquote>
Сонымен қатар бас прокурор Қаржы пирамидаларына қарсы іс-қимыл бойынша тиімді шаралар əзірлеу үшін құрамында Бас прокуратура, ІІМ, Қаржы министрлігі, АҚДМ, Ұлттық Банк өкілдері бар ведомствоаралық жұмыс тобы құрылғанын мәлімдеді.
<blockquote>
 “Сондай-ақ жеке тұлғалардың қаржы ұйымдарын жарнамалауға заңнамалық тыйым салуды енгізудің орындылығы зерделенуде”, – дейді Ғизат Нұрдәулетов.
</blockquote>

Танымал блогерлер қаржы пирамидаларын жарнамалағаны үшін жазалана ма? &#8211; Бас прокурор жауабы

<a href="https://kyzylorda-news.kz/">Kyzylorda-news.kz</a>. Қармақшы ауданы әкімінің орынбасары Жұлдызхан Ерқосаев Жаңажол, Ақтөбе ауылдық елді мекендердегі шаруашылықтарды аралап жастармен кездесті.
Кездесудің мақсаты – Арал ауданында қалыптасқан қуаңшылыққа байланысты шаруашылықтардағы жастармен кездесіп жем-шөп дайындауға көмекті ұйымдастыру болып табылады.
Аудан әкімінің орынбасары Жұлдызхан Ерқосаев және «Жастар ресурстық орталығының» директоры Берік Бәйділдаев «Жаңажол» ЖШС-нің директоры Орынбасар Төлеповпен кездесіп қазіргі таңдағы жағдаймен танысты.
Сонымен бірге шаруашылық жастарымен жүздесіп өңірімізде қалыптастып жатқан қуаңшылық жағдайына байланысты жем-шөп дайындауға жастар бригадаларын ұйымдастыру туралы айтылды.
Мұнан кейінгі кездесу Ақтөбе ауылдық округіндегі «Ақтөбе и К» шаруашылығында өтті.
Қазіргі таңдағы ауылдық елді мекендердегі шаруашылықтағы жастар арасынан бригадалар жасақталып, шөп дайындауға үлестерін қосуға түсіндірме жұмыстары жүргізілді.
Өз кезектерінде шаруашылық басшылары мен ауыл жастары Арал ауданына жем-шөп әзірлеу ісіне көмек көрсетуге өз үлестерін қосуға дайын екендерін жеткізді.
Алдағы уақытта ауыл округтердегі жастары ісі жөніндегі мамандармен кездесулер өткізіліп, азаматтар мен белсенді жастарды тартуға дайындық жұмыстары жүргізілетін болады.

Қармақшы жастары қуаңшылыққа байланысты жем-шөп дайындауға көмектеседі

<a href="https://kyzylorda-news.kz/">Kyzylorda-news.kz.</a> «Үнді» штамының тез таралуы бойынша Алматы «қызыл» аймақта тұр.
С.Асфендияров атындағы ҚазҰМУ жұқпалы және тропикалық аурулар кафедрасының профессоры, медицина ғылымдарының докторы Күләш Құрманова эпидемиологиялық жағдай туралы айтып, инфекциядан қалай сақтану керектігін түсіндірді, деп хабарлайды <a href="https://www.inform.kz/kz/balalar-arasynda-del-ta-shtamyn-zhuktyru-bes-ese-osti-epidemiolog_a3809281">ҚазАқпарат</a>.
Оның айтуынша, қаладағы эпидемиялық жағдай күрделі. Өйткені жаңа «дельта» штамының контагиоздығы жоғары әрі анықталған штамдарға қарағанда 60%-ға жұқпалы. Егер SARS-CoV2 айналмалы штамын бір жұқтырған адам оны айналасындағы 3-4 адамға жұқтырса, «дельта» штамын 5-6 адам жұқтырады. Штамның инкубациялық кезеңі қысқа, 7 күнге дейін. Сондай-ақ ауру жұқтырған адамның буындары мен іші қатты ауырады, жүрегі айнып, құсқысы келеді. Ауру аяқтың төменгі бөлігінің микротромбозына әкелуі мүмкін.
<blockquote>
 «Соңғы зерттеулер көрсеткендей, «үнді» коронавирусының қауіптілігі сол, ауруханаға жату мен өлім қаупі жоғары. Коронавирус инфекциясынан кейін дерттің ауырлығына қарамастан эндотелиит, тамырлы микро және макротромбоз түрінде асқынулар байқалады, яғни әртүрлі органдар мен жүйелерге әсер етуі мүмкін», – деді профессор.
</blockquote>
Сонымен қатар, ол вирустың мутациясы туралы айтты.
<blockquote>
 «Құрамында РНҚ бар коронавирус табиғатта жоғары өзгергіштікке ие. Егер популяцияда ұжымдық иммунитет қалыптасса, вирус мутацияға ұшырамайды, өйткені ол тек тірі жасушаларда көбейе алады. Вирустың жаңа мутациясымен күресудің жалғыз жолы – вакцина алу. Ұжымдық иммунитет халықтың 70%-дан астамы вакцина алғанда қалыптасады», – деді медицина ғылымдарының докторы.
</blockquote>
Сондай-ақ эпидемиолог коронавирус жұқтырудың себептеріне тоқталды.
Оның айтуынша, аурудан кейін вирусқа қарсы иммунитетті қалыпқа келтіру қарқынды және ұзақ, әлсіз әрі қысқа мерзімді болуы мүмкін. Мұның бәрі адам ағзасының реактивтілігіне байланысты, сондықтан аурудан кейін қайта инфекция жоғалмайды. Профессор сонымен қатар, балалар мен жастардың ағзасында COVID-19-ға қарсы антиденелер жоқ екенін айтты.
<blockquote>
 «Балалар жаңа «дельта» штаммымен 5 есе жиі ауыра бастады. Сондықтан Қазақстан балаларды вакциналау қажеттілігі туралы ойлануы керек. Бұл мәселені ғалымдар, эпидемиологтар және клиниктер талқылайтын болады», – дейді ол.
</blockquote>
Сондай-ақ профессор иммундық жауап вакцинаның толық курсынан кейін шамамен 3-4 аптадан кейін пайда болатынын тілге тиек етті. Оның ішінде 2 компонент алынады. Осы уақытқа дейін ағзада антиденелер пайда болады және талдау иммунитеттің нақты деңгейін көрсетеді.

Балалар арасында «дельта» штамын жұқтыру бес есе өсті – эпидемиолог

<a href="https://kyzylorda-news.kz/">Kyzylorda-news.kz</a>. Қазақстанда өткен тәулікте 1 511 адам коронавирустан жазылды, деп хабарлайды COVID-19 таралуына жол бермеу жөніндегі ведомствоаралық комиссияның Telegram каналы.
Нұр-Сұлтан қаласында – 676,
Алматы қаласында – 134,
Шымкент қаласында – 43,
Ақмола облысында – 30,
Ақтөбе облысында – 0,
Алматы облысында – 18,
Атырау облысында – 5,
Шығыс Қазақстан облысында – 71,
Жамбыл облысында – 54,
Батыс Қазақстан облысында – 55,
Қарағанды облысында – 255,
Қостанай облысында – 18,
Қызылорда облысында – 31,
Маңғыстау облысында – 38,
Павлодар облысында – 40,
Солтүстік Қазақстан облысында – 14,
Түркістан облысында – 29.
Елімізде барлығы 40 899 адам COVID-19-дан емделіп, сауығып шықты.

Қызылордада 31 адам коронавирустан жазылды

<a href="https://kyzylorda-news.kz/">Kyzylorda-news.kz.</a> Қазақстанда коронавирус инфекциясын жұқтырғандар саны 442 291 адамға жетті, деп хабарлайды coronavirus2020.kz.
Нұр-Сұлтан қаласында – 799,
Алматы қаласында – 299,
Шымкент қаласында – 127,
Ақмола облысында – 126,
Ақтөбе облысында – 63,
Алматы облысында – 49,
Атырау облысында – 157,
Шығыс Қазақстан облысында – 70,
Жамбыл облысында – 35,
Батыс Қазақстан облысында – 189,
Қарағанды облысында – 395,
Қостанай облысында – 53,
Қызылорда облысында – 43,
Маңғыстау облысында – 104,
Павлодар облысында – 118,
Солтүстік Қазақстан облысында – 42,
Түркістан облысында – 42.

Қызылордада 43 адам коронавирус жұқтырды

<a href="https://kyzylorda-news.kz/">Kyzylorda-news.kz.</a> 7 шілдеде республиканың басым бөлігінде атмосфералық фронталды бөліктердің әсерінен құбылмалы ауа райы сақталып, жаңбыр болжанады, деп хабарлайды Қазгидромет.
Солтүстік-батыста, солтүстікте қатты жаңбыр күтіледі. Кей жерлерде найзағай, бұршақ, дауыл, екпінді жел, оңтүстікте, оңтүстік-батыста шаңды дауыл болады.
Ақмола, Ақтөбе, Қостанай, түнде Павлодар облыстарының кей жерлерінде найзағай, бұршақ, дауыл күтіледі, желдің күші – 15-20 м/с. Қостанай облысында желдің екпіні 25 м/с күшейеді.
Қызылорда, Маңғыстау, Атырау облыстарының кей жерлерінде желдің жылдамдығы 15-20 м/с артып, шаңды дауыл күшейеді. Маңғыстау, Атырау облыстарының кей жерлерінде найзағай күтіледі.
Батыс Қазақстан облысының кей жерлерінде найзағай ойнап, жел 15-20 м/с күшейеді, күндіз кей жерлерде дауыл, бұршақ болады.
Солтүстік Қазақстан, Қарағанды, Шығыс Қазақстан, күндіз Жамбыл облыстарының кей жерлерінде найзағай күтіледі, желдің екпіні 15-25 м/с күшейеді. Күндіз Алматы, Жамбыл, Түркістан облыстарында қатты ыстық, кей жерлерінде өте қатты ыстық болады. Ал Қызылорда облысының басым бөлігінде өте қатты ыстық сакталады.
Күндіз Маңғыстау, Атырау, Шығыс Қазақстан облыстарында, Қарағанды, Қостанай облыстарының оңтүстігінде аптап ыстық әлі де жалғасады.
Сондай-ақ Қызылорда, Түркістан, Маңғыстау, Атырау, Жамбыл, Ақтөбе, Қостанай облыстарының басым бөлігінде, Қарағанды, Батыс Қазақстан, Алматы облыстарының кей жерлерінде төтенше өрт қаупі сақталады.

Сәрсенбіге арналған ауа райы болжамы

Kyzylorda-news.kz. Бүгін облыс әкімі Гүлшара Әбдіқалықова қуаңшылық кезеңінде малды шөппен қамтамасыз ету және егін жұмыстарын бақылау мақсатында Сырдария ауданы, Шіркейлі ауылдық округіне қарасты «Мади-Қажы» ЖШС шаруа қожалығына барды.
Шаруа қожалықтың негізгі қызметі күріш өсіру болып табылады. Бұл жерде 250 жуық азамат еңбек етуде. 2017 жылдан бастап өз қызметінде тағы бір бағыт – құрылыс материалдарын өндіруді қолға алған. Қазіргі уақытта құрылыс материалдарын өндіруде қосымша 20 адам жұмыспен қамтылған.
Аталған шаруашылық ағымдағы жылы 2840 гектар жерге дән сепкен. Оның 1900 гектары күрішке арналса, 200 гектар аумаққа жаздық бидай ораналасқан. Топырақ құнарын арттыру мақсатында шаруашылықтың 540 га жерін ескі жоңышқа, 200 га жаңа жоңышқа алып жатыр.
«Мади-Қажы» шаруа қожалығының басшысы Сейткамал Сұлтановтың айтуынша бүгінгі таңда Арал ауданындағы жағдайға байланысты 5000 прес жоңышқа көмек ретінде жеткізілген.
Облыс әкімі қуаңшылық кезеңінен шығу үшін бірлесіп жұмыс атқару қажет екенін атап өтіп, бірқатар тапсырма берді.
<blockquote>
 “Арал, Қазалы аудандарында су жағдайына байланысты мал азығының жетіспеушілігі орын алуда. Осы ретте, аймақтағы шаруа қожалықтар шөпті басқа облыстарға сатпас бұрын осы екі ауданға қол жетімді бағада ұсынуы керек. Бос жатқан егіс алқабының атыз жағалауындағы шөптерді жинауға еріктілерді жұмылдыру қажет. Бірлік көрсеткен жағдайда ғана бұл кезеңнен шығамыз”, – деді Гүлшара Әбдіқалықова.
</blockquote>
Айта кету керек, облыс әкімі аймақтарды аралау барысында, аудан әкімдеріне шөптен тапшылық көрген шаруаларға көмектесу үшін және егістікке су жеткізуде қосымша шаралар қабылдауды тапсырды. Осы негізде, облыс бойынша мал өсіріп отырған шаруаларды шөппен қамтамасыз етуге ерікті жастар атсалысуда. 
Бүгіннің өзінде Шиелі ауданының Ақмая ауылдық округінде аяқ сумен қамтамасыз ету үшін Р-3-1 және Р-3-2 каналына су айдайтын дизельді насос қондырғылары орнатылған. Сонымен қатар, «Ақмая» шаруа қожалығында қыс мезгіліне мал азығын дайындау жұмыстары қарқынды жүргізілуде. Қазірге дейін шаруашылықта 7480 дана шөп жиналған, 2500 дана шөп ауыл тұрғындарына таратылды және бұл жұмыстар жалғасатын болады. 
Ал, Жаңақорған ауданында тау беткейіндегі ауылдық округтердің шаруалары «Түгіскен» тұқым шаруа қожалығынан тегін шөп орып алуына мүмкіндік жасалған. Бастаманы алғаш болып, Қыраш, Қосүйеңкі ауылдық округінің жастары қолдап, шөп орымның басына жетті. Келген жастар үшін жататын орын, «дала асханасы» арқылы тамақтандырумен толық қамтамасыз етілген. 
Қармақшы ауданында бірінші кезекте жергілікті тұрғындарды шөппен қаматамасыз ету шаралары жүргізілуде. Сондай-ақ, Арал ауданының ерікті жастарынан құралған бригадаларға «Жаңажол» ЖШС-нің аумағынан шөп орғызу мәселесі қолға алынып, ауыл жастарын егін оруға тарту үшін тиіс шаралар қабылдануда. 
Бұл жұмыстар облыстың басқа аудандарында да ұйымдастырылуда. Айта кету керек, шаруаларға қолдау көрсету мақсатында шөп дайындау жұмыстарына «Жасыл ел» жастар еңбек жасақтары да атсалысатын болады.

Гүлшара Әбдіқалықова: Қуаңшылық кезеңінен шығу үшін бірлесіп жұмыс атқару қажет

*<a href="https://kyzylorda-news.kz/ru/obshestvo/21-chelovek-vyzdoroveli-ot-kvi-v-kyzylorde-115598/">Kyzylorda-news.kz</a>. Әлемге әйгілі режисер Оливер Стоун өзі продюесерлік еткен «Qazaq. Алтын адам тарихы» атты фильмінің таныстырылымында Қазақстан туралы пікірімен бөлісті, деп хабарлайды ҚазАқпарат.*
<blockquote>
 «Сіз қарапайым америкалықтарға Қазақстанды қандай ел деп сипаттар едіңіз», – деген сұрақ қойылған болатын америкалық маманға.
 «Сізге Қазақстанды түсіну қиын болуы мүмкін, бірақ бұл әлемнің болашағы үшін өте маңызды ел. Қазақстанда талантты адамдар көп. Бұл өте прогрессивті ел. Өткен ғасырдың 90-шы жылдарынан бастап бүгінгі күнге дейін Қытай сияқты Қазақстанда да үлкен өзгерістер болып жатқанын көріп отырмыз. Бұл – үлкен үлгі және алып ел», – деді белгілі кино маманы.
</blockquote>
Оның айтуынша, америкалық сарапшылар Қазақстанның әлеуетін жақсы біліп отыр.
<blockquote>
 «Америкалық сарапшылар Қазақстанды одақтас ретінде көргісі келеді. Бірақ бұл бір жағынан Ресей мен Қытайға қарсы әрекет болып көрінуі де мүмкін. Сондықтан Қазақстан осы үдерістердің бәрінде маңызды рөл атқарады. Қазақстан барлық серіктестерімен достық қарым-қатынаста. Мен үнемі айтамын, біз бір-бірімізбен күресудің орнына климаттың өзгеруін жеңу үшін бірге жұмыс істеуіміз керек, текетірес жақсы нәрсеге әкелмейді. Жалпы, дипломатия құрылымын өзгерту керек», -деді Оливер Стоун.
</blockquote>

Оливер Стоун: Қазақстан – өте прогресивті ел

Kyzylorda-news.kz. «Оскар» сыйлығының 3 мәрте иегері, «Атын глобус» сыйлығының 5 мәрте иегері, атақты кинорежисер, продюсер, сценарист Оливер Стоунның продюсерлігімен жарық көрген «Qazaq. Алтын адам тарихы» атты фильмді түсіруге 19 ай кеткен, деп хабарлайды ҚазАқпарат.
Бұл туралы орталық коммуникациялар қызметінде фильмнің режисері, украниналық маман Игорь Лопатенок мәлім етті. Таныстырылым барысында Оливер Стоун мырза бұл фильмнің продюсері екенін, ал режиссері – украиналық маман Игорь Лопатенок екенін түсіндірді.
<blockquote>
 «Мен Президентпен сұхбат жүргіздім және фильмге продюсер ретінде атсалыстым»- деді америкалық режисер. Укариналық режисердің айтуынша, фильмді түсіруге 19 ай кеткен.
 «Фильм жұмыстары 19 айға созылды, біз бірнеше сұхбат сессияларын өткіздік. Осыдан кейін бүкіл ел көлемінде экспедиция жасауды жоспарладық. Өкінішке қарай, экспедиция пандемияға байланысты үзіліп қалды. Бірақ бұл жайт бізді тоқтата алмады. Инфекциялардан қорқу керек, бірақ сіз өз ісімізді де жасауымыз керек. Менің ойымша, біз бұл фильмді мүмкіндігімізден тыс жасадық. Мен өз өмірімдегі ең жақсы жұмыстардың бірін істедім деп санаймын», – деді фильм режисері. Игорь Лопатенок Оливер Стоунды өзінің ұстазы деп есептейтінін айтты.
 «Мен Оливерді ұстазым деп атаймын, бірақ ол бұдан бас тартып жүр. Ол осы фильмнің премьерасын өткізу үшін көп жұмыс істеді. Қажет кезінде дұрыс сұрақ қоя білу керек еді» – деп түйіндеді Игорь Лопатенок.
</blockquote>

Белгілі америкалық режиссер Оливер Стоун Елбасы туралы фильм түсіруге атсалысты

Kyzylorda-news.kz. Жыл сайын дәстүрлі түрде қазақстандықтар астанамыз 6 шілде күні – Нұр-Сұлтан қаласының мерекесін атап өтеді. Бұл қаланың негізгі басымдығы – ол тәуелсіздіктің символы іспеттес. Өйткені, Қазақстан тәуелсіздік алғалы бері өзінің жаңа елордасын сала алды. Осыдан 20 жылдан астам уақыт бұрын Ақмола қаласы Қазақстан Республикасының елордасы болып жарияланды.
Тарих үшін аса қысқа мерзім ішінде елорда заманауи мегаполиске, мемлекет пен қоғамның қарқынды дамып келе жатқан барлық саласына оң әсер етуші қоғамдық-саяси, экономикалық, ғылыми әрі әлеуметтік-мәдени танымал орталыққа айналғанына куә болдық. Алдымен, Нұр-Сұлтан шаһараның Ұлы Даланың Бас қаласына айналу тарихына ден қоялық. Тәуелсіздік алғаннан кейінгі жылдары Елбасы Нұрсұлтан Назарбаев республика астанасын Алматыдан басқа өңірге, оның ішінде орталыққа көшіру туралы идеясын айтты. Соның арқасында 1994 жылғы 6 шілде күні Қазақстан Республикасы Жоғарғы Кеңесінің астананы Алматыдан Ақмолаға ауыстыру туралы шешім-қаулысы қабылданды. Елбасы көшіру қажеттігінің геосаяси, экономикалық және экологиялық себептерін дәлелдеді. Жүргізілген талдау барлық нұсқалардың ішінде Ақмола неғұрлым бұл талаптарға орайласатынын көрсетті. Бүгінде бұл шешiмнiң дұрыс болғандығына ешкiм де күмән келтiрiп, дауласпайды. 1994 жылғы 6 шілдеде ҚР Тұңғыш Президенті Н.Назарбаевтың Қазақстан Республикасы Жоғарғы Қеңесінің пленарлық отырысында сөз сөйлеуі Бұдан кейін, 1997 жылы Н.Назарбаевтың елорданы Алматыдан Ақмолаға көшіру туралы шешімі шықты.
Соған орай Ақмолаға қарай ресми көштің басы 1997 жылдың күзіне қарай басталды. 20 жылдан астам уақыт бұрын Елбасының Ақмолаға аттану алдындағы түсірілген мына суреттің мән-мағынасы тереңде жатқанын аңғаруға болады. Н.Назарбаев Ақмолаға аттану алдында. 1997 ж. 1997 жылғы 8 қарашада Қазақстан Республикасының Мемлекеттік рәміздері мен Президент байрағы Ақмола қаласына жеткізілді.
Осы салтанатты шарада Елбасы:
<blockquote>
 «Барлық саяси шешімдер бүгіннен бастап осы қалада қабылданатын болады», – деп ресми жариялаған еді.
</blockquote>
1997 жылы 10 желтоқсаннан бастап Ақмола Қазақстанның астанасы болып ресми түрде жарияланды. Н.Назарбаевты жаңа астана тұрғындарының қарсы алуы. Ақмола, 1997 ж. 10 желтоқсан Көп кешікпей, 1998 жылы Ақмола қаласының аты ресми түрде Астана болып өзгертілді. Елорда мәртебесіне ие болған қала осы уақыттан бастап туған күнін атап өтуді игі дәстүрге айналдырды. Жеті жыл қатарынан мереке 10 маусым күні тойланып келді. Уақыт озған сайын Астана күнінің маңыздылығы артып, ол тек елордалықтар ғана емес, бүкіл қазақстандықтардың асыға күтетін мерекесіне айналды. Сол себепті, 2006 жылы Астана қаласы әкімдігінің қаулысына сәйкес және қалалық мәслихаттың шешімімен мерекеге – Астана күні атауы беріліп, оны атап өту алғашқы шешім қабылданған күн – 6 шілдеге бекітілді. Ал 2008 жылы «Қазақстан Республикасының мерекелер туралы заңына» енгізілген өзгерістерге сәйкес, 6 шілде – Астана күні мемлекеттік мерекелер тізіміне енді.
Елбасы өзінің «Еуразия жүрегінде» атты кітабында жазуынша, Астананы көшіру Қазақстанды жаңа Тəуелсіз мемлекет ретінде орнықтыруда зор рөл атқаратынына сенімді болды. Бұл біріншіден, Қазақстанды геосаяси жоспар тұрғысынан нығайту үшiн қажет едi. 2019 жылы наурызда Астана қаласының атауы Нұр-Сұлтан болып өзгерді. Мемлекет басшысы Қасым-Жомарт Тоқаев Қазақстан Республикасының астанасы – Астана қаласын Қазақстан Республикасының астанасы – Нұр-Сұлтан қаласы деп қайта атау туралы Жарлыққа қол қойды. Елорда жоспары Нұр-Сұлтан қаласы еліміздің солтүстігінде, Есіл өзенінің жағасында орналасқан. Әкімшілік жағынан қала 4 ауданға бөлінген (Алматы, Байқоңыр, Есіл, Сарыарқа). Миллионер қаласы мәртебесіне 2017 жылдың маусымында жетті. Еске салсақ, Астана жоспарын даярлауда әлемнің әйгілі сәулетшілерінің бірі Кисе Курокаваның тұжырымдамасы үздік деп танылды. Доктор Курокаваға өзі ұсынған қала құрылысы тұжырымдамасы негізінде Астананы дамытудың 2030 жылға дейінгі Бас жоспарының жобасын әзірлеу ұсынылған еді. Бұл тапсырыс Жапонияның Халықаралық ынтымақтастық жөніндегі агенттігі (ЖХЫА) мен ҚР Астананы дамыту корпорациясы арасындағы келісім аясында жапон үкіметінің грантына іске асырылды. Кисе Курокаваның басшылығындағы жобалық топ ұсынған эскиз-идеяны ҚР Үкіметі 2001 жылдың 15 тамызында бекітті. Дегенмен де, сәулетшінің туындысы керемет болғанымен, ол өз жобасында елорданың қарқынды дамитындығын нақты ескере алмады. Осы орайда Бас жоспарға өзгерістер енгізу қажеттілігі туындады. Нақтырақ айтқанда, ЖХЫА мамандарының есебіне сүйенсек, 2010 жылы Астананың халқы 490 мыңға, ал 2030 жылы 800 мыңға жетуі тиіс еді. Бірақта 2003 жылы тұрғындар саны 500 мыңнан асып жығылды. Бас жоспарды нақтылауға болжам есептерінің қателіктері себеп болғандығын ескере келе, демографиялық зерттеулер мен ғылыми негізделген ұзақ мерзімді болжамды қайта құру тапсырылды. Елорданы көріктендіру жұмыстарының барлығы «Нұр-Сұлтан – жайлы қала» мастер-планы тұжырымдамасы аясында жүргізіліп келеді. Яғни, осы сала бойынша нақты даму картасы бар. Қала әкімі Алтай Көлгіновтің айтуынша, биыл астанада демалыс орындары мен жасыл желекті аймақтар айтарлықтай көбейеді. Экологияны жақсартып, тұрғындардың демалыста уақыт өткізуіне қолайлы орындар жасау үшін қаланы көгалдандыру жалғаса береді. Аулалар мен қоғамдық кеңістіктерде (саябақтар, скверлер, бульварлар) тал-терек егу ары қарай да жүргізіледі.
«Жалпы, ағаш егуге қала тұрғындары, еріктілер, кәсіпкерлер де қатысатыны қуантады. Осы жылы 1 миллионнан астам жасыл желек (ағаштар, бұталар, көшеттер және т.б.) отырғызуды жоспарлап отырмыз. Қазір қаланың жасыл түске айналғанын, жаңа экоаймақтар мен «жасыл аралдар» пайда болғанын көруге болады. Егер жылдан-жылға сапалы тал егіп, көшет отырғызу жоспарын осы деңгейде ұстап тұрсақ, елорда санаулы жылдар ішінде жасыл қалаға айналмақ. Бір кездері далалы жерден тұрған қала бақшалы шаһар болады. 2020 жылы 148 аула мен 60 қоғамдық кеңістік тұрғындарға жаңадан пайдалануға берілді. Осы жылы 150 аула мен 28 қоғамдық кеңістікті абаттандырамыз», – деді А. Көлгінов.
Қазақстанның жаңа астанасының құрылысы бүкіл бұрынғы кеңестік кеңістіктегі ХХ ғасырдың соңы мен ХХІ ғасырдың басындағы ең ауқымды жоба ретінде тарихқа енді. Қаланың сәулеттік тұжырымдамасын жасауда Қазақстан Республикасының Тұңғыш Президенті Н.Ә. Назарбаевтың қалаға еуразиялық келбет беру жөніндегі идеясы ескерілді. Астананың сәулеттік келбетінде Елбасының көптеген идеялары іске асырылды. Елордадағы сәулеттік кешендер мен қоғамдық ғимараттар Елбасының назарында болды.
Осы орайда жасалған сызбалардың нобайы өзінің қайталанбас сәулетіне ие болды. Бұл тұрғыда «Бәйтерек» монументінің және Президенттік мәдени орталықтың бастапқы сызылған жобалары бүгінде ҚР Ұлттық музейінде сақтаулы тұр. «Бәйтерек» монументі. Елбасының сызбасы Бұл жайында Елбасы өзінің «Еуразия жүрегінде» атты кітабында: «Мен ойымдағы Бəйтеректің долбар-пішіндерін қағазға түсірдім. Осы ойымды біршама жеткізе алдым-ау деген сызбаларымды Сəулетшілер одағының қатаң қазылығына ұсындым. Сəулетшілерге бұл идея қатты ұнады, олар жұмысқа қызу кірісті.
Ақырында кəсіби іскерлер Бəйтеректің нақты пішінін жасап шықты. Бұл эскиздің шеберлікпен жасалғаны соншалық, бір қарағанда салынып біткен объектінің фотосуреті сияқты болып көрінді», – деп жазады. 1999 жылы ЮНЕСКО-ның шешімі бойынша Астана қаласына «Бейбітшілік қаласы» жоғары атағы беріліп, медальмен марапатталды. Бұл атақ қысқа мерзім ішінде әлеуметтік-экономикалық, саяси және мәдени дамуда неғұрлым әсерлі әрі қуатты өсуге, тұрақты этникааралық қатынасты орнықтыруға қол жеткізе алған ғаламшардың жас қалаларына беріледі.
Бразилияда өткізілген бұл конкурста Астана барлық өлшемдер бойынша әлемнің әр түрлі елдерінің он екі қаласын басып озды. 1998 жылы Астана еркін экономикалық аймақтың WEPSA халықаралық қауымдастығына кірді. Әлем елдерінің ірі қалалары Қазақстан елордасының бауырлас қалалары болып отыр, олардың арасында Мәскеу, Берлин, Варшава, Минск, Киев, Анкара, Бангкок және басқалары бар. Атап айтқанда, 20 жылдан астам жыл уақыт ішінде Қазақстан елордасы төрткүл дүние тамсанатын, әлемнің атақты астаналарымен салтанат жарыстырып, бой таластыра алатын бас қаласы ретінде қалыптасты. Тәуелсіз Қазақстанның елордасы жұртшылықты толғандырған тақырыптар талқыланатын, салиқалы саясат, тұғырлы экономика, дінаралық келісім кеңестері өтетін жаһандық орталық дәрежесіне жетті. Біз шілде айында елорда күнін атап өтеміз.
<a href="https://www.inform.kz/kz/kazakstan-astanasynyn-damu-tarihy-elorda-alemge-tanymal-ortalykka-aynaldy_a3809007">ҚазАқпарат</a>

Қазақстан астанасының даму тарихы

Kyzylorda-news.kz. Қазақстанда өткен тәулікте 2618 адамнан ПТР арқылы коронавирус анықталды, деп хабарлайды coronavirus2020.kz.
Аймақтар бойынша:
Нұр-Сұлтан қаласы – 710,
Алматы қаласы – 277,
Шымкент қаласы – 103,
Ақмола облысы – 124,
Ақтөбе облысы – 42,
Алматы облысы – 88,
Атырау облысы – 154,
Шығыс Қазақстан облысы – 55,
Жамбыл облысы – 60,
Батыс Қазақстан облысы – 181,
Қарағанды облысы – 490,
Қостанай облысы – 54,
Қызылорда облысы – 30,
Маңғыстау облысы – 83,
Павлодар облысы – 105,
Солтүстік Қазақстан облысы – 30,
Түркістан облысы – 32.
Жалпы ел бойынша ауырғандар саны 439580.

Қызылордада 30 адамнан коронавирус анықталды

<a href="https://kyzylorda-news.kz/">Kyzylorda-news.kz</a>.&nbsp; Қазақстанның Тұңғыш Президенті – Елбасы Нұрсұлтан Назарбаев өзінің ресми Instagram парақшасында жаңа астананың негізі қалай қаланғанын еске алды.
<blockquote>
 «Біз өз қолымызбен тұрғызға қалаға қарап масаттанамыз және сүйсінеміз. Бұл – біздің халқымыздың, қазақстандықтардың жеңісі, осы қаланың негізін салып, кірпішін өз қолымен қалаған жандардың жеңісі. Шынын айту керек, оған біздің де еңбегіміз сіңді. Осы жерден тоқтап қалмаймыз, әрі қарай еңбек ете береміз», – деп жазды Нұрсұлтан Назаирбаев өзінің&nbsp;<a href="https://www.instagram.com/p/CQ3E8Q6HzkQ/">Instagram</a>&nbsp;аккаунтында.
</blockquote>

Қазақстан және Қызылорда облысының жаңалықтары

Танымал блогерлер қаржы пирамидаларын жарнамалағаны үшін жазалана ма? – Бас прокурор жауабы

Қармақшы жастары қуаңшылыққа байланысты жем-шөп дайындауға көмектеседі

Балалар арасында «дельта» штамын жұқтыру бес есе өсті – эпидемиолог

Қызылордада 31 адам коронавирустан жазылды

Қызылордада 43 адам коронавирус жұқтырды

Сәрсенбіге арналған ауа райы болжамы

Гүлшара Әбдіқалықова: Қуаңшылық кезеңінен шығу үшін бірлесіп жұмыс атқару қажет

Оливер Стоун: Қазақстан – өте прогресивті ел

Белгілі америкалық режиссер Оливер Стоун Елбасы туралы фильм түсіруге атсалысты

Қазақстан астанасының даму тарихы

Қызылордада 30 адамнан коронавирус анықталды

Нұрсұлтан Назарбаев астана жайлы: Бұл – осы қаланың кірпішін өз қолымен қалаған жандардың жеңісі

Қазақстан және Қызылорда облысының жаңалықтары

Танымал блогерлер қаржы пирамидаларын жарнамалағаны үшін жазалана ма? &#8211; Бас прокурор жауабы

Қармақшы жастары қуаңшылыққа байланысты жем-шөп дайындауға көмектеседі

Балалар арасында «дельта» штамын жұқтыру бес есе өсті – эпидемиолог

Қызылордада 31 адам коронавирустан жазылды

Қызылордада 43 адам коронавирус жұқтырды

Сәрсенбіге арналған ауа райы болжамы

Гүлшара Әбдіқалықова: Қуаңшылық кезеңінен шығу үшін бірлесіп жұмыс атқару қажет

Оливер Стоун: Қазақстан – өте прогресивті ел

Белгілі америкалық режиссер Оливер Стоун Елбасы туралы фильм түсіруге атсалысты

Қазақстан астанасының даму тарихы

Қызылордада 30 адамнан коронавирус анықталды

Нұрсұлтан Назарбаев астана жайлы: Бұл &#8211; осы қаланың кірпішін өз қолымен қалаған жандардың жеңісі

Танымал блогерлер қаржы пирамидаларын жарнамалағаны үшін жазалана ма? – Бас прокурор жауабы

Нұрсұлтан Назарбаев астана жайлы: Бұл – осы қаланың кірпішін өз қолымен қалаған жандардың жеңісі