Kyzylorda-news.kz. Наурыз мерекесіне орай Қасым-Жомарт Тоқаевтың атына шет мемлекеттердің басшыларынан, халықаралық ұйымдардың жетекшілерінен құттықтау жеделхаттары келіп түсуде, деп хабарлайды Ақорданың баспасөз қызметі.
АҚШ Президенті Джо Байден өз құттықтауында Мемлекет басшысына денсаулық және Қазақстан халқына бақ-береке тілеген.
– Бейбітшілік пен жаңаруға үндейтін бұл күні Құрама Штаттардағы және бүкіл әлемдегі көптеген адам осынау керемет мейрамды Сізбен бірге тойлайды. Қазақстан мен АҚШ 30 жылдан бері берік әрі тұрақты серіктестікке негізделген дипломатиялық қатынастарды жалғастырып келеді. Менің Әкімшілігім халқыңыздың экономикалық, әлеуметтік және саяси мүмкіндіктерін қалыптастыруды көздейтін реформаларыңыздың бағдарламасына қолдау көрсетеді. Наурыз құтты болсын! – делінген Джо Байденнің жеделхатында.
Өзбекстан Президенті Шавкат Мирзиёев Наурыз мерекесі Орталық Азия халықтарының ортақ мақсаты мен арманын білдіретін мейрам екенін атап өткен.
– Адамзат тарихында үлкен орын алатын осы айтулы мереке халықтарымыз бен елдеріміз арасындағы достық арқауын бекемдеуге, ынтымақтастық пен үйлесімді қатынастарды нығайтуға өлшеусіз үлес қосады. Біз екі ел арасындағы өзара сенім мен құрметке негізделген тату көршілік байланыстарымызды, стратегиялық серіктестігіміз бен одақтастық қатынастарымызды одан әрі кеңейте беретініміз сөзсіз, – делінген құттықтау хатта.
Тәжікстан Президенті Эмомали Рахмон өз құттықтауында қазіргі күрделі әлеуметтік-экономикалық және геосаяси жағдайда өзара құрмет пен қолдаудың, достық пен бірліктің, бейбітшілік пен тұрақтылықтың, өрлеу мен жасампаздықтың биік мақсаттарына үндейтін көктем мерекесінің жалпыадамзаттық құндылықтарының мәні арта түсетінін жазған.
–Қастерлі Наурыз мерекесінің ізгі дәстүрлеріне негізделген Тәжікстан мен Қазақстан арасындағы достық, стратегиялық серіктестік қатынастары халықтарымыздың түпкі мүдделеріне сәйкес алдағы уақытта да дамып, кеңейе береді, – деп жазған Эмомали Рахмон.
Әзербайжан Президенті Ильхам Әлиевтің құттықтау жеделхатында Әзербайжан мен Қазақстан арасындағы достық, тату көршілік және ынтымақтастық бүгінде Наурыз мейрамының ежелгі дәстүрлерін сақтап келе жатқан халықтарымыздың мүддесі жолында одан әрі дамып, нығая түсетініне сенім білдірді.
– Өзімнің және әзербайжан халқының атынан Сізді және халқыңызды қасиетті Наурыз мейрамымен шын жүректен құттықтаймын. Бұл мереке – табиғатқа деген шексіз махаббат пен үлкен құрметтің белгісі. Мыңдаған жылдар бойы сынаққа төзіп келген өмірлік философияның нышаны, – делінген құттықтау жеделхатта.
Президент Қасым-Жомарт Тоқаевтың атына өз құттықтауларын Түркі мемлекеттері ұйымының бас хатшысы Бағдат Әміреев, Кавказ мұсылмандар басқармасының төрағасы, ТМД дінаралық кеңесінің төрағалығын қоса атқарушы шейх-уль-ислам Аллахшүкір Паше-заде, «Шеврон» корпорациясы еуразиялық бөлімшесінің басқарушы директоры Дерек Магнесс, Еуразиялық даму банкінің басқарма төрағасы Николай Подгузов, Байқоңыр қаласы қалалық әкімшілігінің басшысы Константин Бусыгин және басқалары жолдады.
Құттықтау жеделхаттары әлі де келіп түсуде.

Наурыз мейрамы:   Қазақстан Президентінің атына құттықтау хаттар келіп түсті

Kyzylorda-news.kz. Мемлекет басшысы Қасым-Жомарт Тоқаев Алматы қаласының «Астана» алаңындағы мерекелік іс-шараға қатысып, барша қазақстандықтарды Ұлыстың ұлы күнімен құттықтады, деп хабарлайды ҚазАқпарат.
Мемлекет басшысы бұл мейрам ежелден жақсылық пен жасампаздықты дәріптейтін ұлық мереке екенін атап өтті.
<blockquote>
 «Күн мен түн теңеліп, күллі табиғат қайта жаңаратын әз Наурызды қарсы алуға бабаларымыз ерекше мән берген. Жыл басын – Ұлыстың ұлы күні деп ардақтаған. Әз Наурыз – береке-бірліктің, шынайы жанашырлықтың және өзара қамқорлықтың мейрамы. Мен бүгін Ұлыс күнін өздеріңізбен бірге қарсы алу үшін Алматыға арнайы келіп отырмын. Алматы – Тәуелсіздігіміздің алтын бесігі. Халқымызға қайта оралған Ұлыс тойын мерекелеу осы қастерлі мекеннен басталды. Алматы – қазақ елінің рухани, мәдени және іскерлік орталығы. Зиялы қауымның, өнер, білім, ғылым, бизнес саласының өкілдері осында шоғырланған», – деді Президент.
</blockquote>
Мемлекет басшысы Қазақстан халқын алдағы ауқымды міндеттерді бірлесе іске асыруға шақырды.
<blockquote>
 «Бір ел, бір халық болып, жаңа Қазақстанды бірге құрайық. Алдымызда тұрған ауқымды міндеттер бар, көп жұмыс бар. Сондықтан бәріміз бірге бір ел болып, осы міндетті атқарайық. Құрметті жастар, бірге болайық, бірге жұмыла еңбек етейік! Тұғыры мығым, бірлігі бекем еліміз жасай берсін! Қазақстанымыз жасай берсін, мәңгі болсын! Әз Наурыз құтты болсын! Баршаңызға аманшылық тілеймін!» – деді Қасым-Жомарт Тоқаев.
</blockquote>

Қасым-Жомарт Тоқаев барша Қазақстан халқын Ұлыстың ұлы күнімен құттықтады

Kyzylorda-news.kz. Мәжіліс депутаттары өңірлердегі сапар барысында Сыр өңірінде ауыл шаруашылығы мәселелерін <a href="https://turkystan.kz/article/172604-mezhilis-deputattary-syr-onirinde-auyl-sharuashylygy-meselelerin-talkylady/">талқылады</a>.
Мәжіліс төрағасының орынбасары Балайым Кесебаева Экология, геология және табиғи ресурстар министрлігінің вице-министрі Серік Қожаниязовпен бірге Жаңақорған ауданындағы Келінтөбе магистральді каналын тазалау жұмысын көзбен көріп, аудандағы ауыл шаруашылығы тауарларын өндірушілермен кездесті.
Сапар барысында Шиелі магистральді каналынан Қамыстықақ каналына насос қондырғысы арқылы қосымша су беру жұмыстарымен танысып, жүзеге асырылуы тиіс жобаларды талқылады. Сонымен қатар депутаттар осы өңірдегі шаруа қожалықтарының иелерімен кездесіп, пікір алысты.
Кездесуде кәсіпкерлік, ауыл шаруашылығы дақылдарын суармалы сумен қамтамасыз ету, егін егу маусымына дайындық, суды үнемдеу, суды көп талап ететін дақылдарды қысқарту және ауыл шаруашылығындағы субсидиялау мәселелері көтерілді.

Мәжіліс депутаттары іссапармен Қызылорда облысына келді

Kyzylorda.news.kz. Бүгін таңертең Президент Қасым-Жомарт Тоқаев Солтүстік Қазақстан облысының әкімі Құмар Ақсақаловтың Петропавл қаласындағы жылу электр орталығында болған апат салдарын жою жұмыстарының барысы туралы есебін тыңдады, деп хабарлай.
<blockquote>
 «Апат салдарынан тұрғын үйлер мен қызметтік мекемелер жылусыз қалған болатын. Әкімнің айтуынша, жұмыс комиссиясы құрылған. Оның құрамына әкімдіктің, ТЖМ-нің және басқа да құзырлы ведомстволардың қызметкерлері, сондай-ақ аталған саланың жобалаушылары мен мамандары енген.Компания басшысы – жылу электр орталығының меншік иесі келеді деп күтілуде. Президент облыс орталығы мен басқа да елді мекендердің тұрғындарын тез арада жылумен қамтамасыз етуді тапсырды» делінген Ақорданың баспасөз қызметі таратқан мәліметте.
</blockquote>

Петропавлдағы апат: Президент тұрғындарды тез арада жылумен қамтуды тапсырды

Kyzylorda-news.kz. 21 наурызда Қазақстанның басым бөлігінде аздаған боран, жел соғады, – деп хабарлайды&nbsp; “Қазгидромет” РМК.
Солтүстік Қазақстан облысының басым бөлігінде қар жауады деп болжанған. Облыстың солтүстігі мен батысында баяу бұрқасын болады. Оңтүстік-батыстан соғатын жел екпіні 15-20, оңтүстікте жел екпіні секундына 23-28 метрге жетеді.
Қызылорда облысының солтүстігінде тұман түседі. Солтүстік жел оңтүстік-батысқа ауысып, күндіз облыстың орталығы мен солтүстігінде секундына 15-20 метр жылдамдықпен соғады.

21 наурызға арналған ауа райы болжамы

Kyzylorda-news.kz. Петропавлда жылу-электр орталығының бір мұржасы жартылай құлады, әзірге зардап шеккендер туралы ақпарат түскен жоқ, деп хабарлайды ҚазАқпарат.
«СевКазЭнерго» АҚ баспасөз қызметінің мәліметінше, Петропавлдағы № 2 жылу-электр орталығының бір мұржасы құлаған. Қазір оқиға орнында арнайы қызметтер, соның ішінде төтенше жағдайлар департаментінің мамандары жұмыс істеп жатыр. Жедел жәрдем қызметі де апат орнында. Жұмысшылар түгенделіп жатыр.
СҚО денсаулық сақтау басқармасы баспасөз қызметінің мәліметінше, жедел жәрдем қызметіне хабар сағат 19.20-да түскен. Әзірге зардап шеккендер туралы мәлімет жоқ.

Петропавлда жылу-электр орталығының мұржасы құлады

Kyzylorda-news.kz. Көктем шықса егін егу науқаны басталады. Зейнеті мен бейнеті қатар жүретін егін кәсібі көктемгі дала жұмыстарына тыңғылықты дайындықты қажет етеді. Биылғы аудан шаруаларының көктемгі егін науқанына дайындық жұмысымен танысу мақсатында бүгін ҚР Парламенті Сенатының депутаттары Мұрат Бақтиярұлы мен Ақмарал Әлназарова және облыстық мәслихат хатшысы Н. Байқадамов жұмыс сапарымен Қармақшы ауданы Жаңажол ауылдық округінде болып, аудан көлеміндегі шаруашылық басшыларымен кездесті.
Кездесуде «Жаңажол» ЖШС-нің директоры, «AMANAT» партиясының мүшесі, облыстық мәслихат депутаты О. Төлепов ауылшаруашылығындағы бірқатар мәселелерді көтерді.
Сондай-ақ, ауданның көктемгі егінге дайындық жұмыстары, субсидиялау мәселесі мен тыңайтқыш бағасының өсуі және су мәселелері талқыланды. Атап айтар болсақ, 2021 жылы аудан бойынша жалпы көлемі 24747 гектар егін орналастырылып, егіс алаңдарын диверсификациялау бойынша күріш көлемі&nbsp; 13156 гектар, майлы дақылдар 1085 гектар, жаздық бидай 1081 гектар, арпа 150 гектар,&nbsp; жүгері 80 гектар, күнбағыс 10 гектар, мал азықтық дақылдар 7670 гектар, картоп, көкөніс, бақша дақылдары 1521 гектар&nbsp; алаңға орналастырылған.
Өткен жылы су тапшылығына байланысты күріш егісінің көлемі былтырғы көлемнен 500 гектарға қысқарып, есесіне әртараптандыру дақылдарының көлемі 1677 гектарға, картоп, көкөніс, бақша дақылдарының көлемі 298 гектарға, мал азықтық дақылдарының көлемі 1006 гектарға артық.
Өз кезегінде ағымдағы жылға барлығы 26 824 га егіс орналастыру жоспарланып отыр. Оның ішінде, күріш – 14 000 га, мақсары – 1100 га, жаздық бидай – 1100 га, арпа – 200 га, жүгері – 100 га, күнбағыс – 12 га, картоп – 483 га, көкөніс – 448 га, бақша – 600 га, соя – 50 га, мал азықтық дақылдар – 8731 га орналастыру жоспарлануда.
Қазіргі таңда көктемгі егіс жұмыстарына дайындық жұмыстары жүргізілуде. 
Одан соң, ҚР Парламенті Сенатының депутаттары мен облыстық мәслихат хатшысы Жосалы кентіндегі 1986 жылы салынған аудандық орталық ауруханаға барып, аурухана қызметкерлерімен, ардагерлермен, аудандық мәслихат депутаттарымен кездесті.
Аталған ауруханада жылына 6200 адам ем алады. Бүгінгі таңда ғимараттың тозығы жетіп, 10 жыл көлемінде ешқандай жөндеу жұмыстары жүргізілмегендіктен науқастардың талапқа сай ем алуына жағдай жасалмай отыр. Сол себепті шұғыл түрде заман талабына сай жаңа аурухана құрылысын салу не болмаса аудандық аурухана ғимаратына күрделі жөндеу жұмыстарын жүргізу қажеттілігі туындауда. Сондай-ақ, тұрғындарға сапалы медициналық көмек көрсету үшін заманауи материалдық-техникалық құралдармен жабдықтау және жылыту қазандығын газға ауыстыру үшін облыстық немесе республикалық бюджеттен қаржы бөліну қажет.

Сенат депутаттары көктемгі егін науқанына дайындық барысымен танысты

<a href="https://kyzylorda-news.kz/">Kyzylorda-news.kz</a>. Жеңілдетілген автонесие шарттары қашан белгілі болатыны айтылды.
Талаптар мен критерийлер биыл сәуірдің аяғына дейін бекітілмек.
<blockquote>
 «Отандық техниканы сатып алу шарттары, сондай-ақ қаржыландыру тәртібі мемлекеттік органдарда келісу рәсімдерінен өту сатысында. Сәуірдің соңына дейін барлық рәсімдерді аяқтау жоспарланып отыр», – делінген хабарламада.
</blockquote>
Индустрия және инфрақұрылымдық даму министрлігі Экология, геология және табиғи ресурстар министрлігімен бірлесе отырып, “Жасыл Даму” АҚ қаражаты есебінен Қазақстан азаматтарының жеңілдетілген несиеге автокөліктер сатып алуы, сондай-ақ автобустар паркін жаңарту бағдарламасын әзірлеп жатыр.
<blockquote>
 «Жеңілдетілген несиелендіру бағдарламасы бойынша қаржыландырудың жалпы сомасы шамамен 100 миллиард теңге және Қазақстан аймақтарында автобустарды жаңартуға шамамен 30 миллиард теңге. Мәселен, халық үшін сатып алу шарттары 0 пайыздан бастап бастапқы жарна, несие мерзімі 7 жылға дейін, сатып алушы үшін 1 бірлік автокөлік үшін несиенің максималды сомасы 10 000 000 теңгеден аспайды», – делінген хабарламада.
</blockquote>
<a href="https://massaget.kz/mangilik_el/janalyiktar/67618/">massaget.kz</a>

Жеңілдетілген автонесие шарттары қашан белгілі болады?

Kyzylorda-news.kz. Қызылорда облысының санитариялық-эпидемиологиялық бақылау департаментінің баспасөз қызметі Наурыз мерекесінде тағамнан уланудың алдын алуға шақырды.
Дәстүр бойынша бұл мерекеде дастарқан жайылып, тағамдардың алуан түрі, наурыз көжеден бастап, балқаймақ, тіске басарлар, кондитерлік өнімдер молынан дайындалады. Алайда, жеке бас гигиенасын ұстанбау, тағамды дайындау, тасымалдау мен сақтау технологияларын бұзу жедел ішек инфекциясы мен тағамнан улану жағдайларына алып келуі әбден мүмкін. Сондықтан Наурыз мейрамында тағамнан уланулардың алдын алу үшін үй жағдайында да, қоғамдық тамақтану орындарында да кейбір ережелерді сақтау қажет.
– тағамдарды мерекелік үстелге дайындаған кезде оларды сақтау және тұтыну мерзімдерін сақтаңыз. Мерзімі өтіп кеткен жарамсыз өнімдерді еш өкінбестен қоқысқа тастаңыз;
– шикі және дайын тағамдарды бірге сақтауға жол бермеңіз;
– әзірленген тағамды бөлме температурасында 2 сағаттан артық уақытқа қалдырмаңыз, тез бұзылатын тамақтарды уақытынан бұрын әзірлемеңіз;
– ветеринариялық-санитариялық анықтамасы жоқ барлық ауыл шаруашылық жануарларының еті мен өнімдерін, ақауы бар консервілерді, қабығының бүтіндігі бұзылған көкөністер мен жемістерді, қаптамасында мемлекеттік немесе орыс тілінде қажетті ақпараты жоқ өнімдерді пайдаланбаңыз.
Мереке күндері көбінесе қоғамдық тамақтану нысандары мен сауда орындары көп мөлшерде кулинарлық, сондай-ақ, кондитерлік өнімдерді дайындап, пісіреді. Осыған байланысты тамақ өнімдерінің сапасы мен қауіпсіздігін куәландыратын құжаттардың болуына, оларды сақтау және іске асыру шарттарына назар аудару қажет.
Сонымен қатар мейрамханалар, кафе және азық-түлік дүкендері басшыларының Наурыз мейрамы күндерінде уланудың алдын алуға көңіл бөлуді сұраймыз.

Наурыз мерекесінде тағамнан уланудың алдын алыңыз

Kyzylorda-news.kz. Қазақстанда 463 адам коронавирус инфекциясынан жазылып шықты, деп хабарлайды coronavirus2020.kz.
Аймақтар бойынша: Нұр-Сұлтан қаласында – 9, Алматы қаласында – 32, Шымкент қаласында – 0, Ақмола облысында – 3, Ақтөбе облысында – 0, Алматы облысында – 41, Атырау облысында – 0, Шығыс Қазақстан облысында – 3, Жамбыл облысында – 94, Батыс Қазақстан облысында – 167, Қарағанды облысында – 26, Қостанай облысында – 7, Қызылорда облысында – 1, Маңғыстау облысында – 1, Павлодар облысында – 12, Солтүстік Қазақстан облысында – 67, Түркістан облысында – 0.
Елімізде барлығы 1 285 159 адам COVID-19-дан емделіп, сауығып шықты.

Қызылордада 1 адам коронавирустан жазылды

Kyzylorda-news.kz. Сырдария өзеніндегі су тапшылығы басты мәселенің бірі. Қазіргі таңда вегетация жұмыстарына дайындық жүргізілуде.
7 наурызда 3 мемлекеттің министрлігі бас қосып, Тоқтағұл су қоймасына вегетациялық кезеңде суды көбірек беру туралы мәмілеге келген болатын. Өзбекстан, Қазақстан қосымша электр энергиясын беруге келісім берген. Бұл туралы Өңірлік коммуникациялар қызметінде өткен брифингте ҚР экология, геология және табиғи ресурстар вице-министрі Серік Қожаниязов хабарлады.
<blockquote>
 “Үкімет тарапынан ұсынастар жинақталып, әр облысқа көмек шаралары берілетін болады. Мәселен, Қызылорда облысына су тапшылығын болдырмау және жеңілдету мақсатында Үкімет резервінен 3 млрд. 600 млн теңге көлемінде қаржы бөлінеді. Оған 67 насос қондырғысы және қосымша трансформатор алу көзделуде. Жақсы жаңалық, 11 наурыздан бастап жауын-шашын мол түсуіне байланысты судың мөлшері көбейді. 12 наурыз күні секундына 567 текше метр су түссе, бүгінде 1100 текше метр су келуде. Қазіргі уақытта Шардарада 5 млрд. текше метр су бар. Қызылордаға 800 текше су келіп жатыр. Бұл табиғаттың бізге берген үлкен көмегі. Сонымен қатар, алдағы уақытта ауыл шаруашылығы мамандарына күріш көлемін азайтып егуге байланысты түсіндірме жұмыстары жүргізілетін болады”, – деді Серік Салауатұлы.
</blockquote>

Серік Қожаниязов: Қызылордаға 800 текше метр су келіп жатыр

Kyzylorda-news.kz. Қызылорда облысында екпе қабылдауға қабілетті 426 мыңнан астам адам коронавирусқа қарсы вакцина салдырды.
Қызылорда облысында ұжымдық иммунитететті қалыптастыруда 452 мыңнан астам адамның коронавирусқа қарсы екпе қабылдауы жоспарланған. Бұл – облыс тұрғындарының 60 пайызы. Қазір өңірде коронавирусқа қарсы вакцинаның I компонентін 427 004 адам (94,3%) салдырды. Ал II компонентті 419 561 адам (92,7%) адам алған.
<blockquote>
 «Вакцина салдырғандардың басым көпшілігі – облыс орталығының тұрғындары. Ал аудандар бойынша жоғары көрсеткіш – Арал, Қазалы, Жаңақорғанға тиесілі. Кәсіп түрлері бойынша медицина қызметкерлері, мұғалімдер мен күштік құрылымдар қызметкерлері көш бастап тұр. Облыс көлемінде иммундаудан кейін асқыну жағдайлары тіркелген жоқ», – деп мәлімделі облыстық Санитариялық-эпидемиологиялық бақылау департаменті.
</blockquote>

Қазақстан және Қызылорда облысының жаңалықтары

Наурыз мейрамы: Қазақстан Президентінің атына құттықтау хаттар келіп түсті