<a href="https://kyzylorda-news.kz/">Kyzylorda-news.kz.</a>&nbsp; Қызылорда қаласының әкімдігі өздері аукцион арқылы кәсіпкерлік мақсатқа берген 72 жер телімін қайта алып қойғалы жатыр.
Бұл проблема кәсіпкерлер палатасы жанындағы кәсіпкерлердің құқығын қорғау және сыбайлас жемқорлыққа қарсы іс-қимыл жөніндегі кеңес отырысында қаралды.
Отырыста кәсіпкерлер палатасы директорының орынбасары Салават Құлмахан жер телімін аукцион арқылы жалға алған кәсіпкерлердің шағымын жеткізді.
2020-2021 жылдары Қызылорда қаласы әкімдігі 7 рет аукцион өткізіп, жеке және заңды тұлғаларға сол жағалаудан кәсіпкерлік мақсатта жер телімдерін табыстайды. Бірақ ғимарат құрылысын бастауға негіз болатын рұқсат құжаттары жергілікті атқарушы орган тарапынан бекітілмеген. Бүгінде салынатын нысандардың эскиздік жобаларына әкімдік келісім бермей отыр.
<blockquote>
 «2017 жылдан бері Қызылорда қаласы Сырдария өзенінің сол жағалауын игеру жобасы бойынша облыстық штаб жұмыс істейді. 2021 жылғы мамыр және қазандағы отырыстарында қала әкімдігіне сол жағадауда салынатын барлық нысандардың эскиздік жобаларын штабқа шығарып, талқылауды және бекітілген егжей-тегжей жоспарлау жобасына сәйкес келмейтін, аукцион арқылы жалға берілген 72 жер телімін мемлекет меншігіне қайтаруды міндеттейді. Штабтың хаттамасын басшылыққа алып, қалалық сәулет бөлімі экскиздік жобаларды келісуден бас тартып отыр. Мұнымен қоса жер телімі уақытша пайдалануға 1 жылға ғана берілген. Енді пайдалану мерзімін де ұзартпай жатыр»,–&nbsp;деді кеңесте Салават Құлмахан.
</blockquote>
Кәсіпкер Еділ Саркөбеннің айтуынша, ол аукционға қатысқанда жер телімін арнайы көрсетілген мақсатқа пайдалану керегін білмеген және салынатын ғимараттың бағыты туралы алдын ала ауызша немесе жазбаша ескертпе алмаған.
Шарада Кеңес мүшесі, Қызылорда кәсіпкерлері Қауымдастығының басшысы Мырзағали Ермаханов облыстық штаб хаттамасының заңдылығын тексеру қажет деген ұсыныс айтты.
<blockquote>
 «Қалалық сәулет және қала құрылысы бөлімі көрсететін эскизге келісім беру қызметі мемлекеттік қызмет түріне жатады. Осыны ескере отырып кәсіпкерлер Мемлекеттік қызмет істері және сыбайлас жемқорлыққа қарсы іс-қимыл агенттігінің Қызылорда облысы бойынша департаментіне арыз жаза алады»,&nbsp;– дейді департамент басшысының міндетін атқарушы Берікбол Байхожаев.
 «Мұндай мәселені шешу жолдарын табуға арналған жиынға неге шешім қабылдай алатын лауазымды тұлға, облыстық басқарма басшысы немесе орынбасары, қала әкімінің осы салаға жауапты орынбасары қатыспайды? Соңғысының мақұлдауымен жер учаскелерін аукционға шығарды. Енді жауапкершілікті «орындаушыларға» жүктегені ме», –&nbsp;деді кеңесте Қызылорда облысы кәсіпкерлер палатасының директоры Ғалымбек Жақсылықов.
</blockquote>
Отырыс соңында Қалалық жер қатынастары бөлімінің сектор меңгерушісі Ғанибек Омаров 72 жер телімін уақытша пайдалану құқығын 3 жыл мерзімге созатынын жеткізді.

Қызылордада 72 кәсіпкерлік нысан салынбай қалуы мүмкін

<a href="https://kyzylorda-news.kz/">Kyzylorda-news.kz.</a>&nbsp; Ертең, 17 ақпан күні сағат 20:30-да «QAZAQSTAN» ұлттық телеарнасынан Мемлекет басшысы Қасым-Жомарт Тоқаевтың сұхбаты көрсетіледі. Бұл туралы Президент Телерадиокешені хабарлады.
Президент сұхбат барысында қасіретті қаңтар оқиғасының себеп-салдары мен алдағы уақытта жүзеге асырылатын саяси және әлеуметтік реформалар, Қазақстанның сыртқы саясаттағы стратегиялық серіктестерімен қарым-қатынастарына, қабылдаған шешімдеріне қатысты сауалдарға жауап береді.

Мемлекет басшысының сұхбаты Ұлттық арнадан көрсетіледі

<a href="https://kyzylorda-news.kz/">Kyzylorda-news.kz.</a> 17-18 ақпанда орталық сайлау комиссиясының төрағасы Нұрлан&nbsp;Әбдіров жұмыс сапарымен Қызылорда облысына келеді.
Сапар барысында 17 ақпанда сағат 11.00-де орталық сайлау комиссиясының төрағасы Нұрлан Әбдіровтің сайлау комиссияларының мүшелерімен, саяси партиялардың, ҮЕҰ және БАҚ өкілдерімен сайлау процесінің мәселелері бойынша кездесуі өтеді.
Аталған іс-шараға БАҚ аккредитациялау 16 ақпан сағат 19.00-ге дейін (жергілікті уақыт бойынша)+7&nbsp;707&nbsp;290 50 58; +7&nbsp;(7242) 60 54 36 телефондары арқылы жүргізіледі.
Кездесудің өтетін орны: Қызылорда қаласы, Әйтеке би көшесі, 44&nbsp;а, Нартай Бекежанов атындағы облыстық қазақ академиялық музыкалық драма театры.

Ертең орталық сайлау комиссиясының төрағасы Қызылордаға келеді

<a href="https://kyzylorda-news.kz/">Kyzylorda-news.kz.</a> Полицейлер интернет алаяқтыққа тосқауыл жасау мақсатында, алаяқтықтың жасалу тәсіліне және орын алуына ықпал ететін мән-жайларға үнемі талдау жүргізіп, алдын-алу бағытында үздіксіз күресіп жатқандарын жеткізді.
Сәйкесінше, бүгінде ғаламтор арқылы жасалған алаяқтықтың саны қарқынды өсіп, оның жасалу әдістері мен алаяқтық схемалары күн сайын дамып келеді.
Жыл басынан Қызылорда облысы бойынша 67 алаяқтық қылмысы тіркеліп, оның 36-ы (53,7%) «интернет-алаяқтық» қылмыстарына жатады.
Ғаламтор арқылы жасалған алаяқтықтың басым көпшілігі онлайн несиелер рәсімдеу, ОЛХ, Колесо.кз, Ватсап, Инстаграм және Крыша.кз қосымшалары арқылы мобильді құрылғыны пайдалану кезінде орын алған.
Алаяқтар көп жағдайда Сізге жалған сөйлеу арқылы, ұялы телефоныңызды қашықтан басқаруға мүмкіндік беретін бағдарлама орнатуға үгіттейді, сондықтан бөтен адамның сұрауымен өзіңізге беймәлім қосышаларды жүктеу кезінде өте сақ болыңыз.
Алаяқтар мейрам қарсаңында белсенді әрекет етіп, арам пиғылдарын жүзеге асыру мақсатында сан түрлі айла-тәсілдер ойластырады, яғни өздерін сатып алушы, сатушы, қызмет көрсетуші, банк немесе полиция қызметкері ретінде таныстырады.
Сондықтан қандайда бір күдік туындаған жағдайда ресми ақпарат көздеріне хабарласып, нақтылаған құптарлық, қоңырау шалғанда немесе смс жазғанда орыс тілінде сөйлесуді қалайды, жалған акциялармен жәрмең келер ұйымдастыру арқылы қызықтырады, көңілге қонымды бағалармен тиімді шарттарды ұсынып Сіздің ыңғайыңызға көнгіш келеді, Сізді алдау арқылы, банктік карта, смс, жсн деректеріңізді алуға әрекет жасайды, шынайы логотипі бүркемеленген төлем жасау сілтемелерін жолдап, банктік картаңыздан қаражат жымқырады.
Ұсынылған қарапайы ережелерді ұстану, сізді алаяқтардан сақтап, қаржыңыздың қауіпсіздігіне кепіл болады:
Картаның нөмірін, қолданылу мерзімін, CVV/CVC-кодты, интернет-банкингтегі жеке кабинет кодын, ЖСН нөмірді жария етпеңіз;
Ұялы телефоныңызға операцияны растау үшін келген SMS-кодтарды ешқашан-ешкімге айтуға болмайды;
Біреудің өтінішімен ұялы телефоныңызға бағадарламалар жүктемеңіз;
Төлем жасау үшін күмәнді сілтемелер бойынша өтпеңіз және бейресми сауалнамаларға қатыспаңыз;
Мүлікті сату, сатып алу кезінде төлемді растамас бұрын, тұлғамен бейнеқоңырау арқылы жүздесіп, шынайылығына көз жеткізіңіз;
Бейтаныс тұлғалармен мейлінше қазақ тілінде сөйлесу, шетелдік алаяқтардың арам пиғылын жүзеге асыруына тасқауыл болады.

Интернет алаяқтарға алданбас үшін мына ережелерді білу керек

<a href="https://kyzylorda-news.kz/">Kyzylorda-news.kz.</a> Мәдениет және спорт министрі Дәурен Абаев Бейжің Олимпиадасынан кейін көшпелі кеңес өтетінін мәлімдеді. Сол жерде кардрлық шешімдер де қабылданады, деп хабарлайды <a href="https://sputnik.kz/20220216/beyzhin-olimpiadasy-kadrlyq-ozgerister-22840189.html">Sputnik Қазақстан.</a>
Бүгін министрліктің алқа мәжілісінен кейін журналистер министрден Бейжің Олимпиадасы мен қазақстандық спортшылардың дайындығына қатысты жеке пікірін сұрады.
Абаев нақты қорытынды жасау әлі ерте екенін айтты. Себебі Олимпиада аяқталған жоқ. Дегенмен, министрлік Бурабайда көшпелі кеңесті өткізуді жоспарлап қойған.
“Олимпиада аяқталғаннан кейін біз бірден Бурабайда үлкен көшпелі кеңес өткізетін боламыз. Сол жерде нақты қорытындылар жасалады. Қысқы Олимпиаданың нәтижесі бойынша белгілі бір кадрлық шешімдер де болады деп ойлаймын”, – деді Абаев журналистерге берген сұхбатында.
Айта кетері, Бейжің Олимпиадасы 20 ақпанда аяқталады. 34 қазақстандық спортшы 87 жолдама ұтып алған. Осы уақытқа дейін финалға екеуі ғана шыққан. Бірақ медальды жеңе алмады.
Абзал Әжіғалиев шорт-тректен төртінші орынға ие болды. Ал фристайл-акробатикада Ақмаржан Қалмырзаева іріктеу кезеңінде топ жарып, бірден финалға шықса да, құлап қалған.

Бейжің Олимпиадасынан кейін кадрлық өзгерістер болады

<a href="https://kyzylorda-news.kz/">Kyzylorda-news.kz.</a>&nbsp;Ұлттық нақыштағы киімдер мен бұйымдар тігетін сырбойылық кәсіпкер Аида Керімқұлованың ерекше дүниелері бүгінде көптің сұранысына ие.
Өз қолынан шыққан сапалы тауарлар қарапайым халық үшін қол жетімді бағада сатылады. Сондай-ақ, өзі жетекшілік ететін «Сапа Ка» және «Қолөнер» ұлттық нақыш орталығында бірнеше адамды тұрақты жұмыспен қамтып отыр. Бұл туралы Өңірлік коммуникациялар қызметінде өткен брифингте Аида Керімқұлова айтты.
<blockquote>
 «2018 жылы «Dalatex» компаниясының басшысы Дінмұхаммед Абизовтың бастауымен «Аға сеньора» атты жобаны қолға алдық. Жоба аясында бірнеше мемлекеттерде болып, 30 жылдан аса тігіншілікпен айналысқан кәсіпкерлермен тәжірибе алмастық. Мұндай жобалар жаңа туындылар жасауға үлкен мүмкіндік. Себебі, қолөнер – тың идея мен нәтижелі еңбекті қажет етеді. Елімізде жеңіл өнеркәсіп саласы ақсаңдап тұрғаны рас. Дегенмен, мемлекеттік қолдаулардың арқасында көптеген кәсіпкерлерге қайтарымсыз гранттар мен субсидиялар бөлінуде. Менің мақсатым – өңірімізде қолөнер саласын дамытып, отандық өнімдерді нарыққа шығару. Сондай-ақ, осы салаға икемі бар жастарды барынша қамтығым келеді. Қазіргі таңда қыз ұзату тойларына және түрлі бейнероликтерге түсу үшін ұлттық киімдерді сатып алушылар қатары көбейді. Қазақы нақыштағы киім-кешектер, әшекей бұйымдар, үй жасауы тек ұлттық мерекелерде ғана емес күнделікті қолданыста болса екен», – деді Аида Керімқұлова.
</blockquote>

Аида Керімқұлова: Мақсатым &#8211; қолөнер саласын дамытып, отандық өнімдерді нарыққа шығару

<a href="https://kyzylorda-news.kz/">Kyzylorda-news.kz.</a>&nbsp;Қазірге дейін өңірде барлығы 49 516 адам Pfizer вакцинасының бірінші компонентін салдырды.
Облыс бойынша аталған вакцинаны салдыруға 97 695 адам есептелді. Оның ішінде 63 500-і – жасөспірімдер. Қазір 1-компонетпен қамтылғаны – 49516 тұрғын. Бұл – есепке алынғандар тұрғындардың 50,7 пайызы. Ал 2-компонентпен 19 666 адам (20,1 пайыз) қамтылды. Атап айтқанда, жасөспірімдер арасында бірінші компонентті – 43175 адам (68,4 пайыз), 2-компонентті – 16265 (25,6 пайыз) адам алды.

Қызылордада 49 мың оқушы Pfizer вакцинасын салдырды

<a href="https://kyzylorda-news.kz/">Kyzylorda-news.kz.</a>&nbsp;Бейжің-2022 XIII Қысқы Паралимпиада ойындарына қатысатын Қазақстан Ұлттық құрамасы белгілі болды, деп хабарлайды <a href="https://lenta.inform.kz/kz/beyzhin-2022-kysky-paralimpiadaga-katysatyn-kazakstan-kuramasy-anyktaldy_a3900239">ҚазАқпарат</a>.
ҚР Ұлттық Паралимпиада комитеті мәлім еткендей, Бейжіңде өтетін паралимпиада ойындарына Қазақстаннан бес спортшы барады.
Олар – Александр Герлиц, Ербол Хамитов, Сергей Усольцев, Юрий Березин және Денис Петренко.
Қазақстанның паралимпиадалық спортшылары екі спорт түрі бойынша: шаңғы жарысы және биатлоннан сынға түседі.
Алдын ала жоспар бойынша, XIII қысқы Паралимпиада ойындары 2022 жылдың 4-13 наурызы аралығында Бейжіңде өтеді. Ойындарға 50 елден 736 спортшы қатысады деп күтілуде.
Спортшылар қар спорты (тау шаңғысы, шаңғы жарысы, биатлон және сноуборд) және мұздағы спорт (шанамен хоккей және мүгедектер арбасында керлинг) бойынша екі категория бойынша алты спорт түрінен 78 түрлі жарысқа қатысады.

Бейжің-2022: Қысқы Паралимпиадаға қатысатын Қазақстан құрамасы анықталды

<a href="https://kyzylorda-news.kz/">Kyzylorda-news.kz.</a> Осыған дейін мұғалімдерді конкурс арқылы жұмысқа қабылдаудың жаңа жүйесі жайында айтылған. Ондағы талаптардың бірі — педагог қызметіне алғаш кіріскелі тұрған мамандарға міндетті біліктілік тестілеуден өту. Осыған байланысты ҚР Білім және ғылым минстрі Асхат Аймағамбетов Facebook парақшасында өз ойын ортаға салды.
«2021 жылы алғаш рет педагогикалық бағытта білім алған 32 мың түлекті тесттілеуден өткіздік.
Тестілеу пилотты түрде өтті. Бірақ енді жаңа ережелерді қабылдағаннан кейін, биылдан бастап түлектер мектепке жұмысқа орналасу үшін педагогикалық жоғары білімі туралы дипломының болуы жеткіліксіз. Енді қосымша тестілеуден өту арқылы «Педагог» біліктілігін алуға міндетті.
Бұл қалай жүзеге асырылады? 
Бәрі өте қарапайым.
Мысалы, төрт жыл бойы математика мұғалімі мамандығын оқыған студент мектепке жұмысқа орналасуы үшін Ұлттық біліктілік тестін тапсыратын болады. Тестілеу сұрақтарында математика бойынша мектеп бағдарламасы мен сол пән бойынша сабақ беру әдістемесі қамтылады. 
Жоғары оқу орнында шын мәнінде төрт курс оқып, қажетті білім алған студенттерге тест тапсыру қиындық тудырмайды.
Ал бірқатар себептермен білімі мен қабілеті балаларымызды оқытуға жеткіліксіз түлектер білім беру ұйымдарына қабылданбайды. Бізге сан емес, сапа маңызды. Тиісті деңгейде білімі жоқ түлектер балалармен жұмыс істемеуі керек.
Енді 2021 жылғы пилоттық жобаның нәтижелері туралы:
Болашақ педагогтерді алғаш рет тестілеу көптеген жоғары оқу орны үшін үлкен сынақ болды.
Бастапқыда белгіленген шекті деңгейді айтарлықтай төмендеткенімізге қарамастан түлектердің 46 пайызы ғана қажетті балл жинағай алғанын айта кеткен жөн. Бұл — тест тапсырған 32 мың түлектің 15 мыңы ғана. Ақпарат ретінде айта кетейін, жыл сайын білім беру ұйымдарына 12-14 мыңға жуық педагог жұмысқа орналасады. Яғни, бұл шара мұғалім тапшылығына айтарлықтай әсер етпейді.
Бәрінен бұрын мұндай нәтиже жоғары оқу орындарын лицензиясынан айыру, профильдеу, білім беру бағдарламаларын жаңарту және басқа да бастамалар бойынша министрліктің қабылдап жатқан шаралары қажет әрі дұрыс екенін айқын көрсетіп отыр.
Естеріңізге сала кетейін, бұған дейін педагогтерді еліміздің 86 жоғары оқу орны даярлаған болатын. Министрлік атқарған жұмыстың нәтижесінде 30-дан астам ЖОО-ның педагогика бойынша лицензиясы қайтарып алынды.
Айта кетерлік жайт, біз лицензиясын қайтарып алған жоғары оқу орындарының түлектері тестілеу кезінде ең төмен нәтижелер көрсетті.
Бірақ, соның өзінде әлі 50-ден астам жоғары оқу орнының лицензиясы бар, олар педагогтерді даярлауды жалғастырып жатыр. Барлық мәселе олардың кейбірінің нәтижелері оқыту сапасына қойылатын талаптарға сәйкес келмейтіндігінде.
Осыған байланысты алдағы уақытта да елімізде кадрлар даярлау сапасын жақсарту үшін қажетті шараларды қабылдайтын боламыз, әсіресе, педагогикалық бағытта. Енді 
негізгі тренд анықталып, педагог мамандығы мектеп түлектері үшін қызықты бола бастаған кезде, бізге болашақ мұғалімдерді жоғары сапада даярлауды қамтамасыз ету өте маңызды.
Бұрын ҰБТ нәтижесі бойынша орташа балл 55-60 болып, тиісті балл жинай алмау мәселесі өзекті болған еді. Ал қазір оқуға түсушілердің орташа балы айтарлықтай өсіп, 96-ға жетті. Сондай-ақ үздік түлектер мен «Алтын белгі» иегерлерінің саны да шамамен екі есе өсті. Педагогикалық бағыттағы мамандықтарға түсу үшін ҰБТ-ның ең жоғары шекті балын қойғанымызға қарамастан, осындай көрсеткішке жетіп отырмыз.
Осылайша, Президент Қ.К. Тоқаевтың қолдауының және мемлекет қабылдаған кешенді шаралардың арқасында бұл мамандыққа деген қызығушылық айтарлықтай артты.
Осы уақытқа дейін жалақы көлемін арттырып отырғанымызға қарамастан, Президенттің тапсырмасы аясында 2022 жылдың қаңтарынан бастап еңбекақы тағы 25%-ға өсті.
Кейбір түлектерді, атап айтқанда, оқу бағдарламасын тиісті деңгейде игермеген және алған дипломдарының негізінде ғана жұмысқа орналасуға ниет білдіргендерді енгізілген тәртіп қуантпайтыны анық. Кейбір университеттерге де бұл шешім ұнаған жоқ, өйткені, бұл олардың жұмысының деңгейі мен сапасын айқын көрсетті.
Бірақ біз жоғары оқу орындарының білім беру қызметінің сапасын жақсарту мақсатында, мектепте қызмет етуге тек мықтылар келуі үшін жұмысты әрі қарай жалғастырамыз.
Аталған тиімді тұстарынан бөлек, бұл шара студенттерді диплом үшін ғана оқуға емес, шын мәнінде сапалы білім алуға ынталандырады деп үміттенемін. Ал жоғары оқу орындары тиісті сапада білім беруге міндетті болады.
Бұл шешімді барлығы бірдей оң көзқараспен қабылдамайтыны белгілі болды. Бірақ мен оның маңызды әрі қажет екеніне сенімдімін.
Егер ұшқыштар немесе аудиторлар мен адвокаттар қызметіне кірісуі үшін жауапты емтихан тапсыратын болса, балалармен жұмыс істеуді алғаш рет бастайтын педагогтер сынақтан өтуі қажет емес пе». — деді ҚР Білім және ғылым минстрі Асхат Аймағамбетов.

Мұғалімдерді конкурс арқылы жұмысқа қабылдаудың талаптары қандай?

<a href="https://kyzylorda-news.kz/">Kyzylorda-news.kz.</a>&nbsp; ҚР ҚМ Мемлекеттік кірістер комитеті 2022 жылғы 15 ақпанда байланыс арналарына жүктеменің өсуіне байланысты «Салық төлеуші кабинеті» Web-қосымшасының жұмысында&nbsp; техникалық ақаулар тіркелгенін хабарлайды.
Туындаған ақаулар шеңберінде «Салық төлеуші кабинеті» Web-қосымшасының жұмысқа қабілеттілігін жою және қалпына келтіру бойынша техникалық жұмыстар жүргізілуде.
Осы ақаулардың болуына байланысты салық есептілігінің нысандарын ұсыну мерзімі 3 жұмыс күнге, яғни «2022 жылғы 18 ақпанды» қоса алғандағы мерзімге дейін ұзартылды.

«Салық төлеушінің кабинеті»: Қосымшаның жұмысы уақытша тоқтап тұр

<a href="https://kyzylorda-news.kz/">Kyzylorda-news.kz.</a>&nbsp;Биыл «Тәжік-Ауған» әскери қақтығысының аяқталғанына 21 жыл толды. Осыған орай Қазалы көлік-техникалық жоғары колледжінде Ауған және Тәжік-Ауған соғысы ардагерлерімен кездесу өтіп, құрмет көрсетілді.
Жиынға аудандық мәслихат хатшысы Бақытжан Жарылқап, «Nur Otan» партиясы Қазалы аудандық филиалы төрағасының бірінші орынбасары Нұрғиса Жалғасбаев, аудандық кәсіпкерлік, туризм және өнеркәсіп бөлімінің басшысы Ақтілеу Бөріқұлақов, аудандық ішкі саясат бөлімінің басшысы Қ.Әбубәкірұлы және аудандық жастар ресурстық орталығының директоры Асылхан Дәрібаев, қалалық жастар ресурстық орталығының директоры Нұрбек Ақпанбетов қатысты.
Басқосуды аудан әкімі Мұхтар Оразбаев ашып, Ауған соғысы мен Тәжік-Ауған қақтығысы – адамзатты алаңдатқан зұлматты оқиға ретінде тарихтан өз бағасын алғанын атап өтті.
<blockquote>
 «Тарих бетіне өзінің қанды ізін қалдырған бұл оқиғаларға ауданымыздан да бірқатар азаматтар қатысты. Бүгінде олардың 51-і ортамызда жүр. Оларға әлеуметтік қолдау көрсету, ерліктерін насихаттау – біздің басты назарымызда. Аудан мектептерінде Сіздердің қатысуларыңызбен өткізіліп жатқан түрлі іс-шаралар, кездесу кештері соның дәлелі. Сонымен қатар, жыл сайын Жеңіс мерекесі, Отан қорғаушылар мерекесі Ауған соғысы ардагерлерінің қатысуымен өткізілуде. Мұның бәрі – Сіздердің ерліктеріңізге көрсеткен құрметіміз», – деген Мұхтар Әуесұлы жастарға патриоттық тәлім-тәрбие беруде ардагерлердің орны ерекше екенін жеткізді.
</blockquote>
Кездесу барысында ардагерлерге аудан әкімінің «Алғыс хаты» мен бағалы сыйлықтар табыс етілді.
Іс-шарада ауған соғысы ардагерлері мен мүгедектер Одағы «Ардагер» қоғамдық бірлестігінің төрағасы Айдар Әлиев, «Тәжік – Ауған» әскери қақтығысы ардагерлерінің Қазалы ауданы бойынша төрағасы Руслан Баймбетов сөз сөйлеп, игі тілектерін білдірді. Сондай-ақ, ардагерлердің атынан бірқатар ұсыныс-тілектерін жеткізді. 
Аудан әкімі Мұхтар Оразбаев ардагерлерге құрмет көрсету – әрдайым басты назарда болатынын айтып, тиісті бөлім басшыларына бірқатар тапсырмалар жүктеді.
Ардагерлердің ұсыныс-пікірлеріне орай аудандық жұмыспен қамту, әлеуметтік бағдарламалар және азаматтық хал актілерін тіркеу бөлімінің басшысы Совет Бабанаев, Қазалы ауданаралық ауруханасы бас дәрігерінің орынбарасы Күншығар Әбілов нақты жауап берді.
Ал, аудандық ішкі саясат бөлімінің басшысы Қайрат Әбубәкірұлына жастарға патриоттық тәрбие беру мақсатында Ауған соғысы мен Тәжік-Ауған қақтығысы ардагерлерінің ерліктері туралы бильбордтар орналастыруға тапсырма берілді.
Атаулы датаға байланысты өткен шара аясында ардагерлер студенттермен кездесіп, Қазалы көлік-техникалық жоғары колледжінің оқу материалдық-техникалық базасымен және республикалық «Жас маман» жобасы арқылы алынған заманауи құрал-жабдықтармен танысты.
<img src="https://kyzylorda-news.kz/wp-content/uploads/2022/02/274166969_3279756205578637_7669659858424369948_n.jpg" alt="" />
<img src="https://kyzylorda-news.kz/wp-content/uploads/2022/02/274149685_3279756088911982_8225946288161223375_n.jpg" alt="" />
<img src="https://kyzylorda-news.kz/wp-content/uploads/2022/02/274139626_3279756085578649_4750831007070111278_n.jpg" alt="" />
<img src="https://kyzylorda-news.kz/wp-content/uploads/2022/02/274122736_3279756268911964_1108322263433497987_n.jpg" alt="" />
<img src="https://kyzylorda-news.kz/wp-content/uploads/2022/02/274115493_3279756298911961_8214698595460611726_n.jpg" alt="" />

Қазалыда ардагерлерге құрмет көрсетілді

<a href="https://kyzylorda-news.kz/">Kyzylorda-news.kz.</a>&nbsp; ҚР «Жылжымайтын мүлікке құқықтарды мемлекеттік тіркеу жүргізу тәртібі туралы» Заңның 3-бабына сәйкес, жылжымайтын мүлікке құқықтардың (құқықтар ауыртпалықтарының) туындауы, өзгеруі немесе тоқтатылу, сондай-ақ заңдық талаптар құқықтық кадастрда мемлекеттік тіркеуге жатады.
&nbsp;Тіркеуші орган аталған Заңның 21-бабында көрсетілген жылжымайтын мүлікке қатысты құжаттар тізбесін түгендейді. Бұдан әрі жасалатын мәміленің және жылжымайтын мүлікке құқықтардың (құқықтар ауыртпалықтары) туындауына, өзгеруіне, тоқтатылуына негіз болып табылатын өзге де заңдық фактілердің&nbsp; заңдылығын немесе мемлекеттік тіркеудің өзге де объектілерін тексеруді қоса алғанда, мемлекеттік тіркеуге ұсынылатын құжаттардың қолданыстағы заңнамаға сәйкестігін тексеріледі.
Құқық белгілейтін құжатта жүргізілген мемлекеттік тіркеу туралы жазба жасалып, жүргізілген тіркеу туралы белгісі бар құқық белгілейтін құжатты, не аталған&nbsp; заңда көзделген негіздер бойынша мемлекеттік тіркеуден бас тарту немесе оны тоқтата тұру туралы құжатты шешім қабылдайды.
Тіркеуге тапсырылатын құжаттарға қойылатын талаптарға тоқтала келсек, онда жылжымайтын мүлікке құқықтардың туындауын, тоқтатылуын, ауысуын, шектеуін растайтын құжаттар тиісінше ресімделген түрде қабылданады. Тазартулары бар не қосымша жазулар жазылған, сызып тасталған сөздер мен өзге де ескертілмеген түзетулері бар құжаттар, сондай-ақ қарындашпен орындалған құжаттар қабылданбайды. Құжаттың түпнұсқасы тіркелгеннен кейін құқық иесіне қайтарылады. Өтініш берушінің тілегі бойынша тіркеуші орган тіркеуге табыс етілген құжатта жазба жасау арқылы өтініш берілген күннен бастап үш жұмыс күні ішінде тіркеу жүргізілгенін куәландыруға тиіс.
Ал, құқықтар (құқықтар ауыртпалығы) нотариат тәртібімен куәландырылған мәміле, мұраға құқық туралы куәлік, меншік құқығы туралы куәлік негізінде туындаған, өзгертілген немесе тоқтатылған жағдайларда, электрондық тіркеу жүзеге асырылады.
Электрондық тiркеу нотариус мәмілені куәландырғаннан, мұраға құқық туралы куәлікті немесе меншік құқығы туралы куәлікті бергеннен кейін жүзеге асады. Құқық белгiлейтiн құжаттың электрондық цифрлық қолтаңбамен куәландырылған электрондық көшiрмесiн бiрыңғай нотариаттық ақпараттық жүйе арқылы құқықтық кадастрдың ақпараттық жүйесiне жiбередi.
Осы Заңның 22- бабына сәйкес, ортақ бірлескен меншік құқығының туындау, өзгеруін немесе тоқтатылуын мемлекеттік тіркеген кезде тіркеу туралы өтінішті барлық қатысушылар не олардың біреуі қалған қатысушылардың нотариат тәртібімен куәландырылған келісімін ұсына отырып беруі мүмкін.
Ортақ үлестік меншік құқығының (өзге ортақ құқықтың) туындауын, өзгеруіне, тоқтатылуына мемлекеттік тіркеу кезінде мемлекеттік тіркеу туралы өтінішті барлық қатысушылар (уәкілетті өкілдер) беруі тиіс. Яғни, жылжымайтын мүлік жұбайларға ортақ меншік ретінде құқықтық кадастрге жазба енгізіледі.
Құқық белгілеуші құжаттарды тіркеудің&nbsp; алты ай мерзім уақыты өтіп кеткен жағдайда Қазақстан Республикасының Әкімшілік құқық бұзушылық туралы Кодекстің 460-шы бабына қатысты әкімшілік жауапкершілікке тартылатын.
Алайда, 2021 жылғы 26 қаңтардағы «Қазақстан Республикасының кейбір заңнамалық актілеріне жылжымайтын мүлікке құқықтарды және заңды тұлғаларды мемлекеттік тіркеу мәселелері бойынша өзгерістер мен толықтырулар енгізу туралы» Қазақстан Республикасының Заңына сәйкес алынып тасталды.
Сонымен қатар, құқықтық кадастрді тіркеуші орган жүргізеді және онда жылжымайтын мүлікке қолданылатын және тоқтатылатын құқықтар және тіркеудің өзге де объектілері туралы ақпарат, жылжымайтын мүліктің сәйкестендіру сипаттамалары, құқық иелері туралы мәліметтер, құқықтық кадастрдың мәліметтеріне бар сұрау салулар туралы ақпарат қамтылады.
Яғни, «Жылжымайтын мүлік тіркелімі» дерекқорына енгізілген мәліметтер жойылуға, алынып тасталуға жатпайды және де ақпараттық жүйеде сақталады.
А.Алибекова
Қызылорда облысы әділет
департаментінің бас маманы

Қазақстан және Қызылорда облысының жаңалықтары

Қызылордада 72 кәсіпкерлік нысан салынбай қалуы мүмкін

Мемлекет басшысының сұхбаты Ұлттық арнадан көрсетіледі

Ертең орталық сайлау комиссиясының төрағасы Қызылордаға келеді

Интернет алаяқтарға алданбас үшін мына ережелерді білу керек

Бейжің Олимпиадасынан кейін кадрлық өзгерістер болады

Аида Керімқұлова: Мақсатым – қолөнер саласын дамытып, отандық өнімдерді нарыққа шығару

Қызылордада 49 мың оқушы Pfizer вакцинасын салдырды

Бейжің-2022: Қысқы Паралимпиадаға қатысатын Қазақстан құрамасы анықталды

Мұғалімдерді конкурс арқылы жұмысқа қабылдаудың талаптары қандай?

«Салық төлеушінің кабинеті»: Қосымшаның жұмысы уақытша тоқтап тұр

Қазалыда ардагерлерге құрмет көрсетілді

Жылжымайтын мүлік құқығын тіркеу жеңілдетіледі

Қазақстан және Қызылорда облысының жаңалықтары

Қызылордада 72 кәсіпкерлік нысан салынбай қалуы мүмкін

Мемлекет басшысының сұхбаты Ұлттық арнадан көрсетіледі

Ертең орталық сайлау комиссиясының төрағасы Қызылордаға келеді

Интернет алаяқтарға алданбас үшін мына ережелерді білу керек

Бейжің Олимпиадасынан кейін кадрлық өзгерістер болады

Аида Керімқұлова: Мақсатым &#8211; қолөнер саласын дамытып, отандық өнімдерді нарыққа шығару

Қызылордада 49 мың оқушы Pfizer вакцинасын салдырды

Бейжің-2022: Қысқы Паралимпиадаға қатысатын Қазақстан құрамасы анықталды

Мұғалімдерді конкурс арқылы жұмысқа қабылдаудың талаптары қандай?

«Салық төлеушінің кабинеті»: Қосымшаның жұмысы уақытша тоқтап тұр

Қазалыда ардагерлерге құрмет көрсетілді

Жылжымайтын мүлік құқығын тіркеу жеңілдетіледі

Аида Керімқұлова: Мақсатым – қолөнер саласын дамытып, отандық өнімдерді нарыққа шығару