<a href="https://kyzylorda-news.kz/">Kyzylorda-news.kz.</a>&nbsp;Үкімет көктемгі егісті қаржылық және материалдық-техникалық қамтамасыз ету бойынша барлық шараларды қабылдады. ҚР премьер-министрі Әлихан Смайыловтың төрағалығымен өткен Үкімет отырысында көктемгі егіс жұмыстарына дайындық мәселелері қаралды.
ҚР энергетика министрі Болат Ақшолақов, ауыл шаруашылығы бірінші вице-министрі Айдарбек Сапаров, Қостанай, Солтүстік Қазақстан, Түркістан және Жамбыл облыстарының әкімдері баяндама жасады, деп хабарлайды ҚР премьер-министрінің баспасөз қызметі.
Үкімет басшысы көктемгі егіс жұмыстарын уақытылы және сапалы жүргізу маңызды міндеттердің бірі, өйткені бұл – еліміздің азық-түлік қауіпсіздігін қамтамасыз ету үшін өзекті мәселе екенін атап өтті.
<blockquote>
 «Қазір бүкіл әлемде ауыл шаруашылығы өнімдеріне деген сұраныс күн санап артып келеді. Сұранысқа сай оның бағасы да қымбаттап барады. Осыған байланысты ауыл шаруашылығы өнімінің ішкі тұтынуын да, экспорттық әлеуетін де қамтамасыз ету – аса маңызды мәселе», – деді Ә.Смайылов. Мәселен, жалпы егіс алаңы 23,1 млн гектарды құрайды, бұл 2021 жылдың көрсеткішінен 125 мың гектарға артық. «Фермерлер басымырақ қаржыландыруды қамтамасыз ете отырып, сұранысы жоғары дәнді дақылдардың егістік алқаптарын ұлғайтуы тиіс. Бұл ретте, өнімді көп беретін және экспортқа шығатын дақылдарды егуге айрықша көңіл бөлу керек», – деді Министрлер кабинетінің басшысы.
</blockquote>
Облыс әкімдіктерінің деректеріне сәйкес, биыл барлығы 658,7 мың тонна минералды тыңайтқыш қосу жоспарланған, бұл өткен жылғымен салыстырғанда 32,2 мың тоннаға артық. Пестицидтерді субсидиялау бағдарламасы бойынша 2022 жылға 31,7 млрд теңге қарастырылған, бұл егіс алқаптарының өңделуін 100%-ға қамтамасыз етеді.
Премьер-министр тыңайтқыштар мен пестицидтерді сатып алу құнының 50%-ін субсидиялау әрі қарай жалғасатынын атап өтті. Сондай-ақ тұқым сатып алу, қайта өңдеуге тапсырылатын дақылдар өндіру, су беру бойынша көрсетілетін қызмет құнын субсидиялау да былтырғы шамада сақталатын болады.
Техникаларды жаңарту үшін Үкімет кредиттер мен лизинг үшін инвестициялық субсидиялау және пайыздық мөлшерлемені субсидиялау көлемін ұлғайтады.
Көктемгі дала жұмыстарына дайындық аясында Ә.Смайылов бірқатар нақты тапсырма берді.
Атап айтқанда, Ауыл шаруашылығы министрлігі мен әкімдіктерге әлеуметтік маңызы бар дақылдар мен жем-шөптің қажетті көлемін себе отырып, ауыл шаруашылығы жерлерін әртараптандыру тапсырылды. Сондай-ақ минералдық тыңайтқыштарды өндірушілермен алдымен ішкі нарықты қамтамасыз ету мәселесін пысықтау тапсырылды.
Экология министрлігі мен әкімдіктерге ауыл шаруашылығы тауарын өндірушілерді жаз бойы сумен қамтамасыз ету тапсырылды.

Әлихан Смайылов: Фермерлер сұранысы жоғары дәнді дақылдардың егістік алқаптарын ұлғайтуы тиіс

<a href="https://kyzylorda-news.kz/">Kyzylorda-news.kz.</a> «Дарын» республикалық ғылыми-практикалық орталығының ұйымдастыруымен 7-8 наурыз күндері аралығында Алматы қаласы, Әл-Фараби атындағы Қазақ ұлттық университетінде ХХІ халықаралық «Жібек жолы» олимпиадасы өткізілді.
Екі күнге созылған халықаралық олимпиадаға еліміз бойынша 136 оқушы қатысса, оның ішінде аймақтың абыройын 6 оқушы қорғап, бақ сынады.
Байқау нәтижесінде №9 дарынды балаларға арналған облыстық «Білім-инновация» лицей-интернатының 11 сынып оқушысы Нұрдәулет Шахафиддин ІІІ орын алып, қола медаль иегері атанды.

Қызылордалық оқушы халықаралық олимпиададан жүлделі оралды

<a href="https://kyzylorda-news.kz/">Kyzylorda-news.kz.</a>&nbsp;ҚР Энергетика министрі Болат Ақшолақов көктемгі егіс жұмыстарына қажет дизель отынының бағасы қанша болатынын айтты, деп хабарлайды <a href="https://sputnik.kz/20220310/koktemgi-egis-dizel-otyny-23406895.html#pv=g%3D23406895%2Fp%3D59981">Sputnik Қазақстан</a>.
Айтуынша, энергетика министрлігі ауыл шаруашылығы министрлігімен бірлесіп «Облыстарды мұнай өңдеу зауыттарына бекіту кестесін» жасады. Оның аясында ауыл шаруашылығы тауарын өндірушілер үшін дизель отынына қажеттілік 400,26 мың тонна көлемінде бекітілді.
<blockquote>
 «Құнына келетін болсақ, президенттің тапсырмасына сәйкес министрлік ауыл шаруашылығы тауарын өндірушілер үшін дизель отынын жеткізуге қатысатын негізгі ресурс ұстаушылармен кеңес өткізді. Оның қорытындысы бойынша 2022 жылғы көктемгі егіс жұмыстарын жүргізу үшін дизель отынына ұсынылатын баға тоннасына 212 мың теңгені (литріне 176 теңге) (ҚҚС-ты қоса алғанда) құрайды», – деді Ақшолақов үкімет отырысында.
</blockquote>
Ол аграрийлер үшін болжамды баға шекті бекітілген бөлшек сауда бағасынан төмен (литріне 230-260 теңге), орташа есеппен 15-30%-ке арзан екенін атап өтті.
Айта кетері, энергетика министрлігінің ауыл шаруашылығы тауарын өндірушілер үшін дизель отынына арзандатылған бағаны заңнамалық бекіту құзыреті жоқ.
Ауыл шаруашылығына қажет дизель отынының құны жанар-жағармай материалдары нарығына қатысушылармен келісу арқылы айқындалады.
Ауыл шаруашылығы министрлігінің мәліметінше, 2022 жылы жалпы егіс алаңы 23,1 миллион гектарды құрайды. Бұл 2021 жылдың көрсеткішінен 125 мың гектарға артық. Бидай алаңы 368,1 мың гектарға азаяды.
Жем-шөп дақылдары алқабы едәуір ұлғайтылып, 3,6 миллион га құрады.
Сонымен қатар көкөніс дақылдарының алқабы шамалы өсті, бақша дақылдары 2 мың гектарға төмендеді.

Көктемгі егіс: Шаруаларға дизель отыны қанша теңгеден сатылады?

<a href="https://kyzylorda-news.kz/">Kyzylorda-news.kz.</a>&nbsp;Қызылорда облысында заңсыз балық аулағандар ұсталды.
Арал-Сырдария облысаралық бассейндік балық шаруашылығы инспекциясының мамандары мен Қармақшы аудандық полиция бөлімі қызметкерлерімен жүргізілген рейдтік іс-шара барысында Тұрмағанбет ауылының тұсында Нива автокөлігі тоқтатылып, тексерілген.
Тексеру барысында көлік иелерінен 23,6 келі жылан балық, 5 келі ақамур, 39 келі сазан, 4 келі көксерке, 4 келі жайын балығы және резеңкелі қайық пен өзге де заттар алынды.
Аталған дерек тіркеліп, сотқа дейінгі тергеп-тексеру амалдары жүргізілуде.

Қызылорда облысында заңсыз балық аулағандар ұсталды

<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 89 адамның коронавирус індетін жұқтырғаны ПТР арқылы расталды. Жалпы ел бойынша ауырғандар саны 1304101.
Сонымен қатар республикада 1007 адам коронавирус инфекциясынан жазылып шықты. Қазіргі таңда елімізде барлығы 1 278 687 адам COVID-19-дан сауықты. Бұл туралы <a href="https://www.coronavirus2020.kz/kz">coronavirus2020.kz</a>&nbsp;сайты хабарлады.
Айта кетейік, өткен тәулікте Қызылорда облысында коронвирус індетін жұқтырғандар мен жазылғандар болмады.

Қызылордада өткен тәулікте коронавирус жұқтырғандар мен жазылғандар жоқ

<a href="https://kyzylorda-news.kz/">Kyzylorda-news.kz.</a> Қызылорда облысында әлеуметтік кәсіпкерлік субъектілеріне көңіл бөлінуде. «Әлеуметтік кәсіпкерлік» мәртебесі халықтың әлеуметтік осал топтарын жұмыспен қамтуда, тауарлар өндіруде төрт санат бойынша жүзеге асырылмақ. Бұл туралы Өңірлік коммуникациялар қызметінде өткен брифингте облыстық кәсіпкерлік және туризм басқармасының басшысы Фердоуси Қожабергенов хабарлады.
<blockquote>
 «Әлеуметтік кәсіпкерлік – экономиканың таяуда ғана пайда болған жаңа секторы. Былтыр ҚР Үкіметімен «Әлеуметтік кәсіпкерлік субъектілерінің тізілімін жүргізу қағидалары» бекітілген болатын. Осы уақыттан бері арнайы электрондық дерекқор жұмысы іске қосылды. Ендігі жерде, заң аясында әлеуметтік кәсіпкерлік субъектілерін қолдау инфрақұрылымының болуын қамтамасыз ету, салықтық жеңілдіктер беру, қаржылай қолдау көрсету, мүлікті жеңілдікпен жалға беру, өңіраралық ынтымақтастықты дамытуға, іскерлік әріптестерді іздестіруге жәрдемдесу сынды мемлекеттік қолдау шаралары қарастырылады», – деді басқарма басшысы Фердоуси Қожабергенов.
</blockquote>
Әлеуметтік кәсіпкерлік – қоғамда қалыптасқан әлеуметтік, экологиялық мәселелерді шешуге бағытталған бизнес түрі. Жыл басынан бері үш кәсіпкердің өтінімі қабылданды. Алайда, мемлекеттік кірістер органына жылдық есептерінің жолданбауына байланысты құжаттар кері қайтарылды.
<blockquote>
 «Кәсіпкерлерді тізілімге енгізу 4 санат арқылы жүргізіледі. Бірінші санатқа мүгедектігі бар адамдар мен олардың заңды өкілдері, зейнет жасындағы азаматтар, ата-ананың қамқорлығынсыз қалған балалар, белгілі бір тұрғылықты жері жоқ адамдар жатады. Екінші санатқа азаматтар өндіретін тауарларды орындайтын жұмыстарды, көрсететін қызметтерді өткізуге ықпал ететіндер енеді. Үшінші санатқа тұрмыста тыныс-тіршілікті қолдауға бағытталған әлеуметтік-тұрмыстық қызметтер мен әлеуметтік-психологиялық қызметтер және әлеуметтік еңбек қызметтерін көрсету енгізілген. Ал төртінші санатқа отбасын нығайтуға, мүмкіндігі шектеулі балаларға психологиялық-педагогикалық қолдау көрсету, мәдени-ағартушылық қызметтер енеді», – деді облыстық жұмыспен қамтуды үйлестіру және әлеуметтік бағдарламалар басқармасының басшысы Гаухар Қалмақова.
 «Әлеуметтік кәсіпкердің түпкі мақсаты – тауарлар мен қызметтерді сату арқылы әділетті қоғам құру. Бір қарағанда, әлеуметтік мәселені шешу кез келген коммерциялық компанияның басты мақсаты деп ойлаудың өзі утопиялық болып көрінуі мүмкін. Яғни, әлеуметтік кәсіпкерлік коммерциялық емес ұйыммен бірдей емес екенін есте ұстаған жөн», – деді Қызылорда облысы бойынша мемлекеттік кірістер департаментінің камеральдық мониторинг басқармасының басшысы Гүлнар Исаева.
</blockquote>

Қызылордада әлеуметтік кәсіпкерлікке қолдау көрсетіледі

<a href="https://kyzylorda-news.kz/">Kyzylorda-news.kz.</a> Атмосфералық фронттардың әсерінен Қазақстанның солтүстігінде, шығысында, орталығында қар жауады, елдің батысында және оңтүстігінде қар мен жаңбыр қабат жауады, деп хабарлайды Қазгидромет.
Республика бойынша кей жерлерде тұман түсіп, жел күшейеді, батыста – көктайғақ, оңтүстікте – найзағай жарқылдайды.
Қызылорда облысында тұман түседі. Оңтүстік-шығыстан, шығыстан жел соғып, күндіз облыстың солтүстігі мен орталығында жылдамдығы 15-20 м/с-ке жетеді.

Бүгін ауа райы қандай болады?

<a href="https://kyzylorda-news.kz/">Kyzylorda-news.kz.</a> «Worldskills Kazakhstan» ұлттық чемпионаты – білікті кадрларды даярлаудың жаңа тренді. Бұл колледж және жоғары оқу орнының студенттерінің болашақ мамандығы бойынша сынға түсіп, қабілетін танытатын білім бәсекесі.
Білікті кадрларды даярлап, жаңа идеялар мен трендтер жасауға және кәсіби білім сапасын арттыруға мүмкіндік беретін аталмыш байқауға М.Мәметова атындағы Қызылорда педагогикалық жоғары колледжі 2016 жылдан бері белсенді қатысып келеді.
Болашақ маманның кәсіби бағытын шыңдауға арналған ең алғашқы чемпионатта аймақ абыройын қорғауға аталмыш педагогикалық жоғары колледждің 2020 жылғы түлегі Аяулым Сарманова қатысқан болатын.
Бүлдіршіндермен жұмыс істегенді жаны сүйетін Аяулым «Мектепке дейінгі тәрбие» құзыреттілігі бойынша өткізілген «Worldskills college – 2018» колледжішілік чемпионатында І орын иеленіп, одан соң «Worldskills Kyzylorda – 2018» аймақтық чемпионатында да І орынды жеңіп алды. Өңірлік іріктеу кезеңінен жоғары жетістік көрсеткен Аяулымның республикалық деңгейде бәсекеге түсуіне жол ашып, 2019 жылы ол республикалық «Worldskills Kazakhstan» ұлттық чемпионатында ІІ орын мен күміс медальді иеленді.
Дарынымен даралған үздік түлек бүгінде Абай атындағы Қазақ Ұлттық педагогикалық университетінде «Екі шетел тілі» мамандығы бойынша білімін одан әрі жетілдіруде.
Аяулымның айтуынша, білім ордасында алған білімін практикамен ұштастыруда «Worldskills Kazakhstan» ұлттық чемпионаты мамандыққа машықтануға мол мүмкіндік берді дейді.

«Worldskills Kazakhstan»: Мамандыққа машықтануға мүмкіндік берді

<a href="https://kyzylorda-news.kz/">Kyzylorda-news.kz.</a>&nbsp;Қызылорда қаласындағы Назарбаев Зияткерлік мектебінің түлегі Жангерей Зинелов Гонконгтың төрт бірдей жоғары оқу орнынан шақырту алып, олардың екеуі толық білім грантын ұсынып отыр.
Қызылордалық зияткердің академиялық біліміне қызығушылық танытып, мыңдаған өреннің арасынан тандағандар – Chinese University of Hong Kong (CUHK), City University of Hong Kong, Hong Kong University of Science and Technology және Hong Kong Baptist University. Алғашқы екеуі Жангерейдің потенциалын жоғары бағалап, толық оқу грантына лайықты деп таныды. Бұл білім ошақтары әлемдік университеттер рейтінгісінде топ 100 ЖОО-ның қатарына енеді және ғылым, техника мен инженерия салалары бойынша мамандар даярлайды.
<blockquote>
 «Инженерия мамандығына қызығушылығым 9-сыныпта пайда болды. Физика мен математика сүйікті пәндерімнің бірі. Әртүрлі олимпиадаларға қатысып, ғылыми жобалар байқауында білімімді шыңдадым. Болашақта еліміздің технология саласын дамытуға үлес қосқым келеді», – дейді Жангерей Зинелов.
</blockquote>
Бірнеше жыл бойы оқу озаты болған Жангерей Зинелов мектеп өміріне белсенді араласты. Өзін-өзі басқару ұйымының көшбасшысы болып, талай жобалардың іске асуына септігін тигізді. Бітіруші сыныпқа келгенде жоғары оқу орнына түсу үшін үздіксіз еңбек етті.
<blockquote>
 «Шетелдік университеттердің бағалайтын тұсы ол – оқушылардың жан-жақты болуы. Академиялық біліммен бірге әртүрлі бағытта жетістіктерінің де болуы маңызды. Сонымен қатар болашақ мамандығын ертерек анықтап, болашақта кім болғысы келетінін нақты білетін және түсінетін жастарды қолдауға әрқашан дайын», – дейді Жангерей Зинелов.
</blockquote>

Қызылордалық оқушыны әлемнің 4 беделді университеті оқуға шақырды

<a href="https://kyzylorda-news.kz/">Kyzylorda-news.kz.</a>&nbsp;Украинаға қарсы шабуыл жасап, соғыс бастаған Ресейге Америка мен Батыс елдері қатаң санкциялар салды. Джо Байден «енді Ресейден мұнай алмайтынын» ашық айтты. Бұл Қазақстан экономикасына қалай әсер етеді? Бұл сұраққа экономист Мақсат Халық жауап берді, деп хабарлайды <a href="https://stan.kz/mynaydan-endi-tusetin-payda-halikka-zhymsaladi-degen-um-361398/">Stan.kz</a>.
Маманның айтуынша, Ресей «әлемдік мұнай саласындағы үлкен ойыншы». Алдағы уақытта Ресейден ешкім мұнай алмайтын болса, бұл әлемде энергетикалық ресурстарға деген тапшылықты тудырады. Ал ол белгілі бір дәрежеде бағалардың өсуіне алып келеді. Қазірдің өзінде мұнайдың бағасы рекордтық көрсеткішке дейін жетті.&nbsp;
<blockquote>
 «Мұның барлығы Ресейге&nbsp;қойылған&nbsp;шектеулермен байланысты», –&nbsp;&nbsp;дейді Мақсат Халық.&nbsp;
</blockquote>
Экономистің сөзіне сенсек, «осы жерде Қазақстан үшін үлкен мүмкіндік бар». Бұған дейін АҚШ билігі Ресейге салынған санкциялардың Қазақстанға&nbsp;әсер етпейтінін&nbsp;айтқан еді.
<blockquote>
 «Мұнай бағасы&nbsp;бюджетте 60 доллар деп бекітілсе, оны 120 доллардан саттық дегеннің өзінде ол Қазақстанның экспорттық әлеуетін жақсартады. Біздің алтын валюталық қорының, оның ішінде ұлттық қордың резервін арттырады. Бюджеттік кіріс те артады, ішкі өнімнің өсуіне әсер етеді», – дейді ол.
</blockquote>
Бұған дейін берген&nbsp;<a href="https://stan.kz/kazakstandiktar-nege-arabtar-siyakti-shalkip-omir-surme-358838/">сұхбатында</a>&nbsp;Мақсат Халық қазақстандықтардың неге арабтар сияқты шалқып өмір сүрмейтінін түсірдірген еді. Ол мұнай саудасынан түсетін пайданың 80 пайызын шетелдік компаниялар, ал қалған 20 пайызын ғана Қазақстан алатынын атап өтті. Оның өзінде «қара алтыннан» түсетін пайданы тек олигополия өкілдері көріп келді, дейді маман. Ал ендігі жағдайда барлығы өзгеруі мүмкін екенін алға тартты.
<blockquote>
 «Президентіміз олигополиямен күресіп жатса, енді түсетін пайда белгілі бір дәрежеде халыққа қарай жұмсалады деген үміт бар. Яғни бюджеттің кірісі артатын болса, онда халықтың табысын арттыруды қарастыру қажет», – деді Мақсат Халық.
</blockquote>

Мақсат Халық: Мұнайдан енді түсетін пайда халыққа жұмсалады деген үміт бар

<a href="https://kyzylorda-news.kz/">Kyzylorda-news.kz.</a>&nbsp;Оқу-тәрбие үдерісі жаңалықтарға толы. Бүгінгі талап деңгейінде сол үдеден шығу, жаңартылған оқу мазмұнына сай білім беру, шәкірттерін ғылыми-зерттеушілік бағытқа ұмтылдыру – ұстаздар қауымының маңызды міндеті.
Сырдария ауданында түрлі байқауларда ғылыми ізденістерімен, нәтижелі жұмыстарымен дараланған оқушылар қатары аз емес. Солардың бірі – Сырдария ауданы, С.Сейфуллин ауылындағы №137 орта мектебінің 3 сынып оқушылары – Жанниет Бердібек пен Іңкәр Құдайберген.
Қос дарынды оқушы «Зерде» сайысының аудандық, облыстық кезеңдерінің жеңімпаздары атанып, 2022 жылдың 9-11 ақпанында сол сайыстың Көкшетау қаласындағы «Балдәурен» тынығу лагерінде ұйымдастырылған республикалық кезеңінде «Робототехника» бағыты бойынша ІІІ орын иегерлері атанды. Шәкірттерін шыңға шығарып, ғылыми сайысқа дайындаған білікті ұстаз, сынып жетекшісі – Марта Елеукееваның жетекшілігімен «ВАЛЛ-И қуаттағышы» роботы тақырыбындағы жобасы арқылы олар үздіктер қатарынан көрініп, Сыр елінің мерейін үстем етті.
Сонымен қатар оқушылар бұған дейін де қашықтықтан өткізілген халықаралық, республикалық олимпиадаларына қатысып, халықаралық «Кенгуру – математика» зияткерлік конкурс ІІ дәрежелі дипломдарымен, халықаралық «Человек и природа» балалар байқауы, халықаралық «Бастау» олимпиадасының І дәрежелі дипломдарын иеленген болатын.
Сабақтан тыс уақыттарда ізденімпаз жастар – Жанниет пене Іңкәр «Домбыра», «Өнер», «Би» үйірмелеріне қатысып, өздерінің өнер жолындағы шығармашылықтарын да шыңдау үстінде.
Ұлы Абайдың «Талап, еңбек, терең ой» деген ұлағатын ұлықтай білетін екі дарынды жас Жанниет Бердібек пен Іңкәр Құдайберген Сыр елінің байрағын әлі талай ғылыми байқауларда биіктетіп, жаңа Қазақстанның жалынды жастарының қатарын толтыра бермек.
<img src="https://kyzylorda-news.kz/wp-content/uploads/2022/03/275621352_1311588012677734_4566059804055571799_n.jpg" alt="" />
<img src="https://kyzylorda-news.kz/wp-content/uploads/2022/03/275485875_1311588209344381_6331669678754062445_n.jpg" alt="" />

Сырдариялық жас дарындар ғылыми ізденіс жолында

<a href="https://kyzylorda-news.kz/">Kyzylorda-news.kz.</a> Қызылорда қалалық Полиция басқармасының кезекші бөліміне алаяқтың құрбаны болған қала тұрғыны арызданды.
Арызданушының айтуынша, танысы 2 жыл бұрын сеніміне кіріп, сіңілісін «университетке грантқа оқуға түсіріп беремін» деп, 570 мың теңге көлемінде ақшасын алдап алған.
Полиция қызметкерлерімен жүргізілген жедел-іздестіру іс-шараларының нәтижесінде күдікті әйел ұсталды. Ол Қызылорда қаласының 33 жастағы тұрғыны болып шықты.
Аталған дерек бойынша Қазақстан Республикасы Қылмыстық кодексінің 190-бабының 1-бөлігіне (Алаяқтық) сәйкес сотқа дейінгі тергеп-тексеру әрекеттері жүргізілуде. Күдіктіге қатысты «ешқайда кетпеу және тиісті мінез-құлық туралы қолхат» түрінде бұлтартпау шарасы таңдалды.

Қазақстан және Қызылорда облысының жаңалықтары