<a href="https://kyzylorda-news.kz/">Kyzylorda-news.kz.</a> Қазақстанда өткен тәулікте 958 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша:
Алматы қаласы – 174
Ақмола облысы – 2
Ақтөбе облысы – 21
Алматы облысы – 150
Атырау облысы – 16
Шығыс Қазақстан облысы – 12
Жамбыл облысы – 309
Батыс Қазақстан облысы – 214
Қарағанды облысы – 22
Қостанай облысы – 7
Қызылорда облысы – 1
Павлодар облысы – 20
Солтүстік Қазақстан облысы – 8
Түркістан облысы – 2

Covid-19: Қызылордада 1 адам індеттен айықты

<a href="https://kyzylorda-news.kz/">Kyzylorda-news.kz.</a> Өткен тәулікте коронавирус инфекциясы 54 адамнан анықталды, деп хабарлайды coronavirus2020.kz.
Оның ішінде:
Нұр-Сұлтан қаласында – 3,
Алматы қаласында – 24,
Шымкент қаласында – 4,
Ақмола облысында – 3,
Ақтөбе облысында 3,
Алматы облысында – 2,
Атырау облысында – 1,
Шығыс Қазақстан облысында – 1,
Жамбыл облысында – 0,
Батыс Қазақстан облысында – 3,
Қарағанды облысында – 3,
Қостанай облысында -1,
Қызылорда облысында -1,
Маңғыстау облысында – 0,
Павлодар облысында – 0,
Солтүстік Қазақстан облысында – 5,
Түркістан облысында – 0.
Елімізде коронавирус инфекциясын жұқтырғандар саны 1 304 560 жетті.

Қызылордада 1 адамнан коронавирус анықталды

<a href="https://kyzylorda-news.kz/">Kyzylorda-news.kz.</a> Синоптиктер 15 наурызға арналған ауа райы болжамын жариялады.
Атмосфералық фронтальды бөліктердің өтуімен Қазақстанның басым бөлігінде жауын-шашын, республиканың солтүстік жартысында негізінен қар түрінде жаяу бұрқасынмен, оңтүстік жартысында негізінен жаңбыр түріндегі жауын-шашын болжанады.
Ал Қызылорда облысында күн жауын-шашынсыз, өңірдің солтүстігінде тұман түседі.

Сейсенбіге арналған ауа райы болжамы

<a href="https://kyzylorda-news.kz/">Kyzylorda-news.kz.</a> Жақын арада тұрғын үй бағасы айтарлықтай көтерілмейді. Бірінші вице-премьер Роман Скляр осындай болжам жасады, деп хабарлайды <a href="https://sputnik.kz/20220314/turgyn-uy-bagasy-23502431.html">Sputnik Қазақстан</a>.
<blockquote>
 «Жуық арада баға айтарлықтай өспейді. Әрине, ешкім кепілдік бере алмайды, бірақ тұрғын үй бағасының күрт өсуіне ешқандай маңызды алғышарт көріп тұрған жоқпыз», – деді Скляр мәжіліс кулуарында.
</blockquote>
Оның айтуынша, қазір баспана бағасы тұрақты, әсіресе, Ресеймен шекаралас өңірлерде. Ол жақта құрылысқа қажетті материалдардың бір бөлігі Ресейден сатып алынады.
<blockquote>
 «Бәрімізге белгілі себептерге байланысты ресейлік материалдардың бағасы қазір бізге қарағанда анағұрлым төмен. Дәл қазір отандық құрылыс материалдарын өндірушілерді қолдау үшін шара қабылдайтын уақыт. Бағам құбылып тұр. Құрылыста пайдаланылатын материалдар – негізінен бізде өндірілген», – деді ол.
</blockquote>
Скляр тұрғын үй нарығындағы жағдайға толық баға беру үшін уақыт қажет екенін атап өтті.

Тұрғын үй бағасы қымбаттай ма?

<a href="https://kyzylorda-news.kz/">Kyzylorda-news.kz.</a> Қызылорда станциясының желілік полиция&nbsp; бөлімі жеке құрамымен&nbsp; террористік тұрғыдан осал объектілердің терроризмге қарсы қорғалуы жөнінде жалпылама түсіндірме жұмыстарын жүргізді. Оған Қызылорда облысының ҰҚК қызметкерлері мен ОПД ЭҚІҚБ-ның қызметкерлері қатысты.
&nbsp;Сабақ барысында қызметкерлерге террористік тұрғыдан осал объектілердің терроризмге қарсы қорғалуын ұйымдастыруға қойылатын талаптар түсіндірілді. Террористік көріністерге ден қою, сондай-ақ жасалған терроризм актісінің нәтижесінде туындаған техногендік сипаттағы қатерлерді жою мәселелері бойынша өз-ара іс-қимылды ұйымдастыру жұмыстары жөнінде айтылды. Сонымен қатар көп шоғырланатын темір жол вокзалдарында бөгде заттар табылған жағдайда полиция қызметкерлері тарапынан жүргізілетін жұмыстар талқыланды. &nbsp;
Қызмет барысында жат ағым өкілдерін ажыратып, қызметкерлерге оң көзқарас қалыптастыру барасы түсіндірілді.

Терроризммен күрес – баршаның міндеті

<a href="https://kyzylorda-news.kz/">Kyzylorda-news.kz.</a>&nbsp;Қызылорда облыстық құрылыс, сәулет және қала құрылысы басқармасы басшысының орынбасары қамауға алынды, деп хабарлайды <a href="https://24.kz/kz/zha-aly-tar/o-i-a/item/533284-14-million-te-ge-zhym-yr-an-yzylordaly-sheneunik-amau-a-alyndy">«Хабар 24»</a>.
Оған қаржы жымқырды деген айып тағып отыр. Шенеунік құрылысы бітпеген нысанды қабылдау барысында 14 жарым миллион теңгені өз пайдасына жаратқан. Қазір іске қатысы бар басқа да тұлғалар анықталып жатыр. Күдіктінің кінәсі дәлелденсе, 12 жыл бас бостандығынан айыру және мүлкін тәркілеу жазасы тағайындалуы мүмкін.

Қызылордада 14 млн. теңге жымқырған шенеунік қамауға алынды

<a href="https://kyzylorda-news.kz/">Kyzylorda-news.kz.</a>&nbsp; Ертең, 15 наурыздан бастап Қызылорда қаласындағы Тәуелсіздікке 25 жыл даңғылы жабылады.
Қала әкімідігінің хабарлауынша Арай-3 тұрғын ауданына мектеп салынбақ. Сайда орналасқан жер учаскесін «Сырдария» өзені табанынан шыққан құммен толтыру жұмыстары жүргізіледі.
Сол себептен Тәуелсіздікке 25 жыл даңғылымен (Арай-2 тұсынан және «Арай-Шұғыла» тұрғын ауданына Тәуелсіздікке 25 жыл даңғылынан кіретін жол аралығы) ауыр жүк көліктерінің үздіксіз қатынауына орай 1 ай мерзімге жол жабылады.
<blockquote>
 «Сабалақ, Наурыз, әуежай жолында орналасқан саяжай тұрғындары үшін қала орталығына Эдельвейс саяжайы арқылы сол жағалаудағы жаңадан салынған магистралды жолмен қатынауды ұсынамыз. Уақытша қолайсыздықтар үшін кешірім сұраймыз және түсіністікпен қарауға шақырамыз», – делінген қала әкімдігінің хабарламасында.
</blockquote>
<img src="https://kyzylorda-news.kz/wp-content/uploads/2022/03/slajd1-1.jpg" alt="" />

Қызылорда:  Тәуелсіздікке 25 жыл даңғылы жабылады

<a href="https://kyzylorda-news.kz/">Kyzylorda-news.kz.</a>&nbsp; Өңіріміздің барлық дүкендерінде қант өнімдерін жаппай сатып алу жағдайлары орын алуда. Шағын дүкендерде сөрелер бос тұр. Осы жағдайды пайдаланғандар қант бағасын 450 теңгеге аудандарда 600 теңгеге дейін көтеріп сатқандары белгілі. Ірі супермаркеттер қантты тәулігіне шектелген мөлшерде адам басына 3-4 килограмнан беруге мәжбүр.
Бұл алыпсатарлардың қолдан жасаған жасанды дүрбелеңі дейді Өңірлік коммуникациялар қызметінде өткен брифингте облыстық ауыл шаруашылығы басқармасы басшысының орынбасары Айнұр Тлеулеева.
Облыста 334,2 тонна көлемінде қант қоры бар. Оның 106,6 тоннасы сауда үйлерінде, ал тұрақтандыру қорында 100,0 тонна. Жалпы елімізде қант тапшылығы жоқ.
<blockquote>
 Әлеуметтік желілерде бірнеше күн қатарынан қант тапшылығына байланысты жалған ақпараттар таралуда. Елімізде қант өндірісі күнделікті өндірілуде және тапшылық жоқ. Облыс тұрғындарын дүрбелең тудырмауға және жалған ақпараттарға ермеуге шақырамыз, – деді Айнұр Тлеулеева.
</blockquote>
Бүгінде тұрақтандыру қорына «Азық-түлік келісім шарт корпорациясы» ҰҚ» АҚ арқылы қосымша 136 тонна қант өнімін сатып алу бойынша жұмыстар атқарылуда.
<blockquote>
 «Қазіргі таңда әлеуметтік дүкендер мен бұрыштарда қант бағасы 263 теңгеден сатылып жатыр. Алдағы уақытта 2 вагонмен қант жеткізіледі. Бұл жобамен 4 айға дейін қант қоры жеткілікті деп отырмыз», – деді “Байқоңыр” ӘКК” АҚ басқарма төрағасының орынбасары Жеңісбек Ахметов.
</blockquote>

Жеңісбек Ахметов: Әлеуметтік дүкендерде қант бағасы 263 теңгеден сатылып жатыр

<a href="https://kyzylorda-news.kz/">Kyzylorda-news.kz.</a> Бүгін Қазалы ауданы Ақтан батыр ауылында Наурыз мерекесінің бастауы – Көрісу күніне арналған «Наурызнама бастауы – көрісу күні» атты мерекелік шара өтті.
Шарада аудан әкімі Мұхтар Оразбаев жиналған жұртшылықты Наурыз мерекесімен, сондай-ақ Көрісу күнімен құттықтады.
<blockquote>
 «Тарихи деректерге сүйенсек, бүгін – ежелгі қазақ даласында Наурыздың басталған күні. Бұл күн қазақ халқында ізеттілік пен мейірімділікті, ауызбіршілік пен татулықты дәріптейді. Жақсылықтың нышаны болған бұл мейрам – халқымыздың рухани әлемінің бір көрінісі. Бұл күні адамдар арадағы өкпе-ренішті ұмытып, бір-біріне береке-бірлік тілейді. Әсіресе, аға буын өкілдері мейрамның тәрбиелік мәніне ерекше назар аударған. Біздің көпұлтты еліміз үшін достықты, ынтымақты үлгі ететін осындай жарқын мерекенің маңызы зор. Сондықтан бүгінгі шарада барша қазалылықтарды Көрісу күнімен шын жүректен құттықтаймын! Рухымыз биік, іргеміз берік, еліміз аман, жұртымыз тыныш болсын» – деді Мұхтар Әуесұлы.
</blockquote>
Мерекелік шара барысында өнер ұжымдарының қатысуымен Көрісу күнінің мән-мағынасын түсіндіретін қойылымдар көрсетіліп, Наурызға арналған әсем әуендер шырқалды.
Сондай-ақ, Ақтан батыр ауылындағы «Орталық саябақта» спорттық ойындар ойнатылып, көшеттер отырғызылды.
<img src="https://kyzylorda-news.kz/wp-content/uploads/2022/03/275911529_3301539860066938_1101992978016996445_n.jpg" alt="" />
<img src="https://kyzylorda-news.kz/wp-content/uploads/2022/03/275977492_3301539993400258_7451433326697412338_n.jpg" alt="" />
<img src="https://kyzylorda-news.kz/wp-content/uploads/2022/03/275915397_3301540240066900_2633729557196724034_n.jpg" alt="" />
<img src="https://kyzylorda-news.kz/wp-content/uploads/2022/03/275914705_3301540470066877_4292218708243120253_n.jpg" alt="" />
<img src="https://kyzylorda-news.kz/wp-content/uploads/2022/03/275924853_3301540026733588_2992798687669239923_n.jpg" alt="" />

Қазалылықтар Көрісу күнін атап өтті

<a href="https://kyzylorda-news.kz/">Kyzylorda-news.kz.</a> Қызылорда облысы әкімінің аппарат басшысының орынбасары лауазымына Ахмет Берлібек Әнуарбекұлы тағайындалды.
Ахмет Берлібек Әнуарбекұлы 1979 жылы Қызылорда облысы Жалағаш ауданында дүниеге келген.
Қорқыт Ата атындағы Қызылорда гуманитарлық университетін «Қолданбалы математика» және «Болашақ» университетін қаржы мамандығы бойынша тәмамдаған.
Еңбек жолын 2000 жылы Қызылорда қаласында «Көлік қызметі» мемлекеттік коммуналдық мекемесінде компьютер бойынша инженері болып бастаған.
2003-2004 жылдары Қызылорда қалалық шағын және орта бизнесті қолдау бөлімінің маманы, жетекші маманы;
2004-2005 жылдары Қызылорда қаласы әкімі аппаратының ұйымдастыру-бақылау бөлімінің маманы, жетекші маманы;
2005-2007 жылдары Қызылорда қалалық экономика және бюджеттік жоспарлау бөлімінің экономикалық, инвестициялық саясат бөлімінің бас маманы;
2007-2010 жылдары Қызылорда облысының жұмыспен қамтуды үйлестіру және әлеуметтік бағдарламалар департаментінің бөлім бастығы;
2010-2015 жылдары Қызылорда облысы әкімі аппаратының ұйымдастыру-инспекторлық жұмыс және аймақтық даму бөлімінің талдау тобының бас инспекторы;
2015-2019 жылдары Қызылорда облысының ветеринариялық бақылау басқармасы басшысының орынбасары қызметтерінде болды.
2019 жылдың маусым айынан бастап Қызылорда облысы әкімі аппаратының ұйымдастыру-инспекторлық жұмыс және аймақтық даму бөлімінің басшысы қызметін атқарып келді.
<img src="https://kyzylorda-news.kz/wp-content/uploads/2022/03/berlibek.jpg" alt="" />

Қызылорда облыс әкімі аппараты басшысының орынбасары тағайындалды

<a href="https://kyzylorda-news.kz/">Kyzylorda-news.kz.</a> Барлық өңірде тәртіпсіздіктерге қатысушылармен кездесу нәтижесінде бәріне бірдей ортақ белгілері барын анықтадық. Ол – жаппай тәртіпсіздіктің бір кезеңде басталуы, арандатушы топтың болуы, олардың ортақ бір талаптарының болуы. Бұл туралы заңгер, «Аманат» комиссиясының төрағасы Абзал Құспан Мәжілістің бүгінгі жалпы отырысында айтты.
Оның айтуынша, «Аманат» комиссиясының мүшелері жергілікті прокуратура өкілдерінің көмегімен тергеу изоляторларына кіріп, қамауға алынғандардың жағдайымен таныстқан. Олармен жеке кездесіп, іске қатысты мәліметтерді өз ауыздарынан естіген.
<blockquote>
 «Прокуратура органдарындағы тергеу ісі материалдарымен таныстық. Нәтижесінде комиссия жергілікті прокуратура өкілдерінің көмегімен 300-ден аса қамауда ортырған адамды босатуға қол жеткізді. Бұл бағыттағы жұмыстар жалғасын табады», – деді Абзал Құспан.
</blockquote>
Сондай-ақ ол соңғы үш апта көлемінде комиссия өңірлерге шықпай-ақ өз жұмысын орталық мемлекеттік және құқық қорғау органдары арқылы жүйелі түрде атқарып жатқанын жеткізді. Бұл жұмыстар Республика бойынша қаңтар оқиғасындағы картинаны білуге және оған қатысты құқық қорғау органдары тарапынан атқарылған жұмыстар мен бірқатар кемшіліктер мен жетістіктер туралы алдын ала қорытынды жасауға мүмкіндік берген.
<blockquote>
 «Біріншіден, қоғамды мазалайтын ең маңызды сұрақтың бірі – Қаңтар оқиғасы сияқты қырғын қалай орын алды? Терроризм болды ма? Оның ұйымдастырушылары кімдер?, деген төңіректе. Барлық өңірде тәртіпсіздіктерге қатысушылармен кездесу нәтижесінде бәріне бірдей ортақ белгілері барын анықтадық. Ол – жаппай тәртіпсіздіктің бір кезеңде басталуы, арандатушы топтың болуы, олардың ортақ бір талаптарының болуы. Мысалы, бірдей уақытта шеруге шыққандарды облыс, қала әкімдігін басып алуға үгіттеушілер болған. Жекелеген жағдайда құқық қорғау органдарының жедел қимылдамауы, кейде мүлдем әрекетсіздік танытуы», – деді ол.
</blockquote>
Сонымен қатар ол Оңтүстік өңірлерде бейбіт шеруге қатысушылар өздері көрмеген, танымайтын әскери тәртіптегі белгісіз адамдардың болғанын айтқан.
<blockquote>
 «Бұл жағдайлар әу бастау бейбіт басталған митингілерді жаппай тәртіпсіздікке ұластыруға мүдделі топтардың болғанын және олардың орталықтандырылған түрде мақсатты жұмыс істегеніне біздің көзімізді жеткізе түсті»,-деді комиссия төрағасы.
</blockquote>
<a href="https://baq.kz/qantar-oqigasyn-uyymdastyrushylar-ortalyqtandyrylgan-maqsatty-turde-zhumys-istegen-abzal-quspan_273568/">Baq.kz</a>

Абзал Құспан: Қаңтар оқиғасын ұйымдастырушылар орталықтандырылған, мақсатты түрде жұмыс істеген

<a href="https://kyzylorda-news.kz/">Kyzylorda-news.kz.</a>&nbsp;Тәуелсіздікті алғашқы жылдарында еліміздің әкімшілік-аумақтығын ұйымдастыру, жер иелену, жерді пайдаланудың құқықтық мәртебесін бекіту, түрлі нысан салу үшін әртүрлі карта мен атластар құрастырудың жұмыстары Жерге орналастыру, геодезия және картография саласына жүктелді.
1991 жылы Казақ КСР Президентінің жарлығымен Қазақстан Республикасы жер қатынастары және жерге орналастыру мемлекеттік комитеті құрылды. Осы жылдан бастап өңірде арнайы кен орындарында алғашқы шаруа қожалықтары ұйымдастырыла бастады, ауыл шаруашылық кәсіпорындарының жерлерін трансформациялауға, жекешелендіруге және жекешелендіруге байланысты қайта бөлу бойынша жұмыстар жүргізілді. Нәтижесінде бизнестің жаңа түрлері, шағын кәсіпорындар, өндірістік кооперативтер, серіктестік құрылды. Жер реформасы басталғаннан бастап бүгінгі күнге дейін жер жұмыстарын басқару қызметі аталған жұмыстардың алдыңғы қатарында болды.
2016 жылдан бастам жерге орналастыру, геодезия және картография қызметтері Цифрлық даму, инновациялар және аэроғарыш өнеркәсібі министрлігінің «Азаматтарға арналған үкімет» мемелекеттік корпорация құзыретілігіне өтті.
Бүгінгі таңда «Азаматтарға арналған үкімет» Мемлекеттік корпорациясының Қызылорда облыстық филиалындаЖерге орналастыру, геодезия және картография саласы бойынша 107 азамат қызмет атқарады. Аталған мамандық иелерінің мерекесіне орай облыстық филиал мен Кәсіподақ ұйымы шара өткізді.
Достық үйінде өткен шараға облыстық мәслихаттың хатшысы Наурызбай Байқадамов, филиал директоры Айнұр Тобаева сала мамандары мен ардагерлері қатысты.
Алдымен кеш қонақтары ғимарат фойесінде орналасқан Жерге орналастыру, геодезия және картография саласының құрал жабдықтары қойылған көрмемен танысты.
Мұнан соң облыстық мәслихаттың хатшысы Наурызбай Байқадамов сала қызметкерлері мен ардагерлерін төл мерекесімен құттықтап, 5 маманға «Алғыс хат» табыстады. Жалпы осы күні «Азаматтарға арналған үкімет» мемлекеттік корпорациясы» басқарма төрағасы Әділ Қожыховтың «Алғыс хатымен» 5 қызметкер, Қызылорда қаласы әкімі Ғанибек Қазантаевтың «Алғыс хатымен» 22 қызметкер мен ардагер марапатталды. Сонымен қатар, Салалық кәсіподақ төс белгісін 5 адам кеудесіне тақты.
Бұдан әрі мерекелік шара концерттік бағдарламаға ұласып, әсем әннен шашу шашылды.

Қазақстан және Қызылорда облысының жаңалықтары