Kyzylorda-news.kz. Қызылорда облысының полицейлері ардагер апалар мен әйел – полицейлерді 8 наурыз – Халықаралық әйелдер күнімен құттықтады.
Департамент бастығы полиция полковнигі Сұлтан Бектөре Жеңісбайұлы полиция қатарында ерлермен иық тірестіре еңбек етіп жүрген погондағы аруларды шұғылалы көктемнің алғашқы мерекесімен құттықтап, ізгі тілектерін жолдады.
<blockquote>
 «Көктемнің шұғылалы шуақты күнінде Сіздерді 8 Наурыз халықаралық әйелдер күнімен шын жүректен құттықтаймын! Отбасының ұйытқысы, әр шаңырақты шаттыққа бөлеп, ортамызда көктемгі бәйшешешек гүліндей құлпырып жүре беріңіздер! 
 Дендеріңізге саулық, босағаларыңызға бақ – береке, шаңырақтарыңызға шаттық тілеймін!» деген ізгі тілектерін жеткізді Департамент бастығы Бектөре Жеңісбайұлы.
</blockquote>
Полиция қызметінің ауырлығына қарамастан, қоғамның тыныштығы мен қауіпсіздігін қорғап жүрген әйел қызметкерлерді құттықтау үшін Қазақстан Республикасы Ішкі істер министрінің құттықтау жеделхаты ресми түрде оқылып, Министр Ахметжанов Марат Мұратұлының бұйрығымен өз қызметтік міндеттеріне адалдықпен қарап, қызметтерінде жоғары көрсеткіштерге қол жеткізген департаменттің қыз-келіншектері марапатталды.
Айтулы күнге орай, 254 әйел қызметкерлер Грамота мен Алғыс хаттармен марапатталып, 15 қызметкердің тәртіптік жазалары мерзімінен бұрын алынды. Сонымен қатар, Департамент бастығының бұйрығымен 384 әйел қызметкерлер мен мемлекеттік қызметшілер қаржылай марапатталды. 
Бүгінгі мерекелік іс-шара концерттік бағдарламаға ұласты. Халықтың тыныштығы мен қауіпсіздігін қорғап, қоғамдық тәртіпті қамтамасыз ету бағытында абыройлы қызмет етіп жүрген погондағы аруларға арнап облысымыздың өнерпаздары өнер көрсетті. Олармен қатар, салтанатты шара барысында полиция қызметкерлерінің өнері тамашаланды.
Ерекше марапатқа, құрметке ие болған қыз-келіншектерді, жалпы әйелдер қауымын «8 наурыз – Халықаралық әйелдер күні» мерекесімен құттықтаймыз. Дендеріне саулық, босағаларына бақ пен береке, шаңырақтарына ырыс-ынтымақ, қызметтеріне абырой тілейміз.
<img src="https://kyzylorda-news.kz/wp-content/uploads/2022/03/275266615_1053006691916433_6921626985564799923_n.jpg" alt="" />
<img src="https://kyzylorda-news.kz/wp-content/uploads/2022/03/275241755_1053006688583100_1331113339861360622_n.jpg" alt="" />

Полиция департаментінің бастығы  погондағы  аруларды көктем мерекесімен құттықтады

Kyzylorda-news.kz. Балаңыз күнделікті шығындарға деп берген ақшаны дұрыс жұмсай ала ма? Қажеттілік пен қалау принциптерін үйреттіңіз бе? Әлде қалағанымды алып бер деп әлі күнге қиғылық сала ма?
Қазір көптеген ата-ана балаларының қаржылық сауаттылығын арттыруға тырысып бағуда. Қаржылық біліктілікке баулуды неғұрлым ерте бастаудың пайдасы көп екенін жиі ойлай бастадық. Себебі өзіміз де мұндай ситуациялармен талай рет бетпе-бет келдік.
Болашаққа қор жинау, қаржыны жоспарлау, өзінің кірістері мен шығыстарын талдай алу, қаржы операцияларын онлайн жүргізу кезінде қауіпсіздік шараларын сақтау – осының бәрі балаларымыздың ертеңгі өмірінде қажет болатын дағдылар.&nbsp;
Осы орайда, біз баланың қаржылық сауаттылығын арттыруға арналған пайдалы кітаптарды ұсынамыз. Бұл оқу құралдары жеңіл тілімен, қызықты ойындарымен және бейнелеуіш суреттерімен балаңызды бірден баурап алады.
• “Балаға ақшаны қалай таныстырамыз?” (Түпнұсқа атауы: “Как рассказать детям о деньгах”) 
Авторлары: Сергей Биденко және Ирина Золотаревич 
Оқырмандар жасы: 2+
Көлемі шағын болғанмен, өте қызықты кітап. Кішкентай бүлдіршіндерге ыңғайлы болу үшін баланың жасына қарай блоктарға бөлінген. Әр тақырыпқа сай қаржыны дұрыс пайдаланудың тетіктерін үйретеді. Сондай-ақ, кітапшада ақшаны орнымен жұмсауға баулитын 100 ойын бар. Кітапшаның тағы бір ерекшелігі ­­– балалар әдебиетінен қаржыға байланысты мысалдар келтіреді.
• “Теңгегүл мен оның достарының бастан кешкен қиял-ғажайып оқиғалары. Көңілді қаржылық сауаттылық сабақтары” 
Оқырмандар жасы: 5+
Қазақ және орыс тілдерінде шыққан бұл оқу құралы бастауыш және орта мектеп жасындағы балаларға арналған. Мұнда үш достың және Сиқырлы Монетканың қаржы әлеміндегі бастан кешкен оқиғалары туралы баяндалады.
Кітаптың құрылымы ақша туралы қарапайым әңгімелерден басталып, &nbsp;біртіндеп күрделене түседі. Кейіпкерлер оқиға барысында терминдермен, ұғымдар және анықтамалармен танысады. Балаңыз да кітап кейіпкерлерімен бірге жеке және отбасылық бюджет туралы бастапқы білімнен біртіндеп қаржы құралдарының мағынасын ажыратып, қаржы нарығы қалай жұмыс істейтіні туралы хабардар болады. Кітапта түрлі тапсырмалармен қатар, глоссарий, ойындар, қосымша материалдар мен комикстер берілген.
• “Балалар және ақша” (Түпнұсқа атауы: “Дети и деньги”) 
Авторы: Евгения Блискавка 
Оқырмандар жасы: 5+
Көп жағдайда балалар отбасылық бюджет тақырыбымен ең алғаш дүкенде бетпе-бет келеді. Ұнаған ойыншығымды сатып әпер деп қиғылық салып жылаған баланы талай ұшыраттық. Ата-анасының “қазір ақша жоқ” деген сөзін түсіне алмайды. Анығында үш жасар сәбиге де сатып алуды жоспарлау керегін түсіндіруге болады және бұл өте маңызды. Себебі, бала қажеттілік пен қалаудың айырмашылығын түсінбейінше қиғылық салуын қоймайды. Кітап авторлары баланың ақылмен жинақтау және үнемдеу дағдысын игеруі үшін, қаржылық сауаттылықты үйретуді қалай бастау керек екені туралы керемет кеңестер ұсынады.
“Ақша туралы нұсқаулық. Қаржы әлеміне арналған таңғажайып түсіндірме” (Түпнұсқа атауы: “Инструкция к деньгам. Потрясающе весёлый гид по миру финансов”) 
Авторы: Хайди Фидлер 
Оқырмандар жасы: 7+
Бұл ерекше кітап қарапайым тілмен-ақ, қызықты мысалдар негізінде экономикалық терминдерді, ақша табуды, оны сақтай білу мен жұмсауды үйретеді. Сонымен қатар, қаржы тетіктерімен жұмыс істеу қағидаттарын түсіндіреді. Балалның зейінін ашу үшін түрлі-түсті иллюстрациялармен безендірілген.
“Мани атты ит” (Түпнұсқа атауы: “Пёс по имени Мани”) 
Авторы: Бодо Шефер 
Оқырмандар жасы: 8+
Кітапта кішкентай қыз бен лабрадор тұқымды ит Манидың тарихы әңгімеленеді. Сөйлей алатын төбет Мани кішкентай қызды алға қойған мақсатқа жетуге және ең қиын жағдайларда табанды болуға
үйретеді. Өмірде кездесетін практикалық кеңестер, шытырман оқиғалы хикаялар балаларға ғана емес, ересектерге де пайдалы болады.&nbsp;
• “Ақшаны қалай дұрыс жұмсауға болады” (Түпнұсқа атауы: “Как потратить деньги с умом”) 
Авторлары: Джерри Бейли және Фелиция Ло 
Оқырмандар жасы: 9+
Бұл кітапта авторлар сауда-саттық қағидаттарын жан-жақты, балаларға түсінікті тілмен талдайды. Баға белгілеу, тұтынушылық кредиттер, импорт және экспорт, кедендік сүйемелдеу және ақылмен сатып алу сынды болашақ кәсіпкерге керек кеңестердің бәрін осы оқу құралынан таба аласыз. &nbsp;
• “Жасөспірімдерге арналған бай әке, кедей әке” (Түпнұсқа атауы: “Богатый папа, бедный папа для подростков”) 
Авторы: Роберт Кийосаки 
Оқырмандардың жасы: 15+
“Бай әке, кедей әке” кітабы көпшілікке таныс-ақ. Ал кітаптың бұл нұсқасы жасөспірімдерге арналған, олардың ақшаға басқа көзқараспен қарауына, өздерінің қаржылық мақсаттарына қол жеткізу жолында қандай әрекеттер жасауы керек екеніне баса назар аударылған. Кітапта ақшаны басқара алу қабілетіне ерекше тоқталады. Яғни, ақшаны активтерге айналдыру жолы жан-жақты түсіндіріледі.
<a href="https://massaget.kz/layfstayl/debiet/kkzhiek/67516/">Massaget</a>

Баланың қаржылық сауаттылығын арттыратын пайдалы кітаптар

Kyzylorda-news.kz. “Z” және “V” белгілерін көлігіне жапсырған қазақстандық жүргізушілер полиция учаскесіне жеткізілуі мүмкін.&nbsp;
<a href="https://otyrar.kz/2022/03/na-shymkenttsa-nalozhili-shtraf-za-naklejku-z/">“Отырар”</a>&nbsp;басылымының ақпаратынша, Шымкентте жүргізушіге 5 АЕК (15 315 теңге) айыппұл салынған. Ол “Z” белгісін автокөлігінің артқы әйнегіне жапсырып алыпты. Ал бұл “Көлікті пайдалану ережелерін бұзу” 590-бабы 5-тармағына қайшы келеді. Бұл бап бойынша бекітілген талаптарға сай келмейтін көлікті жүргізуге болмайды.
Атап айтқанда, жүргізуші орнынан жолды көру мүмкіндігін шектейтін қосымша заттарды көлікке орнатуға тыйым салынады.
Бұған дейін БАҚ “Z” жапсырмасы бар автокөліктер Орал мен Алматыда байқалғанын хабарлаған еді. Алайда жергілікті жүргізушілерге айыппұл салынғаны туралы ештеңе айтылмады.
Батыс Қазақстан облысының полициясы&nbsp;<a href="https://www.uralskweek.kz/2022/03/04/v-uralske-zamecheny-avto-s-naklejkami-z/">“Уральская неделя”</a>&nbsp;басылымына хабарлағандай, “Z” және “V” латын әріптері жапсырылған көліктер табылған жағдайда, жүргізушілер мән-жайды анықтау үшін полиция басқармасына жеткізіледі.
Мұндай жүргізушілерді тоқтату сәті видеоға жазылады.
айта кетсек, ресейлік автокөлік иелері Украинада әскери операция басталғаннан кейін өз көлігіне “Z” белгісін жапсыра бастаған.
Дәл осындай белгі операцияға қатысып жатқан Ресейдің әскери техникаларында да бар. Кейінірек Ресейдің қорғаныс министрлігі бұл әріптердің мағынасын түсіндірді: “Z” – “Жеңіс үшін”, V – “Күшіміз шындықта”, “Міндет орындалады”.

Полиция Қазақстанда көліктерге неге &#8220;Z&#8221; белгісін жапсыруға болмайтынын түсіндірді

Kyzylorda-news.kz. Қазір мүмкіндіктер заманы. Сондықтан кез-келген әйел өзіне сенімді болса, ең қиын деген мамандықты меңгеруіне болады. Өйткені, ғарышкер әйел, полицей, ұшқыш, ірі жүк көлігін жүргізуші т.б. қыз-келіншектердің бүгінде ешкімді де таңғалдырмайтыны сондықтан. Соның бірі құқық қорғау саласында 20 жыл уақыт қызмет жасаған Қызылорда қалалық Полиция басқармасы Жедел басқару орталығының аға инспектор – кезекшісі, полиция подполковнигі Қалымбетова Қарлығаш Серікбайқызы.
<blockquote>
 «Меніңше құқық саласына, яғни осындай маңызды органда жұмыс істеуге келетін әйел өзінің қандай шешім қабылдағанын және өте жауапты жұмыс екенін алдын ала білгендіктен немқұрайлы қарамайды. Менің мақсатым – ер адамдармен жарысып жұмыс істеу емес, қоғамға титтей де болсын азаматтық үлесімді қосу. Полиция болудың да өзіндік қызығы мен қиындығы жетеді. Мұнда күн-түн демей жұмыс істеуің керек, жұмыс бабымен неше түрлі адамдармен, оқиғалармен бетпе-бет келеміз. Жаным сүйіп таңдаған мамандығым болғандықтан бар қиындығына шыдаймын», – дейді Қарлығаш Серікбайқызы.
</blockquote>
Жолдасы Тастаев Мұхтар Тынысұлы Қызылорда облысының кірістер департаментінде бөлім басшысы қызметінде. Ұлы Нұрбек пен қызы Айдана да жоғары білім алған, маман иелері. 
Қызмет барысында үздік қызметтері үшін І, ІІ дәрежелі деген төсбелгілерімен, департамент, басқарма бастығының атынан алғыс хаттар алып, марапат биігінен көрінуде.
<blockquote>
 «Ұстаздық қызметімді полиция саласына ауыстырдым. Себебі, педагогика саласында білім алып, осы білім саласында 2000 жылға дейін қызмет жасағанмын. Бұл мамандықтың қыр-сырын меңгере келе, өкінбегенімді түсіндім. Әр адам сүйікті жұмысынан ләззат алатыны рас қой. Негізі әйел полицейлер мен ер-азаматтардың қызметтегі айырмашылығы жоқ деп ойлаймын. Екеуінің де міндеті – полицияда қызмет ету, халыққа көмектесу. Әйелдерді де мылтық атуға үйретіп, төбелес машықтарына дайындайды. Жауаптылық, әділдік, жеделдік сияқты қасиеттерді кез келген тәртіп сақшысының бойында болуы тиіс», – дейді кейіпкеріміз.
</blockquote>

Қарлығаш Қалымбетова: Ұстаздық қызметімді полиция саласына ауыстырдым

Kyzylorda-news.kz. Қорқыт ата атындағы Қызылорда университеті ғылым департаментінің директоры, доцент, география ғылымдарының кандидаты, ұстаз-ғалым, публицист-жазушы Қали Омаровтың 60 жасқа толу мерейтойына орай салтанатты ғылыми кеңес өтті.
Жиынға облыстық мәслихат хатшысы Наурызбай Байқадамов, қалалық мәслихат хатшысы Ибадулла Құттықожаев, университеттің Ғылыми Кеңес мүшелері қатысып, Қали Әбдіұлының ғылым мен білім саласына қосқан үлесін ерекше атап өтті.
<blockquote>
 Ғибратқа толы ғұмырыңызда өзіндік пайым-парасатыңыз, жоғары потенциалыңызбен еліміздегі білім беру саласының дамуына зор үлес қосып келесіз. Сіздің бастамаларыңызбен білім және ғылым саласында ғана емес, руханият, ұлттық құндылықтарды сақтау бағытында да ауқымды жұмыстар атқарылды. Сыр еліндегі білім мен ғылымның ордасы Қорқыт ата атындағы Қызылорда университетінде отыз жылға жуық уақыт еңбек ету барысында жарқын болашаққа жол ашатын маңызды жобалардың жүзеге асуына ықпал еттіңіз, – деді Ғылыми Кеңес төрағасының орынбасары, Басқарма Төрағасы – Ректордың кеңесшісі Абайбек Жүнісов.
</blockquote>
Шарада Қали Әбдіұлына ҚР Білім және ғылым министрлігінің құттықтауы табысталып, облыс және қала әкімінің Құрмет грамотасымен марапатталды. Сонымен қатар, ҚР Жазушылар одағы, ҚР Журналистер одағы, Ш.Уалиханов атындағы Тарих және этнология институтынан, өзі түлеп ұшқан Әл-Фараби атындағы қазақ ұлттық университетінің география және табиғатты пайдалану факультеті және де тағы басқа әріптес ұйымдардан құттықтау хат келді.
Қали Омаров – Қорқыт ата атындағы Қызылорда университетінің ұлттық рейтингтерде жоғары орындардан көрінуіне, ғылыми және кадрлық әлеуетін заман талабына сай нығайту ісіне лайықты еңбегін сіңірген білікті ұйымдастырушы. 
1993 жылдан бастап Қорқыт ата атындағы Қызылорда университетінде еңбек етіп келеді. Әр жылдары оқытушы, аға оқытушы, доцент, академиялық профессор, профессор міндетін атқарушы болған.
2002 жылы су ресурстары, гидрохимия, құрлық гидрологиясы бағыттарындағы көпжылғы ғылыми ізденістерін қорытындылап, Алматы қаласындағы География институтында кандидаттық диссертациясын қорғады. Аталған бағыттар бойынша 40-тан астам ғылыми, әдістемелік еңбектің авторы. 2004 жылы ҚР БҒМ Жоғары аттестациялық комитетінің шешімімен география мамандығы бойынша доцент ғылыми атағы берілді.
2003-2020 жылдар аралығында Қорқыт ата атындағы Қызылорда университетінің ғылыми қызметін және ЖОО кейінгі білімді ұйымдастыру саласында бірқатар лауазымдық қызметтерді (бөлім бастығы, басқарма басшысы, департамент директоры, проректор, ҒЗИ директоры) атқарды. Бүгінде ғылым департаментінің директоры. 
Қали Әбдіұлы мемлекеттік «Мәдени мұра», «Тарих толқынындағы халық», «Рухани жаңғыру», «Ұлы даланың жеті қыры», «Тәуелсіздік бәрінен қымбат», аймақтың индустриалды-инновациялық даму т.б. бағдарламаларын жүзеге асыруға белсенді атсалысып келеді.
Қызылорда облысы көлемінде өткізілген көптеген халықаралық, республикалық ғылыми конференцияның жоғары ғылыми және әдістемелік деңгейін қамтамасыз етіп, сапалы ұйымдастырылуына елеулі үлесін қосты. Бірнеше республикалық журналдардың редакция алқасының мүшесі. Сыр өңірі ғылымы мен білімінің тарихын, еліміздің тұтастығы мен азаттығы жолында күрескен тұлғалардың азаматтық істерін зерттеп, жарыққа шығарып, сондай-ақ, баспасөз беттерінде тұлғатану, отаншылдық пен мемлекеттік тілді дамыту мәселелелерін көтеріп жүрген қарымды қаламгер. Бұл бағытта 4 кітабы, 150-ден астам ғылыми, танымдық, публицистикалық мақалалары, очерктері мен эсселері халықаралық және республикалық газеттер мен журналдарда, ғылыми жинақтар мен энциклопедияларда жарық көрген. Оның есімі кітаптар, жинақтар, ғылыми-танымдық басылымдардың құрастырушысы және редакторы ретінде де көпшілікке танымал. Ол 12 кітаптың құрастырушысы, 60-тан астам кітап пен ғылыми жинақтың редакторы.
Өңірдің ғылымы, білімі және рухани саласында өзіндік қолтаңбасы бар азамат Қазақстан Жазушылар одағының мүшесі, Қазақстан Журналистер одағының мүшесі, ҚР Тарих және қоғамдық ғылымдар академиясының толық мүшесі, ҚР Ұлттық инженерлік академиясының академиялық кеңесшісі болып табылады.
Осы кезге дейін Мемлекеттік «Ерен еңбегі үшін» медалі, ҚР Президентінің Алғысы, ҚР Тұңғыш Президенті-Елбасының Алғыс хаты, ҚР БҒМ «ҚР ғылымын дамытуға сіңірген еңбегі үшін» төсбелгісі, «ҚР Білім беру ісінің құрметті қызметкері» төсбелгісі, Құрмет грамотасы және Алғыстары, Қызылорда облысы әкімінің Алғысы, ҚР Ұлттық инженерлік академиясының «Қазақстанның құрметті инженері» төсбелгісі және Құрмет грамотасы, ҚР ЖОО Қауымдастығының А.Байтұрсынов атындағы Алтын медалі, ҚР Мәдениет және спорт министрлігінің Қазақ хандығының 550 жылдығына арналған ескерткіш медалі, Қызылорда қаласының 200 жылдығына арналған мерекелік медаль және университеттің Қорқыт ата атындағы Алтын медалімен марапатталған.
<img src="https://kyzylorda-news.kz/wp-content/uploads/2022/03/8bbfaf4f-52a3-4c87-add2-fe57a8a5907d.jpg" alt="" />
<img src="https://kyzylorda-news.kz/wp-content/uploads/2022/03/6b8890d6-f7ef-47a2-b2ff-d21574e3d3a7.jpg" alt="" />

Публицист-жазушы Қали Омаров — 60 жаста

Kyzylorda-news.kz. Қызылорда облысының әкімі Гүлшара Әбдіқалықова 8 наурыз – Халықаралық әйелдер күнімен құттықтады.
Ардақты аналар,&nbsp;қадірлі қыз-келіншектер!
Сіздерді көктемнің көрікті мерекесі 8 наурыз – Халықаралық әйелдер күнімен шын жүректен құттықтаймын!
Әйел-аналардың қай заманда болсын өмірдің кез келген саласында өзінің лайықты орны бар.
Біздің аналарымыз, аруларымыз тек отбасының ұйытқысы ғана емес, олар – бүкіл қоғамды алға сүйреп, ел ынтымағын нығайтып, несібесін молайтып жүрген қуатты күш.
Мемлекет басшысы Қасым-Жомарт Кемелұлы Тоқаев 2022 жылды «Балалар жылы» деп жариялады. Бала тәрбиесіне қашанда ұлт тәрбиесі деп қараған дана халқымыз болашақ ұрпақты дүниеге әкеліп, бағып-қағып, қияға ұшыратын аналарды ардақтай да, аялай да білген.
Алыптың да анадан туатынын ескерсек, нәзік жандыларға деген құрмет те, қошемет те, қолдау мен қорғау да мемлекеттік тұрғыда күн тәртібінен түспейтін маңызды мәселе болып қала береді.
Сіздер күнделікті қажырлы еңбектеріңізбен отбасының ғана емес, тәуелсіз еліміздің дамуына зор үлес қосып жүрсіздер. Қандай қиындық болса да мойымай, ауырлықты көтере білетін қайсарлықтарыңызды дәлелдеп келесіздер.&nbsp;
Әсем көктемнің тамаша мерекесі әрдайым қуаныш сыйлап, жүздеріңіз жайнап, айналаңызды шуаққа бөлей беріңіздер.
Сіздерге мықты денсаулық, ұзақ ғұмыр, шаңырақтарыңызға шадыман шаттық, бақ-береке, амандық тілеймін!
Мереке құтты болсын!

Гүлшара Әбдіқалықова Халықаралық әйелдер күнімен құттықтады

Kyzylorda-news.kz. «Қазгидромет» РМК-сы Қазақстанның бірнеше облысы бойынша күн райына байланысты ескерту жариялады.
6 наурыз күні Шығыс Қазақстан облысының солтүстігінде, шығысында тұман түсіп, көктайғақ болуы ықтимал. Өскеменде жел оңтүстік-батыстан 15-20 м/с жылдамдықпен Семейде 6 наурызда жел оңтүстік-батыстан 15-20 м/с жылдамдықпен соғады.
Қостанай облысының шығысында және орталығында тұман түсуі ықтимал. Қостанайда 6 наурызда көктайғақ болады. Оңтүстіктен соғатын жел солтүстік-батысқа ауысады, жылдамдығы 15-20 м/с.
6-8 наурызда Іле Алатауы, Жетісу Алатауы 7 наурыз күні кей уақытта нөсер жауын (жаңбыр, қар) жауады. 7-8 наурызда кей уақытта тұман түсіп, көктайғақ болуы ықтимал.
Қырғыз Алатауы: 6 наурыз және 8 наурыз түнде, 7 наурыз тәулік бойы нөсер жауын (жаңбыр, қар) жауады. Кей уақытта тұман түсуі ықтимал. Жел оңтүстік-батыс бағыттан солтүстік-шығыс бағытқа ауысады, кей жерлерде жылдамдығы 15-20 м/с, 6 және 7 наурыз күндіз екпіні 23-28 м/с.
Талас Алатауы: 6 наурыз күндіз нқсер жауын (жаңбыр, қар) жауады.
Батыс Алтай, Тарбағатай: 6 және 8 наурызда кей жерлерде көктайғақ болады. 8 наурызда кей жерлерде тұман түседі. Жел оңтүстік-батыс бағыттан солтүстік-шығыс бағытқа ауысады, кей жерлерде жылдамдығы 15-20 м/с, 6 наурызда екпіні 23-28 м/с.
6 наурызда Қарағанды облысының солтүстігінде, шығысында тұман, көктайғақ болуы ықтимал. Қарағандыда 6 наурызда оңтүстік-батыстан жел соғады, күші 15-20 м/с. Жезқазғанда 6 наурыз күні оңтүстік-батыстан жел соғады, күші15-20 м/с күтіледі.
6 наурызда Маңғыстау облысының батысында, солтүстігінде көктайғақ күтіледі. Облыстың орталығында шаңды дауыл тұруы ықтимал. Солтүстік-батыстан жел соғады, күші 15-20 м/с, облыстың батысында, солтүстігінде екпіні 23-28 м/с. Ақтауда 6 наурызда солтүстік-батыстан жел соғады, күші 15-20 м/с, түнде екпіні 23 м/с.
6 наурызда Ақмола облысында тұман түседі. Көкшетауда 6 наурызда тұман түсіп, көктайғақ болады, бұрқасын соғады. Оңтүстік-батыстан жел соғады, күші 15-20, екпіні 23 м/с күтіледі.
6 наурызда Атырау облысының шығысында және орталығында бұрқасын, солтүстігінде көктайғақ болады. Батыс, солтүстік-батыстан жел соғады 15-20 м/с, түнде облыстың оңтүстігінде, шығысында екпіні 23-28 м/с. Атырауда батыс, солтүстік-батыстан жел соғады 15-20 м/с, түнде екпіні 23 м/с.
6 наурызда Ақтөбе облысының шығысында, солтүстігінде және орталығында жаяу бұрқасын соғуы ықтимал. Облыстың солтүстігінде, оңтүстік-шығысында көктайғақ болады. Оңтүстік-батыстан, батыстан жел соғады, екпіні 15-20, түнде облыстың оңтүстік-батысында 25 м/с. Ақтобе қ: 6 наурызда көктайғақ болады. Оңтүстік-батыстан, батыстан жел соғады, екпіні 15-20 м/с күтіледі.

«Қазгидромет» бірнеше өңірде ескерту жариялады

Kyzylorda-news.kz. Бүгін қалалық мәдениет және тілдерді дамыту бөлімінің ұйымдастыруымен 8 наурыз – халықаралық әйелдер күні қарсаңында 2022 – Балалар жылының салтанатты ашылуына арналған «Балдәурен шақ – бал ғұмыр» атты мерекелік концерт өтті. Бұл туралы қала әкімдігінің баспасөз қызметі хабарлады.
«Балаларын бағым деген – Сыр ана» атты театрландырылған қойылыммен басталған мерекелік шараны қала әкімінің орынбасары Бектас Нуридинов ашып беріп, барша аналарды алда келе жатқан мерейлі мерекемен құттықтап, Балалар жылының табысты, жемісті де жеңісті болуына тілекші екенін жеткізді.
Мерекелік концертте Оқушылар сарайы, М.Қалауов атындағы өнер мектебінің, А.Тоқмағамбетов атындағы мәдениет үйі жанынан құрылған үйірмелердің сондай-ақ, «Самұрық-Kids», «Бегім-ай» өнер орталықтарының талантты балалары өнер көрсетіп, халық ықыласына бөленді.
Балалар жылының ашылуына арналған мерекелік шара соңы мәдениет үйінің фойесінде балалар үшін арнайы дайындалған ойын-сауық бағдарламасына ұласты.
Мүмкіндігі шектеулі балалар, шет аймақтарда орналасқан мектептердің үздік оқушылары, сонымен қатар түрлі облыстық, республикалық, халықаралық байқауларда топ жарып жүрген үйірме өнерпаздары Ж.Қожаберген мен К.Жанмұратованың «Ит пен мысық, тышқан дос» атты балаларға арналған қойылымын тамашалады. Сондай-ақ, қойылымды қызықтаған балаларға базарлық таратылды.
<img src="https://kyzylorda-news.kz/wp-content/uploads/2022/03/fb_img_1646479434344.jpg" alt="" />
<img src="https://kyzylorda-news.kz/wp-content/uploads/2022/03/fb_img_1646479437779.jpg" alt="" />
<img src="https://kyzylorda-news.kz/wp-content/uploads/2022/03/fb_img_1646479443651.jpg" alt="" />
<img src="https://kyzylorda-news.kz/wp-content/uploads/2022/03/fb_img_1646479447666.jpg" alt="" />
<img src="https://kyzylorda-news.kz/wp-content/uploads/2022/03/fb_img_1646479453397.jpg" alt="" />

Қызылордада балалар жылы салтанатты түрде ашылды

Kyzylorda-news.kz. Қаталдық пен қайсарлықты талап ететін ҚАЖ саласында қызмет атқару нәзік жандар үшін оңай емес. Әйтсе де, әйел затына тән нәзіктігін жоғалтпай, қызметі мен жеке өмірлерін қатар үйлестіріп жүрген сондай жандардың бірі, әділет лейтенанты, ЗК-169/1 тергеу изоляторының РжКБ-нің инспекторы Жансая Нүркен.
Жас маман осы мекемеге алғаш келгенде, бір аусымда бақылаушы болып жұмыс жасайтын Сәбит Асқаровпен көңіл жарастырып, отбасын құрды. Бүгінде бір бүлдіршіні бар. Бұл қызметкердің ұқыптылығының нәтежиесінде режим бөлімінің барлық кіріс-шығыс құжаттарына дер кезінде жауап жазылып, тиісті орындарға жолданылып отырылады. Қызметіне деген жауапкершілігі бағаланып, мекеме бастығы тарапынан алғыс хат алып, құрметке де бөленді.
<blockquote>
 “Менің форма киіп, ер азаматтарға тән мамандықты таңдауыма әкем мен әпкемнің ішкі істер саласында жұмыс жасауының әсері болды. Содан болар, жасымнан қатал талапшыл тәрбиемен өстім. Қызметімнің қиындығы басым келеді. Ерте келесің, кеш қайтасың. Ондай сәттерде жарым Сәбит өзіммен бірге жұмыс істегендіктен, түсіністікпен қарайды. Отбасымда аналық, келіндік міндетіме де уақыт тауып, үй тіршілігін де үлгеремін. Бұл үшін анама рахмет айтам. Өйткені анам жасымнан шаруашылыққа баулып, қазіргі жанұялық өмір жолына тәрбиеледі. Дұрыс жар таңдап, өмірден өз орнымды табуда ақылын аямады, мейірімін төгіп аялады.Тұрмысқа шығып, Сәбиттің шаңырағына келгенде, екінші анам да, жан- жылуын беріп, өзіне баурай білді. Мен де, ол кісіге құрметпен қараймын. Анамдай көріп, сыйлықтар жасап тұрамын. Сәбит екеуміздің бұл жылғы 8- наурызға қос анамамызға көрсеткен ең үлкен құрметіміз «Офицердің анасы» деген медальді тартуымыз болды. ҚАЖ департаменті бастығының қолынан медаль алу, аяулы жандарымыздың мерейін өсірді. Мен қос анамды, жердегі тәңірім деп қабылдаймын. Өйткені бүгінгі жетістігім, сол аналарымыздың көрсеткен өнегесінен бастау алады. 
 Енді бүгін міне, өзімде ана болып, үлгі көрсетер жастамын. Меніңше, әйел заты ақылы мен қайратын қатар ұстап жүрсе, бақытты болып, құрметке бөленеді” – дейді Жансая Нүркен.
</blockquote>

Жансая Нүркен: Жарыммен қызметте де, отбасында да біргеміз

Kyzylorda-news.kz. Қызылорда облысындағы мемлекеттік қызметшілердің 46 пайызы нәзік жандар. Олардың қатарында 14 «Алтын алқа» және «Күміс алқа» иегерлері қызмет етеді.
Бұл туралы ҚР Мемлекеттік қызмет істері агенттігінің Қызылорда облысы бойынша департаменті басшысының міндетін атқарушы Берікбол Байхожаев мемлекеттік қызметтегі Батыр аналарды мерекелік құттықтау шарасында айтты.
<blockquote>
 «Қызылордалық 3 251 мемлекеттік қызметшінің 1 494 әйел азаматшалар. Олардың 681-і жергілікті атқарушы органдарда, 813-і орталық атқарушы органдардың құрылымдық бөлімшелерінде қызмет етеді. Нәзік жанды әріптестеріміздің қатарында аймағымыздың дамуына елеулі еңбек ете жүріп, өнегелі ана, аяулы жар, үлгілі басшы атанып жүргендері бар. Бүгінгі шараға мемлекеттік қызметте ер азаматтармен иық тірестіре жұмыс жасап келе жатқан Батыр аналарды шақырып, құрмет көрсетіп отырмыз. Мемлекеттік қызметпен қатар, үй жұмысы, бала тәрбиесіне көңіл бөліп, ел демографиясына үлес қосып келе жатқан аналарымызға алғысымды білдіремін», – деді Берікбол Байхожаев.
</blockquote>
Айта кету керек, Қызылорда облысында мемлекеттік қызметте 200 көп балалы ана, сондай-ақ, басшы лауазымда 324 әйел жұмыс жасайды. 
ҚР Мемлекеттік қызмет істері агенттігінің Қызылорда облысы бойынша департаменті «8 наурыз – Халықаралық әйелдер күні» қарсаңында құттықтау шарасын ұйымдастырып, Батыр аналарға құрмет көрсеткен болатын.

Қызылордада   мемлекеттік қызметтегі Батыр аналарға құрмет көрсетілді

Kyzylorda-news.kz. Арал теңізінің тартылуы салдарынан құрғаған ұлтанда топырақтың тұздануы артты.
Қазіргі таңда топырақ тұздануын азайту және құм көшкінін тоқтату мақсатында құрғаған ұлтанға сексеуіл және галофитті өсімдіктер егу жұмыстары жүргізілуде. Сексеуіл егу жұмыстары жылдың екі мезгілінде екі түрлі әдіспен жүзеге асырылуда. Көктемде көшет егу және күз мезгілінде тұқым себу арқылы жүргізіледі.
Басқармаға қарасты орман және жануарлар дүниесін қорғау жөніндегі мемлекеттік мекемелері өздерінің уақытша сексеуіл тұқымбағына егіліп, дайындалған сексеуіл көшеттерін қазып, теңіз ұлтанына отырғызу жұмыстарына дайындық жүргізуде.

Қызылордада сексеуіл көшеті дайындалып жатыр

Kyzylorda-news.kz. Қызылорда облыстық Өңірлік коммуникациялар қызметінің ақпарат алаңында өткен брифингте БАҚ өкілдерінің Сыр елі азаматтарының көктемгі шақырылымы туралы сұрақтарына полковник Айдын Сағынбеков жауап берді.
18-27 жас аралығындағы жеті жүз елуге жуық Сыр елінің азаматтары көктемгі мерзімді әскери қызметке аттанады. Әскери қызметке шақыру жұмыстары 2022 жылдың 4 наурызындағы Қазақстан Президенті Қасым-Жомарт Тоқаевтың «Әскери қызметтің белгіленген қызметін өткерген мерзімді әскери қызметтегі әскери қызметшілерді запасқа шығару және Қазақстан Республикасының азаматтарын 2022 жылғы наурыз–шілде және қыркүйек–желтоқсан айларында кезекті мерзімді әскери қызметке шақыру туралы» Жарлығының талаптары негізінде ұйымдастырылатын болады.
Сарбаздардың мерзімді қызмет кезінде несие мерзімін ұзартуға, белгіленген мерзімдегі қызметіне біржолғы ақшалай сыйақы төлеуге, білім беру секторында жеңілдіктер беруге, сондай-ақ олардың отбасы мүшелеріне коммуналдық қызметтерге ақы төлеу сияқты Қорғаныс министрлігінің жастардың мерзімді әскери қызмет өткеруге деген ынтасын арттыру мақсатындағы ұсыныстары қазір мүдделі мемлекеттік органдармен келісілу үстінде.
Әскерге шақыру науқанын жергілікті атқарушы органдар ұйымдастырып, қамтамасыз етеді. Комиссияларды қалалар мен аудандар әкімдерінің орынбасарлары басқарады.
Әскери қызметке шақырылушы азаматтарды хабардар ету пандемия кезіндегі қарым-қатынасты азайту мен денсаулық қауіпсіздігін қамтамасыз ету мақсатында 1414 сервис қызметі пилоттық режимінде SMS-хабарламалар жіберу арқылы жүзеге асады.
<blockquote>
 «Пандемия жағдайына байланысты алдын алу шаралары толықтай қолға алынуда. Әскерге шақырылушылардан әскерге шақыру уақытында және әскери бөлімдерге келген кезде белгіленген арнайы пункттерде ПТР-талдамасы алынады. Ал, шақырылушыларға екпе жүргізу келген әскери бөлімде, яғни, қызмет өткеру орындарында ұйымдастырылатын болады. Шақыру науқаны барлық санитарлық-эпидемиологиялық талаптарды сақтай отырып жалғасады», – деді Қызылорда облысы Қорғаныс істері жөніндегі департаментінің бастығы полковник Айдын Сағынбеков.
</blockquote>

Қазақстан және Қызылорда облысының жаңалықтары

Полиция департаментінің бастығы погондағы аруларды көктем мерекесімен құттықтады

Баланың қаржылық сауаттылығын арттыратын пайдалы кітаптар

Полиция Қазақстанда көліктерге неге “Z” белгісін жапсыруға болмайтынын түсіндірді

Қарлығаш Қалымбетова: Ұстаздық қызметімді полиция саласына ауыстырдым

Публицист-жазушы Қали Омаров — 60 жаста

Гүлшара Әбдіқалықова Халықаралық әйелдер күнімен құттықтады

«Қазгидромет» бірнеше өңірде ескерту жариялады

Қызылордада балалар жылы салтанатты түрде ашылды

Жансая Нүркен: Жарыммен қызметте де, отбасында да біргеміз

Қызылордада мемлекеттік қызметтегі Батыр аналарға құрмет көрсетілді

Қызылордада сексеуіл көшеті дайындалып жатыр

Қызылордада көктемгі мерзімді әскери қызметке шақыру басталды

Қазақстан және Қызылорда облысының жаңалықтары

Полиция департаментінің бастығы погондағы аруларды көктем мерекесімен құттықтады

Баланың қаржылық сауаттылығын арттыратын пайдалы кітаптар

Полиция Қазақстанда көліктерге неге &#8220;Z&#8221; белгісін жапсыруға болмайтынын түсіндірді

Қарлығаш Қалымбетова: Ұстаздық қызметімді полиция саласына ауыстырдым

Публицист-жазушы Қали Омаров — 60 жаста

Гүлшара Әбдіқалықова Халықаралық әйелдер күнімен құттықтады

«Қазгидромет» бірнеше өңірде ескерту жариялады

Қызылордада балалар жылы салтанатты түрде ашылды

Жансая Нүркен: Жарыммен қызметте де, отбасында да біргеміз

Қызылордада мемлекеттік қызметтегі Батыр аналарға құрмет көрсетілді

Қызылордада сексеуіл көшеті дайындалып жатыр

Қызылордада көктемгі мерзімді әскери қызметке шақыру басталды

Полиция Қазақстанда көліктерге неге “Z” белгісін жапсыруға болмайтынын түсіндірді